<a href="https://kyzylorda-news.kz/">Kyzylorda-news.kz.</a>&nbsp; Достық үйінде Қызылорда облыстық Аналар кеңесінің кеңейтілген отырысы өтті. Оған Қызылорда облыстық қоғамдық даму басқармасының «Қоғамдық келісім» КММ директоры Бақытжан Камалов, Аналар кеңесінің төрайымы Рахима Ахметова, облыстық, аудандық Аналар кеңесінің төрайымдары мен мүшелері және БАҚ өкілдері қатысты.
Қызылорда облыстық ҚХА Аналар кеңесінің екінші жартыжылдық жоспары талқыланып, аналар Кеңесі мүшелерінің ақпараты тыңдалып, ұсыныстар мен ұсынымдар енгізіліп, облыстық, аудандық аналар форумын өткізу мәселесі мен “Мәдениетті ана – мәдениетті ұлт” жобасын жүзеге асырылуы айтылып, кеңестің жұмыс жоспары бекітілді.
<blockquote>
 “Бүгінде Аналар кеңесі – облыс орталықтарынан ауылдарға дейін жеткен үлкен ұйым. Аналар кеңесінің алдында тұрған жұмыстар өте көп және сан алуан. Кеңес өкілдері біздің облыста болып жатқан барлық іс-шараларға, саяси-идеялық, әлеуметтік-мәдени жұмыстарға белсенді қатысады. ҚХА Аналар кеңесінің мақсат, міндеттері тек игілікті істермен айналысу”,-дейді Аналар кеңесінің төрайымы Рахима Ахметова.
 Шарада сөз алған «Қоғамдық келісім» КММ директоры Бақытжан Камалов “Ана– қасиетті сөз. Отанды анаға теңейміз, тілді де ана тілі дейміз. Отбасының шегесі – аналар. Отбасы берекелі болса, мемлекеттің іргетасы мықты болады. Ұлтты тәрбиелейтін ана. Әсіресе қазіргі әлеуметтік жүйелер заманында ананың атқарар ісі де ұшан-теңіз. Қазақстан халқы Ассамблеясы жанынан Аналар кеңесінің құрылу мақсаты қоғамдық мәселерді шешуге атсалысу”,-дей келе, бірқатар аудандық кеңес төрайымдарына Алғыс хат табыстады.
</blockquote>
Мұнан соң республикалық “Мәдениетті ана – мәдениетті ұлт” жобасы аясында атқарылған жұмыстардың көрінісі ретінде “Аналар кеңесі – игілікті істің төрінде” бейнеролигі қатысушылардың назарына ұсынылды.
Кеңейтілген отырыстан соң «Самұрық» инновациялық идеяларды дамыту орталығының» директоры Жандос Тұсмағамбетов «Коммуникативтік байланысты орнату – жетістікке жетудің маңызды тетігі» тақырыбында семинар-тренинг өткізді.
<img src="https://kyzylorda-news.kz/wp-content/uploads/2022/07/296093569_3266213630364461_8246733273642227106_n.jpg" alt="" />

Қызылордада Аналар кеңесінің кеңейтілген отырысы өтті

<a href="https://kyzylorda-news.kz/">Kyzylorda-news.kz.</a>&nbsp; Шиелі ауданы бойынша барлығы 9686 гектарға мал азықтық дақылдар орналастырылды. Оның ішінде жаңа жоңышқа 3400 гектар, 6148 гектар ескі жоңышка, 138 гектар мал жемдік асқабақ және 110 гектар жемдік жүгері дақылдары.
Аудан әкімдігі мамандарының мәліметінше, өңірде бар мал басына шаққандағы қажетті 33,4 мың тонна жемнің бүгінде 16,8 тоннасы дайын. Яғни, қажетті өнімнің 50 пайызы дайын тұр. Сонымен қатар 145 мың тонна шөптің 71 мың тоннасы, яғни 49 пайызы дайын. Сондай-ақ, қажетті 30 мың тонна сабан өндіру жоспарланып отыр.
<blockquote>
 «Қазіргі таңда егілген 2105 гектар бидайдан барлығы 2224 тонна өнім жиналды. Елу тонна арпа өнімі де мал азығы ретінде дайындалды. Осы бағытта атқарылып жатқан шараларды бақылау мақсатында Қызылорда облыстық ауыл шаруашылығы және жер қатынастары басқармасының орынбасары мен аудандық ауыл шаруашылығы бөлімінің басшысы шаруа қожалық жерлерін аралап, жем-шөп дайындау жұмыстарымен танысып қайтты», – делінген әкімдіктің хабарламасында.
</blockquote>
Айта кетейік, өткен жылы облыста 534,7 мың шартты мал басына 700 мың тоннадан астам ірі азық дайындалды. Сондай-ақ қажетті жемнің 14,2%-ын қамтылды. Күріш жинау науқанында күріш сабанын өртемей, жоспарлы 172,5 мың тонна күріш сабанын жинап алынды. Сондай-ақ, өңірдегі күріш өңдеу кәсіпорындары арқылы өндірістегі 114,7 мың тонна күріш қалдығы және күріш жемі өндірілді.
<img src="https://kyzylorda-news.kz/wp-content/uploads/2022/07/295056584_778234190088836_4742780066100491361_n.jpg" alt="" />

Шиелі ауданында қысқа мал азығы дайын ба?

<a href="https://kyzylorda-news.kz/">Kyzylorda-news.kz.</a>&nbsp; 2022 жылдың алты айында Қызылорда облысы бойынша Экономикалық тергеп-тексеру департаменттің өндірісінде болған 41 қылмыстық істің 24-і аяқталып, 15-і сотқа жолданған. Бұл туралы өңірлік коммуникациялар қызметінде жартыжылдық жұмысын қорытындылаған аталмыш департамент басшысы Бақыт Қайшыбеков мәлімдеді.
<blockquote>
 «Аймағымыздағы жедел жағдайға жалпы талдау жасай отырып қарасақ, құқықбұзушылықтардың тіркелуі өткен жылғы салыстырмалы кезеңге қарағанда төмендегені байқалады. Қазір біз саннан гөрі сапаға көңіл бөлу ұстанымымен жұмыс жасаймыз. Яғни, залал мөлшері көлемді және бұған дейін жедел-іздестіру шаралары толық жүргізілген қылмыстық істерді анықтауға басымдық беріледі. Аса ірі емес құқықбұзушылықтар бойынша материалдар қаржы органдарына тексеруге ұсынылады, яғни салықтық әкімшілендіру шеңберінде қарастырылады. Айта кетерлігі, экономикалық қылмыстарды әшкерелеу ұзақ уақытты талап етеді. Қаржы саласындағы заңбұзушылықтардың көлемін анықтау мен растау барысында өзге қаржы органдарының мәліметтерін күтуге тура келеді. Қылмыстың ашылуы, залалдың мемлекетке қайтарылуы, тергеу сапасы, қылмыстық процесстерге қатысушылардың конституциялық құқығының бұзылмауы секілді критерийлер бойынша нақты межелер мен мерзімдер бекітілген. Сондықтан экономикалық қылмыстардың ашылуы және залалдың қалпына келтірілуі бойынша жылдам нәтиже күту қиын», – деді Б.Сапарғалиұлы.
</blockquote>
<img src="https://kyzylorda-news.kz/wp-content/uploads/2022/07/296202069_1585334261862080_4004929502397013716_n.jpg" alt="" />
Департамент басшысының мәлімдеуінше, экономикалық өсу мен дамуға тосқауыл болатын қылмыстардың қатарында заңсыз ойын ұйымдастыру, контрабандалық жолмен тауарлар әкелу, мұнай өнімдерінің заңсыз айналымы және бюджет қаражатын жымқыру фактілері алдыңғы қатарда тұр. Аталмыш бағыттағы қылмыстарды анықтауға, тергеуге және түпкілікті процессуалдық шешім қабылдау басты назарда ұсталады.

