<a href="https://kyzylorda-news.kz/">Kyzylorda-news.kz.</a> 2022 жылы қызылордалықтарға көрсетілген медициналық қызметтердің сапасы мен көлемі бойынша 113 мыңнан аса ақау анықталды.Әлеуметтік медициналық сақтандыру қорының сарапшылары мемлекет тегін медициналық көмектің кепілді берілген көлемі (ТМККК) шеңберінде және міндетті әлеуметтік медициналық сақтандыру (МӘМС) пакеті бойынша жеткізушілер көрсеткен қызметтердің сапасы мен көлеміне мониторинг жүргізуді жалғастыруда.2022 жылдың 12 айында халыққа медициналық көмек көрсету кезінде &nbsp; &nbsp;113 683 түрлі кемшілік анықталды, медициналық ұйымдарға салынған айыппұл сомасы 1 млрд. 80 млн теңгеден асты.<blockquote>«ТМККК және МӘМС пакеттері бойынша Қор жеткізушілері халыққа көрсеткен медициналық қызметтер үшін ақы төлеу осы қызметтердің сапасы мен көлеміне мониторинг жүргізілгеннен кейін ғана жүргізілетінін атап өткен жөн. Іс жүзінде көрсетілген және медициналық көмек көрсету стандарттары мен ережелерін, сондай-ақ клиникалық хаттамалардың ұсынымдарын сақтай отырып, құжатпен расталған қызметтерге ақы төленеді», - деп атап өтті Әлеуметтік медициналық сақтандыру қорының Қызылорда облысы бойынша филиалының директоры Бақыт Исмаханбетов.</blockquote>Қор филиалының директоры түсіндіргендей, анықталған кемшіліктің ең көп саны жан басына шаққандағы нормативке кірмейтін, әрбір қызмет жеке төленетін консультациялық-диагностикалық қызметтерді көрсетумен байланысты. Жалпы құны 171,1 млн теңге болатын 68 861 осындай ақаулар тіркелді. Сондай-ақ, амбулаториялық-емханалық көмек көрсету кезінде 8 716 ақау, тәулік бойы жұмыс істейтін көп бейінді стационарларда медициналық көмек көрсету кезінде 7 376 кемшіліктер анықталды.Егер сізде сапалы медициналық қызметтерді алуға қатысты сұрақтар туындаса, онда өз емханаңыздың Пациентті қолдау қызметіне хабарласуыңыз қажет. Егер мәселені сол жерде шешу мүмкін болмаса, онда Әлеуметтік медициналық сақтандыру қорына өзіңізге ыңғайлы тәсілмен өтініш беріңіз: fms.kz ресми сайты, 1406 байланыс орталығы, Qoldau 24/7 мобильді қосымшасы және Telegram-дағы SaqtandyryBot.

Медицина: Қызылордада былтыр 113 мыңнан аса ақау анықталды

<a href="https://kyzylorda-news.kz/">Kyzylorda-news.kz.</a> 8 наурыз – Халықаралық әйелдер күні қарсаңында аймақ басшысы Нұрлыбек Нәлібаев Ана мен бала орталығы және «Persona Medical» клиникасының қызметімен танысып, осы ұжымдарда қызмет ететін қыз-келіншектерді мерекемен құттықтады.<blockquote>«Елімізде Президент тапсырмасымен ана мен баланың денсаулығын жақсарту үшін бірқатар жұмыстар атқарылуда. Кәсіпкер демеушілігімен облыс орталығында "Анаға тағзым" орталығының құрылысы салынуда. Көпбалалы отбасыларға көрсетілетін көмек мөлшері де жыл өткен сайын ұлғайып келеді.Ана мен бала орталығы ұжымының әр әйелдің ана бақытын сезінуіне қосқан үлесі өлшеусіз деп білемін. Жарық дүние есігін ашқан әр нәресте мен оның анасына қамқорлықтарыңызды аямай, қызмет көрсетіп келесіздер. Сіздердің кәсіби біліктіліктеріңіздің арқасында әр отбасы іңгәлаған сәби үнімен тербеліп, бақытқа кенелуде. Барлығыңызды көктемнің көркем мерекесімен құттықтай отырып, еңбектеріңізге табыс тілеймін! Әр үйдің базары – балаларымыздың болашағы жарқын болсын, аналарымыздың денсаулығы зор болсын!», – деді құттықтау сөзінде Нұрлыбек Машбекұлы.</blockquote>Мекеме ұжымымен сұхбаттасу кезінде аймақ басшысы жаңа туған сәбиінің атын қоюды сұраған ана тілегін орындап, Алаш ардақтысы, ақын Мағжан Жұмабаевтың 130 жылдығына орай балаға Мағжан деген есім берді.Облыс әкімі орталықтағы жаңа туған нәрестелерді реанимациялау бөлімшесінің, перзентхана блогының және қарқынды терапия бөлімінің жұмысымен танысты.Еске салсақ, 320 орындық Ана мен бала орталығы 2014 жылы пайдалануға берілген. Мұнда 713 қызметкер еңбек етуде. Өткен жылы мекеменің артық жүктемесін төмендету үшін жүктіліктің физиологиялық ағымы бар әйелдерді емдеуге арналған 50 төсектік қосымша ғимарат ашылды. Алдағы уақытта Қызылорда қаласында 200 төсектік перинаталдық орталықтың жаңа ғимаратын салу жоспарлануда. Ана мен бала денсаулығын жақсарту мақсатында облыстық перинаталды орталық базасында кеңес беру-диагностикалық бөлімі ашылды.Әрі қарай аймақ басшысы облыс орталығындағы танымал емдеу мекемелерінің бірі – «Persona Medical» клиникасына барды. Клиника 2017 жылдан бастап қызмет атқарып келеді, ауысымына 150 келушіге арналған. Мұнда 50 дәрігер жұмыс жасайды, олардың 90%-ның жұмыс өтілі 25 жылдан асады. Бүгінгі таңда 12 560-тан астам бала осы клиникада кеңес алып, ем қабылдаған.Облыс әкімі мекемедегі ультрадыбыстық зерттеу, стоматология және арнайы мамандардың қызметімен танысты. Ұжымдағы қыз-келіншектерге ізгі тілегін білдіріп, клиника жұмысына сәттілік тіледі.<figure class="image"><img src="https://knadmin.beoblood.kz/uploads/332883234_205153755433403_1948226494486242564_n_b58ed037b8.jpg" alt="332883234_205153755433403_1948226494486242564_n.jpg"></figure>&nbsp;<figure class="image"><img src="https://knadmin.beoblood.kz/uploads/332340484_1885406475192155_1842756918412891283_n_6981503a59.jpg" alt="332340484_1885406475192155_1842756918412891283_n.jpg"></figure>&nbsp;<figure class="image"><img src="https://knadmin.beoblood.kz/uploads/333562535_1190818155132000_2463134772993191529_n_7309a12f42.jpg" alt="333562535_1190818155132000_2463134772993191529_n.jpg"></figure>&nbsp;<figure class="image"><img src="https://knadmin.beoblood.kz/uploads/332154616_219728817207683_8428217234099180268_n_8a15fc1503.jpg" alt="332154616_219728817207683_8428217234099180268_n.jpg"></figure>

