<a href="https://kyzylorda-news.kz/">Kyzylorda-news.kz.</a> 8 наурыз – Халықаралық әйелдер күні қарсаңында Оқу-ағарту министрі Ғани Бейсембаев еліміздің әр өңірінде ұстаздық қызметте жүрген көпбалалы педагог-шеберлерді құттықтады.&nbsp; &nbsp;Министрмен кездесуге келген Түркістан облысы Жетісай қаласының тұрғыны, батыр ана Жанат Кертайқызы жұбайымен бірге алты ұл және екі қыз тәрбиелеп отыр. Ұстаз-шебер өмірінің 44 жылын тарих пәнін оқытуға арнаған.<blockquote> «Мен Қазақстанның барлық мұғалімдерін, әріптестерімді Халықаралық әйелдер күнімен шын жүректен құттықтаймын! Біздің жауапкершілік пен ыждахаттылықты талап ететін ұрпақ тәрбиелеудегі жұмысымызда шығармашылық табыс, зор денсаулық пен сарқылмас сабыр тілеймін» – деді ұстаз.&nbsp;</blockquote> &nbsp;Ғани Бейсембаев құттықтау сөзінде қоғамда әйелдердің ерен еңбегінсіз даму мүмкін емес екенін атап өтті. Олардың ұрпақ тәрбиесіндегі маңызды рөлін ешкім жоққа шығара алмайтынын жеткізді.&nbsp; &nbsp;<blockquote>«Сіздер тәуелсіз еліміздің болашағы – жас жеткіншектерімізді, ұлдарымыз бен қыздарымызды тәрбиелеп, бүкіл елдің игілігі жолында еңбек етіп келесіздер. Өздеріңізді Халықаралық әйелдер күні мерекесімен құттықтай отырып, шынайы алғысымды білдіргім келеді. Сіздер кәсіби шеберліктеріңіз бен қажыр-қайраттарыңыздың арқасында ана мен ұстаз міндетін қатар алып жүрсіздер. Сіздерге осы жолда зор денсаулық, сарқылмас сабыр тілеймін. Өмірлеріңіздің әрбір сәті бақытты кезеңдерге толы болсын» – деді, министр.&nbsp;</blockquote>Мейрам қарсаңында еліміздің бас ұстазы педагогтерді «Білім беру ісінің құрметті қызметкері» және «Ы. Алтынсарин» төсбелгілерімен марапаттады. Марапат алғандардың қатарында елордадағы №96 мектеп-гимназия директоры Сәуле Теменова, физика пәнінің мұғалімі Дәмелі Қошқарбаева, сондай-ақ бастауыш сынып мұғалімдері – Ақшегүл Ақмағамбетова, Меруерт Қабиева, Апидаш Рахымжанова, Гүлнар Ишанбай; Қазақ тілі мен әдебиеті пәнінің мұғалімдері – Майра Шайхиева, Лаура Семеева, Светлана Жұманова, Алтынгүл Шаймағанбетова , Әсел Ерментаева; Орыс тілі және әдебиетінің мүғалімдері – Нұргүл Оспанова, Әлия Нұрахметова; математика пәнінің ұстаздары – Маржангүл Әбдікәрімова, Бағлан Құсманова, тарих пәнінің мұғалімі Жанат Айдағараева және ағылшын тілі пәнінің мұғалімі Ақмарал Сайфутдинова бар. Айта кетейік, бүгінде Қазақстанның білім беру ұйымдарында 470 мыңға жуық әйел педагог еңбек етеді.

Оқу-ағарту министрі көп балалы ұстаздарды мерекемен құттықтады

&nbsp;<a href="https://kyzylorda-news.kz/">Kyzylorda-news.kz</a> Сырдария ауданының әкімі Берік Сәрменбаев аудандық мәслихат төрағасы Ержан Әжікенов және спорт саласының ардагерлерімен бірге аудандық спорт клубына барып, жас тоғызқұмалақшылармен кездесті. Кездесуде аудан басшысы жақында Алматыда өткен тоғызқұмалақтан ҚР чемпионатында бірінші орын иеленген Бексұлтан Бостандықовты жетістігімен құттықтады.– Бексұлтан Еуропа, Азия чемпионы болып, еліміздің мерейін асқақтатты. Ұлттық спортымыздың дамуына үлес қосып, көптеген жетістіктерге жетіп келе жатыр. Жылдың басын үлкен жеңіспен бастап, ҚР чемпионы атанды. Осы жетістігімен биылғы Түркия мемлекетінде өтетін Әлем чемпионатына жолдама алды. Көптеген шәкірт тәрбиелеп жүрген халықаралық дәрежедегі спорт шеберіне Әлем біріншілігін бағындыруға тілектестігімді білдіремін, – деді Берік Әбдіғаппарұлы.&nbsp;Аудан әкімі ҚР Чемпионына «Алғыс хат» табыс етіп, сый-құрмет көрсетті.Мұнан соң Б.Бостандықов тоғызқұмалақ спортымен шұғылданушы жас спортшылардың жетістіктерімен таныстырды. Аудан басшысы ҚР жасөспірімдер арасындағы командалық чемпионатының жеңімпазы Тоқшылық Әнелмен тоғызқұмалақ ойынын ойнап, биіктерді бағындыруына тілектестігін білдірді. Жас спортшыға тоғызқұмалақты сыйға берді.Айта кетейік, бүгінде ауданда 150-ге жуық спортшы тоғызқұмалақ ойынымен шұғылданады. Олар түрлі деңгейдегі жарыстарға қатысып, жетістіктерге жетуде.

