<a href="https://kyzylorda-news.kz/">Kyzylorda-news.kz</a> Ауыл шаруашылығы ел экономикасындағы басым салалардың бірі болып табылады. Ауылдық жерлерде Қазақстан тұрғындарының 38%-ы тұрады, бұл шамамен 7,6 млн. адамды құрайды. Кірістерді арттыру және жаңа жұмыс орындарын құру мемлекеттік саясаттың басым міндеттері болып табылады. Осыған байланысты, Президенттің тапсырмасы бойынша 2023 жылы іске қосылған «Ауыл аманаты» бағдарламасы көптеген адамдар үшін өз бизнесін бастауға, оны дамытуға, өз өңірінің дамуына үлес қосуға мүмкіндіктер ашуда. «Ауыл аманаты» – «Қуатты өңірлер-ел дамуының драйвері» ұлттық жобасына кіретін бірегей жоба.«Ауыл аманаты» бағдарламасы кәсіпкерлікті дамыту үшін, әсіресе мал шаруашылығы және ауыл шаруашылығы салаларында жеңілдікті кредиттер беру арқылы ауылдық жерлер мен шағын қалалардың тұрғындарын қолдауға бағытталған. Несиелер жылдық 2,5%-бен 5 жылға дейін, ал мал шаруашылығы саласындағы жобалар үшін 7 жылға дейін беріледі. Қарыздың ең жоғары сомасы 2,5 мың АЕК-ке дейін, ал ауыл шаруашылығы кооперативтерін дамыту үшін-8 мың АЕК-ке дейін құрайды.2025 жылы жаңа шағын несие беруге және 8,1 мың жұмыс орнын құруға 50 млрд теңге қарастырылған. Рәсімдердің ашықтығын, өтінімдерді өңдеуді біріздендіруді және деректердің егжей-тегжейлі мониторингін қамтамасыз ететін микрокредиттеудің ақпараттық жүйесін енгізу жоспарлануда. Жүйе мемлекеттік деректер базасымен интеграцияланатын болады, бұл бағдарлама жұмысының тиімділігін арттырады және өтінім беру мен кредит алу үдерісін&nbsp;жеделдетеді.2023-2024 жылдары Бағдарламаны іске асыруға республикалық бюджеттен 120 млрд теңге бөлінді. Бұл қаражат 107,9 млрд теңге сомасына 16,2 мыңнан астам шағын несие беруге мүмкіндік берді, 17,8 мың жаңа жұмыс орны құрылды.Бағдарламаны іске асыру басталғаннан бері өңірлерде 540-тан астам ауыл шаруашылығы кооперативтері құрылды, олардың 537-сі 12,1 млрд теңге сомаға қаржыландыруды алды.Бағдарламаның негізгі элементі облыс әкімдіктеріне қосымша бюджет қаражатын тартпай, кәсіпкерлікті дамыту және кірісті ұлғайту үшін ауыл тұрғындарының шағын несиелерге қолжетімділігін кеңейтуге мүмкіндік беретін револьверлік кредиттеу тетігі болып табылады. Қарыз алушылар револьверлік әдіспен қайтарған қаражат есебінен қосымша 7 млрд теңге сомасына 1 мыңға жуық микрокредит берілді.Бағдарламаны іске асыру басталғаннан бері қатысушылар 1,2 млрд теңге сомасына салық төледі. Ақтөбе, Түркістан және Жамбыл облыстары көшбасшы болып табылады.Мемлекет басшысының тапсырмасы бойынша ауылдық елді мекендер мен шағын қалаларда тауарлық кредиттер беру тетігін іске асыру жөніндегі жол картасы бекітілді. Бұл тетік бизнестің әлеуметтік жауапкершілігі шеңберінде жүзеге асырылады, ал ауыл шаруашылығы өнімдерін өндіруге арналған ауыл шаруашылығы жануарлары, жабдықтар, көшеттер және басқа да құралдар түріндегі тауарлық кредитті орта және ірі ауыл шаруашылығы бизнесінің өкілдері АӨК субъектілеріне және жеке тұлғаларға, оның ішінде жұмыссыздарға және кепілді мүлкі жоқ атаулы әлеуметтік көмек алушыларға беретін болады. Әрине, бұл құрал, сайып келгенде, ауыл халқының табысының өсуіне және жаңа жұмыс орындарын құруға ықпал етеді. Өңірлерде тауарлық несие ретінде 300-ге жуық жылқы, 1600 бас ірі қара және 4,5 мыңнан астам ұсақ мал бөлінген.«Ауыл аманаты» бағдарламасы қуатты және дамыған ел құру жолындағы маңызды қадам болып табылады. Ауылдық аумақтарды дамыту, халықтың табысын арттыру және жұмыс орындарын құру Қазақстан экономикасын нығайтуға ықпал етеді. Өңірлер мен ауыл тұрғындарын қолдау бүкіл ел үшін қозғаушы күшке айналып, оның одан әрі өсуі мен дамуына ықпал етеді.Фото: gov.kz

«Ауыл аманаты» бағдарламасы ауыл тұрғындарының әл-ауқатын арттыруға қалай көмектеседі?

