<a href="https://kyzylorda-news.kz/">Kyzylorda-news.kz.</a> Бүгінгі күні «Көлеңкелі» экономиканың көлемін төмендету – ел алдында тұрған басты міндеттердің бірі. Бюджет есебінен сытылып, әлдекімнің қалтасына түсіп жатқан жасырын табыстарды анықтау, оны мемлекет қоржынына түсіру, соның &nbsp;негізінде жемқорлықтың жолын кесіп, ашық қоғамға қадам басу маңызды мәселе болып отыр. Бұл тұрғыда Президент Қасым-Жомарт Тоқаевта 2021 жылдан бастап көлеңкелі экономика деңгейін Экономикалық ынтымақтастық және даму ұйымы елдері деңгейіне, яғни 15-17 пайызға төмендетуге тапсырма берген болатын.Осы ретте Қызылорда облысы бойынша экономикалық тергеп-тексеру департаментімен тергелген жалған мәміле жасап, қаражатты криминалды қолма-қолға айналдыруға қатысты қылмыстық іске сот жаза тағайындады. Бұл туралы Қызылорда облысы бойынша экономикалық тергеп-тексеру департаментінің баспасөз қызметі мәлімдеді.Оның бірі Қызылорда қаласының тұрғыны Шыңғыс Ақболат 2018 жылы 3 бірдей жауапкершілігі шектеулі серіктестігін құрып, 2018-2020 жылдар аралығында бірнеше кәсіпкерлік тұлғаларымен заңсыз мәмілелер жасап, нақты орындалмаған жұмыстар үшін жалған шот-фактуралар жазумен айналысқан. Сонымен қатар әртүрлі қызмет көрсететін фирмаларды осындай әрекетке тартқан кәсіпкер әр мәміле бойынша қолма-қолға айналдырылған сомадан 5-6 пайыз мөлшерінде сыйақы алып отырған. Қызылорда облысы бойынша мемлекеттік кірістер департаменті мамандары ұсынған мәлімет бойынша Шыңғыс Ақболаттың басқаруындағы «СТЛ Лимитед», «НурТоргСтрой LTD» және «Кемеңгер» &nbsp;фирмаларының 2018-2020 жылдардағы контрагенттермен өзара есеп сомасы 1 млрд. 815 млн58 мың теңгені құраған. Төленбеген салық түрінде бюджетке келтірілген залал 207 млн 317 мың теңгені құрап отыр.&nbsp;Аталған &nbsp;іс бойынша тағайындалған бірнеше сот-қаржылық және сот-бюджеттік сараптамалар мамандардың бұл қорытындысын растады. Сонымен қатар, сотталушының кінәсі тінту хаттамаларымен, ашық және жасырын жүргізілген тергеу әрекеттерімен, іске тіркелген құжаттармен толық дәлелденді. Осы орайда &nbsp;Қызылорда қалалық №2 сотының үкімімен, Ақболат Шыңғыс ҚР ҚК-нің 216-бабы 2-бөлігі 1) тармағымен &nbsp;кінәлі деп танылып, оған 2 (екі) жыл мерзімге бас бостандығынан айыру &nbsp;жазасы тағайындалды . Десе де, ҚР-ның «Қазақстан Республикасы Тәуелсіздігінің 30 жылдығына байланысты рақымшылық жасау туралы» Заңының 2 бабы 1 тармағы 2 тармақшасына сәйкес, Ақболат Шыңғыс бас бостандығынан айрылу қылмыстық жазасынан босатылды.&nbsp;Дәл осындай қылмыстық іс азамат Мұрат Бекмағанбетовтің үстінен де қозғалды. Ол «МКА Плюс» ЖШС-не басшылық ете отырып, 2019-2020 жылдары бірнеше серіктестік басшыларымен келісімге келу арқылы, олардың талап еткен сомасына әртүрлі тауарларды сатып, қызмет көрсетіп, есеп айырысқаны жөнінде жалған шот-фактуралар мен оған тиісті құжаттарын жасап беріп, шот-фактураларда көрсетілген сомалардан түрлі мөлшерде сыйақы алып отырған. Алайда, «МКА Плюс» ЖШС-ның аталған қызметті көрсету үшін қандай да бір жұмыскерлер штаты, мүлкі, қойма орындары мен өндірістік-техникалық базалары болмаған. Алты &nbsp;серіктестік жалпы сомасы 233 млн 809 мың теңгенің жалған шот-фактураларын сатып алған. &nbsp;Қызылорда облысы бойынша мемлекеттік кірістер департаменті мамандарының есебіне және сот-сараптама қорытындысына сәйкес бюджетке барлығы 73 млн 367 мың теңге салық төленбеген. Сот шешімімен Мұрат Бекмағанбетовке ҚР Қылмыстық кодексінің 216-бабы 1-бөлігімен бір жыл алты ай мерзімге бас бостандығын шектеу жазасы тағайындалып, ҚР ҚК-нің 44-бабы, 1-бөлігінің тәртібімен барлық мерзімге пробациялық бақылау белгіленді.&nbsp;Фото <a href="https://matritca.kz/petropavl-akimdiginin-qyzmetkeri-jalgan-biznes-jobalardy-rasimdeumen-ainalysqan/">matritca.kz</a>

