<a href="https://kyzylorda-news.kz/">Kyzylorda-news.kz</a> Биыл Қызылорда облысында республикалық және облыстық бюджеттен бөлінген 44 млрд. 703 млн теңгеге 300 шақырым автомобиль жолы жөндеуден өтті. Облыс орталығының негізгі көшелері әуежайдан Бейбарыс сұлтан көшесіне дейінгі аралық, қалаға Шиеліден кіреберіс жол, Яссауи, Жаппасбай батыр магистралды көшелері, Тәуелсіздіктің 25 жылдығы даңғылы&nbsp;төртжолақты болып кеңейтілді.Қызылорда қаласында 4 млрд. 700 млн. теңгеге Жанқожа батыр көшесі арқылы өтетін теміржол асты автожолы, Арал, Жаңақорған аудандарында теміржол үстінен аспалы көпір құрылыстары жүруде.Айта кетейік, жылдар бойы күн тәртібінен түспеген «Қызылорда-Жезқазған» автожолы Президенттің тікелей тапсырмасымен қайта жаңғыртылуда. Жоба құны – 108 млрд. 500 млн теңге. Қызылорда облысының аумағына тиесілі 216 шақырым жолдың 140 шақырымы аяқталды. Қалған бөлігі 2026 жылы ел игілігіне беріледі.Мұнан бөлек, көпшілікті толғандырған «Батыс Еуропа-Батыс Қытай» халықаралық дәлізінің Қызылорда қаласынан Ақтөбеге дейінгі аумағын төрт жолақтыға айналдыру мәселесі де Мемлекет басшысының тапсырмасымен шешімін табуда. Халықаралық дәліздің осы аумағын 1-санатқа ауыстыру бойынша «ҚазАвтоЖол» акционерлік қоғамы жоба-сметалық құжаттама әзірлеуде.Биыл Қызылорда қаласының шет аймақтарындағы ұзындығы 43 шақырым болатын 46 көшені орташа жөндеуге 3 млрд. &nbsp;217 млн. 300мың.теңге бөлініп, жұмыс толық аяқталды.Сонымен қатар, 29 шақырым болатын 16 көшеге жаяу жүргіншілер жолы салынды.<img src="https://knadmin.beoblood.kz/uploads/Syr_irinde_zha_sy_zha_dajda_y_zholdy_lesi_92_pajyzdan_asty_1_f687148d63.jpg" alt="Сыр өңірінде жақсы жағдайдағы жолдың үлесі 92 пайыздан асты 1.jpg"><img src="https://knadmin.beoblood.kz/uploads/Syr_irinde_zha_sy_zha_dajda_y_zholdy_lesi_92_pajyzdan_asty_2_eedcf284cb.jpg" alt="Сыр өңірінде жақсы жағдайдағы жолдың үлесі 92 пайыздан асты 2.jpg"><img src="https://knadmin.beoblood.kz/uploads/Syr_irinde_zha_sy_zha_dajda_y_zholdy_lesi_92_pajyzdan_asty_ff811f60a7.jpg" alt="Сыр өңірінде жақсы жағдайдағы жолдың үлесі 92 пайыздан асты.jpg">

Жыл қорытындысы: Сыр өңірінде жақсы жағдайдағы жолдың үлесі 92 пайыздан асты

<a href="https://kyzylorda-news.kz/">Kyzylorda-news.kz</a> Қызылорда қаласының сол жағалауында жоба құны 975 млн. теңгені құрайтын жаңа автовокзал құрылысы салынып, пайдалануға берілді.Қызылорда қаласының қоғамдық көлік мәселесін шешу бағытында 2022-2024 жж. «Өнеркәсіпті дамыту қоры» АҚ-ы арқылы 7 % лизингпен табиғи газ отынымен (метан) қозғалатын 300 дана «Yutong ZK6852 HG» автобус алынды.Бүгінгі таңда «Қызылорда» автобус паркі» ЖШС-і қалалық 32 маршрутты қамтып отыр.Қызылорда қаласында «Экотакси» қызметін құру жобасы бойынша 100 дана электромобиль алынып, Қызылорда қаласының тұрғындары мен қонақтарына қызмет көрсетуде.«Қазақстан Темір Жолы» компаниясы және жергілікті кәсіпкерлердің демеушілігімен Қызылорда қаласындағы теміржол вокзалы ғимаратына, оның іргелес аумағына 600 млн теңгеден астам қаржыға күрделі жөндеу жұмыстар жүргізілді.Темір жол вокзалы аумағындағы сауда орындары ғимаратының құрылысы аяқталып, пайдалануға берілді.<img src="https://knadmin.beoblood.kz/uploads/yzylordada_zha_a_avtovokzal_pajdalanu_a_berildi_2_09b5ad6f46.jpg" alt="Қызылордада жаңа автовокзал пайдалануға берілді 2.jpg"><img src="https://knadmin.beoblood.kz/uploads/yzylordada_zha_a_avtovokzal_pajdalanu_a_berildi_8563c839e0.jpg" alt="Қызылордада жаңа автовокзал пайдалануға берілді.jpg">

