<a href="https://kyzylorda-news.kz/">Kyzylorda-news.kz.</a> Балабақша – барлық тәрбиенің түпкі негізін қалайтын орын. Тіпті болашақтың қақпасы десек те қателеспейміз. Ал бұл қақпа – әрбір табалдырығын аттаған бүлдіршіннің ертеңіне деген нық сенім орнатып, жүректерінде патриоттық сезімдері жалындаған ұлт ұрпағын тәрбиелейтін, білім мен тәрбие беретін алтын қақпа болуы тиіс.Баланың болашақ тұлға, өз елінің патриот азаматы ретіндегі қасиеті, оның негізі мектепке дейін-ақ қаланады. Осындай жауапкершілігі мол істі алып келе жатқан кенттегі балабақшаның бірі – №20 Толғанай бөбекжай-бақшасы.Аталған балабақша 2009 жылы пайдалануға берілген. Бүгінде 5 топта 90 бүлдіршін тәрбиеленуде. Мұнда 2 бөбекжай топ, 2 ортаңғы топ, 1 мектепке дейінгі даярлық тобы бар. Балабақшаның ішкі бөлмелері көз тартарлықтай әдемі безендірілген, тәрбиешілердің қолынан шыққан көркемдік бұйымдар әр қабырғаға ретімен орналастырылған. Әрбір тәрбиешінің үздік шәкірттерімен түскен суреттері де балабақша қабырғасынан орын алған.<blockquote>«Бала естігенін айтады, көргенін істейді деп халқымыз бекер айтпаған. Мектеп жасына дейінгі балаларды адамгершілікке тәрбиелеудің маңызы зор. Кішкентай сәбилер ата-анасының, тәрбиешісінің, достарының мінезінен, жүріс-тұрысынан, сөйлеген сөзінен, істеген ісінен үлгі алуға тырысады. Бала бо¬йына адамгершілік қасиеттерді ойын, салт-дәстүр, мақал-мәтелдер, ертегілер, жұмбақтар, өлеңдер, көркем сөз арқылы сіңіру – біздің басты міндетіміз. Баланың болашаққа қадам басып, жан-жағымен, қоршаған ортасымен танысып, ең бірінші білім, тәрбиемен сусындайтын орны балабақша болғандықтан тәрбиешілерге қояр талабым да бөлек. Олар бүгінгі күннің жаңалығынан сырт қалмай, үнемі ізденіс үстінде жүруі керек», – дейді балабақша меңгерушісі.</blockquote>Негізінде балабақшада 33 қызметкер еңбек етеді. Оның 15-і педагог, 18-і техникалық қызметкер. 15 педагогтың 14-і жоғары білімді. Балабақша тәрбиешілердің бала тәрбиесіндегі негізгі методикасы – баланың жан-жақтылығын ашып, оларды белгілі бір өнерге баулу. Біріне ән айтқызса, келесісіне би билетеді. Сондай-ақ балалардың өнерін балабақшаның табалдырығында ғана шектеп қоймай, облыстық, республикалық байқауларда бақ сынауға жетелейді. Сондай-ақ мұнда бүлдіршіндерден құрылған оркестр және қосымша би үйірмесі жұмыс істейді. Тәрбиеленушілер жыл сайын ата-анасы мен тәрбиешілерін түрлі бағыт бойынша республикалық, облыстық додаларда топ жарып, қуантып келеді.Тәртіпті бірінші орынға қоятын Айгүл Күзенбаева бүгінде балабақшаға меңгерушілік қызмет етеді. Саналы ғұмырының балалармен жұмыс істеуге арнаған Айгүл Қожантайқызының ұстаздарға үйретері мол. Әрбір сабақта ұлттық құндылықты насихаттап, ойын түрлеріне ұлттық ойын ойнатуды маңызды деп біледі. Себебі әрбір бүлдіршін еліне, жеріне, Отанына деген сүйіспеншілікті балабақшадан бастап бойына сіңіргенін жөн санайды.– Біз негізінен Білім министрлігі бекіткен стандартқа, ондағы көрсетілген 5 бағытқа байланысты жұмыс істейміз. Балалар жылына орай арнайы жоспар құрылып, іс-шаралар мерзіміне сай ұйымдастырылуда. Айына төрт рет міндетті түрде тәрбиешілердің сабағына ескертусіз қатысамын. Сондай-ақ, тәрбиешілер кезекпен айына 2 рет ашық сабақ өткізеді. Әрбір айдың соңында кеңес өткізіліп, сабақтар талданады. Кем-кетігі пысықталып, ұсыныс-пікірлер беріледі. Ата-аналармен де тығыз байланыстамыз. Бәрі ризашылықтарын айтып, балғындарға ықыласпен қарайтын ұжым қызметкерлеріне алғыстарын білдіріп келеді. Сондықтан өмірінің алғашқы баспалдағы басталатын тұста балаларға шынайы тағылымды тәрбие беру үшін біз де аянбай өз үлесімізді қосудамыз, – дейді ол.Балабақша бөбектерінің арасында отбасында еркелеп, өз дегенін, өз қалауын орындатып қоятын ерке балалар да кездеседі. «Балалардың барлығы бірыңғай тәртіпті болып туылады, тәртіпті болып тәрбиеленеді» деген қатып қалған ереже жоқ. Бірақ, балаларға бірдей тәрбие беріп, бірыңғай тәртіпке жетелейтін балабақша тәрбиешілері өздерінің алға қойған мақсаттарын жүзеге асыра отырып, егемен еліміздің ертеңін тәрбиелеуде үлкен жауапкершілікті мойындарына жүктеген. Сондықтан, баланы жас-тайынан еңбекке үйрететін, білімдар болуға ұмтылдыратын, тәлімді тәрбие алуға баулитын тәрбиеші қауымының ұлт болашағына ықпалы зор екеніне ешкімнің дауы жоқ.Біздің бүлдіршіндеріміз – біздің болашағымыз. Олай болса, мектепке дейінгі тәрбиелеу мен оқыту баланың ғана емес, елдің де жарқын болашағының кепілі. Бірлігі жарасқан, білікті мамандардан тәрбиеленген ұрпақтардың тәрбиелі де ақылды, өнерлі да өнегелі, рухани адамгершілігі мол тұлға болатынына сенім мол. Өйткені, балабақша ұжымы әрбір балдырғанның тәрбиесіне назар аударып, қабілетін ашуға, өнерін, білімін шыңдауға жұмыс істеуде.

