<a href="https://kyzylorda-news.kz/">Kyzylorda-news.kz.</a> Қызылорда облысындағы тұрақтандыру қорында 970 тоннадай азық-түлік бар. Оның 268 тоннасы картоп, 130 тоннасы пияз. Әлеуметтік дүкендер мен ірі сауда орталықтарындағы арнайы бұрыштар арқылы пияз 90-95 теңгеден, картоп 138 теңгеден сатылып жатыр. Ал нарықта пияз 300-350 теңге болса, картоп 200 теңгенің шамасында.&nbsp;Мамандардың айтуынша, алдағы уақытта тұрақтандыру қоры жүйелі жұмысын жалғастыра береді. Ол үшін бірқатар тауар өндірушілермен делдалсыз келісімдер жасалған. &nbsp;&nbsp;<blockquote>«Қазіргі уақытта бірінші міндетіміз тауар өндірушілерден тікелей алған дұрыс. Өйткені бағасы да тиімді болады. Және одан бөлек форворттық сатып алу деген бар. Алдын ала келісіп, егіннің өсуі алдында қаржылай беріп қоямыз. Соның уақыты келген кезде жинап, өзіміздің әлеуметтік бұрыштарға жеткізіп отырмыз», - деді «Байқоңыр» ӘКК басқарма басшысы Талғат Бекішов.</blockquote>

