<a href="https://kyzylorda-news.kz/">Kyzylorda-news.kz.</a> Бүгін Қызылорда облыстық білім басқармасының басшысы Мейрамбек Шермағанбет Қазалы ауданындағы іссапары аясында көшпелі кеңейтілген мәжіліс отырысын өткізді. Жиынға білім саласында сапаны қамтамасыз ету департаментінің басшысы Ғалия Дәулетова, білім және ғылым қызметкерлері кәсіподақ комитетінің төрағасы Гүлнар Есқалиева, білім басқармасы мен білім бөлімдерінің мамандары және аудандағы білім беру ұйымдарының басшылары қатысты.Мәжіліс отырысында білім бөліміне қарасты білім беру ұйымдарының жалпы көрсеткіштері мен атқарылған жұмыстардың нәтижесі қаралды. Сонымен қатар мектепке дейінгі оқыту мен тәрбие жұмысы мен алда атқарылуы қажетті шаралар, әлеуметтік желілермен жұмыс жайы талқыланды.Жиында аудандық білім бөлімінің басшысы Әділхан Жөлекешов жыл көлемінде атқарылған жұмыстар шеңберінде баяндама жасап, алдағы міндеттерге қатысты есеп берді. Мұнан соң облыстық білім басқармасының бөлім басшысы Нұрлан Дәулеталиев аудандық білім бөліміне қарасты білім беру ұйымдарының жалпы көрсеткіштері туралы мәлімдеді. Сондай-ақ, жиынға арнайы қатысқан Ғалия Ноғайқызы мен Гүлнар Бабабекқызы білім саласы қызметкерлерінің құқықтары мен әдеп қағидаларының сақталуын қамтамасыз ету бойынша мәлімдеме жасады.Келелі кеңесте басқарма басшысы алда тұрған бірқатар басым мәселелерді атап өтті. Ең алдымен, мемлекеттік балабақшалардағы бос орындарды толықтыруды айтып, ондағы тәрбиешілердің біліктілігін үнемі жетілдіріп отыру қажеттігін, мектептерде кәсіптік бағдар беру бойынша жұмыстарды жандандырып, бос жұмыс орындарына педагогтерді конкурс арқылы ғана қабылдау керектігін баса айтты. Сондай-ақ, бос жұмыс орындарына педагогтерді конкурс арқылы ғана қабылдауды, инклюзивті білім беруді дамытып, мектеп асханаларындағы тағамдарды күнделікті мониторинг жасауды тапсырды. Сондай-ақ, инклюзивті білім беруді дамытып, мектеп асханаларындағы тағамдарды күнделікті мониторинг жасауды тапсырды.

