<a href="https://kyzylorda-news.kz/">Kyzylorda-news.kz</a> Алматы қаласында жер сілкінісі тағы да қайталанды.Жер сілкінісі Қытай аумағында Алматыдан 262 шақырым жерде тіркелген. Деректер бойынша сағат 2.01-де Талғарда 2 баллдық жер асты дүмпулері сезілген. Сейсмологтар 2 баллдық жер сілкінісі болғанын растады.Фото: freepik.com

Алматыда тағы да жер сілкінісі болды

<a href="https://kyzylorda-news.kz/">Kyzylorda-news.kz</a> Бірыңғай жинақтаушы зейнетақы қоры салымшыларының зейнетақы жинағы 2023 жылы 3,2 триллион теңгеге ұлғайды.&nbsp;&nbsp;2024 жылғы 1 қаңтарда Бірыңғай жинақтаушы зейнетақы қоры салымшыларының шотында 17,9 триллион теңге зейнетақы жиналды.&nbsp;2023 жылы жинақ сомасы 3,2&nbsp;трлн теңгеге немесе 21,8% ұлғайды.&nbsp;Зейнетақы басым сомасы міндетті зейнетақы жарнасы (МЗЖ) есебінен қалыптасып, 17,3&nbsp;трлн теңгеге жетті (2023 жылғы өсім&nbsp;— 21,6%).&nbsp;Міндетті кәсіптік зейнетақы жарналары (МКЗЖ) бойынша сома&nbsp;— 568,5&nbsp;млрд теңге (2023 жылғы өсім&nbsp;— 27,6%), ерікті зейнетақы жарнасы (ЕЗЖ)&nbsp;— шамамен 5,3&nbsp;млрд теңге (2023 жылғы өсім&nbsp;— 48,3%) болды.&nbsp;2023 жылы салымшылардың шотына шамамен 2,2&nbsp;трлн теңге көлемінде зейнетақы жарнасы түсті.&nbsp;Ол&nbsp;өткен жылғы көрсеткіштен 434,6&nbsp;млрд теңгеге немесе 25,2% артық.&nbsp;Жарнаның жалпы көлемінің 95,5% БЖЗҚ-ға МЗЖ есебінен түсетін түсім құрайды. Оның көлемі&nbsp;— 2,1&nbsp;трлн теңге (бір жылдағы өсім&nbsp;— 25,3%).&nbsp;МКЗЖ есебінен 95,5&nbsp;млрд теңгеден астам қаражат түсті (бір жылдағы өсім&nbsp;— 24%). ЕЗЖ көлемі 2,3&nbsp;млрд теңге.&nbsp;Зейнетақы жинақтарының едәуір өсуіне салымшылардың зейнетақы жарналары есебінен ғана емес, сонымен қатар 2023 жылы шамамен 1,6&nbsp;трлн теңгені құраған таза инвестициялық кірістің арқасында қол жеткізілді. Бұл өткен жылдың көрсеткіштерінен 685,4&nbsp;млрд теңгеге немесе 77,7% артық.&nbsp;БЖЗҚ-дағы жеке зейнетақы шотының саны 12,3&nbsp;млн болды.&nbsp;2023 жылы БЖЗҚ салымшыларына 591,3&nbsp;млрд теңге төледі.&nbsp;Оның ішінде тұрғын үй жағдайларын жақсарту және емделу мақсатындағы біржолғы зейнетақы төлемдері (БЗТ) ­- 284&nbsp;млрд теңге болса, жасына байланысты төлемдер&nbsp;— 150,6&nbsp;млрд теңге, сақтандыру ұйымдарына аударымдар&nbsp;— 54&nbsp;млрд теңге, мұрагерлік бойынша төлемдер&nbsp;— 52,6&nbsp;млрд теңге, Қазақстаннан тыс жерлерге тұрақты тұруға кетуге байланысты төлемдер&nbsp;— 39,8&nbsp;млрд теңге, жерлеуге берілетін төлемдер&nbsp;— 7,5&nbsp;млрд теңге және мүгедектік бойынша төлемдер&nbsp;— 2,8&nbsp;млрд теңге.&nbsp;Атап кету керек, зейнет жасына толуға байланысты БЖЗҚ-дан кесте бойынша орташа айлық төлем сомасы&nbsp;— 32 202 теңге, ал&nbsp;ай&nbsp;сайынғы төлемнің ең жоғарғы сомасы&nbsp;— 742 692 теңге.&nbsp;Естеріңізге сала кетейік, өткен жылдың сәйкес кезеңінде ай&nbsp;сайынғы төлемнің орташа сомасы&nbsp;— 29 973 теңге, ал&nbsp;ай&nbsp;сайынғы төлемнің ең жоғары сомасы&nbsp;— 707 326 теңге еді.&nbsp;&nbsp;&nbsp;Дереккөз: <a href="https://kaz.inform.kz/">kazinform</a>Фото: Нұрболат Нұржаубай

