<a href="https://kyzylorda-news.kz/">Kyzylorda-news.kz</a> Мемлекет басшысы Түркістанда өткен Ұлттық құрылтайда өскелең ұрпақтың тәрбиесі мен біліміне, ұлттық мүддеге сай келетін кітаптар басып шығаруға ерекше назар аударған болатын. Ол кітап шығару ісі идеологиялық жұмыстың басты бағыттарының бірі екенін атап өтті. Сондай-ақ, Қасым-Жомарт Тоқаев биылғы Жолдауында «Адал азамат» тұжырымдамасының мән-мағынасына терең тоқталды. Осыған орай, «AMANAT» партиясы Президенттің бастамаларына демеу болып, өз деңгейінде ұлттың зияткерлік дамуына жан-жақты қолдау көрсетіп келеді.Осы орайда, 2023 жылдан бастап еліміздің барлық аймағында «Кітап-AMANAT» жобасымен рухани орталықтар ашылып, бастама аясында біздің аймақта да кітап орталығында белсенді жұмыс жүргізілуде.Аталған орталықта Ұлттық басылым күніне орай баспа саласының өкілдерінің қатысуымен жастармен, оқырмандармен мәдени-рухани, танымдық-ағартушылық бағытында кездесу өтті.Кездесуге «AMANAT» партиясы Қызылорда қалалық филиалының Атқарушы хатшысы Гүлшат Мусаева, «Orda.kz» Баспа үйінің редакторы Арайлым Қайыпназарова және журналист Алдияр Нұрманов қатысты.Басқосу барысында рухани орталықтың қонақтары баспа саласының қыр-сыры мен қызықшылықтары туралы әңгіме өрбітіп, жастармен пікір алмасты.<img src="https://knadmin.beoblood.kz/uploads/Kitap_amanat_ltty_basylym_k_nine_oraj_baspa_salasyny_kilderimen_kezdesu_tti_1_a276d35f6e.jpg" alt="«Кітап-amanat» ұлттық басылым күніне орай баспа саласының өкілдерімен кездесу өтті 1.jpg">

«Кітап-amanat»: ұлттық басылым күніне орай баспа саласының өкілдерімен кездесу өтті

<a href="https://kyzylorda-news.kz/">Kyzylorda-news.kz</a>&nbsp; Алматы тұрғындары екі қабатты үйдің кіреберісінен жаңа туған сәбиді тауып алды. Мұны көрген адамдар дереу полиция мен жедел жәрдем шақырған, деп хабарлайды Egemen.kz.<a href="https://www.ktk.kz/ru/news/video/2025/01/30/289918/">КТК</a>&nbsp;арнасының жазуынша, оқиға 30 қаңтар күні күндіз болған. Белгісіз біреулер сәбиді екінші қабаттағы пәтерлердің бірінің есігінің алдына тастап кеткен. Жаңа туған шақалақ жедел түрде ауруханаға жатқызылды, оның жағдайы ауыр деп бағаланды. Бала қазір жансақтау бөлімінде тыныс алу аппаратына қосылған.Полиция қылмыстық іс қозғап, қыздың анасын іздестіріп жатыр.<blockquote>«Жедел басқару орталығының мәліметінше, жаңа туған нәрестені Чернышевский көшесіндегі үйлердің бірінде тұратын тұрғындар тауып алған. Түрксіб аудандық полиция бөлімі тергеу амалдарын, сондай-ақ бірқатар жедел іс-шаралар жүргізіп жатыр», деді Алматы полиция департаментінің ресми өкілі Салтанат Әзірбек.</blockquote>Фото: Нұрболат Нұржаубай

