<a href="https://kyzylorda-news.kz/ru/">Kyzylorda-news.kz</a>. Атмосфералық фронттардың өтуіне байланысты Қазақстан Республикасының басым бөлігінде құбылмалы ауа райы сақталады, деп хабарлайды Қазгидромет.Елдің солтүстігінде, шығысында, орталығында – қар жауады. Республика бойынша тұман, көктайғақ, оңтүстігінде, оңтүстік-шығысында жел күшеюі, шығысында, орталығында жаяу бұрқасын күтіледі.Қарағанды облысының солтүстігінде, шығысында, орталығында қалың қар, Түркістан, Алматы облыстарының таулы аудандарында қатты жауын-шашын жауады.

Дүйсенбіге арналған ауа райы болжамы

<a href="https://kyzylorda-news.kz/ru/">Kyzylorda-news.kz</a>. Шиелі ауданы бойынша 40 сайлау учаскесіне, 48 402 сайлаушы тіркелген.Таңертеңмен ерте басталған саяси науқанға шиелілік тұрғындар белсене қатысты. Аудан орталығы мен ауданға қарасты барлық ауылдық округтердіге сайлау учаскелерінде дауыс берген алғашқы сайлаушылар марапатталды.&nbsp;Ауданға қарасты Ақтоған ауылдық округінде Сейтжановтар әулетінің 8 келіні сайлауға бірге барып, дауыс берді. Ел болашағы үшін маңызды күнде бірліктің үлгісін көрсеткен әулеттің келіндері кезектен тыс Президент сайлауында таңдау жасады. Саяси науқанда ерекше белсенділік танытқан әулетке сыйлық табысталды.Аудандағы Ұлы Отан соғысының ардагері Сәрсенбек Байжанов та өз таңдауын жасады. Қазыналы қарт үйден дауыс берді. Ардагердің тұрғылықты мекен-жайына комиссия мүшелері арнайы барып, ардагердің дауыс беруіне қолайлы жағдай жасады. Дауыс беріп, таңдау жасаған соғыс ардагері өз пікірін білдірді.&nbsp;<blockquote>«Ең бастысы тыныш заман болса, бейбітшілік пен тұрақтылығымыз арта берсін! Аспанымыз ашық, еліміз тыныш болсын», - деді соғыстың соңғы сардары Сәрсенбек Байжанов.</blockquote>Саяси науқанда Шиелі ауданының әкімі Нұржан Ахатов та өз таңдауын жасап, дауыс берді. Аудан әкімі Шиелі кентінде орналасқан №285 учаскесіне барды.&nbsp;<blockquote>«Тәуелсіз еліміз үшін ерекше саяси маңызға ие науқанды ұйымшылдықпен атқаруымыз керек. Сондықтан бұл Президент сайлауында әрбір аудан азаматының дауыс беруі маңызды», – деді аудан әкімі.</blockquote>«Жиделіарық» ауылдық клубында орналасқан №299 сайлау үйінде жас жұбайлар дауыс берді. Жастар Нұрқанат Сүлейменов пен Ақниет Қосымова Қазақстан Республикасы Президентінің кезектен тыс сайлауы күні отбасын құрып отыр. Олар елмен бірге кезекке тұрып, өз дауыстарын берді. Жас жұбайларды құттықтап, тілегін білдірген сайлау комиссиясы оларға сыйлық тарту етті.Сонымен қатар ауданда тұрғындардың сайлауда кедергісіз дауыс беруі үшін инватакси қызметі ұсынылды. Атап айтар болсақ, кент тұрғыны Дархан Маратұлы «Инватакси» қызметін пайдаланып, өз сайлау учаскесіне кедергісіз баруға мүмкіндік алды. Сондай-ақ Шиелі ауданаралық ауруханасында емделушілерге арнап портативті сайлау жәшіктері қойылды. Дәлірек айтқанда, ауданаралық аруханадағы жүріп-тұруы шектелген азаматтар, травматологиялық жарақат алған науқастар мен перзентханадағы жаңа босанған және жүкті әйелдер дауыс беріп, өз таңдауын жасауға мүмкіндік алды.Саяси науқанда ең жас дауыс беруші, туған күн иелерді де болды. Жиделіарық ауылдық округі бойынша учаскелік сайлау комиссиясы сайлаудың ең жас дауыс берушісі ретінде Төремұрат Нысанбеков пен Уәлихан Есенов танылды. Сонымен қатар Жиделіарық ауылдық округі бойынша сайлау учаскесінде сайлау күні 50 жасқа толған Сарыбаев Ертуған Нысанбекұлы өз таңдауын жасады.Жеке мерекесі ҚР Президентінің сайлауымен қатар келген Ертуған Сарыбаев – №299 Сайлау учаскесінде дауыс беруге құқығы бар азаматтардың арасында туған күн иесі болып табылатын жалғыз адам. Ертуған Сарыбаев туған күнін елеп, арнайы сыйлық тарту еткен комиссияға шексіз ризашылығын білдірді.Аталған ауылдық округте қазыналы қариялар немерелерімен бірге келіп, елімізде өткен саяси науқанға өз үлестерін қосты. Мәселен, сайлауға немерелерін ерте келген Аюповтар әулетінің азаматтары ҚР Президентінің сайлауында дауыс беріп, маңызды істен қапы қалмаған жөн деп есептейді.Сондай-ақ барлық ауылда жылжымалы жәшіктер үйден дауыс берушілердің кедергісіз өз таңдауын жасауы үшін үй-жайларына жеткізілді.Айта кетейік, сайлау күні Шиелі ауданы бойынша бір ұл, бір қыз дүниеге келді.<figure class="image"><img src="https://knadmin.beoblood.kz/uploads/315950289_1445726395957815_9141608202614731329_n_c3e61b3fd8.jpg" alt="315950289_1445726395957815_9141608202614731329_n.jpg"></figure><figure class="image"><img src="https://knadmin.beoblood.kz/uploads/316537247_1445722955958159_7509744285563664521_n_68c4d1ef00.jpg" alt="316537247_1445722955958159_7509744285563664521_n.jpg"></figure><figure class="image"><img src="https://knadmin.beoblood.kz/uploads/316535314_1445805985949856_3782550680586774093_n_9174cd5d10.jpg" alt="316535314_1445805985949856_3782550680586774093_n.jpg"></figure><figure class="image"><img src="https://knadmin.beoblood.kz/uploads/315105201_1445789439284844_1675568232533773956_n_99941809f7.jpg" alt="315105201_1445789439284844_1675568232533773956_n.jpg"></figure>

