<a href="https://kyzylorda-news.kz/">Kyzylorda-news.kz.</a> Қармақшы ауданының диқан-механизаторларының биылғы егін жинау маусымындағы еселі еңбегінің жемісін қорытындылауға арналған сабантой мерекесі ауыл шаруашылығы саласының білікті маманы Нұрлан Іздібаев басқаратын «Ақтөбе и К» жауапкершілігі шектеулі серіктестігінде жалғасты.Ақтөбе ауылдық клуб үйінде өткен сабантой мерекесінде алғашқы сөзді алған аудан әкімінің орынбасары Біржан Далабаев пен аудандық мәслихат хатшысы Әділ Қошалақов мерекелік жиынға жиналған жұртшылықты сабантой мерекесімен құттықтап, аудан тұрғындары әлеуетін арттыруда атқарылған игі істерді баяндап, алдағы уақытқа мақсатталған жобаларды саралады. Сонымен қатар шаруашылықтың еңбек ардагерлері Сапарбек Елемесовке, Мырзабек Сұмағұловқа, Мирхан Белесов пен Сейілхан Әбдірахмановқа ауданымыздың бас марапаты – құрмет грамотасын тапсырды.Ал шаруашылық директоры Нұрлан Іздібаев шаруашылықтың диқан-механизаторларының ерте көктемнен бастап, шіліңгір шілденің аптап ыстығында да, қоңыр күздің салқынды күндерінде де аянбай тер төге еткен еңбектеріне ризашылығын білдірді. Өз кезегінде шаруашылық осындай еңбектің арқасында 1 900 гектар егістік алқапқа орналастырған күріштен 136 780 центнер өнім жинап, облыс бойынша «Озат егін шаруашылығы» номинациясы иегері атанды.Жиында Қаршыға Есдәулетов, Аманжол Жакенов, Сұлтанбек Ботабаев, Қуаныш Елдесбаев сынды ардақты ағаларға қазақы дәстүрмен шапан жауып, құрмет көрсетті. Сондай-ақ, шаруашылықта ұзақ жыл еңбек етіп, жастарға үлгі көрсеткен Жұмабек Нұржанов ағамыздың зейнеткерлік демалысқа шығуына байланысты оған да ілтипат жасап, құрметтеді.Салтанатты жиында №109 орта мектеп, «Перизат» балабақшасы мен спорт мектебі ұжымдары да шаруашылықтың алғысына бөленді.Сабантой мерекесі одан әрі шаруашылық директоры Нұрлан Іздібаевтың ұжымда еңбек ететін диқан-механизаторлардың егін жинаудағы еңбектерін еселеуге арналды. Алдымен сахна төріне үздік күріш сушыларын шақырып, оның ішінде өзіне бекітілген 54 гектар күріштік алқаптың әр гектарынан 85,97 центнерден өнім алған №1 егіс бригадасының сушысы Қайрат Отарбаевқа І дәрежелі диплом, сыйлыққа теледидар мен 656 мың теңгенің сертификатын тапсырды. Сонымен бірге ІІ және ІІІ орынға көтерілген диқандарға да сый-құрмет жасалды.Одан әрі жаткашылар арасында 688 гектар күрішті дестелеген №4 егіс бригадасының жаткисті Ғалымжан Жақсылықов І дәрежелі диплом мен сый-сияпат алды. Марапатталушылар қатарында №1 бригада комбайнері Ербол Наурызбаев, тасымалдаушылар арасында №1 бригада МТЗ тракторының жүргізушісі Нұрлан Ақболатов жеңімпаздар көшінен табылып, сый- құрметке ие болды. Ал егін жинау науқанында үздік көрсеткішке қол жеткізген бригадалар арасында өздеріне бекітіліп берілген 486 гектардың әр гектарынан 71,20 центнерден өнім жинаған Болат Мәкенов басшылық ететін №2 егіс бригадасы шаруашылық тағайындаған 2 млн теңгенің сертификатына ие болса, Бақытжан Әбілқайыров, Бақытбек Мұнарбаев, Мейірбек Аманбалаев басшылық ететін бригадалар да сыйлықтан құр қалмады.Мерекелік іс-шарада жоғарыда есімдері аталған үздіктерден басқа егінжай ерлері теледидар, газ плитасы, кір машина, кілем, шаңсорғыш пен қысқа толқынды пеш, шифонер, диван сынды тұрмысқа қажетті үй жабдықтарына ие болды.Тағы бір айта кетерлік жайт, мерекелік жиында ауыл жастары арасында ұлттық спорт ойындарынан жарыс ұйымдастырылды. Нақтысын айтқанда, қазақ күресінен 32 келіден жоғары салмақтағы балғын балуандар белдесуінде Дәулет Тұрақов жеңімпаз атанса, ІІ және ІІІ орындарға Нұрсейіт Төребек пен Ернұр Саятбек көтерілді. 32 келіден төменгілер арасында белдесуде Мақсат Қойтан жеңімпаз болса, ІІ орынды Бағдат Нұрымұлы, ІІІ орынды Мұхаммедәли Русланұлы иемденді.Ал 24 келілік гір тасын 23 рет аспандатқан Нұржан Айтуғанов І орынға, қалған жүлделі орындарға Орынбасар Тәтиев пен Нұржан Нұрланұлы көтерілді. Арқан тартыста ауылдың 1979 жылы туған жігіттері барлығынан басым болып, шаруашылық тағайындаған сыйлыққа ие болды.Мерекелік жиында қонақтар мен шаруашылық еңбеккерлеріне арнап, Ақжар, Ақтөбе ауылы өнерпаздары ән мен жырдан шашу шашса, шаруашылық басшысы Нұрлан Іздібаев өзінің тебіренте салған әсем әнімен мерекелік іс-шараның шымылдығын жапты. &nbsp;<figure class="image"><img src="https://knadmin.beoblood.kz/uploads/7_2ee22fc48d.jpg" alt="7.jpg"></figure>