Есік алдынан жаңа туған сәби табылған

<a href="https://kyzylorda-news.kz/">Kyzylorda-news.kz</a> &nbsp;Бүгін облыс әкімі Нұрлыбек Нәлібаевтың қатысуымен Жалағаш ауданының «Қаракеткен» ауылында «Ауылдық денсаулық сақтауды жаңғырту» ұлттық жобасымен салынған дәрігерлік амбулатория ашылды. Рәсімге облыстағы құқық қорғау органдарының басшылары, медицина саласының ардагерлері, қоғам қайраткерлері мен ауыл тұрғындары қатысты.Аймақ басшысы жиналған қауымды құттықтап, өңірдің әлеуметтік-экономикалық дамуындағы, құрылыс денсаулық сақтау салаларындағы жаңашылдықтарға тоқталды.<blockquote>«Мемлекет басшысының төрағалығыменөткен Үкіметтің кеңейтілген отырысында өңірдің әлеуметтік-экономикалық даму қорытындыларын баяндадым. Президентіміз Қасым-Жомарт Кемелұлы облыста атқарылған жұмыстарға оң бағасын берді. Алдымызда әлі жүзеге асыратын жобаларымыз көп. Осы бағытта жұмысымызды жалғастыратын боламыз.Аймақтың денсаулық сақтау саласының бюджеті 129 млрд. 448 млн. теңгеге жетті. «Ауылда денсаулық сақтауды жаңғырту» ұлттық жобасы аясында барлық ауданда 28 медициналық нысан салынды. Жалағаш ауданының Есет батыр, Мырзабай ахун ауылдарындағы екі дәрігерлік амбулатория 2023 жылы ашылып, қазір ел игілігіне қызмет етуде.Бүгін ел игілігіне табысталатын жаңа ғимаратта бастапқы медициналық көмек көрсету сапасын жақсарта түсуге жол ашылсын! Дәрігерлеріміз елге адал қызмет етіп, халық алғысына бөлене берсін! Егемен еліміздің еңсесі биік, Тәуелсіздігіміз баянды болғай!» – деді Нұрлыбек Машбекұлы.</blockquote>Жиында медицина саласының ардагері,Қызылорда облысының Құрметті азаматы, «Құрмет» және «Парасат» ордендерінің иегері Тұрғанбай Маханов батасын берді. Ауданның әлеуметтік-экономикалық дамуы жолында қажырлы еңбек еткен ардагерлер мен аурухананы салған құрылысшыларға марапаттар тапсырылды.Айта кетейік, өткен жылы Қызылордада жаңа «Қан орталығы» ашылып, бүгінде ел игілігіне қызмет етуде. Жаңақорған ауданы «Төменарық» ауылында, Арал ауданы «Сексеуіл» кентінде ауылдық ауруханалар қолданысқа берілді. Ана мен бала өмірін қорғау мақсатында көпбейінді облыстық аурухана базасында жаңа МРТ аппараты іске қосылып, 70 орындық перинаталдық бөлім ашылды.Облыс орталығында емханасы мен онкологиялық бөлімшесі бар 300 орындық көпбейінді аурухананың құрылысы жүруде. Бұдан бөлек, ұлттық жоба аясында 4 көпбейінді аудандық орталық аурухана жанынан қосымша құрылыс салынады.Өткен жылы 8 медициналық нысанға күрделі жөндеу жұмыстары жүргізілді. Биыл 6 нысанның жылу жүйесі газға ауыстырылады. Медициналық құрал-жабдықтармен қамтылудеңгейі 87,1 пайызға жетті. Соңғы 2 жылда облыстың барлық елді мекеніндегі денсаулық сақтау мекемелеріне 245 жаңа санитарлық автокөлік табысталса, оның 11-і Жалағаш ауданына берілді. Осылайша, ауылдарды санитарлық автокөлікпен қамту мәселесі толық шешілді.Мемлекет басшысының бастамасымен құрылған «Қазақстан халқына» қоры өңірдің денсаулық сақтау саласын дамытуға 4 млрд. теңгеден астам қаржы бағыттады. Бұл қаржыға Арал, Жаңақорған аудандары мен Қызылорда қаласында «Қамқорлық» оңалту орталықтары ашылды. Скрининг жүргізуге арналған жылжымалы медициналық кешен алынып, ауыл тұрғындарын тексеруден өткізуде.<img src="https://knadmin.beoblood.kz/uploads/araketken_auylynda_d_rigerlik_ambulatoriya_pajdalanu_a_berildi_4_38ac86c86a.jpg" alt="«Қаракеткен» ауылында дәрігерлік амбулатория пайдалануға берілді 4.jpg"><img src="https://knadmin.beoblood.kz/uploads/araketken_auylynda_d_rigerlik_ambulatoriya_pajdalanu_a_berildi_2_834e80eed5.jpg" alt="«Қаракеткен» ауылында дәрігерлік амбулатория пайдалануға берілді 2.jpg"><img src="https://knadmin.beoblood.kz/uploads/araketken_auylynda_d_rigerlik_ambulatoriya_pajdalanu_a_berildi_1_6f1394944a.jpg" alt="«Қаракеткен» ауылында дәрігерлік амбулатория пайдалануға берілді 1.jpg">Фото: Қызылорда облысы әкімінің баспасөз қызметі

«Қаракеткен» ауылында дәрігерлік амбулатория пайдалануға берілді

<a href="https://kyzylorda-news.kz/">Kyzylorda-news.kz</a> Кеше &nbsp;Белкөл кентінің әкімі Жасұлан Сәду бұқаралық ақпарат құралдарының өкілдеріне өткен жылы кент көлемінде атқарылған жұмыстар мен алдағы жоспарлар бойынша баспасөз конференциясын өткізді.<blockquote>- Кенттегі Жерұйық, Сарыарқа, Бірлік көшелеріне электр желісі тартылып, Әбдіқадыров көшесіне жаяу жүргіншілер жолы түсті. Бірқазан елдімекені, Бірлік, Путейцева, К.Әбдіқадыров 4 және К.Әбдіқадыров 6 көшелері жарықтандырылып, Бірлік көшесіне, Бірқазан елдімекеніне балалар ойын алаңы салынды. Кентті абаттандыру бағытында Орталық, Бірлік көшелеріне түнгі жарық шамдары және К.Әбдіқадыров көшесіне 3 дана аялдама, кіру қақпасы орнатылды. Бұл бағыттағы жұмыстар биыл да жалғасын табады. Тұрғындардың сұранысына сәйкес кенттегі 12 көшеге электр желісін тартуды жоспарлап отырмыз. Қазір жоба бюджетке қаржыландыруға ұсынылды, - деді кент әкімі Жасұлан Хабидуллаұлы.</blockquote>Кентте 464 шағын кәсіпкерлік субъектісі жұмыс жасауда. Жыл көлемінде жаңадан 126 кәсіпкерлік субъектісі тіркеліп, 141 тұрақты жұмыс орны ашылды. 2021-2025 жылдарға арналған кәсіпкерлікті дамыту жөніндегі бағдарламаның қайтарымсыз қаражаты есебінен 8 тұрғын грант иегері атанды. Кәсіпкерлікті дамытудың түрлі мемлекеттік бағдарламалары аясында ұсынылған 25 жоба мақұлданып, 2 521 млн. теңгеге қаржыландырылды.

