<a href="https://kyzylorda-news.kz/">Kyzylorda-news.kz.</a> Жаңақорған ауданының ұлттық ойындардан жеткен жетістігі көңіл қуантады. Жыл сайын ұлттық спорттың беделі артып, әлемдік ареналарда аталып жүр. Қазақ күресі, көкпар, аударыспақ пен тоғызқұмалақтан спортшылар тұғыр төрінде. Оның ішінде, жаңақорғандық жігіттердің де жеңісі өз алдына бір төбе. Оның айқын жеңісі ат спорты мен тоғызқұмалақтан шыққан шыңымыз.Алдымен ат спортынан бастайық. Құрылғанына 12 жылдан асқан аймақ шабандоздары ат спортының кез келген түрінен үздік үштікте келеді. Аға буынның ізін жалғаған жастар жақында ел чемпионатында сүйіншілеп қайтты. Сыр өңірінің намысын 10 жылдан астам биік ұстап келе жатқан жаңақорғандық жігіттердің жеңісті жолына Сыр жұрты куә. Бірақ, бұл спортшыларға да серпін керек, қолдау маңызды. Осы мәселе және алдағы жоспарды саралау үшін білікті бапкер, облыс құрамасының белді жаттықтырушысы Сламхан Боранбаевты сөзге тарттық.<blockquote>«Биылғы жыл табысты басталды. Ел чемпионаттарында жеңіс тұғырында жүрдік, жастар ұлттық құрама сапын толықтырды. Көкпардан сол үштік тұғырдан түспесек, аударыспақ пен жамбы атудан алтын тұғыр бұйырып келеді. Теңге ілуде де жаман емеспіз. Бұйырса, саяткерлік спортын да биікке көтереміз деген жоспар бар. Оның бастауына биыл ел куә болып, чемпионат біздің ауданда өтті. Одан бөлек, биылғы облыстық «Алтын күз» спартакиадасында алтын тұғыр біздің еншімізде. Қалай десек те, біздің бар арманымыз ел чемпионы болу. Барлығы уақыттың еншісінде, нәтижелерге жыл салып жетіп келеміз», – деді аға бапкер.</blockquote>Биылғы жылдың тағы бір жетістігі, 14 жас шабандоз «спорт шебер» атағына қол жеткізді. 12 балуан көкпардан, екеуі аударыспақтан. Міне, осындай оғландар облыстың атын оздырып, бәйгеде барын салып жүр. Тек оларға қолдау болса болғаны, әрине, қаржылық қолдау керекақ, бірақ, бәрінен бұрын астарындағы тұлпарларына тіреу болса. Шыны керек, көз көріп жүр, шабандоздардың жаттығатын алаңы болғанымен, ешқандай жағдай жасалмаған. Аттар да адам секілді, шаршағанда көлеңке керек, жаттығудан кейін суытып, қалпына қайта келтіру керек. Мұның барлығы үлкен жұмыс, оны бір күндік жаттығу барысында байқадық.<blockquote>«Қазір аудан орталығындағы арнайы алаңның айналасына жасауға тиісті жұмыстарды тізбектеп, жобасметасын жасап қойдық. Яғни, алаңды қоршау, көрермендер отыратын орындықтар, жылқы өнімі мен құралсаймандарын сататын дүңгіршіктер және жануарлардың тынығатын орындарын салу жоспарда бар. Мұндағы мақсат – ұлттық спорттың деңгейін көтеріп, өскелең ұрпақты осы жолға тәрбиелеу. Өйткені, атадан келе жатқан, қанымызға сіңген өнер біз дәріптемесек, кім дәрптейді. Әрине, мұның барлығы алдағы уақыттың еншісінде, дегенмен, тездетіп, ат спортына жағдай жасамасақ бұдан да биікке шығамыз деген үміт сөніп қалады-ау», – деді бапкер.</blockquote>Өте дұрыс, қарап тұрсаңыз, біздің елде спортқа көбірек көңіл бөліне бастады. Қай спорты алсаңыз да арнайы жаттығу залы, қажетті саймандары жетерлік. Әрине, ат спортына да көңіл бөлінеді, бірақ жағдай мәз емес. Қазір жылқылардың барлығы Қыркеңсе ауылында, күнделікті жаттығуға аудан орталығына келіп-кету үлкен мәселе. Келгеннен соң жаттығатын алаңның бүгінгі беделі көңіл көншітпейді. Әрине, бұл аудан шешетін мәселе емес, десе де көңіл бөлінсе нұр үстіне нұр болар еді.Одан бөлек, аударыспақ, теңге ілу және жамбы атудан да аудан азаматтары алдыңғы қатарда. Жалпы садақ пен қазақ егіз ұғым. Садақты бабаларымыз ерте кезде аң аулауда, кейін соғыс ісінде қару ретінде қолданған. Тарих беттерін парақтасақ бес қаруын сайлап, қазанат мінген жау¬жүрек батырлардың ұлан-ғайыр байтақ даланы ұрпақ үшін қорғап қалған ерлігі біздерге өнеге. Сол секілді асық атудан да абыройымыз асқақтап келеді. Оны облыста өткен турнирлерді көзіміз жетіп келеді.Биыл Павлодар қаласында тоғызқұмалақтан Қазақстан Республикасының жекелей чемпионатында жаңақорғандық жас Әлайдар Ермұхаммед жүлделі орын алып, елге олжалы оралды. Әлем чемпионатының жолдамасан да жеңіп алған болатын. Оның ұстазы – Ұлттық дәрежедегі төреші Асылбек Шертайұлы ауданда тоғызқұмалаққа жанкүйер болып, ұлттық өнердің шашбауын биік көтеріп жүрген бірден-бір азамат.&nbsp;Жалпы тоғызқұмалақ ойыны нағыз есепке құрылған ойын. Ешбір мақсатсыз ойнау тек ұтысқа ұшыратады. Жоспарлы ойынның тактикалық тәсілдері де, стратегиясы да өте күрделі. Сондықтан оны анау-мынау кісі игере алмайды. Тоғызқұмалақ – қазақтың ұлттық дәстүрлі ойыны. Тоғызқұмалақ ойынына құмарлық халықаралық деңгейде арта түсуде. Зияткерлік мұрамыз қайта жаңғырып, Қырғыз, Монғолия елінде сабақ өтіледі. Алтайдан Америка аралығындағы елдерде интернет кеңістігінде тоғызқұмалақ ойынына қызығушылар саны артқан.Тек қазақша күрестен апайтөстеріміз әлі шығар емес. Бірақ салмақ бойынша сындарда сүйіншілеп жүргеніміз рас. Тек түйе палуан сынында сүрініп жүрміз. Ол енді уақыт еншісіндегі мәселе. Ең бастысы, іргетасымыз бар, бұйырса әлемдік сахналарда өнер көрсететін балуандар дайындауға мүмкіндігіміз жоқ емес. Міне, аудандағы ұлттық спорттың дамуы осылай өрбіп келеді. Азаматтардың алар асуы әлі алдыда деп білеміз.

