<a href="https://kyzylorda-news.kz/">Kyzylorda-news.kz.</a>&nbsp;&nbsp; Елімізде жанар-жағармай нарығына қолдау көрсетіліп, оны елден заңсыз әкетудің жолын кесу үшін тиісті шаралар қабылданады. Бұл туралы Премьер-Министр Әлихан Смайылов мәлім етті, деп хабарлайды ҚазАқпарат.<blockquote>«Жанар-жағармай нарығындағы жағдайды тұрақтандыру үшін баға айырмашылығын төмендету керек. Бұл елден мұнай өнімдерінің жаппай шығарылуын азайтуға және ішкі нарықты қамтамасыз етуге мүмкіндік береді. Бізде бұдан басқа жол жоқ. Дегенмен ауыл шаруашылығы тауарын өндірушілерге арзандатылған дизель толығымен бөлінді. Оларға баға 204 теңге күйінде қала бермек», - деді Әлихан Смайылов Үкімет отырысынан кейін БАҚ өкілдері алдында мәлімдеме жасай тұрып.«Наурыз айының өзінде жанар-жағармай тұтыну көлемі өткен жылмен салыстырғанда 15%-ға өскен. Егер республика баға айырмашылығын қысқартпаса, онда биыл 850 мың тоннаға дейін көлемде жанармай тапшылығына ұрынамыз. Сонымен қатар жанармай өндіруде ішкі нарықты қолдау және елден заңсыз әкетудің жолын кесу үшін тиісті шараларды қабылдаймыз», — деп толықтырды Үкімет басшысы.</blockquote>

Үкімет басшысы жанармай бағасын өсіруге қатысты: Басқа жол жоқ

<a href="https://kyzylorda-news.kz/">Kyzylorda-news.kz.</a> Сырдария аудандық мекемелер үйінің мәжіліс залында аудан әкімінің орынбасары Т.Нұртазаевтың &nbsp;төрағалығымен «Отбасылық цифрлық картасын» өзектендіру мәселесі туралы мәжіліс өтті. Мәжіліске Қызылорда облысының Қоғамдық даму басқармасының Жастар ресурстық орталығы директорының орынбасары Г.Айдарбекова, облыстық жастар ресурстық орталығының бөлім басшысы А.Құлмағамбетқызы, облыстық жастар ресурстық орталығының бөлім басшысы Д.Миліханқызы, сонымен қатар дербес бөлім басшылары мен сала мамандары қатысты.Келелі жиында сөз алған аудандық жастар ресурстық орталығының директоры Н.Абдрасилов «Отбасылық цифрлық картасын» өзектендіру мәселесі атқарылған жұмыстарды баяндады.&nbsp;<blockquote>«Жоғарыда көтерілген мәселе басты назарымызда. Сала мамандары тарапынан көпшілікке «Отбасылық цифрлық картасын» өзектендіру бойынша түсіндірме жұмысы жүргізілуде. Алдағы уақытта отбасылардың жәрдемақы алуына еш кедергісіз жол ашатын цифрлық бағдарламаның маңызы зор. Біз қай кезде де, отбасылар үшін тиімді бағдарламаларға иек артамыз. «Отбасылық цифрлық картасының» қызметі бірнеше алгоритм бойынша жүргізіледі. Бұл бағдарлама өз нәтижесін берген жағдайда мемлекеттік кепілдік алуға құқығы бар отбасылар мүшесіне тағайындалған жәрдемақы қолжетімді болады», – деді аудандық жастар ресурстық орталығының директоры &nbsp;Н.Абдрасилов.&nbsp;</blockquote>Өз кезегінде аудан әкімінің орынбасары сала мамандарымен жүзеге асқан жиында күн тәртібіндегі мәселені талқылады.&nbsp;<blockquote>«Біз әрбір бағдарламаның халық үшін оңтайлы жұмыс жасауына көңіл аударуымыз керек. Әрбір елді мекен мен Тереңөзек кенті бойынша отбасылардың аталған жүйеге тіркелуін қамтамасыз еткен дұрыс. Себебі, қателіксіз жасалған жұмыста нәтиже болады. Жергілікті халық пайдасын көретін болады. Алдағы уақытта «Отбасылық цифрлық картасын» өзектендіру мәселесі назарымыздан тыс қалмайды», – деді аудан әкімінің орынбасары. &nbsp;</blockquote>