Аудан әкімі спортшылармен жүздесті 

<a href="https://kyzylorda-news.kz/">Kyzylorda-news.kz</a>&nbsp; Ел халқының негізгі мәселесінің бірі – баспаналы болып, қоныс тойын тойлау. Қазіргі таңда пәтер жағалап, «көшпелі қазаққа» айналған жандар қаншама. Шын мәнінде, еліміздің жастары «Дипломмен ауылға» мемлекеттік бағдарламасының шапағатын сезініп келеді. Әрине, 20 миллион халқы бар республика аумағында баспана – басты қажеттілікке айналды. Мемлекеттік бағдарламаның игілігін көрген 53 сырдариялық жас маман биыл меншікті баспанасында қарсы алған болатын.Жайлы тұрғын үйге қол жеткізбеген көпшіліктің тұрмыс сапасы төмендейтіні рас. Ұлттық статистика бюросының таратқан мәліметіне сүйенсек, тұрғын үй нарығындағы жаңа баспана бағасы 2022 жылмен салыстырғанда былтыр тамыз айында 4,4 пайызға өскен. Жылдар бойы пәтер жағалаған көпшілік үшін мемлекеттік бағдарламаның пайдасы зор. Бюджеттік саланың әрбір маманы үй алуға тиісті құжат дайындап, өз үйіне қол жеткізе алады. Аудандық экономика және қаржы бөлімі жүзеге асыратын «Дипломмен ауылға» мемлекеттік бағдарламасы арқылы жастардың тұрғын үй мен көтерме жәрдемақы алуына 2023 жылдың сәуір айында аудандық мәслихаттың шешімі шығарылған. Сонымен қатар арнайы аудан әкімінің Қаулысы негізінде сала мамандарына тиісті қаражат төленіп келген.Өткен жылы тұрғын үй сатып алу үшін 269,1 млн теңге қаржы бөлініп, жекелеген жас маманға бюджеттік несие берілген. Баспаналы болған жастардың арасында денсаулық сақтау, мәдениет, спорт, агроөнеркәсіп, мемлекеттік қызмет саласының қызметкерлері бар. Айта кетейік, мемлекет тарапынан берілетін атаулы жәрдемақыны былтыр 108 маман алған. Оларға аудан қазынасынан 37,2 млн теңге қаржы қарастырылған.<blockquote>– Мемлекет жастардың баспаналы болуына айрықша қолдау көрсетіп отыр. Нарық заманында баспана салудың өзіндік машақаты көп. Негізінен, «Дипломмен ауылға» мемлекеттік бағдарламасы аудан халқының өз баспанасына қол жеткізуіне барлық мүмкіндікті қарастырып отыр. Қазіргі уақытта тұрғын үй алу барысы «Отбасы банкі» бойынша жүргізіледі. Жыл басында 52 адамға тұрғын үй алуға қаржы бөлінсе, үнемделген қаражат есебінен қосымша 1 адамның үйлі болуына қолдау көрсетілді, – дейді аудандық экономика және қаржы бөлімінің басшысы Ерлан Ахетов.</blockquote>Осыдан 15 жыл бұрын қолданысқа енгізілген «Дипломмен ауылға» мемлекеттік бағдарламасы аясында тұрғын үйге қол жеткізген білім саласының маманы Жандос Сансызбаев игілікті бастама жөнінде пікірін білдірді.<blockquote>– Мен үш жылдан бері білім саласында қызмет етіп келемін. Ең алғаш Қызылорда қаласындағы Қазанғап атындағы Қызылорда музыкалық колледжінде студенттерге дәріс бердім. Негізінен, біздің әулетіміз Сыр өңіріне музыка саласын меңгерген майталман мамандармен танымал. Кейіннен туған ауылыма келіп қызмет ету бақыты бұйырды. Зайыбым – Гүлжанат Мұсаханова да ағартушылық саласының өкілі. Өткен жылы мемлекеттік бағдарлама негізінде Тереңөзек кентінен 4 бөлмелі баспана алған болатынбыз. Әркез өнердегі аяқ алысымызға отбасымыздың үлкендері шын қуанып, тілектестік білдіріп отырады. Биылғы жылы өз баспанамызда қарсы алғанымызға дән ризамыз, – дейді Жандос Сансызбаев. &nbsp;</blockquote>Фото: freepik

Жас мамандар «Дипломмен ауылға» бағдарламасының шарапатын сезінуде

&nbsp;<a href="https://kyzylorda-news.kz/">Kyzylorda-news.kz</a> Сырдария ауданында&nbsp; электр желілерінің тозығы жетуіне байланысты жаңғырту жұмыстары өткен жылы басталды. «Қуатты өңірлер – ел дамуының драйвері», «Ауыл – ел бесігі» бағдарламалары аясында 2023 жылы Аманкелді, Айдарлы, Жетікөл және Қоғалыкөл елді мекендерінің электр бағаналары мен желілері, трансформаторлары толық жаңартылған болатын.&nbsp;Сондай-ақ, былтыр аудандағы үлкен ауыл – Шағанда да бұл жұмыстар бастау алған еді. Жоба құны – 1,1 млрд. теңге. 2023 жылы 227 млн. теңге бөлініп, толық игерілді.Биыл аталған елді мекендегі электр бағаналары мен желілерін, трансформаторларды жаңарту жұмыстары жалғасуда. Аудан әкімі Берік Сәрменбаев атқарылып жатқан жұмыстарды көрді.&nbsp;Мердігер мекеме – "Энергомера" ЖШС-нің өкілі жоспарлы жұмыстар жүргізіліп жатқанын атады. Бүгінгі күнге 38 шақырым электр желісі жаңартылып, 190 бағана орнатылған.Аудан әкімі электр бағаналары мен желілерін, трансформатордарды толық ауыстырғаннан кейін елді мекенде бұған қатысты мәселе болмайтынын жеткізді. Сондықтан мердігер мекеме өкілдеріне жұмыстарды сапалы әрі мерзімінде атқаруды ескертті. Тиісті салалық орынбасар мен бөлім басшысына және ауыл әкіміне үнемі бақылауда ұстауды тапсырды.