Жаңақорған шабандоздары үздік үштікте

<a href="https://kyzylorda-news.kz/">Kyzylorda-news.kz.</a> Жиһаз өндірісі – экономикаға серпін беретін саланың бірі. Жаңақорғанда бұл кәсіппен айналысушылардың қатары жыл сайын артып келеді. Себебі сұраныс артты. 2023 жылы елде бұл саланың нарықтағы үлесі артып, ішкі сұраныстың үштен бірін қамтыған. Әсіресе асхана мен қонақ бөлмеге арналған ағаш жиһаз өндірісінде бір жыл ішінде 16,2, кеңселік тауарлар 2,6 процентке өскен. Сарапшылар өңдеу өнеркәсібінің ілгерілеуінің – қарапайым халық үшін тиімді екенін айтады. Бәсеке артқан сайын тұрғындар сапалы өнім алуға, талғамына сай тапсырыс беруге мүмкіндік алады. Сондықтан біз бүгін аудандағы жиһаз өндірісінің тыныс-тіршілігін бағамдап көрдік.Қазір шағын кәсіппен айналысамын деген адамдарға мемлекет тарапынан қолдау жеткілікті. Әсіресе жастарға басымдық көбірек берілуде. Жеңілдетілген процентпен несие алып, қайтарымсыз қаржыға қол жеткізгендер шағын бизнестің шырайын кіргізе бастады. Сондықтан «қолда бар алтынның қадірін» біліп, мүмкіндікті сәтті пайдаланған жөн. Былтыр екі азамат жиһаз өндіретін цехты іске қосу үшін қайтарымсыз қаржыға қол жеткізді. Соның бірі – Нұрмұхаммед есімді азамат.Ол трансформер жиһазын өндіруді қолға алды. Яғни жас кәсіпкер жұмсақ жиһаздың осы бір креативті түрін жасауға кірісіп кетті. Отырсаң диван, жатсаң жатын орныңа айналатын бұйымға сұраныс та жоғары. Біз Нұрмұхаммед Оразбаев туралы төл басылымда тарқата жазғанбыз. Бүгінде шеберлер қолданатын қарапайым жиһаз тұтқасынан бастап, ұсақ-түйек заттары мен ЛДСП, МДФ материалының барлығы да отандық өнім екен.Шыны керек, біз Түркістан нарығынан тәуелділіктен арыла қойған жоқпыз. Сапалы тауар, қолжетімді баға және тауар таңдауға мүмкіндік жасауға көрші өңірдің нарығы бізден артықшылыққа ие. Соның есебінен көрші аймақпен бәсекелесу оңай емес. Былтырғы жылдың қорытындысымен жиһаз өндірісінің ең көп жылдық өсімі Түркістан қаласында тіркелді. Онда жас жұбайлардың шаңырағына сыйлайтын жиһаздың саудасы қызып тұр. Яғни көрші облысқа жаңақорғандықтар жас отбасыға сыйлық алуға көп барады. Қалған үй жиһаздары өзімізде өндіріледі.Жаңақорған ауданы бойынша кәсіпкер ретінде жұмыс жасайтын 7 жиһаз цехы болса, оларда 20-дан астам қызметкер бар. Тапсырыс беретін тұрғындардың да қатары аз емес. Бірақ бізде көбі уақыт жоғалтып алудан қорқады. Яғни бір жиһазды кемінде бір айдан астам уақыт күтуге тура келеді. Тұтынушының көңілі толмайтыны да содан. Қазіргі уақытта жиһаз саудасы бойынша нарықтың 70-80 проценті отандық өнімге тиесілі екен. Осылайша, өзіміздің өндіріс шетелдік тауарлардан артық болмаса да кем емес екенін дәлелдейді. Тиісінше, импорттық ахуал екі есеге төмендеп, экспорт көлемі артып келеді. Сол секілді Түркістан тауары Жаңақорған нарығында экспортталудан көш бастап келеді. Десе де, біздің кәсіпкерлер өндіріс саласына серпін беріп, ішкі өнім үлесін еселей түсуге ниетті.<blockquote>«Қазір бәсеке күшейе түсті. Жиһаз құрастыратын кәсіпорындар, шағын цехтар жеткілікті. Мен ауылда отырып тапсырыс қабылдап, жиһаздарды жеткізіп отырамын. Шүкір, тапсырыс көп. Кейде үлгеруіміз қиындап жатады. Жиһазға қажетті құрал-жабдықтарды Түркістаннан аламыз. Көбіне тұрғындар сапалы, бірақ бағасы қолжетімді болуын талап етеді. Осыған көп мән беремін», – деді байкенжелік кәсіпкер Мақсат Әлиев.</blockquote>Аудан орталығындағы «Жұмабай» жиһаз орталығы шағын цехының тұтынушылары аз емес. 20 жылға жуық аудан тұрғындарына қызмет ететін Мұрат кәсіпкер тапсырыс берушінің талабынан шығуға күш салады. Онда жиһазға тапсырыс берсеңіз, бірнеше апта күтесіз. Бірақ сапалы өнім ала аласыз. Ал жас отаудың жатын орындары, шкафтары көбіне «Ақжол» сауда үйінен алынады. Ол жақтағы өнім Түркістан, Шымкент немесе Алматы қаласынан келеді екен. Ал Алматы сынды ірі мегаполистерде тауардың керек жабдықтары Польша, Қытай, Ресей елдерінен әкелінеді. Демек онда да тауар сапалы деген сөз.Осы орайда Қазақстанның жиһаз және ағаш өңдеушілер қауымдастығының президенті Қанат Ыбраевтың пікіріне құлақ салсақ:<blockquote>«Саланы жетілдіре түсудің барлық алғышарттары бар. Жасалып жатқан бұл мүмкіндіктерді қазақстандық өндірушілерге барынша жеткізу маңызды. Мемлекеттің көрсетіп жатқан қолдауына лайықты жұмыс жасауға міндеттіміз. Біз жиһаз өнімдерін кешенді өндіріс жолына қоюға күш салуымыз керек. Бұл ең алдымен, қосымша шығындарды азайтады. Есесіне өнім құны төмендейді. Сондай-ақ экспортқа шығуға мүмкіндік береді. Нәтижесінде кәсіпорындарда әлемдік трендтерді ендіріп, жаңа бұйымдар жасауға болады. Мұның сапа көрсеткіші артуына септігі бар», – деді.</blockquote>Қазақстанда жиһаз өндірісі кластерін дамытуға мән беру керек. Сонда ғана саланың көкжиегі кеңейе түседі.<blockquote>«Шынтуайтында жиһаз өндіретін мекемелердің артуы бізді қуантады. Көбіне Шымкент пен Түркістанға баратынымыз рас. Сондықтан алдағы уақытта өз өнімімізді де көбірек тұтынатын кез келген тәрізді. Өндірушілер жиһазды талғамға сай жасаса болды. Біз сатып алуға дайынбыз», – деді кент тұрғыны Әлішер Батырбеков.</blockquote>Жалпы алғанда, біз бүгін жиһаз өндірісінің хал ахуалын бағдарладық. Ең бастысы бағыт-бағдар, ілгерілеу бар, енді тек осы кәсіптің өрісін кеңейтуде мүмкіндіктерді сәтті үйлестіріп, заманауи технологияны енгізу керек...