Жаңа жүйенің көмегімен жәрдемақы тағайындалады 

<a href="https://kyzylorda-news.kz/">Kyzylorda-news.kz.</a> Мемлекеттiк табиғи қорық – табиғат қорғау және ғылыми мекеме мәртебесi бар ерекше қорғалатын табиғи аумақ. Оның қызметiнiң мақсаты өзiнiң аумағындағы табиғи процестер мен құбылыстардың табиғи барысын, өсiмдiктер мен жануарлар дүниесi объектiлерiн, өсiмдiктер мен жануарлардың жекелеген түрлерi мен қауымдастықтарын, әдеттегi және бiрегей экологиялық жүйелердi сақтау мен зерделеу және оларды қалпына келтiру болып табылады.Қазіргі кезде біздің елімізде жалпы көлемі 1 610 973 гектар 10 мемлекттік табиғи қорығы бар. Солардың бірі – &nbsp;шөлді және шөлейтті аймақта орналасқан Барсакелмес мемлекеттік табиғи қорығы.Барсакелмес мемлекеттік табиғи қорығы Арал теңізінің солтүстік-батыс бөлігіндегі бұрынғы Барсакелмес аралында орналасқан, аралдың жалпы көлемі – 16795 гектар. Барсакелмес мемлекеттік табиғи қорығының негізі 1929 жылы бағалы аң терісін өндіретін қорғалым ретінде қаланған. 1939 жылы Қазақ ССР Халық Комиссарлар Кеңесінің №973 шешімі бойынша қорық статусы берілген.1929 жылдан бастап 1970 жылдар аралығында 7 түрлі жануарлар (құлан, қарақұйрық, ақбөкен, қабан, қоян-толай, үй қояны, құм балпағы) &nbsp;жерсіндіру мақсатында қорық аумағына жіберіледі. Олардың барлығы &nbsp;аралдың табиғи жағдайына жақсы бейімделіп, көбейе бастады. 1953 жылы Түрікменстанның Бадхыз қорығынан Дүниежүзілік «Қызыл кітапқа» енгізілген түрікмен құландарды жерсіндіру мақсатында қорық аумағына &nbsp;жіберілді. Құландар Барсакелмес қорығының табиғатына жақсы бейімделіп, көбейе бастады. 1980 жылдарда құлан саны 300-ге жетті. Алайда Арал теңізінің тартылуына байланысты негізгі суат көзі болған теңіз суының тұздылығы артты. Осыған сәйкес ғалымдар Барсакелмес құландарын еліміздің басқа өңірлеріне жерсіндіруге ұсыныс жасады. 1982 жылдан бастап құландарды басқа өңірлерге, атап айтқанда «Алтын емел» мемлекеттік ұлттық паркіне және Каспий маңына жерсіндіру жұмыстары басталды. Қазіргі таңдағы Қазақстанның аумағындағы құландар Барсакелмес қорығы құландарының ұрпақтары болып саналады.&nbsp;Теңіз деңгейінің түсуі жалғасып, теңіз суы құландардың ішуіне мүлде жарамай қалды. Жақсы жайылымдар мен суаттар іздеген тұяқты жануарлар Қасқақұлан, Тоқпан, Ұзынқайыр, Ахат, Бегімана, Төртқопақ аумақтарына қоныстанды. Осыған орай аталған өңірлерді қорыққа қосу қажеттілігі туындады. Осылайша 2005 жылдың 25 қарашасында Қазақстан Республикасы Үкіметінің №1162 санды қаулысы бойынша Барсакелмес мемлекеттік табиғи қорығының территориясы 16795 гектардан &nbsp;160826 гектарға көбейді.&nbsp;Қазақстан Республикасы Үкіметінің 2020 жылғы 29 шілдедегі №484 қаулысына сәйкес Барсакелмес мемлекеттік табиғи қорығының көлемі Сырдария өзенінің Кіші Арал теңізіне құяр сағасындағы «Дельта» учаскесін (2300 га) қосу арқылы ұлғайды, қорықтың жалпы аумағы – 163 126 гектар. Сырдария өзенінің құяр сағасы Қазақстанның сулы-батпақты өңірлерінің ішінде маңыздылығы бойынша 4 орынды алып отыр және де ол биоәркелкілігімен ерекшеленеді. Бұл аумақ 2012 жылы Кіші Арал теңізі мен Сырдария өзенінің құяр сағасы Халықаралық Рамсар конвенциясымен қорғалатын сулы-батпақты өңірлер тізіміне енген. &nbsp;Қазіргі таңда Барсакелмес мемлекеттік табиғи қорығының жалпы көлемі 163126 гектар. Қорық үш кластерлік учаскеден құралған. Яғни, «Барсакелмес» учаскесі бұрынғы Барсакелмес аралы және оған жалғас жатқан Арал теңізінің кепкен табанын алып жатыр, көлемі – 50884 гектар. Бұл учаске 3 бақылау-шолу аумағынан тұрады. &nbsp;«Қасқақұлан» учаскесіне Арал теңізінің бұрынғы шығыс жағалауы және аралдары кіреді, көлемі – 109942 гектар. Бұл учаске 7 бақылау-шолу аймағынан тұрады. Мұнда қорықтың негізгі қорғауға алынған түрі – құландардың мекен ету аймағы және сексеуілдің табиғи үлкен тоғайы бар.«Дельта» учаскесі – Сырдария өзенінің Кіші Арал теңізіне құяр сағасында жыл құстарының мекен ететін орны ретіндегі сулы-батпақты өңір. Көлемі – 2300 гектар. Бұл учаске 1 бақылау-шолу аймағынан тұрады.Қорықтың күзет қызметін күзет бөлімнің басшысымен бірге 15 мемлекеттік инспектор атқарады. Қорық директоры немесе күзет бөлімі бастығының басшылықтарымен мемлекеттік инспекторлар рейдтік іс-шаралар ұйымдастырып, жыл бойы қатаң бақылау-шолу жұмыстарын жүргізеді. Сонымен қатар күзет бөлімі мекеменің ғылым, ақпарат, мониторинг, экологиялық ағарту және экотуризм бөлімімен бірігіп жануарлар мен өсімдіктердің көктемгі және күзгі санақтарын, қысқы айларда тұяқты жануарларды қосымша жемдеу бойынша биотехникалық іс-шаралар, экологиялық іс-шаралар және үгіт-насихаттар жүргізеді.Ғылым бөлімінің жұмысын 4 қызметкер атқарады. Ғылым, ақпарат, мониторинг, экологиялық ағарту және экотуризм бөлімі 2022-2026 жылдарға арналған ғылыми-зерттеу жұмыстарының жоспары негізінде 5 бағыт бойынша зерттеу жұмыстарын жүргізуде.&nbsp; Негізгі ғылыми жұмыстар:1. «Табиғат жылнамасы» бағдарламасы бойынша Барсакелмес МТҚ табиғат кешенінде жүріп жатқан құбылыстар мен процестерді бақылау;&nbsp; 2. Барсакелмес қорығы аумағында құмды-шаңды дауылдар мен құм тасымалын бақылау; 3. Барсакелмес мемлекеттік табиғи қорығының қосмекенділері мен бауырымен жорғалаушылары: қазіргі таңғы құбылмалы климаттық жағдайлары, экологиясы, мониторингі. 