Қызылорда: Тұрақтандыру қорында 970 тоннадай азық-түлік бар

<a href="https://kyzylorda-news.kz/">Kyzylorda-news.kz.</a> 2023 жылғы 10 ақпанға дейін салымшылар теңгедегі депозиттер бойынша 10% мөлшерінде өтемақы (сыйлықақы) төлеуге өтініш бере алады. Мұны банк бөлімшелерінде немесе онлайн – мобильді қосымшалар арқылы жасауға болады. Көрсетілген күннен кейін өтінімдерді қабылдау автоматты түрде аяқталады.Қазақстанда салымшыларды қолдау мақсатында жеке тұлғалардың ұлттық валютада орналастырылған депозиттері бойынша өтемақы (сыйлықақы) төлеу қағидалары (бұдан әрі – Қағидалар) әзірленіп, 2022 жылғы 12 қыркүйектен бастап қолданысқа енгізілген.Қағидаларға сәйкес, қоса алғанда 2022 жылғы 23 ақпанға дейін ашылған теңгедегі депозиттер бойынша ғана өтемақы алуға болады.Өтемақы төлемдері 2023 жылғы 23 ақпаннан кейін басталады. 10% мөлшеріндегі өтемақы есептелуі мүмкін ең жоғары сома бір банкте 20 млн теңгені құрайды.Қандай салымдар бойынша мемлекеттен сыйлықақы алуға болады?Өтемақы мынадай салымдар бойынша төленеді:- жинақ, яғни ақшаны ішінара алу құқығынсыз қайтарып алынбайтын депозит;- мерзімді салым (білім беру жинақтау салымдарын және тұрғын үй құрылыс жинақтарын қоса алғанда). Сыйлықақы тек осы салымдар бойынша және 20 миллион теңгеден аспайтын сомаға төленетін болады.Бұл ретте, сыйлықақы мыналарға:- талап етілгенге дейінгі салымдарға, яғни банк белгісіз мерзімге ашатын және клиенттің бірінші талабы бойынша қайтарылатын салымдарға;- шартты салымдарға;- ағымдағы банктік шоттарға қолданылмайды.Депозиттер бойынша өтемақы төлеу жеке тұлғаларға, резиденттерге және бейрезиденттерге, оның ішінде дара кәсіпкерлерге, жеке нотариустарға,&nbsp;жеке сот орындаушыларына, адвокаттарға, кәсіби медиаторларға төленуге тиіс.Егер салымшының бір банкте бірнеше депозиті болса, онда өтемақы жалпы сомасы 20 млн теңге көлемінде төленеді. Ал егер салымшыда түрлі банктерде депозиттер болса, онда сыйлықақы әрбір салым бойынша ол да&nbsp;20 млн теңге шегінде төленетін болады.Салымшылар өздерінің теңгедегі салымдары бойынша, егер:- олардың салымдарының мерзімі аяқталмаған немесе 2023 жылғы 23 ақпанға дейін (бір немесе бірнеше рет) ұзартылған;- банктік салым шарты тоқтатылмаған және салымшы өзінің барлық жинақтарын депозиттен толығымен алмаған жағдайларда сыйлықақы алуларына болады.Өтемақы қалай есептеледі?Өтемақы төлеудің негізгі талабы – бұл 2022 жылғы 23 ақпанда операциялық күннің соңында депозитте болған сома және ол жыл бойына өзгеріссіз қалуы керек. Яғни, салымшы депозиттен ақша алмауы керек!Егер салымшы, айталық, депозиттен қаражаттың бір бөлігін алған болса немесе шотты толықтырса, онда 2022 жылғы 23 ақпаннан бастап 2023 жылғы 23 ақпанды қоса алғанда кезеңдегі депозиттегі ең аз қалдыққа өтемақы төленуге тиіс.Маңызды! Мемлекеттен ең жоғары сыйлықақы алу үшін бір жыл ішінде – 2022 жылғы 23 ақпаннан бастап қоса алғанда 2023 жылғы 23 ақпан аралығында депозиттен қаражат алмаған жөн! Егер шот бойынша қозғалыстар болған болса, онда осы депозитте бір жыл ішінде тіркелген ең төменгі сома өтелуге тиіс. Өтемақы төлеу үшін арнайы жеке шоттар ашудың қажеті жоқ!Консультация алу үшін қайда жүгінуге болады?Сұрақтар туындаған жағдайда азаматтар ҚР Үкіметімен бірлесіп теңгедегі салымдарды қорғау бағдарламасын іске асырып жатқан Қазақстан Ұлттық Банкіне «1477» нөмірі бойынша жүгіне алады.Қаржылық көрсетілетін қызметтерді тұтынушылар өз құқықтарын қорғау үшін ҚР Қаржы нарығын реттеу және дамыту агенттігіне (бұдан әрі – Агенттік) egov.kz&nbsp;порталы, «e-Otinish» ақпараттық жүйесі арқылы, не &nbsp;А15С9Т5, Алматы қаласы, Көктем-3 шағын ауданы, 21-үй мекенжайы бойынша жазбаша жүгіне алады. Өңірлердің тұрғындары – Агенттіктің тұрғылықты жері бойынша өңірлік өкілдер басқармаларына жүгінуге болады.

