<a href="https://kyzylorda-news.kz/">Kyzylorda-news.kz.</a> Қызылорда қаласындағы Мырзабек Дүйсенов атындағы №15 мектеп-лицейінің жоғары сынып оқушыларымен «Айбынды жастар – ел тірегі!» тақырыбында ерлік сабағы ұйымдастырылды.Ерлік сабағына Қызылорда облыстық қорғаныс істері жөніндегі департаменті бастығының орынбасары подполковник Алмат Жақыпов, «Жас сарбаз» жасөспірімдер әскери-патриоттық қозғалысы, Республикалық қоғамдық бірлестігі Қызылорда облыстық филиалының төрағасы Әкімжан Төлебай, Қызылорда қаласындағы шығыс жекпе-жегі мектебінің жаттықтырушысы Қуандық Мырзабекұлы және Ресей Федерациясы Тверь қаласындағы Әуе ғарыштық қорғаныс әскери академиясының курсанты Азат Арманұлы, Алматы қаласындағы Бауыржан Момышұлы атындағы «Жас ұлан» республикалық мектебінің курсанты Бексұлтан Шермұхаммадұлы мен Шымкент қаласындағы Кеңес Одағының батыры, генерал Сабыр Рахымов атындағы «Жас ұлан» республикалық мектебінің курсанты Мағжан Ержанұлы қатысты.Іс-шараның мақсаты болашақ жастардың туған еліне, Қарулы күштерге деген патриоттық және мақтаныш сезімін қалыптастыру, әскери оқу орындарын таныстыру мен насихаттау болды.Ерлікке бағдар болған сабақ барысында мектеп оқушылары әскери қызметшілер мен курсанттар тарапынан ойларындағы барлық сұрақтарына жауап алды. Жиын кезінде жалпы еліміздің әскері жайлы және жоғары әскери оқу орындарына түсу тәртібі сөз болды.<blockquote>«Жоғары сынып оқушыларымен маңызды ерлік сабағы өтті. Осындай іс-шаралар жастарымызға күш-жігер берері анық. Курсанттармен бірге оқушылардың барлық сұрақтарына жауап беріп, әрбір азаматтың Отан алдындағы міндеттерін талқыладық», – дейді подполковник Алмат Жақыпов.</blockquote>Іс-шара соңында №15 мектеп-лицейінің басшылығы әскери қызметшілерге, курсанттарға және қатысушы қонақтарға жастарға патриоттық тәрбие беру жолындағы еңбектеріне алғысын білдірді.<figure class="image"><img src="https://knadmin.beoblood.kz/uploads/Whats_App_Image_2023_01_20_at_10_13_33_1_2f734b7c19.jpeg" alt="WhatsApp Image 2023-01-20 at 10.13.33 (1).jpeg"></figure>