Шиелі ауданында 48 402 сайлаушы тіркелген

Kyzylorda-news.kz. &nbsp;Қазақстанда президент сайлауы мәресіне жетті, деп хабарлайды ҚазАқпарат.&nbsp;Астана уақытымен сағат 20.00-де еліміздің 15 өңірінде, ал дәл қазір Атырау, Ақтөбе, Батыс Қазақстан, Қызылорда және Маңғыстау облыстарында дауыс беру аяқталды.Осылайша, еліміздің барлық өңірінде ашылған 10 033 сайлау учаскесі жұмысын тоқтатты.Енді учаскелік сайлау комиссияларының мүшелері бюллетендерді санайды.Сағат 18.00-дегі дерекке сәйкес, Қазақстанның шет елдердегі мекемелері жанынан ашылған 68 сайлау учаскесінің 10-ы жұмысын аяқтады.57 сайлау учаскесі жұмысын жалғастырып жатыр. Бір учаске әлі ашылған да жоқ.Нақтырақ айтқанда, Сан-Франциско қаласындағы учаске астана уақытымен сағат 21.00-де ашылады.Сағат 20.00-дегі жағдай бойынша республиканың <a href="https://www.inform.kz/kz/elimizdegi-bukil-saylaushylardyn-69-payyzy-tandauyn-zhasady_a4004037">8 282 607 азаматы</a> бюллетень алды.Бұл - тізімге енген азаматтардың 69,31 пайызы.

