<a href="https://kyzylorda-news.kz/ru">Kyzylorda-news.kz.</a> Жуырда өңір басшысының қолдауымен, сондай-ақ аудандық мәдениет және спорт бөлімінің ұйымдастыруымен орталық алаңда Шиелі ауданының 95 жылдық мерейтойына арналған «Туған елге тарту» атты «Ауыл күндері» фестивалінің ашылу салтанатты өтті.&nbsp;Салтанатты рәсімге Шиелі ауданының әкімі Нұржан Ахатов және бірқатар сала мамандары қатысты. Салтанатты жиынның шымылдығын Сұлутөбе мен Тартоғай елді мекендерінің өнерпаздары ашып, рәсімге жиналғандардың құрметіне әсем ән шырқап, күйден шашу шашты.Мұнан соң аудан басшысы Нұржан Сәбитұлы фестивальге келген барша халықты Шиелі ауданының 95 жылдық мерейтойымен құттықтап, өз ықыласын білдірді. Ол өз сөзінде осы өлкеден көптеген дарындылар мен мықтылардың шыққанын, сондай-ақ өңірдің жылдан-жылға дамып келе жатқанын айтып, туған жердің топырағынан нәр алып, ауасын жұтқан көптеген ауыл азаматтарымен мақтанатынын жеткізді. Шиелінің көркейіп, аудан тазалығы үшін көтеген шаралардың атқарылып жатқанын тілге тиек етті. Өз құттықтау сөзін жеткізген аудан әкімі мұнан соң «Ауыл күндері» фестиваліне қатысып, барлық тазалық шараларына атсалысқан азаматтарды марапаттады. Атап айтар болсақ, шаруа қожалықтарына, мекеме қызметкерлеріне алғыс хаттар мен соңғы үлгідегі су жаңа смарт теледидарларды табыс етті. Сондай-ақ кент әкімі Амангелді Өмірәліге жаңа техниканың кілтін тарту етті.&nbsp;Үлгілі ауданнан үміт көпӨткен жылы аймақ басшысы Нұрлыбек Нәлібаев «Тазалық – табалдырықтан» деген тәмсілді негізге ала отырып, Сыр өңіріндегі елді мекендерді дамыту, оның ішінде ауыл тұрғындарының өмір сүру сапасын жақсарту және оларға жайлы орта жасау бағытындағы жұмыстарды ынталандыру әрі бағалау мақсатында тұңғыш рет аймақтық «Үлгілі елді мекен» атты облыстық байқау жариялағаны есте. Міне, сол байқаудың нәтижесінде Шиелі кенті де алдыңғы қатардан көрініп, тазалығымен талайдың таңдайын қақтырған болатын. Аудан әкімі Нұржан Сәбитұлы салтанатты рәсім барысында бұл қуанышты жаңалықты аудан халқымен бөлісіп, Шиелі кенті көптеген аудандардан басып озып, «Үлгілі елді мекен» облыстық байқауында «Үлгілі аудан орталығы» номинациясы бойынша II орынды еншілеп, «Қалдық тасымалдаушы камаз көлігі» сондай-ақ, «Жол тазалағыш трактор» құрылғысы мен «ассенизатор» көлігін жеңіп алғанын жеткізді. Шара соңында осы фестивальға қатысқан, тазалық жұмыстарына белсене атсалысқан барша азаматтарға өз алғысын білдірді.