<a href="https://kyzylorda-news.kz/">Kyzylorda-news.kz</a>&nbsp; Наурыз – жаңару мен жасампаздықтың символы. Мерекелік демалыс күндері жақындарымызға көңіл бөліп, сыйлықтар тартқымыз келеді, бұл қаржылық шығындарды талап етеді. Барлық осы шығындарды бюджетке салмақ түсірмей қалай реттеуге болады?Fingramota.kz сіздер үшін әр айға арналған пайдалы ұсыныстар дайындады, осылайша белсенді мерекелер кезінде қаржыларыңыз бақылауда болады.Наурыз: Әмиян бос қалмауы үшін не істеу керекНаурыз – дәстүрлермен, отбасылық кездесулермен және, әрине, сыйлықтармен байланысты басты мерекелердің бірі. Сондықтан шығындардың кірістен асып кетпеуіне ерекше назар аудару қажет.Пайдалы кеңестер:мерекелік сатып алуларды алдын ала жоспарлаңыз, баға шарықтауын болдырмау үшін;сыйлықтар мен дастарханға арналған бюджетті анықтап, артық шығынға ұшырамау;наурыздағы арнайы жеңілдіктер мен акцияларды қадағалаңыз.Сәуір: шығындарды оңтайландыруНаурыз мерекелерінен кейін ірі шығындардан үзіліс алып, қаржылық тұрақтануға назар аудару жақсы. Өткен айларда қанша табыс тапқаныңызды және қанша жұмсағаныңызды есептеңіз. Шығындарыңызды қайта қарап, қаржылық жоспарыңызды жаңартыңыз.Пайдалы кеңестер:бюджетті қайта қараңыз: наурыз айында қанша жұмсағаныңызды анықтап, қай жерден үнемдеуге болатынын қарастырыңыз;импульсивті сатып алуларды шектеңіз;коммуналдық төлемдерді тексеріңіз: жылыту маусымы аяқталып келеді, тұрғын үй-коммуналдық қызметтерге жұмсалатын шығындар азаяды.Мамыр: мерекелер мен табиғат аясындағы демалысМамыр мерекелерінде қосымша шығындар болуы мүмкін: біз табиғатқа жиі шығамыз, мерекелермен байланысты сыйлықтар жасаймыз. Сонымен қатар, жазғы демалыс маусымы жақындап келеді, сондықтан осы шығындарды да ескерген жөн.Пайдалы кеңестер:пикниктер, сапарлар мен басқа да іс-шараларға арналған бюджетті жоспарлаңыз;мерекелік жеңілдіктер мен акцияларды қадағалаңыз, бұл үнемдеуге көмектеседі;жазғы демалысты алдын ала жоспарлап, оған қатысты шығындарды есептеңіз.Маусым–тамыз: жазғы демалыс пен тынығуЖаз – демалыс пен саяхат кезеңі. Сонымен қатар, көшедегі дәмханалар мен мейрамханаларда кешкі ас ішу де тартымды көрінеді. Алайда, қаржылық қорыңызды пайдаланбай, демалысты ақылмен жоспарлау маңызды.Пайдалы кеңестер:демалысқа арналған бюджетті алдын ала анықтап, соған сүйеніңіз;турлар, әуе және пойыз билеттері, ойын-сауық іс-шараларына жеңілдіктер мен акцияларды іздеңіз;ойын-сауық пен сапарларға жұмсалатын шығындарды бақылаңыз;мектепке дайындық үшін ақша жинай бастаңыз.Қыркүйек: жаңа оқу жылына дайындықЕгер сізде балалар болса, мектепке дайындық айтарлықтай шығын талап етеді. Керемет шешім – қажетті заттарды жазда сатып алу, өйткені баға әлі өспеген, ал сіз кезекте тұрмайсыз. Егер жазда сатып алмасаңыз да, қаражатты ақылмен жұмсауға болады.Пайдалы кеңестер:қажет тауарлар мен киімдердің тізімін жасап, қажетсіз шығындардан аулақ болыңыз;сатып алуды кейінге қалдырмаңыз, өйткені уақыт жақындаған сайын бағалар өседі;дүкендердің жеңілдіктерін бақылаңыз.Қазан: қаржылық үзілісБұл айда қысқы мерекелерге дайындалу үшін шағын үзіліс алуға болады.Пайдалы кеңестер:шығындарыңызды оңтайландырып, желтоқсан мерекелеріне дайындалыңыз;қысқы киім мен аяқ киімді тексеріңіз: қажет болса, баға шарықтамай тұрып сатып алыңыз;жаңа жыл мен басқа да қысқы мерекелерге қаражат жинауды бастаңыз.Қараша: қысқа дайындықҚыста шығындар дәстүрлі түрде артады: коммуналдық төлемдер, киім-кешек, азық-түлік қымбаттайды. Сонымен қатар, жаңа жылдық мерекелер жақындап келеді, сондықтан дүкендердің ерте жеңілдіктерін пайдалану тиімді.Пайдалы кеңестер:жаңа жыл мен қысқы мерекелерге қаражат жинаңыз;жаңа жылды қайда және қалай қарсы алатыныңызды алдын ала ойластырыңыз;егер корпоративтік кешке қатысуды жоспарласаңыз, мерекелік киімді ертерек алыңыз;желтоқсандағы баға өсімінен аулақ болу үшін жаңа жылдық сыйлықтарды алдын ала сатып алыңыз.Желтоқсан: жаңа жылдық үлкен шығындарЖыл соңына қарай мерекелік дайындықтар қыза түседі: сыйлықтар, дастархан мәзірі, безендіру. Сонымен қатар, корпоративтік кештер, "Құпия Аяз ата", балалар таңертеңгіліктері бар – шығындар тізімі ұлғаяды.Пайдалы кеңестер:мерекелік шығындарға шектеу қойып, оны асырмаңыз;үнемдеу үшін жеңілдіктер мен акцияларды пайдаланыңыз;қаңтар айына қаржы бөліңіз, мерекеден кейінгі қиындықтарды болдырмау үшін.Қаңтар: мерекеден кейінгі қалпына келуЖаңа жылдық шығындар бюджетке ауыртпалық түсіруі мүмкін, сондықтан шығындарды қайта қарау маңызды.Пайдалы кеңестер:желтоқсандағы шығындарды талдап, қай жерде үнемдеуге болатынын анықтаңыз;бюджетіңізді толтыру үшін шағын қосымша табыс көздерін іздеңіз;ірі сатып алулар үшін несие алудан бас тартыңыз, алдымен қаржылық жағдайыңызды жақсартыңыз.Ақпан: ақшаны үнемдеу және жинақтауБұл айда ауқымды мерекелер жоқ, тек Әулие Валентин күні ғана бар. Сондықтан ақпан – қаражат жинауға және үнемдеуге ең қолайлы уақыт.Пайдалы кеңестер:көктемгі мерекелерге қаражат жинауды бастаңыз;жазылымдар мен тұрақты төлемдерді қайта қарап, оңтайландырыңыз;қаржылық қауіпсіздік жастығын ұмытпаңыз – әр табыс көзінен аздап ақша жинаңыз.<img src="https://knadmin.beoblood.kz/uploads/20_03_infographics_kaz_567a5d42c3.png" alt="20.03 infographics каз.png"> Құрметті Fingramota.kz оқырмандары!Наурыз – көктемнің жаңаруы мен табиғаттың оянуының тамаша мерекесі. Біз сіздерге мықты денсаулық, барлық бастамаларыңызға сәттілік, отбасыңызға амандық, сондай-ақ қаржылық тұрақтылық пен табысты тілейміз. Бізбен бірге болыңыздар, қаржылық сауаттылықты бірге жетілдірейік!

