<a href="https://kyzylorda-news.kz/">Kyzylorda-news.kz</a> Қалалық кәсіпкерлік және өнеркәсіп бөлімінің басшысы Мұхтар Жетілгенов бұқаралық ақпарат құралдарының өкілдеріне І жартыжылдықта салада атқарылған жұмыстар мен алдағы жоспарлар бойынша баспасөз конференциясын өткізді.Қызылорда қаласы мен қалаға қарасты кент және ауылдық округтерде барлығы 33 519 кәсіпкерлік субъекті жұмыс жасауда. Бұл кәсіпкерлік субъектілерде 69 857 &nbsp;адам тұрақты жұмыспен қамтылып, 721 млрд. 913 млн. теңгенің өнімі өндірілді.&nbsp;<blockquote>- Есепті кезеңде негізгі капиталға тартылған инвестиция көлемі 124 млрд. 217 млн. теңге &nbsp;жетті. Осы инвестициялардың нәтижесінде қалада биыл жалпы құны 233,6 млрд. теңгені құрайтын 13 инвестициялық жобаның жүзеге асырылуы көзделуде. Атап айтсақ, &nbsp;І жартыжылдықпен «Қызылорда Саз М» ЖШС-нің заманауи кірпіш шығару зауыты, «Қызылорда-Нан» ЖШС-нің нан-тоқаш кондитерлік өнім шығару кешені, машина жасау саласында «Марал-Нұр» ЖШС-нің вагон жөндеу депосы және «Панабек» ЖШС-нің жиһаз цехы іске қосылды. Сондай-ақ, «Rem Plast Invest» ЖШС-нің қағаз мен картон өндірісі, «Ayna Glass» ЖШС-нің жоғары технологиялы айна шығару зауыты, «Техоснастка-Ремсервис» серіктестігі мен «Тұмар» жеке кәсіпкерлігінің шағын өнеркәсіптік парктері, «Қаржаубаева» жеке кәсіпкерлігінің сауда үйі мен «Orhun Medical» ЖШС-нің медициналық орталығы жақын күндері өз жұмысын бастайды. Сонымен қатар, жыл соңына дейін қуаттылығы 240 мегаваттық жаңа жылу орталығы пайдалануға беріледі. &nbsp;Бұған қоса, биыл «With You E&amp;C Kyzylorda» серіктестігінің Оңтүстік Корея технологиясы бойынша қатты қалдықтарды сұрыптау және қайта өңдеу және «Seven Rivers Technologies» серіктестігінің шыны сынықтарын қайта өңдеу және кәдеге жарату желісі бар шыны ыдыстарды шығару зауытының құрылысы бастау алады, - деді бөлім басшысы.</blockquote>Бұдан бөлек, сауда базарларын жаңғырту жұмыстары жоспарға сәйкес кезең-кезеңімен жүзеге асуда. 2024 жылы «Сұлтан» базарын жаңғырту жұмыстары қолға алынып, қазір құрылысы аяқталуға жақын.Сонымен қатар, мемлекеттік бағдарламалар аясында кәсіпкерлік бастамаларды қолдау шаралары оң нәтижесін беруде. Соның бірі, ауыл тұрғындaрының әл-aуқaтын жaқсaрту мақсатында іске қосылған «Ауыл аманаты» жобасы аясында 238,83 млн. теңгені құрайтын 34 жоба қаржыландырылды. «Қызылорда» өңірлік инвестициялық орталығы микроқаржы ұйымы арқылы, жалпы құны 293,5 млн. теңгеге 7 жоба жоба қаржыландырылды. Аталған ұйымның &nbsp;«Іскер» бағдарламасымен қалаға қарасты кент және ауылдық округтарден 266,73 млн. теңгені құрайтын 30 жоба ұсынылды.Екінші деңгейлі банктердің кәсіпкерлік мақсатта ұсынылған несиелерін Даму қорымен субсидиялау шаралары да жалғасуда. Жыл басынан бері 3 млрд. 691 млн. теңгені құрайтын 64 жобаға қаржылай қолдау көрсетілді.