Қазалыда облыстық білім басқармасының көшпелі мәжілісі өтті

<a href="https://kyzylorda-news.kz/">Kyzylorda-news.kz.</a> Қазақстан денсаулық сақтау министрлігінің Қоғамдық денсаулық сақтау ұлттық орталығы қазақстандықтарға жер сілкінісі болған жағдайда одан қорғану жөнінде кеңес берді.Мамандар жер сілкінісінен ғимарат тербеле бастағанда дүрлігуге болмайтынын атап өтті. Үйде, жұмыста, көлікте және көшеде болған кезде әрекет ету жоспарын алдын ала ойластыру керек.Пәтердегі ең қауіпсіз орындарды алдын ала анықтап, жер сілкінісі болған жағдайда үйден шығудың қауіпсіз жолын жоспарлаңыз. Оның кез келген уақытта болуы мүмкін екенін есте сақтаңыз.Алғашқы медициналық көмек қобдишасын дайындап, көмек көрсету әдістерін меңгеріңіз. Құжаттарды, ақшаны, ысқырықты, қалта шамын және қосалқы батареяларды ыңғайлы жерде ұстаңыз. Үйде бірнеше күнге жететін ауыз су мен консервілер болу керек.Терезелер мен ауыр жиһаздардың жанында тұрмаңыз. Кереуеттерді терезелерден, сыртқы қабырғалардан, айналардан және құлап кетуі мүмкін ауыр заттардан аулақ қойыңыз. Пәтерлердегі шкафтарды, сөрелерді дұрыстап бекітіңіз.Қауіпті заттарды (улы химикаттар, тез тұтанатын сұйықтықтар) қауіпсіз, жақсы оқшауланған жерде сақтаңыз.Барлық тұрғын қажет болған жағдайда электр қуатын, суды өшіру үшін су кпорттарының қай жерде екенін білуі керек.Жер сілкінісі кезінде ғимараттың төбесіне көтерілуге, баспалдақ алаңдары мен баспалдақтарға жиналуға болмайды.Егер сіз үйде болсаңыз, жазу үстелінің немесе асхана үстелінің астына жасырыныңыз. Бір қолыңызбен үстелдің аяғынан ұстап, екінші қолыңызбен мойын мен басыңызды жабыңыз. Жер сілкінісі кезінде үстел алыстап кетпеуі және қорғаныссыз қалмау үшін үстелдің аяғын ұстап тұру маңызды.Ішкі есіктің орнында немесе бөлменің бұрышына тұрыңыз. Құлаған үйінділерден сақ болыңыз.Салбырап тұрған балкондардан, карниздерден аулақ болыңыз, үзілген сымдардан сақ болыңыз. Жер сілкінісі кезінде шкафтар, теледидарлар, микротолқынды пештер, тоңазытқыштар құлап кету қаупі жоғары. Олар, мысалы, басыңызға құлап, ажал құштыруы мүмкін. Сондықтан аулақ болыңыз.Неліктен жер сілкінісі кезінде ғимараттан жүгіріп шықпау керек?Сейсмолог Люси Джонстың айтуынша, сырттағы адамдар ғимараттағыларға қарағанда көбірек зардап шегуі мүмкін. Балкондар мен қасбеттердің құлауы құрбандардың көбеюіне әкеледі. Мысалы, 2003 жылы болған жер сілкінісі кезінде екі әйел киім дүкенінен жүгіріп шығып, кірпіш пен сылақтың астында қалды. Кейінірек олар іште қалса, аман қалатыны анықталды.Егер сіз үйде болсаңыз, терезелер мен ауыр жиһаздардан аулақ болыңыз.Егер балалар сізбен бірге болса, оларды кеудеңізбен жабыңыз. Шамдарды, сіріңкелерді, оттықтарды пайдаланбаңыз, егер газ шығып жатса, өрт шығуы мүмкін. Салбырап тұрған балкондардан, карниздерден аулақ болыңыз, үзілген сымдардан сақ болыңыз.Егер сіз ашық жерде болсаңыз, электр желілерінен, ғимараттардан, автомобильдерден және басқа қауіптерден аулақ болыңыз. Төмен түсіп, басыңызды жабу арқылы сіз өзіңізді ұшып жатқан заттардан қорғайсыз.Электр желілерінен, ғимараттардан және ағаштардан аулақ болыңыз.Егер сіз көлік жүргізіп келе жатсаңыз жол жиегіне тұраққа қойыңыз және барлық төрт дөңгелекті бұғаттайтын қол тежегішін пайдаланыңыз.Сымдардан, көпірлерден, электр желілерінен, белгілерден және басқа қауіптерден аулақ болыңыз. Егер сіз көлік жүргізсеңіз, жолдың шетіне бұрылып, тоқтаңыз. Салбырап тұрған қауіпті жерлерге (мысалы, көпірлердің, электр желілерінің немесе үлкен жол белгілерінің астында) тоқтамаңыз.Егер сіз театрда немесе стадионда болсаңыз, орындықтың алдына жерге отырыңыз немесе мүмкіндігінше еңкейіңіз. Содан кейін басыңызды қолыңызбен жауып, жердің сілкінуі тоқтағанша мойныңызды жібермеңіз. Жақындап келе жатқан жер сілкінісінің белгілері:-ғимараттың теңселуі,-шамдардың тербелуі,-ыдыс-аяқтың шылдырлауы,-сынған әйнектің, жарылған қабырғалар мен құлаған заттардың дыбысы,-дүрілдің күшеюі.Жер сілкінісі туралы отбасыңызбен сөйлесіңіз және әрбір отбасы мүшесі жер сілкінісі кезінде және одан кейін не істеу керектігін білетініне көз жеткізіңіз. Жер сілкінісінен кейін қай жерде кездесетініңізді жоспарлаңыз. Жер сілкінісі басталған кезде жасырынатын үйіңіздегі қауіпсіз орынды анықтаңыз. Сондай-ақ сіздің аймағыңыздан немесе ауылыңыздан эвакуациялаудың ең жақсы екі жолын анықтаңыз. Биік үйлердің қайсысы, электр желілерінің тіректері және т. б. бұзылған жағдайда жолды жауыптастауы мүмкін екенін бағалаңыз.Жарақат алған кезде алғашқы медициналық көмек көрсетуді, өрт краны немесе өрт сөндіргіштің қай жерде екенін, электр қуатын, суды және газды қалай және қашан өшіру керектігін, ең жақын өрт сөндіру командасы немесе құтқару қызметі қайда екенін біліп алыңыз. Жұмыстағы, мектептегі немесе отбасыңыз уақыт өткізетін басқа жерлердегі эвакуация жоспарын біліңіз.Егер сіздің үйіңіз қирап қалса, не істейтіндігіңізді алдын-ала білгеніңіз жөн.Әрбір отбасы мүшесінің өзінің кезекші сөмкесі болуы керек:-дәрі-дәрмектер (дәрі қобдишасы);-ақша;-құжаттар;-өзіңіз туралы байланыс деректері және туыстарыңыз бен жақындарыңыздың байланыс телефондарының тізбесі;-ауыз су (күніне әр отбасы мүшесіне кемінде төрт литр);-ысқырық;-қол шам, қосалқы батареялар;-консервілер мен герметикалық пакеттердегі өнімдер;-жылы заттар, көрпе, етік, шұлық және т. б.<a href="https://sputnik.kz/20230209/zher-silkinisi-bolgan-zhagdayda-ne-isteu-kerek--mamandar-kenesi-31921838.html">Sputnik.kz</a>