Нұрлыбек Нәлібаев  ақ халатты нәзік жандарды халықаралық әйелдер күнімен құттықтады

<a href="https://kyzylorda-news.kz/">Kyzylorda-news.kz.</a> 8 наурыз – Халықаралық әйелдер күні қарсаңында аймақ басшысы Нұрлыбек Нәлібаев Қызылорда облысының Құрметті азаматы, еңбек ардагері Алма Ақдәулетованың үйіне барып, келе жатқан мерекемен және туған күнімен құттықтады.Нұрлыбек Машбекұлы ұлағатты ұстазға ұзақ жыл бойы аянбай еңбек еткені үшін алғыс білдіріп, зор денсаулық тіледі.<blockquote>«Сіздің өмір, &nbsp;еңбек жолыңыз, жеткен жетістіктеріңіз – ізіңізден ерген жас ұрпаққа өнеге. Жоғары білім беру, ғылым саласындағы дара жолыңызды осы бағытты таңдаған талапкерлер үлгі тұтады. Облыстық партия, &nbsp;атқару комитетінде ер азаматтармен қатар жүріп атқарған қызметтеріңіз қай кезде де қоғам құрметіне бөленді. &nbsp;Облыстық кеңес депутаты, әйелдер қоғамының төрайымы болған кездегі елге сіңірген еңбегіңізді жұртшылық жоғары бағалады. Сізді алдымыздағы &nbsp;арқасүйер үлкеніміз, жанашыр тілекшіміз ретінде әрдайым құрмет тұтамыз. Қамқор пейілмен, ақ ниетпен айтатын ақыл-кеңестеріңізден Сыр елінің жарқын болашағына деген жанашырлығыңызды, мол тәжірибеңізден түйген тағылымыңызды байқаймыз», – деді құттықтау сөзінде Нұрлыбек Машбекұлы.</blockquote>Айта кетейік, Алма Танабайқызы 8 наурыз күні 90 жас мерейтойын тойламақ. 1950-1954 жылдары Қызылорда &nbsp;педагогикалық институтында оқыған ол осы институтта оқытушы болып, студенттерге дәріс берген. Еңбек жолында 1969 жылы Қызылорда облыстық партия комитетінің ғылым және білім бөлімінің меңгерушісі, 1973 жылы облыстық Кеңес атқару Комитетінің жауапты хатшысы, 1978-1988 жылдары облыстық Кеңес атқару комитеті төрағасының орынбасары қызметін атқарған.&nbsp;Алма Ақдәулетова – облыстық дәрежедегі дербес зейнеткер. Қазақстан Республикасының «Құрмет белгісі» орденінің, «Ерен еңбегі үшін» медалінің, Қазақ ССР Жоғарғы Кеңесі Құрмет грамотасының иегері. Кеңестер Одағы деңгейіндегі Әйелдер съезіне делегат болған. ҚР Президентінің «Алғыс хатымен», көптеген медальмен марапатталған. Қызылорда облысының Құрметті азаматы. &nbsp;<figure class="image"><img src="https://knadmin.beoblood.kz/uploads/332189539_5805895906197569_81833909286551860_n_e2606eaf20.jpg" alt="332189539_5805895906197569_81833909286551860_n.jpg"></figure>

