<a href="https://kyzylorda-news.kz/">Kyzylorda-news.kz.</a> Әлемдегі ең қауіпті мамандықтардың бірі – өрт сөндіруші қызметі. Ол жүректілік пен батылдықты талап ететін нағыз ер жүректерге тән мамандық. Өрт сөндірушілер күн сайын өлім мен өмірдің арасында арпалысып жүреді. Себебі, бұл іс сәл мүлт кетуді кешірмейді. Осындай жауапкершілігі мол мамандықты атқарып жүрген азаматтардың бірі – Қазалы ауданының №9 өрт сөндіру бөлімі, Қазалы қаласының №15 өрт сөндіру бекетінің бөлімше командирі, азаматтық қорғау старшинасы және бұл салаға өзінің 19 жылға жуық уақытын сарп еткен өжет өрт сөндіруші Олжас Сыдықпен сұхбаттасқан едік.– Ең алғашқы өртпен арпалысқан кезіңіз…– Есімде 2006 жылы тұрғын үйден өрт шығып, жедел жетіп, тұрғын үйде тірі жан болмаған соң, құнды заттарды алып шықтық. Артынша үйде газ балонның бар екенін естіп, тәуекелге бел буып соны алып шыққанбыз.– Оқыс жағдай кезінде көзсіз батылдыққа барған сәтіңіз болды ма?– Бұндай жағдай әрбір өрт сөндірушінің басында болған шығар, сірә... Белгілі бір орыннан қоңырау түсіп, көздеген жерге жеткенімізде ғимарат көк түтінге оранған екен. Ғимарат ішінде «бір азамат қалып қойды» деген ақпарат келгенде көп кідірмей терезені бұзып кіргенмін. Қуанышымызға орай ақпарат жалған болып шықты.– Өрт сөндірушінің айлығы шайлығына жете ме?– Әрине жеткілікті. Қазақта «Ердің тапқаны еселі» деген жақсы сөз бар. Сол себептен ер азамат қандай салада жұмыс жасаса да ол шайлыққа да, басқаға да жетеді.– Көбі бұл мамандыққа баруға дауаламайды. Ал сіз өз мамандығыңыздан бақыт таба алдыңыз ба?– Шыны керек, осы мамандықта қызмет ету үшін арнайы әскерге де бардым. Келген соң орналасып, дос-жаран, жақсы әріптестерге байып, тіпті осында жүріп отбасылы болдым. Мен үшін бұдан асқан бақыт жоқ. Сол үшін де мамандығымнан бақыт таба алдым деп айта аламын.– Егер сіз өрт сөндіруші болмасаңыз, қандай мамандықты таңдар едіңіз?– Менің негізгі оқып-тоқып алған көк қағазымда заңгер маманы деп жазылып тұр. Сондықтан өрт сөндіруші жолын таңдамағанда, мүмкін сол заңгер саласы бойынша жұмыс жасар ма едім?!– Сіздің мамандықта асқан жауапкершілік пен өжеттілік қажет. Сіздің ойыңызша өрт сөндірушінің бойында басқа да қандай қасиеттер болуы керек?– Әрине, ең басты екі қасиет ол – жоғары жауапкершілік пен өжеттілік. Осындай қызметте жүрген соң, түрлі жағдайлар орын алып жатады. Сондай сәттерде психологиялық және физикалық тұрғыда мықты болу да әрбір өрт сөндірушінің міндеті.– Кейбір өрт сөндірушілердің еңбегі тасада қалып қойып жатады. Жалпы сондай сәттерде іштей реніш болмай ма?– Негізгі ісіміз адам өмірін аман алып қалу мен өртті ауыздықтау болған соң, мақтау-марапатты көздеу мақсатында жасалмайды біздің жұмыс. Сол үшін ешқандай реніш те, өкініш те өзекті өртемейді.– Белгілі бір орында өртті ауыздықтау барысында жазатайым оқиға болған жағдайда сіздерге сақтандыру шаралары қолданыла ма?– Я, бар. Оның барлығы арнайы бөлімдерде мемлекет тарапынан қарастырылған.– Қызыл жалын жаулаған ғимарат ішіндегі жанның немесе сіздің өміріңіз, яғни қос таңдау тұрса қайсысын таңдар едіңіз?– Негізі кез келген жағдайда қос тарапты да сүйреп шығуға тырысамыз. Ал егер басқа амалы болмаса, әрине жоғарыда атап өткендей адам жанын аман алып қалу мен берілген антты орындау. Себебі ол әрбір өрт сөндірушінің парызы деп санаймын.– Өзіңіздің ізіңізден ерген перзентіңіздің осы мамандықты таңдауына кеңес берер ме едіңіз?– «Әке көрген оқ жонар» демекші, бұл саланы ұлым да таңдап отыр. Қазіргі таңда ұлымды осы мамандыққа, Көкшетау қаласындағы арнайы оқу орнына дайындап жатырмын.– Жастарға айтар ақылыңыз…– «Дені сау ұрпақ – ұлт болашағының кепілі» деген жақсы сөз бар. Сондықтан салауатты өмір салтын ұстанып, ел үмітін ақтар азамат болыңыздар. Кез келген жағдайда өрт сөндіру ережелерін сақтап жүріңіздер және қандай мамандықты таңдасаңыздар да, шын ықылас пен бар ынта-жігеріңізді салып жұмыс жасаңыздар. Сонда ғана діттегеніңізге жетесіздер.– Сұхбатыңыз үшін рахмет!

Олжас Сыдық: Өрт сөндіру – жүректінің жұмысы

<a href="https://kyzylorda-news.kz/">Kyzylorda-news.kz.</a> 18 мамыр – халықаралық музейлер күніне орай, Қызылорда қаласының тарихы мұражайында тағылымды шара ұйымдастырылды. Рухани кешке арнайы барған қала әкімінің орынбасары Жанмұрат Сейілов музей қызметкерлерін төл мерекесімен құттықтап, бірқатар сала үздіктеріне шаһар басшысы Асылбек Шаменовтың алғыс хатын табыс етті.<blockquote>«Бүгінгі мереке баршамызға ұрпақтар сабақтастығын нығайта отырып, ұлттың тарихи және мәдени мұрасына терең құрметпен қарауды ұғындырады. Себебі, мұнсыз кез-келген қоғамның табысты дамуы мүмкін емес. Дәл осы мерейлі сәтте руханият ордасы – музейдің заман ағымына сай ілгерілеуіне күш салып, қастерлі қызметті ғұмырымен байланыстырған мамандарға шынайы алғысымды білдіремін»-деді Жанмұрат Сейілов.</blockquote>Расында, мемлекеттің өткені мен бүгінгі тарихын жалғастыруда музей ісінің алатын орны ерекше. Бұл ретте, ғасырлар қойнауынан сыр шертетін тарихи құндылықтарымызды, баға жетпес жәдігерлерімізді, мәдени ескерткіштерді көздің қарашығындай сақтап, асыл мұраларды ұрпаққа аманаттау жолында музей қызметкерлерінің ұлттық мәдениетіміздің өркендеуіне қосып жатқан үлестері өлшеусіз. Мерекеге арналған рухани кеште спорттық және интеллектуалдық ойындар ойнатылып, қала өнерпаздары әннен шашу шашты.Тағылымды шара соңында жиылған қауым «Музейге сый» акциясы аясында мұражай қорына тапсырылған жәдігерлерден дайындалған көрмені тамашалап, жақсы әсермен тарқасты.

