<a href="https://kyzylorda-news.kz/">Kyzylorda-news.kz.</a> Қасым-Жомарт Тоқаев салық кодексін өзгертетін заңға қол қойды. Бұл туралы <a href="https://www.akorda.kz/kz/memleket-basshysy-salyk-zhane-byudzhetke-kazakstan-respublikasynyn-zanyna-kol-koydy-2024112">Ақорданың </a>ресми сайты жариялады.«Мемлекет басшысы Қасым-Жомарт Тоқаев «Салық және бюджетке төленетін басқа да міндетті төлемдер туралы» Қазақстан Республикасының Кодексіне және «Салық және бюджетке төленетін басқа да міндетті төлемдер туралы» Қазақстан Республикасының Кодексін (Салық кодексі) қолданысқа енгізу туралы» Қазақстан Республикасының Заңына өзгерістер мен толықтырулар енгізу туралы» Қазақстан Республикасының Заңына қол қойды» делінген хабарламада.Заңның мәтіні баспасөзде жарияланады.

Президент салық кодексіне өзгеріс енгізетін заңға қол қойды

<a href="https://kyzylorda-news.kz/">Kyzylorda-news.kz.</a> Қазақстан мұсылмандары діни басқармасының Уағыз-насихат бөлімі Рамазан айын лайықты өткізу үшін жасалуы тиіс бес амал туралы жазды, деп хабарлайды <a href="https://stan.kz/dini-baskarma-ramazan-ayinda-zhasalui-tiis-bes-amaldi-a-379356/">Stan.kz</a>.Рамазан айының негізгі ерекшелігі, бұл айда денсаулығы жарамды, балиғатқа толған, ақыл есі сау, сапарда болмаған әрбір мұсылманға ораза ұстау парыз етілді. Оразаның негізгі рухы да осы ораза ұстауда.<blockquote>«Олай болса, қасиетті Рамазан айында ораза ұстау арқылы пенденің тақуалығы арта түседі. Ораза ұстау кезіндегі ниеттің, атқарылатын ізгі амалдардың, көркем мінездің барлығының да мақсаты тақуалыққа қол жеткізу болып табылады. Бұлайша тақуалыққа қол жеткізген адам Рамазан айының берекетін сезініп, Жаратушының кешіріміне ие болып, мол сауаптарға кенеледі» деп жазды ҚМДБ Уағыз-насихат бөлімі.</blockquote>Екінші амал: намаз оқуҚасиетті Рамазан айында мұсылман адам күнделікті парыз етілген бес уақыт намаздан бөлек нәпіл намаздарды атқаруға ерекше ден қоюы қажет. Әсіресе, Рамазан айының түндерін намазбен өткізу жай түндері оқылатын намаздан сауабы мен дәрежесі тұрғысынан көп есе артық.Рамазан айында құптан намазынан кейін тарауық намазын оқу – бекітілген сүннет.Үшінші амал: Құран оқуРамазан айы Қасиетті Құранмен тығыз байланысты.<blockquote>«Осы себепті Рамазан айын – "Құран айы" деп атаймыз. Бұрынғы өткен ғұламаларымыз осы айда Құран оқуға ерекше көңіл бөлуге тырысатын. Ендеше, біз де Рамазан айында қасиетті Құранға лайықты түрде көңіл бөліп, &nbsp;оны оқып, үйренуге тырысқанымыз жөн. Сондай-ақ қасиетті Құранның әрбір әрпі Рамазан айында еселеген сауапқа кенелтеді. Құран жүрегімізге нұр, дүниемізге береке, ақыретімізге шапағат етеді. Құранды оқи алмаған адам ең болмағанда назар салып, қарайтын болса, құлшылық сауабын алады» деп жазды ҚМДБ Уағыз-насихат бөлімі.</blockquote>Төртінші амал: дұға жасауҚМДБ түсіндіруінше, Рамазан айының ерекше қадір-қасиеттерінің бірі – бұл айда жаратқанның дұғаларды қабыл етуі.<blockquote>«Ендеше, біз де осы қасиетті айда отбасы мүшелеріміз бен Алла Тағаладан көбірек дұға сұрап, өзіміз үшін, халқымыз үшін, Отанымыз үшін, сондай-ақ айналамыздағы адамдар үшін де тілек тілеп, жалбарынуға ден қоюымыз керек. Өйткені бұл айда барлық дұғалар қабыл болады» деп жазды ҚМДБ Уағыз-насихат бөлімі.</blockquote>Бесінші амал: Мейірімді болуРамазан – Алла Тағаланың мейірімі түсетін ай. Бұл айда түсірілген Қасиетті Құран адамдарға мейіріммен түскен.&nbsp; ҚМДБ Уағыз-насихат бөлімінің жазуынша, Рамазан айында адамдарға мейірімділік таныту дегеніміз &nbsp;қарым-қатынас жасағанда көркем мінезді болу, қателіктерін кешіре білу, жомарттық жасап, мұқтаж жандарға көмектесу, садақа беру, өзге ораза ұстаушыларға ауызашар беру сынды ізгі істер жасау.