Атқарылған жұмыстар мен алдағы жоспарларды баяндады

<a href="https://kyzylorda-news.kz/">Kyzylorda-news.kz</a> «AMANAT» партиясының Қызылорда облысы бойынша Сайлауалды бағдарламасында білім ордаларын салу және оларға күрделі жөндеу жұмыстарын жүргізуге ерекше мән берілген. Соның негізінде, облыс орталығыда жаңа білім ошақтары пайдалануға берілсе, басқа мектептер күрделі жөндеуден өтуде. Қазіргі таңда қала бойынша 2 мектепте күрделі жөндеу жұмыстары жүргізілуде.&nbsp;Бүгін ҚР Парламенті Мәжілісінің депутаты, «AMANAT» партиясы депутаттық фракциясының мүшесі Мұрат Ергешбаев М.Дүйсенов атындағы №15 мектеп-лицейіне жүргіліп жатқан күрделі жөндеу жұмыстарымен танысты.&nbsp;Ғимараттың құрылысы жұмыстары бойынша демонтаждау жұмыстары аяқталды. Жаңартылған электр жүйелері толықтай аяқталды. Жылу, су құбырлары, сонымен қатар ғимараттың ішкі жұмыстары яғни, қабырғаларды тегістеу, сырлау жұмыстары жүргізілуде. Жоба құны 156 млн. теңге.Мониторинг барысында мердігер мекеме өкілі «N Строй Сервис» ЖШС-і құрылыс жұмыстарының барысымен таныстырып, барлық жұмыстар өз мерзімінде сапалы аяқталатынын жеткізді.

Құрылыс сапасына мән берілді

<a href="https://kyzylorda-news.kz/">Kyzylorda-news.kz</a> Бүгін ҚР Парламенті Мәжілісінің депутаты, «AMANAT» партиясы депутаттық фракциясының мүшесі &nbsp;Мұрат Ергешбаев Қызылорда қаласына жұмыс сапары аясында Тасбөгет кентінде орналасқан модульді биологиялық тазарту станциясының жұмысымен танысты.&nbsp;Станция тәулігіне 6,4 мың м³ көлемінде кәріз суларын қабылдайды. Бұл станцияға №1 «Наурыз», №2 «Тасарық» және №39 кәріздік насос станцияларынан кәріз сулар құйылады. Бұл дегеніміз Тасбөгет кентіне жақын орналасқан Астана, СПМК-70 және Сырдария аудандарындағы тұрғын үйлерден шыққан кәріз сулардың осы станцияға жиналуы.&nbsp;Аталған станция &nbsp;2013 жылы пайдалануға берілген, қазіргі уақытта тозу деңгейі – 20%. Қызмет көрсетілетін халық саны – 43 575 адамды құрайды.Санитарлық нормаларға сәйкес, тазарту құрылыстары тұрғын аймақтан кемінде 500 метр қашықтықта орналасуы қажет. Алайда қазіргі жағдайда тұрғын үйлер 180 метрге дейін жақын орналасқан. Бұл да өзекті мәселелердің біріне айналды.&nbsp;Жағымсыз иістің таралуын болдырмау мақсатында Титов шағын ауданына дейін ұзындығы 23 км болатын кәріз коллекторының құрылысы көзделген. Бұл желіге Белкөл кенті мен Бәйтерек тұрғын аудандарының кәріз сулары да қосылады. Жобаның іске асырылуы 2025 - 2026 жылдарға жоспарланған, жалпы құны – 6,2 млрд теңге.Аталған жоба жүзеге асқаннан кейін Тасбөгеттегі станция жұмысын тоқтатып барлық кәріз сулары Қызылжарма ауылдық округіндегі қуаттылығы 70,0 мың текше метр биологиялық тазарту станциясына бағытталады.<img src="https://knadmin.beoblood.kz/uploads/Biologiyaly_tazartu_stancziyasy_f63739a821.jpg" alt="Биологиялық тазарту станциясы.jpg">