Қызылордалықтар музей күнін атап өтті

<a href="https://kyzylorda-news.kz/">Kyzylorda-news.kz.</a> Даму бағыты, саяси ұстанымы әртүрлі болса да &nbsp;көптеген мемлекеттердің ортақ бір мәселесі бар, ол – жемқорлық. Қанша жаһанданған немесе демократиялық болса да – мемлекетте &nbsp;жемқорлықтың болуы оны алға бастырмайды.Себебі – жемқорлық, ең алдымен, әлеуметтік мәселе. Билік басында сыбайластық пен жемқорлық орын алуы адамдардың сол билікке сенімін жоғалтады. Заңның үстемдігіне, демократиялық принциптерге сенім жоқ жерде – адамның өзіне және болашағына көзқарасы әлсірейді.Сый-сияпат беру арқылы мәселені шешу – тамыры терең &nbsp;дертке әкеп соғатыны айқын. Дертті таныған кезде &nbsp;оны жеңу қиын екені аңғарылады.&nbsp;Осы үйреніп қалған жүйе қолайлы сияқты көрінеді. Жолыңдағы жемқорлық деген кедергіні жеңем деп жүргенше, сен де ең оңай жолды таңдап сол әдіспен өтіп кеткенің оңайырақ сияқты. Міне – қоғамды құртатын осы жағдай.Тамыр-таныстықтың, сый-сияпат берудің үлкен күш екенін кішкене кезінен сезінген балада менмендік, масылдық, жазадан қорықпау мінезі қалыптасады. Бұл, өз кезегінде, жалқаулық, сауатсыздық, дөрекілік сияқты келеңсіз қасиеттерді оның бойына берік орнатады.Бұдан шығатын қорытынды қандай?Отбасы мен қоғамда &nbsp;жемқорлыққа қарсы тұру мәдениетін қалыптастыру.Жемқорлыққа қарсылық мәдениеті – адамның құқықтық сауаттылығының деңгейіне байланысты. Өзіңнің денсаулығыңа, өміріңе, қоршаған ортаңа, қоғамға, одан әрі мемлекетке зардабын тигізетін жемқорлық деген жаман дертке бой алдырмау үшін ерекше алгоритм ойлап табудың қажеті жоқ. Оның шипасын дәстүр мен салттан, берік діни ұстанымнан, отбасылық құндылықтардан табуға болады. Өз білімің мен күшіңе сену, көмекке немесе қолдауға мұқтаж адамдарға сергеу қарау, жақсылықты қайтарымсыз жасау ниеті, әдептілік және еңбекқорлық.&nbsp;Отбасында, бала-бақшада, мектепте адал, шыншыл, өз білімі мен еңбегінің арқасында көпке пайдасын тигізген жандар туралы көп айту, еңбек пен масылдықтың, адалдық пен өтіріктің, құрмет пен жағымпаздықтың ара жігін ажыратуды құлаққа құю маңызды. Әр адамның адалдық туралы нақты пікірі азаматтық қоғамның ұстанымын қалыптастырады. Ал қоғамның моральдық бейнесі «заңды бұзба» деген шарттан тұруы керек.Белгілі ғұлама Конфуций: «Әр адам өз міндетін орындауы керек: әке – әке болсын, бала – бала болсын, билеуші – билеуші болсын»,- деген. Яғни, әр адам заңға бағынып, өз міндетін адал және жауапкершілікпен орындаса болғаны, ешбір жемқордың жетегінде кетпес еді.&nbsp;Бұдан шығатын қорытынды: өз отбасыңның лайықты ізбасары, өз Отаныңның нағыз патриоты болу үшін ішкі мәдениетіңді көтеруді ойла! Біліміңді арттырып, тәртібіңді нығайт! Күйбең тіршіліктен бастап мәртебелі мемлекеттік мәселеге дейін барлық әрекеттің нәтижесі оны жасаған адамдардың ақыл-ойына, сенімді әрекетіне, мінсіз қызметіне байланысты екенін жадыңда тұт!&nbsp;Сонда ғана қатыгездіктен ада, көреалмаушылықтан таза, парақорлық пен жемқорлыққа жол бермейтін қоғамды қалыптастыра аламыз. Яғни, &nbsp;махаббат пен мейірімге, жақсылық пен бақытқа бөленген әлемде өмір сүру үшін сол әлемді өз қолымызбен жасаймыз.Осы қарапайым &nbsp;қағиданы әр азамат ұстанса – жемқорлықсыз мықты мемлекетті құруға болар еді.Бақыт ОРДАНОВА, Қызылорда облысы бойынша экономикалық тергеп-тексеру департаментінің&nbsp; бас маманы

Қоғамның жегі құрты – жемқорлықтан құтылу мүмкін бе?

<a href="https://kyzylorda-news.kz/">Kyzylorda-news.kz.</a> Қазіргі таңда тұрғындар үйден тіркелу арқылы емханаға жүгінеді. Бұл жөнінде Өңірлік коммуникациялар қызметінің ақпарат алаңында өткен брифингте облыстық денсаулық сақтау басқармасының бөлім басшысы Раушан Бақтыберлина мәлімдеді.<blockquote>«Тұрғындар емханаларға тіркелуді екі тәсіл арқылы жүзеге асыра алады. Тікелей медициналық-санитариялық алғашқы көмек ұйымы арқылы және «Электрондық үкіметтің» веб-порталы арқылы жүзеге асырылады. ЭЦП кілт арқылы тіркеліп, бір күннен кейін дәрігерге көрінеді. Сонымен қатар жылына бір рет қыркүйек-қараша айларында бекіту науқаны болады. Аталмыш науқанда халық өз емханасын таңдай алады», - деді &nbsp;Раушан Сейткасымқызы.</blockquote>№3 қалалық емхананың бас дәрігері Гүлстан Мақсұтова қазіргі күні науқастарды тегін дәрімен қамтамасыз ету жүргізіліп жатқанын айтты.<blockquote>«Бүгінде науқастарды тегін дәрімен қамтамасыз ету жүргізіліп жатыр. Қант диабеті, жүректің ишемиялық аурулары, артериялық гипертензия, созылмалы бронхит, өкпенің созылмалы аурулары, гепатит, ересектер тобының тізімінде көрсетілген психикалық жүйке аурулары, бүйректің созылмалы жетіспеушілігіне, онкологиялық қатерлі ісік ауруларына, өкпенің демікпе науқасына, Ковид-19, неврологиялық ауру түрлеріне шалдыққандар тегін дәрі-дәрмекпен қамтамасыз етіледі. Тегін дәрі-дәрмекке жыл соңында ұсыныс беріп, қаңтар айынан бастап науқастарға жолдама арқылы береміз. Атқарылып жатқан жұмыстар жүйелі түрде жалғасуда», - деді емхананың бас дәрігері.</blockquote>№6 қалалық емхананың бас дәрігері Жаннат Қожарипова скринингтік тексерулер толығымен ақысыз өтетінін айтты.<blockquote>«Скрининг - бұл белгілі бір жастағы сау адамдарды алдын-ала медициналық тексеруден өткізу, қауіп факторлары мен ауруларын ерте сатысында анықтау. Скринингтен өтудің басты мақсаты қауіпті ауруларлың алдын алу болып табылады. Скринингтік тексерулер толығымен ақысыз өткізіледі. Бүгінде емханаларда скринингтің бірнеше түрі жүргізіледі. Бұл тексерілу жұмыстары екі жас санаты бойынша жүргізіледі. Біріншісі - 18 жасқа дейінгі балалардың скринингі. Ол балалар арасындағы аурудың алдын алуға көмектеседі. Екіншісі – ересектер арасындағы скрининг. Бұл тексеру жұмыстары қант диабеті, қатерлі ісіктердің алдын алуға бағытталған. Осы орайда, барша тұрғындарды уақытылы скринигтен өтуге шақырамыз», - деді №6 қалалық емхананың бас дәрігері Жаннат Қожарипова.</blockquote>