Облыс әкімі ұлағатты ұстаз Алма Ақдәулетованы құттықтады

<a href="https://kyzylorda-news.kz/">Kyzylorda-news.kz.</a> Бизнеспен айналысқанына отыз жылдан асқан қызылордалық кәсіпкер Жаңабай Бекішев «СТ-КZ» сертификатын отандық өнім өндірушілердің басты құжаты деп санайды.Жаңабай Бекішев – «Квант» Қызылорда механикалық зауытының директоры әрі құрылтайшысы. Зауыт мамандары металл өңдеп, түрлі бұйым, сондай-ақ өндіріске, медицинаға, тұрмысқа қажет газдар шығарады, электр қондырғыларын жөндеумен айналысады. 50-ге жуық азаматты жұмыспен қамтып отыр.Кәсіпкердің ауыл шаруашылығы, су шаруашылығына арналған қондырғыларына еліміздің барлық өңірінен және көрші Қырғызстан мен Ресейден жиі тапсырыс түседі.<blockquote>«Біз қазақстандық өнім өндіруші екенімізді дәлелдеу үшін Қызылорда облысының кәсіпкерлер палатасынан СТ-КZ сертификатын тұрақты түрде алып келеміз. Бұл сертификат – мемлекеттік сатып алуға қатысу барысында талап етілетін негізгі құжаттардың бірі. Талап орынды. Себебі кейде өнім өндірмейтін азаматтар да «отандық өнім» деген желеумен өзге елдің тауарын өткізуі мүмкін. Соларға тосқауыл қоятын, отандық тауарөндірушілерді қорғайтын басты құрал», – дейді «Квант» ҚМЗ» ЖШС директоры Жаңабай Бекішев.</blockquote>Кәсіпкер соңғы кезде сертификатты беру жұмыстарының электрон жүйеге көшкеніне оң бағасын берді.<blockquote>«Бұрын құжаттарымызды қолма-қол, қағазбен тапсыратынбыз. Қателіктер анықталған жағдайда жөндеп, қайта өткіземіз. Ол қосымша шығын әрі біраз уақытыңды алады. Кәсіпкерлер палатасының электрондық жүйеге көшіруінің арқасында қазір жағдай анағұрлым жеңілдеді», – дейді кәсіпкер.</blockquote>Жаңабай Бекішев «СТ-КZ» сертификатын беру жұмысы толық жолға қойылғанын атап өтті. Бұл бағытта «Атамекеннің» кәсіпкерлермен күнделікті байланыста болып, ұсыныс-пікірлерін ескеріп, қолдау шараларын жетілдіріп жатқаны көңілден шығатынын жеткізді.«Сертификатты отандық өндірушілердің құқығын қорғаушы «Атамекеннің» бергені дұрыс. Жұмыс істеп тұрған жүйені бұзудың керегі жоқ. Бізге сол ыңғайлы», – деді «Квант» ҚМЗ» ЖШС директоры.Сертификат алуға байланысты сұрақтарыңыз болса Қызылорда облысы кәсіпкерлер палатасының мамандары (Ләззат Тәжібаева, Айман Сәдуова) жауап беруге әзір. Байланыс тел.: 8 /7242/ 40-09-81.

«СТ-КZ» сертификатын отандық өндірушілердің құқығын қорғаушы «Атамекен» бергені дұрыс