Қызылорда облысында экономикалық құқықбұзушылық азайған

<a href="https://kyzylorda-news.kz/">Kyzylorda-news.kz.</a> Пирамида жасаушылар өз схемаларына мүмкіндігінше көп адамды тарту үшін ойын-сауық форматын қолдана бастады. Олар экономикалық немесе инвестициялық онлайн-ойындарды ойлап тапты, онда ойыншылар жоғары кіріс тауып, содан кейін өз қаражаттарын ала алады-мыс. Бұл жағдайда пайдаланушылардың жасы маңызды емес.
Құмарлық қайда әкелуі мүмкін және виртуалды шындықта алдауды қалай әшкерелеуге болатыны туралы Fingramota.kz айтып береді.
Алаяқтық ойындар қалай жұмыс істейді?
Бұл виртуалды тауарларды: құстар, жануарлар, жылжымайтын мүлік немесе басқа активтінақты ақшаға немесе криптовалютаға сатып алуға, инвестициялауға және пайда табуғаболатын онлайн-ойындар. Мұндай ойындарды жасаушылар бонустар немесе басқа сыйақы бере отырып, пайдаланушыларды жаңа қатысушыларды әкелуге шақырады.
Мұндай ойынның танымал мысалдарының бірі –«Көңілді балықшылар». Онлайн-ойын сайтында бұл жоба «Кем дегенде сіздің қаржылық жағдайыңызды жақсарту үшін жасалған» деп жазылған. Ол үшін ойынға қатысушылар балықшыларды сатып алуы керек – ойында олардың тоғызы бар. Олардың жарамдылық мерзімі әртүрлі – 20-дан 100 күнге дейін және олар әр түрлі кірістілік әкеледі.Балықшылар күн сайын сатылуға тиіс «балықты»аулайды. Пайдаланушылар жалқау болмауы керек, «пайда» күйіп кетпес үшін ойынға күн сайын кіру керек. Содан кейін, белгілі бір мөлшерде виртуалды ақша жиналған кезде, оларды нақты ақшаға айналдырып, шығарып алуға болады. Әрине, шын мәнінде бұл олай емес.
<h3 id="7020">Ұқсас қағидат бойынша жұмыс істейтін онлайн-жобалардың тағы бірі – «Қараңғы ойын», оны жасаушылар күніне 70%-ға дейін, ал жаңа ойыншыны тартқаны үшін – виртуалды депозитке 20% пайдатабуға уәде береді, танымал «Ферма» ойыны негізінде құрылған «Ақша фермасы» және басқалары да осыған ұқсайды.</h3>
«Ақша табуды» бастау үшін ойыншылар сайтта өз деректерін қалдырып, онлайн-ойынға тіркеліп, пайдаланушының келісімін қабылдауы керек, осылайша ресурсқа жеке деректерді өңдеуге келісім беруі керек. Кейбір компаниялар пайдаланушының келісімінде, кейде ұсақ қаріптермен қайтаруғамүлдем кепілдік жоқ екенін көрсетеді.Мысалы, «Бай құстар» ойынының сипаттамасында «Ұйымдастырушы сізге ойын ішінара қаржы пирамидасының қағидаттарына негізделгенін ескертеді және кезкелген уақытта сіз барлық қаражатыңызды жоғалтуыңыз мүмкін, бұл ретте сайт ұйымдастырушысына ешқандай шағым болмайды!» деп жазылған.
Көптеген адамдар бұл ойындарға айтарлықтай мән беріп, олардың айналасында дүрбелең тудырады. Олар егер ойында виртуалды кіріс алсам, нақты шотқа да қаражат түседі деп сенеді. Нәтижесінде ойын ішіндегі «инвестициялық өнімге» сұраныс арта түседі, бірақ одан тыс жерде ойынға қатысушылар ақшаға немесе криптовалютаға сатып алатын бұл «өнімнің», әдетте, ешқандай құндылығы болмайды.
Ақшаның да, жаңа пайдаланушылардың да ағыны тоқтаған кезде, ойын жабылады, салынған қаражатты алу мүмкін емес. Сөйтіп, ойыншы инвесторлар сан соғып қалады. Өкінішке орай, мұндай алаяқтық схемаларға оқушылар мен студенттер жиі түсіп қалады, олар өздерінің сенгіштігі мен құмарпаздығының салдарынан қаржы пирамидаларына қарсы тұра алмайды.
Ойыншылар нені білуі керек?
Априори сізге ойнауға ғана емес, сонымен қатар басқа мүшелерді тарту арқылы ақша табуға кеңес беретін экономикалық ойын – бұл таза алаяқтық. Құқықтық реттеудің жоқтығынан оңай және тез пайда табуға қызықтыратын мұндай ұсыныстар – ақшаны жоғалтудың тікелей жолы.
Онлайн-ойындар қаржылық пирамида болып табылады, өйткені:
Ойыншы аккаунт құру үшін, «тауар» сатып алу үшін, тапқан қаражатты алу үшін оған өз ақшасын (нақты немесе цифрлық) салады;
1. Ойынға қатысушы олар арқылы ақша табу үшінбасқа адамдарды шақыруы керек;
2. Әзірлеуші туралы ақпарат жоқ, сайтта байланыс телефондары мен заңды мекенжайы жоқ;
3. Сайттың дизайны нашар, бөлімдердің нақты құрылымы жоқ, есеп айырысу үшін анонимді сервистер қолданылады;
4. Ақшаны «алу» үшін,негізінен, электронды әмияндар қолданылады;
5. Мұндай пирамидалардың өмірлік циклі қысқа – бірнеше ай. Осылайша, қаржы пирамидасын ұйымдастырушылар құқық қорғау органдарының өздерін анықтау ықтималдығын азайтуға тырысады.
Балалар мен жастар қаржы пирамидаларының құрбандары болмасын десеңіз, оларға пирамидалардың белгілері және олардан қорғану тәсілдері жөнінде айтып, үнемі қарым-қатынаста болыңыз.
&nbsp;&nbsp;&nbsp;&nbsp;&nbsp;&nbsp;&nbsp; Қаржы пирамидасын қалай әшкерелеуге болады?
ҚР Қаржы нарығын реттеу және дамыту агенттігі қаржылық пирамидалар белгілерінің тізімін бекітті, оған жосықсыз мінез-құлық практикасының 39 өлшемшарты кіреді.Бұл жұмыс Қаржылық алаяқтық және қаржы пирамидаларына қарсы іс-қимыл жөніндегі ведомствоаралық жұмыс тобының қызметі шеңберінде жүргізілді. Ол Агенттік жанынан 2020 жылы құрылған және оның құрамына ҚР Ішкі істер министрлігінің, ҚР Ақпарат және қоғамдық даму министрлігінің, Бас прокуратураның, ҚР Қаржы мониторингі агенттігінің, Қазақстан Ұлттық Банкінің өкілдері кіреді.
Егер жұмыс тобының мүшелеріне қызметінде алаяқтық әрекеттері байқалған және алаяқтық әрекеттердің белгілері анықталған компаниялар туралы ақпарат келіп түссе, онда олармен құқық қорғау органдары айналыса бастайды. Алаяқтық әрекеттері дәлелденгеннен кейін қылмыстық іс қозғалып, алаяқтардың бұдан әрі ақшаны заңсыз алу үшін адамдар тарта алмайтындай компанияның веб-сайты бұғатталады.
