<a href="https://kyzylorda-news.kz/">Kyzylorda-news.kz</a> Өткен аптада облыстық мәслихаттағы «АМАNАТ» партиясы депутаттық фракциясының мүшесі, мәслихаттағы Экономика, әлеуметтік және құқықтық мәселелер жөніндегі тұрақты комиссия төрағасы &nbsp;Балжан Шәменова 6-7 қараша күндері ҚР Президентінің жанындағы әйелдер істері және отбасылық демографиялық саясат жөніндегі ұлттық комиссияның ұйымдастырумен аудан және ауыл округтерінің әйел-әкімдеріне арналған екі күндік семинар тренингке спикер ретінде шақырылып, жаңа бюджет Кодексі нормаларына түсіндірме жүргізді.&nbsp;<blockquote>Фракция мүшесі жаңа бюджет Кодексі нормаларында бұрынғы Кодекстен көп айырмашылық бар. Бұл өзгерістерді кеңінен түсіндіру үшін осындай семинар – тренингтердің маңызы зор»,- дейді.&nbsp;</blockquote>

Бюджет кодексі нормалары түсіндірілді

<a href="https://kyzylorda-news.kz/">Kyzylorda-news.kz</a> Қазан айында инфляцияның 12,6%-ға дейін төмендеуі – реформалардың бейімделу кезеңін азаматтар мен бизнес үшін соққысыз өткізуге бағытталған Қазақстан Үкіметінің экономикалық шешімдерінің алғашқы айтарлықтай нәтижесі болды, деп хабарлайды&nbsp; Басқарылатын баяулау<a href="https://www.zakon.kz/"> Zakon.kz.</a>Инфляцияны тұрақтандыруда тарифтік және отын сегментіндегі шаралар, салықтық амнистия және ішкі сұранысты қолдау басты рөл атқарды.Соңғы бір жылда Қазақстан ауқымды экономикалық реформалар кезеңінен өтті: тарифтік саясат қайта қаралды, салық жүйесі жаңартылды, энергетика және отын нарығы ырықтандырылды. Қазанда алғаш рет бетбұрыс байқалды – инфляция 12,9%-дан 12,6%-ға дейін төмендеді.Бұл 0,3 пайыздық тармаққа ғана төмендеу болып көрінгенімен, экономикалық үрдістің бағытын түсінуде айтарлықтай маңызды көрсеткіш. Төмендеуге ең үлкен үлесті тарифтік сектор қосты.Ұлттық статистика бюросының деректері бойынша, ақылы қызметтер бағасы ай ішінде 0,8%-ға төмендеп, жыл ішінде алғаш рет теріс динамика көрсетті. Бұл 16 қазаннан бастап енгізілген коммуналдық тарифтер мен отын бағасын өсіруге жарияланған мораторийдің тікелей нәтижесі.Мұндай тәсіл өзіндік **«тұрақтылық дәлізіне»** айналды: мемлекет нарыққа қолмен араласқан жоқ, бірақ экономиканың бейімделуіне мүмкіндік беру үшін баға ауытқуларын уақытша шектеді.Бұл реформаларды тоқтату емес, **басқарылатын баяулау** – азаматтарды шығындардың күрт өсуінен қорғап, бизнеске шығын құрылымын қайта бейімдеуге уақыт беретін қадам.<h2 style="text-align:justify;">Тарифтер мен сенім: әлеуметтік тұрақтылық – кері шегінусіз</h2>Тарифтерді көтеруге жарияланған мораторий 2026 жылдың бірінші тоқсанының соңына дейін ұзартылды. Бұл шешім «болжамдылықтың якоріне»&nbsp;айналды – халық пен бизнес үшін мемлекет реформалардың бағытын бақылауда ұстап отырғанының маңызды белгісі.Сонымен қатар, Үкімет коммуналдық инфрақұрылымды жаңғырту жұмыстарының тоқтамағанын бірнеше рет атап өтті. Табиғи монополиялардың шығындарын оңтайландыру тарифтерді ұстап тұруға, бірақ желілерді жаңартуға инвестицияны сақтауға мүмкіндік беріп отыр.Қазіргі таңда бұл – әлеуметтік қорғау мен нарықтық тәртіп арасындағы теңгерімнің айқын үлгісі. Ұзақ мерзімде бұл инфляция тұрақтанғаннан кейін тарифтердің жылдық 5–6% шегінде басқарылатын өсіміне жағдай жасайды.<h2 style="text-align:justify;">ЖЖМ мен азық-түлік нарығын бақылау</h2>Пакеттегі маңызды шаралардың бірі – АИ-92 маркалы бензин мен дизель отынының бағасын өсіруге шектеу енгізу болды. ЖЖМ сегменті көлік пен азық-түлік логистикасындағы өзіндік құнның шамамен 20%-ын құрайды, сондықтан оның тұрақтануы нарықтағы жалпы баға деңгейіне тікелей әсер етеді.Уақытша мораторий енгізу шығындардың өсуіне және соның салдарынан туындайтын инфляциялық әсерлерге жол бермеді.Сонымен қатар, азық-түлік тұрақтандыру қорларын қаржыландыру екі есе арттырылып, ауыл шаруашылығы өндірушілерін қолдау кеңейтілді. Мұндай тәсіл тек бағаны «тежеп» қана қоймай, ішкі ұсынысты арттырып, отандық өнімдердің саудадағы үлесін көбейтеді. Осылайша азық-түлік қауіпсіздігінің жаңа логикасы қалыптасуда – шектеу арқылы емес, өндірісті кеңейту арқылы.<h2 style="text-align:justify;">Салықтық жұмсақтық және бизнес сенімі</h2>2026 жылдан бастап Қазақстан жаңа Салық кодексіне көшеді. Алайда үкімет микро және шағын бизнес субъектілері үшін жеңіл өтпелі кезең қарастырды. 2026 жылғы 1 сәуірге дейін мұндай компаниялар негізгі қарыздарын айыппұлдар мен өсімпұлсыз төлей алады, ал тексерулер мен камералдық бақылаулар тоқтатылады.Бұл шешім сенім атмосферасын қалыптастырып, шағын кәсіп иелеріне «таза парақтан» бастауға мүмкіндік береді. Сонымен қатар, кәсіпкерлер үшін жеңілдетілген салық режимі сақталып, әкімшілік жүктеме азайып, өзін-өзі жұмыспен қамтуға ынталандыру артады.Премьер-Министр Олжас Бектенов атап өткендей, үкіметтің басты бағыты – елдің экономикалық дамуының табысты көрсеткіші ретінде әрбір қазақстандықтың әл-ауқаты. Сенім мен сабақтастыққа негізделген бұл ұстаным жаңа экономикалық модельдің негізгі өзегіне айналып отыр.<h2 style="text-align:justify;">Ипотека және сұранысты қолдау</h2>Қазан айында үкімет жеңілдетілген ипотекалық бағдарламаларды да кеңейтті. «Наурыз» және «Наурыз-Жұмыскер» жобаларының қаржыландыру көлемі екі есеге артып, 500 млрд теңгеге жетті, ал «Әскери баспана» бағдарламасы қайта іске қосылды. Бұл құрылыс саласы үшін – жаңа тапсырыстар, отбасылар үшін – қолжетімді баспанаға сенім, ал экономика үшін – тұтынушылық сұранысты ынталандыру.Инфляцияның 0,3 пайыздық тармаққа төмендеуі – алғашқы әсер ғана. Үкімет 2026 жылы инфляцияның 9–11% аралығына дейін төмендеуін күтуде.Тарифтерді тежеу, отын мен азық-түлік нарығын бақылау, шағын және орта бизнесті қолдау – тапшылықсыз және күрт түзетулерсіз басқарылатын тұрақтандырудың негізін қалыптастыруда.Президент Қасым-Жомарт Тоқаев бірнеше рет атап өткендей: «Экономикалық реформалардың басты мақсаты – тек ЖІӨ өсімі емес, азаматтардың әл-ауқатын арттыру және болашақтың болжамдылығын қамтамасыз ету».Қазан айындағы нәтижелер осы бағыттың тиімділігін айқын дәлелдеді.Фото: pixabay