<a href="https://kyzylorda-news.kz/">Kyzylorda-news.kz.</a> Қорқыт ата атындағы Қызылорда университетінің ғалымдары ғылыми зерттеулер нәтижесінде ел экономикасының дамуына үлес қосуда.Мереке қарсаңында назарларыңызға қызылордалық әйел ғалымдардың ТОП – 5 ғылыми жаңалығын ұсынамыз.<figure class="image image_resized" style="width:100%;"><img src="https://knadmin.beoblood.kz/uploads/Laura_e698acf2eb.jpg" alt="Лаура.jpg"></figure>1. Дәнді дақылдың жаңа сорттарын &nbsp;шығардыАуыл шаруашылығы ғылымдарының докторы, Қорқыт ата атындағы Қызылорда университетінің «Аграрлық технологиялар» кафедрасының профессоры Тохетова Лаура Ануарқызы – дәнді дақылдардың жаңа сорттарын шығаруда.Лаура Ануарқызы өзге де ғалымдармен бірлесіп көп жылдар бойы жүргізілген ғылыми зерттеулер нәтижесінде «Сыр Аруы», «Қымбат», «Сымбат», «Құралай», «Елік», «Инкар», «Шахристан», «Қайсар», «Алтын арай» атты жаздық арпа сорттарын, бидайдың «Зарина» сортын классикалық селекция әдістерімен шығарды.Оның басшылығымен алғаш рет Қызылорда облысында дәнді дақылдар (арпа, бидай, сұлы) бойынша толық ауқымды селекциялық процессі ұйымдастырылды, сонымен қатар өсімдік шаруашылығы саласын әртараптандырудың ғылыми-практикалық негізі әзірленді. &nbsp;Ғалымның жетекшілігімен арпаның, бидайдың және сұлының &nbsp;стресстік факторларға төзімді 750 сортүлгілерден тұратын генетикалық коллекциясы қалыптастырылып, практикалық селекцияда ген-көзі ретінде кеңінен пайдалануда.<img class="image_resized" style="width:100%;" src="https://knadmin.beoblood.kz/uploads/Zhuldyz_da12094f36.jpg" alt="Жулдыз.jpg">2. Қаймақ әзірлеудің жаңа әдісін әзірледіҚорқыт ата атындағы Қызылорда университетінің қауымдастырылған профессоры, техника ғылымдарының кандидаты Смаилова Жұлдыз Жолдасқызы – &nbsp;сүт өнімдерінің биологиялық, тағамдық құндылығын арттыру, шикізат ассортиментін кеңейту, сүт шикізатын үнемдеу әдістерін зерттеуде.Ғалымның &nbsp;«Пробиотикалық ашытқыны қолдана отырып қаймақ алу әдісі» атты моделі ҚР Әділет Министрлігі Зияткерлік меншік құқығы Комитетінің &nbsp;Ұлттық зияткерлік меншік институтында тіркеліп, патент алды.Педагог экологиялық таза азық-түлік өнімдерін әзірлеу және &nbsp;әртүрлі аурудың алдын алу, ағзаның қорғаныш функцияларын нығайту үшін емдік-профилактикалық мақсаттағы өнімдер технологиясын әзірлеуге бағытталатын жұмыстармен айналысуда.<figure class="image image_resized" style="width:100%;"><img src="https://knadmin.beoblood.kz/uploads/Shildebaj_Lyazzat_adyrbek_yzy_8f311288cb.jpg" alt="Шілдебай Ляззат Қадырбекқызы.jpg"></figure>3.Ұлттық нақыштағы киімдердің жаңа үлгісін жасадыҚорқыт ата атындағы Қызылорда университетінің «Дизайн және технология» кафедрасының қауымдастырылған профессоры, техника ғылымдарының кандидаты Шілдебаева Ләззат Қадырбекқызы – дәстүрлі қазақ костюмі негізінде заманауи киімдерді жобалау әдістемесін әзірлеуде.&nbsp;Ләззат Қадырбекқызы «Қазақтың ұлттық костюм негіндегі қазіргі заман киімдері. Modern clothes manufacturing based on kazakh national dress. Современная одежда на основе казахского традиционного костюма» Оқу құралы. Учебное пособие. Train aid» еңбегіне ҰЗМИ-нан №25306 авторлық куәлік алды.&nbsp;2022 жылы Ләззат Шілдебаеваның жетекшілігімен Мемлекеттік ұлттық ғылыми-техникалық сараптама орталығында (МҰҒТСО) ғылыми-техникалық қызмет нәтижелері &nbsp;бойынша «Қайта өнделген жүнді пайдалану арқылы брендтік өнімдер өндірісін ұйымдастыру» жобасы тіркелді. Бүгінде «Қазақтың ұлттық киіміндегі ойма қалтаны өндеу әдісі» атты өнертабысы бойынша ғылыми зерттеу жұмыстарын жалғастыруда.&nbsp; Ғалым – 16 патент және17 авторлық куәлік авторы.<figure class="image"><img src="https://knadmin.beoblood.kz/uploads/Dinara_Niyazova_46ac339d05.jpeg" alt="Динара Ниязова.jpeg"></figure>4. Күріш сабанынан целлюлоза алу тәсілін ұсындыҚорқыт ата атындағы Қызылорда университетінің «Физика-химиялық талдау әдістері» инженерлік бейіндегі зертхананың ғылыми қызметкері, педагогика ғылымдарының магистрі Ниязова Динара Жұмабекқызы &nbsp;ғалымдармен біріге отырып, күріш сабанынан целлюлоза алу тәсілін ұсынды.Күріш сабанынан алынған целлюлоза қағаз бұйымдарын өндіруде қолданыс табуы мүмкін.&nbsp;Мақсатты өнім – целлюлозаның шығымы 42,7-70,3 мас.% құрады. Десиликация мен делигнификация үрдісі аса жоғары жиілікті сәуледендірудің 180Вт қуатында 15 мин бойы аммоний молибдаты қатысында (кремнийсізденген целлюлозалық массадан 5%) натрий гипохлоритін қоспай жүргізгенде оңтайлы болып табылды, осындай жолмен алынған өнімнің құрамындағы альфа-целлюлозаның мөлшері 74,45 мас. % құрады, бұл өнім №2А маркасына сәйкес келеді (ақ түсті офис қағазын өндіруге арналған целлюлоза).<figure class="image"><img src="https://knadmin.beoblood.kz/uploads/G_ln_r_Zha_ypova_08f0bb9f64.jpg" alt="Гүлнұр Жақыпова.jpg"></figure>5.Күл үйінділерінен құрылыс материалдарын даярлау жолын таптыҚорқыт ата атындағы Қызылорда универистетінің «Сәулет және құрылыс өндірісі» кафедрасының аға оқытушысы Жақыпова Гүлнұр Мұхамеджанқызы «Жергілікті шикізат ресурстары негізінде майда түйіршікті бетоннан төсеніш тақтайшаларын өндіру технологиясы» бойынша зерттеу жұмыстарын жүргізіп келеді.&nbsp;Технологияны өңдеу мен енгізу мәселесіне жылу энергетикасының көп тонналы қалдықтарын пайдалану ресурсты үнемдеуі негіз болып табылады. Осылайша, жылу электр орталығының күлін пайдалану құрылыс техникалық қасиеттерінің жақсаруымен құрылыс материалдың жаңа тиімді түрін өндіруге, капиталды және ағымдағы шығындарды, күл үйінділердің құрамын бірден төмендетуге мүмкіндік береді. Сонымен қатар, бұйымның өзіндік құнын айтарлықтай арзандатады. Осы мәселелерді шешу &nbsp;мақсатында «Жергілікті шикізат ресурстары негізінде майда түйіршікті бетоннан төсеніш тақтайшаларын өндіру технологиясы» тақырыбы негізінде зерттеу жұмыстарын жасау барысында 3 &nbsp;өнертабыс патентін алды.&nbsp;Атап айтсақ:1.Жол төсеніш тақтайшасына арналған құрам №4847; 2.Бетон құрамы № 5435; 3.Бетон араласпасының құрамы № 5304. Барлық өнертабыс патенттері жаңа құрамда жасалынған.&nbsp; Күл үйінділерін құрылыс материалдар өндірісінде қолдану арқылы біріншіден, аймақтың экологиялық жағдайы жақсарады, екіншіден, көп тонналы қалдықтарды утилизациялау мәселесі шешіледі.