Қаржы пирамидаларын анықтау бойынша алдын алу шаралары шеңберінде&nbsp; мемлекеттік органдар 2022 жылдың бірінші жартыжылдығында 3 мыңнан астам сайтты бұғаттап, 44 қылмыстық іс қозғалды.
Классикалық қаржы пирамидаларының негізгі белгілері:
1. Мыналарды:
• &nbsp; &nbsp;бағалы қағаздар нарығындағы қызметті;
• &nbsp; &nbsp;банк қызметі, оның ішінде депозиттер тарту, кредиттер беру, аударымдар мен төлемдерді және т.б. жүзеге асыру;
• &nbsp; &nbsp;микрокредиттер беру жөніндегі қызметті жүзеге асыруға лицензияның/есептік тіркеудің болмауы.
2. Бұқаралық ақпарат құралдарында, интернет-сайттарда, оның ішінде әлеуметтік желілерде, жоғары кірістілік пен пассивті кіріс алуға уәде беретін жаппай жарнама.
3. Жаңа қатысушыларды тартқаны үшін сыйақы беру туралы уәде;
4. Компания міндетті түрде бастапқы капитал салумен бірлескен кәсіпорынның/ компанияның мүшесі болуды ұсынады.
5. Ақшаны енгізу қолма-қол ақшамен, жеке тұлғаның карточкалық шотына немесе электрондық әмиянға жүзеге асырылады;
6. Компания мен компания басшысының қызметі туралы нақты анықтама жоқ. Анонимдік – компанияның немесе жобаның құрылтайшылары мен басшылары туралы нақты ақпараттың болмауы, қаржылық есептіліктің болмауы.
7. Компанияның немесе жобаның қызметіне кейіннен қатысу үшін алдын ала (арнайы) жарналардың болуы.
8. Атауларында, символикаларында, жарнамаларда белгілі компанияларға, брендтерге ұқсас сөздерді, сөз тіркестерін және тіпті танымал және әйгілі адамдардың суреттерін қолдану;
9. Түрлі бағдарламаларға халықтан, соның ішінде автомобильдер, пәтерлер, жер учаскелерін сатып алуға ақша қаражатын тарту.
10. Компанияны оффшорларда тіркеу
Осы белгілердің кейбірінде экономикалық онлайн ойындар бар, олар оңай ақша табуды және электрондық әмияндарға оңай ақша табуды ұсынады.
Онлайн инвестициялық ойындар түріндегі қаржылық пирамидалардың жаңа түрі Қазақстанда аса кең таралмағанын айта кету керек. Ресейдің Орталық банкі 2021 жылғы күзден бастап қауіпті экономикаларды белсенді түрде анықтай бастады және өзтізіміне қаржы нарығында заңсыз қызмет белгілері бар компанияларды енгізеді. Қазақстанда сондай-ақ жосықсыз қызмет белгілері бар ұйымдардың осыған ұқсас тізімі жүргізіледі, оны азаматтардың өтініштері негізінде ҚР Қаржы нарығын реттеу және дамыту агенттігі (бұдан әрі – Агенттік) жаңартып отырады. Қазіргі уақытта тізімге қызметі қаржылық лицензиялау мен реттеу өлшемінен тыс орналасқан және қаржы реттеуішінің интернет-ресурсында және Fingramota.kz оқыту сайтында жарияланған 154 субъект кіреді.
Алаяқтарға өз ақшаларыңызды сеніп тапсырмаңыз, сонымен қатар олардың күмәнді жобаларын жарнамаламаңыз, себебі бұл үлкен қиындықтарға әкелуі мүмкін.
Қаржылық пирамиданы құрғаны және оны жарнамалағаны үшін қандай жаза көзделген?
Қазақстанда қаржы пирамидасын құрғаны және оны басқарғаны үшін ғана емес, оны жарнамалағаны үшін де жауапкершілік күшейтілді. 2022 жылғы 12 шілдеде Мемлекет басшысы «Қазақстан Республикасының кейбір заңнамалық актілеріне қаржылық (инвестициялық) пирамидалардың қызметіне қарсы іс-қимыл мәселелері бойынша өзгерістер мен толықтырулар енгізу туралы» Заңға қол қойды, ол алғашқы ресми жарияланған күнінен кейін күнтізбелік алпыс күн өткен соң қолданысқа енгізіледі.
Бұл Қылмыстық кодекске маңызды түзетулер: жаңа 217-1-бап енгізілген болатын:
«Қаржылық (инвестициялық) пирамиданы жарнамалау, яғни айтарлықтай залал келтіре отырып, ақпаратты жария түрде немесе бұқаралық ақпарат құралдарын немесе электрондық ақпараттық ресурстарды пайдалана отырып, адамдарды оған тартуға алып келген жеке және тікелей тарату:
<ul>
<li>мүлкі тәркіленіп, 2 мың АЕК дейінгі мөлшерде айыппұл салуға;</li>
<li>не солмөлшердетүзеужұмыстарына;</li>
<li>не 600сағатқадейінгімерзімгеқоғамдықжұмыстарғатартуға;</li>
<li>не 2жылғадейінгімерзімге бас бостандығыншектеуге;</li>
<li>не солмерзімге бас бостандығынанайыруғажазаланады».</li>
</ul>
Сол уақытта, қаржы пирамидасын құрып, оған басшылық еткені үшін, Қылмыстық Кодекстің 217-бабында:
– мүлкі тәркіленіп, бір мың АЕК-тан (бұл 3 млн теңгеден астам) үш мың АЕК-қа (бұл 9 млн теңгеден астам) дейiнгi мөлшерде айыппұл салуға;
– не 50 тәулікке дейінгі мерзімге қоғамдық жұмыстарға тартуға;
– не 5 жылға дейiнгi мерзiмге бас бостандығын шектеуге, не сол мерзiмге бас бостандығынан айыру көзделген.
Бұл ретте:
&nbsp;&nbsp;&nbsp;&nbsp;&nbsp; 1) адамдар тобы, алдын ала сөз байласу арқылы адамдар тобы жасаған;
&nbsp;&nbsp;&nbsp;&nbsp;&nbsp; 2) бірнеше рет жасалған;
&nbsp;&nbsp;&nbsp;&nbsp;&nbsp; 3) адам өзінің қызмет бабын пайдалана отырып жасаған іс-әрекет, –
мүлкі тәркіленіп, белгілі бір лауазымдарды атқару немесе белгілі бір қызметпен айналысу құқығынан 3 жылға дейінгі мерзімге айыра отырып,4 жылға дейінгі мерзімге бас бостандығын шектеуге не сол мерзімге бас бостандығынан айыруға жазаланады.
Сіз осындай ойындардың құрбаны болдыңыз. Қайда жүгіну керек?
Егер сіз онлайн-ойындар түріндегі осындай қаржы пирамидаларына тап болсаңыз, онда Агенттікке:
– жазбаша нысанда мынадай: А15С9Т5, Алматы қ., Көктем-3 шағын ауданы, 21-үймекенжайы бойынша;
– egov.kz электрондық үкіметпорталы арқылы;
&nbsp;– Агенттіктің өңірлік өкілдер басқармасына (тұрғылықты жері бойынша)өтінішпен жүгініңіз.
Call-орталыққа «1459» нөмірі бойынша қоңырау шалу немесе «FingramotaOnline» мобильдік қосымшасы арқылы қаржы пирамидалары жайында айтып, консультация алуыңызға болады.
Сақ болыңыз, өзіңізді және балаларыңызды алаяқтардан қорғаңыз әрі Fingramota.kz сайтымен бірге қаржылық сауаттылығыңызды арттырыңыз!

