<a href="https://kyzylorda-news.kz/">Kyzylorda-news.kz.</a> Қызылорда облысы прокурорының орынбасары болып әділет кеңесшісі Дүйсенбаев Нұрболат Серікұлы тағайындалды.
Дүйсенбаев Нұрболат Серікұлы прокуратура органдарындағы қызметін 2005 жылы Қызылорда қаласы прокурорының көмекшісі лауазымынан бастаған.
Әрі қарай Қызылорда қалалық прокуратурасының бөлім бастығы, облыстық прокуратурасының бөлім бастығы, облыстық прокуратурасының басқарма бастығының орынбасары, Жаңақорған ауданының прокуроры қызметтерін атқарған.
2019 жылдан бастап бүгінгі күнге дейін Шиелі ауданының прокуроры лауазымын атқарған.

Қызылорда облысы прокурорының орынбасары тағайындалды

<a href="https://kyzylorda-news.kz/">Kyzylorda-news.kz.</a>&nbsp;ҚР Цифрлық даму, инновациялар және аэроғарыш өнеркәсібі министрі Бағдат Мусин Қызылорда қаласының №3 қалалық емханасына барды. Емхананы аралау барысында Бағдат Мусин дәрігерлермен әңгімелесіп, ақпараттық жүйелерде жұмыс істеуде қандай мәселелерге тап болатынын сұрап білді.
Медицина мекемесін аралау барысында министр маммография кабинетіне өтіп, маммографиялық аппараттың PACS жүйесіне қалай қосылғанымен таныс болды.
Аталған жүйе пациенттің ауруының тарихын бірнеше дәрігердің бір жүйеден көруіне және уақытты барынша үнемдеуге көмек береді.
PACS жүйесі Қызылорда облысының 13 медициналық ұйымына енгізілген.
Министр сондай-ақ, облыстық денсаулық сақтау басқармасы медициналық ұйымдармен тығыз жұмыс істеп, цифрландыру бағытында жұмыстарды күшейту қажеттігін атап өтті.
Бұдан кейін Цифрлық даму министрі Қызылорда қаласының халыққа қызмет көрсететін цифрлық кеңсенің жұмысымен танысты.
Аталған цифрлық кеңседе 2022 жылдың 6 айында азаматтарға 22 129 мемлекеттік қызмет көрсетілген.
Цифрлық даму министрі Бағдат Мусин түстен кейін Қызылорда қаласындағы “Достық үйінде” өңір тұрғындарымен кездесіп олардың сұрақтарына жауап береді.
<img src="https://kyzylorda-news.kz/wp-content/uploads/2022/08/298199546_1179422285949173_1282058041622668058_n.jpg" alt="" />
<img src="https://kyzylorda-news.kz/wp-content/uploads/2022/08/298198751_1179422232615845_8185974733487422753_n.jpg" alt="" />