Диқан-механизаторларының еңбегінің жемісін қорытындылауға арналған сабантой мерекесі өтті

<a href="https://kyzylorda-news.kz/">Kyzylorda-news.kz.</a>&nbsp; Медициналық және фармацевтикалық қызметті бақылау комитетінің Қызылорда облысы бойынша департаментінің басшысы Ғалия Байменова облыстық партия филиалының қоғамдық қабылдау бөлмесінде азаматтарды қабылдады.&nbsp;Қабылдау барысында азаматтар дәріханалардағы дәрі-дәрмектер бағасы, дәріхана қызметкерлерінің этика нормаларын сақтауы сонымен қатар аяжандардың санаттары (категория) бойынша мәселе көтерді.&nbsp;Департамент басшысы келушілердің сұрақтары бойынша түсіндірме жұмыстарын жүргізді.&nbsp;<blockquote>«Бағаның шекті мәнін «Дәрі.кз» сайтына кіріп, анықтауға болады. Ешбір дәріхана ҚР ДСМ бұйырығы негізінде бекітілген шекті бағадан асыра алмайды. Егер ондай заң бұзушылықтар анықталған жағдайда 23-40-36 телефон нөміріне хабарласып, департаментке шағымдану мүмкіндігі бар екендігін атап өтті.Ал аяжандардың санаттарына қатысты бөліністер ҚР «Халық денсаулығы және денсаулық сақтау жүйесі» Кодексінде 2020 жылғы 20 желтоқсанда енгізілген өзгерістер негізінде алынып тасталған. Аяжандар тек сертификатталуы міндеттелуіне орай санаттық бөлініс заңда көзделмеген,- деді Қызылорда облысы бойынша департаментінің басшысы Ғалия Байменова.</blockquote><figure class="image"><img src="https://knadmin.beoblood.kz/uploads/316029855_518691616963146_455864590138470756_n_08af6c8dac.jpg" alt="316029855_518691616963146_455864590138470756_n.jpg"></figure>&nbsp;<figure class="image"><img src="https://knadmin.beoblood.kz/uploads/317377934_518691653629809_5774783896201619335_n_8e57504623.jpg" alt="317377934_518691653629809_5774783896201619335_n.jpg"></figure>

Ғалия Байменова: Ешбір дәріхана бекітілген шекті бағадан асыра алмайды 

<a href="https://kyzylorda-news.kz/">Kyzylorda-news.kz.</a> Әлеуметтік медициналық сақтандыру қорында медициналық сақтандыру үшін кімдерден көп төлем түскеніні жөнінде хабарлады. Биылғы жылдың 10 айының қорытындысы бойынша 823,2 млрд теңге көлемінде жарналар мен аударымдар түсті. &nbsp;Биылғы жылдың 1 қаңтарынан 31 қазанға дейін МӘМС-ке 823,2 млрд. теңге көлемінде жарналар мен аударымдар түсті. &nbsp;Олардың басым бөлігі мемлекеттен аударылған төлемдер. Аталған кезеңде жеңілдік санатына кіретін 11 млн. азамат үшін төленген жарналар шамамен 300,9 млрд. теңгені құрады.Жұмыс берушілер - төлем жасау бойынша екінші орында. Олар аталған кезеңдер үшін аударымдар түрінде 293,7 млрд. теңгеден астам қаражат бөлді. &nbsp;Жалдамалы жұмысшылар, сондай-ақ азаматтық-құқықтық сипаттағы шарттар бойынша еңбек етіп жүргендер, жеке кәсіпкер, өзін-өзі жұмыспен қамтығандар және дербес төлеушілер жалпы алғанда 227,8 млрд. теңге жарна төледі. Демек, 10 айдың қорытындысы бойынша елімізде 16,2 млн-нан астам сақтандырылған азамат бар, яғни, бұл халықтың 82,1 пайызын құрайды. Бұл ретте Қор өкілдері атап өткендей, сақтандыру мәртебесін алуға алдағы 12 ай үшін төлем жасау механизмін 6 мыңнан астам азамат пайдаланды.&nbsp;Қор барлық жарналар мен аударымдар ҚР Ұлттық банкіндегі арнайы шотқа түсетінін еске салды. Сол жерден қаржы сақтандырылған азаматтарға көрсетілген қызмет ақысын төлеуге жіберіледі.Сақтандырудың жаңа әдісі қандай?Естеріңізге сала кетейік, ағымдағы жылдың 5-қыркүйегінен бастап МӘМС жарналарын төлеудің жаңа тетігі – алдағы 12 айға төлем жасау механизмі іске қосылды. Бұрын өткен 12 ай үшін жарналар төленуі керек еді. Қазір жаңа әдісті таңдасаңыз, өткен жылы төленбеген кезеңдерді төлемеуге болады. &nbsp;Мәртебе мен төлемдерді тексеру әдісіАлдағы жылға сақтандыру мәртебесін беру және төлемдердің бар-жоғы туралы ақпаратты сақтандыру &nbsp;мәртебесі тексерілетін келесі тәсілдермен алуға болады – Qoldau 24/7 мобильді қосымшасы, Қордың fms.kz ресми сайты арқылы немесе SaqtandyrýBot Telegram арнасы арқылы.&nbsp;Төлемдер мен мәртебе туралы ресми құжатты eGov.kz электрондық үкімет порталынан «Медициналық қызметтерді тұтынушы ретінде қатысу туралы және міндетті әлеуметтік медициналық сақтандыру жүйесінде аударымдардың және (немесе) жарналардың аударылған сомалары туралы ақпарат беру» мемлекеттік қызметі арқылы алуға болады.<figure class="image"><img src="https://knadmin.beoblood.kz/uploads/Mams_6432863444.jpg" alt="Мамс.jpg"></figure>

МӘМС-ке түскен жарналар мен аударымдардың көлемі қанша?