Қызылорда: Емханаларда көрсетілетін көмек саны артып келеді

<a href="https://kyzylorda-news.kz/">Kyzylorda-news.kz.</a> Бүгін Сыр топырағында туып, өнерімен талайды мойындатқан талант иесі, Қазақстанның еңбек сіңірген қайраткері, әнші-композитор Батырхан Шөкеновті еске алу шарасы өтті.Батырдың атындағы саябақта өткен шараға әншінің анасы, бауырлары, қала әкімінің орынбасары Жанмұрат Жақсымұратұлы, зиялы қауым өкілдері, қала тұрғындары және тыңдармандары қатысып, ескерткішіне гүл шоқтарын қойды.&nbsp;Айта кету керек, 2018 жылдың 18 мамырында Батырдың туған күніне орай қала орталығындағы саябаққа есімі беріліп, ескерткіші орнатылған болатын. Содан бері саябақ аумағында жаңадан ағаштар отырғызылып, әсем гүлдермен көмкерілді. Бүгінде арнайы орнатылған дыбыс күшейткіш колонкаларда талантты жерлесіміздің әндері шырқалып, қала тұрғындарына мәдени демалыс сыйлап келеді.Қазақстанның әйгілі эстрада әншісі, композитор Батырхан Қамалұлы Шүкенов 61 жыл бұрын Қызылорда облысында дүниеге келді. Құрманғазы атындағы Алматы консерваториясын бітіріп, 1982 жылдан Роза Рымбаеваны сүйемелдейтін «Арай» тобына кірді.1987 жылы «Алматы» тобын құрды. Кейіннен ол «Алматы-Студио» тобы болып қайта құрылды.1989 жылы өзінің атақты «Джулия» деп аталатын хитын жазды. Осы жылы «А-Студио» Алла Пугачеваның «Рождестволық кештер» әш кешіне қатысқаннан кейін ансамбль атағы бұрынғы Совет одағы аумағында танымал болды.Әнші 2002 жылы Қазақстанға оралып, өзінің алғашқы «Отан ана» атты жеке альбомын шығарды.2007 жылы ҚР Президенті Нұрсұлтан Назарбаевтың мәдениет жөніндегі кеңесшісі болды.2009 жылы ЮНИСЕФ ерікті елшісі, 2010 жылы Алматыдағы қайырымдылық балы комитетінің құрметті мүшесі болды.Батырхан Шүкенов 53 жасқа қараған жасында Мәскеу қаласында жүрек талмасынан қайтыс болды. Марқұм Алматыда жерленді.

Қызылордада Батырхан Шөкеновті еске алу кеші өтті

<a href="https://kyzylorda-news.kz/">Kyzylorda-news.kz.</a> Қызылорда қаласындағы «Ана үйінде» мемлекеттік орган өкілдерінің, еріктілердің, қаржылық қолдау көрсететін кәсіпкерлердің қатысуымен мерекелік іс-шара болып өтті.&nbsp;Ана Үйі 2014 жылдан бері жұмыс істейді. Осы жылдан бастап «Ана Үйін» бизнесмен Алидар Утемуратов қаржыландырады. Осы уақыт ішінде мұнда балаларынан бас тарту алдында тұрған ХХХ -ден астам қыз көмек алды.Қор барлығы 8000-нан астам баланы, оның ішінде бала асырап алу жөніндегі ұлттық агенттіктің көмегімен отбасыларына орналастырылған балаларды жетімдіктен құтқарды.Естеріңізге сала кетейік, Ана үйі ресурстық орталықтарымен қатар бүкіл ел бойынша «Ана үйі» ҚҚ Бала асырап алу жөніндегі ұлттық агенттігінің кеңес беру кабинеттері жұмыс істейді, онда психологтар мен заңгерлер асырап алушы ата-ана болғысы келетін отбасыларға кешенді көмек көрсетіледі.<blockquote>«Қазіргі таңда Ана үйлері өздерінің тиімділігін көрсетіп келеді. Осы уақыт ішінде бүкіл ел бойынша жаңа туған нәрестелерден бас тарту саны 69%-ға қысқарды. Балаларға арналған мекемелерден балаларды отбасыларға, оның ішінде кәсіби асырап алушы отбасыларға орналастыруға жәрдемдесу жұмыстары да нәтиже көрсетті. Қордың барлық күш-жігері жақын арада балаларға арналған мекемелердің жабылуына ықпал етеді. Қалған интернаттық мекемелерді отбасыларға орналастыруға жәрдемдесу жөніндегі әлеуметтік қызметтерге айналдыру қажет, онда балалар қысқа мерзімге келетін болады», – деді жоба басшысы Сания Сұлтанхамитқызы.</blockquote>Сондай-ақ, «бізге көмек көрсеткендердің барлығына алғыс білдіргіміз келеді. Осы уақыт ішінде Қызылорда қаласындағы Ана Үйінің қолдауымен ХХ-ден астам балалары бар әйелге көмек көрсетілді. Бізге қиын өмірлік жағдайға тап болған және баладан бас тартудың алдында тұрған жас аналар жүгінеді. Біздің басты мақсатымыз – баланы туған анасымен бірге қалдыру», – деді Қордың Қызылорда облысындағы өңірлік өкілі Дина Жүсіпбаева.