Теңгедегі депозиттер бойынша өтемақы төлеуге өтініш бергенге дейін екі күн қалды

<a href="https://kyzylorda-news.kz/">Kyzylorda-news.kz.</a> Сырдария ауданының әкімі Мұрат Ергешбаев Шіркейлі ауылының тұрғындарымен кездесті.Кездесуге арнайы облыс әкімінің бірінші орынбасары Серік Қожаниязов, облыстық құқық қорғау органдарының өкілдері, қоғамдық ұйымдар, тиісті басқармалардың басшылары мен аудандық дербес бөлімдер, коммуналдық сала басшылары қатысты.Кездесу барысында аудан әкімі Мұрат Нәлхожаұлы аймақтағы соңғы жаңалықтар мен атқаралып жатқан жұмыстарға тоқталып, аудан көлеміндегі жүргізіліп жатқан жұмыстармен таныстырды. Сонымен қатар, биылғы жылы атқарылатын аудан көлеміндегі жоспарларға тоқталды. Биыл аудан бойынша 11,6 млрд теңгенің 75 жобасы республикалық және облыстық бюджетке ұсынылып, қазіргі таңда 7,7 млрд теңгенің жобаларына тиісті қаржылық қолдаулар көрсетілді. Алдағы бюджеттік нақтылауларда қалған жобаларға қаржы алу мақсатында тиісті жұмыстар жүргізілуде.Оның ішінде, Шіркейлі ауылы бойынша биыл ауылдық фельдшерлік-акушерлік бекетке күрделі жөндеу жүргізіліп, аяқталуға жақын тұр. Ауылдағы Қ.Қожамжаров және Бейбітшілік көшелеріне жөндеу жұмыстары жүргізіледі. Бүгінде тиісті мемлекеттік сатып алу жұмыстары жасалуда.Ауылдық округ бойынша 136 кәсіпкерлік субъектілері тіркелген. Қазіргі уақытта жұмыс істеп тұрғаны 131, оның ішінде: жеке кәсіпкерлер - 100, шаруа қожалықтары - 30 және жауапкершілігі шектеулі серіктестігі - 1. &nbsp;Аграрлық несие корпарациясы арқылы «Іскер» бағдарламасы бойынша 8 кәсіпкер 27 млн теңге несие алып жұмыс жасауда.«Микробизнес-Қызылорда» бағдарламасы бойынша 2 кәсіпкер мал бордақылау бағытында &nbsp;6 млн.теңге несие алған.&nbsp;2021-2025 жылдарға арналған кәсіпкерлікті қолдаудың ұлттық жобасы аясында &nbsp;жаңа бизнес-идеяларды іске асыруға арналған мемлекеттік грант 1 225 200 теңге бойынша ауылдық округтен &nbsp;34 адам грант алып, жұмыс жасауда.Кездесу барысында үлескерлер арасында соңғы уақытта көтеріліп жүрген «Мәді қажы» ЖШС-нің төрағасын ауыстыру мәселесі де көтерілді. Бүгінгі жиынға арнайы келген облыс әкімінің бірінші орынбасары Серік Салауатұлы Қожаниязов тиісті заңнамалық тұрғыда түсіндірме берді. Шаруашылық және үлескерлер арасындағы мәселені зерделей келе, халықтың ұсынысымен заңды тұрғыда тиісті нормаларды сақтай отырып, шаруашылық төрағасын жалпы жиналыс өткізу арқылы сайлауға келісімге келді. Заң талаптарына сәйкес, алдын ала хабарлама беріліп, күні белгіленетін болады.<figure class="image"><img src="https://knadmin.beoblood.kz/uploads/329873535_962637871383712_6417180184881595016_n_937eec21ce.jpg" alt="329873535_962637871383712_6417180184881595016_n.jpg"></figure>

Шіркейлі ауылындағы мәселе шешімін тапты ма?