Қызылордалық жалған бизнес үшін жазаға тартылды

<a href="https://kyzylorda-news.kz/">Kyzylorda-news.kz.</a> Қызылорда облыстық неміс этномәдени бірлестігінің белсендісі Мария Семеникина 16 желтоқсан - Тәуелсіздік күніне орай сырбойылықтарға мерекелік лебізін білдірді.&nbsp;<blockquote>«Ел болып қалыптасу жолында тұғырымызға қонған Тәуелсіздік күнінің маңызы айрықша. Өркениет көшіне ілесуде қазақстандық әр азаматтың үлесі мен еңбегі ұшан-теңіз. Тарих парақтарында айтылған бабалар арманы мен аманатына бүгінгі қоғам өкілдері ұлы көзқараспен қарау керек. Еліміздің тыныштығы мен бейбітшілігін күзетіп, ынтымағы мен ырысын жарастырып отырған халқымның бірлігі бекем болсын. Аңсаған арманнан баянды баққа жалғасқан егемендік байрағы бейбіт аспанда ғана желбіреп, абырой төрінен, еңселі ел биігінен көрінуге тілектеспін», - дейді Мария Семеникина.&nbsp;</blockquote>Бірлестік белсендісі өз сөзінде елдің келешегі жастардың қолында екенін айтып, мемлекетіміздің дамуы жолында олардың аянбай еңбек етіп жатқанын тілге тиек етті.<blockquote>«Бүгінде ел жастары мемлекеттің даму жолында білімдерін шыңдап, біліктіліктерін арттыруда. Еліміздің болашақ қадамдарына, тұрақты дамуы мен кемел өркендеуіне сәттілік тілеймін. Ұлы мерекемен баршаңызды құттықтаймын», - деді Мария Семеникина.</blockquote><figure class="image image_resized" style="width:75%;"><img src="https://knadmin.beoblood.kz/uploads/Mariya_3c6ee60921.jpg" alt="Мария.jpg"></figure>

Мария Семеникина: Тәуелсіздік күнінің маңызы айрықша

<a href="https://kyzylorda-news.kz/">Kyzylorda-news.kz.</a> №3 Қызылорда қалалық емханасының алдын-алу және әлеуметтік-психологиялық көмек көрсету бөлімі қызметкерлері арасында «Медициналық этика және деонтология» тақырыбында семинар өтті.Дәрігер үшін де, орта буын медицина қызметкерлері үшін де ең басты қағида - адамгершілікті, ілтипатты мейірімділікті сақтай білу. Дәрігер мен орта буын медицина қызыметкерлерінің адам баласының денсаулығының сақшысы екенін қас қағым сәтке де ұмытуға қақылары жоқ. Ішкі мәдениеті үйлескен дәрігер мен медбикелер ғана сырқат жүрегіне жол тауып, адам жанының арашасы бола алады. Тән жарасы мен жан жарасының шипагері бола білген адам ғана нағыз дәрігер, мейірбике деген атқа лайық бола алады.Ол үшін әрбір дәрігердің, әрбір мейірбикенің көп ізденулері, білімі мен мәдениетін көтерулері қажет. Этика адамдар мен адамдардың арасындағы адамгершілікке толы қарым-қатынастардың озық үлгілерін, жақсы дәстүрлерін оқытатын қағидалар жиынтығы. Халқымыз ежелден адамгершілік, инабаттылық, сыйластық сияқты асыл қасиеттерді өз бойына сіңіріп және ардақтап келеді. Адам өмірге келгеннен кейін өзара сыйласу - баршаға ортақ қасиет. Тіршілік иелерінің ішінде адам санасымен ерекшеленеді.Медициналық этика - медициналық қызметкерлердің жұмысындағы гуманизм көрінісі, дентологияның теориялық негізі болып саналады. Медициналық дентология дегеніміз - медицина қызметкерінің адам баласы алдындағы, қоғам алдындағы атқаруға тиіс кәсіптік парызы мен өтеуге тиіс борышын оқытатын ілім. Семинарда осы тақырып тілге тиек болды. Медициналық этика және деонтология қағидаларын қатаң сақтау қажеттігі туралы жан-жақты айтылды.<figure class="image"><img src="https://knadmin.beoblood.kz/uploads/319902687_3365301417052256_5208049811064769439_n_e6d9c52426.jpg" alt="319902687_3365301417052256_5208049811064769439_n.jpg"></figure>

Медициналық этика - медициналық қызметкерлердің жұмысындағы гуманизм көрінісі

<a href="https://kyzylorda-news.kz/">Kyzylorda-news.kz.</a>&nbsp; Қызылорда облыстық тарихи - өлкетану мұражайында 16 желтоқсан – Қазақстан Республикасының Тәуелсіздік күні қарсаңында қалалық №268 орта мектебінің жоғары сынып оқушылары қатысқан ерлік сабағы ұйымдастырылды.Ерлік сабағына Қызылорда облыстық қорғаныс істері жөніндегі департаменті бастығының орынбасары подполковник Алмат Жақыпов, "Қарулы Күштерінің ардагерлері" Республикалық қоғамдық бірлестігінің Қызылорда облыстық филиалының төрағасы Мыңділда Ршауов, «Жас сарбаз» жасөспірімдер әскери-патриоттық қозғалысы Республикалық қоғамдық бірлестігінің Қызылорда облыстық филиалы төрағасының орынбасары Абзал Жақашов және мектеп пен мұражай өкілдері қатысты.Іс-шараның басты мақсаты болашақ Отан қорғаушылардың әскери-патриоттық рухы мен өткен тарихқа деген құрметін қалыптастыру, Отан алдындағы борышын өтеуге шақыру және азаматтарымызды мұражайдағы бай тарихи жәдігерлермен таныстыру болды.Ерлік сабағының тарихи - өлкетану мұражайында өтуінің де өзіндік мәні бар. Өткенді білмей болашаққа көз жүгірту мүмкін емес. Мұражай - өткеннің ізін жаңғыртып, тарихтан сыр шертетін негізгі құрал. Ел тарихын, мәдениетін білу – әрбір азаматтың міндеті. Сол себепті ел егемендігі жолындағы аға-әпкелеріміздің ерлігі жастар жадында мәңгі жаңғырып тұруы қажет.Ерлікке бағдар болар сабақ барысында қонақтар Қарулы күштердің 30 жылдық тарихына, қазақ әскерінің қазіргі уақыттағы жетістіктеріне, ұлтжандылық тақырыптары мен патриоттық тәрбие беруде жүргізіліп жатқан кешенді жұмыстарға тоқталды. Жастарға үлкен үміт пен жауапкершілік жүктелетінін жеткізді. «Айбын» республикалық әскери - патриоттық жастар жиынынан үзінді бейнероликтер көрсетіп, мектеп оқушыларының әскери өмір жайлы барлық сұрақтарына жауап берді.<blockquote>«Тарихи - өлкетану мұражайындағы жоғары сынып оқушыларымен өткен ерлік сабағы барысында болашағын әскермен байланыстырғысы келетін жастардың барын байқадық. Жастарымызға күш-жігер, қайрат беретін, әрбір азаматтың Отан алдындағы міндеттері талқыға түсетін осы сынды іс-шаралар Тәуелсіз еліміздің болашағы үшін аса қажет», – дейді запастағы подполковник Мыңділда Ршауов.</blockquote>Аталмыш іс-шара соңында №268 орта мектебі қызметкерлері, мұражай ұжымы және жоғары сынып оқушылары ардагерлер мен әскери қызметшілерге осындай жастарға патриоттық тәрбие беру жолындағы еңбектеріне алғысын білдіріп, алдағы уақытта да осы сынды ауқымды шараларды бірлесе ұйымдастыруға шақырды.<figure class="image"><img src="https://knadmin.beoblood.kz/uploads/317841967_1205891790309992_3158628358806719885_n_4d27d90c32.jpg" alt="317841967_1205891790309992_3158628358806719885_n.jpg"></figure>&nbsp;<figure class="image"><img src="https://knadmin.beoblood.kz/uploads/318475602_456531983333959_6920533035174501400_n_a299510efc.jpg" alt="318475602_456531983333959_6920533035174501400_n.jpg"></figure>