Жыл қорытындысы:  Қызылордада жаңа автовокзал пайдалануға берілді

<a href="https://kyzylorda-news.kz/">Kyzylorda-news.kz</a> Бүгін облыстық кітапханада жазушы-журналист Айжарық Сәдібекұлының 85 жылдығына орай&nbsp;«Тарихқа қалам тербеген»&nbsp;атты&nbsp;&nbsp;еске алу кеші ұйымдастырылды.Кешке зиялы қауым өкілдері, замандастары, кітапхана оқырмандары &nbsp;қатысты. Шара барысында&nbsp;Қазақстан Жазушылар одағының Қызылорда облыстық филиалының төрайымы,&nbsp;ақын Қ.Есімсейітова, Қызылорда университетінің доценті, филология ғылымдарының кандидаты А.Әбілов, жазушы, Қазақстан Жазушылар Одағының мүшесі Б.Ұзақбаев және А.Сәдібекұлының балалары&nbsp;жазушы жайлы&nbsp;көптеген&nbsp;естеліктер айтты. Шара соңында қаламгердің&nbsp; «Теңіз тағдыры»&nbsp;атты кітабының тұсаукесер рәсімі өтті.Сондай-ақ Ә.Тәжібаев атындағы облыстық әмбебап ғылыми кітапханасының қорынан А.Сәдібекұлының өмірі мен шығармашылығына арналған кітап көрмесі ұйымдастырылды.<img src="https://knadmin.beoblood.kz/uploads/3_818fed47ca.jpg" alt="3.jpg"><img src="https://knadmin.beoblood.kz/uploads/4_fbbd3ababf.jpg" alt="4.jpg"><img src="https://knadmin.beoblood.kz/uploads/Kyzylorda_news_kz_6_5c2afe3f39.jpg" alt="Kyzylorda-news.kz 6.jpg">