Қатыгез ойындар: Балалар мен жастар қаржы пирамидасының қармағына қалай түседі?

<h4 id="kyzylordanewskzhttpskyzylordanewskznbspzakonkz"><a href="https://kyzylorda-news.kz/">Kyzylorda-news.kz.</a>&nbsp; Жер ресурстарын басқару комитеті жер учаскелерінің кадастрлық нөмірлерін қалыптастыру үшін облыстарға, қалаларға және аудандарға берілген кодтар тізбесіне толықтырулар дайындады, деп хабарлайды Zakon.kz.</h4>
Сонымен Абай облысына 23, Ұлытау облысына 25, Жетісу облысына 24 деген код беріледі.&nbsp;Қонаев қаласына Қапшағайдың 055 деген коды беріледі.
Шығыс Қазақстан облысының Көкпекті ауданынан бөлінген Самар ауданы 334, Тарбағатай аймағынан шыққан Ақсуат ауданы 333 кодын алады.
2022 жылғы 3 мамырда мемлекет басшысы Қасым-Жомарт Тоқаев «Алматы облысындағы Қапшағай қаласын Қонаев қаласы деп қайта атау туралы» және «Қазақстан Республикасының әкімшілік-аумақтық құрылымының кейбір мәселелері туралы» жарлықтарға қол қойды.
Сөйтіп, үш жаңа аймақ – Абай, Ұлытау және Жетісу облыстары пайда болды. Қазақстанда барлығы 17 облыс бар.
Құжат 8 тамызға дейін&nbsp;<a href="https://legalacts.egov.kz/npa/view?id=14164736">Ашық НҚА</a>&nbsp;веб-сайтында жарияланған.

Қазақстандағы жаңа облыстардың коды белгілі болды

<a href="https://kyzylorda-news.kz/">Kyzylorda-news.kz.</a> Қызылордада турникке тартылудан республикалық Tartyl Fest жарысы өтті.
Tartyl Fest турнирін ҚР Президент жанындағы «Дара» таланттарды қолдау қоры ұйымдастырды. Жарысқа барлығы 307 спортшы қатысты.
18-30 жас санатында өнер көрсеткен қызылордалық Ақберен Қуандықов бұрынғы рекордын жаңартуға жақын қалды – ол 40 рет тартылған. Бұған дейін Шымкентте өткен турнирде қатысушы Азамат Сапар 41 рет тартылып, рекорд орнатқан болатын.
Жеңімпаздар мен жүлдегерлерді Қызылорда қалалық мәдениет бөлімінің басшысы Жағыпар Тәжмаханов, «Дара» таланттарды қолдау қорының жетекшісі Нұрлан Қоянбаев, жоба амбассадоры, қоғам қайраткері, жаттықтырушы және актер Айтым Жақыпов марапаттады.
Бірінші орын алған қатысушылар 200 мың теңге ақшалай сыйлыққа ие болды. Екінші орынға – 100 мың теңге, үшінші орынға – 50 мың теңге табысталды.
Байқаудан кейін қатысушылар мен қала тұрғындарына белгілі әнші Мирас Жүгінісов сахнада өнер көрсетті.
Tartyl Fest 10 шілде мен 6 қыркүйек аралығында еліміздің 20 қаласында өтеді, оған қазақстандықтар қатысып, ақшалай сыйлықтар ұтып алады. Әр қалада 27 жеңімпаз таңдалады. Әр қаланың жеңімпаздары (тоғыз номинация бойынша) Нұр-Сұлтанда гранд-финалға қатысады. Гранд-финалдың чемпиондары street workout бойынша әлем чемпионатына барады.
Қызылорда қаласында өткен жарыстың жеңімпаздары:
18 жасқа дейін (55 кг дейін):
1 орын – Родион Цой – 16 жас, 51 келі – 38 рет
2 орын – Мирас Жолдасов – 15 жас, 53 келі – 31 рет
3 орын – Жанарбек Жұманов – 16 жас, 53 келі – 27 рет.
18 жасқа дейін (55-70 кг):
1 орын – Саидбаттал Мұхаммедхан 16 жас, 60 келі – 30 рет
2 орын – Шыңғыс Бердиев – 17 жас, 69 келі – 29 (36) рет
3 орын – Ерсұлтан Дастан -17 жас, 57 келі – 29 (25) рет.
18 жасқа дейін (70 кг-нан):
1 орын – Мейіржан Мұратбекұлы – 17 жас, 71 келі – 26 рет
2 орын – Максим Витченко – 17 жас, 72 кг – 26 (24) рет
3 орын – Әбсадық Рамазан – 16 жас, 72 келі – 24 рет.
18 жастан 30 жасқа дейін (65 кг-ға дейін):
1 орын – Өтеш Самат – 21 жас, 55 келі – 35 рет
2 орын – Ырысбек Дастанбекұлы – 18 жас, 50 ​​келі – 33 рет
3 орын – Кеңесов Данияр – 22 жас, 58 келі – 32 (34) рет.
18 жастан 30 жасқа дейін (65-80 кг):
1 орын – Ақберен Қуандықов – 29 жас, 66 келі – 40 рет
2 орын – Елжан Меңлібаев – 25 жас, 66 келі – 38 рет
3 орын – Бақытсұлтан Серік – 21 жас, 66 келі – 34 рет.
18 жастан 30 жасқа дейін (80 кг-нан):
1 орын – Владислав Ким – 22 жас, 86 келі – 28 рет
2 орын – Ұлағат Беркін – 23 жас, 84 келі – 24 (26) рет
3 орын – Дінислам Өмірғали – 24 жас, 80 келі – 24 (22) рет.
30 жастан бастап (80 кг дейін):
1 орын – Айбек Мәди – 31 жас, 64 келі – 36 рет
2 орын – Сәкен Аманов – 31 жас, 71 келі – 33 рет
3 орын – Айбек Әбжан – 30 жас, 64 келі – 31 (26) рет
30 жастан бастап (80-90 кг):
1 орын – Қанат Дүкенбаев – 31 жас, 82 келі – 30 рет
2 орын – Айдос Мұхтаров – 33 жас, 82 келі – 25 рет
3 орын – Жамағат Елубаев – 31 жас, 81 келі – 22 рет
30 жастан бастап (90 кг):
1 орын – Ержан Уалиев – 32 жас, 95 келі – 16 рет
2 орын – Нұрлан Сенбеков – 39 жас, 109 келі – 15 рет
3 орын – Бақытжан Жандарбаев – 40 жас, 95 келі – 14 рет.

Қызылордада Tartyl Fest жеңімпаздары марапатталды

<a href="https://kyzylorda-news.kz/">Kyzylorda-news.kz.</a> Қазақстанда 1409 адам коронавирус инфекциясынан жазылып шықты, оның ішінде:
Нұр-Сұлтанда – 565,
Алматыда – 647,
Алматы облысында – 9,
Жетісу облысында – 53,
Атырау облысында – 12,
Абай ауданында – 16,
Жамбыл облысында – 19,
Қарағанды ​​облысында – 32,
Қызылорда облысында – 19,
Маңғыстау облысында – 23,
Павлодар облысында – 3,
Түркістан облысында – 11.
Елде барлығы 1 305 043 адам COVID-19-дан жазылып шықты.