«Тұрақтылық дәлізі»: Қазақстан үкіметі инфляцияны бақылауға алды

<a href="https://kyzylorda-news.kz/">Kyzylorda-news.kz</a> ҚМА Қызылорда облысы бойынша департаменті көлік прокуратурасының үйлестіруімен «СПК Қызылорда Балық» ЖШС басшылығына қатысты тергеуді аяқтады.2022 жылы аталған кәсіпорынның лауазымды тұлғалары кеден органдарына жалған мәліметтер ұсынып, құны 254 миллион теңге болатын жалпы салмағы 75 тоннадан асатын көк серке етін Еуропалық одақ елдеріне заңсыз экспорттаған.Балық өнімдерінің заңды шығу тегін көрсету мақсатында кәсіпорын шын мәнінде балық өсіру немесе ұстау жағдайлары болмаған өзімен байланысы бар тұлғалар мен шаруашылықтардан балық сатып алынғаны жөнінде жалған құжаттар ресімдеген.Тексеру барысында бұл шаруашылықтардағы су айдындарының толықтай кеуіп қалғаны, ал құжаттарда көрсетілген жүк көліктерінің тасымалдау қызметін іс жүзінде атқармағаны және тоңазытқыш жабдықтармен қамтамасыз етілмегені анықталды.Сонымен қатар, тергеу барысында жалған шот-фактуралар жазылғаны және балық өнімдерін тасымалдауға заңсыз ветеринарлық анықтамалар берілгені дәлелденді.Сот үкімімен кәсіпорынның құрылтайшысы А. Ерхатов және директоры Л. Қайыпназарова кінәлі деп танылып, 2 жыл мерзімге бас бостандығын шектеу жазасына кесілді.Мемлекет пайдасына 254 млн теңге көлеміндегі заңсыз табыс өндірілді.Сот үкімі заңды күшіне енген жоқ.Видеодан скрин