Брифинг: Белкөл ауылы бойынша 2024 жылдың қорытындысы

<a href="https://kyzylorda-news.kz/">Kyzylorda-news.kz</a> Кеше қала әкімінің орынбасары Ғалымжан Еркебайдың төрағалығымен өткен аппарат мәжілісінде екі мәселе талқыланды.Алдымен 2024 жылдың қорытындысымен қала бюджетінің игерілуі, салық базасының ұлғайтылуы және макроэкономикалық көрсеткіштердің орындалуы талданып, негізгі бағыттар бойынша есептер нақтыланды.Қалалық экономика және қаржы бөлімінің басшысы Гүлнәр Баймаханова мәлімдегендей, қала бюджеті жыл басында 58,2 млрд.теңгемен бекітіліп, жыл аяғында 112,7 млрд.теңгеден асты. Бұл өткен жылмен салыстырғанда 18,4 пайызға өскенін білдіреді.Ел Президентінің, Үкіметтің және облыс әкімінің қолдауының арқасында өңдеу өнеркәсібінің өнім көлемі – 108,9 пайызға, инвестициялар тарту – 119,0 пайызға, құрылыс жұмыстарының көлемі – 159,7 пайызға, пайдалануға берілген тұрғын үйлердің көлемі – 115,4 пайызға, ауыл шаруашылығының жалпы өнімі – 101,3 пайызға, сауда көлемі – 105,7 пайызға артты.<blockquote>– Биыл да барлық көрсеткіштерімізді жоспарланған межеден асырып орындауға мүмкіндігіміз мол. Сондықтан салық төлемдерін аз төлеу немесе төлемдерден жалтару фактілері бойынша тиісті шаралар қабылдауымыз керек. Өйткені, салық базасын ұлғайту экономикамыз үшін аса маңызды. Сондықтан қала аумағында орналасса да салығын басқа өңірлерге төлеп отырған кәсіпкерлерге түгендеу жұмыстарын жүргізетін боламыз,-деді Ғалымжан Бақтығалиұлы</blockquote>Жиында көтерілген жекелеген мәселелер бойынша талқылау өтіп, жауапты сала басшыларына бірқатар тапсырмалар жүктелді.

Қызылорда: Қала бюджеті 18,4 пайызға өсті

<a href="https://kyzylorda-news.kz/">Kyzylorda-news.kz</a> 2022 жылдың қыркүйегінде Мемлекет басшысы Қасым-Жомарт Тоқаев «Әділетті мемлекет. Біртұтас ұлт. Берекелі қоғам» атты Қазақстан халқына Жолдауы аясында «Ұлттық қор – балаларға» бастамасын көтерген болатын. Осы бастаманың аясында 2025 жылы 18 жасқа толмаған қазақстандық балаларға 129,38 доллары көлемінде қаражат аударылды.Өскелең ұрпаққа қамқорлық көрсету – мемлекеттік саясаттағы басымдыққа ие бағыттардың бірі. Қазір еліміздегі отбасылар баланың дүниеге келген сәтінен бастап оның ер жеткеніне дейін мемлекеттің қолдауына сенімді бола алады. Айталық, ҚР Президенті Қасым-Жомарт Тоқаевтың бастамасы жас азаматтардың әл-ауқатын арттыруға, сондай-ақ білім алуына жан-жақты жағдай жасап, табысты болуларына бағытталған. 2024 жылдан бастап жылма-жыл қазақстандық балаларға 18 жасқа толғанға дейін инвестициялық табысты қоса алғанда, Ұлттық қордан қаражат аударылып келеді.«Біз азаматтарымыздың өмір сүру сапасын жақсартып, балаларымызға кемел келешекті құрудың негізін қалап жатырмыз»,- Қасым-Жомарт Тоқаев, ҚР Президенті.«Ұлттық қор – балаларға» жобасының басты миссиясы – келер ұрпаққа арналған жинақтарды қалыптастыру арқылы қаржы ресурстарын үнемдеу жолымен әр балаға ұлттық байлықтан тиесілі үлесті беруді көздейді.2024 жылы аталған бағдарламаға 6 919 131 адам қатысып (2006-2023 ж.ж. туған балаларды қоса алғанда), олардың әрбірінің шотына 100,52 доллар жіберілді. Аударылған ақшаның жалпы сомасы – 695,5 млн доллар. Тұтастай алғанда, осы бағдарламамен қамтылғандардың жалпы санынан 304 815 адам 2024 жылы 18 жасқа толып, оларға жалпы сомасы 30,6 млн доллар аударылды.2025 жылы әр балаға жаплы 129,38 доллар аударылды.Бағдарламаға екі жылдан бері қатысып келе жатқан балалардың (инвестициялық кірісті қоса алғанда) жинақтарының жалпы сомасы 232,94 долларға ұлғайды.«Ұлттық қор – балаларға» бағдарламасы бойынша аударымдар туралы ақпарат eGov.kz порталында және <a href="https://egov.kz/cms/kk">eGov Mobile </a>мобильді қосымшасында 2025 ж. 1 ақпанда көрсетіледі.Төлем тетігі барынша қарапайым. Баланың бағдарламаға қатысуы мен есептелген ақша туралы ақпаратты баланың ЖСН енгізе отырып, арнайы құрылған <a href="https://kids.enpf.kz/">kids.enpf.kz</a> сайтынан көруге болады. Онда бағдарламаның шарттарымен танысып, нұсқаулықтар, сол секілді өзекті сұрақтардың жауаптарын ала аласыз. Бұдан бөлек балаға арналған аударымдар туралы деректерді <a href="https://egov.kz/cms/kk">eGov.kz </a>порталындағы жеке кабинетке кіріп, сондай-ақ <a href="https://kaspi.kz/">Kaspi.kz</a>, Halyk қосымшалары арқылы да көруге болады.Мемлекеттің маңызды міндеттерінің бірі – білім мен баспана алуға баршаға тең мүмкіндік беру. Осы тұрғыдан алғанда, «Ұлттық қор – балаларға» бастамасы жас қазақстандықтар үшін айтарлықтай қолдауға айналды.Жинақталған соманы кез келген жас азамат 18 жасқа толғанда пайдалана алады. Жинақтар БЖЗҚ-дағы шоттарға аударылады және жобаның ресонденттері уәкілетті операторлардың (Отбасы банкі және Халық банкі) қосымшасы арқылы өтініш бере отырып, тиісті соманы тұрғын үй жағдайларын жақсартуға және (немесе) білім алуға жұмсай алады.2025 жылдың 1 қаңтарында бұл мақсатқа 66 571 өтінім беріліп, оның ішінде жалпы сомасы 5 316,7 мың долларға 53 001 өтінім орындалды. Тұрғын үй жағдайын жақсартуға 34 388 өтінім берілді, оның ішінде 29 542-сі орындалып, 2 964 мың доллары төленді. Білім беру бойынша 32 183 өтінім жолданып, оның ішінде 23 459 өтінім қанағаттандырылып, 2 352,7 мың доллар төленді.Биыл бағдарламаға 6 921 035 бала қатысып жатыр (2007 жылдан 2024 жылға дейін туған балалар). Олардың ішінде 324 430 азамат 2025 жылы 18 жасқа толады.Ұлттық қордың қаражатын жас отандастарымызды қолдау мақсатында пайдалану – еліміздің орнықты дамуына бағытталған стратегиялық шешім. Аталған бастама өмір сүру сапасын жақсартуға оң әсер етіп, кейінгі ұрпаққа болашаққа зор сеніммен қарауға мүмкіндік береді.Фото: Нұрболат Нұржаубай