Қазақстанда президент сайлауы аяқталды

<a href="https://kyzylorda-news.kz/ru/">Kyzylorda-news.kz</a>. Сырдария ауданында Президент сайлауына дауыс беру таңғы сағат 07:00-ден бастап, 20:00-ге дейін жұмыс істеді.&nbsp;Сырдария ауданы, Ақжарма ауылдық округіндегі №162 сайлау учаскесінде халықтың көңіл-күйін көтеру үшін «Бауырсақ party» ұйымдастырылды. Мұндай шара Шаған ауылындағы № 163, №164 сайлау учаскелерінде де өтті. Тұрғындардың көңіл-күйі көтеріліп, олар ұйымдастырушыларға алғыс білдірді.&nbsp;Тереңөзек кентінде ерекше есім иесі сайлау учаскесіне келіп, өз таңдауын жасады. 82 жастағы кент тұрғыны Вашингтон Дүйсекенов кезектен тыс ҚР Президентінің сайлауында көпшілікке ақ батасын берді. Ел игілі жолында өткізіліп отырған сайлаудың мән-мағынасын жастарға түсіндірді.&nbsp;Сонымен қатар Сырдария ауданының Құрметті азаматы, мәдениет саласының ардагері Алмагүл Бақтиярова мен мәдениет саласының майталманы Жантемір Айсин дауыс берді. Сайлауда сырдариялық жастар белсенділік танытуда.&nbsp;<blockquote>«Біз бар білімімізбен еліміздің өркендеуіне ат салысып, ерен еңбек етіп, туған жеріміздің Әділетті Қазақстан құрылуы жолында ерінбей еңбек ететін боламыз»,-деп ұрандатты аудан жастары.</blockquote>Ауданның белсенді жасы Ерсұлтан Шәден сайлауға алғаш рет қатысты.<blockquote>«Бүгінгі саяси науқанда еліміздің жарқын болашағы үшін алғаш рет дауысымды беріп, №169 сайлау учаскесінде өз таңдауымды жасадым. Әрбір патриот өз елінің болашағына жауапты. Сайлауға қатысу мен үшін үлкен жауапкершілік. Алға қойған мақсаттарыма қол жеткізу үшін жарқын болашақ үшін дауыс беруге шақырамын, - деді сырдариялық белсенді жас Шәден Ерсұлтан.&nbsp;</blockquote>Сырдария ауданының әкімі Мұрат Ергешбаев Қазақстан Республикасының Президент сайлауында Тереңөзек кентіндегі №155 учаскеге барып, дауыс берді.&nbsp;<blockquote>«Бүгін еліміздің болашағы үшін маңызды саналатын саяси науқанның шешуші күні. Бүгін әрбір азаматтың дауысы маңызды. Сырдариялықтар ел ертеңі үшін бірлігін көрсетіп, сайлауға белсенді қатысып, өз таңдауын жасайтынына сенімдімін», - деді Мұрат Нәлхожаұлы.</blockquote>Айта кетейік, Сырдария ауданында 18 сайлау учаскесі және 21615 сайлаушы бар.Бүгінгі Президенттің кезектен тыс сайлауында дауыс беретін сайдың тасындай, 18 жасқа толып жатқан тепсе темір үзетін жас шабандоздар ауданға қарасты С.Сейфуллин ауылдық округінде жиналып, дүбірлі додада бас қосты.Тартысты қызу сайыс барысында №159 сайлау учаскесінің алдына салым тасталды.&nbsp;Осында дауыс беруге келген азаматтар ұлттық ойынды дәріптеп, дамытып жатқан жас шабандоздарға қаржылай сый-құрмет көрсетті.Түстен кейін ауданда жылжымалы дауыс беру жәшігі мекен-жайларға жеткізілді.Шаған ауылдық округіндегі №163 сайлау учаскесіне қарасты тұрғындар денсаулық жағдайына және де өзге де себептерге байланысты дауыс беруге арналған жәшіктің мекен-жайға жеткізілуін өтінген. Жылжымалы дауыс беру жәшігі тиісті мекен-жайларға уақытылы жеткізіліп, тұрғындар өз таңдауларын жасады.&nbsp;Ауданда әлем чемпионы өз таңдауын жасады. Биылғы жылы Испания мемлекеті Понтавердо қаласында Грэпплинг күресінен әлем чемпионы Карбозов Нұрдаулет Мейрамбекұлы өз таңдауын жасады.Осы күні сүйінші жаңалық та қоса жетті. Айтулы күнде Сырдария ауданында қос сәби дүниеге келді. Сырдария аудандық ауруханасының «Перзентхана» бөлімшесінде босанған қос ана бір ұл, бір қызды құшағына басты. Өз кезегінде «Перзентхана» бөлімшесіне арнайы барған дәрігерлер аналарды қуанышымен құттықтап, ерекше құрмет көрсетті.