<a href="https://kyzylorda-news.kz/">Kyzylorda-news.kz.</a>&nbsp; А.Тоқмағамбетов атындағы қалалық мәдениет үйінде ұстаз-хореограф, ҚР Мәдениет қайраткері Төребек Бақтыбаевтың «Ұстаздан жеткен ұлы өнер» атты шығармашылық кеші өтті.Оған облыстық мәдениет және спорт басқармасы басшысының орынбасары Қуаныш Жанұзақов, қалалық мәдениет және тілдерді дамыту бөлімінің басшысы Жағыпар Тәжмаханов және Қазанғап атындағы Қызылорда музыкалық жоғары колледжінің директоры Ұлжан Байбосынова қатысты.Тағылымды кеште Қ.Жанұзақов құттықтау сөз сөйлеп, облыс әкімінің Алғыс хатын табыстады.<blockquote>Сыр өнері дарынды тұлғаларға кенде болған емес. Соның ішінде шоқтығы биік бір тармағы ол – би өнері. Бұл салада сіз салған сара жол ізіңізді басып, жолыңызды жалғап келе жатқан шәкірттеріңіз үшін өте құнды. Бекзат өнердің қыр-сырына қанығып, өзіңізден кейінгі өнерлі жастарды тәрбиелеу жолында аянбай тер төгіп келесіз. Өнерлі шәкірттеріңіз көбейе берсін. Халықтың ықыласына бөленіп жүре беріңіз, – деді ол.</blockquote>Кеш &nbsp;кейіпкерінің шығармашылық жолына тоқталар болсақ, сахна десе дүбірге құлақ тіккен тұлпардай бір орында тұра алмайтын талант иесі жас кезінде-ақ қазақ би өнерінің падишасы Шара Жиенқұлованың шәкірті атанып, бекзат өнерге бейімделеді. Атақты бишіден тәлім ала жүріп, халықаралық, республикалық байқауларда жүлдегерлер қатарынан көрінген.Ол Алматы қаласындағы Селезнев атындағы хореография училищесін тәмамдап, «Сыр &nbsp;сұлуы» халықтық ән-би ансамблінің балетмейстері &nbsp;қызметін &nbsp;атқарады. Қорқыт ата атындағы Қызылорда мемлекеттік университетінің «Хореография» факультетін тәмамдаған. 1995 жылдан бастап Қазанғап атындағы Қызылорда музыкалық жоғары колледжінің «Би өнері» бөлімінде оқытушы. Бүгінде Төребек Бақтыбаевтың түлектері мемлекеттік «Гүлдер», «Салтанат», «Алтынай», «Наз» облыстық «Сыр сұлуы», «Томирис», «Дидар», &nbsp;«Бұраң бел» би ансамбльдерінде өнер көрсетіп, биік шыңдарды бағындырып келеді.Төребек Шәленұлы – облыстық, қалалық іс-шараларға белсене араласып, облыс мәдениетін көтеруге &nbsp;атсалысып жүрген өнер майталманы. 2002 &nbsp;жылы ҚР Мәдениет қайраткері төсбелгісімен марапатталған. «Қазақ биі – ұлт болашағы» атты еңбегі жарық көрген.Ол «ҚР Білім &nbsp;беру &nbsp;ісінің құрметті қызметкері» төсбелгісінің иегері. Шәкірттері халықаралық, республикалық, конкурстарға қатысып жүлделі орындарға ие болып жүр.Кеш барысында өнер иесі туралы арнайы қойылым көрсетіліп, би өнеріне қосқан елеулі еңбектері жайлы мол мағлұматтар берілді. Сондай-ақ, облысқа белгілі би ансамбльдері кештің көркін қыздырып, түрлі жанрдағы билерді көрермен назарына ұсынды.&nbsp;