Жер сілкінісі болған жағдайда не істеу керек – мамандар кеңесі

<a href="https://kyzylorda-news.kz/">Kyzylorda-news.kz.</a> «Жайлы мектеп» ұлттық жобасы аясында кент пен қала ортасынан 600 орындық және Жанқожа батыр ауылынан 300 орындық мектеп бой көтермек. Бұл туралы Қазалы ауданының әкімі Мұхтар Оразбаев Жанқожа батыр ауылының тұрғындарымен кездесуде айтты.&nbsp;Бұдан бөлек, Жанқожа батыр елді мекеніне кіре беріс автомобиль жолын күрделі жөндеу жоспарланып отыр. Биыл жоба-сметалық құжаттары әзірленіп, сараптамаға енгізілді. Сондай-ақ, ауылдың электр желілерін қайта жаңғырту жобасы да әзірленуде.&nbsp;Кездесуде көтерілген мәселелерге қатысты сала басшылары түсініктеме беріп, заңдылықтарға сәйкес жауаптарын айтты.&nbsp; Кездесуден кейін аудан басшысы жеке қабылдау өткізіп, тұрғындардың жұмыспен қамту, қайырымдылық көмек көрсету жөнінде мәселелерін тыңдады.Мұхтар Әуесұлы барлық өтініштер заңға сәйкес сараланып, тиісті жұмыстар атқарылатынын мәлімдеді.