Оқушыларға арналған ерлік сабағы өтті

<a href="https://kyzylorda-news.kz/">Kyzylorda-news.kz.</a> Аймақ басшысы Нұрлыбек Нәлібаевтың тапсырмасы бойынша облыс әкімінің орынбасары Мархабат Жайымбетовтің төрағалығымен өткен мәжілісте республикалық және облыстық маңызы бар жолдардың, сондай-ақ магистральдықтемір жол бойында орналасқан нысандардың санитарлық тазалық мәселесі талқыланды.Жиынға «Қаз Авто Жол» және «Қазақстан темір жолы» АҚ облыстық филиал басшылары, селекторлық байланыс арқылы Қызылорда қаласы мен аудан әкімдері қатысты.Мархабат Жайымбетұлы санитарлық тазалық мәселесі аймақ басшысының тұрақты бақылауында екенін атап өтті.<blockquote>«Бүгінгі күні, «Батыс Еуропа-Батыс Қытай» автодәлізі, темір жол бойында орналасқан халық пайдаланатын объектілердің санитарлық тазалық мәселесі өзекті болуда.Бұл бойынша облыс әкімі тарапынан бірқатар сыни ескертпелер айтылды. Өздеріңіз білесіздер,«Батыс Еуропа-Батыс Қытай» автодәлізі-Еуропа елдерінен Қытайға баратын оңтайлы және ірі көлік дәлізі.Қазіргі таңда, осы жол арқылы тәулігіне 10 мыңнан аса автокөлік қатынайды.Сонымен қатар, облыс аумағынан өтетін магистральдық темір жол желісі арқылы айына 500-ге жуық жолаушылар пойызы өтеді.Сондықтан, бірінші кезекте осы жол бойында орналасқан және халық тұтынатын нысандар, көлік инфрақұрылымдары күнделікті тазалықты қажет етеді», - деді Мархабат Жайымбетов.</blockquote>Жиын барысында «Қаз Авто Жол» және «Қазақстан темір жолы» АҚ облыстық филиал басшылары мен қала, аудан әкімдері магистральдық жолдар мен жол бойындағы нысандардың тазалығын қамтамасыз ету бойынша жүргізілген жұмыстарды баяндап, алдағы уақытта аймақ басшысының сын-ескертпелері жойылатынын жеткізді.Мәжілісті қорытындылаған облыс әкімінің орынбасары «ҚазАвтоЖол» АҚ облыстық филиалы, аудан және Қызылорда қаласы әкімдіктеріне тиісті аумақтағы республикалық және жергілікті маңызы бар жолдардың бойында орналасқан жалпы пайдаланымдағы нысандар мен көлік объектілерінің санитарлық тазалығы күнделікті қамтамасыз етуді және «Қазақстан темір жолы» АҚ облыстық филиалы басшыларына магистральді темір жол желісі бойы, темір жол станциялары мен вокзалдарды және олардың аумақтарының санитарлық тазалығын тұрақты негізде қамтамасыз етіп, вокзал кешеніндегі сауда орындары, перрондар, демалыс алаңдары, қоқыс жәшіктерін күнделікті тазалауды және вокзал ғимараттары мен сауда орындарының сыртқы келбеттерін ретке келтіруді тапсырды.

Тазалық мәселесі тұрақты бақылауда болуы тиіс

