<a href="https://kyzylorda-news.kz/">Kyzylorda-news.kz</a> &nbsp;Түркістан облысында Біртілек ауылында жоғалған баланың денесі табылды. Оның жоғалғаны туралы ақпарат кеше түскен. Бұл туралы<a href="https://stan.kz/turkistan-oblisinda-zhogalgan-balanin-denesi-tabildi-397125/"> Stan.kz </a>ақпарат агенттігі хабарлайды.Министрлік дерегінше, 16 наурызда Түркістан облысының Біртілек ауылында 2019 жылы туған бала 15-00-де үйден шығып, қайтып оралмағаны туралы ақпарат келіп түскен.Куәгердің айтуынша суару каналында аяқ киім табылған.“Бүгін сағат 16-40-та іздеу тобы жоғалған баланың денесін үйден 2 км қашықтықта тауып, судан шығарып алды.Іздеу жұмыстарына төтенше жағдайлар министрлігінің, жергілікті атқарушы органдардың және полицияның 93 адамы және 4 техникасы жұмылдырылды”, – делінген хабарламада.Фото: Нұрболат Нұржаубай

Түркістан облысында жоғалған баланың денесі табылды

<a href="https://kyzylorda-news.kz/">Kyzylorda-news.kz</a> Наурыз мейрамын тойлаудың жаңартылған тұжырымдамасын іске асыру мақсатында «Қазақстан халқына» Қоғамдық қорымен Қазақстанның барлық өңірінде “Жаздық жолдама 2024” – қайырымдылық жобасы бастау алды.“Жаздық жолдама” жобасы жазғы каникул кезінде 5-8 сыныптардың 20 мың оқушысы үшін зияткерлік және шығармашылық дамумен демалысты қамтамасыз етеді.Бүгін Қызылорда қаласы, Қызылжарма ауылында орналасқан 144 орта мектептің базасында өткен салтанатты шарада басқарма басшысы Есжанов Асқарбек Темірбекұлы құттықтау сөз сөйлеп, үздік, белсенді оқушылар үшін “Жаздық жолдама” сертификаттарын табыстады.Біздің облысқа 2023 жылы 600 ауыл оқушысына квота бөлінсе, биылғы жылы бұл көрсеткіш екі еселеніп, 1430 квотаға ұлғайды. Оқушылар өзге облыстағы сыртқы тынығу лагерлерінде тынығатын болады.Естеріңізге сала кетсек, жазғы демалысқа жолдама сертификаттарын тапсыру бойынша салтанатты іс-шаралар еліміздің барлық өңірлерінде, аудандарында аудан әкімдерінің, ауылдық округ әкімдерінің және білім бөлімдері өкілдерінің, сондай-ақ мектеп басшыларының қатысуымен өтуде.Ауылдық жерлерден келген балалар мен жасөспірімдерге ғана бағытталған «Жаздық жолдама» жобасы өскелең ұрпақты ынталандыруға және отансүйгіштікті нығайтуға ғана емес, сонымен қатар коммуникация, көпмәдениетті ортадағы қарым-қатынас сияқты өмірлік қажетті дағдыларды нығайту үшін таптырмас әдіс.

"Жаздық жолдама" қайырымдылық жобасы өтті 

<a href="https://kyzylorda-news.kz/">Kyzylorda-news.kz</a> Республикалық маңызы бар «Қызылорда-Жезқазған» автожолының жалпы ұзындығы 412&nbsp; шақырымды құрайды. Оның ішінде 204 шақырым Қызылорда облысына, ал 208 шақырым Ұлытау облысына қарасты. Бұл күре жолда соңғы құрылыс жұмыстары осыдан 40 жыл бұрын жасалған, деп хабарлайды QazAvtoJol-ға сілтеме жасап El.kzақпарат агенттігі.Тас жолдың Қызылорда облысына тиесілі телімін қайта жаңарту жұмыстары 6 учаскеге бөлінген, 5 учаскеде жұмыстар жүргізіулде. Бүгінде жолшылар км 24-127 учаскесінде құнарлы жер қабатын алу, айналма жолдарды салу, жабынды терең қопсыту және&nbsp; қолданыстағы жол жабынын алу жұмыстарын жүргізуде. Ал км 127-216 учаскесінде айналма жолмен көлік қозғалысын қамтамасыз ету шаралары қолға алынды. Бұл автожолдағы жұмыстар кезең-кезеңмен 2022 жылы басталған.Қызылорда облысына қарасты автожол учаскесіндегі қайта жаңарту жұмыстарының толық аяқталу мерзімі – 2025 жылдың соңы. Жоба аясында асфальтбетон жабыны бар, 2 жолақты автожолды пайдалануға тапсыру көзделген. Сондай-ақ, су өткізу құбырлары мен малөткелдер де орнатылады.«Қызылорда-Жезқазған» автожолының Ұлытау облысына тиесілі учаскесін қайта жаңарту жұмыстары 2024 жылдың екінші жартысында басталады.Қызылорда облысындағы «Қызылорда-Жезқазған» автожолын қайта жаңарту үшін 427 арнайы жол техникасы мен 517 жолшы жұмыс жасайды. Оның ішінде 459 адам - жергілікті мамандар.

