<a href="https://kyzylorda-news.kz/">Kyzylorda-news.kz.</a> Көп тіл білу есте сақтау қабілетіне, шешім қабылдау механизміне немесе шығармашылыққа қалай әсер етеді?&nbsp;Бүгінгі таңда әлем адамдарының көпшілігі кем дегенде екі тілде сөйлейді. Еуропада халықтың 70 пайызы екі тілді немесе көптілді.Виорика Мариан - психолингвист. Молдавиядан шыққан америкалық профессор 1990 жылдардан бері көп тілде сөйлейтін адамдардың миын зерттеп жүр.Ғалым «Тілдің күші: Көптілділік, тұлға және қоғам» атты жаңа кітабында мультилингвизмге қатысты ғылымның соңғы жаңалықтарын бөліседі.<blockquote>«Бірнеше тілде немесе диалектіде сөйлейтін адамдардың тек бір тілде сөйлейтін адамдарға қарағанда әртүрлі лингвистикалық, когнитивті және нейрондық ерекшеліктері бар», – деп жазады Мариан.</blockquote>Көптілді адамдардың миы басқаша жұмыс істейтініне бес мысал:Бір адам – бірнеше тұлғаБірнеше тілді жетік білетін адамдар көбіне тілдік жүйені өзгерткен кезде жеке басының кей аспектілері күштірек көрінетінін немесе керісінше әлсіреп қалатынын сезінетінін айтады.Бұл жағдай Марианға да таныс: Молдовада бала кезінен румын және орыс тілдерінде сөйлеп өскен автор ғылыми жұмысты мектеп қабырғасында оқыған ағылшын тілінен басқа тілде қалай жазуға болатынын тіпті елестете алмайды.<blockquote>«Ағылшын тілінде мәтін жазу мені гендерлік рөлдер қойған шектеулерден босатады. Бұл менің гендеріме қарамастан ойшыл, жазушы және ғалым болуыма мүмкіндік береді. Әрине, кәсіби аспекті де бар. Неврология және когнитивті ғылымдар туралы румын және орыс тілдерінде жазуға сөздік қорым жетпеуі мүмкін. Бірақ жеке қарым-қатынасты да жоққа шығара алмаймын. Өйткені тіл - мәдениетті таратушы ретінде қызмет етеді. Румыния мен Оңтүстік-Шығыс Еуропа мәдениеті ғылымдағы әйелдерді таныстыруға келгенде әлі де артта қалып келеді», – деп түсіндіреді ғалым.&nbsp;</blockquote>Мидың бір аймағы әртүрлі тілдерге қызмет етедіӘртүрлі тілде келетін ақпарат мидың әртүрлі бөлігіне тарайды және олардың әрқайсы белгілі бір тіл белсенді қолданылған кезде «іске қосылады» деген пікір бар. Бірақ зерттеулер бұл теорияның қате екенін көрсетті.Әртүрлі тілдер іс жүзінде мидың сол бір ғана аймағында өңделеді. Бұл жағдайда сигналдарды мидың бір бөлігінде, бірақ әртүрлі нейронда өңдеуге болады.Қостілді ми есте сақтауға ықпал ететін сөздер арасында байланыс құруға бейім. Мысалы ағылшын және француз тілдерінде сөйлейтін адам шеге («nail») және бұлт («cloud») сияқты бір-біріне еш қатысы жоқ сөздер арасынан байланыс тауып алады, өйткені «clou» - французша шеге.Мультилингв адамдар монолингтерге қарағанда креативті және ерекше ойлайдыШығармашылықтың мәні - мидың бір-бірімен еш байланысы жоқ секілді көрінетін нәрселер арасында байланыс орнатуы. Ақындардың ойына ғажап метафоралар мен оралымдар, философтарға – жаңа тұжырымдар, ал суретшілерге – революциялық техника немесе жай түстердің күтпеген үйлесімі немесе пішіндерді қолдану туралы идеялар келеді.Көптілді адамдардың миында да осындай байланыстар көп болғандықтан олар шығармашылық пен ерекше ойлауды қажет ететін тапсырмаларды жақсырақ орындауға бейім.<blockquote>«Басқа тілді үйрену сізді одан да креативті адам ете алады, бірақ шығармашылығыңызды нөлден максимумға жеткізеді дей алмаймыз. Өзіңізді қандай да бір шығармашылық жолмен көрсеткен болсаңыз, бұл сізге қосымша артықшылық береді»,-деп қорытындылады сарапшы.</blockquote>Есте сақтау тұрақтылығыҚазіргі заманғы жад теориясына сәйкес, ертеректе болған бір жайтты еске түсіргің келсе, оны сол оқиға болған тілде елестетсе тезірек еске түседі.Мысалы, ағылшын-қытай тілдерінде сөйлейтін билингв адам біреуге басынан өткен тәжірибесі туралы ағылшынша айтып тұрған кезінде ол негізінен бұрын ағылшын тілінде айтқан фактілерге не оқиғаларға басымдық беруі мүмкін.<blockquote>«Әртүрлі нейрондық байланыстар әртүрлі тілдерде жанданады, нәтижесінде жадта әртүрлі естеліктер пайда болады. Осылайша біршама өзгеріс болады, өйткені тіл мәдениетпен, есте сақтау қабілеті және жеке тәжірибемен тығыз байланысты», – дейді Мариан.</blockquote>Бұл академиялық ортада да көрінеді. Мысалы, ағылшынша-испанша сөйлейтін билингв испан тілінде не үйренгені жайында ағылшын тілінде тест тапсырса, оның нәтижесі испан тілінде тапсырған сынақтан гөрі нашар болады.«Пайдалы инвестиция»Әртүрлі тілдерде сөйлесу үшін ми орасан зор энергия жұмсайды, бұл оны ұзақмерзімді перспективада когнитивті құлдыраудың кей түрлерінен қорғай алады.Зерттеу көрсеткендей, бірнеше тіл білетін егде жастағы адамдардың есте сақтау қабілеті жақсы, ал популяцияға негізделген зерттеу көптілді елдерде Альцгеймер ауруы аз болатынын көрсетті.Ғалымдар сонымен қатар екі немесе одан да көп тіл білу Альцгеймер ауруы мен деменцияның басқа түрлерінің дамуын орта есеппен төрт-алты жылға кешіктіруі мүмкін екенін анықтады.Виорика Мариан басқа тілді үйрену - жас ұлғайған сайын ұзақмерзімді нәтиже беретін «пайдалы инвестиция» екеніне сенімді.<a href="https://www.inform.kz/kz/birneshe-til-mengeru-este-saktau-kabileti-men-shygarmashylykka-kalay-aser-etedi_a4054231">ҚазАқпарат&nbsp;</a>