«Теңіз тағдыры» атты кітаптың тұсаукесер рәсімі өтті

<a href="https://kyzylorda-news.kz/">Kyzylorda-news.kz</a>&nbsp; Театрды, әсіресе, бүлдіршіндерге арналған сахналық қойылымды жұмбақ әлем десе де болады. Ал біздің Күләш Жанмұратова осы жұмбақ әлемнің жұмбақ кейіпкері десек, артық айтқандық емес.«Балаларға қуаныш сыйлау үшін жаралған жан». Бұл мақаланың кейіпкерін осылай сипаттаса болады. Ол өмірі мен еңбек жолын өскелең ұрпаққа, солардың тәрбиесіне арнаған. Ол ғажайып пен қиялға толы ергегі әлемін қалыптастырушы. Ол&nbsp;Қызылордада қуыршақ театрының негізін қалаған «Мәдениет саласының үздігі» – Күләш Жанмұратова.Мамандық таңдаудан қателеспеген Күләш Дүйсенқызының ертегі әлеміне саяхаты&nbsp;1987 жылы, Т.Жүргенов атындағы Алматы мемлекеттік театр және көркемсурет өнері институтына, «Қуыршақ театрының актері» мамандығы бойынша оқуға түскенде басталады. Өз мамандығын жан-тәнімен сүйген студент Күләш сабаққа бар ынта-жігерін арнап, үздік оқытушылардан тәлім-тәрбие алады.Дипломын қолына алған бетте К.Дүйсенқызы&nbsp;Алматы мемлекеттік қуыршақ театрына орналасады. Артынша Маңғыстау қуыршақ театрында еңбек етеді.Араға жылдар салып, Күләш Дүйсенқызы өнердің құты дарыған Сыр еліне қоныс аударады. «Қызылордада қуыршақ театры жоқ екен» - деп К.Дүйсенқызы қол қусырып отырмайды. Қайта керісінше, «Неге қасиетті Сыр елінде балаларға арналған өнер ордасы жоқ» деп жүгіріп жүріп 2001 жылы Қызылорда облыстық халық шығармашылығы үйі жанынан «Қуаныш» атты балалар қуыршақ театрын ашады. Қызылордалықтар жаңашылдықты жақсы қабылдайды. Қуыршақ театры өз көрермендерін тез табады. Әр қойылым сайын зал лық толады. Жұмыстың барлығы К.Дүйсенқызы ойлағаннан да жақсы болып, шығармашылық ұжым өзін мойындатады, тіпті «Сорос-Қазақстан» қорының грант жеңімпазы&nbsp;атанды.2004 жылы К.Дүйсенқызы қанатын кеңге жайып,&nbsp;Н.Бекежанов атындағы облыстық музыкалық драма театры жанынан «Нартайдың &nbsp;бүлдіршіндері» қуыршақ тобын құрады. Арада 20 жыл өтті. Режиссері К.Дүйсенқызы болып табылатын қуыршақ тобының жұмысы өркендеуде, репертуары толығуда, көрермендері көбеюде. Шығармашылық топтың жеткен жетістіктері де ұшаң теңіз. Түрлі республикалық фестивальдерде топ жарып жүр.Шығармашылық топ әр қойылым арқылы балақайларға қуаныш сыйлап қана қоймай, өнерге деген қызығушылығын арттырып, жас ұрпақты тәрбиелеуде, көркемдік талғамын, қиялын дамытуда.Бүгінгі таңда «Ит пен мысық, тышқан дос», «Қозы мен лақ»,«Достық қымбат бәрінен» осы және репертуардағы т.б. қойылымдар&nbsp;Сыр балақайларының &nbsp;сүйікті спектакльдеріне айналды. Қуыршақ тобы қойылымды күніне тіпті 4 сеанстан қоятын кездер аз емес.2024 жылы «Нартайдың бүлдіршіндері» арнайы шақыртумен Ақтөбе қаласына барып, 4 күн сол өңірдің балақайларын өз өнерлерімен тәнті етіп қайтты.Шығармашылық топтың жеткен әр жетістігінде Күләш Дүйсенқызының қажырлы еңбегінің зор үлесі бар.«Нартайдың бүлдіршіндерінің»&nbsp;негізін қалап,&nbsp;балақайларға қиял ғажайып әлемге енуге мүмкіндік берген&nbsp;К.Дүйсенқызы асқаралы алпыстың асуына шығып отыр.Сахна өнеріндегі асыл мұратын қуыршақтармен байланыстырған Күләш Дүйсенқызына&nbsp;өміріңіз бен өнеріңіз сахнадағы ертегі ғұмыр сияқты жалғаса берсін дейміз.&nbsp;

Жұмбақ әлемнің жұмбақ кейіпкері

<a href="https://kyzylorda-news.kz/">Kyzylorda-news.kz</a> Қызылорда облысында автобусқа соғылған жеңіл көліктің жүргізушісі мен жолаушысы оқиға орнында қайтыс болды.Оқиға 19 желтоқсанда «Шымкент-Самара» тас жолының Қармақшы ауданының тұсындағы бөлігінде тіркелді. «Youtong» маркалы автобусы және «Nissan» жеңіл автокөліктің соқтығысуы салдарынан жол-көлік оқиғасы <a href="https://kaz.inform.kz/news/kizilordada-avtobuska-sogilgan-zhenl-kolkteg-ek-adam-kaza-boldi-c4b5ba/">болды.</a><blockquote>– Салдарынан «Nissan» жүргізушісі және бір жолаушысы оқиға орнында қайтыс болған. Тағы бір жолаушы әртүрлі дене жарақатымен медициналық мекемеге жатқызылды. Бұл бойынша сотқа дейінгі тергеу жүргізілуде, қорытындысы бойынша процестік шешім қабылданатын болады, — деп мәлім етті Қызылорда облыстық полиция департаментінен.</blockquote>Ведомство өкілдері қыс мезгілінде жолда барынша сақ болу керектігін ескертеді.<blockquote>–&nbsp; Көктайғақ пен нашар көріну жағдайында ерекше мұқият болу қажет. Жылдамдықты азайтып, арақашықтықты сақтау және жолдың жағдайын ескеру өте маңызды,&nbsp;– деп атап өтті мамандар.</blockquote>Фото: Қызылорда облыстық ПД

