<a href="https://kyzylorda-news.kz/">Kyzylorda-news.kz.</a>&nbsp; «Қазгидромет» 29 қараша мен 1 желтоқсанға арналған&nbsp;Қазақстан бойынша ауа райы болжамын ұсынды. Синоптиктер алдағы күндері елімізде жауын-шашын көбейгенімен, күн жылынатынын мәлімдеді.29-30 қарашада елдің шығыс аймақтарына суық солтүстік антициклон әсер еткендіктен&nbsp;аяз сақталады. Қазақстанның қалған аумағында аяздың бәсеңдейді деп күтіледі.30 қараша мен 1 желтоқсанда еліміздің көп бөлігінде жауын-шашын жауады деп болжанды. Оңтүстік пен оңтүстік-шығыстың таулы аймақтарында жаңбыр мен қар түрінде қатты жауын жауып,&nbsp;ауа температурасы жоғарылайды. Республика бойынша жел&nbsp;күшейіп, тұман, оңтүстік және&nbsp;оңтүстік-шығыста көктайғақ, солтүстік, шығыс пен&nbsp;орталық аймақтарда&nbsp;бұрқасын болады деп күтіледі.Ауа температурасы түнде елдің батысында -5-15 градус аяз, солтүстік-батыста -10-28 градус аяз, солтүстік өңірлерде -15-25 градус аяз,&nbsp;орталықта -5-20 градус аяз болады. Ал республиканың шығысында -33-43 аяз болып, кезең&nbsp;соңында -20-30 аязға дейін жоғарылайды. Оңтүстікте ауа температурасы -7&nbsp;градус пен +3 градус аралығында болса, оңтүстік-шығыста -5-15-тен +8 градусқа дейін жоғарылайды.

«Қазгидромет» алдағы үш күнге арналған ауа райы болжамын жариялады

Зейнетақы жинақтарын пайдалану ережелерін қайта қарау керек

<a href="https://kyzylorda-news.kz/">Kyzylorda-news.kz.</a> Қызылорда қаласындағы «Еуразия» спорт кешенінде 26 қараша күні өңірімізде алғаш рет ережесіз жекпе-жектен «Orda Zhekpe-zhek» клубының «Orda zhekpe-zhek Championship-1» халықаралық кәсіпқой түрнирі өтті.Ережесіз жекпе-жек турниріне Қырғыстан, Тәжікстан, Өзбекстан елдерінің спортшылары және де Қызылорда облысының оның ішінде «Orda Zhekpe-zhek» клубының тәрбиеленушілері қатысып, өзара күш сынасты. Турнирде барлығы 14 жекпе-жек өтті. Оның ішінде басты 2-еуі титулдық жекпе-жек болды.«Orda Zhekpe-zhek» клубының спортшысы Иманғали Қожахмет титулдық жекпе-жекте Өзбекстаннан келген атлет Жавохир Журакуловты қылқындыру әдісімен жекпе-жекті уақытынан бұрын аяқтап, өзінің әлем деңгейіндегі чемпиондық белбеуін сәтті қорғады.Спорт кешінің арнайы чемпиондық белдігі үшін басты жекпе-жегі «Orda Zhekpe-zhek» клубының жауынгері Бейбітжан Қобланов пен Өзбекстаннан келген спортшы Сардорбек Абилхаиров арасында өтті. Тартысты жекпе-жектің нәтижесінде Бейбітжан Қобланов қарсыласын уақытынан бұрын ауырту әдісімен жеңіп, «Orda zhekpe-zhek Championship-1» тұжырымдамасының 57 келі салмақтағы чемпионы атанды.<blockquote>«Жекпе-жек спорт түрлері жастардың физикалық және психологиялық тұрғыдан дамуына септігін тигізері анық. Себебі ер бала физикалық тұрғыдан әрқашан мықты болса, оның мінезі де соған сәйкес тұрақты болады. Жалпы, баланы жекпе-жек спорт түріне берудің себебі көп. Ең алдымен балаңыз өзін-өзі қорғай алатын дәрежеге жетеді. Онымен қоса, өзіне деген сенімділігі артып, мотивация пайда болады. Тәртіп, жетістік, жаттығулар, агрессияны дұрыс пайдалана білу деген секілді жақсы қасиеттерді бойына сіңіреді. Алдағы уақытта да осындай турнирлердің жиі өтуіне өз тарапымыздан ықпал жасайтын боламыз», – деді аймағымыздың спорт жанашыры Ғалымжан Ержанов. &nbsp;</blockquote><img src="https://knadmin.beoblood.kz/uploads/316239850_5435454253244262_1017589269991576222_n_ba7541b98f.jpg" alt="316239850_5435454253244262_1017589269991576222_n.jpg"><img src="https://knadmin.beoblood.kz/uploads/316257587_5435452843244403_3475787224326987791_n_527cdb4f55.jpg" alt="316257587_5435452843244403_3475787224326987791_n.jpg"><img src="https://knadmin.beoblood.kz/uploads/316121746_5435454426577578_6545407996707921251_n_59c4aa5d60.jpg" alt="316121746_5435454426577578_6545407996707921251_n.jpg"><img src="https://knadmin.beoblood.kz/uploads/Whats_App_Image_2022_11_28_at_11_14_56_5fd281de2b.jpeg" alt="WhatsApp Image 2022-11-28 at 11.14.56.jpeg"><img src="https://knadmin.beoblood.kz/uploads/Whats_App_Image_2022_11_28_at_11_14_54_eae579f9bf.jpeg" alt="WhatsApp Image 2022-11-28 at 11.14.54.jpeg">