Жиһаз саудасы Жаңақорғанда да қызып тұр

<a href="https://kyzylorda-news.kz/">Kyzylorda-news.kz.</a> Жаңақорған ауданында құрылысқа қажетті тауарларды өндіру қолға алынуда. Солардың қатарын күшейтілген желім, яғни кафельді клей толықтырды.Күшейтілген желім қолданыста кафельді клей деп аталады. Қазір үй құрылысының, оның ішінде асхана мен жуынатын бөлмелерге кафель көп қолданылады. Соған қарай түр-түрі көбейіп, саны да арта түсуде. Қызметін бастағанына екі айға жуықтаған кәсіпкерлік нысанды көріп, жастардың жұмысымен танысуға арнайы бардық. Кәсіп иесі Ердәулет есімді жас жігіт. Қарамағанды екі қызметкері бар ол биылдан бастап жаңа бизнесті бастауды қолға алыпты. Сұхбаттты кафель жабыстыруға арналған күшейтілген желім кәсібін қолға алғандағы мақсаты жөнінде айтудан бастады.<blockquote>«Өзім бала кезден кәсіпкер болуды армандағанмын, уақыт өте келе аудандағы әк зауытына жұмысқа орналастым. Сол қызметте жүріп, өзімде де осындай шағын зауыт болғанын қатты қалайтын едім. Әйтеуір Алла тілегімді қабыл етіп, көп ұзамай мен де цех ашуды бастадым. Бұл кәсіпті ашуға әлеуметтік желіден жинаған тәжірибем себеп болды. Ал, кәсібімді дөңгелетіп әкетуге туыс ағамның мол ықпалы болды», – дейді Ердәулет Мадиярұлы.</blockquote>Ердәулет ауданның тумасы, Өзгент ауылындағы мектепте тәлім алып, кейін аудан орталығына көшіп келеді. Өзін бизнес саласында көргісі келіп, достарына ұсыныс жасайды. Алдымен банктен 2 млн кредит алып, шикізатты Алматы мен Шымкент қаласынан алдырады. Қос досы демеу болып, үш жігіт жұмысты бастайды. Қабы мен қажетті қоспаларын, цемент пен мрамор тастың үгінділерін өзге өңірден алдырып, құмды жергілікті жерден тасымалдап отыр.<blockquote>«Әзірге күніне 150 қап шығарудамыз. Сапасына кепілдік бар. Қазақстанның кез келген желімімен бәсекеге түсе алады. Оны алғаш өнім шығарған уақытта өзге желімдермен салыстырып көрген болатынбыз. Егер құрылысқа қажет деп іздеген тұтынушылар болса «Ақ жол», «Қара бура» және «Жігер» құрылыс заттарын сататын сауда орталығынан алуына болады. Ал, егер көтерме бағада тонналап аламын десеңіз жекеме шығып, тапсырыс беруге болады. Қазір қоймада 10 тоннадай дайын қап бар, дүкендерден бөлек, Алтыкрантта салынып жатқан жаңа мектеп құрылысына және Шиелідегі сауда үйіне де саудалап жатырмыз», – деді жас кәсіпкер.</blockquote>Өнімнің құрамын арнайы сатып алдым дейді. Мүмкіндік болса қымбаттау түрін шығаруды қалайды. Ол бұл іспен шектеліп қалғысы келмейді, қаржы толығып жатса қосымша тағы құрылыс заттарын шығаруды көздеп отыр. Ол үшін арнайы мамандар курсын оқып, жаңа идеяларды сұрыптап жатыр. Бірінші бағыты үй қабырғасының сыртқы қабатын сырлайтын өнім шығаруды мақсат тұтыпты. Өйткені, қазір қызыл кірпіштен басқа кез келген құрылыс қабырғасының сыртқы келбетін әрлеу сәнге айналған. Бұл тауарлардың нарықта тұтынушысы өте көп. Сондықтан да кейіпкеріміз осыны ескеріп отыр. Ердәулет Ержанов әзірге өз күшімен ісін ілгерілетуге тырысуда. Мемлекет тарапынан қолдау көрмедім дейді. Жеңілдетілген несие немесе қайтарымсыз қаржыға да құжат тапсырмаған. Егер қолдау болса, біріншіден цехтағы құрылғыларды жаңалатып, заманауи түрге көшуді жоспарлауда. Екіншіден, тапсырысты мол қабылдап, қосымша қызметкерлерді тартуды көздейді. Жалпы ғимараттың ішкі және сыртқы құрылысына қажетті отандық желімді нарыққа шығарып сатуды бастаған осындай жастар Жаңақорғанда аз емес. Енді жас кәсіпкерге һәм отандық өнімге қолдау көрсетіп жіберсек нұр үстіне нұр болар еді.