Қазалының ауылында «Жайлы мектеп» салынады

<a href="https://kyzylorda-news.kz/">Kyzylorda-news.kz.</a> Бүгін Қазалы ауданында облыстық білім басқармасының ұйымдастыруымен «Отбасы тәрбиесі - қоғам негізінің бастауы» атты тәрбие саласының бірлескен кеңесі өткізілді.Басқосуға облыстық білім басқармасының басшысы Мейрамбек Шермағанбет, аудан әкімі Мұхтар Оразбаев, бала құқықтары жөніндегі өңірлік уәкіл Жапырақ Ұзақбаева мен ата-аналар, білім саласының қызметкерлері мен ардагерлер, құқық қорғау органдардың және салалық бөлімдердің басшылары, бұқаралық ақпарат құралдары мен ҮЕҰ өкілдері қатысты.Кеңейтілген кеңестің күн тәртібіне сәйкес, білім бөлімінің басшысы Ә.Жөлекешов аудандағы білім беру ұйымдарында құқық бұзушылық пен зорлық-зомбылықтың алдын алу және бала қауіпсіздігін қамтамасыз ету мәселелері туралы айтса, аудандық полиция бөлімінің бастығы Б.Кабизов кәмелетке толмағандар арасында қылмыс пен құқық бұзушылықтың алдын алу шараларына байланысты және ауданаралық аурухананың бас дәрігері Б.Алишева ерте жүктіліктің алдын алу және салауатты өмір салтын қалыптастыру жөнінде хабарлама жасады. Сонымен қатар бала құқығы жөніндегі өңірлік уәкіл Ж.Ұзақбаева баланың әлеуметтік қорғалуы туралы ойын ортаға салса, облыстық білім басқармасының басшысы М.Шермағанбет білім беру ұйымдарында құқық бұзушылық пен зорлық-зомбылықтың, суицидтің,кибербуллингтің алдын алу, болдырмау және бала қауіпсіздігін қамтамасыз ету бағытындағы бірқатар мәселелерге тоқталды.<blockquote>«Қай уақытта да ұрпақ тәрбиесі маңызды. Жеткіншектерге саналы тәрбие беру бүкіл қоғамның, салаға жауапты мамандар мен аға буын өкілдерінің қастерлі міндеті. Сондықтан, құқық бұзушылық, суицид, ерте жүктілік, нашақорлық, әлімжеттіктің алдын алу мақсатында бірінші кезекте тәрбие мәселесіне баса назар аударуды, ол үшін мүдделі органдармен бірлескен арнайы іс шаралар жоспарын әзірлеу қажет. Баланың алғашқы ұстазы және негізгі қамқоршысы - өз ата-анасы. Осы тұста мектеп, отбасы және ұстаз арасындағы өзара сабақтастық, бірлік және ынтымақтастық үйлесімін тауып, ата-аналармен бірлесіп тығыз жұмыс жасау керек», - деді Мейрамбек Зинабдинұлы.</blockquote>Шара соңында басқарма басшысы білім бөліміне аудандағы білім беру ұйымдарында тәрбие бағытында жұмыстарды жандандырып, жергілікті жерде жасөспірімдер арасындағы құқық бұзушылықтың алдын алу жұмыстарын күшейтуді тапсырды.Айта кету қажет, тәрбре саласының көшпелі кеңесі облыс әкімінің тапсырмасына сәйкес барлық аудандарда кесте бойынша өткізілетін болады. Сондай-ақ, түрлі сала өкілдерінен бала құқығын қорғау және тәрбие жұмысын жетілдіруге қатысты жұмысшы тобы құрылып, іс шара жоспары жасалуда.<figure class="image"><img src="https://knadmin.beoblood.kz/uploads/330172992_3531440937128375_8433263319457625737_n_b215cb0ec9.jpg" alt="330172992_3531440937128375_8433263319457625737_n.jpg"></figure>&nbsp;<figure class="image"><img src="https://knadmin.beoblood.kz/uploads/329715401_528316436064241_2016813512601077303_n_246a24bf71.jpg" alt="329715401_528316436064241_2016813512601077303_n.jpg"></figure>