Қазақстандық балаларға Ұлттық қордан 129 доллар түсті

<a href="https://kyzylorda-news.kz/">Kyzylorda-news.kz</a>&nbsp; Аймақтағы кәсіпкерлік саласы дамып келеді. Білімсіз бизнес деңгейі биіктемейтінін ескерсек, білікті мамандардың арқасында жүйелі жұмыстар атқарылуда. Негізгі капиталға тартылған инвестиция көлемі – 21,7 % – ға артты. Жалпы, алдағы бес жылдықта яғни 2025-2029 жылдары аралығында өңірімізде 87 инвестициялық жобаны іске асыру жоспарлануда. Яғни 8 мың 300 жаңа жұмыс орны ашылуы күтілуде. Бұл туралы Өңірлік коммуникациялар қызметінің баспасөз алаңында облыстық кәсіпкерлік және өнеркәсіп басқармасының басшысы Дәурен Әбілқайыров баяндады.<blockquote>– 2024 жылы бірқатар жұмыстар атқарылды. Ірі жобаның бірі – Қорқыт Ата әуежайының жаңа терминалы. Әуежайды әрі қарай дамыту мақсатында вьетнамдық «Sovico Group» компаниясымен Қорқыт Ата әуежайын сенімгерлік басқаруға беру үшін келіссөздер жүргізілуде. Мемлекет басшысының аэрохабтарды дамыту бойынша тапсырмасына сәйкес әуежай жанынан арнайы экономикалық аймақ құру бойынша тиісті министрліктермен жұмыстар жүргізілуде. Бұл мақсатта әуежай маңынан 550 га жер белгіленді. Ірі жобамыздың бірі – қуаттылығы 240 мегаватты құрайтын жаңа жылу электр орталығы. Атап өту қажет, облыстың энергияға қажеттілігі күніне 212 МВт-ты құраса, аймағымызда жалпы қуаты 89,1 МВт болатын 9 күн электр станциясы жұмыс жасауда. Аталған 5 жоба іске қосылғанда өңіріміз толықтай жасыл энергетикаға көшетін болады. Өңірдің инвестициялық жобаларын қаржылық қолдауда «Өнеркәсіпті дамыту қорымен» бірлесіп белсенді жұмыс жүргізілуде. Қор арқылы 7 жоба қарастырылуда. Үкіметтің қолдауымен былтыр құрылысы басталған азық-түлік өнеркәсібіне бағытталған әр қайсысы 2000 шаршы метр екі шағын өнеркәсіптік аймақ биыл іске қосылады, – деді Дәурен Тұрғанбайұлы.</blockquote><img src="https://knadmin.beoblood.kz/uploads/k_sip_35108d6e00.jpg" alt="кәсіп.jpg">Фото: freepik.com

