<a href="https://kyzylorda-news.kz/">Kyzylorda-news.kz</a>&nbsp; Ел Президенті Қасым-Жомарт Тоқаевтың бастамасымен Қазақстанның барлық азаматтары саясатта, экономикада, халық шаруашылығының барлық салаларында ортақ мүдде үшін еселі еңбек етуде.Қазірде Қармақшы ауданының әлеуеті экономикалық, әлеуметтік, білім мен денсаулық, мәдениет пен спорт салаларында, тұрғындардың тұрмыс-тіршілігін жақсартуда биік белестерді бағындырды.Біріншіден, Қармақшы ауданының халқы соңғы 20 жылда көшу үдерісіне қарамастан 15 пайызға өскен.Екіншіден, даму, өркендеп өсу тікелей қаржыға тірелетіні белгілі. Өткен ғасырдың соңғы кезеңінде Қармақшы ауданының бюджеті 200 млн теңге шамасында болды. Оның негізін жоғарыдан келетін субвенция құрады. Оның ішінде білім, денсаулық салаларының қаржысы да болды. Өткен жылы аудан бюджеті 13 млрд теңгеге жетті. Білім мен денсаулық саласы облыстан қаржыландырылуда. Өз түсімі 9 млрд, аудан бюджеті кірістері 2 млрд теңгені құрады.Үшіншіден, ауданның экономикалық-әлеуметтік жағдайы ауыл шаруашылығына негізделгені баршаңызға белгілі. «Ауыл – Ел бесігі» бағдарламасы аясында ауыл шаруашылығын қолдауға Ел Президенті ерекше көңіл бөліп отыр.Егіншілікте әртараптандыру, технология, техника, суару жүйесі жетілдіріліп, аудан бойынша әр гектардан 60 центнер, жалпы 826 мың центнер күріш салысы жиналды. Ал кеңес кезеңінде әр ауылдағы шаруашылық гектарына 40-45 центнерден өнім алып, 100 мың центнер астық жинау үшін күресетін Жаңажол, III Интернационал, Ақтөбе ауылдық округтеріндегі шаруашылықтар 130-180 мың центнерден өнім жинауға қол жеткізді.Ата кәсіп болып саналатын 4 түлік малды өсіру мен өнім өндіруіне келсек. Соңғы 25 жылда мүйізді ірі қара 275 пайызға, қой мен ешкі 200,5 пайызға, жылқы 613,8 пайызға, түйе 356,8 пайызға өскен. Бұл арнайы шаруашылық құрылымдары арқылы өсіріліп, жан-жақты дамыды деген 1980 жылдармен салыстырсақ мүйізді ірі қараның 1,5 есе, ал жылқы мен түйенің 4-5 есе өскенін көрсетеді. Өкініштісі, уақ мал 3 есеге кеміген.Төртіншіден, халықтың тұрмыс-тіршілігін арттыруға тікелей әсер ететін шағын және орта бизнес субъектілерінің саны 4323 бірлікті құрап, соңғы 20 жылда 5,2 есе өскен. Саны ғана өсіп қоймай сапа жағынан да, қызмет көрсету түрі жағынан да өскен. Өнім өндіру көлемі 22,4 есе ұлғайған.Білім саласында да едәуір жұмыстар атқарылуда. Атап айтар болсақ, аудандағы мектептердің 11-і типтік жобамен жаңадан салынса, балабақшамен қамтылуы 100 пайызға жетті.Денсаулық саласында да даму бар. Аудандық емхана, ауылдарда 5 емдеу орыны жаңадан салынып, халыққа қызмет көрсетуде.Мәдениет саласына келсек, ауданда 6 жаңадан мәдениет үйі салынды. Аудан бойынша спорт кешені бұрын біреу болса, жаңадан 5-еуі салынуда. Соңғы жылдары ауданда құрылыс жұмыстары қарқынды жүруде. Инфақұрылым бойынша Төретам кентінде бұрын 1 көше ғана асфальттанса, қазір 33 көшенің 30 асфальттанған, 3 мектептің 2-еуі жаңадан, 4 балабақшаның 3-еуі жаңадан салынса, су, газ жүйесі тартылған. Жосалы кенті бойынша 122 көшенің 90-нына асфальт төселіп, көше жарығы орнатылған, 22 көшеге тас төселген. 