<a href="https://kyzylorda-news.kz/">Kyzylorda-news.kz</a> &nbsp;Қиырдағы қазақтардың тілек-қалауы бір. Ол – Отанға оралу. Тарыдай шашырап кеткен қандастардың басын қосу демографиялық көрсеткішке де ықпал ететіні анық. Ал атамекенге аяқ басып, білім алуына қолдау білдіру қамқорлықпен тең. Мұны өңірдегі белді оқу орны Қорқыт ата атындағы Қызылорда университеті де қолға алған. Осы ретте Рекрутинг және мансап басқармасының маманы Насихат Смайлмен сұхбаттастық.– Шетелдегі қандастардың білім алуына университет тарапынан қанша грант бөлінеді? Жыл сайын көрсеткіште өзгеріс бола ма?<blockquote>– 2022 жылы 10 ішкі грант бөліп, бәрі игерілді. Ал өткен жылы 50 гранттың ішінен 37 баланы оқуға қабылдасақ, биыл 30 грант бөлдік. Ресей, Моңғолия, Өзбекстан мемлекетіндегі қазақтар бакалавриат бойынша оқып жатыр. Foundation-ға мемлекеттік грант негізінде 30 орын бөлініп, 14 баланы қабылдадық. Оның ішінде ақылы және тегін оқып жатқандар бар. Экологиялық аймақ болғандықтан грант иегерлері 46 мың теңге, ал басқа өңірлер 35 мың теңгеге жуық шәкіртақы алады. Бірақ бакалавриатта оқитын студенттерге оқу тегін болғанымен, шәкіртақы берілмейді. Сондықтан жатақхана ақысына 50 пайыз жеңілдік жасадық. Негізі Қызылорданың жатақхана ақысы басқа қаламен салыстырғанда әлдеқайда арзан. Қазіргі таңда университетте оқитын қандастардың саны артты.</blockquote>– Тестілеу жайында айтсаңыз. Тиесілі ұпай жинай алмай меселі қайтқандар бар ма? Студенттер Foundation дайындық курсымен қаншалықты қамтылады?<blockquote>– Егер бакалавриатта оқитын болса Ұлттық Бірыңғай Тест тапсырмай, тегін оқуға мүмкіндік бар. Бірақ университеттің ішкі конкурсы арқылы балаларды іріктеп аламыз. Алдыңғы жылы эссе байқауын ұйымдастырсақ, биыл аттестаттың балын есептеуді қолға алдық. Алдағы оқу жылына қабылдайтын 30 баланың конкурсын жаз айында белгілеп, жан-жаққа ақпараттандыратын боламыз.Ал Foundation-ге келетін болсақ, ҚР Ғылым және жоғары білім министрлігіне қарасты болон процесі арқылы жүзеге асады. Тамыз айының соңы мен қыркүйек айының басы аралығында тіркеу жұмыстары жүргізіледі. Тіркелу уақыты ашылғаннан бастап шетелдермен байланыс жасаймыз. Яғни балалардың тіркелуіне, біздің оқу орнын таңдауына кеңес беріп, жөн сілтейміз. Осылай іріктеуден кейін дайындық курсы қазан айынан басталады. Әр елден келетін қандастар ұлты қазақ болғанымен, тұрған мемлекетінің білім заңына бағынышты. Сондықтан оқуға тапсыру, мектеп бітіру, аттестат алу сияқты тестілеу де әртүрлі болады. Соның барлығын министрлік зерттеп, тұрған мемлекетінде оқуға түсуге мүмкіндік болмағанда Қазақстанға келіп білім алудың жолын қарастырған.</blockquote>– Білім сапасы мен қойылатын талапқа тоқталайықшы. Өйткені Қазақстан тарихы мен қазақ тілін меңгеруде кедергі кездесетін көрінеді. Курс үшін білім беруге арнайы мұғалімдер шақырыла ма?<blockquote>– Айтып өткенімдей, бакалавриатқа арнайы конкурс жарияланады. Алдымен сұхбаттасу түрінде өткізіп, балалардың тілдік деңгейін тексереміз. Қытайдан келген қандастарда тілдік қиындық болады. Ал Өзбекстан мен Моңғолия, Ресей қазақтарында мұндай мәселе жоқ. Олар оқу бағдарламасына бірден ілесіп кетеді. Сондықтан Foundation курсында Қытай, Ауғанстаннан келетін қазақ балаларды 60 аптадан кем оқытпай, бір пәнді 90 сағат өткіземіз. Оның ішінде қазақ тілін меңгеретін екі түрлі пән болады. Бірі – оқу сауаттылығы, екіншісі – ресми-іскери қазақ тілі. Дайындық курсын оқу мерзімі 9 ай. Біз қазақ тілін мектепте 11 жыл оқыдық, ал 9 айда меңгеру оңай емес. Сондықтан ресми-іскери қазақ тілі ҰБТ-да кездеспегенімен, қосымша пән ретінде қарастырылған.Бұдан бөлек пән бойынша сабақ өткізіледі. Осы орайда мектеп бағдарламасымен оқытуға қабілетті мұғалімдерді тартып, сабақ кестесін әзірлейміз. Бізге қолдау да жақсы көрсетіліп отыр. Мәселен, облыстық тілдерді дамыту орталығы Foundation-ге түскен балаларды тегін оқытуда. Мұнда нағыз мамандар қызмет атқарады. Нәтижесінде қазақша сөйлей алмай келген Қытайдағы қандастар екі ай ішінде тіл меңгеріп, көне сөздерге дейін жаттап алды.</blockquote>– Алыстағы ағайынға бағдарламаны насихаттау мақсатында қандай жұмыстар атқарылуда? Әлеуметтік желімен хабардар ету бір бөлек, ал өздеріңіз шет мемлекетке барып, түсіндірме жүргізесіздер ме?<blockquote>– Шетелдегі қазақ ұйымдары арқылы байланыс нөмір алып, бәріне ақпарат беруге тырысамыз. Моңғолия инстаграм мен уатсап желісіне әуес емес, тек фейсбук жақсы қолданыста. Сондықтан іс-сапарға барып, фейсбукта ақпарат жариялап, шет мемлекеттегі білім басқармасы, мектеп директоры және сынып жетекшісімен байланыс орнатамыз. Өткен жылы Моңғолияға іс-сапармен барып, ақпараттандыру жұмысын жүргіздік. Ал Өзбекстаннан Қазақ ұлттық мәдени орталығының төрағасы Ерболат Пернеев қазақ мектептерінің басшылық, әкімшілігімен байланыстырады. Бір жағынан ол жақ жақын болғаннан кейін қиындық жоқ, қазақтар саны өте көп. Сондай-ақ мұнда жоғары оқу орындарының көрмесін ұйымдастырады. Мәселен, «Болашақ» бағдарламасы, «Отандастар қоры» шетелдегі қазақтар арасында іс-шара ұйымдастырса бізге ресми хат жолдайды. Осылайша көрме немесе құрылтай аясында барып, оқу орнымыз жайында ақпаратпен бөлісеміз.</blockquote>– Студенттердің оқуға қабылдану барысында қандай да бір мәселе туындай ма? Жатақхана жайы мен орналасуы қаншалықты бақылауда?<blockquote>– Аса бір қиындық бар деп айта алмаймын. Бірақ Иран мен Ауғанстан мемлекетіндегі қазақтарға қандас мәртебесін беру қиындығы алаңдатады. Тәліптердің саясатынан кейін әзірге ол мемлекетпен байланыс жоқ. Бізде бір ғана бала оқып жатыр. Ирандағы қандастар елде білім алып, қоныс аударғысы келеді. Бірақ оларға қазақ деген анықтаманы бермейді. Өзбекстан туу туралы куәлігіне жазса, Моңғолияда қазақ деген анықтаманы әкімшілік беріп отырады. Иран мемлекетіндегі қандастар қазақ екенін дәлелдей алмайды. Сол себепті Қазақстанда оқу мүмкіндігінен қалыс қалып отыр. Ал орналасуына ойыссақ, виза мәселесін тағайындау, оқуға қабылдап, бұйрық шығарғаннан кейін студенттердің мекен жайына, сол мемлекеттің миграциясына шақыру жібереміз. Тексеру ұзақ болады. Бәрі талапқа сай болған жағдайда виза аштырып, «С9» визасымен келіп оқиды. Тіркеуге қою, кіріп-шығуының бәрін қадағалап отырамыз. Егер уақытылы бақылауға алынбаса мемлекеттің арнайы тәртібі бар, айыппұл салынады. Сөйтіп миграция тарапынан қиындық туындайды. Сондықтан олардың құжатына мұқият болу керек.</blockquote>– Бағдарлама қандастардың Отанға оралып, оқып одан әрі еңбек етуге үндейді. Дегенмен елге табан тисе де, кейін жұмыс таппай қайта кетуге ниетті жастар да болды. Содан болар бағдарлама мақсатына толық жете алмады деген пікір бар. Айтыңызшы, осы уақытқа дейін білім алған жастар өңірімізде тұрақтап қалды ма? Бұл жөнінде университет санақ жүргізе ме?<blockquote>– Иә Foundation-ге бөлінетін 1800 гранттың түпкі мақсаты шетелдегі қандастарды қолдап, атамекенге алып келу. Білім береміз, бірақ жұмыспен қамтылуы, Қазақстанда қалуы баланың қабілеті мен отбасына байланысты. Өзбекстан мен Моңғолиядағы қазақтардың да мақсаты азаматтық алуға тапсырып, қоныс аудару. Менде оқып жатқан студенттердің ата-анасының 60 пайызы азаматтық алып, Шымкент, Павлодар қаласына қоныстанған. Бірақ олар оқуының аяқталғанын күтеді. Себебі оқу бітірмей, азаматтық алуға тапсырса грант күшін жояды. Өзім қабылдаған студенттердің алды 2 курс оқып жатқандықтан, статистика айта алмаймын. Бұл жайында алдағы 2 жылдықта мәлімет беруге болады.</blockquote>– Қай мемлекеттен сұраныс көп, қызығушылық жоғары? Алдағы уақытта тағы қандай елмен байланыс орнату жоспарда бар?<blockquote>– Өзбекстандағы қандастардың Foundation-ге емес, бакалавриаттың ішкі грантына таңдауы түседі. Грант алғандардың 80 пайызын құрап отыр. Ал Моңғолия мемлекеті екі оқуға да бірдей қарайды. Әлде де олардың оқуға келу қарқынын күшейту керек. Сөздің ашығы, Қызылордаға келемін, оқимын деген бала саны аз. Өйткені мұнда туған-туысым жоқ дейді, грантты былай қойғанда Қызылорда облысы барын білмейтін қандастар кездеседі. Ағайын-туыстары осыған дейін Павлодар, Петропавл және Өскеменге орналасқан соң шақырымның алыс екенін айтып, бер жаққа келуі қиын. Қызылорда облыс орталығы болғандықтан, көбіне сол қалаларда қалып, бізге келе алмай жатады. Екіншіден, климаттық жағдай әсер етуі мүмкін.Оқуды насихаттаудағы фишкамыз аймақтың артықшылығын айтамыз. Мәселен, Қытайдан келген қандастар орыс тілін білмейді. Егер олар Павлодар, Өскеменге тұрақтаса тіл меңгеру жағынан қиналады. Ал облысымызда 99 пайыз қазақтар тұрғаннан кейін, қазақ тілін жетік білуге мүмкіндік мол. Оның үстіне қонақжаймыз. Әрі біздегі шәкіртақы өзге өңірге қарағанда жоғары. Сондықтан ақпараттандыруды күшейтпекпіз. Университет басшылығы да іс-сапар бойынша қаржыландырып отыр.</blockquote>– Сұхбатыңызға рақмет!