Қармақшыдағы 90 бүлдіршіні бар балабақша үздіктерді тәрбиелеуде

<a href="https://kyzylorda-news.kz/">Kyzylorda-news.kz.</a> Ажырасу – бұл бүгінгі қоғамдағы өршіп тұрған мәселе. Әсілі отбасын құру – ойланып жасалатын қадам. Халқымыз «үйлену оңай, үй болу қиын» деп текке айтпаса керек. Дей тұра «ә» дегеннен ажырасуға әзір тұратын жас отбасылардың саны артып келеді. Мұның себебі қандай? Жастықтың жалынымен ағат қадам жасайтын жастардың айыбы ма? Әлде отбасындағы тәрбиенің әлсіздігінен бе?Шайқалған шаңырақ. ойран болған отбасы. екі ортада еңіреп қалған бала. Өзекті өртеген өкініш. Иә, ертеректе екі жанның ажырасқалы жатқанын естігенде үрейлене қараса, бүгін шайқалған шаңырақтың тым көбейіп кету салдарынан естір құлақ пен айтар ауызға да үйреншікті болып кетті. Қазақы танымда әке-шеше қызды бала күнінен өнегелі келін болуға баулыса, ұлды шаңырақ иесі болуға тәрбиелеген. Бір-біріне жәрдемдесіп, шаңырағының бірлігін ұстап тұруға бар-күш жігерін салған. Қазіргі көп бойжеткенде төзімділік пен табандылық жоқ. Қит етсе «кетемге» басады. Мұның салдарының ауыр болатынын ойлап жатпайды. Отбасылық өмірдің бірінші күнінен-ақ басты рөлге екеуара таласады. Жігіт жігерлі болса, қолында ұстайды, жасық болса әйелдің табанына түседі.Мамандардың айтуынша, ажырасудың басты себебі – асығыс шешім қабылдап, отбасын құруда. Ерлі-зайыптылар бір-бірін жақын танып-білмей жатып, шаңырақ көтереді. Себебінен үйлі болып кете алмайды. Жастардың жар таңдауға жеңіл қарауының салдарынан шаңырақ көтергеніне көп болмай жатып мінезі жараспай, арада түрлі қайшылықтар туындайды. Тіпті, бір-бірімен әлеуметтік тұрғыдан да тең емес екенін кеш біліп, ажырасып жатады.Екінші себеп – әлеуметтік жағдайдың төмендігі, ақшаның аздығы. Өз бетінше өмір сүрген екі жастың басында баспанасы болмаса жағдай тіптен қиын. Пәтерден-пәтерге көшіп әбігерге қалады. Өмірге сәби келсе, таршылықтың тірі әлегі тағы басталады. Қош. «Әр баланың өз несібесі бар» деп жатамыз. Дегенмен еңбек етіп, әрекет етпесек ақыры не болары белгілі ғой. Көп отбасында жиі кездесетін жағдайдың бірі – жұмыссыздық пен маскүнемдік. Үйдегі отағасының тұрақты жұмысы болмай, үйге ешқандай кіріс алып келмей, шаңырақтың шырқы бұзылғанын айтып, шағым айтатын нәзікжандылардың қарасы қалың екен. Отағасының ішімдікке әуес болып, отбасын асырай алмауының соңы некенің екіге айрылуына алып келетінін көріп, біліп жүрген боларсыз.Әлем бойынша әрбір 13 секунд сайын бір отбасы ажырасады. Ажырасу эпидемиясын зерттеген американдық әлеуметтанушы, психолог Констанция Аронс сөзіне осы санды дәйек қылыпты. Айталық, бір ғана АҚШ-тың өзінде жыл сайын 1 млн неке бұзылады екен. Мұнан Қазақстан да қалыс қалмайды. Әділет министрлігінің Тіркеу қызметі және заң қызметін ұйымдастыру департаментінің мәліметі бойынша өткен жылы 129 707 жұп некеге тұрса, 51 220 жұп ажырасқан. Соңғы он жылдағы ажырасу динамикасына зер салатын болсақ, 2013 жылы – 51 305, 2014 жылы – 54 438, 2015 жылы – 53 007, 2016 жылы – 51 775, 2017 жылы – 54 948, 2018 жылы – 54 859, 2019 жылы – 59 899, 2020 жылы – 58 466, 2021 жылы – 51 950, 2022 жылы – 51 220 ажырасу тіркелген. Қармақшы аудандық соттың мәліметінше, жыл басынан бері 35 іс өндірілсе, оның 60%-і осы ажырасу мәселесі бойынша орын алған.Бұл – соңғы жылдары неке бұзудың көбейгенінің айқын көрінісі. Кейбірі тұрмыстық жанжалдың салдарынан екіге айрылса, бәзбіреулер жалған түрде ажырасып жатады. Олардың негізгі мақсаты – мемлекеттен субсидия мен жеңілдіктер алу. Әсілі, шаңырақ көтеруде ақылмен шешкен абзал. Әрине, ұлт ретіндегі құндылықтардың құлдырауы, ажырасу ұрпақ тәрбиесіне ауыр соққы әкеледі. Жартысын жолықтырып, сөзіне берік, бақыты мен берекесі мол отбасын құру үшін түсіністік пен шыдамдылық таныта білу қажет. Сонда ғана сіз құрған шаңырақ шайқалмайтын болады.«Жақсы әйел ерінің басын төрге сүйрейді, жаман әйел көрге сүйрейді» деген сөз тегін айтылмаса керек. Бүгінгі ер азаматтар енжарлық пен бос сөз, күлкіден, жүріс-тұрыстан арылғаны абзал. Әрбір отбасында ер мен әйелдің атқаратын міндеті бар. Бұл дінде де айтылған. Әрқайсысы өзіне артылған міндетті жауапкершілікпен атқарып, ері әйелінің, әйелі ерінің құқықтарына құрметпен қараса, қазақ қоғамында мұндай мәселе туындамас па еді, кім білсін?!Ажырасамын деген адамға түймедейді түйедей қылатын сылтау да, себеп те жетіп жығылады. Дей тұра жастар мұндай әрекетке бармас бұрын, жауапкершілікті терең сезініп, баланың жағдайын, оның тірі жетім қалып, жаутаңдап өспеуін ойласа деген ой біздікі.

Жас жұбайлар неге жиі ажырасады?