Қазалыда тәрбие саласының бірлескен кеңесі өткізілді

<a href="https://kyzylorda-news.kz/">Kyzylorda-news.kz.</a> Бүгін облыстық білім басқармасының басшысы Мейрамбек Шермағанбет іссапармен Қазалы ауданына барды. Аймақтың бас ұстазы жергілікті кәсіпкерлермен кездесіп, оқушыларды ыстық тамақпен қамтудың жай-жапсарын талқылады. Жиынға аудындық білім бөлімінің басшысы Әділхан Жөлекешов, аудандағы 15 мектептің ыстық тамағына жауапты кәсіпкерлер қатысты.Биыл облыс әкімі Нұрлыбек Нәлібаевтың қолдауымен бастауыш сынып оқушыларына ыстық тамақ беру үшін 5 миллиардқа жуық қаржы бөлінді. Ендігі міндет балаларды бұл игілікпен толықтай қамту екенін жақсы білесіздер. Сондықтан ас сапасын жоғарылатып, заңдылыққа сәйкес жұмыс жасауларыңыз сұралады. Сонымен қатар ас мәзірін байытып, бүлдіршінге берер ауқатты үнемдемеулеріңізді сұраймыз, – деді басқарма басшысы.Бұдан соң кәсіпкер Бақыт Панова ыстық тамақты тексеруші комиссияның жұмысына тоқталды.Ас мәзірін, оның сапасын арнайы бекітілген комиссия мүшелері тексеріп тұрады. Бұл өзімізді реттеу үшін де, аспазшылардың өз ісіне жауапкершілікпен қарауына да көп септеседі. Өзіміз де бала өсіріп отырғандықтан кішкентайлардың сапалы, тойымды ас ішкенін қалаймыз. Біздің де қызметімізді ескеріп, оқушылардың жайына алаңдаушылық танытып отырғандарыңызға алғысымызды білдіреміз, – деді кәсіпкер.Айта кетейік, ауданда 37 мектептің бастауыш сынып оқушыларын толық ыстық тамақпен қамтуда 8 кәсіпкер қызмет етеді.

Басқарма басшысы мектептің ыстық тамағына жауапты кәсіпкерлермен кездесті 

<a href="https://kyzylorda-news.kz/">Kyzylorda-news.kz.</a>&nbsp;Автокөліктерді заңдастыру бойынша өтініштердің азаюына байланысты, мемлекеттік корпорация мамандандырылған халыққа қызмет көрсету орталықтарының жұмыс кестесінің өзгергені туралы хабарлайды.Шетелдік автокөліктерді заңдастыру бойынша мемлекеттік қызмет көрсететін МХҚО-лар азаматтарды жұмыс күндері сағат 9:00-ден18:00-ге дейін, сенбі күні сағат 9:00-ден 14:00-ге дейін қабылдайды.Айта кетейік, Алматы, Астана, Шымкент, Ақтау, Ақтөбе, Тараз және Орал қалаларында МХҚО-лардың жұмыс кестесі өзгеріссіз қалады. Осы қалаларда МХҚО-лар жұмыс күндері сағат 9:00-ден 20:00-ге дейін, сенбі күні сағат 9:00-ден 14:00-ге дейін қабылдайды. Орталықтар жаңа жұмыс кестесі бойынша 6 наурызға дейін жұмыс істейді. Өзгерістер бойынша қосымша хабарланатын болады.Естеріңізге сала кетейік, ағымдағы жылдың 23 қаңтарында елімізде шетелдік автокөліктерді заңдастыру басталды.Бұл қызмет 2023 жылдың 1 шілдесіне дейін көрсетілетін болады.Мемлекеттік корпорацияның ресми сайтындаавтокөлікті заңдастыратын МХҚО-лардың мекенжайларының тізімі жарияланған. &nbsp;

Мамандандырылған халыққа қызмет көрсету орталықтарының жұмыс кестесі өзгерді

<a href="https://kyzylorda-news.kz/">Kyzylorda-news.kz.</a>&nbsp;Теңізді өлкенің басты байлығы саналатын балық шаруашылығы оң қарқынмен дамып келеді. Бүгінде Кіші Арал теңізінде 19 түрлі су маржанының саны өсіп, тұрақты көбеюде. Осы орайда, былтыр 7,7 мың тонна балық ауланып, одан 4534 тонна өнім өңделді. Бұл жөнінде Өңірлік коммуникациялар қызметінде өткен брифингте Арал ауданының әкімі Серік Сермағамбетов хабарлады.<blockquote>«Арал дегенде ең бірінші балық еске түсетіні баршаға белгілі. Осы ретте ауданда балық шаруашылығын дамыту бағытында бірқатар жұмыстар қолға алынып, тұрақты жұмыспен қамтылған азаматтар қатары көбейді. Қазіргі таңда Кіші Арал теңізінде балықтың 19 түрі мекендейді, ал кәсіпшілік мақсатында 17 түрлі су маржаны ауланады. Ауданымызда балық аулаумен қатар, одан өнім түрін көбейту жұмыстары да жолға қойылған. Атап айтқанда, жылдық қуаттылығы 23 900 тоннадан асатын 9 балық өңдеу зауыты балықты қатыру, мұздату, ыстау сияқты өңдеумен айналысады. Ерекше айта кететін жайт, «Арал балық өңдеу зауыты» және «Арал сервистік дайындау орталығы» ЖШС-і Еуропа нарығына шығуға мүмкіндік беретін «Еврокод» белгісін алған болатын. Бұл ретте Арал теңізінің су маржандары бірқатар шет мемлекеттерге экспорттауға мол мүмкіндік алды», - деді &nbsp;аудан әкімі Серік Сермағамбетов.</blockquote>