Қызылордада ережесіз жекпе-жектен халықаралық кәсіпқой турнир өтті

<a href="https://kyzylorda-news.kz/">Kyzylorda-news.kz.</a>&nbsp; 33 жастағы Мақпал Төлепбергенова биыл көктемде бір ерекше бизнес ашты. Бұл идея оның басына өткен жылы келген. Ағасымен бірге жоспар құрып, «Бизнестің жол картасы-2025» бағдарламасы аясындағы байқауға қатысып, жобасын қорғап қол жеткізген грантқа саңырауқұлақ өсіретін ферма ашты.Бүгінде фермада төрт адам жұмыс істейді. Саңырауқұлақ фермасының ауданы – 250 шаршы метр. Ол субстратталған екі камерадан тұрады. Кәсіпкер шампиньон өсіру көп уақытты қажет ететін процесс дейді. Саңырауқұлақтардың пісуінің әр кезеңіне қажетті ылғал деңгейін сақтай отырып, бөлме температурасынан ауытқымау өте маңызды.Қазір Мақпал екі айда 6 тоннаға дейін сапалы өнім жинайды. Өнімді сақтау үшін арнайы тоңазытқыш камералар сатып алды. Алдымен жергілікті мейрамханалар клиентке айналды, содан кейін шампиньонның пайдалы қасиеті жайлы білетін тұрақты клиенттер де пайда болды.Саңырауқұлақ бизнесімен айналыспас бұрын біздің кейіпкеріміз олардың барлық пайдалы қасиеттерін зерттеді.&nbsp;<blockquote>«Шампиньон – өте құнды, төмен калориялы өнім, оның құрамында ақуыз мен темір көп. Сондықтан олар вегетариандар үшін өте қажет және диета ұстайтын, анемия, қант диабетімен ауыратын адамдар үшін пайдалы»,- дейді Мақпал Төлепбергенова.</blockquote>Саңырауқұлақтарды тоңазытқышта ұзақ уақыт сақтау мүмкін емес, өйткені ол тез бұзылатын өнім. Сондықтан қауіпсіздік үшін фермаларда өсірілген шампиньондарды сатып алған дұрыс. Жиналған өнімді ұзақ сақтау үшін Мақпал саңырауқұлақ кептіретін арнайы жабдық сатып алды. Қиындықтар аз емес. Соған қарамастан кәсіпкер болашаққа жоспар құруда. Еңсе тіктеп алған соң ол «Даму» Қорының қолдауымен саңырауқұлақ өсіруге арналған топырақ шығаратын цех ашуды жоспарлап отыр.

«Бизнестің жол картасы-2025»:  Қызылордалық кәсіпкер екі айда 6 тонна сапалы өнім жинайды

<a href="https://kyzylorda-news.kz/">Kyzylorda-news.kz.</a> Мемлекет басшысы мал ұрлығына қатысты жазаны күшейткенімен, бұл мәселе елді мекендерде әлі де күрделі күйінде болып отыр. Мал етінің бағасы қымбаттаған сайын, ұрлық арқылы олжалы болғысы келетіндердің қатары артқан. Сондай-ақ, мал ұрлығы қылмыстық кәсіпке айналғанын көрсетіп отыр. Бұл дегеніміз қылмыскерлер топтасып, орындаушылар, ұйымдастырушылар, қара базарда сатушылар, ұрланған малды тасымалдаушылар болып бөлінеді деген сөз. Бірнеше рет сотты болған тұлғалар жеңіл жолмен ақша табу мақсатында осы қылмысқа барады.Бұдан бөлек, қолды болған малдың иелері дер кезінде полиция қызметіне хабар бермей жатады. Көбінде жоғалған малды өздері іздеп, бірнеше күнді өткізіп алады. Бұндай жағдайда қылмысты тез арада ашуға мүмкіндік азаяды. Дегенмен, мал ұрлығы фактілерін болдырмау, алдын алу профилактикалық жұмыстары аймақтың құқық қорғау мекемелерінің қызметкерлерімен жиі ұйымдастырылып тұрады.Осы орайда, мал ұрлығы қылмыстарының алдын алу, ашу, мал ұрлығы қылмыстарымен айналысатын тұлғаларды анықтау мақсатында Қызылорда қалалық Полиция басқармасында қараша айының 28-30 күндері аралығында қала көлемінде «Мал ұрысы» жедел-профилактикалық іс-шарасы өткізілуде.Полиция қызметкерлері ветеринарлармен бірлесіп, құжаттарсыз ауыл шарушылық жануарларын тасымалдау фактілерін, мал союға және ет сатуға арналған сертификаттың бар-жоқтығын анықтау үшін рейдтік іс-шаралар өткізуде. Қала көлемінде орналасқан сауда орталықтары және басқа да ет павильондары мен мал союға арналған орындар тексерілуде. &nbsp;<img src="https://knadmin.beoblood.kz/uploads/317492570_5832462060129922_1926316703793064528_n_5028d17131.jpg" alt="317492570_5832462060129922_1926316703793064528_n.jpg">