Цифрлық даму министрі Бағдат Мусин Қызылорда облысына іссапармен келді

<a href="https://kyzylorda-news.kz/">Kyzylorda-news.kz.</a>&nbsp;«Қарасора-2022» іс-шарасы барысында қызылордалық полицейлермен 10 мың түптен аса сора өсімдігі жойылды.
Биылғы жылдың 1 маусым – 30 қазан аралығында «Қарасора-2022» кең ауқымды арнайы жедел-профилактикалық іс-шарасы өткізілуде. Осыған орай, қарасораның егістерін анықтаудың және жоюдың іс-әрекеттерін іске асыру үшін, жергілікті құқық қорғау, атқарушы органдардың өкілдерімен жұмыс кездесуі ұйымдастырылып, арнайы жоспарлар бекітілді.
Іс-шараның мақсаты – есірткі заты бар өсімдіктерді өсіп-баптаудың алдын алу, героин трафигін жою, сондай-ақ есірткі, оның ішінде жаңа түрлерін таратумен айналысатын ұйымдасқан қылмыстық топтардың қызметіне тосқауыл қоюға бағытталған.
Атқарылған ауқымды іс-шаралар нәтижесінде барлығы 54 есірткі қылмысы тіркелді. Оның ішінде есірткі өсірудің 36 дерегі, есірткіні аса ірі мөлшерде сақтаудың 2 дерегі және есірткі сатудың 3 дерегі анықталды. Есірткі өсіргені үшін барлығы 44 күдікті ұсталса, оның 13-і қамаққа алынды. 
Оқиға орнынан 10 мың түптен аса сора өсімдігі жойылды, заңсыз айналымнан 23 кг жуық марихуана және 5 гр аса синтетикалық есірткі заты тәркіленді.
Мысалы, 7 тамыз күні Шиелі ауданында үйінің ауласына 41түп биіктігі 65-70 см болатын сора өсімдігін еккені үшін 46 жастағы аудан тұрғыны құрықталды. Сараптама қорытындысына сәйкес заттай дәлелдеме ретінде алынған зат жалпы салмағы 5 кг жуық сора өсімдігі болып шықты. Күдікті Шиелі аудандық полиция бөлімінің уақытша ұстау изоляторына оқшауландырылды.
Аталған дерек бойынша Қазақстан Республикасы Қылмыстық кодексінің 300 – бабының 2 – бөлігімен (ірі мөлшерде құрамында есірткі заттар бар, өсіруге тыйым салынған өсімдіктерді заңсыз егіп-өсіру) сотқа дейінгі тергеп-тексеру әрекеттері жүргізілуде.
Қазіргі уақытта далалық аймақтардан ірі көлемдегі есірткі алқабын анықтау мақсатында топтар құрылып, шолу жұмыстары жүргізілуде.
<img src="https://kyzylorda-news.kz/wp-content/uploads/2022/08/whatsapp-image-2022-08-08-at-09.52.42.jpeg" alt="" />

«Қарасора-2022»: Қызылордадад 10 мың түптен аса сора өсімдігі жойылды

<a href="https://kyzylorda-news.kz/">Kyzylorda-news.kz.</a> Қызылорда облысы прокурорының бірінші орынбасары болып аға әділет кеңесшісі Төлегенов Исламбек Тынарбайұлы тағайындалды.
Төлегенов Исламбек Танырбайұлы прокуратура органдарындағы қызметін 1998 жылы Қызылорда облысы Жалағаш ауданы прокурорының көмекшісі лауазымынан бастаған.
Әрі қарай Қызылорда қалалық прокуратурасының бөлім бастығы, облыстық прокуратураның басқарма бастығының орынбасары, Сырдария, Шиелі аудандарының прокуроры, Қызылорда қаласы прокурорының орынбасары, облыстық прокуратураның кадр жұмысы басқармасының бастығы, Бас Прокурордың аға көмекшісі қызметтерін атқарған.
2020 жылдан бастап бүгінгі күнге Қазақстан Республикасы Бас прокуратурасының өтініштермен жұмыс және іс жүргізу департаментінің Азаматтарды жеке қабылдау басқармасының бастығы лауазымын атқарған.
Прокуратура органдарындағы еңбек өтілі 24 жылдан астам.