Бірнеше тіл меңгеру есте сақтау қабілеті мен шығармашылыққа қалай әсер етеді

<a href="https://kyzylorda-news.kz/">Kyzylorda-news.kz.</a> Қызылордада басталған композитор, ҚР Еңбек сіңірген қайраткері, «Құрмет», «Парасат» ордендерінің иегері Кеңес Дүйсекеев атындағы I халықаралық «Туған жер» әншілер конкурсына Қазақстанның барлық өңірінен және 7 мемлекеттен үміткерлер қатысуда.Байқаудың салтанатты ашылу рәсімінде облыс әкімі Нұрлыбек Нәлібаев сөз сөйлеп, қатысушыларға сәттілік тіледі.<blockquote>«Өнерге құрмет мәңгілік болуы тиіс! Кеңес ағаны халық есінде мәңгі қалдыру үшін есімі Қызылорда облыстық филармониясына берілетін болады. Бұл – барша жерлестеріміздің құрметі мен сыйы! Мәдениет – ұлт өмірінің айнасы, халықтың рухани келбеті. Бұл ретте Мемлекет басшысы Қасым-Жомарт Кемелұлы Тоқаев әлемдік деңгейдегі бәсекеге қабілетті мәдениетті дамыту үшін елімізде креативті индустриялар базасын қалыптастырудың маңыздылығына баса назар аударып келеді. Мұны жан-дүниесімен сезінетін жанашыр жерлестеріміздің қолдауымен бірқатар мәдениет нысанының құрылысын бастауға мүмкіндік алдық. Өткен жылы ел ағаларымен бірге іргетасын қалаған көпфункционалды 1000 орындық «Өнер орталығын» жыл соңына дейін пайдалануға береміз. Өнер орталығында өтетін концерттердің кәсіби әрі жанды дауыста көрерменге жол тартуына септігін тигізетін симфониялық оркестрдің де тұсауын жаңа ғимаратта кесетін боламыз», – деді аймақ басшысы.</blockquote>Айта кетейік, бұған дейін республикалық деңгейде өткізіліп келген айтулы конкурс биыл тұңғыш рет халықаралық сипатқа ие болды. Байқауға Қазақстанның барлық аймақтарынан келген талапкерлермен бірге Болгария, Польша, Армения, Өзбекстан, Тәжікстан, Қырғызстан елдерінің өнер өкілдері қатысуда. Талантты өнерпаздарға отандық және шетелдік кәсіби музыка мамандары, өнер иелері баға береді.Көрнекті композитор Кеңес Дүйсекеев Қазақстан Республикасының Еңбек сіңірген өнер қайраткері, Қазақ Ұлттық Өнер университетінің профессоры, «Құрмет», «Парасат» ордендерінің иегері, Қазақстан Республикасының Президентінің мәдениет саласы бойынша мемлекеттік стипендия иегері, Қазалы ауданының құрметті азаматы атанды. Кеңес Дүйсекеевтің қалың елдің ыстық ықыласына бөленген «Қара¬кө¬¬з¬айым», «Домбыра туралы баллада», «Сәлем саған, туған ел!», «Өкінбе сен» және басқа да әндерін Роза Рымбаева, Нағима Есқалиева, Мақпал Жүнісова, Ақжол Мейірбеков, Жұбаныш Жексенұлы се¬кілді қазақ эс¬тра¬дасының майталмандары орындайды. Бұл әндер қазақ жастарының отаншылдық рухын көтеретін, эстетикалық талғамын байытатын туындыларға айналды.<img src="https://knadmin.beoblood.kz/uploads/340009188_514718837329813_9135375821742525204_n_b44048927b.jpg" alt="340009188_514718837329813_9135375821742525204_n.jpg"><img src="https://knadmin.beoblood.kz/uploads/340071150_2102881003246408_598883713494023570_n_7ee9b2ecba.jpg" alt="340071150_2102881003246408_598883713494023570_n.jpg"><img src="https://knadmin.beoblood.kz/uploads/339926679_598180725558447_5693957195741221665_n_02b0aab052.jpg" alt="339926679_598180725558447_5693957195741221665_n.jpg"><img src="https://knadmin.beoblood.kz/uploads/340128905_456762256633274_1439328435241406092_n_f3702c61ec.jpg" alt="340128905_456762256633274_1439328435241406092_n.jpg">

Қызылордада І халықаралық «Туған жер» әншілер конкурсы өтеді

<a href="https://kyzylorda-news.kz/">Kyzylorda-news.kz.</a>&nbsp;Қазақстан Республикасының Президенті Қасым-Жомарт Кемелұлы Тоқаевтың атынан Сыр жұртшылығына ауызашар берілді.Ауызашар шарасына облыстың зиялы қауым өкілдері, қоғам қайраткерлері, аймақтың барлық ауданынан сала ардагерлері, еңбек адамдары қатысты.Өңір басшысы Нұрлыбек Нәлібаев жұртшылықты Рамазан айымен құттықтап, бірлік пен береке, мейірім мен ізгілік, қанағат пен сабыр салтанат құратын қасиетті уақытта жасаған қайырым, дұға-тілектерінің қабыл болуына өз тілегін білдірді.<img src="https://knadmin.beoblood.kz/uploads/339288219_916929519430883_1200091614279598220_n_ddeecc6946.jpg" alt="339288219_916929519430883_1200091614279598220_n.jpg"><img src="https://knadmin.beoblood.kz/uploads/340139885_241676418321092_8088440315311621052_n_abff9584df.jpg" alt="340139885_241676418321092_8088440315311621052_n.jpg"><img src="https://knadmin.beoblood.kz/uploads/339269261_675682400982798_4654212928583223588_n_267493a2cb.jpg" alt="339269261_675682400982798_4654212928583223588_n.jpg">

Қызылордада Президент атынан ауызашар берілді

<a href="https://kyzylorda-news.kz/">Kyzylorda-news.kz.</a>&nbsp;Қызылорда облысының әкімі Нұрлыбек Нәлібаев аралас жекпе-жектен UFC турнирінде өнер көрсеткен Шавкат Рахмоновпен кездесті.Даңқты спортшы Лас-Вегас қаласында өткен турнирде жеңіске жеткен еді. &nbsp;Аймақ басшысы спортшыға алдағы уақытта да биік тұғырдан көрініп, еліміздің абыройын асқақтата беруіне тілектестік білдірді. Спортшылардың жеңіске ұмтылысы, жетістік жолындағы табандылығы өскелең ұрпаққа сенім мен жігер сыйлайтынын айтты.Өз кезегінде, жеңіліп көрмеген чемпион атағын иемденген боксшы қонақжай Сыр еліне келгеніне қуанышты екенін жеткізіп, ризашылығын білдірді. Кездесуден кейін Шавкат Рахмонов «Еуразия» және «Мұз айдыны» спорт кешендерiнде спортшылар, жанкүйерлер қауымымен кездесіп, сұхбаттасты және естелік суретке түсті.<figure class="image"><img src="https://knadmin.beoblood.kz/uploads/340097939_899732377769331_3706125325887547371_n_8395021b46.jpg" alt="340097939_899732377769331_3706125325887547371_n.jpg"></figure>

