<a href="https://kyzylorda-news.kz/">Kyzylorda-news.kz.</a>&nbsp;Бүгін «Мұз айдыны» спорт кешенінде Қызылорда облысының грек-рим, еркін және әйелдер күресі федерациясы қоғамдық бірлестігінің конференциясы өтті. &nbsp;Конференцияға облыстық мәдениет және спорт басқарма басшысының орынбасары А.Жаманкұл, ҚР Құрметті спорт қайраткері, ҚР еңбек сіңірген жаттықтырушысы С.Мұстафа, федерация вице-президенті Е.Кукетов, облыстық мәдениет және спорт басқармасына қарасты мекеме басшылары мен күрес түрлерінен жаттықтырушылар қатысты.Күн тәртібінде басты мәселе федерация төрағасын тағайындау болды. Асхат Мамадахунов Қызылорда облысының грек-рим, еркін және әйелдер күресі федерациясының төрағалық қызметін тоқтатып, Бақдәулет Мақашев федерациясының төрағалық қызметіне тағайындалды.&nbsp;Конференция жұмысында Қызылорда облысының грек-рим, еркін және әйелдер күресі федерациясының құрметті президенті лауазымына Мұстафа Садық Шоңмұрыңұлы тағайындалды. Сондай-ақ, аталмыш федерациясының атқарушы директор, бас хатшы, вице-президенттері тағайындалды. Жиын барысында Күрес түрлерінен облыс аға жаттықтырушыларының атқарылған жұмыстар бойынша баяндамалары жасалып, алдағы жоспарлары талқыланды.&nbsp;<img src="https://knadmin.beoblood.kz/uploads/336494404_1215974505786379_3155500044958091335_n_3a7865a8f1.jpg" alt="336494404_1215974505786379_3155500044958091335_n.jpg">

Қызылордада грек-рим, еркін және әйелдер күресі федерациясы қоғамдық бірлестігінің конференциясы өтті

<a href="https://kyzylorda-news.kz/ru/">Kyzylorda-news.kz</a>. Нарық заманы жарнамаға бағынышты десек болады. Себебі жарнама экономиканың бір бөлшегі. Газет, радио, теледидардың дәурені аяқталған тұста, бүгінде әлеуметтік желілердің күші басым екені даусыз. Заманына қарай адамы өзгергендей, жарнама нарығы да уақыт талабына сай ауысып отырары анық. Жалпы жарнама арқылы тауарды ұсыну ғана емес, халықтың мәдениетін, таңдауы мен талғамын да ескере отырып, жұмыс істейтін жүйе.Соңғы кездері өзінің аудиториясы бар, халық пікірімен санасып, көпшілікке белгілі дәрежеде әсер ете алатындарды «әсер етушілер», яғни influencer деп бөліп қарастыру қалыпты болды. Осыған сай, әлем де Influencer Marketing деп аталатын жаңа бір түсінік қалыптасты. АҚШ-тағы орта бизнес иелері жылдық бюджетінің 70 пайызын дәл осы жарнама түріне жұмсайды екен. Яғни әлеуметтік желідегі жарнаманың әлемде де сұранысқа ие екенін байқауға болады. Әлеуметтік желілермен бірге таргет деген ұғым пайда болды. Әр желіде өзіңізге қажет аудиторияны белгілеп, арнайы функциялар арқылы керегін таңдап, жарнама жасау мүмкін болды. Дегенмен әлеуметтік желіде жарнамаларды бұғаттайтын кері функциялар бар, яғни тұтынушы кез келген ақпаратты «жұта» бермейді. Қазір блогер арқылы жарнама жасау трендке айналды. Алайда олардың нақты қанша адам «шақырары» белгісіз, жарнаманың да сәтті болуы екіталай. Контекст жарнамалардың елдің назарын аударғалы көп болмады. Жарнама берушілер блогерлер қызметінің бағасы шарықтап тұрғанын айтады. Танымал блогер Әлішер Елікбаев инстаграм желісіндегі жарнамаға 1 200 000 теңге алатынын жазған еді. Желі белсендісінің парақшасына қарап, жарнама берушілерге бұл ақының кедергі емесін байқай аласыз. Желідегі танымал жерлестердің бағасы Әлішерге қарағанда қалтаға қонымды болып шықты. Мысалы, асаба Асылхан Дүкенбаевтың стористегі жарнамасы 50 000 мен 100 000 теңге аралығы болса, бір пост үшін 500 000 мың теңге бересіз. Бүгінде шоумен ASR киім дүкені мен Smartshop телефон аксессуарларына амбассадор екені мәлім. Аудиториясы кең аралдық Жасұлан Әйтеновтің де жарнамалық прайсы Асылханмен шамалас. Жасұланның инстадағы 24 сағаттық жарнамасы 150 000 теңгеден басталса, постқа жолданатын жарнамасы – 400 000 теңгені құрайды. Бұл бизнес үшін қолайлы баға дейді блогер.