Мұражайда «Ер – елінің қорғаны» атты ерлік сабағы өтті

Кредиттік тарих және кредиттік рейтинг: кредиторлар сізді қалай бағалайды?

<a href="https://kyzylorda-news.kz/">Kyzylorda-news.kz.</a> Қызылорда қаласындағы Евразия спорт кешенінде дзюдодан 2006-2007 жылдары туылған ұлдар, қыздар арасында Қазақстан Республикасының мемлекет және қоғам қайраткері Ілияс Қабыловты еске алуға арналған республикалық ашық турнирдің ашылу салтанаты болып өтті.Жарысты облыстық дзюдо федерациясының президенті Садық Мұстафаев ашып, мемлекет және қоғам қайраткері Ілияс Қабылов жайында қысқаша баяндады. Сонымен бірге ол дәстүрлі түрде өткізіліп келетін турнирдың маңыздылығына тоқтала кетті. Жарысқа қатысушылардың барлығына сәттілік тілеп, алыс-жақын өңірлерден келген жас спортшыларға ризашылығын білдірді.Турнирге облыстық дзюдо федерациясының мүшелері, өңірімізде талай чемпион тәрбиелеп жүрген білікті бапкерлер мен спорт ардагерлері қатысты. Сондай-ақ, дүбірлі додада еліміздің 11 облысынан 32 команда, 350-ге жуық палуан ұл, қыздарымыз өз бақтарын сынамақ. Жарыс екі күн жалғасады.&nbsp;Айта кетейік, Ілияс Қабылов (1904 жылғы 18 қазан, Жалағаш ауданы, Мәдениет ауылы – 1938 жылғы 26 ақпан, Алматы) – мемлекет және қоғам қайраткері. Қазақ АКСР-і Кеңестерінің 9-съезіне қатынасып, Атқару комитетінің мүшелігіне сайланған. Көрнекті публицист, әдеби сыншы, философ ретінде «Еңбекші қазақ», «Советская степь», «Казахстанская правда» газеттерінде мақалалар жариялаған. 1937 жылы жалған жаламен айыпталып қамалған. Кейін, ату жазасына кесілген. 1998 жылы 15 мамырда толық ақталды. &nbsp;<img src="https://knadmin.beoblood.kz/uploads/4_78ff9dd6ab.jpg" alt="4.jpg">

