Kyzylorda-news.kz. &nbsp;Бүгін Евразия спорт кешенінде Жауынгер-интернационалист Батыржан Шалғынбаевты еске алуға арналған футзалдан республикалық турнирдің ашылу салтанаты өтті.Биыл 27-ші мәрте ұйымдастырылғалы тұрған турнирге көршілес Өзбекстан елінен және еліміздің 6 облысынан 32 команда, &nbsp;640 спортшы қатысуда.Турнирді салтанатты түрде Қызылорда облысы әкімінің орынбасары Нұрымбет Сақтағанов ашып, барша қатысушыларға сәттілік тіледі. &nbsp;&nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp;&nbsp; Сонымен бірге, турнирдің бас демеушісі «Қазгермұнай» компаниясы бас директорының орынбасары Нұрбол Пірмағанбетов, ауған соғысының ардагері Жарас Оспанов және Батыржан Шалғынбаевтың інісі Батырбек Шалғынбаев өз кезектерінде құттықтау сөз сөйлеп, жарыстың маңыздылығына тоқталып өтті.Салтанатты шарадан соң алаңға алғашқы екі команда «Асыл» және «Спецойл» шықты. Айта кетейік, жарыс екі күнге созылады.<img src="https://knadmin.beoblood.kz/uploads/FB_IMG_1677935657068_3af4ec1eb0.jpg" alt="FB_IMG_1677935657068.jpg"><img src="https://knadmin.beoblood.kz/uploads/FB_IMG_1677935659996_bd1a0fbabb.jpg" alt="FB_IMG_1677935659996.jpg"><img src="https://knadmin.beoblood.kz/uploads/FB_IMG_1677935670748_ce54831522.jpg" alt="FB_IMG_1677935670748.jpg">

Футзалдан республикалық турнир басталды

Kyzylorda-news.kz. &nbsp;Сырдария аудандық &nbsp;пробация қызметінде 50 &nbsp;сотталған есепте тұрады. Пробациялық бақылау белгіленген жұмыссыз сотталғандарды жұмысқа тұрғызу жұмыстары &nbsp;жүйелі түрде жүргізіліп жатыр.Аудандық пробация қызметінің аға инспекторы әділет майоры Нұрхан Дұйсенбаевтың &nbsp;айтуынша бас бостандығынан айыру орындарынан босатылған және пробация қызметінің есебінде тұрғандарды жұмыспен қамту мақсатында аудан &nbsp; әкімдігінің &nbsp;қаулысымен жұмыс орындарына төрт квота белгіленген. Бүгін сол квота есебінен 2 сотталған жұмысқа орналасты.Олар &nbsp;«Жәрдем» ЖШС- не және «Ер-Ай» жеке кәсіпкеріне жұмысқа орналасты.&nbsp;<blockquote>Пробация қызметкерлері ол сотталғанның &nbsp; &nbsp;жазасының өтелмеген бөлігі бас бостандығын айыруға ауыстыру үшін сотқа ұсыныс жолдағанған болатын. Пробация қызметінің ұсынысы қанағаттандырылып, соттың қаулысымен сотталған түзеу мекемесіне жіберілді. Жалпы, жазаның өтеу тәртібін бұзу- бас бостандығынан айыруға апаратын бұл жағдай есепте тұрған басқа да сотталған азаматтарға сабақ болады деп үміттенеміз. Пробация есебіндегі сотталғандар қызметкерлер тарапынан әрдайым бақылауда болады. Қызметкерлер есептегі әрбір азаматтың тұрғылықты мекенжайынан күнделікті тексеру жұмыстарын жүргізіп, заңбұзушылыққа қарсы түсіндірме жұмыстарын жүргізеді,- деді әділет майоры Н.Дүйсенбаев.</blockquote>Сотталғандардың қайта қылмысқа баруына жол бермеу мақсатында профилактикалық шаралар өткіземіз. Жыл басынан бір сотталған сот жүктеген міндеттерді орындамай, жаза өтеуден жалтарып, бірнеше рет әкімшілік хаттама толтырылған. &nbsp;<blockquote>Мен пробация қызметінің қолдауымен аудан әкімінің квотасы арқылы «Жәрдем» ЖШС- не жұмысшы боп орналастым. Жұмысы жоқтық адамды аздыратынын білесіздер. Соны ескерген пробация қызметінің қызметкерлері біз секілді есептегілермен тұрақты түрде жұмыс жасап келеді. Қайта қылмыс жасамауымызға, отбасымызға көмектесуге, мақсат қоюға жігерлендіріп отырады. Бұдан былай адал еңбек етіп, дұрыс жүруге бекіндім,-деді есептегі азамат.</blockquote>&nbsp;