Діни басқарма Рамазан айында жасалуы тиіс бес амалды атады

<a href="https://kyzylorda-news.kz/">Kyzylorda-news.kz.</a> Президент сайлауы қарсаңында қоғамдық бастама негізінде ел азаматтары құрған «BAQYLA» қоғамдық қозғалысы елімізде 2023 жылдың 19 наурызы күні өткен ҚР Парламенті Мәжілісі мен маслихаттар сайлауында елішілік тұрақтылық пен сайлау процедураларының қатаң сақталуын қамтамасыз ету үшін сайлау учаскелерін қамтитын өңірлік штабтарда бақылаушылық жасады.Аумақтық бақылаушылар желісі жұмысы Алматы қаласындағы Орталық штаб пен еліміздің 17 қаласында орналасқан өңірлік штабтар арқылы жүргізілді.Қоғамдық қозғалыс 2022 жылғы кезектен тыс президент сайлауында 27 қалада дауыс беру барысын қадағалау жұмысын сәтті атқарған болатын.Ал биылғы ҚР Парламенті Мәжілісі мен маслихаттар сайлауында «BAQYLA» қоғамдық қозғалысы сайлау процесін бақылауға араласып, республика бойынша 25 қала мен елді-мекенді қамти алды. Сонымен қатар, 5 мыңнан астам бақылаушыны оқытты.&nbsp; Сайлау күні елдегі барлық сайлау учаскесінің 3 мыңын, яғни 30 пайызын қамти алдық деп айта аламыз.Осыған байланысты 2023 жылдың 20 наурызы күні Алматы қаласында «BAQYLA» ҚҚ бастамашылары арнайы баспасөз жиынын өткізді.<blockquote>«Сайлау күні 300-ден астам заң бұзушылық тіркелді. Таңғы 06:00-ден басталған сайлау процесі бақылаушыларға орын бермеу, дауыс беру кабинкаларына екі-үш адамнан кіру, дауыс санау барысына қатыстырмау және хаттама бермеуге тырысу сияқты заңсыздықтар болатын. Бақылаушыларға орын бермей, 100-ге жуық бақылаушы сайлауды тұрып бақылауға мәжбүр болды. Заң бұзу фактілері жайлы ақпараттар әлі де жинақталуда. Бір мандатты жүйемен түскендерге қатысты ақпараттар келуде. Елдегі ақпараттық дүмпу жағынан ең тартысты өткен, ал дауыс берушілер жағынан антирекордтың бірі орнаған сайлауда тәуелсіз бақылаушылар өз міндеттерін тиісті дәрежеде атқарды» деді саясаттанушы Асхат Қасенғали.</blockquote>Саясаттанушы Мақсат Жақаудың сөзінше, 2023 жылғы Мәжіліс сайлауы барлық үміт артқан бастамаларымен, биліктің былтырғы Жолдауда айтылған уәделердің іс жүзінде орындала бастауымен байланысты екен.<blockquote>«Сайлауға дауыс берушілерден гөрі кандидаттар мен бақылаушылар белсенді әрі көп қатысты. Бұл сайлауда көптен бері болмаған жеті саяси партияның қатысуын бақыладық. Бұл сәйкесінше, Президент Қасым-Жомарт Кемелұлының Парламентте пікірлер алуандығын жасақтайтын көппартиялық жүйе мен жеке мандатпен келетін депутаттардың көптеп болуына жағдай туғызу қажеттілігі еді. Аталған саяси өзгерістердің бастамасы жүзеге асырылуда, бұған кешегі сайлаулар куә. Жалпы сайлауға көзі төртеу болып елімізде 90-100 мыңға жуық ерікті тәуелсіз бақылаушылар сайлаудың заңның аясында таза әрі әділ өтуіне атсалысты. Бұл демократияның жаңа қарлығаштары, әділдік пен адалдықтың қорғаушылары хәм қолдаушылары деп қабылдауымыз керек. Осылайша сайлаудан-сайлауға қадам басқан сайын саяси мәдениеттілік пен демократиялық ілгерілеу болады. Бұл – заңдылық» деп қосты саясаттанушы Мақсат Жақау.</blockquote>

«BAQYLA» қозғалысы сайлауды 25 қалада бақылады

<a href="https://kyzylorda-news.kz/">Kyzylorda-news.kz.</a> Бауырсақ пен көже party, ұлттық ойындар сайысы және мерекелік ән шашу – Ұлыстың ұлы күні – әз Наурыз мейрамын Қызылорда қаласындағы Зияткерлік мектеп сән-салтанатымен атап өтті.Мектеп оқушыларын, ұстаздарын және ата-аналарын бір Шаңырақ астында &nbsp;ұйыстырған береке мен бірлік мерекесі дәстүр бойынша бауырсақ party-ден бастау алды. Аналар қауымы 200 келі ыстық нан әзірлеп, шаңырақтар дастарханына үлестірді. Сонымен қатар, 49 күлше қала тұрғындарына таратылды. &nbsp;<img src="https://knadmin.beoblood.kz/uploads/881e20ff_5eb1_49a2_b1b0_8cf2bd6aea27_af717f665d.jpg" alt="881e20ff-5eb1-49a2-b1b0-8cf2bd6aea27.jpg">Наурыздың ұлттық асы – дәмді көже қайнап болғанша ерлер қауымы ұлттық ойындарда ерек ынтымақтастықтарын көрсете білді. Ләңгі тебу, қол күрес, гір тасын көтеру және арқан тарту секілді сайыстарда сынға түсіп, мықтылығын дәлелдеді.Наурыз мерекесінде қайырымды іс жасау салты да назардан тыс қалмады. Бұл күні оқушылар әзірлеген сусындар, жатақхана тәрбиешілері мен шәкірттерінің қолөнер бұйымдары саудаланып, түскен қаржы денсаулығында ақауы бар балаға көмек ретінде берілді. &nbsp;Мектепішілік наурыз-думан әрі қарай өнерлі оқушылар мен ата-аналар ұйымдастырған концерттік бағдарламаға ұласты. Барша түркі халықтарының ұлттық биі мен әні шырқалған шарада ырыс пен ынтымақ, береке мен молшылық тілектерін сыйлады. Сондай-ақ, бірнеше жылдан бері &nbsp;мектеппен тығыз байланыста жұмыс жасайтын «Атамекен» балалар ауылының тұрғындары &nbsp;мен «Сәулем-ай» әжелер ансамблі өз шығармашылықтарынан сый тартты. &nbsp;Шаңырақтардың мерекелік дастарханында оқушылар Наурыз мерекесінің тарихы мен дәстүрі туралы ата-аналарының әңгімелерін тыңдап, мерекені көңілді өткізді.<img src="https://knadmin.beoblood.kz/uploads/5182285a_e83a_4f77_a738_a08ae4847cca_9f781ee922.jpg" alt="5182285a-e83a-4f77-a738-a08ae4847cca.jpg">

