Фото: azattyq-ruhy.kz&nbsp;<a href="https://kyzylorda-news.kz/">Kyzylorda-news.kz.</a> «Қарызсыз қоғам» жобасы аясында қаржылық сауаттылық бойынша оқуға шақырады. Жобаны Қазақстан Республикасының Үкіметі «AMANAT» партиясымен бірлесіп іске асыруда. Өткен жылы еліміздің сегіз өңірінде 65 000 адам оқудан өтті. Біз жоба қатысушыларының жоғары бағасын алдық.Өтінімдерді қабылдау 2024 жылғы 8-29 қаңтар аралығында өтеді. Халықты оқыту 2024 жылдың 5 ақпанында басталады. Өтінімді тіркелген жері бойынша ауылдық әкімдікке немесе «AMANAT» партиясының кеңселеріне хабарласу арқылы беруге болады.Оқыту бес күнге созылады. Осы уақытішіндеСізотбасылықбюджеттіжүргізуді, шығындарыңызды басқаруды, несиелік қарыздарды мерзімінен бұрын өтеу бойынша ұсыныстар алуды, өзіңізге тиімді шарттармен несие таңдауды үйренуді, депозиттердің әртүрлі шарттарымен танысуды, ірі сатып алуларды жоспарлауды үйренуді және т. б. үйренесіз.Сондай-ақ оқыту шеңберінде қаржы сарапшылары жеке консультациялар өткізетін болады, ал қатысушылардың қалауы бойынша өз бизнесін ашу үшін мемлекеттік гранттық және кредиттік бағдарламаларға бизнес-жоспар жазуға көмектеседі. Жоба аясында сіз білікті заңкөмегін ала аласыз, егерСіздіңшоттарыңызғатыйымсалынғанболса, Сіздіңқарызыңызколлекторлықкомпанияғасатылған болса, Сізге несиелік қарызды қайта құрылымдау қажет және т. б.Барлық құжаттарды емайл-ға жіберіңіздер: bekmurzaeva_akmaral@mail.ru &nbsp;

«Қарызсыз қоғам»: Қаржылық сауаттылық бойынша оқуға шақырады

<a href="https://kyzylorda-news.kz/ru">Kyzylorda-news.kz.</a> &nbsp;Бұл бағытта бюджеттен 30 млрд теңге бөлу көзделген. Үкімет «Серпін» бағдарламасына осылай тың тыныс беруге тырысып отыр, - деп хабарлайды <a href="https://dalanews.kz/del-qazir/96924-auylga-baratyn-zhastarga-9-mln-tenggege-d">dalanews.kz</a>«Серпін» жобасы бойынша екі жылдық жұмыспен өтеу мерзімін аяқтаған жас мамандар (денсаулық сақтау, білім беру, әлеуметтік қамсыздандыру, мәдениет, спорт және агроөнеркәсіптік кешен саласында, ауылдар, кенттер, ауылдық округтер әкімдері аппараттарының мемлекеттік қызметшілеріне) «Дипломмен – ауылға» бағдарламасы шеңберінде әлеуметтік көмек ала алады. Онда 100 АЕК мөлшерінде біржолғы көтерме жәрдемақы және тұрғын үй сатып алуға немесе салуға бюджеттік кредит төлеу түріндегі қолдау ретіндегі әлеуметтік шаралар көзделген.<blockquote>– Бұдан басқа ауылды аумақтарды дамытудың 2023-2027 жылдарға арналған тұжырымдамасын іске асыру шеңберінде «Дипломмен – ауылға» жобасы бойынша мамандарға әлеуметтік қолдау көрсетуді жақсарту мақсатында 2024 жылғы 1 қаңтардан бастап көрсетілген бюджеттік кредит (1500 АЕК-тен 2500 АЕК-ке дейін, аудан орталықтары мен ауылды елдімекендер үшін 2000 АЕК-ке дейін) мөлшері ұлғайтылады. 2024 жылы 3,6 мыңнан астам маманға 30 млрд теңгеге бюджеттік кредит беру жоспарлануда, – делінген үкімет басшысының депутаттарға берген жауабында.</blockquote>Сонымен бірге, қолданыстағы бағдарламаларды жүйелеу мақсатында «Отбасы банк» АҚ-мен бірлесіп несиелеудің жеңілдікті шарттары бар жастар үшін бірыңғай тұрғын үй бағдарламасын іске асыру мәселесі пысықталған.Еске сала кетейік, депутаттар «Серпін» бағдарламасы тоқтағалы тұрғаны турасында осыдан екі жыл бұрын да дабыл қаққан. Ол тұста сенаторлар жеңілдіктің алынып тасталуы оңтүстік өңірден келген түлектердің солтүстік өңірлердегі колледждер мен жоғары оқу орындарында оқуға деген ынтасы құртатынын мәлім еткен еді.Фото: Нұрболат Нұржаубай