<a href="https://kyzylorda-news.kz/">Kyzylorda-news.kz.</a> 20 қаңтарда Қызылорда облысында қолайсыз ауа райына байланысты ескерту жарияланды, деп хабарлайды Қазгидромет.Қызылорда облысының орталығында солтүстік шығыстан соққан желдің екпіні 15-20 м/с жетеді.

20 қаңтарға арналған ауа райы болжамы

<a href="https://kyzylorda-news.kz/">Kyzylorda-news.kz.</a> Ауыл шаруашылығы – өңір экономикасының маңызды салаларының бірі. Биыл 192,4 мың гектар жерге ауыл шаруашылығы дақылдары егіледі. Оның ішінде дәндi дақылдар - 97,2 мың, майлы дақылдар - 5,3 мың, бақша дақылы - 19,8 мың гектарды құраса, ал Сыр салысы - 86,5 мың гектар жерге орналастырылмақшы.&nbsp;Қазіргі таңда көктемгі егіске дайындық жұмыстары басталды. Бұдан бөлек, облыс әкімінің тапсырмасымен жергілікті тұрғындарды егінмен айналысуға тиісті шаралар қабылданған болатын. Бұл жұмыстар биыл да өз жалғасын тауып, Қызылорда қаласы мен барлық аудандарда 2054,6 гектар жерді 8 мың отбасыға бөлініп беріледі. Бұл туралы Өңірлік коммуникациялар қызметінде өткен брифингте облыстық ауыл шаруашылығы және жер қатынастары басқармасының басшысы Талғат Дүйсебаев мәлімдеді.<blockquote>«Бүгінде ауыл шаруашылығы саласын қарқынды дамыту үшін барлық жағдайлар жасалып отыр. Мемлекет тарапынан жыл сайын аграрлық саланы қолдауға қомақты қаржылар бөлінуде. Былтыр аталмыш саланы субсидиялауға 11,9 млрд.теңге қаржы бөлінсе, &nbsp;биыл 13,8 млрд. теңгеге жуық қаржы &nbsp;қаралып отыр. Бұл әрине аграрлық саланы одан әрі дамытуға үлкен қолдау болмақ. Былтыр мемлекеттік қолдаудың арқасында аграрлық салада 178,0 млрд.теңгенің өнімі өндіріліп, өсім көрсеткіші 1,8 пайызға артса, ал тамақ өндірісі 72,6 млрд.теңгеге жуық өнім өндіріп, былтырғымен салыстырғанда 6,3 пайызға өсті. Жалпы былтырғы егін жинау қорытындысымен дәнді дақылдардан - 464,3 мың тонна, негізгі дақыл күріштен - 444,8 мың тонна, майлы дақылдардан -5,8 мың тонна, мал азықтық дақылдардан - 299 мың тонна, картоп, көкөніс, бақшадан - 418,7 мың тонна өнім алынды. Сондай-ақ, егістікте су үнемдеу технологияларын қолдану арқылы әртараптандыру бағытында 793 гектарға дақылдар егілген болатын. Осы бағытта 2025 жылға дейін 17,2 мың гектарға жеткізуді жоспарлап отырмыз. Ал мал шаруашылығын &nbsp;субсидиялауға &nbsp; 4,6 млрд. теңге &nbsp;қаржы бөлінді. Осының нәтижесінде аймақта төрт түлік мал басы өсіп, өнім өндіру тұрақты ұлғаюда», - деді басқарма басшысы Талғат Тұрсынұлы.</blockquote><figure class="image"><img src="https://knadmin.beoblood.kz/uploads/326103393_5892995800768372_3767703793974441338_n_2e8d133264.jpg" alt="326103393_5892995800768372_3767703793974441338_n.jpg"></figure>