Ілияс Қабыловты еске алуға арналған дзюдодан республикалық турнир өтуде

<a href="https://kyzylorda-news.kz/">Kyzylorda-news.kz.</a> Әбділда Тәжібаев атындағы Қызылорда облыстық әмбебап-ғылыми кітапханасының қоры Ахмет Байтұрсынұлының 150 жылдық мерейтойына орай жарық көрген он екі томдық шығармалар жинағымен толықты.<blockquote>«Құрметті оқырмандар! Ә.Тәжібаев атындағы облыстық әмбебап-ғылыми кітапханасының қоры әдебиеттанушы ғалым, ағартушы ұстаз Ахмет Байтұрсынұлының 150 жылдық мерейтойына орай жарық көрген он екі томдық шығармалар жинағымен толықты.&nbsp;Ахмет Байтұрсынұлының 12 томдық шығармалар жинағына бұрын-соңды жарық көрмеген қазақ, орыс тілдеріндегі шығармалары енген. Бұл еңбектің бір ерекшелігі - кітапта төте жазумен қатар оның кирилл әрпіндегі нұсқасы қатар берілген. Бір ғасыр бұрын қалай жазылса, дәл солай берілген», - делінген ақпаратта.</blockquote>Жинақтың бірінші кітабына «Қырық мысал» жинағының әр жылдардағы басылымының алғашқы 1909 жылғы нұсқасының мәтіні бүгінгі жазуға қаз-қалпында қопарылып берілген. 1913, 1922 жылғы нұсқаларының мәтіні 1989 жылдан кейін жиі жарияланғандықтан, салыстыру мақсатында мұқабалары мен мазмұны ғана енгізілген. Жинақтың екінші бөліміне ағартушының 1895-1912 жылдардағы қазақ, орыс тілінде жарық көрген мақалалары топтастырылып, факсимилелеріның бірінші беттері берілген.Екінші томына «Маса» жинағының 1922 жылғы нұсқаның мәтіні бүгінгі жазуға сол қалпында қопарылып берілген. 1911,1914 жылғы нұсқалары табылмады. Жинақтың екінші бөліміне ағартушының орыс, қазақ тілінде жарық көрген мақалалары хронологиялық тәртіппен топтастырылған. 1912-1913 жылдар аралығындағы мақалаларының кейбірінің факсимилелері берілген.Ахмет Байтұрсынұлы – қазақ балаларының ана тілінде сауат алуына арналған алғашқы әліппелер мен қазақ тілі грамматикасын танытатын тұңғыш оқулықтарының авторы, қазақ баспасөзінің негізін қалаушы.&nbsp;Жинақтың үшінші томына «Оқу құралы: қазақша әліппесі» (1912), «Әліп-би» (1926) атты оқулықтары және осы оқулықтардың кейінгі басылымдарының факсимилесі берілген.Төртінші томына «Тіл – құрал» жинағының бірінші, екінші, үшінші жылдық кітаптары топтастырылып, факсимилелері берілген. Жинақтың екінші бөліміне ағартушының орыс, қазақ тілінде жарық көрген мақалалары хронологиялық тәртіппен топтастырылды. 1913-1914 жылдар аралығындағы мақалаларының кейбірінің телнұсқалары берілген.Жинақтыңбесінші томына «Оқу құралы: қазақша алфбаға байаншы» (1921), «Сауат ашқыш» (1926) және осы оқулықтардың кейінгі басылымдарының факсимилесі қосымшада берілді. «Шура» журналы, «Қазақ» газетінің 1914-1915 жылдарғы оқу-ағарту мәселелері көтерген түрлі тақырыптағы мақалалары топтастырылған.Жинақтың алтыншы кітабына «Шаруалық өзгеріс» қолжазбасы, «МОПР һәм Күншығыс елдерінің еңбекшілері», «Соғыс қаупі және мен жұмыскер табының міндеті» атты аудармалары алғашқы рет ұсынылған. Және 1916 жылдары түрлі тақырыпты қамтыған мақалалары енді.&nbsp;Жетінші томына қазақтың «Ер Сайын» атты еңбегінің 1923 жылғы нұсқасының мәтіні бүгінгі жазуға қаз-қалпында қопарылып, факсимилесі оң қапталына берілді. Сонымен бірге, 1924 жылғы «Қазақ білімпаздарының тұңғыш сиезі» және алуан тақырыпты көтерген мақалалары топтастырылған.Кітаптың сегізінші томына қазақтың 400 жылдық тарихы қамтылған «23 жоқтау» атты еңбегінің 1926 жылғы нұсқасының мәтіні бүгінгі жазуға қаз-қалпында қопарылып, факсимилесі оң қапталына берілді. Және 1915-1918 жылдардағы алуан тақырыпты көтерген мақалалары топтастырылған.Тоғызыншы томына ұлттық әдебиеттанудың тұғыры, қазақ әдебиетінің алтын ғасыры болып табылатын «Әдебиет танытқыш» атты зерттеуінің 1926 жылғы нұсқасының мәтіні бүгінгі жазуға қаз-қалпында қопарылып, факсимилесі оң қапталына берілді.Жинақтың оныншы томына шәкірті Телжан Шонанұлымен бірге 1927 жылы жариялаған «Оқу құралы» атты кітабының мәтіні берілген. Хрестоматиялық еңбек бастауыш мектеп оқушыларына қазақ тарихы, әдебиеті мен қазақ тілі, жағырапия, шаруа-кәсіп, жаратылыстару және т.б. ғылым салалары бойынша мағлұматтар береді.Он бірінші томына шәкірті Т.Шонанұлымен бірге 1927 жылы жариялаған «Оқу құралы» атты кітабының екінші жартысының мәтіні берілген. Кітапқа 119 тақырып (оның 14-і өлең) топтастырылды.Жинақтың он екінші кітабына «Тіл – жұмсар» атты әдістемелік құралының 1,2-кітаптарының мәтіні бүгінгі жазуға қаз-қалпында қопарылып, факсимилесі оң қапталына берілді. Сонымен бірге, «Әліпбе айтысы» атты (1927) жинаққа енген «Араб әліп-биін жақтаған байандамасы» және 1923-1929 жылдардағы алуан тақырыпты көтерген қазақ, орыс тіліндегі мақалалары, мұрағаттық деректер топтастырылған.

Ахмет Байтұрсынұлының 150 жылдығы: Кітапхана 12 томдық шығармалар жинағымен толықты