<a href="https://kyzylorda-news.kz/">Kyzylorda-news.kz.</a> Арал ауданында білім саласының қызметкерлері мен ата-аналардың «Отбасы - тәрбие бесігі» атты бірлескен кеңесі өткізілді.Кеңеске облыстық білім басқармасының басшысы Мейрамбек Шермағанбет, аудан әкімі Серік Сермағанбетов, бала құқықтары жөніндегі өңірлік уәкіл Жапырақ Ұзақбаева, ата-аналар мен білім саласының қызметкерлері, ардагерлер, құқық қорғау органдардың және салалық бөлімдердің басшылары қатысты.Жиынның модераторы, аудан әкімі Серік Сағитжанұлы бүгінгі бірлескен кеңестің маңыздылығын айтып, ауданда жасөспірімдер арасындағы құқық бұзушылықтың алдын алу шараларына тоқталды.Кеңейтілген кеңестің күн тәртібіне сәйкес, білім бөлімінің басшысы С.Жанназарова білім беру ұйымдарында құқық бұзушылық пен зорлық-зомбылықтың алдын алу және бала қауіпсіздігін қамтамасыз ету мәселелері туралы айтса, аудандық полиция бөлімінің бастығы Н.Шегебаев кәмелетке толмағандар арасында қылмыс пен құқық бұзушылықтың алдын алу шараларына байланысты және ауданаралық аурухананың бас дәрігері М.Ршымбетовтың ерте жүктіліктің алдын алу және салауатты өмір салтын қалыптастыру жөнінде хабарлама жасады. Сонымен қатар №13 орта мектебінің әкелер кеңесінің төрағасы В.Чумаш үштік одақтың жұмысы жайлы айтса, бала құқығы жөніндегі өңірлік уәкіл Ж.Ұзақбаева баланың әлеуметтік қорғалуы туралы ойын ортаға салды. Мұнан соң облыстық білім басқармасының басшысы М.Шермағанбет білім беру ұйымдарында құқық бұзушылық пен зорлық-зомбылықтың, суицидтің, кибербуллингтің алдын алу, болдырмау және бала қауіпсіздігін қамтамасыз ету бағытындағы бірқатар мәселелерге тоқталды.<blockquote>«Статитистикалық мәліметке сүйенсек, өткен жылдарға қарағанда құқық бұзушылық фактілері бойынша көрсеткіштер біршама төмендеген. Бірақ мәселе бала тағдырына тікелей қатысты болғандықтан біздің басты мақсатымыз – өңірдің ерекшелігіне сәйкес жас ұрпақты ұлттық тәрбие өзегінде тәрбиелеу, келеңсіз жайттардың алдын алу және болдырмау. Сонымен қатар, сынып жетекшілері мен тәрбие ісіне жауапты орынбасарлардың жұмыстарын жүйелеп, озық тәжірибелерді білім беру ұйымдарына енгізуіміз қажет», - деді Мейрамбек Зинабдинұлы.</blockquote>Бірлескен кеңестің соңында басқарма басшысы білім бөліміне мектептерде рухани-адамгершілік тәрбие беру, адамзаттық құндылықтарды дамытуда «Ата-аналар комитеті», «Әжелер мектебі», «Әкелер кеңесі», «Аналар Академиясы» жұмыстарын жүргізуді, білім беру ұйымдарында мектептің де, ата-ананың да жауапкершілігін күшейтуді көздейтін жаңа «Оқушы – мектеп – ата-ана» үштігі жобасын тиімді жүзеге асыруды тапсырды.<figure class="image"><img src="https://knadmin.beoblood.kz/uploads/Whats_App_Image_2023_02_09_at_19_02_59_1_0fc435a837.jpeg" alt="WhatsApp Image 2023-02-09 at 19.02.59 (1).jpeg"></figure>

Аралда тәрбие саласының бірлескен кеңесі өткізілді

<a href="https://kyzylorda-news.kz/">Kyzylorda-news.kz.</a> Президент Қасым-Жомарт Тоқаев 2022 жылғы 1 қыркүйекке дейін әкелінген және Қазақстан Республикасының заңнамасына сәйкес мемлекеттік тіркеуден өтпеген шетелдік көліктерді біржолғы заңдастыру туралы жариялаған болатын.Бүгінгі күнге Мамандандырылған халыққа қызмет көрсету орталығына «Автокөлікті заңдастыру үшін тексеру» мемлекеттік қызметі бойынша 3 мыңға жуық азамат өтініш беріп, 1000-ға жуық көлік иелері шетелден әкелген көліктерін заңдастырған. Департаменттің қызметкерлерімен шетелдік көліктерді біржолғы заңдастыру жұмыстарының барысына мониторинг жүргізілді.Мамандандырылған халыққа қызмет көрсету орталығында қызмет алушылар құжаттарын электронды түрде тапсыру үшін қосымша 14 дербес компьютер орнатылған. Сонымен қатар орталықта көліктерді заңдастыру бойынша облыстық салық және әкімшілік полиция департаменттерінің мамандарымен кеңестер берілуде.&nbsp;Айта кету керек, шетелдік есепке алынған автокөліктерді заңдастыру – бір реттік акция, заңдастыру 2023 жылдың 1 шілдесіне дейін жалғасатын болады.&nbsp;Еске сала кетейік, алғашқы тіркеу үшін 200 000 теңге, техпаспорт үшін мемлекеттік баж - 4 313 теңге, мемлекеттік нөмір үшін - 9 660 теңгені құрайды. &nbsp;<figure class="image"><img src="https://knadmin.beoblood.kz/uploads/Whats_App_Image_2023_02_10_at_09_36_38_1_3c01af915c.jpeg" alt="WhatsApp Image 2023-02-10 at 09.36.38 (1).jpeg"></figure>&nbsp;