Жаңақорғанда күшейтілген желім өндіру қолға алынды

<a href="https://kyzylorda-news.kz/">Kyzylorda-news.kz.</a> Бүгін Үкімет басшысы Әлихан Смайыловтың төрағалығымен &nbsp;ҚР Президенті Қ.Қ.Тоқаевтың сайлауалды бағдарламасын іске асыру жөніндегі республикалық штаб отырысы өтті. Онда «Ауылда денсаулық сақтауды жаңғырту» пилоттық ұлттық жобасы аясында жаңа медициналық нысандар ашу және ішкі нарықта отандық дәрі-дәрмек үлесін 50%-ға дейін жеткізу мәселелері қаралды.ҚР Денсаулық сақтау министрі Ажар Ғиният ауылдарда медициналық нысандар салу және отандық дәрі-дәрмек пен медициналық бұйымдардың өндірісін ұлғайту жайында баяндама жасады. Ведомство басшысы биыл &nbsp;ұлттық жоба аясында еліміз бойынша 309 медициналық нысан салынатынын айтты. Сонымен қатар ішкі нарықта қазақстандық дәрі-дәрмектің үлесін 33%-ға дейін жеткізу жоспарланған.ҚР Премьер-Министрі Әлихан Смайылов &nbsp;нысандардың инфрақұрылымын жеткізу және баратын жолын салуды тапсырды. Оған қоса &nbsp;құрылыс жұмыстары бойынша конкурстың уақытылы өтуі және емдеу мекемелеріне қажетті мамандарды даярлау жіті назарда болуы тиіс.Республикалық штаб отырысынан соң облыс әкімінің бірінші орынбасары Серік Қожаниязов ҚР Премьер-Министрі берген тапсырмаларды пысықтау мақсатында жиын өткізді. Нысандар құрылысын салу және дайындықты тиянақты жүргізуді тапсырды. «Ауылда денсаулық сақтауды жаңғырту» және «Жайлы мектеп» ұлттық жобалары бойынша атқарылатын іс-шаралар өңірлік Жобалық кеңсе аясында жүзеге асырылуы керектігін &nbsp;ескертті.Еске салсақ, «Ауылда денсаулық сақтауды жаңғырту» пилоттық ұлттық жобасы аясында Қызылорда облысында жалпы құны &nbsp;9,7 млрд. теңгені құрайтын 27 нысан құрылысы жоспарлануда. Атап айтқанда, 24 дәрігерлік амбулатория, 2 фельдшерлік-акушерлік бекет, 1 медициналық бекет құрылысының тізімі Үкімет қаулысына енгізілді. Оның ішінде, 15 медициналық амбулатория мен 1 медициналық бекеттің құрылысы биыл салынатын болады.<figure class="image"><img src="https://knadmin.beoblood.kz/uploads/331621377_154752017458415_514310623374249691_n_aa94e421f7.jpg" alt="331621377_154752017458415_514310623374249691_n.jpg"></figure>

