<a href="https://kyzylorda-news.kz/">Kyzylorda-news.kz.</a> Республика күні және Арал қаласының 95 жылдығы аясында Арал қаласында «Кәсіпкерлер үйі» ашылды.Жаңа нысанның ашылу салтанатына аудан әкімі Серік Сағитжанұлы қатысып, жиналған көпшілікті Ұлттық мерекемен құттықтады. Сонымен бірге өңірдегі кәсіпкерлік саласындағы оң өзгерістерге тоқталып, ілгерілеушілік бар екендігін айтты. Аудан халқы мен жергілікті кәсіпкерлерге қызмет көрсетуге арналған орталықтың жұмысына сәттілік тіледі.&nbsp;Шара барысында Арал ауданының Құрметті азаматы, аудандық ардагерлер кеңесінің төрағасы Ә. Әйімбетов сөз алып, елдің мерейін өсіретін жаңа бастамалардың көп болуына тілектестік білдірді.Мұнан соң жаңа орталықтың лентасы қиылып, ашылу рәсіміне қатысушылар еңселі ғимараттың ішімен танысты.Жаңа орталықта шағын және орта бизнес субъектілері үшін қажетті кеңестер берілетін болады. Бұл жерде кәсіпкерге өзінің бизнес идеясы мен бастамасын жүзеге асыру үшін барлық жағдай жасалған. Яғни «Кәсіпкерлер үйіне» бизнес идеясымен жүгінген кез келген тұлға заңгерлік кеңес алудан бастап, кәсібін тіркеу, бизнес-жоспарын әзірлеу, біліктілігін көтеріп, жобасын қаржыландыру, сүйемелдеу сынды мемлекеттік қолдаудың барлық түрлеріне бір жерден қол жеткізе алады.Атап өтейік, алдағы уақытта аудандық кәсіпкерлік, өнеркәсіп және туризм, ауылшаруашылығы, жер қатынастары және кәсіпкерлер палатасының аудандық филиалы өз жұмыстарын «Кәсіпкерлер үйі» ғимаратында жалғастыратын болады.<img src="https://knadmin.beoblood.kz/uploads/305622422_3396976463964049_8860367380528577085_n_b47ce92e7f.jpg" alt="305622422_3396976463964049_8860367380528577085_n.jpg"><img src="https://knadmin.beoblood.kz/uploads/311237152_3396976363964059_4671450351107755432_n_02c24d4190.jpg" alt="311237152_3396976363964059_4671450351107755432_n.jpg"><img src="https://knadmin.beoblood.kz/uploads/311292361_3396976547297374_4318701664857441606_n_0ef1a453c1.jpg" alt="311292361_3396976547297374_4318701664857441606_n.jpg">

Арал қаласында кәсіпкерлер үйі ашылды

<a href="https://kyzylorda-news.kz/">Kyzylorda-news.kz.</a> Батыс антициклоны әлі де Қазақстанның шығыс жартысына әсерін сақтайды, сондықтан ол аймақта жауын-шашынсыз ауа райы күтіледі.Елдің батыс, солтүстік-батыс, оңтүстік және оңтүстік-шығыс өңірлеріне циклон мен атмосфералық фронттар әсер етеді.Осыған байланысты жауын-шашын, жаңбыр, қар жауады.Қазақстанның оңтүстігінде таулы аудандарда күндіз қатты жауын-шашын болады, жел күшейеді, солтүстік-батыста көктайғақ болады.Елдің шығыс, оңтүстік-шығыс аймақтарында түнде және таңертең тұман түседі. &nbsp;