Шетелдік көліктерді заңдастыру жұмысына мониторинг жүргізілді

<a href="https://kyzylorda-news.kz/">Kyzylorda-news.kz.</a> Түркияда жоғалған қазақстандық Мирболат (Мирус) Құрмашевтің денесі табылды, деп хабарлайды <a href="https://www.inform.kz/kz/turkiyada-zilzalada-iz-tuzsiz-ketken-mirbolat-kurmashevtin-denesi-tabyldy_a4033863">ҚазАқпарат</a>.Бұл жайында Түркияның Хатай қаласында жер сілкінісінен кейін хабар-ошарсыз кеткен қазақстандықтарды іздеуге аттанған бастамашыл топ Telegram парақшасында мәлімдеді.«Біз одан айырылып қалдық» деп жазылған хабарламада.Мирболат Құрмашевтің денесін біздің құтқарушылар үйінді астынан алып шыққан.<blockquote>«Түркияның Хатай провинциясындағы толығымен қираған ғимараттан қазақстандық құтқарушылардың күшімен екінші қазақстандықтың денесі шығарылды. Үйінді жағдайындағы қозғалыс кезінде іздестіру барысында құтқарушылар алдын ала белгіленген іздестіру орнына жету үшін барынша жедел түрде арнайы ойық жасады. Құтқарушылар кішкентай бос орындар арқылы ойықтың ішіне кірді. Бұл ретте құтқарушылар құрылымдық элементтер қайта құламас үшін тосқауылда кішкентай саңылау жасауға тырысты, үйіндіде қауіпті учаскелерді бекітті, үйінді бөлшектерін көтеріп, жылжытты» деп хабарлады Төтенше жағдайлар министрлігі.</blockquote>Еске сала кетейік, біз бұған дейін Astana Hub технопаркінің халықаралық агенті Мирболат Құрмашевтің Түркияда жоғалып кеткенін хабарлаған едік.Жер сілкінісінен кейін Мираспен байланыс үзілген. Ағасы Алмат Құрмашевтың айтуынша, зілзала кезінде ол Түркияның Хатай қаласында болған. Кейін Мирус Құрмашевтің тағы үш әріптесі байланысқа шықпай қалды. Оның екеуі қазақстандықтар және бірі – Түркия азаматы. Оның ішінде Сабина Мамадьярова аман табылды, ал бүгін Әділ Қадірбековтің денесі үйінді астынан шығарылды. Үшінші адам - Түркия азаматы да мерт болған.

Түркияда зілзалада із-түзсіз кеткен Мирболат Құрмашевтің денесі табылды

<a href="https://kyzylorda-news.kz/">Kyzylorda-news.kz.</a> Синоптиктер бүгін бірқатар өңірде күн райы бұзылатынын ескертті, деп хабарлайды Қазгидромет.Атмосфералық процестердің шиеленісуіне және фронттардың ел аймағында жүріп өтуіне байланысты Қазақстанның басым бөлігінде ауа райының тұрақсыз сипаты сақталады. Қар жауып, жаяу бұрқасын соғады.&nbsp;Оңтүстікте, шығыста кей уақытта қатты қар жауады. Елдің оңтүстік-шығысында кейде жаңбыр, кей жерлерде қар түрінде қатты жауын-шашын жауады. Тек Қазақстанның батысында ғана жауын-шашынсыз ауа райы күтіледі. Республика бойынша жел күшейіп, тұман түседі, оңтүстік-шығыста көктайғақ болады.&nbsp;