Қызылордада автобусқа соғылған жеңіл көліктегі екі адам қаза болды   

<a href="https://kyzylorda-news.kz/">Kyzylorda-news.kz</a> Әлемдегі университеттер арасында тұрақты даму саласындағы беделді UI GreenMetric World University Rankings рейтингі жарияланды. Биыл рейтингке 95 елден 1477 оқу орны қатысты. Тізімде 27 қазақстандық университет бар. Бұл еліміздің Ғылым және жоғары білім министрлігі мен жоғары оқу орындарының тұрақтылық бағытында атқарған жұмыстарының айқын көрінісі.Өткен жылы университеттер 88 индикатоh бойынша бағаланса, биыл бұл көрсеткіш 96-ға жетті. Нәтижесінде, Қорқыт ата атындағы Қызылорда университеті екінші жыл қатарынан әлемдік рейтингтен көрініп, 1160-орынды иеленді.UI GreenMetric рейтингі - әлемде үлкен танымалдыққа ие. Рейтинг университеттердің экологиялық тұрақтылығын, кампустарындағы экологиялық жағдайды сақтауға бағытталған шараларды бағалауды мақсат етеді. Оған барлық тұрақтылық қағидаттарын ұстанатын университеттер қатыса алады.Рейтингтің ұйымдастырушылары академиялық қауымдастықты экологиялық мәселелерді шешуге және қоршаған ортаны тұрақты дамыту саясатын жүргізуге шақырады.Айта кетейік, университеттің бұл жетістігі 2030 жылға дейінгі тұрақты даму стратегиясының және барша ұжымның бірлескен еңбегінің нәтижесі болып табылады. Қорқыт ата атындағы Қызылорда университеті қоршаған ортаға қамқорлық жасауды күнделікті мәдениетіне айналдыруды мақсат етеді.<img src="https://knadmin.beoblood.kz/uploads/or_yt_ata_atynda_y_yzylorda_universiteti_UI_Green_Metric_2024_lemdik_ekologiyaly_t_ra_tyly_rejtinginde_2_f4bc65bd6b.jpg" alt="Қорқыт ата атындағы Қызылорда университеті UI Green Metric 2024 әлемдік экологиялық тұрақтылық рейтингінде 2.jpg">

Қорқыт ата атындағы Қызылорда университеті UI Green Metric 2024 әлемдік экологиялық тұрақтылық рейтингінде

<a href="https://kyzylorda-news.kz/">Kyzylorda-news.kz</a> Рэпер Кәрім Асылбеков басына түскен жағдайды әлеуметтік желідегі парақшасында хабарлады, деп жазды &nbsp;<a href="https://alash.kz/kz/article/polisiia-sherzatty-qoldap-akimdiktin-aldynda-an-aitqan-reperdin-ustinen-is-qozgady.html">Alash.kz порталы.</a><blockquote>– Жаңа ғана полициядан шықтым. Хаттама міне, Мен Шерзат, Талғар жайлы реп айтқан едім. Әкімшілік хаттама толтырды, –&nbsp;дейді рэпер.</blockquote>Хаттаманы оқыған рэпердің өзі онда “Кәрім Асылбеков Талдықорғандағы облыс әкімдігі алдында тұрып, былапыт сөзі бар тректі айтқан. Солай әкімшілік құқықбұзушылыққа жол берген” деп жазылған.Полиция әншінің үстінен “ұсақ бұзақылық” бабы бойынша әкімшілік іс қозғаған.Сурет:alash.kz