Қызылордадағы «Ана үйіне» 10 жыл толды

<a href="https://kyzylorda-news.kz/">Kyzylorda-news.kz.</a> ҚР Қаржы нарығын реттеу және дамыту агенттігінің деректері бойынша 2023 жылғы наурызда&nbsp;1 191,3 млрд теңгеге жаңа тұтынушылық кредиттер берілді, бұл өткен аймен салыстырғанда 20,3%-ға артық. Тек тұтынушылық&nbsp;мақсаттарға 850,2 млрд теңге берілді, бұл өткен аймен салыстырғанда 18,8%-ға артық.Көріп отырғанымыздай, тұтынушылық&nbsp;кредиттерге&nbsp;сұраныс өсіп келеді, қарыз алу кезінде сіздің тәуекелдеріңізді азайту үшін біз негізгі&nbsp;қағидалармен танысуды ұсынамыз.Кредиттің&nbsp;мақсатын анықтаңызЕң алдымен кредитордан қандай мақсаттар үшін қарыз алатыныңызды анықтаңыз. Қарызды ресімдеудің негізгі мақсаты сіздің жедел тілектеріңізді орындау емес, белгілі бір қаржылық мәселелерді шешу болуы тиіс екенін есте ұстаған жөн.Мысалы, егер сіз біліктілікті арттыру үшін кредит ресімдесеңіз, онда болашақта бұл шығындар еңбек нарығындағы «құныңызды» арттырады, кредит алып ресімделген соңғы үлгідегі гаджет белгілі бір уақыттан кейін ескіреді және оның құны сіз ресімдеген қарыз сомасынан әлдеқайда арзан болады.Сондықтан, әрқашан, қандай да бір мақсатқа кредит алмас бұрын, мұқият ойланған дұрыс. Кемшіліктері мен артықшылықтарын өлшеп, шығындарыңыз бен кірістеріңізді есептеңіз. Егер сіз жұмыс орнын ауыстыруды немесе демалысқа кетуді жоспарласаңыз, онда бұл кредит алудың ең жақсы уақыты емес шығар. Қарыз бойынша төлемдер төлем кестесіне сәйкес жасалуы керек екенін түсіну маңызды. Кредиттің сіздің бюджетіңізге сәйкес келетінін анықтау үшін сіз ай сайынғы төлем мөлшерін білуіңіз керек. Банкке ай сайын төленетін жалпы сома сіздің кірісіңіздің 20-30%-ынан аспайтын кезде өте қолайлы.&nbsp;Бірнеше&nbsp;кредиттік&nbsp;ұйымның ұсыныстарын салыстырыңызӨзінің төлем қабілеттілігін және қарыздың орындылығын бағалаудан басқа, бірнеше банктердегі немесе МҚҰ-дағы кредиттер бойынша талаптарды талдау қажет.Бүгінгі күні онлайн кредиттер өте танымал, оларды қарыз алушыға арнайы талаптарсыз «15 минут» ішінде алуға болады. Бірақ мұндай кредиттердің пайыздық мөлшерлемесі өте жоғары болатынын есте ұстаған жөн, өйткені мұндай қарыздың құнына қайтарылмаудың барлық ықтимал тәуекелі енгізілген.Сондай-ақ, интернет кеңістігінде 0%-бен деп жарнамаланатын кредиттер жиі кездеседі. Мемлекеттік қолдау бағдарламаларын қоспағанда, мұндай қарыздарды беру тиімсіз, сондықтан мұндай кредиттер қарыздың барлық сомасына есептелетін үлкен комиссияларды білдіреді немесе бұл алаяқтық схемалар болуы мүмкін.Тек жарнамаға немесе туыстарыңыз бен таныстарыңыздың кеңестерін тыңдауға сенбеуіңіз керек. Қарыздың барлық талаптарын өз бетіңізше зерттеп, дұрыс таңдау жасаңыз. Банктердің кредиттің талаптарына қатысты толық ақпаратты ашу міндеті заңнамалық тұрғыдан көзделген. Яғни, банк шарт жасасқанға дейін сізде туындаған мәселелер бойынша, оның ішінде ЖТСМ мөлшері және кредитті өтеу әдісі бойынша кеңес беруге міндетті.ЖТСМ номиналды сыйақы мөлшерлемесінен несімен ерекшеленеді?Қарыз алушы кредит алу қарыз сомасын, есептелген сыйақыны (номиналды мөлшерлемені) қайтарумен ғана емес, сондай-ақ қарызға қызмет көрсетуге байланысты өзге де комиссияларды, төлемдерді төлеумен де байланысты екенін білуі қажет.ЖТСМ – бұл банк пен МҚҰ қызметтері бойынша дәйекті, жылдық, тиімді, салыстырмалы есептеудегі (нақты құны) сыйақы мөлшерлемесі, оған қарызды беруге және қызмет көрсетуге байланысты барлық комиссиялар, төлемдер, яғни кредит бойынша артық төлемнің нақты көрсеткіші кіреді.Номиналды мөлшерлеме – бұл комиссиялар мен басқа төлемдерді есепке алмағанда, қарызды пайдаланғаны үшін ай сайынғы сыйақы есептелетін мөлшерлеме.Сондықтан ЖТСМ банктің кредит бойынша сыйақысын (пайыздарды) ғана емес, сонымен қатар қарызды беруге және қызмет көрсетуге байланысты барлық басқа комиссияларды, төлемдерді ескеретін негізгі мөлшерлеме болып табылады.Осыған байланысты номиналды пайыздық мөлшерлемеге назар аудару қажет, ол ЖТСМ-ды емес, тек пайыздарды (банктің сыйақысын) ғана ескереді,Сізге ыңғайлы өтеу әдісін таңдаңызНегізінен банктер барлық жерде аннуитеттік әдісті ұсынады, онда кредит мерзімі ішінде қарыз алушы ай сайын тең төлемдерді төлейді және негізгі қарыз өсім бойынша өтеледі.Сондай-ақ, негізгі қарыз біркелкі төленетін сараланған әдіс бар, ол кезде төлемдер мөлшері азаяды. Бұл әдісті таңдағанда, отбасының жалпы кірісі аннуитетке қарағанда төрттен бір бөлігін құрауы керек.Өтеу әдісін таңдау қарыз алушының қалауына ғана негізделмейді, өйткені ол сұралған қарыз өлшемдеріне және қарыз алушының оны ай сайын өтеу қабілетіне байланысты.Кредит беру мерзіміне назар аударыңызАртық төлем сомасы оларға байланысты, егер кредит беру мерзімі ұзағырақ болса, онда қарыз бойынша артық төлем көп болады. Банк менеджерінен қарызды ішінара немесе толық мерзімінен бұрын өтеу талаптарының қандай екенін, атап айтқанда айыппұлдар мен артық төлемдерсіз кез келген кезеңде мерзімінен бұрын өтеу мүмкіндігі бар-жоғын нақтылаңыз.Банк заңнамасына сәйкес, банктердің қарыздарды мерзімінен бұрын өтегені үшін айыпақыны немесе айыппұл санкцияларының өзге де түрлерін алуға құқығы жоқ. Бұған негізгі борышты ішінара мерзімінен бұрын өтеу немесе толық мерзімінен бұрын өтеу жағдайлары, яғни бір жылға дейінгі мерзімге берілген қарызды алған күннен бастап алты айға дейін және бір жылдан астам мерзімге берілген қарызды алған күннен бастап бір жылға дейінгі жағдайлар жатпайды. Бұл ретте сіз банкке пайыздарды кредитті пайдаланудың нақты күндері үшін ғана төлейсіз.Кредиттік шартқа қол қоймас бұрын оны зерделеңізТалаптарды мұқият зерделегеннен кейін ғана шартқа қол қою өте маңызды!&nbsp;Егер бір жағдайлар түсініксіз болса, банк менеджерінен сұраңыз, егер мүмкін болса, заңгермен кеңесіңіз. Менеджерге кредит беру талаптары, тараптардың құқықтары мен міндеттері, оның ішінде төлем мерзімін кешіктірген жағдайда оның салдары туралы кез келген нақтылаушы сұрақтарды қоюдан ұялмаңыз.Банк алдындағы міндеттемелерді орындамау нашар кредиттік тарихқа әкелуі мүмкін екенін есте ұстаған жөн. Қазақстанда екі кредиттік бюро – Мемлекеттік кредиттік бюро (МКБ) және Бірінші кредиттік бюро (БКБ) жұмыс істейді, олар кредиттік тарихты қалыптастырады, бірақ дербес түрде кредиттік есептерге өзгерістер енгізбейді. Мұны ақпарат жеткізушілер, яғни банктер, микроқаржылық қызметті жүзеге асыратын ұйымдар және тауарларды кредитке немесе бөліп-төлеуге сататын өзге де тұлғалар жасайды. Жеке кредиттік есепті мыналар арқылы алуға болады:- Мемлекеттік кредиттік бюроның сайты - id.mkb.kz;- Бірінші кредиттік бюроның сайты және мобильді қосымшасы - www.1cb.kz;- Электрондық үкімет сайты www.egov.kz;- тұрғылықты жері бойынша Халыққа қызмет көрсету орталықтарында (ХҚКО).Сондықтан, әрқашан, қандай да бір мақсатқа кредит алмас бұрын, мұқият ойланыңыз. Дәл қазір ол сізге қажет пе және ол үшін ұзақ мерзімді қаржылық міндеттемелер қабылдау керек пе? Өйткені, өмірді болжау мүмкін емес және әр түрлі жағдайларға байланысты сіз бірден жұмысыңыздан, кірістеріңізден айырылып, нәтижесінде кредит төлеуді тоқтатып, кредиттік тарихыңызды бұза аласыз. Кредитті төлемеу қаупі барлық адамда, тіпті өте табысты адамдарда да бар.