<a href="https://kyzylorda-news.kz/">Kyzylorda-news.kz.</a> 2022 жылы аяқталуға жақын. Сіз міндетті әлеуметтік медициналық сақтандыру жүйесінде сақтандырылғансыз ба? МӘМС-ға қалай төлеуге болады, сақтандыру мәртебесін қалай алуға болады? Тұрғындардың осы және басқа да өзекті сұрақтарына Әлеуметтік медициналық сақтандыру қорының Қызылорда облысы бойынша филиалының директоры Бақыт Исмаханбетов жауап берді.Бірыңғай жиынтық төлем мен дербес төлемнің айырмашығы неде?Бірыңғай жиынтық төлемді өткен кезеңдер үшін төлеуге болмайды. Егер пациент төлемдердің бірін жіберіп алған болса, онда өткізіп алған кезең үшін дербес төлеуші ретінде төлеу қажет. Бірыңғай жиынтық төлем құрамына 4 компонент кіреді, олар: МӘМС жарналары, міндетті зейнетақы жарналары, әлеуметтік аударымдар және табыс салығы. Ал дербес төлеушінің төлемі МӘМС жарнасынан 100 пайыз тұрады. Ауылдық және қалалық жерлерде тұратын халықтың санаттары үшін бірыңғай жиынтық төлем мөлшері әртүрлі. Мысалы, республикалық, облыстық маңызы бар қалалар мен Астананың тұрғындары бірыңғай жиынтық төлемге 1 айлық есептік көрсеткіш – 3 063 теңге, ал қалған елді мекендердің тұрғындары 0,5 айлық есептік көрсеткіш - 1 531,5 теңге төлейді. Дербес төлеушілер айына 3 000 теңге төлейді (1 ЕТЖ-дан 5%).Мен жеңілдік санатындағы «жұмыс істемейтін жүкті әйелмін», мәртебем сақтандырылған. Ресми жұмысқа шыққым келеді. Мәртебем өзгере ме?&nbsp;Жеңілдік санаты жұмыс істемейтіндерге ғана беріледі. Сіз жұмысқа орналасқанда, жұмыс беруші сіз үшін МӘМС жарналарын төлейді. Жұмыс берушінің есебінен жалақы деңгейінің 3 пайыз мөлшерінде аударымдар жасауы тиіс. Бұл ретте, ай сайынғы төлемнің мөлшері 10 ЕТЖ-ның 3 пайыз - 18 мыңнан аспауы тиіс. Сіздің жалақы деңгейінен 2 пайыз мөлшерінде жарналар ұстайды. Бұл ретте, ай сайынғы төлемнің мөлшері 10 ЕТЖ-ның 2 пайыз - 12 мыңнан аспауы тиіс. Егер жеңілдік санатына енгізілгенге дейін сізде МӘМС жарналары бойынша берешек болса, оны өтеу қажет, бірақ ағымдағы жылдың алдында 12 айдан артық болмауы тиіс немесе алдыңғы 12 айға төлеу міндетті.Мен студентпін. МӘМС жарналары менен ұсталмауы үшін жұмыс берушіге қандай құжаттарды ұсыну қажет? Жұмыс берушіге оқудың әр айы үшін анықтама беру керек пе?Күндізгі бөлімде оқитын студенттер жеңілдік санатына кіреді және олар үшін МӘМС жарналарын мемлекет төлейді. Жұмыс берушіге оқу мерзімі көрсетілген және ай сайынғы растауды қажет етпейтін оқу орнынан анықтаманы беруіңіз тиіс.Егер сіз МӘМС жарналарын төлемесеңіз, мәртебе қай уақыттан кейін «сақтандырылмаған» болады?Бірыңғай жиынтық төлем төлейтіндерден басқа төлеушілердің барлық санаттары МӘМС - ға соңғы төлемнен кейін үш ай ішінде сақтандыру мәртебесін сақтау мүмкіндігі бар. Бұл дегеніміз, егер сізде соңғы төлем 2023 жылдың қыркүйегінде болса, сіз шартты сақтандыру мәртебесін 2023 жылдың желтоқсанына дейін сақтайсыз. Бірақ осы кезеңде МӘМС жарналары бойынша берешек сақталатынын есте ұстаған жөн, оны желтоқсаннан кейін мәртебесін жоғалтпау үшін өтеу қажет болады.&nbsp;<figure class="image"><img src="https://knadmin.beoblood.kz/uploads/Filial_KZO_kak_oplatit_za_OSMS_3cb25c5f45.png" alt="Филиал КЗО_как оплатить за ОСМС.png"></figure>

МӘМС жарналарын төлемесеңіз, мәртебе қай уақыттан кейін «сақтандырылмаған» болады?