Еліміздегі ең ауқатты зейнеткер 742 мың теңге зейнетақы алады

Фото: Оралхан Дәуіттің әлеуметтік желідегі парақшасынан.&nbsp;Тараз қаласындағы №54 мектепте денешынықтыру пәні "для галочки" өте ме?Фото: Оралхан&nbsp;Тараз қаласындағы №54 орта мектептің пайдалануға берілгеніне бар-жоғы 15-ақ жыл болған. Алайда білім ошағының қазіргі жағдайына назар аударсаңыз, 15 жыл емес, 150 жыл бұрын соғылған нысан екен деп ойлап қалуыңыз әбден мүмкін. Мәселесі шашетектен, деп хабарлайды <a href="https://inbusiness.kz/kz">Inbusiness.kz</a> сайты.Мәселен өткен жылы Жамбыл облыстық қоғамдық кеңесінің мүшелері білім ордасына арнайы барып, зерделеу жұмыстарын жүргізген болатын. Сонда мектептің қабырғалары жарылғаны, қар еріп немесе жауын жауса төбесінен су ағатыны белгілі болды. Сол кезде мектеп директоры Раиса Дастенқызы білім ошағының күрделі жөндеуді қажет ететінін, алайда қаржы бөлінбегенін сөз еткен. Қаржы мәселесі шешілмесе керек, мектепке күрделі жөндеу жұмыстары әлі күнге дейін жүргізілген жоқ.Жуырда аталған мектепке зерделеу жұмыстарын жүргізген Жамбыл облыстық мәслихатының депутаттары басқа да бірқатар мәселелерге қанығып қайтты. Зерделеу барысында анықталған кемшіліктерді Жамбыл облыстық мәслихатының депутаты, белгілі журналист Оралхан Дәуіт "Facebook" әлеуметтік желісіндегі парақшасында жазды.Тараз қаласындағы мектептерде денешынықтыру сабағы қалай өтеді, мектептердің спортзалы қандай, қалай жабдықталған, спорт үйірмелерінің жұмысы көңіл көншіте ме? Міне, Жамбыл облыстық мәслихатының депутаттары осы мәселелерді зерделеу мақсатында білім ошақтарын аралап жүр. Көптеген мектептердің спортзалы тар, ескі, жабдықтары тозған. Көбісі салқын.Бізді әсіресе, Тараз қаласындағы №54 мектептегі жағдай таңқалдырды. Мектептің пайдалануға берілгеніне оншақты жыл болған. Сыртқы келбетінен тоза бастағаны байқалып тұр.Бізді таңқалдырғаны, спортзалында екі сынып оқушылары денешынықтыру пәнін өтіп жатса, тағы бір бұрышында үйірме жұмыс істеп жатыр. Сонда залда үш сынып қатар сабақ өтіп жатыр деген сөз.Ал бір бұрышта оқушы балалар жиналып, әңгімені соғып отыр. Сұрасақ, бұлар зал суық деп шешініп, спорттық киімдерін киюден бас тартқан оқушылар екен. Зал шынында салқын.Қысқасы бұл мектепте денешынықтыру пәні "для галочки" өтіп жатқан сияқты. Залда денешынықтыру емес, той, мереке болып жатқандай, бәрі абыр-сабыр... Бет-бетімен жүр.Қайтып бара жатқанда бір мұғалімнен "Бұл мектепте оқушылар шамадан тыс көп болғандықтан осындай жағдай болып жатқан шығар" деп сұрадық. "Жоқ, оқушы саны норма, анау айтқандай артық бала жоқ. Қайта жақында біраз баламыз жаңадан ашылған №64 мектепке ауысып кетіп, азайып қалдық қой" деп қалды...Ендеше денешынықтыру пәні бойынша неге тиімді кесте жоқ? Зал неге салқын? Оқушылар мен мұғалімдер неге сабаққа салғырт қарайды?" деп алаңдаушылығын білдіреді депутат.

Бір спортзалда үш сынып сабақ өтуге мәжбүр

Фото: kzvesti.kz.&nbsp;<a href="https://kyzylorda-news.kz/ru">Kyzylorda-news.kz.</a> Алматыдағы зілзала қазақстандықтарды әбден алаңдатты. о: IstockОсы орайда&nbsp;<a href="http://inbusiness.kz/">inbusiness.kz</a> тілшісі "Қызылорда облысында да жер сілкінуі мүмкін бе?" деген сауалға жауап іздеп көрді.&nbsp;Қызылордалық құрушы-инженер Бекназар Әбсадықов Қызылорданың жер сілкінісі болмайтын сейсмикалық аймаққа жататынын айтады. Десе де, "Жаман айтпай, жақсы жоқ" екенін ескертіп, қауіп-қатерге дайын болуға шақырады.<blockquote>- Табиғи апаттың айтып келмейтіні анық. Әлемде небір қауіп-қатерлер болып жатыр. Сондықтан облысымыздағы ғимараттарды антисейсмикалық тәсілмен салып, апаттан сақтанған жөн.&nbsp; Негізі, Қызылорда аумағы зілзала болмайтын сейсмикалық аймаққа жатады. Десе де, 1970 жылдары Өзбекстанның Бұхара облысында 8 балдық жер сілкінісі тіркелді. Бұл аумақтағы тұңғыш зілзала болды. Геологиялық зерттеулер бойынша мамандар сейсмикалық аймаққа саналмайтын жердегі зілзаланың себебін жер астынан табиғи газ бен мұнайдың алынуынан көрді, - дейді ол.&nbsp;</blockquote>Сондай-ақ, инженер табиғи апаттан соң ғимаратты қайта тұрғызуға болғанымен, құрбандарды қайта тірілту мүмкін емес екенін еске салады. Сондықтан, "құрылыс сапасына мән беретін күн жетті" деп есептейді.<blockquote>- Жер сілкінісіне шыдамды, сапалы құрылыс нысандарын салсақ, экономикалық тұрғыда зияны болмайды. Осы күні салынып жатқан кейбір ғимараттар зілзалаға төтеп береді деп ойламаймын. Құлаған тұрғын үйлерді қайта тұрғызуға болса да, құрбан болғандарды қайта тірілту қолдан келмейтінін Түркиядағы апат ұғындырды ғой. Сақтық пен саулықты сақтаған дұрыс, - деп жалғастырды сөзін.&nbsp;Бір жыл бұрын Қызылорда облысы аумағында 2 балдық жер сілкінісі тіркелген болатын. Бұл ақпаратты уақытында Қызылорда облысы ТЖД хабарлады.&nbsp;</blockquote><blockquote>- 2023 жылғы 21 наурызда сағат 21-ден 57 минут өткенде Алматы Сейсмология институты операторының хабарлауынша, жер сілкінісі тіркелді, оның эпицентрі Ауғаныстан аумағында Алматы қаласынан оңтүстік-батысқа қарай 848 шақырым жерде орналасқан.Жер сілкінісінің энергетикалық класы – 16.1. MPV магнитудасы – 7.8. Қызылорда қаласында және Жаңақорған ауданында – 2 балл. Зардап шеккендер мен қираулар туралы ақпарат болған жоқ, - деп хабарлаған болатын.</blockquote>Қалай десек те, сақтансаң сақтайды. Сондықтан, табиғи апат кезінде не істеу керектігіне мән берген дұрыс.&nbsp;