Қызылордада 254 млн теңгеге балық өнімдерін заңсыз экспорттағандар сотталды

<a href="https://kyzylorda-news.kz/">Kyzylorda-news.kz</a> &nbsp;Арал аудандық мәдениет үйінде «Толқын» газетінің 95 жылдық мерейтойына арналған салтанатты мерекелік шара өткізілді. Бұл – ғасырлық межеге таяған аудан айнасының өткені мен бүгінін бағамдаған, рухани мазмұны терең, әсерлі кеш болды.Шараға қатысушылар, алдымен газет тарихынан сыр шертетін көрмемен танысты.Мерекелік кешке аудан басшысы А.Оңғарбаев қатысып, өз құттықтау сөзінде басылымның тарихына тоқталып, ел өміріндегі айрықша рөлін атап өтті:<blockquote>– «Халықтың үні мен құлағы болған үнжария әуелде «Екпінді балықшы» аталып, алғашқы санына филология ғылымының докторы, профессор Әуелбек Қоңыратбаев қол қойғаны тарихтан белгілі. Биыл айтулы қаламгердің 120 жылдық мерейтойы қатар тойлануда. Газет қай кезде де өз бағытынан айнымай елдің тәрбие құралына айналды. Атағы жаһанға таныс Аралдың әр перзентін елін сүюге баулып, көптеген сала мақтаныштарын халыққа паш етті. Араға жылдар салып, «Социалистік Арал», артынша «Толқын» болып тулаған басылым талай таланттың екінші тынысын ашты, жас буынды тәрбиелеудің көркем үлгісін көрсетті. Бүгінде, ақсақалдық жастың асуына иек артқан аудан шежіресі үлкен-кішінің рухани қолдаушысы бола беретіні анық. Әрдайым осы биіктен көрініп, бейнелі сөзбен әдебиет көгінде жарқырай берсін!», – деді Аманжол Сақыпұлы.</blockquote>Кеш барысында газеттің алғашқы редакторы, профессор Әуелбек Қоңыратбаевтың ұлы, филология ғылымдарының докторы, профессор Тынысбек Әуелбекұлы сахна төріне шақырылып, оған аудан әкімінің құттықтау хаты табысталып, қазақы дәстүрмен иығына шапан жауып, құрмет көрсетілді. Сонымен бірге, жергілікті суретші, Қазақстан Суретшілер одағының мүшесі Берік Бөкешовтің сурет туындысы берілді.Мұнан соң аудандық «Толқын» газетінің бас редакторы Айдар Сайлауов бастаған шығармашылық ұжымға Қызылорда облысы мен аудан әкімдерінің құттықтау хаттары мен естелік сыйлықтары тапсырылды.Мерейтой аясында басылымда ұзақ жыл еңбек етіп, өз қолтаңбасын қалдырған ардагерлер мен қызметкерлер облыс және аудан әкімдерінің «Алғыс хаттарымен» марапатталды.Кеш барысында профессор Тынысбек Қоңыратбаев сөз алып, толғанысқа толы лебізін жеткізді.Мерекелік шарада айтыскер ақын Ержеңіс Әбді «Толқын» газетінің мерейтойына арнауын оқып, көрерменнің ыстық ықыласына бөленді.Сондай-ақ, кеш көркін «Ақтолқын» би тобының өнері, жас орындаушылардың әндері мен күйі, №260 мектеп оқушыларының «Қағазға түскен тағдырлар» атты сахналық көрінісі аша түсті. Шара аудан өнерпаздарының мерекелік концертіне ұласты.<img src="https://knadmin.beoblood.kz/uploads/1_Tol_yn_tarih_tarazysy_cb550242a7.jpg" alt="1Толқын - тарих таразысы.jpg">&nbsp;