8 мектептің 3-еуі жаңадан, 2 спорт кешенінің 1-еуі жаңадан, бірнеше ойын алаңдары, саябақтар мен демалыс орындары халыққа қызмет көрсетуде.Қорыта айтатын болсақ, еліміз жыл өткен сайын бірте-бірте өсу дәуірін басынан өткізді. Оны облысымыз бен аудандардағы экономикалық жағынан өсуі мен әлеуметтік дамуынан, ауыл келбеті мен ажарының сәулеттене түсуінен айқын көрініс табуда. Оны өткен жылғы Қазақстанның Еңбек Ері атағын алған 3 азаматтың қатарында ауыл шаруашылығы саласы бойынша «Таң ЛТД» ЖШС директоры Имамзада Шағыртаев және «Парыз» сыйлығының орта және шағын кәсіпкерлік субъектілері арасындағы гран-приін облысымыздың «Абай Дәулет» ЖШС-нің иеленуі – облысымызға берілген үлкен баға.Алдағы уақытта дамуымыз одан әрі қарқынды бола бермек. Оған Мемлекет басшысының төменде қойған міндеті негіз болмақ. «Маңызды міндет – азық-түлік қауіпсіздігін қамтамасыз ету. Үш жылда агроөнеркәсіп кешеніндегі өңделген өнім үлесін 70 пайызға жеткізу қажет. Әрбір ірі жоба ауыл халқының тұрмыс сапасын жақсартуға тікелей әсер етеді. Аймақтарды дамытуға мол мүмкіндік береді. Алдымызда тұрған аса маңызды міндет – ауылды жан-жақты дамыту. Бұл түптеп келгенде, бүкіл Қазақстанды дамыту деген сөз. Сондықтан биыл біз «Ауыл аманаты» жобасын бастадық» деп көрсетті Қасым-Жомарт Тоқаев. Бұл жобаның игілігін қармақшылықтар да көре бастады.

Қармақшы ауданының экономикасы қарқынды дамуда

&nbsp;<a href="https://kyzylorda-news.kz/">Kyzylorda-news.kz</a>&nbsp;«Отбасы – шағын мемлекет, мен – президент, сен – премьер» деп жалынды ақын Қасым&nbsp; Аманжолов жырлағандай отау құрған отбасылардың бақыты өз қолында.&nbsp; Қазір қоғамда өз орнын тауып, еңбек етіп, отауының шырағын жағып, үлгілі бала тәрбиелеп, елге өнеге көрсетіп отырған отбасылар бар.&nbsp; Сондай мерейі тасыған отбасының бірі – «Мерейлі отбасы» ұлттық конкурсының қалалық кезеңіне қатысушы қала тұрғындары Иманғалиевтар отбасы.Құтты шаңырақтың отағасы – Жарас Иманғалиев. Ол&nbsp; 1977 жылы Алматы облысы, Талдықорған қаласы, Лепсі станциясында дүниеге келген. Электромонтер мамандығы бойынша курс оқып, Қазақтелеком компаниясында 1-разрядты электромеханик болып жұмыс істейді. 2005 жылдан аяқкиім жөндеп,&nbsp; өз кәсібін бастаған. Қандай жұмысқа бесаспаптығымен бейімделген. 2010 жылы жұбайы Рәзия Иманғалиевамен шаңырақ көтереді. 2015 жылы Жаппасбай батыр көшесіндегі №179А үйден пәтер алып, Қызылорда қаласына көшіп келеді. Сол уақыттан бері «Қызылорда тазалығы» мекемесінде аула сыпырушы болып еңбек етеді. Бүгінде ерлі-зайыптылар 6 бала өсіріп, тәрбиелеп отырған өнегелі отбасы. Балалары оқу озаты, мектеп белсендісі. Рәзия өзі көрген қиындық пен жетімдіктің азабын бала­ларым көрмесе екен дейді. Сол үшін балаларына барынша жақсы тәрбие беруден жалыққан емес. Өзі талай қиындықты басы­нан өткізіп, көп­балалы отбасы болуды бала кезінен армандады. Қазір сол арманына жетіп отырғанын қуана жеткізді. Балаларын үлкенге ізет, кішіге құрмет көрсетуге, еңбекқорлыққа, ұқыптылыққа, қайырымды, бауырмал болуға үйретіп келеді.