Соңғы тәулікте 19 қызылордалық коронавирустан жазылып шықты

<a href="https://kyzylorda-news.kz/">Kyzylorda-news.kz.</a>&nbsp;ЮНЕСКО көлемінде аталып өтіп жатқан Ахмет Байтұрсынұлының 150 жылдық мерейтойы аясында&nbsp; Қазақстан Республикасының Ғылым және жоғары білім министрлігі Тіл саясаты комитеті, Шайсұлтан Шаяхметов атындағы «Тіл-Қазына» ұлттық ғылыми-практикалық орталығы ұйымдастырған ұлт ұстазы атындағы оқытушылардың республикалық байқауы өз мәресіне жетті. Бұған облыстық кезеңнен жүзден жүйрік атанған 12 үміткер қатысты.
Ахмет Байтұрсынұлы – ұлттық ғылымның негізін қалаған, елдік тарихындағы ұлы санаткер тұлға. Оның өміршең ғылыми-әдістемелік ұстанымдары әлі күнге дейін өзектілігін сақтап келеді.
Жыл сайынғы дәстүрлі сайыс ұлы әдіскер ғалымның тіл оқыту, үйрету саласындағы еңбектерін зерделеу арқылы оның тіл меңгертуге қатысты ұтымды әдіс-тәсілдерін анықтауды және насихаттауды, сонымен қатар оқытушылардың кәсіби біліктілігін жетілдіре отырып, ересектерге қазақ тілінен сабақ берудің сапасын арттыруды, өзара тәжірибе алмасуды мақсат тұтады.
Бұл мерейтойлық білім мен білік сынға түсетін кезекті бәйгенің биылғы басты ерекшелігі – Ахмет Байтұрсынұлының әлемдік деңгейде аталып өтіп жатқан мерейтойы аясында өткендігі болса; осындай жүрекке жылы тиген тағы бір тұсы–қойнауы құт, мыңдаған талант туған жомарт жұмақ мекен, мәдени-рухани құндылыққа бай өлке әйгілі Әулиеата өңірінде, соның ішінде тарихымыздың темірқазығы Таразда өтуі. Жалпыхалықтық сипатқа ие болған шоқтығы биік шараның жоғары деңгейде өтуіне Жамбыл облысының әкімдігі жақсы үлес қосты.
<blockquote>
 «Ахаң қазақтың қазақ бола білуіне жанын аямай,халық үшін, оның мәдени-әлеуметтік болмысын көтеру үшін қызмет етті, бұқараны білім алуға шақырған қазақтың тұңғыш білім министрі атанды. Алаш қозғалысының ғана емес, барлық замандағы ұлтшылдардың рухани көсемі танылды. Дара тұлғаның өсиеті, қалдырған мұрасы тіл жанашырларының алға ұстар бағдаршамы болуға тиіс. Бәріміздің мақсатымыз – Ахмет Байтұрсынұлы қалдырған рухани жəне ғылым-білім саласындағы мол мұралар сабақтастығын жалғастыру»,–деді байқаудың шымылдығын ашқан Жамбыл облысы әкімдігі тілдерді дамыту басқармасының басшысы Рахия Тұрмаханбетова.
</blockquote>
Бұл жолғы байқаудың жаппай бұқаралық мазмұнға ие болуының және бір мәнісі: қатысушылар бұдан біраз бұрын Facebook желісіндегі tilqazyna парақшасына өз бейнесабақтарын жариялап, тіл тағдырына немқұрайды қарамайтын қалың оқырман қауымға пікір білдіру, баға беруге мүмкіндік туғызды. Сол себепті сайыстың алғашқы кезеңінде әр үміткер өзін бірден таныстыруға көшіп, қазақ тілін оқытудағы өзінің жинақтаған тәжірибесі негізінде авторлық бағдарламасын ұсынса, қазылар алқасы өз кезегінде түйінді пікірін білдірді.
Байқаудың келесі кезеңі Ахмет Байтұрсынұлының зерттеушілік мол мұрасына, еңбектеріне, соның ішінде оқыту әдістемесінің мазмұнына, оның ғылыми тұжырымдарына, сонымен қатар қазіргі заманғы тіл үйретудің&nbsp;соңғы&nbsp;технологиялары&nbsp;мен әдіс-тәсілдеріне арналды. Қатысушылар қалаған ұяшықтағы жоғарыда аталған бағыттар бойынша алдын ала дайындалған сұрақтарға санаулы минуттар ішінде жауап беріп отырды.
Байқаудың соңғы шешуші кезеңі арнайы сынама топтың қатысуымен жағдаяттық түрде өтті.Үміткерлер тіл үйренушілерге сөйлеу әрекетінің төрт түрі бойынша (оқылым, жазылым, тыңдалым, айтылым) тапсырмалар беріп, аудиториямен жұмыс жасау қабілетін сынаққа салды. Әсіресе, тапсырманы орындауға топ мүшелерін белсенді қатыстыру жағы қатаң ескерілді.
Бірнеше кезеңнен тұратын бұл мерейтойлық байқауға қатысушылар, бұрынғы жылдарымен салыстырғанда, Ахаңның аяулы есіміне құрметпен қарап ерекше көңіл күймен, тыңғылықты дайындалып келгенін байқатты. Кілең дүлдүлдер арасынан жеңімпаздарды анықтау оңайға түскен жоқ.
Қызу талқыдан өтіп, жеңіс тұғырына көтерілген жүлдегерлерді қазылар алқасының мүшелері, есімі елімізге кеңінен танымал ғалымдар марапаттады.
Нұр-Сұлтан қаласы әкімдігінің Тілдерді дамыту және архив ісі басқармасы «Руханият» орталығының оқытушысы Сағым Естемісова, Шымкент қалалық тілдерді оқыту-әдістемелік орталығының қазақ тілі оқытушысы Жадыра Дайырова, Солтүстік Қазақстан облысы Тілдерді оқыту орталығының оқытушысы Әсем Абдраимова, Түркістан облысы Тілдерді оқыту және дамыту орталығының қазақ тілі оқытушысы Шынар Сағынтаева, Жетісу облысы «Тіл» оқу әдістемелік орталығы Панфилов аудандық филиалы оқытушысы Надира Қадыровалар – Назарбаев Университеті Түркітану және қазақ тілі департаментінің оқытушысы, PhDАйдар Балабеков пен М.Х. Дулати атындағы Тараз өңірлік университеті Қазақ тілі мен әдебиеті кафедрасының доценті Лаура Төлегенқызы Макулованың қолынан ынталандыру сыйлығына ие болды.
Үшінші орынды жеңіп алған Павлодар облысы Ақсу қаласының мәдениет және тілдер бөлімінің әдіскер-оқытушысы Тәттігүл Бекенова, Ақмола облысы Ақкөл ауданының Мәдениет және тілдерді дамыту бөлімі жанындағы Тілдерді оқыту орталығының қазақ тілі оқытушысы Гайнель Дюсенбаева,&nbsp; Қостанай облысы&nbsp; «Тілдарын» облыстық тілдерді оқыту орталығының оқытушысы Айнұр&nbsp; Миркемелованы – KAZGUU Жоғары Гуманитарлық мектебінің профессоры, филология ғылымдарының кандидаты Қарлығаш Дүсіпбаева марапаттады.
Қарағанды облысының тілдерді оқыту орталығының оқытушысы Фариза Боранғазы мен Ақтөбе облысы Тілдерді оқыту орталығының мемлекеттік тіл&nbsp; оқытушысы Шыңғысхан Түменбаев екінші орынды иеленіп,&nbsp; оларға арнаулы марапатты Л.Н.Гумилев атындағы ЕҰУ&nbsp; Қазақ тіл білімі кафедрасының профессоры, филология ғылымдарының докторы Бекжан Әбдуәлиұлы табыстады.
Кезек қазылар алқасының төрағасы, Ахмет Байтұрсынұлы атындағы Тіл білімі институтының бас ғылыми қызметкері, филология ғылымдарының докторы Бағдан Момыноваға келді. Ол Жамбыл облысы Тілдерді оқыту орталығының қазақ тілі оқытушысы Гүлдерайым Халыққа бірінші орынның жүлдесін табыстады.
Байқаудың Бас жүлдегері – Қызылорда облысы тілдерді оқыту орталығының мемлекеттік тіл оқытушысы Алтынай Орынбаева.
Қазақстан Республикасының Ғылым және жоғары білім министрлігі Тіл саясаты комитетінің басқарма басшысы, филология ғылымдарының кандидаты Айнагүл Қожаназарқызы Көкенованың айтуынша, Тіл саясаты комитеті мен Шайсұлтан Шаяхметов атындағы «Тіл-Қазына» ұлттық ғылыми-практикалық орталығы ЮНЕСКО көлемінде өтіп жатқан ұлт ұстазының биылғы мерейтойлық жылында бірқатар халықаралық, республикалық деңгейдегі шараларды атқарды. Ахмет Байтұрсынұлының өзінің туған күні –алдымыздағы 5 қыркүйектен бастап, жылдың аяғына дейін жүзге тарта сүбелі жұмыстар жоспарланған.
<img src="https://kyzylorda-news.kz/wp-content/uploads/2022/07/b6b015a6-fcd5-47d7-8eb2-6b3453840a27.jpg" alt="" />
<img src="https://kyzylorda-news.kz/wp-content/uploads/2022/07/295843447_1585224475206392_2496382101278571137_n.jpg" alt="" />
<img src="https://kyzylorda-news.kz/wp-content/uploads/2022/07/f6a9da6f-c881-4f59-bc16-1e0b669b3232.jpg" alt="" />