<a href="https://kyzylorda-news.kz/">Kyzylorda-news.kz.</a> &nbsp;Талай дарабоз жыршылар мен дарынды азаматтардың мекеніне айналған Арал ауданындағы Аманөткел ауылына &nbsp;100 толды. Ғасырға ұласқан терең тарихы бар ауылдың бүгінгі болмысы бөлек. Сол құнды тарихта аты алтын әріппен жазылып қалған Нұртуған жырау «Мырзас дала болады, Аманөткел қала болады» дегендей, қазірде Аманөткелдің көркі мен сәулеті артып келеді. Түрлі сала бойынша жасалған еңбектің нәтижесінде ауылда өсім бар.Аманөткелдің бүгінгі ахуалын барлығы біледі. Ал біз ғасырлық тарихқа зер сала кетейік. Аманөткел елді мекенінің қазіргі орналасқан бірқатар жерінде 1750-1800 жылдары аралығында Қарақалпақ халқы жайлаған. Осы аймақта Сырдариядағы қайық өткелін ұлты қарақалпақ Аман дейтін кісі ұстаған. Ауылдың Аманөткел аталуына да осы жағдай себеп болыпты.Ал қазан төңкерісіне дейін мұндағы халық Қамбаш, Ақшатау көлдері мен Сырдария жағасындағы шағын елді мекендерде өмір сүрген. Ал 1921 жылы Сартай, Ақшатау, Мырзас, Шеңгелді, Сарыкөл, Кәрібөгет елді мекендері негізінде №17 Аманөткел ауылдық кеңесі құрылады. Жер көлемі 20 мың гектарды құрады.Көлдер мен дария бойын жағалай қоныстанған жұртшылық сол уақыттан бастап балықшылықты кәсіп еткенін 1928 жылы Аманөткел, Шеңгелді, Арғынбай, Табанқұдық серіктестіктері ұйымдастырылып, 1929 жылы олар бірігіп, Аманөткел балық ұжымшары құрылғаны анық байқалады. Сонымен бірге 1928 жылы Балықшылар одағы мен жұмысшылар кооперативі ашылып, кейіннен Аралға, Бөгенге көшірілді. 1937 жылы Аманөткел ұжымшарынан Ақшатау елді мекені негізінде Ақшатау балық ұжымшары бөлініп шықты. Бір жылдан соң майда серіктестер ұлғайып, «8 Март», «Социализм» атындағы ауылшаруашылық артелдері болды.Бірақ 1957 жылы Ақшатау мен Аманөткел ұжымшарлары қайта қосылып, 1962 жылы Аманөткел ұжымшары Бөген мемлекеттік балық аулау базасына бірігіп, Аманөткел, Ақшатау балық аулау бөлімшелері болып қалды. Ал 1966 жылы екі балық аулау бөлімшесі қосылып, 1974 жылға дейін Аманөткел балық аулау бөлімшесі болып келді.Міне, осынау жылдар ішінде ауылдың қарыштап дамуына, ілгері жылжуына атсалысқан азаматтар аз емес. Жүз жылдықтың ауқымында ауылдық кеңес төрағалары мен тәуелсіздік алғаннан кейінгі ауылдық округ әкімдерінің есімдерін атап кетсек артық болмас. 1921-1924 жылдар аралығында ауылдың басшысы ретінде Нұрлыбай Қожағұлов қызмет етсе, одан кейін де Тлеулес Жаппасбаев, Медеубай Садақбаев, Жұмағали Ешмұратов, Сақитжан Бітімбаев, Маханбетәли Нұрымбетов, Үмбетбай Жанбатыров, Абдулла Жаңабаев, Өтеген Смағұлов, Сейталы Смағұлов, Шындалы Абдраманов, Тәңірберген Дәрменов, Әлібек Шораев, Кенжебек Жанназаровтар абыройлы еңбек етті. Қазірде 2017 жылдан бастап Қайрат Әбдіраманов ауылдық округ әкімі ретінде мұндағы барлық игі бастаманың басынан табылып, елдің дамуына елеулі үлес қосып келеді.Ал жоғарыда айтып өткеніміздей Аманөткел ұжымшарының да ауылдың, елдің қазынасын толтыруда ауқымды еңбегі бар. Әлі күнге дейін теңіз маржандарымен әлемге әйгілі болып келе жатқан Арал балықшыларының сол уақыттағы жемісті еңбегіне бастаушы болған колхоз төрағалары Күлмаш Дәрменов, Жұмағали Жұмамбетов, Әбекен Оразалиев, Уайс Қосымов, Жәмеш Нұрымбетов, Сейілхан Айсауытов, Сәндібек Қапанов, Өтеген Сырлыбаев, Жақсат Есімов, Төлебай Орынбаевтардың да есімі бүгінгі жас ұпраққа мақтаныш, ұмытылмастай тұлғалар. Бұл қатарда Ақшатау ұжымшарының төрағалары Жасағанберген Жыламбетов пен Ералы Әкімов, Ахмет Маханов пен Тлеулес Жаппасбаев, Қылышбай Бердалиевтердің, осы екі балық аулау бөлімшелерінің басшылары Сәндібек Қапанов пен Абат Маханбетовтердің де біліктілігі, басшылық сауаттылығы ұрпаққа өнеге болып қалмақ.Бірақ бір ғана адамның еңбегі алысқа алып бармайтыны белгілі. Сондықтан әр жылдарда бұл ұжымдарда басшылардың бағдарына бағынып, жетістіктің көзін таба білді.Қазірде тоғыз жолдың торабына айналған елді мекен географиялық орналасуының қолайлығынан да айтарлықтай пайда көріп отыр. Инфрақұрылымы қалыптасқан Аманөткелдің кешегісі мен бүгінін мүлде салыстыруға келмейді. Іргелі ауылдың ілкімді істері де соның нәтижесінде болса керек.&nbsp;Тағы бір айта кетерлігі мынада. Аманөткел көпшіліктің есіне осы ауылдың көркеюі жолында еселі еңбек атқарған ауылдың азаматы, балықшылықтан министрлікке дейінге басбалдақты кедергісіз бағындырған қоғам және мемлекет қайраткері Құдайберген Саржанов түседі. 1976-1990 жылдары Аманөткелдің әлеуметтік жағдайының дамуына барын салған азаматтың еңбегі халықтың көз алдында. Ол министр болып тұрған тұста балықтан береке тапқан ауылда тоғанды балық шаруашылығы мекемесі мен ПМК-4 құрылыс мекемесі ашылған.&nbsp;1976 жылы Арал рыбпромға қарасты тауарлы көл балық шаруашылығы ұйымдастырылып, сапалы балық түрлері өсіріліп, жылына 3000 центнерге дейін балық ауланды. Ал мал, құс фермасының өнімдері тек Қызылорда облысы ғана емес, көршілес Ақтөбенің де қажеттілігін өтегені де Аманөткел тарихында таңбаланып қалды. Жеміс ағаштарын өсіру де жолға қойылып, мекемеде 60-қа жуық адам жұмыс істеді. Ал 1984 жылы ашылған ПМК-4 мекемесі де 150 адамды жұмыспен қамтыса, оларға арнап 50 тұрғын үй салынған.Бүгінде Аманөткел ауылдық округіне 4 елді мекен қарайды. Округ орталығы Аманөткел ауылы аудан орталығынан 120 шақырым, облыс орталығынан 415 шақырым қашықтықта орналасқан. Аманөткелдің қазіргі аумағы 17822 гектар алқапты алып жатыр. 414 отбасында 2507 тұрғын тұрса, оларға қызмет ететін 1 жанұялық емхана, 2 фельдшерлік пункт, мәдениет үйі, халық театры, клуб, кітапхана жұмыс істеп келеді. Сонымен қатар округ көлеміндегі орта мектеп пен орталау бастауыш мектепте барлығы 550 бала білім алса, 75 орындық балабақша, 17 балаға арналған мектеп интернаты бар. Музыка мектебі филиалы мен ветеринарлық пункт те халықтың сұранысын қамтамасыз етіп отыр. "Арал-Сарбұлақ" топтық су құбыры мекемесінің бөлімшесі мен пошта қызметі де көрсетіледі.33 шаруа қожалығы мен 57 кәсіпкері бар ауылда көлік қатынасы да жан-жақты қолға алынған. Барлық бағытта күнделікті көлік қатынасы қызмет етеді.Сондай-ақ округке қарасты елді мекендерде де тіршіліктің көзі тереңдеп келеді. Заманға сай мектеп құрылысы салынып, мұнан бөлек те қолайлы жағдай жасалған.Ғасырлық білім ордасыКеңес Одағы уақытында 1917 жылы жаппай сауаттандыру науқаны басталды. Осы тұста Қызыл отау жұмысын бастады. Сонымен қоса көшпелі Қызыл керуен сауаттандыруды жүзеге асырды. Осы негізде 1921 жылы Аманөткел ауылдық кеңесімен қатар мектеп іргетасы қаланып, бастауыш мектеп ашылды.Көнекөз қарттардың, осы мектепте 34 жыл ұстаздық еткен Сағабай Тлеуқабыловтың айтуынша 1953 жылдан 1959 жылға дейін мектептің ауқымы кеңейіп, жеті жылдық мектеп болып қайта құрылады. Кейіннен халықтың, оқушылардың саны артуына байланысты бұл мектеп орта мектеп болып саналады. Осындай тарихы бай білім ордасы қазірде жаңа типтегі мектеп ғимаратымен жаңартылып, шәкірттердің сапалы білім алуына жағдай жасалып отыр.Осы уақытқа дейін талай алтын белгі мен үздік аттестат иелерін тәрбиелеп шығарған білім ошағы алдағы уақытта да табысты қызмет етуге дайын.Өнердің төл бесігіТалай тұнық өнердің ордасына айналған, жыршылықтың мектебі қалыптасқан Аманөткелде өнерді бірінші кезекке қояды. Өнердің өлмес сарайына баланған мекендегі ауылдық мәдениет үйі әлі күнге кешегі өткен аға буынның желісін үзбей жалғастырып келеді. Сонымен қатар мәдениет үйі жанында халық театры мен «Алдаспан» әзіл-сықақ театры. Елеулі еңбектің арқасында бірі 1987 жылы «Халық» атағын алса, қазіргі уақытқа дейін талай белесті бағындырды. Халықтық театр ұжымы бірнеше рет «Үздік қойылым», «Үздік инсценировка жасаушы», «Үздік ер образы», басқа да номинацияларды жеңіп алған. Ал «Алдаспан» әзіл-сықақ отауы 2016 жылы халықтық атағына қол жеткізді.Аманөткел дәрігерлік амбулаториясы округ бойынша өзіне қарасты 2200 тұрғынның денсаулығы үшін жауапты. Ал бұл мекемеде бүгінде 2 дәрігер, 19 орта буынды, 4 кіші медицина қызметкерімен қатар 8 техникалық қызметкер қызмет жасайды.Бүгінде 7 төсектік күндізгі стационары бар дәрегерлік амбулатория 1960 жылы медициналық пункт болып ашылған. 1982 жылдың тамызынан бастап Аманөткел дәрігерлік амбулаториясы статусына ие болды. Ал 1991 жылдан бастап Аманөткел селолық ауруханасы, 1995 жылы Аманөткел ауылдық ауруханасы, 1998 жылы Аманөткел селолық емханасы, 1999 жылы Аманөткел жанұялық дәрігерлік емханасы болып 2009 жылға жұмыс істеп келеді. 2017 жылы жаңа типтегі амбулатория пайдалнуға берілген.