Шиеліде шара белсенділері марапатталды

<a href="https://kyzylorda-news.kz/ru">Kyzylorda-news.kz.</a> Бүгінде өңірлердің инвестициялық әлеуетін көтеру мәселесі өзекті болып тұр. Осы тұрғыда Мемлекет басшысы Қасым-Жомарт Тоқаевтың халыққа арналған Жолдауынан туындайтын негізгі міндеттердің бірі – отандық және шетелдік инвестиция тарту. 2025 жылға қарай жалпы ішкі өнімнің құрамындағы инвестицияның үлесін 30%-ға жеткізу көзделген. Алайда әлемдік деңгейде қалыптасып отырған геосаяси жағдайдың шиеленісуіне байланысты бұл меже 25%-ға дейін төмендетілуде. Иә, бұл цифрды еңсеру оңайға соқпайды. Бірақ соған қарамастан жұмыс жүйелі жүргізілуі тиіс.Жалпы соңғы жылдары аудан экономикасына инвестиция тарту ісінде ілгерілеушілік бар екені байқалады. Әкімдіктің мәліметіне қарағанда, өнеркәсіп өнімдерін өндіру 102,1 процентке артып, 21,2 млрд теңгені құраған. Яғни, аудандағы кәсіпорындармен жер қойнауын пайдалану жөніндегі келісім-шарт негізінде өнім көлемі едәуір ұлғайып келеді. Ол кәсіпорындардың қатарында «Гежуба Шиелі Цемент Компаниясы» ЖШС (цемент өндірісі), «Иіркөл» ЖШС (уран өндірісі), «Ру-6» ЖШС (уран өндірісі), «Байқоңыр Солар» ЖШС (күн сәулесінен электр энерги), «Фирма Балауса» ЖШС (ваннадий өндірісі), «Кемикал» ЖШС (пластик құбыр өндірісі), «Шиелі-Жолшы» ЖШС (жол құрылысы, асфальт, бетон өнімдері) бар.Қазіргі таңда өңдеу өнеркәсібі 102,9 процентке артып, 8 млрд 549 млн теңгенің өнімдері өндіріліп үлгерген. Негізгі капиталға тартылған инвестицияның көлемі – 9,5 млрд теңгені құрап, байырғысынан 2,5 есеге артқан.<blockquote>– Өңдеу өнеркәсібіне басқа да көздерден және «Гежуба Шиелі Цемент Компаниясы» ЖШС, «Иіркөл» ЖШС, «Ру-6» ЖШС, «Байқоңыр Солар» ЖШС, «Фирма Балауса» ЖШС, «Кемикал» ЖШС, «Шиелі-Жолшы» ЖШС мекемелерінен ауыл шаруашылығы құрылымдары жаңадан 2 Комбайн, 2 жүк тиегіш және 5 трактор алынды. Инвестиция да тартылды. Жалпы Шиеліде инвестициялық мүмкіндіктер көп. Соны тиімді пайдалану керек, – деген болатын аудан әкімі Н.Ахатов кезекті бір баяндамасында.</blockquote>Таяуда аудан әкімі Нұржан Ахатов Шиелідегі өндіріс орнын арнайы жұмысшы топпен аралап, кездесу өткізді. Ең алдымен олар «КНК КЕМИКАЛ» ЖШС құбыр зауытына аялдады. Зауыттың жұмыс барысымен жіті танысып, құбыр өндірісін тікелей көзбен көрді. Тиісінше зауыт қызметкерлерінің ұсыныс-пікірлеріне де құлақ түрді. Аталған кәсіпорын қазіргі таңда 195х14,5 мм-лік полиэтилендік пластмасса өнімдерін көптеп шығаруды қолға алған. Мұнымен қоса сүзгілік қабілетті КДФ 118 құбырларының бірнеше түрін тапсырысқа сай әзірлеуде. Бұл кәсіпорын дәл қазір 100-ге жуық жанды жұмыспен қамтып отыр.Одан кейін аудан әкімі «Семізбай-U» ЖШС Иіркөл кеніші, «Шиелі тас – Оңтүстік», «Шиелі жолшы» серіктестігі қызметкерлерімен кездесті. Барлық кездесуде ашық диалог орын алып, тиісті сала басшыларына тапсырмалар берілді. Ақпарат үшін айта кетейік, «Шиелі тас – Оңтүстік» серіктестігі жылына 60 мың тонна әк, 1 млн тонна қиыршық тас өндіруге қауқарлы. Мұнда 48 адам тұрақты жұмыс істейді.Ал «Шиелі Жолшы» серіктестігі жылына 2500 дана темір-бетон өнімін шығарады. Зауыт 2018 жылдан бастап тұрақты жұмыс істеп, 30-ға жуық адамды жұмыспен камтып отыр. Жоба құны – 120 млн теңгені құрайды. Негізінен нарықтағы ең қажетті өндірістік өнімнің бірі – темір-бетон өндіреді. Сұранысқа сай зауыт тауарлы бетонның 5 түрлі маркасын және 17 түрлі жабынды плиталарды өндіруде. Айта кеткен жөн, бүгінде бөлшек сауда айналымының көлемі 3,4 млрд теңгені құрайды. Бұл 101,8 процентке орындалды деген сөз. Сонымен қатар қазіргі таңда құрылыс жұмыстарының көлемі 1,2 млрд теңгеге орындалып, 8,9 есеге артыпты. Оған бірден бір себеп – жеке тұрғын үй құрылысы есебінен және «Қызылорда-Жезқазған» автожолын салу.Иә, кәсіпкерлігі кең қанат жайып, өнеркәсібі өркендеген Шиелі өңірінде біршама кәсіпорындардың іргесі қалануда. Ел Презинденті тарапынан жарияланған әрбір маңызды құжатпен болашағына бағдар жасап алатұғын ауданнан ел дамуының көріністерін байқауға болады. Жоғарыда атап өткендей өңдеу өнеркәсібі өндірген өнімдердің көлемі ұлғайып келеді. Шағын және орта кәсіпкерлік субъектілері артып, тиісінше жұмыссыз адамдар саны азаюда.

Шиелі: Инвестицияда ілгерілеу бар

<a href="https://kyzylorda-news.kz/">Kyzylorda-news.kz.</a>&nbsp; Қаржылық мониторинг агенттігінің Батыс Қазақстан облысы бойынша департаменті қаржы пирамидасын құрып, оны басқарды деген күдікпен "World Money" компаниясының өкілдеріне қатысты сотқа дейінгі тергеу жүргізіп жатыр.Агенттіктің ақпаратынша, компанияның міндетті шарттарының бірі 21 мыңнан 53 мың теңгеге дейін ақша төлеп, WhatsApp және Telegram мессенджерлері арқылы басқа қатысушыларды тарту болған.Осы жылдың басынан бері қаржы пирамидасына 130 адам тартылған.<blockquote>"Аумақтық департамент облыстық прокуратураның үйлестіруімен компанияның қызметін бастапқы кезеңде тоқтатып, алданған салымшылардың санын азайтуға мүмкіндік берді. Сотқа дейінгі тергеу жалғасуда", - делінген хабарламада.</blockquote>ҚМА қаржы пирамидасынан зардап шеккен азаматтардан тұрғылықты жері бойынша экономикалық тергеу департаментіне хабарласуды сұрады.

Адамдарды WhatsApp арқылы тартқан тағы бір қаржы пирамидасы анықталды

<a href="https://kyzylorda-news.kz/">Kyzylorda-news.kz.</a>&nbsp;Алдағы күндері Қазақстанда ауа райы өте терең Қара теңіз циклоны ықпалымен қалыптасады, деп хабарлайды «Қазгидромет».<blockquote>«Келе жатқан циклон елдің көп бөлігінде күннің жаңбырлы болуына ықпал етеді. Найзағай жарқылдап, бұршақ жауып, екпінді жел соғады. Республиканың батысында, солтүстік-батысында және солтүстігінде кей кездері қатты жаңбыр жауады», - делінген синоптиктер болжамында.</blockquote>Күндізгі температураның қысқа мерзімді төмендеуінен кейін:Қазақстанның солтүстігінде ауаның температурасы +20+25 градустан +25 + 33 градусқа дейін,солтүстік-батыста +18+30 градустан 25+33 градусқа дейін,орталықта +25+33 градустан +32+39 градусқа дейін,оңтүстікте +25+35 градустан +35+42 градусқа дейін көтеріледі.Елдің батысында ауа температурасының +22+35 градусқа дейін, ал шығыста +27+35 градусқа дейін төмендеуі болжанды.Оңтүстік-шығыста температуралық фонда күрт өзгеріс болмайды.