Қызылордалық маман республикалық байқаудан бас жүлде алды

<a href="https://kyzylorda-news.kz/">Kyzylorda-news.kz.</a>&nbsp; 2022 жылдың 4 шілдесінде «Міндетті әлеуметтік медициналық сақтандыру туралы» Қазақстан Республикасының Заңына өзгерістер мен толықтырулар қабылданды. Сақтандыру мәртебесін алу үшін тек өткен 12 ай үшін емес, алдағы 12 айға да төлем жасауға болады. Яғни МӘМС-ке жарналар төлемеген адамдар сол өзгерістер бойынша міндетті әлеуметтік медициналық сақтандыру жүйесіндегі медициналық көмекті алу үшін екі тәсілдің біреуін таңдап, жарналар төлей алады. Бұл өзгеріс қол қойылған сәттен бастап 60 күннен кейін, яғни 2022 жылдың қыркүйегінде күшіне енеді.
Қазақстанда медициналық сақтандыру жүйесі 2020 жылдан бастап жұмыс істеп келеді. МӘМС-ке төлем жасау барлығы үшін міндетті болып саналатынына қарамастан, елімізде шамамен 3,1 млн адам әлі күнге дейін сақтандырылмаған. Оның 3 миллионы – экономикалық белсенді халық, &nbsp;яғни жұмысқа қабілетті азаматтар.
«Saqtandyrý» ақпараттық жүйесінде соңғы 12 ай ішіндегі деректерді талдау кезінде МӘМС жүйесіне қатысушының алдыңғы мәртебесі тұрғысынан сақтандырылмағандардың 69%-ы мүлде жарна төлемегені анықталды. Азаматтардың тағы 16%-ы – өз қызметін азаматтық-құқықтық сипаттағы шарт бойынша атқаратын тұлғалар. Қазір жарналарды төлеуді тоқтатқан бұрынғы жалдамалы жұмысшылар 7%-ды құрайды. Дербес төлеушілердің үлесі – 4%. Қазір жарна төлемейтін және сақтандыру мәртебесін жоғалтқан жеке кәсіпкерлер мен бірыңғай жиынтық төлем (БЖТ) төлеушілердің саны 3%-ға тең. Бұл негізінен 38-40 жастағы адамдар. Олар бейресми жұмыс істейді және жарна төлемейді. Сондай-ақ жұмыспен қамту орталығына барып ресми тіркеле алатын жұмыссыздар да бар. Бұл жағдайда осы азаматтар жеңілдік санатына кіріп, олар үшін төлемдерді мемлекет аударады», – деп түсіндірді заңды және жеке тұлғалармен жұмыс істеу департаменті директорының орынбасары Жанар Ботагарина.
Қор жергілікті атқарушы органдармен, мемлекеттік кіріс басқармаларымен, «Атамекен» ҰКП және басқа да мүдделі мекемелермен бірлесіп сақтандырылмаған халықты МӘМС жүйесіне тарту бойынша кең ауқымды ақпараттық-түсіндіру жұмыстарын жүргізуде.
Бұрын сақтандыру мәртебесін және МӘМС тізбесінен медициналық көмекті алу үшін пациенттің өткен 12 айға жарнасы төленген болуы және мәртебесін жоғалтпау үшін ай сайын жарналарды үзбей төлеуі міндеттелген еді.
«Тәжірибе көрсеткендей және өтініштерді талдау нәтижесінде жұмыс істемейтіндер мен өзін-өзі жұмыспен қамтығандар өткен кезең үшін жарна төлеуге қызығушылық танытпайтыны анықталды. Сол себепті олар үшін МӘМС жүйесіне қатысудың баламалы нұсқасы әзірленді. Ол сақтандыру мәртебесін алу үшін алдын ала 12 айға төлем жасауға мүмкіндік береді. 2022 жылғы шілдеде «Міндетті әлеуметтік медициналық сақтандыру туралы» ҚР Заңына тиісті толықтырулар мен өзгерістер бекітілді. Ол қыркүйек айының басында күшіне енеді. Біздің ойымызша, бұл халықты медициналық сақтандыру жүйесіне көптеп тартуға ықпал етеді» – деді Жанар Ботагарина.
Азаматтар алдын ала жарналарды төлеп, жыл бойы МӘМС тізбесіндегі медициналық көмекті алады. Сақтандырылмаған халықтың шамамен 30%-ы жаңа төлем түрін пайдаланады деп күтілуде. Сонымен қатар өткен берешегі жоқ дербес төлеушілердің МӘМС жарналарын ай сайын төлеу құқығы сақталады. Естеріңізге сала кетейік, 2022 жылы дербес төлеушілер ай сайын ең төменгі жалақы мөлшерінің 5%-ы көлемінде – &nbsp;3 000 теңге жарна төлейді.
Егер медициналық көмек көрсету сапасына қатысты сұрақтарыңыз болса, сіз өз емханаңыздағы пациенттерді қолдау қызметіне жүгіне аласыз. Егер жағдайды сол жерде шешу мүмкін болмаса, Әлеуметтік медициналық сақтандыру қорының өзіңізге ыңғайлы байланыс арналары арқылы хабарласа аласыз: fms.kz &nbsp;ресми сайты, 1406 байланыс орталығы, Qoldau 24/7 мобильді қосымшасы және Telegram-дағы SaqtandyryBot .
Дәл осы құралдар сақтандыру мәртебесін тексеруге мүмкіндік береді. Сондай-ақ, медициналық сақтандыру жүйесіндегі өз мәртебеңізді тексеріп, ҚР электрондық үкіметі egov.kz сайтындағы «Денсаулық сақтау» бөлімінде «Медициналық қызметтер туралы және МӘМС-ға аударылған сомалар туралы ақпарат» мемлекеттік қызметі арқылы жүргізілген төлемдер туралы біле аласыз.