Фракция мүшесі модульді биологиялық тазарту  станциясының жұмысымен танысты 

<a href="https://kyzylorda-news.kz/">Kyzylorda-news.kz</a> Жалағаш ауданының әкімі Ардақ Ибраимов Конго-Қырым геморрагиялық қызбасына қарсы жүргізіліп жатқан шаралар бойынша мониторингтік топ өкілдерімен кездесті.Кездесу барысында ҚР Денсаулық сақтау министрлігіне қарасты "Қоғамдық денсаулық сақтау ұлттық орталығы" РМК "Санитарлық-эпидемиологиялық сараптама және мониторинг ғылыми-практикалық орталығы" аса қауіпті инфекциялар мониторингі бөлімінің эпидемиолог дәрігері А.Төлеуов пен зоолог маман У.Өсенов, сондай-ақ облыстық денсаулық сақтау басқармасы мен облыстық санитариялық-эпидемиологиялық бақылау департаментінің мамандары аудан аумағында жүргізіліп жатқан эпидемиологиялық жағдайды баяндады.Мамандар тұрғындар арасында санитарлық ағарту жұмыстарын күшейту, кенеге қарсы залалсыздандыру шараларын жүйелі жүргізу және ветеринариялық бақылау жұмыстарын үйлестірудің маңыздылығын атап өтті.Аудан әкімі Конго-Қырым геморрагиялық қызбасына қарсы күресті күшейту – ортақ міндет екенін айтып, ауылдық округтерде профилактикалық шараларды жалғастыру, тұрғындармен ақпараттық түсіндіру жұмыстарын тұрақты жүргізу, дәрігерлер мен ветеринар мамандардың өзара іс-қимылын арттыру қажеттігін тапсырды.

Қауіпті инфекцияға қарсы атқарылған шараларды талқылады

<a href="https://kyzylorda-news.kz/">Kyzylorda-news.kz</a> Қазақстан Республикасы Ішкі істер министрлігінің нұсқауына сәйкес Қызылорда облысы Полиция департаменті басшылығының &nbsp;ұйымдастыруымен &nbsp;облыс көлемінде күзет қызметінің барлық түрімен айналысатын жеке күзет ұйымдарының басшылары, денсаулық сақтау объектілерінің басшылары мен мамандары, ҚР Ұлттық қауіпсіздік комитетінің Қызылорда облысы және Байқоңыр қаласы бойынша департаментінің қызметкерлері шақырылып, сондай-ақ Қызылорда облысы ПД Күзет қызметін бақылау бөлімі, Экстремизмге қарсы іс-қимыл басқармасы, Жергілікті полиция қызметі басқармасы, Қызылорда қаласы полиция бөлімімен кездесу ұйымдастырылды.Кездесу барысында «Профилактика жылы» шеңберінде «Денсаулық сақтау объектілерінде қауіпсіздікті қамтамасыз етуге қатысты» мәселелер талқыланды.Сондай-ақ денсаулық сақтау объектілерінде және оларға іргелес аумақтарда пациенттердің, персоналдың және келушілердің мінез-құлқы және &nbsp; құқық қорғау органдарымен өзара іс-қимыл жасау ережелері мен тәртібі түсіндірілді.Террористік қауіп-қатерлерге қарсы әрекет ету мәселесі көтеріліп, осындай жағдайларда тұрақты түрде өткізілетін оқу-жаттығулардың нәтижелері талқыланып, осы бағытта бейнероликтер көрсетілді және көкейкесті сауалдарға ортақ жауаптар алынып, бірқатар тиімді шешімдер қабылданды.Денсаулық сақтау объектілерінің басшыларына жеке күзет ұйымдарымен күзетілетін объектілерде төтенше жағдайлар орын алған жағдайда Полиция департаменті мен жеке күзет ұйымдарының арасында өзара іс-қимыл жасасу жайлы Меморандумдар жасалғанын және &nbsp;полиция тарапынан күзетшілерге &nbsp;бағыт-бағдарлар берілетіндігі атап көрсетілді. &nbsp; &nbsp; &nbsp; &nbsp;&nbsp;Жұмыс кездесу соңында денсаулық сақтау объектілерінің мүліктік қауіпсіздігін сақтау, болған қылмысты дер кезінде уақтылы анықтау, алдын алу және орын алған қылмысты құрықтау, сондай-ақ &nbsp;басқа да қылмыстар мен құқық бұзушылықтардың алдын алу үшін жоғары интеллектуалды жүйелерді, оның ішінде бейнекамераларды заманауи күзету технологияларымен орнатуды &nbsp;және қарулы күзет қызметін пайдалануға шақырды.<img src="https://knadmin.beoblood.kz/uploads/PD_kezdesu_2_bb1a95a727.jpg" alt="ПД кездесу 2.jpg">