Исламбек Төлегенов жаңа қызметке тағайындалды

<a href="https://kyzylorda-news.kz/ru/">Kyzylorda-news.kz</a>. Қызылорда облысында өткен тәулікте короновирустың 25 жағдайы тіркелді.
Бүгінде инфекциялық стационарда – 63 азамат ем қабылдап жатса, жансақтау бөлімінде – 3 науқас індетпен күресуде. Салаға жауапты мамандардың айтуынша, індетті жұқтырғандардың 80 пайызы 14 жасқа дейінгі балалар болса, 1 жасқа дейінгі балалардың 50 пайызы коронавирусқа шалдығып үлгерген.
<blockquote>
 «Бүгінде аймақта коронавирусқа қатысты эпидемиологиялық жағдай оңалып келеді. Жалпы жыл басынан бері 6004 науқас коронавирус жұқтырған. Ал қазір бұл індет балалар арасында белең алуда. Сондықтан адам көп жиналатын орындар мен ойын алаңдарында балалардың сақтық шараларына мән беру керектігін айтқым келеді. Облыста ұжымдық иммунитетті қалыптастыру мақсатында екпе алуға қабілетті тұрғындар арасында вакцинациялау жұмыстары қарқынды жүргізілуде. Атап айтқанда,I-ші компонентімен 96%-ы (426 120 адам), II-ші компонентімен 94,6%-ы (423 439 адам) вакцинацияланды. Ал 16 мыңнан астам тұрғын ревакцинациядан өтті. Өңірдегі барлық емханаларда «QazVac» және «Sinovac» екпе түрінің қоры бар», – деді облыстық денсаулық сақтау басқармасы басшысының орынбасары Жангелді Шайымбетов.
 «Соңғы күндері өңірде ауру деңгейі төмендеп келе жатқаны байқалады. Дегенмен, індет жұқтырғандардың басым бөлігі 14 жасқа дейінгі балалар екені алаңдатуда. Сол себепті балалардың гигиеналық тұрғыда сақтануын барынша қамтамасыз етуіміз керек. Сонымен қатар, облыс тұрғындары арасында қайта ревакцинациялау жұмыстарын белсенді түрде жүргізуіміз керек», – деді облыстық санитарлық-эпидемиологиялық бақылау департаменті басшысының орынбасары Әлия Әбдіқайымова.
</blockquote>
<img src="https://kyzylorda-news.kz/wp-content/uploads/2022/08/951b2dc3-72e9-47a4-819b-9a5e0e20bab8.jpg" alt="" />

Қызылордада эпидемиологиялық жағдай тұрақталып келеді

<a href="https://kyzylorda-news.kz/ru/">Kyzylorda-news.kz</a>. «Арай-Sunrise» балалар демалыс лагерінде «Западный поток» халықаралық білім беру – зияткерлік жобасы аясында демалушы балалардың қазақ күресінен «Қазақстан барысы» жарысының жеңімпаздарымен кездесу өтті.
Іс-шараға лагерьде демалып жатқан балалар мен олардың ата-аналары, спортшылар, облыстық этномәдени бірлестіктердің өкілдері, ардагерлер, БАҚ өкілдері және басқа да қонақтар қатысты.
Бұл кездесудің мақсаты – дене шынықтыру және спорт саласын дамыту, спортпен айналысу арқылы балалардың салауатты өмір салты қағидаттарын қалыптастыру, спорт резервін дайындау және спорт шеберлігін арттыру, ұлттық спорт ойындарын дамыту, өскелең ұрпақты ұлттық спорт түрлерімен айналысуға тарту.
Жиналғандар қауымның алдында «Вайнах» облыстық шешен этномәдени бірлестігі төрағасының орынбасары Лайла Пашаева сөз сөйлеп, өз сөзінде бірлік пен келісімді нығайту жөніндегі жұмыстарға тоқталып , бейбітшілікті сақтаудың маңыздылығын атап өтті.
Сондай-ақ, көрермендердің назарына шешен бірлестігіндегі жас белсенділерінің орындауында «Лезгинка» биі ұсынылды.
Айта кетейік, «Қазақстан барысы» турнирінде жеңімпаз атанған қызылордалық Мақсат Исағабылов финалда маңғыстаулық Нұрдәулет Жарылғаповпен кездесті. Нәтижесінде Мақсат қарсыласын жеңіп, биылғы турнирдің жеңімпазы атанды.
Мақсат Исағабылов 1994 жылдың 17 қарашасында Қызылорда облысында дүниеге келген. Бойы 184 сантиметр болса, салмағы 120 келі.
Бұған дейін қазақ күресінен халықаралық дәрежедегі спорт шебері атанған.
Оған 25 миллион теңге ақшалай сыйлық, алтын белбеу және алтыннан құйылған «тайтұяқ» берілді.
Ал екінші орын иегері Нұрдәулет Жарылғаповқа 5,5 миллион теңге мен күміс белбеуге қол жеткізді.
Турнир барысында қола жүлдеге жамбылдық Ғалымжан Қырықбаев қол созып, 1,8 миллион теңге мен қола белбеуге ие болды.
<img src="https://kyzylorda-news.kz/wp-content/uploads/2022/08/298092008_3274167039569120_2566509729615975371_n.jpg" alt="" />
<img src="https://kyzylorda-news.kz/wp-content/uploads/2022/08/297993431_3274167229569101_6784434036335305244_n.jpg" alt="" />