<blockquote>«Қазір инстаграмда 500 000 оқырманым бар. Барлығы белсенді деуге болады. Бір пост кем дегенде 60-70 мың лүпіл жинайды. Видеоларда 200 мыңнан аса қаралым болады. Бұл – бизнес өкілдері үшін жақсы көрсеткіш. Барлық қалаға жарнама жасауға аккаунтым дайын. Бірақ арнайы тексерістен өткіземін. Мол қаражат ұсынса да букмекерлік кеңсе, дінге қарама-қайшы келетін және саяси жарнамаларды жүргізбеймін. Көп жағдайда киім дүкендері мен құрылыс заттарынан ұсыныс түседі. Жуырда Алматы қаласындағы белгілі бір сусынмен келісім-шартқа қол қойғалы жатырмын. Қызмет құны – 150 000, 500 000 теңге аралығында. Пост үшін жарнама құны қымбатырақ болады. Себебі жарнама оқырманға ұнауы керек. Сондықтан белгілі авторлармен сценарийін жазып, қаламақы төлеймін», – дейді Жасұлан Әйтенов.</blockquote>Жайдарман арқылы жұлдыз болған жаңақорғандық Есқара Бейбітовтың жарнамасы да қомақты. Doner King-тың амбассадорының ең арзан жарнамасы – 50 000 теңге. Келісімге келу үшін алдымен админстраторы Асхат Құлтаспен байланыс орнатуыңыз керек. Администратордың айтуынша, желідегі белсенділік бағаны реттеп отыратын көрінеді.<blockquote>«Инстаграмды үздіксіз жүргізіп отырамыз. Өйткені оқырмандарды парақшада ұстап отыру үлкен мәселе. Есқараның актерлік шеберлігі мен әншілік қабілеті көп көмегін тигізеді. Бүгінде 117 мыңнан аса оқырманымыз бар. Гастрольдік сапарларға шыққан кезде сол қалалардағы дүкендер байланысқа шығып, жарнама жасауға өтініш білдіреді. Қызметіміз 50 000-150 000 теңге аралығында. Көбіне сториске саламыз. Болмаса сол дүкендердің ресми парақшаларына, видео, посттарға атсалысамыз. Қазір Жаңақорғандағы Doner King-пен жұмыс істеп жатырмыз», – дейді Асхат Құлтас.</blockquote>Белгілі блогер Өркен Кенжебек те жарнама жүргізу де белсенділердің бірі. Жарнама жүргізу де блогерлер үшін қиын екенін алға тартады. Өйткені кейбір жарнамалар «халық жауына» айналдыруы бек мүмкін екен.<blockquote>«Менің табыс көзім тек блогерлікпен шектелмейді. Қосымша 5-6 жобам бар. Бірі жабылса, екіншісімен айналысамын. Салықты уақытылы төлеймін. Арақ-шарап сияқты өнімдерді жарнамалаудан бас тартамын. Ал биліктің бастамаларына келер болсақ, қашанда мемлекеттің идеологиялық бағыттағы жобаларын түсіндіріп келеміз. Оның ішінде ақысы төленгені, төленбегені де бар. Қандай реформа болсын басында халық бірден жылы қабылдап кетпейді. Жаңа іске сыншы көп. Блогер әлеуметтік желі арқылы ақпарат таратушы ғана. Есер қандай да бір мәселені түсіндіре алмаса, ол ешкімнің кінәсі емес. Кезінде жер мәселесі бойынша дүмпу болған кезде «алаңға шықпаңдар» дедік. Сол үшін де халық жауы атандық. Блогерлікпен айналысып жүрген 13 жылдың ішінде не болмады. Жалпы негатив ақпаратты жарияладым, сондай ұсынысты насихаттадым деп айта алмаймын», − дейді блогер.</blockquote>Блогер мен вайнерлердың жарнамасымен айналысатын NATIV жарнама агенттігі келтірген мәлімет бойынша 1 млн мен 5 млн аралығындағы оқырманы бар вайнерлердің 1 минуттық видео ролигі 1 жарым млн теңге тұрады. Видеодағы сценарийдің жеңіл я болмаса күрделі болуы бағаға әсер етпейді. Бекітілгені сол. Әр вайнердің өз жеке командасы бар. Солардың дайындаған бірнеше сценарийдің ішінен тапсырыс беруші өзіне ұнағанын алады. Ал неғұрлым оқырман саны көп болса, видео көрушілер саны да жоғары болмақ.