Еліміздің басым бөлігінде жаңбыр жауады

&nbsp;<a href="https://kyzylorda-news.kz/">Kyzylorda-news.kz.</a> Бүгін Сырдария аудандық Қоғамдық кеңесінің кезекті отырысы өтіп, күн тәртібінде негізгі 9 мәселе қаралды. Кеңес отырысына Қоғамдық кеңес төрағасы Марат Еспенбетов, кеңес мүшелері және күн тәртібіне сәйкес шақырылған мекеме басшылары қатысты.Бірінші мәселе аудан аумағындағы инженерлік тұрғыда әзірленген суармалы жерде дақылдарды кезектестіру (ротациялау) схемасын бекітуге арналды. Екінші мәселе Тереңөзек кентінің шекарасын (шегін) белгілеу бойынша өрбісе, үшінші мәселе Сырдария ауданының елді мекендерінің шекараларын (шектерін) белгілеу жөнінде болды. Бұл үш мәселе бойынша аудандық ауылшаруашылығы және жер қатынастары бөлімінің сектор меңгерушісі Бағлан Мейрамбекұлы хабарлама жасады.Төртінші мәселеде әлеуметтік көмек көрсету, оның мөлшерлерін белгілеу және мұқтаж азаматтардың жекелеген санаттарының тізбесін айқындау қағидаларын бекіту талқыланды.Мұнан соң аудандағы мәдениет және өнер саласында атқарылып жатқан жұмыстар туралы аудандық мәдениет және спорт бөлімі басшысының міндетін атқарушы Жеңісбек Төрәлиев есеп берді.Сондай-ақ аудандағы мемлекеттік жастар саясатын дамыту мәселелеріне арналып, аудандық жастар ресурстық орталығының директоры Нұрман Абдрасиловтың баяндамасы тыңдалды.– Бүгін аудандық қоғамдық даму бөлімінің мәжіліс залында қоғамдық кеңестің отырысына қатысқан болатынмын. &nbsp;Қоғамдық кеңесте Сырдария аудандық жастар ресурстық орталығының директоры ретінде аудандағы жастар саясаты туралы баяндама жасадым. Сонымен бірге жастармен атқарылатын жұмыстар талқыланды. Жиын барысында Қоғамдық кеңес мүшелері тарапынан сұрақтар қойылып, тиісті жауаптар берілгіндігін айта кетейін. Аудандағы жастар саласын дамыту мақсатында аудандық жастар ресурстық орталығының директоры тарапынан ұсыныс айтылып, оның шешілуіне ықпал жасау сұралды.Кеңес төрағасы мен мүшелері атқарылған жұмыстарға оң баға беріп, алдағы бастамаларға сәттілік тіледі, – деді Сырдария аудандық жастар ресурстық орталығының директоры Нұрман Абдрасилов. Алтыншы мәселе аудандағы санитарлық-эпидемиологиялық жағдай және базарлардағы бақша дақылдарының құрамындағы зиянды элементтердің бар немесе жоқ екеніне жүргізілетін талдау, жедел ішек инфекцияларының алдын алу бойынша жүргізіліп жатқан жұмыстар туралы аудандық санитарлық-эпидемиологиялық қадағалау басқармасының басшысы С.Өмірбаев баяндама жасады.Қалған үш мәселеде Бесарық, Қоғалыкөл, Шіркейлі ауылдық округі әкімдерінің атқарған жұмысы мен алдағы жоспарлары тыңдалды.<blockquote>– «Еңбек» нәтижелі жұмыспен қамту және жаппай кәсіпкерлікті дамыту бағдарламалары бойынша &nbsp; &nbsp;Бесарық ауылдық округінде 10 азамат жылқы және сиыр малдарын көбейту және бордақылау үшін құжаттарын тапсырып, уақытылы мақұлданды. Қазіргі уақытта ауыл тұрғындары &nbsp;75,1 млн теңге несие алып жұмыстарын жүргізіп отыр. Ал «Өңірлік инвестициялық орталығы» МҚҰ арқылы &nbsp; берілетін несие бойынша Бесарық ауылдық округінде жылқы және мүйізді ірі қара мал басын көбейту және бордақылау мен ауыл шаруашылығы техникасын сатып алу үшін &nbsp;11 жоба мақұлданған. Бұл ретте, 11 азамат 56 млн теңге несие алып жұмыстарын жүргізуде. Осы ретте, "Еңбек" нәтижелі жұмыспен қамту және жаппай кәсіпкерлікті дамыту" бағдарламасы бойынша грант беру жүргізілуде. Елді мекен бойынша әр саладан 32 азамат өз құжаттарын тапсырып 39 млн 206 мың 400 теңге қаражат алып жұмыстарын жүргізуде, – Бесарық ауылының әкімі Дәулет Сәрсенбаев.</blockquote>Сонымен біреге Қоғалыкөл &nbsp;ауыл ауылының әкімі Бақытжан Рахымбеков ауылда атқарылған жұмыстар жөнінде есеп берді.&nbsp;<blockquote>– 2022 жылы елді мекеннің ауылішілік маңызы бар Тілеу ұста мен Қаныш Сәтпаев көшелерін асфальтталды. Құны 44 млн 487 мың теңге. Мердігер мекеме «Құрылыс-Көлік компаниясы» ЖШС-гі. Қазіргі таңда 17 көшенің 11-не 268 дана түнгі жарықтандыру шамдары орнатылды. Түнгі жарығының 215 шамдар ауыстырылды. 5 көшеге асфальттауға жобалық сметалық құжаттары дайындалып, аудандық ЖКХ бөліміне ұсынылды. Көп балалы аз қамтылған 3 (үш) отбасыларға тұрғын үйге салып берілді. Санитариялық тазалық жұмыстары және көркейту көгалдандыру бойынша ауылдың ішкі аяқсу каналдарын тазарту мен көшелеріне тазалық жұмыстары жүргізілді. Талдарды әктеу, түнгі жарық бағандарын, шарбақтарды сырлау жұмыстары атқарылып, ауылішілік көшелерге күнделікті тазалық жұмыстары жүргізілді. 2023 жылы атқарылатын жұмыстар: Қоғалыкөл ауылдық округі бойынша 2023 жылы қаралған бюджет – 116 млн 154 мың теңге болып бекітілді. &nbsp;Қоғалыкөл ауылдық округіндегі тозығы жеткен электр желілері, бағаналары және трансформаторларды толығымен ауыстыру жұмыстары &nbsp;жүргізілуде. Құны &nbsp;499 млн 308мың теңге. Мердігер «УниверСтройСервис» ЖШС-гі. &nbsp; &nbsp;Қызылорда - Қоғалыкөл бағытындағы жолға орташа жөндеу жұмыстары жүргізіліп толығымен аяқталатын болады. Бүгінгі күнге 4 км 800 метрі асфальтталды. Мердігер – «СТК» ЖШС-гі. &nbsp;Ауылішілік көшелерінің 115 жарық шамдары ауыстырылды. Санитариялық тазалық жұмыстары және көркейту көгалдандыру бойынша ауылдың ішкі аяқсу каналдарын тазарту, 350 көшет отырғызылып, талдарды әктеу мен көшелеріне тазалық жұмыстары жүргізілді. «Қоғалыкөл» ЖШС-гінің демеуімен орталықтағы С.Майқанова көшесі 50 «Калифорниялық» терек көшеті мен 25 «ясин», 25 «катальпа» &nbsp;отырғызылып, күтімге алынды. «Аңламас» өңірінен бақша егу жұмыстарына 15 гектар жер дайындалып, 20 адамға бөлініп берілген. Елді мекендегі ауылішілік маңызы бар М.Шоқай көшесін (300 метр) асфальттауға құны 15 млн 909 мың теңге және М.Шоқай тұйығын (260 метр) асфальттауға құны 17 млн 927 мың теңге орташа жөндеуге жобалық сметалық құжаттары әзірленді. Мердігер «Әлем қызмет групп» &nbsp;ЖШС-гі. Қоғалыкөл клуб котельнийінің ағымдағы жөндеуге конкурс жарияланып, Мердігер «Сардар-2018» ЖШС-гі анықталды. Құны 1 млн 857 мың теңге «Полигон» аумағын қоршалауға баға ұсыныстарына ұсынылып, қажетті материалдар алынуда. Құны 3 млн 995 мың теңге. &nbsp;«М.Есмахов», «Ә.Тілеулиев» және «Водозаборная» көшелерінің ауыз су құбырлары мен көру құдықтарының құрылысына (488 метр) конкурс жарияланды. Құны 99 млн 915 мың теңге, – деді ауыл әкімі.&nbsp;</blockquote>Бұдан кейін Шіркейлі ауылының әкімі Талғат Құламқадіров елді мекен бойынша атқарылған жұмыстарды саралады.&nbsp; Кеңес мүшелері әрбір мәселе бойынша тиісті ұсыныстар енгізіп, сұрақтар қойды. Көтерілген мәселелерге баяндамашылар жауап берді.