Қызылордалық полицейлер түсіндірме жұмыстарын жүргізді

<a href="https://kyzylorda-news.kz/">Kyzylorda-news.kz</a> Бүгін&nbsp;Арал&nbsp;ауданы әкімдігінің мәжіліс залында аудан әкімі Аманжол Оңғарбаевтың төрағалығымен мәжіліс өтті.Жиынның күн тәртібіне сәйкес 2025 жылғы қаңтар-маусым айындағы әлеуметтік-экономикалық даму және бюджеттің атқарылу қорытындылары қаралды.Арал ауданында І жарты жылдықтың қорытындысымен макроэкономикалық көрсеткіштер бойынша өсім қалыптасқан және әр сала бойынша көрсеткіштердің оң қарқыны қамтамасыз етілген. Әсіресе асыраушы саланың әлеуеті артып, мемлекеттік қолдаудың арқасында ауданда мал шаруашылығының оң даму динамикасы қалыптасқан.Алайда кейбір көрсеткіштер бойынша төмендау байқалады. Осы мәселені назарға алған аудан әкімі Аманжол Сақыпұлы жауапты бөлім басшылары мен қала, кент, ауылдық округ әкімдеріне 2025 жылдың жоспарлы параметрлерінің орындалуын қамтамасыз етуге күш салуды тапсырды.Сонымен қатар бюджеттің игерілу мәселесі бойынша да бірқатар олқылықтарды саралап, бюджеттік бағдарлама әкімшілеріне осы жылға жоспарланған барлық қаражаттарды толығымен игеруді тапсырды.Арал ауданының әкімі алдағы уақытта жоспарға сәйкес тағы бірқатар жұмыстар атқарылып, жаңа жобалар жүргізілетінін жеткізді.<img src="https://knadmin.beoblood.kz/uploads/Aral_audany_1_zhartyzhyldy_2_b733e3e77b.jpg" alt="Арал ауданы 1-жартыжылдық 2.jpg">

Жарты жылда жақсы көрсеткішке жету маңызды

<a href="https://kyzylorda-news.kz/">Kyzylorda-news.kz</a> Бүгін ҚР Премьер-министрі Олжас Бектеновтің төрағалығымен Үкімет отырысы өтті. Күн тәртібінде осы жылғы қаңтар-маусым айларындағы әлеуметтік-экономикалық даму және республикалық бюджеттің атқарылуы талқыланды. Оған облыс әкімінің бірінші орынбасары Данияр Жаналинов селекторлық режим арқылы қатысты.Үкімет отырысынан кейін өткен мәжілісте бюджеттің игерілуі, тұрғын үй мәселесіне қатысты сала басшыларына тапсырмалар жүктелді.<blockquote>«Негізгі макрокөрсеткіштердегі оң динамиканы жыл аяғына дейін сақтап қалу үшін тиісті жұмысты ұйымдастырыңыздар. Республикалық бюджеттен жоспарланған нысаналы трансферттердің толық әрі уақытылы қаржыландырылуын салалық министрліктермен пысықтаңыздар. Ай сайынғы қаржыландырудың жиынтық жоспарына сәйкес қаржы толық игерілуі керек. Жергілікті бюджеттің салық базасын ұлғайту мәселесі күн тәртібінен түспейді. Сондықтан, аудандар мен Қызылорда қаласы әкімдіктеріне кіріс көзінің қосымша резервтерін табу жұмыстарын барынша күшейту тапсырылады. Салық түсімдерін, оның ішінде мүлік, көлік, жер салықтарын, айыппұлдар бойынша берешектерді өндіруді жеделдету қажет. Облыс әкімі тұрғын үйлерде анықталған кемшіліктерді 1 шілдеге дейін қалпына келтіруді тапсырған болатын. Алдағы уақытта қандай да бір кемшілік анықталса, дереу түзетуді қолға алу керек. Кепілді мерзімде кемшіліктерді жоймаған &nbsp;мердігерлерге заң талаптарына сәйкес тиісті шаралар қабылданады», – деді Данияр Еренғалиұлы.</blockquote>Айта кетейік, 2025 жылдың қаңтар-маусым айларында өңір экономикасында тұрақты өсім байқалды. Өңдеу өнеркәсібі 17,2%-ға, ауыл шаруашылығы 2,8%-ға, құрылыс жұмыстары 44,5%-ға, пайдалануға берілген тұрғын үй көлемі 6%-ға, сауда 5,4%-ға, көлік және қоймалау саласы 0,6%-ға артты. Негізгі капиталға салынған инвестиция көлемі 21,5%-ға ұлғайды, оның ішінде жеке инвестиция 9,4%-ға өсті.Биыл өңірге 631,4 млрд теңге инвестиция тарту, 27 жобаны іске қосу жоспарланған. Атап айтқанда, «Aksa Energy» компаниясының жылу-электр орталығы, кірпіш және қиыршық тас зауыттары, айна шығару өндірісі, «Марал Нұр» серіктестігінің жолаушылар вагондарын жөндеу кешені, «Орхун Медикал» медицина орталығы, кондитерлік және макарон өнімдері өндірісі, түйе сүтінен құрғақ ұнтақ өндіру зауыты мен әрқайсысы 2 мың шаршы метрлік екі шағын өнеркәсіптік аймақ.Құрылысы басталған 14 ірі жобаның қатарында кальциленген сода зауыты, «Шалқия» кен-байыту фабрикасы, көкөніс пен жеміс сақтау және алма шырынын өндіру кешені, «Rixos» бес жұлдызды қонақ үйі, кореялық «WizYou» компаниясының қатты тұрмыстық қалдықтарды өңдеу зауыты, «Seven Rivers» компаниясының бөтелке шығару зауыты бар.