<a href="https://kyzylorda-news.kz/">Kyzylorda-news.kz.</a> Қазақстан Республикасы Денсаулық сақтау министрлігі Санитариялық-эпидемиологиялық бақылау комитетінде «Атамекен» ҚР ҰКП филиалдарымен бірлесе &nbsp;және тамақтан уланудың алдын алу бойынша қоғамдық тамақтану объектілерімен Қармақшы ауданында семинар кеңес ұйымдастырылды. Оған облыстық «Атамекен» кәсіпкерлік палатасы Қармақшы аудандық филиалының басшысы А.Өтегенов, аудандық кәсіпкерлік, өнеркәсіп және туризм бөлімінің жетекші маманы А.Асанова және сауда орындары мен қоғамдық тамақтану орындарының кәсіпкерлері қатысты.Семинар барсында Кеден одағының техникалық регламенттерінің талаптарына сәйкестігін анықтау мақсатында мемлекеттің қаржысына сатып алу жұмыстарын жүргізу, 2015 жылғы 29 қазандағы №375-V ҚРЗ Қазақстан Республикасының Кәсіпкерлік Кодексінің 148 бап, 147 бап 1 тармақшасына, 141 бабының 3 тармағы 11 бөлігінің 2 тармақшасына, Қазақстан Республикасының 2020 жылдың 7 шілде №360VІ «Халық денсаулығы және денсаулық сақтау жүйесі туралы» Кодексінің 43 бабының тармақтарын, «Санитариялық эпидемиологиялық сараптама жүргізу қағидаларын бекіту туралы» 2020 жылғы 30 желтоқсандағы №334/2020 бұйрығына сәйкес, өнімдер іріктеліп, санитариялықэпидемиологиялық сараптама жүргізілетіндігі айтылды. Аудандық санитариялық эпидемиологиялық бақылау басқармасымен ағымдағы жылдың қаңтар-қараша айларында өнімдердің қауіпсіздігінің мониторингін жүргізу барысында Жосалы, Төретам кенті, Ақай елді мекендерінде орналасқан 11 сауда орнынан барлығы 165 сынама алынып, 11 өнімнен 13 сәйкессіздік анықтады. Оның ішінде 1 органелептика, құрғақ қалдық 1, мезофильді аэробты факультативті анаэробты микроорганизмдер саны 2, ішек таяқшалар тобындағы бактериялар ІТТБ 0,0001 г2, таңбалану 4 сәйкессіздік анықталған.Сауда саласы кәсіпкерлері әрбір өнімнің таңбалануына, мемлекеттік және орыс тілінде, өнімнің атауына, мекеменің аты және орналасуына, өнімнің шыққан күні, жарамдылық мерзіміне, құрамына, салмағына, тағамдық құндылықтың көрсеткіштеріне, КО мүше мемлекеттер арасына жүруге ыңғайлы белгі ТС ЕАС, ГМӨ қолданылғаны жөніндегі ақпараты бар өнімдерді халыққа тұтыну туралы түсіндірмелер жүргізді.Тамақтан улану – ауру адамнан сау адамға жұқпайтын, кейбір микроорганизмдердің белгілі бір түрімен жаппай тұқымданған, табиғаты микробты немесе микробсыз, органикалық, не органикалық емес уытты заттардың тамаққа түсуінен туындайтын жедел (кейде созылмалы) ауру. Тамақтан улану жедел, аяқастынан басталады. Азық-түлікке аз мөлшерде түрлі уытты заттардың түсуінен болады. Тамақтан улану микробты және микробсыз болып бөлінетіндігі, токсико инфекцияны тудыратын шартты патогенді микроорганизмдер (ішек таяқшалары – Е.coli: Протей таяқшасы, Cl.perfringens; Bac.cereus) екендігін түсіндірді. Тамақтан уланудың профилактикасына басты назар аудару қажеттігін көрсетті. Ол үшін қауіпсіз тамақ өнімдерін таңдаңыз, тамақты дайындау технологиясын сақтаңыз, пісірілген тамақты бірден пайдаланыңыз, азық¬-түліктерді мұқият сақтаңыз, алдын ала дайындалған тамақты мұқият қыздырыңыз, шикі және піскен тамақ өнімдерін қатар сақтамаңыз. Сондай-ақ, қолыңызды жиі жуып тұрыңыз, ас үйді таза ұстаңыз, таза суды пайдаланыңыз, тамақты жәндіктер мен кеміргіштерден аулақ ұстаңыз.Әрбір тұтынушы тағамды қолданар алдында оның сапасына, құрамына, пайдалану мерзіміне қатаң мән беру қажеттігін басқарма бас маманы А.Смайлова жанжақты түсіндіріп өтті. &nbsp;<figure class="image"><img src="https://knadmin.beoblood.kz/uploads/6_831c7b1b34.jpg" alt="6.jpg"></figure>

Тамақтан уланудың алдын алу және санитариялық ережелердің талаптарын сақтау бойынша семинар өтті