4. Барсакелмес мемлекеттік табиғи қорығындағы "Қызыл кітапқа" енгізілген &nbsp;құстар мониторингі. 5. Барсакелмес мемлекеттік табиғи қорығындағы құландардың популяциясы және олардың жай-күйі.Сонымен қатар ғылым бөлімі жергілікті тұрғындар арасында үгіт-насихат, экологиялық іс-шаралар, студенттерді тәжірибеден өткізу, қазақстандық және шетелдік ғалымдармен ғылыми-ізденіс жұмыстарын жүргізу, ғылыми және танымдық мақалалар, фото және видеомәліметтер жинақтаумен айналысады.2016 жылдың 19 наурызында ЮНЕСКО-ның «Адам және биосфера» бағадарламасы бағыттаушы кеңесінің 28-ші сессиясы шешімімен Барсакелмес мемлекеттік табиғи қорығы РММ-і негізінде құрылған Барсакелмес биосфералық резерваты ЮНЕСКО биосфералық резерваттарының Әлемдік жүйесіне енді (сертификаты қосымшада). Бұл Қазақстандағы ЮНЕСКО мойындаған 6-шы биосфералық резерват болып табылады.&nbsp;ЮНЕСКО-ның Барсакелмес биосфералық резерваты – Тұран шөлейттерінің солтүстік және орташа аймақшалық типіне кіретін экожүйелерді қорғайтын Еуразиядағы бірден-бір қорық. «Барсакелмес» учаскесінің ұзақ уақыт бойы арал ретінде шектеуленуі өсімдіктер қауымдастығының толыққанды флористикалық құрамы және экологиялық жағдайлардың табиғи балансы, тұрақты құрылымымен өзінің антропогендік-аналогтарынан ерекшеленетін түпкілікті экожүйелерінің байырғы қалпында сақталуына септігін тигізді.2020 жылдың 23 қазанында Нұр-Сұлтан қаласында еліміздің үздік инспекторлары, орманшылары мен табиғат қорғаушыларына орман шаруашылығы және жануарлар дүниесі саласындағы «Елім-ай» арнайы сыйлығы тапсырылды. «Елім-ай» сыйлығы – Қазақстан Республикасы президентімен бекітілген табиғат қорғаушыларына арналған алғашқы сыйлығы. Сыйлық 16 номинация бойынша ұсынылды. Ең үздік қорық номинациясында «Барсакелмес мемлекеттік табиғи қорығы» республикалық мемлекеттік мекемесі танылды. Барсакелмес мемлекеттік табиғи қорығы ерекше қорғалатын табиғи аумақтар арасындағы «Парктер шеруі – 2022» халықаралық табиғат қорғау акциясы республикалық байқауының қорытындысы бойынша ІІ орынды алып, Құрмет дипломымен марапатталды. Барсакелмес мемлекеттік табиғи қорығына «Тұран шөлдері» номинациясы бойынша ЮНЕСКО-ның Әлемдік табиғи және мәдени мұра мәртебесін беру мақсатында &nbsp;жұмыстар жүргізілуде.Барсакелмес мемлекеттік табиғи қорығының жануарлар дүниесі өте алуан түрлі. Омыртқасыздар әлемі өкілдері өте көп, тек насекомдардың (1 күндіктер, инеліктер, таракандар, таяқшалылар, айыр құйрықтылар, тік қанаттылар, тең қанаттылар, қатты қанаттылар, қабыршақ қанаттылар, жарғақ қанаттылар, қос қанаттылар) өзінің 12 отрядтан 2000-дей түрі кездеседі. Тек қоңыздардың өзінің 12 тұқымдасының 400 түрі анықталған. Қорықта насекомдардың "Қызыл кітаптық" түрлерінен арал жіңішке құйрық инелігі және әмірші инелік кездеседі.&nbsp;Қосмекенділердің екі түрі кең таралған. Олар – жасыл құрбақа мен көлбақа. Бауырымен жорғалаушылардың 12 түрі белгілі. Құмды шөл – ең бай жер, одан кейін сазды, тасты-шағыл тасты, ең кедей жер - сор. Тек қана құмда тарақ саусақты жармасқы, құлақты бат-бат, бұлан-құйрық бат-бат, орташа және жолақ кесіртке мекендейді. Жалтырауық жармасқы мен құм айдаһаршасы басқа биотоптарда да кездеседі. Тақыр бат-баты, түрлі-түсті кесіртке, қалқан тұмсық жылан көбіне сазды шөлдерде мекендейді. Барлық дерлік шөл түрлеріне ортаазиялық тасбақасы, бұғақты ешкемер, шапшаң кесіртке, оқ жылан тән. Қорықта ең саны көп – кесірткелер, тақыр бат-баты, бұғақты ешкемер және түрлі-түсті кесіртке болып табылады.Қорықтағы өзекті өсімдіктер флорасына 60 тұқымдас 191 туыстың 325 түрі жатады. Барсакелместе – 253 түр, ал Қасқақұланда – 101 түр, Дельтада 112 түр тіркелген. Қазақстанның эндемик түрлері – 16. "Қызыл кітапқа" енгізілген түрлер – 5. Олар: Борщов қызғалдағы, Пратов көкпегі, қосжарнақты қызғалдақ, қылқанжапырақты батпақгүл, қазақстандық қамыс.Барсакелмес мемлекеттік табиғи қорығының орман қоры – 56 216 гектар. Орман қорының негізі сексеуіл тоғайларынан тұрады. Сүтқоректілер фаунасы едәуір көп түрлі – 28 түр. Оның үшеуі – құлан, қарақұйрық, шағыл мысығы "Қызыл кітапқа" енгізілген. Шөл түрлері: қарсақ, құм қояны, қосаяқ, зорман, сұр атжалман, қалқанқұлақты кірпі көп кездеседі. Сонымен қатар қасқыр мен түлкі көп таралған. Қорықта жылдың әртүрлі мезгілінде 250 түр құстар мекен етеді немесе ұшып өтеді. Оның 33 түрі "Қызыл кітапқа" енгізілген, 17 түр индикаторлық болып табылады. "Қызыл кітапқа" енгізілген түрлер: бұйра бірқазан, кіші аққұтан, сары құтан, сұр тырна, бидайық, қарабас өгіз шағала, сұңқылдақ аққу, жыланшы бүркіт, дала қыраны, қарақұс, джек-дуадақ, жәй дуадақ, тарғақ ақбауыр және қарабауыр бұлдырықтар, үкі, қоқиқаз, қарабай, мәр-мәр шүрегей, ақкөз сүңгуір, жалбағай безгелдек, ителгі, қылқұйрық бұлдырық кездеседі. Балықтардың 22 түрі бар. Арал теңізі бассейнінде "Қызыл кітапқа" енгізілген – тасбекіре, аралдық қаяз, түркістандық қаяз және шатқалдық подкаменщик – 4 түр кездеседі. Индикаторлық түрлерге Abramis brama (Linneaus) ақтабан балығы жатады. Ол ең көп таралған жергілікті түр болып табылады.&nbsp;Қорық аумағында мекен ететін жабайы жануарлар мен құстарға көктем және күз айларында санақ жұмыстары жүргізіледі. Санақ жұмыстары көзбен көру және іздерді санау арқылы жүзеге асырылады.