Қызылордада «Мал ұрысы» жедел профилактикалық іс–шарасы өтуде

һ<a href="https://kyzylorda-news.kz/">Kyzylorda-news.kz.</a> Бүгін Астана қаласында ҚР Ақпарат және қоғамдық даму министрлігі мен «Қоғамдық келісім» РММ Қазақстан халқы Ассамблеясының «Мың бала» республикалық мәдени-ағартушылық жобасының қатысушыларын марапаттау рәсімі өтуде.«Мың бала» жобасының мақсаты - мектеп жасына дейінгі балалар мен мектеп оқушыларын, әртүрлі этникалық топтардың жастарын мемлекеттік тілді оқытуда қазақ халқының ұлттық рухани құндылықтарына баулу арқылы қазақстандық бірегейлік пен бірлікті дамытуға үлес қосу болып табылады.Іс-шараға ҚР Ақпарат және қоғамдық даму министрі Дархан Қыдырәлі, Қазақстан халқы ассамблеясы төрағасының орынбасары – Қазақстан халқы ассамблеясы хатшылығының меңгерушісі М.А. Әзілханов, ҚР Парламенті депутаттары, Қазақстан халқы ассамблеясының мүшелері, жоба жеңімпаздары, мемлекеттік тілді оқыту бойынша әдіскерлер, жастары ұйымдарының мүшелері шығармашылық және ғылыми зиялы қауым және бұқаралық ақпарат құралдары өкілдері қатысуда.Айта кетейік, шарада Қызылорда облысынан өңірлік кезеңнен жеңімпаз болып танылған оқушылар Ясемин Тулешова, Ярослав Лавров, Дарья Эльвина марапатталады.Аталған шараға орай ҚР Ақпарат және қоғамдық даму министрі Дархан Қыдырәлі «<a href="https://www.facebook.com/darhan.hidirali">Facebook</a>» әлеуметтік желісіндегі парақшасында жазба қалдырды.&nbsp;<blockquote>«Ақ қарлы Астанаға байтақ елдің әр аймағынан бүлдіршіндер мен ұландар келді. Жай келмеді, олардың ақ періште пейілі, елдің ертеңі, ұлтының болашағы деп соққан жұдырықтай жүректері Арқаның аязын жылытқандай болды.&nbsp;Кеше өткен Ұлықтау рәсімінде Мемлекет басшысы: «Көк байрағымыз, төлқұжатымыз және мемлекеттік тіліміз біздің біртұтас халық екенімізді білдіреді», - деді. Осы үштағанды қасиет тұтып, мемлекеттік тілді тәу етер қасиетіне балаған, әртүрлі ұлттан шыққан жас ұрпақты көріп сүйсіндік.&nbsp;Этникалық топ өкілдерінің балапан буын ұрпағы – әртүрлі ұлттан құралған жастар қазақ тілінде ән салып, қара домбыраны күмбірлетіп, мақал-мәтелдің майын тамызды. «Мың бала» атты ресубликалық мәдени-ағартушылық жобасына қатысқан жаны қазақ бүлдіршіндер Жастар театрында марапатталды.&nbsp;Жалпы, аты айтып тұрғандай, барлығы мың бала мәдени жобаның аясында өнер көрсетеді.&nbsp;Марапатталды дейтініміз, Қазақстан халқы ассамблеясымен бірлесіп атқарылған аталған жоба мектеп оқушылары қазақ халқының &nbsp;рухани құндылықтары, салт-дәстүрін білуден жарысқан еді. Озып шыққандары елордаға келіп, өнер көрсетті, ынталанып, еліне қайтты. «Мен қазақпын!» деп жұлқына жыр оқыған, «Елім менің!» деп еңсесін тік ұстаған кішкентай қазақстандықтарға қарап Қазақстанның болашағы жарқын екенін түйсінесің.&nbsp;Темірқанат таланттарымызды тіл-көзден сақтағай да! Жаны қазақ мың балаға сәттілік тіледік», - делінген министрдің жазбасында.</blockquote><figure class="image"><img src="https://knadmin.beoblood.kz/uploads/myn_bala_3fee3b477f.jpg" alt="мын бала.jpg"></figure>

