<a href="https://kyzylorda-news.kz/">Kyzylorda-news.kz</a> Облыс әкімі Нұрлыбек Нәлібаевтың төрағалығымен «Ауыл аманаты» жобасының іске асырылу барысы талқыланған мәжіліс өтті. Басқосуға басқарма басшылары, қала, аудан әкімдері қатысты.Аймақ басшысы жоба шеңберінде атқарылған жұмыстарға тоқталып, сала жетекшілеріне тапсырма жүктеді.<blockquote>«Ауыл аманаты» жобасы ауыл халқының әл-ауқатын жақсартуға және әлеуметтік мәселелерін шешуге бағытталған. Жылдық 2,5 пайызбен берілетін жеңілдетілген несие азаматтарға идеяларын жүзеге асыруға, өз ісін ашуға және жұмыссыздықты азайтуға мүмкіндік ұсынды. Бағдарламаның оң нәтижесі көз алдымызда. Өткен жылы республикалық бюджеттен 3 млрд. теңге қаралып, 406 жоба несиелендірілді, 713 жұмыс орны ашылды. Биыл 4 млрд. 600 млн. теңге қаржы бөлінуде.Қала және аудан әкімдері бағдарламаның артықшылықтарын тиімді пайдаланып, ауыл халқының табысын өсіруге ұмтылуы тиіс. Бұл ретте ауыл әкімдеріне зор жауапкершілік жүктеледі.«Ауыл аманаты» жобасының Сырдария ауданына қарасты «Бесарық» ауылында сәтті жүзеге асырылғанын көрдіңіздер. Осындай нәтижелі жұмыстар әр ауданда барынша сапалы және толыққанды атқарылуы тиіс», – деді Нұрлыбек Нәлібаев.</blockquote>Аталған бағдарлама өнім өндірумен қатар, оны өткізу мәселесін шешеді. Басымдық өңірдің ерекшелігіне қарай өндірістік жобаларға беріледі. Ал мал шаруашылығына қатысты жобаларға асылтұқымды мал сатып алу талабы қойылады. Бұл төрт түліктің тұқымын түрлендіруге жол ашады, сондай-ақ жақындарының малын тіркеп қоюшыларға кедергі болмақ. Осылайша қаржы нақты мақсатына жұмсалады.«Ауыл аманаты» жобасы бойынша 1 томат пастасы цехы, 34 жылыжай ашылып, 671 асылтұқымды төрт түлік алынды. Сонымен бірге, 21 сүт және ет өнімдері өндірісі іске қосылып, 66 ауыл шаруашылығы техникасы әкелінді. Оған қоса 14 балық, 18 құс шаруашылығы өркен жайды. Жоба қатысушыларының арасынан 38 адам кондитер және нан өнімдерін пісірумен айналысады, 3 гидропоника, 7 жиhаз, 34 пластикалық өнімдер мен құрылыс материалдары өндірісі, 98 қызмет көрсету орны ашылды.Қалған жобалар бойынша мониторинг жалғасуда. «Ауыл аманаты» жобасының игілігін көрген 106 елді мекенде 51 ауыл шаруашылығы өндірістік кооперативі құрылып, оның 33-і 716 млн.теңгеге қаржыландырылды. Биыл 575 жобаны іске асыру, 610 жұмыс орнын ашу көзделуде.<img src="https://knadmin.beoblood.kz/uploads/461759506_833491232305456_5619924643750320101_n_66d2f24962.jpg" alt="461759506_833491232305456_5619924643750320101_n.jpg"><img src="https://knadmin.beoblood.kz/uploads/461927831_833491202305459_1416656513724838688_n_1cb0f2a064.jpg" alt="461927831_833491202305459_1416656513724838688_n.jpg"><img src="https://knadmin.beoblood.kz/uploads/461949173_833491225638790_4493718995613873957_n_91e35459bf.jpg" alt="461949173_833491225638790_4493718995613873957_n.jpg">Фото: Қызылорда облысы әкімінің баспасөз қызметі