Қызылордада республикалық автожолдарды қайта жаңарту жұмыстары жанданды

<a href="https://kyzylorda-news.kz/">Kyzylorda-news.kz</a> Шорт-трекші Денис Никииша Роттердамда (Нидерланд) өтіп жатқан әлем чемпионатында тарихи нәтиже көрсетіп, күміс жүлдегер атанған болатын. Спортшы&nbsp; өміріндегі ең үлкен жеңіс туралы ойымен бөлісті, деп хабарлайды Olympic.kz-ке сілтеме жасап El.kz ақпарат агенттігі.Спортшы бүл жүлдені асыға күткенін және ол үшін жақсы дайындық жұмыстарын жүргізген.«Қазір бастан кешіп жатқан сезімдерімді жеткізу мүмкін емес. Айтарға сөзім жоқ. Осы медальға қол жеткіздік-ау! Былтыр жүлде қолымнан сырғып кетіп еді. Бүгін бәрі ойдағыдай болды. Өз нәтижеме ризамын.&nbsp;Күміс медаль - менің жақсы өнер көрсеткенімнің айғағы. Тарихта тұңғыш рет біз әлем чемпионатының медалін алдық. Ризамын.&nbsp;Осы жолдағы ең қиын нәрсе – өз-өзіңмен күресу. Спортшылар менің не айтқым келетінін түсініп отыр. Нәтиже көңілден шығады.&nbsp;Маусым аяқталар тұста көңілім жайланып қалды. Жылдың соңғы халықаралық жарысы. Енді демалып, қайтадан қалыпқа келуге мүмкіндік бар. Миландағы Олимпиадаға екі жыл қалғанын ескеріп, әрі қарай еңбек ету керек», - деді Денис Никиша.&nbsp;Еске салсақ, күні кеше Нидерландтың Роттердам қаласында өтіп жатқан әлем чемпионатында Денис Никиша 500 метрге жарысудан күміс медаль жеңіп алған болатын.

Тарихи медальға қол жеткізген Денис Никиша: «Сезімімді айтып жеткізу мүмкін емес»

<a href="https://kyzylorda-news.kz/">Kyzylorda-news.kz</a>&nbsp;Бүгінге дейін талай байқау мен фестивальде топ жарып жүрген аудандық «Алтын-Арай» халық ән-би ансамблі өткен аптада Қызылорда қаласында елімізге танымал балетмейстер, қоюшы режиссер Болат Қаржаубаевтың 60 жылдығына арналған «Би сұлтаны» атты облыстық байқауда оқ бойы озық шығып, бас жүлдені қанжығасына байлады.&nbsp;Бекзат өнер саналатын би &nbsp;– халқымызда бұрыннан қошеметке ие. Көрерменге адамның ішкі жан дүниесі мен мінез-құлқын дәлме-дәл жеткізуді мақсат етеді. Талғампаз көрерменнің көңілінен шығып, өз өнерін паш етіп жүрген «Алтын-Арай» халық ән-би ансамблінің ғұмырнамасы 1969 жылы ССРО-ның 50 жылдығы мерекесі қарсаңында аудандық мәдениет үйі жанынан құрылып басталған. Балетмейстер Роза Боранбаева жетекшілік еткен ансамбль 1971 жылы ән-би ансамблдерінің республикалық байқауына қатысып, «Халық ансамблі» атағын иеленген. Бүгінде 50 жылдан астам тарихи бар «Алтын-Арай» халық ән-би ансамблі көптеген байқауда бақ сынап, кіл мықтылар бас қосқан өнер додаларында үздіктер қатарынан көрініп келеді.&nbsp;Олар бүгінге дейін облыстық «Таңшолпан», «Дельфий ойындары», «Ұлы дала өрнектері», «Биле-биле», «Ботақан» байқауларында бас жүлде, І орын иеленген. Республикалық, халықаралық «Аманат», «Жеті өнер», байқауларында І орын алған. Сонымен қатар Алматы қаласында өткен ХХІҮ-XXY «Бозторғай» халықаралық балалар шығармашылығы байқауында І орын иеленген. Ташкент қаласында өткен халықаралық «Ташкентті сүйеміз» атты байқауда ансамбльдің жас өнерпазы Әсел Айдосқызы бас жүлдені жеңіп алды.&nbsp;Ақтау қаласында Қырғызстан, Өзбекстан, Болгария, Ресей, Әзербайжан елдерінен және еліміздің 4 облысынан кіл мықтылар қатысқан «Біз – күн перзентіміз» атты халықаралық балалар шығармашылығы фестивалінде «Алтын-Арай» халық ән-би ансамблінің бишілері аудан абыройын асқақтатып, жүлделі ІІ орынды иеленген болатын. Би өнерінде 25 жылға жуық тәжірибесі бар білікті маман 200-ге жуық оқушыны тәрбиелеп, 2010 жылдан бастап аталған &nbsp;топқа жетекшілік етіп келеді.&nbsp;Иә, Үміт Әшімқызының балғын балалары бағындырып жүрген белеске қосқан үлесі зор. Әріптесім екеуміз сүйінші хабарды ести салысымен, аудандық Қонысбек Қазантаев атындағы мәдениет үйіне бет бұрдық. Мұнда шәкірттерін шыңдаудан шаршамай, үнемі ізденіс үстінде жүретін Үміт Айтқұлованың тағы да шығармашылық қоржынына бір би дайындап жатқанына куә болдық. Ансамбль жетекшісімен тілдескенімізде осы қарқындарынан тоқтамай, топтың биік тұғырдан көріне беруіне күш сала беретінін аңғардық.&nbsp;– Өздеріңіз білетіндей, Болат Қаржаубаев – облысымызға еңбегі сіңген биші. Бұл кісінің Алмас Қаржаубаев деген інісі бар. Сол кісінің байқауға Болат ағаның облыстағы мықты шәкірттерінің оқушылары қатысса деген ұсынысы бойынша қатыстық. «Би сұлтаны» атты байқауда қатысушылар екі жанр бойынша сынға түсті. Яғни қазақ биімен эстрада биі бойынша өз өнерлерін көрсетті. Ауданнан байқауға қазақ биі жанры бойынша «Алтын-Арай» халық ән-би ансамблінің 8 бен 12 жас аралығындағы кіші би тобы қатысып, «Шаттану» биін биледі. Әуезді әуен мен әдемі қимыл үйлескен сайыста мың бұралған бишілерден құралған 8 өнер ұжымы қатысты. Жеңіс тұғырынан көріну үшін 6-7 ай бойы үзіліссіз дайындалдық. Халықаралық дәрежедегі сайыстарда сынға түсіп жүрген бишілермен бір сахнада өнер көрсетіп, бас бәйгені алу оңай емес әрине. Бұл жеңістің артында үлкен еңбек бар. Мәселен, осы биді қою үшін бишілерім 3 ай бойы демалған жоқ. Үздіксіз ізденіс пен тынымсыз еңбектің арқасында үлкен жетістікке қол жеткіздік. Осы тұста топтағы барлық бишілерім мен олардың ата-аналарына үлкен алғысымды айтамын, – дейді Үміт Әшімқызы.&nbsp;Талабы мен таланты ұштасқан өнерпаздар үлкен сахналарда қанаты қатайып, бүгінде қоржындарына 70-тен аса би жинаған. Ансамбльдің қазақтың ұлттық өнерін насихаттаудағы еңбегі еселі.&nbsp;