Жеңіл ақшаның елесі: Кредит алудың қажеті жоқ екенін қалай түсінуге болады

<a href="https://kyzylorda-news.kz/">Kyzylorda-news.kz.</a> &nbsp;Стамбұлдағы аты аңызға айналған Қыз мұнарасы күрделі қалпына келтіру жұмыстары мен бірқатар жаңартулардан кейін Түркия Республикасының құрылғанына 100 жыл толған мерейиойына орай, ескерткіш және мұражай ретінде қайта ашылды.Стамбұлдың Азия жағалауында орналасқан Қыз мұнарасы 2021 жылы Мәдениет және туризм министрлігі бастаған қалпына келтіру жұмысынан жергілікті халық пен туристерге есігін қайта ашты. Босфор бұғазының жағасында орналасқан мұнара енді мемориалдық мұражай ретінде қызмет етеді.Қыз мұнарасы біздің дәуірімізге дейінгі V ғасырда қазіргі Үскүдар жағалауынан шамамен 20 метр қашықтықтағы аралда Босфор арқылы өтетін кемелерді басқаруға және салық жинауға арналған кедендік бақылау бекеті ретінде салынған. Бұл кішкентай аралда Шығыс Рим императоры Мануэль Комненос 12 ғасырда қорғаныс ғимаратын салуға бұйрық берді. Тарихи түбекте мұнарадан мұнараға созылған темір тізбек Босфор бұғазының кіруі мен шығуын басқарды. 1453 жылы Сұлтан Мехмед II Стамбулды жаулап алғаннан кейін мұнда келесі ғасырларда күзет мұнарасы, маяк және карантин орны ретінде қызмет еткен ағаш мұнара салынды. Республикалық дәуірде қаланың порт басшылары ұзақ уақыт пайдаланған мұнара 1964 жылы Түркияның Қорғаныс министрлігіне, одан кейін 1983 жылы түрік теңіз кәсіпорындарына берілді. Осы кезеңде ол радиолокациялық станция мен қойма қызметін атқарды. , кейінірек ол біраз уақыт мейрамхана ретінде жұмыс істеді, оған Үсқұдар жағалауынан қайықпен жетуге болады.Ыстамбұлдың сұлулығын паш ететін сұлу қыз Босфор бұғазының ортасында орналасқан Қыз мұнарасының да атағын арттыратын бірнеше аңыз бар. Біріншісі патша мен оның ханшайым қызы туралы баяндайды. Бір көріпкел ханшайымның жылан шағып өлетінін болжағаннан кейін, патша қызын қорғау үшін Салачак маңындағы жартастарға Қыз мұнарасын тұрғызады. Алайда ханшайым ақыры тағдырынан қашып құтыла алмай, қамалға жеміс себетін салып кірген жылан шағып алады. Тағы бір аңызда Леандростың мұнарада тұратын Афродитаның монах әйелі Батырға ғашық болғаны айтылады. Леандрос әр түнде мұнараның жарығында жүрген Хироны көру үшін жүзіп жүрді.Алайда түнде боран салдарынан мұнараның шамдары сөніп қалды. Леандрос адасып, Босфорда батып кетті. Қайғы мен қайғыға батқан Батыр да өз-өзіне қол жұмсады. Ыстамбұлдың көрікті жерлерінің бірі ретінде Қыз мұнарасы теңіздің ортасында орналасуына және ауа райы жағдайына байланысты тұрақты күтімді қажет етеді. Осы тұрғыда Түркияның Мәдениет және туризм министрлігі 2021 жылы «Қыз мұнарасы қайтадан көзін ашады» атты реставрация жобасын бастады. Зейнеп Ахунбай мен хан Түмертекин. Соңғы қалпына келтіру аясында мұнараның негізгі құрылымынан оның тарихи құжаттарында жоқ барлық нақты толықтырулар алынып тасталды.Сонымен қатар, мұнара мен ол тұрған арал қадалармен және сейсмикалық оқшаулағыштармен күшейтілген. Тауэр ауласының төбесі алынып тасталды және оның орнына ағаш жабын орнатылды, бастапқы пішінге сәйкес дайындалды. Аула мен сыртқы қабаттар да тарихи жазбаларда келтірілген түпнұсқа материалдан қалпына келтірілді. Ыстамбұлдың жергілікті тұрғындары мен қонақтары бұл сәнді ғимаратты қаланың әр түкпірінен үнемі тамашалаған. Енді ол мұражай ретінде қайта ашылғандықтан, келушілер сұлу Ыстамбұлды Қыз мұнарасының тұрғысынан тамашалай алады.www.kizkulesi.gov.tr

Стамбұлдағы Қыз мұнарасы қайта ашылды

<a href="https://kyzylorda-news.kz/">Kyzylorda-news.kz.</a> Ғасырлар бойы бабадан балаға мирас болған түрік дәстүрінің бірегейі – түрік асханасы әлемге танымал. 21-27 мамыр арасында өтетін Түрік асханасы апталығы ондаған өркениет пен кең ауқымдағы бай география мен тарихты қамтиды.Түрік асханасы апталығы шеңберінде UNESCO Шығармашылық қалалар желісінің шешімімен, биыл “Әлемнің 26-гастрономиялық қаласы” атанған Хатайдың аймақтық тағамдарына басымдық беріледі. Аталған апталықты Түркия республикасының Мәдениет және туризм минисирлігі тарапынан басқарылады. Түркияның дипломатиялық миссиялары Жер шары бойынша әртүрлі нысандар мен әлеуметтік желілерде Хатай асханасы туралы түрлі шаралар ұйымдастырылады.Тамырын ежелгі заманнан тартқан, тұрақты даму үстінде болған, денсаулыққа пайдалы Хатай тағамдарының дәмін татумен бірге олардың құрамы, қалай дайындалатыны жайлы да мол мағлұмат алады. Сонымен қатар түрік кофесі, түрік шайы, рахат-локумынан апта бойы қонақтар дәм татады.Жоғары сапалы зәйтүн майы, дәнді-дақыл, көкөніс, жеміс-жидек, түрлі өсімдік пен дәмдеуіштер қосылатын Хатай асханасы бұрыш қосылған нан, зәйтүн салаты, кәуап, күнефе сияқты тағамдарымен танымал.https://turkishcuisineweek.com/homepage