Сайлауға қатысушылар арасында өз пікірін білдіргендер де бар.&nbsp;<blockquote>«Бүгін күллі ел үшін айтулы күн болды. Тұрғындардың таңнан бастап белсенділік танытқанына қуаныштымын. Бүгін біз Қазақстанда жеті жыл басқаратын президентті өз қолымызбен сайлап жатырмыз. Бұл шынтуайтына келгенде, тек қана келесі жеті жылдың тағдырын шешпейді. Қазақстанның жалпы бұдан кейінгі тағдырын шешуі әбден мүмкін. Бірақ біз, сайлаушылар, бәріміз бірдей бейбітшілік пен келісім орнаған, өзін-өзі жүзеге асыру үшін барлық жағдай жасалған елде өмір сүргіміз келеді.Еліміздің жарқын болашағы, қоғамның дамуына атсалысу әрбіріміздің азаматтық парызымыз. Бүгінгі сайлау әділ өтті. Қызылорда облысы республикада қатысу бойынша 2 орында, бұл біздің келешекке деген сеніммен қарауымыздың көрінісі», - деді Нұржан Сейітжан.</blockquote>Сырдария аудандық ардагерлер кеңесінің төрағасы Мұса Келдібаев ҚР Президентінің кезектен тыс сайлауын әділетті Қазақстан құру жолындағы маңызды қадам екенін айтты.<blockquote>«Бүгін 20 қараша күні ҚР Президенті сайлауы өтті. Дауыс беру барысын бірнеше мыңдаған бақылаушы қадағалады. Халықаралық ұйымдар, шет мемлекеттер атынан келген бақылаушылар жұмыс жасады. «Сырт көз - сыншылардың» пікірлері бір жерден шықты деп ойлаймыз. Аймағымыз республика бойынша қатысуымен 2 межеден көрініп отыр екен. Бұл қарт өзенді жағалаған Сыр жұртшылығының мерейі деп білеміз. Қаймағы бұзылмаған Сыр елінің мемлекетіміздің болашағы үшін бей-жай қарамайтындығын көрінісіне тағы да куә болдық. Бүгін сайлауда жарқын болашағымыз үшін өздауыстарын жерлестеріміз берді. «Президент сайлауы - әділетті қоғам құру жолындағы маңызды қадам» болды. Сайлауға қатысу әрбір тұрғынның болашақ алдындағы парызы. Баршаңызды жағымды өзгерістерді қалыптастыру мақсатында өткізілген саяси маңызы бар шараның аяқталуымен, әділетті қоғам жолындағы маңызды қадамның бастамасымен құттықтаймын», - деді Мұса Келдібаев.&nbsp;</blockquote>Аудан тұрғыны Ердос Беркінбаев сырдариялықтардың сайлау науқанында белсенділік танытқанын жеткізді.&nbsp;<blockquote>«Маңызды саяси науқанда Сыр елі тағы да сыр бермеді. Осыған дейінгі сайлауларда да сырбойылықтар алдыңғы қатарда белсенділік танытқан еді. Бұл жолы да ел болашағына деген сенім зор екенін көрсетті. Қызылорда өңірі дауыс беру көрсеткіші бойынша екінші орында. Бұл ретте, сырдариялықтар да өте белсенді болды», - деді Ердос Беркінбаев.</blockquote>Айта кетейік, қазақстандықтар электронды құжат арқылы дауыс бере алады. Бұл туралы ҚР Орталық сайлау комиссиясының төрағасы Нұрлан Әбдіров айтты.«Қазір қазақстандықтардың арасында цифрлық құжатты қолдану үлкен сұранысқа ие. Ол құжаттың түпнұсқасының аналогы. Сондықтан азаматтар сайлауда EGOV mobile, Kaspi және Halyk банкінің мобильді қосымшалары арқылы цифрлық куәлікті пайдалана алады. Яғни дауыс беруші жеке басын куәландыратын құжаттың электрондық нұсқасын ұсынуға құқылы. Сайлау комиссиясының мүшелері сайлаушылар тізімдері негізінде электронды куәлікті ұсынған кезде сайлаушыға дауыс беруге арналған бюллетень беруге міндетті», - деді Нұрлан Әбдіров.<figure class="image"><img src="https://knadmin.beoblood.kz/uploads/315833047_1250481795514710_2074429204270671616_n_53c8330c8d.jpg" alt="315833047_1250481795514710_2074429204270671616_n.jpg"></figure><figure class="image"><img src="https://knadmin.beoblood.kz/uploads/315976905_1250545048841718_633249209947161872_n_4e5b39c872.jpg" alt="315976905_1250545048841718_633249209947161872_n.jpg"></figure>