Сырдария аудандық Қоғамдық кеңесінде ауылдардың әлеуеті сараланды

<a href="https://kyzylorda-news.kz/">Kyzylorda-news.kz.</a>&nbsp; Сырдария ауданының медицинасының даму қарқыны бәсеңдемейтіні рас. Себебі, медицина саласының жұмысын ілгерілету – маңызды рөл ойнайды. Жалпы, денсаулық сақтау саласын барынша жандандырып, тұрғындарға қолайлы ота қалыптастыруда өзекті. Бұл ретте, &nbsp;бүгін аудан әкімі Берік Сәрменбаев аудандық емхана қызметкерлерімен кездесіп, дәрігерлердің ұсыныс-пікірлерін тыңдаған болатын.Кездесу барысында ауданның бас дәрігері Жалғасбек Үсенов аудандық емхана бойынша атқарылып жатқан жұмыстарға тоқталып өтті. Аудан басшысы кездесуден кейін емхана жұмысымен танысып, күндізгі стационарлық ем қабылдап жатқан науқастардың жағдайын білді.<blockquote>– Аудан медицинасына жергілікті халықтың көзқарасы ұдайы жақсы болуы үшін басшылық тарапынан жүйелі жоспар жасалуы керек. Науқастардың жағдайын жақсарту мақсатында заманауи аппараттар алу керектігін көпшілік айтып жүр. Әрине, медицина саласының мамандарының атқарар қызметі ауыр. Олардың күні-түні жасайтын жұмысын бағалауымыз керек. Себебі, кәсіби мамандар халықтың жағдайын тікелей бақылап, барынша ем-шара жасау күш салады. Бүгін аудандық емхананың базасын көріп шықтым. Дәрігерлер уақытылы көпшілікті қабылдау үстінде. Негізінен, медицина саласы ұдайы назарымызда болуы тиіс. Есепте тұратын науқастарға дәрі- &nbsp;дәрмекті уақытылы беру керектігін ескерген жөн. Сонымен бірге арушаңдық деңгейін темендетіп, &nbsp;жасы ұлғайған жандарға дәрігер бақылауы күйшелтілуі керек, – аудан басшысы. &nbsp;</blockquote>Жалпы ауданда 110 төсектік аурухана, ауысымына 250 адам қабылдайтын емхана, 10 дәрігерлік амбулатория, 2 фельдшерлік-акушерлік және бір медициналық бекет халыққа қызмет көрсетеді. Биыл облыстық бюджеттен 182 млн теңгеден астам қаржы бөлініп, Іңкәрдария, А.Тоқмағанбетов пен Қалжан ахун ауылындағы фельдшерлік-акушерлік бекет күрделі жөндеуден өтуде. Сонымен қатар, республикалық бюджеттен 405 млн теңгеге Нағи Ілиясов ауылында амбулатория құрылысы жүргізілмек.