Түрік асханасының апталығы басталды 

<a href="https://kyzylorda-news.kz/">Kyzylorda-news.kz.</a> 2022 жылы облыстық жұқпалы аурулар ауруханасында 13 мыңға жуық адам тегін медициналық көмек алды.Жұқпалы аурулар ауруханасының пациенттеріне тегін медициналық көмектің кепілдік берілген көлемі шеңберінде медициналық көмек көрсетіледі. Қызылорда облыстық жұқпалы аурулар ауруханасына шетелдік азаматтар да жүгінеді.Жыл басынан бері облыстық жұқпалы аурулар ауруханасында 3,5 мыңға жуық адам ем алды. Олардың қатарында Нигерия азаматы Нвоке Точукву (аты-жөні өзгертілген) бар. Шетелдік азамат шұғыл түрде «желшешек» ауруымен облыстық жұқпалы аурулар ауруханасына шұғыл жеткізілді. Диагноз расталды. Ол ауруханаға жатқызудан бас тартты. Желшешекті емдеу үйде жүргізілді. Нвоке Точукву аурухана дәрігерлеріне алғысын білдіреді.<blockquote>«Дәрігердің кеңес алып тағайындауларын алдым. Үйде емделдім. Себебі желшешек ауа тамшылары арқылы берілетін жедел жұқпалы ауру болғандықтан оқшауланғанмын. 14 күннен кейін ауруханада сынақтарды қайта тапсырдым. Сауығып кеттім. Қазақстанда уақытша тұрамын. Дәрігерлерге мың алғыс», - дейді Нвоке Точукву.</blockquote>Шетел азаматтарына айналасындағыларға қауіп төндіретін ауру диагнозы қойылса, олар медициналық көмек ала алады. Медициналық көмектің түрлері мен көлемдері ҚР ДСМ 2020 жылғы 9 қазандағы №121 бұйрығымен бекітілген. Медициналық көмек ТМККК шеңберінде беріледі.<blockquote>«Науқас, Нигерия азаматы, ҚР-да тұруға рұқсаты жоқ, емханаға тіркелмеген. Мұндай шетелдік азаматтар кенеттен болған жағдайлар мен олардың өміріне немесе айналасындағылардың денсаулығына қауіп төндіретін аурулар, жазатайым оқиғалар, улану, жарақат алу, босану және жүктілік кезіндегі шұғыл жағдайлар кезінде жедел және шұғыл медициналық көмекті пайдалана алады. Науқастың өміріне немесе айналасындағылардың денсаулығына қаупі жойылып, науқасты тасымалдау мүмкін болған сәттен бастап медициналық көмек ақылы негізде көрсетіледі», - деп атап өтті қабылдау бөлімшесінің аға медбикесі Орынкүл Күзібаева.</blockquote>2022 жылы облыстық жұқпалы аурулар ауруханасында 13 мыңға жуық адам ем алды. Бұл мақсатқа ТМККК шеңберінде медициналық сақтандыру қорынан 1,7 млрд теңгеден астам қаржы бөлінді.Естеріңізге сала кетейік, Әлеуметтік медициналық сақтандыру қоры медициналық ұйымдарды екі көзден қаржыландырады – ТМККК және МӘМС.Әлеуметтік медициналық сақтандыру қорының Қызылорда облысы бойынша филиалының директоры Бақыт Исмаханбетовтың хабарлауынша, 2023 жылы аймақтың 108 медициналық ұйымымен 101,7 млрд теңге сомасына шарт жасалды, оның ішінде ТМККК шеңберінде – 59,6 млрд теңге, МӘМС – 42,1 теңге.<img src="https://knadmin.beoblood.kz/uploads/OSMS_3_f48fc25ad3.jpeg" alt="ОСМС (3).jpeg">

Қызылорда облыстық жұқпалы аурулар ауруханасында 13 мыңға жуық адам тегін медициналық көмек алды