Қызылордада «Мың бала» жобасының жеңімпаздары анықталды

<a href="https://kyzylorda-news.kz/">Kyzylorda-news.kz.</a> Соңғы жылдары Жалағаш ауданына қарасты елді мекендерде жарқын жобалар қолға алынып, жүйелі жұмыстар жасалуда. Әсіресе табиғи газға қосылатын ауыл тұрғындарының қуанышында шек жоқ. Қажеттілігіне, мәселенің өзектілігіне қарай барлық ауылдық округтерде көшелер жөнделіп, жарықтандыру, абаттандыру жұмыстары кезең кезеңімен атқарылады. Аудан әкімі Асқарбек Есжанов өткен аптадағы ауылдарға сапарында осындай жақсы жаңалықтармен бөлісті.Батыс Қытай – Батыс Еуропа автодәлізінде Таң ауылына жақындай бастағаннан, ауылдың кіреберісінен басталған тындырымды тірлік көрген көзге қуаныш сыйлайды. Еріксіз сүйсінесің, ауылдың ажарына таңдай қағасың.Айта кетейік, алдағы уақытта газ кіретін елді мекендер қатарында Таң да бар. Жергілікті халықты қуанышқа бөлеген басты жаңалық та осы болды. Бұл ауылдың халқы шынында не айтсын?! Көшелері айнадай, балабақшасы тағы бар, мектебі күрделі жөндеуден өткен. Жалпы ауылды абаттандыру және халықтың тұрмыс сапасын арттыру мақсатында атқарылған жұмыстар легін тарқатамын десек, жазар дүние көп. Бір ғана облыстық мәслихат депутаты, ауылдағы «Таң ЛТД» ЖШС төрағасы Имамзада Шағыртаевтың туған жерді түлету мақсатында жүзеге асырған жарқын жобалары қаншама. Бастысы, ауылда береке бар. Оның да ауызбіршіліктің арқасында келгенін біз жақсы білеміз.«Ауылдық жер болған соң мәселенің болмауы мүмкін емес қой. Бірақ қазіргі ауылдың ажары, дамуы, тұрғындардың тұрмыс сапасы анау айтарлықтай нашар емес. Биыл жоспарланған жобалар кезең кезеңімен жүзеге асты, әлі де ауылда атқарылатын жұмыстардың жүйесін естіп, біліп отырмыз. Ауылға кіреберістегі «Бозарық» каналы көпірін қайта жаңғыртуға да құжаттар дайындалуда екен. Әйтеуір тіршілік тоқтап қалмай, ретімен мәселелер шешімін тауып жатса, біз ризамыз» дейді ауыл ақсақалдары.Алдағы уақытта атқарылатын жұмыстардың қатарында елді мекенге қарасты 10 ауылдық округтің учаскелік полиция инспекторларын тұрғын үймен қамтамасыз ету жұмысы бар. Тәртіп сақшыларына берілетін бұл тұрғын үйлер әкімдіктің меншігінде болып, учаскелік полиция инспекторы қызмет ауыстырған жағдайда келесі келетін тәртіп сақшысының пайдасына жарайтын болады.Жалпы ауданда жыл көлемінде атқарылып жатқан жобалардың саны отызға жуық болса, оның ішінде ауыз су, жол құрылысы, әлеуметтік нысандар, көпірлерді жөндеу, газдандыру, жарықтандыру, абаттандыру жұмыстары қамтылған. Ауыз су желілері бойынша 4 жоба, жол құрылысы 9 жоба, газдандыру бойынша 4 жоба, жарықтандыру 4 жоба, абаттандыру 4 жоба жүзеге асуда. Ал осы жылы Таң ауылының дамуына тағы бір серпін болған жарқын жоба – Таң ауылдық дәрігерлік амбулаториясының пайдалануға берілуі. Біршама уақыт бұрын Жалағаш ауданындағы іргелі елді мекен Таң ауылы тұрғындарының көптен күткен көкейтесті мәселелерінің бірі шешімін тауып, жаңа медициналық нысан пайдалануға берілген еді. Ауыл халқының игілігіне қызмет ететін медициналық нысан «Ауыл – ел бесігі» бағдарламасы арқылы 140 млн теңге қаржыға салынған. Жаңа нысанда 1 дәрігер, 10 орта буын қызметкері, 2 кіші буын қызметкері ауыл тұрғындарына сапалы медициналық қызмет көрсетеді.Айта кетейік, Таң ауылындағы №118 орта мектеп бала бойына білім дарытуда, заманның өзгерісіне бейімделе алатын, бәсекеге қабілетті тұлға қалыптастыруда бар білім-біліктерін аяған емес. Ұстаздық жолдың жауапты әрі қиын екенін жете түсінген мектеп ұжымы қай істе болсын ауызбіршілікпен жұмыс жасайды. Ал 1981 жылы пайдалануға берілген 624 орындық білім ошағы өткен жылы күрделі жөндеуден өтіпті. Типтік жобадағы мектеп ғимараты қазір заманауи жабдықтармен жабдықталып, талапқа сай білім беруде еш кедергімен бетпе-бет келіп отырған жоқ.Жалпы Таң ауылының даму динамикасына келсек, тарқатып жазар дүние көп. Әсіресе бұл ауылда түрлі жарқын жобалардың жүзеге асуы жергілікті тұрғындардың тұрмыс сапасына да оң &nbsp;әсерін тигізуде. Ауыл – тынымсыз тірлік жасалып жатқан елді мекендердің бірі. Әсіресе ауылды көркейту, дамыту жолында жыл сайын жүйелі жұмыстар атқарылуда. Ал әлеуметтің әлеуетін көтеру мақсатындағы жұмыстардың бірі кәсіпкерлерге қолдау көрсету екені белгілі. Кәсіп ашып, оны дамытамын деушілерге қашанда көмек қолын созу, қайтарымсыз грантқа ие болуға және төмен пайызбен несие алу жұмыстарына да жәрдем беруді күн тәртібіне қойып келеміз.Қашаннан берекелі тірлік бірлікпен бітетінін айтқан Асқарбек Есжанов ауыл ағайындары үшін де алдағы жылдары игі істер қолға алынатынын айтып, тұрғындардың көңілін бір демдеді. Осылайша іргелес жатқан бірнеше елді мекеннің тыныс-тіршілігін бағамдап, тұрғындардың талап-тілегіне құлақ түріп, мәселенің шешімінен хабардар еткен, ауыл ақсақалдарының ақ батасын алған өңір басшысы бүгінгі жұмыс сапарын аяқтады. &nbsp;Сонымен қатар, биыл үлкен жолдың бойындағы Еңбек ауылында 3 көшенің сапасына мән берілген. Осылайша Асқарбек Есжанов 2025 жылы жол сапасына қатысты Еңбек ауылына қайта оралуды жөнсіз дейді. Президент жергілікті әкімдердің жұмысын жол сапасына қарап бағалайтынын айтқан. Біздегі жол құрылысының қарқын алғанын ескерсек, Асқарбек Есжановтың бұл бағытта біршама іс тындырғанын аңғарамыз.&nbsp;Еңбек ауылында не мәселе болсын, шаруамен ширап, тұтас бір елді мекеннің еңсесін тіктеген Шакизатхандай азаматы бар ауыл осылай болуы керек. Әр жыл сайын еңбеккерлеріне 100 млн теңге сыйақы үлестіреді. Кеше қос отбасына екі баспананың кілтін табыстапты. Тағы бірі темір тұлпар тақымдаған. Әлеуметінің әлeуеті нық Еңбекте ақсақалдар әкімді батасымен шығарып салды.Еңбекте ауыл шаруашылығының қос саласы да қарқынды дамыған. Күріштен тау тұрғызған ауыл халқы мал шаруашылығына да бейім. Кәсіпкерлік саласының да дамуы жаман емес. Әлеуметтік нысандар сапасында мәселе жоқ. Жол мәселесі алдағы 2 жылда толық шешімін табады. Ауыз су жүйесі жаңа, электр желісінде мәселе жоқ. Мектебі күрделі жөндеуден өткен, кіреберіс жол асфальтталған. Осынша шаруа атқарылғаннан кейін ауыл халқының аудан басшысына алғыс айтатындай реті бар.&nbsp;<blockquote> «Биыл үш ішкі көшенің сапасына мән берілді. Келер жылы да аудан басшысы ауылда жол құрылысының қарқын алатынын айтып, елді қуантты. Ауылдағы шаруашылық төрағасы Шакизатхан Ысқақов ағамыз да ауылдың абаттануына, әлеуметтің әлеуетінің артуына жұмыс жасап жатыр. Атпал азамат ауылда жүзеге асатын кез келген жұмысқа демеушілік етуді дәстүрге айналдырып келеді. Биыл қос отбасына баспана кілтін табыстады. Бір азамат сужаңа темір тұлпар тақымдады. Мұның бәрі ауыл халқының тұрмыс сапасына бірінші кезекте оң әсерін тигізеді», – дейді Еңбек ауылы әкімі Қайролла Қалданов.</blockquote>Жалпы, ауданда атқарылған іс ауқымды, кезекте тұрған мәселе де жоқ емес. &nbsp;Зерттеу-зерделеу &nbsp;барысында ауданда ең өзекті мәселелер қатарында бірқатар ауылдарда ауыз су жүйесін кеңейту, жол құрылысы, көпірлерді жөндеу, Жалағаш кентіне жақын ауылдарды газдандыру, жарықтандыру мәселесі тұр. Осыған орай аудан басшысы алдымен ауыз судың шешілу түйінін тарқатты.<blockquote> «Ауыз су желілері бойынша ауданда 4 жоба жүзеге асуда. Атап айтар болсақ, Аққұм елді мекенінде су тарату жүйесінен аулаішілік су тарату желісін кеңейту, тұтынушыларға су тарату желісінің құрылысы, Жалағаш кентінде Ақтерек-170 га учаскесінің су ұңғымалары және су жинау-тарату кешенінің құрылысы, Жалағаш кентінде Ақтерек-170 га учаскесіндегі инженерлік инфрақұрылымның сумен жабдықтау жүйесінің құрылысы, Мәдениет елді мекенінде су тарату жүйесінен аулаішілік су тарату желісін кеңейту, тұтынушыларға су тарату желісінің құрылысы жүргізілуде. Жалпы аудан тұрғындары 100 пайыз ауыз сумен қамтамасыз етілген», – деген өңір басшысы &nbsp;жол құрылысы бойынша да 9 жоба, көпірлерді жөндеу, тұрғын үйлерді күрделі жөндеу, газдандыру, жарықтандыру бойынша 4 жоба, абаттандыру бағытында да бірқатар жобаларды атады. &nbsp;</blockquote>Аудан әкімі Асқарбек Есжанов алдымен ішкі көшелерге, яғни алдағы бірнеше жылда Аққұм ауылындағы бірнеше көшенің сапасына мән берілетінін айтты. Тіпті ол ауданның даму жоспарында да қамтылған. Демек бұл мәселе шешімін тауып, халықтың талап-тілегі орындалатын күннің де ауылы алыс емес секілді. Ал ауылдағы жарықтандыру жұмысы қолға алынса, елді мекенге көгілдір отын кіргізу жобасының қолға алынатыны аққұмдықтарды қуантты. Биылдың өзінде кент іргесіндегі Ақсу ауылы мен дарияның бергі бетінде орналасқан М.Шәменов ауылына газ кіргізу жобалары дайындалса, дәл осы қос елді мекен арқылы алдағы уақытта Бұқарбай батыр, Аққұм, Қаракеткен, Таң ауылдарына көгілдір отын жеткізу жоспарда бар.Жалпы, ауданның 3 жылдық даму жоспарында әрбір елді мекенде халықтың көкейінде жүрген мәселелерді шешу көзделгенін байқаймыз.&nbsp; &nbsp;<img src="https://knadmin.beoblood.kz/uploads/2_614c248ed7.jpg" alt="2.jpg"><img src="https://knadmin.beoblood.kz/uploads/289989344_3291150987833986_873448139600813344_n_8c7453f6da.jpg" alt="289989344_3291150987833986_873448139600813344_n.jpg"><img src="https://knadmin.beoblood.kz/uploads/289668580_3291147177834367_1688691843980778655_n_df54ec0932.jpg" alt="289668580_3291147177834367_1688691843980778655_n.jpg">