Сайлауда Сырдария ауданының тұрғындары белсенділік танытты

Kyzylorda-news.kz. Қызылордалықтар республика бойынша белсенді үштікте.&nbsp;Ал, облысымыз бойынша үздік аудандар:<ol><li>Жалағаш ауданының -86,86%</li><li>Арал Ауданының – 86,77% З, Қармақшы Ауданының -85,82%</li><li>Сырдария Ауданының -85,50%</li><li>Жаңақорған Ауданының -85,41%</li><li>Шиелі Ауданының -85,32%</li><li>Қазалы ауданының – 85,31%</li><li>Қызылорда Қаласының – 65,43% тұрғыны осы сағатта дауыс беріп үлгерген</li></ol>

Қызылордалықтар сайлауға белсенді қатысуда

Kyzylorda-news.kz. Жалағашта 103 жастағы кейуана Бибайша Қайырбаева да саяси науқанда өз таңдауын жасап, сенім білдірген үміткеріне дауыс берді.<blockquote>– Бүгін еліміз үшін саяси науқанға қатысып, немерелерімнің болашағы үшін өз таңдауымды жасадым. Дауыс беру азаматық борышымыз деп білемін. Саяси науқанда әрбір сайлаушының дауысы маңызды. Мен де мемлекетімнің болашағы үшін таңдау жасадым, – дейді ардақты әже.</blockquote>Ақжаулықты әжеміздің иығына шапан жабылып, сый-сыяпат көрсетілді. Расында оның жүзден асқан шағында осындай науқанда төбе көрсетуі қай буынға да үлгі болары сөзсіз.Бибайша Қайырбаева – тыл ардагері, 4 ұл, 4 қыздың анасы. Немере, шөберелердің ардақты әжесі.

103 жастағы жалағаштық кейуана сайлауда дауыс берді

Kyzylorda-news.kz. Облыстардың, республикалық маңызы бар қалалардың, елорданың комиссиялары ұсынған деректерге сәйкес, 2022 жылғы 20 қараша сағат 18.05-тегі жағдай бойынша (астана уақытымен) тізімге енгізілген азаматтардың жалпы санының 67,85 &nbsp;% бюллетень алды.Оның ішінде: 1. &nbsp;Абай облысы бойынша – 78,88 % 2. &nbsp;Ақмола облысы бойынша – 75,82 % 3. &nbsp;Ақтөбе облысы бойынша – 71,23 % 4. &nbsp;Алматы облысы бойынша – 70,92 % 5. &nbsp;Атырау облысы бойынша – 67,88 % 6. &nbsp;Батыс Қазақстан облысы бойынша – 64,77% 7. &nbsp;Жамбыл облысы бойынша – 77,27 % 8. &nbsp;Жетісу облысы бойынша – 77,08 % 9. &nbsp;Қарағанды облысы бойынша – 77,80% 10. &nbsp;Қостанай облысы бойынша – 77,56 % 11. &nbsp;Қызылорда облысы бойынша – 77,20 % 12. &nbsp;Маңғыстау облысы бойынша – 64,57 % 13. &nbsp;Павлодар облысы бойынша – 77,12 % 14. &nbsp;Солтүстік Қазақстан облысы бойынша – 77,46 % 15. &nbsp;Түркістан облысы бойынша – 80,25 % 16. &nbsp;Ұлытау облысы бойынша 74,45% 17. &nbsp;Шығыс Қазақстан облысы бойынша – 76,81 % 18. &nbsp;Астана қаласы бойынша – 48,01 % 19. &nbsp;Алматы қаласы бойынша – 27,93 % 20. &nbsp;Шымкент қаласы бойынша – 59,56 %