Қызылорда сейсмикалық аймаққа саналмайды, бірақ...

&nbsp;Kyzylorda-news.kz. Павлодар қаласында белгілі тіл жанашыры, қоғам белсендісі Руза Бейсенбайтегін қамауға алды. Әлеуметтік желіде осындай ақпарат тарады, деп хабарлайды Dalanews.kz.Мәселен, блогер Оңғар Қамбденнің жазуынша, оны полиция мен жедел жәрдем қызметі мамандары психдиспансерге жеткізген.“Павлодарға отыз жетінші жыл келді.Кеше кешкі сағат 17.00-де Кереку көшелерінің біріндегі Халық банктен белгілі тіл жанашыры Руза Бейсенбайтегін полициясы бар, жедел жәрдемі бар бәрі алып кеткен. Апарып жындыханаға жауыпты. Рузаның үстінен арыз жазған қазақ жігіті екен. Мен Руза апайға еркінен тыс психотроптық дәрілер егіп тастады ма деп қорқамын”, – делінген автордың жазбасында.Оңғар Қабден тілдің, ұлттың мәселесін көтергендердің осылай биліктің қырына ілінетінін атап өтеді. Ол мұның қауіпті үрдіс екенін де жеткізген.Тіл жанашырының жындыханаға жеткізілгенін Павлодар тұрғыны Сұңғат Сәрсенбаев растап отыр.Қоғам белсендісі психдиспансерге барып, Руза Бейсенбайтегімен кездескен. Оның айтуынша, 24 қаңтарда көшеде кетіп бара жатқан Руза Бейсенбайтегінен белгісіз ер адам бір мекенжайды сұраған.Сол ер адаммен арада тілге қатысты кикілжің туып, ақыры ол “Мына әйелдің дені сау емес” деп психдиспансер өкілдерін шақырған. Көп ұзамай жедел жәрдем келіп, күштеп алып кеткен.Ал мұндай жағдайда дәрігерлер адамды тексеріп, консилиум жасап, содан кейін шешім шығаруы тиіс. Сондай-ақ 22-72 сағат аралығында ғана ұстауға құқығы бар.“Бұл таза арандату деп ойлаймын. Шағым түсірген адам жөнінде диспансер ақпарат берген жоқ. Себебі тек адвокат немесе Руза Бейсенбайтегінің туыстары ғана ақпарат ала алады екен”, – деді Сұңғат Сәрсенбаев Азаттыққа.Ол қазір жылу жинап, адвокат іздеп жатқанын мәлімдеген.“Тіл жанашыры Руза апамыз бұл күндерге шыдап кетуі керек. Ол кісімен сөйлестік. Бәрі жақсы. Енді көшеден алып кетіп, психдиспансерге қамағаннан кез келген адам шок алады. Қазір адвокат іздеп жатырмыз” деді ол.Фото: respublika.kz

“Белгісіз бағытқа алып кеткен…”. Тіл жанашырын жындыханаға жапқаны рас па?