Жасұлан Әйтенов: Жарнама құны 150 мыңнан басталады

<a href="https://kyzylorda-news.kz/">Kyzylorda-news.kz.</a>&nbsp; Өткен күнімізге көз тастап, ой елегінен өткізіп қарасақ арыға бармай-ақ тәуелсіздік алған күннен бері қарай елімізде қаншама игі істер атқарылды. Осындай толымды тірлік Арал ауданынан шалғай, яғни 165 шақырым қашықтықта орналасқан Жаңақұрылыс елді мекенінде де игі істер жүзеге асуда.&nbsp;Негізгі тақырыпқа көшпей тұрып, өткенді тізбелесек. Әрине халықтың тілегі бір күнде орындала бермейді. Әрбір іс өз кезең-кезеңімен атқарылады. Тәуелсіздік алған жылдардан бері қарай Жаңақұрылыс елді мекенінде халық игілігі үшін біршама жұмыстар атқарылды. Тәуелсіздіктің алғашқы жылдары елімізде көптеген қиыншылықтар туындады. (Яғни айтқанда балалардың жәрдемақысы, зейнетақы, жұмысшы-қызметкерлердің еңбекақысы). Сол қиыншылықтар кезеңінде ауыл тұрғындарының ауызбірлігінің арқасында еңселерін түсірмей, ата-бабасының туған жерінен көшпей еңбек ете білді. «Еңбек етсең емерсің» деген. Егісін егіп, шөбін дайындап, әлеуметтік тұрмыс жағдайларын жақсарта бастады. Халыққа қызмет жасайтын әлеуметтік нысандар күрделі жөндеуден өтіп, жаңадан салына бастады. Атап айтқанда, екі қабатты жаңа мектеп, жаңа фельдшерлік-акушерлік пункт, малдәрігерлік пункт, ұялы байланыс мұнарасы, әрбір үйге Сарбұлақ суының желісі тартылып, көшелер жарықтандырылды.Қазіргі таңда бірнешеленген шаруа қожалықтары тұрақты жұмыс істеп келеді. Ауыл жастарының заман талабына сай, өз қабілеттеріне орай кәсіп түрлерін ашып жұмыс істеуде. Халықтың ауызбірлігінің арқасында «Өтеш ахун» мешітінің және мешіт жанынан 100 орындық асхана жаңадан салынып ел игілігіне берілді. Мұндай халық үшін жасалып жатқан игі істер елдің бірлігі, ел басқарған басшылардың игі жұмыстары деп білеміз.&nbsp;«Басшысыз ел болмайды», «Мың қосшыдан бір басшы» деген. Әрбір істің атқарылуы басшыға байланысты. «Жақсының жақсылығын айт, нұры тасысын» деген. Ауданға екі жылдың көлемінде басшы болып келген Серік Сағитжанұлының бір ғана Жаңақұрылыс елді мекенінің тұрғындарына жасаған жұмыстарын орайы келгенде айтуды жөн көрдім. Бүгінгі таңда аудан әкімі 3 ай сайын жергілікті халықпен кездесіп, тұрғындардың талап- тілектерін тыңдап, оның атқарылуы туралы есеп беруі үрдіске айналды. Жыл басындағы аудан әкімімен кездесуінде ауыл тұрғындары «Нұралы» жармасына және «Ералы» каналына шлюз салу жайлы айтқан-ды. Аудан әкімі жоғарғы басшыларға шығып, каналдарға шлюз салудың маңыздылығын айтып, қаражат көздерін қарастырып, қолдан келгенше елдің тілегін орындауға күш-жігерін салатындығын айтты.&nbsp;Сөз кезегі келгенде айтайын. "Нұралы" жармаға шлюз салу халықтың көп жылдан бері айтып келе жатқан жыры еді. Сырдария өзені тасығанда көлдерге су құяды. Су қатқан кезде көлдерге құйған су қайтадан дарияға құйып, көл құрғап қалады. Егер де шлюз болса құйған су кейін қайтпайды. Ақбасты, үлкен Қаракөл, кіші Қаракөлдегі су қалпында қалса, шабындық, мал жайылымдық жерлері кеңейіп, тіпті насос арқылы ауыл тұрғындары мал азығы, жоңышқа, әртүрлі егістері мен бақшаларын егуге болады. "Ералы" каналының да маңыздылығы да осында. Осы жағдайларды ескерген аудан әкімі Серік Сағитжанұлы «Айтылған сөз – атылған оқ» дегендей, халық талабын орындау үшін бар күш-жігерін салып, «Нұралы» жармасына 166 миллион теңге қаржы көздерін тауып, оны ТОО «Техоснастка-Ремсервис» мекемесі тендерден ұтып, 4 ай ішінде "Нұралы" жармасына 3 очколы екі жақты қақпалы шлюз салып, жарманың екі қапталына 400-600 метрге дейін биіктігі 1,5 метр дамба соғып, жол салды. Әрине жұмыстың сапалы да тиянақты өз мерзімінде аяқталуын күнделікті бақылап отырды. "Ералы" каналының да 5 шақырымы қазылып, 3 шақырымы ішінара тазаланды. Каналдың бастау алар сағасынан суды реттеп отыратын шлюз салынып, халықтың игілігіне берілді. Бұл атқарылған жұмыстар келешек халықтың әлеуметтік тұрмысын жақсартатын жемістерінің бір көздері.Біздің болашағымыз – жастар. Жастарға дұрыс тәрбие, бағыт-бағдар беру біздің міндетіміз. Осыған орай ауыл ортасынан жастардың демалатын, жазда ойын-сауық кештерін өткізетін жастар алаңы салынды. «Өлі риза болмай тірі байымайды» деген. Ұлы Отан соғысынан оралмаған бабаларымызға арнайы "Тағзым" алаңы ашылып, ескерткіш бой көтерді. Әрине бұл – мемлекетіміздің қамқорлығы, егемендігіміздің арқасы. Алдағы жылдары да елдің, ауылдың дамитындығына сенемін.Ойдан ой туады. Ел үшін істеліп жатқан бүгінгі игілікті істерді көзбен көріп, көңілге түйгенімді ой елегінен өткізіп отырып, жоғарыда айтқандай бүгінгі тақырыптың кейіпкері Серік Сағитжанұлының көптің көңілінен шыға білген, үлгі аларлық жақсы істерін көпшілікке айту үлкендік парызым деп білемін. Қарашаның соңғы ызғарлы күнінде Сырдария өзенінің бойындағы "Нұралы" жармасына 3 қақпалы шлюздің салынып біткендігі туралы ауыл тұрғындары мен ардагерлері де айта келіп, елдің игілікті жұмыстарына пайдаланыңыздар деген тілегін білдірді. Алдағы уақытта да ел үшін игілікті жұмыстар істейтіндігін айтты.&nbsp;Серік Сағитжанұлының ауданға әкім болып келгеніне көп уақыт өтпесе де, ауданның экономикалық жағдайын көтере отырып, басқарып отырған халқының әлеуметтік тұрмысын жақсарта білді. Әр тәуелсіздік жылында тәуелсіздік күніне орай әр ауылда күрделеніп қалған нысандар жаңадан салынып, халық игілігіне берілсе келешегіміз кемел болмай ма?! "Әкім бол, халқыңа жақын бол" деген осы емес пе? Халықтың сізге берген ақ батасы әрдайым қабыл болсын.