100 жылдық белес: Аманөткел ауылы дамудың даңғыл жолында

<a href="https://kyzylorda-news.kz/">Kyzylorda-news.kz.</a> Ел аумағының көп бөлігі антициклон жотасының ықпалында болады, сондықтан күн жауын-шашынсыз болады, деп хабарлайды Қазгидромет.&nbsp;Тек елдің оңтүстік-батысында, оңтүстігінде фронталды бөліктердің өтуіне орай жаңбыр жауады, оңтүстікте найзағай ойнайды. Республика бойынша оңтүстік – шығыста қатты жел, оңтүстікте - шаңды дауыл тұрады, батыста тұман болады деп күтілуде.

3 сәуірге арналған ауа райы болжамы

Kyzylorda-news.kz. Адам мінсіз емес. Бірақ әр әйелдің табиғатында кемелдікке ұмтылу бар. Бизнес-коуч Вера Фишингер қандай әдеттер алға қойған мақсатқа жетуге кедергі келтіретінін айтты,&nbsp;- деп хабарлайды&nbsp;Massaget.kz.Күтімсіз сырт келбетКей әйелдер тек арнайы қандай да бір шара алдында ғана сырт келбетіне мән береді. Ал қарапайым күндері күтімді көрінуді қажет деп санамайды. Тіпті, гигиенасына да мән бермейтіндер бар. Алайда өзіңізді ретке келтіруге аса ештеңе қажет емес. Бастысы – қалау мен сәл күш салу. Өз-өзіне салғырт қарау ешкімге пайда әкелмейді. Одан көңіл күй мен өзін-өзі бағалау төмендеп кетуі мүмкін. Күн тәртібінен сұлулық процедураларына 1 сағат бөліңіз. Салонға бару міндетті емес. Бұл өзіңізді жақсы сезінуге жағымды әсер етеді.Зиянды әдеттерҚазір салауатты өмір салтын сақтау сәнге айналды. Өз денеңізді жетілдіруге бағытталған шаралар көп. Ол әртүрлі тамақтану жүйелері, физикалық жаттығулар, медиативті тәжірибелер және косметологиялық процедуралар болуы мүмкін. Олар денсаулыққа зиян келтіретін нәрселерден, соның ішінде, темекі тартудан бас тартуға шақырады. Темекі денсаулыққа зиянымен қатар, бет реңкіне, тіске және тіс эмаліне жағымсыз әсер етеді.ҰқыпсыздықКешігудің жақсы емес екенін бәрі біледі. Ол адамдармен қарым-қатынасты нашарлатады, сенімсіздік пен реніш тудырады. Уақытын дұрыс санамайтын адаммен ешкім жұмыс жасағысы келмейді. Бұл жерде оятқыштар көмектеспейді. Себебі оның себебі әдетте жалпы ұйымшылдықтың және жауапкершіліктің болмауымен байланысты.Шағымдана беру және нашар көңіл күйЕгер адам үнемі жағымсыз жағдайда жүрсе, барлық нәрсеге шағымдана берсе, онымен сөйлескісі келетін адамдар саны азая береді. Мұндай адамдар пессимизммен өздері қиналып қана қоймай, оны айналасындағыларға да таратады.Жағымсыз нәрсенің бәрін кейінге қалдыруДенсаулыққа мән беру, тексерістерден өту және дәрігерлердің ұсыныстарын орындау өте маңызды. Тіпті әйел олармен айналысуға қорықса да, ол өзін жақсы көретіндіктен, денсаулықты бірінші орынға қоюы керек.ДиеталарБарлық нәрседе, соның ішінде диетада да шаманы білу керек. Әрине, дұрыс тамақтанудың көмегімен өзіңізді тонуста ұстау маңызды. Алайда жиі артық салмақтан арылғысы келу "жабысқақ" ойға айналады. Ағза жеткілікті мөлшерде ақуыз, май және көмірсулар алмаса, ағза депрессия секілді күтпеген реакциялар бере бастайды. Мұндай жағдай өз-өзіңізбен және айналадағылармен үйлесімде болуға ықпал етпейді.Өзіне үнемдеуОрынды шығындалу мен үнемі өз-өзіне бас тарту әдетінің арасында айырмашылық бар. Өзінен үнемдеу қауіпті патологияға айналуы мүмкін.Ендеше, әйелге не жарасады? Өз-өзіне, сұлулығына және құндылығына сену. Бұл сезім тек сырт келбетті емес, басқалардың сізге деген қарым-қатынасын жақсы жаққа өзгерте алады.&nbsp;

Әйелдер арасында қандай әдеттер мақсатқа жетуге кедергі келтіреді? 