Қызылорда: Ауыл шаруашылығын дамытуда ауқымды жұмыстар атқарылады

<a href="https://kyzylorda-news.kz/">Kyzylorda-news.kz.</a>&nbsp; Мемлекет басшысы Қасым-Жомарт Тоқаев Парламент Мәжілісі және мәслихат депутаттарының кезектен тыс сайлауын тағайындау туралы мәлімдеме жасады. Бұл туралы Ақорданың ресми сайты хабарлайды.Құрметті отандастар!Мен Конституцияға сәйкес, Парламент палаталарының төрағаларымен, Премьер-Министрмен кеңесіп, Мәжілісті тарату және мәслихаттардың өкілеттігін мерзімінен бұрын тоқтату туралы Жарлықтарға қол қойдым. Депутаттарға белсенді әрі жемісті жұмысы үшін алғыс айтамын. Мәжіліс пен мәслихат депутаттары еліміздегі ауқымды реформаларды іске асыруға барынша атсалысты. Олар сайлаушылармен жиі кездесу өткізді. Шалғайдағы елді мекендерге барды. Сондай-ақ, жұртты толғандырған өзекті мәселелерді көтеріп, қоғамдық пікірталасқа ұйытқы болды.Жаңадан сайланатын депутаттар да жұмысты осы қарқынмен жалғастырып, еліміздің жан-жақты жаңғыруына ерекше үлес қосады деп сенемін. Мәжілістің кезектен тыс сайлауы 2023 жылғы 19 наурызда өтеді. Барлық деңгейдегі мәслихаттардың сайлауын Орталық сайлау комиссиясы белгілейді.Өздеріңізге мәлім, мен былтыр күздегі Жолдауымда Мәжіліс пен мәслихаттар сайлауы осы жылдың бірінші жартысында болатынын жарияладым, яғни бұл бастама айтылған сәттен сайлауға дейін жарты жылдан астам уақыт өтеді. Тәуелсіздік жылдарында сайлауға дайындалу үшін кандидаттар мен саяси партияларға осыншама көп уақыт берілген емес.Мәжілістің және мәслихаттардың кезектен тыс сайлауы – конституциялық реформаның жалғасы. Былтырғы референдумда халқымыз бұл реформаға қолдау білдірді. Соның нәтижесінде еліміз өкілді билікті жаңа, әділ әрі ашық бәсекеге жол ашатын қағида бойынша жасақтауға көшті.Енді Мәжіліс депутаттарының 70 пайызы партиялық тізім арқылы, ал қалған 30 пайызы бір мандатты округтерден сайланады. Облыстар мен республикалық маңызы бар қалалардағы мәслихат депутаттары да аралас жүйе бойынша сайланады. Депутаттардың 50 пайызы бір мандаттық жүйе арқылы, 50 пайызы партиялық тізім бойынша өтеді. Ал, аудан және облыстық маңызы бар қалалардағы мәслихат сайлауында азаматтар бір мандатты округтерден шыққан кандидаттарға дауыс береді. Осылайша, Мәжіліс пен мәслихаттар жаңа үлгі бойынша жасақталады. Сонда сайлаушылардың мүддесі жалпыұлттық және аймақтық деңгейде толық қорғалады. Өкілді билікке түрлі көзқарастағы азаматтардың келуіне мүмкіндік туады. Азаматтық қоғамның одан әрі дамуына айтарлықтай жағдай жасалады.Конституциялық реформа аясында саяси партияларды тіркеу рәсімі жеңілдетілді. Атап айтқанда, партия мүшелерінің санына қатысты талап өзгерді. Оның төменгі шегі төрт есе төмендеп, 20 мыңнан 5 мыңға дейін азайды. Партиялардың әр аймақтағы өкілдерінің саны кемінде 600 адам болуға тиіс еді, ал қазір 200 адамға дейін төмендеді. Осы және басқа да жүйелі шаралардың нәтижесінде елімізде көп уақыттан бері алғаш рет бірнеше жаңа саяси партия тіркелді.Сонымен бірге, сайлау бюллетеніне «бәріне қарсымын» деген бағанның енгізілуі өте маңызды шешім болды. Партиялардың Мәжіліске өтуіне қажетті дауыстың төменгі шегі 7-ден 5 пайызға дейін азайды. Бұл да – елімізді демократияландыру жолындағы айрықша мәні бар қадам. Сайлау үдерісіне қоғамның түрлі өкілдерін барынша тарту үшін заңнамаға басқа да тың өзгерістер енгізілді. Мысалы, депутаттық мандаттың 30 пайызын әйелдерге, жастарға және ерекше қажеттілігі бар азаматтарға бөлу заң жүзінде бекітілді. Мұның бәрі саяси бәсекені күшейтеді, саяси жүйенің ашықтығын қамтамасыз етеді. Сондай-ақ, саясаткерлердің жаңа буынының қалыптасуына жол ашады.Сайлау науқанын ұйымдастыру және оны өткізу ісінде аумақтық сайлау комиссиялары маңызды рөл атқарады. Енді облыстық сайлау комиссиялары кәсіби түрде тұрақты жұмыс істейді. Бұл шешім сайлауға қатысты іс-шаралардың сапалы атқарылуын қамтамасыз етеді.Алдағы сайлаудың заңға сәйкес өтуіне, әділ әрі ашық болуына қатаң бақылау жасалады. Бұған Орталық сайлау комиссиясы және Бас прокуратура жауапты. Сайлау науқанын отандық және халықаралық байқаушылар жіті қадағалайды. Осы тұста азаматтарымыздың байқаушы ретінде белсенділік танытуы маңызды. Заңға сай барлық кандидат пен партияның бұқаралық ақпарат құралдарына шығуына бірдей мүмкіндік беріледі. Осы сайлау науқаны еліміздегі саяси мәдениеттің жоғары екенін айқын көрсетіп, қоғамымызды ұйыстыра түседі деп сенемін.Біз дамудың жаңа дәуіріне қадам бастық. Қазақстанда қарқынды және жан-жақты жаңару үдерісі жүріп жатыр. Бұл сайлау қоғамдағы өзгерістердің көрінісі ретінде саяси жүйеміздің одан әрі жаңғыруына зор ықпалын тигізеді. Қазір әлемде дәл осындай ауқымды өзгерістерді қолға алған мемлекеттер көп емес.Мәжіліс пен мәслихаттар сайлауы мемлекеттік билік институттарын жаңғырту жұмыстарының қорытынды кезеңі болмақ. Осылайша, «Күшті Президент – ықпалды Парламент – есеп беретін Үкімет» қағидаты толық іске асады.Біз бір ел, бір халық болып, Әділетті Қазақстанды құрып жатырмыз. Осы жолда түрлі сын-қатерді еңсеріп, көптеген маңызды міндетті бірге атқаруымыз керек.Мен баршаңызды азаматтық жауапкершілік танытып, Мәжіліс пен мәслихат сайлауына белсене қатысуға шақырамын.