Қызылордалық әйел ғалымдардың ТОП-5 ғылыми жаңалығы

<a href="https://kyzylorda-news.kz/">Kyzylorda-news.kz.</a> Демалыс күні аймақ басшысы Нұрлыбек Нәлібаев «Қайсар» футбол клубының маусымашар матчін тамашалап, Батыржан Шалғынбаев атындағы футзалдан республикалық турнирдің жабылу салтанатына қатысты.Еске салсақ, бүгін Орталық стадионда биылғы жылдың алғашқы ойыны - «Қайсар»-«Қызылжар» командаларының арасында матч өтті. Ойын «0:1» есебімен аяқталды.Әрі қарай аймақ басшысы «Евразия» спорт кешенінде өткен жауынгер-интернационалист Батыржан Шалғынбаевты еске алуға арналған футзалдан дәстүрлі республикалық турнирге қатысушыларды құттықтап, марапаттау рәсіміне қатысты. Мұндай байрақты бәсекелер өскелең ұрпаққа &nbsp;салауатты өмір салтын насихаттауда зор маңызға ие.Мемлекет басшысы Қасым-Жомарт Кемелұлы өз Жолдауында «...Бұқаралық спортты дамыту &nbsp;пирамидаға айналуы қажет. Оның басына чемпиондар шықса, соның негізінде біз сау әрі саналы ұрпақты, мықты ұлтты қалыптастырамыз», &nbsp;деген болатын.Өңірде спорт инфрақұрылымын дамытуға ерекше мән берілуде. Қазіргі таңда облыс бойынша 10 денешынықтыру және спорт кешенінің құрылысы жүргізілуде. Бұдан бөлек, биыл облыс орталығынан құны 6,9 млрд. теңгені құрайтын көпсалалы спорт кешенінің құрылысын бастау жоспарлануда. Алдағы уақытта жергілікті «Қайсар» футбол клубы үшін заманауи жабық стадион салу жұмыстары демеуші есебінен атқарылуда. Былтыр «Балалар жылы» аясында демеушілер көмегімен 1,6 млрд. теңгенің 80 спорт-ойын алаңы балдырғандарымызға тарту етілді. &nbsp;Бұл халықтың спортпен шұғылдануына, саламатты өмір салтын ұстануына мүмкіндік береді.Еске салсақ, кеше "Евразия" спорт кешенінде жауынгер-интернационалист Батыржан Шалғынбаевты еске алуға арналған футзалдан республикалық турнирдің ашылу салтанаты өтті. Биыл 27-ші мәрте ұйымдастырылған турнирге көршілес Өзбекстаннан және еліміздің 6 облысынан 32 команда, 640 спортшы қатысты.<figure class="image"><img src="https://knadmin.beoblood.kz/uploads/333036574_1630181780743470_657650615975574514_n_445e79b22d.jpg" alt="333036574_1630181780743470_657650615975574514_n.jpg"></figure><figure class="image"><img src="https://knadmin.beoblood.kz/uploads/328685354_856995058724222_7709426472820286572_n_f5545ff161.jpg" alt="328685354_856995058724222_7709426472820286572_n.jpg"></figure><figure class="image"><img src="https://knadmin.beoblood.kz/uploads/334606554_1256390431948628_7991976935011087221_n_09983112ef.jpg" alt="334606554_1256390431948628_7991976935011087221_n.jpg"></figure><figure class="image"><img src="https://knadmin.beoblood.kz/uploads/334524188_3359401151039280_765668823088675388_n_f73cfb4a3b.jpg" alt="334524188_3359401151039280_765668823088675388_n.jpg"></figure><figure class="image"><img src="https://knadmin.beoblood.kz/uploads/334435427_1220383208563830_8865251824747385379_n_9dcc0fb63d.jpg" alt="334435427_1220383208563830_8865251824747385379_n.jpg"></figure>

Нұрлыбек Нәлібаев қызылордалық спортшыларға жанкүйер болды

<a href="https://kyzylorda-news.kz/">Kyzylorda-news.kz.</a> 6 наурызда ауа райының бұзылуына байланысты бірнеше өңірде ескерту жариялады, деп хабарлайды Қазгидромет.Түнде Қызылорда облысының солтүстігі мен орталығында көктайғақ, тұман болады.&nbsp;

6 наурызға арналған ауа райы болжамы

<a href="https://kyzylorda-news.kz/">Kyzylorda-news.kz.</a> «Дарын» республикалық ғылыми-практикалық орталығының ұйымдастыруымен биылғы жылдың 1-3 наурыз аралығында білім беру ұйымдарының психологтары арасында «Үздік жыл психологы» атты республикалық конкурсы өтті. &nbsp;&nbsp;Байқаудың мақсаты - дарынды психологтарды анықтау мен қолдау және озық тәжірибені насихаттау.&nbsp;Байқауға республика бойынша білім беру ұйымдарынан 98 педагог-психолог маман қатысты. Байқау қорытындысы бойынша жүлделі ІІ орынды Қызылорда қаласындағы №268 мектеп-лицейінің педагог-психологы Жадыра Бажеева иеленді.