Қызылордадағы NIS 200 келі бауырсақ әзірледі

<a href="https://kyzylorda-news.kz/">Kyzylorda-news.kz.</a> Қаржылық алаяқтық, қаржы пирамидасы деген қазіргі қоғамның ең өзекті дертінің бірі. Бүгінде &nbsp;алдау, сенімге қиянат жасау және заңсыз баю мақсатында түрлі айла-амалдар жасау арқылы ақша айналымы саласында заңсыз әрекеттер жасайтындардың қатары күн санап өсуде. Қаржылық алаяқтықтың түрлері өте көп. Кең тарағандары: &nbsp;банк карталарын пайдалану арқылы, &nbsp;интернет желісіндегі алаяқтық, ұялы телефондарды пайдалану арқылы алаяқтық жасау, қаржы пирамидаларымен жасалатын алаяқтық.&nbsp;Осы ретте Қызылорда облысы бойынша экономикалық тергеп-тексеру департаменті өткен жылы жастарды қаржылық алаяқтықтан сақтандыру мақсатында «Қаржылық &nbsp;сауаттылық және қаржылық қауіпсіздік негіздері» тақырыбында қала мектептері мен колледждерде семинар сабақтар өткізуді қолға алған. 2022 жылдың соңғы 3 айында 19 мектепте, 7 колледже және Қызылорда университетінде &nbsp;29 кездесу өткізді. Мұндай &nbsp;шараларды оқу жылының аяғына дейін өткізу жоспарға қойылып отыр.Сондай-ақ, өткен &nbsp;жылы қаржылық алаяқтық белгілерімен Қызылорда облысы бойынша экономикалық тергеп-тексеру департаментінде &nbsp; «Rogneda», «Не работа» және «Tiens» жобаларына қатысты &nbsp;3 іс тіркелді. Тергеу реттілігімен екі материал полиция органдарына, 1 материал Түркістан облысы бойынша экономикалық тергеп-тексеру департаментіне жолданды.Бұдан бөлек Қазақтан Республикасы Қаржылық мониторинг агенттігі 2022 жылдан бастап &nbsp;қаржы &nbsp;пирамидалары мен алаяқтық сайттарын анықтау бойынша әлеуметтік желіге мониторинг жүргізу &nbsp;жобасын қолға алды. Соған сәйкес, «Кибернадзор» ақпараттық жүйесі бойынша қаржы пирамидасының белгісі бар сайттар мен сілтемелерді бұғаттау үшін Қазақстан Республикасының цифрландыру министрлігі жанынан арнайы эксперттік топ құрылды. Нәтижесінде осы эксперттерге 526 сайттар мен сілтемелерді бұғаттауға жолдама берілген, оның ішінде &nbsp;60 сілтеме бұғатталса, &nbsp;96 сілтеме эксперттің бақылауында, 333 сілтеме «қол жетімсіз» (недоступны) болып үлгерген. Ал биыл екі айда 250 сайттың сілтемесі анықталып, 100 сілтеме эксперттермен бұғатталған.Қазіргі күні көптеген қаржылық және өзге сауда айналымдары онлайн форматта жүзеге асады. Соның салдарынан әлеуметтік желілерде интернет-алаяқтардың саны күн санап артып, жәбірленушілер қатары көбейген. Интернеттегі қаржылық алаяқтықтың жиі кездесетін түрлері: - Интернет арқылы сатып алу. Сатушы жалған немесе жарамсыз жеке куәлікті қолдана отырып, ақша аударымдары жүйесі арқылы тауарды төлеуді сұрайды. Ақша алған кезде ол жоғалады. - Жұлдызнама құрастыру. Пайдаланушыға сауалнаманы толтыру ұсынылады, содан кейін электрондық поштаға жұлдыз жорамалының өзі емес, көрсетілген нөмірге SMS-хабарлама жіберу туралы хат жіберіледі. Мұндай хабарламаның құны бірнеше жүз теңге болуы мүмкін. - Тіркеме ретінде жасырылған вирус тіркелген төлем жүйелерінің хаттары – файл немесе сілтеме. Оның міндеті-төлем жүйелеріндегі сіздің шоттарыңыз және банк карталарының деректері туралы деректерді жинау.<blockquote>«Мұндай &nbsp;алаяқтықтан қорғану үшін хаттардағы сілтеме бойынша төлем жүйелерінің сайттарын ашпау қажет, мекенжай жолағындағы URL мекенжайын тексеріп, сілтеменің қайда апаратынын қарау маңызды. Сілтеме сенімді болып көрінсе де, мекенжайларды ұйымдардың ресми сайттарының домендік атауларымен тексерген жөн. Сондай-ақ, интернет арқылы сауда жасау кезінде жеке банктік картаны және тек тексерілген сайттарды ғана пайдаланған дұрыс. Парольді айтпау керек, оларды тек төлем жүйелерінің сайттарына енгізу керек. Құпия ақпараты бар файлдарды қол жетімді немесе сенімсіз ақпарат құралдарында да мүлдем сақтауға болмайды &nbsp;және олардың бірнеше көшірмесін жасап отырған дұрыс. Оған қоса қашықтан жұмысқа орналасу кезінде ешқандай жарна төлемеу қажет. Осындай істе күмәніңіз бар болса «baiqa piramida» телеграмм ботына салып тексеріп, &nbsp;жедел желіге &nbsp;«Call center» хабарласқан жөн» деді &nbsp;Қызылорда облысы бойынша экономикалық тергеп-тексеру департаментінің аса маңызды істерді тергеу жөніндегі тергеушісі Майра Оралбаева.</blockquote>Қаржылық алаяқтық кең тараған уақытта әр адамның бойында қаржылық сауаттылық және қаржылық қауіпсіздік деген түсініктерге салмақты көзқарас қалыптастыру, өзінің қаржысына өзі ғана &nbsp;иелік ететін сенімділік беру, түрлі алаяқтықтарға ұрынып қалу тәуекелін азайту бүгінгі күннің басты талабы. Осы ретте әрбір адам қандайда бір іске ақша салмас бұрын жеті рет өлшеп, бір рет кескені абзал. &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp;&nbsp;&nbsp;Бақыт ОРДАНОВА, &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; Қызылорда облысы бойынша&nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; экономикалық тергеп-тексеру&nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp;департаментінің бас маманы