Жалағаштық бишілер тағы бір белесті бағындырды

<a href="https://kyzylorda-news.kz/">Kyzylorda-news.kz</a> Наурызнама онкүндігінің төртінші күні - «Шаңырақ күні» жер-жерде шаттық көңіл-күйде аталып өтілуде. Қазақ мәдениетінде шаңырақтың қадір-қасиеті айрықша. Шаңырақ – әрбір жанұяның жылы қонысы ғана емес, ұрпақтан-ұрпаққа жалғасып келе жатқан материалдық және рухани мұра, сонымен қатар отбасының тұрақтылығы мен ұрпақтың үздіксіз жалғасуының символы. Шаңырақ – отбасы белгісі, сондықтан да қазақ халқы жас жұбайлардың отау құрып, шаңырақ көтеруіне ерекше мән берген. Ата-бабаларымызда «Шаңырақ көтеру» атты ерекше дәстүр-салт болған.Наурыз мерекесінің жаңа тұжырымдамасы аясындағы «Шаңырақ» күні жалпыұлттық отбасылық құндылықтар мен кіршіксіз махаббат күніне айналады деуге негіз бар. Елімізде түрлі ұлт пен ұлыс өкілдері бір шаңырақ астында тату-тәтті өмір сүріп жатқанын айрықша айтпасақ болмас. Осы отаулы мерекеге орай Жаңақорған ауданының кент орталығындағы «Шаңырақ» алаңында мерекелік шара ұйымдастырып, ұлттық құндылықтар жаңғырған күнді ерекше тойлайды.&nbsp;Отбасылық құндылықтардың негізін қалап, өнегелі ұрпақ тәрбиелеп отырған үлгілі отбасылар бас қосқан шарада аудан әкімінің орынбасары Бектас Балғабайұлы сөз алып, жиылған қауымды мерекемен құттықтап, жылы лебізін білдірді.<blockquote>– Сіздерді Күн мен Түннің теңелетін, табиғат-ананың оянатын Ұлыстың ұлы күні – Наурыз мерекесімен шын жүректен құттықтаймын! Наурыз мерекесіне орай, бүгін «Шаңырақ» мерекесі аталып өтіліп жатыр. Ұлыстың ұлы күні тіршілік атауының өзегіне нәр жүгіртіп, табиғатты түлеткен, сан түрлі ұлттардың бауырластығына арқау болған, еңсесі биік елдіктің, іргесі сөгілмес бірліктің, ырыс пен ынтымақтың мерекесі. Ұлы Жібек жолы бойында қоныс теуіп, қаншама киелі тұлғаларға мәңгілік мекен болған қасиетті Жаңақорған топырағы тарих парағын тағы бір жаңа жылға жалғады. Әз – Наурызды облыста «Үздік аудан» атанған мерейлі қуанышпен қарсы алған жаңақорғандықтар Жаңа жылға жаңа үміт артып отыр. Кіріп келген Жаңа жылдан күтеріміз көп. Отбасыларыңызға аманшылық, дендеріңізге саулық тілеймін! Ұлыстың ұлы күні жасаған әрбір қадамдарыңызға құт дарып, бастамаларыңызға береке орнасын,– деп ақжарма тілегін жеткізді.</blockquote>Айтулы шараға кент орталығындағы бірқатар мектеп ұжымдары да атсалысып, шараның шырайын кіргізді. Мерейлі мерекеге келген қонақтарды әуелі ақжаулықты әжелер әдет-ғұрыпқа сай шашу шашып, әуелете ән салып, қонақтарды ерекше көңіл күймен қарсы алды.&nbsp;Әсіресе, сыйлы қонақтың бірі АҚШ елінің азаматшасы Анна Кубас шараның маңызын ерекше сезініп, қазақ халқына алғысын жеткізді. Өйткені, қаймағы бұзылмаған қазақтың салт-дәстүрлерін тамашалап, ұлттық тағамдарынан дәм татып, ұлттық аспаптардың сүйемелдеуімен шырқалған әндерге ерекше тамсанды.Киіз үйлер тігіліп, ұлттық тағамдардан дайындалған арнайы дәм мен қолөнер шеберлерінің түрлі бұйымдары ұсынылды. Шарада ақ жаулықты әжелеріміз диірмен тартып, келі түйіп, ұршық иірсе, бүлдіршіндер ұлттық ойындар ойнап мәре-сәре болды. Жиналған жұртшылық бесікке салу, тұсаукесер рәсіміне куә болды.Сондай-ақ, кент орталығындағы «Құмсағат» алаңында әсем әндер шырқалып, спорттық ойындар ойнатылып, сыйлықтар табысталды. Ұлттық киім киген жас жұбайлардың некесі қиылып, оларға ақсақал «Наурыз бата» беріп, жас жұбайларға, бақыт пен береке тіледі. Шаңырақ күні жастар мен жасөспірімдерге тәрбиелеу мәдениетін көрсете отырып, олардың бойында патриотизм, адамгершілік пен еңбекқорлыққа деген құштарлықты қалыптастыруға үлес қосты.

