<a href="https://kyzylorda-news.kz/">Kyzylorda-news.kz.</a> ҚАЖ департаментінің қызметкерлері Қызылорда қаласында орналасқан 5547 әскери бөлімінің сарбаздарымен кездесіп, ҚР ІІМ Ш.Қабылбаев атындағы Қостанай академиясына шақыру бойынша түсіндірме жұмыстарын жүргізді.Қызметкерлердің құрамында Қызылорда облысы бойынша Қылмыстық - атқару жүйесі департаментінің №60 мекемесі кадр саясаты бөлімінің инспекторы &nbsp;Айгерім Баймұрзаева, Қарағанды облысы бойынша ҚАЖД №35 мекеме бастығының тәрбие ісі жөніндегі орынбасары Айдос Метжанов, Ұлытау облысы бойынша ҚАЖД №30 мекеме бастығының тәрбие ісі жөніндегі орынбасары Виталий Пепеляев, Жезқазған облысы бойынша ҚАЖД №62 мекеме бастығының тәрбие ісі жөніндегі орынбасары Жалғас Марленовтер бар. &nbsp;<blockquote>5547 әскери бөліміндегі сарбаздар – елінің ертеңін ойлаган азаматтар. Отан алдындағы борышын абыроймен атқарып, ішкі істер органдарында қызмет ету үшін бағыт-бағдар беру біздің міндетіміз. Сол себепті болашақ мемлекет қызметкерлерін академияға оқуға шақырамын, - деді Қарағанды облысы бойынша ҚАЖД №35 мекеме бастығының тәрбие ісі жөніндегі орынбасары Айдос Метжанов.</blockquote>Кездесу барысында қызметкерлер оқуға түсу шарттарымен таныстырып, сарбаздардың сұрақтарына жауап беріп, Қылмыстық-атқару жүйесінде қызмет етуге шақырды.

ҚАЖД қызметкерлері жас сарбаздарды оқуға шақырды

<a href="https://kyzylorda-news.kz/">Kyzylorda-news.kz.</a> Қызылорда облысы бойынша ішкі мемлекеттік аудит департаменті тарапынан былтыр барлығы 108 аудиторлық іс-шарамен 43 млрд. 452,9 млн. теңге қаражат қамтылып, нәтижесінде жалпы сомасы 39 млрд. 236,4 млн. теңгеден астам заң бұзушылықтар анықталған. &nbsp;Оның ішінде бюджет және басқада заңнама бұзушылықтары жалпы сомасы 38 млрд. 625,6 млн. теңге немесе 99% және мемлекеттік сатып алу туралы заңнама бұзушылықтары 389,3 млн. теңге немесе 1% құрайды.<blockquote>«Анықталған қаржылық бұзушылықтардың бюджетке өтеуге, қалпына келтіруге және есептілікте көрсетуге жататыны 33 млрд. 508,4 млн. теңге (өтеуге жататыны – 1 млрд. 368,5 млн. теңге, қалпына келтіруге – 32 млрд. 030,4 млн. теңге, есептілікте көрсетуге жататыны – 109,6 млн. теңге). Департаменттің ден қою шараларымен бюджетке өтелгені, қалпына келтірілгені және есептілікте көрсетілгені 30 млрд. 835.4 млн. теңге немесе 92 % (бюджетке өтелгені 1 млрд. 035,7 млн.тг., қалпына келтірілгені 29 млрд. 690,1 млн.тг., есептілікте көрсетілгені 109,6 млн. теңге). Қолданылған шаралар нәтижесінде Қазақстан Республикасы Әкімшілік құқық бұзушылық туралы Кодексіне сәйкес, аудит объектілердің 272 лауазымды тұлға және 18 заңды тұлғаға қатысты 532 әкімшілік құқық бұзушылық туралы хаттамалары толтырылып, 60,2 млн. теңге айыппұл салынды. Оның 59,4 млн. теңгесі бюджетке төленсе, 0,8 млн. теңгенің айыппұлы уақытылы төленбеуіне байланысты сот орындаушыларға жолданды», - делінген департаменттің хабарламасында.</blockquote>Департамент тарапынан жолданған анықталған бұзушылықтарды жою және оларға жол берген лауазымды адамдардың жауаптылығын қарау туралы 95 нұсқама жолданып, 76 нұсқама толығымен орындалды. Қалған 19 нұсқаманың орындалу мерзімі келмеген (мерзімі ұзартылған).<blockquote>«Аталған нұсқамалар бойынша объектісінің 108 жауапты тұлғасы тәртіптік жауапкершілікке тартылған. Құқық қорғау органдарына процессуалдық шешім қабылдауға 2023 жылдың өткен кезеңінде анықталған заңнама бұзушылықтардың 1 млрд. 223,7 млн. теңге сомасында 12 мемлекеттік аудит материалдары жолданған. Қолданылған шаралар нәтижесінде құқық қорғау органдарымен 12 аудит материалдары бойынша ҚР ҚК-нің 189 және 190 бабтары бойынша сеніп тапсырылған бөтен мүлікті иемденіп алу немесе талан-таражға салу бойынша, алаяқтық бойынша қылмыстық істер қозғалып, тиісті сотқа дейінгі тергеп-тексеру амалдары жүргізілуде», - деп хабарлайды Қызылорда облысы бойынша ішкі мемлекеттік аудит департаменті.</blockquote>Фото: radar-c.ru

Қызылордада 108 жауапты тұлға тәртіптік жауапкершілікке тартылды

<a href="https://kyzylorda-news.kz/">Kyzylorda-news.kz.</a>&nbsp; Экс-министр Қуандық Бишімбаевтың адвокаты Салтанат Нүкенованың телефонындағы суреттер мен жеке хаттары жайлы айтты.Астанада Салтанат Нүкенованың өліміне қатысты іс бойынша алдын ала тыңдаудың екінші күні өтіп жатыр. Онда Бишімбаевтың адвокаты Салтанат Нүкенованың өзі күйеуін қатты қызғанғанын мәлімдеді, деп жазады El.kzАдвокаттың сөзінше, істі тергеу барысында Нүкенованың телефоны тексерілген. Дегенмен бастапқыда тек суреттері ғана тексеріліп, жеке хаттарына мән берілмеген.Тергеушілер Салтанат Нүкенованың телефонынан 1701 сурет тапқан, оның ішінде 608 бейне болған. Бұл фотосуреттерді демалыс санатына жатқызып, қылмысқа қатысты ақпарат табылмаған.<blockquote>"2023 жылы 25 желтоқсанда Салтанат Нүкенованың ватсабын тексеру мүмкіндігі болды. Тергеуші тек галереяны қарап, тергеумен шектелді. Дегенмен фотосуреттерден күш қолдану белгілері табылмады. Тергеуші тарап тексеру хаттамасында сақталған Нүкенова мен Бишімбаевтың хат жазысқан 2 скринін ғана көрсеткен. Бұл скриншот Бишімбаевта қызғаныш сезімі болды дегенді жоққа шығарады. Ол жерде керісінше, Нүкенованың Бишімбаевқа деген қызғанышын растайды. Онда Нүкенова Бишімбаевқа «үйге неліктен әйелдерді алып келесің?» деген хаттар болған. Одан жәбірленушінің одан кетіп қалып жүргенін көрсетеді", - дейді Бишімбаевтың адвокаты.</blockquote>Бишімбаевтың адвокаты осыған байланысты хабарламалар жойылып кетпес үшін, қылмысты жан-жақты зерттеу үшін, хат-хабарламаларды жоюдың алдын алу үшін тез арада компьютерлік технологиялардағы мобильдік құрылғыларда криминалистикалық зерттеуді тағайындауды сұрады.Фото: bestnews.kz