Пробация есебіндегі тұрғындар квотамен жұмысқа орналасты

Kyzylorda-news.kz. 8 наурыз – халықаралық әйелдер күні мерекесіне орай облыстық білім басқармасының ұйымдастыруымен «Ана -отбасы шуағы» атты облыстық аналар форумы өтті.Қоғамдағы ана рөлін арттыруды мақсат еткен форумға облыс әкімінің орынбасары Нұрымбет Сақтағанов, облыстық білім басқармасының басшысы Мейрамбек Шермағанбет, ардагерлер, білім беру ұйымдары басшыларының тәрбие ісі жөніндегі орынбасарлары, әлеуметтік педагогтер мен психолог мамандар, қамқоршылық кеңес төрағалары және белсенді аналар қатысты.А.Тоқмағамбетов атындағы мәдениет үйінде өткізілген шарада ең алдымен кәсіпкер аналардың қолдан жасалған туындылары таныстырылды. Онда қолөнер шеберлерінің бұйымдары, ұлттық нақышта тігілген киімдер көрмеге қойылды.Тағылымы мол шараның ашылуында облыс әкімінің орынбасары құттықтау сөз сөйлеп, отбасылық және ұлттық құндылықтар дәріптеле түсетін аталмыш форумның маңызына тоқталды.<blockquote>Облыс әкімінің тапсырмасына сәйкес бүгінде тәрбие бағыттарындағы жұмыстарды күшейту мақсатында кешенді тұжырымдама әзірленді. Осы тұжырымдама аясында бүгін осы облыстық аналар форумы өткізілуде. Бүгінде Сыр елінде де қыз-келіншектер саясатта, бизнесте және шаруашылықтың түрлі саласында ер-азаматтармен қатар еңбекке белсене араласуда. Қазіргі таңда өңіріміздегі халық саны – 800 мыңның үстінде болса, оның &nbsp;тең жартысы, 400 мыңнан астамы әйелдер қауымы. Облыс бойынша мемлекеттік қызметшілердің 40 пайызы, медицина қызметкерлерінің 87 пайызы, педагогтердің 78,3 пайызы нәзік жандар. Сол үшін адамзат баласына әйелден құдіретті, анадан ардақты, қыз келіншектерден аяулы ешкім жоқ. Сондықтан әлемдегі ең жоғары мадақ та, құрмет те ару-аналарға арналады, - деді Нұрымбет Аманұлы.</blockquote>Шарада облыс әкімінің орынбасары дарынды балаларды тәрбиелеп отырған көп балалы 20 ананы марапаттап, құрмет көрсетті.Мұнан соң жиында ҚР Парламенті Сенатының депутаты Ақмарал Әлназарова барша Сыр аналарына бейнеқұттықтауын жолдаса, мұқтаж отбасылардың балаларына көмек көрсететін «Розалия және Эмир» аутизм орталығының директоры, қайсар ана Розалия Рахимова сөз сөйледі. Сондай-ақ, балаларын шыңға шығарып, ұрпағымен бірге жетістікке жеткен аналардың атынан Айсұлу Нұрпеисова барша білім жанашырларына алғысын білдірсе, жыршы, термеші Айнұр Ерниязова ұлттық салт-дәстүр мен ата-ананың бала өміріндегі рөлі туралы өз ойымен бөлісті.Ұл тәрбиесі арқылы жер иесін, қыз тәрбиесі арқылы ұлтты тәриелеп отырған аналардың басын қосқан ауқымды форум соңы концертке ұласты.<img src="https://knadmin.beoblood.kz/uploads/IMG_20230303_WA_0103_a270aa2406.jpg" alt="IMG-20230303-WA0103.jpg"><img src="https://knadmin.beoblood.kz/uploads/IMG_20230303_WA_0104_d7f8edbbfa.jpg" alt="IMG-20230303-WA0104.jpg"><img src="https://knadmin.beoblood.kz/uploads/IMG_20230303_WA_0108_798952d81b.jpg" alt="IMG-20230303-WA0108.jpg"><img src="https://knadmin.beoblood.kz/uploads/IMG_20230303_WA_0107_74d958eb9a.jpg" alt="IMG-20230303-WA0107.jpg"><img src="https://knadmin.beoblood.kz/uploads/IMG_20230303_WA_0111_06d1b72786.jpg" alt="IMG-20230303-WA0111.jpg"><img src="https://knadmin.beoblood.kz/uploads/IMG_20230303_WA_0106_25edb8cd1d.jpg" alt="IMG-20230303-WA0106.jpg"><img src="https://knadmin.beoblood.kz/uploads/IMG_20230303_WA_0109_70431e3259.jpg" alt="IMG-20230303-WA0109.jpg"><img src="https://knadmin.beoblood.kz/uploads/IMG_20230303_WA_0110_093adfa880.jpg" alt="IMG-20230303-WA0110.jpg">