Президенттің Мәжіліс пен мәслихат депутаттарының кезектен тыс сайлауын тағайындау туралы мәлімдемесі

<a href="https://kyzylorda-news.kz/">Kyzylorda-news.kz.</a>&nbsp; Ғылым және жоғары білім министрінің жастар ісі жөніндегі кеңесшісі – студенттік омбудсмен Айсұлу Ерниязова Қорқыт ата атындағы Қызылорда университетінің студенттерімен кездесті.Жиында жаңа идеялар мен жастарға қатысты мәселелер талқыланды.<blockquote>«Студенттер құқығының қорғалуы, сапалы білім алуы, жатақханамен қамтылуы, шығармашылықпен еркін айналысуы – біздің басты назарымызда. Әртүрлі жоғары оқу орнында оқыса да белсенді білім алушылар бір-бірімен байланыс орнатып, жаңа идеяларды жүзеге асыруы керек. Өйткені, жастардың жарқын ойлары, күш-жігері қоғамға оң өзгеріс әкеледі. Былтыр Түркістанда өткен халықаралық жастар форумы студенттерге үлкен серпіліс берді. Мұндай ауқымды шара биыл да ұйымдастырылмақ», – деді Айсұлу Ерниязова.</blockquote>Айта кету керек, кездесуде университеттің Кәсіпкерлік орталығының жетекшісі Жанарыс Түбекбаев пен жастар ісі жөніндегі комиет төрағасы Нәбиден Марат&nbsp; жаңа жобалармен таныстырды.Жиын барысында студенттер сұрақ-жауап алмасып, ұсыныстарын жеткізді.<figure class="image"><img src="https://knadmin.beoblood.kz/uploads/16b7117db0d795e520c3f3fcc62b3b70_d51d0d50dd.png" alt="16b7117db0d795e520c3f3fcc62b3b70.png"></figure>

Министрдің жастар ісі жөніндегі кеңесшісі қызылордалық студенттермен кездесті

<a href="https://kyzylorda-news.kz/">Kyzylorda-news.kz.</a> Қызылорда облысында 141 дана жол белгісі талапқа сай түзетілді.Өткен жылы Жол активтерінің ұлттық сапа орталығы Қызылорда облыстық филиалының мамандарымен өңір аумағынан өтетін республикалық маңыздағы автожолдарда 336 дана жол белгісі арнайы рефлектометр құрылғысымен тексеріліп, соның 141-і талапқа сай емес екенін анықтаған. Яғни, трасса бойында жүргізушілерге бағыт-бағдар көрсетіп, қауіпті қиылыс-бұрылыстар мен жолы нашар учаскелерді білдіретін белгілер белгіленген нормативтерге сай емес болып шықты. Сондай-ақ, ұзындығы 36 шақырымға салынған жол таңбасынан да олқылық табылды. Тексеру нәтижесімен құзырлы мекемеге сын-ескертпе ретінде ұсыныс беріліп, бүгінгі күні барлық кемшіліктер түзетілді.Айта кетейік, республикалық маңызы бар автомобиль жолдарында соңғы жылдары жол-көлік оқиғалары жиі орын алып барады. Сондықтан, жол апатының алдын алуда қауіпті учаскелердегі жол белгілері мен таңбаларының рөлі зор дейді мамандар.<figure class="image image_resized" style="width:100%;"><img src="https://knadmin.beoblood.kz/uploads/Whats_App_Image_2023_01_19_at_16_19_25_1_831eda03c3.jpeg" alt="WhatsApp Image 2023-01-19 at 16.19.25 (1).jpeg"></figure>