Шағын және орта бизнестің экономикадағы үлесі 20,4 пайызды құрады

<a href="https://kyzylorda-news.kz/">Kyzylorda-news.kz</a> Облыс әкімі Нұрлыбек Нәлібаев Байқоңыр қаласының басшысы Константин Бусыгинмен кездесті.Аймақ басшысы қаланы бірлесіп дамытудағы Қазақстан мен Ресейдің мемлекеттік органдары арасындағы қарым-қатынас жоғары деңгейде екенін атап өтті.Кездесуде «Байқоңыр» ғарыш айлағының 70 жылдығын атап өту жоспары талқыланды. Облыс әкімдігі мерейтойға қатысты іс-шаралар жоспарын бірлесіп пысықтауда.Бұдан бөлек, кездесуде Байқоңыр қаласындағы инфрақұрылымдық жобалар талқыланды. Атап айтқанда, қаланың Бас жоспары, қаланы дамытудың ұзақ мерзімді бағдарламасы аясындағы сумен жабдықтау, су бұру жүйелерін жаңғырту және бес тұрғын үйдің құрылыс барысы қаралды.Өз кезегінде Байқоңыр қаласының басшысы бірлесіп атқарылатын жұмыстар одан әрі де жоспарға сәйкес іске асырылатынын айтты.Фото: Қызылорда облысы әкімінің баспасөз қызметі

Облыс әкімі Байқоңыр қаласы әкімшілігінің басшысымен кездесті

<a href="https://kyzylorda-news.kz/">Kyzylorda-news.kz</a> Шиелі кентінің орталық стадион аумағында азық-түлік бағасын тұрақтандыру мақсатында Шиелі ауданы әкімдігінің ұйымдастыруымен ауыл шаруашылығы өнімдерінің жәрмеңкесі өтті.Аудан әкімдігінің қолдауымен жеке кәсіпкер Стиев Қуаныш мырза «Байқоңыр» ӘКК» АҚ-мен келісім шартқа отыру арқылы облыстық тұрақтандыру қорынан әлеуметтік маңызы бар азық-түлік өнімдерін алып келіп аудан халқына қол жетімді бағада ұсынды.&nbsp;Аудан әкімінің орынбасары Бағлан Сағындықов және Шиелі кентінің әкімі Аманкелді Өмірәлі жәрмеңкеге арнайы қатысып, тұрғындардың сұраныстағы әлеуметтік маңызы бар азық-түлік өнімдерінің бағасын бақылады.Жәрмеңкеде аудан тұрғындарына 10 тн ұн, 8 тн картоп, 1,5 тн жуа, 0,5 тн сәбіз, 0,5 тн күріш, 300 литр шемішке май өнімдері базар нарығынан 10-15% төмен бағамен ұсынылды.&nbsp;Сонымен қатар тұрақтандыру қорынан бөлек Шиелідегі тауар өндірушілері де жәрмеңкеге қатысты. Әлеуметтік маңызы бар азық-түлік өнімдерінен бөлек 100 кг бал, 200 кг шұжық және 200 кг балық өнімдері сатылды.Фото: Шиелі ауданының әкімдігі

Ауыл шаруашылығы өнімдерінің жәрмеңкесі өтті

<a href="https://kyzylorda-news.kz/">Kyzylorda-news.kz</a> 2022 жылдың қыркүйегінде Мемлекет басшысы Қасым-Жомарт Тоқаев «Әділетті мемлекет. Біртұтас ұлт. Берекелі қоғам» атты Қазақстан халқына Жолдауы аясында «Ұлттық қор – балаларға» бастамасын көтерген болатын. Осы бастаманың аясында 2025 жылы 18 жасқа толмаған қазақстандық балаларға 129,38 доллары көлемінде қаражат аударылды.Өскелең ұрпаққа қамқорлық көрсету – мемлекеттік саясаттағы басымдыққа ие бағыттардың бірі. Қазір еліміздегі отбасылар баланың дүниеге келген сәтінен бастап оның ер жеткеніне дейін мемлекеттің қолдауына сенімді бола алады. Айталық, ҚР Президенті Қасым-Жомарт Тоқаевтың бастамасы жас азаматтардың әл-ауқатын арттыруға, сондай-ақ білім алуына жан-жақты жағдай жасап, табысты болуларына бағытталған. 2024 жылдан бастап жылма-жыл қазақстандық балаларға 18 жасқа толғанға дейін инвестициялық табысты қоса алғанда, Ұлттық қордан қаражат аударылып келеді.«Біз азаматтарымыздың өмір сүру сапасын жақсартып, балаларымызға кемел келешекті құрудың негізін қалап жатырмыз»,- Қасым-Жомарт Тоқаев, ҚР Президенті.«Ұлттық қор – балаларға» жобасының басты миссиясы – келер ұрпаққа арналған жинақтарды қалыптастыру арқылы қаржы ресурстарын үнемдеу жолымен әр балаға ұлттық байлықтан тиесілі үлесті беруді көздейді.2024 жылы аталған бағдарламаға 6 919 131 адам қатысып (2006-2023 ж.ж. туған балаларды қоса алғанда), олардың әрбірінің шотына 100,52 доллар жіберілді. Аударылған ақшаның жалпы сомасы – 695,5 млн доллар. Тұтастай алғанда, осы бағдарламамен қамтылғандардың жалпы санынан 304 815 адам 2024 жылы 18 жасқа толып, оларға жалпы сомасы 30,6 млн доллар аударылды. 2025 жылы әр балаға жаплы 129,38 доллар аударылды. Бағдарламаға екі жылдан бері қатысып келе жатқан балалардың (инвестициялық кірісті қоса алғанда) жинақтарының жалпы сомасы 232,94 долларға ұлғайды.<img src="https://knadmin.beoblood.kz/uploads/Whats_App_Image_2025_01_31_at_10_27_27_1_c0c4a30db3.jpeg" alt="WhatsApp Image 2025-01-31 at 10.27.27 (1).jpeg">«Ұлттық қор – балаларға» бағдарламасы бойынша аударымдар туралы ақпарат eGov.kz порталында және eGov Mobile мобильді қосымшасында 2025 ж. 1 ақпанда көрсетіледі.Төлем тетігі барынша қарапайым. Баланың бағдарламаға қатысуы мен есептелген ақша туралы ақпаратты баланың ЖСН енгізе отырып, арнайы құрылған kids.enpf.kz сайтынан көруге болады. Онда бағдарламаның шарттарымен танысып, нұсқаулықтар, сол секілді өзекті сұрақтардың жауаптарын ала аласыз. Бұдан бөлек балаға арналған аударымдар туралы деректерді eGov.kz порталындағы жеке кабинетке кіріп, сондай-ақ Kaspi.kz, Halyk қосымшалары арқылы да көруге болады.Мемлекеттің маңызды міндеттерінің бірі – білім мен баспана алуға баршаға тең мүмкіндік беру. Осы тұрғыдан алғанда, «Ұлттық қор – балаларға» бастамасы жас қазақстандықтар үшін айтарлықтай қолдауға айналды. Жинақталған соманы кез келген жас азамат 18 жасқа толғанда пайдалана алады. Жинақтар БЖЗҚ-дағы шоттарға аударылады және жобаның ресонденттері уәкілетті операторлардың (Отбасы банкі және Халық банкі) қосымшасы арқылы өтініш бере отырып, тиісті соманы тұрғын үй жағдайларын жақсартуға және (немесе) білім алуға жұмсай алады.<img src="https://knadmin.beoblood.kz/uploads/Whats_App_Image_2025_01_31_at_10_27_27_ca343f000a.jpeg" alt="WhatsApp Image 2025-01-31 at 10.27.27.jpeg">2025 жылдың 1 қаңтарында бұл мақсатқа 66 571 өтінім беріліп, оның ішінде жалпы сомасы 5 316,7 мың долларға 53 001 өтінім орындалды. Тұрғын үй жағдайын жақсартуға 34 388 өтінім берілді, оның ішінде 29 542-сі орындалып, 2 964 мың доллары төленді. Білім беру бойынша 32 183 өтінім жолданып, оның ішінде 23 459 өтінім қанағаттандырылып, 2 352,7 мың доллар төленді. Биыл бағдарламаға 6 921 035 бала қатысып жатыр (2007 жылдан 2024 жылға дейін туған балалар). Олардың ішінде 324 430 азамат 2025 жылы 18 жасқа толады.Ұлттық қордың қаражатын жас отандастарымызды қолдау мақсатында пайдалану – еліміздің орнықты дамуына бағытталған стратегиялық шешім. Аталған бастама өмір сүру сапасын жақсартуға оң әсер етіп, кейінгі ұрпаққа болашаққа зор сеніммен қарауға мүмкіндік береді.&nbsp;Фото: ҚР Қаржы министрлігінің баспасөз қызметі