«Ауыл аманаты» жобасының артықшылықтарын тиімді пайдалану керек

<a href="https://kyzylorda-news.kz/">Kyzylorda-news.kz</a> Облыстық қоғамдық даму басқармасының ұжымы «1 қазан – Халықаралық қарттар күніне» орай өңірдің дамуына елеулі еңбек сіңірген, мемлекеттік қызмет саласында ұзақ та жемісті еңбек еткен сала ардагері Алмасбек Сардарбекұлын арнайы құттықтады.Шарада сөз алған басқарма басшысы Р.Каюпов сала ардагеріне құттықтау лебізін білдіріп, ҚР Мәдениет және ақпарат министрлігінің «Еңбек ардагері» медалін табыстады.Алмасбек Сардарбекұлы еңбек жолын Сырдария ауданындағы №144 орта мектептің мұғалімі болып бастап, зейнетке шыққанға дейін әр жылдары облыстық тілдерді дамыту жөніндегі, облыстық ішкі саясат, жастар саясаты мәселелері басқармаларында түрлі лауазымдарда абыроймен еңбек етті.Алмасбек Сардарбекұлы мемлекеттік қызметте жүріп, жастарға әлім-тәрбие беруде, олардың іскерлік қабілетін арттыруда сіңірген еңбегі зор. Қай салада қызмет етсе де, ұжымды ауызбіршілікке ұйыстырып, ағалық қамқорлығын көрсете білді.Алмасбек Сардарбекұлымен бірге қызметтес болған әріптестері оның қағазға деген ұқыптылығын, сауаттылығын, ұйымдастыру қабілетін, үлкенге құрмет, кішіге ізет жасаудың үлгісін көрсете білген азамат ретінде таниды.Бүгінде зейнет демалысында болса да қоғамдық жұмыстарға белсене араласады.<img src="https://knadmin.beoblood.kz/uploads/461794484_1647920269099370_967819751766786023_n_a52764cd6a.jpg" alt="461794484_1647920269099370_967819751766786023_n.jpg">

Сала ардагеріне құрмет көрсетілді

<a href="https://kyzylorda-news.kz/">Kyzylorda-news.kz</a> 1 қазан күні Қазақстанда Халықаралық қарттар күні атап өтіледі. Мерекеге орай Мемлекеттік Корпорацияның Қызылорда қаласы бойынша филиалы акция өткізді. Бұл күні ХҚКО қызметкерлері зейнеткерлерді құттықтап, зейнетақы куәліктерін табыстады.Айта кетейік, күніне филиалдың фронт-офистеріне 40-қа жуық қызмет алушы зейнетақы тағайындау қызметі бойынша жүгінеді. Қарттар күні еліміз бойынша барлығы 800-ге жуық азамат куәлік алды. Ең көп зейнетақы куәліктері Алматы қаласында және Түркістан облысында, ал ең аз мөлшері Ұлытау облысында берілді.Айта кетейік, бүгінгі таңда Қазақстанда 2,5 миллионға жуық зейнеткер бар, олардың 85 мыңға жуығы Қызылордада тұрады.Аталған қызметті алушылар зейнетақы куәліктерін тапсыру сәтінде мемлекеттік қызмет көрсетудің жоғары деңгейде болғандығы, сондай-ақ ыңғайлы сервистер арқылы жүзеге асқандығы жайлы айтты.