<a href="https://kyzylorda-news.kz/">Kyzylorda-news.kz.</a> &nbsp;Ел ішінде «Өңірдегі шағын кәсіпкерліктің дамуы нан мен астың арзандығынан білінеді» деген сөз бар. Ол рас. Нан – береке. Нан – байлық. Ауданда адалдық пен ерінбей еңбек етуді мақсат еткендер шағын кәсіптен-ақ көктеп, көгеріп отыр. Соның бірі – кент тұрғыны Тұрсынай Нұрмаханова. Ол «Ақдильназ» атты жаңа наубайханасын ашып, бүгінде аудан халқының игілігіне жұмыс істеп келеді.&nbsp;Кәсіпкер бұл салада біршама жыл тәжірибе жинақтаған наубайханашы. Бастапқыда өзге наубайханаларда нан пісіруші болып, тәтті әлемнің қыр-сырына қаныққан. Уақыт өте келе өзі де наубайхана ашуды қолға алады. Осы мақсатта 2019 жылы «Бастау Бизнес» курсын тәмамдап, 2020 жылдың тамызында мемлекет ұсынған қайтарымсыз грантты иеленеді. Үй жағдайында қажетті құралдар алып, шағын кәсібін дөңгелетеді. Ал былтыр қосымша жеңілдетілген, яғни 6 проценттік несие алып, наубайхана құрылысын бастайды. Наубайхана өткен жылдың желтоқсанында тұтынушыларға есігін айқара ашты. Мұнда тәтті нандардың бірнеше түрі дайындалады.<blockquote>«Жеке кәсіп ашуда қайтарымсыз грант пен жеңілдетілген несие алу мүмкіндігі – мемлекет жасап отырған жақсы қолдау. Кім еңбекті жақсы көрсе, оған қашанда жанына жайлы жұмыс табылады. «Атамекен» бизнесті ашуда маған үлкен мүмкіндік берді. Бұл кәсіпті жүргізуіме отбасым, жолдасым қолдау көрсетуде. Ал мемлекет тарапынан кәсіпкерлерге берілер көмек көп. Оны тек тиімді түрде пайдалану қажет», – дейді кәсіпкер.</blockquote>Байқағанымыздай, ауданда кәсіпкерлік нысандар уақыт өткен сайын көбейіп келеді. Өйткені, өлкеде жеке іс бастаймын дегендерге жағдай жасалған. Мемлекеттен де, жергілікті билік тарапынан да тиісті қолдау көрсетіледі. Тек талпыныс болса, болғаны. Кез келген кәсіп түрін ашуға жол ашық. Мемлекеттік бағдарламалардың игілігін көріп, ауданымыздың дамуына өзінше үлес қосып жатқан жандардың қатары күн санап көбейіп келе жатқаны қуантады. Өзінің туған жеріне жанашырлық танытып, ісін өркендетіп, елге пайдасын тигізіп жүргендерге алғыстан басқа айтарымыз жоқ.Бастапқыда кез келген кәсіпте қиындықтар кезігері анық. Жұмысты бастар кезде әр кәсіпкердің басынан өтер жайт бұл. Алайда кейіпкеріміз табыстың сыры төзімділікте екенін айтады.<blockquote>«Көпшілігі жұмысы ауыр ғой деп жатады. Алайда несібе өздігінен келе бермейді. Тура жүріп, адал еңбек етсең ғана түбі қайтарымы болады. Өз жоспарымыз бар. Содан адаспау керек. Мен негізінен Иіркөл ауылының тумасымын. Сонда өстім. Анам өмірден ерте өтті. Әкем бес перзентін өзі өсіріп, жеткізді. Ол бізді «жалқау, еріншек болмаңдар, еңбекшіл болыңдар» деп тәрбиеледі. Осы сөздер санамызға сіңгендіктен болар, еңбектен қашпаймыз. Бүгінде өзім де төрт перзент тәрбиелеп отырмын. Әкемнен алған тәлімді олардың да бойына сіңіремін. Себебі, адал еңбек бар жерде береке де бар. Бұл өмірде береке мен бірліктен, өзгені қуанту мен алғыс алудан артық нәрсе жоқ. Менің наубайханамның жұмысының алға басуына да себепші – халық. Өнімімді мақтап, тұрақты тұтынушыларыма айналған тұрғындарға алғысым шексіз», – дейді Тұрсынай Бимұратқызы.</blockquote>Кәсіпкер бүгінде дайын өнімдерін 15-16 дүкенге өткізеді. Одан бөлек, тұты¬нушылардың қалауына орай тапсырысқа да тәттілер қабылдайды. Ең бастысы «Нан болса, ән де болатыны» көкейіне құйып алған. Болашаққа бағыттаған жоспары да көп. Мақсаты – айқын, ниеті бекем. Нарыққа жаңадан қосылған наубайхана сапалы өнімдермен қуанта берсін.

Жосалыда жаңа наубайхана ашылды

Kyzylorda-news.kz. Қызылордада көлікті мас күйде айдаған жүргізуші ұсталды.&nbsp;31 наурызда Самара – Шымкент тасжолының 1475 шақырымында Қазалы ауданының тұсында патрульдік рота бекетінің қызметкерлері жол ережесін бұзған КамАЗ жүк көлігін тоқтатқан.Ішімдік ішіп, көлік айдаған жүргізушіні полицейлер сараптамадан өткізу үшін Қазалы аудандық аурухананың наркологиялық бөліміне апарып, оның орта дәрежелі масаң күйде болғаны анықталды.Сонымен қатар тексеру барысында жүк көліктің "Қазпошта" мекемесіне тиесілі екені белгілі болды.Алматы тұрғынына қатысты ҚР Әкімшілік құқық бұзушылық туралы кодексің 608-бабының 1-бөлігімен әкімшілік хаттама толтырылып, жүк көлігі айып тұрағына қойылды. Жүргізуші әкімшілік қамауға алынды.&nbsp;