Нұрлыбек Нәлібаев спортшы Шавкат Рахмоновпен кездесті

<a href="https://kyzylorda-news.kz/">Kyzylorda-news.kz.</a>&nbsp;Бүгін еліміздің басым бөлігінде тұрақсыз ауа райы сақталады, деп хабарлайды Қазгидромет.Оңтүстік-шығыстың таулы аймақтарында қар аралас жаңбыр жауады. Солтүстік аймақтарда – қар, оңтүстікте, оңтүстік-шығыста жаңбыр жауады, таулы аймақтарда қатты жауын-шашын болады. Тек еліміздің батысында, солтүстік-батысында, елдің солтүстігінде жауын-шашынсыз ашық ауа-райы күтіледі.&nbsp;Республикамыз басым бөлігінде жел күшейеді, тұман болады, солтүстік облыста көктайғақ, елдің оңтүстігінде, оңтүстік-батысында, оңтүстік-шығысында – найзағай ойнап, бұршақ түседі деп болжанады. &nbsp;

Сенбі күнге арналған ауа райы болжамы

<a href="https://kyzylorda-news.kz/ru/">Kyzylorda-news.kz</a>. Ине сабақтап, тігін тігуге кез келгеннің ебі бар. Десе де қиюын келтіріп, көрпе-көрпеше құрау нағыз маманның қолынан келеді. Қиялға ерік беріп, таңғажайып дүниелерді шығарсаңыз тіпті керемет. Мысалы, казір доптың өзін қолдан тігу сәнге айналды. Оны түрлі-түсті құрақпен безендіру де көз жауын алып тұр. «Әдемі» тігін шеберханасы осы істі әдемі иіріп, көптің талғамынан шығар дүниелер ұсынып келеді.Сырдариялық Нұрсұлу Ажарова – №135 А.Тоқмағанбетов атындағы орта мектептің «Көркем еңбек» пәнінің мұғалімі. Көпбалалы ана. Трендтегі допты дайындауына да осы аналық мейірім сеп болған.<blockquote>«Өзіңе деген сенім алға сүйрейді. Мен 2007 жылы қазан айынан бастап мектепке жұмысқа орналастым. Осы кезден бастап жауапкершілік деген ұлы ұғымның қадірін білдім. Мектептегі іс-шаралар, сабақ, түрлі байқаулар жауапкершілікті еселеді. Жұмыс барысында алғашқы жылдары көптеген қиындықтар кездесті. Дегенмен адамның қолынан келмейтін іс жоқ, алынбайтын қамал жоқ деп өзімді қамшылаудың арқасында нәтижеге қол жеткіздім. «Тартыспен түскен, бейнетпен келген жақсылық – шын мәнінде қымбат табыс» деп заңғар жазушы М.Әуезов айтқандай, егер адам шын көңілімен қаласа, арман-мақсаттарына қол жеткізеді деп білемін», – дейді ісмер.</blockquote>Нұрсұлу білгенін оқушыларға үйретіп келеді. Оларды еңбекке баулып, болашақта шеберлігін шындауға бағыт сілтеуде. Бұдан бөлек, кейіпкеріміздің осыдан он жыл бұрын «Нұр-Рамазан» қоғамдық қорын құрғанын білдік. Мақсаты – мүмкіндігі шектеулі балаларға арналған «Құмға сурет салу» өнерін үйрету. 2014 жылы жеке кәсіпке бет бұрған. «Ақниет» бағдарламасы арқылы 300 мың теңге көлемінде қайта¬рымсыз несие алып, кәсібін бастаған. Ал қазір соның жемісін көріп отыр.<blockquote>«Тігін тігу махаббатпен, аса бір қызығушылықпен жасалатын дүние. Тігінші болу үшін жай әшейін тіге білу жеткіліксіз. Алдымен ынта болу керек. Өзім тапсырыс берушіден майда-шүйденің барлығын еш қысылмастан, екі, үш қайтара сұраймын. Есесіне бүгінде тұрақты тұтушыларымыз көп», – дейді Нұрсұлу.</blockquote>Кәсіпкердің креатив идеялары жеткілікті. Заманауи дүниелер жасауға бейім. Басты принципі де – ізденіс, тұрақты даму екен. Бұған қол жеткізген биігі дәлел. Ол 2015 жылы «Бастамаларды қолдау» қорынан 300 мың теңге көлемінде несие алып, кәсібін кеңейткен. 2018 жылы 3 миллион теңге көлемінде қолдауға қол жеткізіп, цехқа «Әдемі» атауын берген, жаңа құрал-жабдықтармен жабдықтаған. Жоспары да айқын. Ол алдағы уақытта «Tekstil by Aminа» оқу орталығын іске қосуды, құмға сурет салу және құмыра жасау үйірмесінің ісін ілгерілетуді, құрақ құрау өнері, бейнелеу өнері, дизайн бойынша жұмыс істеуді жалғастырмақ ниетте. Отандық өнімді көбейтіп, өз қолтаңбасын қалыптастыру оның басты мақсаты.