«Ана -отбасы шуағы» атты облыстық аналар форумы өтті

Kyzylorda-news.kz. Бүгін Қызылорда қаласындағы «Қамқорлық» дағдарыс орталығында Тұрмыстық зорлық-зомбылық құрбандарына арнаулы әлеуметтік қызметтер көрсету орталығында "Тұрмыстық зорлық-зомбылық және адам саудасының құрбандарына арнаулы әлеуметтік қызметтер көрсету" тақырыбында кездесу &nbsp;өтті.Шараға полиция, әлеуметтік қорғау, білім, қоғамдық даму салаларының өкілдері қатысты.Шараға қатысушылар орталық жұмысымен танысып, тұрмыстық зорлық-зомбылық және адам саудасының құрбандарына көрсетілетін қызметтерді талқылап, салааралық байланысты нығайту бойынша алда атқарылатын шараларды пысықталды.Айта кету керек, орталық қызметі Қызылорда облысының Жұмыспен қамтуды үйлестіру және әлеуметтік бағдарламалар басқармасының мемлекеттік әлеуметтік тапсырысы шеңберінде жүзеге асырылып келеді.&nbsp;Шара барысында орталық аналар мен аруларды 8 наурыз мерекесімен құттықтады.<img src="https://knadmin.beoblood.kz/uploads/IMG_20230304_WA_0000_0d8c9f8078.jpg" alt="IMG-20230304-WA0000.jpg"><img src="https://knadmin.beoblood.kz/uploads/IMG_20230304_WA_0001_fff4163729.jpg" alt="IMG-20230304-WA0001.jpg">