Жаңақұрылыстағы жемісті жұмыстар

​<a href="https://kyzylorda-news.kz/">Kyzylorda-news.kz.</a>1995 жылғы 7 сәуір халқымыздың тарихындағы ерекше атаулы күндердің бірі. Бұл күні ел үшін кеудені оққа керген қазақстандық Ішкі әскердің жауынгерлері Тәжік-Ауған шекарасында айбынды ерлік, қайтпас қайсарлық, беріспес батылдықтың ерен үлгісін көрсеткен болатын.&nbsp;Қазақстан Республикасы Жоғарғы Кеңесінің Қаулысына сәйкес 1993-1999 жылдар аралығында бұрынғы Ішкі әскердің, бүгінгі Ұлттық ұландық жедел мақсаттағы әскери бөлімдерінің 2 мыңнан аса офицері мен сарбазы Тәуелсіз мемлекеттер достастығының бірлескен батальонында ТМД-ның сыртқы шекараларын қорғау үшін тәжік-ауған шебінде бітімгершілік міндеттерін атқарған болатын.Міне, осы атаулы күнге сәйкес, бүгін «Тағзым» алаңында Тәжік-Ауған шекарасында ерлікпен қаза тапқан жауынгерлерді құрметпен еске алу шарасы өтті.Шарада облыс әкімінің орынбасары Нұрымбет Сақтағанов, облыстық ардагерлер кеңесінің төрағасы Серік Дүйсенбаев, Ардагерлер одағының Тәжік-Ауған шекарасында жауынгерлік қимылдарына және әскери қақтығыстарына қатысушылардың Республикалық қоғамдық бірлестігі &nbsp;Қызылорда облысы бойынша филиалының төрағасы Марат Орынбайұлы сөйлеп, арыстар аруағы алдында бас иіп, құрбан болған әскерилердің рухына Сыр жұртшылығы атынан гүл шоқтарын қойды.&nbsp; Шара барысында Тәжік-Ауған шекарасында қаза болған жауынгерлерді бір минут үнсіздікпен еске алып, рухына құран бағышталды.

Қызылордада Тәжік-Ауған шекарасында қаза тапқан жауынгерлерді еске алу шарасы өтті

<a href="https://kyzylorda-news.kz/">Kyzylorda-news.kz.</a> І.Қабылов атындағы №12 ІТ мектеп-лицейінде халық ауызында аңыз болып аты қалған Дешті Қыпшақтың атақты перзенті, Мысыр билеушісі Аз-захир Рукн ад-Дин Бейбарыстың 800 жылдығына орай «Бейбарыс сұлтанның өмір жолы мен ерліктері» тақырыбында жоғарғы 9-10 сынып оқушылары арасында аймақтық конференция ұйымдастырылды.Конференция оқушылардың өзара Сұлтан Бейбарыс туралы тың да қызықты ақпараттармен бөлісіп, даңқты билеушінің құлдықтан әмірлікке дейінгі көтерілген кезіндегі қажырлы еңбегі, мақсат жолындағы табандылығын үлгі ете отырып, шәкірттер бойларына отансүйгіштік, туған жерге деген сүйіспеншілік сезімдерін ояту мақсатында өтті.Аймақтың түрлі мектептерінен келген жас зерттеуші оқушылар өздерінің жүргізген зерттеу жұмыстарын қазылар алқасы алдында қорғады. Әділқазылар тарапынан тақырыпқа сай қосымша сұрақтар қойылып, зерттеу жұмысының өзектілігіне, тарихи құндылығына баға беріліп, бүгінгі қоғамдық өмірмен байланысын атап көрсетті.Нәтижесінде, әділқазылардың шешімімен жүлделі І орынды Б.Момынбаев атындағы №278 ІТ мектеп-лицейінің 9 сынып оқушысы Дәулет Нұрлан жеңіп алды. Конференция қорытындысымен ІІ орынға І.Қабылов атындағы №12 ІТ мектеп-лицейінің 9 сынып оқушысы Зере Раушанбек лайық деп танылса, жүлделі ІІІ орын иегері болып №7 мектеп-лицейінің оқушысы Аяна Мейірханова мен Абай атындағы дарынды балаларға арналған мектеп оқушысы Ақерке Мақұм танылды. Сонымен қатар, әділ қазылардың шешімімен Ә.Мүслімов атындағы №101 мектеп-лицейдің, Абылай хан атындағы №140 орта мектептің және Ж.Нұрсейітов атындағы №233 орта мектептің намысын қорғаған жас тарихшы шәкірттер арнайы алғыс хатпен марапатталды.

Қызылордада Сұлтан Бейбарыстың ғұмырына арналған оқушылар конференциясы өтті

Батыржан Ұзақов: Аралдықтардың пайдасына жарасам деймін   

<a href="https://kyzylorda-news.kz/">Kyzylorda-news.kz.</a>&nbsp;Самарқанның көк тасы еріп, күн жылына бастаған тұста жергілікті халық егіннің қамына кіріседі. Одан бөлек, қоршаған ортаны жасыл желекке айналдыру қоғамның алдына қойған бұлжытпас қағидасы болуға тиіс. Шындығында, табиғатты аялап, барынша қорғап қалу – өзекті мәселе болып табылады. Негізінен, көпшілік осы мезгілде ағаш егуді әдетке айналдырғаны дұрыс.Ақиқатында, ислам дінінде тал егуді сауапты іске жатқызады. Сауапты іске атсалысқан әрбір адам Алла Тағаланың рақымына бөленіп, ризашылығын алатыны рас. Мәселен, уақытында отырғызылған ағаштың жемісін адаммен қатар, жануар мен жәндікте жесе, мол сауапқа кенеледі екен. Осы тұста, ата-бабадан келе жатқан игі дәстүрді бұлжытпай орындап келе жатқан бағбанның ниеті асыл.&nbsp;Әрбір&nbsp; үйдің ауласында бүршік жарған жеміс ағашының көптігі – айналаға ерекше сән беретіні рас. Жердің тоңы жібіп, шыбық қадап, ағаш отырғызуға атсалудың өзіндік мәні бар. Өз кезегінде табиғат жанышырлары егілген талдың обалына қалмау керектігін жиі ескертеді. Ең алдымен, тал егуге қолайлы жердің&nbsp; құнарлығын тексеріп алған жөн. Жыл сайын жері құнарсыз аулалар, бақтарға көшет отырғызудың пайдасы шамалы.Қазіргі уақытта Тереңөзек кенті бойынша көшелердегі талды қырқу жұмысы жүргізілуде. Сонымен бірге өткен жылы шығымы аз болып, жерсінбеген ағаштардың орнына тал егу қолға алынуда.Асылында, әкеден қалған ізгілікті істі жалғастырып келе жатқан жандар арамызда баршылық. Олардың қатарында кент тұрғыны Қонысбек Пернебаев бар.<blockquote>– Шындығында, көпшілік есіктің алдындағы жерді қоп¬сытып, ағаш егуді қолға алғаны құптарлық жағдай. Жеміс ағашы көп күтімді қажет етеді. Өзімізге әкеміз талай ағаш егудің қыр-сырын үйрете білді. Көзі тірісінде әкеміз Қалжан ахун және Оспан Мәлібаев ауылында тал егуді қолға алды. Жайқалған жеміс ағаштарын баптады. Үлкендер қауымы әкемнің баптауында болған талдардың жайқалып өскендігін естелік ретінде айтып отырады. Бұл ретте, «Әкең өлсе де,&nbsp;әкеңнің көзін көрген өлмесін» деген тәмсілдің жаны бар секілді. Әкеммен замандас болған ел ағаларының айтқан сөздерін жадымда тоқимын. Осы күні ауламыздағы әкеміз еккен жеміс ағашын жаңартып, жыл сайын күтіміне қарап келемін. Расында, жемісін өзіміз¬дің ұрпағымыз көретін ағаштың&nbsp;өсуіне ерік-жігіремізді арнаған дұрыс. Әрине, әкеден мұра ретінде қалған сауапты істің басы-қасынан табылу – мен үшін абыройлы борыш. Алдағы уақытта жеміс ағаштарының түрлерін көбейтуге күш саламын, – дейді кент тұрғыны Қонысбек Пернебаев.</blockquote>Қазіргі уақытта көшет егілсе, көктеп кетеді. Сондықтан ағаш егу ісіне әрбір адам атсалысса, айналамыз көркейіп, гүлденеді.