Нұрсұлу Ажарова: Матадан тігілген доп – трендте

<a href="https://kyzylorda-news.kz/ru/">Kyzylorda-news.kz</a>. Әр қыз-келіншек күнделікті ас үй жабдығын таза ұстауға тырысатыны белгілі, бірақ бірақ үйреншікті көрінетін бұл әдетті табысқа айналдыруға да болады. Сөзімізге Жаңақорған ауданындағы Кеден Кеден ауылының тұрғыны Гүлнәр Есмаханның жаңа кәсібі дәлел. 34 жастағы “Күміс алқа” иегері қара қазан арқылы қалай миллион теңге табуға болатынын айтып берді.− Қазан тазалау сырттай оңай шаруа көрінгенмен, машақаты көп жұмыс. Бұл бастаманы қалай қолға алдыңыз? Қайдан үйрендіңіз?− Ең алғаш қазан тазалау курсы жайлы инстаграм желісінен білдім. Әйел адам үйдегі барлық дүниенің таза болғанын қалайды ғой. Менде күнделікті асханамда пайдаланатын таба, қазандарым мұнтаздай болсын деген ниетпен курсқа тіркелдім. Тек білім алып қана қоймай, қазан тазалау технологиясын бизнеске айналдыруға болатынын түсіндім. Бастапқыда Жаңақорған ауданынан тапсырыс қабылдап, заттарды алып, тазалап болған соң қайта апарып беріп жүрдік. Бұл жобаны шығыны аз, табысы мол бизнес деп толық сеніммен айта аламын. Әрі кәсібімді тұрақты жүргізуіме инстаграм желісінің, оқырмандарымның ықпалы зор.− Әр әйел адам ас үйдің ханшайымы екені рас. Алайда кейде бәріне бірдей үлгеру мүмкін еместей көрінеді. Ал өзіңіз торт пісіріп, инстаграмда жеке парақшаңызды қызықты етіп жүргізіп, мастер-класс өткізуге қалай уақыт табасыз?− Қазан тазалаудан бөлек аудан, ауыл тұрғындарынан тапсырыс қабылдап, тәтті тоқаштар пісіремін. Аталған жұмыстарды күнделікті жасап жүрген соң, өмірімдегі ең жақсы әдетіме айналдыра алдым деп ойлаймын. Содан болар мүмкіндігінше бәріне үлгеруге тырысамын.− Отбасылық кәсіпке үйдегі жақындарыңыз да көмектеседі екен. Аталған кәсіпті берекелі бизнеске айналдырған отбасыңыз жайында да айтып өтіңізші…− Иә, қазан тазалау барысында жолдасым көп қолдау білдіріп, көмек көрсетеді. Алғашында екеуміз бірге тапсырыс қабылдап, бизнеске қадам жасадық. Әрі кәсіп бастаған уақытта үйде анам да болып, қолғабыс еткен соң, тұтынушылыр тапсырысын ойдағыдай тәмамдау қиынға соқпады. Жақындарымның қай істі болсын жақсы жасай алатыныма сенім білдіріп, жанымнан табылатыны үшін ризамын.− Тапсырыс қабылдау барысында қандай да бір аппарат қолданасыз ба? Жалпы бір тапсырысты толық бітіру үшін қанша уақыт қажет?− Әрине, тазалау жұмыстары кезінде арнайы аппараттың көмегін пайдаланамыз. Тамақ пісіретін табаларды тазалау 15-20 минут уақыт алады. Ал үлкен қазандарды ағарту жарты сағатқа созылады.− Қызметіңіздің құнын қалай бағалайсыз? Бір қазанды тазалау бағасын айта аласыз ба?− Қызметтің құнын белгілемес бұрын қазанның майлылығына, қаншалықты лас немесе кіршең болғанына қараймыз. Әдетте табаларды айнадай етіп жалтыратсақ, еңбегімізді 2000-2500 теңгеге бағалаймыз. Әр ыдыстың жай-күйіне байланысты белгілі бір көлемде нақты баға қойылған. Қазір қазан тазалап, айына бір миллион табыс тауып жүрмін.− Осы уақытқа дейін сізден қанша адам осы әдісті үйренді?− Мастер-класс арқылы 500-ге жуық қыз-келіншек қазан тазалау технологиясын меңгерді. Басым көпшілігі осы бағытта өз кәсіптерін жүргізуде. Ара-тұра еңбектерінің нәтижесімен бөлісіп, сүйінші сұрап отырады.− Алдағы жоспарыңызбен бөліссеңіз…− Алдағы уақытта аудан аумағынан жер алып, қазан тазалайтын орталық ашқым келеді. Өйткені қазір аудан мен ауыл арасында қазандарды тасымалдап жүру біршама қиындық туғызуда. Адал еңбектің арқасында бұл мақсатымызға жететінімізге сенемін.− Сұхбатыңызға рақмет! &nbsp;