Қызылорда қаласының ХҚКО-ларында Қарттар күніне арналған шара өтті

<a href="https://kyzylorda-news.kz/">Kyzylorda-news.kz</a> Оның құны бір жағына&nbsp;— 9 750 теңге немесе 20 АҚШ доллары».Енді балаларды ұшаққа жалғыз отырғызатын болсаңыз, ақы төлеуге тура келеді. «Air Astana» әуе компаниясы бүгіннен бастап осындай ереженің енгізілгенін мәлім етті, деп жазады <a href="http://sn.kz/">Skifnews.kz</a> ақпарат порталы.&nbsp;<blockquote>«Ересектерсіз жолға шығатын 6 жастан 15 жасқа дейінгі балаларды тасымалдау үшін арнайы алым төлеу керек. Оның құны бір жағына&nbsp;— 9 750 теңге немесе 20 АҚШ доллары»,&nbsp;— делінген хабарламада.&nbsp;</blockquote>Әуе компаниясының мәліметінше, бұл қаржыға борт қызметкерлері сапарлайтын баланы әуежайға тіркелген сәттен бастап баратын жердегі жауапты тұлғамен кездесуіне дейін алып жүреді. Кішкентай жолаушылар ұшаққа бірінші болып мініп, соңғы қатарда отырады әрі оларды экипаж бақылайды.Заңды өкілдер баланы стюардессаларға тапсыру үшін әуежайға ұшу уақытынан кемінде 1,5-2 сағат бұрын келуі керек. Балаларды ұшақпен жалғыз тасымалдау кезінде электрондық құжаттарды қолдануға рұқсат етілмейді.&nbsp;Фото: Pixabay

«Балаларды тасымалдау үшін арнайы төлем»: Air Astana бүгіннен бастап жаңа ереже енгізді

<a href="https://kyzylorda-news.kz/">Kyzylorda-news.kz</a> Перзентханаға әншінің ата-анасы мен достары барған. Қазақ эстрадасының жарық жұлдызы, Қазақстанның еңбек сіңірген қайраткері, әншісі Мейрамбек Беспаев жары Мархабат пен жаңа туған сәбиін перзентханадан шығарды, деп хабарлайды <a href="https://jambylinfo.kz/zhanalyqtar/meyrambek-bespaev-ayziya-yzyn-perzenthanadan-shy-aryp-aldy?fbclid=IwY2xjawFprAtleHRuA2FlbQIxMQABHTK-ZCXjgh5W-4Lin8voVa_fVidRx6S-obvE5XuLbMqlK7fgt1b-TX3dKA_aem_Iusww5AeUj5f2J6LGcxvNw">Jambylinfo.kz</a>.Әншінің жары қуанышты сәттен желідегі парақшасына фото-видео жариялаған.Видеодан Мейрамбек Беспаевтың ата-анасын, қызы мен ұлын және жақын достарын көруге болады.Сондай-ақ, әнші ет жақындарының басын қосып, мейрамханада қуанышын атап өткен. Ал «МузАРТ» тобының мүшесі, әнші Сәкен Майғазиев желіде арнайы видео жариялап, өзінің жүрекжарды тілегін жазған.<blockquote>«А-а-ал, қызымыздың бауы берік болсын! Мейрамбек пен Мархабат, балапанымыз инабатты, ақылды, білімді болып өссін. Сіздерге де жұғысты болсын», – деп жазды әнші.</blockquote>Сурет: әлеуметтік желіден

Мейрамбек Беспаев Айзия қызын перзентханадан шығарып алды

Бас прокурор балалардың өзіне қол жұмсауы қоғамда резонанс тудырғанын айтты.Балаларды суицид жасауға итермелейтін 15 мың сайт пен сілтеме бұғатталған, деп хабарлайды<a href="https://kyn.kz/36781/balalardy-suicidke-itermeleytin-15-my-sayt-pen-silteme-b-attaldy"> KYN.KZ&nbsp;</a>Бұл жағдайды еліміздің Бас прокуроры Берік Асылов балалар арасында өз өзіне қол салу дерегінің жиілеп&nbsp;кетуіне байланысты жасаған мәлімдемесінде айтты.<blockquote>«Балалардың өзіне қол жұмсауы қоғамда резонанс тудырды. Прокурорларға әр фактіні тергеуді ерекше бақылауды тапсырдым. Жалпы әлеуметтік желі балалардың суицид белсенділігіне әсер ететіндіктен, прокурорлар 15 мың зиян сайт пен сілтемені бұғаттауға қол жеткізді. Тұрмысы ауыр отбасылармен жұмыс істеп жатырмыз. Мемлекеттік органдармен суицидтің алдын алу үшін шұғыл шара кешенін әзірлейміз», - дейді ҚР Бас прокуроры Берік Асылов.</blockquote>Сурет: Павел Хацаюк/«Вечерняя Казань»