Жаңақорғанда  шаңырақ мерекесі тойланды

<a href="https://kyzylorda-news.kz/">Kyzylorda-news.kz</a> Шиелі ауданы прокуратурасының ұйымдастыруымен «Арман» мәдениет үйінде «Алаяқтық қылмыстарының алдын алу» және «Балалардың құқықтарын сақтау, қорғау мен қауіпсіздігін арттыру» мақсатында ведомствоаралық жедел мәжіліс өткізілді.Жиынға аудан әкімінің орынбасары Болатбек Ысмағұлов, Шиелі ауданының прокуроры Н.Қаратаев, Шиелі ауданының полиция бөлімінің бастығы Д.Беркімбаев және полиция бөлімі қызметкерлері, Шиелі ауданының білім бөлімі басшысы Жібек Баймұратова, білім саласының қызметкерлері мен мектеп директорлары, дербес бөлім басшылары мен БАҚ өкілдері қатысты.Мәжілісті Шиелі ауданының прокуроры Н.Қаратаев ашып, қатысушыларға ауданның криминогендік жағдайы, өсім алған қылмыстарды баяндады. Атап айтқанда, алаяқтық қылмыстары, алаяқтыққа тосқауыл қою, оған себеп болған мәселелерді бірлесіп шешуге байланысты ұсыныстарды талқылады.&nbsp;Осыған байланысты интернет алаяқтықтарымен күресу үшін алаяқтардың арбауына түсуіне жол бермеу бағытында құқықтық насихат жұмыстарын жүргізу белгіленді.&nbsp;Сонымен қатар балалардың құқықтарының сақталуы мен қорғау қауіпсіздігін арттыру қажеттігі туралы да айтты.