Гүлнәр Есмахан: Қазан тазалау – таптырмас кәсіп

<a href="https://kyzylorda-news.kz/ru/">Kyzylorda-news.kz</a>. &nbsp;«Сақтауға қажет бір асыл болса – алдымен жүрегіңді сақта, өйткені өмір бастауы – сол жүрек» деген Уильям Гарвей. Әлбетте, адамзат ағзаның патшасы – жүрек екенін жақсы біледі. Оған келтірер күмән де, тағар айып та, туындар дау да жоқ. Әлгі кеудедегі жұдырықтай ғана жүректің жақсы болуы – саулықтың негізгі кепілі. Әсте, адам артқан жүкке, салған салмаққа қарамастан жүрек бәрін көтереді. Дей тұрғанмен, мұндай олқылықтар жиілейтін болса, дүрсілдің даусы да кеми бермек. Сайып келгенде, бүкіл сезім иірімдерін иіріп әкететін, оған иелік ететін жүрек болғандықтан, ол жай-күйге де әсер етпей қоймайды. Толқыныс пен қорқыныш, қобалжу мен уайым мұның бәрі организмді басқарып тұрған тірекке ықпал етеді. Асылында, көңілді толқытып, көкте қалықтатып жіберетін қуаныштың өзін естігенде «жүрегім жарылып кетердей болды» деп теліп айтар теңдессіз теңеуіміз бар емес пе?! Демек, қылп еткен сезімнің бәрі жұп-жұмыр жүректі айналып өтпейді. Сондықтан, біз ең батыл, ең нәзік деп қарастырған жүректің үздіксіз дүрсілі үзіліп кетпеуі керек.Иә, адам ағзасындағы мотор өз жұмысын тоқтатын болса, өмір сапары тәмамдалды деген сөз. Түптеп келгенде, тірі адамның ең аяулы жері жүрек саналатындықтан сыздамағаны һәм жабырқамағаны орынды. Ағзада жүректің жүктеп алған қызметі көп, тіпті рөлі маңызды десек артық айтқандық емес. Мәселен, қан айналым жүйесі жүрекпен жапсарлас. Ал, күретамырдан шыққан қан бүкіл ағзаға тарауына түрткі болады. Сондықтан денсаулықта қандай да бір кінәрат табылса, дер кезінде ем жүргізуді қолға алған жөн. Бүгінде жүректен туындайтын аурудың түрі өте көп. Осы тұста салдары сан соқтырып, ақыры ажалмен аяқталмас үшін дәрігерлер дабыл қағып, халыққа түсіндірме жұмыстарын жүргізуде тартынған емес. 29 қыркүйекте дүниежүзілік жүрек күні жыл сайын бүкіл әлемде аталып өтеді. 1999 жылы Дүниежүзілік жүрек федерациясының бастамасымен, Дүниежүзілік денсаулық сақтау ұйымының, ЮНЕСКО-ның және басқа да мүдделі ұйымдардың қолдауымен алғаш рет «Дүниежүзілік жүрек күні» ұйымдастырылды. Әлем бойынша инсульт, жүректің ишемиялық ауруы, перифериялық артериялар, ревмокардит, туа біткен жүрек ақауы, стенокардия және миокард инфарктісі секілді аурулар қатары өлім-жітімнің 16 % құрап, мүгедектіктің басты себебі болып отыр. Қазақстанда жүрек-қан тамырлары ауруларынан зардап шегетін 2 миллионнан астам адам тіркелген. Жыл сайын 40 мың қазақстандық инсульт алады екен. Сондықтан бұл көз жұмып қарай салатын, қолды бір сілтеп қоя салатын жеңіл сырқат емес. Тіпті, жеңіл деп қарағанның өзі асқынғанда аяқты аспаннан келтіріп, шыбын жанды көзіне көрсетпей ме?! Ендеше жүректен туындайтын аурудың соққысы қатты болады.Халық саулығы қашан да басты назарда. Сондықтан облыстағы ақ халаттылар әл-ауқатты арттыру бойынша ауқымды істер атқаруда аянып қалған емес. Дүниежүзілік жүрек күнінің басты мақсаты – қалың жұртты өз денсаулығына назар аударту, оның маңыздылығын, құндылығын түсіндіру, өмір бойы салауатты өмір салтын ұстануды негіз ете отырып, жеке бастың денсаулығын сақтау мен нығайту, жүрек сияқты ағзаның құндылығы, оның адам ағзасындағы рөлі және оны сақтау қажеттілігі туралы хабардар ету. Медицина мамандары осы мақсатта миссиясын орындауды қолға алып, «Азаматтарға арналған үкімет» мемлекеттік корпорациясы коммерциялық емес акционерлік қоғамы мекемесінде, Қызылорда облысының денсаулық сақтау басқармасы және «Қызылорда облыстық салауатты өмір салтын қалыптастыру орталығы» ЖШС-нің ұйымдастыруымен «Сау жүрек – денсаулық кепілі» ұранымен кең ауқымды акция өткізгені көпке мәлім. Акцияға «Қызылорда облыстық салауатты өмір салтын қалыптастыру орталығы» ЖШС-нің мамандары, №1 және №3 қалалық емханалардың мамандарымен жасақталған дәрігерлер бригадасы денсаулық қалашығында адамдардың өз денсаулығына жауапкершілікпен қарауына, денсаулықты сақтау мен нығайту тәсілдері туралы ақпараттар ұсынып, түсіндірме жұмыстарын жүргізген болатын. Мұнда дәрігерлер керекті кеңесімен ғана бөлісіп қоймай, артериялық қан қысымы мен бой-салмақ өлшеніп, Кетле индексі және қандағы қант, холестерин мөлшері анықталды.Игі шаралардың легі мұнымен толастамады. Облыстық жастар денсаулығы орталығы «Сау жүрекке жол таңда» ұранымен «Сау жүрек – сау ағза» ұлттық бағдарлама аясында он күндік жариялап, облыс бойынша бірнеше іс-шаралар ұйымдастырды. Қаладағы және аудандардағы сауда үйлерде халық арасында насихаттау жұмыстарын жүргізу мақсатында Сыбаға базарында, теміржол вокзалында, теміржол вокзалының депосы мен №1, №10, №43 мектепте, аудандық емханалардың фойесінде кең көлемді 12 акция өткізіп, ақпараттық-танымдық материалдар таратылды, түсіндірме жұмыстары жүргізілді. Сауда орнына келушілердің, емханаға келген халықтың және жұмыс орындарының мамандары мен мектеп ұстаздарының қан қысымы, қандағы қант мөлшері мен холестерин деңгейі анықталып, жалпы тәжірибелік дәрігер, гинеколог, уролог, кардиолог, дерматолог дәрігерлермен бірге психолог, валеолог мамандар кеңесі берілді. Жалпы білім беретін мектептер мен арнаулы орта оқу орындарында «Менің жүрегім, сенің жүрегің», «Жүрегіңізді сақтаңыз» тақырыптарында 64 семинар-сабақ өткізіліп, «Біз салауатты өмірді таңдаймыз, жүрегімізді сақтаймыз» ұранымен балаларға тыныс алу жаттығулары және спорттық ойындар жүргізілді. Сонымен қатар, жүрек қан тамыр ауруларын болдырмау мақсатында тұзды, майды, қантты шектеу мақсатында мектеп мұғалімдері мен ата-аналарына семинарлар мен кездесулер ұйымдастырылып, трансмайлар мен тұздың, қанттың зияны жөнінде ақпараттар беріліп, ақпараттық-танымдық материалдар таратылды және қан қысымдары анықталып, қан қысымы жоғары адамдарға орталық дәрігері тарапынан кеңестер берілді. Әлеуметтік желілер арқылы жүрек қан тамырлары аурулары &nbsp;жайында ата-аналарға, балаларға, жастарға арналған ақпараттық-танымдық материалдар салынып, қан айналым жүйесі aуруларының мінез-құлықтық қауіп-қатер факторларының алдын алу, яғни тұзды, қантты, майды дұрыс мөлшерде тұтыну, көкөністер мен жемістерді күнделікті пайдаланудың маңыздылығы, темекіні тастауға ниеттелгендерге «жедел желі» телефоны арқылы психологиялық көмек ұсынылды.Салауатты өмір салтын сақтау әрбір адам үшін маңызды. Өмір қыл үстінде тұратындай қиындықпен бетпе-бет келмес үшін, асқынған аурудың зардабын, залалын тартпас үшін әуелі күтім керек. Тегінде, тіпті бала құрсаққа біткеннен шала күйініп, жарық дүние есігін аман-есен ашуы үшін шыр-пыр болатын халықпыз ғой. Ендеше еңбектеген бала мен еңкейген қарияға дейін денсаулық хақында тәптіштеп түсініп, алдын-алу жолы мен емдік шраларға дейін беске білгені ләзім. Бұған медицина мамандары да қырын қарамай, халық игілігіне бағытталған шараларды жалғастырып келеді. Мәселен, Жаңақорған аудандық емханасында «Дүниежүзілік жүрек күніне» орай ашық есік күндері мен акциялар, кездесулер мен семинар т.б. іс шаралар өткізілді. Атап айтқанда, келіп емделушілеге жас аналар мен скининг кабинетінде «Темекіні тастаймыз», «Белсенді ұзақ өмір сүру», «Дұрыс тамақтану» тақырыптарында ақпараттық түсіндіру жұмыстары мен бой салмақ өлшеу, қан қысымын талдау мен анықтау, зиянды әдеттің алдын алу мен ішімдіктің қаупі, семіздік пен артық салмақпен күресу мен алдын алу жолдары, диеталық ем-дәм тағамдарын ережеге сай қолдану бойынша шаралар жасалды. Емханаға қаралушыларға дұрыс тамақтану мен салауатты белсенді өмір сүрудің адам өміріне оның ішінде ұзақ өмір сүруге қолайлы жағдайға алып келетіндігі түсіндірілді. «Дұрыс тамақтанудың 12 қағидасы» түріндегі үнпарақша таратылды. Сонымен бірге №51, №53, №86 жалпы орта мектептерінде «Сау жүрек, сау ұрпақ» ұранымен мектеп оқушыларына семинар мен лекциялар жүргізілді. Бала кезден денсаулыққа бей-жай қарамауға, салауатты өмір салтын ұстану мен сау болып жүрудің маңыздылығы, зиянды әдетке жақындамауға, зияны бар тағамдарды көп қолданбауға шақырды. жұмыстары жүргізілді. Ақпараттық-танымдық материалдары таратылды.Сонымен қатар, Қазалы аудандық Жастар денсаулығы бөлімшесінің «Дүниежүзілік жүрек күні» ұлттық бағдарламасына орай «Жетес би» ДА-да «Жүрек қан-тамыр жүйесі ауруларының алдын алайық» тақырыбында семинар өткізді. Барлығы 22 адам қатысып, ақпараттық-танымдық материалдар таратылды. Сондай-ақ, аудандық емханада «Жүрегіңізді сақтаңыз» тақырыбында акцияға болды. «Мусаев» базарының радиоторабынан «Өз қан қысымыңызды бақылаңыз» тақырыбында лекция оқылып, ақпараттық-танымдық материалдар таратылды. Қармақшы ауданының Ақжар ауылдық емханасында«Дүниежүзілік жүрек күніне» орайластырылған ұлттық бағдарламасы аясында бірқатар іс-шаралар өткізілді.Ақжар ауылдық емханасында келуші науқастарды назардан тыс қалдырмады. «Сау жүрек – денсаулық кепілі» тақырыбында акция ұйымдастырылды. Акция барысында Ақжар ауылдық ВОП дәрігері Ж.Жұбандықов, емхана кардиологы Б.Карикулов, ЖДО психологы Ә.Кетебаева, медбике М.Бекова, СӨСҚ маманы Д.Құлмырзаева және медицина қызметкерлері қатысты. Кардиолог-дәрігер дүниежүзілік жүрек күнінің аталуы, жүрек-қантамыр ауруларының алдын алу, ЖИА, стенокардия аурулары, жүректі сақтау және алдын алу туралы кеңестер беріп, түсіндірме жұмыстарын жүргізді. Сонымен қатар, кардиолог 67 ауыл тұрғынына жеке қабылдау жүргізді. Медицина қызметкерлері келушілердің қан қысымын өлшеп, ЭКГ, УЗИ жасалынды.Жалағаш ауданы да халық жағдайына келгенде жалтарған емес. Аудандық емханада акция ұйымдастырылды. Халық көп шоғырланатын сауда орындары, Қазпошта, Қазақтелеком, Халыққа қызмет көрсету орталығы, автовокзал, темір жол вокзалында үгіт-насихат жұмыстары жүргізілді. Түйіндей келе, дер кезінде дабыл қағатын ақ халаттылар абыройын адал атқарса, халық саулығына сын да, медицина саласына мін де тағылмас.Расында да, денені дендеп алатын дерттің қай-қайсысы да қауіпті. Сондықтан саулыққа салғырт және немқұрайлы қараудың өмірді қысқартатынын қаперде ұстаған жөн. Бастысы, сол жақ тұстың соғысы қалыпта болып, инедей шаншылмағаны игі.