Көркейту-көгалдандыру ағаш егуден басталады

<a href="https://kyzylorda-news.kz/">Kyzylorda-news.kz.</a> Бүгін Қызылорда қаласы әкімінің орынбасары Жанмұрат Сейіловтың төрағалығымен Қызылорда қаласында «Отбасының цифрлық картасын» өзектендіру бойынша кеңес отырысы өтті.Қазақстанда 2023 жылдың 1 қаңтарынан бастап отбасы цифрлық картасы іске қосылды. Отбасылық цифрлық картасында 19 млн. қазақстандықтың ақпараты жинақталып, 6,3 млн. отбасының арнайы портреті қалыптастырылған. Оның ішінде, Қызылорда облысы бойынша өзектендіруге жататын 178 778 адамның тізімі қалыптастырылған.Кеңес барысында Қызылорда қаласындағы «Отбасының цифрлық картасы» ақпараттық жүйесінде деректерді өзектендіру жұмыстарының барысы туралы қалалық жұмыспен қамту, әлеуметтік және азаматтық хал актілерін тіркеу бөлімінің басшысы Кенжегүл Құрақбаева баяндады.«Отбасының цифрлық картасы» арқылы өмірлік қиын жағдайдағы отбасылардың әлеуметтік карталары жасақталып, әлеуметтік жағдайына байланысты 3 санат негізінде ақпараттық жүйедегі мәліметтер кезеңімен өзектендірілуде. Сонымен қатар, «Отбасының цифрлық картасы» ақпараттық жүйесі арқылы атаулы әлеуметтік көмек тағайындауға потенциалды түрде үміткер бола алатын 5 530 азаматтың мәліметі ұсынылып, жұмыспен қамтуға жәрдемдесу шараларын қажет ететін 288 азаматтың тізімі және жұмысынан айырылу жағдайына байланысты жәрдемақы алуға құқығы бар, бірақ өтінім бермеген 273 азаматтың тізімі ақпараттық жүйеде толық өзектендірілген.Күн тәртібіндегі келесі мәселе бойынша қалалық білім бөлімінің бас маманы Самат Күнхожаев «Мектепке дейінгі білім беру ұйымдарына бармайтын балаларды ақпараттық жүйеге енгізу» туралы тоқталып өтті.Келесі, Қызылорда облыстық денсаулық сақтау басқармасы басшысының орынбасары Жангелді Шаймбетов «Міндетті әлеуметтік медициналық сақтандыру» жүйесіне өзектендірілмеген азаматтар туралы баяндады.&nbsp;Күн тәртібіндегі соңғы мәселе, NEET санатындағы жастардың тізімін өзектендіру туралы қалалық қоғамдық даму бөлімінің басшысы Парасат Жаңабергенов хабарлама жасады.&nbsp;Қызылорда қаласындағы жұмыссыз жастардың үлесін төмендету мақсатында «@jumys.bar» жобасы іске асырылып келеді. Инстаграм әлеуметтік желісінде өзекті әрі соңғы бос жұмыс орындары жарияланып отырады. «Мүмкіндіктер керуені» жобасы аясында да жұмыссыз жастарға арналған бос жұмыс орындарының жәрмеңкесі тұрақты түрде өткізіліп келеді. Жыл басынан бастап ұйымдастырылған бос жұмыс орындарының жәрмеңкесінде 65 мекемеден 346 бос жұмыс орындары ұсынылып, 119 азамат жұмысқа орналасқан.Күн тәртібінде көтерілген мәселелер бойынша Жанмұрат Жақсымұратұлы әр салаға «Отбасының цифрлық картасы» ақпараттық жүйесіндегі мәліметтерді өзектендіру жұмыстарын жандандыруды тапсырып, қалаға қарасты кент және ауылдық округ әкімдеріне әрбір тұрғындардың отбасының цифрлық картасына енгізілуіне тікелей басшылық жасауды жүктеді.