Полиция Шерзатты қолдап, ән айтқан рэпердің үстінен іс қозғады

<a href="https://kyzylorda-news.kz/">Kyzylorda-news.kz</a> Фитосанитариялық қауіпсіздік – аграрлық саладағы ең өзекті мәселенің бірі. Ол ауыл шаруашылығы саласында еңбек өнімділігін арттыруға және өңделген өнімдердің экспортын ұлғайтуға үлкен мүмкіндік береді. Жыл басынан бері Қызылорда облысының аумақтық инспекциясы 2 644 мемлекеттік қызмет көрсетсе, 1 829 фитосанитариялық сертификат табыстаған. Өңірлік коммуникациялар қызметінің ақпарат алаңында ҚР АШМ АӨК МИК Қызылорда облыстық аумақтық инспекциясының басшысы Мұхтар Оразбаев саладағы атқарылған жұмыстарды баяндады.<blockquote>– Жыл басынан бері сауда базарларына жүргізілген бақылау қадағалау жұмыстарының нәтижесінде облыста таралмаған 5 карантиндік нысан анықталды. Залал келген өнімдер сот органдарының шешімімен тәркіленіп, тиісті әдістермен жойылды. Одан бөлек, облыс аумағында азық-түлік қауіпсіздігін қамтасыз ету мақсатында сауда базарларына жүргізілген бақылау және қадағалау жұмыстарының нәтижесінде 144 заң бұзушылық анықталып, айыппұл салынды. Жалпы, өңірде таралған карантиндік зиянкестер қатарына калифорниялық қалқанша сымыры мен қауын шыбыны, карантиндік арамшөп - кекіре мен сарышырмауық жатады. Биыл жатаған у кекіреге қарсы – 142,5 га, қауын шыбынына қарсы – 1 750 га жерге химиялық өңдеу жұмыстары жүргізілді. Сондай-ақ, калифорниялық қалқанша сымырына қарсы – 43,5 га, арамсояуға қарсы – 417,007 га жер өңделді. Айта кету керек, облыс бойынша ерекше қауіпті шегіртке зиянкестерінің қанаттану, шағылысу, жұмыртқа салу кезеңінде 1 484 100 гектарға мониторинг жүргізіліп, қорытындысы бойынша 2025 жылы 60 024 гектар жерге химиялық өңдеу жұмыстарын жүргізуді жоспарлап отырмыз,- деді Мұхтар Әуесұлы.</blockquote><img src="https://knadmin.beoblood.kz/uploads/Auyl_sharuashyly_y_zherlerin_ziyankesterge_arsy_himiyaly_deu_zh_mystary_zh_jeli_zh_rgizildi_c9b23b70f7.jpg" alt="Ауыл шаруашылығы жерлерін зиянкестерге қарсы химиялық өңдеу жұмыстары жүйелі жүргізілді.jpg"><img src="https://knadmin.beoblood.kz/uploads/Auyl_sharuashyly_y_zherlerin_ziyankesterge_arsy_himiyaly_deu_zh_mystary_zh_jeli_zh_rgizildi_1_1c3c479c29.jpg" alt="Ауыл шаруашылығы жерлерін зиянкестерге қарсы химиялық өңдеу жұмыстары жүйелі жүргізілді 1.jpg"><img src="https://knadmin.beoblood.kz/uploads/Auyl_sharuashyly_y_zherlerin_ziyankesterge_arsy_himiyaly_deu_zh_mystary_zh_jeli_zh_rgizildi_2_10700036ca.jpg" alt="Ауыл шаруашылығы жерлерін зиянкестерге қарсы химиялық өңдеу жұмыстары жүйелі жүргізілді 2.jpg"> Фото: Нұрболат Нұржаубай

Ауыл шаруашылығы жерлерін зиянкестерге қарсы химиялық өңдеу жұмыстары жүйелі жүргізілді