Алаяқтық азаймай тұр

<a href="https://kyzylorda-news.kz/">Kyzylorda-news.kz.</a> Сәби – әр отбасының баға жетпес байлығы, соңында қалған ізі, ұрпақ жалғастырары, көз қуанышы. Қазақ ертеден «Тар құрсақты кеңітіп» дүниеге келген сәбиінің езу тартып күлгеніне, тәй-тәй басқанына, былдырлап сөйлегеніне төбесі көкке жетеді. Әр қадамына той арнайды. Ал, бір перзенттің жоғынан кең дүниесі тарылғандай, қанатынан қайырылғандай күй кешеді. Әсіресе құрсағын кеңітіп, жарып шығатын шарананың болмауы анаға үлкен қасірет болары сөзсіз.Иә, отбасын құрған әрбір жанның бала сүю бақытына бөленіп, сәбиін құшағына алғысы келетіні рас. Десек те, мұндай бақыт біреуге ерте, біреуге кеш бұйырып жатады. Ал «Аңсаған сәби» бағдарламасы осындай отбасылардың үмітін жалғаған жобаға айналуда.2021 жылы ауданда бедеулік есебінде тұрған 7 әйел Аңсаған сәби» бағдарламасы арқылы жүкті болса, былтыр бұл мүмкіндікке 14 отбасы қол жеткізген.<blockquote>«Қазіргі таңда ЭКО-ға қатысқа 6 ана уақытында аман-есен сәбиін дүниеге әкелсе, оның үшеуі мерзімінен бұрын босанды. Өкінішке қарай бір түсік жағдайы орын алды. Барлығының денсаулық жағдайы жіті бақылауда. Ал бір әйел басқа жаққа қоныс аударды. Биыл «Аңсаған сәби» бағдарламасына облыс бойынша 270 квота бөлініп отыр. Соның аясында кезекте тұрған тағы да бірнеше әйелге ана болу бақыты бұйырмақ», – дейді аудандық емхананың гинеколог дәрігері Нұргүл Аширова.</blockquote>Ұрпақ – адам өмірінің жалғасы, болашақтың иесі. Ұрпағы бардың ұтары мол екенін ата-бабамыз ертеден-ақ айтып кеткен. Баланы бақытқа балаған халқымыз үшін бала сүюдің қиындап бара жатқаны үлкен әлеуметтік түйткіл. Қоғам шындығының себебін бірі – экологиядан көрсе, енді бірі – құнарлы, яғни таза өнім тұтынбаудан деп есептейді. Бұрын бедеулік көбінесе әйелдер арасында жиі кездессе, бүгінде ер-азаматтардың денсаулығында кінәрат көп екені жасырын емес. Сол себепті бала сүюге ниетті жандардың тексеруден бірге өтіп, бірге ем қабылдағаны абзал. Сондай-ақ дәрігер мамандар жұбайлар 5-6 жыл, кейде тіпті одан да көп уақытын өткізіп барып, кеш қаралатынын айтып дабыл қағуда.Айта кетейік, Қазақстанда жасанды жолмен ұрықтандыруға квота бөлуге арналған бағдарлама 2010 жылы қолға алынған. Бірақ алғашқыда квотаның саны аз болды. 2021 жылдан бастап Президент Қасым-Жомарт Тоқаевтың тапсырмасына сәйкес елімізде «Аңсаған сәби» мемлекеттік бағдарламасы қолға алынған болатын. Осылайша, экстракорпоральды ұрықтандыруға бөлінетін квота саны да артты. Бұл өз кезегінде еліміздегі мыңдаған отбасының сәби сүю бақытына ие болуына жасалған мүмкіндік. Ал барлық шығын мемлекет қаржысы есебінен төленеді.Бала – өмірдің мәні. Елде әрбір алтыншы отбасы баланың сыңғырлаған күлкісіне мұқтаж. Осыған орай ажырасудың да саны көбейген. Жыл бойынша ажырасқандардың 20 процентінің себебі балалы бола алмағаннан екен. Елімізде сәби болмағандықтан, әрбір алтыншы отбасы ажырасып тынса, «Аңсаған сәби» бағдарламасының арқасында әрбір үшінші әйел сәбилі болуда. Жылт еткен сәулені жарыққа балайтын жандар үшін бұл үлкен қуаныш. Себебі өз қаражатымен ЭКО жасатуға бәрінің мүмкіндігі жоқ. Жасанды ұрықтандырудың бір мүмкіндігі миллионға жуық қаржыны қажет етеді. Десе де, мүмкіндікті пайдаланғанның барлығы бірден балалы болып кете алмайды. Оның да өзіндік алғышарты мен ерекшелігі бар. Алғашқысы әйел 18 бен 42 жас аралығында болуы керек. Одан соң белгіленген гинекологиялық көрсеткіштер нормадан аспауы, фолликулярлық резервтің жоғары болуы маңызды. Сондай-ақ түрлі туа бітті немесе жүре біткен ақаулары да ескеріледі.«Аңсаған сәби» бағдарламасы жайлы айтқанда көпшіліктің арасында ислам діні жасанды ұрықтандыру әдісіне рұқсат бере ме деген сұрақ туындап жатады. Бұған қатысты ҚМДБ-ның ғұламалар кеңесі үкім шығарған. Оған сәйкес, тек өз күйеуінің ғана ұрығын ЭКҰ әдісі арқылы қолдануға шариғи тұрғыдан рұқсат берілген. Ал жасанды ұрықтандыру кезінде донорлық қызметті пайдалану исламға жат болып саналады. Яғни, донорлардан алынған аналық жасуша немесе ұрықты қолдану мұсылманға жат. Мұның діни, моральдық жағынан бөлек, қаржылай тұсы да бар. Дәрігерлер бұл тұрғыдан отбасы мүшелеріне психологиялық тренингтен өтіп, моральдық-этикалық жағын ескеруге кеңес береді.Елімізде «Дені сау ұлт» ұлттық жобасы аясында 2025 жылға дейін жыл сайын бедеулігі расталған 7000 жұпқа міндетті медициналық сақтандыру аясында ЭКҰ жасату қарастырылған. Демек, сәби аңсаған талай отбасының шырағы жанып, шаттығы таситын күні алда.