Ұлттық жоба аясында денсаулық сақтау нысандарын салу барысы қаралды

<a href="https://kyzylorda-news.kz/">Kyzylorda-news.kz.</a> Ұлттық жоба шеңберінде бизнес-идеяларды іске асыруға арналған қайтарымсыз грантты ұтып алып, жаңадан кәсіп бастап, табыс тауып жүрген жандар Қармақшы ауданында жетерлік.Жас тігінші Кәмила Қожақова бала күнінен ине ұстап еңбекке үйренген. Қазіргі таңда өзінің сүйікті ісімен айналысып, тігіншілік өнерді кәсіп етіп келеді. Қазақ даналығында «шебердің қолы алтын» деген сөз бар. Иә, шебердің қолынан шыққан дүниелер шынымен де көздің жауын алады. Өрнектеліп салынған оюлардың әсемдігіне еріксіз таңғаласың. Оның қолы нан шыққан көрпеше қандай сәнді десеңізші?! Тігін өнері – біреу үшін күн көрістің қамы болса, енді біреулерге жай ғана шығармашылық немесе тыныштық табу.Кәмила – Ақтөбе қаласының тумасы. Көпбалалы отбасынан шыққан ол үйінің үлкені. Ақтөбе Қаржы экономика колледжінде «Қаржыгер» мамандығы бойынша білім алған. Өзінің өмірлік серігін Қармақшыдан тауып, бүгінде Тұрмағамбет ауылында тұрады.Биыл шілде айында «Ұлттық жоба» шеңберінде конкурсқа қатысып, 1 225 200 теңгенің қайтарымсыз грантын жеңіп алған. Бүгінде алған қаражатына тігін машинасы мен оған қажетті арнайы құрал-жабдықтар сатып алған.<blockquote>«Мен тігін тігуді бала кезімнен жақсы көремін. Ерекше дүниелерді жасағанды қатты ұнататынмын. Сондықтан осы өнерден алыстап кете алған жоқпын. Кішкентайымнан қол- өнерге қызығушылығым болды. Мектеп қабырғасында оқып жүргенде еңбек сабағында өте белсенді болатынмын. 2021 жылы инстаграм желісі арқылы "Алтын ою" жобасының негізін қалаушы Нүрила Анарбекқызын көріп, тігін курсын онлайн оқыдым. Сол кезден бастап тігінге қызығушылығым қайта оянғандай болды. Бұл қызығу шылығым мені орта жолдан тастап кеткен жоқ. Әрі қарай жан-жақты ізденіп, бүгінде шағын шеберханамды аштым. Сонда кәсібімді дөңгелетіп отырған жайым бар», дейді кейіпкеріміз.</blockquote>Бүгінде кәсібін күнкөріс көзіне айналдырып отырған Кәмила Құнанбайқызы тігін тігуден бір шаршамайды. Мінезі ашық-жарқын болғандықтан да шығар, оған жастар да, тапсырыс берушілер де жеткілікті. Әмбебап маман екі сөзге келмей олардың тапсырыстарын дер кезінде әрі сапалы орындайды. Ауыл әкімінің қолдауымен ауылдық мәдениет үйінің бір бөлмесін шағын шеберханаға айналдырған. Онда құрақ көрпе, жастық пен оюлы көрпешелерді сапалы тігіп, сонымен қоса киімдерді қысқарту, сырғытпа ауыстыру секілді жұмыспен айналысады.Тігіншілік өнер қай кезде де сұранысқа ие болғанымен, бұл мамандық үлкен жауапкершілік пен төзімділікті талап етеді. Оның ішінде құрақ көрпешелер тігу көздің майын алатын жұмыс. Тігін дегеніміз – тұнып тұрған математика. Себебі дәлдік, есеп, теңдік керек. Тігіншілік өнер бойға шабыт беріп, көңілге шаттық ұялатады. Жасаған дүниенің соңғы жемісін көргенде іштей қуаныш сезімі кернейді. Бұл өнер адамды іскерлікке, икемділікке, дәлдікке баулиды. Зеректік пен ептілікке тәрбиелейді.<blockquote>«Құрақ тігу оңай жұмыс емес. Оның математикалық жағын білу керексің. Өлшемі дәл шығу үшін бәрін нақтылап есептей білу қажет. Егер дұрыс орналаспаса оюдың бір ұшы кем түсіп, қисық болып кетіп жатады. Тігіп жатқанда дүниенің әр бөлшегінің ұсақ-түйегіне дейін өлшеммен, үйлесімді болуына мән беремін. Сонда ғана жасаған бұйымың тұтынушының да көңілінен шығады», &nbsp;дейді ол.</blockquote>Кәмила отбасында аяулы жар, ардақты ана. Жолдасы Батырбекпен бірге Ернұр, Інжу, Нұрасыл, Иманғали, Іңкəр есімді ұл-қыз тәрбиелеп отырған көпбалалы, үлгілі жан.