Тұрмыстық зорлық-зомбылық құрбандарына көрсетілетін қызметтер талқыланды

Kyzylorda-news.kz. Аймақ басшысы Нұрлыбек Нәлібаев облыс прокуроры Нұрлан Бижановпен бірге аймақтағы бірқатар компания ұжымдарымен кездесіп, еңбек ұжымындағы ахуал және алдағы уақытқа белгіленген міндеттерді талқылады.Алдымен облыс әкімі «Қызылорда су жүйесі» мен «Қызылорда тазалығы» мекемелерінің қызметкерлерімен жүздесіп, алдағы уақытта коммуналдық қызмет жұмысшыларының жалақысы көтерілетінін айтты.<blockquote>«Президентіміз Қасым-Жомарт Кемелұлы «Әділетті мемлекет. Біртұтас ұлт. Берекелі қоғам» атты Жолдауында «Еңбек адамдары – еліміз бен мемлекетіміздің тірегі. Біз қарапайым еңбек адамына құрмет көрсетуіміз керек. Қандай кәсіппен айналыссаң да, оны сапалы атқару маңызды», – деген болатын. Біз ортақ игілікке өз үлесін қосып &nbsp;жүрген, жұмысын адал атқаратын қарапайым еңбек адамдарына қолдау көрсетудеміз. Осы мекемеде таңның атысынан күннің батысына дейін жұмыс жасайтын жұмысшылардың қаладағы қоғамдық көлікте тегін жүруін ұйымдастырдық. Сонымен қатар, еліміздің белгілі тынығу орындарына жолдама беруді бастадық. Осы жылы бұл қолдаудың ауқымы кеңейеді. Қазіргі уақытта кәсіпорындағы күрделі жағдайға қарамастан, біз орталық мемлекеттік органдармен бірлесіп, жалақыны өсіру бағытында жұмыс жүргізудеміз», – деді Н.Нәлібаев.</blockquote>Облыс әкімі кәсіпорын қызметкерлеріне еңбек етуге лайықты жағдай жасалатынын, әлеуметтік қолдау көрсетілетінін атап өтті. Жұмысшыларының айлығын өсіруге ниетті жұмыс берушілерге өз тарапынан қолдау көрсетуге дайын екенін жеткізді.Кездесу нәтижесінде облыстық бақылау жөніндегі басқармасына Қызылорда қаласы және аудан әкімдерімен бірлесе отырып, еңбек жанжалдарының туындау тәуекелдеріне тұрақты мониторинг жүргізуді тапсырды. Сондай-ақ өндірістік жарақаттану себептеріне талдау жүргізіліп, оның алдын алу жөніндегі ұсыныстар әзірленуі керек.Бұдан әрі аймақ басшысы «Қызылорда электр тарату тораптары компаниясы» және &nbsp;«Қазгермұнай» БК ЖШС ұжымдарымен кездесті.Айта кетейік, өткен жылы жұмыс берушілермен келіссөздер жүргізу нәтижесінде 52 ірі кәсіпорынмен өзара ынтымақтастық жөнінде үшжақты меморандумдарға қол қойылды. Атқарылған жұмыстардың қорытындысында өткен жылы облыс бойынша 80 кәсіпорындағы 34 мыңнан аса жұмыскердің жалақы мөлшері 4-50 пайыз аралығында артты. Бұл жұмыстар биыл да жалғасын табады.<img src="https://knadmin.beoblood.kz/uploads/FB_IMG_1677903224854_7a8301c9ab.jpg" alt="FB_IMG_1677903224854.jpg"><img src="https://knadmin.beoblood.kz/uploads/FB_IMG_1677903235837_cf288125d7.jpg" alt="FB_IMG_1677903235837.jpg"><img src="https://knadmin.beoblood.kz/uploads/FB_IMG_1677903243178_df1dad5e74.jpg" alt="FB_IMG_1677903243178.jpg"><img src="https://knadmin.beoblood.kz/uploads/FB_IMG_1677903227342_c9564ae876.jpg" alt="FB_IMG_1677903227342.jpg"><img src="https://knadmin.beoblood.kz/uploads/FB_IMG_1677903230483_f51e827d72.jpg" alt="FB_IMG_1677903230483.jpg"><img src="https://knadmin.beoblood.kz/uploads/FB_IMG_1677903240947_14f895bd1e.jpg" alt="FB_IMG_1677903240947.jpg"><img src="https://knadmin.beoblood.kz/uploads/FB_IMG_1677903248552_669658e814.jpg" alt="FB_IMG_1677903248552.jpg">

Аймақ басшысы бірқатар мекеме ұжымымен кездесті

Kyzylorda-news.kz. &nbsp;Қазгидромет аймақтарда 4 наурызда болатын қауіпті метеорологиялық құбылыстарға болжам жасады.«Еліміздің көп бөлігіне Қара теңіз аудандарынан жылдам ауысатын антициклон, ал оның артынан Қазақстанның батысына орталығы Скандинавия түбегіндегі циклон жырасы әсер етеді. Барикалық түзілімдердің ауысуымен және атмосфералық процестердің өршуімен ҚР көп бөлігінде жауын-шашын (жаңбыр, қар) түсіп, желдің жаяу бұрқасыны күшеюі мүмкін. Тек елдің орталығында жауын-шашынсыз ауа райы күтіледі. ҚР бойынша тұман мен көктайғақ болады», - деп жазды синоптиктер.