Жалағаш ауданы: Ауылдардың әлеуеті артып келеді

<a href="https://kyzylorda-news.kz/">Kyzylorda-news.kz.</a> Қызылорда облысының Арал ауданындағы Ж.Әбдірашев атындағы №62 мектеп-лицейінің ұстаздары Қызылордадағы Зияткерлік мектептегі тағылымдаманы сәтті аяқтады.&nbsp;Ауыл ұстаздарының біліктілігі мен педагогикалық тәжірибесін арттыруға арналған оқыту курсында қатысушылар &nbsp;NIS мұғалімдерінің жаратылыстану-математикалық және тілдік пәндер бойынша ашық сабақтарына қатысып, жоспарлау, оқыту мен оқуда заманауи әдіс-тәсілдер қолдану, критериалды бағалау ерекшеліктерімен танысты. Сондай-ақ оқу үдерісін басқару, инновациялық кітапханалар жұмысын ұйымдастыру, психологиялық қызметті жүргізу бағытындағы шеберлік сыныптардан тәжірибе жинақтап, &nbsp;әдістемелік қоржындарын тың идеялармен толықтырды.<blockquote>«Бұл тағылымдама мен үшін пайдалы ақпараттарға толы болды. Қарапайым дүниелерді сабақта тиімді пайдалану арқылы оқушылардың пәнге деген қызығушылығын арттыру, оқу үдерісіне белсене араласып, жаңа тақырыпты қалай игертуге болатынын көрдік. Бұл мектепте ұстаздардың сабақ жоспарын бірлесіп құруы жақсы қолға қойылған екен», – дейді аралдық ұстаз Жанна Нарикеева.&nbsp;</blockquote>Тағылымдамашылар NIS желісінде тәрбие жұмысын іске асырудағы ерекшеліктерімен де танысуға мүмкіндік алды. Зияткерлік мектептің педагог-кураторлары жүргізген практикумдарда мұғалімдер «Ұлы дала ақындары», «Менің өмірімде қолданылатын мақал-мәтелдер», «Ұрпақтар сабақтастығы», «100 күйдің тарихы», «Қазақ әндері», «100 кітап», «Ата-аналар университеті», «Әкелер кеңесі» &nbsp;секілді &nbsp;тәрбиелік жобалар мен әлеуметтік тәжірибелер бойынша құзыреттіліктерін дамыта түсті. Жатақхана қызметкерлері ұйымдастырған әдістемелік алаңда оқушылармен жүргізілетін жұмыстардың жаңашыл тәсілдерін меңгерді.&nbsp;<blockquote>«Тәрбие саласында бірнеше жобалардың жүзеге асырылып жатқанын көрдік. Көптеген педагогикалық инстайттар ала білдік. Алған білімдерімізді алдағы уақытта өз тәжірибемізде қолданамыз деп ойлаймын», – деп бөлісті ауылдық мектеп директорының орынбасары Жадыра Аймағанбетова.</blockquote><figure class="image"><img src="https://knadmin.beoblood.kz/uploads/316939305_3255698418093403_3273454291080208099_n_cb634964fb.jpg" alt="316939305_3255698418093403_3273454291080208099_n.jpg"></figure><figure class="image"><img src="https://knadmin.beoblood.kz/uploads/317422589_3255698301426748_2817010289418884992_n_7cb2a9d59a.jpg" alt="317422589_3255698301426748_2817010289418884992_n.jpg"></figure>