ҚР Мәдениет қайраткері Төребек Бақтыбаевтың шығармашылық кеші өтті

<a href="https://kyzylorda-news.kz/">Kyzylorda-news.kz.</a>&nbsp; Өз ісін адал атқарған еңбекқор жандардың болмыс-бітімі жас ұрпақтың бағыт алар бағдарына айналары белгілі. Себебі туған жеріне, өскен өңіріне қызмет еткен жандар қашан да мақтан төрінде, марапат биігінде. Заман көшінде ілгері басып, саналы ұрпақ тәрбиелеуде өзіндік салмағы бар жандар Сыр өңірінде жетерлік. Саналы ғұмырында қажырлы еңбек етіп, көптің көңілінен шыға білген осындай өнегелі өмір иесінің бірі – Қынаш Әуелбекова.Қынаш апай 1954 жылы Оңтүстік Қазақстан облысы, Отырар ауданында дүниеге келген. Кейін қарт Қаратау баурайынан Сырға қоныс аударады. Мектеп қабырғасынан-ақ білім көрсеткішімен дараланды. Өмір бағдарына айналған ұстаздардың білімі жетістікке жетелеп, мақсатқа анық қадам басуға ықпал еткен еді. Кейіпкеріміз өз естелігінде алғаш әріп үйреткен мұғалімі, ЖОО қабырғасындағы ұстаздары туралы ой бөлісуді ұмытқан емес. Әсіресе, кәсібінің өзегі – тарих пәніне деген қызығушылықты оятқан жандарды жадынан шығармаған. Әрбірінің бет-бейнесі, мінез-құлқы, таным-тағылымын ерек бағалап, білімге ұмтылысының бастауын солардан іздейді. Бұл жаны таза жанға ғана тән қасиет болса керек.Қынаш Әуелбекова тарихшы боламын деген асқақ арман жетегімен Н.Гоголь атындағы педагогикалық институтын тәмамдап, кәсіби маман дәрежесіне көтерілді. 1976 жылы Сырдария ауданы Ақжарма ауылындағы Абай атындағы №130 орта мектепке тарих пәнінің мұғалімі болып орналасады. Сол кезден бастап қызығы мен шыжығы мол ұстаздық жолдың бастауына түсті.<blockquote>Абай атындағы №130 орта мектебіндегі қызметім өмірдегі жарқын белестің біріне айналды. Ұжымда Дәулет Қалжанов, Жақсылық Әбділдаева, Алмат Пірімбетов секілді ұстаздар тарихтың мән-маңызын, шәкірт тәрбиелеудің жауапкершілігін терең сезінуге мүмкіндік сыйлады. Мектеп директоры Алмат Пірімбетов ағай жаңадан келген ұстаздардан оқушы тәрбиесіне ерекше ден қоюды талап етіп, білім сапасын &nbsp;жіті қадағалаушы еді. Әр сабақтың нәтижелі болуына ықпал еткен де сол азамат. Алғашқы ұстаздық жолымда із қалдырған мектеп ұжымы да өнегелі тәлім көзіне айналды, – дейді ол.