 Шиелі: Ведомствоаралық жедел мәжіліс өтті

<a href="https://kyzylorda-news.kz/">Kyzylorda-news.kz</a> Жалағаш&nbsp;ауданындағы&nbsp;өнер мектебіне&nbsp;кірген&nbsp;бойда жанға тыныштық&nbsp;сыйлайтын, ерекше&nbsp;бір&nbsp;аспаптың дауысын естідік.&nbsp;Дауыс ізімен келе жатып, сан ғасырлық тарихы, сиқырлы үні бар флейта мен бүгінгі кейіпкеріміздің арасындағы нәзік көрініске тәнті болдық. Жеті жасынан осы аспаппен достасқан Балғынның бүгінде жетістігі көп.Егемен еліміздің бәсекеге қабілетті ұрпағын тәрбиелеуде және шығармашылыққа баулуда – өнердің алатын орны ерекше. Біз көп біле бермейтін флейта – симфониялық оркестрде де, жеке орындау мен эстрадалық өнерде де өзіндік орны бар үрмелі аспаптың бірі. 14 жастағы кейіпкеріміз аспап жайында «мен үшін оның орны да, үні де бөлек» дейді.&nbsp;– Өнер жолымды нағашы атаммен байланыстырамын. Себебі атам ансамбілде жетекші болып, 20 жыл өмірінде музыкаға жаны құмар шәкірттер тәрбиелеген. Мен ең алғаш рет өнерге қызыға бастағанда мектептен флейта аспабын көрдім. Оның дауысы жағымды, тіпті жаныма тыныштық сыйлады. Аспап жайында ізденіп, жан дүниеммен байланыстырдым. Кез келген адам өзінің табиғатына сай дүниемен айналысады ғой, менің де табиғатыма жақын осы аспап болды. Расында өкінбеймін, себебі осы үрмелі аспаптың арқасында жер аралап, талай жүлдеге ие болғаным бар. Мен үшін ең үлкен жетістік, 2021 жылы шыққан «Еліміздің мақтанышы» атты кітапқа енуім. Одан бөлек Алматыда өткен «Жас жұлдыз» өнер байқауы мен халықаралық «7 жұлдыз» фестивальынан бас жүлде, республикалық «Дала сазы» байқауында І орын иелендім. Сонымен қатар 2021 жылы Ташкент қаласында өткен халықаралық байқауда бақ сынап қайттым. Алдағы уақытта &nbsp;еліміздің атын шығарып, көк байрағымызды желбірететін өнер адамдарының қатарынан көрінгім келеді. Тек флейта ғана емес, басқа аспап түрлерін де ойнап үйрену ойымда бар, – дейді Балғын Орынбек.&nbsp;«Ұстазы талантты болса, шәкірті талапты болады» деген, Балғынның &nbsp;өмірінде өнер атты жүйрікті тақымға қысып, флейта аспабында ойнауды үйретіп, шығармашылық сайыстарға қатыстырып, бағын аша білген ұстазы Әлия Қалжыкенованың ерекше орын алатыны да сондықтан. Бала бойындағы бұғып жатқан талант бұлағының көзін ашып, киелі сахна төріне шығарған Әлия апайы құрметке лайықты, тәлімі мол ұстаз.&nbsp;Кейіпкеріміздің жан-жақтылығы жетекшісінен дарыған секілді. Себебі Әлия апайдың да қолынан келмейтіні жоқ. 40 жылдық өмірін өнерге арнаған ол қазіргі таңда флитадан бөлек фортепиано, гитара аспаптарында еркін ойнай алады. Балаларға қосымша білім беру жүйесін дамыту мен өскелең ұрпақты тәрбиелеуге қосқан үлесі, салада жеткен жетістіктері үшін министрліктен, облыстық білім басқармасы мен аудандық білім бөлімінен алған алғыс хаттары да жетерлік. «Ұстаздың ең үлкен жетістігі – шәкіртінің биіктен көрінуі» дейді ол. Расында халықаралық байқаулардан жүлдесіз ораалмайтын және музыкалық колледж, университетте ұстаз болып жүрген Әлия апайдың шәкірттеріне қарап, үнемі ізденісте жүрген тұнып тұрған талант дерсің.– Балғын – өте ұқыпты, тіл алғыш, талантты, қолынан бәрі келетін музыкаға деген қабілеті ерекше қыз. Үнемі ізденісте, бір нәрсені үйренгісі келіп жүреді. Берілген тапсырманы дер кезінде орындап отырады. Балғынмен сабақ өту өте оңай, себебі оның бойында музыкантқа тән қасиеттің барлығы бар. Шығармаларды оңай жатқа тартады, сахнаға шыққанда қобалжымай, өз деңгейінде орындап бере алады. Сондықтан болар, кез келген байқауға қатысқанда жүлдесіз оралмайды, – дейді ол.&nbsp;Кейіпкеріміз сурет салуға да қатты қызығатын көрінеді. Оның салған суреттерінен ауыл мен қала тынысының, отбасы қамқорлығының, табиғаттың бейнесіп көп байқауға болады. Сондай-ақ сынып жетекшісі мектепте өте белсенді, үлгерімі де жақсы, озат оқушылардың қатарында, әрқашан дамып, кітап оқып, өзге оқушылардан ерекшеленетінін айтады.&nbsp;Балғын орыс тілі пәнінен облыстық &nbsp;«Пушкинское чтение» олимпиадасына қатысып ІІ орынға, республикалық «Алтын күз» байқауынан бас жүлде, «Mad brain» байқауынан І орын алған. Мектепті жақсы аяқтап, ата-анасының, ұстаздарының үмітін ақтап, жақсы оқу орнына түсіп қуантсам дейді. Онан өзге өзінің ең жақсы көретін музыкалық кәсібін жетілдіріп, өнер жолында үлкен сахналардан көрініп, актерлік қабілетін шыңдап, отандық фильмдерде басты рөлдерді сомдауды &nbsp;армандайды.&nbsp;Ауданда білім мен спорттан бөлек өнер атты шыңды бағындырып жүрген жастар жетерлік. Өскелең ұрпақты жаңашыл тұлға ретінде қалыптастыруда, мамандыққа қызығушылық арттыруда, кәсіби еңбекке бағыттауда үйірме жұмыстарының маңызы зор. Себебі болашағы нұрлы елді ілгері апаратын да сауатты, білімді, жан-жақты дамыған, егемендігіміздің туын ұстайтын өресі биік жастар.