<a href="https://kyzylorda-news.kz/">Kyzylorda-news.kz</a> TAS Group – Қазақстандағы ең танымал әрі ірі&nbsp;қаржылық&nbsp;компаниялардың бірі, өз саласында үлкен жетістіктерге жетіп, бизнес әлемінде айтарлықтай орын алған. Оның басты ерекшелігі – ұлттық құндылықтарды сақтай отырып, әлемдік нарықта бәсекеге қабілетті бола білуі. Қазіргі таңда TAS Group тек қазақстандық нарықта ғана емес, халықаралық аренада да танымалдыққа ие. Алайда, осы компанияның басты ерекшелігі – оның негізінде жатқан қазақы рух пен ұлттық болмысында.<blockquote>«Біздің компания қаржы саласында қызмет етеді. Шағын және орта бизнестің өкілдеріне қысқа мерзімді қаржыландыру ұсынамыз. Сонымен қатар, біз қазақша сөйлейтін алғашқы қаржы компаниясы болуға ұмтыламыз. Әрбір қазақ өз тілі мен мәдениетін мақтан етуі тиіс. Егер біз өзіміз ана тілімізде әдемі сөйлеп, жоғары мәдениетімізбен үлгі болсақ, жастарымыз да соған еліктейді», – дейді компания басшысы Дулат Тастекей.</blockquote>Дулат Тастекейді көпшілік тіл жанашыры ретінде таниды. Ол өзі басқарып отырған компаниялар тобындағы іс-қағаздарды қазақшалап, қызметкерлеріне қазақ тілі курсын ұйымдастырып, өз ісімен және ұстанымымен үлгі болған кәсіпкер. Себебі мекемедегібасты талабы – қазақ тілін білу.<blockquote>«Біздің байланыс орталығымызға қоңырау шалатындардың 60% қазақ тілінде қызмет алуды қалайды. Қазақ тілі бизнес тіліне айналуы үшін тұтынушылар өз тілінде қызмет көрсетуді талап етуі тиіс. Егер клиенттер қазақ тілінде сөйлесуді талап етсе, бизнес те соған бейімделеді», - дейді&nbsp;Дулат Тастекей..</blockquote>TAS Group қызметінде қазақ тілін кеңінен қолдануды және оның дамуына үлес қосуды басты мақсаттарының бірі ретінде көреді. Қазақ тілін тек құжаттамада емес, қызметкерлермен сөйлесуде, маркетингтік стратегияларда да жиі пайдаланады. Компанияның интернет-ресурстары мен әлеуметтік желілеріндегі жазбаларының барлығы бірінші қазақ тілінде жарияланады, бұл тек тілдің мәртебесін арттырып қана қоймай, қоғамның ұлттық санасын дамытуға да ықпал етеді.<blockquote>«Бізде бүгінгі таңда әртүрлі ұлт өкілдері бар: орыс, кәріс, ұйғыр, өзбек ұлтының өкілдері, одан басқа аз ұлттардың қанша барын білмеймін, бұлар қазақстандағы кеңсемізде, ал, біздің бизнесіміз Ресейде және Өзбекстанда да бар. Ол жақта сол елдердің негізгі халқы жұмыс істеп жатыр. Сондай-ақ онда біздің қазақтар да қызмет етіп жүр. Бізде осындай жағдай. Яғни компаниядағы қызметкерлердің 90% астамы қазақтар. Мұнда мәселе ұлтқа бөлінгендік емес, бізде қызметкерлерге қойылатын талаптардың бірі қазақ тілін жетік білу. Соған да байланысты шығар, біздің білікті қызметкерлердің негізі қазақ ұлтының азаматтарынан құралған», - деп қосты Дулат Тастекей.</blockquote>Ұлттық құндылықтарды насихаттауды белсене қолдап жүрген Дулат Тастекей бүгінде тек кәсіпкер емес, сондай-ақ Алматы қалалық мәслихатының депутаты, әрі меценат.<blockquote>«Мен Алматы қалалық мәслихат депутаты болып сайланған соң, сол мәслихаттың болатын іс-шараларында, жиындарында өз тарапымнан барлық дүниенің мемлекеттік тілде болуына депутат ретінде талап қойып, бір-екі отырыстарда өзімнің позициямды білдірдім. Себебі біз басқа ұлттарды қолымыздан келгенше сыйлауға тырысамыз, бірақ солай екен деп әрдайым солардың ығына жығыла беретін болсақ, онымыз болмас.Біз бірінші кезекте өзіміздің ана тілімізге құрмет көрсетейік, содан кейін қонақтарды сыйлайық. Алдымен өзімізге құрмет көрсетпей, қашанда өзгенің ығына жығыла беретін болсақ, онда біздің тілімізге деген сұраныс, қажеттілік болмайды. Қажеттілік пен сұраныс болмаса оған деген қызығушылық мүлде болмайды.», - дейді Дулат Тастекей.</blockquote>TAS Group тек қазақи құндылықтарды ғана емес, экономикалық және қаржылық тұрғыдан да тұрақты әрі инновациялық көзқарасты алға тартады. Компания жаңа технологиялар мен бизнес үлгілерін енгізу арқылы Қазақстан экономикасын жаңа деңгейге көтеруге тырысады. Сонымен қатар, сыртқы нарықтарға шығу арқылы отандық өнімдер мен қызметтерді халықаралық аренада танытуға да мән береді.<blockquote>«Технологиялық жағынан бір орында тұру – озық компаниялардың артында қалумен тең. Технологиясын күн сайын жаңартатын компания ретінде жұмысымызды тоқтатпаймыз. Клиенттеріміздің өмірін жеңілдету үшін онлайн технологияларды әрі қарай дамыта түсеміз. Біздің басқа компаниялардан бәсекелестік артықшылығымыз – бизнесті масштабтандыруды басқаратын өзіміздің ақпараттық жүйеміз бар. Қазірдің өзінде 70-тен астам IT қызметкер жұмыс істейді. Олардың жалақысы компаниядағы қалған 250-ден астам адамның жалақысының қосындысынан артық. Бұл мамандардың қызметі елімізде ғана емес, әлемде жоғары бағаланатыны мәлім. IT технологияны қолдау басқалар үшін инвестиция болса, TAS Group үшін – тұрақты белгіленген шығын. Бізде fintech компанияның барлық элементтері қарастырылған.</blockquote>Осы күнге дейін АҚШ, Австралия және одан басқа 40-тан астам мемлекетті аралап келдім, алайда ол жақта тамсандыратын қаржы сервисін көрмедім. Біздің компаниялардың жасап жүрген дүниелерін әлемнің ешбір мемлекетінде қайталай алған жоқ. Біз қаржы саласындағы озық технологияларды қосуда көшбасшымыз деуге болады. Мысалы, отандық банктердің бірі IPO-ға шықты, тағы бірнеше қазақстандық компания сондай сәтті IPO жасаса, алда еліміз fintech компаниялар шоғырланған орталық ретінде танылуы мүмкін. Сондықтан, біз қорықпай батыл қадам жасай береміз», - деп толықтырды Дулат Тастекей.TAS Group компаниясының ерекшелігі – оның ұлттық құндылықтарды сақтай отырып, заманауи бизнес талаптарына сәйкес келуі. Бұл компанияның басты мақсаты – қазақтың дәстүрлері мен мәдениетін әлемге таныту, әлеуметтік жауапкершілікке ие болу және еліміздің экономикасына өз үлесін қосу. TAS Group қазіргі таңда еліміздегі ең қазақи компания ретінде ұлттық бизнес мәдениетін қалыптастырып, алдағы уақытта да осы жолда табысты боларына күмән жоқ.<img src="https://knadmin.beoblood.kz/uploads/TAS_Group_elimizdi_e_aza_i_kompaniyasy_1_474c904a3c.jpg" alt="TAS Group – еліміздің ең қазақи компаниясы 1.jpg"><img src="https://knadmin.beoblood.kz/uploads/TAS_Group_elimizdi_e_aza_i_kompaniyasy_2_1a6a66c248.jpg" alt="TAS Group – еліміздің ең қазақи компаниясы 2.jpg"><img src="https://knadmin.beoblood.kz/uploads/TAS_Group_elimizdi_e_aza_i_kompaniyasy_3_35b35ba467.jpg" alt="TAS Group – еліміздің ең қазақи компаниясы 3.jpg">Лицензия №05.21.0006.М. 26.02.2021 жылы ҚНРДА берген