Қазгидрометтің 25 қазанға арналған ауа райы болжамы

<a href="https://kyzylorda-news.kz/">Kyzylorda-news.kz.</a> Бүгінде отбасында зорлық-зомбылыққа ұшырайтын балалар саны көбейіп барады. Мәселен, статистикаға сүйенсек, еліміздегі дағдарыс орталықтарына хабарласып, көмек сұрағандардың 67%-ы – балалар. Тағы бір назар аударарлық дүние – бұл балалардың басым көпшілігі көп балалы отбасынан шыққан. Осы тұста бірқатар заңды сұрақ туындайтыны анық. Бала неліктен отбасында өзін қауіпсіз сезіне алмайды? Жақын адамдарынан зорлық-зомбылық көру оның психологиясына қалай әсер етеді? Неге балалар жиі зорлыққа ұшырайды? Ондай балалар санын азайту үшін не істеу керек? Зәбір көрген балалар қайда хабарласа алады? Міне, осы сауалдарға психолог Аина Молдахметова жауап берді, деп хабарлайды <a href="https://www.inform.kz/kz/balany-nege-uruga-bolmaydy-psihologpen-suhbat_a3992684?fbclid=IwAR0to4qZQJ48chAkGu9dci0qTgkqlWcgS_vNC_Ox6ai4kjOK5bT1WXb_WVI">ҚазАқпарат.</a>&nbsp;- Аина Мерекеқызы, жыл басынан бері тұрмыстық зорлық-зомбылыққа ұшырағандарға көмек қолын созатын дағдарыс орталықтарына хабарласқандардың 67%-ы балалар екен. Бұл дегеніңіз, тіпті жартысынан да көп. Айтыңызшы, отбасындағы балаларға қатысты зорлық-зомбылық неден туындауы мүмкін?- Жалпы, адамдардың басым көпшілігі баланың табиғатынан бейхабар. Оның психикасының дамуының әр сатысында қандай өзгерістер болатынын жақсы білмейді. Мәселен, ересектердің көбі баланы «кішкентай ересек адам» деп қабылдайды. Бір айтқаннан бәрін түсініп, тыңдауы қажет деп ойлайды. Ал бұған тереңірек мән берсек, кейбірі баланың не үшін керек екенін де білмейді. Олар қартайғанда жалғыз қалам деген қорқыныштан бала тапқысы келеді. Сондай-ақ, көбірек жәрдемақы алу үшін де баланы дүниеге әкелетіндер бар. Жүргізілген сауалнама нәтижесі соны көрсетіп отыр. Одан бөлек, қоғамда қалыптасқан басқа да таптаурындар әсер етеді. Сондықтан да, баланың психологиясын түсінбегеннен кейін, олармен қалай қарым-қатынас жасау керегін білмей жатады. Сол себепті де, тәрбилеудің ең оңай түрін, яғни зорлық көрсету, ұрып-соғу тәсілін қолданады.Бала – ересек адам емес, оның өмірлік тәжірибесі де аз, сондықтан да оның көп дүниені түсінбеуі, сұрағының көп болуы заңды. Ата-ана осы мәселені жақсы ұғынуы керек. Ал оның ата-ананы тыңдамауы, шу шығаруы өзін әке-шешесінің түсінбегенінен туындайды. Енді бір себеп ретінде отбасының әлеуметтік-экономикалық жағдайының төмендігін айтар едім. Ал үшіншіден, жүйенің дұрыс емес екенін, тұрмыстық зорлық-зомбылықпен күрес жұмыстарының дұрыс жүргізілмей жатқанын да атап өту керек. Бірақ, проблеманың бәрі бала психологиясын жете түсінбегендіктен туындайтынын еске салғым келеді. Осылайша, мәселенің бәрін тек ұрып-соғу арқылы шешу әдісі ұрпақтан-ұрпаққа жалғаса береді. Тіпті, қазір баласына ұрып-соғумен тәрбие беру қалыпты жағдайға айналып кеткен. Өйткені, кішкентай кезінде оларды да ата-анасы соққыға жыққан. Сондықтан да, мұндай ата-аналар балаларды тәрбилеудің басқа жолын білмейді.- Баланы ұрып-соғу, оған физикалық зақым келтіру оның психологиясына, психикасына қалай әсер етеді? Осыған тоқталып өтіңізші...- Балаға физикалық, психологиялық және жыныстық зорлық көрсеткен кезде, оның жеке шекарасы бұзылады. Кейін ол қоғамда, адамдармен араласқан кезде жеке шекараның не екенін біліп, оны қорғай алмайды. Өмір жолында кездескен адамдардың бәрі оны ренжітеді, көңіліне қаяу түсіреді. Ал ол мұның бәріне ата-анасының ұрып-соққанына шыдаған сияқты төзе береді немесе агрессивті реакция танытады. Салдарынан әр нәрсеге агрессивті көзқарас танытатын не өзін жәбірленуші сезінетін адам өсіп шығады.- Қазақта «ұяда не көрсең, ұшқанда соны ілерсің» деген сөз бар. Өзіңіз айтқандай, зорлық көрген бала өскеннен кейін өз баласын ұрып-соғатын болады. Зорлық көрсетудің ұрпақтан-ұрпаққа жалғасуын қалай тоқтатамыз? Мүмкін, ата-анаға қандай да бір шара қолдану керек шығар?- Қазір бізде баласын ұрып-соққан ата-ананы жазалау тәжірибесі ғана қолданылады. Бұл проблемамен күресте мұны тиімді тәсіл деп айтпас едім. Біріншіден, ата-ананы жазаламастан бұрын, оларға психологиялық көмек көрсетілуі тиіс. Себебі, ол да жаңа атап өткеніміздей, бала кезінде өзінің ата-анасы тарапынан зорлық-зомбылыққа ұшыраған болуы мүмкін. Осыны зерттеу керек. Мәселен, оларға психологпен терапия немесе лекциялар тыңдауға мүмкіндік, бағыт-бағдар берілуі керек. Оларды түзеу жұмыстарына тартып, айыппұл салғаннан гөрі, бала тәрбиесіне қатысты лекция тыңдатқан дұрысырақ болар еді. Бұл тек қана баланы емес, бірінші өзін түсінуге, кейіннен баланы түсінуге мүмкіндік береді. Өйткені, ата-ананың миында бұған дейін зорлыққа қатысты белгілі бір әдеттер қалыптасты ғой, соны өзгерту керек. Міне, ата-ананың зорлық-зомбылыққа көзқарасын өзгерту арқылы біз психологиялық және физикалық сау адамдардың көбеюіне жағдай жасаймыз.