Барсакелмес қорығының территориясы ұлғайды

<a href="https://kyzylorda-news.kz/">Kyzylorda-news.kz.</a>&nbsp;Адам құқықтары жөніндегі уәкілі мен Қызылорда облысының бала құқықтары жөніндегі уәкілі бірлесе отырып Қызылорда облыстық білім басқармасының «Жас жеткіншектерді әлеуметтік бейімдеу орталығы» коммуналдық мемлекеттік мекемесін аралап, атқарылып жатқан жұмыстармен танысты.Аралау барысында орталықта әлеуметтік бейімделуден өтіп жатқан адамдармен кездесу өткізіп, олардың тыныс-тіршілігімен танысты.Жасөспірімдер үйінде он алты жастан жиырма үш жасқа дейінгі балалар ауылдарының тәрбиеленушілері мен балалар үйлерінің, жетім балалар мен ата-анасының қамқорлығынсыз қалған балаларға арналған мектеп-интернаттардың түлектерін әлеуметтік бейімдеуден өткізуге арналған 47 төсек-орын бар.Қазіргі уақытта жасөспірімдер үйінде әлеуметтік бейімделуден өтетін 17 адам тұрады, оның ішінде 1 адам әскери қызмет өткереді (2022 жылғы желтоқсаннан бастап); бір адам жұмыс істейді және уақытша тұрмайды (2023 жылғы қаңтардан бастап); 2 кәмелетке толмаған.Жасөспірімдер үйінің негізгі мақсаты - балалар ауылдарының тәрбиеленушілеріне, балалар үйлерінің, жетім балалар мен ата-анасының қамқорлығынсыз қалған балаларға арналған мектеп-интернаттардың түлектеріне (әлеуметтік бейімделуден өтіп жатқан адамдарға) қоғамға олардың тілектеріне сәйкес, атап айтқанда, еңбек нарығына кіріcуге көмектесу болып табылады. Балалар ауылдарының тәрбиеленушілерін, балалар үйлерінің, жетім балалар мен ата-анасының қамқорлығынсыз қалған балаларға арналған мектеп-интернаттардың түлектерін әлеуметтік бейімдеу мақсатында Жасөспірімдер үйі мынадай міндеттерді орындайды: қоғамдық өмірге әлеуметтік бейімделу үшін жағдай жасау; жеке қабілеттерін дамытуға жәрдемдесу және кәсіби даярлықты қамтамасыз ету; жұмысқа орналасуға жәрдемдесу.Жалпы, барған кезде жасөспірімдер үйінің қызметі «Отбасы үлгісіндегі балалар ауылдары және жасөспірімдер үйлері туралы» Қазақстан Республикасы Заңының негізгі талаптарына сәйкес келеді. Алайда, бару барысында кемшіліктер анықталды, олар бойынша ұсыныстар берілді.

Қызылордада жас жеткіншектерді әлеуметтік бейімдеу орталығының жұмысы сараланды 

Кредитті қалай дұрыс пайдалануға болады?

<a href="https://kyzylorda-news.kz/">Kyzylorda-news.kz.</a>&nbsp; Бүгінде елімізде түрлі сала өз бетінше қарқынды дамып келе жатқаны сөзсіз. Соның ішінде аспаздық, наубайхана саласы да халық ризашылығына бөленіп келеді. Иә, «Ас атасы – нан» деген қағиданы берік ұстанатын қазақ халқы үшін нан өнімдерінің маңызы зор. Қоғамда жоғары сұранысқа ие нан өнімін әзірлеудің өзі көптеген еңбекті талап етеді. Көзбен қарағанға оңай көрінгенімен, мұндай жұмыстың артында қаншама еңбек жатыр десеңізші.Теңізді өлкеде де наубайхана саласы өз бетінше дамып жатқаны анық. Өз кәсібін бастап, бүгінде аудан тұрғындарын 20 жылдан астам уақыт нан өнімімен қамтамасыз етіп отырған кәсіпкерлердің бірі – Күләш Абашова апайымыз бүгінгі тақырыбымызға арқау болып отыр. Күләш Матығұлқызы өз кәсібі жөнінде:<blockquote>Берекелі астың бірі нан өнімі кәсібін мен 1997-1998 жылдары бастаған болатынмын. Бастапқы кездері кішкене ғана техникалық құрылғылармен нан пісіріп, базарға апарып сатып, өз кәсібімді қолға алдым. Кейін, бертін келе «Бастау Бизнес» арқылы кәсіпкерлік саласы жөнінде біліктілігімді кеңейтіп, қайтарымсыз грант ұтып алдым. Осы тұста нан өнімдерін өндіретін техникалық жабдықтарымды кеңейтіп, кәсібімді әрі қарай дамыттым. Бүгінде бір адамды жұмыспен қамтып отырмын. Яғни, нанды өзім илеп, қалыптаймын. Ал қасымдағы адам оны пісіріп отырады. Күніне 300-ден астам нан өнімін әзірлеп, екі дүкенді қамтып отырмыз. Күнделікті тез өтіп кетіп, тағы сұраныс білдіріп жатады. Дегенмен, біз үлгергенімізше дайындап, қолдан келгенше қамтимыз. Осылайша мемлекет тарапынан берілген мүмкіндікті пайдаланып, кәсібімді дамыттым. Алдағы уақытта осы кәсіпті әлі де дамыту ойда бар,–дейді кәсіпкер.</blockquote>Иә, бүгінгі күні кәсіп бастаймын немесе оны әрі қарай жандандырамын деген кез келген адамға мемлекет тарапынан біршама мүмкіндік қарастырылған. Ел экономикасын дамытушы кәсіпкерлік саласының халық игілігіне асары да мол. Күләш Абашова апай да бүгінде кәсібінің берекесін көріп отырған жайы бар. Алдағы уақытта Күләш апайға кәсіби табыс тілейміз.