</blockquote>Расында, өзара үйлесім бар жерде жетістік болары анық. Қынаш апай тәжірибелі ұжыммен байланыса отырып, көп белесті бағындырды. Білім бәсекелерінде жүлдеге ілігіп, білім берудегі ерекше әдістемесін бөлісіп, көптің алғысын алды. Оған білікті маманның 1985-1990 жылдар аралығында «Ұстаздық еткен жалықпас, үйретуден балаға» атты аудандық мұғалімдер байқауында үздіктер қатарынан көрінуі дәлел. Осылайша, ауыл мектебінің абыройын асқақтатып, қадірлі ардагер-ұстазға айналды.Әрине, ұстаздың басты жетістігі – шәкіртінің шыққан биігі. Осы орайда ол білім берген шәкірттердің жетістігі мен тәжірибесі жетерлік. Олардың қатарында Ғалия Шілманова, Айнұр Оңғарова, Рита Қожалақова, Мария Есімова есімді мамандығының майталман шеберлері бар. Оған қоса ЖОО-да білім берген Манат Жайлауова, Райкүл Диуанова, Сәрсен Тілеубаева, Еркін Ақтаевтар ардагер ұстаздың тәлімін алған шәкірттер санатында.Қынаш апай Сыр топырағында береке тауып, жетілгенімен, туған жері Отырарды есінен шығарған жоқ. Оны Отырар туралы әңгімелерінен, тіпті жеке кітапхана қорындағы жерлес ақын-жазушылардың кітаптарынан да аңғаруға болады. Қынаш апайдың жеке кітапханасында отырарлық зиялылардың еңбегі, ғылыми жинақтары мен кітаптарын кезіктіресіз. Олардың қатарында Бейсенбай Кенжебаев, Өзбекәлі Жәнібеков, Мұхтар Әлиев, Мұхтар Шаханов, Дүкенбай Досжан, Шәмші Қалдаяқов, Ержан Уәйіс сияқты қазақтың қарымды қаламгерлерінің еңбектері бар.Ол ұстаздық қызметін шығармашылықпен ұштастырып, басылымдарға мақала беруді дәстүрге айналдырған. Әсіресе, өмір жолында кездескен, қызметтес болған азаматтар туралы естеліктері мерзімді басылымда жиі жарияланады.Орайы келгенде айта кеткен жөн болар. Қынаш апай жары Мұрат аға екеуі бес бала тәрбиелеп, ұлды ұяға, қызды қияға қондырып, берекелі отбасының тірегі бола білді. Бүгінде ұл-қызы сан салада қызметтің тізгінін ұстап, өз алдына үй болып отыр. Олар мұнай, экономика, агроном, заң, &nbsp;білім саласында табысты еңбек етуде. Берекелі әулетте немере-шөберелер ер жетіп келеді.Қ.Әуелбекова кітап оқу мәдениетін қалыптастыру, мәдени мұраларды қорғауға атсалысу, ұрпақтар сабақтастығын нығайту бағытында тың ойларын ортаға салады. Түрлі мінберде білім беру ісін жетілдіруге қатысты тың ойларын да бүкпесіз айтып келеді. Сондықтан ардагер ұстаздың өнегелі жолы өскелең ұрпаққа сабақ болары анық. &nbsp;