Қызылорда қаласы: «Отбасының цифрлық картасын» өзектендіру мәселелері талқыланды

<a href="https://kyzylorda-news.kz/">Kyzylorda-news.kz.</a>&nbsp;Жалағаш ауданының әкімі Асқарбек Есжановтың төрағалығымен ауданда жанар-жағар маймен қамтамасыз ету туралы мәжіліс өтті. Мәжіліске аудан прокуроры, аудандық полиция бөлімі, мелмекеттік кірістер басқармасы басшылары және жанар-жағармай саудасымен айналысатын жеке кәсіпкерлер қатысты.Аудан бойынша мұнай өнімдерін бөлшек саудада өткізетін 4 жанармай және 7 газ құю бекеттері жұмыс жасауда. &nbsp;Бүгінгі күнге жанар-жағармай бекеттерінде 84 тонна бензин 16 тонна дизель &nbsp;және 14 тонна газ қоры бар. Бұл жерде, жанармай және газ құю бекттерінде дефицитті қолдан жасауға жол берілмеуін қатаң бақылауға алу қажет-деді, аудан әкімі.Жиында мерзімді уақытқа дейін баға тұрақтылығын сақтау үшін ауданда жанармай және газ құю бекеттерінде дефицитті қолдан жасауға жол бермеу, негізсіз лимиттер орнатқан тұлағаларды анықтау және түсіндірме жұмыстарын жүргізу мақсатында арнайы штаб құру тапсырылды.Сондай-ақ, жанармай және газ құю бекеттерін аралап, алдын ала түсіндірме жұмыстары жүргізу және алдағы күндері қандай да бір мұнай өнімдерінің қолдан тапшылық жасау фактілері орын алған жағдайда, Заң аясында тиісті шаралардың қабылданатын болады.<figure class="image"><img src="https://knadmin.beoblood.kz/uploads/340234608_133609072872306_6898276448103892644_n_470a9b02d5.jpg" alt="340234608_133609072872306_6898276448103892644_n.jpg"></figure>

Жалағашта жанар-жағармаймен қамтамасыз ету мәселесі қаралды

<a href="https://kyzylorda-news.kz/">Kyzylorda-news.kz.</a> Аудандағы ауыл шаруашылық саласы жыл сайын жаңа көрсеткіштерге қол жеткізіп, қарқынды дамып келеді. Оған дәлел өткен жылы аудан бойынша ауыл шаруашылығы өнімдерінің жалпы шығарылымы 9 649,3 млн теңге болып, 106,6 пайызға өсен. Оның ішінде мал шаруашылығы бойынша 5 869,0 млн теңге (102,6 пайыз), егін шаруашылығы бойынша 3 696,9 млн теңге (114,5 пайыз) болып отыр.&nbsp;Аудандағы барлық нысандағы ауыл шаруашылығы құрылымдарында 58 468 бас мүйізді ірі &nbsp;қара, 99 306 бас қой мен ешкі, 43 634 бас жылқы, 35 480 бас түйе және 4 089 бас құс (тауық) бар. Осы малдарды өткен жылдың осы кезеңімен салыстырғанда мүйізді ірі қара малы 108,0 пайызға, жылқы &nbsp;111,8 пайызға, түйе 107,6 пайызға, құс &nbsp;111,8 пайызға артса, қой мен ешкі &nbsp;94,8 пайыз болды. Ауданда мал шаруашылығынан алынатын &nbsp;ет өндіру 3 584,6 тонна, сүт өндіру 8 063,2 тонна, жұмыртқа өндіру 103,1 мың дана, жүн (қой жүні) &nbsp;126,9 тонна болды.Ауыл шаруашылығы саласының негізгі капиталына 243 млн 615 мың теңге инвестиция салынды. Өткен жылдың осы кезеңімен салыстырғанда 3,8 есе артық орындалды. 2021 жылы орын алған құрғақшылыққа байланысты өз-өзімізді ішкі өніммен және мал азығымен қамтамасыз ету бойынша егіс көлемін ұлғайтуды жоспарладық. Соған сәйкес Сыр беткейдегі ауылдық округ әкімдерімен бірлесіп, егіс егу бойынша алдын ала әзірлеген сызба карталарымен жобалары тыңдалды.Осыған орай, аудан бойынша егін шаруашылығын дамыту мақсатында 2022-2024 жылдарға арналған даму жоспары әзірленіп, егіс көлемін 800 гектардан 3000 гектарға дейін жеткізудің жол картасы бекітілді. Сондай-ақ егін шаруашылығын дамытуға байланысты, оның ішінде мал азықтық шөптер (жоңышқа), бақша, көкөніс және тағы да басқа дақылдарды ұлғайту шеңберінде біршама жұмыстар ұйымдастырылды.Егін шаруашылығындағы өнімділікті арттыру мақсатында жергілікті шаруалармен теориялық түсіндірме жұмыстарын ұйымдастыру үшін, облыс орталығынан келетін ғылыми қызметкерлердің қатысуымен ақпан айының бірінші онкүндігінде Арал ауданында көшпелі семинар-кеңес өткізілді.Өз-өзімізді азық-түлік өнімдерімен және мал азықтық шөппен қамтамасыз ету үшін 2022 жылға егістік және шабындық жерлерді ұлғайту бойынша Ақирек, Жетес би, Аманөткел, Бөген, Райым және Қаратерең ауылдық округтерінің жер учаскелеріне далалық өлшеу жұмыстары жүргізіліп, нәтижесінде жалпы көлемі 493 гектар жер учаскелері шаруашылықтарға табысталып берілді.Осының нәтижесінде аудан бойынша табысталып берілген жерлерге барлығы 704,2 гектар егістік дақылдары орналастырылды. Биылғы жылы суды тиімді пайдалану әдістерімен суды аз қажет ететін қондырғылармен пайдалануды қолға алдық.&nbsp;Оған дәлел, Ақирек ауылдық округіндегі «Асхат» және «Нұр-Дана» шаруа қожалықтары подпленка әдісімен 7 гектар жерге бақша дақылдарын орналастырса, Сексеуіл кентінің жеке тұрғындары 3-4 гектар жерге бақша дақылдарын екті. Ал Атанши ауылдық округіндегі жеке кәсіпкер Е.Төреханов 10 гектар жерге тамшылатып суару әдісімен бақша, көкөніс дақылдарын орналастырса, Аманөткел ауылдық округіндегі «Camel Pro» шаруа қожалығы 80 гектар жерге жаңбырлатып суару қондырғысы арқылы жаңа жоңышқа тұқымын септі. Ағымдағы жылы ауданды азық-түлік қауіпсіздігін қамтамасыз ету мақсатында тұрғындардың өзін-өзі әлеуметтік маңызы бар картоп, көкөніс, бақша өнімдерімен қамтамасыз ету үшін жеке тұрғындар бойынша 70 гектардан астам жерге егіс егілді.Кіші Арал теңізінде балықтың 19 түрі мекендейді, кәсіпшілік балық аулау мақсатында балықтың 17 түрі ауланады. Балық аулау кезеңі ағымдағы жылдың 1 шілдесінен келесі жылдың 1 шілдесіне дейін есепке алынады, сондықтан 2022 жылдан 2023 жылға дейін, Кіші Арал теңізінен 6924 тонна, Қамыстыбас және Ақшатау көлдер жүйесіне 477 тонна, сонда аудан бойынша барлық лимит 7401 тонна болып бекітілген.Ауланған балық 2022 жылға 1002 тонна болса, өңделген балық 01.11.2022 жылға 3518тонна. Ауданда жылдық қуаттылығы 23900 мың тоннадан астам &nbsp;9 балық өңдеу зауыты жұмыс істейді. Атап өту қажет, ауданда Еуропа нарығына шығуға мүмкіндік беретін Еврокод белгісі тек екі кәсіпорында бар. Атап айтқанда, «Арал балық өңдеу зауыты» және «Арал сервистік дайындау орталығы» ЖШС балық өңдеу зауыттары.Қосжар ауылдық округінде орналасқан Қамыстыбас балық питомнигі мен оның Тастақ бөлімшесінде балық өсіруге арналған арнайы инкубациялық цехтары бар. Оның 1-еуі гуманитарлық көмек арқылы Израильден әкелініп, құралдарымен жабдықталған. Облыс көлемінде табиғи су айдындарының балық қорын көбейту мақсатында республикалық бюджеттен жыл сайын Кіші Арал теңізіне және Ақшатау көлдер жүйесімен Приморский, Қамыстыбас көлдер жүйесіне осы «Қамыстыбас балық питомнигі» РМКҚ арқылы 14 млн 800 мың дана майда бір жылғы шабақтар және 420 мың екі жылғы шабақтар жіберіліп өсірілуде.Арал ауданы бойынша 2022 жылы 34 жас маман біржолғы көтерме жәрдемақы және 12 маман тұрғын үй сатып алуға бюджеттік несие рәсімдеді.