«Сау жүрек – денсаулық кепілі» акциясы аясында қызылордалықтарға дәрігерлік кеңес берілді

<a href="https://kyzylorda-news.kz/ru/">Kyzylorda-news.kz</a>. Естімеген елде көп. Қызылорда облысындағы Үрмәш Түктібаев елді мекенін көпшілік осылай атап кеткен. Бүгінде аталған ауылда 25 жұп егіз тұрады. Мұнан бөлек, осыдан үш жыл бұрын елді мекенде үшемдер өмірге келе бастады.Кеңес Одағының батыры Үрмәш Түктібаев атындағы ауыл облыс орталығынан 400 шақырым қашықтықта орналасқан. Қазалы ауданы Алға ауылдық округіне қарасты елді мекен. Қазір мұнда 2000-ға жуық адам тұрады, 300-ден астам отбасы түтінін түтетіп отыр. Солтүстік өңір болғандықтан ауа райы құбылмалы, қыстың аязды күніне шыдас беру өте қиын. Түктібаевтардың басым көпшілігі ата кәсіп мал шаруашылығымен айналысады.Сонымен қатар бау-бақша егіп, ырзық-несібесін Жер Анадан теріп жүргендер жетерлік. Әсіресе, жергілікті қауынның дәмі ерекше, жеген адам біразға дейін ұмытпай жүреді. Қазір тұрғындар көктемгі дала жұмыстарына дайындалып жатыр. Шаруашылық иелері техникаларын сайлап, тұқымдарын түгендеуде. Көп ұзамай шаруалар қызу тірлікке кіріседі.Үрмәш Түктібаев 2000 жылдардан бері қарай «Егіздер ауылы» аталып кеткен. Мұнда жылына бірнеше егіз туылады. Қазір алақандай ғана ауылда 25 егіз жұп тұрады. Ең үлкені 40-тан асса, ең кенжесінде жасы үште.Толғанай және Шапағат Аманжоловалар әпкелі-сіңілі бауырлар. Туғаннан бері жұптары жазылған емес. Қазір екеуі 6-сыныпта оқиды, сабақ үлгерімдері жақсы. Егіздердің сырт-келбеті бір-біріне қатты ұқсамағанымен, мінезі ұқсайды. Екеуі де бауырмал, жақындарына &nbsp;қамқорлық танытып тұрады.Анасы Перизаттың айтуынша, Толғанай гуманитарлық бағыттағы пәндерді ұнатады екен. Ал Шапағат жаратылыстану пәндерін сүйіп оқиды. Екеуі де анасына үй шаруасына қолғабыс жасап, берілген тапсырманы тиянақты орындайды.<blockquote>«Мен бес баланың анасымын. Егіздерім – ортаншы балаларым. Негізінен сыңарлар менің әулиетімде болған. Толғанай мен Шапағат бір-біріне өте жақын. Біреуі ауырса, екіншісінің де денсаулығы сыр береді. Бір-бірінен ұзақ уақыт жырақта жүре алмайды. Сағынып, іздеп тұрады», – дейді анасы Перизат Дауылбаева.</blockquote>Ақжан және Маржан Жақсыкелді өткен жылы алғаш рет мектеп табалдырығын аттаған егіз қыздар. Екеуі де оқуда озат. Сыныпта бір партада отырады, үй тапсырмаларын да бірге орындайды. Қайда жүрсе де, бір-бірінен алыстамайды. Қыздардың түрлері де ұқсайды, көп дүниеге қызығушылықтары да бірдей. Егіздер ән айтқанды, би билегенді ұнатады.Ақжан мен Маржанның ата-анасы қарапайым жандар, ақ адал еңбекпен күн көріп келеді. Олар балаларының болашағына үлкен сеніммен қарайды<blockquote>«Менің тұқымымда егіздер болған. Бастапқыда оларға қарау оңай болған жоқ. Бірақ анасы екеуміз бірге мәпелеп, өсіріп келеміз. Жақындарымыз қыздарымызды кейде шатастырып алып жатады. Бірақ менің ойымша, екеуінің сырт келбетінде де, мінездерінде де ерекшеліктер бар. Болашақта балаларымның аяғынан тік тұрып кетуі үшін қолдан келгенін жасаймын», – дейді отағасы Берік Сүлейменов.</blockquote>Осыдан үш жыл бұрын ауыл тұрғындары Қуаныш Алтынбаев пен Айгерім Маханбетжанованың отбасында қуанышты жағдай орын алды. Жарық дүниеге Айғанат, Айғаным және Асылым есімді үшем дүниеге келді. Бүгінде қыздар тәтті қылықтарымен жақындарын қуантып жүр. Үш қыздың сырт келбеті бір-біріне қатты ұқсамайды. Ата-анасының айтуынша, үшемдердің мінезі де әртүрлі екен.Негізінен Түктібаев ауылында демографиялық өсім Тәуелсіздік алған жылдардан басталған. Жергілікті тұрғындар егіздердің көптеп дүниеге келуін қасиетті топырақтың құдіретімен байланыстырады.«Балалы үй – базар» деген халқымыз адам баласының ұрпақ өрбітіп, елдің кемел келешегіне ат салысар тағылымды тәлім-тәрбие беруді басты орынға қойған. Егіздер ауылының үлкендері ұрпағының болашағынан үміт күтеді.&nbsp;