Тәжірибелі ұстаз білім беру саласында тың ойымен бөлісті 

Жалағаш ауданы: 11 млрд 839 млн теңге инвестиция тартылған

<a href="https://kyzylorda-news.kz/">Kyzylorda-news.kz.</a>&nbsp; Дүниежүзілік еңбекті қорғау күнінің тарихы 1989 жылдан бастау алады. Ал 1996 жылы Халықаралық еңбек ұйымы бұл атаулы күнді ресми түрде&nbsp; 28 сәуірге белгіледі. Сөйтіп алғаш рет еңбекті қорғау күні 2003 жылы атап өтілді. Қазір бұл маңызды күнді 100-ден астам ел атаулы күндер тізіміне енгізген.Осыған&nbsp; орай&nbsp; Кәсіподақтар үйінің мәжіліс залында «Еңбек қауіпсіздігі және еңбек қорғау: аумақтағы ахуал және өзекті мәселелер» тақырыбында дөңгелек үстел өтті. Оған облыс әкімінің орынбасары Балмейір Сансызбайұлы, бірқатар басқарманың кәсіподақ бірлестік жетекшілері мен мамандары, құқық қорғау органдары қызметкерлері, кәсіпорын мен мекеме өкілдері қатысты.Өткен жылы елімізде 203 адам жұмыста жүріп жазатайым қаза болған, ал облыста 9 адам. Дөңгелек үстелге жиналғандар оларды бір минут үнсіздікпен еске алды. Мұнан кейін облыс әкімінің орынбасары бұл атаулы күннің маңызына тоқталып, еңбек қауіпсіздігін сақтауға шақырды.<blockquote>Халықаралық еңбекті қорғау ұйымының мәліметінше әлемде күн сайын жұмыс орнында 5-6 мың адам дүниеден озады. Бұл көрсеткіш жыл сайын шамамен 10 пайызға артып келеді. Жұмыс берушінің өндірістік қауіпсіздік ережелерін толық сақтамай өндіріс шығындарын үнемдеу үшін жасаған іс-әрекеттерінің кесірінен жазатайым оқиғалар жиі кездесуде. Үкімет тарапынан кәсіподақтардың жұмыс істеуіне барлық қолайлы жағдайлар жасалған. Елімізде қауіпсіз еңбекті қамтамасыз етудің 2030 жылға дейінгі тұжырымдамасы қабылданған. Аталған құжатты жүзеге асыру нәтижесінде өндірістегі жазатайым оқиғалардың салдарынан зардап шеккендер санын мың жұмысшыға шаққанда 0,24 пайызға дейін төмендету көзделген.&nbsp; Біздің әрқайсысымыз жұмыс орнында қауіпсіздікті сақтауға өз үлесімізді қоса аламыз. Жұмыс берушілер еңбек қауіпсіздігін қамтамасыз етсе, жұмысшылар ережелерді сақтауға, өздерін және әріптестерін негізсіз тәуекелге ұшыратпауға, өз құқықтарын білуге тиіс, – деді облыс әкімінің орынбасары.</blockquote>Шарада «Қызылорда облысы кәсіподақтар орталығы» аумақтық кәсіподақтар бірлестігі төрағасының орынбасары Марат Бәйімбетов баяндама жасады. Оның айтуынша, бұл күн жұмыс берушілер мен еңбеккерлердің назарын өзекті мәселелерге аудартуға, оларды шешу жолында тиімді ұсыныстар қабылдауға бағытталған.&nbsp;<blockquote>1993 жылдан бастап еліміз – Халықаралық еңбекті қорғау ұйымының мүшесі. Қазақстан кәсіподақ федерациясының деректеріне қарағанда, жыл сайын 1300-ден астам жұмысшы өндірістік жарақат алады. Елімізде зиянды және қауіпті еңбек жағдайында 370 мыңнан астам адам жұмыс істейді. Соның ішінде шу мен діріл қуаты жоғары жағдайда 45,9 пайыз, жоғары газды қысымда 32,6 пайыз адам жұмыс істейді. Арнайы жүргізілген сауалнамаға қатысқан 94 мыңға жуық адамның 5,6 пайызы ауыр дене еңбегімен айналысатынын айтқан. Сонымен қатар өткен жылы еліміз бойынша 676 мың жұмыскерге зиянды еңбек жағдайында жұмыс істегені үшін 128 млрд теңге өтемақы төленген, – деді. Одан кейін облыстық кәсіподақ орталығының атқарған жұмыстарына тоқталып, алдағы жоспарларын бөлісті.</blockquote>Дөңгелек үстелге қатысушылар еркін пікір алмасып, саладағы мәселелерді талқылады. Жұмыста белсенді еңбек еткен кәсіподақ ұйымының жетекшілері облыс әкімі орынбасарының алғыс хатымен марапатталды.

Еңбек қауіпсіздігі басты назарда

<a href="https://kyzylorda-news.kz/">Kyzylorda-news.kz.</a> Қызылордалық полицейлер «Құқықтық тәртіп» жедел-профилактикалық іс-шарасы барысында 1242 құқық бұзушылықты анықтады.Қызылорда облысы аумағында қоғамдық қауіпсіздікті қамтамасыз ету, қылмыстар мен құқық бұзушылықтардың алдын алу және ескерту мақсатында Қызылорда облысы Полиция департаментімен «Құқықтық тәртіп» жедел профилактикалық іс-шарасы өткізілуде.Іс- шараның барысында 18 қылмыс ашылып, 1242 әкімшілік құқық бұзушылық анықталды.Оның ішінде 61 ұсақ бұзақылық тіркеліп, қоғамдық орындарда мас күйінде жүрген 111 азамат әкімшілік жауапкершілікке тартылды. Автокөлікті масаң күйде басқарудың 11 дерегі анықталды. Тыныштықты бұзу - 63, кәмелетке толмаған заңды өкілінсіз түнгі уақытта жүру – 123 дерек орын алды.Іс-шара барысында қоғамдық орындар мен қала көшелерінде құқық бұзушылықтардың алдын алу және жолын кесу бойынша қосымша шаралар қабылданып, жаяу жасақтардың патрульдеуі күшейтілді.