Фото: Ақорда<a href="https://kyzylorda-news.kz/ru">Kyzylorda-news.kz.</a> Мемлекет басшысы сейсмикалық қауіпсіздік мәселелері бойынша кеңес өткізіп, министр Сырым Шәріпхановтың аталған сала маманы ретінде теориялық білімі бар екенін, бірақ нақты іске келгенде жұмысының нәтижесі көрінбей жатқанын айтты. Бұл туралы Stan.kz ақпарат агенттігі хабарлайды.Төтенше жағдайлар министрлігіне өз қызметін сыни тұрғыдан қайта таразылау міндеті жүктелді. Мемлекет басшысы министр Сырым Шәріпхановтың осы салада теориялық білімі бар болғанымен, нақты іске келгенде нәтижелі жұмыс істей алмай жатқанын айтты.<blockquote>“Қазіргі жұмыс көңілден шығады деп айтуға келмейді. Министр Шәріпхановқа ескертемін. Егер сіз өз жұмысыңызды ауыр санайтын болсаңыз, ашығын айтыңыз, ғылыми-оқытушылық қызметіңізге қайтарамыз. Онда тұрған ештеңе жоқ. Қазіргі ахуал өте күрделі және жауапты, еліміздің қауіпсіздігіне тікелей байланысты. Сондықтан бәріміз жинақы, ұқыпты және белсенді болуымыз қажет. Басқа жол жоқ. Президент Әкімшілігі бүгін айтылған барлық мәселені бақылауда ұстайды”, – деді Мемлекет басшысы.</blockquote>Президент Алматының азаматтық қорғаныс жүйесі жер сілкінісіне дайын болмай шыққанын атап өтіп, бір ай ішінде қаражаттың қайда кеткенін анықтауды тапсырды.<blockquote>"2021 жылы жеті министрліктің бірлескен бұйрығымен Қазақстан Республикасының 2021-2023 жылдарға арналған сейсмикалық қауіпсіздігін қамтамасыз ету жұмыстарының тиімділігін арттыру жөніндегі шаралар кешені бекітілді. Басқа да міндеттерді қоса алғанда, бұл құжатта Алматы қаласы үшін жойқын жер сілкіністері туралы автоматтандырылған ерте хабарлау жүйесін енгізу көзделген еді. Әдеттегідей, берілген есепте бәрі дұрыс. Осы мақсаттарға бөлінген қомақты қаражат игерілген, нысандарды қабылдап алу актісіне қол қойылған. Бас прокуратураға Сыбайлас жемқорлыққа қарсы іс-қимыл агенттігімен бірлесіп, осы мәселемен айналысуды және бір айдың ішінде қаражаттың қайда жұмсалғанын, дабыл жүйесінің неге жұмыс істемегенін анықтауды тапсырамын. Соған қарағанда, бүкіл елімізде өткізілген 27 мың сейсмикалық жаттығу мен 2,5 мың семинардың да түк пайдасы болмады", – деді Мемлекет басшысы.</blockquote>Қасым-Жомарт Тоқаев сейсмология саласын дамытудың 2024-2028 жылдарға арналған кешенді жоспарын әзірлеп жатқан үкіметке сейсмикалық қауіпсіздікті қамтамасыз ету тәсілдерін қайта қарауды тапсырды. Сонымен қатар Президент бұл жұмыстың нәтижелерін бағалаудың нақты өлшемдерін әзірлеуді және тиісті шаралар қабылдауды талап етті.<blockquote>"Сейсмологиялық мониторинг пен жер сілкінісін болжау жүйесін түбегейлі жетілдіру қажет. Азаматтар алғашқы дүмпуге дейін бірнеше секунд бұрын Google сервисі ескерту жасағанын айтып жатыр. Біздің жүйелер бұлай істей алмады. Біз елімізде "смарт-қалалар" құруға ниеттіміз. Оларды басқару жаңа технологияларға, соның ішінде жасанды интеллект саласындағы соңғы жетістіктерге негізделуі керек. Сондықтан әлем бойынша тиімділігі дәлелденген инновациялық шешімдерді қолданысқа белсенді түрде енгізу қажет. Үкімет қысқа мерзім ішінде заманауи технологияларды қолдануға қатысты оңтайлы шешім шығаруы керек. Әрине, сейсмикалық қауіпті аймақта орналасқан еліміздегі ең ірі қала ретінде Алматыға басымдық берген жөн. Білікті сейсмологтар мен басқа да мамандарды даярлауға ерекше назар аудару қажет", – деді Президент.</blockquote>Мемлекет басшысының пікірінше, Алматыдан бөлек, еліміздің басқа да аймақтары жер сілкінісіне дайын болуға және қажетті инфрақұрылымды қамтамасыз етуге тиіс.<blockquote>"Тұрғындар жиналатын және олар уақытша паналайтын арнайы орындарды тексеру керек. Сондай-ақ азаматтарды қауіпсіз жерге көшіру, зардап шеккендерге жедел жәрдем беру, көшпелі емдеу орындарын ашу жұмысын тиімді ұйымдастыру қажет. Сонымен қатар материалдық резерв жеткілікті болуға тиіс. Тағы бір маңызды мәселе. Апат болған жағдайда басқа аймақтардан құтқару қызметін жедел жеткізуді қамтамасыз ету керек", &nbsp;– деді Қасым-Жомарт Тоқаев.</blockquote>Сонымен қатар Президент тұрғындардың төтенше жағдайға дайындығын қағаз бетінде емес, іс жүзінде жақсарту қажет екенін атап өтті<blockquote>"Негізгі міндет – азаматтардың қауіпсіздігін қамтамасыз ету. Бұл, ең алдымен, ұлттық қауіпсіздік мәселесі. Төтенше жағдайлар кезінде барлық салалық құрылым жедел әрекет етіп, үйлесімді жұмыс істеуі керек. Дүрбелең мен хаосқа жол бермей, жағдайды тұрақтандырып, апаттың ауыр салдарын мүмкіндігінше жеңілдету үшін дұрыс және уақытылы әрекет ету маңызды.Төтенше жағдайларға сақадай сай болу – үкімет бастаған мемлекеттік органдардың ортақ міндеті", – деді Президент.</blockquote>Қасым-Жомарт Тоқаев жиындағы сөзін қорытындылай келе, Алматы қаласының тұрғындарын дүрмекке ермей, дүрбелеңге салынбауға шақырды.<blockquote>"Сабыр сақтаңыздар және әр нәрсеге байыппен қараңыздар. Дүрбелеңге салынып, түрлі қауесет пен жалған ақпаратты қасақана тарататын арандатушылар мен жауапсыз адамдардың жетегіне еріп кетпеңіздер. Нағыз алматылықтар әрқашан ақыл-парасатымен және ұстамдылығымен ерекшеленген. Ел басшылығы сіздердің қауіпсіздіктеріңізді қамтамасыз ету үшін қолдан келгеннің бәрін жасайды. Оған күмән болмасын. Алматылықтардың талап-тілегі әрдайым біздің басты назарымызда, – деді Президент.</blockquote>