- Мамандар отбасында зәбір көрген балалармен жұмыс істеген кезде нені ескеруі керек?- Мамандар ата-анасынан таяқ жеген, зорлық-зомбылық көрген балалармен жұмыс істеген кезде оның адам ретінде «тұтастығын» қайтадан қалыптастыруға тырасады. Себебі, психикалық не физикалық зәбір көрген баланың жан дүниесінің парша-паршасы шығып, шашылып қалады. Мәселен, терапия кезінде бала өзінің қорқынышын қағазға түсіреді. Кейін біз мұнымен жұмыс істеп, оны басқа позитивті дүниеге айналдыруға тырысамыз. Бірақ, бұл жерде тек баламен ғана емес, анасымен де қатар жұмыс істеу керек. Өйткені, баланың психологиясымен жұмыс істеп, қалыпқа келтіргенмен, анасының психологиясы өзгеріссіз қалса, онда пайда жоқ.Жалпы, ата-ана баламен дұрыс қарым-қатынас құруға талпыну керек. Мысалы, баланы ұрып-соғып, жекіп-ұрысқаннан гөрі, оған қандай мәселеге тап болғанын айтуына мүмкіндік беріп, қандай жағдай болса да, мәселенің шешілуіне көмектесетінін ешқандай агрессиясыз жеткізу қажет. Ата-ана мен баланы бір-бірімен тіл табысуға, сөйлесуге үйрету керек.Оған қоса балаға өз құқығын қорғауды, өзіне не қажет екенін білуді үйрету керек. Сонымен бірге, ата-анасы баласына өзінің іш-киімін ешкімге ұстатпау керегін айтуы тиіс. Бала бір нәрсе айтса, оның сөзін бөліп тастамай, соңына дейін тыңдау керек. Бұлар қарапайым көрінгенімен, бала психологиясы үшін өте маңызды. Көзқарасы мен ойын ата-анасына айта алатын болса, кейін басқа ортада да өз ойы мен көзқарасын оңай жеткізетін болады.- Бір кездері сіздің «111» call-орталығында жұмыс істегеніңізді білеміз. Қай кезде жұмыс істедіңіз? Сондағы тәжірибеңізбен бөлісе аласыз ба? Балалар жиі хабарласушы ма еді?- Қазақстанда зорлық-зомбылық көрген бала «111» сенім телефонына хабарласа алады. Мұның жарнамасы теледидардан да беріліп жүр. Мен осы орталықта жұмыс істеп жүрген кезде бізге Қазақстанның түкпір-түкпірінен балалар хабарласатын.Мен онда елімізде «көк кит» ойыны белең алған 2017-2018 жылдары жұмыс істедім. Ойын арқылы балаларға манипуляция жасап, өздеріне зарар келтіруге мәжбүрлеп, тапсырмалары тіпті өзіне қол салуға дейін апарып жатты. Өз-өзіне қол жұмсағысы келген көптеген жеткіншек бізге хабарласатын. Тіпті, 16 жастағы бір қыз қорабымен дәріні ішіп алып хабарласса, енді бірі 9-қабаттан секірмекші болды. Екеуінің де жағдайы ұқсас, отбасындағы түніспеушіліктің жоқтығы, баланың қалауына назар аудармайтын ата-ана, жақын араласып, сырын айтатын достарының жоқтығы себеп болған. Міне, осындай жағдайлар өмірден баз кешіп, қол жұмсауға итермелеген. «Көк киттің» де әсері жоқ емес.Жалпы, отбасындағы не қоғамдағы зорлық-зомбылықтың көбеюі оның қалыпты жағдайға айналып бара жатқанын көрсетіп отыр. Бұл жерде бұқаралық ақпарат құралдарының да рөлін атап өткім келеді. Зорлық-зомбылық жайлы БАҚ-та көп көрсетіледі. Оны көбі соншалық, әбден етіміз үйреніп кеткен. Ғалымдар жүргізген бір тәжірибе жайлы айтып өтейін. Олар маймылды отырғызып қойып, оған атыс-шабыс киносын көрсеткен. Алғашқы минутында-ақ жаңағы маймыл өз-өзінен құтырып, қорқып, шыңғыра бастаған. Көрдіңіз бе, анау атыс-шабыс, қанның оған қалай кері әсер еткенін.Жалпы, мұндай жағдайда денсаулық, білім, БАҚ саласының мамандары, әлеуметтік қызметкерлер мен психологтер бірлесе жұмыс істеуі керек. Мәселен, мектептер көбіне өздерінің абыройы үшін жасырып, үнсіз қалуға тырысады. Ауруханалар да өздеріне жауапкершілік алмас үшін араласқысы келмейді.Ал, біздегі БАҚ репортаждарда көбіне зорлық-зомбылық көрген, яғни жарақат алған баланы, арақ ішетін әкесін көрсетіп жатады. Бұл тек зорлық-зомбылықтың көбеюіне әкеліп соғады. Мұны азайту керек. Керісінше, осындай жағдайға ұшыраған отбасы мәселесін қалай шешті, міне, осы дүниелерді көптеп жазып, көптеп көрсету керек. Мысалы, баланы қалай тәрбиелеу керегіне қатысты нақты мысалдар арқылы, белгілі бір адамдардың тәжірибесін түсіру, жазу арқылы бүге-шүгесіне дейін көрсеткен дұрыс болар еді. Одан кейін бала тәрбиесіне қатысты арнайы бағдарламалар да жоқтың қасы. Мәселен, Ұлыбританияда «Super nanny», «101» деген танымдық бағдарламалар бар. Міне, бізге де сондай ағартушылық бағыттағы бағдарлама, жоба қажет-ақ. Сондықтан, БАҚ-та фактілерден гөрі, проблеманың шешу жолдарын көбірек жазып, көрсету керек деп ойлаймын.- Сұхбатыңыз үшін рақмет! &nbsp;P.S. Отбасында не басқа жерде зорлық-зомбылық көрген балалар «111» сенім телефонына хабарласып, көмек ала алатынын еске саламыз.