Балаларды суицидке итермелейтін 15 мың сайт пен сілтеме бұғатталды

<a href="https://kyzylorda-news.kz/">Kyzylorda-news.kz</a> Биыл аймақта қарттар күнін атап өтудің ерекшелігі - іс-шара екі күнді қамтып, 30 қыркүйектен басталды. Іс-шараның бірінші күні Қызылорда қаласы мен барлық ауданнан облыстың әлеуметтік – экономикалық дамуына үлес қосқан әр саланың ардагерлері құрметпен шақыртылып, қаладағы жаңадан бой көтерген және жаңғыртылған нысандармен танысты.Кеше ардагерлер облыс әкімінің қатысуымен Сол жағалаудағы 900 орындық «Жайлы мектептің», Оқушылар сарайының, үстел теннисі орталығының, сол жақ жағалау №2 шағын ауданындағы 470 пәтерлі 10 тұрғын үйдің ашылу салтанатына қатысты.<blockquote>– Жыл сайын ардагерлерді қолдау мақсатында облыстық бюджеттен қаржы бөлініп, әлеуметтік қолдауға бағытталған шаралар ұйымдастырылуда. Ұлы Отан соғысының ардагерлеріне екі жарым миллион теңгеден және 2000 тыл ардагерлеріне 184 мың теңгеден, жалпы 304,0 млн. теңге жылына бір реттік әлеуметтік көмек көрсетілді. Облыс бойынша 2 мыңнан аса егде жастағы адамдар арнаулы әлеуметтік қызметтермен қамтылған. Облыста бірнеше жылдан бері «Сыр мейірімі» жобасы жүзеге асуда. Бұл жобаға облыстық бюджеттен қаржы бөлініп, көмекке мұқтаж 225 жалғызбасты ардагер мен мүмкіндігі шектеулі жандар тегін түскі аспен қамтылуда, - деді Өңірлік коммуникациялар қызметінің баспасөз алаңында өткен брифингте облыстық жұмыспен қамтуды үйлестіру және әлеуметтік бағдарламалар басқармасының басшысы Ғабит Жаңабаев.</blockquote>Облыс әкімінің тікелей қолдауымен және облыстық ардагерлер кеңесінің ұйымдастыруымен ардагерлері Ұлытау өңіріндегі тарихи орындар және Түркістан шахарына саяхаттады. Сонымен қатар биыл 140 зейнеткер Меркі,Сарыағаш, Манкент, Жаңақорған шипажайларында тынығуға мүмкіндік алды.<img src="https://knadmin.beoblood.kz/uploads/brifing_1_9ed59d8f54.jpg" alt="брифинг 1.jpg">