Қызылордада 141 дана жол белгісі талапқа сай түзетілді

<a href="https://kyzylorda-news.kz/">Kyzylorda-news.kz.</a> Қызылорда облысында жеке кәсіпкер 2017 жылдан бастап өз кәсібін жүргізе отырып, мемлекеттік сатып алу порталы арқылы ондаған мекемелермен дизель сұйық отынын жеткізіп беруге келісім шартқа отырған. &nbsp; Алайда, заңды қызметі аясында, &nbsp;2019 жылдан бастап 2022 жылдың мамыр айына дейінгі аралықта 28 мемлекеттік мекемеге, 1 заңды тұлға мен 2 жеке тұлғаға &nbsp;заңсыз жолмен, яғни заңдылығын растайтын құжаттарсыз жалпы сомасы 274 млн 036 мың теңгенің &nbsp;дизель сұйық отынын тасымалдап, заңсыз жолмен табылған мүлікті заңдастырған.Бұл заңсыз &nbsp;іс-әрекет &nbsp;ҚР ҚК-нің 197 бабы 4 бөлігінің 2) тармағымен (мұнайдың және мұнай өнiмдерiнің шығарылу заңдылығын растайтын құжаттарсыз аса ірі мөлшерде және бірнеше рет тасымалдау, иемдену, өткiзу, сақтау, сондай-ақ мұнайды қайта өңдеу) және 218 бабы 3 бөлігінің 3) тармағымен (қылмыстық жолмен алынған ірі мөлшердегі ақшаны және (немесе) өзге мүлікті заңдастыру) сараланды.&nbsp;Сотқа қылмыстық іс түскеннен кейін сотталушы кінәсін толық мойындау туралы мәміле түріндегі процессуалдық келісім жасауға өтініш білдірген. Сонымен қатар, өз кінәсін толықтай мойындап, өкінетінін білдірген және тағайындалған жазамен келіскен. Жалағаш аудандық сотының үкімімен кәсіпкерге 5 (бес) жыл мерзімге шартты түрде бас бостандығынан айыру жазасы тағайындалды және осы уақытқа пробациялық бақылау белгіленді.Сонымен қатар Қызылорда облысы бойынша экономикалық тергеп-тексеру департаменті жүргізген жедел іздестіру шаралары барысында анықталып, тергелген шығарылу заңдылығын растайтын құжаттарсыз мұнай өнімдерін тасымалдау, иемдену және өткізуге қатысты қылмыстық әрекеті үшін тағы бір жеке кәсіпкерге сот үкімі шықты.Жеке кәсіпкер мемлекеттік сатып алу порталына мұнай өнімдерін көтерме саудада өткізуші кәсіпкерлік субъектісі ретінде тіркеліп, 2020-2021 жылдары мемлекеттік сатып алу конкурстарына қатысқан. Баға ұсынымдары әдісімен ең төменгі баға ұсыну арқылы жеңімпаз ретінде танылып, Қызылорда облысы аумағында барлығы 41 мемлекеттік мекемелермен жасалған мемлекеттік сатып алу келісім-шарттары негізінде 2 жылда барлығы 779 тонна, құны 165 млн. 865 мың &nbsp;теңгенің дизель отынын тасымалдап, жеткізіп берген.&nbsp;Соның ішінде 402 тонна, құны 93 млн.788 мың теңгенің дизель отындарын шығу тегін растайтын құжаттарсыз өткізген. 2021 жылдың қараша айында жүргізілген жедел-іздестіру шаралары барысында 4000 литр дизель отынын ауылдық мәдениет үйінің бу қазандығына жеткізіп беру кезінде ұсталған. &nbsp; Сотталушының қылмыстық әрекеті жәбірленуші және куәлер жауаптарымен, оқиға орнын қарап-тексеру хаттамаларымен, заттай дәлелдемелермен, сот-сараптама институты сарапшысының қортындыларымен толық дәлелденді. Жеке кәсіпкерге Қазақстан Республикасы Қылмыстық кодексінің 197 бабы 4-бөлігінің 2) тармағымен (мұнай және мұнай өнiмдерiнің шығарылу заңдылығын растайтын құжаттарсыз оларды тасымалдағаны, иемденгені, өткiзгені, сақтағаны) &nbsp;көзделген қылмыстық құқық бұзушылықты жасағаны үшін 2 жыл 8 ай мерзімге шартты түрде бас бостандығынан айыру жазасы тағайындалды. Жаза мерзіміне пробациялық бақылау белгіленді. &nbsp;