«Құқықтық тәртіп»: Қызылордада 1242 құқық бұзушылық анықталды

<a href="https://kyzylorda-news.kz/">Kyzylorda-news.kz.</a> Талдықорған қалалық сотының үкімімен Серік Күдебаев ҚР Қылмыстық кодекстің 362-бабы 44-бөлігі бойынша «қаңтар оқиғалары» кезеңінде ауыр зардаптарға және 146-бабы 2-бөлігі бойынша азаптауларға әкеп соққан билікті асыра пайдаланғаны үшін кінәлі деп танылып, орташа қауіпсіздік мекемесінде жазасын өтей отырып, полиция генерал майоры арнайы атағынан айырыла отырып, 10 жылға бас бостандығынан айырылды. Бұл туралы Бас прокуратураның баспасөз қызметі хабарлады.Серік Күдебаев Қазақстан Республикасы Конституциясының, Мемлекет басшысының «Төтенше жағдай енгізу туралы» Жарлығының, «Құқық қорғау қызметі туралы» және «Ішкі істер органдары туралы» заңдарының нормаларын бұзып, сондай-ақ ведомствоішілік бұйрықтар мен арнайы жоспарлардың талаптарын орындамаған.Шабуыл белгілері болмаған жағдайда, төтенше жағдай кезінде қоғамдық қауіпсіздікті қамтамасыз етудің орнына, Серік Күдебаев жеке құрамға ғимараттан кетуге және үйлеріне тарауға заңсыз бұйрық беріп, қызметкерлердің райын қайтарған.&nbsp; Жергілікті жердің коменданты ретінде жедел штабтың тиісті жұмысын және аймақтағы жағдайды тұрақтандыру бойынша уақтылы шаралар қабылдауды қамтамасыз етпеген.&nbsp;Нәтижесінде Талдықорған қаласында хаос пен биліксіздікке жол берді. Тонаушылар сауда үйлері мен бизнес нысандарын тонады. Банкоматтар мен супермаркеттердің дүңгіршектерін қиратып, облыс әкімдігі, «Нұр Отан» партиясы ғимараттарына шабуыл жасап, өртеді.Қылмыскерлер құқықтық тәртіп күштері болмаған кезде жазасыздық пен рұқсат етілгендікті сезініп, облыс Полиция департаменті мен Талдықорған қаласы Полиция басқармасының ғимараттарын басып алды, олардың 500-ге жуық қаруы мен 28 мыңнан астам оқ-дәрісін ұрлаған, олардың бір бөлігі әлі табылған жоқ.Мемлекетке, азаматтарға және кәсіпкерлерге келтірілген залалдың жалпы сомасы шамамен 5 млрд теңгені құрады. 2022 жылғы 7-16 қаңтар аралығында оның үнсіз келісімімен Полиция департаментінің ғимаратында 23 азаматқа қатысты жаппай азаптау қолданылды.Сонымен қатар, С.М. Күдебаевтың көз алдында оның қарамағындағылар департамент аумағында жеткізілген адамдарды ұрып-соққандығы &nbsp;бейнекамераларға &nbsp;жазылған.Психикалық және физикалық зорлық-зомбылықпен, сондай-ақ бу үтікті қолданумен қатар жүретін тыйым салынған тергеу әдістерінің нәтижесінде аталған азаматтардың денсаулығына әр түрлі дәрежедегі зиян келтірген.Серік Күдебаевтың кінәсі қылмыстық іс бойынша жиналған дәлелдемелер жиынтығымен толық дәлелденді.