Қаржылық күнтізбе: жыл бойы шығындарды ақылмен жоспарлау және шектен шықпау?

<a href="https://kyzylorda-news.kz/">Kyzylorda-news.kz</a> «Назарбаев Зияткерлік мектептері» дербес білім беру ұйымы халықаралық ынтымақтастығын кеңейтуде. Жаңа серіктестер қатары Азиядағы жетекші жоғары оқу орындарының бірі – Шэньчжэнь қаласындағы Гонконг Қытай университетімен (CUHK-Shenzhen) толықты.Ынтымақтастық туралы меморандумға NIS Басқарма Төрағасының орынбасары Сабыржан Сәдуақасов пен CUHK-Shenzhen университетінің академиялық байланыстар кеңсесінің директоры Пол Ке қол қойды. Құжат бакалавриатқа үміткерлерге арналған Халықаралық ашық есік күні аясында рәсімделді.Келісім NIS түлектеріне не береді?Бұл ынтымақтастық Зияткерлік мектептердің оқушыларына білім кеңістігін кеңейтіп, жаңа көкжиектерді бағындыруға жол ашады. Шәкірттер заманауи білім беру әдістерімен танысып, халықаралық академиялық алмасу бағдарламаларына қатысу, сондай-ақ ғылыми-зерттеу жобаларында тәжірибе жинақтау мүмкіндігіне ие болады.Келісім аясында CUHK-Shenzhen университеті NIS түлектеріне екі толық бакалавриат шәкіртақысын тағайындады. Бұл шәкіртақылар «Бизнес-әкімшілендіру (қаржылық инжиниринг)», «Аударма ісі (қытай-ағылшын тілдері)» және Музыка мектебінің мамандықтарынан басқа барлық білім беру бағдарламаларына қолжетімді.Бұл неге маңызды?Зияткерлік мектептердің бірегей NIS-Programme білім беру бағдарламасын әлемнің бірқатар беделді университеттері ресми түрде мойындаған. Қазіргі таңда NIS түлектерінің дипломдарын Қазақстандағы 24 және шетелдегі 69 жоғары оқу орны қабылдайды. Бұл түлектерге әлемдік деңгейдегі алдыңғы қатарлы оқу ордаларына түсуге кең мүмкіндік береді.CUHK-Shenzhen туралы не білеміз?– QS World University Rankings 2025 жаһандық рейтингінде 36-орынды иеленген;&nbsp; – Кампустары Шэньчжэнь және Гонконг қалаларында орналасқан;&nbsp; – Оқыту үдерісі халықаралық білім беру стандарттарына сай ағылшын тілінде жүргізіледі;&nbsp; – Университетке түсуші талапкерлер – Қытай мектептерінің үздік 0,5–1% түлектері.Қытайға сапар қалай өтті?NIS өкілдері CUHK-Shenzhen университетінің академиялық бағдарламаларымен, студенттерді қолдау жүйесімен, халықаралық алмасу мүмкіндіктерімен және түлектерге арналған мансаптық бағыттарымен танысты.Сапар барысында цифрландыру мен жасанды интеллект дамыған қазіргі замандағы білім берудің болашағына қатысты пікірталастарға ерекше назар аударылды. Сонымен қатар CUHK-Shenzhen университетінде білім алып жатқан NIS түлектерімен кездесу өтіп, олар өз оқу тәжірибелерімен бөлісті.Сабыржан Сәдуақасовтың айтуынша, CUHK-Shenzhen университетімен орнаған ынтымақтастық NIS-тің халықаралық деңгейдегі беделін арттырып, оқушыларға әлемнің үздік жоғары оқу орындарының біріне түсуге бірегей мүмкіндік береді.<img src="https://knadmin.beoblood.kz/uploads/2_W8_A7340_opq3527994699_1e9bac0dc7.jpg" alt="2W8A7340-opq3527994699.jpg">Фото: НИШ