Аралда ауыл шаруашылық саласы алға басып келеді

​<a href="https://kyzylorda-news.kz/">Kyzylorda-news.kz.</a> Қызылорда қаласына қарасты Тасбөгет кентінің жұртшылығы асыға күткен дене шынықтыру-сауықтыру кешенінің құрылысы басталды. Осы орайда кент әкімі Семсер Сыздықов еңбек ардагерлерімен бірге аталған нысанның құрылысы барысымен танысып қайтты.&nbsp;Құрылысы енді басталған &nbsp;заманауи талаптарға сай спорт кешенінде Тасбөгет кентінің жас спортшылары оннан аса спорт түрінен жаттығу жасауға мүмкіндік алады. Кешеннің құрылысына бюджеттен 463,8 миллион теңге көлемінде қаржы қарастырылған. Құрылыс &nbsp;жұмыстарына &nbsp;жауапты мекеме ретінде «Интегрострой» серіктестігі танылып, жоспар бойынша спорттық нысанды 2023 жылдың желтоқсан айында пайдалануға бермек.Спорт кешенінің құрылысын арнайы бақылап қайтқан кент ардагерлері жаңа кейіптегі спорт кешенінен көптеген чемпион шығуына шын жүректен тілектестік білдірді.Еске салсақ, биыл облыс орталығы қаласында бірнеше нысанның құрылысы жүргізілуде. Мәселен, 100 келушіге арналған емханасы бар 300 төсектік көпбейінді аурухана құрылысына 3 миллиардтан астам қаржы бөлінген. Одан бөлек «Қазгермұнай» ұлттық компаниясы да шаһарда заманауи үлгідегі «Оқушылар сарайының» құрылысын жүргізеді. Сонымен қатар Қызылорда қаласында «Өнер орталығы», «Неке сарайы» мен «Қан орталығы» да бой көтермек.