Ауылға баратын жастарға 9 млн теңге беріледі

<a href="https://kyzylorda-news.kz/ru">Kyzylorda-news.kz.</a> Қазақстан Globalpetrolprices рейтингі бойынша жанармайы ең арзан 20 елдің қатарына енді, деп хабарлайды Kazinform тілшісі.Басылымның хабарлауынша, әлем бойынша жанармайдың орташа бағасы литріне $1,29 құрайды.Сарапшылардың айтуынша, ең арзан жанармай Иранда - 0,029 доллар.Қазақстан бұл рейтингте 11-орында. Елімізде бір литр жанармай 0,539 доллар тұратыны хабарланды.Ресей 16-орында, онда жанармай құны 0,606 доллар. Сауд Арабиясында (18-орын) жанармай құны литріне 0,681 доллардан, ал Қырғызстанда (25-орын) 0,802 доллар.<blockquote>- Әр елде жанармай бағасының айтарлықтай айырмашылығы бар. Әдетте бай елдерде баға жоғары болса, кедей елдер мен мұнай өндіріп, экспорттайтын елдерде баға айтарлықтай төмен. Тек АҚШ экономикалық дамыған ел болғанымен жанармай бағасы төмен. Әр елдегі баға айырмашылығы жанармай салығы мен субсидиялардың әртүрлілігіне байланысты, - делінген материалда.</blockquote>Фото: Нұрболат Нұржаубай

Қазақстан жанармай арзан ТОП-20 елдің қатарына енді

<a href="https://kyzylorda-news.kz/ru">Kyzylorda-news.kz.</a>&nbsp; 3 баласын Қазақстанда тастап, Германияға табыс табуға кеткен келіншек әлеуметтік желіде өз оқиғасын айтып берді. Ол отбасы қамы үшін шетелге кетіп, елде қалған балалары үшін ауыр жұмыс істеп жүргенін айтады, – деп хабарлайды <a href="https://aikyn.kz/261117/tazalyk-shy-bop--10-ese-kop-tabamyn--k-azak-standyk---yel-3-balasyn-elge-tastap--germaniyada-zhu-mys-istep-zhurgenin-aytty">Aikyn.kz .</a><blockquote>"Бұл мақтаныш емес. Дәл мына жүрісім мақтаныш емес. Мен демалып, қыдырып жүргенімді көрсетіп жатқан жоқпын. Міне, қолымыз күс-күс болып, демалыс күні де тазалаймыз. Неге осындай қара жұмысты елде істесек те жағдайымыз жақсармайды? Әттеген-ай. 3 бала елде, жаным, жүрегім тыныш емес. Ұйқым тыныш емес", – деп ағынан жарылды.</blockquote>Тазалықшы боп жүрген келіншектің екі дипломы бар болып шықты.<blockquote>"Екі дипломым бар, жоғары білім алған қызбын. Бірақ мен 2019 жылға дейін мүгедек жандармен жұмыс істедім, көптеген қитұрқы әрекеттерге куә болдым. Ол жақта да жарымжан жандардың құқығын қорғаймын деп талай кедергіге тап болдым. "Әділдік жоқ екен ғой" деп шетел асып кеттім. Қазір балаларым кішкентай, аяққа тұрып алсам, елге барып қызметімді істеймін", – деді қазақ келіншек.</blockquote>Германияда жүріп, елдегі ең төменгі жалақыдан 10 есе көп табатынын да жасырмады.<blockquote>"Бұл елдің азаматы болмаған соң ешқандай құқығымыз жоқ. Сол үшін қолымыз күс-күс болып, қара жұмыс істеп жүрміз. Иә, сіздер алып жатқан 80 мың айлықтың 10-15 есе жоғары алып жатырмыз. Адал еңбегіміздің бағаланып жатқанына да шүкір. Жексенбі күні 2 сағат тазалықшы боп, 50 мың теңге табамын. Оны сіздер Қазақстанда жарты айда табасыздар, дұрыс па? Мен Қазақстанды жақсы көремін. Сіздердің де жағдайларыңыз жақсарса екен деймін", – дейді ол.</blockquote>Фото: Нұрболат Нұржаубай