«Ұлттық қор – балаларға»: Қазақстандық балаларға 888 млн доллар аударылды

<a href="https://kyzylorda-news.kz/">Kyzylorda-news.kz</a> Арал ауданының әкімі Аманжол Оңғарбаев Қызылорда облысы футбол федерациясының президенті Болат Көшербаев пен федерацияның атқарушы директоры Жақсылық Оспановты қабылдады. Кездесу барысында ауданда футбол федарациясының қоғамдық бірлестігін ашу және оған төраға тағайындау мәселесі көтерілді.Тараптар арасында болған келіссөзде ауданда ашылатын футбол федарациясы қоғамдық бірлестігінің төрағасына кәсіпкер, жергілікті жердің азаматы Нұрлан Серікқалиевтің кондидатурасы ұсынылды. Бұл азамат футбол спортынан алыс емес. Осы кезге дейін ала дөп бәсекесіндегі тартыстарда төбе көрсетіп, көптеген ойындарда жергілікті командаларға лайықты қолдау білдірген.Аудан әкімі Аманжол Сақыпұлы федерация мүшелерінің ұсынысына әркез аудан әкімдігі тарапынан қолдау болатынын айтып, аудан спортын соның ішінде футболды дамытуда кешенді шаралар қолға алынатынын жеткізді.Кездесуде Қызылорда облысының футбол федерациясының президенті Б.Көшербаев облыс көлемінде футбол спортын дамыту және облыстық футбол федерациясының жылдық іс-шаралар жоспарымен таныстырды.Айта кетейік, қазіргі таңда ауданда жұмыс жасап жатқан 2 спорт мектепте футбол үйірмесі бойынша 7 жаттықтырушы бар. 2023 жылы әуесқойлар футбол лигасы құрылып, нәтижесінде аудан көлемінде «Қысқы», «Жазғы» және «Junior» лигаларының турнирлері мен жоспар бойынша даталы күндерге сай есімі елге мәлім азаматтарды еске алуға арналған жарыстар тұрақты түрде ұйымдастырылып келеді.Мұнан бөлек ауданымыздың футболдан ересектер құрама командасы өткен жылы Қызылорда облысының ХІ облыс чемпионатында үздік ойын өрнегін көрсетіп, жеңімпаз атанды.Бұл ойында мектеп оқушылары да шетқақпай емес. Айталық Республикалық Ұлттық мектеп Лигасының 9-11 сынып ер балалар арасындағы футзалдан «Теңбіл доп» жарысында Сексеуіл кентіндегі №177 орта мектебінің командасы чемпион атанды. Әр облыстың үздіктері қатысқан бәсекеде аймақ намысын қорғаған мектеп футзалшылары қарсыластарынан оқ бойы озық шықты.Осы сынды жетістіктер бүгінде ауданның футбол спортында басқалардан қалыс емес екенін байқатады.Фото: Арал ауданы әкімінің баспасөз қызметі