NIS Қытайдың жетекші университетімен меморандумға қол қойды

<a href="https://kyzylorda-news.kz/">Kyzylorda-news.kz</a> 26 наурызда еліміздің басым бөлігінде ауа райына байланысты ескерту жарияланды, деп хабарлайды <a href="https://baq.kz/tuman-zhel-26-nauryzga-arnalgan-aua-rayy-bolzhamy-200010316/">BAQ.KZ </a>"Қазгидромет" РМК-ға сілтеме жасап.Қызылорда облысының солтүстігінде, орталығында шаңды дауыл күтіледі. Жел шығыстан соғады, күші 15-20, күндіз облыстың солтүстігінде, орталығында 25 м/с күтіледі. Қызылорда қ.: 26 наурызда кей уақыттарда шаңды дауыл күтіледі. Жел шығыстан соғады, күші 15-20, күндіз екпіні 23 м/с күтіледі.Фото: Нұрболат Нұржаубай

Дауыл, жел: 26 наурызға арналған ауа райы болжамы

<a href="https://kyzylorda-news.kz/">Kyzylorda-news.kz</a> Футболдан Қазақстан құрамасы 2026 жылғы әлем чемпионатына іріктеу кезеңінде Лихтенштейн құрамасын жеңді. Бұл туралы <a href="https://stan.kz/futboldan-kazakstan-kyramasi-11-zhildan-keyin-zhenis-ak-415504/">Stan.kz</a> ақпарат агенттігі хабарлайды.&nbsp;Сайыс Лихтенштейнде Вадуцтағы Рейнпарк стадионында өтті. Ұлттық құраманың бас бапкерінің міндетін атқарушы Әли Әлиев команда құрамына бірқатар өзгерістер енгізді, оның ішінде 16 жасар&nbsp;Дастан Сәтбаев болды.Команда құрамы: Мұхаммеджан Сейсен, Ян Вороговский, Марат Быстров, Нұралы Әліп, Александр Марочкин, Сұлтанбек Астанов, Георгий Жуков, Рамазан Оразов, Максим Самородов, Ислам Чесноков, Дастан Сәтбаев.19-минутта Рамазан Оразов абайсызда жасаған фол үшін сары қағаз алды.42-минутта Марат Быстровтың&nbsp;пасын Максим Самородов&nbsp;бағыттап, командасын алға шығарды.&nbsp;Қазақстан құрамасы екінші таймды қарсыластарына қарағанда белсендірек бастады және 20 минуттан кейін қақпаға бағытталған соққыларда алда болды (0:6). Нәтижесінде Қазақстан 2:0 есебімен жеңді.Айта кетейік, Қазақстан құрамасы соңғы рет әлем чемпионатының іріктеу кезеңінде осыдан 11 жарым жыл бұрын жеңіске жеткен. 2013 жылдың 6 қыркүйегінде команда Астанада Фарер аралдары командасын 2:1 есебімен жеңіп үлгерді.Содан бері Қазақстан 2014 жылғы әлем чемпионатының іріктеу кезеңінде екі рет жеңіліп, бір рет тең түскен, одан кейін 2018 жылғы әлем чемпионатының іріктеу кезеңінде жеті жеңіліс пен үш тең ​​ойын, 2022 жылғы әлем чемпионатына жолда бес жеңіліс пен үш тең ​​ойынға қол жеткізді.Фото: ҚФФ