<a href="https://kyzylorda-news.kz/">Kyzylorda-news.kz.</a> Облыс орталығында қоғамдық көлік паркін жаңарту, халық сұранысын ескеру мақсатында биыл 150 дана автобус алуға қаржы бөлінді. Бүгінде оның 100-і айналымға қосылса, қалғаны кезең-кезеңімен автобус паркіне қосылады. Қоғамдық көлікке деген қажеттілікті өтеу үшін келер жылы қосымша тағы 150 автобус сатып алынбақ.Бұл туралы облыс әкімі Нұрлыбек Нәлібаев облыстық мәслихатының кезекті XХІІ сессиясында баяндады.Жиынға облыстық мәслихат депутаттары, басқарма басшылары, қала және аудан әкімдері қатысты.Сессияның күн тәртібінде 14 мәселе қаралды. Облыстық экономика және қаржы басқармасының басшысы Нұрғали Қордабай облыс бюджетінің 3 жылдық жоспарын таныстырды.Депутаттардың алдында сөз сөйлеген аймақ басшысы биылғы 11 ай ішінде әлеуметтік-экономикалық даму көрсеткіштерінде оң өсім қалыптасқанын жеткізді.<blockquote>«Өңірдің макроэкономикалық көрсеткіштерінде өсім қалыптасты. Өңдеу өнеркәсібінің өнімі 8,5, ауыл шаруашылығының жалпы өнімі 0,3 пайызға, инвестициялар тарту 31,3 пайызға, пайдалануға берілген тұрғын үйлер көлемі 6,4 пайызға, құрылыс жұмыстарының көлемі 21,1 пайызға және жалпы сауда айналымы көлемі 2,3 пайызға артты.Индустрияландыруды дамыту аясында өңірде жалпы құны 613,1 млрд. теңгені құрайтын 37 жоба бойынша жұмыстар жүргізілуде. Бұл 6,8 мың адамды жұмыспен қамтуға мүмкіндік береді. Биыл облыста 28 мыңнан аса жаңа жұмыс орны құрылды, оның ішінде 13,6 мыңы тұрақты. Мемлекет Басшысының әрбір 10 мың тұрғынға 100 жұмыс орнын құру жөніндегі тапсырмасы 11 ай қорытындысымен екі еседен артық орындалды.Тұрғын үйді пайдалануға беру көлемі 6,4 пайызға өсті, алдағы үш жылда 2 млн. шаршы метрден астам тұрғын үйді іске қосуды жоспарлаудамыз. Келесі аптада Қызылорда қаласының сол жағалауынан үйлері апатты деп танылған 60 отбасыға пәтер кілті табысталады», - деді облыс әкімі.</blockquote>Аймақ басшысы қазіргі таңда Қызылорда облысының газдандыру деңгейі 67,8%-ды құраса, келесі жылы 15 газдандыру жобасын іске асыру арқылы облыс халқын газбен қамтамасыз ету үлесі 72 пайызға жеткізілетінін мәлімдеді.Нұрлыбек Нәлібаев облыс орталығындағы негізгі мәселесі – қоғамдық көлік жетіспеушілігін оңтайлы шешімін тапқанын тілге тиек етіп, алдағы уақытта «Қызылорда автобус паркі» тағы да жаңа автобустармен толықтырылатынын жеткізді.<blockquote>«Биыл Қызылорда автобус паркіне «Өнеркәсіпті дамыту қоры» арқылы жаңадан лизингке 150 дана автобус алуға 1 млрд. 430 млн. теңге қаржы бөлінді. Соның аясында 100 жаңа автобус маршруттық бағытқа қосылды. Қалғаны келер жылдың басында жеткізіледі.Әрине, бұл қажеттілікті толығымен өтемейді. Әсіресе, қазіргі қыс мезгілінде тұрғындар тарапынан қоғамдық көліктерге сұраныс артуда. Өйткені, жеке қоғамдық көлік иелері өз міндеттеріне немқұрайлық танытады. Таңертең ерте шықпауы, кешқұрым ерте тоқтауы, қызмет көрсету сапасының төмендігі қоғам тарапынан жиі сынға ұшырауда. Сондықтан, осы мәселені түбегейлі шешу үшін Өздеріңіздің қолдауларыңызбен келер жылы 1 млрд. 434 млн. теңгеге қосымша тағы 150 автобус алуға қаржы бағытталуда», - деді облыс әкімі Нұрлыбек Машбекұлы.</blockquote>Аймақ басшысы мәслихат депутаттарына алдағы 3 жылғы аймақ бюджетін ұлғайып, облыстық бюджеттің көлемін 505 млрд. теңге көлемінде бекітуді ұсынды.Айта кету керек, келер жылы бюджет қаражатын үйлестіруде ауылдар мен елді-мекендердің әлеуетін арттыруға басымдық беріледі. Аймақ бюджетін бекіту барысында қала және аудандарға қосымша 15 млрд. теңге бағытталмақ. Бұл қаржы халықтың бірінші кезектегі қажеттіліктерін қанағаттандыратын жобаларға, яғни, инженерлік инфрақұрылымдарға, әлеуметтік нысандар құрылысына жұмсалатын болады.<blockquote>«Мемлекет Басшысы ауылдық аумақтарды дамыту мәселесіне баса назар аударып, ауылды өркендетуге жаңа бағыттардың қажеттілігін айтқан болатын.Облыс халқының 55%-ы дәстүрлі түрде ауылдық жерлерде тұратынын ескерсек, ауылдың кешенді дамуы біздің басымдығымызда.Ұлттық экономика министрлігімен «Ауылдық аумақтарды дамыту» Тұжырымдамасы әзірленіп, оның аясында облыстың 103 тіректі және спутникті елді мекенді қамту көзделуде.Алдағы уақытта бұл жобаларды өздеріңізбен бірлесіп, жүзеге асыратын боламыз»,-деді Нұрлыбек Нәлібаев.</blockquote>Сессияда аймақ басшысы бюджет көлемін республикалық трансфеттер және өз кірістері есебінен ұлғайтуға жұмыс жасалатынын тілге тиек етті.Облысқа арналған жалпы сипаттағы трансферттерді есептеу барысында бюджет параметрі 2023 жылға 476,1 млрд.теңге көлемінде айқындалды. Бұл 2022 жылға жеткізілген көлеммен салыстырғанда 239,5 млрд. теңгеге немесе 202 пайызға жоғары. Оның ішінде субвенция көлемі 2022 жылғы 184,2 млрд.теңгеден 2023 жылы 400,5 млрд.теңгеге немесе 2 есеге артты.<blockquote>«Келер жылға облыс бюджетінің бекітуге ұсынылып отырған көлемі 520,7 млрд.теңгені құрайды. Жыл ішінде бюджетті нақтылау барысында облыстың бюджет көлемін республикалық трансфеттер және өз кірістері есебінен ұлғайтуға жұмыс жасаймыз. Оған ұсынылатын жобаларымыз бар.Бұл 2022 жылға ұсынылған бюджет көлемінен 160 млрд.теңгеге немесе 45 пайызға ұлғайды.Сонымен қатар, ұсынылып отырған бюджет құрамында республикалық бюджеттен берілетін трансферттер мен кредиттердің сомасы 2023 жылға 53,1 млрд. теңгені құрайды.Оның ішінде, даму шығыстарының үлесі 44,5 млрд.теңгені құрап, 2022 жылдың бекітілген бюджетімен салыстырғанда 32,0 млрд. теңгеге немесе 3,5 есеге артты»,-деді Нұрлыбек Нәлібаев.</blockquote>Айта кетейік, биыл Жалағаш ауданында 200 орындық Оқушылар үйі мен 50 орындық Өнер мектебі пайдалануға беріліп, демеушілердің қолдауымен құны 1,6 млрд.теңгені құрайтын 80 спорт-ойын алаңы тарту етілді. Сондай-ақ, демеушілер есебінен Жаңақорған ауданында құны 790 млн. теңге болатын заманауи демалыс паркі ашылса, Сырдария ауданында, Нағи Ілиясов ауылында құны 350 млн. теңгені құрайтын «Еңбекшілер паркі» бой көтерді, ал теңізді өлке Арал ауданында құны 320 млн. теңгеге «Балықшылар монументі мен аллеясы ашылды. Апатты деп танылған Тоқабай ауылындағы мектеп жеке инвестор есебінен 500 млн.теңге қаржыға қайта салынуда.Облыс орталығында құны 1,6 млрд. теңгені құрайтын Неке сарайы, 3,7 млрд. теңге болатын 1000 орындық Өнер орталығының құрылысы жүргізіліп, сол жағалаудағы құны 2,7 млрд. теңгені құрайтын Қан орталығы 2024 жылдың қаңтар айында беріледі. Белгілі кәсіпкер Марат Дүйсенбаевтың демеушілігімен құны 1,5 млрд. теңгені құрайтын «Аналар үйі» орталығының құрылысын жүргізілуде.Аймақтың инфрақұрылым әлеуетін дамыту мақсатында Болат Өтемұратовтың қолдауымен құны 12 млрд. теңге болатын «Қорқыт ата» әуежайының жаңа терминалы салынуда. Өңірдің Түркістан облысымен шекараласатын тұсынан демеуші есебінен құны 200 млн. теңгеге облыстың кіреберіс қақпасы бой көтеруде.«Қазгермұнай» ұлттық компаниясы басшылығы Қызылорда қаласында заманауи үлгідегі «Оқушылар Сарайының» жобасы бастау алып, «Саутс Ойл» компаниясы келесі жылы 10 мың адамға арналған «Қайсар» футбол командасының жаңа стадионын салуға ниет білдірді.<figure class="image"><img src="https://knadmin.beoblood.kz/uploads/319352847_485860667008744_5751943057847077057_n_faacec324c.jpg" alt="319352847_485860667008744_5751943057847077057_n.jpg"></figure>&nbsp;<figure class="image"><img src="https://knadmin.beoblood.kz/uploads/319648296_1859254414420111_833812959474453034_n_1378609747.jpg" alt="319648296_1859254414420111_833812959474453034_n.jpg"></figure>