«Үйге неге әйелдер әкелесің?»: Бишімбаев пен Нүкенованың соңғы хаты тарады

Соңғы 2 жылда соғыс болып жатқан Мьянма елінде 200 қазақстандық құлдықта болған. 100-ге жуығы әлі сол жақта жүр.&nbsp;Табысы жақсы отандастарымыз шетелге шығып, саяхаттағанды жақсы көреді. Қалғандары тамтұмдап тапқан таянғанын тиынынан құрап, тропикалық елдерді көріп келіп жатыр. Биыл трендте Тайланд. Алайда қызық қуып барған көп қазақ құрыққа түсіп қаламын деп ойламайды. Жарқ-жұрқ еткен қонақжай қалалардың арғы жағында адам жоғалатын жұмбақ жер барын көбі білмейді, деп хабарлайды&nbsp;<a href="https://sn.kz/sn-akparat-agyny/110809-aldyn-ala-satyp-zhiberedi-zhumys-izdep-shetel-askan-kazaktar-ku-ldykk-a-tusip-zhatyr">Skifnews.kz</a>&nbsp;ақпарат порталы&nbsp;Еуразия&nbsp;арнасына сілтеме жасап.Тайланд, Мьянма және Лаос елдерінің арасында алтын үшбұрыш аталып кеткен тропикалық ну орман арасында 100-ге жуық азаматымыз жоғалып кетті. Арада байланыс жоқ. Соңғы екі жылда қылмыстық топтардың құрығынан 28 қазақстандық құтқарылды. Қалғандарының тағдыры беймәлім. &nbsp;<blockquote>Дубайдағы жақсы танысымның кеңесімен бардым. Сендім. Мені Бангкокта ағылшынша білмейтін адамдар қарсы алды. Қымбат қонақ үйге орналастырды. Ертең Чианграй деген қалаға жұмысқа шығасың деді. Ол 20 минуттық жерде орналасқан. Бірақ екі жарым сағат орман мен жанартауы көп жаққа алып келді. Сол кезде үрей басталды. Қайықпен суды кешіп, өтіп, әкелген жерді көргенде шошып кеттім. Амал тауып ағама хабарласып үлгердім. Әйтпесе жағдай қиын еді, – деді Анель.</blockquote>Анель былтыр құтқарылды. Парақшасын қарасаңыз көптеген елде саяхаттаған, бірнеше тіл біледі.Интернеттен жоғары айлық көріп, соған сеніп қалады. “Біз құлдыққа түспейміз, барамыз, ақша табамыз, тез ораламыз” деп ойлайды. Ұсталып қалады, – деді СІМ өкілі Айбек Смадияров.Соңғы 2 жылда соғыс болып жатқан Мьянма елінде 200 қазақстандық құлдықта болған. 100-ге жуығы әлі сол жақта жүр.<blockquote>Ол жаққа барған кезде барлығының ойы "біз Таиландқа бара жатырмыз" деп ойлайды. Таиланд пен Мьянманың арасында белгілі бір шекара жоқ. Тек арық және сумен ғана өтеді. Белгілі бір компания жұмыс ұсынып шақырады. Жалақысын жоғары етіп көрсетеді. Көбіне аудармашылар, қытай тілін білетіндер. Өйткені Мьянма қытай тілінде сөйлейді. Сосын билет шығынын өтеп береді. Көбіне түнде өткізеді, адамдар қайда бара жатқанын білмейді. Сосын Мьянмадан бір-ақ шығады, – деді халықаралық заңгер Мейірман Шәкеев.</blockquote>Заңгердің сөзінше, азаматтар қандай қиындыққа тап болғандарын сонда ғана сезеді. Бостандық сұраса,&nbsp;өздерін сатып алған ақшаны қайтар немесе сойып органға тапсырамыз дейді. Амалсыз жұмысқа кіріседі.Мұнда бара жатқан кезде оларды алдын ала сатып жібереді. Сол сатқан құнын есептейді де 10 мың доллар заңсыз жұмыстарды ұсынады. Ол жақта да Қазақстанда таралып жатқан алаяқтық жүйесі сынды жұмыс ұсынады, – деді халықаралық заңгер Мейірман Шәкеев.Өкініштісі бірнеше тіл білетін жастар осындай қулыққа алданып қалып жатыр.Жыл басынан бастап бізде 1400-ге жуық адам Қазақстаннан тыс жерде тұруға кетті. Оның ішінде Ресейге 900-ге жуық, Германияға 200-ге жуық, Польша, АҚШ, Канада және Түркия елдеріне 30-ға жуық азамат тұрақты тұру үшін кетті, – деді ІІМ ерекше тапсырмалар жөніндегі аға инспекторы Лесбек Айташов.Қазақстандықтар қазір шетелге демалуға, ем алуға, жұмыс істеуге жиі шығатын болған. Көш басында Біріккен Араб Әмірліктері, Түркия, Мысыр мен Таи елдері.Фото: Еуразия арнасы

«Алдын ала сатып жібереді»: Жұмыс іздеп шетел асқан қазақтар құлдыққа түсіп жатыр

<a href="https://kyzylorda-news.kz/">Kyzylorda-news.kz.</a> Қазақстан Республикасы Ұлттық экономика министрлігі Табиғи монополияларды реттеу комитетінің Қызылорда облысы бойынша департаменті тұтынушылардың өтініштері негізінде «ҚазТрансГаз Аймақ» АҚ-ның Қызылорда өндірістік филиалына тексеру жүргізді.&nbsp;2022 жылы жүргізілген жоспардан тыс тексерулер нәтижесінде желілерге қосылу кезінде техникалық шарттарға қосымша талаптарды қою фактісі бойынша «ҚазТрансГаз Аймақ» АҚ-ның Қызылорда өндірістік филиалына қатысты Қазақстан Республикасы «Әкімшілік құқық бұзушылық туралы» Кодексінің 164-бабының 4-бөлігімен 5 әкімшілік өндіріс қозғаған болатын.Субъект аталған тексеру нәтижесінде енгізілген нұсқамаларға сотқа әкімшілік талаптар беруіне байланысты, Кодекстің 817-бабына сәйкес әкімшілік құқық бұзушылық туралы істерді қарау мерзімдері ұзартылған.<blockquote>«Нұсқамалардың заңдылығы соттың үш сатысында қаралып, Қазақстан Республикасының Жоғарғы Сотының 2023 жылғы 31 қазандағы қаулысымен нұсқамалар заңды деп танылды. Осы ретте, ТМРКД әкімшілік құқық бұзущылық туралы істерді қайта жаңғыртып, Кодекстің 816-бабының 4-бөлігіне сәйкес біріктіріп қарап, барлығы 18 378 000 теңгеге әкімшілік айыппұл салды. Субъект аталған шешіммен келіспей, ТМРКД-ның қаулысына шағым келтіріп, Қызылорда қаласының әкімшілік құқық бұзушылықтар жөніндегі мамандандырылған сотының 2024 жылғы 8 қаңтардағы және Қызылорда облысының қылмыстық істер жөніндегі сот алқасының 2024 жылғы 12 ақпандағы қаулыларымен ТМРКД-ның қаулысы өзгеріссіз қалдырылды», делінген Табиғи монополияларды реттеу комитетінің Қызылорда облысы бойынша департаментінің хабарламасында.</blockquote>Бүгінгі таңда департамент қаулысы заңды күшіне енді. Кодекстің 888-бабының талаптарына сай, департамент қаулысының орындалу мерзімі 3 айға ұзартылды.Фото: Табиғи монополияларды реттеу комитетінің Қызылорда облысы бойынша департаменті