Футболдан Қазақстан құрамасы жеңіске жетті

<a href="https://kyzylorda-news.kz/">Kyzylorda-news.kz</a> Соңғы бірнеше жылдан бері қызылордалықтар томат, салат, аджика өнімдерін сырттан емес, жергілікті тауарөндірушілерден алуға көшті. Өткен жылдан бері оған түрлі тосаптар қосылды. Халық сүйіп жейтін өнімдерді әзірлеп жатқан кімдер? Бүгін осы тақырыпты кеңінен тарқатпақпыз.Сыр өңіріндегі Шиелі ауданына қарасты Бидайкөл ауылындағы Барлыбаевтар әулеті көкөніс пен бақша өнімдерін өсірумен қатар, өңдеумен айналысуды кәсіпке айналдырған отбасы.Әулеттің көшбасшысы Қанат Барлыбайұлы ең алдымен өз ақшасына кәсіпкерлік мақсатта ғимарат салады. Ал 2023 жылы «Ауыл аманаты» жобасы басталғанда жеңілдікпен несие алып, көкөністерді өңдеуді қолға алады.«Әке көрген оқ жонар» демекші әкесінің жасап жүрген кәсібіне қызыққан 25 жасар Ертуған өзінің ісін бастап көрмек болады. Ертуған Қанатұлының негізгі мамандығы инженер, машина құрастыруға маманданған.Қанат Барлыбайұлы кәсібін бастағысы келген ұлына қолдау көрсетіп, өз ғимаратынан арнайы орын бөліп береді. Ертуған Қанатұлы бақша өнімдерінен тосап қайнатып, шырын әзірлеуді көздейді. Осы мақсатта «Қызылорда» Өңірлік инвестициялық орталығынан 20 млн теңге жеңілдетілген несие алады.<blockquote>«Былтыр өңірде кәсіпкерлікті қолдау мақсатында облыс әкімінің тапсырмасымен пилот жоба жүзеге асырылып жатқанын естідім. Ол үшін жергілікті бюджеттен қаржы бөлініпті. Бағымды сынап көрмек болып қажет құжаттарды жинап тапсырдым. Орталық өтінішімді қолдап, кәсіпке қажет қаржыға қол жеткізе алдым», - дейді Ертуған Барлыбаев.</blockquote>Жас кәсіпкер қажет-құрал жабдықтарды Ресейден алдырады. Былтыр күзде өнімдерін шығарып бастады.<blockquote>«Әзірге қауын, қарбыз, қызанақ тосаптарын шығарып жатырмыз. Сертификатталған. «Қауын балы», «қарбыз балы», «қызанақ тосабы» атауымен өнімдерімізді халыққа ұсынудамыз, Алдағы уақытта шие, өрік, жүзімнен де тосап дайындау жоспарда бар. Бұдан өзге биыл қызанақ, қауын, қарбыз шырындарын шығаруды ойластырып жатырмыз», - дейді жас кәсіпкер.</blockquote>Әкелі-балалы Барлыбаевтар бүгінде 10-нан астам өнім түрлерін шығарып жатыр. Өнімдері Қызылорда қаласынан өзге аудандардың дүкендерінде сатылымда.<blockquote>«Өнімдерімізге сұраныс жоғары. Қызылорда облысынан өзге Қарағанды, Павлодар облыстары мен Астана қаласынан тапсырыстар түсуде. Қазір өзіміз жеткізіп жатырмыз», - дейді кәсіпкер.</blockquote>«Қызылорда» Өңірлік инвестициялық орталығынан жеңілдетілген несие алғаннан кейін Барлыбаевтардың өндірген өнімі екі есе өскен. Былтырдың өзінде 100 000 данадан артық өнімді тұтынушыларға ұсынды. 10 адамды жұмыспен қамтып отыр. Соның ішінде жас кәсіпкер Ертуған Барлыбаевтың жобасы аясында 5 адам жұмыс істейді.Кәсіпкерлік мақсатта мемлекеттік бағдарлама аясында жеңілдетілген несие алуға қатысты сұрақтар туындаған жағдайда «Қызылорда» Өңірлік инвестициялық орталығына хабарласа аласыздар. Байланыс телефоны: 8 /7242/ 40-03-60, 40-02-37.<img src="https://knadmin.beoblood.kz/uploads/auyn_baly_67bc27a1d0.jpeg" alt="Қауын балы.jpeg">Фото: «Қызылорда» Өңірлік инвестициялық орталығы

Қызылордада қауын мен қарбыздың балы шығатынын білесіз бе?