Мәслихат сессиясы: Аймақтың әлеуметтік-экономикалық даму көрсеткішінде оң өсім бар

<a href="https://kyzylorda-news.kz/">Kyzylorda-news.kz.</a> Жалағаш ауданы әкімінің орынбасары А.Дәрібаевтың төрағалағымен «Әлеуметтік Кодекс» жобасының негізгі бағыттарын түсіндіру жұмыстарын жүргізу бойынша кездесу болып өтті.&nbsp;Кездесуге ауданға арнайы жұмыс сапарымен келген Қазақстан Республикасы Еңбек және халықты әлеуметтік қорғау министрлігінің Әлеуметтік қызметтер департаментінің басшысы Жаңагүл Ділжанова, Мемлекеттік әлеуметтік сақтандыру қорының бас директоры Нұрсұлу Кемел, Қызылорда облысының жұмыспен қамтуды үйлестіру және әлеуметтік бағдарламалар басқармасы басшысының орынбасары Сәкен Мырзабек және кент, ауылдық округ әкімдері қатысты.Кездесу барысында «Әлеуметтік Кодекс» жобасының негізгі бағыттары түсіндірілді.&nbsp;Естеріңізге сала кетейік, 2022 жылдың 1 қыркүйектегі «Әділетті Мемлекет Біртұтас Ұлт. Берекелі қоғам» атты Мемлекет басшысы Қасым-Жомарт Кемелұлы Тоқаевтың Қазақстан халқына Жолдауының үшінші бағдарында Ел болашағына арналған стратегиялық инвестициясы әлеуметтің талап-тілегін ескере отырып, әлеуметтік салағада баса назар аударылған болатын.Ең төменгі жалақы деңгейін 60 мың теңгеден 70 мың теңгеге дейін көтеру туралы шешім қабылдады; Әйелдердің зейнет жасын 2028 жылға дейін 61 жас деңгейінде қалдыру; Сонымен қатар әлеуметтік сақтандыру жүйесіне қатысушыларға жұмыссыз қалғаны үшін төленетін төлемақы орташа айлық табысының 45 пайызына дейін көбейту; 2023 жылғы 1 қаңтардан бастап бала күтімі үшін төлемақы төлеу мерзімін сәби бір жарым жасқа толғанға дейін ұзарту;&nbsp;Одан бөлек, 2023 жылдан бастап Отбасының цифрлық картасы және Әлеуметтік әмиян сияқты тәсілдерді енгізуді жоспарлауды тапсырды;Жолдаудың тағы бір елең еткізген тұсы – әрбір отбасы еліміз пайдаланып жатқан ұлттық байлықтың игілігін көреді.Балалар жылының аясында «Ұлттық қор – балаларға» атты жаңа бағдарлама жүзеге аспақ. Яғни, Ұлттық қордың жыл сайынғы инвестициялық табысының 50 пайызын балаладың арнаулы жинақтаушы есепшотына аударуды ұсынды.Жастарды жұмыспен қамту мәселесі де ерекше назарға алынды. Еңбекпен қамтитын түрлі шара арқылы келесі жылы 100 мың жасқа жұмыс беру, оларға жеңілдетілген тәртіппен жылдық өсімі 2,5 пайыз болатын шағын несие беру туралы айтты.Өз кезегінде Қазақстан Республикасы Еңбек және халықты әлеуметтік қорғау министрлігінің Әлеуметтік қызметтер департаментінің басшысы Жаңагүл Ділжанова және Мемлекеттік әлеуметтік сақтандыру қорының бас директоры Нұрсұлу Кемел «әлеуметтік Кодекс» жобасының негізгі бағыттары мен құрылымына тоқталып өтті. &nbsp;<img src="https://knadmin.beoblood.kz/uploads/1_19c72d5620.jpg" alt="1.jpg"><img src="https://knadmin.beoblood.kz/uploads/2_2df9b1c7c1.jpg" alt="2.jpg">