Қызылордалық психолог республикалық байқауда жеңімпаз атанды

<a href="https://kyzylorda-news.kz/">Kyzylorda-news.kz.</a> Өткен жылы Қазақстанда өздерін тым толық деп санайтын ұлдар мен қыздардың үлесі артқан. 2018 жылы ұлдардың тек 8,8% және 11-15 жас аралығындағы қыздардың 12,9% өздерін тым толық деп санаған болса, 2022 жылғы зерттеу көрсеткендей, қазір ұлдардың 14,3% және қыздардың 18,8% өздерін салмағы тым жоғарылар қатарына жатқызады. Бұл – ҚР ДСМ Қоғамдық денсаулық сақтау ұлттық орталығы дайындаған «Қазақстан оқушыларының өмір салты факторлары, олардың физикалық, психикалық денсаулығы мен әл-ауқаты» ұлттық есебінің деректері, деп хабарлайды <a href="https://www.inform.kz/kz/hhi-gasyrdyn-zhahandyk-problemasy-kazakstandyktardyn-20-astamy-semizdikke-shaldykkan_a4042618">ҚазАқпарат</a>.Семіздік жыл сайын «жасарып» келедіҚоғамдық денсаулық сақтау ұлттық орталығының мәліметінше, қазақстандықтардың 20% астамы семіздікке шалдыққан.<blockquote>«ҚР ДСМ статистикалық деректері бойынша 2021 жылдың басында 0-17 жас аралығындағы 6 491 бала семіздікпен диспансерлік есепте тұрды. 40 пен 60 жас аралығындағы ересектер семіздікке жиі ұшырайды. Өйткені зат алмасу процестері баяулайды, физикалық белсенділік төмендейді және тамақтану әдеттерін өзгерту қиын. Семіздік жылдан-жылға «жасарып» келеді: жас балалар 40 жыл бұрынғы кезбен салыстырғанда 10 есе жиі зардап шегуде», - деп атап өтеді Ұлттық денсаулық сақтау орталығынан.</blockquote>Оған қоса, артық салмақ өмір сүру ұзақтығын орта есеппен 7 жылға қысқартатыны да дәлелденді. Балалар семіздігі – семіздіктің, ерте өлімнің және ересек жастағы мүгедектіктің жоғары ықтималдығын тудыратын фактор. Сондай-ақ семіздік көптеген аурудың, соның ішінде қатерлі ісік, жүрек-қан тамырлары аурулары, 2-типті қант диабеті және созылмалы респираторлық аурулар қаупін арттырады, бұл кейінірек мүгедектікке немесе өлімге әкелуі мүмкін.Балалар семіздігі көптеген ауруларды асқындырады және қант диабеті, жүрек-қан тамырлары сырқатының ерте дамуын, сондай-ақ ұйқы кезіндегі апноэ, психологиялық күйзеліс, инсулинге төзімділік қаупін арттырады. Сонымен қатар ентікпе, тірек-қимыл жүйесінің бұзылуы, кейбір онкологиялық аурулар туындауы ықтимал.Тамақтану мәдениетінің бұзылуыҚоғамдық денсаулық сақтау ұлттық орталығының сарапшылары атап өткендей, семіздіктің басты себебі тамақтану әдеттерінде жатыр – фаст-фудқа деген құштарлық, жартылай фабрикаттар, өнеркәсіптік тұздықтардың басым болуы, қазіргі өмір салтының ерекшеліктері, жылдам тағамдар, құрамында қант мөлшері жоғары сусындар, оған қоса смартфондар, теледидар, планшет тамақтану кезінде көп алаңдатады. Көптеген отбасында толық түскі және кешкі ас дайындауға уақыт болмайды. Одан тапсырыспен үйге тамақ алдыру оңай және жылдам.<blockquote>«Ересектерде де, балаларда да семіздіктің жалпы себебі – шектен тыс тамақтану. Шамадан тыс тамақтанудың да көптеген себептері бар, бұл жалғыздық, мазасыздық, сағыныш сияқты психоэмоционалды факторлар. Бұл жағдайда тамақ жағымды эмоциялардың орнын басады. Тамақтану мәдениетіндегі үлкен қателік – балалардың таңғы астан бас тартуы, бұл да түрлі себептерден туындауы мүмкін: кешкі асты тойып ішу, отбасында күнделікті таңғы ас ішу әдетінің болмауы және т.б. Оған қоса, балалар белсенді ойындарға қарағанда гаджеттерді жақсы көреді. Ата-аналардың жартысынан көбі артық салмағы бар немесе семіздікке шалдыққан баласының дене бітімін қалыпты деп санайды. Алайда, үлкендер байқағысы келмейтін нәрсе құрдастарының көзіне түседі. Толық балалар көбінесе буллингтің құрбаны болады, сондықтан олар тұйықталып, одан сайын стреске түседі», - деп түсіндірді орталықтың жұқпалы емес аурулардың алдын алу бөлімінің басшысы Наталья Сүлейменова.</blockquote>Ұйқының болмауы және созылмалы ұйқысыздық ағзаға ауыр стресс болады, өйткені ол биохимиялық процестерді айтарлықтай нашарлатады. Энергияның жетіспеушілігін толтыруға тырысу үшін адамдар көбінесе кофені ғана емес, жалпы тағамды да тұтынады, бұл салмақ қосуға әкеледі. Тамақтанудың мәдени ерекшеліктері де маңызды рөл атқарады – майлы тағамдар, ұн өнімдерін көбірек жеп, көкөніс пен жемістерді аз тұтыну.