"Тазалықшы болып, 10 есе көп табамын": қазақстандық әйел 3 баласын елге тастап, Германияда жұмыс істеп жүргенін айтты

<a href="https://kyzylorda-news.kz/ru">Kyzylorda-news.kz.</a>&nbsp;Банк менеджері тұрғындардың атынан несие рәсімдеп, 21 миллион теңгені қалтасына басқан. Бұл туралы <a href="https://kyzylorda-news.kz/bilim/mughalim-okhushyny-zorlady-degen-kuedikke-ilindi-11-01-2024">Aikyn.kz</a> хабарлайды.Қазығұрт аудандық полиция бөліміне бір топ аудан тұрғындары арызданды. Жәбірленушілердің айтуынша, олардың атына бейтаныс біреу заңсыз несие рәсімдегенін жеткізді.Аталған фактіні полицейлер «Алаяқтық» бабы бойынша тіркеді. Қылмысты тез арада ашып, күдіктіні анықтау мақсатында полицейлерден арнайы топ құрылып, жедел іздеуге кіріскен. Нәтижесінде, тәртіп сақшылары күдіктіні қолға түсірді.31 жастағы күдікті банк қызметкері болып жұмыс істеп жүрген уақытында мәселемен алдына келген клиенттердің құжаттарын пайдаланып, 70 мың теңге мен 1 миллион теңге аралығында несие рәсімдеп отырған. Осылайша, 47 адамды алдап, ақшаны өз пайдасына жұмсаған. Келтірілген шығын көлемі – 21 миллион теңге.Күдікті қамауға алынды. Сотқа дейінгі тергеу жүргізіліп жатыр.Фото: Нұрболат Нұржаубай&nbsp;

Банк менеджері 47 адамның атынан кредит алған

<a href="https://kyzylorda-news.kz/ru">Kyzylorda-news.kz.</a> Қазгидромет синоптиктері 12 қаңтар, жұмаға арналған ауа райы болжамын жариялады.&nbsp;Қазақстан аумағының басым бөлігінде атмосфералық фронттардың әсерінен ауа райының тұрақсыз, құбылмалы сипаты сақталады.Жауын-шашын (көбіне қар) жауады.&nbsp;Ел бойынша тұман түседі, көктайғақ, бұрқасын, екпінді жел болжанады.Фото: gov.kz