Биыл Халықаралық қарттар күні Қызылордада ерекше аталып өтті 

<a href="https://kyzylorda-news.kz/">Kyzylorda-news.kz</a> Қала күні қарсаңында Сыр елінде бірқатар әлеуметтік нысан ел игілігіне табысталды. Соның бірі – үстел теннисі орталығы.Облыс әкімі Нұрлыбек Нәлібаев жаңа орталықтың салтанатты ашылу рәсіміне қатысып, қала тұрғындарын құттықтады.Мерекелік іс-шараға «Самұрық-Қазына» АҚ басқарушы директоры Ғибрат Ауғанов, жауапты салалардың, құқық қорғау органдарының басшылары, Халықаралық Қарттар күні қарсаңында аймақ басшысының арнайы шақыртуымен барлық ауданнан келген ардагерлер, зиялы қауым өкілдері қатысты.<blockquote>«Бүгін ел игілігіне берілген үстел теннисі орталығы Сыр спортына жаңа серпін әкеліп, жеңімпаздар сыйлайды деп сенеміз. Сүйікті Қызылордамыздың келбетіне көрік қосатын әсем ғимараттардың қатарын толықтырған орталықтың қолданысқа берілуі баршаңызға құтты болсын!Облыстың қарқынды дамуына қажетті әлеуметтік нысандардың салынуына зор үлес қосқан «Самұрық-Қазына» акционерлік қоғамы директорлар кеңесінің мүшесі, басқарма төрағасы Жақыпов Нұрлан Қаршығаұлына және «Самұрық-Қазына Траст» корпортивтік қорының бас директоры Адиева Альфия Дәулетқалиқызына Сыр жұртшылығы атынан ризашылық білдіремін. Сонымен қатар, орталықтың құрылысын сапалы жүргізген «Дәнекер» жауапкершілігі шектеулі серіктестігіне алғыс айтамыз. Еліміздің көк байрағы дүбірлі додаларда биікте желбіреп, спортшыларымыз жеңіс тұғырынан көрінсін!», – деді Нұрлыбек Машбекұлы.</blockquote>Іс-шарада «Самұрық-Қазына» АҚ басқарушы директоры Ғибрат Ауғанов, облыстық үстел теннисі федерациясының төрағасы, Қазақстанның Еңбек Ері Абзал Ералиев, Қызылорда облысының Құрметті азаматы Самұрат Имандосов сөз сөйлеп, игі тілек білдірді. Мердігер «СК Дәнекер» ЖШС құрылысшылары облыс әкімінің Алғыс хатымен марапатталды.Халықтың сұранысына сәйкес үстел теннисі орталығын салуға облыстық бюджеттен 2,5 млрд теңге бөлініп, құрылыс биыл басталды. Оған «Samruk Kazyna Trust» әлеуметтік жобаларды дамыту қоры 900 млн теңге қаржы бөлді. Орталықта 16 үстел теннисі орналасқан ойын алаңы, 350 көрерменге арналған орындар, жаттығу залы мен әкімшілік бөлмелер бар. Мұнда 31 қызметкер жұмыс жасайды.<img src="https://knadmin.beoblood.kz/uploads/tennis_1_50bf1ed36b.jpg" alt="теннис 1.jpg"><img src="https://knadmin.beoblood.kz/uploads/tennis_2_c714c7992e.jpg" alt="теннис 2.jpg"><img src="https://knadmin.beoblood.kz/uploads/tennis_4_21b08af2e2.jpg" alt="теннис 4.jpg"><img src="https://knadmin.beoblood.kz/uploads/tennis_3_7e3a188c8a.jpg" alt="теннис 3.jpg">Фото: Қызылорда облысы әкімінің баспасөз қызметі