Баланы неге ұруға болмайды? 

Kyzylorda-news.kz. 25 қазан — Республика күніне орай облыстық «Жастар ресурстық орталығының» ұйымдастыруымен Шиелі ауданы, Ы.Жақаев ауылында "Жақаев ізбасарлары" еңбек лагері жасақталды. Аталған аймақтағы қанат қақты жобаға түрлі сала өкілдері, белсенді жастар қатысты.Шараның ашылу салтанатына Шиелі ауданы әкімінің орынбасары Болат Смағұлов пен облыстық "Жастар ресурстық орталығы" КММ директорының орынбасары Ерлан Сисенбиев арнайы қатысып, барша қатысушыларды ұлттық мерекемен құттықтады. Сонымен бірге, белсенді жастармен бірге дала диқаны Ы.Жақаевтың кесенесіне құран бағыштап, аудан төрінде орналасқан еңбек дарабозының музейіне экскурсия жасап, өміржолымен танысты.Жастар — қоғамның басты қозғаушы күші. Ұлттық мүдде олардың мәдени және кәсіби әлеуетін арттырып қана қоймай, шығармашылығын шыңдап, жеке тұлға ретінде қалыптасуын да көздейді. Сонымен бірге бұл жобаның жалпы азаматтық құндылықтарды дәріптеп, жастарды еңбек пен әрекеттер арқылы тәрбиелеуде де маңызы өте зор.Шараға әр ауданнан келген 35 белсенді жас егістік даласында еңбекке дағдыланумен қатар, ауыл өмірінің тыныс-тіршілігіне де етене араласты. Еңбек лагерінің алғашқы күнінде "Серке тарту", "Сиыр сауу" секілді ұмыт болған дәстүрлерді қайта жаңғыртып, ұлттық ойындардан да өзара сайысқа түсті.&nbsp;<img src="https://knadmin.beoblood.kz/uploads/FB_IMG_1666598313675_d9c58fc93e.jpg" alt="FB_IMG_1666598313675.jpg"><img src="https://knadmin.beoblood.kz/uploads/FB_IMG_1666598307086_e480d2b850.jpg" alt="FB_IMG_1666598307086.jpg">&nbsp;

«Жақаев ізбасарлары» еңбек лагері ашылды

<a href="https://kyzylorda-news.kz/">Kyzylorda-news.kz.</a> Aғылшын тілін үйренудің әдіc-тәcілі көп, бacтыcы мaқcaт пен ниет бoлуы керек. Aл бacты ереже: cөздік қoр. Шaқтaрды oрынды қoлдaнcaңыз және cөздік қoрыңыз бaй бoлca, cіз еркін cөйлей aлacыз. Біз ұcынғaн кеңеcтер cөздік қoрды көбейтуге aрнaлaды. Кей кеңеcтерді бacқa дa шет тілдерін меңгеру кезінде қoлдaнып көріңіз.1) Бaлaлaрғa aрнaлғaн aғылшын тіліндегі кітaптaр өзге әдеби шығaрмaлaрғa қaрaғaндa әлдеқaйдa жеңілірек. Тіл жaттықтыруғa тaптырмac көмекші. Демек, ертегілерден бacтaп көріңіз. Aғылшын тілінде (cубтитр дa aғылшыншa бoлуы керек) мультcериaлдaр дa пaйдaлы.2) Түбірлеc cөздерді қaтaр жaттaғaн тиімдірек. Cөйлем ішінде cөздің мaғынacын түcінуге көмектеcеді. Мыcaлы, scrib (жaзушы) = write (жaзу), min (минимaлды) = small (кішкентaй).3) Жaңa cөз жaттaғaндa coл cөздің бacқa фoрмaлaрын дa қaтaр қaрaу керек. Мыcaлы, Beautiful (cын еcім), beauty (зaт еcім), beautifully (үcтеу).4) Префикc (cөз aлды қocымшacы) пен жұрнaқтaрды еcтен шығaрмaу керек: aғылшын тілінде жaңa cөз жacaушылaр (dis-, un-, re-, -ly, -ment, -ful) aрқылы cөздік қoр көбейеді.5) Үйде, көлікте aғылшын тіліндегі рaдиo, aудиo хaбaрлaрды қocып қoйғaн жөн. Cөздердің дыбыcтaлуын құлaққa үйрете берген дұрыc.6) Бір зaттың aмерикaлық aғылшын мен бритaндық aғылшын тілдеріндегі aтaлуынa aca мән беріңіз. Aрa жігін aжырaтa aлcaңыз, cөздік қoрды көбейтуге жaқcы ықпaл етеді. Мәcелен, бритaндық lift cөзі AҚШ-тa elevator деп aтaлaды.7) Aғылшын тілінде бұрыc етіcтіктер де өте көп. 3 фoрмaмен қaтaр жaттacaңыз, cөздік қoр көбейеді. Мыcaлы, begin – began – begun8) Идиoмaлaрды еcте caқтaу өте қиын, бірaқ мaғынacы мен қoлдaну oрнын білcеңіз, aуызекі aғылшыныңызды көркемдей түcеді.9) Егер aғылшын тіліндегі белгілі бір cөздің дыбыcтaлуы күдік тудырca, YouGlish oнлaйн плaтфoрмacының көмегімен aнығын біле aлacыз. Іздеген cөзіңіздің Youtube-тегі видеoлaрдa қaлaй дыбыcтaлғaнын көре aлacыз. Әcіреcе, дaу тудырaтын брэнд aтaулaрын YouGlish-тен тыңдaй aлacыз.10) Aғылшын тіліндегі екпінді еcте caқтaу. Егер cөзде бір-aқ дaуыcты бoлca, екпін coл дыбыcтa ғaнa бoлaды. 2 буынды етіcтікте екпін екінші буынғa (beGIN) түcеді. Aл 2 буынды зaт еcімде (TEAcher) және cын еcімде (HAPpy) бірінші буынғa түcеді.<a href="https://massaget.kz/layfstayl/bilim/gumanitarly-ylymdar/68069/">Massaget</a>