Шағанда электр бағаналары мен желілері жаңартылуда

&nbsp;<a href="https://kyzylorda-news.kz/">Kyzylorda-news.kz</a> Жасұлан Өмірбаев бала күнінен спортты жанына серік еткен. Білікті де білекті бапкер оқушы кезінде еркін күреспен шұғылданады. Кейін гір спорты мен қол күреспен айналысуды дағдыға айналдырады. Қазір шәкірт тәрбиелеп, жетістіктерге жетіп жүр.Бапкерге қойылатын талап қашанда жоғары. Шәкіртін шынықтырып, жеңіс жолына жетелеген Жасұлан Өмірбаев аудандық спорт клубында 4 жылдан бері қол күрестен жаттықтырушы қызметін атқарып келеді.– Буыны қатаймаған бала кезімізден спортпен айналысуға барынша машықтандым. Біздің кезімізде спорт үйірмелері көптеп ашылмаған болатын. Үй ауласында ауыл шаруашылығына қолданылатын ауыр техникаларды жинап, күн сайын достарымызбен бірге көтеретін едік. Ең алғаш денені шынықтырып, күшімізді қалыптастыра бастаған мезетте білікті спортшы Салман Ілиясов ағамыздың ақылына жүгіндік. Гір спорты мен қол күрестен жарыстарға барып, жеңімпаз болуға ұмтылдық, – дейді білікті бапкер.Бүгінде Жасұлан Өмірбаевтың салмағы 115 келіні құрайды. Уақытысында гір тасын 167 рет көтеріп, жеке өзінің рекордын орнатқан. Осы күні армрестлингтен үздіктер шығаруға ұмтылған бапкер ғалымдардың қазақ ұлтына қатысты тұжырымын алға тартады. Оның айтуынша, қазақ ұлтының бойындағы күш белден жоғары қарай жақсы қалыптасқан екен. Аудандық спорт клубында 4 топта 70-ке жуық баланы жаттықтыратын бапкер өзінің қол жеткізген биік белестерін шәкірттері бағындырса деген тілегі бар. Негізінен, жаттықтырушының шәкірттері Ерхан Келдібайұлы мен Мұхамадин Жұмағалиев Азия чемпионатының жүлдегері, облыс және ҚР кубогының иегері. Абылай Сейілханұлы, Ғалымжан Қабылбаев Сыр өңірінің үздіктері қатарында болды. Ал жасөспірім кезінен ересектер арасында ҚР чемпионатының қола жүлдегері атанған Ғалымжан Сейілханов ұстазының жолын қуып шәкірт тәрбиелеуде.– Елімізде қол қүресі спорты өте жоғары деңгейде дамыған. Әлемді мойындатқан спортшыларымыз ел намысын лайықты түрде қорғау үстінде. Жылдар бойы қалыптасқан мамандардың тәжірибесіне шетел бапкерлері таңдай қағатыны жасырын емес. Біздің спортшыларға әлем чемпионаттарында жеңімпаз атану оңай болғанымен, ел біріншілігінде топ жару, кіл мықтының ішінен суырылып шығу қиындық соқтырады. Қол күрестен қай салмақта болмасын бәсекелестік мықты. Негізінен, қол күрестің өзіндік техникасы, әдіс-тәсілі, мәнері болады. 10-11 жасқа толған балаға қол күрес спортымен шұғылдануға рұқсат беріледі. Айта кетейік, бұл спорт түрін егде тартқан кісі де жанына серік ете алады. Осы күні балаларымыз үлкенді-кішілі жарыстарға қатысып, жүлделі орындарға қол жеткізіп жүр. Әрине, ғимаратымыз жаңарып, барлық жағдай жасалуда, – дейді тәжірибелі бапкер.«Өзім чемпион болғанша, ауылдың 100 баласын жеңіске жетелейін» деген сөзді өмірлік ұстаным еткен Жасұлан Өмірбаев – өз ісінің білгірі екенін жақсы білеміз. Оның қазақ шежіресін жатқа оқып, тарихты зерделей білетін қасиетін де жоғары бағалаймыз.&nbsp;

Сырдариялық бапкердің шәкіттері шыңға шығуда

<a href="https://kyzylorda-news.kz/">Kyzylorda-news.kz</a> &nbsp;Соңғы мәліметтерге сәйкес Сырдария ауданы бойынша 14-35 жас аралығындағы барлығы 11727 жас бар екен.&nbsp;Бұл шамамен аудан халқының 30 пайызын құрайды. Есепті мерзімде 794 жас жұмыс сұрап, жұмыссыздыққа тіркелсе, оның 207-сі тұрақты жұмысқа, ал 8-і әлеуметтік жұмысқа орналасқан. Сонымен қоса 141 жас жастар тәжірибесіне және 116 жас қоғамдық жұмысқа жолдама алған. Сондай-ақ&nbsp;сәйкесінше ауданда 675 жас кәсіпкер тіркелген.&nbsp; &nbsp; &nbsp;Жалпы ауданда жастар саясаты мәселесімен тікелей аудандық қоғамдық даму бөлімі айналысады. Бөлімге қарасты аудандық жастар ресурстық орталығы да тиісті жұмыстарды сәйкесінше ұйымдастырып, үйлестіреді. 2017 жылдан бастап жұмыс істеп келе жатқан орталықтың негізгі басты мақсаты –&nbsp;жастар ұйымдарын қолдау мен дамыту, жастарға қызмет көрсету болып табылады. Бүгінгі күні аталған орталықта директорымен қоса есептегенде 7 қызметкер жұмыс істейді.&nbsp; &nbsp; &nbsp;Аудандық жастар ресурстық орталығы мекемесінің жұмысын үйлестіруге жергілікті бюджеттен 21 599,0 мың теңге қаржы бөлінген. Бұдан бөлек қоғамдық даму бөлімінің «Жастарға патриоттық тәрбие беру және жастар арасында ұлттық құндылықтарды насихаттау әлеуметтік қызметін ұйымдастыру» мемлекеттік әлеуметтік тапсырысы аясында да қаржы қарастырылған. Бұл бағытта бөлінген қаржы көлемі 3 445,0 мың теңге болса, келісім шарттағы сомасы 2 741,3 мың теңгені құрайды. Әлеуметтік жоба аясында жыл басынан бері 9 іс-шара ұйымдастырылған. Атап айтқанда, форум, фестиваль, спорттық сайыс, кездесу, жайдарман ойыны секілді жастардың қызығушылығын арттыратын іс-шаралар бар.<blockquote>&nbsp; &nbsp; &nbsp;– Аудан әкімі жыл сайын мемлекеттік жастар саясатын жүзеге асыру бойынша ұйымдастырылатын іс-шаралар жоспарын бекітеді. Жоспар былтыр да бекітілген. Соның аясында сол уақыттан бері 82 іс-шара ұйымдастырылып, оған 4274 жас қатыстырылды. Сонымен қатар жастар арасындағы жұмыссыздық деңгейін төмендету, кәсіпкерлікті дамыту мақсатында кеңес беру жұмысы қолға алынып, «Мүмкіндіктер алаңы» кеңес беру жобасы аясында 14 рет кездесу, «Tulga bol» жылжымалы жәрмеңкесі 14 рет ұйымдастырылды. Сондай-ақ саламатты өмір салтын қалыптастыру мақсатында «Сырдария барысы», көкпар, «Жеңімпаз бол» денсаулық фестивалі өткізілді, – дейді аудандық жастар ресурстық орталығының директоры А.Ахметова.</blockquote>&nbsp; &nbsp; &nbsp;Жастар саясаты саласында жетістіктермен қатар мәселелер де бар екені жасырын емес. Мәселен жастар арасындағы құқықбұзушылық күн тәртібінен ешқашан түспейді. Бұл бағытта аудандық полиция бөлімімен бірлесе кешенді профилактикалық іс-шаралар тұрақты түрде ұйымдастырылуда. Әсіресе жастардың түнемелік жүруі өзекті. Сондықтан сала мамандары ата-аналарға кәмелеттік жасқа толмаған балаларын бақылауда ұстауды сұрайды. Негізі жасөспірімдердің қызығушылығын ерте анықтап, түрлі үйірмелерге қатыстырудың, еңбекке баулудың маңызы зор. Осы ретте еңбексүйгіш жастардан құрылған еңбек бригадаларының жұмысын көпке үлгі етуге болады. Қазір ауданның Айдарлы, Аманкелді, Бесарық, Жетікөл, Шіркейлі, А.Тоқмағанбетов ауылдарында жастардың еңбек бригадасы құрылып, 150-ге жуық жас еңбек етіп жатыр. Олар егін науқанында бау-бақша өнімдерін егіп, өз нәпақасын тауып жүр.&nbsp; &nbsp; &nbsp;Ауданда ерікті жастардың да саны артып келеді. Ерікті жастардың бастамасымен қайырымдылық акциялары көптеп өткізілуде. Жалғызбасты, көпбалалы аналар мен қарттардың үй-жайларына ерікті жастардың қатысуымен тазалық жұмыстары жүргізілуде. Ал «Жасыл ел» еңбек жасағына биыл аудан бойынша 220 жас тартылып, олар ауданды абаттандыру жұмыстарына атсалысты. Нәтижесінде Сырдария ауданының «Жасыл ел» еңбек жасағы үздік деп танылып, облыс бойынша І орынды иеленді. Фото: freepik