Насихат Смайл: «Қытайдағы қандастар екі ай ішінде тіл меңгерді»

Мектеп – тәрбие мен білімнің қазыналы ордасы. Бүгінгі жас ұрпақ білімді болса, еліміздің келешегі кемел болары хақ. Шәкірттері облыстық, республикалық, халықаралық білім бәйгелерінде жыл сайын топ жарған Зейнолла Жарқынбаев атындағы №202 мектеп ұжымы да осы талапқа сай жұмыс жасауда.Есімі елге мәлім қоғам қайраткерінің атын арқалаған білім ошағынан дарынды шәкірттердің көптеп шығуы да заңдылық. Туған жеріне адал қызмет етіп, саналуан тақырыпқа қалам тербеген талантты азаматтың басшылық, іскерлік қабілеті көпке үлгі.&nbsp;Зейнолла Жарқынбаев атындағы мектеп 2009 жылы ел игілігіне берілген. Мектеп ғимараты «100 мектеп, 100 аурухана» бағдарламасы бойынша типтік жобада 1100 орынға лайықталып салынған. Қазіргі таңда онда 707 оқушы білім алуда.&nbsp;Мектеп қазіргі заман талабына сай материалдық-техникалық базамен, заманауи кабинеттермен қамтамасыз етіліп, әр кабинет техникалық құралдар мен компьютерлер, интерактивті тақталармен, сондай-ақ әр пәнді терең оқытуға мүмкіндік беретін оқу бөлмелерімен қазіргі заман талабына сай жабдықталған. Атап айтар болсақ, жаңа модификациялы физика, химия, кабинеттерін аталған білім ордасынан табуға болады. Сонымен қатар аудан бойынша алғаш рет мектепте биыл «Qazaqstan halquna» республикалық қоры есебінен r-red robotics education кабинеті жасақталған. Бұдан бөлек мектеп түлегі, «Мұрагер» сыйлығының иесі, Филология ғылымдарының кандидаты, доцент, фольклортанушы ғалым, эпик жыршы Берік Жүсіпов атындағы арнайы дәрісхана да бар.&nbsp;&nbsp;Биылғы оқу жылында 62 оқушы мектеп табалдырығын алғаш аттаған. Бәсекеге қабілетті білімді тұлға қалыптастыруды мақсат еткен мектеп ұжымының бүгінде жетістігі көп.&nbsp;Мәселен, білім берудегі жаңашыл, шығармашыл, нәтижелі еңбегі, жоғары жетістіктері мен білім саласын дамытуға қосқан үлесі үшін биыл арнайы «Үздік инновациялық мектеп» номинациясын иеленіп, 4 млн теңге қаржылай сыйақымен марапатталған. Бұдан бөлек білім саласын дамытуға және педагог кадрлардың әлеуетін арттыруға қосқан үлесі үшін «Білім шыңы», «Шабыттың ақ желкені», «Білімнің биік тұғыры», «Үздік жаңашыл мектеп», «Білім бәйтерегі» сынды бірнеше номинацияға қол жеткізген.&nbsp;Былтыр Зейнолла Жарқынбаев атындағы мектеп оқу жылын үлкен жетістікпен қорытындылады. Биыл да оқу жылын бұдан да жоғары жетістікпен тәмамдауды көздеп отыр.&nbsp;2022-2023 оқу жылында мектепті 31 түлек бітірген. Оның ішінде 4 оқушы – «Алтын белгі», 2 оқушы – «Үздік аттестат» иесі. ҰБТ нәтижесімен түлектер 100 пайыз мемлекеттік грантпен жоғары және арнаулы оқу орындарына түскен. 25 оқушы жоғары оқу орнының студенті болса, 6 оқушы ақысыз негізде арнаулы оқу орнында білім алуда.&nbsp;– Биыл түлектердің ҰБТ-ға дайындығы жаман емес. Қазіргі таңда мектеп ұжымы мен ата-аналар үмітін арқалаған 47 түлектің 1-еуі «Алтын белгіге», 4-еуі «Үздік аттестатқа» үміткер. Мұғалімдердің тынымсыз еңбегі мен уақытылы дайындықтың нәтижесінде оқушыларымыз алдын ала дайындық сынақтарынан жоғары балл жинауда. Мектепте оқушыларға мүмкіндігінше сапалы білім беріп, тұлға қалыптастыруға барлық жағдай жасалған. Оқушыларымыз жан-жақты, үнемі ізденіс үстінде. Білікті мамандардан білім алатын шәкірттеріміздің зерек болуы да заңдылық. Білекпен емес, біліммен озатын заманда оқушыларымыз жыл сайын түрлі байқаулар мен білім бәйгелерінен, әсіресе ҰБТ-да жоғары нәтиже көрсетуде. Әрине оның артында ұстаздардың әр сабақты бір сарынмен өткізбей, оқушыларды жалықтырып алмауда жаңаша, тың идеялармен тәжірибе алмасу арқылы өткізіп жатқан ерен еңбегі бар, – дейді мектеп директоры Гүлнар Бекмолдаева.&nbsp;«Ұстазы жақсының ұстанымы жақсы» демекші, бұл саладағы жұмыстың жемісті болуы ең алдымен маманның біліктілігіне байланысты. Биылғы оқу жылында мектеп оқушыларының пәндік олимпиада, ғылыми жоба сынды білім бәйгелерінде бақ сынап, жүлделі орын иеленуі сөзімізді қуаттайды.&nbsp;Оқу жылы басталғалы аудандық сайыстардан мектептің 17 оқушысы жүлдегер атанған, ал облыста 2 оқушы, республикалық сайыстарда 2 оқушы мектеп абыройын асқақтатқан.&nbsp;Мұнда балалардың ыстық тамақпен қамтылуы да бір ізге түскен. Мектепте 390 оқушы сапалы ыстық тамақпен қамтылған. Оның ішінде 1-4 сынып аралығында оқитын 289 бала бар. Бүгінге дейін бұған қатысты ата-аналар тарапынан арыз-шағым түспеген. Мектеп директорының оқушыларға берілетін астың сапасы қатаң бақылауында екен.&nbsp;Директордың оқу ісі жөніндегі орынбасары Жазира Ұзаққызы &nbsp;балалар бір ауысымда білім алатынын айтады. Ал түстен кейін олар бос уақытын тиімді пайдалану мақсатында түрлі үйірмелер мен қосымша сабақтарға қатысады. Бүгінде мектепте 17 үйірме тұрақты жұмыс жасауда. Мәселен, «Қылқалам», «Ақмоншақ» үйірмесі мен «Домбыра» ұлттық-аспаптар ансамблі қолөнер мен түрлі спорттық ойындарды меңгеруге бағытталған. Оқушылар &nbsp;бойындағы талапты, шығармашылық қабілетті &nbsp;шыңдайтын үйірме мүшелері толағай табысқа жетіп, облыстық, республикалық жарыстарда туындылары топ жарған.Мектепте оқушыларды білім-ғылымға баулитын түрлі шаралар көбіне кітапхананың ұйымдастыруымен өтеді. Күн сайын іші балаға толатын кітапхана қорында 47 989 кітап болса, оның ішінде 10075-і – әдеби әдістемелік, 28 332-сі – оқулық, 500-і – балаларға арналған кітап.&nbsp;Ұлы ойшыл Әбу Насыр Әл-Фарабидің «Тәрбиесіз берілген білім – адамзаттың қас жауы» дегенін ескерсек, ел ертеңі болған жастарды тұлға етіп қалыптастыруда білім беріп қана қоймай, ұрпақ тәрбиесіне де басымдық берген жөн. Осы бағыттағы ұстаздар ұжымының еңбегі де өз жемісін беруде.