Сырдария ауданының әкімі емхана жұмысымен танысты

<a href="https://kyzylorda-news.kz/">Kyzylorda-news.kz.</a> Арал ауданында егін шаруашылығы дамып келе жатқаны анық. Соны ішінде &nbsp;егінді кәсіп етіп берекетін көріп отырған жандар да жоқ емес. Жалпы жол &nbsp;картасының &nbsp;екінші &nbsp;бағыты &nbsp;егін &nbsp;шаруашылығын &nbsp;дамыту &nbsp;болса, өткен &nbsp;жылмен &nbsp;салыстырғанда &nbsp;биылғы &nbsp;жылы &nbsp;аудандағы &nbsp;егіс &nbsp;көлемі 2 &nbsp;есеге &nbsp;ұлғайып, 1500 гектар жерге егіс орналастыру жоспарланған екен.Сонымен бірге суды үнемдеу, тиімді &nbsp;пайдалану мақсатында ауданның шаруа қожалықтары подпленка, тамшылатып және жаңбырлатып суару әдістерін қолдануда. 76 гектар жерге түрлі егіс дақылдарын егуге ынталы 120-дан астам аудан тұрғындары анықталып, тиісті жұмыстар жүргізіліп келеді.Қазақ айтпақшы «шілденің қауын пісірер» ыстығы да жетті. Осы орайда ауыл тұрғындары аптап ыстыққа қарамай бау-бақша жұмыстарымен айналысып, адал еңбекпен қаражат табуды бастап кетті. Ел экономикасын дамыту мақсатында өз үлесін қосып жүрген азаматтардың бірі – Қуаныш Есентаев есімді кәсіпкер болады. Ол Бекбауыл ауылдық округіне қарасты Үкілісай елді мекені тұрғындарын түрлі көкөністермен қамтамасыз етіп келеді.Қуаныш Есентаев 2-3 гектар жерге қауын, қарбыз т.б дәнді дақылдар егіп, кәсібін дамыту үстінде. Сонымен бірге кәсіпкер Қуаныш №265 Үкілісай негізгі мектебіндегі ұстаздық жұмысымен қатар осы жылы бау-бақша жұмыстарымен айналысуды қолға алған азамат несібесін көріп жүр.&nbsp;Биыл 2022 жылдан бастап Бекбауыл және Үкілісай ауылында 10-ға жуық тұрғын егіншілікпен қарқынды түрде айналысып, ауылды жандандыруда. Сонымен қатар ауыл тұрғындары аудан әкімдігінің бау-бақша жұмыстарына арнап берген су айдау насосымен және жеке тұрғындар өзінің насос құралдарымен бау-бақша өндіруді қолға алған. Дәнді дақыл егу жұмыстары Бекбауыл ауылдық округінде жыл сайын өз жалғасын тауып, дами берері сөзсіз.