Арал ауданының әкімі футбол федерациясының президентін қабылдады

<a href="https://kyzylorda-news.kz/">Kyzylorda-news.kz</a> 2024 жылы Сырдария ауданында 34,3 мың гектар жерге ауыл шаруашылығы дақылдары орналастырылды. Оның ішінде, негізгі дақыл – күріш 21,9 мың гектар жерге егіліп, әр гектарынан 60 центнерден өнім алынды. Бұл туралы Сырдария ауданының әкімі Берік Сәрменбаев өңірлік коммуникациялар қызметінің баспасөз алаңында өткен брифингте мәлімдеді.<blockquote>– 2024 жылы аудан бойынша барлығы 131 мың тонна астық қамбаға құйылды. Суды үнемдеу мақсатында ауданда 13 шаруашылық құрылымы 31 дана заманауи лазерлік жер тегістегіш техникасымен 3340 гектар жерге тегістеу жұмыстарын жүргізді. Шаруашылықтар жаңбырлатып суару әдісімен 100 гектар жерге әртүрлі дақылдар орналастырып, нәтижелі өнім алынды. Бұл бағыттағы жұмыстар алдағы уақытта да жалғасын табады, – деді Б.Сәрменбаев басшысы.</blockquote><img src="https://knadmin.beoblood.kz/uploads/Syrdariya_brifing_9a91a38333.jpg" alt="Сырдария брифинг.jpg">Былтыр мемлекеттік және өңірлік бағдарламалар аясында құны 5,9 млрд. теңгені құрайтын 327 жобаға қаржылай қолдау көрсетілді. Ағымдағы жылдың 1 қаңтарына ауданда 2693 шағын және орта кәсіпкерлік субъектісі тіркелді. Оның ішінде, жұмыс жасап тұрған кәсіпкерлік субъектілерінің саны 2626 болып, тіркелгендерге үлесі 97,5 пайызды құрады. «Микробизнес-Қызылорда» бағдарламасы аясында құны 138 млн. теңгенің 14 жобасы қаржыландырылды. «Бірыңғай кешенді бағдарлама» бойынша құны 1,7 млрд. теңгенің 47 жобасы екінші деңгейлі банкттер тарапынан субсидияланды. «Ұлттық жоба» шеңберінде жаңа бизнес идеяларды іске асыру мақсатында 139 адамға 205,3 млн. теңге көлемінде мемлекеттік қайтарымсыз грант берілді.<img src="https://knadmin.beoblood.kz/uploads/Syrdariya_brifing_1_c4d2a34283.jpg" alt="Сырдария брифинг 1.jpg">«Аграрлық несие корпорациясы» арқылы 1,6 млрд. теңгенің 72 жобасы қолдау тапты. «ҚазАгроҚаржы» акционерлік қоғамының Қызылорда филиалы арқылы құны 1,5 млрд. теңгеге 25 ауыл шаруашылығы техникалары мен құрал-жабдықтары алынды. Сондай-ақ, өткен жылы құны 1 млрд. теңгеге Сырдария ауданындағы Сәкен Сейфуллин және Асқар Тоқмағанбетов ауылдары газдандырылып, аудан халқын табиғи газбен қамту деңгейі 45 пайызға жетті.&nbsp;<blockquote>– Шаған және Нағи Ілиясов ауылдарына құны 3,1 млрд. теңгені құрайтын газ құбырын тарту жұмыстары жүргізілуде. Елді мекен тұрғындары биыл табиғи газдың игілігін көретін болады. Осы жұмыстардың нәтижесінде аудан халқын газдандыру деңгейі 61 пайызға жетеді деп күтілуде. Мемлекет басшысының тапсырмасына сәйкес, оңтүстік өңірлерде электр энергиясының тапшылығын болдырмау мақсатында Қызылорда облысында құны 800 млрд. теңгені құрайтын қуаттылығы 1100 мегаваттық жаңа бу газ қондырғыларының құрылысы жоспарлануда. &nbsp;Жаңа бу газ қондырғылары аудан аумағында салынады, оған 270 гектар жер бөлінді. Жоба нәтижесінде ауданымыздың экономикасын дамытуға септігін тигізеді, – деді аудан басшысы.</blockquote><img src="https://knadmin.beoblood.kz/uploads/Syrdariya_brifing_2_bad98ae9c6.jpg" alt="Сырдария брифинг 2.jpg">Аймақ басшысының бастамасымен өткен жылы «Руханият» жылы деп жарияланды. Айтулы жылда Сырдария ауданының мәдениет саласына үлкен қолдау көрсетіліп, клубтар мен мәдениет үйлері жанынан түрлі бағыттағы шығармашылық үйірмелерді қамтитын «Адал адам» рухани-мәдени орталықтары жұмысын бастады.&nbsp;<blockquote>– Аудан орталығында неке қию залы, кітапхана, музей, мұрағат, жастар сарайы, ардагерлер мен аналар үйі бар құны 1,5 млрд. теңгені құрайтын «Руханият» орталығы бой көтерді. Өткен жылы орталықтарда 35 жаңа үйірмелер ашылып, онда 504 жастар мен жасөспірімдер шығармашылықпен қамтылды. Ауданның мәдениет мекемелері былтыр 1436 мәдени іс-шара ұйымдастырылып, аудан өнерпаздары 1272 байқауда 238 жүлделі орындарды жеңіп алды. Сонымен қатар құны 185,4 млн. теңгеге Бесарық ауылдық мәдениет үйі күрделі жөндеуден өтті және Аманкелді, Жетікөл, Н.