Жалағаштағы мектеп білімділердің бірегей ордасына айналды 

Жаңақорғандық кәсіпкер полистиролбетон шығаруда

<a href="https://kyzylorda-news.kz/">Kyzylorda-news.kz</a> Бәріңізге белгілі, елімізде наурызнаманың онкүндігі өткізіліп жатыр. Соның бір күні – «Ұлттық киім күні». Ұлтымыздың ұлылығын айшықтайтын ұлттық киім әрқашан құндылығымызды биіктетіп тұрады. Бұл шүбәсіз. Қазақы ою мен әшекейлер, сәукеле мен кимешек, шапан мен кең етекті көйлек ұлттық болмысымызды ерекшелеп тұратыны хақ. Бұл күнді ұлттық киім күні деп атау бекер емес. Себебі дәл осы күні ұлттық киімдер мен сәнді бұйымдар көрсетіліп халық назарына ұсынылды. Сондай әдемі көріністі Ы.Жақаев атындағы күріш өсіру тарихи музейінің алаңынан көре алдық.Тағылымы мол мерекеде музей қызметкерлері қазақы нақыштағы киімдерін киіп, самаурынмен келген қонақтарға шай мен дәмді тағамдар ұсынды. Ал жастар жағы жарапазан айтып, көпшілікті тамсандырды. Сондай-ақ музей директоры Қ.Ыханова құттықтау сөз алып, жиналған көпшілікке іс-шараның маңызы мен негізі жайлы сөз қозғады. Ардагерлер мен әжелер де ізгі тілектерін білдіріп, барша жиналған қауымды мерекемен құттықтады.Шынында, қазақ киімінің киесі бар. Қос етек көйлек, шашбау, үкілі сәукелені кигенде нағыз қайсар елдің ұрпағы екеніңді сезінесің. Бабалардан тәбәрік болып жеткен жәдігерлерімізді қастерлеп, баршаға насихаттап жүрген елді-мекендердің еңбегі ұшан-теңіз. Қазақ даласына Ұлы Жібек жолы арқылы әкелінген пүліш, барқыт, дүрия, мауыты, масаты, маржан, жібек, атлас, парша сияқты маталарлан және аң терісінен тігілген киімдер – қазақ қыз-келіншектерінің сәніне сән, көркіне көрік қосқан. Шара барысында бойжеткен қыздардың үстінен тақия, кәжекей, шашбау, шолпы сияқты киім үлгілері мен әшекей бұйымдарын көрсек, ал ақ жаулықты аналар мен келіндерден сәнді көйлек, кимешек, жаулық, желек, камзол, кәзекей, кебіс-мәсілерін аңғарсақ, ер адамдардан дәстүрлі киім шапанды байқадық. Ерлер шапаны көп жағдайда жібек, жүн, мақта, барқыт маталарынан дайындалса, шапанмен бірге киетін бас киімі биік төбелі, тегіс төбелі, үшкір төбелі болып түрлі пішінде тігіледі. Бұдан бөлек, қазақта құндыз бөрік, пұшпақ бөрік, қара бөрік секілді түрлері де бар.Ата-бабаларымыздан бастау алып келе жатқан ұлттық киімдеріміз зор талғаммен, сәнді де қонымды етіп үйлестіріліп тігіліп, ұлт мәдениетімен, қоғам өмірінен ажырамас сыр шерткізді. Осылайша, Ы.Жақаев атындағы күріш өсіру тарихы музейі ұжымының ұйымдастырған «Ұлттық құндылық – дәстүр ізгілігі» мәдени көпшілік шарасы өз деңгейінде жоғары өтті.&nbsp;

Шиеліде ұлттық киім ұлықталды

Жаңақорғанда экология апталығы өтті

<a href="https://kyzylorda-news.kz/">Kyzylorda-news.kz</a>&nbsp; Бала қауіпсіздігі мәселесінің маңызы зор. Әр ата-ана баласының қауіпсіз ортада өмір сүріп, дені сау, білім-білігі мол саналы ұрпақ болғанын қалайды. Ол үшін балабақша мен мектептердегі қауіпсіздік шаралары сенімге селкеу түсірмейтіндей болуы қажет. Бұл тақырыптың маңыздылығы&nbsp;Мемлекет басшысының да жыл сайынғы Жолдауында айрықша аталып өтеді.Оқушылардың сапалы білім алуымен қатар жеке бас қауіпсіздігі, денсаулығы қашанда маңызды.Қызылорда облысының санитариялық-эпидемиологиялық бақылау департаментінің аумақтық басқармалары бақылауында 317 жалпы білім беретін мектеп бар, оның 288 облыстық білім басқармасына қарасты, жеке мектептер саны-29.Қызылорда облысының құрылыс, сәулет және қала құрылысы басқармасы мәліметіне сәйкес жалпы білім беретін ұйымдардағы тығыздылық және апатты жағдайдағы мектептер мәселесін шешу мақсатында республикалық, жергілікті бюджет есебінен 10 мектептің, оның ішінде &nbsp;«Жайлы мектеп» Ұлттық жобасы аясында 2 мектептің&nbsp;құрылысы &nbsp;жүргізілуде.Өткен жылы Қазалы ауданы, Әйтеке би кентінде 250 орындық, Шиелі ауданы Байсын ауылындағы &nbsp;№207 мектеп үшін 250 орындық, Жаңақорған кентіндегі 300 орындық жаңа мектеп және Қызылорда қаласы Жезқазған тас жолының бойында 600 орындық жаңа мектептің құрылыс жұмыстары аяқталып, пайдалануға берілді.Сондай-ақ үш ауысымда оқытатын білім беру ұйымдары мәселесін шешу мақсатында облыс орталығындағыүш ауысымдағы 4 мектеп үшін 1850 орынға қосымша оқу ғимараттарының құрылыс жұмыстары жүргізіліп, пайдалануға берілді, қалған 2 мектеп пайдалануға берілген &nbsp;Жезқазған трассасы бойындағы 600 орындық жаңа мектепесебінен шешіліп, нәтижесінде облыстағы үш ауысымдық &nbsp;мектептер мәселесі толықтай оң шешімін тапты.Бұдан бөлек, «Қазалы ауданы бойынша білім бөлімінің Қ.Күлетов атындағы №92 орта мектебі» күрделі жөндеумен қамтылды.Облыс бойынша &nbsp;апаттық жағдайда 6 мектеп &nbsp;бар, олар Арал, Қазалы, Қармақшы, Шиелі аудандарыда орналасқан. Бұл мәселе күн тәртібінен түскен емес, бүгінгі таңда тиісті жүмыстар жүйелі жүргізілуде. Атап айтқанда, &nbsp;«Жайлы мектеп» ұлттық жобасы аясында өңірде салынатын 21 мектеп есебінен апаттық мектептердің 4-еунің мәселесі шешімін табады деп күтілуде.Бұған қоса, Арал ауданы Тоқабай аулындағы №248 апатты мектептің құрылысы жеке демеуші есебінен жүргізілуде.Шиелі ауданы Жансейіт елді мекеніндегі 100 орындық мектептің құрылысын «Білім беру инфрақұрылымын қолдау қоры» есебінен қаржыландыруға ұсынылған.Нәтижесінде апаттық мектептердің мәселесі 2025 жылы толық шешімін табатын болады деп жоспарланып отыр.Оқушыларды ыстық тамақпен қамту мәселесі де аймағымызда жолға қойылған. 2023 жылы облыстағы 1-4 сынып оқушыларын бір мезгіл ыстық тамақтандыруды ұйымдастыру мәселесі толық шешіліп, облыстағы&nbsp;66358 оқушы ыстық тамақпен қамтылды, жалпы 288мемлекеттік мектептің 280-інде ыстық тамақ, 8 мектепте буфеттік тамақ ұйымдастырылған.Мектеп асханаларында ыстық тамақ ұйымдастыру &nbsp;Тағам академиясы ұсынған әдістемелік нұсқаулығына сәйкес ұйымдастырылып, жүргізілуде. Сонымен қатар жаңа оқу жылында мектеп асханаларының перспективті &nbsp;ас мәзірінің және буфеттік тағам ассортименті жергілікті санитариялық-эпидемиологиялық бақылау басқармалары мамандарымен сараптама жүргізілді. Берілетін тағам ассортименті де өткен жылдарға қарағанда біршама жақсартылып, сүт, сүт өнімдері, жеміс-жидектер мен олардың шырындары қосылып, ет, ет өнімдерінің мөлшері көбейтілді.Мектеп әжетханалары мәселелері де ретке келтірілуде. Жалпы 2019-2023 жылдары 91 мектептің ауласында орналасқан дәретханаларды ішке кіргізу жұмыстары толық жүргізілді. Сонымен қатар, &nbsp;кешенді күрделі жөндеу кезінде демонтаждалған 21 мектептің ішкі дәретханалары қалпына келтірілген.Жалпы білім беру ұйымдарының жаңа оқу жылына дайындығы мен мектептердің техникалық жағдайына, мектептердің санитариялық тораптарының жағдайынажергілікті білім бөлімдерімен бірге жұмысшы топтары құрылып, барлық мектепке мониторинг жүргізіліп отырады, жоспарлы және жоспардан тыс тексерулер жүргізіледі. Себебі балалар қауіпсіздігі әрқашан басты назарда. Ел болашағының баянды болуы бүгінгі игі істерден басталмақ. Ұрпақсаулығы - ұлт келешегі.&nbsp;&nbsp;