Толқын - тарих таразысы

<a href="https://kyzylorda-news.kz/">Kyzylorda-news.kz</a> Президент Қасым-Жомарт Тоқаевтың 2025 жылғы 8 қыркүйектегі Қазақстан халқына арнаған «Жасанды интеллект дәуіріндегі Қазақстан: өзекті мәселелер және оны түбегейлі цифрлық өзгерістер арқылы шешу» атты Жолдауында ұлт саулығын нығайту бағытындағы басым бағыттар белгіленді. Бұл бастамалар тұрақты және тиімді денсаулық сақтау жүйесін қалыптастыруға негізделген. Оның ішінде әрбір азаматтың қолжетімді әрі сапалы медициналық көмек алуын қамтамасыз ететін міндетті әлеуметтік медициналық сақтандыру жүйесін құруды көздейді.&nbsp; &nbsp;МӘМС жүйесінің Қызылорда облысында қалай жүзеге асырылып жатқаны жөнінде «Әлеуметтік медициналық сақтандыру қоры» КеАҚ Қызылорда облысы бойынша филиалының директоры Жақсылық Абдусаметов айтып берді.&nbsp; – Үкіметтің 2024 жылғы 7 шілдеде өткен кеңейтілген отырысында Мемлекет басшысы «Әлеуметтік осал санаттарға жататын азаматтар үшін медициналық сақтандыруға аударымдар жергілікті бюджет есебінен төленуі тиіс»&nbsp;деп&nbsp;жергілікті атқарушы органдардың жауапкершілігін арттыруды тапсырған болатын. Жақсылық Әбілқасымұлы, осындай мемлекеттік қолдаумен өңіріміздің&nbsp;қанша тұрғыны қамтылады деп жоспарлануда?&nbsp; &nbsp; – Иә, шынында МӘМС жүйесіне халықты көптеп тартуға бағытталған жаңа іс-шаралар қабылданды. Енді әлеуметтік әл-ауқаты төмен азаматтар – нақты айтқанда, &nbsp;дағдарыс және төтенше санатқа (D және E) жататын адамдар үшін жарнаны жергілікті атқарушы органдар төлейтін болады.&nbsp; &nbsp; 2025 жылғы 04 қарашасындағы мәлімет бойынша өңірдің бастапқы медициналық-санитарлық көмек ұйымдарына 819 024 адам тіркелген. Соның &nbsp; &nbsp; &nbsp; &nbsp;677 738-і&nbsp;(82,7%) сақтандырылған, 141 286 адам (17,3%) сақтандырылмаған. Сақтандырылмаған азаматтардың шамамен 40 мыңы қиын жағдайға тап болғандар. Олардың медициналық қызметті қоса алғандағы базалық қажеттіліктерді жабу үшін тұрақты табысы жоқ немесе әлеуметтік жағдайлары төмен азаматтар.&nbsp; &nbsp; &nbsp; Алдағы жылдан бастап бұл азаматтардың барлығы шартты түрде сақтандырылады. Олар медициналық ұйымға жүгінгеннен бастап жергілікті атқарушы органдар есебінен жарна төлене бастайды.– &nbsp; &nbsp;2024 жылғы 2 қыркүйектегі Жолдауында Президент мемлекеттік медициналық көмектің бірыңғай пакетін әзірлеуді тапсырды. 2026 жылдан бастап еліміз жаңа үлгіге кезең-кезеңімен көше бастайды. Денсаулық сақтау жүйесінде қандай өзгерістер күтіледі?&nbsp; &nbsp;- «МӘМС туралы» Заңдағы өзгерістерге сәйкес бірқатар жаңалық қолданысқа енгізіледі. Оның ішінде тегін медициналық көмектің кепілдік берілген көлемі мен міндетті әлеуметтік медициналық сақтандыру пакеті арасындағы айырмашылық айқындала түседі.&nbsp; &nbsp; Бірыңғай медициналық көмек пакеті ауруды ерте сатысында анықтауға мүмкіндік береді. Бұл ретте 8 әлеуметтік мәні бар ауруға (туберкулез, АИТВ, созылмалы вирусты гепатиттер мен бауыр циррозы, қатерлі ісіктер, психикалық және мінез-құлықтық бұзылыстар, орфандық аурулар, жедел миокард инфаркті, инсульт) күдік туындаған жағдайда консультативтік-диагностикалық көмек те тегін көрсетіледі.&nbsp;2026 жылдан бастап амбулаторлық диализ, сондай-ақ динамикалық бақылауды қажет ететін созылмалы аурулардың 12 тобы бойынша консультативтік-диагностикалық көмек, амбулаториялық дәрілік қамтамасыз ету, жоспарлы түрде стационарлық және стационарды алмастыратын көмек МӘМС-тің базалық пакетіне кіреді.&nbsp; Аталған аурулар тізбесіне келесі дерттер кіреді: бауыр аурулары; қан мен қан түзуші ағзалар аурулары; жоғарғы асқорыту жолдарының аурулары; инфекциялық емес энтерит пен колит; артропатиялар, дорсопатиялар; қалқанша безі аурулары; қуық асты безінің гиперплазиясы; сүт безінің қатерсіз дисплазиясы; әйелдердің жыныс мүшелерінің қабынусыз аурулары; бронхөкпе дисплазиясы; жүректің туа біткен ақаулары; даму ақаулары.&nbsp;Енді онкологиялық скринингтер барлық пациенттерге тегін болады. Сүт безі, қатерлі ісігіне, жатыр мойны және тоқ ішек қатерлі ісігіне скринингтік тексерулерді МӘМС төлемдері болмаса да, емханада өтуге болады.&nbsp; Президент өз Жолдауында медициналық қызмет сапасы мен көлеміне мониторинг жүргізу мақсатында жасанды интеллекті қолданысқа енгізудің маңызын атап өтті. Жақсылық Әбілқасымұлы, бұл тәжірибеде қалай жүзеге асырылып жатыр?&nbsp;– Қор қазірден бастап көрсетілген медициналық қызметтің сапасын автоматты түрде тексеруге ықпал ететін «Мониторинг» модулін енгізді. Пациенттің емханадан сатционарға дейінгі бүкіл жолы осы жүйеде көрінеді. Медициналық қызмет көрсетілгеннен кейін деректер жүйеге түсіп, қолданыстағы нормативтік-құқықтық актілер мен қызмет көрсету стандарттарына сәйкестігі тексеріледі. Сәйкессіздіктер анықталса, жүйе ақауларды тіркеп, жеткізушілер бойынша талдамалық есептер жасауға мүмкіндік береді.Пилоттық жоба 2025 жылдың наурызында Ақмола облысындағы медициналық ұйымдарда іске қосылып, нәтижесінде ақау азайып, стандарттардың бұзылуы төмендегені байқалды. Бұл жүйенің, медициналық қызмет көрсетушілер тарапынан, талаптардың орындалуына оң ықпал етіп отырғанын көрсетеді.&nbsp; &nbsp;Біздің мақсат – жазалау емес, медициналық көмек сапасын арттыру. Біз медициналық ұйымдардың бірыңғай және ашық түрде жұмыс істеуіне көмектесуге тырысамыз.&nbsp;– Сонымен қатар МӘМС-тің қаржылық тұрақтылығын бекіту әлі де маңызды бағыттар қатарында. Бұл тапсырманы қалай орындау жоспарланып отыр?&nbsp;– 2026 жылдан бастап жұмыс берушілер мен жұмысшылар үшін жарна төлеудегі табыстың жоғарғы шегін ең төменгі жалақының 10 еселенген мөлшерінен 50 еселенген мөлшеріне дейін ұлғайту көзделуде. Сондай-ақ мемлекеттің қаржыландыру үлесінің кезең-кезеңімен өсуі нәтижесінде жарна мөлшері биылғы 2,2%-дан 2037 жылға қарай 4,7%-ға дейін артады деп күтілуде. Бұл ТМККК жүйесінің тұрақтылығын сақтап, бизнес пен азаматтарға түсетін жүктемені азайтуға, яғни тепе-теңдікті сақтауға мүмкіндік береді.&nbsp;&nbsp; &nbsp; &nbsp; &nbsp;Әңгімеңіз үшін рахмет!Сұхбаттасқан Айгүл Аханова