«КазТрансГаз Аймақ» АҚ-ның Қызылорда филиалы әкімшілік жауапкершілікке тартылды

<a href="https://kyzylorda-news.kz/">Kyzylorda-news.kz.</a> Кәсіпкерлік еңбектің басқа түр¬лерінен оқшауланып тұрады. Атақты неміс экономисі, Гарвард университетінің профессоры Иозиф Шумпетердің «Кәсіпкер болу – басқаның істегенін істемеу» деген сөзі соның айғағындай. Өз еңбегін ұйымдастыра білген адам кәсібін дөңгеленте алады. Бұл туралы француз экономисі Жан Батист Сейдің «Кәсіпкер – адамдарды өндірістік ауқымда ұйымдастыратын адам» деген анықтамасы бар.Райхан Мәлікова өзі тұратын ауданға қарасты Сәкен Сейфуллин ауылынан аралас сауда дүкенін ашқанына бес ай болды. Осы уақыт аралығында дүкенге келушілердің қатары қалың, себебі сауда орнында тұрмысқа қажетті барлық тауар сатылады. Ауыл тұрғындарының игілігіне ашылған сауда орны «Ақ сұңқар» деп аталады. Сәкен Сейфуллин ауылының тұрғындары ерлі-зайыпты Ғабит Қасымов пен Райхан Мәлікова кәсіпкерліктің қыр-сырын меңгергеніне ширек ғасыр болды. Әдепкіде кент орталығындағы дүңгіршекте сауда жасап, тұтынушыларына велосипед бөлшектерін сатумен айналысқан кәсіпкер бизнесін кеңейту мақсатында мемлекеттік бағдарламаның игілігін көргендердің алдыңғы қатарында болды.– Ауыл тұрғындары мал бағумен күн көреді. Сондықтан мал бордақылаумен айналысу ауыл тұрғыны үшін таңсық емес. Осыдан үш-төрт жыл бұрын мал бордақылау мақсатында қайтарымсыз екі миллион теңге қаржы алдық. Арада бірнеше жыл өткен соң мемлекеттік бағдарлама негізінде кәсіпкерлікті қолдау мақсатында берілетін жоба жеңімпазы атанып, мал басын көбейту мақсатында жеңілдетілген пайызбен бес миллион теңге қаржы алдық. Күн сайын кәсіпкерлікті кеңейту үшін еңбек етіп, табыс тауып, ауылдан аралас сауда дүкенін ашуға мүмкіндік алдық. Тұрғындарды қажетті азық-түлікпен қамтамасыз етіп тұрған ауылдағы бірнеше дүкеннің қатарына қосылып, халыққа тиімді бағамен азық-түлік өнімдерін сатумен айналысудамыз. Жалпы дүкен ашудың оңай еместігіне, машақаты көп екеніне куә болдық. Бұл дүкеніміз халық үшін тиімді болады деген ойдамыз. Әрі өнімдердің бағасы да қолжетімді, – дейді дүкен иесі Райхан Мәлікова.Осылайша 49 жастағы кәсіпкер кәсібін дамытуға бел буып, халыққа тиімді бағамен азық-түлік ұсынып отыр. Тауар бағасы да аудан орталығындағы дүкендердегі бағамен бірдей, тіпті кейбірі төмен деп пікір білдірген ауылдастары жаңа дүкеннің ашылғанына дән риза.– Ғабит пен Райхан өздерінің еңбек¬қорлығы мен жігер-талаптарының арқасында отбасылық бизнесті жандандырып, дамытып отыр. Ауылға үлгілі отбасы екі бала тәрбиелеуде. Отағасы да өте еңбеккеш. Мал басын көбейтіп, оны бордақылап, тұрғындарға тиімді бағамен үйлестіріп отыр. Дүкендегі азық-түліктің де бағасы қалта көтереді. Ауыл тұрғындары ауданға сабылмай осы дүкеннен барлық керек жарағын алады. Алдағы уақытта азық-түліктің баға¬сын тұрақты ұстап тұрса, тұрғындар да дән риза болады, – дейді ауыл тұрғыны Елдос Жаппасбаев.Негізінен дүкенге қажетті азық-түлікті Қызылорда қаласынан тасымалдайтын кәсіп¬¬кер қажетті тауар күнделікті келетінін айтады. Сонымен қатар қазіргі кезде түрлі фирмалар жеткізу қызметін ұсынатындықтан тауардың сан алуан түрін таңдауға да мүмкіндік бар.Жалпы ауданымызда кәсіпкерлік саласына қолдау артып келеді. Тек кәсіпкерлік нысандардың ашылуы ғана емес, мемлекеттік грант алып шаруасын дөңгелетіп отырғандары да бар. Ал Сәкен Сейфуллин атын иеленген ауылдан жаңадан ашылған дүкен сөре-лерінде азық-түліктен басқа түрлі тұрмысқа қажетті заттардың бәрі табылады. Ұсақ-түйектен бастап, азық-түлік өнімдерінен нан, сүт өнімдерінің де сан алуан түрі бар.&nbsp;