Қызылордада үстел теннисі орталығы ашылды

Зейнеткерлерге ескерту: Алаяқтардың телефон арқылы ойлап тапқан жаңа схемалары 

<a href="https://kyzylorda-news.kz/">Kyzylorda-news.kz</a> Үзіліс уақытында болған оқиға туралы облыстық білім беру басқармасы мәлім етті.Павлодар облысында оқушы сыныптасын тапаншамен жарақаттады. 13 жасар бала ауруханаға жатқызылды, – деп хабарлайды <a href="https://aikyn.kz/">Aikyn.kz</a>&nbsp;1 қазанда Железин ауданындағы мектептердің бірінде 5-сынып оқушысы ойыншық тапаншаны сөмкесінен шығарып, сыныптастарына көрсетіп жатқан кезде байқаусызда ойыншық оқты 6-сынып оқушысының көз аймағына тигізген.Үзіліс уақытында болған оқиға туралы облыстық білім беру басқармасы мәлім етті.&nbsp;<blockquote>"Аталған факті бойынша дереу қызметтік тергеу ашылды. Нәтижесінде, оқушылар және ата-аналармен әңгіме жүргізілді. Балаларыңызды мектепке жібермес бұрын сөмкесіндегі қалталарда тыйым салынған заттардың бар-жоғын тексеруді сұраймыз!" – деп хабарлады басқарма.</blockquote>Зардап шеккен оқушы алдымен аудандық ауруханаға, кейіннен облыстық ауруханаға жеткізілді. 13 жасар баланы травматология бөлімшесінің кезекші офтальмолог дәрігері қарап шықты.&nbsp;<blockquote>"Көз алмасының көгеруі диагнозы қойылды, жағдайы тұрақты", – деп хабарлады облыстық балалар ауруханасы.&nbsp;</blockquote>Оқушының тұрғылықты жері алыс екенін ескере отырып, динамикалық бақылау үшін офтальмологиялық бөлімшесіне жатқызылды.Фото: aikyn.kz

«Үзіліс кезінде болған»: Павлодар облысында оқушы сыныптасын тапаншамен жарақаттады

<a href="https://kyzylorda-news.kz/">Kyzylorda-news.kz</a> Мұғалім құны 5 айлық есептік көрсеткіштен асатын гүлді сыйлыққа алса қылмыстық жауапкершілікке тартылады.5 қазанда Қазақстанда&nbsp;Мұғалімдер күні атап өтіледі. Мерекеге оқушылар мен мектеп ұжымы ұстаздарға сыйлықтар мен гүл&nbsp;бере алады. Дегенмен мұғалім ол үшін оқушыға белгілі бір қызмет&nbsp;(жақсы баға қою) көрсетпеуге&nbsp;тиіс, деп хабарлайды <a href="http://skifnews.kz/">Skifnews.kz</a> ақпарат порталы&nbsp;<a href="https://informburo.kz/novosti/mozno-li-darit-pedagogam-cvety-i-podarki-ko-dnyu-ucitelya-v-kazaxstane">Informburo.kz</a>&nbsp;сайтына сілтеме жасап.Сыбайлас жемқорлыққа қарсы іс-қимыл агенттігінің мәліметінше, мұғалім құны 5 айлық есептік көрсеткіштен асатын гүлді сыйлыққа алса қылмыстық жауапкершілікке тартылады.<blockquote>"Егер сыйлыққа берілген гүлдің құны 5 айлық есептік көрсеткіштен (18 мың 460 теңге) асса және мұғалім сый берушінің&nbsp;пайдасына қарай әрекет етсе, онда мұндай гүлді беру&nbsp;Қылмыстық кодекстің 247-бабы ("Заңсыз сыйақы алу") бойынша қылмыстық жауапкершілікке әкеп соғады", –&nbsp;делінген хабарламада.&nbsp;</blockquote>247-баптың ескертпесі, егер қызметкер өз мiндеттерi аясына кіретін жұмысты орындағаны немесе қызметтер көрсеткенi үшiн материалдық сыйақыны, жеңiлдiктердi немесе мүлiктiк сипатта көрсетiлетін қызметтерді заңсыз алса,&nbsp;қоғамдық жұмысқа тартылады.&nbsp;Антикордың мәліметінше,&nbsp;мұғалімдерді Қылмыстық кодекстің 366-бабы "Пара алу" бойынша жауапқа тартуға болмайды. Өйткені олар осы бапта қамтылған тұлғалардың тізіміне кірмейді.Сонымен қатар&nbsp;қолданыстағы заңнамаға сәйкес сыйлық беруші де&nbsp;жауапқа тартылмайды.&nbsp;Алайда Сыбайлас жемқорлыққа қарсы іс-қимыл агенттігі түзету жобасын әзірледі, ол қазір мәжілісте қаралып жатыр.Заң жобасы мемлекеттік және мемлекеттік емес ұйымдардың қатардағы қызметкерлеріне заңсыз сыйақы бергені үшін қылмыстық жауапкершілікті көздейді.Фото: mailm.kz &nbsp;

Ұстаздар күніне сыйлық алған мұғалімдерге қандай жаза қолданылады?