Қызылордада NIS мұғалімдері педагогикалық инсайттармен бөлісті

<a href="https://kyzylorda-news.kz/">Kyzylorda-news.kz.</a> Ермек Алдабергенұлы Сағымбаев Қазақстан Республикасы Ұлттық қауіпсіздік комитетінің төрағасы лауазымына тағайындалды, деп хабарлайды Ақорданың <a href="https://akorda.kz/kz/easagymbaevty-tagayyndau-turaly-28101646">сайты.&nbsp;</a>Сенат спикері Мәулен Әшімбаевтың төрағалығымен палата отырысы өтті. Онда Президенттің Ұлттық қауіпсіздік комитетінің төрағасын тағайындауына келісім беру туралы мәселе қаралды.<blockquote>«Сенбі күні, яғни 26 қарашада Мемлекет басшысы Қасым-Жомарт Тоқаевты салтанатты ұлықтау рәсімі өтті. «Қазақстан Республикасының Президенті туралы» конституциялық заңға сәйкес Мемлекет басшысына тiкелей бағынатын және есеп беретiн мемлекеттiк органдар басшыларының өкiлеттiгi жаңадан сайланған Президент қызметiне кiрiскен кезде тоқтатылады. Бұл – Ұлттық қауіпсіздік комитетінің төрағасына да қатысты ереже. Конституцияға сәйкес Президенттің Ұлттық қауіпсіздік комитетінің төрағасын тағайындауына келісім беру Сенаттың ерекше қарауына жатады. Соған байланысты Сенатқа Мемлекет басшысының тиісті ұсынымы келіп түсті», – деді Мәулен Әшімбаев.</blockquote>Мемлекет басшысының Ермек Сағымбаевты ҰҚК төрағасы қызметіне тағайындауына келісім беру туралы ұсынымын Президент көмекшісі – Қауіпсіздік Кеңесінің хатшысы Ғизат Нұрдәулетов оқып берді.Халықаралық қатынастар, қорғаныс және қауіпсіздік комитетінің төрағасы Мұхтар Құл-Мұхаммед атап өткендей, Мемлекет басшысы ұсынған кандидатура комитеттің отырысында қаралып, жан-жақты талқыланған. Нәтижесінде қолдау үшін Сенатқа ұсынылды.Палата отырысында Сенат депутаттары Мемлекет басшысының Ермек Сағымбаевты ҚР ҰҚК төрағасы қызметіне тағайындауына келісім беру туралы шешім қабылдады.Айта кетейік, Ермек Сағымбаев Қазақ политехникалық институтын (1989 ж.) және әл-Фараби атындағы Қазақ ұлттық университетін (2007 ж.) бітірген.ІІ дәрежелі «Даңқ» орденімен, ведомстволық және мерейтойлық медальдармен наградталған.ҚР МҚК Құрметті қызметкері.2020 жылы ҚР Президентінің Жарлығымен Мемлекеттік күзет қызметінің генерал-майоры атағы берілді.2022 жылы ҚР Президентінің Жарлығымен ұлттық қауіпсіздік генерал-лейтенанты атағы берілді.1994-2006 жылдары – ұлттық қауіпсіздік органдарында офицерлік лауазымдағы қызметтерді атқарды;2006-2019 жылдары – ҚР Президенті Күзет қызметінің офицерлік және басшылық лауазымдарында қызмет атқарды;2019-2021 жылдары – Мемлекеттік күзет қызметі бастығының орынбасары – ҚР Президенті Күзет қызметінің бастығы;2021-2022жж. - Мемлекеттік күзет қызметі бастығының міндетін атқарушы, бастығы;2022 жылғы қаңтардан бастап – ҚР Ұлттық қауіпсіздік комитетінің төрағасы.