Жұмаға арналған ауа райы болжамы 

Фото: облыс әкімінің баспасөз қызметі&nbsp;<a href="https://kyzylorda-news.kz/ru">Kyzylorda-news.kz.</a> Бүгін облыс әкімі Нұрлыбек Нәлібаев Мемлекет басшысының «Әкімдердің халықпен кездесулерін өткізу туралы» Жарлығына сәйкес Қазалы ауданының Жалаңтөс батыр, Қ.Пірімов және Басықара ауылдық округтерінің тұрғындарымен кездесті. Оған ҚР Парламенті Мәжілісінің депутаттары Мұрат Әбенов, Мархабат Жайымбетов, Мұрат Ергешбаев қатысты.Мемлекет басшысының бұл тапсырмасы көптеген мәселеге қозғау салып, қалың ел тарапынан қолдау тапты. Мұндай кездесулерде мәселелер ашық талқыға салынып, алдағы бағыт белгіленеді, осыған сай жұмыс жүйесі құрылады. Халықтың әлеуметтік түйткілдер туралы ұсыныстары, талап-тілектері ескеріледі. Азаматтық қоғам қалыптастырудың алғышарттары осындай іс-әрекеттерден бастау алады.​Аймақ басшысы кездесуде өткен жылдың қорытындылары, жетістіктері, туралы қысқаша баяндады, содан соң тұрғындардың ұсыныс-пікірлерін тыңдады.<blockquote>​«Өткен жылы атқарылған жұмыс аз емес, жаңа басталған жылға арналған жоспарымыз былтырғыдан да ауқымды. Алдымызға бастамаларымызды әрі қарай жалғастырып, соңына дейін жеткізу, жаңа жобаларды жүзеге асыру міндеті қойылған. Мемлекет басшысы Қасым-Жомарт Кемелұлы қазан айындағы арнайы жұмыс сапары кезінде өңірде атқарылған жұмыстармен танысып, оң бағасын бергенін білесіздер. Сол сапарда Президент облыстың инфрақұрылымын дамытуға қатысты тарихи шешімдер қабылдады. Сол шешімдердің игілігін халық көруі үшін қыруар тірлік атқарылуы тиіс.Аймақта экономиканың барлық негізгі көрсеткіштерінде өсім бар. Өңірлер арасында тамыз айынан бері үздіктер қатарында – алғашқы үштіктеміз. Осыдан бір жарым жыл бұрын облыс бюджеті 387 млрд теңгені құраса, облыстық мәслихат сессиясында 2024 жылдың бюджеті 650 млрд теңге болып бекітілді. Жыл соңына дейін салық түсімдерін арттырып, жаңа өндіріс орындарын ашу арқылы бюджетті 700 млрд теңгеден асырамыз. Бұған резервтеріміз бар. Соңғы жылдары аймағымыз қарқынды құрылыс алаңына айналып, республика бойынша алдыңғы қатардамыз. 2023 жылы 177 жобаны жүзеге асыруға 87,1 млрд теңге бөлініп, 2022 жылмен салыстырғанда 3,5 есе артты. Биыл 110 құрылыс нысанын салуға 94,5 млрд теңге бөлінді. Қаражат жыл аяғына дейін едәуір көбейеді. Бұл қаржы өңірдің сан саласындағы мәселелерді шешуге бағытталмақ», – деді Нұрлыбек Машбекұлы.</blockquote>​Кездесуде ауылдық ардагерлер кеңесінің төрағасы Сайын Дәуіт бата берді. Сондай-ақ, ардагерлер мен ауыл азаматтарына марапат тапсырылды.Айта кетейік, биыл Қазалы ауданының Ақтан батыр, Жанқожа батыр, Бекарыстан би, Майдакөл, Ү.Түктібаев елді мекендеріне газ құбырын тарту басталады. «Ауылдық денсаулық сақтауды жаңғырту» ұлттық жобасы аясында көпбейінді орталық ауруханаға қосымша ғимарат салынбақ. Кәукей ауылында 100 орындық ауылдық клуб құрылысы жүруде. Жақын күндері Майдакөл ауылында да клуб салу қолға алынады. Бекарыстан би, Қожабақы ауылдары мен Әйтеке би кентінде жаңа спорт кешені бой көтереді.<img src="https://knadmin.beoblood.kz/uploads/418446839_673970311590883_9021027513799787027_n_8e41530e61.jpg" alt="418446839_673970311590883_9021027513799787027_n.jpg"><img src="https://knadmin.beoblood.kz/uploads/418471412_673976741590240_5727565545311526454_n_5ceb790ac4.jpg" alt="418471412_673976741590240_5727565545311526454_n.jpg">

Облыс әкімі Қазалы ауданының тұрғындарымен кездесті

<a href="https://kyzylorda-news.kz/ru">Kyzylorda-news.kz.</a>&nbsp; Қызылжардағы сұмдық оқиға әлеуметтік желіде таралды,- деп хабарлайды <a href="https://newsroom.kz/82873/s-mdy-m-alim-8-synyp-o-ushysyn-zorlady-ma">newsroom.kz.</a>28 жастағы жігіт оқушы қызды зорлады деген күдікке ілінді. Бейресми мәліметтерде оның дене шынықтыру пәнінің мұғалімі екені айтылады. Ал 8 сынып оқушысы Аққайың ауданындағы Смирнов ауылының тұрғыны.Солтүстік Қазақстан облыстық полиция департаменті аталған оқиғаға қатысты сотқа дейінгі тергеу басталғанын хабарлады.<blockquote>28 жастағы ер адамның 14 жасар кәмелет жасқа толмаған қызбен жыныстық қатынасқа түскенін анықталды. Күдікті уақытша ұстау изоляторына қамалды, - деп хабарлады ПД өкілдері.</blockquote>Аталған факті ҚР қылмыстық кодексінің 122-бабы 1-бөлігі бойынша, яғни “он алты жасқа толмаған адаммен немесе сексуалдық сипаттағы өзге де әрекеттер жасау” бойынша сотқа дейінгі тергеу амалдары басталды.Фото: Нұрболат Нұржаубай