<a href="https://kyzylorda-news.kz/">Kyzylorda-news.kz.</a> ХХІ ғасыр – жаңа технологиялар ғасыры. Бүгінде Қазақстан да сол ғасырға нық қадам басты. Ел өңірінің барлық саласы цифрлық түрге көше бастады. Бұл ел болшағы үшін маңызы зор қадам. Қазіргі кезде жаңа технологияны дамыту білім берудің бір бөлігі болып қалыптасты. Ғылым мен техниканың даму қарқыны оқу-ағарту саласының оқыту үрдісіне жаңа технологиялық әдістермен қондырғыларды кең көлемде қолдануды қажет етуде.Сондықтан да техникалық және кәсіби білім беретін оқу орындары еңбек нарығының нақты сұранысына бейімделуі керек және еліміздің жаңа экономикалық бағдарының міндеттеріне сай болуы тиіс. Президент Қасым-Жомарт Тоқаев соңғы Жолдауында осындай нақты меже мен міндет қойған болатын. Өйткені, елдің ертеңгі тізгіні кәсіби, білікті, заманауи технологияның тілін түсінген жастардың қолында. Сондықтан, техникалық мамандықтарға басымдық беріп, заманауи салада жастарға мүмкіндік беру қазіргі қоғамның басты талабы.Осы бағытта Жаңақорған ауданыдағы аграрлы-техникалық колледжі бірқатар жүйелі жұмыстар атқаруда. Дәулетхан Тұрсынхожаев басшылық ететін оқу орны заманауи талаптарға толықтай сай, яғни оқу құралдары, заманауи техникалары жаңа үлгіде қамтамасыз етілген. Студенттерге шәкіртақы және ауылдық жерлерден қатынау құны да қаралған.Колледжде 2005 жылға дейін студенттер 6 мамандық бойынша білім алса, қазіргі таңда олардың саны 19-ға толықты. Оқу кабинеттері мен зертхана, шеберханалар саны артып, практикамен қатар теориялық жүйе де қатар жүруде. 4 зертхана, 6 шеберхана бар. Оның ішінде, «Токарьлық ісі және металл өңдеу» мамандығы бойынша «Станок жұмыстары» шеберханасы, «Автокөліктерге техникалық қызмет көрсету, жөндеу және пайдалану» мамандығы бойынша , «Автокөліктерге техникалық қызмет көрсету» шеберханасы бар. Сол секілді, «Тігін», «Пісіру жұмыстары», «Тамақ дайындау», «Техникалық қызмет көрсету» шеберханасы да сабақ жүзінде жүзеге асуда.<blockquote>«Бізде «Ветеринария» мамандығы бойынша арнайы пән кабинеті мен зертханасы, «Электротехника», «Таукен механика», «Электронды ақпараттандыру» зертханасы, экономика негіздері кабинеті, өзін-өзі тану, 2 компьютер, 27 оқу кабинеті болса, 14 оқу кабинеті интерактивті тақтамен жабдықталған, 2014 жылы колледждің әкімшілік ғимараты іске қосылып пайдаланылуға берілді. 2020-2021 оқу жылында колледж толықтай күрделі жөндеуден өтіп жылу қазандығы қатты отыннан (көмір) сұйық отынға (табиғи газ) ауысты. Колледж 200 орындық АКТ залы, 160 орындық асхана, 100 орындық жатақханамен қамтылған», – деді Дәулетхан Тұрсынхожаев.</blockquote>Жалпы алғанда, колледжде 19 мамандық, 24 біліктілік бар. Яғни, 19 мамандықты игерген студенттер 24 түрлі салаға бейім деген сөз. Автомобиль көлігіне техникалық қызмет көрсету, жөндеу және пайдалану, ауыл шаруашылығы техникасын пайдалану, техникалық қызмет көрсету және жөндеу, ауыл шаруашылығын механикаландыру, бағдарламалық қамтамасыз ету (түрлері бойынша), ғимараттар мен құрылыстарды салу және пайдалану сынды мамандықтар бар. Сол секілді дәнекерлеу ісі, есеп және аудит, есептеу техникасы және ақпараттық желілер (түрлері бойынша), жеміскөкөніс шаруашылығы мен маркетинг (салалар бойынша), тамақтандыруды ұйымдастыру және тамақтану саласында қызмет көрсетуді ұйымдастыру бойынша маман атануға болады. Тігін өндірісі және киімдерді үлгілеу, электр жабдықтары, токарлық іс, пайдалы қазбалардың кен орындарын жер астында өңдеу, тұрғын үй-коммуналдық шаруашылық объектілерінің инженерлік жүйелерін монтаждау және пайдалану, ветеринария және басқаруды құжаттамалық қамтамасыз ету және мұрағаттану мамандығы бар.«Жастар жылы» аясында «Жас маман» жобасы жүзеге асқанын білеміз. Бағдарламаның басты мақсаты – заман талабына сай білікті маман даярлау. Жоба аясында Қазақстандағы 795 оқу орнынан 180 кәсіптік білім мекемесі таңдалды. Соның ішінде біздің аграрлытехникалық колледж бар.Жалпы, жобаның мақсаты «worldskills» стандарттарының халықаралық тәжірибесін енгізе отырып техникалық және кәсіптік білім беру ұйымдарындағы сұранысқа ие 100 мамандықты анықтау және қайта жаңғырту екен. Жобаны іске асыру қорытындылары бойынша оқу ұйымдары республикалық және халықаралық деңгейлерде талап етілетін мамандарды даярлау үшін қажетті қазіргі заманғы жабдықтармен жарақтандырылатын болады. «Дәнекерлеу ісі» мен «Автомобиль көлігіне техникалық қызмет көрсету, жөндеу және пайдалану» мамандығы бойынша колледжге республикалық бюджеттен 320 млн бөлінген. Ал бұл қаржыға кәсіптік білім мекемелері халықаралық стандарттарға сай соңғы үлгідегі құралдар сатып алуы тиіс. Осы орайда жас маман жобасы колледждің оқу өндірістік базасын жаңартып қана қоймай, құзіреттілік орталығын құруға мүмкіндік бермек. Бөлшектеу құрастыру құрылғыларынан бөлек, Жаңақорған аграрлы-техникалық колледжі базасы білім алушыларға жүргізіп үйренуге арналған су жаңа техникалармен толыққан. Сондай-ақ, жас маман мемлекеттік бағдарламасы аясында білім ордасында еуропалық стандарттарға сай соңғы үлгідегі дәнекерлеу құралдары жеткізілген. Қазіргі таңда мемлекет қолдауына ие болған білім ұясы дуалды және модульді оқыту жүйесіне толықтай көшіпті.Жоғарыда жазғанымыздай, оқу орны толықтай заманауи құрылғылармен жабдықталған. Нақтырақ тоқталсақ, көлік жөндеу кабинетіде көліктің әрбір техникасын бөлшектеп үйретеді. Екіншіден, планшет арқылы және үлкен экранды арна арқылы түсіндіру сабағы өтеді. Балаларға көлікті басқарудан бастап, әрбір құралсайманына дейін түсіндіріледі. Сол секілді, бүгінгі күннің мамандығы болған токарь кабинеті де бар. Ал қыздар тігін шеберханасы мен асханасында шберліктерін шыңдаса болады.Оқу орны &nbsp;басшысының айтуынша, теориялық және практика өтетін оқу шеберханалары толық заманауи техникалық құралдарымен қамтылған. Оның ішінде «Дәнекерлеу ісі» мамандығы бойынша теория кабинеті «Вертуальды дәнекерлеу тренаржер», «Автокөліктерге техникалық қызмет көрсету және пайда¬лану» мамандығының теория кабинеті, Вертуальды автотренажеры, студенттерге арналған 25 планшет, автокөлікті жүргізіп үйренуге арналған заманауи құралдармен жабдықталған. Ал шеберханаларға келетін болсақ, «Автокөліктердің ақауын табатын диагностикалық аппараттар инжектор тазалайтын құрылғылар, автокөлік бөлшектерін, көліктің электроақауларын анықтайтын құрылғылар, дөңгелектердің тепе-теңдігін анықтайтын құрылғылар, автокөлік көтергіштері, білім алушыларға толық үйренуге арналған қозғалтқыштары, матор майларын ауыстыратын қозғалтқыштар, беріліс қорабын ауыстыратын құрылғылармен» жаңа заманауи технологиялармен толыққанды қамтылған. Дәнекерлеу шеберханаларындағы барлық дәнекерлеу замануи үлгіде студенттерге қолайлы түрде жабдықталыпты.Қазіргі таңда колледжде 489 студент дәріс алады. Оның 124-і биыл қабылданған. Оқу орнынан түлеп ұшқан студенттердің 65-70 пайызы шартты түрде жұмысқа орналасқан. Сондай-ақ, жоғары оқу орнына тестілеу арқылы грантқа түсуге де мүмкіндік болады екен. Мәселен, былтыр бітірген 179 түлектің 122-і жұмысқа орналасса, 35 жас әскерге аттанған, 22 түлек жоғары оқу орнына түскен. Одан бөлек, жеке кәсіпкерлер және аудандағы ірі өндіріс орындарымен меморондум жасалған. Мәселен, Шалқия жер асты қазбаларын жүргізуге 4 жылға мердігерлікке отырған “Қытай-Азаматтық-Инженерлік-Құрылыс Корпорациясының” бас директоры Дзянг Хайвен және “Шалқия Цинк LTD” әлеуметтік мәселелер жөніндегі кеңесшісі Ғабит Ғазизқанұлы кәсіптік колледжде болып, екі жақты өзара келіссөз арқылы колледжде оқып жатқан студенттер Шалқия кен орындарынан өндірістік практикадан өтіп, іскерлік тұрғыда шыңдалған. Одан бөлек, бітірушілер көлік қызметі, қыздар тігін шеберханалары мен аспаз қызметінде жұмыс жасауда. Осы оқу орнын бітірген түлектердің тез екі қолға бір күрек тауып, жұмысқа орналасып кетуі, колледж мұғалімдерінің жоғары біліктілігімен сәйкестендіруге болатын сияқты.Алдағы уақытта оқу орны «Шалқия Цинк LTD»-ға керек мамандықтарын анықтап, жаңа мамандықтар түрін ашу жоспарлауда. Атап айтқанда, тазарту забойының тау-кен жұмысшысы, үңгуші, жер асты тау-кен монтаждаушысы, техник-технолог, маркшейдерлік ісі, пайдалы қазбалар кен орындарын ашық қазу мамандықтары бар. &nbsp;<figure class="image"><img src="https://knadmin.beoblood.kz/uploads/1_6878d08448.jpg" alt="1.jpg"></figure><figure class="image"><img src="https://knadmin.beoblood.kz/uploads/2_dfb6cc920b.jpg" alt="2.jpg"></figure>