«Арай-Sunrise» лагерінде жеңімпаздармен кездесу өтті

<a href="https://kyzylorda-news.kz/ru/">Kyzylorda-news.kz</a>. Жыл басынан бері 11 763 алаяқтық жасау оқиғасы тіркелді, деп хабарлайды <a href="https://www.inform.kz/kz/internet-alayaktar-el-turgyndaryna-7-mlrd-tenge-shygyn-keltirildi_a3964116">ҚазАқпарат</a>.
ҚР Ішкі істер министрлігінің өкілі Шұғыла Тұрлыбектің айтуынша, интернет-алаяқтыққа қарсы бірлескен жұмысты талқылау үшін министрліте арнайы отырыс өтті.
<blockquote>
 «Жиынға Қазақстан Республикасының Цифрлық даму, инновациялар және аэроғарыш өнеркәсібі министрлігінің өкілдері қатысты. Сондай-ақ байланыс операторларының басшылары мен жауапты мамандары кездесуге онлайн режимде қосылды. Кеңесте соңғы алты жылда интернет-алаяқтық фактілерінің саны айтарлықтай артқаны атап өтілді», – деді Ш. Тұрлыбек ведомствоның онлайн брифингісінде.
</blockquote>
Егер 2016 жылы осындай мың қылмыс тіркелсе, 2021 жылы алаяқтық саны 21 мыңға дейін өскен. Жыл басынан бері 11 763 оқиға тіркеліп, алаяқтардың кесірінен 7 млрд теңге шығын келтірілді. 571 қылмыскер, 17 ұйымдасқан қылмыстық топ ұсталды.
<blockquote>
 «Бұған дейін министрліктің бастамасы бойынша онлайн-қарыз алу кезінде клиенттерді сәйкестендірудің банктік рәсімдері қатаңдатылды. Қазіргі кезде алаяқтар абоненттік нөмірлерді ауыстыру бойынша сервистерді, телефондарға қашықтан қол жеткізу үшін арнайы қосымшаларды пайдаланады. Сондай-ақ олардың арасында шетелден әрекет ететіндер де бар. Жалпы, ауыстыру нөмірлерін бұғаттау жүйесі телефондық алаяқтық фактілерін азайтуы керек. Бүгінде оны қазақстандық байланыс операторлары белсенді түрде интеграциялап жатыр», – деді Ш. Тұрлыбек.
</blockquote>
Бұдан бұрын хабарланғандай, бір апта ішінде елімізде 3 397 қылмыс тіркелді. Оның 1 986-ы тәулік ішінде ашылды.