Серік Күдебаев 10 жылға бас бостандығынан айырылды

<a href="https://kyzylorda-news.kz/">Kyzylorda-news.kz.</a>&nbsp;Ағымдағы жылдың 20-22 сәуір күндері Петропавл қаласында қазақ күресінен Қазақстан Республикасы Ішкі істер министрлігінің және «Динамо» дене шынықтыру және спорт қоғамы» спартакиадасы өтті.Жарыс алты салмақ дәрежесі бойынша өтті. Аталмыш чемпионатқа Қызылорда облысы полиция департаменті құрамасы атынан Жылдам қимылдайтын арнайы жасағының взвод командирі, полиция капитаны Ержан Абдуллаев қатысып, бағын сынады.Спартакиада нәтижесі бойынша 90 килограмм салмақ категориясы бойынша Ержан Абдуллаев 2 орынды жеңіп алды.Айта кетерлік жайт, Дзюдо және самбо күресінен Қазақстан Республикасының спорт шебері полиция капитаны Ержан Абдуллаев 2015 жылы жекпе-жек сайысынан ҚР Ішкі істер министрлігінің чемпионатында 2-орынды иеленсе, 2017 жылы Америка құрама штаттарында өткен Бүкіләлемдік полицейлер мен өрт сөндірушілер арасында өткен әлем чемпионатында ел намысын қорғап, дзюдо күресінен 3-орын, греплинг күресінен 2-орынды жеңіп алды.Сол сияқты, 2018 жылы самбодан өткен ел чемпионатында топ жарса, осы жылы Алматы қаласында дзюдодан өткізілген «Конфедерация кубогінде» командалық 3-орынға қол жеткізген.<img src="https://knadmin.beoblood.kz/uploads/342605982_757361469394016_1012068678088057766_n_863b55e99a.jpg" alt="342605982_757361469394016_1012068678088057766_n.jpg">

Қызылордалық полицейлер кезекті жеңістеріне қол жеткізді

Жалағаш: Ауыл мектебінің жұмысы жүйелі

<a href="https://kyzylorda-news.kz/">Kyzylorda-news.kz.</a>&nbsp;ҚР Оқу-ағарту министрі Ғани Бейсембаев Қызылорда облысына жұмыс сапары аясында Қазалы ауданындағы «Бала тәрбиесі – баршамызға ортақ міндет» атты бірлескен кеңес отырысына қатысты. Кеңес отырысында министр кішкентай балаларды өрттен құтқарған оқушы Жансерік Әлімді және оның ата-анасы мен сынып жетекшісiн Алғыс хатпен марапаттады.Ведомство басшысы өскелең ұрпақ тәрбиесінің &nbsp;маңызын атап өтіп, әртүрлі салада үздік нәтиже көрсеткен жастарға «Ел үміті» медалі табысталатынын жеткізді.«Алдағы уақытта түрлі салада үздік нәтижеге қол жеткізіп, ел мақтанышына айналған жастарды «Ел үміті» медалімен марапаттаймыз. Оларды тәрбиелеген ата-анасы да «Мейірім» медалімен марапатталады, сынып жетекшілеріне де құрмет көрсетіліп, арнайы марапаттар табысталмақ», – деді министр.Еске салсақ, жуырда &nbsp;Ғ.Мұратбаев атындағы №17 орта мектебінің 4 сынып оқушысы Жансерік Әлім өртенген үйден бесіктегі сәби мен 2 баланы аман алып шыққан болатын.&nbsp;Айта кетейік, Қызылорда облысының әкімі Нұрлыбек Нәлібаев Қазалы ауданының Ү.Түктібаев елді мекенінде дене шынықтыру-сауықтыру кешенінің ашылу рәсіміне қатысты.