Бюджеттің игерілуі және әлеуметтік инфрақұрылым сапасы бақылауда

<a href="https://kyzylorda-news.kz/">Kyzylorda-news.kz</a> Қазақстан экономикасы осы жылғы қаңтар-маусым айларының қорытындылары бойынша 6,2%-ға жетіп, оң өсімді көрсетуде. Бұл туралы Үкімет отырысында Премьер-министрдің орынбасары – ұлттық экономика министрі Серік Жұманғарин баяндады.Бұл қарқын алғашқы бес айға қарағанда 0,2%-ға жоғары және соңғы 14 жылдағы ЖІӨ өсуінің ең жоғары көрсеткіші болып саналады. Салыстыру үшін, өткен жылдың ұқсас кезеңінде өсім 3,2%-ды құрады.Экономиканың нақты секторы +8% және қызмет көрсету саласы болды, ол 5,2%-ға өсті. Көлік (+22,7%) және құрылыс (+18,4%) салалары айтарлықтай үлес қосты. Сондай-ақ саудада жандану және тау-кен өнеркәсібінде тұрақты өсу байқалады (+8,4%).Өңдеу секторы 5,5%-ға, ал ауыл шаруашылығы 3,7%-ға өсті.

Жыл басынан бері Қазақстан экономикасы 6,2%-ға өсті

<a href="https://kyzylorda-news.kz/">Kyzylorda-news.kz</a> Бүгін кәсіпкерлік және өнеркәсіп басқармасының қызметкерлері Қызылорда қаласындағы жаңадан пайдалануға берілген облыстық тарихи-өлкетану музейінің жаңа ғимаратымен танысты.&nbsp;Бұл – халқымыздың бай тарихи-мәдени мұрасын жинақтап, жүйелеп, көпшілікке ұсынатын маңызды рухани орталықтардың бірі.Музей ұжымының жетекшілігімен жаңа ғимарат ішін аралап, ондағы экспозициялық залдар мен құнды жәдігерлермен танысты. Әрбір экспозиция халқымыздың көне дәуірден бүгінге дейінгі даму кезеңдерін, тұрмыс-тіршілігін, мәдениеті мен өнерін, ел үшін ерен еңбек сіңірген тарихи тұлғалардың өмір жолын көрнекі түрде бейнелейді. Тарихты нақты дерек пен материалдық жәдігерлер арқылы зерделеу – ұрпақ санасына өткеннің өнегесін сіңірудің ең тиімді жолдарының бірі екендігі анық.Жаңа музей ғимараты заманауи сәулет пен технология жетістіктерін үйлестіре отырып салынған. Ғимараттың ішкі құрылымы мен экспозициялық залдары қазіргі заман талаптарына сай жабдықталған, келушілер үшін қолайлы жағдайлар қарастырылған. Мұндай кеңістік музейдің танымдық, ғылыми және тәрбиелік қызметін жаңа деңгейге көтеруге мүмкіндік береді.Осындай мәдени-ағартушылық мекемелердің қоғамдағы рөлі ерекше. Қызылорда облыстық тарихи-өлкетану музейінің жаңа ғимаратының ашылуы – өңір мәдениетінің дамуына қосылған сүбелі үлес, жас ұрпақты отансүйгіштікке тәрбиелеудің тағы бір жарқын үлгісі.