10 ақпанға арналған ауа райы болжамы

<a href="https://kyzylorda-news.kz/">Kyzylorda-news.kz.</a> Жүйе іске қосылған 2017 жылдың 1 шілдесінен 2023 жылдың 1 ақпанына дейінгі аралықта Қызылорда облысының тұрғындары Әлеуметтік медициналық сақтандыру қорына 45,9 млрд. теңге аударды, оның 28,7 млрд. теңгесі жұмыс берушілердің аударымдары болса, қалған 17,2 млрд. теңге - жеке кәсіпкерлер мен азаматтық-құқықтық келісімшарт негізінде еңбек ететін тұлғаларға тиесілі.Бұл туралы «Әлеуметтік медициналық сақтандыру қоры» КЕАҚ Қызылорда облысы бойынша филиалының директоры Бақыт Исмаханбетов хабарлады.Жинақталған қаржы сенімгерлік басқару туралы келісім бекітілген Ұлттық банкте сақталады және МӘМС пакеті шеңберіндегі қызметтер ақысын төлеуге жұмсалуда.&nbsp; &nbsp;

Қызылордалықтар әлеуметтік медициналық сақтандыру қорына 45,9 млрд теңге аударды

<a href="https://kyzylorda-news.kz/">Kyzylorda-news.kz.</a> Қоғамдағы әйелдердің, оның ішінде аналардың орны мен рөлін айшықтау және түйткілді мәселелерді оңтайлы шешу мақсатында 2021 жылдың 26 сәуірінен бастап қала мен кент, ауылдық округтерінің белсенді әйел азаматтарының бірігуімен «Қызылорда қалалық әйелдер кеңесі қоғамдық бірлестігі» құрылып, өз жұмысын бастаған болатын.Кеңестің қызметі нәзік жандылар арасында кәсіпкерліктің дамуына, отбасы институтын нығайту, отбасындағы тұрмыстық зорлық - зомбылықтың алдын алу, ана мен балалар құқығын және денсаулығын қорғау бағытындағы маңызды істерді ілгерлетуге бағытталған.<blockquote>«Бүгінде әйелдер қауымдастығы қаламыздағы отбасылық қатынастарды, моральдық-этикалық және рухани-адамгершілік құндылықтарды нығайту, тұрғындар арасында азаматтық белсенділікті және шығармашылық бастамаларды қолдау, консультациялық мақсаттарға қол жеткізу мен азаматтық қоғам қағидаттарын жүзеге асыруда әріптестікті дамытуға қолдау көрсетуді ұйымдастырып келеді. Мәселен, бірлестік мүшелерінің қатысуымен білім ордаларында түрлі тәрбие сағаттары, көшбасшы әйелдер мектебінің дәрістері, сондай-ақ «Ана әлдиі» облыстық видеоролик байқауы, «Алтын белгі» иегерлерінің аналарын марапаттау кештері өткізілсе, өңірімізді көгалдандыруға бағытталған игі істі жалғастыру мақсатында бірлестіктің ұйымдастыруымен Тасбөгет кентінде орналасқан Облыстық балалар ауруханасының ауласына 100 түп ағаш отырғызылды», - деді «Қызылорда қалалық әйелдер кеңесі» қоғамдық бірлестігінің төрайымы Жаннат Мылтықбайқызы.</blockquote>Айта кету керек, «Қызылорда қалалық әйелдер кеңесі» қоғамдық бірлестігінің жоспарына сәйкес еліміздің егемендік алуы жолында ерлермен бірге аянбай жұмыс жасап, ұғынықты ұрпақ тәрбиелей білген ардақты аналардың еңбегін насихаттау мақсатында «Бегім ана» аналар клубы ашылды. Бұл клубтың негізгі мақсаты қаламыздың еңбек сіңірген, белсенді мүшелерін жас ұрпаққа үлгі болатындай дәріптеу болып табылады. Осы істің бастамасы ретінде сол кісілердің еңбек жолын, отбасын әлеуметтік желілерде жариялау арқылы насихаттау жұмыстары қолға алынды.Брифингте бірлестік төрайымы алдағы жылғы жұмыс жоспарымен таныстырып, барлық әйелдер қауымын ортақ іске бірігуге шақырды.