«Әлеуметтік Кодекс» жобасының негізгі бағыттары түсіндірілді

<a href="https://kyzylorda-news.kz/">Kyzylorda-news.kz.</a> Қызылорда облыстық Қазақстан халқы ассамблеясы жанындағы Журналистер мен сарапшылар клубының ұйымдастыруымен Тәуелсіздік күніне орай «Ел тәуелсіздігі және Қазақстан халқы Ассамблеясы» тақырыбында семинар-тренинг өтті.Семинарға Қорқыт Ата атындағы Қызылорда университетінің Журналистика мамандығы бойынша білім алып жүрген 20 студент қатысты. Тренингтің мақсаты - журналистердің этносаралық мәселелер қозғалғанда жауапкершілік пен этиканы сақтап, толеранттылықты нығайтуға атсалысуына ықпал ету және мамандықтарына пайдасы тиер әдістемелік нұсқаулар мен бағыт-бағдар беру. Сол арқылы қоғамдық келісім мен жалпыұлттық бірлік тақырыбын кеңінен насихаттау болып табылады. «Мұстафа Шоқай» ғылыми-конференция орталығында өткен семинарда Қызылорда облыстық қоғамдық даму басқармасы «Қоғамдық келісім» КММ директорының орынбасары Айбек Дайрабай және Журналистер мен сарапшылар клубының төрайымы Елена Рыбина өз еңбек жолындағы тәжірибелерімен және Қазақстан халқы Ассамблеясының негізгі бағыттары, мақсат, міндеті туралы, этножурналистика, ақпараттық қауіпсіздік, ел бірлігі тақырыптары бойынша тағылымды ақпараттармен бөлісті."Қоғамдық келісім" КММ директорының орынбасары Айбек Дайрабай "Тәуелсіздіктен кейін көп ұзамай-ақ құрылған жаңа қоғамдық институт қызметінің негізгі қағидаттары еліміздегі этносаралық келісім мәселелерімен айналысу болып айқындалды. Сол бағыттан ауытқымаған Ассамблеяның өткен жылдар ішіндегі қызметінің аса салмақты, тағдырлық сипаты бар. Соның ішінде, Ассамблеяға мүше әр этнос, яғни, Қазақстанның әр тұрғыны, өздерінің біртұтас халық екенін, ел тағдырына ортақ жауапкершілікте екенін жүректерімен ұғынғаны ең биік жетістіктердің бірі ретінде аталары анық. &nbsp;Қазіргі кезеңде Ассамблеяның қызметі қоғамның, мемлекеттің және әрбір азаматтың үйлесімді бірлігінің алгоритміне негізделіп отыр", -дей келе, қаладағы татулық пен келісім шаңырағына айналған Достық үйінде Журналистика мамандығының студенттеріне арнайы Ашық есік күнін ұйымдастырып, алдағы уақытта шақыратындығын хабарлап кетті. &nbsp;Клуб төрайымы Елена Рыбина студенттерге тақырыпқа сай ойындар ойнатып, тәуелсіз елдің ынтымағы, ҚХА рөлі және этносаралық келісімнің маңызы жайлы айтып өтті. Студенттер төрт топқа бөлініп, І топ Ел тарихы &nbsp;және Ассамблея (Қазақстанда этностық топтардың қалыптасуы), ІІ топ Бүгін және Ассамблея (Көпұлттылық – біздің артықшылығымыз), ІІІ топ Ел болашағы және Ассамблея (Жаңа Қазақстан құруда ҚХА рөлі ), ІV топ Қоғам және Ассамблея (Толеранттылық – бейбітшілік кепілі) тақырыптарын ашып, өз ой-пікірлерін ортаға салды. Тренинг нәтижесінде төрт топтың ішіндегі ең мықты I топ жеңіске жетті. &nbsp;&nbsp;Шара соңында семинар-тренингке белсенді қатысқан барлық студенттерге "Қоғамдық келісім" КММ директорының міндетін атқарушы Фархат Халилуллаевтың атынан арнайы сертификаттар табысталды.<figure class="image"><img src="https://knadmin.beoblood.kz/uploads/319686035_1119057865579857_7559420815558324789_n_fea101d918.jpg" alt="319686035_1119057865579857_7559420815558324789_n.jpg"></figure><figure class="image"><img src="https://knadmin.beoblood.kz/uploads/319632434_873190517149344_4250979939992232337_n_e5e09e2fff.jpg" alt="319632434_873190517149344_4250979939992232337_n.jpg"></figure><figure class="image"><img src="https://knadmin.beoblood.kz/uploads/319828333_527509369342605_6214490283069579375_n_0aeebe05b7.jpg" alt="319828333_527509369342605_6214490283069579375_n.jpg"></figure><figure class="image"><img src="https://knadmin.beoblood.kz/uploads/319557268_5945962355463943_450208807359938521_n_ab07c030b8.jpg" alt="319557268_5945962355463943_450208807359938521_n.jpg"></figure>