Интернет-алаяқтар ел тұрғындарына 7 млрд теңге шығын келтірді

<a href="https://kyzylorda-news.kz/ru/">Kyzylorda-news.kz</a>. 2022 жылға жоспарланған «Neo Nomad 2022» республикалық акциясы шеңберінде Қармақшы ауданы Қорқыт ата мемориалдық кешенінде «фотоспот» фотоалаңы орнатылды.
Жоспарға сәйкес фотоспот фотоалаңдарын орнатуға еліміздің 20 көрнекті аймақтары таңдалған. Акция шартына сәйкес туристер барлық фотоспоттар жанында суретке түсіп әлеуметтік желілерде #NeoNomad2022 хэштегімен жүктеуі қажет.
Шартты орындаған туристер «NEO Nomad 2022» атағымен марапатталып, бағалы сыйлықтарға ие болуға мүмкіндігі бар.
Бүгінде, фотоспот Нұр-Сұлтан қаласындағы «Байтерек» монументі және Қызылорда облысындағы Қорқыт ата мемориалдық кешені жандарынан орнатылды.
<blockquote>
 «Туристерге арналған жаңа жоба «Neo Nomad 2022» (заманауи көшпенді) деп аталады. Турист бір жылдың ішінде еліміздің 20 аймағына барып, арнайы қойылған жиектеменің (рамка) алдында суретке түсуі тиіс. Солайша 20 фотосурет жинаған туристке «Заманауи көшпенді» мәртебесі мен естелік сыйлық табыс етіледі. Тағы бір талап фотосуреттерді Facebook, Instagram әлеуметтік желілеріне арнайы #NeoNomad2022 хэштегімен жариялау қажет. Бүгін арнайы фото алаң Нұр-Сұлтан қаласында алғаш ашылып отыр. Алдағы уақытта барлық 20 өңірде болады», – деді Мәдениет және спорт вице-министрі Ержан Еркінбаев.
</blockquote>
Қазақстан бойынша локациялар тізімі:
1. Нұр-Сұлтан қаласы – «Бәйтерек» монументі;
2. Алматы қаласы- «Шымбұлақ» тау курорты;
3. Ақмола облысы – Зеренді көлі;
4. Ақтөбе облысы – Ақтолағай үстірті;
5. Алматы облысы – Таңбалы петроглифтері;
6. Атырау облысы – Сарайшық қалашығы;
7. Батыс Қазақстан облысы – Көпестер үйі (Орал қаласы);
8. Жамбыл облысы – Айша бибі кесенесі;
9. Қарағанды облысы – Қарқаралы МҰТП;
10. Қостанай облысы – Науырзым қорығы;
11. Қызылорда облысы – «Қорқыт Ата» мемориалдық кешені;
12. Маңғыстау облысы – «Көгілдір шығанақ»;
13. Түркістан облысы – Сауран қалашығы;
14. Павлодар облысы – «Кемпіртас» жартасы «Баянауыл» МҰТП;
15. Солтүстік Қазақстан облысы – Имантау көлі;
16. Шығыс Қазақстан облысы – «Берел» мұражай-қорығы;
17. Шымкент қаласы – «Цитадель» тарихи кешені;
18. Абай облысы – Абайдың «Жидебай-Бөрілі» тарихи-мәдени кешені;
19. Жетісу облысы – Жасылкөл көлі;
20. Ұлытау облысы – «Жошы Хан» тарихи-мәдени орталығы.

Neo Nomad 20 акциясы Сыр өңірінде жалғасын тапты

<a href="https://kyzylorda-news.kz/">Kyzylorda-news.kz.</a> Стратегиялық жоспарлау және реформалар агенттігінің Ұлттық статистика бюросы шілдеде тұрғын үй нарығында баға қалай өзгергенін жариялады, деп хабарлайды&nbsp;<a href="https://stan.kz/">Stan.kz</a>.
<blockquote>
 «Бір жылда (2022 және 2021 жылғы шілдені салыстырғанда) қолданыстағы пәтерлерді қайта сату бағасы – 26,4 пайызға, жаңа тұрғын үйлерді сату бағасы 19,6 пайызға өскен.&nbsp;Тұрғын үйді жалға алу төлемі былтырғымен салыстырғанда 2022 жылғы шілдеде 20,8 пайызға артты», – делінген хабарламада.
</blockquote>
Өңірлер бойынша жаңа салынған тұрғын үйлер нарығындағы баспана бір жылда:
<ul>
<li>Ақтөбе қаласында – 32,5 пайызға;</li>
<li>Нұр-Сұлтанда – 27,6 пайызға;</li>
<li>Өскеменде 26,1 пайызға қымбаттады.&nbsp;</li>
</ul>
Қолданыстағы үйлерді қайта сату нарығында: &nbsp;
<ul>
<li>Қызылорда 44 пайыз),</li>
<li>Өскемен (43,7 пайыз),</li>
<li>Талдықорған (43,4 пайыз)</li>
<li>Нұр-Сұлтан (41,3 пайыз) қалалары көш бастап тұр.&nbsp;</li>
</ul>
Тұрғын үйді жалға алу нарығында Алматы қаласындағы баға 47,2 пайызға өскен.&nbsp;
<blockquote>
 «Бір айдың ішінде (2022 жылғы шілде мен маусымды салыстырғанда) пәтерлерді қайта сату бағалары – 0,8 пайызға, жаңа тұрғын үйді сату 0,5 пайызға өсті. Абаттандырылған тұрғын үйді жалға алу төлемі алдыңғы аймен салыстырғанда шілдеде 0,4 пайызға жоғарылады», – делінген хабарламада.
</blockquote>