МӘМС – 2026: азаматтарға арналған жаңа мүмкіндіктер мен кепілдіктер

<a href="https://kyzylorda-news.kz/">Kyzylorda-news.kz</a> Биыл аудандық «Толқын» газетінің 95 жылдығы мен ұлт әдебиетінің алыбы, ғалым Әуелбек Қоңыратбаевтың 120 жылдық мерейтойы аталып өтуде. Бүгін аталмыш мерейтой аясында бұқаралық ақпарат құралдары өкілдері арасында шағын футболдан облыстық турнир өтті. Жарыстың ашылу салтанатына аудан әкімінің орынбасары Н.Бохаев қатысып:<blockquote>– «Шағын футбол турнирі — осы мерейлі күнді спорттық көңіл-күймен айшықтап, бұқаралық ақпарат құралдары өкілдері арасындағы бірлік пен достықты нығайтуға, салауатты өмір салтын дәріптеуге арналған игі бастама. Өткен жылы Қамбаш көлінің жағажайында БАҚ өкілдері арасында шағын футболдан жарыс өткен болатын. Биыл да сол игі дәстүр өз жалғасын табуда.Сіздер елдің сөзін сөйлеп, шындықтың шырағын жағып жүрген қалам иесісіздер. Бүгін сол қаламдарыңызбен қоса шаршы алаңдағы шымыр шеберліктеріңізді көрсететін сәт туды. Барлық командаларға әділ ойын, жарасымды бәсеке және сәттілік тілеймін!» - деді.</blockquote>Сонымен бірге «Сырмедиа» ЖШС бас директоры М.Аралбаев сөз алып, аудандық басылымның мерейтойына орай ұйымдастырылған шараға ризашылығын жеткізіп, қатысушыларға жеңіс тіледі.Тартысты доп додасына Сыр журналистикасының кәсіби мамандары мен осы салада еңбек ететін азаматтардан жиналған 5 команда қатысып, бақ сынасты.<img src="https://knadmin.beoblood.kz/uploads/1_B_araly_a_parat_raldary_kilderi_te_bil_dop_b_sekesinde_ba_synasty_57f333d653.jpg" alt="1Бұқаралық ақпарат құралдары өкілдері теңбіл доп бәсекесінде бақ сынасты.jpg">Турнир қорытындысы бойынша жүлделі І орынды «СырМедиа» командасы иеленсе, ІІ орын «Меншікті тілшілер» командасына бұйырды. Ал ІІІ орынға «Қызылорда 2» командасы лайық деп танылды. Осы турнирге белсене қатысқаны үшін «Толқын 95», «Қызылорда 1» командалары ынталандыру сыйлығына ие болды.<img src="https://knadmin.beoblood.kz/uploads/2_B_araly_a_parat_raldary_kilderi_te_bil_dop_b_sekesinde_ba_synasty_1490992011.jpg" alt="2Бұқаралық ақпарат құралдары өкілдері теңбіл доп бәсекесінде бақ сынасты.jpg">Ойын барысында жеке шеберлігімен көзге түскен ойыншылар да назардан тыс қалмады. Үздік ойын өрнегін көрсеткендерге « Үздік сұрмерген», «Үздік қақпашы» , «Көрермен көзайымы», «Үздік ойыншы» номинациялары табысталды.<img src="https://knadmin.beoblood.kz/uploads/3_B_araly_a_parat_raldary_kilderi_te_bil_dop_b_sekesinde_ba_synasty_a635f7802b.jpg" alt="3Бұқаралық ақпарат құралдары өкілдері теңбіл доп бәсекесінде бақ сынасты.jpg">Жеңімпаз және жүлдегер командалар кубок, медаль, диплом және арнайы сыйлықтармен марапатталды.