Ілиясов, Шаған, Іңкәрдария, Ақжарма, Қалжан ахун елді мекендеріне «ЛЭД» экран, музыкалық аппаратуралар мен аспаптар, басқа да құрал- жабдықтар алынды, – деді Б.Сәрменбаев.</blockquote><img src="https://knadmin.beoblood.kz/uploads/Syrdariya_brifing_3_231524d9ab.jpg" alt="Сырдария брифинг 3.jpg">Мемлекет басшысының бастамасымен халықтың табысын арттыру мақсатында жүзеге асып жатқан «Ауыл аманаты» жобасымен өткен жылы аудан бойынша 273 млн. теңгеге 18 жобаға өтінім беріліп, 10 жоба қолдау тапты.<blockquote>– «Ауыл аманаты» жобасы аясында кәсіпкерлерді қолдау мақсатында «Абай-Дәулет» серіктестігі демеушілігімен Бесарық ауылында 3000 шаршы метр қамтитын ғимаратта шағын өндірістік аймақ ашылды. Ғимаратта 12 кәсіпорын орналасып, жеке кәсіпкерлер нысанды ақысыз, тегін пайдалануда, – деді аудан басшысы.</blockquote><img src="https://knadmin.beoblood.kz/uploads/Syrdariya_brifing_5_71099b2e84.jpg" alt="Сырдария брифинг 5.jpg">Айта кетейік, ауданда 25 көше күрделі жөндеуден өтті.<blockquote>– 2024 жылы жол саласына 1,4 млрд. теңге қаржы бөлініп, Тереңөзек кенті және Бесарық, Қоғалыкөл, Ақжарма, Қалжан ахун, С.Сейфуллин елді мекендерінде 21 шақырымды құрайтын 25 көше күрделі жөндеуден өтті. Оның ішінде, аудандық бюджеттен бөлінген 247 млн теңгеге Тереңөзек кентіндегі 7 көшеге, 138 млн теңгеге Бесарық ауылындағы 4 көшеге орташа жөндеу жұмыстары жүргізілді, – деді Б.Сәрменбаев.</blockquote><img src="https://knadmin.beoblood.kz/uploads/Syrdariya_brifing_7_d0a781d946.jpg" alt="Сырдария брифинг 7.jpg">«Қуатты өңірлер – ел дамуының драйвері» бағдарламасымен 725 млн теңгеге Тереңөзек кенті, Шаған, Қоғалыкөл, Аманкелді ауылдарында 14,5 шақырым ауыз су құбырлары қайта жаңғыртудан өтті.<blockquote>- Аудандық бюджет есебінен 22 млн теңгеге Аманкелді, Қоғалыкөл, Шіркейлі және Н.Ілиясов елді мекендерінің су мұнаралары жаңарды, 118 млн теңгеге Сәкен Сейфуллин және Іңкәрдария ауылдарында қосымша барлау-өндірістік ұңғымасы орнатылып, пайдалануға берілді, - деді аудан басшысы.</blockquote><img src="https://knadmin.beoblood.kz/uploads/Syrdariya_brifing_8_979cad8da7.jpg" alt="Сырдария брифинг 8.jpg">Сонымен бірге өткен жылы «Тұрғын үй-коммуналдық инфрақұрылымды дамытудың 2023-2029 жылдарға арналған тұжырымдамасын» іске асыру жөніндегі іс-қимыл жоспары негізінде Тереңөзек кентінде 140 пәтер сатып алынып, кезекте тұрған тұрғындарға табысталды.<blockquote>- «Ауыл – ел бесігі» бағдарламасымен құны 174 млн. теңгеге Тереңөзек кентіндегі көпқабатты тұрғын үйлер ауласын абаттандыру жұмыстары жүргізілуде. Мемлекеттік бағдарлама аясында құны 73,2 млн. теңгеге аудан орталығында 6 көпқабатты тұрғын үй қайта жаңғыртудан өткізілуде, - деді Берік Сәрменбаев.</blockquote><img class="image_resized" style="width:100%;" src="https://knadmin.beoblood.kz/uploads/Syrdariya_brifing_9_8da0ac9541.jpg" alt="Сырдария брифинг 9.jpg">Аймақ басшысының бастамасымен үшінші рет өткізілген «Үлгілі елді мекен» байқауының нәтижесінде Тереңөзек кенті жүлделі орынға ие болып, тазалық жұмыстарына 2 арнайы техника берілді.&nbsp;<blockquote>- Мемлекет басшысының бастамасымен жүзеге асқан «Таза Қазақстан» экологиялық акциясы аясында ауданда «Таза өлке», «Киелі мекен», «Жасыл аймақ», «Өнегелі ұрпақ» және «Мөлдір бұлақ» апталықтары ұйымдастырылып, санитарлық тазарту, көркейту және көгалдандыру жұмыстары жүргізілді. Осыған байланысты Тереңөзек кентінде 465 млн. теңгеге тұрмыстық қатты қалдықтарды сұрыптауға арналған полигон пайдалануға берілді, - деді аудан әкімі.</blockquote>Фото: Өңірлік коммуникациялар қызметі

Қазақстан және Қызылорда облысының жаңалықтары