Мұғалім  оқушыны зорлады деген күдікке ілінді

Фото: Н.Әуесбаевтың facebook парақшасынан<a href="https://kyzylorda-news.kz/ru">Kyzylorda-news.kz.</a> &nbsp;Қызылорда облысына жұмыс сапарымен ҚР Парламенті Мәжілісінің депутаты Нұрлан Әуесбаев келді.&nbsp;&nbsp;Ол қаладағы «Orda Glass Ltd» ЖШС — шыны зауытында болды. Қызылорда индустриалды аймағындағы шыны өндіру зауыты «Қазақстандықтардың әл-ауқатын арттыруға бағытталған орнықты экономикалық өсу» ұлттық жобасы аясында өткен жылдың қазан айында іске қосылды. Көпті күттірген жоба алдағы уақытта жемісін берері анық. Қазірдің өзіңде 167 мың тоннаға жуық шыны өнімін өндірді.&nbsp;<blockquote>«Шыны зауыты – осы аймақтағы ірі өндіріс орындарының бірі. Ондағы технологиялық процестердегі негізгі компоненттері осы жергілікті жерден шығады. Мысалы, кварц құм және шыны шығаруға қажетті құмның басқа да түрлері бар. Мұндағы жұмысшылардың құрамын алып қарасақ, қытай мен қазақтар тепе-теңдікте және ең жақсы тұсы – келісім мен инвестжобада қазақстандық жұмысшыларға технологияны қолдануды үйрету, оқыту, тәжірибе жинақтауға жағдай жасау мәселелері қарастырылған. Қарапайым жұмысшылардың да, инженерлердің де арасында қазақ азаматтарының саны басым екен. Бұл қуантады», – деп атап өтті депутат Нұрлан Әуесбаев. &nbsp;</blockquote>

Мәжіліс депутаты шыны зауытының жұмысымен танысты

<a href="https://kyzylorda-news.kz/ru">Kyzylorda-news.kz.</a> Юта штатында тұратын Алисаның шын есімі – Ләззат. Қарағандыда дүниеге келген қазақ қызды америкалық отбасы асырап алған, – деп хабарлайды <a href="https://aikyn.kz/261148/balamdy-bask-alarg-a-berdim--amerikalyk-tar-asyrap-alg-an-k-azak--k-yzy-2-zhasar-u-ly-bar-ekenin-aytty">Aikyn.kz </a>El.kz-ке сілтеме жасап.4 жасқа дейін балалар үйінде тәрбиеленіп, қазақы ортада танымы қалыптасқан бүлдіршінді Америкаға алып кетеді. Ләззат отанымнан айырылған соң басынан көп қиындық өткенін жасырмады. &nbsp;<blockquote>"Өзімнің кім екенімді түсінбей өстім, мен кіммін деген сұрақты көп қойдым. Тұманның ішінде жүргендей көріндім. Мені асырап алғандар бір нәрсені қайталай беретін. Жетімдер үйінде қалғаныңда ішкенің ірің, жегенің желін болатын еді дегенді қайталай беретін. Қазақстанда тұрсаң өмірің нашар болатын дейтін. Өз елімнен, мәдениетімнен жұлынып қалғандағы күйімді сезіндірмеді. Сөзбен аямай сабады", – дейді Ләззат «Шетелдегі қазақ балалары» бағдарламасына берген сұхбатында.</blockquote>Ауыр сынақты кешіп, жақын деген жандарынан қолдау таппаған Ләззат қамқорлықты басқалай сезінуге тырысқан. Қазір Ләззаттың 2 жасар ұлы бар.<blockquote>"Бір жігітпен кездесіп жүргем, арамызда қатты сезім де болмады. Бірде бар, бірде жоқ болып кететін. Сөйтіп жүргенде қалай бала көтеріп қалғанымды білмедім", – дейді ол.</blockquote>Ләззаттың бойына біткен бала да араларындағы сезімді оятпапты. Америкалық жігіт өз жөнімен кеткен екен. Ләззат өз өмірін реттей алмай жүргенде баланың өмірін құртып аламын деп ойлап, баласын ашық түрде асырап алатын отбасыға беріпті. 2 жастағы ұлының ата-анасы қазір оны биологиялық анасымен жиі кездестіріп тұратын көрінеді.Ләззат өзін кішкентайынан өсірген адамдардан психологиялық қысым көрген.<blockquote>"Мені бағып алған кісілер миыма бір нәрсені құя беретін. "Біз асырап алғандықтан ғана сен жақсы өмір сүріп жатырсың, жетімдер үйінде қалсаң ішкенің ірің, жегенің желім болатын", деп қайталап айта беретін. "Қазақстанда тұрсаң өмірің өте нашар болатын еді", дейтін. Ана тілімнен, төл мәдениетімнен, туған жерімнен жұлынып кеткендегі күйінішті сезінуге мүмкіндік бермейтін. Басып тастайтын. Ойымды өзгертуге тырысатын. Ұрып-соққан жоқ, қол көтерген жоқ, бірақ сөзбен аямай сабады. Ауыр сөзбен-ақ жанымды тілгілеп жаралағандарын өздері де түсінбеген шығар. Олар маған эмоциялық тұрғыдан зорлық-зомбылық жасады. Сезімдерімнің құнын түсірді, қорлады. Олардың түсінігінде "осыған да қайғыра ма екен" деген кекесін болды. Менің басымнан өтіп жатқан дүниені маңызды деп есептемей, түкке тұрғысыз қылды", – деді Ләззат сұхбатында.</blockquote>Фото: Нұрболат Нұржаубай