Мемлекет басшысы төтенше жағдайлар министріне ескерту жасады

<a href="https://kyzylorda-news.kz/ru">Kyzylorda-news.kz.</a>&nbsp; Қазіргі таңда Қызылорда облысы кәсіпкерлер палатасы жанында 5 кеңес жұмыс істейді.Өнеркәсіп, агроөнеркәсіп кешені, адами капиталды дамыту және бизнестің әлеуметтік саясаты, сауда, қызмет көрсету және туризм, құрылыс кеңесі.Сонымен бірге, облыстың 7 ауданы мен Байқоңыр қаласында аудандық кеңестер құрылған.Кеңестің негізгі мақсаты: Өңірлік палатаға тиісті өңірдің аумағында кәсіпкерлікті дамыту үшін қолайлы жағдайлар қалыптастыруға жәрдемдесу.Кеңестің негізгі міндеттері:1) кәсіпкерлік қызмет субъектілерін өңіріміздегі кәсіпкерлікті дамыту саласындағы мемлекеттік саясатты іске асыруға тарту; 2) елеулі әлеуметтік-экономикалық маңызы бар және өңірімізде кәсіпкерлікті дамыту саласындағы мемлекеттік саясатты іске асыруға бағытталған бастамаларды ұсыну және қолдау; 3) өңіріміздің кәсіпкерлігін дамытудағы басымдықтарды айқындау жөнінде ұсыныстар әзірлеу; 4) азаматтарды, қоғамдық бірлестіктерді және бұқаралық ақпарат құралдарының өкілдерін азаматтардың кәсіпкерлік қызметке құқығын іске асыруға қатысты мәселелерді талқылауға және осы мәселелер бойынша ұсынымдар әзірлеуге тарту. 26 ақпанға дейін осы кеңес құрамын аймақтың белсенді, саланы дамытуға үлес қосқысы келетін кәсіпкерлерімен толықтыру көзделіп отыр.Осыған орай, Кеңес мүшесі болуға ниетті кәсіпкерлер болса Палатаға хабарласуына болады. &nbsp;Қызылорда облысы кәсіпкерлер палатасы бойынша жауапты мамандар: Абзал Шәмшиев, Мадина Қасымжан, Назым Мұрсал, Құралай Ниязбаева. Тел.: 8 /7242/ 40-09-81.Арал ауданы – Нұрсауле Ембергенова &nbsp;8 778 730 89 80; Қазалы ауданы – Маржан Ким &nbsp;8 702728 41 41; Қармақшы ауданы мен Байқоңыр қаласы – Алмат Утегенов 8 702 446 63 27; Жалағаш және Сырдария аудандары – Асылхан Балмаханов 8 747 282 56 88; Шиелі ауданы – Бекзатхан Бауыржанұлы 8 702 701 32 72; Жаңақорған ауданы – Асылжан Жолдасбеков 8 702 116 20 99.&nbsp;

Кеңес мүшесі болуға ниетті кәсіпкерлер қайда хабарласады?

<a href="https://kyzylorda-news.kz/ru">Kyzylorda-news.kz.</a> Қазақстан Республикасының Бас Прокуроры Берік Асылов Біріккен Араб Әмірліктеріне жұмыс сапарымен барып, онда БАӘ Әділет министрі Абдулла бин Сұлтан бин Ауад әл-Нуаймимен және осы елдің Бас прокуроры Хамад Сейф әл-Шамсимен кездесулер өткізді, деп хабарлайды Бас прокуратураның баспасөз қызметі.Әріптестер ведомствоаралық ынтымақтастықты кеңейту және халықаралық қауіпсіздікті қамтамасыз ету мәселелерін талқылады.Қазақстанның бас қадағалау органының басшысы өз сөзінде ҚР мен БАӘ ұқсас сын-қатерлер мен қауіптерге тап болатындығын, сондықтан қылмыспен күрес мәселелерін бірлесіп шешу, үздік жұмыс тәжірибесімен үнемі алмаса отырып, заманауи сын-қатерлер мен қауіптерге қарсы тұру ерекше маңызды екенін атап өтті.Сондай-ақ Қазақстанның Бас Прокуроры қылмыстық-құқықтық саладағы екіжақты ынтымақтастықтың кейбір аспектілеріне, атап айтқанда іздеуде жүрген адамдарды экстрадициялауға және қылмыстық істер бойынша құқықтық көмек көрсетуге тоқталды.Сонымен қатар араб тарапының заңсыз алынған активтерді қайтару мақсатында оларды іздеу үшін жасанды интеллектті пайдалану тәжірибесі талқыланды.&nbsp;Сапар нәтижесінде Қазақстан Республикасының Бас прокуратурасы мен БАӘ Әділет министрлігі арасындағы ынтымақтастық бағдарламасына қол қойылды.Тараптар оны жүзеге асыру қылмысқа қарсы күрес саласындағы халықаралық ынтымақтастықты одан әрі нығайта түсетініне сенім білдірді.<figure class="image"><img src="https://knadmin.beoblood.kz/uploads/e4202f14415b324f306ea522e0867faa_1280x720_187fc48fba.jpg" alt="e4202f14415b324f306ea522e0867faa_1280x720.jpg"></figure><figure class="image"><img src="https://knadmin.beoblood.kz/uploads/4504b379f3d117ca8cb393ddccbf2abf_1280x720_1ef2d0b143.jpg" alt="4504b379f3d117ca8cb393ddccbf2abf_1280x720.jpg"></figure>