Балалар қауіпсіздігі басты назарда

<a href="https://kyzylorda-news.kz/">Kyzylorda-news.kz</a> Өткен жыл «Академик С.Жиенқұлов атындағы Байқоңыр жоғары колледжі» білім беру мекемесі үшін жағымды жаңалықтарға толы болды деп айтуға болады. Ең маңыздысы – жаңа бағыттағы өзгерістер. Алғашқысы – білім беру саласын цифрландыру аясында колледжіміздің бітіруші түлектеріне тапсырылатын дипломдар бланкі де QR кодпен беріле бастады. Студенттердің шәкіртақысының 50 пайызға көтерілуі де осы жылдың жағымды жаңалықтарының бірі болып отыр.<blockquote>– Колледжіміздің «Ғимараттар мен құрылыстарды салу және пайдалану» мамандығының ІІІ курс студенті Еркебұлан Жарылқапов «WorldSkills Kazakhstan – 2023» республикалық кәсіби шеберлік конкурсына «Кескіндеме және сәндік жұмыстар» құзыреттілігі бойынша қатысып, бақ сынады. Бәсекеге қабілеттілікті арттыратын сайыстардың нәтижесінде колледждің бірқатар ұстазы біліктілік арттыру курстарынан өтіп, биік белестерден көрінді. Әріптесіміз Шынаргүл Назарова «WorldSkills Kazakhstan – 2023» республикалық байқауының сертификатына ие болды. Қызылорда қаласында техникалық және кәсіптік білім беру ұйымдарының білім алушылары арасында әскериқолданбалы спорт түрінен «Отан қорғаушы – 2023» облыстық сайысына АӘД пәнінің оқытушысы Айбек Райымбаев студенттер қатыстырып, жүлделі орындар алды. ТМ-122 оқу тобы студенті Сәли Битөре АК-74 оқу қаруын толық емес бөлшектеу мен жинақтаудан І орын, Ғ-221 оқу тобының студенті Дамир Шынтемірұлы капитандар сайысынан ІІІ орын, А-120 оқу тобының студенті Нұрбол Оралбеков белтемір көтеруден ІІІ орын иеленді. Білім саласының ардагері Сәду Калимахановты еске алуға арналған президенттік тест сынама түрлерінен өткізілген облыстық жарыста 100 метрге жүгіру бойынша МС-123 оқу тобының студенті (жетекшісі Ғабит Қалыбаев) жүлделі ІІІ орын иегері атанды. Халықаралық деңгейде өткізілген «Біздің біліміміз – біздің қауіпсіздігіміз» атты ІХ ашық чемпионатта колледж командасы жүлделі ІІІ орынды жеңіп алды. «WorldSkills Kazakhstan – 2023» байқауының облыстық кезеңінен колледж студенті Али Маханбет (жетекшісі Сәкен Есеналиев) «Жеңіл автомобильдерді жөндеу және қызмет көрсету» құзіреттілігі бойынша ІІІ орынды иемденді. «Ұлағатты ұрпақ тәрбиесі бүгіннен басталады» атты облыстық конференцияға колледж оқытушысы Сәкен Есеналиев қатысып, ІІІ дәрежелі дипломмен марапатталды. Қызылорда қалалық «Жастар ресурстық орталығы» КММ мен И.Әбдікәрімов атындағы Қызылорда аграрлық-техникалық жоғары колледжі ұйымдастырған «Кәсіпкерлік – тұрақтылық және табыс» атты облыстық байқаудан студентіміз Еркебұлан Жарылқапов (жетекшісі Гүлжазира Байтерекова) ІІ дәрежелі диплом алды. Алдағы жылдың еншісінде жаңа мамандықтар ашу жоспарымызда тұр, – деді Шолпан Дәуленбаева, &nbsp;академик С.Жиенқұлов атындағы Байқоңыр жоғары колледжі директорының оқу ісі жөніндегі орынбасары.&nbsp;</blockquote>Оқу жылының &nbsp;басында мамандықтар бойынша оқу жұмыс жоспарлары, оқытушылардың жылдық жүктемелері, топтардың &nbsp;сабақ кестесі, &nbsp;өзара сабаққа кіру кестесі, факультативтік сабақ кестесі, ашық сабақ және апталық кестелері, үйірме жұмысының жоспарлары, сонымен қатар &nbsp;«Жас маман» мектебінің жұмыс жоспарлары бекітілген. Оқу жылынан бастап &nbsp;колледжде барлығы 35 педогог оқытушы қызметкерлер жұмыс істеп келеді. Колледж оқытушыларының сандық сапалық құрамы бойынша жоғары, бірінші санатты &nbsp;және педогог-зертеуші, педогог-сарапшы, магистр оқытушыларыды есептегенде – 31,4% құрайды.2023-2024 оқу жылында &nbsp;мемлекеттік бюджет (грант) негізінде оқитын – &nbsp;20 топ, ақылы негізінде 1 топ білім алуда. Барлық оқу тобының саны – 21. Биылғы оқу жылында сабақ уақытысы 80 минут, 1 апталық сабақ күндері 36 сағатты құрайды. Жұма және сенбі күндері факультативтік сабақ &nbsp;кестесі бойынша әр топқа 4 сағаттан, &nbsp;яғни аптасына 2 &nbsp;рет &nbsp;сабақ жүргізілді.2022-2023 оқу жылында «Академик С.Жиенқұлов атындағы Байқоңыр жоғары колледжі» білім беру мекемесінің &nbsp;25 инженер педагогтері ақылы негізде «TALAP» акционерлік емес қоғамымен жүргізілген біліктілік арттыру курсынан өтті. Ақылы негізде колледж директоры, 3 директордың орынбасары, «Дене тәрбиесі» пәнінің 2 оқытушысы біліктілік арттыру курсынан өтті. Республикалық бюджеттен бөлінген қаражат есебінен 2 оқытушы біліктілікті арттыру курсынан өтті. Сонымен қоса 2023-2024 оқу жылында 2 жалпы пән оқытушылары республикалық бюджеттен бөлінген қаражат есебінен біліктілік арттыру курсынан өтті.Колледжде «Сыбайлас жемқорлыққа» байланысты Байқоңыр қалалық прокуаторасымен 2 жақты, «Діни экстремизмге» байланысты, «Жастар мен жасөспірім қыздар арасындағы &nbsp;ерте &nbsp;жүктіліктің &nbsp;алдын алу» бойынша, «Кәмелетке толмағандардың &nbsp;жыныстық &nbsp;тиіспеушілік &nbsp;сипатындағы зорлық-зомбылық &nbsp;қылмыстары, &nbsp;кәмелетке толмағандар мен қылмыстар, &nbsp;суицидтің алдын &nbsp;алу» &nbsp;жөнінде, «Есірткі және нашақорлықтың &nbsp;алдын алу» &nbsp;профилактикалық &nbsp;шараларының &nbsp;2023-2024 оқу &nbsp;жылдарына арналған бірлескен іс-шаралар жоспарын &nbsp; &nbsp;Байқоңыр қаласының көпбейінді ауруханасы, ҚР ІІМ Байқоңыр &nbsp;қаласындағы &nbsp;Өкілділігімен 3 жақты жұмыс жоспарлары &nbsp;құрылып, &nbsp;жоспар бойынша жұмыстар &nbsp;атқарылып &nbsp;жатыр, – деді колледж директорының оқу ісі жөніндегі орынбасары.