Жеті жасынан флейтада ойнайтын Балғын Орынбек

Жаңақорғанда жаңа зауыт іске қосылды

<a href="https://kyzylorda-news.kz/">Kyzylorda-news.kz</a> 17 наурыз - "Ұлттық спорт-ұлт салауаты" ұлттық ойындар күні. Осы атаулы мерекеге орай Жаңақорған ауданында &nbsp;қазақша күрес, асық ату және тағы басқа да ұлттық ойын түрлерінен жарыстар өткізілді.Ұлттық құндылықтарымызды насихаттау мақсатында жасөспірімдер арасында қазақ күресі, еркін күрес, асық ату, ләңгі тебу түрлерінен аудандық спорттық жарыстар ұйымдастырылып, жүлдегерлер аудандық мәдениет және спорт бөлімінің грамоталарымен марапатталды.Ұрпақ тәрбиесінде ұлттық ойындардың маңызы зор. Баланың буыны қатып, алты жасқа жетіп, ақылы кірген сәттен-ақ ойын баласына асық жинауды үйретіп, астан қалған асық сүйегін лақтырмай, қалтаға жинаудың өзінде әкенің үлкен тәрбиесі жатыр. «Асық атудан» бастау алатын қазақы ойындардың қатары өз уақытына сай «Көкпар», «Теңге ілу», «Тақия жасыру», «Алтын қақпа», «Ақсерек – Көксерек», «Айгөлек», «Ақ сандық – Көк сандық», «Ақ сүйек» сияқты болып жалғасып кете береді.Әлемдегі ең қаны таза, ақыл-парасатымен кемеңгер, дана саналған қазақ халқының өмір салтында бала тәрбиесі, ұрпақ тәрбиесі басты назарда болғаны бесенеден белгілі. Десе де, сол тәрбиенің өзін жан-жақты бағытқа салып, философиялық тұрғыда тұжырымдап, қарапайым ойын арқылы баланы тәрбиелей білген халықтың өзіне тән ойындарының қайсысын алып қарасақ та тәлім мен тәрбиеге, тағылым мен таңданысқа толы. Асық ату арқылы мергендік пен шапшаңдыққа баулыса, ат үстіндегі ойындар арқылы мықтылық пен жігерлілікке баулыған. Жануарды жүгендеп, өз мақсатына жетуді көздейтін шабандоздық пен ептілікке баулыған.Ұлттық ойындар екі топқа бөлінеді, спорттық және ақыл ойға арналған ойындар болып. Спорттық ойындарға: қыз қуу, көкпар, ақсүйек, арқан тартыс т. б жатса, ақыл ойға арналған ойындарға тоғызқұмалақ, асық ойындары жатады. Ұлттық ойындарға мына ойын түрлері жатады: «Тоғызқұмалақ», «Бәйге», «Асық», «Ақсүйек», «Арқан тарту», «Қыз қуу», «Көкпар», «Күміс алу», «Жамбы ату». Бұл ойындар баланың еңбекке деген қарым - қатынасы мен ойлау қабілеттерін арттырады және баланы шымыр да епті, зерек те алғыр, тапқыр да парасатты болып өсуге тәрбиелейді.Жасырын емес, бүгінде ұлттық ойындар ел жадынан ұмтыла бастады. Батыстың менталитетіне бой ұрамыз деп, ұлттық құндылықтарымызда құлдырап бара жатыр. Рухани жаңғыру, ұлттық код, ұлттық идеология терминдері ұсыныла басталғалы, ұлттық ойындарды дамытудың да негізгі критерийлері сөз болуда. Ұлттық ойындардың маңызын арттырып, дамытуда, балаға білім мен тәрбие беретін мектептердегі дене шынықтыру пәні мұғалімдеріне артылар жүк те аз емес.Аталмыш мақсатты негізге алып, өзім дәріс беретін «Қыран» негізгі орта мектебінде қазақ халқының ұлттық мейрамы саналған Наурыз мерекесінде «Ұлттық PARTY» сайысын ұйымдастырдым. Сайыс барысында оқушылар арасында «Асық ату», «Жамбы ату», «Арқан тарту», «Көзмерген» сынды тартысты додалар орын алып, оқушылардың қызығушылығын арттыра түсті.Бұл үрдіс тек ұлттық мейрамда бастау алмауы керек деген мақсатпен, әр айдың белгілі датасына қойып, ұлттық ойындарды жиі өткізудемін. Бүгінде қала түгілі ауыл баласының асық атысып ойнағанын көре бермейміз. ХХІ ғасырда компьютерлік ойындарға сұраныс жоғары. Оған планшет, смартфон арқылы онлайн ойнайтын ойын түрлерін қосыңыз. Мұның бәрі жасөспірімнің психологиясына кері әсер етіп, денсаулығына зиян келтіреді. Сондықтан икемділікті, ептілікті дамытатын ұлттық ойындар, оның ішінде, асық ойынын мектепте насихаттау маңызды.<blockquote>– Асық ойынының бала денсаулығына пайдасы орасан. Әсіресе баланың қан айналым жүйесі мен есте сақтау қабілетінің жақсаруына ықпалы жоғары. Дене жаттығуларының аздығы ұрпағымыздың физикалық, психологиялық дамуын тежеуде. Міне осының алдын алу мақсатында мектеп лигасы бағдарламасына асық ату, бес асық ойындары енгізілді. Енді бұрынғыдай оқушылар асық жинап, ұлттық ойынның дамуына атсалысады деген ойдамын. Асық ойынының бірнеше түрлері бар. Құмар, тәйке, омпы, хан алшы. Ойын барысында көздеу, &nbsp;дәлдеу, лақтыру, иіру, жүгіріп, секіру арқылы баланың бұлшық еттері қозғалысқа түседі, – деді әдіскер.</blockquote>Білім және ғылым министрлігімен Ұлттық мектеп лигасы бекітіліп, 2019-2020 оқу жылынан бастап енгізілді. Бұл – «Ұлттық ғылыми – практикалық дене тәрбиесі орталығының» директоры, ұлттық спорт жанашыры Садық Мұста¬фаевтың бастамасымен қолға алынғанын айту керек. Мұның тиімді тұстары көп. Бұрындары мектепте оқушыға спорттың әліппесін үйреткен пән мұғалімінің еңбегі ескерілусіз қалатын. Енді дене шынықтыру пән мұғалімі оқушысын баптап, жарысқа шығаруға мүмкіндік алды. Бұл – мұғалімнің еңбегін бағалауда және аттестациялауда септігі мол. Қайрат Пәйізұлының айтуынша, аудан мектептерінде ұлдар арасында асық ату, қыздар бес асық ойынынан түрлі мазмұнда шаралар өтуде.Бес асықтан Өзгент ауылындағы №245 мектептің 5-6-шы және 9-11-ші сынып оқушылары облыстық лигада аудан намысын қорғайды. Сондай-ақ Жаңақорған кентіндегі №110 мектеп-лицейінің 7-8-ші сынып білімпаздары да дайындық үстінде. Асық атудан Біржан Иманбаев пен Нұрлан Тұрабай, бес асықтан Нұрлан Шәменов пен Индира &nbsp;Манасбайқызы аудандық лигаларда төрешілік етеді екен.Асық ойыны ұлттық мектеп лигасына енгенімен білім ордаларында әлі үйірмелер жұмысын басталмағанын айтты жауапты маман. Қазірше дене шынықтыру пән мұғалімдеріне сыныптан тыс жүктелген. Сондықтан мектеп директорлары ұлттық спорт ойындарының дамуына мүдделілік танытқаны абзал.Әр ұлттың өз дәстүрі мен өзгеге ұқсамайтын құндылықтары бар. Осы ұлттық құндылықтарды өзіміз дамытпасақ, өзгенің жаны ашымасы анық. Ел арасында дарынды, қабілетті жастар көп. Олардың дарынын ашып, қабілетін шыңдауда ұлттық тәрбиенің маңызы зор.<blockquote>– Бүгінде ұлттық ойындарымыз қамқорлық пен жауапкершілікті талап етіп отыр. Асық ойынына баланы жастайынан баулу ұлт алдындағы міндет. Ұлттық ойын түрлерінен мектеп оқушыларының білімдерін қосымша үйірмелерде тереңдетіп оқыту маңызды. Сонда ғана ұлттық тәрбиені болашақ ұрпағымыздың бойына сіңіре аламыз, – дейді.</blockquote>Ұлттық мектеп лигасына 10 спорт түрі енгізілген. Әрине кез-келген спорт түрін қолдаушылар болмаса дамуы қиын. Бұл ретте, білім бөлімінің қолдауын айта кету керек. «Жаңғырған Жаңақорған жастары» қорының демеуі де көпке үлгі. Олар бұған дейін өткен жарыстарға демеушілік жасаған екен. Ұлттық ойын түрлерін одан әрі жетілдіруде осындай игі бастамалардың берері мол.&nbsp;Жалпы, түйіндей келгенде, бала тәрбиелеуде, ұлт болашағы саналатын ұрпақ тәрбиелеуде ұлттық ойындардың маңызы мен мәні зор. Бұл – балалардың болашағына балта шабатын құмар ойындарға деген құштарлықты болдырмайтын бірден-бір жол..