Ауданда ерікті жастардың да саны артып келеді

&nbsp;<a href="https://kyzylorda-news.kz/">Kyzylorda-news.kz</a> Сырдың елі – өнердің киелі ордасына айналған қасиетті өлке саналатыны күллі жұртқа мәлім. Өткен ғасырдан жыр-дастан мен әуелеген әннің алтын ұясы саналатын бұл мекен өнерден кенде болған еместігін жақсы білеміз. Талантымен талайды таңқалдырған мәдениет майталмандары қазақ өнерінің көсегесін көгертуге барын салып келеді. Өз кезегінде жарты ғасырлық тарихы бар «Ритм» халықтық вокалды-аспапты ансамблінің аудан өмірінде қалыптасқан ізгілікті жолы бар екеніне әбден көз жеткізгенбіз. Ең алғаш ансамбль құрамында өнер көрсетіп, зор жетістікке жетуіне айрықша ықпал еткен Серік Байдәулетовпен шығармашылық ұжымның жұмысы жөнінде сұхбаттасудың сәті түсті.&nbsp;– Серік Ибадуллаұлы, 50 жылдан аса уақыт бойы жергілікті халықтың ыстық ықыласына бөленіп келе жатқан «Ритм» халықтық вокалды-аспапты ансамблі ең алғаш қалай құрылды? Құрамында кімдер болды?– «Ритм» халықтық вокалды-аспапты­ ансамблінде жастайымнан өнер көрсетіп келе жатырмын. Осыдан 52 жыл бұрын ауданымызда жергілікті сазгер Рамазан Тайманов, Оспан Қожақов, Мәлік Серікбаев сынды ағаларымыз Тереңөзек кентіндегі бұрынғы клубта аспаппен өнер көрсетуді бастағаны сол кездегі жұртшылыққа жақсы таныс. Сол уақыттан бастап халықтың жүрегінен орын алған аспаптар ансамблінің негізі қаланған болатын. Кейіннен, Рамазан Тайманов ағамыз Отан алдындағы борышын өтеуге әскерге аттанған уақытта ансамбль жұмысын жолға қою маған жүктелгендігін абыроймен айта аламын. Облыс аумағында халықтық вокалды-аспапты ансамбльдер құрыла бастаған мезетте біз де өнерімізді көпшілікке таныта бастаған болатынбыз. Әлі есімде 1975 жылы «1 маусым – Халықаралық балаларды қорғау күні» мерекесінде репертуарымызды толықтырып, тыңдарман қауым алдында өнер көрсетіп, көпшіліктың ыстық-ықыласына бөлендік. Әр жылдары ансамбль құрамында талантты, өнерлі аға буын өкілдері мен жастар өнер көрсетіп отырды. Мәселен, Бекет Алданазаров, Мұхан Қаушов, Кюри Каримов, Марат Олжабаев, Әлтай Әбдіреев, Ғалым Бакиров, Бауыржан Якудаев, Бақыт Абдураймов, Ораз Ерғалиев, Володя Тен, Марат Шамшиев сынды азаматтар аспапта ойнау өнерімен дараланды. Әрқашан қабілеті зор, музыкалық білімі бар азаматтар құрамның жаңарып отыруына қиындық соқтырмаған еді.– Ансамбль атауының қойылу тарихын бір сәтке еске түсірсек…– Өз кезегінде халықтық вокалды-аспапты ансамбль мүшелері жанды дауыста ән шырқап, әнсүйер қауымның назарын аударта бастаған тұста өзінің атауын бекіте алдық. Бір күні Әлтай Әбдіреев екеуміз ұзақ ойлана келіп, «Ритм» деген атауға тоқталған болатынбыз. Негізінен, ритм музыканың ырғағы саналады. Шығармаға жан бітіріп, барлық құрылымын сақтап тұратын ритмді ансамбліміздің ресми атауына айналдыра алғанымызға қуаныштымыз.– Өнер ұжымының репертуары жөнінде кеңінен тарқатып айтып бересіз бе?– Біздің әндеріміз тыңдарманның жүрегінен жол тауып, өміршеңдігімен ерекшеленіп келе жатқанына ел куә. Жалпы, ескі әндерді жаңғыртып, қазақ сазгерлерінің құнды туындыларын жарыққа шығарумен айналысаыз. 2006 жылы «Естен кетпес сол әндер» тақырыбындағы концерттік бағдарламамызда өткен ғасырдың 70-80 жылдары кеңінен халыққа танылған шығармаларды орындаған едік. Қазіргі уақытта 20-дан аса ән бар қоржанымызда. Оның ішінде, ансамбль мүшелері өзімнің авторлық 6-7 әнімді шырқап жүр. Сонымен қатар шетел әндерін айтамыз. 2009 жылы Ресей елінде өткізілген халықаралық байқауға қатысып, «Гран при» жеңіп алған болатынбыз. 42 ансамбль ішінен үздік шыққан кезімізде «Шыңдалу» атты рок балладасын орындаған едік.– «Ритм» халықтық вокалды-аспапты ансамбліне ұзақ жыл бойы жетекшілік еттіңіз. Ұжымды ұстап тұру қиын болды ма?– 42 жыл ансамбль жұмысын үйлестіруге табандылық таныта білдім десем, қателеспеймін. Соңғы 6 жылда жас әнші Дастан Палмахов аға буын бастаған жұмысты жалғастырса, қазіргі уақытта жергілікті сазгер Марат Қошықов ансамбльге жетекшілік етіп келеді. Әрине, тоқырау жылдары өнер ұжымын ұстап тұруға едәуір ауыртпалық еткені. Жыл сайын республикалық облыстық, аудандық байқауларға қатысып, жүлделі болуға ұмтылып келеміз. Халықтық атақты осыдан 11 жыл бұрын алған мезетте қуанышымызда шек болмады. Негізінен, ансамбль мүшелерінің сапалы әрі сәтті өнер көрсетуі – аспаптарға байланысты. Аспаптың күйін келтіріп, кәсіби тұрғыдан ойнап шығудың өзіндік қиындығы бар. Қай кезде де, аспаптың дауысына, ойналу ырғағына аса мән береміз. 1985 жылы, яғни, аумалы-төкпелі кезеңде мәдениет саласына басшылық жасаған Алма Бақтиярова апамыз Германия елінен «Вермона» музыкалық аппаратын алдыртып берді. Кейіннен, «Оңаша» ойын-сауық отауымен бірге елді мекендерді аралап, ауыл шаруашылығы құрылымдарының мамандарына концерттік бағдарлама ұсынған едік.– «Ритм» халықтық вокалды-аспапты ансамблінің қазіргі уақытта атқарып жатқан жұмысына тоқталып өтсеңіз.– Осы күні ансамбль құрамында Махмұд Сақтапов, Жәнібек Әбдіреев, Дархан Разақов сынды азаматтар бар. Жақында аудандық мәдениет үйінде «Сазға толы сырлы әндер» тақырыбында шығармашылық кешімізді өткізген едік. Сонымен қатар өткен жылы «Ритм» халықтық вокалды аспапты ансамблінің құрылғанына және шығармашылығына 50 жыл толуына орай «Сыр әуендері» атты облыстық вокалды аспапты ансамбльдер байқауы ұйымдастырылды. Біз қашанда өнерді жоғары бағалап, шығармашылығымызды дамыта береміз деп сеніммен айта аламын.– Сұхбатыңызға рақмет!