4 наурызға арналған ауа райы болжамы

<a href="https://kyzylorda-news.kz/">Kyzylorda-news.kz.</a> Денсаулық сақтау саласы еліміздің маңызы жоғары салаларының біріне саналады. Бұл салада тұрғындар түйткілі қоғамның күн тәртібінен түскен емес. «AMANAT» партиясының қолдауы мен қадағалауының нәтижесінде медицина мәселелері мінбелерде айтылып келеді. Өйткені өмір бар жерде адам денсаулығы, дәрігер құқығы түгесілмес тақырып.Осы орайда, «AMANAT» партиясы Қызылорда облыстық сайлауалды штабының мүшелері &nbsp;Шанхай мөлтек ауданында орналасқан «Алексей Султан» емханасында болып, медицина қызметкерлерімен кездесу өткізді.Басқосуға кандидат Гүлнар Есқалиева, Мұрат Жұмаділдаев қатысты. Жиында партияның сайлауалды бағдарламасын таныстырып, алдағы бес жылдық жобалар жайлы әңгімеледі.<blockquote>«AMANAT» партиясы алдағы бес жылда аймағымызда 30 денсаулық сақтау нысаны бой көтеруіне жағдай жасамақ. 12 денешынықтыру-сауықтыру кешенін салмақ. Сонымен қатар 26 білім беру нысаны мен 4300 орынға арналған 43 балабақша ашылады. Алдағы 3 жылда ауылдық жерлерде 27 дәрігерлік амбулатория, фельдшерлік-акушерлік және медициналық пункт салыну жоспарлануда. Тұрғындар үшін медициналық қызмет қол жетімді болуы керек. Сонда мемлекетіміз алға қойған жайлы өмір сүру қағидасы арта түспек», – деді Гүлнар Есқалиева.</blockquote>Кездесу барысында үміткер Мұрат Жұмаділдаев «AMANAT» партиясы денсаулық сақтау нысандарының құрылысының сапалы және уақтылы болуын айрықша назарға алатынын жеткізді.&nbsp;Қызылорда облыстық мәслихаты депутаттарының сайлауында партиялық тізімді ұсынған «AMANAT» партиясы Сайлау қорының қаражатынан төленді.<img src="https://knadmin.beoblood.kz/uploads/Whats_App_Image_2023_03_03_at_20_27_25_1_kopiya_6c0bb0c1c6.jpeg" alt="WhatsApp Image 2023-03-03 at 20.27.25 (1) — копия.jpeg"><img src="https://knadmin.beoblood.kz/uploads/Whats_App_Image_2023_03_03_at_20_27_25_a3b33172be.jpeg" alt="WhatsApp Image 2023-03-03 at 20.27.25.jpeg">

Медицина - тіршіліктің күретамыры

<a href="https://kyzylorda-news.kz/">Kyzylorda-news.kz.</a> Қала іргесіндегі Талсуат ауылында дария суы көтеріліп, ауыл ішіндегі бірнеше арна суға толды. Бүгін таңнан бері төтеншеліктер мен ауыл тұрғындары су деңгейін бақылап, су басу қауіпінің алдын алуда.&nbsp;Ауыл тұрғындары бірнеше жылдан бері құрғап қалған арналардың суға толғанын көріп алаңдаушылық білдіруде. Себебі дария суы канал маңындағы тұрғын үйдің ауласына жайылып кеткен.<blockquote>«Таңнан бері дарияның деңгейін бақылап жүрміз. Су көп, ауыл ішіндегі үлкен арықтар суға толды. Маңайындағы тұрғын үй иелері алаңдаулы. Барынша сақтанып отырмыз», - дейді ауыл тұрғыны.&nbsp;</blockquote>&nbsp;&nbsp;<figure class="media"><div data-oembed-url="https://www.youtube.com/watch?v=HwVDK_qNjPY"><div style="position: relative; padding-bottom: 100%; height: 0; padding-bottom: 56.2493%;"><iframe src="https://www.youtube.com/embed/HwVDK_qNjPY" style="position: absolute; width: 100%; height: 100%; top: 0; left: 0;" frameborder="0" allow="autoplay; encrypted-media" allowfullscreen=""></iframe></div></div></figure><figure class="media"><div data-oembed-url="https://www.youtube.com/watch?v=79NT76Mai_s"><div style="position: relative; padding-bottom: 100%; height: 0; padding-bottom: 56.2493%;"><iframe src="https://www.youtube.com/embed/79NT76Mai_s" style="position: absolute; width: 100%; height: 100%; top: 0; left: 0;" frameborder="0" allow="autoplay; encrypted-media" allowfullscreen=""></iframe></div></div></figure>

Талсуатты су баса ма? (ВИДЕО)