Аралдық кәсіпкер мемлекеттік қолдаудың арқасында кәсібін жандандырды  

<a href="https://kyzylorda-news.kz/">Kyzylorda-news.kz.</a>&nbsp; Облыс әкімі Нұрлыбек Нәлібаев кезектілік тәртібімен жазылған азаматтарды қабылдап, оларды толғандырған мәселелерді, ұсыныс-пікірлерін тыңдады. Бүгін жеке қабылдауға 15 адам келді.Қабылдауға келген тұрғындардың басым бөлігінің көтерген мәселесі – тұрғын үй алу, жұмысқа орналасу және отбасы мүшелерінің ем-домына қаржылай көмек көрсету.Облыс әкімі азаматтардың алға тартқан мәселелері жіті зерттелетінін, шешімі заң талаптарына сәйкес қарастырылатынын жеткізді. Кейбір сұрақтар бойынша жауапты тұлғалар заң аясында түсіндірме беріп, шешу жолдарын ұсынды.Мәселен, осы жолы бір топ қала тұрғыны Қызылордада инклюзивті театр ашу жобасына қолдау сұрады. Аймақ басшысы бұл жобаны қолдап, облыстық мәдениет және спорт басқармасына тиісті ұсыныс әзірлеуді тапсырды.Мұнан бөлек, қабылдауда ДЦП диагнозы қойылған баласын Талсуаттағы оңалту орталығына ем алу үшін орналастыруды сұраған ананың, тұрақты жұмыспен қамтуды сұраған 40 жастағы қала тұрғынының мәселелері шешімін тапты.Осы уақытқа дейін облыс әкімі 30 жеке қабылдау өткізіп, 600-ден астам тұрғынның өзекті мәселесіне ден қойды.Айта кетейік, тұрғындар облыс әкімінің қабылдауына egov.порталы, е-otinish бірыңғай базасы немесе әкімдікке келіп жазбаша өтініш тастау арқылы жазыла алады.<figure class="image"><img src="https://knadmin.beoblood.kz/uploads/339283390_1227028727928891_690923174725334614_n_74119c9494.jpg" alt="339283390_1227028727928891_690923174725334614_n.jpg"></figure>&nbsp;<figure class="image"><img src="https://knadmin.beoblood.kz/uploads/339290664_115393671515400_3736915878456033799_n_477b626169.jpg" alt="339290664_115393671515400_3736915878456033799_n.jpg"></figure><figure class="image"><img src="https://knadmin.beoblood.kz/uploads/339403452_242750288121480_6527005643047070352_n_4fc08aa942.jpg" alt="339403452_242750288121480_6527005643047070352_n.jpg"></figure>&nbsp;<figure class="image"><img src="https://knadmin.beoblood.kz/uploads/339251963_1673092889794584_57894108359779234_n_a5aa9331ff.jpg" alt="339251963_1673092889794584_57894108359779234_n.jpg"></figure>

Облыс әкімі тұрғындардың жеке мәселелерін тыңдады

<a href="https://kyzylorda-news.kz/">Kyzylorda-news.kz.</a> Президенттің қолдауы негізінде өнеркәсіп саласының дамуына серпін беретін ірі жобалардың бірі шыны зауыты аясында 42 млрд теңге инвестиция тартылған.Зауыт өнімі Астана, Алматы, Шымкент қалаларына жөнелтілуде. Алдағы уақытта Өзбекстанға экспорттау жоспарлануда. Биылғы жылы шамамен 30 мың тоннаға жуық шыны шығарылмақ.Зауыт жанынан инвестиция көлемі 100 млрд теңгеге жуық 8 ілеспе кәсіпорын құрылады. Оның үшеуі – шыны талшықтар мен композитті материалдар, айна және жұқа шыны шығару жобалары бойынша жобалау жұмыстары басталды.Шыны зауытының екінші кезеңі ретінде «Чайна Гласс» қытай компаниясы ультражұқа шыны шығару зауытына инвестор болуға ниет білдіруде. Бұл өңір үшін ерекше маңызды жобаның бірі болмақ, құны – 64 млрд теңге.Шыны талшықтары мен композитті материалдар жобасы «Қызылорда композиттік материалдар зауыты» серіктестігінің бастамасымен жүзеге асырылады. Жоба құны – 1,5 млрд теңге. Ал құны 4,5 млрд теңгені құрайтын «Айна шығару» жобасының бастамашысы – «Арал Кварц» серіктестігі.Атап өту қажет, бұл екі жобаға мемлекеттік қолдау шарасы ретінде зауытты орналастыру үшін жер телімдері берілген. Зауыт маңынан автомобиль айналары, шыны кәдесыйлар, шыны мақтасы, шыны ыдыстар өндірілмек.&nbsp;&nbsp;