TAS Group – еліміздің ең қазақи компаниясы

<a href="https://kyzylorda-news.kz/">Kyzylorda-news.kz</a> Облыстық ардагерлер кеңесінің ұйымдастыруымен ардагерлердің салауатты өмір салтын насихаттау, өскелең жас ұрпақты отансүйгіштікке баулу және ардагерлер арасында достықты нығайту мақсатында облыс ардагерлері арасында бильярд пен шахматтан жарыс өтті.Ардагер аналар арасында өткен шахмат бәсекесіне жиырмаға жуық ардагер ынта білдірген. Ал, бильярд сайысын да жиырма жеті аға буын өкілі бақ сынады.Жарыс барысында үздік ойын өрнегін көрсеткен қарттар ойлау қабілеттерінің ұшқыр екенін дәлелдеді. Байрақты бәсекеде қарсыластарына дес бермей, жеңімпаз &nbsp;атану үшін барын салды. Жарыс барысында әрбір қарт қайратын қайта жанып, үздік болуға барын салды.&nbsp;Шахмат сабырлылыққа үндесе, бильярд тұрақтылыққа баулиды. Айта кетейік, қатысушылар мұндай ойынға бірінші рет келуі емес. Осыған дейін де көптеген ойындардың көрігін қыздырып жүр. Талай бәсекелерде бәсі жоғары болатын ардагерлер мұндай игі шаралардан қол үзгісі келмейді. Өйткені, спорт – денсаулық кепілі.Жарыс қорытындысы бойынша бильярд ойынынан қазалылық Аманкелді Қарымсақов жеңімпаз атанды. Қызылордалық Сейсенбі Шермаханов екінші орынның жүлдесін еншіледі. Үздік үштікті Қармақшыдан келген Қуаныш Ержан түйіндеді.Ардагер аналар арасында өрбіген шахмат сайысы да жолғары деңгейде өтті. Онда Қызылорда қаласынан қатысқан Гүлзая Құрманбаева барлық қарсыластарынан басым түсіп бірінші орын иеленді. Екінші орын жүлдесіде қызылордалық Қырмызы Секинаға табысталды. Жалағаш ауданынан қатысқан ардагер Ләззат Әбдреймова жүлделі үшінші орынға лайық деп танылды.Жеңімпаз ардагерлер облыстық ардагерлер кеңесінің арнайы дипломдарымен марапатталып, сый-сияпаты табысталды. Өз кезегінде жарысқа қатысушы аға буын өкілдері ұйымдастырушыларға алғысын жеткізіп, ризашылықтарын білдірді.<img src="https://knadmin.beoblood.kz/uploads/Ardagerler_arasynda_sportty_sajys_tti_1_93d85fae6f.jpg" alt="Ардагерлер арасында спорттық сайыс өтті 1.jpg"><img src="https://knadmin.beoblood.kz/uploads/Ardagerler_arasynda_sportty_sajys_tti_2_7b0804462c.jpg" alt="Ардагерлер арасында спорттық сайыс өтті 2.jpg">Тұрар БЕКМЫРЗАЕВ