Аралда былтыр 7,7 мың тонна балық ауланды

<a href="https://kyzylorda-news.kz/">Kyzylorda-news.kz.</a> Қызылорда облысының әкімі Нұрлыбек Нәлібаевтың төрағалығымен құқық бұзушылық профилактикасы жөніндегі ведомствоаралық комиссия отырысы өтті.Жиында кәмелетке толмағандармен және оларға қарсы жасалған қылмыстардың, отбасы тұрмыстық қарым-қатынастағы құқық бұзушылықтардың алдын алу шаралары талқыланды.Аймақ басшысы кәмелетке толмағандардың арасындағы құқық бұзушылықтар проблемасы қазіргі уақытта қоғамдағы өзекті мәселелердің бірі екенін атап өтті.<blockquote>«Президентіміз Қасым-Жомарт Кемелұлы Өз жолдауында кәмелетке толмағандар арасындағы құқық бұзушылықтардың алдын алуды күшейтуді тапсырып, жасөспірімдер арасындағы құқықтық сана мен құқықтық мәдениетті қалыптастыруды міндеттеді. 2022 жылдың қорытындысымен республика бойынша кәмелет жасына толмағандармен жасалған қылмыстар 14%-ға өсім алса, оларға қарсы жасалған қылмыстар 4%-ға төмендеген. Өңірімізде, кәмелет жасына толмағандармен жасалған қылмыстар 44%-ға, оларға қарсы жасалған қылмыстар 31%-ға төмендеген. Дегенмен, қылмыс саны азайды деп бұл бағыттағы жұмыстарды әлсіретуге болмайды», - деді облыс әкімі.</blockquote>Аймақ басшысы кәмелет жасына толмаған жасөспірімдер арасында суицид, құқық бұзушылық орын алған жағдайда сол бала білім алатын оқу орны басшысының қызметіне қатысты жауапкершілігі қаралатындығын ескертті.<blockquote>«Дені сау, білімді, тәрбиелі ұрпақ өсіру баршамыздың ортақ міндетіміз. Баланың теріс іс-әрекетіне тек полиция немесе білім ұйымдары емес, ата-ана, бүкіл қоғам жауапты», - деді аймақ басшысы.</blockquote>Күн тәртібіндегі екінші мәселеге қатысты Нұрлыбек Машбекұлы соңғы жылдары аймақта отбасылық зорлық-зомбылық қылмыс оқиғалары жиілегенін атап өтіп, тұрмыстық зорлық-зомбылықтан зардап шеккен жанұялардың жағдайына тұрақты түрде мониторинг жүргізу қажеттігін ескертті.Комиссия отырысында облыстық полиция департаменті бастығының міндетін атқарушы Шамшидин Амитов пен облыстық білім, жұмыспен қамтуды үйлестіру және әлеуметтік бағдарламалар басқармаларының басшылары өңірде құқық бұзушылық пен зорлық-зомбылықтың алдын алу бойынша атқарылған жұмыстарды баяндады.Жиын қорытындысымен жауапты мекеме басшылары мен қала, аудан әкімдеріне аталған мәселелерді қатаң бақылауға алып, профилактикалық жұмыстарды күшейту тапсырылды.<figure class="image"><img src="https://knadmin.beoblood.kz/uploads/330130230_3422470974679295_7510151629477660003_n_ef35bb5e31.jpg" alt="330130230_3422470974679295_7510151629477660003_n.jpg"></figure>