Жаңақорғанда ұлттық ойындар ұлықталды

<a href="https://kyzylorda-news.kz/">Kyzylorda-news.kz</a> Наурызнаманың төртінші күні – Шаңырақ күні. Осыған орай, Қармақшы аудандық Шәмшат Төлепова атындағы мәдениет үйінде «Отбасым – бақыт мекенім» атты жас отбасыларға арналған семинар-тренинг өтті. Онда жас отбасылардың қарым-қатынасын нығайту, бір-бірлеріне қолдау көрсету бойынша аудандық отбасын қолдау орталығының психологы арнайы тренинг өткізді. Іс-шарада отбасындағы жанжалды жағдайларды шешу бойынша практикалық құралдарды меңгеру мақсатымен дәріс оқылды.Сонымен қатар, отбасы мүшелерін біріктіруге және бір-біріне деген сенімін арттыруға бағытталған түрлі ойын ойнатылып, қатысушылар тренингтегі әр тапсырманы қызыға орындады.Жуырда ғана жұмысын бастаған аудандық отбасын қолдау орталығы да бүл күнді елеусіз қалдырмады. Мұнда көпбалалы және жас отбасылардың қатысуымен «Жарасымды жанұя» тақырыбында кездесу өткізіліп, отбасы құндылықтары кеңінен дәріптелді.&nbsp;Іс-шараға қатысқан аудандық «Қармақшы ата» мешітінің бас имамы Рахат Қожанов және көпбалалы отбасы Әділет Қаршыға әрбір азамат өз жанұясының тәлім-тәрбиесіне айрықша көңіл бөлу керек екендігі жөнінде сөз қозғап, Наурыз мейрамына орай ізгі тілектерін жеткізді.Сондай-ақ осы күні «Азаматтарға арналған үкімет» МК КЕ АҚ Қызылорда облысы бойынша филиалының Байқоңыр қалалық АХАТ бөліміне “Отбасы құндылықтарын дәріптеу күні” қарсаңында неке тіркеуіне келген жас жұбайларға әулеттің ұйытқысы саналатын ардагер ағалар мен елге сыйлы, үлгі-өнегесімен танымал көпбалалы аналар жас жұбайларға ұлттық ұғыммен шаңырақты сақтауды тілеп, ақ баталарын берді.