Ермек Сағымбаев Ұлттық қауіпсіздік комитетіне басшы болды

<a href="https://kyzylorda-news.kz/">Kyzylorda-news.kz.</a> Шиелі ауданында Сыр сүлейі, арқалы ақын Бұдабай Қабылұлының 180 жылдығына арналған «Өзге сөзден өлеңге ұста Бұдабай» атты республикалық жыраулар фестивалі өтті.&nbsp;Жыр кешінің алғы сөзін аудан әкімінің орынбасары Ысмағұлов Болатбек Әбдулхайысұлына беріліп, жырауларға жылы лебізін білдірді.&nbsp;Жыр фестивальдің негізгі мақсаты - халқымыздың төл мұрасы - жыраулық, термешілік өнерді ұрпақ санасына сіңіре отырып, оның сиқырлы мақам сазын өнер сүйер қауымға жеткізу, сондай-ақ, халқымыздың дәстүрлі жыраулық өнерін дамыту және оны ұлықтай түсу болып табылады.&nbsp;Аиалған фестивальға 16 жыршы-жырау қатысты. Арқалы ақынның шығармашылығын дәріптеген жыраулар халыққа рухани дем беріп, сан ғасырлар қойнауында жатқан саф өнерді насихаттады. Жиналған жұртшылық жыраулардың шеберлігімен шешендігіне ерекше ықылас танытып, шабыт беріп отырса, жыраулар жырдан шөлдеген елді сөз құдіретімен сусындатты. Фестивальда жырауларға арнайы алғыс хаттар мен сый-сияпаттар табысталды.Бұдабай өткір сөзді ақын, терме, толғау, мақтау, сынау сөзге шебер дарынды дүрдің бірі. Оның алғаш ақын ретінде танылуы Қарлығаш деген қызбен айтысынан басталады. Жастайынан өлең-жырға әуес Бұдабай шығармаларының біразын жазып қалдырған. Өлеңдерінің басым көпшілігі ел бірлігі мен татулықты жырлауға, араздасқандарды бітімге шақыруға арналған. Ақынның «Өзім жайлы», «Көңіл туралы», «Өмір туралы» және тағы да басқа өлеңдері белгілі.<figure class="image"><img src="https://knadmin.beoblood.kz/uploads/316172848_1449218182275303_1758638495119200083_n_70565870c7.jpg" alt="316172848_1449218182275303_1758638495119200083_n.jpg"></figure><figure class="image"><img src="https://knadmin.beoblood.kz/uploads/316944408_1449217538942034_366269785473358554_n_25fa2da777.jpg" alt="316944408_1449217538942034_366269785473358554_n.jpg"></figure>

Шиелі ауданында республикалық жыраулар фестивалі өтті

<a href="https://kyzylorda-news.kz/">Kyzylorda-news.kz.</a> Қызылорда облысы бойынша қылмыстық-атқару қызметі саласына қарасты №68 мемлекеттік мекемесінде суицидтің алдын алу мен &nbsp;зардаптарын азайту және одан әрі туындау ықтималдығын азайту мақсатында суицидке бейім адамдарды әлеуметтік-психологиялық оңалту мақсатында психологиялық іс-шара өткізілді.&nbsp;Бұл іс-шарада сотталғандар алдымен дәріс тыңдады. Сонан соң, «Конфликт дегеніміз не? «Қақтығысты шешу жолдары» деген тақырыпта пікірталасқа түсіп, өз ойларын білдірді. &nbsp;&nbsp;«Өмір тепе-теңдігі дөңгелегі» «Ескі тасталған дүкен» деген тренингтерге қатысып, өткен өмірінен сыр бөлісті, өмірлік мәселелерді шешу жолдарын іздестірді, тұлғааралық қарым-қатынас дағдыларын алды. Сондай-ақ, олар өздерінің &nbsp;басқалармен қақтығыстарының себептерін түсінді және жанжалды жағдайларды шешудің қолайлы жолдарын таңдады, өмірдің әлсіз және күшті жақтарын анықтады. &nbsp;<blockquote>«Бүгінгі өткізілген іс-шара соңында &nbsp;сотталғандармен арт-терапевтік әдіс – тестопластика (қатты қамырды қолдану) ны қолдандық. Сотталғандар &nbsp;қамырдың &nbsp;көмегімен өзінің шығармашылық бейімділігін аша алды. Бұл іс-әрекет қатысушыларға қатты ұнады. &nbsp;Өйткені, жұмсақ дене қолға жағымды әсер беріп, шығармашылық шабыт сыйлады. Әртүрлі мүсіндер жасау, олардың алаңдаушылық деңгейін төмендетеді, жағымсыз эмоцияларды тастауға көмектеседі және өзгеруге болатын ой туындатады. Қолдарындағы бүтін денеден, яғни &nbsp;бастапқы &nbsp; қатты &nbsp;күйдегі затты илеп, жұмсартып, әртүрлі мүсіндер жасап шықты. Жазасын өтеушілер өз жасаған туындыларына қарап разы болды. Ал мен оларға &nbsp;«Бәрі өз қолыңызда! Сізге сәйкес келмейтін нәрсені өзгертуге болады. Оны алыңыз және жасаңыз! Ал сен жетістікке жетесің!» Сенің қолыңнан бәрі келеді деген оймен қорытындыладым», - дейді мекеме психологы Айбек Орынбаев.</blockquote>Бас бостандығынан айырылғандар мүсіндерді әртүрлі бояулармен әрлеп, көркемдеп, әр дүниеге жан бітірді. Өздерінің қолдарынан бәрі келетініне сенімді болған сотталғандардың көңіл-күйлері көтеріліп, өткізілген іс-шарадан соң, біраз серпіліп қалды. Жасаған заттарының нәтижиесі, оларға сенімділік сыйлады.<figure class="image"><img src="https://knadmin.beoblood.kz/uploads/58686b7c_b06e_490d_ad66_eee1f8ce997d_36a8ae37ec.jpg" alt="58686b7c-b06e-490d-ad66-eee1f8ce997d.jpg"></figure>&nbsp;