<a href="https://kyzylorda-news.kz/">Kyzylorda-news.kz</a> Аймақ басшысы Нұрлыбек Машбекұлының тапсырмасына сәйкес облыс әкімінің орынбасарлары, облыстық мәслихат төрағасы, аппарат басшысы, қала әкімі құрылыс нысандарын аралап шықты.Алдымен «Жаңадария», «Сыздық», «Шіркейлі» каналдарындағы көпірлерді қайта жаңғырту жұмыстарымен танысты. «BSJ инжиниринг» ЖШС «Жаңадария» каналындағы көпірді жаңғыртуда. Осы көпірмен тұрғындар «АвтоЦонға», «Қорқыт ата әуежайына» Амангелді, «Бесарық», «Иіркөл», «Қоғалыкөл», «Жетікөл», «Айдарлы» елді мекендеріне, қала маңындағы саяжайларға қатынайды.«Сыздық», «Шіркейлі» каналдарындағы жұмысты «Жылу 21» ЖШС қолға алған.Сонымен қатар, 13,5 шақырым автокөлік жолын төрт жолақты етіп қайта жаңғыртуға бюджеттен қаржы қаралып, құрылысы қарқынды жүргізілуде. Қазіргі таңда құрылыс аймағы қоршалып, каналдың арнасына су өткізу құбырлары салынды.Одан кейін “Өнер орталығындағы", Н.Бекежанов атындағы драма театрдағы, Шығармашылық-инновациялықтағы жұмыс барысы тексерілді. Аталған орталық қолданысқа берілгеннен кейін балаларға спорттық-сауықтыру, көркем-эстетикалық, ғылыми-техникалық, тарихи-өлкетану бағытта қызмет көрсетеді. Волейбол, баскетбол, футбол, воркаут алаңдарында, соңғы үлгідегі бассейнде жаттығу мүмкіндігі жасалады.Әрі қарай, 2023 жылы Индустрияландыру картасына енгізілген нан-тоқаш, кондитерлік және макарон өнімдерін өндіру кешенінің құрылысымен танысты. Жоба бастамашысы «Қызылорда Нан» серіктестігі 3,8 млрд теңгеге аумағы 6166 шаршы метр нысан салуда.Қалалық мәдени және демалыс паркінде кең көлемді абаттандыру жұмыстары жүргізілуде. Демонтаж жұмыстары толық аяқталып, субұрқақтардың орны дайындалуда.Сонымен қатар, кірпіш, шыны зауыттары, жаңа стадион, физика-математика мектеп-интернаты, облыстық тарихи-мәдени мұра орталығы, музыкалық колледж ғимаратының құрылыс барысы да назардан тыс қалмады.<img src="https://knadmin.beoblood.kz/uploads/stroitelnye_obekty_kyzylorda_1_5016da6822.jpg" alt="строительные объекты кызылорда 1.jpg"><img src="https://knadmin.beoblood.kz/uploads/stroitelnye_obekty_kyzylorda_2_674eb90b80.jpg" alt="строительные объекты кызылорда 2.jpg"><img src="https://knadmin.beoblood.kz/uploads/stroitelnye_obekty_kyzylorda_3_c41600d8e1.jpg" alt="строительные объекты кызылорда 3.jpg"><img src="https://knadmin.beoblood.kz/uploads/stroitelnye_obekty_kyzylorda_4_d33cc17540.jpg" alt="строительные объекты кызылорда 4.jpg"><img src="https://knadmin.beoblood.kz/uploads/stroitelnye_obekty_kyzylorda_5_cc77830935.jpg" alt="строительные объекты кызылорда 5.jpg">Фото: Қызылорда облысы әкімінің баспасөз қызметі