Жаңақорған: Аграрлы-техникалық колледжі заманауи техникалармен жабдықталған

<a href="https://kyzylorda-news.kz/">Kyzylorda-news.kz.</a> Қызылорда облысында республикалық ақпараттық түсіндіру тобы бас бостандығынан айырылғандармен кездесті.Қызылорда облысы бойынша Қылмыстық-атқару жүйесі департаментінің №60 мекемесіндегі сотталғандар арасында діни экстремизм және терроризм және деструктивті діни ағымдардың таралуына жол бермеу мақсатында жүйелі ақпараттық түсіндіру және профилактикалық жұмыстары үздіксіз жүргізіліп тұрады.&nbsp;Қызылорда облыстық Қоғамдық даму басқарамасының мемлекеттік тапсырысы аясында, &nbsp;«Асыл мұра» қоғамдық қорының ұйымдастыруымен «Нұр-Мүбарак» университеті жанындағы «Діни экстремизмге қарсы іс-қимыл» академиясының директоры РАТТ мүшесі, теолог Нүсіпханов Тимур Нүсіпханұлы мекемеге келіп, сотталған азаматтарды жеке-жеке қабылдап, олардың дінге деген көзқарасы мен діни сауаттылық деңгейін анықтау мақсатында еркін әңгіме өрбітті.&nbsp;Профилактикалық іс- шара барысында сотталған азаматтарға «Мұсылманның әдептері» тақырыбында насихат жүргізді. Жазасын өтеуші азаматтар теолог маман тарапынан жүргізілген дәріске қызығушылықпен қатысты және дәріс соңында өздерін мазалаған сұрақтарын қойып, тұшымды жауаптар алды.<blockquote>«Мекеме теологтары және өзге де мекемеге келуші имамдар мен теологтардың дәрістерін жібермей қатысып келемін. Осының нәтижесінде діни көзқарасым жақсы жағына өзгерді. Бұрын дінді өз деңгейінде дұрыс түсіне алмаған болсам, қазіргі таңда аталған мамандардың еңбектерінің арқасында өз қателіктерімді түсініп дінге, қоғамға деген көзқарасым өзгерді. Дегенмен осындай республикалық деңгейдегі мамандардың да келіп тұрғандары артықтық етпес еді. Бұрын бұл кісілердің уағыз-насихаттарын тыңдамаушы едім, қазір сол қателігімді түсіндім», - дейді сотталғандардың бірі.</blockquote><figure class="image"><img src="https://knadmin.beoblood.kz/uploads/Whats_App_Image_2022_11_25_at_17_41_13_b97a1240e8.jpeg" alt="WhatsApp Image 2022-11-25 at 17.41.13.jpeg"></figure>

Қызылордада республикалық ақпараттық түсіндіру тобы бас бостандығынан айырылғандармен кездесті