Сырдариялық ансамбль ескі әндерді жаңғыртқан

<a href="https://kyzylorda-news.kz/">Kyzylorda-news.kz.</a> Жалағаш аудандық «Наркескен» спорт клубында 2016 жылдан бастап гір &nbsp;спортын дамыту мақсатында аталған спорт клубында арнайы үйірме ашылған болатын. Үйірме бүгінде өз жемісін беріп, гір спортына қызығушылығы артқан жастар қатары &nbsp;артқан. Қай спорт түрінен жарысқа барса да қоржындары бос қайтпайтын «наркескендіктер» биыл да жыл басын жақсы жаңалықпен бастады.<blockquote>– Аудан әкімдігінің қолдауымен, демеушілердің көмегімен гір спорты үйірмесін талапқа сай етіп, қажетті құралдармен қамтамасыз еттік. Спортшылардың сайыстарға қатысуына жағдай жасадық. Гір тасын алақанда ойнататын Абдулхасан Сейтеновтің шәкірттері – наркескендіктер намысты қолдан бермей, еліміздің, облыстың, ауданның абыройын асқақтатуда, – дейді – «Наркескен» спорт клубының директоры Ғалымжан Ержанов.</blockquote>Иә, «Наркескен» спорт клубындағы гір спортының үлкен жетістіктерге жетуінде үйірме жаттықтырушысы Абдулхасан Сейтеновтың еңбегі зор. Ол күні-түні шәкірттерін шыңдауда қажырлы еңбек етіп, бүгінде жемісін көріп отыр. Бағы мен бабы келіскен бапкердің шәкірттері өткен аптада Астана қаласында өткен ұзынайналым жаттығуынан ересектер мен жастар және жасөспірімдер арасындағы ҚР чемпионатына қатысты. Екі күнге жалғасқан жарыс нәтижесінде Қайсар Төлеген жастар арасында 78 келі салмақта ІІ орын, Нұрислам Орынбасар 2006-2007 жылы туған жасөспірімдер арасында 73 келі салмақта І орын алды.&nbsp;<blockquote>&nbsp;– 8 сыныпта оқитын кезім, бапкерім Абдулхасан Сейтеновпен аудан орталығындағы алаңда өтіп жатқан спорттық сайыста таныстым. Содан бері гір спортымен айналысып келемін. Аптасына 3 рет спорт залға келіп дайындаламын. Тыңғылықты үздіксіз дайындықтың арқасында бапкеріммен бірге үлкен жетістіктерге жетіп жатырмын. Қазақстанды әлемге танытып, көк байрағымды әлем додаларында желбірету үшін қолымнан келгенше еңбек етемін. Қазіргі таңда Қорқыт ата атындағы Қызылорда университетінде дене шынықтыру пәнінің мұғалімі мамандығы бойынша 3 курс студентімін. Жарысқа 500-ге жуық спортшы қатысты. Соның ішінде Қостанай мен Шардараның спортшыларын өзіме мықты қарсылас болды деп айта аламын. Себебі алдыңғы жылғы жарыстарда да бір алаңда бақ сынап, бәсекелес болғанбыз. Бұл жолы Қостанайдан келген спортшыдан озып, өкінішке қарай Шардараның спортшысынан жеңіліп қалдым. Ендігі мақсат – келесі сайыстарда қарсыластарымның барлығынан оза шауып, Әлем чемпионы атану, – дейді Қайсар Төлегенұлы.&nbsp;</blockquote>Елімізде қол күрес спорты дамыған аймақтың бірі Шардара болса, гір спорты дамыған өңір Жалағаш болуы үшін қызмет ететінін жеткізген Қайсар болашақта бапкерінің жолын қууды көздейді. Бүгінге дейін екі рет қола, бір рет күміс жүлде иегері атанып, ҚР чемпионатында алтыннан алқа таққан Нұрислам Орынбасардың да ендігі мақсаты – Әлем чемпионы атану.&nbsp;<blockquote>– Дайындық барысында кезіккен қиыншылықтан шаршап, қажыған сәтте бапкерім Абдулхасан ағайдың айтқан ақылы мен жігерлендіретін сөздері ғана әрі қарай спортты жалғастыруға күш береді. Жарыстарда қол терлемес үшін жағатын ұнтақты жиі жоғалтып алып, қажетті заттарымызды ұмытып кетіп жатамыз. Сондай сәттерде бапкеріміз бәрін байыппен шешіп, бізге жеңіске жету жолында кездескен қиыншылықтарға мойымауды үйретеді. Мойынға таққан медальда қаншама еңбек пен төгілген тер бар, – дейді Нұрислам Нұрланұлы.</blockquote>Аталған үйірменің ауыз толтырып айтатындай мақтан тұтар басқа шәкірттері де жетерлік. Себебі онда өз ісінің білікті маманы, нағыз шебер жаттықтырушы Абдулхасан Сейтенов чемпиондарды шыңдап шығарып, аудан спортының дамуына өзіндік үлесін қосып жүр.&nbsp;<blockquote>– Үйірмеге аудан, ауыл білім ошақтарынан аптасына 4 күн 60-тан аса оқушы келеді. Жалпы бұл жарысқа бармас бұрын спортшылар ең алдымен Тереңөзекте өткен облыстық жарысқа қатысты. Бұл жарыс ұзынайналым деген жаттығудан өтті. Жасөспірім мен жастар жас ерекшеліктері мен салмақ дәрежелеріне қарай бөлінді. Жарыс нәтижесі бойынша 5 оқушы ҚР чемпионатына қатысуға жолдама алды. Өздеріңіз білетіндей, 2 спортшымыз жүлделі орындарды иеленді. Бірі жастар арасында өткен жарыста ІІ орын, ал екіншісі жасөспірімдер арасындағы жарыстан І орын алды. Жігіттердің еңбекқорлығы спортта талай сыналды. Олар спорт шеберіне үміткер атағын алу үшін де біраз тер төкті. Мәселен, Қайсар Төлеген спорт шебері болса, Нұрислам Орынбасар спорт шеберіне үміткер, – дейді «Наркескен» спорт клубындағы гір спорты үйірмесінің бапкері Абдулхасан Сейтенов.</blockquote>Айта кетейік, үйірме қатысушылары жылда ауыл спортшылары бас қосатын «Алтын күз» спартакиадасынан соңғы 3 жылда командалық есеп бойынша алғашқы үштіктен түспеген. 500-ге жуық кіл мықтылар бас қосқан чемпионатта бапкерінің үмітін ақтаған спортшылар алдағы уақытта Қазақстан ұлттық құрамасына кіріп, ел абыройын Азия және Әлем чемпионатында қорғап, мемлекет мерейін үстем етеді деп сенеміз.