Перизат Дауылбаева: Егіздер бауырмал, бір-бірін  іздеп тұрады

<a href="https://kyzylorda-news.kz/">Kyzylorda-news.kz.</a> Сырдария ауданында 2021-2025 жылдарға арналған кәсіпкерлікті дамыту жөніндегі ұлттық жобасы бойынша кешенді жұмыстар жүргізілуде.&nbsp;Өткен жылы жобаның бірінші бағыты бойынша «Әлеуметтік жұмыс орындарына» 32 адам, «Жастар тәжірибесіне» 220 адам, «Қоғамдық жұмыстарға» 789 адам, алғашқы жұмыс орындарына 17 адам, ұрпақтар келісім шарты бойынша 5 адам, «Күміс жас» бойынша 15 адам&nbsp; жолданған болатын. Сонымен бірге қысқа мерзімді қайта даярлау курсында 30 адам оқытылса, осы күні&nbsp; 20 адам оқуды аяқтап, 10 адам тұрақты жұмысқа орналасқандығын айта кетейік.Негізінен, «Бастау Бизнес» кәсіпкерлік негіздері курсына аудан бойынша 951 адам қатысқан еді.Ал жобаның екінші бағыты бойынша «Жаңа бизнес идеяларды іске асыруға мемлекеттік гранттар беру» тетігі бойынша 300 адам грант иегері атанған. Жоба шеңберінде 367,5 млн теңге игерілді. Оның ішінде, әлеуметтік осал топтар қатарынан 153 адам, 29 жасқа дейінгі жастар 147 адам қаржыландырылған.&nbsp;<blockquote>– Мемлекеттік бағдарламаның көмегімен грант алған жандар арамызда жеткілікті. Оның ішінде, кәсіпкерлік әліппесін енді меңгерген жандарға аталған қаражаттың көмегі зор. Өз кезегінде «Жастар тәжірибесі» бойынша 220 адам қаржыландыру құптарлық жағдай. Жұмысқа енді орналасуға ниетті жандар өз саласы бойынша тәжірибе жинақтайтыны мәлім. Осы күні аталған жастар жұмыс жасауға барған мекемесіне тұрақтап қалған жағдайда бағдарламаның тиімділігі байқалады. Сонымен бірге жақында қолданысқа енгізілген «Күміс жас» бағдарламасының зейнет жасқа жақындаған азаматтарға тигізер пайдасы зор болмақ, – дейді аудандық мәслихат депутаты Ақтөре Ибрагимұлы.</blockquote>