Қармақшыда Наурызнамаға орай «Шаңырақ» күнін атап өтті  

&nbsp; <a href="https://kyzylorda-news.kz/">Kyzylorda-news.kz</a> Қазалы ауданын жарықпен қамтамасыз ету саласындағы бір мекеме, бір ұжымда 34 жыл тапжылмастан еңбек етіп келе жатқан бір адам болса, ол – Жомарт Алдашов. Қазалы аудандық электр торабы мекемесінде жоғары вольтты желілерді жөндеп қоймай, міндетін мінсіз атқарып жүрген маманды жұмыс басынан кезіктіріп, әңгімеге тартқан едік.Жомарт Іскендірұлы 1968 жылы Қазалы ауданына қарасты Арықбалық ауылдық округінде дүниеге келген. Мектепті тәмәмдаған соң, Қазалыдағы кәсіптік техникалық училищеде "жол шебері" мамандығы бойынша білім алады.1987 жылы әскер қатарына шақырылып, азаматтық борышын Астрахань облысы, Капустин яр әскери әуе айлағында өтейді.1989 жылдың желтоқсанында әскерден келісімен 1990 жылдың қаңтарында 5-ші бригадаға электромонтер болып жұмысқа қабылданады. 3 жылдан соң, қатардағы электромонтердан кезекші монтерға ауысады. Ал, қазір ол сол кезде өзіне артылған жауапты міндетті бүгінге дейін абыроймен арқалап жүр.Ағаның кезекті кезекшілігі басталған екен. Әзірге жұмыс барысы қалыпты. Осыны пайдаланып, одан "қызығы мен қиындығы қатар жүретін жұмыс шаршатпайды ма?" деп сұрадым.<blockquote>– Басқа мамандықта оқып, дәл осы қызметке орналасуымның өзі бекер емес. Өйткені, бұл маған бұйырған берекелі қызмет. Алғаш нәпақамды осы жерден таптым. Әрбір қиындыққа шыдас бермей, қолымды бір сілтеп кете берер болсам, азаматтығыма сын емес пе?! Нан жеу осы жерден бұйырған екен, онда сынаққа да сабыр қылуды да білу керек, – дейді Жомарт Алдашов.</blockquote>Ал, ағаның үзеңгілес әріптестері "ол өзіне берілген тапсырманы тиянақты орындап қойған жоқ, оның туған жердің түлеуіне де өзіндік үлесі бар" дегенді айтып, ағынан жарылды. Расында да, Жомарт аға өзіне жүктелген жұмыстың арқасында шаһар шамының үздіксіз жанып тұруы үшін жастық жалыны мен жігерін жұмсаған жан. Қазір елудің алтауындағы ел ағасының тірлігі әлі де тындырымды әрі тинақты.<blockquote>Жалпы, кезекші электромонтерлардың жұмысы қарбаласқа толы. Өйткені, олар өндірістік нысандар мен үй-жайлардың, сондай-ақ көшелердің электр энергиясымен қамтамасыз етілуін үздіксіз қадағалауда ұстайды. Егер, ақау не апаттық жағдай орын алса, шұғыл түрде әрекет етіп, аталған жерге барып, қауіпке қарамастан қуаты жоғары желілермен жұмыс істейді. Мұндай қиын жұмыстарға кейіпкеріміз әбден төселген. "Бастапқыда тәжірибеміз аз болды. Бірақ кейіннен Әділхан Қарабалаев, Айжарық Құдасбаев, Дәулет Ідірісов сынды аға-тәлімгерлерден тәжірибе жинақтап, шеберлігімізді шыңдадық. Қазір өзімізден кейінгі толқынға білгенімізді үйретіп жүрген жайымыз бар. Біздің салада қолдың икемділігі мен жүректілік, шапшаңдық пен ақыл ауадай қажет. Бойыңда осы қасиеттер бар болса, жұмыстың ауырлығы жоқ. Ешкім туа сала кәсіби маман болмайды. Бәрі уақытпен келетін дүние. Бастысы, адам қара басын күйттемей, қоғамға да өзіндік үлес қосуға ұмтылуы керек", – дейді жұмыс десе, жанын беретін Жомарт аға.</blockquote>Жомарт Іскендірұлы бүгінде жастардың дені мамандық таңдаудан жаңылып, жолын таппай жүргенін алға тартып, жайлы жұмысқа әуес жандарды қиындықтан қашпай, жауапты болуға үндеді.– Қазір, жастардың көбі жайлы, әрі, жылы жерде жұмыс істесем, жалақым барлығына жетсе деп армандайды. Бірақ, әркім шамасы келетін іспен айналысуы керек деп есептеймін. Алысқа құлаш сермеймін деп, соңында құлдыраңдап барып, құзға құлап кетпеуді ойлаған жөн, – дейді Жомарт Іскендірұлы.Оның жастарға алаң болуының астарын алыстан іздемедік. Өйткені, кейіпкеріміз өзі де бала тәрбиелеп отыр. Жоғарыдағы сөзін бағамдасам, балаларының болашағын осылайша бағдарлайтын сыңайлы. Жомарт аға жары Шаттық Алдашовамен өмірге бес ұл әкелді. Бүгінде, екі ұлы үйленіп, олардан немере көрді. Екі баласынан туған төрт немересі атасының көз қуанышына айналған. Балаларының ардақтысына айналған азамат екі ұлынан кейінгі қанат қаққан ұлдарын да ұясына қондырудан үмітті.<blockquote>Жоғары кернеулі тоқпен жұмыс жасау кез келгеннің қолынан келетін шаруа емес. Оған көзсіз батырлықтан бұрын біліктілік те қажет-ақ. Өйткені, кішкене білместік үлкен қатерге ұрындыруы әбден мүмкін. Бұл мамандықта биіктікті емес, бағананы бағындырып, қателікті қалт жібермеген адам ғана белеске жете алатынын ескерсек, Жомарт аға сақтық шараларын қатаң сақтап, қауіптен қорықпай қызмет еткенінің арқасында сол шынар басына әлдеқашан жетіп үлгерген десек жарасатындай. Бұл сөзімізге оның әр жылдарда үздік қызметкер атанып, түрлі марапатқа ие болғандығы дәлел. Қызметте кездескен қиындықтарға қарамастан еселі еңбек етіп жүрген кейіпкеріміз: "Бүгінге дейін жеткен жетістіктерім – нәтижелі жұмыстың жемісі. Бірақ, мұндай марапаттан бұрын көптің алғысы бәрінен маңызды, – дейді Жомарт Іскендірұлы.</blockquote>&nbsp;&nbsp;&nbsp;

Қазақстан және Қызылорда облысының жаңалықтары