Қызылордада мұнай өнімдерін заңсыз тасымалдаған кәсіпкерлерге сот үкімі шықты 

<a href="https://kyzylorda-news.kz/">Kyzylorda-news.kz.</a>&nbsp; Мемлекет басшысы Парламент Мәжілісі және мәслихат депутаттарының кезектен тыс сайлауын тағайындау туралы мәлімдемесінде осылай деді.<blockquote>«Мәжіліс депутаттарының енді 70 пайызы партиялық тізім арқылы, ал қалған 30 пайызы бір мандатты округтерден сайланады. Облыстар мен республикалық маңызы бар қалалардағы мәслихат депутаттары да аралас жүйе бойынша сайланады.Депутаттардың 50 пайызы бір мандаттық жүйе арқылы, 50 пайызы партиялық тізім бойынша өтеді.Ал аудан және облыстық маңызы бар қалалардағы мәслихат сайлауында азаматтар бір мандатты округтерден шыққан кандидаттарға дауыс береді. Осылайша, Мәжіліс пен мәслихаттар жаңа үлгі бойынша жасақталады. Өкілді билікке түрлі көзқарастағы азаматтардың келуіне мүмкіндік туады»,-деді Президент.</blockquote>

Мәжіліс депутаттарының 30 пайызы бір мандатты округтерден сайланады

<a href="https://kyzylorda-news.kz/">Kyzylorda-news.kz.</a>&nbsp; Қызылорда облысы кәсіпкерлер палатасының директоры Пірмұхаммед Сыздықов пен «Қазпошта» АҚ Қызылорда облыстық филиалының директоры Ғалымжан Кенжебаев ынтымақтастық жөніндегі меморандумға қол қойды.Меморандумның нәтижесінде кәсіпкерлерге жағдай жасау көзделіп отыр.Қазір «Бизнеске арналған үкімет» ғимаратында Кәсіпкерлер палатасымен бірге кәсіпкерлерге мемлекеттік бағдарлама аясында жеңілдетілген несие беретін үш қаржы ұйымы орналасқан. Олар «Аграрлық несие корпорациясы» АҚ Қызылорда облыстық филиалы, «Қызылорда өңірлік инвестициялық орталығы» ЖШС, Atameken Qyzylorda микоқаржы ұйымы.Алайда ғимаратта банк бөлімшелері жоқ. Аталған қаржы ұйымдары арқылы несие алу барысында жүргізілетін қаржы операцияларында кәсіпкерлердің уақытын үнемдеу мақсатында «Бизнеске арналған үкімет» ғимаратында ақпаннан бастап «Қазпоштаның» өкілдері отырады.Сонымен қатар, ақшаны қолма-қол шешкені үшін алынатын комиссия 0,35-0,45 пайыз аралығында. 1 млн теңгеге дейін шешсе 0,45 пайыз, 1-5 млн теңге аралығы 0,40 пайыз, 5 млн теңгеден асса 0,35 пайыз.Қос тарап бұдан өзге де кәсіпкерлерге қатысты мәселелерді бірге шешуге келісті.Қызылорда облысының кәсіпкерлер палатасы Қызылорда қаласы, Қорқыт ата көшесі, 123 мекенжайындағы «Бизнеске арналған үкімет» ғимаратында орналасқан. Байланыс нөмірі 8 /7242/ 40-09-81. &nbsp;