Ардагерлер арасында спорттық сайыс өтті

<a href="https://kyzylorda-news.kz/">Kyzylorda-news.kz</a> Есірткі көміп таратқаны үшін сотталған 1200 адамның жазасы қайта қаралады. Бұл туралы Ішкі істер министрінің орынбасары Санжар Мәдиев Сенат отырысынан кейін өткен баспасөз мәслихатында айтты деп хабарлады <a href="https://kaz.inform.kz/news/esrtk-taratkani-ushn-sottalgandar-shartti-turde-bostandikka-shigui-mumkn-6c8694/">kaz.inform.kz</a><blockquote>- Қазіргі таңда «есірткі көмгені» үшін сотталғандардың бір бөлігіне тағайындалған жаза қайта қаралуы мүмкін. Нақты айтқанда 1000-нан астам тұлға мерзімінен бұрын шартты түрде бостандыққа шығады.</blockquote>Олардың құқықтары жазаны өтеу мекемелері арқылы ұсынымхат рәсімдеу арқылы немесе адвокат арқылы қорғалады. Әр жағдайды сот жеке қарады. Осылайша сотталғандар жазаны жеңілдету құқығына ие болады, - деді вице-министр.Оның сөзінше, 4 мыңға жуық адам есірткі қылмысын жасағаны үшін сотталған.<blockquote>- Олардың арасында шамамен 1220 адам есірткі көмегін үшін жаза арқалаған. Бұл көбінесе курьерлер мен есірткі көмушілер. Бір сөзбен айтқанда есірткі саудасына қатысқандар, - деді Санжар Мәдиев.</blockquote>Фото: Pexels

Есірткі таратқаны үшін сотталғандар шартты түрде бостандыққа шығуы мүмкін 

<a href="https://kyzylorda-news.kz/">Kyzylorda-news.kz</a> Танымал блогер Әлішер Елікбаев әнші Қайрат Нұртастың қатысы бар “Прайм” плазадағы оқиға&nbsp;қалай болғанын айтып берді. Бұл туралы&nbsp;<a href="https://stan.kz/ahmetzhan-esimov-kayrat-nyrtastin-koncert-beruine-ryksa-411339/">Stan.kz</a>&nbsp;ақпарат агенттігі хабарлайды.&nbsp;Желі жұлдызы әншінің шығармашылығын жоғары бағалайтынын&nbsp;<a href="https://www.youtube.com/watch?v=QQLtLUOdmjc&amp;list=PLhxazkJX8lN4rUu274QSjpw_7PcMpwzbm">“Айқап”</a>&nbsp;подкастында жеткізді.&nbsp;“2013 жылы Айсұлтан Назарбаевтың тойы болып жатқанда Қайрат Нұртастың “Прайм” плазадағы шуы басталған еді. Достық даңғылының жоғары жағында үйлену тойы болып жатты. Қаланың төменгі көшесінде әншінің концерті жанжалға ұласты. Сол кезде алматылықтардың бірінші сұрағы: “Қайрат Нұртас деген кім?!” болды. Көбі танымайды екен. Ол кезде мен журналист болып жұмыс істеймін. Қайратты редакцияға шақырып, орысша сұхбат алайық дедім. Бірақ ол келіспей, қазақша беремін деді. Анасымен де сөйлестік. Ақыры қазақша сұхбат беріп, оны біз орысшаға аудардық. Мықты әнші екеніне көзім жетті. Орыс тілді орта ғана Қайрат Нұртасты онша танымайды екен. Шығармашылық жолына кедергі&nbsp;көп болды”, – деді блогер.&nbsp;Сондай-ақ&nbsp;Алматы қаласының сол кездегі әкімі Ахметжан Есімов Қайрат Нұртастың концерттерін өткізуге тыйым салғанын да жасырмады.&nbsp;“Сен Алматыда концерт бермейсің, сенің кім екеніңді танымаймыз” деп Ахметжан Есімов Қайрат Нұртасқа ашуланды. Енді концерт бермейді деп эмоциялық&nbsp;шешім шығарды. Өйткені жоғары жақтағы той қатар өтіп жатқан еді. Бірақ сұхбаттың орысша нұсқасын оқығаннан кейін халықтың Қайратты қалай жақсы көретініне көзі жетті. Жалпы&nbsp;Есімов әншінің шығармашылығына тосқауыл болғаны жасырын емес”, – деді Елікбаев.Сурет: stan.kz

Қазақстан және Қызылорда облысының жаңалықтары