Нұргүл Аширова: Биыл «Аңсаған сәби» бағдарламасы бойынша 270 квота бөлінген

<a href="https://kyzylorda-news.kz/">Kyzylorda-news.kz.</a>&nbsp; Тереңөзекте тұтынушысы үздіксіз іздеп келетін жеке кәсіпкер тұрады. Оның қызметін кез келген адам қажет ететіндігіне әбден көзіміз жеткен. Әркез жергілікті халыққа сапалы жұмыс үлгісін көрсететін Ғазизбек Сейтмұратов осыдан 13 жыл бұрын өзінің полиграфиялық орталығын ашқан. Қазіргі уақытта ол графикалық дизайнды меңгеріп, сандық технология саласын тереңнен игеру үстінде. Уақытпен санаспай жергілікті халыққа қызмет ететін еңбекқор жанмен дидарласу сәті түскен болатын.Қай кезде де тұтынушыны жайдарлы мінезімен &nbsp;қарсы алатын &nbsp;Ғазизбек &nbsp;Сейтмұратов биыл 35 жасқа қадам басады. Жергілікті ақын Сейтмұрат Ембергеновтің немересі алғаш білім алу үшін аудан орталығындағы №35 Иса Тоқтыбаев атындағы мектеп-лицейге барады. Бастауыштағы алғашқы 2 сыныпты білімнің қарашаңырағында оқығанымен, кейіннен жеке кәсіпкер отбасымен бірге Түлкібас ауданына қоныс аударады. Шырайлы өлкеде ер жеткен Ғ.Сейтмұратов мектеп бітірген сәттен еңбекке ерте араласа бастайды. Сан салада шынығып, қабілетін шыңдай түседі.<blockquote>– Мен кішкентайымнан сандық технология мен компьютерлік бағдарламаға қатты қызықтым. Бағдарламашы мамандығын меңгеруге құлшынысым жоғары болды. Өз кезегінде Алматы қаласында түрлі салада қызмет еткен едім. Еліміздің бірнеше қаласында жүріп, өмірлік тәжірибе жинақтауға да зор мүмкіндік туды. Осыдан 15 жыл бұрын Тереңөзекке қайта көшіп келдім. Бұл ретте, сәулет саласында өзіндік қолтаңбасын қалдыра білген Ержан Жарықбаев ағамның жанына қызметке орналастым. Күнделіктікомпьютерді жөндеп, арнайы жобаларды үйрене білдім. Ғаламтор желісінен графикалық дизайн жасаудың қыр-сырына қаныққан болатынмын. Негізінен, шығармашылықпен айналысқанда үнемі ізденіс үстінде болған жөн. Мәселен, өзім 5 жылға жуық компьютерден қол үзіп қалғанда сандық технологияның бағдарламалары мүлдем басқа бағытта өзгеріп отыратындығын анық аңғардым, – дейді жеке кәсіпкер.</blockquote>Әрине, нарықтық заманда өз қажеттілігіңді өтеу, отбасына табыс көзін кіргізу басты орында тұруы тиіс. Графикалық дизайнмен сан түрлі бағытта ерекше дүниелер жасап шығаруға болады. Кәсіпкерлікке бет бұрған жылдары Ғазекең Қызылорда қаласынан полиграфиялық орталық ашқан. Дегенмен, аудан тұрғындарының ұсынысы бойынша Ғазизбек Шахмұратұлы Тереңөзекте жеке кәсібін ашуға бел буады. Міне, осы кезеңде кәсіби маман ретінде қалыптасқан оның қызметіне жергілікті тұрғындар тұрақты түрде жүгіне бастайды. Сапалы әрі тиянақты жасалған өнімді жарыққа шығарып, көпшілікке ұсынады. Кейде таңғы 3-4-ке дейін жұмыс жасайтын әмбебап маман кез келген мекеменің, жеке тұлғаның суретін өңдеп, бірнеше форматта шығарады. Сонымен бірге арнайы диплом, алғыс хат, сертификат, куәлік, буклет сынды бірнеше дүниені шығарумен айналысады. Сан түрлі форматтағы фотоны дайындау үшін арнайы компьютерлік бағдарламаны қолданады. &nbsp;Өз қаражаты есебінен компьютер құрал-жабдығын, дизайнмен жасалған бұйымды шығаратын аппаратты, ламинат жасайтын құрылғыны сатып алған.<blockquote>– Пандемия уақытында жеке кәсіпкерлерге жұмыс жүргізу қиындық соқтырғаны мәлім. Күнкөріс деңгейін жақсарту үшін бір орныңда тұрып қалмау керек екендігін жақсы білемін. Сондықтан өзге қалалардан онлайн тапсырыс ала бастадым. Әсілінде, шығармашылықпен айналысқан адамға барлық мүмкіндік жан-жақты қарастырылған. Туған інімінің ұсынысымен бірнеше сала бойынша бағдарламалау жүйесімен шұғылдандым. Үлкен қалалардан көлемді тапсырыс орындай бастаған болатынмын. Әрине, жекелеген күрделі мәселелер артта қалды. Бүгінде тұрақты тұтынушыларымызға сапалы қызмет ұсынуға барымызды саламыз. Аудан тұрғындары тарапынан түскен ұсыныс бойынша графикалық дизайнмен жұмысты жетілдіре бермекпін, – деді Ғазизбек Шахмұратұлы.</blockquote>Көпшіліктің зор алғысын арқалаған Ғазизбек Сейтмұратовтың әкесі Шахмұрат аға – елімізге белгілі суретші. Жақында Қызылорда қаласында арнайы көрмесін өткізген ардақты жан Сыр жұртшылығының ыстық ықыласына бөленді. Анасы Рузада Беделбайқызы ұстаздық салада қажырлы еңбек еткен. Қазіргі уақытта Ғазекеңнің ата-анасы Алматы қаласында тұрады. Ол отбасында 4 ағайынды. Оның үлкен әпкесі Гүлдәурен көпбалалы ана болса, екінші әпкесі Сымбат – ағылшын пәнінің мұғалімі. Ақпараттық технология саласында қызмет ететін інісі Ғани ағасымен графикалық бағдарламалау ісі бойынша үнемі ақылдасып отырады.Үнемі жаңашылдықтан таймайтын Ғазекең 2012 жылы тереңөзектік Айгүл Сүлейменовамен шаңырақ көтерген. Қазіргі таңда жарасымды жұп төртінші перзентінің дүниеге келуін күтіп отыр. Бүгінде Айгүл Сүлейменова №35 Иса Тоқтыбаев атындағы мектеп-лицейде оқушыларға сабақ береді.Графикалық дизайн саласында мол тәжірибе жинақтаған жеке кәсіпкер алдағы уақытта бірқатар шет мемлекетпен байланыс орнатуды жоспарлауда. &nbsp;Өйткені, өзге мемлекеттерден тапсырыс алу – жаңа жобаларды жүзеге асыруға жол ашады.Ақпараттық технология саласына барынша машықтанған жеке кәсіпкер кәсібінің өрісін кеңейте бермек. Шығармашылықпен тұрақты айналысқан ол әрбір қалада жұмыс сапасына байланысты қаражат өзгеше төленетіндігін тілге тиек етеді. Оның қызметінде мүлдем қателесуге жол берілмейді. Бір жерден қате кеткен жағдайда бірнеше қағазды қайта шығаруға тура келеді. Сондықтан төзімділікті, икемділікті жанына серік еткен Ғазизбек Сейтмұратовты аудан халқы жақсы таниды. Жерлестері мақтан тұтады. Қай кезде де өзіне жоғары талап қоя білетін әмбебап маманның жұмысына сәттілік тілейміз! &nbsp;

Ғазизбек Сейтмұратов: Шығармашылықпен айналысқанда үнемі ізденіс үстінде болған жөн