&nbsp;Білім &nbsp;беру &nbsp;мекемесінде &nbsp;қоғамдық &nbsp;жастар &nbsp;арасында &nbsp;белең &nbsp;алып бара &nbsp;жатырған &nbsp;өзекті &nbsp;мәселелер &nbsp;«Құқық бұзушылық және қылмыс, интернет қауіпсіздігі мен кибербуллинг, лудомания, нашақорлықтың алдын алу, зорлық-зомбылық, суицид және ерте жүкітіліктің алдын алу» &nbsp;тақырыбы &nbsp;аясында &nbsp;сала мамандарымен кездесу өткізілді. &nbsp;Шараның мақсаты – жастардың адам тәрбиесі мен қоғам тәрбиесіне байланысты көзқарастарын дұрыс қалыптастыра отырып, болашақта ұрпақ қамын, ұлт тағдырын ойлайтын қоғамның мүшесі болуларына жағдай жасау. Шараға &nbsp;Қазақстан Республикасы Ішкі ітер министрлігі &nbsp;Байқоңыр қаласындағы Өкілдігінің бастығы, полиция полковнигі Алтынбек Ахметов, &nbsp;Полиция бастығының қоғамдық тәртіпті сақтау жөніндегі орынбасары, полиция подполковнигі Илья Шкрум, &nbsp;Әкімшілік &nbsp;полиция &nbsp;бөлімінің &nbsp;бастығы, &nbsp;полиция &nbsp;подполковнигі &nbsp;Жандос Кулманов, Қазақстан Республикасы Ішкі ітер министрлігі &nbsp;Байқоңыр қаласындағы Өкілдігінің кәмелетке толмағандар істері жөніндегі учаскелік полиция инспекторы Ерлан Баймаганбетов Ресей Федерациясы Iшкі істер министрлігі Байқоңыр қаласындағы кәмелетке толмаған жөніндегі инспекторы, &nbsp;полиция аға лейтенанты Гулсезим Зуева &nbsp;қатысты.Сонымен қатар есірткі қылмысына қарсы іс-қимыл шараларын жүзеге асыру аясында Байқоңыр қалалық прокуратурасы пракурорының &nbsp;көмекшісі Бөлекбай Еркін, ҚР ІІМ Байқоңыр қаласындағы Өкілдігінің кәмелетке толмағандар істері жөніндегі учаскелік полиция инспекторы полиция аға лейтенанты Мурзагалиева Мерейдің қатысуымен &nbsp;жастардың арасында синтетикалық есірткінің зияны мен нашақорлықтың зардаптары туралы "Есірткі және жасөспірім" тақырыбында құқықтық түсіндірме жұмыстары жүргізілді. &nbsp;Шара барысында синтетикалық есірткінің, есірткі сатумен айланысатын адамдардың арбауына түспеу жолдары қарастырылды. &nbsp;Есірткі қабылдаған 10 адамның тек біреуі, өте ұзақ емделу арқылы ғана сауығатыны айтылды, оңай ақша табамын деп есірткі сатушылардың жалған уәдесіне сенудің қажеті жоқ екені ескертілді.Бүгінде бір елді ғана емес, әлемді жайлаған есірткі мәселесі өршіп тұр. Оған қарсы күрес жүргізу үшін дүниежүзі мемлекеттері аянып қалып жатқан жоқ. Соның ішінде Қазақстан да есірткіге қарсы күресте мемлекеттік саясат жүргізіп, нашақорлыққа және есірткі бизнесіне қарсы күрестің бағдарламасын іске асыруда.Адамзат өміріне қауіп төндіріп отырған есірткінің зиянын түсіндіре отырып, саналы, салауатты өмір салтын ұстануға шақыру мақсатында сала мамандарымен бірлесе отырып «Есірткіге жол жоқ» &nbsp;тақырыбында академик С.А.Джиенкулов Атындағы Байқоңыр жоғары колледжінде 1-курс студенттеріне түсіндірме жұмыстары жүргізілді.Шараға Байқоңыр қаласының көпбейінді &nbsp;ауруханасының &nbsp;дәрігер психологы Серікова Мөлдір, &nbsp;ҚР ІІМ Байқоңыр қаласындағы өкілдігінің әкімшілік полиция бөлімінің кәмелет жасқа толмаған жасөспірім істері жөніндегі учаскелік полиция инспекторы М.Мурзагалиева, колледж директорының тәрбие ісі жөніндегі орынбасары Сыргаш Айбосынова, колледж медбикесі Молдир Пошанова &nbsp;қатысып, тақырып аясында өзекті ақпараттармен бөлісті. Шара соңында студенттер сала мамандарына сұрақтар қойып еркін пікір алмасты. Қызылорда облыстық білім басқармасының және Қызылорда облыстық оқу орталығының (әдістемелік кабинет) жұмыс жоспары негізінде &nbsp;«Кескіндеме және сәндік жұмыстар», &nbsp;«Сән технологиясы», &nbsp;«Жеңіл автомобильдерді жөндеу және қызмет көрсету», &nbsp; құзыреттіліктері бойынша колледжішілік «WORLDSKILLS» республикалық кәсіби шеберлік конкурсына жүлделі жеңістерімен танылып жүрген студенттің бірі – Жарылқапов Еркебұлан да қатысып, &nbsp;І дәрежелі дипломға ие болып, облыстық кезеңге жолдама алды. Мұнан бөлек «Өрлеу» біліктілікті арттыру ұлттық орталығы ұйымдастырған «Педагогикалық жобалау – техникалық және кәсіптік білім берудегі оқу процесін құру мен ұйымдастырудағы инновациялық стратегиясы» тақырыбында 80 сағаттық біліктілікті арттыру курсын аяқтағаны үшін колледжіміздің 25 оқытушысына сертификат &nbsp;тапсырылды. Сонымен қатар Қызылорда &nbsp;облыстық оқу орталығы мен М.Саламатов атындағы Қызылорда қызмет көрсету және сервис колледжі ұйымдастырған техникалық және кәсіптік білім беру ұйымдарының білім алушыларының арасында «Үздік техник-2024» атты облыстық байқауға &nbsp;ТМ-122 оқу тобының студенті Максутов Елмұрат (жетекшісі Ажар Арықбаева) қатысып, жүлделі ІІІ орынды қанжығасына байлады.Оқу орнындағы биылғы жылдың басты жаңалығы – заман талабына сай мамандар даярлауда өзіндік тәжірибесі бар білім ордамыздың құрылғанына 20 жыл толып отыр. Бұл айтулы датаға орай көптеген іс-шаралар жоспарлануда. Сәуір айында «Жас өнертапқыш – 2024» тақырыбында халықаралық байқау өткізілетін болады.Наурыз мерекесі қарсаңында «Академик С.А. Джиенкулов атындағы Байқоңыр жоғары колледжі» білім беру мекемесінде “ҚОШ КЕЛДІҢ, ҚҰТТЫ НАУРЫЗЫМ" такырыбында мерекелік кеш болып өтті. Мерекелік іс-шарамыздың қадірлі мейманы болып "AMANAT" партиясы Байқоңыр филиалының төрағасы Е.О.Рзалиев, «АСАРПЛЮС» ЖШС директоры С.Б. Жумадиярав, ата-аналар комитетінің мүшесі Р.Артыкбаева, "AMANAT" партиясы Байқоңыр филиалының есепке алу және статистика секторының меңгерушісі К.А.Муханова қонақта болды.&nbsp;Шара барысында салт-дәстүріміздегі әдет-ғұрыптарды дәріптеу мақсатында колледждің студенттерімен ұстаздарынан құралған әр топ ауыл-ауылға бөлініп, атап айтсақ «Жиенқұлов» ауылы құда күту, «Бәйтерек» ауылы сырға салу, «Үйрек» ауылы келін түсіру, «Абай ауылы» бесікке салу, Жамбыл ауылы тұсаукесер көріністерін көрсетті. Сонымен қатар келген қонақтарды шашу шашып қарсы алып, Наурыз көжеден ауыз тигізді. Домбырамен тартылып, әндер шырқалды. Қаймағы бұзылмаған қазақы салт-дәстүріміз қайта қанат жайып, ұлттық спорттық ойындар ойнатылды.