Осы уақытқа дейін қанша қызылордалық дауыс беріп үлгерді

Kyzylorda-news.kz. Арал ауданындағы «Ақбұлақ» балабақшасы «Аққұм» округіндегі беделді ұжымдардың бірі. Мекеме әрдайым ауылдың &nbsp;қоғамдық өміріне белсенді араласып, алға қойған мақ­саттарды бірге еңсеруге атса­лы­сып келеді. Әр сайлауда ұжым сайлау учаскесіне бір кісідей баруды дәстүрге айналдырған. Бүгінгі Президент сайлауында да «Ақбұлақ» балабақшасының &nbsp;қызметкерлері &nbsp;ұжымның ішкі бір­лігі мен азаматтық борышын өтеуді сезініп, сай­лауға белсенді қатысып, ел үшін маңызды таңдауға үлкен үлес қос­ты. &nbsp;<blockquote>«Президент сайлауы - біздің еліміздің бірлігі мен тұтастығын, ынтымағын, болашаққа деген сенімін, азаматтық қоғамның айнасын айшықтайтын күн. Бұл сайлау елімізге жаңа серпін әкеліп ғана қоймай, болашаққа нық қадам жасауға үлкен мүмкіндік берері айқын. Осындай күрделі шақта ел тағдырына бейжай қарамай, саяси науқанға белсене қатысу – барлығымыздың азаматтық борышымыз деп білеміз. &nbsp;Ең бастысы, біз дұрыс таңдау жасауымыз қажет. Себебі, Президентті таңдау арқылы, біз елдің болашағын таңдаймыз. Сол себепті сайлауға белсенділікпен қатысып, әр адам өз жарқын болашағына дауыс беруі қажет», - дейді ұжым қызметкерлері.</blockquote><img src="https://knadmin.beoblood.kz/uploads/316120440_3419477531713942_8822371889960224839_n_758996f26b.jpg" alt="316120440_3419477531713942_8822371889960224839_n.jpg">

Арал ауданында балабақша қызметкерлері ұжым болып дауыс берді

Kyzylorda-news. kz. &nbsp;Облыстардың, республикалық маңызы бар қалалардың, елорданың комиссиялары ұсынған деректерге сәйкес, 2022 жылғы 20 қараша сағат 16.05-тегі (Астана уақыты) жағдай бойынша тізімге енгізілген азаматтардың жалпы санының 62,34 % бюллетень алды.Оның ішінде: 1. &nbsp;Абай облысы бойынша – 73,57 % 2. &nbsp;Ақмола облысы бойынша – 71,38 % 3. &nbsp;Ақтөбе облысы бойынша – 68,81 % 4. &nbsp;Алматы облысы бойынша – 55,11% 5. &nbsp;Атырау облысы бойынша – 60,87 % 6. &nbsp;Батыс Қазақстан облысы бойынша – 54,62 % 7. &nbsp;Жамбыл облысы бойынша – 68,74 % 8. &nbsp;Жетісу облысы бойынша – 68,88 % 9. &nbsp;Қарағанды облысы бойынша – 71,89 % 10. &nbsp;Қостанай облысы бойынша – 71,38 % 11. &nbsp;Қызылорда облысы бойынша – 72,88 % 12. &nbsp;Маңғыстау облысы бойынша – 59,61 % 13. &nbsp;Павлодар облысы бойынша – 72,73 % 14. &nbsp;Солтүстік Қазақстан облысы бойынша – 72,21 % 15. &nbsp;Түркістан облысы бойынша – 80,09 % 16. &nbsp;Ұлытау облысы бойынша 72,75 % 17. &nbsp;Шығыс Қазақстан облысы бойынша – 68,42 % 18. &nbsp;Астана қаласы бойынша – 44,39 % 19. &nbsp;Алматы қаласы бойынша – 26,19 % 20. &nbsp;Шымкент қаласы бойынша – 56,28 %<img src="https://knadmin.beoblood.kz/uploads/FB_IMG_1668932453366_0134cc9b03.jpg" alt="FB_IMG_1668932453366.jpg">