МӘМС: Алдын ала 12 айға төлем жасау арқылы сақтандырыла аласыз

<a href="https://kyzylorda-news.kz/">Kyzylorda-news.kz.</a> 2025 жылға дейін шәкіртақыны, оқытушылардың жалақысын, студенттік гранттар санын тұрақты арттыру және ғылымды қаржыландыруды ұлғайту жоспарланды. Бұл туралы ҚР Білім және ғылым министрі ретіндегі қызметін қорытындылаған Оқу-ағарту министрі Асхат Аймағамбетов айтты.
<blockquote>
 Ел президентінің тапсырмасы арқасында көтерілген грант құны университеттеріміздегі оқытушылардың жалақысын арттыруға мүмкіндік береді. Сәуір айында жоғары оқу орындарының ректорларына қосымша тапсырма бердік. Осы тапсырмаға сәйкес 2022 жылдың қыркүйегінен бастап университеттеріміздегі оқытушылардың жалақысы тағы да көтерілуі керек, ол үшін қаражат бар, – деп жазды Асхат Аймағамбетов әлеуметтік желідегі парақшасында.
</blockquote>
Аймағамбетовтің мәлімдеуінше, жоғары оқу орнына жаңадан келген оқытушыға 1 ставка үшін кемінде 200 мың теңге бекітілді. Ал профессордың жалақысының минималды деңгейі 350-400 мың теңге болды. Ал педагогикалық жүктеме деңгейі оқу жылына 680 сағаттан аспайтындай деңгейде бекітілді.
Бұған қоса ол студенттер мен докторанттардың шәкіртақысы өскенін де тілге тиек етті. Яғни докторанттарға берілетін стипендия 3 жыл ішінде 82 мыңнан 200 мыңға жуық соммаға дейін өсті.

Қыркүйекте университет оқытушыларының жалақысы өседі

<a href="https://kyzylorda-news.kz/">Kyzylorda-news.kz.</a> 27 шілдедегі Қазақстандағы коронавирус бойынша эпидемиологиялық жағдайды ВАК хабарлады. Өткен тәулікте коронавирус инфекциясының 3175 жаңа жағдайы тіркелді, оның ішінде:
Нұр-Сұлтанда – 915,
Алматыда – 767,
Шымкентте – 127,
Ақмола облысында – 104,
Ақтөбе облысында – 47,
Алматы облысында – 92,
Жетісу облысында – 123,
Атырау облысында – 73,
Шығыс Қазақстанда – 27,
Абай ауданында – 48,
Жамбыл облысында – 94,
БҚО – 56,
Қарағанды ​​облысында – 355,
Ұлытау облысында – 30,
Қостанай облысында – 59,
Қызылорда облысында – 81,
Маңғыстау облысында – 40,
Павлодар облысында – 66,
Солтүстік Қазақстанда – 41,
Түркістан облысында – 30.
Елде барлығы 1 341 265 жағдай расталды.