Ауылдың дамуы – шағын кәсіпкерлік көзі

<a href="https://kyzylorda-news.kz/">Kyzylorda-news.kz.</a> Бозкілемде байрақты жеңіске жетіп, қарсыластың жауырынын жерге тигізген аудан жастары арасында Данияр Жүсіпбаевтың есімі ерекше аталатыны рас. Бір кездері тұрақты түрде қазақ күресімен айналысып, байрақты бәсекеде аудан мерейін асырған спортшы көптің қолынан келе бермейтін ізгі істі өзінің шама-шарқы жеткенше атқаруда. Анықтап айтқанда, Данияр Бақытұлы бүгінгі таңда бапкерлік қызметті қолға алған спортшы. Ол ауылда жүрген балалар мен жастарды жаттығу залына әкеліп, тегін жаттықтырып жүр. Жекпе-жек спорт түрлерінен 30-дан аса спортшыны қанатының астына алған бапкердің еңбегі орасан зор. Білікті бапкер әрбір жылдары ерік-жігерін шәкірттерінің жеңіс тұғырынан көрінуіне жұмсап, ерікті қызметі арқылы ел алғысына бөленіп, игілікті іс жасап жүрген азаматтардың бірі.&nbsp;БАПКЕР ЖЕКПЕ-ЖЕК СПОРТЫНА ҚАЛАЙ КЕЛГЕН?&nbsp; &nbsp; &nbsp;Шынында, бозкілемді 8 бұрышты октогонға алмастыру – қиынның-қиыны. Қазақ күресінен, жекпе-жек спортының техникасы мүлдем бөлек. Осыдан бірнеше жыл жүректі жігіт білектің күшімен қарсыласын қапелімде сұлатып салады. Спортшының бойындағы күшін байқаған тәжірибелі жаттықтырушы Батырхан Умаров қол астында жаттығуға шақырады. Сол кезден бастап Данияр Бақытұлы жекпе-жек спортында өзіндік қолтаңбасын қалдыра бастауды жөн көреді. Данияр Жүсіпбаев панкратион, араша ММА, грэпплинг, қоян-қолтық ұрыс, ережесіз жекпе-жек спортын меңгерген. Ол 2017 жылы алғашқы ең жоғарғы жеңісіне қол жеткізеді.&nbsp; &nbsp; &nbsp;– Қазақ ұлтының ұландары қашанда өзінің жаужүрек мықты екендіктерін өзгеге дәлелдеп келген. Ұлттық спорт түрімен айналысқан сәтімде қайтсем де, жеңіске жетсем деген арман-мақсат болды. Шыбықтай денені шынықтыру арқылы кез келген спортқа бейімдеуге болатыны дәлелденген. Осы күні аудан және облыс көлемінде жарыстар жиі өткізіліп тұрады. Осындай бәсекелерде қарсыласпен күш сынасып, мықтылық танытуға тырысып келемін. Өз кезегінде араша ММА-дан ҚР спорт шебері атағын қорғадым. Білікті бапкер Батырхан ағайымыз жол нұсқаушы болып, жігерімізді жани білгені өмірлік сабақ болғаны жасырын емес, – дейді білікті бапкер.&nbsp; &nbsp; &nbsp;Жас спортшы – №35 Иса Тоқтыбаев атындағы мектеп-лицейдің түлегі. Қарсыластан қаймықпайтын, жарыс жолында осалдық танытпайтын жігерлі жас 6 жылға жуық уақытта спорттың 5 түрінен кәсібилігін шыңдап келеді. Өзі секілді саңлақтарды жанына жиып,&nbsp;әрқайсысына бағыт-бағдар берді. Бүгінде бапкердің&nbsp; күні-түні жасаған жұмысы өз жемісін беруде. Шын мәнінде, биік белеске ұмтылып жүрген аудан мақтанышы жетістігінің бастауында қазақ күресінен алғашқы бапкері болған Жасұлан Каусовтың тұрғанын өте жақсы біледі.&nbsp; &nbsp; &nbsp;Үнемі спортта сенімді серігіне айналған замандасы әрі әріптесі Еркебұлан Бедебеков ережесіз жекпе-жек шебері жөнінде өз пікірін айтты.&nbsp; &nbsp; &nbsp;– Данияр екеуміз жекпе-жек барысында қарсыласты&nbsp; жан-жақты зерттеп алуға тырысамыз. Жаттығу залында жіберілген қателікпен жұмыс жасап, біліктілігімізді арттырамыз. Қазіргі уақытта облыс аумағында ережесіз жекпе-жекпен айналысатын спортшылар қатары аз емес. Қашан да, бәсекелестік жоғары болған жерде алға қарай жылжу болады. Мен Даниярдың ынтасын, спорттағы шеберлігін жоғары бағалаймын. Әлі де талай&nbsp; жарыс жолына бірге шығып, жеңімпаз қатарынан көрінуге ұмтыламыз, – дейді замандасы Еркебұлан Бедебеков.ШӘКІРТТЕРІ ШЫҢҒА ШЫҚҚАН&nbsp; &nbsp; &nbsp;Шын мәнінде, панкратион, араша ММА, грэпплинг, қоян-қолтық ұрыс, ережесіз жекпе-жек спортының өзіндік қалыптасқан ережесі, қалыптасқан қатаң қағидасы бар. Күнделікті оның барлығын игеріп, психологиялық тұрғыдан дайын болудың өзі – асқан мықтылық пен жауапкершілікке жатады. Осы күні су шаруашылығы саласында&nbsp;еңбек ететін Данияр Жүсіпбаев бос уақытында спортшыларының жанынан табылуға тырысады. Әрине, негізгі жұмысына жауапкершілікпен қарап, бапкерлікті жолға қойған Даниярдың күні бойы әрбір баланың бабында болуына көңіл бөлуі – өте ыждағаттылықты білдіреді. Әрине, алынбайтын қамал жоқ секілді үкілеген үміттері жарыста алмаздай жарқырап келеді. Ата-ананың қолдауының арқасында бапкерлік қызметті одан әрі жетілдіріп келеді.&nbsp; &nbsp; &nbsp;Тек нақты нәтижеге жұмыс жасайтын бапкердің&nbsp; спортшылары ел аумағында&nbsp; есімдерін әйгілей білген.&nbsp; Мәселен, жекпе-жек спортынан ҚР чемпионатынан Мадияр Болатов пен Ерасыл Мұратов панкратионнан ІІ орынды жеңіп алған. Сонымен қоса болашағынан зор үміт күттіретін Мадияр сынды жас спортшы қоян қолтық ұрыстан ҚР чемпионатынан ІІ орын еншіледі. Оның араша ММА-дан жеңімпаз атанған және грэпплингтен ІІ орын алған сәті бапкердің әлі есінде. Ал осы спорттан&nbsp; Азамат Серікбаев, Ерасыл Мұратов,&nbsp; Нұржас Ертілеуов, Мадияр Нұрғазы, Нұркелді Нұрғазы, Ғалымжан Мейрамбек ел біріншілігінде топ жарған. Сонымен қатар грэпплингтен Мадияр Нұрғазы мен Нұркелді Нұрғазы І орынды қанжығасына байлап қайтқан.