Қазақстанның Бас Прокуроры БАӘ-ге жұмыс сапарымен барды

<a href="https://kyzylorda-news.kz/ru">Kyzylorda-news.kz.</a> Ақпарат құралдарында кәмелет жасқа толмағандарға жасалған зорлық-зомбылық фактілеріне қатысты материалдар өте жиі айтылады. Тіпті қоғамдағы өзекті мәселеге айналды. Кім кінәлі? Біріміз мұғалім, біріміз құқық қорғау органдарын айыптап жатамыз. Ата-ана қайда? Шындап келгенде бұл мәселеге бүкіл қоғам жауаптымыз және қоғам болып күресуіміз керек.&nbsp;Мемлекет басшысының кәмелетке толмағандарға жасалған зорлық-зомбылықтың кез келген түріне қатысты жазаны күшейту қажеттігі жөніндегі тапсырмасы өңірде қалай жүзеге асуда? Білім беру ұйымдарында кәмелетке толмағандарға қатысты зорлық-зомбылықтың алдын-алу мәселесіне сәйкес психологиялық қолдау қызметін күшейту мен бірыңғай сенім телефонын ұйымдастыруда не істеліп жатыр? Осы өзекті мәселе «AMANAT» партиясы облыстық филиалы жанындағы партиялық бақылау комиссиясы отырысында талқыланды.<blockquote>«Кәмелетке толмағандармен және оларға қарсы жасалатын қылмыстардың алдын-алу мақсатында өткен жылы 7743 құқық бұзушы ішкі істер органдарына жеткізілсе, оның 306 кәмелетке толмағандар. Түнгі уақытта заңды өкілісіз тұрғын үй жайдан тыс жерде жүрген 5743 кәмелетке толмағандардың заңды өкілдері әкімшілік жауапкершілікке тартылды. Алайда қаншама профилактикалық жұмыстар жүргізілгенімен 2023 жыл көлемінде кәмелетке толмағандарға қарсы жасалған қылмыстар саны 2012 жылмен салыстырғанда 21,4 пайызға өсім алған», - дейді облыстық полиция департаменті, Жергілікті полиция қызметі басқармасы басшысының орынбасары Рауан Алдешов.</blockquote>Облыстық білім басқармасының балалар мен жасөспірімдерді әлеуметтік қорғау бөлімінің басшысы Шолпан Жүнісованың айтуынша "Балаларға қатысты зорлық-зомбылықтың алдын алу және оған ден қою бойынша білім беру ұйымдары қызметкерлерінің іс-қимылы алгоритміне" сәйкес әр оқиғаға қатысты шұғыл әрекет ететін аудандық және облыстық мобильді топтар құрылған.Олар бүгінгі күні 31 оқиға басында болып,12 сағат ішінде зорлық көрген баланы отбасында қалдыру немесе қалдырмау жөнінде шешім шығарған.&nbsp;Жиын барысында балалар мен жасөспірімдер арасындағы қауіп-қатер тобын анықтау үшін мектеп психологтары мен әлеуметтік педагогтардың жұмысын арттыру, баланың бос уақытын тиімді ұйымдастыру, ата-аналар комитеті, әкелер, аналар кеңестері жұмысын біріктіру, арнайы әлеуметтік маңызы бар бейнероликтер әзірлеп, БАҚ және әлеуметтік желілерде, мектептерде жариялау, тәрбиелі балаларды, олардың ата-аналарын қолдап, оларды насихаттау секілді ұсыныстар ортаға салынды.Отырыс соңында партияның облыстық филиалы жанындағы Партиялық бақылау комиссиясының 2024 жылға арналған жоспары бекітіліп, комиссия құрамына өзгерістер енгізілді. &nbsp;&nbsp;Фото: Нұрболат Нұржаубай

Қызылордада кәмелетке толмағандар арасында қылмыс көбейген 

&nbsp;<a href="https://kyzylorda-news.kz/">Kyzylorda-news.kz</a> &nbsp;«Адвокаттық қызмет және заң көмегі туралы» Қазақстан Республикасының заңы (бұдан әрі-заң) білікті және сапалы заң көмегіне сенуге құқылы қарапайым азаматтардың құқықтары мен мүдделерін қамтамасыз етуге бағытталған. Сонымен қатар, «Е-Заң көмегі» бірыңғай ақпараттық жүйесінің сілтемелері арқылы адвокат немесе заңгерді таңдауға болады. Ақпараттық жүйені іске қосудың негізгі мақсаты халықтың білікті заң көмегіне қол жеткізуін оңайлату, сондай-ақ халықты заң көмегімен қамтамасыз ету жөніндегі адвокаттық қызметті және Заң консультанттарының қызметін автоматтандыру. Бұл туралы Әділет департаментінің бас маманы &nbsp;М.Французова &nbsp;тоқталып өтті.Құқықтық ақпарат беру түріндегі мемлекет кепілдік берген заң көмегін тегін алуға барлық жеке және (немесе) заңды тұлғалардың құқығы бар.&nbsp;&nbsp;&nbsp;&nbsp;&nbsp; Заңңың 26-бабына сәйкес құқықтық консультация беру түріндегі мемлекет кепілдік берген заң көмегі:&nbsp;&nbsp;&nbsp;&nbsp;&nbsp; 1) алименттер өндіріп алу, зейнетақы мен жәрдемақылар тағайындау, ақтау, босқын немесе қандас мәртебесін алу мәселелері бойынша жеке тұлғаларға, ата-анасының қамқорлығынсыз қалған кәмелетке толмағандарға;&nbsp;&nbsp;&nbsp;&nbsp;&nbsp; 2) мәртебесіне немесе жағдайына байланысты құқықтары мен заңды мүдделерін қамтамасыз ету және қорғау мәселелері бойынша сексуалдық зорлық-зомбылық, адам саудасы, терроризм актісі құрбандарына не азаптауларға ұшыраған құрбандарға;&nbsp;&nbsp;&nbsp;&nbsp;&nbsp; 3) асыраушысының қайтыс болуынан келтірілген зиянды өтеу мәселелері бойынша жеке тұлғаларға;&nbsp;&nbsp;&nbsp;&nbsp;&nbsp; 4) жұмысына байланысты денсаулығының зақымдануынан келтірілген не қылмыстық құқық бұзушылықпен келтірілген зиянды өтеу мәселелері бойынша жеке тұлғаларға;&nbsp;&nbsp;&nbsp;&nbsp;&nbsp; 5) Ұлы Отан соғысына қатысушылар, жеңілдіктер бойынша Ұлы Отан соғысына қатысушыларға теңестірілген адамдар, сондай-ақ басқа мемлекеттердің аумағындағы ұрыс қимылдарының ардагерлері, мерзімді қызметтегі әскери қызметшілер, бірінші және екінші топтағы мүгедектігі бар адамдар, жасы бойынша зейнеткерлер болып табылатын, кәсіпкерлік қызметпен байланысты емес мәселелер бойынша жеке тұлғаларға;&nbsp;&nbsp;&nbsp;&nbsp;&nbsp; 6) кәсіпкерлік қызметпен байланысты емес мәселелер бойынша көпбалалы отбасыларға;&nbsp;&nbsp;&nbsp;&nbsp;&nbsp; 7) кәсіпкерлік қызметпен байланысты емес мәселелер бойынша жан басына шаққандағы орташа айлық кірістері облыстарда, республикалық маңызы бар қалаларда, астанада белгіленген кедейлік шегінен төмен табысы аз адамдарға (отбасыларға) осы Заңда және Қазақстан Республикасының заңнамасында белгіленген тәртіппен көрсетіледі.&nbsp;&nbsp;&nbsp;&nbsp;Аталған адамдар тұрғылықты жеріне және орналасқан жеріне қарамастан Қазақстан Республикасының аумағында мемлекет кепілдік берген заң көмегін мемлекет кепілдік берген заң көмегін алу құқығын растайтын құжаттар негізінде мысалы, зейнетақы куәлігі, мүгедектігі туралы анықтама, алимент өндіріп алу мәселелері бойынша – баланың (балалардың) туу туралы куәлігі және т. б. алуға құқылы.