Қызылордада «Бегім ана» аналар клубы ашылды

<a href="https://kyzylorda-news.kz/">Kyzylorda-news.kz.</a> Достық үйінің мәжіліс залында Қызылорда облыстық Қазақстан халқы ассамблеясының облыстық Ақсақалдар кеңесінің алғашқы кеңейтілген отырысы өтті.Отырыстың модераторы – облыс әкімінің орынбасары Сақтағанов Нұрымбет Аманұлы болды. Осы іс-шарада облыстық, қалалық, аудандық Ақсақалдар кеңестерінің төрағалары мен мүшелері қатысты.Аймағымызда Қазақстан халқы Ассамблеясы жанынан Ақсақалдар кеңесі құрылып, құрамы жергілікті қоғамдастықтардың ақсақалдарынан, қоғамдық, оның ішінде этномәдени бірлестіктердің, үкіметтік емес ұйымдардың беделді өкілдерінен, сондай-ақ қоғамдық пікірдің басқа да көшбасшыларынан құралды.<blockquote>«Өздеріңізге белгілі, бүгінгі күні Ассамблея еліміздің саяси өміріне әр түрлі қоғамдық, әлеуметтік саладағы қазақстандықтарды тарту мақсатында &nbsp;жаңа тәсілдерді енгізуді жетілдіруде. Қазақстандық біркелкілікті және бәсекеге қабілетті ұлтты қалыптастыру процесінде Ассамблея жанындағы Аналар кеңесінің, ғылыми-сарапшылық топтың, медиация кабинетінің, ассамблея жастарының орны ерекше. Ал, жаңадан жасақталған Ақсақалдар кеңесі өскелең ұрпақты тәрбиелеуге, ел бірлігін сақтауға атсалысып, ортақ іске зор үлес қосары анық», - деп айтты Н. Сақтағанов.</blockquote>Сондай-ақ жаңа кеңес мүшелерінің дауыс беруі арқылы кеңестің төрағалығына қоғам қайраткері Ерманов Нұрмұрат Наятұлы, төраға орынбасарлығына ғалым, философия ғылымдарының докторы Қожамберлиев Баймырза Қожамберліұлы сайланды.Облыстық Ақсақалдар кеңесінің қызметі республикалық Қазақстан халқы Ассамблеясы кеңесінің бекіткен Ережеге сәйкес аймақтың бірқатар әлеуметтік мәселелерін шешуге бағытталатын болады.Отырыс соңында жұмыс жоспары бекітіліп, алдағы жоспарлар айқындалды.

Қызылордада ақсақалдар кеңесінің алғашқы отырысы өтті

<a href="https://kyzylorda-news.kz/">Kyzylorda-news.kz.</a> Қызылорда қаласы полиция басқармасына 34 жастағы қала тұрғыны алаяқтың құрбаны болғандығы жөнінде арызданған.&nbsp;Апта басында «болашағыңды болжап беремін» деген балгер жәбірленушіден алтын браслетін және ақшасын алдап алған. Келтірілген шығын 200 мың теңгеге жуық ақшаны құрады.Полицейлер тұрғынның сеніміне кіріп, алдаған күдіктіні ұстау мақсатында жедел-іздестіру шараларын жүргізді. Нәтижесінде 54 жастағы қала тұрғыны құрықталды. Анықталғандай, күдікті алаяқтықпен алған алтын бұйымды ломбардқа өткізіп жіберіп, ақшасын өз қажеттілігіне жаратып жіберген.Аталған дерек бойынша ҚР Қылмыстық Кодексінің 190-бабының 1-бөлігімен (Алаяқтық) сотқа дейінгі тергеп-тексеру әрекеттері жүргізілуде.