АҚШ-тағы тастанды қазақ қызы өз баласын басқа отбасыға асырауға беріпті

Фото: dknews.kz<a href="https://kyzylorda-news.kz/">Kyzylorda-news.kz.</a> &nbsp;Денсаулық сақтау министрлігі бұған дейін ведомствоның Telegram-арнасында министр Ажар Ғинияттың отставкаға кетуі туралы өтініші бар материалға сілтеме не себепті берілгенін түсіндірді. Бұдан бөлек, министрлік петиция туралы да айтты, деп хабарлайды <a href="https://sn.kz/sn-akparat-agyny/109021-densaulyk-saktau-ministrligi-kazakstandyktardyn-undeuine-zhauap-berdi">Skifnews.kz</a> ақпарат порталы.Министрліктің түсіндіруінше, бұл жарияланым осы петицияны теріске шығаратын материалды орналастыру кезіндегі қателіктің нәтижесінде пайда болған.Петиция мазмұны шындыққа сәйкес келмейтіндіктен, оның үстіне сенімсіз ақпаратпен азаматтарды адастыратындықтан, департаменттің баспасөз қызметі теріске шығару мәтінін дайындаған, – деді Денсаулық сақтау министрлігі.Сондай-ақ ведомство пайдаланушылардан алдымен әлеуметтік желідегі парақшаларында репост жасауды сұраған бұл петицияға қол қою механизмі азаматтар үшін ашық дауыс беру жүйесін қамтамасыз етпейтінін айтты.<blockquote>Денсаулық сақтау министрлігі жалған ақпарат себептері, тексерілмеген дереккөздер пайдаланылып, тікелей арандатушылықтар қолданылған ақпараттық шабуылдардың нысанасына бірнеше рет айналды. Бұқаралық ақпарат құралдарындағы жалған ақпарат арқылы беделге нұқсан келтіру әрекеттеріне қарамастан, министрлік мемлекеттік орган ретінде әрқашан ашықтық пен жариялылық саясатын ұстанатынын және сындарлы диалог пен пайдалы пікірталасқа әрқашан дайын екенін атап өткіміз келеді, – деді &nbsp;ведомство өкілдері.</blockquote>Айта кетейік, бұған дейін желіде Денсаулық сақтау министрі Ажар Ғинияттың отставкаға кетуін сұрап онлайн түрде петиция жарияланғаны белгілі болған. Оған әзірге 584 адам қол қойған.

Денсаулық сақтау министрі Ажар Ғиният отставкаға кете ме?