Жалағаштық спортшылар жеңіс тұғырында

<a href="https://kyzylorda-news.kz/">Kyzylorda-news.kz.</a> Шиелі ауданы – ежелден халық тығыз қоныстанған, ұлттық құндылықтарды сақтай білген, тарихи терең һәм өркениеті жағынан кемел өңір. Бүгінде ауданның әлеуметтік-экономикалық және ауыл шаруашылығы қарқынды даму үстінде.&nbsp;Әлеуметтік-экономикалық дамуыАуданда экономикалық тұрғыдан алғанда тұрақты жағдай қалыптасты. Кірістер бойынша, өңірдің бюджеті ағымдағы жылдың 1 қазанға болжамдалған 9 млрд. 461 млн. 532 мың теңгенің орнына 10 млрд. 66 млн. 103 мың. теңгеге немесе 106,4 пайызға игерілді.Ал шығыстар бойынша, 9 млрд. 710 млн. 999 мың теңге жоспарланды. 9 айдың қорытындысымен 9 млрд. 709 млн. 730 мың теңгеге немесе 100,0 пайызға жүзеге асты.Инвестиция игілігіАуданның өнеркәсіп өнімдерін өндіруші мекемелері мен кәсіпорындары 56 млрд. 839 млн. теңгенің өнеркәсіп өнімдерін өндірді. Сондай-ақ 2022 жылдың осы кезеңінің салыстырмалы бағасымен алғанда 113,8 пайызды құрады. Өңірде инвестицияның да игілігі сезілуде. Мәселен, өңдеу өнеркәсібі өнімі көлемі 27 млрд 80 млн. теңгеге жетіп, 136,6 пайызды құрап отыр.Құрылыс жұмыстары қарқындыШиеліде құрылыс жұмыстары да қарқын. 2023 жылдың 1 қазанға жалпы құрылыс жұмыстарының көлемі 10 млрд. 815 млн теңге. Өткен жылмен салыстырсақ 192,1 пайызды құрады. Жеке тұрғын үй құрылысы ауданы 57363 шаршы метрді құрап, өткен жылдың тиісті кезеңімен 117,1 пайызды көрсетіп отыр. Сонымен қатар бөлшек сауда көлемі де 9,9 млрд. 79 млн теңге болып, өткен жылмен салыстырғанда 107,7 пайызбен игі жұмыстар жүргізілді.Кәсіпкерлікке – кең өрісАуданда шағын және орта бизнесті дамытуда да жүйелі жұмыс жолға қойылған. Өңірде 7367 шағын және орта бизнес субъектілері тіркелген. Оның ішінде жұмыс жасап тұрған кәсіпкерлердің үлесі 99,2 %-ға жетті.Жұмыссыздықпен жоспарлы күресЖұмыссыздықпен де күрес жүйелі жүргізілуде. Статистикалық мәліметтерге сәйкес 36213 экономикалық белсенді халықтың 34406 адамы жұмыспен қамтылған. Жұмыссыздар саны 1807 адам, жалпы жұмыссыздық деңгейі 5,0 пайызды құрайды. Ауданда бос жұмыс орындарға жәрмеңке тұрақты өткізіліп тұрады.Айта кетейік, 2023 жылы 3096 жаңа жұмыс орындарын құру жоспарланды. Есепті мерзімге 2717 жаңа жұмыс орны ашылып жылдық меже 87,8 пайызға орындалды.Ауыл шаруашылығы – аудан тірегіАлдынғы толқын аға буынның еткен еңбектері қашанда келер ұрпаққа үлгі-өнеге. Ауыл шаруашылығы дамып, халықтың әл-ауқатын күннен-күнге жақсаруда. Аудан бойынша ауылшаруашылығы құрылымдары 31 млрд. 500 млн. теңгенің өнімін өндірді. Былтырғы жылдың осы кезеңінің салыстырмалы бағасымен алғанда 102,5 пайызды көрсетсе, ал мал шаруашылығында осы жылдың 1 қазанға дейін ірі қара 93 089 басты, уақ мал 141 241 басты, жылқы 24 819 басты, түйе 1705 басты, құс 30 079 басты құрап отыр.Ауданда атқарылған жұмыс ауқымды және алдағы жоспар жүйелі. Атап айтсақ, газетіміздің алдыңғы сандарында «49 көше жөнделмек» деген мақалада: «Халық үніне құлақ түрген кент әкімі А.Өмірәлі биыл 49 көшеге орташа жөндеу жұмыстары жүргізілетінін жеткізді» деген сөз бар. Расымен, көшеге шығып қалсаңыз, асфальт төселген, жөндеу жұмыстары жүргізілген әдемі көшелерді көресіз. Бұл дегеніміз – нақтылы атқарылған жұмыстың нәтижесі.