<a href="https://kyzylorda-news.kz/">Kyzylorda-news.kz.</a> Отбасы – шағын мемлекет. Әр шаңырақтың өзіне тән әдет-ғұрпы мен ұстанымы бар. Балаларына «ешкімнің ала жібін аттама, әркез әділ болып, ісіңе адалдық таныт» деп тәрбиелейтін жанұялардың қатарында қазалылық Ақбаевтар да бар.Қазалы қаласының тұрғыны Шакизада Ақбаев 1942 жылы 6 маусымда өмірге келген. Қазалы қаласындағы №16 орыс орта мектебін бітіріп, Қазақ Мемлекеттік ауыл шаруашылығы институтының механизация факультетіне оқуға түседі. Еңбек жолын Қазалы жылжымалы механикалық колоннада механик болып бастады. 1967-1972 жылдар аралығында Қазалы ауыл шаруашылығы техникумында мұғалім қызметін атқарды. 1972-1980 жылдары Қазалы автотранспорт кәсіпорнының меңгерушісі, бұдан соң аудандық экология комитетінің меңгерушісі қызметінде болып, зейнеткерлік демалысқа шықты. Бүгінде жары Күнжамал Бисалиева екеуі немере-шөберелерінің қызығын көріп отырған ардақты ата-әже.Ақбаевтар шаңырағында дүниеге келген Гүлмира, Ләззат, Гүлбану, Жанат, Бақытгүл отбасының өрісін кеңейтіп, бір-бір әулеттің түтінін түтетіп отыр. Шәкизада ағаның қыздарының төртеуі ұстаздық жолды таңдап, шәкірттерді білім нәрімен сусындатып жүр. Тұңғыштары Гүлмира 1978-1988 жылдары Счастнов атындағы №16 мектепте білім алды. Қорқыт Ата атындағы Қызылорда педагогикалық институтытынан мамандық игергенді. Ол №16 М.Горький атындағы орта мектепте орыс тілі және әдебиет пәнінің мұғалімі болып еңбек жолын бастады. Бұдан соң №226 Б.Мергенбаев атындағы мектеп-гимназияда ұстаздық етті. Қазір №249 Е.Бозғұлов атындағы мектеп-лицейде.Гүлмира Шәкизадақызы аудандық, облыстық деңгейдегі «Құрмет» грамотасы, «Алғыс» хаттардың иегері. Ұлағатты ұстаздан тәлім алған шәкірттері аудандық, облыстық, халықаралық жарыстардың жеңімпаздары. 2009 жылы бір сыныптағы 17 оқушысы «Алтын» белгі иегерлері атанды. Бүкіләлемдік тотальный диктант жарысында «Үздік» сертификатына ие болды. Шығармашылық сабақтары баспасөзге жарияланып, жүлделі орындармен марапатталды. Аудандық олимпиадалар мен түрлі жарыстарда үнемі әділқазылық етеді. Жолдасы Талғат Махамбет №16 мектеп-лицейдің алғашқы әскери және технологиялық дайындық пәнінің жетекшісі. Өзі де оқушылары да түрлі аудандық, облыстық жарыстардың жеңімпаздары. Үлгілі істерімен көпке өнегелі Талғат пен Гүлмираның отбасында екі бала тәрбиеленуде.Ләззат та М.Горький атындағы №16 мектепті тәмамдаған соң, әпкесі секілді мұғалім болуды мұрат етті. Ол да Қорқыт ата атындағы Қызылорда мемлекеттік университетінен «Химия және биология» пәнінің мұғалімі мамандығын алды. Қазіргі таңда Байқоңыр қаласындағы В.Н.Челомея атындағы ГБОУ Халықаралық ғарыш мектеп-лицейінде еңбек етуде. Тәртіп пен табандылықты талап ететін білікті ұстаздың шәкірттері еліміздің түкпір-түкпірінде белді жоғары оқу орындарында білім алып, елге қызмет жасауда. Ұстаздың жетістігі – шәкіртінің шыққан шыңымен бағаланады емес пе? Бұл жолда Ләззат Шәкизадақызы оқушылары туралы ауыз толтырып әңгіме айта алады. Өйткені оның алдынан өткен әрбір бала өмірден өз орнын алды. Әлі де талай түлектің қанатын қомдап, қияға самғатарына ұстаз сенімді. Ләзаттың өмірге әкелген ұл-қыздары да ата-ананың үмітін ақтап, отбасында алған тәрбиемен бойындағы қанмен берілген тектілікті танытып жүр. Үлкен қызы Анар Нұр-Сұлтан қаласында Ұлттық ғылыми ана мен бала денсаулығы орталығында онко-гематолог дәрігер, кіші қызы Айжан Американың Кентуки штатында Хопкинс қаласында тұрады әрі жұмыс істейді, екеуі де отбасылы. Ұлы Әлішер Мәскеу авиациялық институтында «Ұшу аппаратын сынау» факультетінде студент.Ортаншы қыз Гүлбану болса, Қазалы қаласындағы №16 мектепті бітірді. Ол 1993-1995 жылдары Кызылорда теміржол колледжінде бухгалтерлік мамандықты меңгерді. 1998-2011 жылдары Байқоңыр каласында Мемлекеттік «Газ шаруашылығы» мекемесінде есепші болды. 2003-2005 жылдары Орынбор қаласындағы менеджемент институтында оқып, жоғары білімдегі бухгалтер атанды. Өз саласының үздігі Гүлбану Шәкизадақызы Нұр-Сұлтан қаласында қызмет етті. Қазіргі таңда қызы Әйгеріммен бірге кәсіпкерлікке бетбұрып, халыққа қызмет көрсетіп келеді. Осыдан екі жыл бұрын Қазалы қаласынан дәріхана ашып, жұмысын жандандырды. Бизнесті дөңгелетіп әкеткен Әйгерімнің де мамандығы есепші.Қыздардың дәріхана саласына ден қоюы да тегін емес. Себебі аналары Күнжамал Бисалиеваның осы салада қырық жылға жуық еңбек өтілі бар. Дерт дендеп тұрған шақта дер кезінде ашылған дәріхана жұмысы қазір жолға қойылған. Айгерім Ақбай Нұр-Сұлтан қаласында арнайы кәсіпкерлікке келу жолдары жайында білім алған. Жігерлі жас бизнес жоспарын дайындап, оны мамандар алдында қорғап шығады. Ойға алған ісі сәтін салып, қолдау тапқан соң мемлекеттік бағдарлама арқылы несиеге қол жеткізген. Нәтижесінде Қазалы қаласынан дәріхана ашып, кәсібін бастап кетті. Айгерім өзі де фармацевт мамандығын меңгеруде. Алайда әжесінен үйренері көп екенін жақсы біледі.Зейнеткерлік демалысқа шыққан Күнжамал Бисалиева Қызылорда қаласындағы медициналық училищеде білім алған. Әйтеке би кентіндегі «Мерей» дәріханасында еңбек еткен. Жолдасы Шәкизада Ақбаевтың қызмет бабымен Қазалы қаласына көшіп келген соң осындағы «Баян» дәріханасында жұмыс істеді. Отбасында бес бала тәрбиелеп, өсірген ата-ана халыққа адал қызмет ету адамдық парыз дегенді ұрпағының құлағына құйып келеді.<blockquote>«Шүкір, халық ризашылықтарын айтып, алғыс білдіруде. Әр келген жанға қажет еткен дәрісін тауып беруге тырысамыз. Жоқ болып қалған дәрі-дәрмектерді дереу жазып алып, тапсырыс береміз. Дәрілер келісімшарт арқылы еліміздің үлкен қалаларындағы «Зерде», «Ақниет», «Аманат» ЖШС-нен жеткізіледі», – дейді Күнжамал апа.</blockquote>Есепші мамандығын игерген Гүлбану Шәкизадақызы бухгалтерлік жұмыстың қыр-сырын жақсы біледі.<blockquote>«Анамызға дәріхана ашып беру біраз уақыттан бергі арманымыз еді. Оны қалай жүзеге асырсақ болады деп көп ойландық. Сөйтіп жүргенде қызым Айгерім кәсіпкерлікке бет бұрып, Қазалы қаласынан дәріхана ашсақ деген ойын жеткізді. Бәріміз бірден құптап, қолдадық. Арнайы білім алып, қалай бизнес бастауға болатынын жан-жақты меңгерген соң тәуекелге бел будық. Қалалық емхана жанынан жуырда екінші дәріханамызды аштық», – дейді ол.</blockquote>Жанат Шакизадақызы Қорқыт ата атындағы Қызылорда Мемлекеттік Университетін «Тілмаштық іс» мамандығы бойынша бітірді. Ол 2012-2014 жылы «Екі шет тілі» мамандығы бойынша білім бакалавры дәрежесін алды. 2002-2007 жылдар аралығында Б.Мергенбаев атындағы №226 мектеп-гимназияда ұстаздық жолын бастады. 2007-2018 жылдар аралығында Ғ.Мұратбаев атындағы №17 орта мектепте жұмыс істеді. Қазіргі таңда Е.Бозғұлов атындағы №249 мектеп-лицейде ағылшын тілі пәні мұғалімі.Жанаттың да жетістіктері жетерлік. Ол аудандық, облыстық білім бөлімі басшысының Мақтау қағаздарымен, Құрмет грамоталарымен, Қазалы ауданының мәдениет және тілдерді дамыту бөлімі басшысының Мақтау қағазымен марапатталды. Білім беру ұйымдарының ағылшын тілі пәні мұғалімдері арасында өткізілген «Үздік ағылшын тілі пәнінің мұғалімі – 2017» атты облыстық байқауында ІІІ орын иеленді. Қазақ, орыс, ағылшын тілін жетік меңгерген педагогтарды анықтап, кәсіби шығармашылық әлеуетін дамыту мақсатында өткізілетін «Көп тілді меңгерген ұстаз» атты аудандық байқауда екінші, деңгейлік бағдарламалар бойынша сертификатталған мұғалімдердің сындарлы оқыту үдерісін ұйымдастырудағы үлгілі педагогикалық тәжірибелерін анықтау және насихаттау мақсатында «Үздік сындарлы сабақ» атты байқауының аудандық кезеңінде үшінші орынға лайық болды.«Сындарлы оқыту теориясының ағылшын тілін оқып-үйренудегі тілдік дағдыларды қалыптастырудағы орны» тақырыбындағы мақаласы «Өрлеу» біліктілікті арттыру институты базасында өткен «Әлемтану және қоғамдық білімдерді оқыту мен оқудағы сындарлылық: түйінді мәселелер, тәжірибе» тақырыбындағы Халықаралық ғылыми-практикалық онлайн конференциясының материалдар жинағына еніп, сертификат алды. «Сындарлы оқыту үдерісі-оқушы жетістіктерін өрістетудің маңызды факторы» тақырыбындағы республикалық ғылыми-практикалық онлайн конференциясының материалдар жинағына енді. Аудандық «Тәжірибе алаңы – 2014» және «Тілдарын – 2011» сайысында екінші орын иеленді. «Білім кілті» республикалық журналына «Ақпараттық-технологиялық әдістерді тиімді пайдалану-сапалы білім негізі» атты мақаласы жарық көрді. «Білім. Ғылым. Инновация: өзекті мәселелері мен даму жолдары» ІІІ республикалық ғылыми-тәжірибелік конференция материалдарына «Шетел тілін ерте жастан оқытудың тиімділігі» тақырыбындағы мақаласы енді. Жанат Шәкизадақызының оқушылары түрлі аудандық, республикалық, халықаралық олимпиада жүлдегерлері.&nbsp;Мұнымен қатар оқушылары «Алтын белгіге» тәмамдап, грант иегерлері атанды. Жолдасы Еділ Қонысбаев Қазалы аудандық жалпы білім беретін кешкі мектепте директордың оқу ісі жөніндегі орынбасары. Білім беру саласында 22 жыл еңбек өтілі бар ұстаз тарих және география пәнінен дәріс береді. Отбасында 2 қыз, 2 ер бала тәрбиелеп отыр. Үлкен қыздары Нұрай Кәмілжан №249 мектеп-лицейді «Алтын белгіге» бітіріп, Сүлейман Демирель атындағы Университетте грант негізде жоғары білім алуда.Ақбаевтар әулетінің кенжесі – Бақытгүл Ақтөбе мемлекеттік университетінің тарих және география мұғалімі мамандығын қызыл дипломмен бітірді.&nbsp;Еңбек жолын Байқоныр қаласындағы №10 мектеп-гимназияда бастады. Әр жылдары Қазалы қаласы №16 М.Горький атындағы мектебінің тарих пәні мұғалімі, Нұр-Сұлтан қаласындағы физика-математика бағытындағы Н.Назарбаев интеллектуалдық мектебінде педагог-организатор болып қызмет атқарды. 2013-2015 жылдары Нұр-Сұлтан қаласындағы КАЗГЮУ университетінде заңгер мамандығын тәмамдады. Қазір Нұр-Сұлтан қаласының «Жұмыспен қамту және әлеуметтік қорғау» басқармасында жұмыс істейді.Жолдасы Нұрлан Жаңабергенұлы «Қамқор локомотив» ЖШС-да заңгер. Екі ұл, бір қыз тәрбиелеп отырған жарасымды жанұя. Бақытгүл Шәкизадақызы 2008 жылы “Жас шығармашыл мұғалім” атанып, Қазалы аудан әкімінің Алғыс хатын алды. Қазалы қаласының мектеп мұғалімдері және денсаулық сақтау мекемелері арасында «Қыз сыны» байқауында үшінші орын иеленді. 2012 жылы Нұр-Сұлтан қаласында Н.Назарбаев Интеллектуалдық мектебінде мұғалімдер арасында «Көктем аруы» сайысында жеңімпаз атанды. Қай салада болмасын білімділігімен көзге түсетін Бақытгүл өткен жылы Нұр-Сұлтан қаласының «Жұмыспен қамту және әлеуметтік қорғау» басқармасының басшысы атынан Әлеуметтік қорғау жүйесі қызметкерлерінің кәсіби мерекесіненде Алғыс хатқа лайық деп танылды.Адам баласының құнды қазынасы – отбасы. Оның тіреуі әке мен қамқоршысы ананың берген тәлім-тәрбиесін, санаға сіңіріп, өмір жолында өнеге ете білген ұл-қыз қашанда қадірлі. Ақбаевтар әулетінің де өрісін кеңейтіп, тынысын тереңдетіп отырған қыздардың қай-қайсысы да қоғамдағы өз орындарын тауып, кірпіші болып қаланды. Ата-ана үшін бұдан асқан бақыт та, байлық та жоқ болар сірә.