<a href="https://kyzylorda-news.kz/">Kyzylorda-news.kz.</a> Кеше «Евразия» спорт кешенінде бастау алған ҚР Ұлттық қауіпсіздік комитеті Төрағасының кубогіне арналған «Қазақстан Республикасы Ұлттық қауіпсіздік комитеті Барысы» қазақ күресінен республикалық турнирі өз мәресіне жетті.Бүгін Түйе палуандардың белдесулері өтіп, «ҚР Ұлттық қауіпсіздік барысы» анықталады.Жеңімпаздар мен жүлдегерлерді марапаттау рәсіміне Қазақстан Республикасы Ұлттық қауіпсіздік комитеті Төрағасының орынбасары Марат Қалқабаев және Қызылорда облысы әкімінің орынбасары Нұрымбет Сақтағанов қатысты.Естеріңізге сала кетейік жарыстың бас төрешілері Ғалым Ержанов &nbsp;пен Нұржан Қазбеков болды.Түйе палуандардың жарысы 90 келіге дейін және 90 келіден жоғары салмақта өтті.Жарыс қорытындысы бойынша 90 келі салмақта Дулат Қасымов - 3-орын (Шекара академиясы), Бақыт Демеу 2-орын (Атырау облысы) иеленді. Ал, «Қазақстан Республикасы Ұлттық қауіпсіздік комитетінің барысы» атағы мен алтын белбеу Қайыр Мұхамедияға (Орталық аппарат) бұйырды.90 келіден жоғары салмақта Айдос Мусиров 3-орын (ҰҚК Үкіметтік байланыс қызметі), Айбек &nbsp;Зарлық 2-орын (Ақтөбе облысы) және Қызылорда облысынан Ғалымжан Әбдрахманов «ҚР Ұлттық қауіпсіздік комитетінің БАРЫСЫ» атанды.&nbsp;<figure class="image"><img src="https://knadmin.beoblood.kz/uploads/330625548_976728686648672_7465713562115883467_n_cbd8477829.jpg" alt="330625548_976728686648672_7465713562115883467_n.jpg"></figure>&nbsp;<figure class="image"><img src="https://knadmin.beoblood.kz/uploads/331991817_1208591086529268_3461521633854633256_n_b84cc74caa.jpg" alt="331991817_1208591086529268_3461521633854633256_n.jpg"></figure>&nbsp;<figure class="image"><img src="https://knadmin.beoblood.kz/uploads/334561401_943574747061367_672272765143676013_n_3d4392ab56.jpg" alt="334561401_943574747061367_672272765143676013_n.jpg"></figure>&nbsp;<figure class="image"><img src="https://knadmin.beoblood.kz/uploads/331708755_1186107218705420_8279842691889063945_n_39275dafb1.jpg" alt="331708755_1186107218705420_8279842691889063945_n.jpg"></figure>&nbsp;<figure class="image"><img src="https://knadmin.beoblood.kz/uploads/331747473_1126889904653985_1567917528309625858_n_1_1e19befb58.jpg" alt="331747473_1126889904653985_1567917528309625858_n (1).jpg"></figure>&nbsp;<figure class="image"><img src="https://knadmin.beoblood.kz/uploads/332876253_701731235011258_5190906823157568540_n_a899096e8b.jpg" alt="332876253_701731235011258_5190906823157568540_n.jpg"></figure>&nbsp;<figure class="image"><img src="https://knadmin.beoblood.kz/uploads/332195117_1399805950755403_8797068600797739073_n_318afdca58.jpg" alt="332195117_1399805950755403_8797068600797739073_n.jpg"></figure>

«ҚР Ұлттық қауіпсіздік комитеті барысы» анықталды

<a href="https://kyzylorda-news.kz/">Kyzylorda-news.kz.</a> Қорқыт ата атындағы Қызылорда университетінің студенттері экологиялық табиғи таза өнім әзірледі. Олар «Active seat» көрпешесін күріш қауызынан жасап шығаруда.<blockquote>«Қазіргі уақытта адамдар уақытының көбін отырып жұмыс істеумен өткізеді. Бұл денсаулыққа үлкен зиян келтіріп, көптеген аурудың пайда болуына себепші болады. Осы орайда, біз ыңғайлы әрі денсаулыққа пайдалы «Active Seat» көрпешесін шығаруды қолға алдық. Өнімнің басты компоненттерінің бірі &nbsp;– күріш қауызы. Өңірімізде жыл сайын 100 тоннадан астам күріш қалдықтары полигондарда өртеледі. Бұл процесс табиғатқа да, адам денсаулығына да айтарлықтай кері әсерін беруде. Жобамыз – аймағымыз үшін де, тұрғындар үшінде пайдалы», – &nbsp;деді «Enactus Korkyt Ata university» командасының капитаны Темірлан Абжанов.</blockquote>Алдағы уақытта стартаперлер экологиялық және әлеуметтік жобалар байқауларына қатыспақ. Сонымен қатар, жобаны «ENACTUS KAZAKHSTAN NATIONAL EXPO» студенттік кәсіпкерліктің, стартаптар мен инновациялардың ұлттық кубогы байқауына ұсыну жоспарланған.&nbsp;Қазіргі уақытта жастар өнімді өз қаражаттары есебінен шығаруда. &nbsp;Айта кетейік, университетте студенттер арасында кәсіпкерлікті дамыту, тың идеяларына қолдау көрсету мақсатында кәсіпкерлік орталығы жұмыс істейді.&nbsp;Кәсіпкерлікті дамыту бойынша осы кезге дейін «Startup Bolashak. Menin armanym» жобасы, «Zhas project» бағдарламасы, «HackDay» және «Smart city Kyzylorda» хакатондары және басқа да ауқымды шаралар ұйымдастырылды. Орталық бес жыл ішінде 7 мыңнан астам жасқа бағыт-бағдар берді. Қазіргі уақытқа дейін инкубатордан 89 резидент-түлек шығып, жалпы 70 миллионға жуық қаржы тартылды.<figure class="image"><img src="https://knadmin.beoblood.kz/uploads/IMG_1416_e3baa6e952.JPG" alt="IMG_1416.JPG"></figure>