&nbsp; &nbsp; &nbsp;– Алғашында ерікті түрде жаттығу залына келе бастаған спортшыларым көп жерде тайсалатын еді. Кейіннен, көптеген әдіс-тәсілді&nbsp; үйреніп, одан сайын жетілдіре түскен олардың көзінен жалынды ұшқын көрдім. Қаншама бала қоғам өмірінде қылмысқа барып немесе ұрлық жасап, темір торға тоғытылуда. Енжарлық танытып, спорттан тысқары жүрген жігіттерді байқаймыз. Осындайда спортқа бейім жастарды жаттығу залына әкелгеніме қуаныштымын. Қазіргі уақытта бірнеше спортшым ҚР спорт шебері атағына қол жеткізіп үлгерді. Біз серік еткен 5 спорт түрінің әдіс-тәсілі бір-бірінен өзгеше. Отызға жуық баланың&nbsp; жүріс-тұрысы, тәрбиесі жаттығуға үйренісуі бір күннің аясына сыйып кетпейді. Өз басым баламен тыңғылықты, тиянақты жұмыс жүргізуге күш саламын. Көптеген спортшыдан болашақ жарық жұлдыздарды шығаруға тырысамын. Балғын жекпе-жек шеберлері арасынан Шыңғыс Нұрбекұлы мен Арсен Бауыржанның талабы таудай екенін айта кеткен жөн, – дейді білікті бапкер.&nbsp;&nbsp; &nbsp; &nbsp;Ерен еріктілік үлгісін көрсете білген бапкердің қолға алған бастамасына ата-аналар да өз ризашылықтарын білдіреді. Мәселен, талай жарыста атой салып жүрген Мадияр Болатовтың әкесі Болат Бегімбаев жас бапкердің еңбегін жоғары бағалайтын ата-аналардың бірі.&nbsp; &nbsp; &nbsp;– Ата-ана қашанда баласына алаңдаулы болатыны жасырын емес. Кез келген жекпе-жекке шыққан перзентімнің тілеуін тілеп отырамын. Жас бапкердің&nbsp; спортшылар үшін жасап жатқан еңбегін мен секілді&nbsp; барлық әке қолдайтынына сенім мол. Себебі, қаншама баланың болашағын қалыптастырып берген Даниярдың табандылығы мақтауға тұрарлықтай іс. Ұғына білген адамға сауапты іске себепкер болған бапкердің жақсылығы еш уақыт­та өтеусіз. Ел біріншілігінде топ жарып жүрген ұлым секілді жас спортшы біткенге сәттілік тілеймін, – дейді ардақты әке.&nbsp; &nbsp; &nbsp; Жекпе-жек спортының майталмандары жақында бастау алған футболдан әуесқойлар «В» лигасында бақ сынауда. Ауданға қарасты 10 команданың ішінде топ жаруға ұмтылған «Тереңөзек жекпе-жек» атты команда сапында Данияр Жүсіпбаев, Ерасыл Мұратбаев, Мадияр Болатов, Азамат Серікбаев, Қуаныш Анапия, Нұржас Ертілеуов,Мадияр Нұрғазы бар. Сонымен бірге республика көлемінде қазақ күресінен топ жарып жүрген палуан Шоқан Уәлиханов, Дулат Бөлебаев, Руслан Алтынбеков, Әділет Алтынбеков әуесқой футболшылар қатарын толықтырған. Өткен аптада «Тереңөзек жекпе-жек» командасы алғашқы ойында «Майами» командасымен кездесті.&nbsp; &nbsp; &nbsp;– Өзім ережесіз жекпе-жек спортына 18 жасымда келген болатынмын. Үнемі Данияр ағайымыз жамандықтан аулақ болып, бар күштеріңді октогонда көрсетіңдер деп айтады. Ең алғаш ҚР чемпионатына барған кезімде орта жолдан сүріндім. Бүгінде ересектер арасынан ел біріншілігінде чемпион атану үшін жаттығу үстіндемін. Бапкеріміз қойған әдіс-тәсілді мүлтіксіз орындауға барымызды саламыз. 55-60 келі салмақта жарыс жолына шығу аса ауырлық етпейді. Көбіне қарсыластарымды қылғындыру, ауырту, тік тұрып төбелесу секілді&nbsp; әдісті қолданып жеңіп кетіп жатамын. Бапкеріміздің бізге берген әрбір мотивациясы –жарыста қарсыласты жеңуге, жолымыз болмаған жағдайда мұқалмауға ерекше рух сыйлайды, – дейді&nbsp; Азамат Серікбаев.«ШАҒАН-ЖЕРДІҢ» ШАПАҒАТЫ&nbsp; &nbsp; &nbsp;Шындығында, спортқа қадам басқан әрбір жеткіншек үшін жан-жақты қолдау қай кезде де керек. Негізінен, Данияр Жүсіпбаев шәкірттерінің жарыс жолына қиналмай шығуы үшін жан-жақты демеуші іздейтіні анық. Мұндайда бапкер «Шаған-Жер» ЖШС-нің төрағасы Жеңісбек Сыздықовқа жүгінетін көрінеді. Спортшылардың жол шығыны мен жүріп-тұруына қаржылай көмек көрсетуге жомарт жүректі азамат барынша ықпал етіп, демеушілік білдірген. Жеңісбек Шәкімбайұлы осыған дейін де бірнеше жарысқа демеушілік жасаған.&nbsp; &nbsp; &nbsp; &nbsp; –&nbsp;Жұдырықтай жұмыла білгенде ғана спортқа икемі бар баланың бағын ашуға болады. Жүрегінің түгі бар спортшы жеңімпаз атануға құлшынысы жоғары екенін әрдайым байқатады. Біздің спортшыларды қолдауға әрдайым ізгі ниетін білдіріп отырған «Шаған-Жер» ЖШС-нің төрағасы Жеңісбек Сыздықов ағамыздың еңбегі ерекше. Аграрлық салада өзіндік жолын қалыптастыра білген ел ағасының айрықша қолдауын сезініп келеміз. Әртараптандырылған шаруашылықтың қызметінің өрге басуына тілектестік білдіреміз. Бұл ретте, спортшылардың ешбір қиындықсыз жаттығуына жағдай жасап келе жатқан аудандық №11 Сырдария ауданының олимпиадалық резервтің мамандандырылған балалар-жасөспірімдер мектебінің директоры Бағдат Есенов пен аудандық спорт клубының директоры Диас Әлжановқа ризашылығымды білдіргім келеді. Сонымен қатар тәжірибелі бапкер Иса Әкімжанов әрбір бастамамызға үнемі бағыт-бағдар беріп келеді, – дейді білікті бапкер.&nbsp; &nbsp; &nbsp;Шын мәнінде, «Жүзден – жүйрік, мыңнан – тұлпар» болу оңай емес. Бір толқында өсіп келе жатқан ауыл балалары Даниярдың артынан еріп келе жатқанына дән риза. Күнделікті негізгі қызметінен тыс бала жаттықтыру – нағыз спортқа деген адалдықтың белгісі екені хақ. Дүниеде жаңалық ашуға құмар жандар бас қатырып жүргенде, Данияр&nbsp;еріктілігімен&nbsp; еразамат екендігін көпшілікке дәлелдей түскен.