«Е-Заң көмегі»: адвокат немесе заңгерді таңдауға болады

<a href="https://kyzylorda-news.kz/ru">Kyzylorda-news.kz.</a> Былтыр Қызылорда облысында «Ауыл аманаты» жобасын жүзеге асыруға 3 млрд қаржы бөлінді. Жеңілдетілген несие алуға түскен 660 өтініштің 406-сы оң шешімін тауып, нәтижесінде аймақтағы 107 елді мекеннің тұрғындарына несие берілді. Жергілікті кәсіпкерлер қандай жобаларды қолға алды?Бесарықтағы «Сыр құсы» құс фермасыБесарық ауылындағы «Сыр құсы» ауылшаруашылық кооперативінің құс фермасы өңірдегі ет импортын азайтып, жергілікті халықты өз өнімдерімен қамтамасыз етеді. Бағдарлама бойынша бөлінген 27,6 млн теңгеге 3 шағын типті құс фабрикасы салынып, 4500 бас бройлер балапандары әкелінді. Жоспар бойынша, бройлер әкелінген сәттен бастап 30-55 күн ішінде олардың әрқайсысынан 1,5-2 кг ет алынады. Бүгінгі таңда екі құс фабрикасы толығымен іске қосылды, үшіншісінің құрылысы аяқталып, қажетті құрал-жабдықтар әкелінуде. Өнімді сату мәселесі де шешілді.<img src="https://knadmin.beoblood.kz/uploads/1_5a3c8c0eb1.jpg" alt="1.jpg">«Barly Bai &amp; K»: қызанақ пастасын өндіретін цехта тәулігіне 2 тонна өнім өндіріледіБидайкөл ауылындағы «Barly Bai &amp; K» кооперативінің қызанақ пастасын өндіретін цех бар. Өндіріс орнын ашу үшін басшысы Қанат Мұсаев 27,6 млн теңге несие алып, РФ-дан жабдықтар, атап айтқанда, томат пастасы мен консервіленген өнімдерді өндіру желісін сатып алған. Цехтың қуаттылығы - тәулігіне 2 тонна өнім өндіреді деп күтілуде, 2024 жылдың көктемінде іске қосылмақ. Осыған дейін сынама ретінде 25 мың банка томат пастасы, аджика, салат дайындалды. Жақында ғана өнім сапа сертификатын алды, енді тікелей сатуға еркін кірісе алады. Сонымен қатар, жобаны іске асыруға кооператив мүшелері ретінде тұқыммен, көшеттермен, минералдық тыңайтқыштармен қамтамасыз етілетін ауыл тұрғындары тартылды. Олардың өнімдері цехқа тиімді бағамен қабылданады. «Barly Bai &amp; K» басшысы «Байқоңыр ӘКК» АҚ-мен, көтерме сауда дүкендерімен және ірі сауда орталықтарымен келіссөздер жүргізуде. Алдағы уақытта Қанат Мұсаев өз өнімдерін облыстың барлық әлеуметтік дүкендерінде сатуды жоспарлап отыр. Олардың саны өңірде 30-дан асады.<img src="https://knadmin.beoblood.kz/uploads/422441489_3604133229859902_3049268560462471274_n_08f78008b4.jpg" alt="422441489_3604133229859902_3049268560462471274_n.jpg">«HONEYMOOD» кондитерлік цехының өнімдері Шиелі ауданының брендіне айналдыШиелі ауданындағы «HONEYMOOD» нан-тоқаш және кондитерлік цехының өнімдері ауданның нағыз брендіне айналды. Оның негізін қалаушы Жансая Имантаева 2019 жылы «Бастау бизнес» бағдарламасы бойынша өндірісті іске қосты, ал 2023 жылы істі кеңейту үшін «Ауыл аманаты» бағдарламасына қатысып, несиеге 7 млн теңге алды. Бүгінгі таңда «HONEYMOOD»-қа бір цех пен екі дүкен кіреді. Кәсіпкер «Мансап» орталығында оқуды бітірген жас мамандарды жұмыспен қамтамасыз етеді.<img src="https://knadmin.beoblood.kz/uploads/Auyl_amanaty_Kakie_proekty_zapustili_v_Kyzylorde_1_3e9e829d3e.jpg" alt="Ауыл аманаты. Какие проекты запустили в Кызылорде 1.jpg">«Мозик» тұз шахтасы: Жеке кәсіпкер 8,6 млн. теңге несие алғанБағдарлама аясында тек шағын бейінді жобалар ғана қолдау таппайды. Шиелі ауданында жеке кәсіпкер Бибінұр Мүталіпова тұзды бөлме ашты. Ол жергілікті тұрғындарға бронхитті, жүрек ауруларын, невроздарды, демікпені, аллергияны емдеу мен алдын алуға көмектеседі. Сондай-ақ, тұз бөлмесі тыныс алу жолдарын микробтардан қорғайды, ағзадағы зат алмасуды жақсартады, шаршауды азайтады және тері ауруларын емдейді. Бұл бірегей жобаға кәсіпкер 8,6 млн теңге көлемінде шағын несие алды.Айта кетейік, «Ауыл аманаты» бағдарламасы Мемлекет басшысының тапсырмасына сәйкес республиканың барлық өңірлерінде жүзеге асырылады және жылдық 2,5%-дан аспайтын номиналды сыйақы мөлшерлемесімен жеңілдікті шарттар бойынша шағын несие беруді қамтамасыз етеді. 2023 жылы бағдарлама арқылы 75,5 млрд теңгеге 12,2 мың шағын несие берілді. Ағымдағы жылы тағы 100 млрд теңге бөлу жоспарланған.<img src="https://knadmin.beoblood.kz/uploads/422570892_3604133303193228_2514634853168053706_n_73b8430dd1.jpg" alt="422570892_3604133303193228_2514634853168053706_n.jpg">Фариза ОМАРОВА &nbsp;