<a href="https://kyzylorda-news.kz/">Kyzylorda-news.kz.</a> Темірбек Жүргенов ауылы – ауданымыздағы ауыл шаруашылығы дамыған елді мекендердің бірі. Халқының саны жағынан да көп ауылдардың алдында тұр: 1 700 тұрғын бар. Ауылда мектеп, емхана, клуб үйі қызмет көрсетеді. Кеңес кезеңінен бері іргесі сөгілмей, жеке тұлғаларға сатылып кетпей, бүлдіршіндерге тәрбие беріп келе жатқан екі қабатты балабақша да бар.&nbsp;Білім болашаққа салынған инвестиция екені мәлім. Тарихы терең білім ошағы саналатын Әбдікәрім Оңалбаев атындағы №117 орта мектеп – ауыл балаларына заман талабына сай оқу процесін жүргізіп, шәкірттерін білімнің қайнар бұлағымен сусындатып отырған қара шаңырақтың бірі. Мұнда білікті де білімді ұстаздар қауымы талай жарыстан жүлделі орындармен оралып, ел мақтанышы болған шәкірттер тәрбиелеп отыр. Бүгінде мектептің келбеті алыстан көз тартып, менмұндалап тұр. Себебі осыдан 2 дыл бұрын мектеп ғимаратына күрделі жөндеу жұмыстары жасалды. Осылайша, балалардың сапалы да сәнді, жарық та зәулім ғимаратта заманауи технологиямен білім алуына жағдай жасалды.Су – тіршілік нәрі. Ауыз су сапалы болса, ауыл халқы дән риза. Т.Жүргенов ауылының халқына өткен жылдары жобалық құны 488,769 млн теңге тұратын, ұзындығы 21 991 метрді құрайтын су тарту жүйесі орнатылып, бүгінде жергілікті тұрғындар сапалы суға қол жеткізіп отыр.Ауылда қазірде ірілі-ұсақты 12 шаруашылық заңды тіркелген. Оның 3-уі мал шаруашылығын өркендетуді қолға алған. Бірақ, барлығы да жұмыстарын жүйелі жүргізіп отыр. Соның ішінде «Ер-Әлі», «Құрманбай ата» шаруашылықтары іріленген. Аяқ су тапшылығын алдын алу мақсатында ең алғаш егісті әртараптандыру жүйесіне көшкен де осы ауылдағы «Ер-Әлі» шаруашылығы.&nbsp;Алайда, басқа ауылдардағыдай аяқ су мәселесі бұл ауылды да айналып өтпейді. Егін, мал шаруашылығының барлығы аяқсуға тәуелді. Су болмаса егістікте өнім жоқ, шабындықта, жайлымдық жерлерде шөп жоқ. Бірақ, жоғарыда айтқанымыздай, ауылдағы шаруашылықтар бұл қиындықтарды да ақырындап еңсеріп келе жатыр деуге болады. Мәселен, «Ер-Әлі» шаруа қожалығының төрағасы Әліби Бекжанов жыл сайын суды көп қажет ететін күріш алқабының көлемін қысқартып, оның орнына тамшылатып суғару әдісімен өсірілетін кортоп, қызылша және басқа да бақша дақылдарын қолға ала бастады. Нәтижесіз емес, ойдағыдай өнім алып отыр.&nbsp;Өткен аптада аудан әкімі Асқарбек Есжанов ауылдарды аралап, тыныс-тіршілігін өз көзімен көріп, елді мекен халқымен бетпе-бет мәселелерін тыңдаған болатын. Осы орайда Темірбек Жүргенов ауылының тұрғындары атынан аудандық мәслихаттың депутаты Әліби Бекжанов аудан басшысына осы аяқсуға байланысты түйінді қозғады. Атап айтсақ, егістікке тікелей су әкелетін Мырзабай шлюзіндегі трубаларды кеңейтіп, судың еркін өтуіне мүмкіндік жасалса деген ұсынысын жеткізді. Сонымен бірге тұрғындар тарапынан ауылдағы электр желілерінің ескіруі салдарынан жарықтың жиі сөнетіні айтылды.&nbsp;Аудан басшысы Асқарбек Есжанов көтерілген мәселелердің барлығы қаперге алынатынын және өз кезеңімен шешімін табатынын жеткізді. Ал мемлекет және қоғам қайраткері Темірбек Қараұлының дүниеге келіп, өсіп-өнген ауылындағы 8 көшені күрделі жөндеуден өткізудің жоба-сметалық құжатына тиісті қаржы бөлінгені, сонымен бірге Темірбек Жүргенов атындағы саябақ құрлысына 67 млн теңге қаржы қаралып отырғаны ауыл халқын қуантты. ТҮРКСОЙ ұйымы келер жылды – түркі әлемінде «Темірбек Жүргенов жылы» деп жариялады. Ендеше, қазаққа ғана емес, Орта Азияға ортақ &nbsp;тұлғаға өз туған топырағы осындай құрмет көрсетіп, перзентін ұлықтауы көрегендік.Жалпы, бірлігі бекем, тірлігі тиянақты Темірбек Жүргенов ауылының әлеуметтік-экономикалық дамуында қарқын бар. «Ауыл – ел бесігі» дейтін болсақ, ауыл халқы әлеуетінің артқаны заңдылық деп білеміз.&nbsp; &nbsp;<img src="https://knadmin.beoblood.kz/uploads/1640861675_98946464_db4f90e087.jpg" alt="1640861675_98946464.jpg"><img src="https://knadmin.beoblood.kz/uploads/1640861761_dsc0063_7f80a90449.jpg" alt="1640861761__dsc0063.jpg"><img src="https://knadmin.beoblood.kz/uploads/281849927_1356370578200096_3121083522805267683_n_1642ec4f3f.jpg" alt="281849927_1356370578200096_3121083522805267683_n.jpg">