<a href="https://kyzylorda-news.kz/">Kyzylorda-news.kz</a> Бүгін Қала күні қарсаңында облыс әкімі Нұрлыбек Нәлібаевтың қатысуымен Қызылорданың сол жағалауына «Қазгермұнай «БК» ЖШС-нің демеушілік қаражатына салынған Оқушылар сарайы өскелең ұрпақ игілігіне табысталды.Салтанатты іс-шараға «ҚазМұнайГаз» ҰК АҚ басқарма төрағасының бірінші орынбасары Құрманғазы Есқазиев, жауапты салалардың, құқық қорғау органдарының басшылары, Халықаралық Қарттар күні қарсаңында аймақ басшысының арнайы шақыртуымен барлық ауданнан келген ардагерлер, зиялы қауым өкілдері қатысты.Облыс әкімі Нұрлыбек Нәлібаев жерлестерін жаңа нысанның ашылуымен құттықтады.<blockquote>«Мемлекет басшысының қолдауымен бүгінде Қызылорда қарқынды құрылыс алаңына, өркенді өзгерістер өңіріне айналды. Облыста биыл 187 нысанның құрылысы салынуда. Тек білім саласында 9 нысан ел игілігіне берілді. Бүгін міне, «ҚазГерМұнай» компаниясының демеушілігімен 2 млрд 350 млн теңгеге салынған 350 орындық заманауи үлгідегі Оқушылар сарайының салтанатты ашылуына жиналдық.Білім, ғылым, мәдениет және өнер саласының дамуы – өркениеттің өлшемі, қоғам дамуының басты көрсеткіші. Қазіргі таңда өңірімізде 62 қосымша білім беру ұйымы жұмыс істейді. Ондағы үйірмелерге 60 663 оқушы қатысады.Бұл ғимаратта балаларымыз бос уақытын тиімді өткізіп, пікірлес жаңа достар табады. Таным көкжиегін кеңейткен жас талапкерлер жаңалық ашып, жарқын болашағына қажетті дағдыларға машықтанады деп сенеміз. Сіздерді жаңа Оқушылар сарайының ашылуымен құттықтаймын!Сыр өңірі күн сайын түрленіп, әсем ғимараттарымен айшықталып, тұрғындарымыз қуанышқа бөлене берсін!», – деді Нұрлыбек Нәлібаев.</blockquote>Рәсімде «ҚазМұнайГаз» ҰК АҚ басқарма төрағасының бірінші орынбасары Құрманғазы Eсқазиев жиналған қауымды құттықтап, ізгі тілегін жеткізді.Жобаға 2,4 млрд. теңге бөлініп, құрылыс өткен жылдың желтоқсанында басталған. Заманауи, көпфункционалды кешен ішінде техноорталық, бағдарламалау, робототехника және өнеркәсіптік дизайн сыныптары, экологиялық зертхана, жылыжайлар мен консерватория, телестудия, вокал, музыкалық аспаптар және хореография кабинеттері бар.<img src="https://knadmin.beoblood.kz/uploads/okushylar_a34553d9b0.jpg" alt="окушылар.jpg"><img src="https://knadmin.beoblood.kz/uploads/okushylar_3_3988eb9586.jpg" alt="окушылар 3.jpg"><img src="https://knadmin.beoblood.kz/uploads/okushylar_5_0341d8d1c7.jpg" alt="окушылар 5.jpg">Фото: Қызылорда облысы әкімінің баспасөз қызметі

Қазақстан және Қызылорда облысының жаңалықтары