Зиянды өнімдер жарнамасының тамақтануға ықпалы қандай?2018 жылы Қоғамдық денсаулық сақтау ұлттық орталығы теледидардағы азық-түлік жарнамасына жүргізген зерттеуі халықтың, әсіресе балалар мен жастардың теледидардағы зиянды азық-түлік жарнамасының күшті ықпалына ұшырайтынын көрсетті. Азық-түлік пен сусындарды жарнамалау ұлттық телеарналардағы барлық жарнамалардың үштен бірін құраған – 32,8%. ДДҰ ұсынымдарына сәйкес, құрамында майы, қант немесе тұзы көп тағамдарды жарнамалау бойынша шектеу шаралары болса, жарнамаланатын тамақ пен сусындардың 72,3% тыйым салынатын еді.Сонымен қатар қантты сусындар, соның ішінде кола, лимонад және басқалары ең жиі жарнамаланады (22%). Содан кейін шоколад, кондитерлік өнімдер және энергетикалық батончиктер теледидардағы азық-түлік жарнамасының 17,1% құрайды. Орташа алғанда, қазақстандық балалар бір сағатта тамақ өнімдеріне арналған 9,1 телевизиялық жарнаманы көреді, оның ішінде қант, май және/немесе тұзы жоғары тағамдар мен сусындар туралы 6,6 жарнама бар.Қазақстанда балалардағы семіздіктің таралуы бойынша ДДҰ (COSI, WHO Childhood obesity Surveillance Initiative, 2016 жыл) зерттеу нәтижелері ана сүтін ембеген немесе оны сирек қабылдаған балалардың кішкентай кезінде семіздік қаупі жоғары болатынын көрсетеді.Семіздікпен қалай күресуге боладыҰлттық денсаулық сақтау орталығының мамандары тамақтануды бақылауды, алкогольді шектеуді, физикалық белсенділікті арттыруды, режимді қалыпқа келтіруді және психоэмоционалды жағдайды жақсартуды ұсынады.<blockquote>«Семіздіктің кез келген түрі қандай да бір жолмен тағамдық факторға негізделгенін ескере отырып, тұтынылатын тағамның сапасы мен мөлшеріне назар аудару керек. Әйтпесе, артық салмақпен күрес туралы айту мүмкін емес. Бұл ретте ораза ұстау, әсіресе судан бас тарту пайдасыз және зиянды болуы мүмкін. Аралық ми бөлігіндегі белгілі бір аштық нүктелерінің тітіркенуі адамның шамадан тыс көп тамақ жеуіне әкеп соғады. Дене алынған тағамды болашақта пайдалану үшін май түрінде сақтайды және кері әсер пайда болады. Тәулігіне килокалория мөлшері нормадан аспайтынына көз жеткізу керек, бұл әйелдерде дене салмағының 1 келісіне – 22 ккал, ал ерлерде 22,4 килокалорияны құрайды. Сонымен қатар күнделікті диетаны 100 ккал-ға азайту күнделікті массаның 11 грамға төмендеуіне ықпал етеді. Бұл біреуге аз болып көрінуі мүмкін, бірақ 3 айда бұл көрсеткіш шамамен 1 кг болады. Ақуыздың, дәрумендердің, микроэлементтердің оңтайлы мөлшерімен қамтамасыз етіп, жеңіл, сіңімді көмірсулар, майларды шектеу керек. Ас тұзына да тыйым салу керек. Біріншіден, бұл дәм мен тәбетті арттырады, екіншіден, ағзадағы суды ұстап тұрады», - деп түсіндірді сарапшы Наталья Сүлейменова.</blockquote>Оның айтуынша, алкогольді шамадан тыс тұтыну семіздікпен тығыз байланысты. Біріншіден, алкоголь тәбетті арттырады, адам көп тамақ жейді. Екіншіден, ол аралық ми бөлігіндегі қанықтыру орталығының сезімталдығын төмендетеді. Этил спиртінің өзі – жоғары энергиялы және жоғары калориялы өнім.<blockquote>«Ағзаға түсетін және тұтынылатын килокалориялардың санын теңестіру үшін олардың түсуін азайту немесе тұтынуды арттыру қажет. Мәселен, физикалық белсенділік арқылы көбірек шығара аласыз. Әрине, шаршататын спорттық жаттығуларды бәрі бірдей жасай алмайды. Бірақ жүгіру, велосипед тебу, спорттық ойындармен көпшілік айналыса алады. Әрине, ең оңтайлы алдын-алу құралы – жүзу. Жүзу қимылдары калориялардың көптеп жағылуына ықпал етеді. Суда дене салмағы азаяды. Дене сумен байланыста болғанда жылу қайтарымы артады, бұл да майдың ыдырауына ықпал етеді», - деп кеңес береді Наталья Сүлейменова.</blockquote>Ұйқының бұзылуы, жағымсыз эмоциялар мен жиі стрестер тәбетті арттыратын және тамақтануды ынталандыратын белгілі бір биологиялық белсенді заттардың бөлінуіне ықпал етуі мүмкін.<blockquote>«2-типті қант диабеті, қалқанша безінің жеткіліксіздігі, гастроэнтероколиттер сында салмақ қосу тұрғысынан қауіпті кез келген нәрсе уақытылы және тиісті емдеуді қажет етеді. Осы профилактикалық шаралардың барлығын орындау белгілі бір ережелерді, әдістерді және тіпті шектеулерді сақтауды талап етеді. Мұнда білікті көмек, ұсыныстар, эндокринолог, диетолог, физиотерапия дәрігері, реабилитологтың бақылауы қажет», - деп толықтырды сарапшы.</blockquote>