Қала аумағындағы құрылыс нысандары бақылауда

«Ақмешіт-Сырдария» орталық мешітінде Қызылорда облысының бас имамы Дастан Жанасұлы өңірдегі бірқатар бұқаралық ақпарат құралдарының бас редакторларымен кездесіп, пікір алмасты.– Өздеріңізбен қасиетті Рамазан айында, оның ішінде, мың айдан да қайырлы Қадір түнінің қарсаңында кездесіп отырғаныма қуаныштымын. Сіздермен кездесудегі мақсат-мұратымыз біреу. Ол – өздеріңізге елімізде діни бағытта атқарылып жатқан жұмыстарды, оның ішінде, Қазақстан Мұсылмандары діни басқармасы мен Қызылорда облысы өкілдігінің іс-шараларын насихаттауға қосып келе жатқан зор үлестеріңіз үшін алғысымызды айтып, ризашылығымызды білдіру. Ақпарат саласы – қоғамдық пікір қалыптастыратын маңызды сала, ал журналист – мәртебелі мамандық екендігі баршаға белгілі. Бұқаралық ақпарат құралдарының өкілдері – ақиқат сөздің, өткір ой мен шынайы пікірдің және әділ істің жақтаушысы. Бұдан бір ғасырға жуық уақыт бұрын ұлт ұстазы Ахмет Байтұрсынұлы «Газет – халықтың көзі, құлағы һәм тілі» деп баға берген еді. Бұл ұлағатты сөзді қазір тек басылымдарға ғана емес, барлық электронды ақпарат құралдарына, ақпарат агенттіктеріне қатысты қолдануға болады. Сондықтан біз медиа саласының мамандарына әрдайым зор құрметпен қараймыз. Түптеп келгенде, дін өкілдері де, журналист те ұлт үшін қызмет етеді, ел тағдырына әркез алаңдап отырады. Өйткені ұлт баспасөзі мен ұлт мүддесі қай кезде де өзектес болған, – деді облыстың бас имамы.Дастан Жанасұлы одан әрі өз сөзінде бүгінгідей құбылмалы кезеңде дін тақырыбында қалам тарту асқан жауапкершілік пен кәсіби шеберлікті талап ететіндігіне айрықша тоқталып, сала мамандарына жанкешті еңбектері үшін өз алғысын жеткізді.– Ақпарат – қуатты құрал. Әсіресе, қазіргідей құбылмалы, түрлі технологиялар қарыштап дамыған заманда халыққа дін тақырыбында жан-жақты сарапталған, тексерілген, шынайы ақпаратты ұсыну аса маңызды. Қоғамды адастыратын ақпаратқа жол бермеу үшін сіздер қашанда ұлт мүддесін бәрінен биік қойып, ел қамы үшін қалам тербеп келесіздер. Ұлттық құндылықтарды дәріптеп, жасампаздық пен жақсылықтың жаршысы болып жүрсіздер. Медиа саласының білікті басшыларына осы жолдағы қажырлы еңбектері үшін шынайы ризашылығымды білдіремін. Алла Тағала өз кәсібінің майталманы болған сіздерге екі дүниенің бақытын нәсіп етсін! Жағымды жаңалықтармен жұртшылықты қуанта беріңіздер! Баршаңызға шығармашылық шабыт, толағай табыс тілеймін! Әрдайым мерейлеріңіз үстем, мәртебелеріңіз биік болсын! – деді ол.Жүздесуге республикалық «Ақмешіт ақшамы» газетінің бас редакторы Сәрсенкүл Бихожаева, облыстық «Сыр бойы» газеті бас редакторының орынбасары Гүлжазира Жалғасова, «QYZYLORDA» телеарнасының редакторы Қозы-Көрпеш Жасаралұлы, «ҚоғамТВ» телеарнасының бас редакторы Баян Құлтанова, «Кызылординские вести» газетінің бас редакторы Ботагөз Ажарбаева, «Degdar-news» ақпарат агенттігінің бас редакторы Үйтолған Жарекеева, «Kyzylorda-news.kz» ақпарат агенттігінің бас редакторы Азиз Батырбеков, қалалық «Ақмешіт апталығы» газетінің бас редакторы Гүлмира Ділдәбекова, «Ақмешіт жастары» газетінің бас редакторы Абзал Жолтерек қатысып, ой-пікірлерін ортаға салды.Кездесу соңында бас редакторларға құрмет көрсетіліп, Бас имам Дастан Құрманбаевтың Алғысы мен сый-сыяпат табысталды.Айта кетейік, Дастан Жанасұлының арнайы марапаты алдағы күндері аудандық басылымдардың бас редакторларына да табыс етілетін болады.ҚМДБ-ның Қызылорда облысы бойынша өкілдігінің баспасөз қызметі

Облыстың бас имамы БАҚ өкілдеріне құрмет көрсетті

<a href="https://kyzylorda-news.kz/">Kyzylorda-news.kz</a> Португалия ұлттық құрамасының шабуылшысы Криштиану Роналду 22 жыл қатарынан құрамасының сапында гол соққан тарихтағы алғашқы футболшы болды. Бұл туралы <a href="https://report.az/ru/futbol/krishtianu-ronaldu-ustanovil-ocherednoj-rekord/">Report</a> жазды.40 жастағы шабуылшы бір күн бұрын Ұлттар лигасының ширек финалдық қарымта кездесуінде Дания құрамасына қарсы ойында гол соққан болатын.Португалиялықтар скандинавиялықтарды қосымша уақытта 5:2 есебімен жеңді.&nbsp;Криштиану Роналдудың еншісінде 929 гол бар. Жалпы, Роналду Португалия құрамасының сапында 217 матч өткізіп, 136 гол соққан. Португалия құрамасының құрамында Роналду 2016 жылы Еуропа чемпионатында жеңіске жетті.Фото: &nbsp;Report

Криштиану Роналду тағы бір рекорд орнатты

<a href="https://kyzylorda-news.kz/">Kyzylorda-news.kz</a> &nbsp;Наурызнама 10 күндігі аясында облыстық Дін істері басқармасы, «Дін мәселелерін зерттеу орталығы» және мешіт жамағатының ұйымдастыруымен «Ұлттық ойындар – ұлтымыздың құнды мұрасы» атты спорттық іс-шара өтті.Оған барлығы 10 команда қатысып, ойыншылардың білек күші мен ептіліктері сынға түсті. Ел арасында ұмыт болып бара жатқан ләңгі ойыны, асық ату, гір көтеру, арқан тарту, қол күрестен де жігіттер аянып қалған жоқ.&nbsp;– Керемет тартысты ойын боп жатыр. Ләңгі тебуден мықты ойын көрсеткен жігіттер болды. Жалпы, қазақтың болмысына сай қалыптасқан әрбір ойынның өз ерекшелігі бар. Осылай дәріптелу керек. Қызығып, әрі қуанып тамашалап тұрмыз, -дейді мешіт жамағатына қолдау көрсетуге келген Досбол ақсақал. &nbsp;Іс-шара соңында жақсы нәтиже көрсеткен қатысушыларға ақшалай сыйлықтар табысталып, естелік суретке түсті. Ойын қызығын тамашалауға келген тұрғындар болса &nbsp;"сегіз қырлы бір сырлы" жігіттердің өнеріне дән риза.Б.Сыздықова&nbsp; «Дін мәселелерін зерттеу&nbsp; орталығы» КММ-нің маманы