Арал ауданында егіс  көлемі 2  есеге  ұлғайды

<a href="https://kyzylorda-news.kz/">Kyzylorda-news.kz.</a>&nbsp;Сырдария ауданынан шалғайда орналасқан Жетікөл деген ауыл бар. Аядайға ауылдың халқы облыс орталығымен тығыз байланыста. Өз кезегінде Сырдария ауданының &nbsp;әкімі Берік Сәрменбаев Сырдария ауданына қарасты Жетікөл ауылында жаңадан ашылған егіс алқаптарының жұмыстарымен танысты.Өткен жылы хабарлағанымыздай облыстық бюджеттен аудандағы Жыңғылдыкөл, Хозцентр, Военторг каналдарын механикалық тазарту жұмыстары жүргізіліп, нәтижесінде, Жетікөл ауылына Тәуелсіздік алған жылдан кейін аяқ су алғаш рет келген еді. Ал «Жетікөл Жері» ЖШС-і күздік дала жұмыстарын жүргізу және егін егу жұмыстарын бастаған болатын.<blockquote>– Сырдария ауданында ілкімді істер көп. Мәселен, Жетікөл ауылына өткен жылы Украйна елінен инвесторлар тарта білдік. Жері құнарлы ауылдың табанына су кетпегенін анық білеміз. Ауылда Сыр саласы егілмесе де, бақшалық өнімдер жыл сайын жерге орналастырылады. Бүгінде &nbsp;ауқымды жұмыстар қолға алынғанына қуаныштымыз. Инвесторлар ауыл шаруашылығы саласын дамытуға зор үлес қосуда. &nbsp;Жері жомарт – Жетікөл ауылы егін егу саласында үздіктер қатарынан көрінсе деген тілегіміз, – бар делі аудан басшысы.&nbsp;</blockquote>Міне, биыл дихандардың еңбегі мен күш-жігерінің нәтижесінде 500 гектар жер ашылып, егіс алқаптары дайындалды. 80 гектарға күріш, 100 гектарға күнбағыс және 2 гектарға картоп, 4 гектарға көкөніс, 14 гектарға бақша дақылдары орналастырылды.&nbsp;100 гектар жерге егілген күнбағыс дақылына серіктестік өз қаражат есебінен 40,0 млн теңгені құрайтын қондырғы сатып алып, жаңбырлатып суару әдісін қолдануда. Жергілікті жердің 12 адамы жұмыспен қамтылды. Шаруалар мұнымен тоқтап қалмайтындарын, алдағы уақытта жаңа жерлерді ашып, егіс алқабын кеңейтетіндерін жеткізуде.&nbsp;<blockquote>- Еселі еңбектеріңіз көзге көрініп тұр. Бұл жерге аяқ су келмегеніне 30 жылдан асқан еді. Мемлекеттік бағдарламалардың нәтижесімен, аймақ басшысы Н.Нәлібаевтың қолдауымен егіс даласына су жеткізілді. Биыл егін алғаш егіп басталды. Бұл үлкен жетістік. Еңбектеріңіз еселене берсін. Қамбамыз дәнге толсын. Сіздерге елге жасаған зор еңбектеріңіз үшін ерекше алғыс білдіремін,-деді аудан әкімі Берік Әбдіғаппарұлы шаруалармен кездесуде.</blockquote>Жалпы биылғы жылы Сырдария ауданында 36043 гектарға ауыл шаруашылығы дақылдары орналастырылды.&nbsp;Оның ішінде негізгі дақыл – күріштің көлемі 23500 гектар, жаздық бидай 1723 гектар, арпа 15 гектар, мақсары 180 гектар, күнбағыс 100 гектар, жаңа жоңышқа 1846 гектар, ескі жоңышқа 7200 гектар, және картоп, көкөніс, бақша 1168 гектарды (картоп-508 га, көкөніс – 240 га, бақша – 420 га) құрайды.&nbsp;Азық-түлік қауіпсіздігін қамтамасыз ету мақсатында тұрғындардың өзін-өзі әлеуметтік маңызы бар картоп, көкөніс, бақша өнімдерімен қамтамасыз ету мақсатында шаруашылық құрылымдары тарапынан ауыл тұрғындары үшін егіс алқаптарынан 359 гектар қосымша жерлер ашылып, 1105 отбасыға бөлініп берілді.