Бұқаралық ақпарат құралдары өкілдері теңбіл доп бәсекесінде бақ сынасты

<a href="https://kyzylorda-news.kz/">Kyzylorda-news.kz</a> &nbsp;Сыр еліне Жамбыл облысының делегациясы іссапармен келді. Сапардың мақсаты – өңіраралық әріптестікті нығайту, тәжірибе алмасу және өзара тиімді байланыс орнату.Қонақтарды облыс әкімінің бірінші орынбасары Данияр Жаналинов қабылдады. Кездесуде тараптар әлеуметтік және экономикалық бағыттар бойынша пікір алмасып, бірлескен жобаларды жүзеге асыру мүмкіндіктерін талқылады. Делегация өңірдегі ірі жобалармен танысты.Алдымен балалар мен жасөспірімдерге арналған «Сыр жұлдыздары» шығармашылық-инновациялық академиясына барды. Мұнда бір мезетте 500, ал тәулігіне 3 мың оқушы бассейн, топтық жаттығу бөлмелері, көркем гимнастика және фитнес залдары, үстел ойындарына арналған кабинет, жекпе-жек және үстел теннисі залдарында жаттығады. Барлық залда ұлдар мен қыздарға арналған жеке киім ауыстыру бөлмелері қарастырылған.Жамбылдықтар 1000 орындық көпфункционалды «Өнер орталығында» болды. Қала сәулетіне айрықша көрік берген бұл ғимаратта симфониялық, эстрадалық және ұлттық өнер бағытындағы концерттер, шығармашылық кештер мен түрлі қоғамдық іс-шаралар өткізіліп келеді.Мұнан кейін делегация халықаралық стандарттарға сай келетін 11 мың орындық Орталық стадионды аралады. Бұл спорт нысаны УЕФА талаптарына сәйкес салынған және заманауи құрал-жабдықтармен толық қамтамасыз етілген. Жалпы аумағы 20 мың шаршы метр болатын үш қабатты ғимаратта бокс, дзюдо, грек-рим және еркін күрес, фитнес, спорттық гимнастика, таеквондо және ауыр атлетика залдары орналасқан.Делегация мүшелері шағын өнеркәсіптік аймақтың жұмысын да көрді. Мұнда 8 өндірістік цех іске қосылып, азық-түлік өнімдерін өндіретін кәсіпорындар шоғырланған, 50-ден астам адам тұрақты жұмыспен қамтылып, тұрмыс-тіршілікке қажетті тауарлар өндіруде. Кәсіпкерлерге өз жұмысын бастауға «Қызылорда» өңірлік инвестициялық орталығы арқылы жылдық 3 пайызбен 157 млн. теңге жеңілдетілген несие берілді. Бұл – кәсіпкерлікті қолдауға бағытталған шаралардың нақты көрінісі.Қонақтар Сырдария өзенінің сол жағалауындағы облыстық тарихи-өлкетану музейінің жұмысымен де танысты. Мәдени нысан облыс бюджетінен үнемделген қаражат есебінен бой көтерді.85 жылдық тарихы бар облыстық музейдің бұған дейін типтік үлгідегі ғимараты болмаған.Жаңа музейде12&nbsp;экспозициялық&nbsp;зал&nbsp;халыққа&nbsp;қызмет&nbsp;көрсетуде. Қазіргі уақытта музей қорында 70 мыңға жуық тарихи экспонат сақталған. Оның 25 120-сы түпнұсқа. Қордағы құнды экспонаттар археологиялық қазба жұмыстарының ғылыми негіздемелеріне сүйеніп жасалған алтын киімді «Шірік Рабат сақ жауынгері», алтын әшекейлі «Сығанақ ханшайымы», алтын қылышты «Түгіскен көсемі» және «Жетіасар ақсүйек әйелі» тарихи реконструкциялары ғылыми айналымға енгізілді.