Байқоңырлық білім алушылар Наурыз мерекесін тойлады

<a href="https://kyzylorda-news.kz/">Kyzylorda-news.kz</a>&nbsp;Алматы, Жамбыл, Маңғыстау, Түркістан, Қызылорда, Жетісу облыстары, Шымкент, Алматы, Астана, Шымкент қалаларыжәне де &nbsp;«Мәңгілік ел жастары – индустрияға!» («Серпін») жобасына қатысушылар қатарындағы және белгіленген квота шеңберінде өңірлерде оқып жатқан ауыл жастары қатарындағы түлектер өңіраралық ерікті қоныс аударуға шығу өңіріне/мемлекетіне қарамастан қатысады.Ерікті түрде өңіраралық қоныс аударуды мемлекеттік қолдау: 1) көшуге материалдық көмек беруді; 2) тұрғын үйді жалдау (жалға алу) және коммуналдық қызметтерге ақы төлеу бойынша шығыстарды өтеуді; 3) қоныс аударуға жәрдем көрсететін жұмыс берушілерге субсидиялар беруді; 4) қажет болған кезде техникалық және кәсіптік білім алу үшін оқытуға және қысқа мерзімді кәсіптік курстарға жіберуді; 5) жаңа тұрғылықты жерінде жұмысқа орналасуға және кәсіпкерлікті дамытуға жәрдемдесуді қамтиды.Қоныс аударғаннан кейін комиссия отырысына қажетті құжаттарды өткізіп, оң шешім алғаннан соң бағдарлама қатысушығажәне оның отбасы мүшелеріне – отағасына және әрбір отбасы мүшесіне бір рет 70 АЕКмөлшерінде көшуге материалдық көмек беріледі. Теңгеге шаққанда 258 300 әр бір отбасы мүшелеріне беріледі.Көшуге материалдық көмек Бағдарламаға қатысушыға және оның отбасы мүшелеріне олар жаңа тұрғылықты жерге келгеннен кейін беріледі. Бағдарламаға қатысушының отбасына, оның ішінде жалғызбастыларына он екі ай бойы ай сайын тұрғын үйді жалдау (жалға алу) және коммуналдық қызметтерге ақы төлеу бойынша шығыстарды өтеуге мынадай мөлшерлерде материалдық көмек беріледі:1) қалалық жерлерге қоныс аударғандар үшін: - бір адам үшін – 20 АЕК мөлшерінде (73 800тенге ай сайын); - отбасы мүшелерінің саны екеуден төртеуге дейін болса – 25 АЕК мөлшерінде (92 250 тенге ай сайын); - отбасы мүшелерінің саны бесеу және одан көп болған кезде – 30 АЕК мөлшерінде төленеді (110 700 тенге ай сайын). 2) тұрғын үйді сатып алуға– экономикалық ұтқырлық сертификатың 50% беріледі, бірақ 1160 АЕК- тен (4 280 400 тг) аспайтын сомма. &nbsp;1. «Абай облысы білім басқармасының Курчатов қаласы білім бөлімінің №1 жалпы білім беретін орта мектебі» КММ:(87225134784) 1) Тарих пәнінің мұғалімі–150 000 тгбастап; 2) Денешынықтыру пәнінің мұғалімі –130 000 тгбастап; 3) Бастауыш пәнінің мұғалімі -150 000 тг бастап. 2.«Абай облысы білім басқармасының Курчатов қаласы білім бөлімінің №2 жалпы білім беретін орта мектебі» КММ:(87225133456, 8705 465 00 79) 1) Математика пәнінің мұғалімі 1 (екі тілінде оқытылатын сыныптарда) - 150 000 тг. бастап (категорияларына байланысты); 2) Музыка пәнінің мұғалімі 1 (екі тілінде оқытылатын сыныптарда) - 150 000 тг. бастап (категорияларына байланысты); 3) Биология пәнінің мұғалімі 1 (екі тілінде оқытылатын сыныптарда) - 150 000 тг. бастап (категорияларына байланысты). 3. «Абай облысы білім басқармасының Курчатов қаласы білім бөлімінің №4 жалпы білім беретін орта мектебі» КММ: (87225133456, 8705 465 00 79) Бухгалтер-1 –90 000 100 000 теңгеден (санаттарға байланысты); 4. «Абай облысы денсаулық сақтау басқармасының «Курчатов қалалық ауруханасы» ШЖҚКМК:(87225133033, 8707 5629387) 1) Кардиолог дәрігері-250 000 тгтеңгеденбастап; 2) Анестезиолог- реаниматолог-250 000 тгтеңгеденбастап; 3) Тісдәрігері-250 000 тгтеңгеденбастап; 4) Хирург -250 000 тгтеңгеденбастап; 5) Педиатр -250 000 тгтеңгеденбастап; 6) Терапевт - 250 000 тгтеңгеденбастап; 7) Невропатолог- 250 000 тгтеңгеденбастап; 8) Медбикелер 3 адам,130 000-160 000 тгтеңгеденбастап. 5. «Журавушка» балабақшасы: Ильина Ольга Геннадьевна, 7225121733, 7752997415 1) Балалар психологы (біліктілігі орташа)-160-170000 теңгеден бастап. 5. ҚРЭМ «ҚР ҰЯО» ШЖҚРМК «Атом энергиясы институты» филиалы(Османова Анар Шаратхановна +7 (722) 513 32 10/ Ішкі телефон: 4108, +7 (707) 608 67 85shutova@nnc.kz) 1) Зертханашы (біліктілігі орташа)-151 233 теңгеден бастап (Дезактиваторщик 4 разряд); 2) Зертханашы (біліктілігі орташа)-166 236 теңгеден бастап(дозимитрист 5 разряд); 3) Инженер-конструктор-193 242 теңгеденбастап; 4) Өндірісинженері-232 850 теңгеденбастап (инженер систем вентиляции, спецканализации и отопления); 5) Техник (жалпыбейін)-221 448 теңгеденбастап (техник 1 категории спецканализации и отопления); 6) Слесарь-жөндеуші-115934 теңгеденбастап (слесарь по ремонту и обслуживанию систем вентиляции и кондиционирования 3 разряд); 7) Метрология жөніндегі инженер-213 046 теңгеденбастап (инженер по метрологии 1 категории); 8) Электр жабдықтарымен қызмет көрсету және жөндеудегі электромонтер-116 426 бастап 166 236 теңгегедейін; 9) Токарь-183 640 теңгеденбастап 8 разряд; 10) Техник-энергетик-151 233 теңгеденбастап (техник 2 категории); 11) Сынау және өлшеу электромонтері-183 640 теңгеденбастап (электромонтер по испытаниям и измерениям 8 р); 12) Диспетчерлік жабдықтар және телеавтоматика жөніндегі электромонтер-121 827 теңгеденбастап (электромонтер диспетчерского оборудования и телеавтоматики 1 разряда); 13) Өндіріс инженері-202 844 теңгеденбастап (инженер 2 категории, облучательные устройства); 14) Сапа менджментіжүйесіжөніндегі маман-169 237 теңгеденбастап (специалист по системам менеджмента); 15) Автомобилдердіжөндеубойынша слесарь-125 427 теңгеденбастап (слесарь по ремонту автомобилей 4р); 16) Телекоммуникация бойыншатізбектікқұрылыстаржөніндегі электромонтер-137 429 бастап 166 236 теңгегедейін; 17) Балташы-116 426 бастап 125 427 теңгегедейін (плотник 3р); 18) Ағаш мастері-125 427 теңгеденбастап (столяр 4р); 19) Автоматтандыружөніндегі инженер-213 046 теңгеденбастап (инженер 1 категории систем контроля и управления); 20) Бақылау-өлшеуаспаптары мен автоматика слесарі-166 236 теңгеденбастап (слесарь по контрольно-измерительным приборам и автоматике 5р); 21) Слесарь-жөндеуші-108 023 бастап 166 236теңгегедейін (слесарь-ремонтник 2, 4, 5 разряд). 6. ҚРЭМ &nbsp;«ҚР ҰЯО» шаруашылық жүргізу құқығындағы республикалық мемлекеттік кәсіпорны (Иванова Лариса Васильевна+7 (722) 513 34 13/ Ішкі телефон: 331, +7 (777) 338 49 04, ivanova@nnc.kz) 1) Инженер-эколог-223 848 бастап (инженер 1 категории) 7. Курчатов қаласы әкімдігінің "Курчатов көп салалы эксплуатациялық кәсіпорыны" ЩЖҚМКК (Левченко Анна Валерьевна &nbsp;87055470778, 7 (722) 512 74 20, kmapkurchatov@mail.ru)&nbsp; 1)Бухгалтер-165 000 теңгеденбастап. 8. ҚРЭМ «ҚР ҰЯО» ШЖҚРМК"Геофизикалық зерттеулер институты" филиалы(Нугуманова Лязат+7 (722) 513 47 77, sandu90@mail.ru) 1) Техник-геофизик- 3адам -166839-183597теңгеденбастап; 2) Техник-гидролог - 1 адам183597теңгеденбастап; 3) Инженер-геолог - 234 496 теңгеденбастап. 9."Курчатов Водоканал" ШЖҚМКК(АкимбаевАканКайролаевич+7 (722) 512-72-07, +7 (705) 688 70 57, kurchatovvodokanal@mail.ru) 1) Заңгер кеңесшісі &nbsp;-119 193теңгеден бастап; 2) Жалақыны есептеу жөніндегі маман-140 000 теңгеден бастап (бухгалтер расчетчик). 11. «ҚР ҰЛТТЫҚ ҰЛАНЫНЫҢ 3514 ӘСКЕРІ БӨЛІМІ» РМУ(87225145730) 1) Сарбаздар-150 адам, 140 000 теңгеден бастап. 13. Мәдениет саласында мамандар: (87717732469) 1) Дыбыс операторы-1-119 700 теңгеден (санаттарға байланысты); 2) Аккомпаниатор-1-192 904теңгеден (санаттарға байланысты); 3) Мәдени ұйымдастырушы – 197 730 теңгеден (санаттарына қарай).Кәсіпкерлікті дамыту бойынша 2021-2025 жылдарға арналған Ұлттық жоба бағдарламасы аясында ерікті түрде қоныс аудару <a href="mailto:centr_kurchatov@mail.ru">centr_kurchatov@mail.ru</a> тел: 8(72251)3-42-77, 87089294708.Абай облысы Курчатов қаласына қоныс аудару centr_kurchatov@mail.ru тел: 8(72251)3-42-77 87089294708(түйіндемені&nbsp; осы нөмерге жібере аласыз) &nbsp;&nbsp;