Қызылордада бас бостандығынан айырылғандарға психологиялық шара өтті

<a href="https://kyzylorda-news.kz/">Kyzylorda-news.kz.</a> Мемлекет басшысы Қасым-Жомарт Тоқаевтың «Әкімдердің халықпен кездесулерін өткізу туралы» Жарлығына сәйкес, өткен жұма күні аудан әкімі Нұржан Сәбитұлы Еңбекші, Жиделіарық, Жуантөбе, Бестам, Телікөл ауылдық округтерінің тұрғындарымен кездесу өткізіп, үш ай бұрын айтылған мәселелердің шешілу барысын баян етті.&nbsp;Кездесуге ауыл тұрғындары, ауылдың абыз ақсақалдары, сондай-ақ Шиелі ауданының прокуроры Нұрбек Қаратаев, аудандық мәслихат хатшысы Тұрмағанбет Жағыпбаров пен бірқатар мекеме басшылары қатысты.&nbsp;Еңбекші ауылдық округінде өткен кездесуде, аудан әкімі ауыл тұрғындыры тарапынан көтерілген Қосүйеңкі елді мекеніне ауыз су жүргізу мәселесі бойынша аудандық жауапты бөлім тарапынан облыстық энергетика және тұрғын үй коммуналдық шаруашылық басқармасына құны 211 млн. теңге болатын бюджеттік өтінім жолданған. Ал канал қазу мәселесіне келер болсақ, «Табиғат» мемлекеттік коммуналдық кәсіпорынының теңгеріміндегі бұл каналды қазу үшін үнемделген қаржы есебінен 27 млн. теңге бөлініп, 3 шақырым канал бойы қазылған. Учаскелік полиция инспекторының ауылда тұрақты жұмыс жасауын қамтамасыз ету үшін учаскелік полиция инспекторы болып полиция майоры Тоқтарбай Дулатов бекітіліп, тұрғын үймен қамтамасыз етілген.Жиделіарық ауылдық округіне келер болсақ, мұнда бірнеше ай бұрын өткен кездесуде тұрғындар тарапынан жаңадан салынған мәдениет үйін пайдалануға беру, медициналық пунктке қосымша бөлме қосу, егістік жерлердің айналасында қазылған орларды бекіту мәселелері айтылған болатын. Тоқсан ішінде олардың барлығы дерлік өз шешімін тауып та үлгерді. Мәселен, мәдениет үйінің құрылысы қазір толық аяқталып, ғимарат іші біраз құрал-жабдықтармен толыққан. Жақын ара ел игілігіне пайдалануға беріледі. Ал медициналық пунктке келер болсақ, келер жылы кәсіпкерлер көмегімен қосымша бөлме қосу қарастырылған. Егістік алқаптарының айналасындағы орлар да көміліп, мал жайылымы мәселесі де толық шешілген.Жуантөбе ауылдық округі тұрғындарымен кездескен аудан әкімі өткен кездесуде тұрғындар тарапынан көтерілген мәселелерге тоқталып, шешімін тапқан мәселелерді атап өтті.&nbsp;Тұрғындар тарапынан көтерілген алғашқы мәселе интернет желісінің жылдамдығына қатысты болатын. Бұл мәселені шешу үшін жуырда Жуантөбеде «Activ» байланыс қондырғысы орнатылып, интернет байланысы тұрақтанған. Сонымен қатар, «Beeline» байланыс құрылғысын орнатуға жер телімі белгіленіп, биіктігі 22 метр болатын арнайы мұнараны жеке кәсіпкер Еркін Асанбаев жасатуда. Аяқ су жүретін жолдарды тазалау жұмыстары да өз деңгейінде жүргізіліп, шаруа қожалық төрағаларының демеушілігімен Жуантөбе, Бестам, Телікөл ауылдық округі аяқ су кіретін каналға арнайы бөгет орнатылып, су жолдары тазартылған. Ал егістік жерлердің айналасындағы қазылған орлар көміліп, жайылымдық жерлер ашылды. Мұның барлығы ауыл тұрғындары көтеріп, шешімін тапқан мәселелер болатын.&nbsp;Бестам ауылдық округінде өткен аудан әкімінің халықпен кездесуінде де өткен тоқсандық жиында айтылған мәселелердің шешілу барысына мән берілді. Атап айтар болсақ, елді мекендегі ветеринарлық пунктке тазалықшы штатын қарастыру, Ә.Әбуов көшесінің электр бағаналары мен сымдарын ауыстыру, Тоғызбаев пен 4 қиылыс көшеге жаяу жүргіншілер жолын салу және жайылымдық жер мен пада ұйымдастыру мәселелері. Алғашқысы бойынша ветеринариялық пунктке аудандық жұмыспен қамту және әлеуметтік бағдарламалар бөлімі арқылы қоғамдық жұмысқа тазалықшы алынып отыр. Ал Ә.Әбуов көшесінің электр сымдары мен бағаналары КРЭК мекемесінің күшімен ауыстырылуда. Сондай-ақ, көшелерге жаяу жүргіншілер жолуын салу үшін жауапты бөлімге өтінім берлісе, мал жайылымдық жерлер қожалық төрағаларымен келісімге келу арқылы, пада ұйымдастыру мәселесі ауыл әкімінің ұйымдастыруы арқылы шешілген.&nbsp;Телікөл ауылдық округіндегі кездесуге тоқталар болсақ, аудан әкімі өткен жиында айтылған бірнеше маңызды мәселенің жауабын берді. Мәселен, елді мекендегі учаскелік полицейдің тұрақты жұмысын қамтамасыз ету үшін аудандық ішкі істер бөлімі қызметкері, ауыл тұрғыны А.Сикеров учаскелік инспектор болып бекітілген. Ал елді мекенге жаңадан дәрігерлік амбулатория салу үшін «Ауылдық денсаулық сақтауды жаңғырту» пилоттық жобасы аясында 8 елді мекен жобаға енгізілген. Соның бірі Телікөл ауылдық округі. Тұрғындар көтерген пада ұйымдастыру мәселесі де көктемде шешімін табады.<figure class="image"><img src="https://knadmin.beoblood.kz/uploads/316816320_1451026232094498_7331622216315435330_n_b3937ef68e.jpg" alt="316816320_1451026232094498_7331622216315435330_n.jpg"></figure><figure class="image"><img src="https://knadmin.beoblood.kz/uploads/316822615_1451026175427837_2302618199614508937_n_4994d64105.jpg" alt="316822615_1451026175427837_2302618199614508937_n.jpg"></figure>

Қазақстан және Қызылорда облысының жаңалықтары