Облыстық тарихи-өлкетану музейінің жаңа ғимаратымен танысты

<a href="https://kyzylorda-news.kz/">Kyzylorda-news.kz</a> Қазақстан Республикасы Ішкі істер министрлігінің нұсқауына сәйкес Қызылорда облысы Полиция департаменті басшылығының ұйымдастыруымен облыс көлемінде күзет қызметінің барлық түрімен айналысатын жеке күзет ұйымдарының басшылары, денсаулық сақтау объектілерінің басшылары мен мамандары, ҚР Ұлттық қауіпсіздік комитетінің Қызылорда облысы және Байқоңыр қаласы бойынша департаментінің қызметкерлері шақырылып, сондай-ақ Қызылорда облысы ПД Күзет қызметін бақылау бөлімі, Экстремизмге қарсы іс-қимыл басқармасы, Жергілікті полиция қызметі басқармасы, Қызылорда қаласы ПБ-сы басшылығының қатысуымен жұмыс кездесу ұйымдастырылды.Кездесу барысында «Профилактика жылы» шеңберінде «Денсаулық сақтау объектілерінде қауіпсіздікті қамтамасыз етуге қатысты» мәселелер талқыланды.Сондай-ақ денсаулық сақтау объектілерінде және оларға іргелес аумақтарда пациенттердің, персоналдың және келушілердің мінез-құлқы және құқық қорғау органдарымен өзара іс-қимыл жасау ережелері мен тәртібі түсіндірілді.Террористік қауіп-қатерлерге қарсы әрекет ету мәселесі көтеріліп, осындай жағдайларда тұрақты түрде өткізілетін оқу-жаттығулардың нәтижелері талқыланып, осы бағытта бейнероликтер көрсетілді және көкейкесті сауалдарға ортақ жауаптар алынып, бірқатар тиімді шешімдер қабылданды.Денсаулық сақтау объектілерінің басшыларына жеке күзет ұйымдарымен күзетілетін объектілерде төтенше жағдайлар орын алған жағдайда Полиция департаменті мен жеке күзет ұйымдарының арасында өзара іс-қимыл жасасу жайлы Меморандумдар жасалғанын және полиция тарапынан күзетшілерге бағыт-бағдарлар берілетіндігі атап көрсетілді.Жұмыс кездесу соңында денсаулық сақтау объектілерінің мүліктік қауіпсіздігін сақтау, болған қылмысты дер кезінде уақтылы анықтау, алдын алу және орын алған қылмысты құрықтау, сондай-ақ басқа да қылмыстар мен құқық бұзушылықтардың алдын алу үшін жоғары интеллектуалды жүйелерді, оның ішінде бейнекамераларды заманауи күзету технологияларымен орнатуды және қарулы күзет қызметін пайдалануға шақырды.Фото: Qyzylorda PD