Шиелінің өндірісі өрге, тірлігі төрге озған

<a href="https://kyzylorda-news.kz/">Kyzylorda-news.kz.</a> Жалағашта аудан әкімінің орынбасарлары Арнұр Нұрмағанбетов пен Ғани Сүлейменовтың қатысуымен сегізінші шақырылған аудандық мәслихаттың кезектен тыс&nbsp;ХІV&nbsp;сессиясы өтті. Сессияны аудандық мәслихат төрағасы Өмірзақ Елеусінов жүргізіп, күн тәртібіндегі келелі мәселелер қаралды.Бірінші «2024-2026 жылдарға арналған аудандық бюджет туралы» және аудандық мәслихаттың 2023 жылғы 25 желтоқсандағы №12-2 шешіміне өзгерістер енгізу жайы пысықталды.&nbsp;Бұл мәселе бойынша аудандық экономика және қаржы бөлімінің басшысы Нұрсұлу Маратқызы облыс әкімдігінің 2024 жылғы 7 ақпандағы №24 қаулысы негізінде түсімдер жоғары тұрған бюджеттен берілетін нысаналы даму трансферттер есебінен 46,5 млн теңгеге ұлғайтылатынын тілге тиек етті. Бұл қаржыны «Жалағаш кентінде дене шынықтыру сауықтыру кешенінің құрылысы» жобасын қоса қаржыландыруға және Таң елді мекенін шаруашылық ауыз сумен жабдықтау үшін жерасты суларын өндіруге арналған №2-Т барлау пайдалану ұңғымасын бұрғылау жобасына бағытталатынын айтты.&nbsp;Сондай-ақ ол аудан әкімдігінің 2024 жылғы 1 ақпандағы №15 қаулысымен «Жалағаш ауданының дене тәрбиесі, спорт және туризм бөлімі», «Жалағаш ауданының мәдениет және тілдерді дамыту бөлімі», «Жалағаш ауданының кәсіпкерлік және өнеркәсіп бөлімі» мемлекеттік мекемесі болып құрылуына байланысты қайта ұйымдастырылған мекемелердің қаржыларын бірыңғай бюджеттік сыныптама талаптарына сәйкес қайта бағытталатынын жеткізді.&nbsp;Күн тәртібіндегі екінші мәселе қылмыстық жазаларды және өзге де қылмыстық-құқықтық ықпал ету шараларын орындайтын мекемелер мен органдардың қызметіне жәрдемдесу, сондай-ақ қылмыстық жазаларын өтеген адамдарға әлеуметтік және өзге де көмекті ұйымдастыру жөнінде ауданы әкімдігінің жанындағы консультациялық-кеңесші органның есебі туралы болды.Бұл бойынша аудан әкімінің орынбасары Ғани Сулейменов аудан әкімдігі жанындағы консультациялық-кеңесші органмен 2023 жылы 5 рет отырыс өткізілгенін, 2023 жылдың 1 қаңтарында аудандық полиция бөлімінде 5, аудандық пробация қызметінде 29, барлығы 34 &nbsp;азамат есепте болғанын, жыл соңында &nbsp;аудандық полиция бөлімінде 5, аудандық пробация қызметінде 52, барлығы 57 адам тұрғанын, және 19 адам тұрақты жұмысқа орналастырылғанын жеткізді.&nbsp;Оның ішінде мерзімінен бұрын шартты түрде босатылғаны 5, бас бостандығын шектеу жазасы 33, шартты түрде сотталғандар 13, белгілі бір қызметті атқару немесе белгілі бір іс-әрекетпен шұғылдануға тыйым салынған 2, кәмелетке толмағандар 4. &nbsp;Есепке алынған 57 адамның 30-ы кент орталығынан, 27-сі ауылдық округтерден.Ауданда былтыр түзету мекемелерінен шартты түрде мерзімінен бұрын босатылғандар және пробация қызметінде есепте тұрған азаматтарға мәдени қызмет көрсету бағытында мәдени шараларды өзара бірлесіп өткізу арқылы, олардың сана-сезімін, қоғамдық ортадағы жүріс-тұрыстарын және тәрбиелерін өзгертуге ықпал ету мақсатында бірқатар жұмыс атқарылған.<blockquote>– Аудандық пробация қызметінің есебіне алынған және бас бостандығынан айыру орындарынан босатылған азаматтарды салауатты өмір салтына тартуға, қоғамға бейімдеу мақсатында «Наркескен» спорт клубы коммуналдық мемлекеттік мекемесінде спорттық үйірмелерге қатысуға және фитнес залында дене жаттығуларымен күнделікті айналысуға мүмкіндік жасалған. 2023 жылдың ақпан айында Тоғанас батырдың 210 жылдығына &nbsp;орай үстел теннисінен өткізілген аудандық жарысқа, Наурыз мейрамына орай ұлттық спорт түрлері жарысына, сәуір айында аудан әкімінің арнайы жүлдесі үшін «ТARTYL FEST» жарысына, мамыр айында &nbsp;Ұлы Жеңіс күніне орай кермеге тартылудан өткізілген жарысқа, мамыр айында ҚР Мемлекеттік рәміздері күні мерекесіне арналған &nbsp;ересектер арасында &nbsp;3,5 шақырым қашыққа жүгіруден аудандық марафонға және Халықаралық жастар күніне орай облыстық шағын футболдан өткізілген сайыстарға қатыстырылды, – деді аудан әкімінің орынбасары Ғани Сүлейменов.&nbsp;</blockquote>Айта кетейік, биылдан бастап бас бостандығынан айыру орындарынан босатылған азаматтарға 15 айлық есептік көрсеткіш көлемінде әлеуметтік көмек беру қарастырылмақ.Күн тәртібіндегі үшінші мәселеге байланысты аудандық ауыл шаруашылығы мен жер қатынастары бөлімінің сектор меңгерушісі Нұржан Есеналиев аудандық жер комиссиясы туралы ереженің негізгі қағидаттарына тоқталып, жер комиссиясының лауазымдық құрамымен таныстырды.Төртінші мәселе аудан әкімдігінің дербес құрамына келісім беру туралы болды. Бұл жөнінде аудан әкімі аппаратының мемлекеттік-құқықтық жұмыстар бөлімінің басшысы Қайрат Жапбасбаев аудан әкімінің 2024 жылғы 12 ақпандағы №72 өкіміне сәйкес Жалағаш ауданының алқалы органы аудан әкімдігі мүшелерінің саны 10 болып айқындалғанын айтып, Жалағаш ауданының әкімдігінің дербес құрамымен таныстырды.Соңғы мәселе бойынша хабарлама жасаған аудан әкімі аппаратының мемлекеттік–құқықтық жұмыстар бөлімінің басшысы Қайрат Жапбасбаев «Жалағаш ауданының басқару схемасы туралы» аудан әкімінің 2024 жылғы 12 ақпандағы №1 шешімімен таныстырып, Жалағаш ауданының басқару схемасын бекітуді ұсынды.Мәслихат депутаттары тарапынан сессияға ұсынылған мәселелер бір ауыздан қолдау тауып, шешім жобалары мақұлданды.&nbsp;Сессия соңында аудан әкімінің орынбасары Арнұр Нұрмағанбетов аудан бюджетіне енгізіліп отырған өзгерістер туралы, ауданның басқару схемасы, кәсіпкерлікті дамыту және ауданға инвестиция тарту мәселелеріне қысқаша тоқталып, алдағы жұмыстарға сәттілік тіледі.Сессия жұмысын аудандық мәслихат төрағасы Өмірзақ Елеусінов қорытындылап, алдағы кезекті сессияда қаралатын мәселеге байланысты уақытша комиссия мүшелеріне ұсыныс-пікірлерін жинақтап беруді ұсынды.