Ағылшын тілінде сөздік қорды көбейтуге арналған 10 кеңес

<a href="https://kyzylorda-news.kz/">Kyzylorda-news.kz.</a> Құрма — дәмді және пайдалы жемістердің бірі. Бұл жеміс түрі қазан айында пісіп, дүкен сөрелерінде көктемге дейін болады. Құрма бала ағзасы үшін пайдалы болуы үшін ата-ана оны оған қай жастан бастап және рационға қалай енгізу керегін ескеру керек.Бұл жемістің құрамына ондаған микро және макроэлементтер, дәрумендер, жеміс қышқылдары кіреді. Ол тұмау кезінде иммунитетті қатайтады және ағзаның вирустар мен бактерияларға төзімділігін арттырады. Құрма ағзаны қыста дәрумен жетіспеушілігінен қорғайды. Құрамындағы бета-каротиннің арқасында ол көруге және сүйектерге пайдалы. Калий мен магнийдің көп мөлшері жүрек және қан тамырлар ауруларының алдын алады. Сондай-ақ құрамында темір көп болғандықтан, ол гемоглабинді арттырады және анемиямен күреседі.Пайдалы қасиеттерінің көптігіне қарамастан, оған да қарсы көрсетілім бар екенін ескеру қажет:- Бұл жемісті көп жеу іш қатуды шақырады. Сондықтан, әдетте, педиатрлар оны іш қатуға бейім балаларға бермеуді ұсынады; - Тәтті құрмада жеңіл сіңетін көмірсулар көп, сондықтан оны қант диабеті бар адамдарға жеу ұсынылмайды; - Оған төзімсіздік бар болса, оны жеуге тыйым салынады; - Құрма әлсіз несеп айдағыш әсерге ие. Сондықтан оны қуық және басқа несеп-жыныстық аурулары бар балаларға беруге болмайды; - Құрманы 1 жасқа толмаған балаларға беруге болмайды, себебі оның құрамындағы илік заттардың жоғары шоғыры ішек өтімсіздігін тудырады; - Жаңа піскен құрманы сүтпен бірге ұсынуға болмайды, мұндай үйлесім асқазан-ішек жолы проблемаларын туғызады.1 жастағы балаға құрма бергенде абай болу керек. Оны мәзірге біртіндеп және аз аздан қосыңыз. Балада оған аллергия жоқ екеніне көз жеткізіңіз. Себебі құрмаға аллергия жиі кездеседі. Аллергия кезінде жүрек айну, асқорыту процесінің және нәжістің бұзылуы, терінің қызаруы немесе бөртуі байқалуы мүмкін.Балаға құрманы неше жастан бастап берген дұрыс?Көпшілік педиатр құрманы бала рационына 3 жастан бастап қосуды ұсынады. Себебі бұл кезде баланың асқорыту жүйесі толықтай қалыптасады және жемістегі өсімдік жасұнығын қорыта алады.Баланы бұл жеміспен «таныстыру» үшін оның тазартылған кішкентай бөлігін таңғы астан соң беріңіз. Бұл күні бойы бала ағзасының жаңа жеміске реакциясын бақылауға мүмкіндік береді. Аллергия болмаса және басқа да жағымсыз реакциялар орын алмаса, оны балаға аптасына бір реттен беріп тұрыңыз. Жемісті балаға ең алғаш рет ұсынған кезде оның тәтті сұрыбын таңдаған жөн. Ұсынылатын порция — 10-15 г. Егер жеміс балаға ұнамаса, оны мәжбүрлемеңіз: жаңа жемісті рационға бірнеше апта өткен соң тағы қосып көресіз. Егер балаңызда асқорыту жүйесіне қатысты проблемалар болса, оған құрманы 4-5 жасқа дейін бермей тұра тұрыңыз.<a href="https://massaget.kz/kyizdarga/kulinariya/73419/">Massaget</a>

Жаңа піскен құрманы сүтпен бірге ұсынуға болмайды

Kyzylorda-news.kz. Республика күніне орай Қызылорда өңірінде жастардың өз Start-Up жобаларын ұсынатын Smart City Kyzylorda Hackathon байқауы ұйымдастырылды.Облыс әкімі Нұрлыбек Нәлібаевтың қолдауымен өткізілген идеялар байқауына&nbsp; Astana Hub халықаралық технопаркі және Қорқыт Ата атындағы Қызылорда университеті ұйытқы болды.&nbsp;Байқауға қатысқан жастар «Әзірлеу», «Медиа&amp;Білім», «Модельдеу бағытында түрлі сайт, мобильді қосымша, бот және ойындар, роботехника және анимациялар мен медиа өнімдерін ұсынды.&nbsp;Байқауға ниет білдірген 270 қатысушының арасында ІТ үйірмелерге қатысатын оқушылар, колледж, жоғары оқу студенттері мен мұғалімдер бар.&nbsp;100-ге жуық жобаны қорғаған жастар ІТ шешім арқылы көптеген проблемалардың алдын алуға болатынын жеткізді.&nbsp;Байқауда үздік жобаларымен алға шыққан жастарды облыс әкімі аппаратының басшысы Шахмардан Байманов пен Қорқыт ата университетінің проректоры Жандос Базартай марапаттады.&nbsp;Шахмардан Асқарұлы соңғы жылдары республика және аймақта ІТ секторда тың жобаларды дамытуға ниетті жастарға облыс әкімдігі тарапынан әрдайым қолдау болатынын жеткізіп, роботехника бағытында ауқымды жетістіктер бар екенін қаперге салды.&nbsp;Байқау қорытындысымен “медиа&amp;білім” бағытында Қызылорда қаласындағы #140 мектеп оқушысы Аружан Қыдырбай, “модельдеу” бағытында Арал ауданының #103 мектеп оқушысы Бейбіт Рахымжан, “әзірлеу” бағытында #14 мектеп-лицей оқушысы Нұрбек Райханов Қорқыт ата университетінің грант игерлері атанды.&nbsp;Ал, әр бағыт бойынша І орынды иеленген Оралбек Абдуллаев, Әділ Серік, Еңдік Мұратбек жеңімпаздарға 70 мың теңгенің сертификаты табысталды.&nbsp;Сондай-ақ, ІІ, ІІІ орындарға қаржылай жүлде мен арнайы сыйлықтар тапсырылды. Айта кету керек, алдағы уақытта ІТ бағытта &nbsp;Inno fest идеялар байқауы өткізіледі.<img src="https://knadmin.beoblood.kz/uploads/FB_IMG_1666586631232_2c857a7d93.jpg" alt="FB_IMG_1666586631232.jpg">&nbsp;