Жамбыл облысының делегациясы өңірдегі жаңа нысандармен танысты

<a href="https://kyzylorda-news.kz/">Kyzylorda-news.kz</a> &nbsp;Арал өңірінде бүгінгі ұрпаққа өнеге, кейінгіге аманат болған қос үлкен мерейтой – «Толқын» газетінің 95 жылдығы мен қазақ әдебиетінің көрнекті өкілі, ғалым, ұстаз Әуелбек Қоңыратбаевтың 120 жылдығына арналған ақындар мүшәйрасы өтті.Жарыстың ашылу салтанатына аудандық мәдениет және тілдерді дамыту бөлімінің басшысы Б.Махатов қатысып, құттықтау сөз сөйледі:<blockquote>– «Ақындар мүшәйрасы — рух пен парасаттың, қара сөз бен жырдың үндестігін паш ететін ерекше жиын. Ақын – елдің айнасы, халықтың жүрегінен төгілген сәуле. Сіздер сөзді саралап, ойды өрнектеп, елдік рухты жыр жолына қосып келесіздер. Қадірлі қалам иелері! Қара сөз бен жырдың жарасымы, шабыт пен жүректің тоғысы осы мерейтойдың мәнін айқындай түсуде. Қаламдарыңыз мұқалмай, жырларыңыз жұртыңыздың жүрегін тербетіп, ел мен жердің мерейін үстей берсін! Баршаңызға шығармашылық шабыт, жаңа табыстар мен жарқын жетістіктер тілеймін! Мерейлі мереке құтты болсын!», -деді.</blockquote>Мүшәйраға 11 ақын қатысып, шығармалары арқылы көрермен жүрегіне жол тартты. Жыр додасында «Толқын» газетінің 95 жылдығына және басылымның тұңғыш редакторы Әуелбек Қоңыратбаевтың 120 жылдығына арналған арнаулар асқақ үнмен өрілді.Сөз маржанын теріп, додаға түскен ақындар арасынан бас жүлде аралдық Дархан Аманжолұлының еншісіне бұйырды.І орынды Қазалы ауданынан келген Ақжол Түменбай иеленсе, ІІ орынның жүлдесі қызылордалық ақындар Аружан Оралбай мен Нұргүл Төлеубайға табысталса, ІІІ орынды Оңталап Жолдасов, Алтынбек Қыстаубаев және Ұлықбек Бекұзақұлы иеленді. Сонымен қатар Зейнолла Шүкіров атындағы арнайы жүлдені шиелілік Бекжан Ержігіт өз қанжығасына байлады.Шараға белсене қатысып, жүлделі орын алған ақындарға қаржылай сыйлықтар мен дипломдар табысталды.<img src="https://knadmin.beoblood.kz/uploads/1_Tol_yn_tarihy_men_uelbek_o_yratbaev_ta_ylymy_ly_taldy_ab005fb86c.jpg" alt="1“Толқын” тарихы мен Әуелбек Қоңыратбаев тағылымы ұлықталды.jpg"><img src="https://knadmin.beoblood.kz/uploads/3_Tol_yn_tarihy_men_uelbek_o_yratbaev_ta_ylymy_ly_taldy_c5212c3e0a.jpg" alt="3“Толқын” тарихы мен Әуелбек Қоңыратбаев тағылымы ұлықталды.jpg"><img src="https://knadmin.beoblood.kz/uploads/2_Tol_yn_tarihy_men_uelbek_o_yratbaev_ta_ylymy_ly_taldy_a742aea290.jpg" alt="2“Толқын” тарихы мен Әуелбек Қоңыратбаев тағылымы ұлықталды.jpg">

“Толқын” тарихы мен Әуелбек Қоңыратбаев тағылымы ұлықталды

<a href="https://kyzylorda-news.kz/">Kyzylorda-news.kz</a> &nbsp;Алматы қаласында өткен “Өнерлі елдің өресі биік” атты республикалық ата-апалар өнер байқауында Жалағаш ауданының атынан қатысқан “Ұлағатты аналар” ансамблі зор жетістікке қол жеткізді. Байқауға еліміздің әр өңірінен өнерлі аналар мен ата-апалар ұжымдары қатысты.Республикалық деңгейдегі байқауда “Хормен ән салу”, “Бата беру”, “Сән көрсету”номинациялары бойынша өнер көрсеткен жалағаштық аналар жоғары орындаушылық шеберлігімен ерекше көзге түсіп, қазылар алқасының жоғары бағасына ие болды.Өнер мен руханиятты ұлықтап, ұлттық мәдениетті ұрпаққа үлгі ету жолында еңбек етіп жүрген “Ұлағатты аналар” ұжымы облысымыздың намысын абыроймен қорғап, бас жүлдені жеңіп алды.Айта кетейік, “Ұлағатты аналарымыз” 2026 жылдың 3 мамырында Республика сарайында өтетін концертке шақырту алды.

Жалағаштық “Ұлағатты аналар” республикалық байқауда бас жүлдені иеленді

Партияның облыстық филиалының атқарушы хатшысы Ләйлә Төрешова партиялық бақылау комиссиясы өкілдерімен бірге Қызылорда қаласы Сырдария өзенінің сол жағалауы №2 шағын ауданынан «AMANAT» партиясының «Халықпен бірге!» сайлауалды бағдарламасы аясында салынған &nbsp;бес этажды 10 тұрғын үйдің коммуналдық инженерлік инфрақұрылым желілерінің құрылысына мониторинг жүргізді.Мониторинг барысында жылу, су және электрмен қамту жүйелерінің жағдайы, абаттандыру, аулалар мен кіреберістердің санитарлық ахуалы, қаржының тиімді игерілуі назарға алынды.Аталмыш тұрғын үйлер құрылысы 2024 жылы басталған. Қазіргі таңда құрылыс монтаж жұмыстарынан абаттандыру жұмыстары жүргізіліп жатыр. Жақұында электрмен қамту бойынша үш трансформатор орнатылмақ. Ауыз су, кәріз, газ жүргізу жүйелері толығымен аяқталған. Жылу жүйесі 90 пайызға орындалып отыр. Бұл жұмыстарға бөлінген қаржының 1 млрд теңгесі толық игерілген.«Инженерлік инфрақұрылым – тұрғындардың жайлы өмір сүруінің негізі. &nbsp;Яғни жылу, су, жарық, кәріз және жол жүйелерінің дұрыс жұмыс істеуі – тұрғындардың күнделікті тұрмысын қамтамасыз ететін басты фактор. Инженерлік инфрақұрылымның сапасы төмен болса, тұрғындардың өмір сүру деңгейіне тікелей әсер етеді. Сондықтан халықтың тұрмыс жағдайын жақсарту бағытында «AMANAT» партиясымен &nbsp;бұл салаға алдағы уақытта да жоспарлы түрде &nbsp;бақылау жүргізілетін болады», - деді Ләйлә Төрешова.Мониторинг барысында &nbsp;мердігерлер мен жауапты мекемелерге жұмыстың сапасы мен мерзімінде аяқтау тапсырылды.&nbsp;