Қызылордада алаяқ балгер ұсталды

<a href="https://kyzylorda-news.kz/">Kyzylorda-news.kz.</a> Қызылорда облысы Жалағаш аудандық ауруханасы ревматоидты артрит, Бехтерев ауруымен ауыратын науқастарға көмек көрсетуде. Кеңес алу және емделу үшін мұнда басқа аудандар мен облыс орталығының тұрғындары жүгінеді.Арал ауданы Сексеуіл кентінің тұрғыны Жансая Ақылбекова (аты-жөні өзгертілді) буындары қатты ауырып, Жалағаш аудандық ауруханасына түсті. 50 жастағы әйел ревматоидты артритпен есепте тұр. Бұл ең алдымен буындарға әсер ететін созылмалы жүйелі аутоиммунды ауру. МӘМС арқасында ол тәулік бойы жұмыс істейтін стационарда денсаулығын жақсартты.<blockquote>«Бұған дейін Ақтөбеде тексерулер мен емдеу ақылы түрінде өттім, өйткені бізге ол қала облыс орталығына қарағанда жақынырақ. Мен жұмыссызбын, міндетті әлеуметтік медициналық сақтандыру жүйесінде сақтандырылмаған едім. Бірақ жергілікті дәрігер МӘМС-дың мүмкіндіктері мен артықшылықтарын түсіндірді. Содан кейін бірыңғай жиынтық төлемді ай сайын төлей бастадым (облыс орталығының тұрғындары үшін – 3 450 теңге, басқа елді мекендердің тұрғындары үшін - 1 725 теңге). Медициналық сақтандырудың арқасында қазір маған қымбат зерттеулер, дәрі-дәрмектер қол жетімді. Жалағаш аудандық ауруханасына емделуге жіберуді өтіндім, өйткені мұнда тәжірибелі ревматологтар жұмыс істейді», - дейді Жансая Ақылбекова.</blockquote>Арал ауданынан келген тағы бір пациент Нұрлан Ахметовке (аты-жөні өзгертілген) үш жыл бұрын Алматы дәрігерлері Бехтерев ауруын анықтаған болатын. Бұл омыртқааралық буындардың зақымдануы болатын жүйелі ауру. &nbsp;Жүре келе омыртқаның бөлімдері қозғалғыштығын толығымен жоғалтады.43 жастағы ер адамға созылмалы дерттің ағымын бәсеңдету үшін жалағаштық дәрігерлер қажетті ем-дом жүргізуде.<blockquote>«Әр түрлі клиникалар мен ауруханаларда ем алдым, бірақ нәтиже болмады. Мен жұмыс істеймін, жарналарды төлеймін, сондықтан МӘМС-да сақтандырылғанмын және маған барлық қажетті медициналық қызметтер, тегін дәрі-дәрмектер қолжетімді. Осы емнен кейін омыртқадағы қатты ауырсыну мазаламайды деп үміттенемін. Дәрігерлерге және аурухананың барлық медициналық қызметкерлеріне мың алғыс», - деді Нұрлан Ахметов.</blockquote>Жалағаш аудандық ауруханасының бас дәрігері, ревматолог-дәрігер Еркебұлан Мақсұтовтың айтуынша, бұл дертке шалдыққан басқа аудандармен қатар облыс орталығының тұрғындары да кеңес сұрап, емделуде.&nbsp;2022 жылы Жалағаш аудандық ауруханасында тегін медициналық көмек кепілдік берілген көлемі мен МӘМС аясында 10 мыңнан астам адам емделді. Олар үшін 1,2 млрд теңгеден астам соманы Әлеуметтік медициналық сақтандыру қоры төлеген.<img src="https://knadmin.beoblood.kz/uploads/Whats_App_Image_2023_02_08_at_17_55_44_8619de506f.jpeg" alt="WhatsApp Image 2023-02-08 at 17.55.44.jpeg">

Қазақстан және Қызылорда облысының жаңалықтары