Нұрлыбек Нәлібаев: Баланың теріс іс-әрекетіне бүкіл қоғам жауапты

<a href="https://kyzylorda-news.kz/">Kyzylorda-news.kz.</a>&nbsp; Айдынды Арал өңірінде ауыл шаруашылығы саласын дамытудың 2022-2024 жылдарға арналған жол картасы бекітілді. Осының негізінде мал шаруашылығы, балық шаруашылығы, егін шаруашылығын дамыту бойынша 30 жоба жүзеге асырылды. Сонымен қатар 2024 жылға дейін ауданда 3000 гектарға егін көлемін ұлғайту жоспарлануда.&nbsp;Бұл жөнінде Өңірлік коммуникациялар қызметінде өткен баспасөз конференциясында Арал ауданының әкімі Серік Сермағамбетов хабарлады.<blockquote>«Былтыр аралдық еңбеккерлердің тынымсыз тіршілігінің арқасында ауданымыз «Мал және балық шаруашылығын дамыту» бойынша үздік аудан атанды. Бұл көрсеткішті одан әрі дамыту мақсатында өткен жылы ауыл шаруашылығын дамытудың жол картасын бекіттік. Осыған сәйкес, бірінші кезекте жайылымдық, шабындық және суармалы егістік жерлерді суландыру мәселесін алға қойдық. Осы бағытта 13 су ұңғымасы қазылып, 10 канал тазартылды. Екіншіден, егін шаруашылығын дамыту қолға алынды. Үшінші бағыт Қамыстыбас және Ақшатау көлдер жүйесін ретке келтіру үшін дарияның «Бұрмақұлақ» учаскесін бөгеп, «Аспай» суағытқысын іске қостық. Бұл жұмыстар осы екі көлді толтыруға септігін тигізіп, балық аулап, нәпақасын тауып отырған тұрғындар үшін үлкен жемісті жоба болды. Ауданымызда мал шаруашылығы тұрақты дамуда. Қазіргі таңда 53,6 мың бас мүйізді ірі қара, 83,7 мың бас қой мен ешкі, 49,3 мың бас жылқы, 33,3 мың бас түйе және 4 мыңға жуық құс бар. Сәйкесінше, жыл көлемінде ет өндіру 102,4 пайызға, сүт өнімі 102,6 пайызға, жұмыртқа 102,0 пайызға өндірілді, - деді аудан әкімі Серік Сағитжанұлы.</blockquote>

Арал ауданында ауыл шаруашылығын дамытудың жол картасы бекітілді

<a href="https://kyzylorda-news.kz/">Kyzylorda-news.kz.</a> Қазақстанның бірқатар аймақтарында дауылды ескерту жарияланды, деп хабарлайды Қазгидромет.Қызылорда облысының орталығында көктайғақ, бұрқасын күтіледі. Жел солтүстік-батыстан, солтүстіктен соғады. Қызылорда қаласында түнде және таңертең көктайғақ күтіледі. Күндіз солтүстіктен желдің екпіні 17 м/с болады. &nbsp;

Бейсенбі күнге арналған ауа райы болжамы

Kyzylorda-news.kz. «AMANAT» партиясының кезектен тыс XXV Съезінің делегаттары теміржолшылардың мәжіліс залында Магистральдық желі бөлімше ұжымымен кездесті.Жиынды «Магистральдық желі бөлімшесі» басшысы, БПҰ төрағасы Ибраким Басықараев ашып, партия Съезінде ел әлеуметін көтеретін, халықтың тұрмыс-тіршілігін жақсартатын, ауылдардың гүлденуі мен тұрғындардың әл-ауқатын көтеретін ел болашағы үшін мәселелер көтерілгенін жеткізді Сонымен қатар партияның алдағы 5 жылды қамтитын Сайлауалды бағдарламаның бекітіліп, партия атынан ҚР Парламенті Мәжілісіне үміткерлер бірауыздан делегаттармен мақұлданғанын айтып өтті.<blockquote>«Елдегі конституциялық реформалардың заңды жалғасы болып отырған алдағы сайлау жаңа форматта өткелі отыр. Яғни еліміздегі саяси партиялар ғана емес, бұл сайлауда жекелеген азаматтарға да Мәжіліс пен мәслихаттарға үміткер ретінде өзін – өзі ұсынуға жол берілуде. Осы тұста Президентіміз айтқандай сайлау «елді бөлетін емес, біріктіретін науқан болуы керек», - деді БПҰ төрағасы Ибраким Басықараев.</blockquote>«AMANAT» партиясы Теміржол филиалының Атқарушы хатшысы Базара Танбаева өткен алқалы жиын жөнінде мағұлмат бере келе, алдағы сайлау науқанына «AMANAT» жаңа мақсат-мүддені көздеп отырғанын, оның миссиясы Мемлекет басшысының қоғамдық тірегі болу және Әділетті Қазақстанды құру екіндігін тілге тиек етіп, алған әсерлерімен бөлісті.Жиын барысында теміржолшылардың пікірлерімен бөлісіп, елді қуатты етуде бағытында ұсыныс тілектерін тыңдалды. Атап өту керек алдағы уақытта тұрғындардан жинақталған әрбір ұсыныстар сарапталып, партияның сайлауалды бағдарламасына қосымша енгізілетін болады.<img src="https://knadmin.beoblood.kz/uploads/IMG_20230208_WA_0033_5216dc5a20.jpg" alt="IMG-20230208-WA0033.jpg">