Қызылордалық полицейлер маңызды кездесу өткізді

<a href="https://kyzylorda-news.kz/">Kyzylorda-news.kz</a> &nbsp;Кеше Ауыл шаруашылығы министрлігінің Балық шаруашылығы комитетінің төрағасы Серік Сермағамбетов жұмыс сапарымен Арал ауданына келіп, елдегі балық шаруашылығы саласының жай-күйімен танысты.Алдымен аудан әкімі Аманжол Оңғарбаевпен бірге Балықшылар алеясында аудандағы бір топ балық шаруашылығы саласының өкілдерімен кездесті.Қазіргі таңда мемлекет тарапынан балық шаруашылығына жан-жақты қолдау көрсетіліп келеді. Балық шаруашылығы кәсіпшілік балық аулау, балық өсіру (аквакультура) және балық өнімдерін өңдеу бағыты бойынша дамып келеді.«Балық шаруашылығын дамытудың 2021-2030 жылдарға арналған өңірлік бағдарламасы» бекітілген болатын. Бекітілген бағдарламада ауданға қатысты тауарлық балық өндірісін ұлғайту үшін 7 тауарлы көл тізімге енгізілді. Атап айтатын болсақ «Ақшатау-Сорғақ», «Домалақ», «Тұщы», «Қаракөл», «Алаша», «Ақбілек» және «Шөмішкөл» көлдері.<img src="https://knadmin.beoblood.kz/uploads/Baly_b911c95b72.jpg" alt="Балық.jpg">Бүгінгі күні, ауданда тауарлы балық өсіру дамып келуде. Қазіргі таңда тауарлы балық өсірумен 22 шаруашылық айналысуда. Оның ішінде 7 көл тауарлы балық өсіру шаруашылығы, 8 тоған және 6 тор қоршамада балық өсіру шаруашылығы мен 1 тұйық жүйелі сумен қамтамасыз ету құрылғылары арқылы балық өсіру шаруашылықтары жұмыс жасап келеді.Кездесуде балық аулау мен өңдеу саласын оңтайландыру мәселесіне қатысты да ортақ пікірлер айтылды. Комитет төрағасы балық шаруашылығын дамыту мәселесі бойынша айтылған ұсыныстардың барлығы ескерілетінін жеткізіп, елдегі шаруаларға қолдау көрсету жалғаса беретінін жеткізді.Мұнан әрі қаланың іргесінен салынған «Қарашалаң Балық» балық өңдеу зауытының жұмысымен танысты.Жылына 6 мың тонна балық өңдеуге қауқарлы зауыттың бүгінде жұмыс кестесі қалыпты. Өндіріс ошағында негізі көксерке балығының өміндері өңделеді. Көксерке жон еті, алқым, ұрт, фарш өнімдері аталмыш зауытта терең өңделіп, өнім жергілікті жерлерде және шет елдеріне сатылады.<img src="https://knadmin.beoblood.kz/uploads/balyk_cd7542ec57.jpg" alt="балык.jpg">Келешекте басқа да балық түрлерінен кептірілген және ысталған балықтар өнім қуатын еселей түспек. Қазіргі таңда өндіріс орнында 40-50 дей адам жұмыс істейді. Бұл көрсеткіш балық аулау науқанында еселеп артып, жұмыс күші 70-100 адамға жетеді.Балық шаруашылығы комитетінің төрағасы С.Сермағамбетов зауыт ішін аралап, мұнда өңделетін өнім түрлерінің барлығы талапқа сай әрі сапалы өндірілуі керектігін жеткізді.Фото: Аудан әкімдігінің баспасөз қызметі

 Балық шаруашылығы комитетінің төрағасы Арал ауданында болды

<a href="https://kyzylorda-news.kz/">Kyzylorda-news.kz</a> Баспасөз орталығында өткен брифингте қалалық жұмыспен қамту және әлеуметтік бағдарламалар бөлімінің басшысы Кенжегүл Құрақбаева І жартыжылдықта атқарылған жұмыстар мен алдағы жоспарлар туралы баяндады.Жыл басынан бастап 4652 жаңа жұмыс орны құрылып, оның ішінде 1123 азамат тұрақты жұмыспен қамтылды.<blockquote>- Жалпы, бөлім арқылы 16 мемлекеттік қызмет түрі көрсетіледі, оның 13-і әлеуметтік төлемдер. Мәселен, бүгінде 2893 отбасыға мемлекеттік атаулы әлеуметтік көмек ай сайын төленуде. Сондай-ақ, жекелеген санаттағы азаматтар бойынша 1923 адамға әлеуметтік көмек төленді, – деді Кенжегүл Құрақбаева.</blockquote>Айта кету керек, 186 жалғыз басты бөгде адамның көмегіне мұқтаж қартқа, 270 мүгедектігі бар балаға, &nbsp;82 белгілі тұрғылықты жері жоқ адамға, &nbsp;күндізгі жартылай стационарлық жағдайда 276 ардагерге арнаулы әлеуметтік қызметтер көрсетіліп келеді. &nbsp;Сонымен қатар, бас бостандығынан айыру орындарынан босатылған және пробация қызметінің есебінде тұрған азаматтар ішінен 359 адамға құқықтық, психологиялық көмектер көрсетілді.Мүгедектігі бар адамдарды әлеуметтік қолдау бағытында да арнайы компьютерлік орталық және «Ten Qogam» мүгедектігі бар адамдарды қолдау орталығының қызметтері ұйымдастырылуда.

Қазақстан және Қызылорда облысының жаңалықтары