Hackathon: Қызылордада өткен идеялар байқауында 100-ге жуық жоба ұсынылды

<a href="https://kyzylorda-news.kz/">Kyzylorda-news.kz.</a> Қазақ тілінде контентке жылдан жылға сұраныс артып келе жатқанымен, балаларға арналған YouTube әлі де дамымай тұр. Оған себеп қаржы мен қолдаудың жетіспеушілігі екені де жасырын емес. Бүгін қолдау таппаса да, балаларға арналған контентті дамытуға үлес қосып жүрген ТОП-3 арнаны назарға ұсынамыз.<a href="https://www.youtube.com/channel/UC3_fwI46z-pclNJqeqwtUKg">BAL BILIM</a> Жазылушылар саны: 1,24КНегізін қалаған — Самат Қазмағамбетов (Tiko). Жобаның негізгі мақсаты қазақ тілінде контентті дамыту арқылы бүлдіршіндердің ерте жастан ана тілін дамыту. Оған себеп – көп баланың тілі ағылшын, орыс тілінде видеоларды тамашалау арқылы басқа тілде шығуы. Арнада өзге тілдегі видеолардың аналогы ұсынылды. Музыкалық форматта болғандықтан бала жадында оңай сақталады. Алғашқы видео бірер ай бұрын салынғанына қарамстан, 50 мыңға жуық қаралаым жинап үлгерді.<a href="https://www.youtube.com/channel/UCNnawEEPzfHQYm6GlLpE8mg">Ayakoz Begim</a> Жазылушылар саны: 38,4К Апалы-сіңлі Аякөз бен Бегімнің қызықты сәттерін тамашалауға болады. Олар түрлі тәжірибелер жасайды, ойыншықтарға шолу түсіреді. Олардың блогтары кішкентайынан бері түсіріліп келеді. Арна авторлары балақайлардың ата-анасы – Ернар мен Жазира. Одан бөлек, арнада "қуырмаш" деген айдармен танымал танымдық видеолар да бар.<a href="https://www.youtube.com/channel/UC3_ULeSqZlBBvwP2tlf2p3A">BilimKids</a> Жазылушылар саны: 101К Анимациялық видеолар балаларға түрлі сөздерді музыка арқылы үйретеді. Әр түрлі тақырыптағы минуттық видеоларда шынайы кейіпкерлер жоқ, барлығы мультфильм форматында жасалған. Арнадағы видеолар жаңармаса да, көрілімдер саны күн санап жаңарып отыр.<a href="https://massaget.kz/layfstayl/bilim/70301/">MASSAGET</a>

ТОП-3: Балаларға арналған қазақтілді YouTube арна

Kyzylorda-news.kz. Республика күні қарсаңында Қызылорда қаласында орналасқан «Мансап» мектебінің оқушылары арнайы сайт жасап шықты.Үш тілде ақпарат алуға мүмкіндік беретін сайтта Сыр еліне келген қонақтар үшін Қызылорданың тарихы, тарихи жерлері, көне мәдениеті мен ескерткіштері туралы ақпарат орналастырылған.Заманға сай көркемделген сайтта «Қала тарихы», «Ең жақсы орындар» және «Бағыт» тақырыбында бөлімдер қарастырылған.Ендігі кезекте оқушылар жетекші мұғалімдерімен бірлесіп Қызылорда өңіріне келген қонақтарға арнап Гид жұмысын қолға алмақшы.Сайтпен мына <a href="http://qyzyl-orda.tilda.ws/">сілтеме </a>арқылы таныса аласыз.<img src="https://knadmin.beoblood.kz/uploads/311296122_1649166095478896_1122581777587658398_n_d0d6fb8aea.jpg" alt="311296122_1649166095478896_1122581777587658398_n.jpg">

Қызылордалық оқушылар Республика күніне тарту жасады

Kyzylorda-news.kz. «Қазгидромет» синоптиктері 24 қазан, дүйсенбіге арналған ауа райы болжамын жариялады.Ел аумағының басым бөлігінде ауа райына Батыс антициклоны ықпал етеді.Сондықтан жауын-шашынсыз ауа райы күтіледі.Елдің батыс, оңтүстік және оңтүстік-шығыс аймақтарында атмосфералық фронттар жүріп өтеді.Осыған байланысты жаңбыр жауады, оңтүстіктің және оңтүстік-шығыстың таулы аймақтарында жаңбыр мен қар түрінде жауын-шашын болады.Қазақстан бойынша жел күшейіп, тұман түседі, көктайғақ болады.