Съезд делегаттары теміржолшылармен кездесті

<a href="https://kyzylorda-news.kz/">Kyzylorda-news.kz.</a> Былтыр Қызылорда қаласында инфекциялық және паразиттік аурулар бойынша қала тұрғындары арасында жіті ішек инфекцияларының вирусты гепатит, туберкулез, бруцеллез және Конго-Қырым гемаррагиялық қызбасының эпидемиологиялық ахуалы тұрақсыз болып, 19 инфекция көрсеткіші жоғары сипатқа ие болды, ал 7 инфекция көрсеткіштері азайды.<blockquote>«Өткен жылы қалада жіті ішек инфекциясының 1684 оқиғасы (оның ішінде 3 жасқа дейінгі балалар арасында 1419 жағдай) тіркелсе, туберкулезбен 204 науқас жаңадан анықталды. Жедел ішек ауруларының алдын алу мақсатында аурудың басты таралуының себептері - үй жағдайында дайындау технологиясы бұзылған немесе дұрыс сақталмаған тағамдар, сүт өнімдері, сусындар, дұрыс жуылмаған, тазартылмаған жеміс-жидектер, қайнамаған су және бала күтімінің нашарлығы т.б. болдырмау қажет», - деді Қызылорда қалалық санитариялық - эпидемиологиялық бақылау басқармасының басшысы Ерлан Ұзақбаев.</blockquote>Сонымен қатар, жедел вирусты гепатит А ауруының 8 оқиғасы тіркеліп, ауру оқиғалары орын алған мектептер жоспардан тыс тексерілді. Нәтижесінде эпидемиялық көрсеткіш бойынша 386 бала вирусты гепатит А қарсы екпемен қамтылды. Жалпы, Қызылорда қаласында вирусты гепатит А қарсы жоспарлы профилактикалық екпелермен 12 609 бала қамтылған. Бұдан бөлек, Қызылорда қаласында COVID-19 коронавирустық инфекциясының 4216 оқиғасы тіркелді. &nbsp;Аурудың алдын алуда басымды және тиімді шара - вакцинация және ревакцинация болып табылады. COVID-19 инфекциясы қарсы қала халқының 87,9%-ы егумен (егілгені – 225 334) қамтылды. &nbsp;<blockquote>«Қызылорда қаласының әкімшілік аумағы аса қауіпті Конго-Қырым геморрагиялық қызбасының (әрі қарай - ККГЛ) табиғи ошағында орналасқандықтан қолайсыз болып саналады. Өткен жылы Қызылорда қаласында ККГЛ алғашқы диагнозымен 13 жағдайы тіркелсе, «Кене шағу» диагнозымен 446 жағдай анықталды. Жалпы, басқарма мамандарымен 2022 жылы 552 тексеру жүргізілген. Жүргізілген ерекше тәртіп бойынша және жоспардан тыс тексерулер барысында барлығы 324 заңбұзушылықтар анықталып, жауапты тұлғаларға әкімшілік шара көрілді және айыппұлдар салынды, нысандарға бұзушылықты жою туралы ұйғарымдар берілді», - дейді Ерлан Амантайұлы. &nbsp;</blockquote>

Қазақстан және Қызылорда облысының жаңалықтары