Қызылордада "Қазпоштаға" тиесілі көліктің жүргізушісі ұсталды  

<a href="https://kyzylorda-news.kz/">Kyzylorda-news.kz.</a>&nbsp; Берекелі Рамазанның құрметіне бастау алған «30 күнде 30 баспана» республикалық акциясы Шиелі кентінде жалғасты.Аудан орталығында орналасқан көпқабатты үйлердің бірінде өрт апаты орын алып, көпбалалы жалғыз басты ананың баспасын тілсіз жау жалмаған еді.&nbsp;Мүшкіл күйге түсіп, далада қалған жанұяның тілегін ескерген ҚМДБ-ның Қызылорда облысы бойынша өкілдігіне қарасты Шиелі аудандық орталық мешіті, «Зекет және қайырымдылық» қоры белсенді жамағатпен бірге көмек беруге асықты. Нәтижесінде, су жаңа үйден кем қылмай, санаулы уақыт ішінде толықтай қалпына келтіріп берді.Күні кеше ғана балалар рамазанның кезекті кешін өз пәтерлерінде қарсы алды.Қоныс тойға арнайы барған облыстың бас имамы Болатбек Ұласқанұлы бастаған дін қызметкерлері мен мешіт жанашырлары көпбалалы ананы қуанышымен құттықтады.«Ел үлесі пәтерге» республикалық жобасының кезекті қоныстойында бас имам Болатбек Абуов аудандағы белсенді азаматтар мен демеушілерді алғыс хатпен марапаттады.Айта кету керек, қор бірнеше бағытта жұмыс жасайды. Мұқтаж жандарға азық-түлік, отын-көмір, киім-кешекпен және қаржылай көмек көрсетіледі. Бұл жерде көпбалалы аналар ғана емес, көмекке шын мұқтаж отбасылар да басты назарға алынады. Мысалы, бір бағытта ұстанатын қорлар бар. Олар мүгедек жандар, мүмкіндігі шектеулі балалар, науқас адамдармен ғана жұмыс істеуі мүмкін. Ал, «Зекет және қайырымдылық» қорында ондай шектеу жоқ. Көмекке мұқтаж адамдардың бәріне қол ұшын созуға дайын.&nbsp;

«30 күнде 30 баспана»: Кезекті қоныстой Шиеліде өтті

<a href="https://kyzylorda-news.kz/">Kyzylorda-news.kz.</a> Қылмыстың құрығына ілініп, құдығына құлаған жанның құрдымға кететінін түсінетін уақыт жетті.&nbsp;Қолы қанға боялған, ала жіпті аттаған, жұлынын жемқорлықтың жегі құрты жеген, сұғанағы бар барлық пенде қылмыс түбі жаза екенін ұмытпауы тиіс. Себебі, кез келген бұзақылық пен құқық бұзушылықты ашу еліміздегі сауатты мамандар үшін түк те емес болып отыр. Мұны «Достық үйінде» облыстық полиция департаментінің бастығы полиция полковнигі Мұхтар Қожабаев халыққа есеп беру барысында ашық айтты.Жиынға үкіметтік емес ұйымдар өкілдері, ардагерлер кеңесі, тұрғындар қатысты. Аталған шара тікелей желіге қосылып, барлық тұрғындарға қолжетімді болды. Сонымен қатар, есептік кездесудің өтетіні жөнінде әлеуметтік желілерде және жергілікті бұқаралық ақпарат құралдарында алдын ала арнайы хабарландыру жарияланған болатын. Бұл хабарландыруға сәйкес, облыс және қала тұрғындары өз сауалдарын әлеуметтік желілер арқылы жолдауға мүмкіндік алды.Халық алдында есеп беру кездесуінде Мұхтар Аманқұлұлы қылмыстық ахуал мен қылмыстық құқық бұзушылықтың алдын алу бағытындағы атқарылған жұмыстар туралы айтып, өткен және биылғы жылдың есепті мерзімін қорытындылады. Полиция қызметі көпсалалы болғандықтан, өзекті бағыттарға тоқталып өтті.<blockquote>– Жалпы Қызылорда облысында жедел жағдай тұрақты. Өткен жылы облыс көлемінде тіркелген қылмыстар саны 14 пайызға, мал ұрлығы, тонау, бұзақылық, алаяқтық саны төмендеді.10 мың халыққа шаққанда қылмыс деңгейі республикада 88 бірлікті құраса, облыста бұл көрсеткіш 43-ті құрады. Қызылорда облысы – ахуалы тұрақты аймақтардың бірі, – деді Мұхтар Аманқұлұлы.</blockquote>Мемлекет басшысының тапсырмасы бойынша «полиция қадамдық қолжетімділікте» қағидаты аясында ішкі істер органдары ауқымды және терең сапалы өзгерістер енгізуді бастаған. Негізгі мақсаты – халықтың сенімін арттыру, бюрократиядан арылу, адамның сұранысына бағытталған жұмыс моделіне көшу. Бұл бағытта жұмыс процестерін автоматтандыру, цифрландыру және оптимизациялау шаралары туралы да айтылды. Тәртіп сақшылары мен халық арасындағы өзара іс-қимылды жандандыру полиция қызметінің ашықтығы мен тиімділігін арттыратынын алға тартты.Сонымен қатар, жиын барысында департамент бастығы қоғамдық тәртіпті сақтау және заңдылықты нығайту жолында азаматтық парызына адалдықпен қарап, құқық бұзушылықтың жолын кесуге үлес қосып, қырағылық танытқан белсенді облыс тұрғындарын Алғыс хатпен марапаттады, арнайы дайындалған естелік сыйлықтар табыстады.Халықтың мұң-мұқтажын тыңдап, олардың өтініштері мен ұсыныстарын жедел және сапалы қарау мәселесі – полиция қызметіндегі маңызды міндет. Полиция департаментінің бастығы тұрғындардың, оның ішінде әлеуметтік желі арқылы келіп түскен сұрақтар мен ұсыныстарды мұқият тыңдады. Еркін сұхбатта облыс тұрғындары департамент бастығына өз сауалдарын тікелей қоюға мүмкіндік алды.Тұрғындардың бірі белгілі жекелеген қылмыстық істер бойынша мәлімет алғысы келсе, енді бірі полиция қызметкерлеріне алғысын білдіріп, ел тыныштығын қорғау жолындағы қиын да жауапты қызметтеріне сәттілік тіледі.Департамент бастығы облыс тұрғындарының барлық уәждерін ескеріп, полиция қызметіндегі жұмыс барысын жетілдіруге қатысты тұрғындардың ұсыныстары, көтерілген мәселелер мен өтініштер бақылауға алынатынын да тілге тиек етті.&nbsp;