Қармақшы: Қайтарымсыз гранттың қайырын көруде

<a href="https://kyzylorda-news.kz/">Kyzylorda-news.kz.</a> Оқу-ағарту министрі Ғани Бейсембаев "Қазақстан" телеарнасындағы "Бас тақырып" бағдарламасына берген сұхбатында соңғы қоңырауды 25 мамырға қайтаруға қатысты пікір білдірді, деп хабарлайды <a href="https://sputnik.kz/20230310/ministr-songy-qonyraudy-25-mamyrga-qaytarudy-talap-etken-ata-analarga-zhauap-berdi-32829541.html">Sputnik Қазақстан</a>.Министр кез келген идея бала үшін жасалатынын, сапаны көтеру бағытында дұрыс шешім қабылданғанын атап өтті.<blockquote>"Жалпы бұл әлемде бар тенденция. Бұған дейін 34 оқу апталығы болса, қазір 36 оқу аптасына ұзартылды. Ал әлемде 38-42 аптаға дейін ұзартқан елдер бар", - деді Ғани Бейсембаев.</blockquote>Оның айтуынша, бұл әлемдік тәжірибелерді зерделеп, зерттей келе, балалардың оқу процесіндегі жүктемесін азайту бағытында қабылданған шара. Оны бірден өзгерту қиын.<blockquote>"Бірақ ата-аналар маған "балалардың демалысын қайтарыңдар" деп қайта-қайта сауал жолдап жатқаннан кейін әріптестеріммен ақылдастым. Әрине биыл жасалған дүниені күрт өзгертуге, тоқтата салуға болмайды. Биыл өзгеріссіз қалады", - деп толықтырды ол.</blockquote>Бейсембаев оқу процесін орта жолда тоқтатып, шегеру қаржы жағынан да, сапаға да қатты әсер етуі мүмкін екенін айтты.<blockquote>"Сондықтан біз мақсатты дұрыстап айқындап алуымыз керек. Балалардың білім сапасын арттыру бағытында жұмыс істейік. Егер сапаны жақсартатын болса, жаңашылдықты қабылдауымыз керек. Дейтұрғанмен көпшілік сұрап жатқаннан кейін сарапшыларды шақырып, қоғаммен, әріптестерімізбен тағы да ақылдасып көрейік дегенім рас. Егер "бұл өте маңызды, соңғы қоңырауды 25 мамырға қайтармасақ, сапа нашарлап кетеді" деп жатса, келесі жылы бұл мәселені қарастырып көруге болады. Өзгермейтін дүние жоқ",- деп түйіндеді Ғани Бейсембаев.</blockquote>Еске сала кетейік, оқу-ағарту министрлігі оқу жылының ұзақтығы 36 аптаға дейін ұзаруына байланысты соңғы қоңырауды 31 мамырға ауыстырған болатын. Алайда мәжіліс депутаты Аманжол Әлтай 31 мамыр – саяси қуғын-сүргін құрбандарын еске алу күні болғандықтан, мектептердегі соңғы қоңырау күнін басқа күнге ауыстыруды талап етті. Артынша орта білім беру комитетінің төрайымы Гүлмира Кәрімова соңғы қоңырау 1 маусымға ауыстырылғанын мәлімдеді.<blockquote>"Дәстүр бойынша оқу жылының бірінші күні – 1 қыркүйек, ал биылғы жылдан бастап 31 мамыр оқу жылының соңғы күні болады. 31 мамыр – оқу күні, бұл күні оқушылардың жас ерекшеліктеріне сәйкес сабақтармен қатар сабақтан тыс іс-шаралар өткізіледі", - деді Кәрімова.</blockquote>1 маусым жазғы каникулдардың бірінші күні болып саналады.

Соңғы қоңырау 25 мамырға қайтарыла ма? - Министр жауабы

<a href="https://kyzylorda-news.kz/">Kyzylorda-news.kz.</a> Экономикалық зерттеу институтының 2022 жылғы қорытындысы бойынша 25 қала арасында өмір сапасының ұлттық рейтингі шықты. Рейтинг “экономика мен бизнес”, “адам ресурсы” және “инфраструктураны” қамтиды деп хабарлайды <a href="https://stan.kz/elimizde-kay-kalada-omir-surgen-tiimdi---kalalar-reytin-378895/">Stan.kz</a>.89 көрсеткіш талданды. Оның 53-і статистика бойынша сараланса, қалғаны халық арасындағы сауалнама нәтижесінде белгілі болды.Жалақы бойынша жоғары көрсеткіштер елдің өнеркәсіптік моноқалаларында, елдің батыс өңірлерінің облыс орталықтарында, сондай-ақ Астана мен Алматыда байқалады.Қымбаттылық индексі бойынша төменгі күнкөріс деңгейі тоғыз қалада байқалды: Жаңаөзен, Астана, Риддер, Степногорск, Алматы, Екібастұз, Балқаш, Өскемен және Атырау.Түркістан, Ақтөбе, Орал, Петропавл, Тараз қалаларында өмір сүру арзанырақ болды. Мысалы, Түркістандағы күнкөріс деңгейі Жаңаөзенмен салыстырғанда 1,5 есе арзан.Жалдамалы жұмыскерлер санына қатысты жұмыссыздықтың ең жоғары көрсеткіші Түркістан қаласында, ең төмен көрсеткіш Жаңаөзенде.

Еліміздегі қай қалада өмір сүрген тиімді - Ұлттық рейтинг

<a href="https://kyzylorda-news.kz/">Kyzylorda-news.kz.</a> Өткен жылдан бастап «Жерге орналастыру, геодезия және картография күні» 12 наурыз күні аталып өтілетін болып белгіленді. Аталған кәсіби мереке бұған дейін әр жылдың наурыз айының екінші сенбісінде мерекеленетін.Мереке қарсаңында «Азаматтарға арналған үкімет» мемлекеттік корпорациясы» КЕАҚ Қызылорда облысы бойынша филиалының №2 ХҚО ғимаратында жиын өтті. Шарада филиал басшысы Аида Абибуллаева сала мамандарына ізгі тілегін жолдап, жер саласының еліміз үшін маңызы зор екенін айтып өтті.<blockquote>«Жер саласы – ел экономикасының алдын діңгегі. Мемлекетіміз егемендік алғаннан бастап, салаларыңызға салмақты жүк артып, сенім білдірді. Өйткені ол уақытты өндіріс орындары тұралап, ел қазынасы жерден ғана несібесін терді десек қателеспейміз. Осы қиын уақыттан халықты алып шыққан – сіздердің есіл еңбектеріңіз», - деді Аида Ибрагимқызы.</blockquote>Салтанатты шараның қонақтары Қызылорда облысының ауыл шаруашылығы және жер қатынастары басқармасы басшысының орынбасары Қайратбек Сәрсенбаев пен Қызылорда облысының Жер ресурстарын басқару департаменті басшысының орынбасары Қанатбек Серікбаев жер саласы мамандарына деген ыстық ықыластарын білдірді.Мерекелік шара легі мәртебелі міндетін мінсіз атқарған мамандарды марапаттаумен жалғасты. Жер саласында 32 жыл еңбек еткен Жер қатынастары басқармасының жетекші эксперті Ұлзада Бержекенова мен басқарманың Арал аудандағы бөлімінің жетекші эксперті Әлібек Айназарова «Еңбек даңқы» төсбелгісін кеудесіне тақты. Сонымен қатар, Мемлекеттік қызмет көрсету саласы жұмыскерлерінің жергілікті кәсіптік одағы» қоғамдық бірлестігінің Құрмет грамотасымен 2 маман, облыс әкімі Нұрлыбек Нәлібаевтың Алғыс хатымен 11, қала әкімі Асылбек Шәменовтың Алғыс хатымен 17 сала үздігі марапатталды.<figure class="image"><img src="https://knadmin.beoblood.kz/uploads/334829041_529861199051287_2414932951730410253_n_6de8c2a98c.jpg" alt="334829041_529861199051287_2414932951730410253_n.jpg"></figure><figure class="image"><img src="https://knadmin.beoblood.kz/uploads/334660423_949585499736099_6946992229368727363_n_561eaa3448.jpg" alt="334660423_949585499736099_6946992229368727363_n.jpg"></figure>