<a href="https://kyzylorda-news.kz/">Kyzylorda-news.kz.</a> «Сыр елі – жыр елі» деген атақ Алаш анасының төсін емген мұқым елге жайдан-жай беріліп, не болмаса сөздің ұйқасымен айтыла салған жоқ. Мұның артында қаншама сүлейлер мен шайырлардың еңбегі жатыр. Сонымен қатар Сыр халқының ән мен жырды жанындай жақсы көріп, жатқа айтып, бабалардан мирас ретінде қалған саф өнердің қаймағын бұзбай, болашаққа сол қалпында табыстап келе жатқандықтарына берілген баға деп білеміз. Осы тұста мәдениет саласында атқарылып жатқан ілкімді істерді білмек ниетте аудандық мәдениет бөлімінің басшысы Аруна Әзімханмен сұхбаттасқанды жөн көрдік.– Аруна Өркенқызы, сіздің бұл салаға басшылыққа келгеніңізге 1 жыл енді толады. Осы бөлімге қарасты мәдениет ошақтары туралы айта кетсеңіз... Жасыратыны жоқ, ауданға қарасты елді мекендерде тозығы жеткен, жөндеуді қажет ететін клубтар бар. Олардың саны қанша? Материалдық-техникалық база жағынан таршылық көрмейсіздер ме?– Қазіргі таңда Шиелі аудандық мәдениет және спорт бөліміне қарасты барлығы 28 мәдени ошақтары, 7 халықтық ұжым, 2 мәдени-демалыс кешені, Шиелі аудандық орталықтандырылған кітапханалар жүйесіне қарасты 32 кітапхана, спорт клубы халыққа қызмет көрсетеді. Бұл мекемелердің көбі ауылдық округтерде орналасқандықтан бөлімге қарасты мәдениет ошақтарының жұмысын қадағалап, назарда ұстап отыру үшін мәдени-шығармашылық орталығында 4 кураторлық топ жұмыс істейді. Әр аймаққа бөлінген куратор өзіне бекітілген аймақтармен тығыз байланыс жасап, әрдайым әдістемелік көмектер көрсетіп, олардың тыныс-тіршілігінен хабардар болып отырады. Аудан бойынша 8 апаттық және арнайы ғимараты жоқ 2 клуб үйі бар. Бүгінгі күнге дейін жалпы аудан бойынша Сұлутөбе, Тартоғай, Бәйгеқұм, Еңбекші, Ш.Қодаманов ауылдық мәдениет үйлері жаңа ғимаратқа көшсе, өткен жылы Жиделіарық ауылдық клуб үйінің жаңа ғимараты пайдалануға берілді. Алдағы уақытта осы бағыттағы жұмыстар жалғасын табатын болады.Сонымен қатар материалдық-техникалық базаны нығайту мақсатында мәдениет үйлері мен клуб кәсіпорындарына ұлттық киімдер, дыбыс күшейткіш аппаратуралары мен компьютерлер алынды. Қажетті жас мамандармен толықтыру үшін өткен жылы Бұдабай Қабылұлы атындағы мәдени-шығармашылық орталығына, Бәйгеқұм, Байсын, Ы.Жақаев, Н.Бекежанов, Бала би мәдениет үйлеріне 6,0 штаттық бірлік берілді. Мұның өзі – адамның құлшыныспен жұмыс істеуіне зор ықпал ететін фактор. Осы ретте жаңадан пайдалануға берілген мәдениет үйлерінде ауыл халқының игілігі үшін қаншама жиындар, республикалық шаралар, мүшәйралар, айтыстар т.б. түрлі деңгейдегі іс-шаралар өткізіліп, ауыл халқының мәдени-рухани тұрғыдан дамуына зор ықпалын тигізуде.– Өткен барыс жылы аудан мәдениеті үшін қандай жағымды жаңалықтар мен жетістіктер алып келді?– Өткен жыл жаңа бастамаларға толы жыл болды. Жаңадан ашылған қобыз, саксафон, барабан үйірмелер өз жұмыстарын жандандырып, жергілікті өнерпаздар түрлі деңгейдегі байқаулар мен конкурстарға қатысып, жүлделі орындардан көрініп жүр. Б.Қабылұлы атындағы Шиелі аудандық мәдени-шығармашылық орталығы жанындағы «Ұлт аспаптар» халық оркестрінің жетекшісі Әділбек Тәшімов Қазақстан Республикасының «Мәдениет саласының үздігі» төсбелгісінің иегері атанып, дәулескер күйші Әлшекей Бектібайұлының 175 жылдық мерейтойына арналған «Дәуірлер бейнесі домбыра үнінде» атты республикалық күйшілер байқауында бас жүлде иеленді. Сонымен қатар Әділбек Тәшімов «Әлшекей Бектібайұлы» төсбелгісін кеудесіне тақты. Ал Қызылорда қаласында өткен КСРО-ның Халық әртісі, Халық қаһарманы Роза Бағланованың 100 жылдығына орай ұйымдастырылған облыстық байқаудан ән үйірмесінің мүшелері Айгүл Еркінбайқызы жүлделі 2, Сафуан Көрегенов 3-орынды, «Арман» мәдениет үйінің «Жеті нота» үйірмесінің жетекшісі Дәурен Беркімбаев Астана қаласында өткен Қазақстан және КСРО Халық әртісі , Халық қаһарманы Роза Бағланованың 100 жылдығына арналған халықаралық вокалистер конкурсында Роза Бағланованың отбасы атынан арнайы жүлдеге ие болды.– Осыған дейін көптеген мемлекеттік бағдарламалар жүзеге асырылды. Ұлттық құндылығымызды насихаттауда атқарылған жұмыстардың нәтижесі қандай?– Ұлттық құндылықтар – ұлттың қазынасы. Ақын Бұдабай Қабылұлының 180 жылдығына арналған «Өзге сөзден өлеңге ұста Бұдабай» атты республикалық жыраулар фестивалі, Иманжүсіп Құтпанұлының 160 жылдығына арналған «Қазаққа аты мәшкүр Иманжүсіп» атты республикалық әнші-жыршылар фестивалі, Нартай мұраларын насихаттау мақсатында «Нартай мұралары» фестивалі, «Құрмет» орденінің иегері, әнші-композитор Ә.Ноғайбаевтың 75 жасқа толу мерейтойына арналған «Әні әдемі Әлмырза» атты республикалық дәстүрлі әншілер фестивалі, айтыс жанрына келер болсам, қарымды қаламгер Дүйсенбі Смайыловтың 90 жылдығына орай «Маржаны Сырдың Шиелі» атты республикалық ақындар айтысы, Сырдың Бас ақыны Махамбетқали Тұрсановтың 85 жылдығына арналған «Жарқылдап өткен алдаспан, Махамбетқали марқасқам» атты облыстық оқушылар, «Ақындықтың тұғырынан түспеген Махамбетқали» атты облыстық жас ақындар айтыстары, Ұлттық домбыра күніне орай «Домбыра – көненің көзі, бабаның үні» атты облыстық жас домбырашылар байқауы, отбасы құндылығын насихаттау бағытында Отбасы күніне орай «Әке – ер, ана – жігер, бір үйде екі кемеңгер» атты көпбалалы отбасылар арасында байқау ұйымдастырылса, ұлттық құндылықтарымызды насихаттайтын 8 наурыз Халықаралық әйелдер күні мерекесіне арналған «Әйел күннің шуағынан жаралған» атты салтанатты кеш көптің есінде біраз уақытқа дейін сақталатыны даусыз. Сонымен қатар 18 сәуір «Халықаралық ескерткіштерді қорғау күніне» орай тарихи-мәдени мұраларды толықтыру мақсатында мемлекет қорғау тізіміне алынбаған ескерткіштерге барлау жұмыстары жүргізіледі. Қазақ биі – ұлттық дәстүрді, салтты танытатын өнердің төресі десек, артық айтқандығымыз емес. Сондықтан ауданымызда кенже қалған ұлттық биді дамытуға жұмыстар жүргізілу үстінде. Мәдениеттің негізгі жұмысы – ұлттың ұрпағын тәрбиелеу дейтін болсақ, осындай іс-шаралар ұлттық құндылықтарымызды дәріптеп, сақтауға қызмет етеді деген сенімдеміз.– Сәті түсіп тұрғанда сұрағаным жөн болар. Осыдан тура 3 жыл бұрын «Жан дауа» атты спектакль сахналанғаны есте. Мәдениет үйінің өнерпаздары көрермендерін тамаша туындымен тәнті еткен болатын. Шиелілік өнер ұжымы көрермендердің театрға деген сағынышын қашан басады?– Расында, театр – хас сұлудың көз жасындай мөлдір өнер. Сол өнерді түсініп, сол өнерден ләззат алатын болғандықтан болар, көзіқарақты көрерменнің театрды аңсайтыны. Бұдабай Қабылұлы атындағы аудандық мәдени-шығармашылық орталығы жанынан құрылған Халық театры Қызылорда облысы бойынша көркемөнерпаздар ұжымдарына «Халықтық» (үлгілі) атақтар беру туралы Қазақстан Республикасы Мәдениет және спорт министрлігінің бұйрығына сәйкес белгілі жырау Құрманбек Бекпейістің «Дүрбелең» спектаклін сахналап, «Халықтық» (үлгілі) атағын қорғады. Бүгінде театр ұжымы 27 наурыз – Халықаралық театр күніне орай жерлесіміз, драматург Сұлтанәлі Балғабаевтың 2 актілі «Бізде ғашық болғанбыз» драмасын сахналауға дайындық үстінде. Халық театрының алар асуы әлі алда.– Түйіндей келе, биылғы жаңашылдықтар мен өзгерістерге тоқталсаңыз... Жыл басынан бері қанша мәдени іс-шара өтті?– Аудан бойынша 4 республикалық, 10 облыстық байқаулар ұйымдастырылған. Негізінен бізде ұйымдастырылатын мәдениет және спорт ұйымдарымен өткізілетін шаралар ұлттық тәрбие беруге бағытталады. Өскелең ұрпақ бос уақыттарын мәдениет және спорт ұйымдарында өткізуге тиіс. Сондықтан біздегі үйірмелер жұмысын жандандыруымыз қажет. Биыл аудан орталығын да жоспарға сәйкес Екі мәрте Социалистік Еңбек Ері Ы.Жақаев атындағы ауыр атлетикадан 20 жасқа дейінгілер арасындағы республикалық турнир, әнші-сазгер Ш.Жанболатқызын еске алуға арналған «Сырдың Қараторғайы» атты сырнаймен орындаушылардың республикалық фестивалі, М.Шоқай атындағы Тәуелсіздік күніне арналған жасөспірімдер арасында қазақ күресінен республикалық турнир, И.Құтпанұлының 160 жылдығына арналған «Ақ балдақ алмасымның сынығысың» атты республикалық айтыс, ақын, жазушы, аудармашы Қ.Әбдіқадыровтың 120 жылдығына облыстық жас ақындар айтысын, ақын, жырау Асан қайғы Сәбитұлының есімін ұлықтау мақсатында «Тарихта жыры қалған Асан қайғы» атты облыстық жыршы-термешілер байқауы, жазушы О.Сәрсенбаевтың 85 жылдығына арналған «Сұлу Сырдың бойындағы иран бақ» атты облыстық жазба ақындар мүшайрасы өтеді.Бұл іс-шаралардың мақсаты балалар мен жасөспірімдерге, өскелең ұрпаққа ұлттық салт-дәстүрлерімізді сіңіру, халқымыздың мәдени мұралары мен рухани байлығын насихаттау, олардан шығармашылық тұлға қалыптастыру.