Білікті бапкердің ерікті қызметі

<a href="https://kyzylorda-news.kz/">Kyzylorda-news.kz.</a>&nbsp; Бүгінде Сырдария өзеніндегі судың деңгейі тұрақты. Су тасқынынан қауіп жоқ. Өзен тиісті арнасымен ағуда. Десе де, сала мамандары өз істеріне салғырттық танытпай, жағдайдың жіті бақылауда екенін жеткізді. Өңірлік коммуникациялар қызметінің ақпарат алаңында салаға жауапты мамандар БАҚ өкілдеріне сұхбат беріп, Сырдария өзеніндегі су деңгейі туралы мәлімдеді.<blockquote>– Мемлекетаралық су шаруашылығын үйлестіру комиссиясының отырысында 2023 жылдың 1 қазаны мен 2024 жылдың 1 сәуір аралығында Шардара су қоймасына 11,1 млрд метр куб су түсетіні болжанған еді. Оның ішінде 6 наурызға дейін 9,55 млрд метр куб су түседі деп күтілді. Алайда, қазіргі таңда тиісті орынға 8,13 млрд метр куб су түскені анықталды. Бүгінде Шардара су қоймасы мен Көксарай су реттегішінде 5,5 млрд метр куб су жиналған. Бұл өткен жылдың осы кезеңімен салыстырғанда 1,3 млрд метр куб суға кем. Айта кетейік, өңірде суармалы жерлерде ұзындығы 15 мың шақырымды құрайтын суару жүйелері бар, - деді облыстық табиғи ресурстар және табиғат пайдалануды реттеу басқармасы басшысының орынбасары Мәріп Акбар.</blockquote>Жалпы, Сырдарияның жоғарғы ағысында 4 су қоймасы бар.&nbsp;<blockquote>– Олардың жалпы сыйымдылығы 26,650 млрд болып табылады. Бүгінде соның 47 пайызы суға толтырылған. Қазіргі таңда Шардарадан жоғары орналасқан су қоймаларындағы жинақталған судың жалпы көлемі 12,34 млрд текше метрді құрап отыр. Ал, Шардара су қоймасындағы су көлемі 4 669 млн метр куб. Қоймаға секундына 1 216,8 метр куб су түсіп жатыр. Бүгінде су тасқынынан қауіп төніп тұрған жоқ. Су Сырдария өзенінің негізгі арнасымен ағуда. Деңгейі төмен. Қорғаныс бөгетіне дейін су жайылған жоқ. Олардың биіктігі 2,5-3 метрді құрайды. Шардара су қоймасы мен Көксарай су реттегішінің жұмыс кестесі бақылауға алынып, жергілікті атқарушы органдармен Сырдария өзеніндегі су шаруашылық жағдайына күнделікті мониторинг жұмыстары жүргізілде, - деді Арал-Сырдария бассейндік инспекциясының басшысы Қайратбек Сәрсенбаев.&nbsp;</blockquote>Қызылорда облысы аумағынан ағып өтетін Сырдария өзенінің жалпы ұзындығы 1 274 шақырымды құрайды.&nbsp;<blockquote>– Өзеннің Жалағаш және Қармақшы аудандарының шекарасынан Арал ауданына дейінгі 547 шақырымында ауа райының жылынуынан кей жерлерде мұз еріп, күр жүруде. Ал, қалған 727 шақырым мұздан ашылған. Қазалы және Арал ауданы аумағындағы мұздың орташа қалыңдығы 20-30 см-ді құраса, Қармақшы ауданы аумағында 5-20 см болып отыр. Қызылорда облысы бойынша 2024 жылдың қыс пен көктемінде Сырдария өзенінде туындайтын су тасқынының алдын алу мақсатында жергілікті атқарушы органдармен филиал тараптарынан бірлескен іс-шаралар жоспары бекітілген. Су тасқынынан туындайтын төтенше жағдайдын алдын алу мақсатында тиісті инертті материалдардың қоры әзірленіп, арнайы техникалар дайындалуда, - деді «Қазсушар» РМК Қызылорда облысы филиалы директорының орынбасары Айдос Асанбаев.&nbsp;</blockquote>Облыс аумағындағы Сырдария өзенінде барлығы 625,12 шақырымды құрайтын қорғаныс бөгеті бар.&nbsp;– Қазіргі таңда Қармақшы ауданының шекара тұсында сең жүруде. Ал, Жаңақорған, Шиелі, Қызылорда қаласы мен Жалағаш, Сырдария аудандары мұздан толықтай тазартылды. Егер өзен арнасынан тасыған жағдайда қауіптің алдын алып, оны жою мақсатында 116 мекеме, 364 бірлік техника мен мыңнан астам қызметкер жұмылдырылған. Су басу қаупі бар аумақтардағы барлық тұрғындар мен шаруақожалық иелеріне түсіндірме жұмыстары жүргізілді, - деді облыстық ТЖД бастығының орынбасары Жасұлан Түйменов.Фото: Қызылорда облысының Өңірлік коммуникациялар қызметі