Халық сенімі – полиция күшінде

<a href="https://kyzylorda-news.kz/">Kyzylorda-news.kz.</a> &nbsp;Жалағаш ауданына қарасты Бұқарбай батыр ауылына бұған дейін де жолымыз түскен. Тілшілік тіршілікпен талай барып, елді мекеннің тыныс-тіршілігімен танысқанымыз тағы бар. Әр сапарымызда бір жобаның жүзеге асқанына куә боламыз. Елдің қуанышына ортақтасып, ауылдағы ағайынның ауызбіршілігіне талай тәнті болғанбыз. Бұрын Жалағаш ауданы бойынша қолға алынбаған кәсіп те осы ауылда басталады, елді мекеннің ертеңіне арналған тың жобалар да бірінші осы ауылда жүзеге асып жатады. Бастысы, бұл бағыттағы жұмыстарға ауыл халқы жұмыла атсалысады.&nbsp;Сәуірдің алғашқы онкүндігінде батыр атындағы ауылға тағы да жолымыз түскен болатын. Кіреберістен тағы да өзгерісті байқау қиын емес. Бұрынғыдай ауданға алып баратын елді мекен паспортына дейінгі жолдың екі бетінде күл-қоқыс шашылып жатқан жоқ. Жолдың қос беті қоршалып, көркейту-көгалдандыру жұмыстарының өз деңгейінде жүргені көрініп-ақ тұр. Уақытында отырғызылған қалемшелер алдағы 2-3 жылда адам саялайтындай биіктеп қалған.Ауыл әкімі Сағат Байділдаев арық сөйлеп, семіз шығатындардың сұрпынан екен. Ауыл әкімі болғалы Сәкеңнің әр сағаты елді мекеннің екінші тынысын ашуға арналғаны сөзінен де, ісінен де көрініп тұр. Бір сөзбен айтқанда, кабинет төңіректемейді. Қай кезде барсақ та қайнаған жұмыстың бел ортасында жүреді. Жергілікті шаруашылық төрағаларымен ақылдаса отырып, ел ішіндегі ірілі-ұсақты мәселелерді аудан орталығына жеткіз¬бей шешкеніне де куә болғанбыз.Жалпы, «Бақ бірлігі жарасқан елге қонады» деген нақыл осындағы ағайынға қаратып айтылғандай. Ауыл әкімі кез келген мәселе төңірегінде шаруашылық төрағаларымен ақылдаса қалса, бірі техника шығаратын болады, ал енді бірі материалын алуға қаржылай қолдау білдіреді. Бұл екеуі де жоқ қарапайым халық та қол көмегін беріп жатады. Әсіресе елді мекенде Сыр салысын күтіп-баптауда толағай табысқа кенелген «Байтабын» ЖШС мұндай жұмыстардың басы-қасынан табылуды дәстүрге айналдырған. Кешегі сапарымызда биылдың өзінде серіктестіктің ауылда ауқымды жобаларды қолға алғанын, бүгінде олардың халықтың қажетіне жарап тұрғанын байқадық.Болат Ділдәбеков «Байтабын» ЖШС-ын басқарады. Серіктестік ұжымының қай бағытта еңбек етіп жатқанын жоғарыда айттық. Бұған дейінгі сапарымызда Бәкеңді шаруашылық бригадирі ретінде білетінбіз. Күріштің күтіміне қатысты кез келген тың идеялар төрағаға таңсық емес. Бір сөзбен айтқанда, жиған тәжірибесімен серіктестік жұмысына серпін беріп отыр.Естеріңізде болса, осыған дейінгі аудан әкімімен кездесулердің бірінде ауылдағы ағайын елді мекенде байланыс желісінің тым төмендігін жергілікті биліктің назарына салған. Аудан басшысы Асқарбек Есжанов ести сала мәселені назарға алып, тиісті сала басшыларына оның шешімі қалай, осы сауалдың жауабына жұмыс жасауды тапсырған. Жалпы Болат Ділдәбеков сол тұста бұл бағытта жұмыс жасап жатқанын айтқан. Тіпті қажетті биік қондырғыны облыс орталығынан қыруар қаражатқа сатып алыпты. Алайда оны орнату да біраз уақытты алады. Қысқасы, «келесі тоқсандағы кеңесте ел бұл мәселені қайта көтереді» деп түйгенбіз. Бірақ біз ойлағандай болмады. Оған кешегі сапарымызда куә болдық.&nbsp;Төраға бүгінде биік қондырғыны орнатып қойған. Тіпті «Activ» желісі де іске қосылыпты. Енді бұрынғыдай батыр атындағы ауыл халқы біреуге хабарландыру жіберу үшін немесе жақынымен тілдесу мақсатында биікке шығып бас қатырмайды. Бір сөзбен айтқанда, үйінде отырып-ақ еркін тілдеседі.Жалпы, бір жылда серіктестіктің демеушілігімен ауылда жүзеге асқан жобалар легі мұнымен шектелмейді. Балалар жылы қарсаңында ауылда бос жатқан жерді қалыпқа келтіріп, балалар ойын алаңын ашыпты. Қазір ауылдың кішкентайларын іздесеңіз, сол жерден табасыз. Енді Бәкең бұл алаңды кеңейтіп, алдағы уақытта немересін ойнатуға әкелген ата-әжелерге де жағдай жасамақ, мұнан бөлек футзал салу да жоспарда жоқ емес.Естеріңізде болса, 100 млн теңгеден астам қаражатқа аталған серіктестік спорт кешенін салған. Мемлекеттік жекешелік-әріптестік аясында бой көтерген зәулім нысан бүгінде салауатты өмір салтын ұстанған ауыл халқының қажетіне жарап тұр. Сол уақыттан бері саладағы ауыл өрендері халықаралық, әлемдік додаларда топ жарып, аудан, облыс, қалаберді мемлекет мерейін үстем етті. Ал сол балалардың барлығы заманауи спорттық құрал-жабдықтармен жарақталған зәулім ғимаратта шыңдалғанын ескерсек, ауыл спортының дамуына бұл нысанның қандай көмек болғанын аңғару оңай.&nbsp;– Осы елдің топырағында өсіп, тынысымен тіршілік еткеннен кейін оған қызмет ету – азаматтық борыш. Сондықтан ауылдың абаттануына, өрісінің кеңеюіне жұмыс жасай береміз. Мемлекеттік жекешелік-әріптестік аясында «Байтабын» спорт кешенін салдық. Қазір бұл да халықтың қажетіне жарап тұр. Бағдарлама шартына сай тиісті қаражат кейін ғимаратты салған кәсіпорын иесіне қайтуы тиіс болатын. Өкініштісі, бүгінде ол бағдарлама тоқтап қалыпты. Жаңа нысанды салуға жұмсалған тиісті қаражат бізге қайтқан жағдайда оны да осы елді мекеннің дамуына жұмсаймыз. Туған жердің түлеуіне алдағы уақытта да күш саламыз, қолдаймыз, – дейді төраға Б.Ділдәбеков.Ауылдағы ағайынның ауызбіршілігі осындай, қолына сәл қаражат тисе, туған жерді түлетуде қарап қалмайды. Елді мекеннің өрісін кеңейтуде бірлікті ту етеді, осы мақсатта жұмыла еңбек етеді.