Сырдарияда 220 адам «Жастар тәжірибесіне» жолданған

<a href="https://kyzylorda-news.kz/">Kyzylorda-news.kz.</a> Көктем келсе, көңіл жадырайды. Адамдар бұл мезгілде иммундық жүйені барынша қалпына келтіріп, жеміс-жидек пен көкөністі көп тұтынады. Ал мұндай өнімдердің бағасы бүгінде апшыны қуырады. Базарға барсаңыз, бағаның аспандап тұрғанын бірден байқайсыз. Әсіресе, нарықтағы көкөністердің бағасы көңіл қуантпайды. Сонда да сатып алушылар теңге мен тиынды үнемдеп қалуға барынша тырысады. Содан болса керек, әлеумет әмиянын тексеріп, қалтасын қақпайтын жерден сауда жасағанды жақсы көреді. Десек те, мына заманда қолжетімді бағаға іздегеніңді табу қиын-ақ. Сонымен, базар ішіндегі бүгінгі баға қандай?«Халық айтса, қалт айтпайды» дейді қазақ. Рас. Күні кеше қоғамдық көлік ішінде келе жатып, әйелдердің «азық-түлік бағасы тағы өсіп кетіпті» деген әңгімесін құлақ шалды. Олар жалақы көбеймесе де, азық-түлік бағасының күн ¬сайын қымбаттап жатқанына наразы. «Мың рет естігенше, бір рет көр» демекші, көлік ішіндегі күбір-күбір әңгіменің рас-өтірігін білмекке, біз де базар ішіне жол тарттық.Аудан тұрғындарының барлығы келіп, сатушының саудасын қыздырып, қолжетімді бағада қалағанын сатып алатын жері – Әбдіманап Шорабаев базары. Бұл базар – аудан халқы үшін қолайлы әрі қолжетімді. Тұрғындардың «бұл жерде адам жанынан басқаның бәрі сатылады» деп әзілдейтіні бар. Иә, шынында бұл жерден қалағаныңды іздеп таба аласың. Әрине, қалтаңда қаражатың болса... Алайда күн сайын дуылдап тұратын базардағы баға да бұрынғыдай емес. Қара халық солай дейді. Кісі көркін ашатын киімдердің бағасын былай қойғанда, азық-түліктің құны да баяғыдай емес.Базар ішінде тізіле жайылған жеміс-жидек пен көкөніс сататын орынды жақсы білетін боларсыздар? Міне, дәл осы жерге күн сайын аудан тұрғындары келіп, сатушылардың саудасын қыздырып кетеді.Көктемгі сауда қызғанымен, өнімдердің бағасы көңіл көншітпейді. Шалғай жерлерден Шиеліге импортталатын қарапайым сәбіздің өзі қымбат. Ал өзімізден шығатын Бестам ауылының былтыр бір келісі 170-тен сатылған картобының қазіргі бағасы 200 теңгеден сатылуда. Бұдан бөлек, өткен жылы 180-нен нарыққа шыққан сәбіз пен қырыққабат та 200 теңгеден сатылады. Ал жуаның ең арзаны 250 теңгені құрап отыр. Бұл жай ғана күнделікті тұтынатын көкөніс бағасы ғана. Қызанақ пен қияр да былтырғыдан әлдеқайда қымбаттаған. Тәбетіңді ашып, асыңа дәм беретін қиярдың келісін бүгінде 800 теңгеден сатып алуға болатын болса, қораптағы қызанақтардың ең жақсысын 1400 теңгеден таба аласыз. Иә, бір қарағанда бұл бағалар қолжетімді көрінгенімен, кәдімгідей қалтаңды қағады. Бұны базардағы саудагерлер де растап отыр.<blockquote>«Өздеріңіз білетіндей, қазір қымбатшылықтың заманы. Қара халықтың жағдайы жақсарғанымен, күн сайын бәрі қымбаттап жатыр. Қалтаны қақпайтын ақшаға ойлағаныңды сатып алу қиын. Әсіресе, азық-түлік. Көктем шықса, көкөніс те қымбаттап шыға келеді. Күнделікті астың қымбат болғанын кім қалайды дерсіз? Бірақ амал жоқ. Жағдай солай... Мен мына базарда 20 жылдан бері жеміс-жидек, көкөніс сатып келемін. Осы арқылы нәпақамды айырып, бала-шағаны асырап жүрген жайым бар. Базарда отырған сауданың адамы болған соң, бәрін жақсы білемін, халықтың наразылығын да түсінемін. Бүгінде шынында да, бәрі қымбат. Біз оны мойындаймыз. Бірақ ойымызға келген бағаны қоя салмаймыз. Базар ішіндегі көп орындарда бәрібір баға. Барлығы да төменгі бағада орысша айтқанда «оптовый» жерден сатып алады. Үстінен көретініміз, 5-10 тиын ғана. Мәселен, біз сәбіз бен қырыққабатты 180-нен алып, 200 теңгеден сатамыз. Ал картопты 175 теңгеден алып, 200-ден сатамыз. Пияздың да үстінен 20-30 теңге ғана көреміз. Оны бізге «оптовиктер» 220 теңгеден өткізеді. Ал біз оның үстіне 30 теңге қосып сатамыз. Соның өзінде көкөністердің осындай бағасы сатып алушылардың көңілінен шықпайды. Барлығы айлықтан айлыққа күнелтіп отырғандықтан, кейде сауда болу үшін қарызға беріп жатамыз. Олай етпесек тағы болмайды», – дейді саудагер Айгүл Мұсаева.</blockquote>Біздің жасаған тәжірибеміздің нәтижесі осындай. Базар бағасы анау айтқандай аспандамаса да, қымбатшылықтың лебі сезіледі. Баға былтырғыдай емес. Содан да болар, қара халық күнделікті жейтін ас-ауқат тағы да қымбаттай ма деп алаңдайды. Рас, күн сайын баға өссе, тұрғындардың да көңілі түсері анық. Нарықтың заманында азақ-түліктің қымбаттағаны кімді де болса алаңдатары сөзсіз. Әсіресе, қара халық қымбатшылық үшін қам жейді. Себебі бағаның тұрақтылығы – бұқара үшін бір бақыт.

Көкөніс бағасы көңіл көншіте ме?

<a href="https://kyzylorda-news.kz/">Kyzylorda-news.kz.</a> Аудандық мәдениет және спорт бөліміне қарасты «Сырдария аудандық спорт клубы» коммуналдық мемлекеттік мекемесіне биыл күрделі жөндеу жүргізілетін болады.&nbsp;Шын мәнінде, аталған&nbsp; ғимараттың салынғанына жарты ғасыр болған.Турасын айтқанда, 1976 жылы асар әдісімен салынған. Сол уақыттан бері ішінара жөндеу көрсе де қайта жаңғырту жұмыстары жүргізілмеген.Алғашқыда аталған нысан білім ордасы болды. №36 орта мектеп базасы осында болып, мұнда қаншама шәкірт білім алған. Тереңөзек кентіне кіреберістен жаңа мектеп салынғаннан кейін аудандық білім бөлімінің теңгеріміндегі ғимараттың бір бөлігі спорт клубына берілді. Яғни, 2011 жылдан бері осында жасөспірімдер түрлі спорттық үйірмелерге қатысып, шынығып келеді.Нысан қазір күрделі жөндеуді қажет ететіндігін көпшілік айтып жүр. Бұған қатысты спорт клубы қызметкерлері тарапынан жыл сайын жөндеу жүргізу керектігі қозғалуда.<blockquote>– Аудандық спорт клубында 13 жаттықтырушы жұмыс істейді. Олар аудан бойынша 800-ден аса жасөспірімді спортқа баулуда. Бізде ауыр атлетика, жеңіл атлетика, ережесіз жекпе-жек, қол күрес, гір көтеру, тоғызқұмалақ, волейбол секілді спорт түрлерінен жасөспірімдер жаттығып, түрлі жарыстарға қатысуда. Тиісінше, жеңіске жетіп жүрген тәрбиеленушілеріміз жетерлік. Міне, осындай жасөспірімдердің спортпен емін-еркін айналысуына ескірген ғимаратты жаңғырту керек-ақ, – дейді аудандық спорт клубының директоры Диас Әлжанов.</blockquote>Үш қабатты ғимаратта спорт және тренажер залдары бар. Мамандар отыратын бөлмелер де қарастырылған. Десе де кабинеттер жетіспеушілігі бар екенін айта кеткен жөн. Міне, осыған байланысты спорттық нысанға күрделі жөндеу жұмысы жүргізілуі тиіс. Бұл биыл іске асырылмақ.Аудандық спорт клубын күрделі жөндеу биылғы жоспарға енген. Тіпті жоба-сметасы дайындалып, сараптамадан өткізіліп, тиісті қаражат бөлініп қойған. Енді конкурс негізінде мердігер компания анықталса, құрылыс қарқын алмақ. Күрделі жөндеу жұмыстары сапалы жүргізіліп, спорттық нысан жаңарса, оның ішінде спортпен шұғылданушыларға ерекше серпін болмақ. Тиісінше, спорттық құрал-жабдықтар да жаңартылатын болса, аудан намысын, ел мерейін үстем ететін спортшылар шығатыны анық.

Қазақстан және Қызылорда облысының жаңалықтары