Қызылорда облысында 81 адамнан коронавирус анықталды

<a href="https://kyzylorda-news.kz/">Kyzylorda-news.kz.</a> Балалар үнемі қозғалыста болады, жаңа қызықты оқиғаларды іздейді, сол арқылы ата-аналарын алаңдатып қояды. Әсіресе балалардың бос уақыттары көп болатын жаз мезгілінде алаңдауға себеп көп.
Балалардың жарақат алуы үнемі күтпеген жерден болады. Емдеу мен оңалту үшін ақшаны қайдан алуға болады? Мұндайда жазатайым жағдайлардан сақтандыру көмектесе алады. Бұл жөнінде Fingramota.kz толығырақ баяндап береді.
Балалар алаңында болсын, гаражда, тіпті үйде болсын балаға кез келген жерде қауіп төнуі мүмкін.Жазатайым жағдайлардан сақтандыру немесе «балаларды сақтандыру» сізді жарақат алу, бір жерін ұрып алу, сындырып алу сияқты жазатайым жағдайлардан туындайтын қосымша шығындардан құтқара алады.
«Балаларды сақтандырудың» қандай түрлері болады?
Бала «құлады, есін жиды – гипс» сияқты «классикалық» жағдайға тап болған уақытта үлкендер сақтандыруды шын мәнінде бағалай бастайды.
«Балаларды сақтандыру» не үшін керек және оның қандай түрлері бар? Сіз балаңыздың өмірі мен денсаулығын сақтандыруға арналған полисті сатып алсаңыз болады. Сондай-ақ балалар үшін жеке сақтандыру да бар, ол жарақат алу, аурудың белгілі бір түрлері, жәндіктердің шағып алуы тәрізді әртүрлі қауіп жағдайларына бөлінеді. Кейбір компаниялар тіпті кененің шағуынан да сақтандыру ұсынады.
Сақтандыру жағдайы басталған кезде төлем алуды қарастыратын жинақтаушы сақтандыру бар.Бірақ бұл сақтандырудың негізгі мақсаты болашақта қандай да бір мақсатқа, мысалы, университетке түсу үшін қаражат жинау болып табылады. Бұл жерде белгілі бір жасқа келгенде баласына қандай сома қажет болатынын ата-аналар &nbsp;өздері шешіп, сақтандыру компаниясының көмегімен жинақтауды бастайды.Бұл тиімді және ыңғайлы.Бірақ мұндай қаржы құралына инвестициялауқысқа мерзімде – 1-2 жылда жүзеге асырылмайтынын түсіну керек, бұл – &nbsp;ұзақ мерзімді инвестициялар. Баланың шотына қанша ақша салып отыру керектігіжәнеқандай кезеңділікпен салу керектігі тараптардың келісімі бойынша анықталады.
Сақтандыру компаниясымен мәміле жасамас бұрын сізге:
<ol>
<li>Нарықтағы барлық ұсыныстармен мұқият танысу;</li>
<li>Сақтандыру ұйымдарының талаптарын зерделеу;</li>
<li>Барлығын оңды-солды саралап, содан кейін ғана асықпай шешім қабылдау қажет екенін атап өткен жөн.</li>
</ol>
Мұндайсақтандырудыңартықшылықтарықандай?
Бірінші – 2 жастан 18 жасқа дейінгі баланы сақтандыруға болады. Екінші–сақтандыру полисі жазатайым оқиға нәтижесінде баланың өмірі мен денсаулығына зиян келтірумен байланысты жағдайларды өтейді. Үшінші – сақтандыру баланы алған жарақаттардан кейінемдеу мен қалпына келтіру шығындарын өтейді. Сақтандыру құны сақтандыру мерзіміне, сақтандыру қорғанысының қолданылу уақытына, таңдалған сақтандыру сомасына, сондай-ақ баланың айналысатын спорт түріне, болған жағдайда (альпинизм, су астындажүзу, ауыр атлетика, көркем гимнастика, мотоспорт жәнет.б.) байланысты болады. Төртінші-сақтандыруды үйден шықпай-ақ онлайн ресімдеуге болады.
Баланы сақтандырудың жұмыс реті қандай?
Сақтандыру жағдайы орын алған уақытта ата-аналар дереу сақтандыру шартында көрсетілген медициналық мекемегежүгінуге тиіс. Медициналық көмек көрсетіліп, медициналық мекеме қажетті құжаттарды ұсынғаннан кейін сақтандыру өтемін алу үшін сақтандыру компаниясына хабарласу керек. Әр компанияда құжаттардеректерінің өз тізбесі болады, оны алдын аланақтылау қажет.
Сақтандыру төлемі белгіленген, ал кейде ол сақтандырылған адамның &nbsp;шығындарының бір бөлігін ғана өтейтін болады, бұл шарт талаптарына байланысты болып келеді. Сақтандыру төлемінің мөлшері балаға келтірілген зиянның ауырлығымен айқындалады. Сондықтан сақтандыру шартына тиісті назар аудара отырып, оған жауапкершілікпен қарау керек.
Шарт жасамас бұрын, сіз шарт талаптарының сіздің сақтанушы ретіндегі мүдделеріңізге сәйкестігін толық зерделеп шығуыңыз керек. Қажет болған жағдайда, егер қандай да бір тармақтар түсініксіз немесе күмән тудыратын болса, сақтандыру компаниясының өкілінен шарттың осы ережелеріне түсіндірме беруін сұраңыз. Осылайша сіз орын алуы мүмкін қолайсыз оқиғалардан қорғалғандығыңызға сенімді бола аласыз. Әсіресе сақтандыру жағдайларына қатысты ақпаратты зерделеңіз.
«Балаларды сақтандырудың» іс жүзінде қалай жұмыс істейтіні туралы бірнеше мысал келтірейік:
1. Сіздің ұлыңыз жазғы лагерьге барды,сіз оған сақтандыру полисін алдын ала ресімдедіңіз. Лагерьдебалалармен ойнап жүріп жарақат алды. Сақтандыру бойынша жедел медициналық көмек алу үшін сіз клиникаға жүгінесіз. Тексеру барысында баланың иығының шығып кеткені анықталды. Сізде осындай жарақатты жазатайым оқиға ретінде қарастыратын сақтандыру түрі болғандықтан,емдеуге жұмсалатын шығындарды сақтандырушы төлейді.Нәтижесінде емдеу және физиотерапия сомасы 80 мың теңгеден астам соманы құрады және мұның бәрі сақтандырудың есебінен өтелді, себебі бұл шарт талаптарында көзделген.
2.Сіздің қызыңыз баскетболмен кәсіби түрде айналысады. Сіз жыл сайын ресімдейтін сақтандыруға спорттық тәуекелдерді енгіздіңіз.Яғни, жаттығу кезінде туындауы мүмкін қауіптер. Бірде ол қолын зақымдап, жарақаттанды. Ал сақтандыру компаниясы қыздың еміне кеткен шығынды толығымен төлеп берді.&nbsp;
Мұндай мысалдарды көптеп келтіруге болады.
Қандай жағдайлар сақтандыру жағдайлары деп танылады?
Адамның қалауымен басталмаған және оның еркінен тыс болған оқиға сақтандыру жағдайы деп аталады.
«Балаларды сақтандыруда» мынадай жағдайлар сақтандыру жағдайлары болып танылады:
&nbsp;– табиғи дүлей апаттар салдарынан алынған жарақаттар;
– күйік, найзағай түсу, күн өтіп кету;
&nbsp;– жарылыс, үсік шалу, суға бату нәтижесінде алынған жарақаттар;
-спорт залындағы сабақтар немесе спорттық-бұқаралық іс-шараларға/спорттық жарыстарға қатысу нәтижесінде алынған дене жарақаты;
<ul>
<li>жыландардың, жәндіктердің шағуы;</li>
<li>қандай да бірзаттың құлауы нәтижесінде алынған жарақат;</li>
<li>тыныс алу жолдарына бөтен заттың кездейсоқ түсуі;</li>
<li>улы өсімдіктерден, химиялық заттардан (өнеркәсіптік немесе тұрмыстық), дәрі-дәрмектерден кездейсоқ улану;</li>
<li>қандай да біркөліктің қозғалысы кезінде алынған жарақаттар;</li>
<li>I, II, III топтағы мүгедектікті белгілеу.</li>
</ul>
Естесақтаған жөн! Кәдімгі ЖРВИ, тұмау, COVID -19 вирусын, өзге де вирустық инфекциялар мен ауруларды емдеу жазатайым оқиғадан сақтандырумен өтелмейді. Өйткені, жоғарыда айтылғандардың барлығы медициналық сақтандыруға қатысты.
Сақтандыруды қанша уақытқа ресімдеу керек?
Баланы мысалы, балалар лагерінде демалу уақытына сақтандыруға болады. Яғни, сіз оған өзіңіз қарай алмайтын күндері сақтандыру қажет. Баланы тіпті бір күнге – спорттық жарыстар өткізу уақытына да сақтандыруға болады. Бұл жаз бойысақтандыру болуы мүмкін. Балаңызды ұзақ уақытқа сақтандырсаңыз да болады, бұл әсіресе спорттық секцияларға үнемі қатысатын оқушылар үшін маңызды.
Сақтандырушыны таңдауда қалай қателеспеуге болады?
Білген жөн: <a href="https://fingramota.kz/ru/post/moshenniki-pod-vidom-strahovshchikov-kak-ih-raspoznat">сақтандыру алаяқтарының</a> айласына түсіп қалмау үшін сақтандыру компаниясында ҚР Қаржы нарығын реттеу және дамыту агенттігінің лицензиясының бар екендігін тексеру керек. Лицензияланған сақтандырушылардың тізімімен қаржы реттеушісінің <a href="http://www.gov.kz">www.gov.kz</a> сайтындағы «Қызмет» бөлімінен («Рұқсаттар және хабарламалар тізілімі» кіші бөлімі) танысуға болады.
Полисті ресімдемей тұрып компанияның беделіне, оның нарықта қанша жыл жұмыс істеп келе жатқанына мән беріңіз, ол туралы клиенттердің интернеттегі пікірлеріне талдау жасап, қызметтердің құнын басқа сақтандырушылармен салыстырып шығыңыз.&nbsp;
Қазіргі уақытта Қазақстанда 27 сақтандыру компаниясы бар, олардың 9-ы өмірді сақтандыру бойынша жұмыс істейді.
Сақтандыру ұйымдары заңнама талаптарын бұзған жағдайда оларға қаржы реттеушісінің тарапынан тиісті шаралар, атап айтқанда ҚР Әкімшілік құқық бұзушылық туралыКодексіне сәйкес айыппұлдар қолданылатынын ескеріңіз.&nbsp;
Егер, сіздің ойыңызша, сақтандыру полисі заңнама талаптарына сәйкес келмесе немесе сізге сақтандыру қызметтерін көрсету мәселелері бойынша консультация қажет болса, сіз Агенттікке <a href="https://fingramota.kz/ru/mobile-app">«Fingramota Online» мобильдік қосымшасы</a> арқылы немесе call-орталыққа 1459 және +7 (727) 237 1000 нөмірлері бойынша жүгіне аласыз.&nbsp;
Fingramota.kz-пен бірге өз қаржылық сауаттылығыңызды арттырыңыз!

Қазақстан және Қызылорда облысының жаңалықтары