Қызылордада жерге орналастыру, геодезия және картография күні аталып өтті

<a href="https://kyzylorda-news.kz/">Kyzylorda-news.kz.</a> Кеше Жосалы кентінде тұрғын үй өртеніп, үй иесі қаза болды, деп хабарлайды облыстық төтенше жағдайлар департаментінің баспасөз қызметі.&nbsp;10 наурыз күні сағат 21:18-де Қармақшы ауданы, Жосалы кентінде жеке тұрғын үйдің ауданы 15 шаршы метр болатын кіре-беріс бөлмесі толығымен жанып кетті. Өрт сөндірушілер 1975 жылы туған тұрғын үй иесін сыртқа алып шығып, жедел жәрдем мамандарына тапсырған, алайда, азамат сағат 21:48-де қаза болды. Аталған өрт сағат 21:30-да оқшауланып, толық сөндірілді.&nbsp;Мамандардың айтуынша, өрттің шығу себебі анықталуда. Оқиға орнында төтенше жағдайлар департаментінің 8 қызметкер және 2 бірлік техника жұмылыдырылды.&nbsp;«Құрметті өңір тұрғындары! Күнделікті тұрмыста, тұрғын үйде өрт қауіпсіздігі қағидасын қатаң сақтауды, электр, газ қондырғыларын пайдалануда өрт қауіпсіздігі ережесін сақтауды, балалар мен қарттарды қараусыз, жалғыз қалдырмауды, тұрғын үйде алкоголь өнімдерін пайдаланбауды сұраймыз. Өзіңізбен жақындарыңыздың өміріне немқұрайлы қарамауды өтінеміз», делінген хабарламада.&nbsp;

Қармақшыда өрттен үй иесі қайтыс болды

<a href="https://kyzylorda-news.kz/">Kyzylorda-news.kz.</a> Қызылорда облысы әкімінің орынбасары, Қазақстан Республикасы Президентінің «Байқоңыр» кешеніндегі арнаулы өкілі Қайрат Нұртайдың төрағалығымен, бейінді басқарма басшыларының қатысуымен арнайы жиналыс өткізілді.Жиында Байқоңыр қаласын дамытудың ұзақ мерзімді бағдарламасын іске асыру жөніндегі іс-шаралар жоспары қаралып, іске асырылған жобалар мен алдағы жоспарлар талқыланды.Бүгінде облыс әкімі Нұрлыбек Нәлібаевтың тікелей тапсырмасына сәйкес, Байқоңыр қаласының және тұтастай кешеннің ұзақ мерзімді дамуын қамтамасыз ету мәселелері бойынша ауқымды жұмыстар жүргізілуде.«Байқоңыр» кешенін газбен қамтамасыз ету бойынша келісім негізінде мұндағы көп қабатты тұрғын үйлер, шағын және орта бизнес нысандары көгілдір отынға қосылды. Бұрын қала тұрғындары газдың 1 текше метріне 800-900 теңгенің шамасында, валюта бағамына байланысты төлеп келген. Қазіргі таңда төлем облыстық орташа тарифпен теңестіріліп, 14,6 теңгені құрайды.Осы уақытқа дейін Байқоңыр қаласының жылу-электр станциясы қымбат мазутпен жұмыс істеп келді, бұл өз кезегінде тарифке әсер ететін.Қазіргі уақытта Байқоңыр қаласының әкімшілігі «Байқоңырэнерго» ӨЭБ ЖБТ жылу-электр станциясын мазуттан табиғи газға ауыстыру бойынша жұмыс жүргізуде. Бұл өз кезегінде, коммуналдық қызметтер тарифінің төмендеуіне оң әсер етеді.Тұрғын үй мәселелерін шешу үшін Қазақстан Республикасының қаражаты есебінен 2019 жылы «Нұрлы жер» мемлекеттік бағдарламасымен елу пәтерлі бес тұрғын үй пайдалануға беріліп, «7А» шағын ауданы құрылды.Сонымен қатар, 2021 жылдан бері осы шағын ауданнан «Нұрлы жер» бағдарламасы аясында тағы да елу пәтерлі бес тұрғын үйдің құрылысы жүргізілуде. Жобаның жалпы құны – 3 млрд. 187 млн.теңгені құрап отыр.Инженерлік инфрақұрылымды жаңарту үшін құны 12 млрд. теңгені құрайтын сумен жабдықтау және су бұру жүйелерін жаңғырту жұмыстары басталды.Бұл жұмыстарға 2022 жылы 901,2 млн. теңге, 2023 жылға 1 млрд.теңге бөлініп, 2025 жылға дейін аяқтау жоспарлануда.Жиын соңында Қазақстан Республикасы Президентінің «Байқоңыр» кешеніндегі арнаулы өкілі Қ.Нұртай қаланың даму мәселелері Қазақстан Республикасы Президенті Қасым-Жомарт Кемелұлының назарында екенін, осындай кең көлемдегі жұмыстар одан әрі жалғасын табатынын атап өтті.Төретам кенті және Ақай елді мекендерінде 2022 жылы басталған газдандыру жұмыстарын сапалы әрі уақытылы аяқтауды тапсырды.Байқоңыр қаласы бойынша әлі де түйіні тарқатылмаған мәселелерді атап көрсетіп, оларды кезең-кезеңімен шешу бойынша тиісті сала басшыларына нақты тапсырмалар берді.<figure class="image"><img src="https://knadmin.beoblood.kz/uploads/331556551_969884364386766_4066038790574618149_n_970f83950b.jpg" alt="331556551_969884364386766_4066038790574618149_n.jpg"></figure>