Мәдениеті биік елдің – мәртебесі биік

<a href="https://kyzylorda-news.kz/">Kyzylorda-news.kz.</a> Апта басында Шиелі аудандық мәдениет үйінде облыстық тексеру комиссиясының ұйымдастыруымен қаржылық бұзушылықтардың алдын алу және қаржылық тәртіпті нығайту жөнінде семинар өтті.Семинар-кеңеске аудан әкімінің орынбасары Б.Ысмағұлов облыстық қаржылық бақылау органдарының, аудан әкімі аппаратының, аудандық мәслихат аппаратының, дербес бөлімдердің, мекеме басшыларының және қала, кент, ауылдық округ әкімдерінің есепшілері мен қаржы жөніндегі жауапты мамандары қатысты. Мақсат – мемлекеттік және квазимемлекеттік сектор субъектілерінде қаржылық бұзушылықтардың алдын алу мен қаржылық тәртіпті нығайту.<blockquote>«Кез келген мекемеде қаржылық сауаты қалыптасқан есепші мамандар жұмыс істейді. Күнделікті жұмыс процесінде олқылықтарға жол бермеуі тиіс. Сондықтан да олардан қаржылық сауаттылық талап етіледі. Өз кезегінде сала мамандары тиімді және сапалы жұмыс жасауына бағыт-бағдар беретін бүгінгі семинардың көмегі зор. Біз қашанда сауатты әрі сапалы іс жүргізе білуіміз керек», – деді Болат Ысмағұлов.</blockquote>Аталған семинар-кеңесте күн тәртібінде тұрған 3 мәселе қаралды. Атап айтар болсақ, мемлекеттік аудитпен анықталған бұзушылықтар мен олардың алдын алу мәселелері талқыланып, мемлекеттік сатып алу заңнамасындағы өзгерістер мен мемлекеттік мекемелердің төлемдер жүргізу кезіндегі өзекті мәселелері түсіндірілді.Семинар соңындар қатысушылар талқыланған мәселелер жөнінде ұсыныс-пікірлерін ортаға салып, сауалдарына тұшымды жауап алды.