Қызылорда облысында 72,88 пайыз сайлаушы дауыс берді 

<a href="https://kyzylorda-news.kz/ru/">Kyzylorda-news.kz</a>. Жалағаш ауданы орталығынан шалғай орналасқан елді мекендердің бірі Аламесек ауылдық округінде де сайлау учаскесіне келген халықтың қарасы көп. Елді мекендегі мәдениет үйінде орналасқан №151 сайлау учаскесіне таң атысымен өз таңдауын жасауға асыққан елдің санынан белсенділік байқалады. Сайлау учаскесінің төрағасы Әбдіқайыр Әйтімов бүгінгі саяси науқанда жергілікті халықтың белсенділігін жоғары бағалап отыр.&nbsp;<blockquote>«Таңғы сағат 7.00-ді күтіп кезекте тұрған ауыл халқын көріп қуанып қалдым. Бұл аламесектіктердің ел болашағына бейжай қарамайтынын аңғартса керек. Бағалы сыйлықтарға ие болған сайлаушыларымыз да жоқ емес. Мәселен, бірінші келген сайлаушы, ең жас сайлаушы, ең үлкен сайлаушы және әрбір жүзінші келген сайлаушыларға бағалы сыйлықтар табыстадық, – дейді төраға Әбдіқайыр Әйтімов.</blockquote>Айта кетейік, Аламесек ауылдық округінде барлығы 964 сайлаушы бар. Сағат 10.00-ге дейін сайлаушылардың 40 пайызы өз таңдауын жасап үлгеріпті. Осыдан-ақ шалғай ауылда саяси науқан жоғары деңгейде өтіп жатқанын аңғарамыз.&nbsp;Аламесекте ең қарт сайлаушы 93 жаста екен. Ауыл тұрғыны, ардақты әже Рахима Абызбаева өз үйінен дауыс береді. Оған сайлау учаскесі тарапынан барлық жағдай жасалған.&nbsp; &nbsp;<img src="https://knadmin.beoblood.kz/uploads/Whats_App_Image_2022_11_20_at_13_31_24_548b9bdc4f.jpeg" alt="WhatsApp Image 2022-11-20 at 13.31.24.jpeg"><img src="https://knadmin.beoblood.kz/uploads/Whats_App_Image_2022_11_20_at_13_31_29_2b6ca29569.jpeg" alt="WhatsApp Image 2022-11-20 at 13.31.29.jpeg">

Жалағаш ауданы: Аламесек ауылдық округінің тұрғындары сайлауда белсенді

Kyzylorda-news.kz. Әйтеке би кентіндегі Қазалы көлік-техникалық жоғары колледжінде орналасқан №92 сайлау учаскесінде таңғы сағат 7:00 ден бастап дауыс беру қарқынды жүргізілуде.Дәл қазіргі уақытта мұнда 500 ге жуық адам дауыс беріп үлгерді.Таң азанмен елдің ертеңі жолында өз дауыстарын беру үшін "Қазалы локомотив жөндеу зауытының" қызметкерлері ұжыммен бірге келіп өз таңдауларын жасады.<img src="https://knadmin.beoblood.kz/uploads/FB_IMG_1668917302432_cb23ff8e87.jpg" alt="FB_IMG_1668917302432.jpg">#Қазалыауданы #Сайлау

Қазалыда теміржолшылар дауыс берді

Kyzylorda-news.kz. Қазақ КСР халық ағарту ісінің озық қызметкері, КСРО Ағарту ісінің үздігі, Қызылорда қаласының құрметті азаматы Подольский Марк Захарович - №200 сайлау учаскесінде алғашқы болып дауыс берді.90-ның төріне шыққан сала ардагеріне алғашқы дауыс беруші ретінде құрметпен сый-сияпат көрсетілді.<blockquote>«Бүгін алдағы 7 жылымызды айқындайтын Президент сайлауы өтуде. Бізді алдымызда оң өзгерістер күтіп тұр. Оны халық болып, қоғам болып бірге жасауымыз қажет. Сондықтан еліміздің дамуы, тұрақтылығы мен болашағы үшін өз таңдауымды жасадым», - деді М. Подольский.</blockquote><img src="https://knadmin.beoblood.kz/uploads/FB_IMG_1668915451007_8385e2f384.jpg" alt="FB_IMG_1668915451007.jpg"><img src="https://knadmin.beoblood.kz/uploads/FB_IMG_1668915454312_e67a411bca.jpg" alt="FB_IMG_1668915454312.jpg">&nbsp;&nbsp;

Қазақстан және Қызылорда облысының жаңалықтары