Байқоңыр қаласын дамыту мәселелері тұрақты бақылауда

<a href="https://kyzylorda-news.kz/">Kyzylorda-news.kz.</a>&nbsp; Президент 2025 жылға қарай жолдардың 95 пайызын жөндеп, ретке келтіруді тапсырды. Оны орындау үшін жол саласындағы мекемелер жұмысқа оң өзгеріс енгізуге кірісті. Айталық, облыс орталығындағы Н.Назарбаев даңғылынан «Қызылорда-Құмкөл» трассасына дейін Бейбарыс сұлтан көшесін реконструкциялау жүйелі жұмыстың басы болып отыр. Сондай-ақ, Н.Назарбаев даңғылынан дариядағы көпірге дейін де қайта жаңғыртудың қызу жұмысы басталып кетті.Н.Назарбаев даңғылынан «Құмкөл» трассасына дейін жұмысты мердігер – «УАД» ЖШС жүргізуде. Техникалық қадағалаушы – «Алатау сапа құрылыс» ЖШС. Ал авторлық қадағалаушы – КБ «МұнайГаз Инжиниринг» ЖШС.Бұл – ауқымды құрылыс. Қазіргі көлік кептелісінің көбеюіне байланысты осындай жұмыстар жүргізілуде. Біз жоспарлы жұмысты өз уақытынан ерте бітіріп, ел игілігіне табыстасақ дейміз. Себебі, қаржы мәселесі шешім тапқан. Жолдың сметалық құны 2 млрд 350 мың теңгеге, ал келісім-шарт құны 2 млрд 230 млн теңгеге жуық болып отыр, – деді облыстық жолаушылар көлігі және автомобиль жолдары басқармасының басшысы Пакуатдин Шамұратов.Бейбарыс сұлтан көшесін жаңғырту жұмыстары, ең бастысы, жүргізушілерді қуантып отыр.<blockquote>– Жол жөндеу барысында жасыл желектің басым бөлігі сақталады. Ағаштар шабылмайды. Көгалдандыру жұмыстары жүргізіліп, жолдың бойына су жаңа аялдамалар мен заманауи жарықшамдар орнатылады, – деді қалалық тұрғын үй-коммуналдық шаруашылығы, жолаушылар көлігі және автомобиль жолдары бөлімі басшысының орынбасары Дархан Бақтияров.</blockquote>Жолдың жаяу жүргіншіге де, көлік жүргізушіге де бірдей ыңғайлы болуы – мердігер мекемелердің басты межесі.<blockquote>– Бұл – халық тығыз жүретін көше. Оған қоса, жол бойында қала көркін ашып тұрған ғимараттар бар. Сондықтан жол барынша кеңейтіледі. Қалаға енетін күретамыр жол болғандықтан, елге келген қонақтар да осы жолмен өтеді. Сол үшін де жол бойындағы барлық дүниелер жаңартылып, абаттандырылып, халыққа табыс етіледі, – деді Дархан Бақтияров.</blockquote>Жол қатынасы ел экономикасын дамытуға, жолаушылар тасымалын жақсартуға, кәсіпкерлікті дамытып, жүк тасымалын ұлғайтуға, сондай-ақ халықаралық, елішілік қатынастың артуына айрықша әсер етеді. Бұл орайда облыс әкімінің батыл шешімдері жаңашылдық қалыптастырып отыр. Жөндеуден өтіп жатқан Бейбарыс сұлтан көшесі де осы тұрғыда елге үлкен пайдасын тигізбек.Айта кетейік, биыл Қызылорда қаласы мен қалаға қарасты елді мекендердегі 236 көшеге орташа жөндеу жүргізу үшін 5 млрд теңгеден астам қаржы бөлініпті. Оның ішінде 99 көшеге асфальт және 137 көшеге тас жол салу межесі белгіленген.&nbsp;

Күретамыр көше жөнделеді

<a href="https://kyzylorda-news.kz/">Kyzylorda-news.kz.</a> Бүгін елдің басым бөлігіне циклон жырасы әсер етеді, сонымен қатар атмосфералық фронтальды бөлімдердің өтуімен жауын-шашын болады, деп хабарлайды Қазгидромет.Синоптиктердің болжамынша, елдің оңтүстігінде қатты жаңбыр жауады.Тек елдің оңтүстік-шығысында, оңтүстік-батысында жауын-шашынсыз ауа-райы күтіледі. Республика бойынша тұман, желдің күшеюі, ҚР солтүстігінде жаяу бұрқасын, көктайғақ, күндіз елдің оңтүстігінде найзағай болжанды.

Қазақстан және Қызылорда облысының жаңалықтары