Қызылордада Журналистер клубының ұйымдастыруымен семинар-тренинг өтті

<a href="https://kyzylorda-news.kz/">Kyzylorda-news.kz.</a> ҚР Ішкі істер министрлігінің Байқоңыр қаласындағы Өкілдігінің жедел-криминалистикалық бөлімшесінің бастығы лауазымында полиция капитаны Бекнур Бактыбаев қызмет етеді. Ол өзінің еңбек жолын 2017 жылдан бастап қызмет атқарып келеді. Полиция капитаны Бекнұр Бақтыбаев қызметтік міндеттердің орындалуына, нақтылықты, ұқыптылыққа, жаңасын үйренуге дайын болу сияқты қасиеттермен ерекшеленеді.<blockquote>«Бала күнгі арманым – полиция қызметкері болу еді. Ең бастысы бүгінде құқық қорғау саласында ел тыныштығы жолында қызмет етіп келемін. Полиция қызметі – халық сенімінің айнасы. Сондықтан өзіме жүктелген абыройлы міндетті әрі қарай үлкен жауапкершілікпен атқаратын боламын», – деді Бекнұр Бақтыбаев.</blockquote>Жалпы криминалистердің қызметі таңғы 7:30-да басталады. Олардың бірі қылмыс болған орынға шығатын жедел-криминалистік топпен тәуліктік кезекшілікке шықса, екіншілері Тергеу басқармасындағы зертханада қылмысты ашу үшін қылмыскерлер қалдырған іздерді бекітіп, жүйеге енгізіп, зерттеу жүргізеді. Жалпы криминалистердің практикасына ашылған қылмыстар жөнінде мысалдар өте көп.<blockquote>«Күнделікті зерттеу жүргіземін. Бізге зерттеуге арнайы материалдар мен тапсырмалар беріледі. Солардың барлығын зерттеп, қорытынды жасаймыз. Әр түрлі деңгейдегі қылмыстар орын алып жатады», – деді тәртіп сақшысы Бекнұр Бақтыбаев.</blockquote>«Қызметке адал болу – кәсіби парызымыз»Криминалистер күнделікті тәуліктік кезекшілікке түсіп отырады. Шақырту кезінде кезекшіден жедел ақпарат түскен бойда тез арада оқиға орын алған жерге жедел-тергеу тобының құрамы жетеді. Онда тергеуші, криминалист, жүргізуші және жедел уәкіл болады. Әр маманның өз саласы бойынша жұмыс істейтін бағыты бар. Оқиға болған жерде қылмыскер міндетті түрде өзінің соңынан бірқатар көрінер-көрінбес іздер қалдырады. Ал криминалистер қылмысты ашу үшін сол қылмыскер қалдырған іздерді бекітіп, көшіріп алумен айналысады. Криминалистің айтуынша, қылмыскерлер көбіне қол, аяқ киім, бұзу құралдарының іздерін, көліктердің дөңгелек бедерлерін, иіс, биологиялық өзге де іздерді қалдырады екен. Сондай-ақ, жәбірленушілердің, куәгерлердің айтуымен күдіктінің фото портреті жасалып, «Образ++» арқылы есепте тұрған адамдардың ішінен оларды саралау арқылы күдіктіні танып, сол арқылы қылмыстың ізін суытпай ашады. Сонымен бірге тыйым салынған қарулар арқылы қылмыстар орын алған кезде криминалистердің міндеттеріне аталған қаруларға баллистикалық, суық қару зерттеулерін жүргізіп,қарудың атыс немесе рұқсат етілмеген қаруға жататын-жатпайтындығын анықтау кіреді.<blockquote>«Қазіргі таңда криминалистика саласында соңғы үлгідегі құрал-жабдықтар баршылық. Олардың ішінде әсіресе «IDEMIA», «Образ++» автоматтандырылған жүйелерді атап өтуге болады. Себебі, осы жүйелердің қылмыстарды ашуға септігі көп. Күдікті тұлғалардан саусақ іздерін сапалы алу үшін «Папилон» дактосканері қолданылады», – дейді криминалист.</blockquote>Қылмыстың жедел ашылуына септігін тигізіп жүрген криминалистердің қызметіне сәттілік тілей отырып, Қазақстан Республикасының өркендеуі жолында табысты қызмет ете берулеріңізге тілектеспіз! Отанымыздың өркендеуіне қосып жатқан үлестеріңіз аз емес, еңбектеріңіз әрқашан жемісті де табысты болғай.<figure class="image"><img src="https://knadmin.beoblood.kz/uploads/319826959_857571482334199_577427723304163056_n_f9ee60ee9e.jpg" alt="319826959_857571482334199_577427723304163056_n.jpg"></figure><figure class="image"><img src="https://knadmin.beoblood.kz/uploads/319407787_866092888168136_8345329572937155617_n_ce923d741f.jpg" alt="319407787_866092888168136_8345329572937155617_n.jpg"></figure>

Криминалистика – полиция қызметіндегі ең маңызды сала

<a href="https://kyzylorda-news.kz/">Kyzylorda-news.kz.</a> ҚР аумағының басым бөлігіне антициклон әсер етеді, онымен жауын-шашынсыз ауа райы күтіледі, деп хабарлайды Қазгидромет.&nbsp;Тек еліміздің шығысында, солтүстік-шығысында, оңтүстік-батысында атмосфералық фронталды бөліктердің өтуімен жаяу бұрқасынмен қар, оңтүстік-батысында жаңбыр мен қар түріндегі жауын-шашын жауады. Республика бойынша желдің күшеюі, солтүстікте, оңтүстікте тұман, оңтүстік-батыста көктайғақ болады.

Қазақстан және Қызылорда облысының жаңалықтары