Темірбек Жүргенов ауылының даму әлеуеті тұрақты

<a href="https://kyzylorda-news.kz/">Kyzylorda-news.kz.</a>&nbsp; Қызылорда қаласында ауа райының қолайсыздығына және желдің күштілігіне байланысты 29 қарашада 0-4-сыныптар аралығындағы оқушылар қашықтан оқиды.<blockquote>«Қызылорда қаласы бойынша ауа райының қолайсыздығы, желдің күштілігіне байланысты 29 қарашада 0-4-сынып оқушылары қашықтан оқытылатынын хабарлаймыз», – деп жазылған Қызылорда қаласының білім бөлімі таратқан хабарламада.</blockquote>

Бүгін Қызылордада мектеп оқушылары қашықтан оқиды

<a href="https://kyzylorda-news.kz/">Kyzylorda-news.kz.</a> Арал ауданының әкімі Серік Сермағамбетовтың төрағалығымен жиын өтті.&nbsp;Күн тәртібінде екі мәселе қаралды. Алғашқысы ауданда жаңа жұмыс орындарын құру көрсеткіші туралы болса, екіншісі жұмыскерлердің еңбек шарттарын есепке алудың бірыңғай электронды жүйесін енгізу жайы қаралды. Бұл туралы аудан әкімдігінің баспасөз қызметі хабарлады.Мемлекет басшысының жолдауында айтылған 10 мың тұрғынға кемінде 100 жаңа жұмыс орнын құру туралы тапсырмасы Арал ауданында 100 пайызға толығымен орындалған. Жыл басынан бері айдынды өлкеде 1200-ден аса адам жұмыспен қамтылған. Аудан әкімі Серік Сағитжанұлы тиісті бағыттағы жұмыстарды алдағы уақытта да жүйелі түрде жалғастыруда тапсырды.Еңбек шарттарын жүйеге электронды түрде тіркелуі «2021-2025 жылдарға арналған Қызылорда облысының даму жоспарының» орындалуының нысаналы индикаторының бірі. Осыған орай аумақта орналасқан барлық субьектілермен жұмыскерлер арасында еңбек шарттарын бірыңғай жүйеге енгізу жұмыстары жүргізілуде. Аудан әкімі Серік Сермағамбетов өңірдегі кәсіпкерлік нысандар мен шаруа қожалықтарын электронды жүйеге орналастыру жұмыстарын жеделдетіп жүргізу қажеттігін айтып, жауапты бөлімдерге жүктеді.<figure class="image"><img src="https://knadmin.beoblood.kz/uploads/316946842_3426004941061201_7754904871122013556_n_c32989c885.jpg" alt="316946842_3426004941061201_7754904871122013556_n.jpg"></figure>

Арал ауданында жыл басынан бері 1200-ден аса адам жұмыспен қамтылған

<a href="https://kyzylorda-news.kz/">Kyzylorda-news.kz.</a> Жуырда Қызылорда облысының әкімі Нұрлыбек Нәлібаевтың тапсырмасына сәйкес Байқоңыр жастарын қолдауға бағытталған 2022-2025 жылдар аралығындағы кешенді іс-шаралар жоспары қабылданды.Осы кешенді іс-шаралар жоспарына сәйкес облыстық қоғамдық даму басқармасына қарасты «Жастар ресурстық орталығы» мекемесінің ұйымдастыруымен Байқоңыр қаласында «Жұлдызды қала» облыстық жастар слеті өтті.Слетке Қызылорда, Байқоңыр қаласының және барлық аудан жастары, ҚР Президентінің «Байқоңыр» кешеніндегі арнаулы өкілінің қызметін қамтамасыз ету басқармасының бөлім басшысы Кушкимбаева Гулсара Әбдіқадырқызы, Байқоңыр қаласының әкімшілігі «Мәдениет, жастар саясаты, туризм және спорт» басқармасының басшысы Ким Жанар Нукатаевна қатысты.Слет аясында жастар саясаты бағытындағы арнайы секциялық жұмыстар жүргізіліп, тәжірибе алмасу болды. Аймақ жастарының қатысуымен слеттің пленарлы отырысы өткізіліп, Байқоңыр қаласының белсенді жастары арнайы алғыс хатпен марапатталды.&nbsp;Мұнымен қоса, слетке жиналған жастар ғарыш айлағымен, айлақ мұражайымен және "Будущее Байконура" жастар орталығының жұмыстарымен танысты.<figure class="image"><img src="https://knadmin.beoblood.kz/uploads/317266063_1399993344108654_6896769899802520888_n_529658b182.jpg" alt="317266063_1399993344108654_6896769899802520888_n.jpg"></figure><figure class="image"><img src="https://knadmin.beoblood.kz/uploads/317491163_1399993534108635_3965308160561766401_n_c2e04bd78e.jpg" alt="317491163_1399993534108635_3965308160561766401_n.jpg"></figure>

Байқоңыр қаласында «Жұлдызды қала» облыстық жастар слеті өтті

<a href="https://kyzylorda-news.kz/">Kyzylorda-news.kz.</a> «Қазгидромет» РМК-сы 29 қарашаға жасалған күн райы болжамын жарилады.Республиканың басым бөлігі әлі де суық солтүстік антициклонның ықпалында болады, соның әсерінен күн ашық, алайда аяз болады.Атмосфералық ағындардың өтуімен елдің оңтүстігінде, оңтүстік-батысында, оңтүстік-шығысында жауын-шашын (жаңбыр, қар) болады, тұман түсіп, көктайғақ болады.ҚР бойынша жел күшейіп, солтүстік-батыста, оңтүстіктің таулы аймақтарында, оңтүстік-шығыста тұман түседі.Жетісу облысының солтүстігінде, шығысында, таулы аудандарында желдің жалдамдығы секундына 30 метрге жетеді кейде тіпті одан да жоғары болады.

Қазақстан және Қызылорда облысының жаңалықтары