Жетікөл ауылында инвесторлар егін егуде 

&nbsp;<a href="https://kyzylorda-news.kz/">Kyzylorda-news.kz.</a>&nbsp; Өткен жылы қаланы абаттандыру, елді мекендерді дамыту, оның ішінде ауыл тұрғындарының өмір сүру сапасын жақсарту, оларға жайлы орта жасау бағытындағы жұмыстарды ынталандыру, бағалау мақсатында аймақта алғаш рет «Үлгілі елді мекен» облыстық конкурсы жарияланған болатын.Облыс әкімі Нұрлыбек Нәлібаев аталған байқаудың жеңімпаздарын марапаттаған болатын. Байқау нәтижесімен батырлар ауылы атанған Нағи Ілиясов ауылы облыстағы «Үлгілі ауыл» номинациясының жеңімпазы атанды.Еңбек Ерлері шыққан республикадағы үлгілі ауылдардың алдыңғы қатарындағы Н.Ілиясов елді мекеніне берілген лайықты бағаға сәйкес, жеңімпаз ауылға құрмет көрсету және аймақ басшысының қолдауымен «Үлгілі ауыл» Н.Ілиясов ауылына берілген жер қазатын трактор және жүк тасымалдайтын «КАМАЗ» көлігін табыстау рәсіміне арналған мерекелік шара өткізілді.Іс-шараға аудан әкімі Берік Сәрменбаев қатысып, байқау жеңімпазы атанған ауыл азаматтарын құттықтады.<blockquote>- Бүгінде ауылдың экономикасы дамыған, әлеуеті артқан. Әлеуметтік нысандар жаңарып, гүлденіп, көркейген ауыл өзге елді мекендерге үлгі етіледі. Жуырда елді мекенде құны 450 млн теңге болатын «Еңбекшілер аллеясының» бой көтергенін өңір жұрты мақтанышпен айтады. Сондықтан да облыс әкімі Нұрлыбек Нәлібаевтың қолдауымен өткізілген «Үлгілі елді мекен» конкурсында Н.Ілиясов ауылының жеңімпаз болуы – бәріміз үшін ортақ абырой.&nbsp;Бұл ауданның, ауылдың қарқынды даму үдерісін көрсетеді. Елді мекеннің өркендеуіне мемлекеттен зор қолдау көрсетілуде. Сондай-ақ, ауылдың дамуында Қазақстанның Еңбек Ері Абзал Ералиевтің еңбегі өлшеусіз. Ел үшін осындай игі бастамаларды жүзеге асырып жатқан азаматтарға шынайы алғысымды білдіремін! &nbsp;– деді аудан әкімі.</blockquote>Мерекелік шарада аудан тазалығына ерекше үлес қосып жүрген бірқатар тазалықшылар облыс және аудан әкімінің алғыс хаттарымен марапатталды.Өз кезегінде облыстық мәслихат депутаты Жұмабек Ембергенов құттықтау лебізін білдірді.&nbsp;<blockquote>– Облыс әкімі Нұрлыбек Нәлібаев аймақта алғаш рет «Үлгілі елді мекен» облыстық конкурсын жариялап, кеше аталған байқаудың жеңімпаздарын марапаттады. Байқау нәтижесімен батырлар ауылы атанған ауданға қарасты Нағи Ілиясов ауылы облыстағы «Үлгілі ауыл» номинациясының жеңімпазы атанды. Ал, бүгін ауданда дүбірлі той болып, аудан әкімі Берік Сәрменбаев «Үлгілі ауыл» Н.Ілиясов ауылына берілген жер қазатын трактор мен жүк тасымалдайтын «КАМАЗ» көлігінің кілтін мерекелік шара аясында табыстады. Осыған қоса, елді мекендерде ерен еңбек етіп, тазалық сақшысына айналған азаматтарға алғыс білдіріп, құрмет көрсетті. «Үлгілі елді мекен» конкурсында Н.Ілиясов ауылының жеңімпаз болуы – бәріміз үшін ортақ абырой. Осындай қуаныштарымыз көп болсын. Қуанышқа ортақтасып, мен де дүбірлі тойға куәгер болдым. Мұнан соң, нағилық өнерпаздар әннен шашу шашып, тұрғындарға мерекелік көңіл-күй сыйлады. Ауданымыз дамып, көркейе берсін дегім келеді, – деді облыстық мәслихат депутаты.&nbsp;</blockquote>Бұл ретте, сала басшылары &nbsp;мен аудан тұрғындары да үздік ауылды кезекті жеңісімен құттықтады.&nbsp;<blockquote>– Апта ағымында сырдариялықтар үшін қуанышты жаңалықтың лебі ескен жайы бар. Нағи Ілиясов ауылы облыс көлемінде үздіктер қатарынан көрініп, жеңімпаз атана білді.&nbsp; Менің алғаш ауылға келген сәтім әлі есімде. Көркіне көз толмайтын ауыл келбетіне таңдана, тамсана қарайтын едім. Республикаға белгілі елді мекеннің ерекше сымбатын көріп, «Ауылына қарап, азаматын таны» деген сөздер есіме еріксіз оралатын.&nbsp; Бұл ретте, жасампаз ауылдың көркеюіне Абзал және Дархан Жұмашұлы ағаларымыздың еңбегі ерекше. Қос азаматтың қолтаңбасымен келген ауылды көркейту жобасын теңдесіз дүние қатарына жатқызатын едім. Әр жыл сайын көркейту-көгалдандыру жұмыстары айрықша серпін алып, жаңара түсуде. Әрбір нағилық өз ауылын мақтан тұтады. Ел ағаларының жасап жатқан ісіне береке берсін демекпіз. Алдағы уақытта үздік атана білген ауылдың гүлденуіне ел азаматтарымен бірге барымызды сала бермекпіз, – деді Нағи Ілиясов ауылдық мәдениет үйінің директоры Нұрбол Тұранов.&nbsp;</blockquote>&nbsp;Сонымен бірге ауыл тұрғыны Жанат Шайзадаева &nbsp;ізгі тілегін жеткізді.&nbsp;<blockquote>– Жүгі нарда, қазаны теңде болып, көшпелі ғұмыр кешкен қазақ халқының ертеден-ақ ежелгі мекені-ауыл болғаны анық.Яғни-ауыл ұлтымыздың ұйытқысы.Ауыл барлық халық анасы,тіршіліктің нәрі.Ұлтымыздың ұясы, алтын бесігі, ырыстың кіндігі саналып келе жатқан ауыл. Туған жер, туған ауыл қымбат маған, Ешкімге бұл сезімді былғатпаған. Мен оның өзім ғана сезінетін, Қастерлі қасиетін жырлап бағам, деген өлең жолдары ауыл экономикасының өсуіне халықтың ынтымағы мен бірлігі, ауылдың тазалығы мен гүлденуіне өз үлестерін аянбай қосып жүрген іскер ел ағаларына арнап айқым келіп отыр.Ауыл түлесе-қазақ түлейді.Өйткені, ауыл мен қазақ ажырамас ұғымдар. Туған жер кемелденіп аршындадың, Қазаққа қазіргі күй-қалпың мәлім. Шетелдердің межесіне көп ұзамай, Енерсің осы бетпен адымдағын. Ауылдардың Астанасы атанған гүлденген Нағи ауылы Облыс әкімінің ұйымдастыруымен өткізілген "Үлгілі елді мекен" конкурсына қатысып, нәтижесінде "Үздік ауыл"номинациясы I дәрежелі дипломмен ауылымыздың әкімі Сағдат Нұрмағанбетұлы марапатталды. Ауылды абаттандырып, көркейту жұмыстарын қарқынды жүзеге асырып отырған Қазақстанның Еңбек Ері Ералиев Абзал Жұмашұлына және "Мағжан и К" ЖШС-нің төрағасы, аудандық маслихат депутаты Ералиев Дархан Жұмашұлына алғыс білдіреміз. Гүлденсе ауыл-гүлденеміз бәріміз, – деді ауыл тұрғыны.&nbsp;</blockquote>Марапаттау салтанатынан кейін Нағи Ілиясов ауылдық мәдениет үйінің ұйымдастыруымен аудан орталығында "Өнер-өмір өрнегі" атты өнер фестивалі өткізілді. Облыстық "Үлгілі елді мекен"конкурс нәтижесінде Нағи Ілиясов ауылы жүлделі I орынмен "Үздік ауыл" номинациясын жеңіп алды. Иә, гүлзары көркем, ғимраттары келісті, құлпырған елді-мекеннің келбеті алыстан мен мұндалап,көз тартады.Ауыл-халықтың алтын құрсағы.Тәуелсіз қазақ еліндегі гүл жайнаған бірінші ауыл-Нағи Ілиясов елді мекені. Ауыл ажарланса-қазақтың да маңдайы жарқырағаны. Ауыл көркемөнерпаздары ауданымыздың тұрғындарына жақсы көңіл күй сыйлады.