Көпке үлгі қазалылық өнегелі әулет

<a href="https://kyzylorda-news.kz/">Kyzylorda-news.kz.</a> Жұқпалы аурулар ауруханасының пациенттеріне тегін медициналық көмектің кепілдік берілген көлемі шеңберінде медициналық көмек көрсетіледі. Қызылорда облыстық жұқпалы аурулар ауруханасына шетелдік азаматтар да жүгінеді.Жыл басынан бері облыстық жұқпалы аурулар ауруханасында 3,5 мыңға жуық адам ем алды. Олардың қатарында Нигерия азаматы Нвоке Точукву (аты-жөні өзгертілген) бар. Шетелдік азамат шұғыл түрде «желшешек» ауруымен облыстық жұқпалы аурулар ауруханасына шұғыл жеткізілді. Диагноз расталды. Ол ауруханаға жатқызудан бас тартты. Желшешекті емдеу үйде жүргізілді. Нвоке Точукву аурухана дәрігерлеріне алғысын білдіреді.<blockquote>«Дәрігердің кеңес алып тағайындауларын алдым. Үйде емделдім. Себебі желшешек ауа тамшылары арқылы берілетін жедел жұқпалы ауру болғандықтан оқшауланғанмын. 14 күннен кейін ауруханада сынақтарды қайта тапсырдым. Сауығып кеттім. Қазақстанда уақытша тұрамын. Дәрігерлерге мың алғыс», – дейді Нвоке Точукву.</blockquote>Шетел азаматтарына айналасындағыларға қауіп төндіретін ауру диагнозы қойылса, олар медициналық көмек ала алады. Медициналық көмектің түрлері мен көлемдері ҚР ДСМ 2020 жылғы 9 қазандағы №121 бұйрығымен бекітілген. Медициналық көмек ТМККК шеңберінде беріледі.<blockquote>«Науқас, Нигерия азаматы, ҚР-да тұруға рұқсаты жоқ, емханаға тіркелмеген. Мұндай шетелдік азаматтар кенеттен болған жағдайлар мен олардың өміріне немесе айналасындағылардың денсаулығына қауіп төндіретін аурулар, жазатайым оқиғалар, улану, жарақат алу, босану және жүктілік кезіндегі шұғыл жағдайлар кезінде жедел және шұғыл медициналық көмекті пайдалана алады. Науқастың өміріне немесе айналасындағылардың денсаулығына қаупі жойылып, науқасты тасымалдау мүмкін болған сәттен бастап медициналық көмек ақылы негізде көрсетіледі», – деп атап өтті қабылдау бөлімшесінің аға медбикесі Орынкүл Күзібаева.</blockquote>2022 жылы облыстық жұқпалы аурулар ауруханасында 13 мыңға жуық адам ем алды. Бұл мақсатқа ТМККК шеңберінде медициналық сақтандыру қорынан 1,7 млрд теңгеден астам қаржы бөлінді.Естеріңізге сала кетейік, Әлеуметтік медициналық сақтандыру қоры медициналық ұйымдарды екі көзден қаржыландырады – ТМККК және МӘМС.Әлеуметтік медициналық сақтандыру қорының Қызылорда облысы бойынша филиалының директоры Бақыт Исмаханбетовтың хабарлауынша, 2023 жылы аймақтың 108 медициналық ұйымымен 101,7 млрд теңге сомасына шарт жасалды, оның ішінде ТМККК шеңберінде – 59,6 млрд теңге, МӘМС – 42,1 теңге.

Қазақстан және Қызылорда облысының жаңалықтары