Жұмыс күші аз өңірлерге қоныс аударғандарға қандай жеңілдіктер жасалады?

<a href="https://kyzylorda-news.kz/">Kyzylorda-news.kz</a>&nbsp; &nbsp;Елімізде 2021 жылдан бастап Мемлекет басшысының тапсырмасымен «Аңсаған сәби» арнаулы бағдарламасы іске қосылды. Жоба қосалқы репродуктивті технологиялардың көмегімен отбасылық-демографиялық проблемаларды шешуге жәрдемедесуді мақсат еткен. Биыл облыста аталмыш бағдарлама бойынша мұқтаж отбасыларға 270 квота бөлінді. Бүгін Өңірлік коммуникациялар қызметінің ақпарат алаңында Қызылорда облысының денсаулық сақтау басқармасы басшысының орынбасары Жаныл Абубакирова өңірде «Аңсаған сәби» жобасының жүзеге асырылуы туралы сөз етті.<blockquote>– «Аңсаған сәби» арнайы бағдарламасы бедеулік диагнозы қойылған пациенттерге арналған. Аталмыш жоба аясында өңірде 2015 жылы 34 квота бөлінсе, бүгінде оның саны 8 есеге артқан. 2023 жылы 274 квота бөлініп, өткен жылдың желтоқсан айына дейін толық игерілді. Оның ішінде 136 жүктілік тіркеліп, 32 жағдай түсікпен аяқталған. Өткен жылы экстракорпоральды ұрықтандыру арқылы 86 бала дүниеге келсе, 1 отбасында егіз сәби туған. Бүгінде 51 әйел жүктілік кезеңін өткізуде. Ал, 2024 жылға «Аңсаған сәби» бағдарламасы бойынша 270 квота бөлініп, қазіргі таңда 76 әйел жолданды. Облыс бойынша ұрпақ өрбіту жасындағы әйелдердің саны 174 931-ді құрап отыр. Айта кетейін, аймақта 6 320 бедеу отбасы бар. Бүгінгі күні 750 отбасы квота кезегін күтуде. Кезекте тұрған отбасылардың барлығы өңірлік комиссия арқылы қаралып, қолданыстағы бұйрықтарға сәйкес жолданады. Бағдарлама шеңберінде жүргізілген экстракорпоральды ұрықтандыру циклдеріне мониторинг жүргізу, пациенттердің құжаттарын қабылдау және құрылған комиссияға ұсыну жұмыстары басқарма тарапынан жүргізіледі, - деді Жаңыл Исақызы.</blockquote>Фото: Қызылорда облысының Өңірлік коммуникациялар қызметі

Биыл "Аңсаған сәби" бағдарламасы аясында 270 квота бөлінді 

<a href="https://kyzylorda-news.kz/">Kyzylorda-news.kz</a>&nbsp;&nbsp; 2024 жылдан бастап қазақстандықтар Наурыз мейрамын жаңа форматта тойлайды. Наурызнаманың онкүндігі басталды – он күн бойы республика бойынша түрлі тақырыптық шаралар өтеді. Бірақ мерекелік атмосферада қаржылық бақылауды жоғалту оңай болуы мүмкін. Осы жайында Fingramota.kz сізге пайдалы ұсыныстар береді.Наурыз мерекесіне орай дүкендер мен базарларда жаппай сатылымдар басталып, маркетологтар тұтынушыларды үлкен жеңілдіктер мен бонустармен қызықтырады. Бірақ жылтырағанның бәрі алтын емес. Бір сәттік көңіл-күйге бой алдыру арқылы сіз қажетсіз нәрселерді сатып алып немесе жоғары бағадағы заттарға алданып қалуыңыз әбден мүмкін. Сондықтан Fingramota.kz-тің бірінші кеңесі – әрқашан алдын ала жасалған тізіммен дүкенге бару және осы заңдылықты қатаң сақтау.Жаңа жыл, 8 наурыз немесе Наурыз мейрамы болсын, кез келген маңызды іс-шара құнын қажет етеді. Мереке отбасылық бюджетке соққы бермеу үшін шығындарды жоспарлауды үйрену керек. Бұл шығындар, жақын адамдар мен әріптестерге сыйлықтар мен ойын-сауыққа қатысты.Наурыз – табиғаттың жаңару мерекесі. Қаржылық жағдайыңызды жаңартуға өзіңізді психологиялық тұрғыдан дайындауға керемет себеп емес пе?Екінші кеңес - қарыздан құтылу және кредиттік жүктемені азайту үшін нақты қадамдар жасау.Жылдар бойы жиналған кредитті бірнеше күнде жабу қиын. Бірақ сіз оларды ертерек өтеу жоспарын жасай аласыз. Барлық қаржылық міндеттемелеріңіздің тізімін жазыңыз. Бұл банктік кредиттер, шағын кредиттер немесе достарыңыздан жалақы күніне дейін қарызға алған ақшаңыз болуы мүмкін. Бөлек бағанда міндетті төлемдеріңізді жазыңыз - жалға алу, оқу, емдеу және т.б. Қарыз тізімінің жанына бір ай ішінде алған барлық кірістеріңізді жазыңыз: жалақы, бонустар, стипендиялар, жәрдемақылар және т.б. Не басымырақ - шығыс немесе кіріс?Сіз бұл заңдылықты әрқашан есте сақтау керек, әсіресе мұндай тартымды 12 немесе 24 айға бөліп төлеу жоспарын немесе кредит алу туралы шешім қабылдағанға дейін. Бұл тізім сіздің қаржылық жағдайыңыздың объективті бейнесі болып табылады. Алдымен қандай қарыздарды өтеуге болатынын, несиелерді мерзімінен бұрын төлесеңіз немесе ай сайынғы төлемнен асатын соманы төлесеңіз, қанша үнемдеуге болатынын қараңыз.Үшінші кеңес - қосымша табыстың жаңа көзін тіпті бірнеше түрін табу.Егер сіз жалақыдан жалақыға дейін өмір сүрсеңіз және айдың аяғында ақшаның апатты жетіспеушілігі болса, бұл толық емес жұмыс күні туралы ойлануға маңызды себеп. Сіздің күшті жақтарыңыз, қабілеттеріңіз қандай екенін ойлаңыз. Мүмкін сіз торт пісіруді, қуыршақтар жасауды ұнататын шығарсыз немесе ақша табуға болатын қызықты хоббиіңіз бар шығар. Әлеуметтік желілерде тіркеліп, хабарландыру жазыңыз, достарыңыздан қосымша жұмысыңызды түрлі чаттарда таратуды сұраңыз.Кейбір сарапшылар қор нарығының құралдарына инвестициялауға кеңес береді, мысалы, әртүрлі компаниялардың акцияларын белсенді түрде сатып алу. Инвестициялаудан бұрын сіз бұл туралы көбірек білуіңіз керек. Сіз өз ақшаңызды түсінбейтін нәрсеге салмауыңыз керек. Осылайша сіз алаяқтардың желісіне түсіп, капиталсыз қалуыңыз мүмкін. Қор нарығына инвестициялау кезінде ақшаның қайтарымына ешкім кепілдік бере алмайды, сонымен қатар сіз барлық ақшаңызды жоғалту мүмкіндігіне дайын болуыңыз керек. Сондықтан бұл мақсаттар үшін сізге қоштасуға қарсы емес бос ақша қажет.Төртінші кеңес - депозитіңіз болмаса, біреуін ашыңыз немесе бірнеше банкте және әртүрлі валютада ашыңыз.Банк салымы – қаржылық құралдардың бірі және өте сенімді түрі. Бұл күнделікті күйбең тірлікте ақшаны үнемдеуге және мақсаттарыңызға үнемдеуге көмектеседі. Капитализациясы бар депозитті таңдаңыз. Арнайы қажеттіліктерсіз ақша алмауға тырысыңыз және мүмкін болса, кез келген ақшалай кіріс сомасының кем дегенде 10%, соның ішінде жалақы, сондай-ақ сатып алудан қалған ақшаны депозиттік шотқа салыңыз.Бесінші кеңес - ең маңыздылардың бірі, қаржылық мақсаттарыңызды шешіңіз.2024 жылы не болғанын қалайсыз? Армандар мен мақсаттар жазатын кітапшаны сатып алып, сол жерде күн сайын мақсаттарыңызды жазыңыз, олар осы шақта айтылуы керек. Бұл жаттығуды күн сайын қайталай отырып, сіз өзіңіздің мақсаттарыңыздың сіздің басыңызда бекітілгеніне және «Тілек картасына» ұқсас әсерге ие боласыз. Армандар орындала бастайды! Келер жылдың қаржылық жоспарын жасап, келесі Наурыз мейрамына дейін қорытынды жасаңыз. Сеніңіз, сізді жағымды жаңалықтар таң қалдырады.Fingramota.kz-пен қаржылық сауаттылығыңызды арттырыңыз!Фото: fingramota.kz