Қызылордадағы шыны зауыты 197 мың тонна өнім шығаруға қабілетті

<a href="https://kyzylorda-news.kz/">Kyzylorda-news.kz.</a> Тау-кен және металлургия өнеркәсібінде «Шалқия» қорғасын-мырыш және «Баласауысқандық» ванадий кен орындарын игеру жобалары өңір экономикасының дамуына ықпал етпек.«Шалқия» кен орны Жаңақорғаннан солтүстік-шығысқа қарай 17 шақырым жерде орналасқан. Оңтүстікке қарай 4 шақырым кеңес заманында кеншілер отбасыларын тұрғын үймен қамтамасыз ету үшін салынған «Шалқия» елді мекені бар. «Қызылорда-Шымкент» магистральдық жолына іргелес битуммен қапталған жол салынды. Жол және теміржол арқылы Жаңақорғаннан Кентау қаласындағы байыту фабрикасына, сондай-ақ, Шымкент арқылы Өзбекстан мен Қытайға және Қызылорда арқылы Ресейге көлік байланысы қамтамасыз етіледі.Кен орнының ұзындығы 27 шақырым жеке темір жолы, 16 шақырым жеке электр желілері, әрқайсысы 40 МВт-дан 2 трансформаторы бар жеке қосалқы станциясы, суы, дамыған жерасты инфрақұрылымы бар.«Шалқия» кен орны – дүние жүзіндегі ең ірі бес кеніштің бірі. Жоба бойынша жаңа стратегия әзірленген. Стратегияға сәйкес, қазіргі уақытта жобаның тау-кен бөлігі мен жерүсті кешендері бойынша түзетулер енгізілген. Бүгінде жерасты кенішінің құрылыс жұмыстары жүргізілуде. Фабрика іске қосылғанда, жаңадан тағы бір мыңға жуық жұмыс орны ашылады. Оның 2025 жылы жылына 2 млн тонна кен өңдеуге қуаты жетеді, одан әрі 2026 жылдан бастап қуатын жылына 4 млн тоннаға дейін ұлғайтпақ.Тау-кен металлургия саласындағы екінші жоба – «Баласауысқандық» кен орнын игеру. Ол 100% шетелдік инвестордың қатысуымен іске асырылып жатыр. 2016 жылдан бастап тәжірибелік-өндірістік кешен жұмыс жасайды. «Баласауысқандық» ванадий кенішінен өткен жылы ең кемі 357,9 тонна аммоний метаванадаты Ұлыбританияға, 57,4 тонна ферромолибден Ресейге экспортталған.Өңірдегі өндіруші сектор облыстың барлық өнеркәсібінің шамамен 90%-ын құрайды. Мұнай мен оның өнімдерінің үлкен көлемі экспортқа таза күйінде жіберіледі. Қызылорда облысындағы мұнай кен орындарының үлесі ел бойынша дәлелденген және алынатын мұнай қорының жалпы көлемінің 5%-ын құрайды. Ең ірі кен орындарына «Ақшабұлақ», «Құмкөл», «Қоныс» және «Солтүстік-батыс Қызылқия» жатады.Қазіргі уақытта облыста 59 мұнай-газ кен орнын игеретін 11 мұнай-газ өндіруші компания тіркелген (Қазақстандағы кен орындарының жалпы санының 6%-ы). Өңірде 21 мұнай-сервис компаниясы бар.Ал металл кендерін өндірумен 4 кәсіпорын айналысады. Тау-кен өнеркәсібінде 4 кәсіпорын жұмыс істейді. Жалпы облыста қазіргі кезде жер қойнауын пайдаланушылар саны 58-ге жеткен.Перспективалы кен орындары – «Қарамұрын кен алаңы» (алтынның алдын ала қоры – 1900 кг), «Ақжар кен алаңы» (мыстың алдын ала қоры – 700 мың тонна, элементтер: алтын, күміс, мышьяк, қорғасын, мырыш, кобальт, никель), «Дарбазинское» (мыстың алдын ала қоры – 1 млн тонна), «Баласауысқандық» ванадий кен орны.Қазіргі таңда тау-кен өндіру өнеркәсібі саласында 28 кәсіпорын жұмыс жасап жатыр. Атап айтқанда, мұнай өндірумен 11 компания, уран өндірумен 4 компания және қалған компаниялар қатты пайдалы қазбаларды (темір, қорғасын, ванадий, түрлі-түсті металдар) және кең таралған пайдалы қазбаларды (тұз, әк, кварц құмы, доломит, саздақ, құрылыс құмдары) өндірумен айналысады. Бұл салада 8500 адам жұмыс істеп жүр.«Karatau Mining» ЖШС біздің облыста Байжарка алаңында мыс, алтын және ілеспе компоненттер кен орнын игеруде. Онда мыс, алтын және ілеспе компоненттерді барлауға келісім-шарт жасалған. Аталған келісім-шарт бойынша жер қойнауын пайдалану құқығы «Karatau Mining» ЖШС бірлескен кәсіпорнына берілген.&nbsp;