Қазгидрометтің 24 қазанға арналған ауа райы болжамы

<a href="https://kyzylorda-news.kz/">Kyzylorda-news.kz.</a> Бүгін Ұлттық мереке – Республика күнімен Арал қаласының 95 жылдық мерекесі аясында республикалық ат бәйгесі өтті.&nbsp;Арал ауданы әкімдігінің жүлдесін жеңіп алу үшін әр өңірден келген шабандоздар жалдарынан жел есіп, атқан оқша зулаған сәйгүліктерінің қарымын осы дүрмекте сынап көрді. Барлығы 40-қа жуық сәйгүлік қосылған дүбірлі дода – тай жарысы, құнан, аламан бәйге болып үш топқа бөлініп өткізілді.&nbsp;Бәйге тай жарысынан басталды. Ауыздықтарымен алысқан 7 арғымақ тұяқтарымен Арал қаласындағы ипподром алаңын дүбірлетіп 5 шақырым қашықтыққа шапты. Сәйгүліктердің ішінен Қармақшы ауданы, Ақай ауылының тұрғыны Кенебаев Ерболаттың «Ақжайнақ» торы жүйріктігін танытып бірінші келді. &nbsp;Қармақшы ауданының Дүроңғар ауылынан келген Нұржан Шөмекейдің «Көзайым» атты күрең-қасқасы мәре сызығын екінші болып кесті. Ал жүлделі үшінші орынға Арал қаласының тумасы Нұрлыбайұлы Рамазанның «Нұрқасқа» атты тұлпары ие болды.&nbsp;Ат жарысы 12 шақырымдық құнан бәйгесіне ұласты. Бұл сында 11 тұлпар бақтасты. Ең бірінші болып ауданға қарасты Шижаға ауылынан келген Төреахметов Базаралының «Ақбөкен» атты күрең-қасқасы топ жарды. Қызылорда қаласынан келген Ералиев Мәжиттің «Ақтабан» атты торы аты екінші болып келсе, Көктем елді мекенінің тұрғыны Бақытжан Байжігіттің «Еркетай» атты торы тұлпары үшінші болып жетіп, жүлдегерлер қатарына ілікті.&nbsp;Бәйгедегі ең қызығы – аламан бәйге. «Жүзден – жүйрік, мыңнан – тұлпар» демекші, нағыз жүйрік тұлпарлар осы 22 шақырымдық аламан бәйгесінде анықталды. Көпшіліктің асыға күткен Аламан бәйгесінде 13 ат 9 айналым бойынша жарыс жолына шықты. Сонымен бұл жарыста бас жүлде Сырдария ауданы, Амангелді ауылынан келген Мырзабай Мансұрдың «Наз-күрең» атты сәйгүлігіне бұйырды. Бәйгенің бас жүлдесін аудан әкімі Серік Сермағамбетов табыс етті.&nbsp;Аламан бәйгеде екінші жүлде де &nbsp;Амангелді ауылының тумасы Ибрагимов Дәулеттің «Нұрай» атты жүйрігіне берілсе, үшінші орынды Қызылорда қаласынан қатысқан Игембаев Кентайдың «Елік» &nbsp;атты торы аты еншіледі.&nbsp;Ат бәйгесінің көрермендерін аудан әкімі Ұлттық мерекемен және Арал қаласының 95 жылдығымен құттықтады.&nbsp;<blockquote>«Қазақ ұлттық ойындарға бай. Оның ішінде ат бәйгесінің орын ерекше. «Ат – ер қанаты, жан серігі» деп ұлы даланың тарихын тұлпардың тұяғымен жазған. Көшпенділердің бүгінгі төл ұрпағы - алаш жұрты барда ат бәйгесінің келешегі кемел болмақ. Біз алдағы уақытта да, ұлттық спорт түрлерін, ат спортынан сайыстарды ұдайы, дәстүрлі түрде өткізетін боламыз. Бүгінгідей делебе қоздырар доданы өткізуге атсалысқан, елжанды,тілеулес азаматарымызға зор ризашылығымды білдіремін»,-деді Серік Сағитжанұлы.</blockquote>Салтанатты шара соңында аудан басшысы ұлттық спортты дамытуда, оны ел арасында кеңінен насихаттауға елеулі үлес қосып жүрген ел азаматтарын марапаттады.<figure class="image"><img src="https://knadmin.beoblood.kz/uploads/alaman_f16364733c.jpg" alt="аламан.jpg"></figure>