«Ауыл аманаты»: Жергілікті кәсіпкерлер қандай жобаларды қолға алды?

<a href="https://kyzylorda-news.kz/ru">Kyzylorda-news.kz.</a> Биыл облыс көлемінде эпизоотиялық тұрақтылықты сақтау мақсатында аса қауіпті ауруларға қарсы 7468,5 мың доза ветеринариялық препарат жеткізіледі деп жоспарлануда. Бұл жөнінде Өңірлік коммуникациялар қызметінде өткен брифингте облыстық ветеринария басқармасының басшысы Шахмардан Қойшыбаев хабарлады.<blockquote>&nbsp;Өткен жылы облыста ауыл шаруашылығы жануарлары арасында аса қауіпті 14 түрлі жұқпалы ауруды болдырмау, алдын алу және эпизоотиялық тұрақтылықты сақтау мақсатында 6973,5 мың доза ветеринариялық препарат жеткізілген. Осыған сәйкес, бірқатар аса қауіпті аурулардың алдын алу бойынша екпе егу жұмыстары 100 пайызға орындалды. Сонымен қатар, былтыр ҚР АШМ тарапынан бекітілген жоспарға сәйкес, облыста аса қауіпті аурулардың алдын алу бойынша симулятивті оқу-жаттығу шаралары өткізілді. Аталмыш шара барысында сібір жарасы ауруына күдікті жағдай тіркелген кезде жедел іс-қимыл әрекеттері жүргізілді. Атап айтқанда, ауру анықталғанда тиісті мекемелерге хабарлама беру, өлекседен потологиялық сынама алу, оларды ветеринариялық зертханаға жеткізу, карантин әдістерін белгілеу және сауықтыру жұмыстарын жүргізу әдістері көрсетілді. Былтыр сібір жарасы ауруына қарсы 1534,3 мың доза екпе әкелініп, төрт-түлік мал басына толық егілді. Ал, жұқпалы емес аурулардың алдын алу мақсатында 707,4 мың доза ветеринариялық препарат жеткізілген еді, – деді Шахмардан Сұлтанбекұлы.</blockquote>Облыс бойынша мал өлекселері мен биологиялық қалдықтарды тастайтын 146 мал қорымы бар. Соның ішінде ветеринариялық-санитариялық талаптарға сәйкес 90 типтік жобадағы мал қорымы жасақталған болса, қалған 56-ы қарапайым шұқырлар. Дегенмен, аймақтағы эпизоотиялық ахуалдың тұрақты болуына байланысты өңірде тіркелген мал саны өткен жылмен салыстырғанда 0,6 пайызға артып отыр.<blockquote>2023 жылы барлығы 465,2 мың бас жануар бірдейлендіріліп, ақпараттық жүйеге енгізілді. Ал биыл «Ветеринария туралы» ҚР Заңына сәйкес, 498,3 мың дана құлақ жапсырмасын сатып алу жоспарлануда. Қазіргі таңда мемлекеттік сатып алу конкурсы жүргізілуде. Бұдан бөлек, осы жылы бруцеллез ауруына қарсы барлығы 1956,5 мың бас жануарға диагностикалық тексеру жұмыстарын жүргізу жоспарланып отыр. Бүгінде облыс көлемінде аса қауіпті аурулар тіркелген жоқ. Эпизоотиялық жағдай тұрақты, – деді Шахмардан Қойшыбаев.</blockquote>

Қазақстан және Қызылорда облысының жаңалықтары