Батыр атындағы ауылда жарқын жобалар жүзеге асады

Kyzylorda-news.kz. Облыс әкімі Нұрлыбек Нәлібаев актив отырысында ҚР Парламенті Мәжілісіне депутат болып сайланған Мархабат Жайымбетов пен Мұрат Ергешбаевті жаңа қызметтеріне шығарып салды.Аймақ басшысы Мархабат Жайымбетұлы мен Мұрат Нәлхожаұлының аймақ дамуына қосқан зор үлесін атап өтіп, алғыс білдірді.<blockquote>«Мемлекет басшысы Қасым-Жомарт Кемелұлының бастамасымен еліміз үшін аса маңызды саяси реформалар жүзеге асуда. Бір жылға жуық уақыт ішінде бес саяси науқан өтті. Кешегі саяси науқанда сайлау жүйесіндегі ерекшеліктерге сәйкес көппартиялықты дамытуға, еліміздің қоғамдық-саяси өміріне азаматтардың қатысу аясын кеңейтуге басымдық берілді. Сыр жұртшылығы елдігімізді, тату тірлігімізді, береке-бірлігімізді тағы да дәлелдеп, республика бойынша жоғары көрсеткішке қол жеткіздік.Дана халқымызда «Береке бастауы— бірлік, ел іші тату тірлік» деген жақсы сөз бар. Мархабат Жайымбетұлы мен Мұрат Нәлхожаұлы Мәжіліс мінберінен облысымыздың күрмеулі мәселелерін көтеріп, шешім табуына зор үлес қосады деп сенім білдіреміз. Алдағы қызметтеріңізге абырой тілейміз, ел сенімін ақтай беріңіздер!», - деді облыс әкімі.</blockquote>Сыр елінің әлеуметтік-экономикалық дамуына қосқан ерекше үлесі үшін Мархабат Жайымбетов пен Мұрат Ергешбаев Қызылорда облысының «Құрмет грамотасымен» марапатталды. Өз кезегінде жаңадан сайланған депутаттар аймақ басшысына, өздеріне қолдау білдірген барша сырбойылықтарға алғыс білдірді. Өңір дамуына барынша жанашырлық танытып, &nbsp;атсалысатындарын айтты.Жаңадан сайланған депутаттарға кезінде осы қызметті абыроймен атқарған ел ағалары Бақберген Досманбетов, Самұрат Имандосов және облыстық мәслихат төрағасы Наурызбай Байқадамов игі тілек білдірді.Еске салсақ, &nbsp;19 наурыз күні ҚР Парламенті Мәжілісі мен барлық деңгейдегі мәслихаттар депутаттарын сайлау өтті. Саяси додада ел азаматтары халықтың сенім үдесінен шығып, сайлаушылардың басым дауысымен жеңіске жетті. Оның ішінде Қызылорда облысынан «AMANAT» партиясы ұсынған тізімге енген Жайымбетов Мархабат Жайымбетұлы, Ергешбаев Мұрат Нәлқожаұлы, Әбенов Мұрат Әбдуламитұлы және «Республика» партиясы тізіміндегі Қожаназаров Айдарбек Асанұлы Мәжіліс депутаты болып сайланды.<img src="https://knadmin.beoblood.kz/uploads/FB_IMG_1680370191268_2233dde007.jpg" alt="FB_IMG_1680370191268.jpg"><img src="https://knadmin.beoblood.kz/uploads/FB_IMG_1680370187554_afe71794fb.jpg" alt="FB_IMG_1680370187554.jpg"><img src="https://knadmin.beoblood.kz/uploads/FB_IMG_1680370199312_ba6f2ea898.jpg" alt="FB_IMG_1680370199312.jpg"><img src="https://knadmin.beoblood.kz/uploads/FB_IMG_1680370196370_a89e4bd451.jpg" alt="FB_IMG_1680370196370.jpg">

Облыс әкімі жаңадан сайланған Мәжіліс депутаттарын құрметпен шығарып салды 

<a href="https://kyzylorda-news.kz/">Kyzylorda-news.kz.</a> Жаңақорған аграрлы аудан десек, көктем келе қызу тірлік басталды. Бірақ дақылдың дәстүрлі түрлерінен суды аз қажет ететін дақыл түрлеріне ауыстырып, егісті әртараптандыру маңызды. Сондықтан да ауданда да егінді әртараптандыруға көңіл бөлуінде. Аудандық ауылшаруашылығы бөлімінің басшысы Талғат Зейдалиев:<blockquote>«Биыл аудан бойынша 36108 га жерге ауыл шаруашылығы дақылдары егіледі. Ауылшарушылығымен айналысатын 781 шаруашылық құрылымның 485-і егін егуге бейімделген, оның ішінде 200 шаруашылық күріш өсіруге маманданған. Ауданда соңғы үш жылда ауылшаруашылығы дақылдарын әртараптандыруға басымдық беріліп келеді. Өткен жылмен салыстырғанда әртараптандыру бағытында күздік бидай – 1618 гектарға, көкөніс, бақша, картоп – 64 гектарға, жүгері – 25 гектарға, жоңышқа – 500 гектарға артады», – деді сала басшысы.</blockquote>Шынында, шаруақожалық басшылары нарықты терең зерттеп, шығыны аз, пайдасы көп дақыл түрлеріне басымдық беретін кез келді. Бір ғана мысал, нарықта көкөніс, жеміс-жидек, бұршақ тұқымдас дақылдарға сұраныс жоғары бағаланады. Ал біздің ауданда шаруалар көкөніс өсіруге басымдық бермейді. Айталық, көршілес Өзбек елі көкөністен көл-көсір пайда тауып отыр. Қазіргі таңда Өзбекстан жыл сайын шамамен 20 миллион тонна көкөніс өнімін өткізеді. Міне, нағыз табыстың көзі осы.Біздің елімізде де оңтайлы өзгерістер орын алып, егінді әртараптандыру қолға алынуда. Әйтсе де, соңғы уақыттары су деңгейі төмендеп келе жатқаны белгілі. Облыстағы басқа аудандарға қарағанда Жаңақорған ауданы су тапшылығын бірінші болып сезінуде. Бұл жағдай диқандарға ауыр тиюде, сондықтан шаруашылық құрылымдары суды аз қажет ететін әртараптандыру бағытындағы дақылдарға басымдық беріп, бейімделіп келеді. Бұл жөнінде ауылшаруашылығы бөлімінің бас аграномы Дәурен Абибуллаев жіті түсіндірді.<blockquote>«Күріш егілетін Келінтөбе, Түгіскен, Қожакент, Қыркеңсе, Жаңарық ауылында егінді әртараптандыруға басымдық берілуде. Қаратау бөктерінде де инновациялық жобалар. Бесарық ауылдық округіне қарасты «Пазылбек Қажы» шаруа қожалығында «Акватерра гидрогелі» жаңа технологиясы іске қосылды. 500 гектарға мақсары, 100 гектарға жаздық бидай дақылдарын орналастыруға жұмыстар жасалуда», – деді ол.</blockquote>Аграном мамандардың сөзінше, ауыспалы егістің жемісі бір жылда көрінбеуі мүмкін, бірақ бұл тәсілдің әсері өте көп деседі. Бастысы дәстүрлі бірізділіктен құтылуға жұмыс жасап, жақсы нәтиже беруге көшкен жөн. Бұл ойымызды қандөздік диқаншылар да құп көріп, өзге де өнімдерді өсіру тары өсіруден артық болмаса, кем емес екенін түсінді.<blockquote>«Біз әуелі тары егуден бастағанбыз. Бұл өте пайдалы өсімдік, өнімі көп. Дегенмен егінді әртараптандыру деген өте дұрыс бағыт деп есептеймін. Бұл мемлекеттің де, шаруалардың да мүддесі. Осы тұрғыда мемлекеттің көмегі жоғары бағаланады. Бұндай жаңалықты баяғыдан-ақ енгізу керек еді. Біз биыл жоңышқа егуді қолға алып жатырмыз. Онымыз дұрыс болды деп ойлаймын», - дейді диқан Нұрберген Исабеков.</blockquote>Жалпы, ауыл шаруашылығы – еліміздегі ең маңызды саланың бірі. Сондықтан, аграрлық секторға қатысты мәселелерді Елбасымыз өзінің жіті бақылауына алып отыр. Өңіріміздің ауыл шаруашылығы саласын дамыту және өндірілген өнім көлемін арттыру мақсатында қарқынды жұмыстар әсте бәсеңсіген емес. Бұл жұмыстар алдағы уақытта өз жемісін беріп, бүгінгіден де жоғары жетістіктерге қол жеткіземіз деп сенеміз.

Қазақстан және Қызылорда облысының жаңалықтары