Қызылордада бір жылда тұрғын үй бағасы 44 пайызға өскен

<a href="https://kyzylorda-news.kz/">Kyzylorda-news.kz.</a> Солтүстік антициклонның сілемі, республиканың батыс жартысына әсер етеді, алдағы тәулікте мұнда негізінен құрғақ әрі шуақты ауа райы болады.
Елдің солтүстік, орталық, шығыс, оңтүстік бөлігіне, оңтүстік циклон қуыстары мен атмосфералық фронттар әсер етеді, бұл өз кезегінде жауын-шашынның түсуіне ықпал етеді. Елдің солтүстігінде, шығысында, орталығында қатты жаңбыр болжанады. Күн күркірейді, бұршақ жаууы және қатты жел болуы мүмкін.
Ауа температурасының негізгі аясы: күндіз батыста +30 +38°С, солтүстік-батыста +27 +35°С, солтүстікте +18 +25°С, орталықта +17 +28°С, шығыста +18 +30°С, оңтүстікте, оңтүстік-шығыста +23 +33°С шегінде, таулы аудандарда 13 +20°С.

Алдағы үш күнге арналған ауа райы болжамы

<a href="https://kyzylorda-news.kz/">Kyzylorda-news.kz.</a> Қазгидромет тамыз айына арналған құрғақшылықтың соңғы болжамын шығарды.
Нақты агрометеорологиялық жағдайлар мен ұзақ мерзімді ауа райы болжамын ескере отырып, 2022 жылғы тамызға арналған құрғақшылық болжамы түзетіліп, нақтыланды.
Қызылорда облысының Қармақшы және Маңғыстау облысының Қарақия аудандарында бұрынғыша құрғақшылық болжанып отыр.
Ақтөбе облысының Әйтеке би және Хромтау аудандарында, Қарағанды облысының Нұра ауданында, Шығыс Қазақстан облысының Зайсан ауданында және Қостанай облысының Арқалық қаласы ауданында жауын-шашын тапшылығы күтілуде.
Ақтөбе облысының Мәртөк және Қобда аудандарында, Атырау облысының Қызылқоға ауданында, Батыс Қазақстан облысының Сырым және Ақжайық аудандарында, Солтүстік Қазақстан облысының Тимирязев ауданында және Ақмола облысының Ерейментау ауданында ылғалданудың оңтайлы жағдайлары болжануда.
Ал Солтүстік Қазақстан облысының Мүсірепов ауданында және Степногорск мен Ақтөбе маңында есептеулер бойынша өте ылғалды болады.
Республиканың қалған аумағында ылғалдандыру шарттары, негізінен нормаға жақын болады деп күтілуде.

Қай өңірлерде құрғақшылық болады?

<a href="https://kyzylorda-news.kz/">Kyzylorda-news.kz.</a>&nbsp;Қазақстанда 2061 адам коронавирус инфекциясынан жазылып шықты, деп хабарлайды COVID-19 таралуына жол бермеу жөніндегі ВАК баспасөз қызметі.
Олар:
Нұр-Сұлтан қаласында – 1015,
Алматы қаласында – 336,
Шымкент қаласында – 0,
Ақмола облысында – 0,
Ақтөбе облысында – 0,
Алматы облысында – 134,
Жетісу облысында – 52,
Атырау облысында – 0,
Шығыс Қазақстан облысында – 26,
Абай облысында – 27,
Батыс Қазақстан облысында – 6,
Қарағанды облысында – 327,
Ұлытау облысында – 25,
Қызылорда облысында – 54,
Маңғыстау облысында – 38,
Павлодар облысында – 2,
Түркістан облысында – 19 адам.
Елімізде барлығы 1 327 732 адам COVID-19-дан емделіп, сауығып шықты.

Қазақстан және Қызылорда облысының жаңалықтары