Фото: pixabay.com<a href="https://kyzylorda-news.kz/">Kyzylorda-news.kz.</a> Халқымыздың ежелден бері келе жатқан рухани байлықтарының бірі ол – отбасылық құндылықтар. «Бала айтқанды емес, көргенді істейді», «ұядан не көрсең, ұшқанда соны ілерсің» және «Отан – отбасыдан басталады» атты нақыл сөздердің болуынан қазақтың отбасылық құндылыққа аса мән бергенін аңғаруға болады. Елдің келешегі мен оның болашақта тұтқасын ұстайтын азаматтар тәрбие көріп өскен жанұялардан шығатынын сөзсіз. Бірақ, бүгін балаға отбасыда дұрыс тәлім беріп жүрміз бе? Отбасылық құндылықтарымызды қалай сақтаймыз? Бақытты жанұя болуы үшін не істеу керек? Осы секілді сұрақтарға отандық психологтар пікірлерін білдірді, деп хабарлайды <a href="https://el.kz/baqytty-otbasy-bolu-ushin-ayel-men-erkek-ten-boluy-kerek-psiholog-maman_103379/">Еl.kz</a>.Отбасы құндылықтарының алғышарты боп саналатын дүние бұл – жанұя мүшелерінің адамдардың бір-біріне деген сүйіспеншілігі мен қамқорлығы, махаббаты. Шынында отбасы негізін махаббат сезімі құрайды. Оған қоса, өзара түсіністік керек. Отбасы психологі Ерлан Мұстафиннің айтуынша, отбасында үйлесім болуы үшін олардың ортақ қызығушылықтары болғаны жөн.<blockquote>Отбасында бірлескен істерді атқаруға дағдылануы керек. Ол кітап оқу, серуендеу, саяхат болуы әбден мүмкін. Бұл отбасыны берік ете түседі. Ортақ құндылық қалыптастыру да өте маңызды. Ерлі-зайыптылардың құндылықтары бөлек болмауы керек, олар ұқсас болуы керек. Егер олар әртүрлі құндылықтардың негізінде өмір сүрсе, өзара түсінісу де қиын болады. Бір-біріне деген сүйіспеншілік пен махаббат ер мен әйелдің арасындағы романтикалық сезімнің негізінде ғана емес, адами сүйіспеншілік ретінде қалыптасуы абзал, - дейді психолог маман.</blockquote>Бақытты отбасы құрудың өзі – құндылық. Өйткені, қоғам ол жеке адамдардан құралады. Қоғам бақытты адамдардан құралуы үшін соған сай жекелеген әр отбасы мүшесі өзін бақытты сезінуі тиіс. Ал, бұл отбасы құрған ерлі-зайыптылардың қарым-қатынасына байланысты. Білікті психолог, жас жұбайларға кеңес берумен айналысатын маман Тәуекел Ақнұрдың мәлімдеуінше, отау құрған жандардың жанұясының бірлігі берік болуы үшін олар жауапкершілік алудан қашпауы қажет.<blockquote>Ең бастысы шаңырақ көтеру, неке қию, отбасын құру дегеніміз жаңа мемлекет құру екенін ескерген жөн. Өйткені отбасы ол кіші мемлекет. Ері мен жұбайы өз ролін жауапкершілікпен атқарса онда ол отбасының болашағы бар. Жаңа отау құрғандар жауапкершілік алудан қорықпаса екен деймін,- деп атап өтті Тәуекел.А.</blockquote>Отбасылық құндылықтар тақырыбы қозғалғаннан кейін, қоғамның проблемаларының біріне айналған ажырасу мәселесі туралы да айтып өту керек. Өйткені, қазіргі таңда жаңадан шаңырақ әрбір бесінші жұптың бірлігі ойран болуда. ҚР Ұлттық статистика бюросының мәліметінше, Қазақстанда 2022 жылдың қаңтар мен желтоқсан айлары аралығында 128,5 мың жұп шаңырақ көтерген, ал 17,7 мың отбасы ажырасқан екен. Халқымызда: «ауруын жасырған өледі» деген аталы сөз бар. &nbsp;Яғни, бұл да біздің дертке айналып бара жатқан мәселе. Отбасылық психолог Ержан Мырзабаевтың айтуынша, ажырасудың көп болуы отбасылық құндылықтардың құлдырауынан болады.<blockquote>Отбасы құндылықтары дегеніміз бір отбасының экологиялық өмір сүруі, дамып өсуі үшін қажетті құндылықтары. Мысалы, адалдық, сүйіспеншілік, сыйластық, кешірімділік, сабырлылық, бір біріне қолдау білдіруі. Осындай ұғымдар отбасы құндылықтары түсінігіне жатады. Бұл құндылықтар бар болса, бір отбасы өседі, дамиды, отбасы мүщелерінің барлығы бақытты болады. Ал егер отбасылық құндылықтар болмаса, адамда жиі ұрыс-керіс жанжал болады, отбасы&nbsp; мүшелері бақытсыз болады және мұндай отбасы ұзаққа бармайды. Қазіргі таңда отбасында проблемалар жиі туындап жатса, демек осы құндылықтардың құлдырауынан, құндылықтардың толық ұсталмауынан туындап жатады”, - деді психолог Ержан.