Сырдария өзеніндегі судың деңгейі тұрақты

<a href="https://kyzylorda-news.kz/">Kyzylorda-news.kz.</a> Ел болашағының жарқын болуы білімді, жан-жақты, тәрбиелі, жалынды ұрпақтың қолында. Кемел келешегіміздің келісті келбетін қалыптастыру бүгінгі жасөспірімнің сапалы білім алуымен тікелей байланысты. Сырдария ауданына қарасты №36 Ә.Тәжібаев атындағы мектеп-лицейдің 11 сынып оқушысы Әбілмансұр Рүстемовтің де, 10 сынып оқушысы Айзада Ерланқызының да арманы – адам жанына араша түсер білікті дәрігер болу. Білімді оқушылар болашағынан үлкен үміт күттіреді.Әбілмансұр Рүстемов асқақ арманы жолында төменгі сыныптан бастап өз бағытын таңдап, сол бойынша білімін жетілдіріп жүр. 7 сыныпта оқып жүрген кезінен бері болашақта таңдайтын пәнін, мамандығын анықтап, алдына үлкен мақсат қоя білген. Арманы анық, мақсаты айқын бозбала өзінің жарқын болашағы жолында нық қадам жасап келеді. Оған ата-анасы, ұстаздары әркез қолдау білдіреді.– Әбілмансұр – мектебіміздің бетке ұстар оқушыларының бірі. Биология және химия пәндерін сүйіп оқиды. Пән мұғалімі Әбілмансұр­дың талабын аңғарып, оқушыны қолдап, осы бағытқа жан-жақты дайындап келеді. Әбілмансұр мектептің ғана емес, ауданымыздың мақтанышы десек болады. Жақында ХҮІ Президенттік пәндік олимпиаданың республикалық кезеңінде топ жарып, жүлделі екінші орынды иеленіп келді. Осылайша ата-анасының ғана емес, мұғалімдерінің, ауданның мәртебесін көтерді. Өзі артық сөзі жоқ, нағыз ер азаматқа тән мінезі бар, салмақты, сабырлы жігіт. Мақсаты айқын оқушымыздың болашағы зор үміт күттіреді, – дейді Әбілмансұрдың сынып жетекшісі Айгерім Әмзеева.Бұған дейін де аудандық, облыстық олимпиадалар мен білім сайыстарында бақ сынап жүрген Ә.Рүстемов Президенттік олимпиадаға жаратылыстану-математика циклындағы химия-биология пәні бойынша қатысқан. Еліміз бойынша 199 оқушы бақ сынаған олимпиада нәтижесінде аудан намысын қорғаған оқушы ҚР Оқу-ағарту министрлігінің дипломымен марапатталған. Сонымен қатар «Химия-биология» білім беру бағдарламасы бойынша Әлихан Бөкейханов атындағы университетте оқудың барлық кезеңіне толық жеңілдік және Тұран университетіне 4 жылдық грант сертификатын жеңіп алған. Бірақ Әбілмансұр бұл жетістігімен тоқтап қалмақ емес. Ол ауданға белгілі әрі ұзақ жыл халық игілігі үшін абыроймен еңбек еткен атасы Рүстем Садықов сияқты дәрігер болғысы келеді. Адал еңбек пен терең білімді талап ететін болашақ мамандығы жолында ерінбей білім алуға дайын. Айта кетейік, республикалық олимпиаданың жеңімпазы атанған Әбілмансұрды аудан әкімі ұстазы және ата-анасымен бірге қабылдап, алғыс айтып, сый-құрмет көрсеткен еді.Ал Айзада Ерланқызы – мектеп-лицейдің үздік оқушыларының бірі. Қазіргі таңда 10 сыныпта оқиды. Оның да асқақ арманы – болашақта дәрігер мамандығын игеру. Осы мақсаты жолында Айзада да қазіргі таңда химия және биология пәндері бойынша дайындалып жүр.– Айзадамен кез келген тақырыпта сөйлесе аласыз. Ол жан-жақты білімді қыз. Өзінің ерекше, әдемі әлемі бар. Сұлулыққа, әдемілікке жаны құмар. Ой-өрісі кең. Әлем әдебиетінің классиктерін жата-жастанып оқиды. Сондықтан ол кез келген тақырыпты еркін талқылай алады. Сабырлы, артық сөзбен ісі жоқ. «Біздің мектептің оқушылары» дегенде мақтанышпен көрсете алатын білім алушыларымыздың бірі, – дейді сынып жетекшісі Ақманат Серікбайқызы.Ел болашағының жарқын болуы білімді, жан-жақты, тәрбиелі, жалынды ұрпақтың қолында. Кемел келешегіміздің келісті келбетін қалыптастыру бүгінгі жасөспірімнің сапалы білім алуымен тікелей байланысты. Сырдария ауданына қарасты №36 Ә.Тәжібаев атындағы мектеп-лицейдің 11 сынып оқушысы Әбілмансұр Рүстемовтің де, 10 сынып оқушысы Айзада Ерланқызының да арманы – адам жанына араша түсер білікті дәрігер болу. Білімді оқушылар болашағынан үлкен үміт күттіреді. Әбілмансұр Рүстемов асқақ арманы жолында төменгі сыныптан бастап өз бағытын таңдап, сол бойынша білімін жетілдіріп жүр. 7 сыныпта оқып жүрген кезінен бері болашақта таңдайтын пәнін, мамандығын анықтап, алдына үлкен мақсат қоя білген. Арманы анық, мақсаты айқын бозбала өзінің жарқын болашағы жолында нық қадам жасап келеді. Оған ата-анасы, ұстаздары әркез қолдау білдіреді. – Әбілмансұр – мектебіміздің бетке ұстар оқушыларының бірі. Биология және химия пәндерін сүйіп оқиды. Пән мұғалімі Әбілмансұр­дың талабын аңғарып, оқушыны қолдап, осы бағытқа жан-жақты дайындап келеді. Әбілмансұр мектептің ғана емес, ауданымыздың мақтанышы десек болады. Жақында ХҮІ Президенттік пәндік олимпиаданың республикалық кезеңінде топ жарып, жүлделі екінші орынды иеленіп келді. Осылайша ата-анасының ғана емес, мұғалімдерінің, ауданның мәртебесін көтерді. Өзі артық сөзі жоқ, нағыз ер азаматқа тән мінезі бар, салмақты, сабырлы жігіт. Мақсаты айқын оқушымыздың болашағы зор үміт күттіреді, – дейді Әбілмансұрдың сынып жетекшісі Айгерім Әмзеева. Бұған дейін де аудандық, облыстық олимпиадалар мен білім сайыстарында бақ сынап жүрген Ә.Рүстемов Президенттік олимпиадаға жаратылыстану-математика циклындағы химия-биология пәні бойынша қатысқан. Еліміз бойынша 199 оқушы бақ сынаған олимпиада нәтижесінде аудан намысын қорғаған оқушы ҚР Оқу-ағарту министрлігінің дипломымен марапатталған. Сонымен қатар «Химия-биология» білім беру бағдарламасы бойынша Әлихан Бөкейханов атындағы университетте оқудың барлық кезеңіне толық жеңілдік және Тұран университетіне 4 жылдық грант сертификатын жеңіп алған. Бірақ Әбілмансұр бұл жетістігімен тоқтап қалмақ емес. Ол ауданға белгілі әрі ұзақ жыл халық игілігі үшін абыроймен еңбек еткен атасы Рүстем Садықов сияқты дәрігер болғысы келеді. Адал еңбек пен терең білімді талап ететін болашақ мамандығы жолында ерінбей білім алуға дайын. Айта кетейік, республикалық олимпиаданың жеңімпазы атанған Әбілмансұрды аудан әкімі ұстазы және ата-анасымен бірге қабылдап, алғыс айтып, сый-құрмет көрсеткен еді. Ал Айзада Ерланқызы – мектеп-лицейдің үздік оқушыларының бірі. Қазіргі таңда 10 сыныпта оқиды. Оның да асқақ арманы – болашақта дәрігер мамандығын игеру. Осы мақсаты жолында Айзада да қазіргі таңда химия және биология пәндері бойынша дайындалып жүр. – Айзадамен кез келген тақырыпта сөйлесе аласыз. Ол жан-жақты білімді қыз. Өзінің ерекше, әдемі әлемі бар. Сұлулыққа, әдемілікке жаны құмар. Ой-өрісі кең. Әлем әдебиетінің классиктерін жата-жастанып оқиды. Сондықтан ол кез келген тақырыпты еркін талқылай алады. Сабырлы, артық сөзбен ісі жоқ. «Біздің мектептің оқушылары» дегенде мақтанышпен көрсете алатын білім алушыларымыздың бірі, – дейді сынып жетекшісі Ақманат Серікбайқызы. «Өзге тілдің бәрін біл, өз тіліңді құрметте» деп білетін Айзада әлем әдебиеті классиктерінің шығармаларын сүйіп оқиды. Оның ішінде орыс әдебиетінің өкілдері жанына жақын. Таңдаған мамандығына сәйкес тиісті пәннен бөлек орыс тілі мен әдебиеті пәнін жақсы көреді. Жақында дарынды оқушы ауыл мектептерінің балаларына арналған жалпы білім беретін пәндер бойынша олимпиаданың республикалық кезеңінде 1-орынды жеңіп алды. Республикалық додада топ жарған оқушыны осы сайысқа дайындаған ұстазы Роза Есбаеваның еңбегін атап өту орынды. «Ұстазы жақсының ұстамы жақсы» дегендей, білікті маманның дайындаған оқушысы ауқымды сайыста республиканың түкпір-түкпірінен келген оқушыларды басып озып, жүлделі орынды қанжығалаған. Аудан, облыс намысын қорғаған Айзаданың жеңісті жолы жалғасын табатынына ата-анасы да, ұстаздары да нық сенімді. ХХІ ғасыр – білім мен біліктілік кезеңі. Қашанда білекке емес, білімге сенген ұрпақтың болашағы жарқын болған. Келешекке кедергісіз үміт артқымыз келсе, дарынды, талапты оқушыларға қолдау көрсету орынды. Бұл туралы Президент те өзінің әр жылғы Жолдауында айтып, осы бағыт бойынша нақты тапсырмалар береді. Жастар мен жасөспірімдер мәселесі, олардың білім алып, кәсіп игеруі қоғам мен мемлекет назарынан тыс қалған емес. «Мен Мемлекет басшысы ретінде өскелең ұрпақтың болашағына баса мән беремін. Жастарға зор үміт артамын. Жастарымыз атқарылып жатқан ауқымды жұмыстың, реформалардың игілігін міндетті түрде көреді. Олардың арасында көзі ашық, көкірегі ояу, ойы ұшқыр азаматтар аз емес. Біз өскелең ұрпаққа жол ашу үшін барлық жағдайды жасауымыз керек» дейді Мемлекет басшысы өз сөзінде. Ендеше жалынды жастарымыз бен білімді ұрпаққа артылар міндет пен ертеңнен үміт көп. &nbsp;«Өзге тілдің бәрін біл, өз тіліңді құрметте» деп білетін Айзада әлем әдебиеті классиктерінің шығармаларын сүйіп оқиды. Оның ішінде орыс әдебиетінің өкілдері жанына жақын. Таңдаған мамандығына сәйкес тиісті пәннен бөлек орыс тілі мен әдебиеті пәнін жақсы көреді. Жақында дарынды оқушы ауыл мектептерінің балаларына арналған жалпы білім беретін пәндер бойынша олимпиаданың республикалық кезеңінде 1-орынды жеңіп алды. Республикалық додада топ жарған оқушыны осы сайысқа дайындаған ұстазы Роза Есбаеваның еңбегін атап өту орынды. «Ұстазы жақсының ұстамы жақсы» дегендей, білікті маманның дайындаған оқушысы ауқымды сайыста республиканың түкпір-түкпірінен келген оқушыларды басып озып, жүлделі орынды қанжығалаған. Аудан, облыс намысын қорғаған Айзаданың жеңісті жолы жалғасын табатынына ата-анасы да, ұстаздары да нық сенімді.ХХІ ғасыр – білім мен біліктілік кезеңі. Қашанда білекке емес, білімге сенген ұрпақтың болашағы жарқын болған. Келешекке кедергісіз үміт артқымыз келсе, дарынды, талапты оқушыларға қолдау көрсету орынды. Бұл туралы Президент те өзінің әр жылғы Жолдауында айтып, осы бағыт бойынша нақты тапсырмалар береді. Жастар мен жасөспірімдер мәселесі, олардың білім алып, кәсіп игеруі қоғам мен мемлекет назарынан тыс қалған емес. «Мен Мемлекет басшысы ретінде өскелең ұрпақтың болашағына баса мән беремін. Жастарға зор үміт артамын. Жастарымыз атқарылып жатқан ауқымды жұмыстың, реформалардың игілігін міндетті түрде көреді. Олардың арасында көзі ашық, көкірегі ояу, ойы ұшқыр азаматтар аз емес. Біз өскелең ұрпаққа жол ашу үшін барлық жағдайды жасауымыз керек» дейді Мемлекет басшысы өз сөзінде. Ендеше жалынды жастарымыз бен білімді ұрпаққа артылар міндет пен ертеңнен үміт көп.<img src="https://knadmin.beoblood.kz/uploads/5f87f97a_a5f3_4598_bcec_f1916fc0deb3_f9e83ae29a.jpg" alt="5f87f97a-a5f3-4598-bcec-f1916fc0deb3.jpg">