Инженерлік инфрақұрылым – тұрғындардың жайлы өмір сүруінің негізі 

«Дәстүрге жол» республикалық қоғамдық бірлестігінің ұйымдастыруымен өткен «Абысын ажын» республикалық байқауының қатысушылары үшін мазмұнды әрі тағылымға толы күн болды. Республиканың 14 өңірінен келген 180-ге жуық делегат өңірдің маңызды мәдени және рухани нысандарын аралап, елдің тарихы мен дәстүрін терең таныды.Күннің алғашқы бөлігі «Анаға тағзым» орталығын аралаудан басталды. Делегаттар аналарға, отбасы құндылықтары мен адамгершілік тақырыбына арналған экспозициялармен танысып, ұлт болашағын тәрбиелеудегі ананың орны мен рөлін айқын сезінді. Бұл сапар қатысушыларға терең әсер қалдырып, аналарға деген құрмет пен ілтипатты одан әрі арттырды.Одан кейін байқау қатысушылары «Сыр жұлдыздары» шығармашылық-инновациялық академиясына барды. Мұнда олар жас өнерпаздардың еңбегімен, өңірдің мәдени өмірімен танысып, шығармашылық бастамаларға жоғары баға берді.Сапардың келесі нүктесі - Отбасы орталығы болды. Делегация мүшелері отбасы институтын нығайту, ұлттық құндылықтарды ұрпақ тәрбиесіне енгізу бағытындағы жұмыстармен танысты. Орталықтың жылы атмосферасы мен мақсатты қызметі қатысушылардың көңілінен шықты.Күннің екінші жартысында делегаттар қаланың сол жағалауындағы жаңа стадион мен облыстық тарихи-өлкетану музейін аралап, өңірдің әлеуметтік және мәдени дамуына көз жеткізді. Музейдегі бай экспозициялар мен тарихи жәдігерлер қонақтарға ерекше әсер қалдырып, аймақтың тарихына деген қызығушылықты арттырды.Сапар соңында қатысушылар Нағи Ілиясов ауылына жол тартып, ауылдың тыныс-тіршілігімен, тұрғындардың қонақжайлығымен танысты. Жалпы, күн барысында өткен іс-шаралар байқау қатысушыларына зор рухани әсер сыйлап, ұлттық дәстүр мен мәдениетті құрметтеу, ел бірлігі мен отбасы құндылықтарын насихаттау бағытындағы көзқарастарын кеңейтті. «Абысын ажын» байқауы аясындағы бұл танымдық сапар ел руханиятын жаңғырту мен дәстүр сабақтастығын нығайтуға өз үлесін қосты.<img src="https://knadmin.beoblood.kz/uploads/FB_IMG_1762628493953_fb83e80a0a.jpg" alt="FB_IMG_1762628493953.jpg">

Республикалық байқаудың қатысушылары мәдени және рухани нысандарды аралады 

«Таза Қазақстан» республикалық экологиялық бағдарламасы аясында Қызылорда облысында жаппай сенбілік жалғасуда.Өңірдің барлық елді мекенінде санитарлық тазарту, абаттандыру және көркейту-көгалдандыру шаралары жүйелі жүргізілуде.Бүгінгі күнге дейін тазалық жұмыстарына 440 мыңнан астам ерікті, қоғам қайраткерлері, мемлекеттік және жеке ұйым қызметкерлері қатысқан.Тазалық жұмыстарынан соң 19 мың тоннадан астам тұрмыстық қалдық шығарылып, елді мекендердегі 510 сквер мен парк, 256 тарихи-мәдени ескерткіш, 1019 әлеуметтік нысан, 3 603 өндірістік және кәсіпкерлік нысан, сондай-ақ 332 су айдыны мен 41 394 көше бойы тазартылды. Сенбілікке 540-тан астам арнайы техника тартылды.Сонымен қатар жыл басынан бері облыс аумағында өңірдің табиғи-климаттық жағдайына бейімделген 255 500 түп қарағаш, терек және Сыр талы көшеті отырғызылды.

Қазақстан және Қызылорда облысының жаңалықтары