Аралда республикалық ат бәйгесі өтті

<a href="https://kyzylorda-news.kz/">Kyzylorda-news.kz.</a> Республика күні және берекелі «Алтын дән-2022» мерекесіне орай аудандық мәдениет үйінде салтанатты іс-шара өтті. Ұлттық мерекенің мән-маңызы жаңғырып, дала еңбеккерлері құрметке бөленген мерекелік салтанатта «Үздік ауданның» мерейі асқақтады.&nbsp;Салтанатты іс-шараға аудан әкімі Мұрат Ергешбаев, аудандық мәслихат хатшысы Е.Әжікенов, аудан прокуроры А.Кемалов, мемлекет және қоғам қайраткері А.Божанова бастаған зия¬лы қауым өкілдері, дала еңбеккерлері мен аудан тұрғындары қатысты.Биыл қайта жаңғырған Республика күніне орай Мемлекеттік Ту енгізіліп, Мемлекеттік Гимн шырқалды. Мұнан соң аудан әкімі көпшілікті халықтық мерекемен құттықтап, аудан жетістіктерін саралады.<blockquote>«Мемлекет басшысы Қасым-Жомарт Кемелұлы Тоқаев Жаңа Қазақстанның ең алғашқы ұлттық құрылтайында Республика күні мерекесін атаулы күндер қатарына қайта қосуды және еліміздің басты мерекесі ретінде атап өтуді ұсынған еді. Ел Президенті елдігіміздің, мемлекеттілігіміздің бастауында осы мемлекеттік мерекенің тұрғандығын айтып өтті. Сол себепті де биыл ұлттық мерекенің мәні мен маңызы қайта жанданып отыр. Осы ретте, Республика күнінің қайта аталып өтілуі біздің мемлекетіміздің азаттығын нығайта түсетіні анық. Осы орайда, биыл аграрлы аудан аймақта үздік атанып, мерейіміз асқақтады. Мұның барлығы – аудан халқының еселі еңбегінің жемісі. Барлық сала бойынша ауыз толтырып айтарлықтай жетістігіміз көп. Одан бөлек мерейлі мерекеде ауданның бірқатар азаматтары жоғары марапатқа ие болуда. Ауданның дамуына еңбек етіп жүрген азаматтардың жоғары марапат алуы ел мерейін өсірді. Сондықтан ардақты азаматтарға айтар алғысымыз зор. Сондай-ақ, біздің жетістікке жетуімізде дала еңбеккерлерінің үлесі мол. Баршаңызды ұлттық мерекемен құттықтаймын», – деді аудан әкімі Мұрат Нәлхожаұлы.&nbsp;</blockquote>Мерекелік салтанатта ауданның бірқатар азаматтары мерей тұғырынан көрініп, айтулы марапаттарға ие болды. Алдымен, ауданның әлеуметтік-экономикалық, қоғамдық-саяси дамуына сүбелі үлес қосқан 9 сырдариялық «Сырдария ауданының Құрметті азаматы» атанды. Аудан басшысы мерейлі атақты арнайы табыстап, құрмет көрсетті.Мерекелік іс-шарада аудан бойынша «Жомарт жүрек-2022» қайырымдылық саласындағы аудандық кезеңінің жеңім¬паздары арнайы марапатталды. Атап айтқанда, «Жыл меценанты» номинациясымен Мұрат Сәрсенбаев, «Жылдың үздік қамқоршысы» номинациясымен Сейткамал Сұлтанов, «Жылдың үздік ұйымы» номинациясымен «Ақжарма және К» ШҚ төрағасы Қайрат Нұрсейтов, «Туған өлке» номинациясымен «Шаған Жер» ЖШС-нің төрағасы Жеңісбек Сыздықов марапатталса, «Жыл тұлғасы» номинациясына жақында ғана мезгілсіз дүниеден өткен Расул Есенов лайық болды. Белгілі меценат ауданда қайырымдылық істің басы-қасынан табылып, мұқтаж отбасыларға әркез көмек қолын созды. Осындай игілікті істерге атсалысқаны үшін Расул Әбутәліпұлы биылғы жылдың қорытындысы бойынша Қазақстан Республикасы «Ақпарат және қоғамдық даму» министрлігінің «Жомарт жүрек» республикалық байқауының «Жыл меценанты» номинациясына да лайық деп танылған. Аудан басшысы «Жыл тұлғасы» номинациясын ардақты азаматтың ұлы Фархад Расулұлына табыс етті.&nbsp;Мұнан соң ауданның өсіп-өркендеуіне қызмет атқарып жүрген бірқатар азамат Қазақстан Республикасы Ауыл шаруа¬шылығы министрлігінің «Құрмет» грамотасымен, облыс әкімінің «Құрмет грамотасымен» және «Алғыс хатымен», Астана қаласы әкімінің «Алғыс хатымен», сондай-ақ аудан әкімінің «Алғыс хатымен» марапатталды.Сонымен бірге, мерекелік салтанатта ала жаздай еңбектің көркін қыздырып, өз саласында үздік шыққан еңбек озаттары мен үздіктер марапат тұғырынан көрінді. Атап айтқанда, егін шаруашылығы саласында үздік көрсеткішке жеткен шаруа қожалықтары мен жауапкершілігі шектеулі серіктестіктер арасындағы «Аудан жеңімпаздары» анықталды. Шаруа қожалықтар бойынша «Ақжарма және К» шаруа қожалығы, жауапкершілігі шектеулі серіктестіктер бойынша «Мағжан және К» ЖШС І дәрежелі дипломмен марапатталды. Сондай-ақ, аудандағы іргелі шаруашылық құрылымдарына ІІ және ІІІ дәрежелі диплом табыс етілді.Ал мерейлі мерекедегі айтулы жетістік «Агроөнеркәсіп кешенін дамытуда ең жоғары көрсеткіштерге қол жеткізген үздік аудан» номинациясы сахнаға шығарылып, лентасы мен статуэткасы аудандық тарихи-өлкетану музейінің қорына табысталды.Марапаттаулардан соң сахнаға аудан әкімінің «Ықылас гүлі» қойылып, аудан көркемөнерпаздары концерттік бағдарлама ұсынды. Мерекелік іс-шарада «Қазақстан даусы» жобасының жеңімпазы, жас әнші Құралай Мейрамбек сырдариялықтарды мерекемен құттықтап, әннен шашу шашты. Сондай-ақ, «Құрақтың Досжаны атындағы халық ұлт-аспаптар оркестрі», хор ұжымы және бишілер тобы М.Төлебаевтың «Біржан-Сара» операсынан үзінді орындап, қошеметке бөленді.Осылайша, халықтық мереке ауданда кең көлемде аталып, мереке аясында еңбек озаттарының да мерейі үстем болды. Дарияны жағалай орналасқан аудан дала дүбіріне бөленіп, мереке думанға ұласты.<figure class="image"><img src="https://knadmin.beoblood.kz/uploads/311777130_1230748514154705_8230398080253745062_n_7787a02a53.jpg" alt="311777130_1230748514154705_8230398080253745062_n.jpg"></figure><figure class="image"><img src="https://knadmin.beoblood.kz/uploads/311624043_1230745367488353_247249250422289842_n_f404fb7dad.jpg" alt="311624043_1230745367488353_247249250422289842_n.jpg"></figure>

Қазақстан және Қызылорда облысының жаңалықтары