</blockquote>Жанұя болғаннан кейін, ыдыс-аяқ сылдырламай тұрмайды. Түсініспеушілік пен реніш отбасылық өмірдің ажырамас бөлігі екенін де ұмытпаған жөн. Бұл да адам тағдырында болатын ақ пен қараның қатар жүретіндігі секілді заңдылық. Алайда, мамандардың мәлімдеуінше, отбасыны сақтап қалу үшін проблема туындаған сәтте шешуге тырысу керек. Осы ретте отбасылық психолог Ержан Мырзабаев&nbsp; отбасын сақтап қалу үшін ең маңызды үш нәрсе бар екендігін айтты.<blockquote>Көбінесе ерлі-зайыптылар бір-біріне көңіл бөліп, арнайы отбасылық күнді белгілеп қойғандары дұрыс. Сол күнде отбасы мүшелері бас қосады, бір-біріне көңіл бөліп, бірін-бірі тыңдайды, қуанышқа толы уақыт өткізеді. Бұл неге керек? Сондай сәттерде отбасы мүшелері арасында психоэмоционалды байланыс пайда болады.Ол байланыс күшейген сайын, отбасы берік болады.Екіншісі, отбасы психологиясы төңірегінде білім алу. Кейде отбасын сақтап қалу керегін біледі де, бірақ нақты не істеу керегін білмейді. Отбасының өзінің даму динамикасы бар. Даму динамикасына сай белгілі бір кезеңдерде кездесетін проблемалар, олардың алдын-алу жолдары және шешу жолдары бар. Осыны алдын-ала арнайы курстар оқып, білімін жетілдіретін болса, онда кез келген сәтке дайын болып отырады.Үшіншісі, еркек пен әйел адам арасындағы қарым-қатынаста теңдікті қалыптастыру. Яғни, еркек әйелін өзінің теңі қылу керек, әйел еркекті өзінің теңі ету қажет. Серіктестік тұрғысынан қарым-қатынас құрылатын болса, сонда ондай отбасылар берік болады. Бұл отбасыларда бір-бірін тыңдау, сыйлау, пікірлерімен санасу жақсырақ болады, – дейді отбасылық психолог.</blockquote>Отбасылық құндылық пен жанұядағы жағдайдың жақсарғаны жақсы. Бірақ, қазіргі қоғамның дертіне айналған тұрмыстық зорлық-зомбылықты да естен шығармау керек. БылтырМемлекет басшысы Қ.Тоқаев барлық мүдделі тұлғаларды, оның ішінде азаматтық қоғам өкілдерін, белсенділер мен тәуелсіз сарапшыларды тарта отырып, әйелдер мен балалардың құқығын қорғауға, отбасындағы зорлық-зомбылыққа жол бермеуге қатысты өзекті мәселелерді көтерген болатын. Педагогика және психология ғылымдарының магистрі, практик психолог Жайнагүл Маденова зорлық-зомбылықтың түбегейлі шешудің жолы бұл - оған қарсы қоғам қалыптастыру дейді.<blockquote>Қатыгездіктің емі – оған төзбейтін қоғам қалыптастыру. Біздің қоғамда табу болған бірнеше тақырып бар. Соның бірі – осы физикалық және жыныстық зорлық-зомбылық. Иә, айту өте ұят, тіпті, өзіңнен жасырған дүниелерді сыртқа шығаруыңа тура келеді. Мұнсыз болмайды, "Ауруын жасырған адам өледі" деп бекер айтылмаған. Мысалы, Оңтүстік Кореяны алайық. Жуырда бір танымал актер шылымды жерге тастағаны үшін айыппұл арқалады, әлеуметтік желіде миллиондаған жағымсыз пікір жазылды. Журналистер телехикаяның тұсаукесерінде үш рет бетіне басып, кешірім сұратты. Ақырында өте мықты тақырыпты қозғаған телехикаяның рейтингі төмендеді. Осыдан кейін актерді түсірілімге шақыратындар да азаятыны сөзсіз. Яғни, қоғам әп-сәтте барлығын орнына келтірді. Біз "Ең бастысы маған тиісіп жатқан жоқ" деп теріс айналмауымыз керек. Тікелей бір оқиғаны бөліспесек те, барлығымыз жанама түрде атсалыса аламыз. Әлеуметтік желідегі флешмобқа қосылыңыз, заңгер ретінде көмек беріңіз, мақала жазыңыз және т.б. Қол ұшын созамын деген адамға жол көп. Ал егер жақыныңыз зорлық-зомбылық құрбаны болса, жеке алып шығып жағдайы туралы сұраңыз. Көмектесуге әзір екеніңізді жеткізіңіз, - дейді маман.</blockquote>Отбасылық құндылықты сақтайтын, тұрмыстық зорлық-зомбылыққа жол бермейтін қоғам қалыптастыруда әр адамның мойнында. Өйткені, қоғамды құрайтын «біз» екенімізді ұмытпайық!

Қазақстан және Қызылорда облысының жаңалықтары