ҚР Оқу-ағарту министрі қазалылық батыр баланы марапаттады

<a href="https://kyzylorda-news.kz/">Kyzylorda-news.kz.</a>&nbsp;ҚР Оқу-ағарту министрі Ғани Бейсембаевтың Қызылорда облысына жұмыс сапары Қазалы, Жалағаш аудандарында жалғасты.Қазалы ауданындағы Р.Бағланова атындағы аудандық мәдениет орталығында ведомство басшысы мен облыс әкімі Нұрлыбек Нәлібаев білім саласы, құқық қорғау органдары қызметкерлерімен, зиялы қауым өкілдерімен және ата-аналармен кездесті. Кәмелетке толмағандар арасындағы құқықбұзушылықтың алдын алу мәселесі бойынша «Бала тәрбиесі – баршамызға ортақ міндет» атты бірлескен кеңес отырысына қатысты. Жиында Қызылорда облыстық полиция департаменті бастығының міндетін атқарушы Шамшидин Амитов, облыстық білім басқармасының басшысы Мейрамбек Шермағамбет және аудан әкімі Мұхтар Оразбаев баяндама жасап, ұстаздар мен ата-аналар өз пікірлерін білдірді.Аймақ басшысы тәрбие ісіндегі басты бағдар балалардың құқық бұзушылыққа бармауын қатаң қадағалау екенін, бұл орайда атқарылуы тиіс іс-шараларды атап өтті.<blockquote>«Қызылорда қаласы мен аудан әкімдері, облыстық білім басқармасының және облыстық полиция департаментінің басшылығы оқу орындары басшыларымен бірлесе отырып, балаларға қатысты зорлық-зомбылықты, олардың өзара қарым-қатынасындағы келеңсіздікті болдырмауға бағытталған жедел жұмыстарды күшейтуі тиіс. Ол үшін оқушылардың бос уақыты дұрыс әрі пайдалы етіп ұйымдастырылуы керек. Жастар орталықтарымен бірлесіп, құқықбұзұшылыққа бейім оқушыларды қоғамдық шараларға, мектеп жанындағы спорт, музыка, өнер үйірмелеріне кеңінен тарту жемісін береді. Сот, прокуратура және полиция өкілдерін шақыртып, жауапкершілік, жасөспірімдер жасаған қылмыстар мен тәртіп бұзушылықтардың салдары туралы оқу сағаттарын ұйымдастырсын. Балалар құқықбұзушылыққа бармауы үшін белсенді азаматтар, ардагерлер, ата-аналар комитеті, білім саласына жанашыр депутаттар ортақ іске азаматтық тұрғыда үн қосуы тиіс», – деді облыс әкімі.</blockquote>Байқоңыр қаласына аялдаған ҚР Оқу-ағарту министрі осындағы №277 мектеп-лицейінде ұстаздар қауымымен пікірлесті. Байқоңыр қаласына арнайы бағдарлама жасауды тапсырып, бітіруші түлектерге грант бөлу мәселесін шешу қажеттiгiн атап өтті.Әрі қарай ведомство басшысы мен облыс әкімі Жалағаш ауданындағы Таң ауылына барды. Ауылдағы №118 мектеп ұжымымен кездесіп, жаңа автобус табыстады. Еске салсақ, Қызылорда облысы әкімінің қолдауымен аймақтағы ауыл мектептері 30 жаңа автобуспен толығады. Бұл балаларды мектепке және үйлеріне қауіпсіз тасымалдауды қамтамасыз етуге мүмкіндік береді. Көліктер 20 және 40 орынға шақталған. Мектеп автобустарының техникалық сипаттамалары барлық талаптарға сәйкес келеді. Қауіпсіздік белдіктері, апатты жағдай туындағандағы шығу жолы, жылдамдық шектегіштер мен сәйкестендіру белгілері бар, автобуста бала қалған жағдайда белгі беретін жүйемен жабдықталған.<img src="https://knadmin.beoblood.kz/uploads/343944402_624864632481955_1512282332725657604_n_4223eab827.jpg" alt="343944402_624864632481955_1512282332725657604_n.jpg">

Министр Ғани Бейсембаевтың жұмыс сапары Қазалы және Жалағаш аудандарында жалғасты