Стартаперлер экологиялық таза өнім «Аctive seat» көрпешесін шығарды

<a href="https://kyzylorda-news.kz/">Kyzylorda-news.kz.</a> Қызылорда облысында 1 наурыз бен 1 сәуір аралығында республикалық маңызы бар автомобиль жолдарынла жүктемесі 8 тоннадан артық ауыр жүк көліктерінің қозғалысына шектеу енгізілді. Бұл туралы Өңірлік коммуникациялар қызметінде өткен брифингте Қызылорда облысы бойынша көліктік бақылау инспекция басшысының міндетін атқарушы Гүлмира Пірназарова хабарлады.<blockquote>«Біздің өңір 5 жол-климаттық аймаққа жататындықтан бұл шектеу жыл сайын 1 наурыз бен 1 сәуір аралығында жүргізіліп келеді. Қаулы «ҚР автомобиль жолдарымен жүруге арналған автокөлік құралдарының жол берілетін параметрлерін бекіту туралы» бұйрығы арқылы бекітілген. Алайда жолаушылардың халықаралық тасымалдары, төтенше жағдайлар департаментінің көліктік техникалары, &nbsp;азық-түлік тасымалдайтын жүк көліктер, дәрі-дәрмек тасымалы, ҚР Қарулы күштері және әскери қызметтің көліктеріне аталған шектеу қойылмайды. Дегенмен ерекше ескеретін жайт, республикалық маңыздағы жолдарда өтетін ауыр жүк көліктері белгіленген салмақтық параметрінен &nbsp;асқан жағдайда № 162 бұйрықта көрсетілген ережеге сәйкес айыппұл салынатын болады. Сонымен қатар алым соммасы салмақтық көрсеткіштер негізінде алынып есептеледі», - деді Гүлмира Жұмағалиқызы.</blockquote>

Республикалық маңызы бар жолдарда ауыр жүк көліктерінің жүруіне уақытша шектеу қойылады

<a href="https://kyzylorda-news.kz/">Kyzylorda-news.kz.</a> Аграрлық несие корпорациясы Қазақстанның бірқатар өңірінде жастарға шағын несие беру бағдарламасы бойынша өтініш қабылдаудың басталғанын хабарлайды.&nbsp;Биыл барлығы 5 мың 796 шағын несие беру жоспарланған. Ақмола, Ақтөбе, Алматы, Жетісу, Абай, Жамбыл, Батыс Қазақстан, Қарағанды, Ұлытау, Қостанай, Қызылорда, Маңғыстау, Павлодар облыстарында және Астана қаласында құжат қабылданып жатыр. Қалған өңірлерде жастарды несиелеу сәуір айында басталады. &nbsp;<figure class="media"><div data-oembed-url="https://www.youtube.com/watch?v=IG_a5H2F35M"><div style="position: relative; padding-bottom: 100%; height: 0; padding-bottom: 56.2493%;"><iframe src="https://www.youtube.com/embed/IG_a5H2F35M" style="position: absolute; width: 100%; height: 100%; top: 0; left: 0;" frameborder="0" allow="autoplay; encrypted-media" allowfullscreen=""></iframe></div></div></figure>

Қазақстан және Қызылорда облысының жаңалықтары