Болат Ысмағұлов: Біз қашанда сауатты әрі сапалы іс жүргізе білуіміз керек

<a href="https://kyzylorda-news.kz/">Kyzylorda-news.kz.</a>Бас санитар дәрігер Айжан Есмағамбетова "Қазақстан Республикасында қызылша бойынша санитариялық-эпидемияға қарсы және санитариялық-профилактикалық іс-шараларды ұйымдастыру және өткізу туралы" 2023 жылғы 14 наурыздағы қаулыға қол қойды. Онда қажет болған жағдайда жаппай вакцинация жүргізу мәселесі қозғалған деп хабарлайды <a href="https://stan.kz/kazakstanda-kizilshaga-karsi-shygil-vakcinaciya-zhurgiz-379347/">Stan.kz </a>ақпарат агенттігі.Қаулы санитариялық-эпидемиологиялық комиеттің ресми сайтында жарияланды. Құжатта вакцинамен басқарылатын инфекциялардың профилактикасы және иммундаудан бас тартулар салдары бойынша халық арасында ақпараттық-түсіндіру жұмысын күшейтуді қамтамасыз ету мақсатында мына ережелер бекітілген:Шетелдік азаматтарды қоса алғанда ақпараттандырылған келісімді алғаннан кейін қызылшамен ауыратын &nbsp;науқаспен соңғы байланыста болған сәттен бастап 72 сағаттан кешіктірмей байланыста болған 30 жасқа дейінгі адамдарға шұғыл вакцинация жүргізу; Аурудың соңғы жағдайы анықталған сәтінен бастап 21 тәуліктің ішінде байланыста болған адамдарды күнделікті медициналық бақылау; Вакцинациялаумен төмен қамтылған, халықтың қиын қолжетімді топтары бар және көшіп-қонушылардың, тіркелмеген адамдардың саны жоғары аумақтарға аса назар аудара отырып, &nbsp;өңір бойынша 30 жасқа дейінгі адамдардың егілуіне талдау жүргізуді, Қазақстан Республикасының азаматтары арасында қызылшаға қарсы егілмеген және егілуі туралы деректері жоқ адамдар анықталған кезде ақпараттандырылған келісімді алғаннан кейін оларды бір рет иммундау бойынша шаралар қабылдауды; Ақпараттандырылған келісімді алғаннан кейін бұрын қызылшаға қарсы егілмеген 55 жасқа дейінгі медицина қызметкерлерін вакцинациялауды ұйымдастыру; Облыстардың, Алматы, Шымкент, Астана қалаларының денсаулық сақтау басқармалары мен санитариялық-эпидемиологиялық бақылау департаменттерінің қызылшамен сырқаттанушылықтың &nbsp;профилактикасы және иммундаудан бас тарту &nbsp;салдары жөніндегі бірлескен жоспарын әзірлеуді және бекіту; Айта кетейік, бұған дейін денсаулық сақтау министрлігі елдегі қызылша&nbsp;

Қазақстанда қызылшаға қарсы шұғыл вакцинация жүргізілуі мүмкін

<a href="https://kyzylorda-news.kz/">Kyzylorda-news.kz.</a> Араздасқан достасып, салқын сезімнен қоштасатын қауышу күні биыл аудандық мәдениет үйі алдында ерекше аталып өтті. Жиылған жұрт құшағын айқара ашып, бір-бірін жаңа жасымен құттықтады. Шиелі жұртшылығы үшін осы мерекеде айтылған ізгі тілектер мен үлкендердің ақ батасы жаңа үміт пен жігер сыйлады.Бұл күні Б.Қабылұлы атындағы аудандық мәдениет үйінің алдында сонау сақтар заманынан, Тұмар патшайым дәуірінен бері жалғасып келе жатқан ұлттық дәстүр насихатталды. Игі шараны аудан өнерпаздары ұйымдастырды.Өнерсүйер қауым мәдениет үйінде бас қосып, көрісудің көркін келтірді. Шара барысында аудан әкімінің орынбасары Болат Ысмағұлов мерекемен құттықтады.<blockquote>«Дәстүр бойынша осы күні қыстан аман шыққан жұртымыз төс қағысып көріскен. Бұл күні адамдар бір-бірімен кездеседі, ренжіткен жерлері болса кешірім сұрайды. Сіздерге бақыт, амандық тілейміз, елімізде бейбітшілік пен молшылық болсын», – деді Болат Ысмағұлов.</blockquote>Одан соң мерекеге жиналған жұрт арасында «көже тауысар» ойыны ойнатылды. Әйелдер мен ерлер қол күрестен бақ сынаса, кейін мерекелік шара қайны мен жеңге арасындағы күреспен жалғасын тапты. Одан бөлек, қонақ кәде секілді түрлі қазақы дәстүрлермен әдемі кештің әсері арта түсті. Барлық белсенді қатысқандар ұйымдастырушылар тарапынан сыйлықсыз қалмады.Думанды кештегі аудан өнерпаздарының концерттік бағдарламасы көпшілікке көктем әсерін сыйлады. Сондай-ақ мерекеге жиналған жұрт арнайы тігілген шатырда отырып, наурыз-көжеден дәм татты. Мәдениет саласының ардагері Исабек Байкенжеев ақ батасын беріп, сала қызметкерлеріне шығармашылық табыс тіледі.Көрісу күні – Наурыз мейрамының басы. Жұрт көктемге аяқ басып, туыс-туған, көрші-көлеңмен жүздескеніне қуанып, қол алысып, төс қағысады. Бір-біріне деген араздық, өкпе-ренішті ұмытып, амандық тілесіп, қыстан аман-есен шыққанын айдың соңына дейін тойлайды.

Шиеліде көрісу күні аталып өтті

<a href="https://kyzylorda-news.kz/">Kyzylorda-news.kz.</a> «Демократия институты» ғылыми-зерттеу ассоциациясы қоғамдық бірлестігі кезектен тыс Мәжіліс сайлауының алғашқы Еxit poll нәтижесін жариялады, деп хабарлайды <a href="https://www.inform.kz/kz/ekinshi-exit-poll-natizhesi-zhariyalandy_a4047939">ҚазАқпарат</a>.Бұл нәтиже Qazaqstan телеарнасы өткізіп жатқан онлайн телемарафонда айтылды.Осылайша, жүргізген Еxit poll нәтижесі мынадай:1. Amanat партиясы – 53,33%2. «Ауыл» халықтық-демократиялық партиясы – 11,26%3. Respublica партиясы – 8,33%4. Қазақстан халық партиясы – 6,93%5. «Байтақ» жасылдар партиясы – 2,51%6. «Ақ жол» Қазақстан демократиялық партиясы – 8,87%7.Жалпыұлттық социал-демократиялық партия – 5,12%.Бірлестік мәліметінше, сайлаушылардың 54,83 пайызы дауыс беруге келген және оның 3,65 пайызы «Бәріне қарсымын» бағанасын таңдаған.Айта кетейік, еліміздің барлық өңірінде Мәжіліс пен жергілікті мәслихаттар депутаттарын сайлау өз мәресіне жетті.Ел бойынша нақтыланған деректерге сәйкес, сайлаушылар тізіміне 12 млн 35 004 сайлаушы енгізілді. Жалпы, сағат 20:00-дегі жағдай бойынша республиканың 6 509 695 азаматы бюллетень алды. Ол тізімге енгізілген азаматтардың 54,09 пайызын құрайды.

Қазақстан және Қызылорда облысының жаңалықтары