Қаржылық тұрғыдан қайта ретке келу: Түркі жаңа жылын тойлау 

<a href="https://kyzylorda-news.kz/">Kyzylorda-news.kz</a>&nbsp; Бүгін ҚР Премьер-министрі Олжас Бектеновтің төрағалығымен өткен Үкімет отырысында ауылдық аумақтарды дамыту мәселелері қаралды.Мәжілістен кейінгі жиында облыс әкімі Нұрлыбек Нәлібаев берілген тапсырмаларды нақтылады.<blockquote>«Мемлекет басшысы Қасым-Жомарт Кемелұлы ауылдық жерлердің әлеуетін арттыруға баса назар аударып, ауыл-аймақтарды кешенді түрде өркендету аса маңызды екенін үнемі айтып келеді. Сондықтан, ауыл тұрғындарының тұрмысын жақсарту – басты мақсаттардың бірі. Ауылдық аумақтарды дамытудың тұжырымдамасына сәйкес облыста ауқымды жұмыстар жүргізілуде. Тұжырымдаманың басты мақсаты – ауылдың инфрақұрылымын дамыту, кәсіпкерлікті қолдау, кадрлармен қамтамасыз ету. Инфрақұрылым мәселелері «Ауыл - ел бесігі» жобасы шеңберінде шешілуде. Жобамен 372,1 мың тұрғыны бар 58 тіректі, 45 спутниктік, барлығы 103 ауылдық елді мекен қамтылады. Соңғы 5 жылда 69 елді мекенде құны 30 млрд. теңгеден асатын 443 жоба жүзеге асырылды. Осылайша облыс халқының 98 пайызы, ауылдық елді мекендердің 86 пайызы орталықтандырылған ауыз сумен қамтамасыз етілген. 194 шақырым электр желілері қайта жаңғыртылып, 35 ауылдық елді мекен газдандырылды», - деді аймақ басшысы.</blockquote>Айта кетейік, облыс халқының саны 841,8 мың адам болса, оның 53%-ы ауылда тұрады.Жиында «Адал адам – Адал еңбек – Адал табыс» тақырыбында өткен Ұлттық құрылтайдың үшінші отырысында Мемлекет басшысы тапсырған 4 ауқымды инфрақұрылымдық бастаманы жүзеге асыру барысы егжей-тегжейлі қаралып, тиісті міндеттер айқындалды. Сондай-ақ, ауылдық жерлерді дамытуға, ауыл тұрғындарының табысын арттыруға бағытталған бірқатар бағдарламаларды іске асыру мәселелері талқыланды.Аймақ басшысы қала және аудандардың әлеуетін ескере отырып, биылға барлық көздерден 517 млрд. теңге инвестиция тарту межесі қойылғанын еске салды. Осыған орай, облыс әкімінің жауапты орынбасарына бір апта ішінде аудан және қала бөлінісінде инвестиция көлемін ұлғайту мүмкіндігін қайта зерделеп, ұсыныс енгізу тапсырылды. Нұрлыбек Машбекұлы қала және аудан әкімдері жұмысының тиімділігі инвестиция тарту көрсеткішімен бағаланатынын ескертті.Фото: Қызылорда облысы әкімінің баспасөз қызметі

Ауылдық аумақтарды дамыту мәселелері қаралды 

<a href="https://kyzylorda-news.kz/">Kyzylorda-news.kz</a>&nbsp; Бүгін ҚР Премьер-министрі Олжас Бектеновтің төрағалығымен өткен Үкімет отырысында салықтық және кедендік әкімшілендіру, цифрландыру мәселелері көтеріліп, нақты тапсырмалар берілді.Мәжілістен кейін облыс әкімі Нұрлыбек Нәлібаев тапсырмаларды нақтылап, жауапты мекемелермен бірге атқарылатын жұмыс жоспарын айқындады.<blockquote>«Ұлттық Құрылтайда Мемлекет басшысы бюджетті оңтайландыру міндетін айқындап берді. Экономикалық өсімге әсер ететін басым бағыттарды ғана қаржыландыру қажеттігін атап өтті. Осы ретте, аймақта тиімді бюджет және салық саясатын жүргізу, өңірдің қаржы қазанына түсімдердің толыққанды түсуін, тиімді жоспарлануын әрі игерілуін сапалы және нәтижелі ұйымдастыру - басты міндетіміз. Өңіріміздің республикалық бюджеттен берілетін субвенцияға тәуелділігін төмендетудің бірден-бір жолы жергілікті бюджеттің салық базасын ұлғайту екендігі белгілі. Сондықтан, облыстық, аудандар мен Қызылорда қаласы бюджеттерінің кіріс көзінің тиімді жоспарлануына және орындалуына жауапкершілікпен қарап, тұрақты бақылау жүргізу қажет», - деді аймақ басшысы.</blockquote>Аталған мәселелер бойынша облыстық экономика және қаржы басқармасына Қызылорда қаласы, аудан әкімдерімен, мемлекеттік кірістер органдарымен бірлесіп, салықтар мен бюджет төлемдері бойынша резервтерді анықтау жөніндегі алгоритм шеңберінде жұмысты жандандыру тапсырылды. Елді мекендерде бақылау-кассалық машиналарын қолданбайтын субъектілерді анықтау үшін рейдтер жүргізілетін болады. Мұнан бөлек, мемлекеттік кірістер органдарында тіркелмеген салық салу нысандарын анықтау жөніндегі жұмысты күшейту қажет. Жеңілдетілген шартпен кредит, грант алатын шағын және орта кәсіпкерлік субъектілерінің салықты толық және мерзімінде төлеуіне бақылауды күшейту, жергілікті бюджетке түсімдердің қосымша көздерін қарастыру жөнінде тапсырмалар берілді.Фото: Қызылорда облысы әкімінің баспасөз қызметі

Қазақстан және Қызылорда облысының жаңалықтары