Кәсіпкерлерден қаржылық операциялар кезінде алынатын комиссия 0,45 пайыз 

<a href="https://kyzylorda-news.kz/">Kyzylorda-news.kz.</a> Қызылордада кафе, барларда кальян шеккен 30 азаматқа айыппұл салынды.Қызылорда қаласы полиция басқармасының учаскелік полиция инспекторлары қала аумағында құқық бұзушылықтың алдын алу және қылмысты болдырмау мақсатында рейдтік іс-шараларды күнделікті өткізеді.«Кальян» жедел-профилактикалық іс-шарасы барысында учаскелік полиция инспекторлары рейд жүргізді. Нәтижесінде ҚР ӘҚБтК-нің 441-бабының 1-бөлігімен 30 азаматқа әкімшілік хаттама рәсімделді. Сонымен қатар 6 ойын-сауық орнының иесіне осы кодекстің 441-бабының 3-бөлігімен әкімшілік хаттама толтырылып, айыппұл салынды. Ойын-сауық орталықтары, кафе иелеріне қоғамдық орындарда темекі өнімдері мен кальянды тұтынуға тыйым салу туралы ескерту парақтары таратылды.<figure class="image"><img src="https://knadmin.beoblood.kz/uploads/c86597f8_ae54_4f19_bdc5_c76101b3ee8d_fe15f60b02.jpg" alt="c86597f8-ae54-4f19-bdc5-c76101b3ee8d.jpg"></figure>

Қызылордада кафе, барларда кальян шеккен 30 азаматқа айыппұл салынды

<a href="https://kyzylorda-news.kz/">Kyzylorda-news.kz.</a> 1 маусымда еліміздің оқушылары Халықаралық балаларды қорғау күнімен қатар соңғы қоңырау мерекесін атап өтеді. Бұл туралы ҚР Оқу-ағарту министрлігі Орта білім комитетінің төрағасы Гүлмира Кәрімова айтты, деп хабарлайды <a href="https://www.inform.kz/kz/okushylardyn-songy-konyrau-merekesi-1-mausymda-otedi_a4025382">ҚазАқпарат</a>.<blockquote>«Қазақстанда оқу жылының ұзақтығы 36 апта. Дәстүр бойынша оқу жылы 1 қыркүйекте басталып, биылдан бастап 31 мамырда аяқталады», - деді Гүлмира Кәрімова министрліктің телеграм каналында жарияланған түсініктемесінде.</blockquote>Оның айтуынша, 31 мамыр – оқу жылының соңғы күні. Бұл күні еліміздің мектептерінде оқушылардың жас ерекшеліктерін ескере отырып, Саяси қуғын-сүргін құрбандарын еске алу күніне арналған сыныптан тыс сағаттар өткізіледі. 1 маусымда еліміздің оқушылары Халықаралық балаларды қорғау күнімен қатар соңғы қоңырау мерекесін атап өтеді.Бұдан бұрын хабарланғандай, кешегі Мәжілістің жалпы отырысында депутат Аманжол Әлтай мектептердегі соңғы қоңырау күнін 30 мамырға немесе 1 маусымға ауыстыруды сұрады.<blockquote>«Елімізде 31 мамыр ашаршылық және саяси қуғын-сүргін құрбандарын еске алу күні болып белгіленді. Бұл күні алаш арыстарының рухына жасап жүрген құрметіміз олардың ескерткіштері мен мемориалдық орындарға гүл шоғын қоюдан аспай тұр. ҚР Оқу-ағарту министрінің 2022 жылғы 12 тамыздағы № 363 бұйрығына сәйкес, орта білім беретін мектептердегі соңғы қоңырау 31 мамыр болып бекітіліп отыр. Алаш арыстарының аманатын ұрпақ санасына сіңіруге тиіс министрліктің 31 мамыр күнінің маңызына мән бермегені қандай өкінішті?! Арыстарымыздың рухына бір күнді де толық қимай, апыл-ғұпыл аза тұтқансып, іле-шала той тойлап, думандатып кете беретін болсақ, елдігіміз қайсы?! Сондықтан мектептердегі соңғы қоңырау күнін 30 мамырға, не болмаса 1 маусымға ауыстыру керек. Бұл – ешқандай талқылауды қажет етпейтін әділетті талап», - деді А. Әлтай Үкімет басшысының орынбасары Алтай Көлгіновтың атына жолдаған сауалында.</blockquote>

Қазақстан және Қызылорда облысының жаңалықтары