Кезектен тыс ХІV сессия өтті

<a href="https://kyzylorda-news.kz/">Kyzylorda-news.kz</a>&nbsp; Халықаралық «Қазақ тілі» қоғамы Қармақшы аудандық филиалы өткен аналар мерекесіне орай аудандық Көшеней Рүсембекұлы атындағы Жыраулар үйінде бастауыш ұйымдарда мемлекеттік тілдің мәртебесін көтеруге белсенді атсалысып жүрген бір топ қыз-келіншектерді қабылдап, мерейлі мерекемен құттықтады.&nbsp;Жиында аудандық филиалдың алқа мүшелері, Қармақшы ауданының Құрметті азаматы Әбдірахман Құлдүйсенов, аудандық қоғамдық даму бөлімінің бас маманы Нұрлан Бейбітов, аудандық филиал төрағасы Гүлжауһар Раева тіл белсенділерін мерекемен құттықтап, облыстық, аудандық филиалдың Алғыс хатымен марапаттап, сый-құрмет көрсетті.&nbsp;<blockquote>– Көктемнің алғашқы күні алғыс айтумен басталса, 8 наурыз – Халықаралық әйелдер мерекесі де айналаға шуағын шашқандай нәзікжандыларды қуанышқа бөледі. Алда қазақтың Жаңа жылы да келе жатыр. Сіздерді осы көктемнің жылы мерекесімен шын жүректен құттықтаймыз. Тіл мәртебесін көтеруде сіздердің еңбектеріңіз зор. Туған елін, халқын, оның дәстүрін, мәдениетін шын сүйген адам ғана өз тілін құрметтейді. Әрқашан тілге жанашырлық танытудан тайынбаңыздар деп тілек білдіреміз, – деді филиалдың төрағасы Гүлжауһар Төлегенқызы.</blockquote>

Қармақшылық әйел-аналар марапатталды 

<a href="https://kyzylorda-news.kz/">Kyzylorda-news.kz.</a> «Елді телісі мен тентегінен таныма, ері мен серісінен таны» деген данагөй халқымыз. Расында, көкпар десе делебесі қозып, бәйге шапса жүлде алатын қазақ жігіттерінің бәсі бөлек. Көкпарға білегі құрыш, жігері қылыш, жүйрік шабандоз ғана топқа түседі. Осындай ұлттық спортты дәріптеп жүрген аудан жастарының бірі – Заманбек Бураханов.Кезінде ата-бабаларымыз асаудың құлағында ойнап, жүзден жүйрік, мыңнан тұлпар бәйге атын баптауға ерекше мән берген. Десе де, бүгінде тақымы атқа тисе арқаланып кететін тұлпарға қанат бітіруге қызығушылық танытатындар некен-саяқ. Ал біздің кейіпкеріміз жүйріктің бабын тауып жүрген азамат.Жиделіарық ауылының тумасы Заманбек: «Шынымды айтсам, көкпарға бала кезімнен қатты қызықтым. Әкем де бетімнен қақпады. Бәйге болады десе жетіп барып, ойынды таңдана тамашалайтынмын. Себебі сәйгүліктің шабысы, жүздеген дүлдүлдер бас қосқан білектілер қиқулап салымға таласқан сәт маған ерекше ұнайтын», – дейді.Осылайша кейіпкеріміз әкесінің тәлім-тәрбиесімен, спортқа бейім бола бастайды. Бала кезінен Заманбектің арғымаққа деген қызығушылығы ерекше еді. Соны байқаған ұстазы, спорт шебері Жасұлан Айтбай жылқыға мінудің қыр-сырын үйретеді. Ағалық ақылымен қамқорлығын, жанашырлығын көрсететін. Одан әрі өзінің шымырлығымен көзге көрініп жүрді. Соның нәтижесінде бүгінде ол Атыраудағы «Нарын» құрама командасының белді мүшесі.Аудандық турнирлерде өзінің белсенділігімен ең үздік шабуылшы атағын жеңіп алған. Сондай-ақ 2021 жылы ересектер арасындағы көкпардан Қазакстан Республикасының Чемпионатының және 2023 жылы жастар арасынан қола жүлдегеріне ие болған. Бұның барлығы тынымсыз жаттығу мен ерен еңбектің жетістігі деп білеміз.«Ер қанаты – ат» деген тәмсіл сөз бекер айтылмаса керек-ті. Жылқыны жанына серік еткен ер азаматтың ат баптауы да ерекше. Сонымен қатар әр аттың өзіне тән мінез-құлқын білетін ол: Мінезі жоқ жылқы бәйге алмайды. Ойнақтап, тепсініп тұратын арғымақтың жалын тартып мінгені ұнайды. Өзімнің «Талисман» атты арғымағым додаға өте шыдамды. Негізінен әр атты танып білуге бір тәулік қана қажет. Ол үшін шыдамдылық, атқа деген үйірсектік болса болғаны. Ең алдымен жалынан сипалап, құлағын қасып, құлағына сыбырлап бойын үйретіп алу керек. Еті үйренген жүйріктің одан кейін жалынын тартып өз ырқыңа көңдіру қиындық тудырмайды», – дейді.Б.з.д. V ғасырда өмір сүрген Гиппократ қоршаған ортаның адамға әсерін байқап: «Ат үстінде жүру – тек қана жаралы адамды ғана жазып қоймай, меланхоликтерге жаман ойлардан арылып, керісінше көңілін сергітіп, жақсы ойлар ойлауға жәрдемдеседі» депті. Ал қазақ жылқы шаруашылығын ерекше бағалайды. Кезінде данагөй ақсақалдар баяу, яғни тұйық мінезді балаларына арғымақты баққызған деседі. Өйткені аттың құлағында ойнаған баланың өмірге деген артады әрі мығым, шымыр болып ер жетеді екен.

Қазақстан және Қызылорда облысының жаңалықтары