Тасбөгет кентінде спорт кешенінің құрылысы басталды

<a href="https://kyzylorda-news.kz/">Kyzylorda-news.kz.</a> «Қазіргі заманда бәсекеге қабілеттіліктің басты факторының бірі – барынша цифрландыру. Отандық ІТ-секторды дамытып, күшейте түсу маңызды. Елімізге жас, білімді әрі ынталы мамандар керек. Цифрландыру жөніндегі ұлттық жобаның аясында кемінде 100 мың жоғары білікті ІТ-маман даярлау қажет».&nbsp;Қасым-Жомарт ТОҚАЕВТЫҢ «Халық бірлігі және жүйелі реформалар – ел өркендеуінің берік негізі» атты Жолдауынан.Цифрландыру қазіргі күні әлемдік трендке айналып үлгерді. Озық елдердің қатарында болуды көздеген біздің ел үшін де цифрландыру мәселесі өзектілікке ие. Азғантай жылдың ішінде қол жеткізген жетістіктер де жоқ емес. Алайда инновация мен технологияның тілін түсінетін мамандар тапшы. Сол тапшылық IT-саласын дамытуға кері әсер етіп, цифрлық экономиканы жетілдіруге, озық технологияның игілігін көруге бөгет болуда. Шет елдің мамандарына иек артуды қойып, еліміз өз ішінен мықты, бәсекеге қабілетті IT-мамандарды даярлауға күш салуы керек. Бұл – Президент Қасым-Жомарт Тоқаевтың тапсырмасы.Дамыған елдер цифрландыру мәселесін әлдеқашан жолға қойған. Әлемде инновация мен технология күн сайын жаңаруда. Жаңарған сайын оларға сұраныс та басым. Алайда мамандардың жетіспеушілігін жоғарыда тілге тиек еттік. ІТ-мамандар әлемдік рейтингте ең қажетті мамандықтар тізімінде екінші орын алады екен.Бүгінде еліміздегі әр салаға ақпараттық технология еніп, жұмыс қарқыны компьютермен жымдасып кетті. Ал осы компьютермен байланысты нәрсенің бәрін ІТ деуге әбден болады. Сәйкесінше ІТ-саласының бағыты да көп. Бірақ біз күнделікті өмірде сол саланың жетістіктерін тұтынып жүргенімізді аңғара бермейміз.<blockquote>«Қазір мемлекет ІТ-саласына ерекше назар аударды. Өткен жылы білім грантының 60%-ы осы салаға бөлінді. Көріп отырғандарыңыздай, жаңа гранттар бүгінгі күні сұранысқа ие мамандықтарға бөлініп отыр. «Жалпы техникалық кәсіптерге, оның ішінде ІТ-саласына, инженерлік мамандықтарға келетін жастар өте көп. Осы орайда мемлекеттік грант аясындағы конкурс деңгейі жоғары. Мектеп бітіретін түлектердің жалпы саны 2024-2025 жылдарға дейін өседі деген болжам бар. Түлектер саны 180-190 мыңға дейін жетуі мүмкін. Олардың басым бөлігі ҰБТ тапсыруға келеді. Сондықтан бұл балалардың елеулі бөлігі техникалық мамандықтарды таңдайды», – дейді ҚР БҒМ Жоғары және жоғары оқу орнынан кейінгі білім департаментінің басқарма басшысы Жанна Есинбаева.</blockquote>Аталған мамандыққа сұраныс та, қойылатын талап та жоғары. Компьютерлік технологияны жетік меңгерген жастар шетелде қалып қойып жатыр. Себебі ондай мамандар дамыған елдерге де қажет. Дамудың даңғыл жолына түскен біздің ел де дәл сондай мамандарға зәру. Яғни, бұл – Жаңа Қазақстанның жаңа мамандары жұмыссыз қалмайды деген сөз. Тіпті олар алатын жалақы басқа мамандармен салыстырғанда әлдеқайда жоғары.Сала мамандарының сөзінше, 2025 жылы елге блокчейн технологтар, жасанды нейрондық желілерді жобалаушылар, әмбебап жасанды интеллект жасаушылар, интеллектуалды технологтар және өзге де мамандар қажет болады. Тағы 9 жылдан кейін сандық заңгер, кибер заңгер, кибер зерттеуші, интеллектуалды киберфизикалық инфрақұрылым операторы, кванттық есептеу технологы, кванттық криптолог сияқты мамандықтар пайда болады деген болжам бар. Сарапшылар 2040 жылға қарай киборг инженер мен киборг нұсқаушысы маманы пайда болады деп топшылайды.Бажайлап қарасақ, мұның бәрі – бізге беймәлім мамандықтар. Дей тұрғанмен, ХХІ ғасыр заманы сол беймәлім әлемге бастап барады. Ақпараттық технологияның аяқалысы солай дейді. Цифрландырудың қарқыны да қатты.<blockquote>«Дүние жүзіндегі кейінгі жағдайлар біздің елдегі IT-саласының дамуына ықпал етті. Бүгінге дейін халықаралық компанияның көбі Орталық Азия елдеріне өз қызметтерін Мәскеу, Киев арқылы ұсынатын. Украинадағы жағдай, Ресейге салынып жатқан санкцияларға байланысты бұл ірі компаниялар енді Орталық Азиямен байланысудың басқа амалдарын қарастыратыны анық, штаб-пәтерлері үшін саяси ахуалы тұрақты мемлекетті іздейді. Меніңше, Қазақстан – потенциалы жоғары кандидат елдің бірі. Елімізде ІТ-саласын дамытуға үлкен акцент қойылып отыр. Оған қоса, Қазақстанның саяси позициясы тұрақты, халықаралық конфликтіге түспейді, басқа елдермен дипломатиялық байланысы өте жоғары. Мұны батыс елдері де, компаниялары да байқап отыр. Сондықтан дәл қазір ІТ-ді мейлінше тезірек дамытсақ, елдегі басқа салаларға да үлкен мүмкіндіктер ашылады», – дейді шетелдік компаниялармен жұмыс істеп, тәжірибе жинаған Назерке Имранова.</blockquote>Еліміз ІТ-саласы бойынша оқытуды енді ғана қолға алған жоқ. Бұл бұрынғыдан бар. Қол жеткізген табыс¬тары да жоқ емес. Атап айтар болсақ, қазіргі кезде ІТ-саласы бойынша оқытатын мектептер де, жоғары оқу орындары да бар. Қызылорда облысында қоғам игілігі үшін жасанды интеллект, мобильді қолданба және робот жасап шығарған жас жеткіншектер де жоқ емес. Жыл сайын өткізілетін Хакатон сайыстары мен Роболенд жарыстары жастарды жаңашылдыққа бейімдеп, техникаға деген қызығушылықты оятады. Жаңаша ойлайтын бүгінгі жас ұрпақ қазір техниканың құлағында ойнайды. Оған таңғалуға болмайды. Десе де, бұл сала мамандарының саны саусақпен санарлық. Сол үшін алдағы уақытта жастардың цифрлық үдеріске қызығушылығы артып, еліміздегі мамандар саны молая түседі деген сенім бар.

Қазақстан және Қызылорда облысының жаңалықтары