Сырдариялық оқушылардың білім бәсекесінде бәсі биік

<a href="https://kyzylorda-news.kz/">Kyzylorda-news.kz.</a> Дүниежүзілік денсаулық сақтау ұйымының мәліметінше, жыл сайын әлемде 20 миллионға жуық адам жүрек-қан тамырлары ауруларынан ажал құшады екен. Ал Қазақстанның 1,5 миллион тұрғыны осы дертпен диспансерлік есепте тұр. Аудан бойынша да жағдай мәз емес. Жалпы диспансерлік есепте 10 299 науқас тұр. Биыл 268 адам дәрігерлердің тұрақты бақылауына енген. Сонымен бірге елде тіркелетін өлім-жітімнің басты себебі де жүрек-қан тамырлары аурулары. Мамандардың жүрекке ерекше күтім мен айрықша назар қажет деп дабыл қағуы сондықтан.Күнделікті күйбең тіршілікте адамдардың емдеу мекемелерінде тексеріліп, өз денсаулығына аса мән бермейтіні ақиқат. Қарбаласта үнемі терең ойда жүріп, күйзеліске душар болады. Ашушаңдыққа бой алдырып, уақытылы тынығу мен дұрыс тамақтану да қалыс қалады. Ақ желеңділердің айтуынша, мұндай жағдай жүрек-қан тамырлары ауруларына душар етеді.&nbsp;– Бұрын ата-бабаларымыз шұбат пен қымыз ішіп, үнемі қозғалыста жүрді. Ал, қазір құнарлы тамақтан гөрі сапасыз ас өнімдеріне бет алдық. Шөлімізді табиғи емес, газдалған, энергетикалық сусын мен какао, кофеге қандырамыз. Оңай әрі тез дайындалатын фаст-фудты тұтынамыз. Сондай-ақ дене қозғалысы азайып, қимылсыз қызмет атқару әдетке айналды. Тізе берсек мұндай себептер көп. Алайда қарапайым өмір салтын жиі бұзғандықтан жүрек ауруларының көбейіп тұрғаны шындық. Бүгінде Шиелі жұртының 10 299-ы аталған ауру бойынша диспансерлік есепте тұр. Оның 5530-ы нәзік жандар, –&nbsp;дейді аудандық аурухананың кардиолог дәрігері Нұргүл Абдирова.Оның айтуынша, жүрек-қан тамыр аурулары Қазақстанда ғана емес, әлем бойынша көбейіп келеді.<blockquote>– Жүрек жеткіліксіздігі жүректің барлық паталогиясында кездеседі. Жүрек ишемиясы аурулары бар тіпті, қан қысымы жоғары науқастар да осы ауруға шалдығуы мүмкін. Онкология, қант диабеті сияқты дерт түрлері бір қарағанда кардиологиялық ауруларға жатпаса да олар түптің түбінде жүрек жеткіліксіздігіне алып келіп жатады. Сондықтан ондай науқастарға ерекше бақылау қажет. Ол үшін әуелі терапевт, кардиологтар науқасқа дұрыс көмек беруі шарт, – дейді маман.</blockquote>Созылмалы жүрек жеткіліксіздігі диагнозымен де қазір ұзақ әрі сапалы өмір сүруге болады. Жүректің қалыпты жұмысын қамтамасыз ететін дәрілер, дәрігердің тұрақты бақылауы оған сеп болады. Сонымен қатар салауатты өмір салтын ұстану да дерттің дендеп кетуінен сақтайды. Дүниежүзілік жүрек федерациясының мәліметінше, салауатты өмір салтын ұстану, темекі шегуден тыйылу, дұрыс тамақтану мен физикалық белсенділік арқылы инфаркт пен инсульттан болатын ерте өлімнің 80%-ының алдын алуға болады. Бұрын жүрек-қан тамырлары аурулары ересек адамдарға тән құбылыс болса, қазір онымен жастар, тіптен балалар да ауыратын болған. Мәселен, жас бойынша талдайтын болсақ, 50-60 жас аралығы 30 пайызды құраса, 50 жасқа дейінгілер 10 пайызға жеткен. Сондықтан мамандар осы аурулардың алдын алу бойынша скринингтік шаралар өтетінін, одан 40 жастан асқан азаматтар міндетті түрде өтуі қажеттігін айтады. Еліміздің әр 33-ші тұрғынында қан айналымы дертінің белгісі бар. Әр 12-ші адам артериялық гипертонияға шалдыққан.&nbsp;Сол үшін қайғылы жағдайға душар ететін дерттердің «үздік» бестігіне еніп үлгерген бұл ауруға бейжай қарауға болмайды. Егде жастағылар өз алдына, жастар да, жүкті әйелдер де бұған бейқамдық танытпағаны жөн.&nbsp;Фото: Нұрболат Нұржаубай

Шиелі: Жүрек-қан тамырлары ауруы бойынша 10 299 адам диспансерлік есепті

Жаңақорғандық кәсіпкер жылына 30 тоннадан аса қиярды нарыққа шығаруда

<a href="https://kyzylorda-news.kz/">Kyzylorda-news.kz</a>&nbsp; Ақтөбе облысының қылмыстық істер жөніндегі мамандандырылған ауданаралық сотында абайсызда үш адамның өлiмiне әкеліп соқтырған жол қозғалысы ережелерін бұзды деген айыппен мектеп мұғаліміне қатысты үкім жарияланды, деп хабарлайды <a href="https://kaz.zakon.kz/quqiq/6039672-atbede-sh-adamny-lmne-sebepsh-bolan-malm-sottaldy.html">Zakon.kz.</a>Айта кетсек, қайғылы оқиға&nbsp;2023 жылы 19 желтоқсанда "Самара – Шымкент" тас жолының 1140-шақырымында болды. Аталған жол учаскесінде "Toyota" көлігінің жүргізушісі рөлге ие бола алмай, жолдың қарама-қарсы бағытына шығып, жүк автокөлігімен соқтығысқан. Салдарынан автокөлік салонындағы үш жолаушы мерт болып, тағы біреуі ауруханаға түсті. Жол апатына түрткі көлік ішінде олимпиадаға бара жатқан мектеп оқушылары болған.Сотта сотталушы өзіне тағылған айып бойынша кінәсін мойындап, істеген ісіне өкінді.Жаза тағайындау барысында қылмыстық жауаптылық пен жазаны жеңілдететін мән-жай ретінде сотталушының жас балаларының болуын, бұрын қылмыстық жауаптылыққа тартылмағанын, кінәсін мойындап, шын ниетпен өкінуін таныды. Сотпен қылмыстық жауаптылық пен жазаны ауырлататын мән-жай анықталған жоқ.Сурет: Нұрболат Нұржаубай

Қазақстан және Қызылорда облысының жаңалықтары