<a href="https://kyzylorda-news.kz/">Kyzylorda-news.kz.</a>&nbsp;Қызылорда облысының әкімі Нұрлыбек Нәлібаев Қазалы ауданының Ү.Түктібаев елді мекенінде дене шынықтыру-сауықтыру кешенінің ашылу рәсіміне қатысты.Аймақ басшысы ауыл тұрғындарын құттықтап, өңірде спорт инфрақұрылымын дамытуға ерекше мән берілетінін атап өтті.<blockquote>“Мемлекет басшысы Қасым-Жомарт Кемелұлы өз Жолдауында «Денсаулық кепілі – дене шынықтыру. Халықтың спортпен шұғылдануына барлық жағдай жасалуы қажет» деген болатын. Былтыр Қазалы ауданының дамуына 29 млрд.теңгеден астам қаржы бөлінсе, биыл 30 млрд.теңгенің үстінде қаражат қаралуда. Оған сіздерді бұрыннан толғандырып жүрген, халыққа ең керекті әлеуметтік мәселелер рет-ретімен шешілетін болады. Спорт кешенінің ашылуымен сіздерді шын жүректен құттықтаймын. Ауылда қуаныштар көп болсын”, – деді Нұрлыбек Машбекұлы.</blockquote>Шара барысында Ү.Түктібаев ауылының қоғамдық кеңес төрағасы Тәжімұрат Төремұрат өз лебізін білдіріп, бата берді.Айта кетейік, спорт кешенінің жалпы алаңы 760,9 шаршы метр, мұнда футбол, баскетбол және волейболдан жаттығу өтеді.Жаңа спорт кешенін көріп шыққаннан кейін аймақ басшысы ауыл тұрғындарымен кездесіп, ұсыныс-пікірлерін тыңдады.Қазіргі таңда облыс бойынша 10 денешынықтыру және спорт кешенінің құрылысы жүргізілуде. Бұдан бөлек, биыл облыс орталығынан құны 6,9 млрд. теңгені құрайтын көпсалалы спорт кешенінің құрылысын бастау жоспарланған.Аймақ спортшылары Қазақстан Республикасы чемпионаты мен кубоктарында 1 078 медаль жеңіп алса, Әлем және Азия чемпионаты мен кубоктарында 218 медальға қол жеткізді. Осылайша Сыр спортшылары соңғы бес жылдықтағы рекордты жаңалады.Өткен жылы грек-рим күресінен Сербияның Белград қаласында өткенӘлем чемпионатында Ұлттық құрама сапында жерлесіміз Айдос Сұлтанғали қола жүлдені олжаласа, «Қазақстан барысы-2022» турнирінде жеңімпаз атанған жерлесіміз Мақсат Исағабылов туған жеріне бас жүлдені үшінші рет әкелді.<img src="https://knadmin.beoblood.kz/uploads/343763150_221078007323501_5622823924984502642_n_84a3b178a9.jpg" alt="343763150_221078007323501_5622823924984502642_n.jpg"><img src="https://knadmin.beoblood.kz/uploads/343749883_212983978109802_7468170324790875341_n_dc7a676d99.jpg" alt="343749883_212983978109802_7468170324790875341_n.jpg">

Қазалының ауылында жаңа спорт кешені пайдалануға берілді

<a href="https://kyzylorda-news.kz/">Kyzylorda-news.kz.</a>&nbsp;29 сәуір мен 1 мамыр аралығында Қазақстанның басым бөлігінде атмосфералық фронталь бөлімдер өтуіне байланысты ауа райы тұрақсыз болады, деп хабарлайды Қазгидромет.Найзағай ойнап, жаңбыр жауады, түнде солтүстікте, орталықта, шығыста жаңбыр мен қар түрінде жауын-шашын болады, оңтүстік-шығыстың таулы аймақтарында кейде бұршақ жауады. Қазақстан бойынша жел күшейіп, тұман күтіледі; оңтүстік өңірлерде шаңды дауылдар тұрады.Кезең соңында солтүстік антициклон ығысып, Қазақстанның басым бөлігінде температура төмендейді. Солтүстікте, солтүстік-батыста, орталықта түнгі уақытта 1-7 градусқа дейін аяз күтіледі, шығыста 1-10 градус аязға дейін төмендейді.

Қазақстан және Қызылорда облысының жаңалықтары