Қазақстандықтардың 20 пайыздан астамы семіздікке шалдыққан

<a href="https://kyzylorda-news.kz/">Kyzylorda-news.kz.</a> Қызылорда қаласында «Көңілді керуен» көрмесі өтеді.2023 жылғы 7 наурыз күні сағат 11:00-де Салихитдин Айтбаев атындағы көркемсурет галереясында ҚР Суретшілер одағының құрылғанына 90 жыл толуына орай және Наурыз мерекесіне арналған ҚР Суретшілер және Қолөнершілер одағының мүшесі, Ұлмекен Маутованың «Көңілдегі керуен» көрмесі көрермен назарына ұсынылады.<blockquote>«Көрмеге 40-қа жуық кескіндеме және киізден жасалған паннолар қойылады. Барша өнерсүйер қауымды көрменің ашылу салтанатына шақырамыз», - делінген хабарламада.</blockquote>Мекенжайы Иса Тоқтыбаев-2 тұйық көше ғимарат №1, байланыс телефоны: 8 (7242) 27 29 14, 8 701 361 57 81.

Қызылордада «Көңілді керуен» көрмесі өтеді

<a href="https://kyzylorda-news.kz/">Kyzylorda-news.kz.</a> Кез келген пластикалық операциялардың: ісіну, көгеру, қабыну, инфекция секілді асқынулары болуы мүмкін. Алайда кейбір ота түрлерінің соңы мүгедектікке немесе тіпті өлімге әкеліп соғуы мүмкін. Бұл туралы медицина ғылымдарының кандидаты, пластикалық хирург Андрей Копасов айтып берді деп хабарлайды <a href="https://stan.kz/dariger-en-kauipti-plastikalik-operaciyalardin-turlerin-378556/">Stan.kz</a>.Дәрігердің айтуынша, қауіпті операцияларға липосакция, блефаропластика, бетті тарттыру және абдоминопластика жатады. Липосакция пластикалық хирургиядағы ең қауіпті операция болып саналады, өйткені араласу кезінде үлкен травматикалық қатпар пайда болады, дейді маман.<blockquote>"Дене мұндай араласуды күйік беті ретінде қабылдайды. Осындай ауыр жарақат кезінде адам гиповолемиялық шок алуы ықтимал, оның соңы өлімге әкеліп соғуы да ғажап емес. Сондықтан операцияның өз шектеулері бар - үш литрден артық емес майды кетірген жөн. Егер көбірек кетірсе, тәуекелдер бірнеше есе артады. Сонымен қатар, хирург ішкі органдардың перфорациясын болдырмау үшін канюлямен мұқият жұмыс істеуі маңызды", - дейді дәрігер.</blockquote>Сақтықпен жасалуы керек тағы бір операция - бұл блефаропластика, оны көпшілігі қарапайым және ең жарақатсыз деп санайды.<blockquote>"Иә, операция өте жылдам және өте күрделі емес, бірақ негізгі қауіп 1-3 күннен кейін пайда болады. Мысалы, егер сіз төменгі қабақтың трансконъюнктивальды блефаропластикасын жасасаңыз немесе жай ғана "көз астындағы қапшықтарды" алып тастасаңыз, операциядан кейінгі кезеңде қан кету мүмкін. Сондықтан қан көз ұясына еніп, көру нервін қысады, бұл көру қабілетінің толық жоғалуына әкелуі мүмкін", - деп түсіндіреді маман.</blockquote>Блефаропластикадан кейінгі жағымсыз салдарды болдырмау үшін хирург гемостазды мұқият орындауы керек, операциядан кейінгі алғашқы бес күнде науқасты бақылап, асқынулардың алғашқы белгілері байқалған сәтте науқасты дереу ауруханаға жатқызу керек.Пластикалық хирург пластикалық ота жасамас бұрын алдын ала тексерулерді елеусіз қалдырмауды, өз денсаулығының жай-күйі туралы дәрігерлерден еш мәліметтерді жасырмауды және операциядан кейін хирургтың барлық ұсыныстарын қатаң сақтауды ұсынады. Сонда ғана асқынулардың пайда болу қаупі аз болады, дейді маман.

Дәрігер ең қауіпті пластикалық операциялардың түрлерін атады

<a href="https://kyzylorda-news.kz/">Kyzylorda-news.kz.</a> Қазақстан аумағының басым бөлігі солтүстік-батыс циклонының және онымен байланысты атмосфералық фронталды бөліктердің ықпалында болады, деп хабарлайды Қазгидромет.Осыған байланысты жаңбыр мен қар түрінде жауын-шашын, желдің күшеюі болжанады. Елдің солтүстігінде, шығысы мен орталығында, сондай-ақ жаяу бұрқасын күтіледі. Оңтүстікте – найзағай, барлық өңірде тұман мен көктайғақ болады.&nbsp;

Қазақстан және Қызылорда облысының жаңалықтары