Сырдария ауданы: Аймақтағы үздік ауылға лайықты құрмет көрсетілді 

<a href="https://kyzylorda-news.kz/">Kyzylorda-news.kz.</a>&nbsp; Биыл Қорқыт ата атындағы Қызылорда университетін 3084 түлек бітіруде. Біз үшін әр шәкірттің өмірден өз орнын тауып, қанаты қатаюы өте маңызды.⠀Осы уақытқа дейін мыңдаған түлектің жарқын болашағына жолдама берген оқу ордамыз QS World University Rankings (WUR) халықаралық рейтинг агенттігінің талдауы бойынша тұңғыш рет әлемнің үздік университеттерінің қатарына кірді.⠀Жыл сайын университетті таңдайтындар саны да артып келеді. 2022-2023 оқу жылында жалпы білім алушылар саны 10 мыңнан асты. Оның ішінде грант негізінде білім алатындар саны да көбейді.⠀Ғылым мен технологияның дамуы қоғамда жаңа мамандық иелеріне сұраныс туғызуда. Сондықтан елімізге қажетті маман даярлау ісіне басымдық берудеміз. Білім алушылардың мықты маман, жан-жақты тұлға болып қалыптасуы ерекше назарда.<blockquote>–⠀Бітіруші түлектер, сіздерді Қазақстан Республикасындағы кәсіби білікті маман қатарын толықтыруларыңызбен құттықтаймын! Жігерлі, білімді адамдар жарқын болашаққа жол ашады. Талапты әрі батыл болыңыздар! ⠀Алдағы уақытта өздеріңіз білім алған Қорқыт ата атындағы Қызылорда университетімен байланысты үзбей, оқу орнының мәртебесі биік болуына үлес қосады деп сенемін, – деді Қорқыт ата атындағы Қызылорда университетінің ректоры Бейбіткүл Сәрсемханқызы.</blockquote>

Бітіруші түлектерге диплом табысталды

<a href="https://kyzylorda-news.kz/">Kyzylorda-news.kz.</a> Әр аптаның жұма күні Сырдария ауданының әкімі Берік Сәрменбаев тұрғындардың жеке мәселесі бойынша қабылдау өткізеді.&nbsp;Бұл аптада тұрғындар денсаулық сақтау, білім мен тұрғын үй және жұмыссыздық мәселесі бойынша өтініштерін жеткізді. Аудан әкімі кезектілік тәртібімен жазылған азаматтарды жеке қабылдады. Қабылдауға жазылған азаматтар мәселелерін жеткізді.<blockquote>– Аудан әкімінің тұрғындарды мәселелері бойынша жеке қабылдауы өтетіні туралы ақпарат алғаннан кейін мен де өз мәселемді аудан басшысына тікелей жеткізуді жөн деп шештім. Қабылдауға алдын ала жазылып, арнайы келген жайым бар. Қазіргі таңда аудан тұрғындарының басым бөлігі көгілдір отынға қол жеткізіп, игілігін көріп отырған жайы бар. Бірақ тұрмыстың төмендігіне орай маған бұл мүмкін болмай тұр. Көмір тасып, от жағу күн суықта тіпті қиынның қиыны. Осы мәселені аудан басшысына жеткізіп, қолдау сұрай келдім. Аудан әкімі өз кезегінде бұл сұрақтың шешімін тауып, көмек қолын созатынын айтты. Қуанышымда шек жоқ. Құдай қаласа, мен де биылғы қысты еш уайымсыз күтетін болдым. Ел игілігі жолында еңбек етіп жүрген балаларыма Алла береке берсін, – дейді аудан тұрғыны Роза Байтөреева.</blockquote>Өз кезегінде аудан әкімі Берік Әбдіғаппарұлы тиісті сала басшыларына айтылған мәселе бойынша шешу тетігін қарастырып, оның орындалуына нақты тапсырмалар жүктеді.

Аудан әкімі тұрғындарды қабылдады

<a href="https://kyzylorda-news.kz/">Kyzylorda-news.kz.</a>&nbsp; Ауылдық жерлерде шешімін таппаған мәселелер әлі де көп. Солардың бірі Жетікөл ауылдық округінде байланыс антенасын құру еді. Сырдария ауданына қарасты ауылдық округте бұл мәселе өз шешімін тауып, Мұхтар Көзейбаевтың демеушілігімен, ауыл тұрғындары үлкен қуанышқа бөленіп отыр. Ендігі жерде тұрғындар жылдам ғаламторға еркін қол жеткізе алады.«Байланыс антена жұмыстары аяқталды! Ауылымыздағы ең өзекті мәселелердің бірі байланыс антенасын құру еді. Бүгін Көзейбаев Мұхтар ағамыздың қолдауымен антена мұнарасының жұмысы аяқталды. Ауылымыздың гүлденуіне үлес қосқан Мұхтар ағамызға және де көмек берген ауыл азаматтарына алғысымыз шексіз» деп жазды ауыл тұрғындары әлеуметтік желіде.Антенна – радио, телехабар толқындарын тарататын және қабылдайтын құрылғы. Антеннаның толқын тарату бағыттылығы толқынның таралу бағытындағы толқын өрісі кернеуін жоғарылатады.Жетікөл ауылдық округі тұрғындары енді жылдам интернет желісін еркін қолдана алады. Ауылды дамыту, көркейту қазіргі таңда күн тәртібіндегі мәселе. Осы ретте атқарылып жатқан игі істің нәтижесін халық алдағы уақытта көре бермек. Оның үстіне бүгінгідей ақпараттық жүйе дамыған заманда ғаламтор желісінің жүйелі жұмысы маңызды. Осы ретте тұрғындар үшін аса маңызды мәселе шешім тауып, байланыс антеннасы құрылғаны қуантарлық жаңалық.

Қазақстан және Қызылорда облысының жаңалықтары