«Ұлттық ойындар – ұлтымыздың құнды мұрасы» атты спорттық шара өтті

<a href="https://kyzylorda-news.kz/">Kyzylorda-news.kz</a> Футболдан Қазақстан құрамасы 2026 жылғы әлем чемпионаты іріктеу кезеңіндегі Лихтенштейнге қарсы ойыны алдында баспасөз мәслихатын өткізді, – деп хабарлайды <a href="https://kaz.inform.kz/news/futboldan-kazakstan-kuramasi-aldagi-oyinga-toliktay-dayin-b0f3a6/">Қазақпарат.</a>Кездесу наурыздың 25-інен 26-ына қараған түні сағат 00:45-те басталып, «Qazsport» телеарнасынан тікелей эфирде көрсетіледі. Ұлттық құраманың бас бапкері міндетін атқарушы Али Алиев өз шәкірттерінің алдағы кездесуге дайын екенін атап өтті.<blockquote>- Маған құраманың жеңіске деген жігері ұнайды. Уэльспен кездесуден кейін олардың ойын түсіндім. Құрама ұпай алуға жақын болды. Жігіттер алдағы кездесуге психологиялық тұрғыдан дайын. Ол көп нәрсені білдіреді. Әрбір футболшы сәтсіздіктен сабақ алуға тырысады. Біз жақсы және мазмұнды ойын көрсетуге дайынбыз деген сенімдемін, - деді Али Алиев.</blockquote>Жартылай қорғаушы Георгий Жуков өз әріптестерімен бірге жоғары нәтижеге қол жеткізуге күш салатынын айтты.<blockquote>- Құрамада талантты футболшылар көп. Жоғары нәтижеге қол жеткізуге тырысамыз. Өткен ойында жасыл алаңға шықтым. Құжатым бойынша ешқандай проблема жоқ. Ұлттық құрамаға шақыруды ұзақ күттім. Мен құрамаға ойнамайтыным жөнінде ешқашан айтқан емеспін. Ол уақытта Қытайда карантин болды. Бұл менің жауапкершілігіме жатпайды. Құрамаға шақыру алғаннан кейін сенімді ақтауың тиіс. Өз тарапымнан бас бапкерге алғыс айтамын. Ол маған тағы бір мәрте сенім артып отыр. Егер менің бұдан бұрын айтқан сөзіме реніш білдіргендер болса, олардан кешірім сұраймын, - деді Георгий Жуков.</blockquote>Ал қорғаушы Әділбек Жұмаханов футболшылардың өткен қателіктен сабақ алатынына тоқталды.<blockquote>- Алда бізді маңызды ойын күтіп тұр. Ұлттық құрама тарапынан сәтсіздік сериясы бір жылдан астам уақытқа созылды деген әңгіме айтылады. Екінші турдағы кездесуде бапкерлердің қойған тактикасын толық орындауға күш саламыз. Өткен қателіктерден сабақ алуға көңіл бөлеміз, - деді ол.</blockquote>Ел құрамасы 2026 жылғы әлем чемпионатына іріктеу кезеңінде J тобында ойын көрсетеді. Қарсыластары — Бельгия, Уэльс, Солтүстік Македония және Лихтенштейн.Фото: видеодан алынды

Футболдан Қазақстан құрамасы алдағы ойынға толықтай дайын

<a href="https://kyzylorda-news.kz/">Kyzylorda-news.kz</a> Тбилисиде (Грузия) өтіп жатқан парадзюдодан Әлем кубогында Ақмарал Науатбек (J2, -52 кг) топ жарып, алтын медаль иеленді, деп хабарлайды<a href="https://baq.kz/paradzyudoshylar-zharady-alem-kubogynda-eki-qyz-altynnan-alqa-taqty-200010270/"> BAQ.KZ.</a>Финалда ол Германия өкілі Изобель Тайды ұстау әдісімен жеңді. Бұл Ақмаралдың Олимпиада чемпионының белгісі – алтын жапсырмалы кимономен алғаш рет өнер көрсеткен жарысы болды.Сондай-ақ тағы бір қазақстандық спортшы Альфия Тлекқабыл (J1, -52 кг) аталмыш турнирде алтын медаль жеңіп алды. Финалда ол Виктория Потапованы сенімді жеңді.Тбилисиде (Грузия) өткен парадзюдодан Әлем кубогында Ғалымжан Смағұлұлы (J2, -81 кг) керемет өнер көрсетіп, күміс медаль жеңіп алды.Ол финалға дейін Украина және Грузия спортшыларын жеңіп, шешуші белдесуде литвалық Освальдос Барейкиске жол берді. Бұл жарыс Олимпиададан кейінгі жаңа салмақтағы алғашқы бәсеке болды.Фото: olympic.kz

Қазақстан және Қызылорда облысының жаңалықтары