Қызылордадағы кен орындарын игеру жобалары 

Бірер күн бұрын қаладағы үлкен дүкендер мен супермаркеттердің&nbsp; әдеттегідей электронды төлем емес, бұрынғыдай қолма-қол есеп айырысып жатқанын естідік. Жұмыстан қайтарда күнделікті тұтынатын азық-түлік алу үшін бізде дүкенге бас сұққан едік. Банкоматтар мен кассаның алдында ұзын-сонар кезекке тұрғандар көп. Бұған дейін Kaspi.kz қосымшасы арқылы төлем жасап алып жүрген біз де банкоматқа кезекке тұруға мәжбүр болдық. Сатушыдан сұрағанымызда басшының тапсырмасымен QR код алынып тасталғанын, енді төлем тек қолма-қол жүргізілетінін айтты.Қарап отырсаңыз, өнімі өтімді, жұртшылық жиі келетін үлкен дүкендерде осы көрініс. Оның себебін салық төлемеудің амалы болар деп ойладық. Расында, солай болып шықты. Облыстық мемлекеттік кірістер департаменті өндірістік емес төлемдер басқармасының басшысы Гүлжамал Шортанбаева:<blockquote>Қазір барлық банктен кәсіпкерлердің есепшотын сұратып жатырмыз. Оларды төтеннен тексеріп баруға құқымыз жоқ. Себебі мораторий жарияланған. Бұл мәселені қарастыратын боламыз,– деді.</blockquote>Бізде салыққа қатысты сан түрлі мәселе барын бұдан бұрын да айтқан едік. Ақпан айының соңында облыс әкімінің төрағалығымен өткен жиналыста көтеріліп, сала басшыларына тапсырма берілген болатын. Салықты төлеуден жалтарып, жанама жол табуға тырысатындарға тексеру күшеймек. Облыс бюджетінің негізгі кіріс көзі осы салықтан екенін ескерсек, онда экономикамыздың дамуына кері әсер етіп отырғанымызды түсіну қиын емес секілді.Қолдағы деректерге зер салайық. Өткен жылы жергілікті бюджеттің болжамы 104,1%-ға орындалып, бюджетке 79,9 млрд теңге түсім түскен. Түсімдердің өсімі байқалады. Десе де түйткілді мәселелер жоқ емес. Айталық, облыстың салықтық түсімі 68 млрд теңгені құраса, халық саны (833 531) біздің өңірмен шамалас Қостанай облысының (832 110) түсімі 144 млрд теңге, яғни 2 есе артық. Оның ішінде жалақыдан төленетін салықтардың сомасы Қостанайда 76 млрд теңге, облыста бар болғаны 44 млрд теңге немесе 32 млрд теңгеге аз. Алайда көрсетілген мәліметтерден тағы бірнәрсені ұғыну керек. Біздегі жалақы мөлшерінің мардымсыз болуы немесе ірі-ірі кәсіпорындардың аздығы да әсер етуі мүмкін.Статистика органдарының былтырғы мәліметінше,&nbsp; жұмыспен қамтылғандар саны 331 мың адам. Ал салық есептілігіне сәйкес жұмысшылар саны 249 мың адам, яғни, айырмасы 82 мыңды құрайды. Тағы да сандар арасындағы алшақтық едәуір. Бұл түрлі себептерге байланысты болуы мүмкін. Мәселен, статистикалық мәліметті өсіріп көрсету немесе&nbsp; өзін-өзі қамтығандар, маусымдық жұмыскерлер деген секілді. Облыстық мемлекеттік кірістер департаменті мамандарының есебінше, 50%-ға тең деп есептегеннің өзінде салық есептеріндегі орташа облыстық жалақы көлеміне сәйкес, 40 мыңнан астам адамнан ай сайын бюджетке 400 млн теңге өндірілмейді.&nbsp; Бұл – жылына 5 млрд теңгеге жуық қаржы түспейді деген сөз.Кәсіпкерлер неліктен табысын жасырады дегенге келейік. Бұл мәселе жайлы біз Қызылорда механикалық зауыты «Квант» ЖШС серіктестігінің директоры, облыстық қоғамдық кеңестің мүшесі Жаңабай Бекішевпен пікірлескен едік.<blockquote>&nbsp;Өз басым салықтан жалтара алмаймын. Қазір бәрі ашық, көз алдыңда айқын көрініп тұрады. Цифрлық заманда картамен, аударма, QR код арқылы төлем секілді түрі көп. Қолма-қол төлем қабылдаудың кезеңі өтті. Кәсіпкерге қайта сол оңай. Бірақ жаңа шығып жатқан Салық кодексін біздің оқып, танысуға, салық түрлерін зерделеуге уақытымыз жоқ. Бізге неғұрлым тиімді тұсын ұсынса жетіп жатыр. Барлығын электронды түрде бір жүйеге түсіріп, арнайы бағдарлама енгізіп&nbsp; қойса, жеңіл болады. Түскен табысымыздың белгілі бір мөлшерін ғана төлейтіндей етіп ыңғайласа дұрыс. Оны сол банктен бірден ұстап қалса, тіпті тиімді. Жалпы елімізде кәсіпкерліктің дамуы неге өз деңгейінде емес? Бізге қаржы жағынан үлкен қолдау керек. Мемлекеттен берілетін қайтарымсыз грант дегенді тоқтату керек. Бұл – кәсіпкерлікті дамытудың жолы емес. Үкіметтен де ештеңе берілмеу керек. Кәсіпкерлерге ұзақ мерзімге аз пайызбен несие берілгені дұрысырақ. Мәселен, Сингапурда бес миллион ғана халық болса, онда 122 дербес банк бар. Олар ешкімге бағынбайды. Сондай жүйе керек бізге. Әйтпесе қаншама идеясы бар адамдардың қолын қаражат байлап тұр. Әлгіндей шетелдің дербес банктерін бізге көптеп кіргізсе, ұзақ мерзімге төмен пайызбен несие берілсе, кәсіпкерлік дамитын еді.</blockquote>Сонымен бірге кәсіп ашуда кедергілер де жоқ емес. Кәсіп бастау үшін алдымен жер немесе ғимарат керек. Оның барлығы айналып келгенде қаржыға тіреледі. Ғимарат салып, оның рұқсатын алу үшін де қаншама тер төгіледі. Бірінші кезекте осы мәселелерге жеңілдіктер жасалса, содан кейін ғана бізден талап етсе болады, – дейді кәсіпкер.Бір мәселенің шетін тартсаң, осылай тағы бірнешеуі шырмауықша орала&nbsp; береді. Мемлекет басшысы Қасым-Жомарт Тоқаев Парламенттің бірінші сессиясында сөйлеген сөзінде шағын және орта бизнестің бәсекеге қабілетін арттыру мәселесіне баса мән берілетінін айтты. Ол үшін бірыңғай кешенді бағдарлама әзірлеу қажеттігін де алға тартқан еді. Бизнесті дамытудың тың тәсілдерін әзірлеуді де тапсырды. Сондай-ақ, алдағы бесжылдық кәсіпкерлікті дамытуға бағытталатынын да жеткізді. Демек, жаңадан сайланған депутаттарға тағы бір жауапкершілік артылып отыр.Жоғарыда қозғалған тақырыпқа қайта ойысайық. Биылдан бастап кәсіпкерлер тұрмақ, мұғалім мен дәрігерлер де өзінің табысын көрсетуге міндеттелді. Олар жыл басынан декларация тапсыруда. Ендеше қарапайым кәсіп иелері табысы жайлы ақпарат беріп отырса, онда ірі-ірі сауда нүктелері, күнде кіріс көзі бар дүкен иелері табысын қалайша жасырады?Тағы да деректерге назар салыңыз. Салық кодексіне сәйкес, жеке тұлғалардың қарызын мәжбүрлеп өндіруді жеке сот орындаушылары ғана жүзеге асырады. Кірістер органы тарапынан жеке тұлғалардың көлік, мүлік салығынан берешектерін&nbsp; мәжбүрлеп өндіру үшін&nbsp; 22 мың жеке тұлғаның 638 млн теңге берешегі жеке сот орындаушыларға жолданыпты. Алайда, 12 мың адамның 263 млн теңгесі немесе 41% ғана өндіріліп, қалған 10 мыңының 375 млн теңге берешегі бірнеше жылдан бері өндірілмей келеді. Сондай-ақ, 1 млн теңгеден жоғары салық берешегі барлардың меншігінде мүліктер тіркелгенмен, оған шектеу қойылмағанын да айта кетейік.Негізі салық төлеуден жалтарып не жасырып-жабудың қажеті шамалы. Ойланып қарасаңыз, сол қаражат өзімізге қайтып келеді. Түскен сома әлеуметтік жағдайды жақсартуға, үлкен ғимараттар, мектептер, ауруханалар, түрлі мәдени нысандар салу үшін жұмсалады. Өңірдің өркендеп дамуына үлес қосқысы келген әрбір адам, мейлі ол кәсіпкер немесе қарапайым маман болсын, салықтан сырт айналмауы керек секілді.&nbsp;

Салық төлеуге салғырт қарамау керек

<a href="https://kyzylorda-news.kz/">Kyzylorda-news.kz.</a> Таяуда ғана ІТ бағытта өткен «Innofest-2022» конкурсының жеңімпазы атанған София Темірболат тұңғыш рет комикс форматында кітап шығарды.&nbsp;Облыс әкімінің қолдауымен өткен идеялар байқауында қызылордалық өрен үздік атанып, конкурстан ұтып алған 500 мың теңге қаржысына өз идеясын іске асырып, виртуалды ортамен қауіпсіз байланыс дағдыларын дамытатын кітап жазып шықты.«Cyber City» хикаялары атауындағы жаңа кітап арқылы оқушылар цифрлық қауіпсіздікті қызықты қысқа комикс əңгімелер арқылы меңгерте отырып, олардың технологиялық жəне дүниетанымдық салалар бойынша білімін қалыптастырады.&nbsp;<blockquote>«Комикс кітабы балаларды интернеттегі қауіпсіздік ережелерімен, жаңа терминдерден хабардар болуына, ақпараттық мəдениетті жетілдіруге көмектеседі. Басқа да бөлімдерін жазамын. Келешекте кітапты әрі қарай дамытатын боламын»,-дейді София Темірболат.&nbsp;</blockquote>Жас автордың идеясын іске асыруға бағыт берген Қызылорда облысы әкімі аппаратының цифрлық технологиялар бөлімінің басшысы Сәбит Ибадулла мен Қорқыт ата университетінің экономика және құқық институтының директоры Нұрлан Құлмырзаев мұндай кітаптар гаджеттерге әуес альфа ұрпақ балаларға интернеттегі киберқауіпсіздік пен ақпараттық гигиенаны сақтауға мүмкіндік береді дейді.&nbsp;Бүгін жаңа кітаптың тұсауы кесіліп, оқырмандарға таныстырылды. Тұсаукесер рәсімінде София ерекше қажеттілігі бар балаларға кітапты сыйға тартты.&nbsp;Айта кетейік, 500 данамен шығарылған кітап қала мектептеріне тегін таратылатын болады.<figure class="image"><img src="https://knadmin.beoblood.kz/uploads/Whats_App_Image_2023_04_06_at_12_36_37_2b24e1373a.jpeg" alt="WhatsApp Image 2023-04-06 at 12.36.37.jpeg"></figure><figure class="image"><img src="https://knadmin.beoblood.kz/uploads/Whats_App_Image_2023_04_06_at_12_36_37_1_a111f2b34d.jpeg" alt="WhatsApp Image 2023-04-06 at 12.36.37 (1).jpeg"></figure><figure class="image"><img src="https://knadmin.beoblood.kz/uploads/Whats_App_Image_2023_04_06_at_12_36_38_1_e7f68ad6d1.jpeg" alt="WhatsApp Image 2023-04-06 at 12.36.38 (1).jpeg"></figure>

Қызылордалық өрен тұңғыш рет комикс форматында кітап шығарды

<a href="https://kyzylorda-news.kz/">Kyzylorda-news.kz.</a> «Хабар 24» телеарнасының Қызылорда облысындағы меншікті тілшісі, Қызылорда облыстық Қазақстан халқы ассамблеясының жанындағы Журналистер мен сарапшылар клубының белсендісі Нұрлан Жаңақұлұлы баспана мәселесіна қатысты пікір білдірді.&nbsp;<blockquote>«Елімізде бар арманы баспаналы болумен байланысты мыңдаған адам бар. Алайда бұл өзекті мәселе өз шешімін таппай тұр. Мемлекет басшысының пайымынша, тұрғын үй саясаты нарықтағы ахуалға тығыз байланысты. Жаңа құрамдағы VІІІ шақырылымдағы ҚР Парламенттінің бірінші сессиясында Президент халықты баспанамен қамту саясаты қалай жалғасатынын айтты. «Халықтың басым көпшілігі үшін тұрғын үй – ең өзекті мәселе. Маған азаматтардан күн сайын жүздеген өтініш келеді. Оның ішінде қолжетімді баспанамен қамтамасыз етуді сұраған хат өте көп. Бұл түйткіл мемлекет тарапынан мүмкіндігінше шешіліп жатыр. Тағы да қайталап айтамын, мемлекет шын мұқтаж адамдарға ғана жәрдем береді. Сондықтан, біз осы саладағы саясатымызды қайта қарап, оның мейлінше әділ әрі икемді болуын қамтамасыз етуіміз керек», - деді Қасым-Жомарт Тоқаев. Халыққа ипотека беретін емес, үйді арзан бағамен алатын кешенді бағдарлама қажет. Қазір үйдің қымбаттаған бағасына халықтың табысы жетпей отыр. Бүгінде елімізде ипотекалық бағдарлама тым көп. Бірақ сол бағдарлама талаптарына сай келетін қолжетімді үй жоқ. Осы мәселелерді шешу жолында халыққа тиімді бағдарламалар ұсынылады деген үміттеміз», - деді Нұрлан Жаңақұлұлы.&nbsp; &nbsp;</blockquote>

Қазақстан және Қызылорда облысының жаңалықтары