Соның арқасында бұл жарасымды отбасының&nbsp; ауласы жасыл желекке айналып, жайқалып тұр. Балаларының жетістіктері көңіл қуантады. Шетінен өнерпаз. Бала­ларының талантын байқаған ата-анасы №7 мектепте білім алып жатқан Ілиясты домбыра үйірмесіне жаздырады.&nbsp; Ал қызы №7 мектеп-лицей оқушысы Ғалия Иманғалиеваны фортепиано сыныбына берген. Отбасында гүлдей жайқалып келе жатқан Ғалия мен Ілияс өз аулаларына күтім жасап, өзге көршілеріне үлгі көрсетуде. Иманғалиевтар отбасы әрдайым белсенділік көрсетіп, көршілерін өз ауласын жайқалтуға үндеп келеді.– Аула таза болса, гүлдер жайқалып тұрса көңілің көтеріліп жүреді. Басқа көршілерге де ауланы баптап, гүл өсірудің қыр-сырын айтып отырамын. Қала құрғақ болғандықтан есіктің алдын гүлмен көмкеру өте пайдалы. Балаларымыз да өзімізбен бірге еңбек етуден жалыққан емес. Оларды жастай еңбек етуге баулысаң, ер жеткенде өз ауласын ұқыпты ұстауға машықтанады. Тек еңбекке ғана емес, қазақтың қара домбырасын да үйреніп, ән айтып жүр. Мектепте де оқуын жақсы меңгерген. Бала деген ата-ананың көз қуанышы ғой, – дейді отанасы Рәзия.Ұлағатты ұл, инабатты қыз өсіріп отырған Иманғалиевтар отбасының өнегелі ісі баршаға үлгі.&nbsp;

Ісімен көпке үлгі болған отбасы 

<a href="https://kyzylorda-news.kz/">Kyzylorda-news.kz</a> Жалағаш ауданындағы индустриалды-аграрлық колледжі заман талабына сай жұмыс жасап, балалардан кәсіби маман шығаруда қажырлы еңбек етіп келеді. Бүгінгі білім беру жүйесінің басты мақсаты – бәсекеге қабілетті маман даярлау. 60 жылдан астам тарихы бар оқу орнынан бүгінге дейін 25 мыңнан астам адам түрлі мамандықты игеріп шыққан. Олар қазіргі таңда&nbsp;еліміздің ауыл шаруашылығы және басқа да салаларында серпін қалыптастыруға өз үлесін қосуда.&nbsp;Қазіргі таңда колледждің материалдық базасы нығайып, елдің экономикасын нығайтуға қажетті жаңадан мамандықтар ашылған. 450 орынға арнап салынған оқу орнында 189 студент ауыл шаруашылығын механикаландыру, дәнекерлеу, ғимараттар мен құрылыстарды салу және пайдалану, электр жабдықтары мен тамақтандыру ісін ұйымдастыру мамандықтары бойынша білім алуда. Биыл 129 талапкер бұл оқу орнының студенті атанса, келер жылы 60 студент оқуды тәмамдайды.&nbsp;Елімізде 2019 жыл «Жастар жылы» болып жариялануына байланысты колледж мемлекеттік «Жас маман» &nbsp;бағдарламасына қатысып, 2020 жылы &nbsp;облыс бойынша 9 колледждің ішінен мемлекеттік грантты жеңіп алған. Бұл жоба аясында колледж еңбек нарығында сұранысқа ие болған екі мамандық бойынша 439 млн теңге қаржыға ауыл шаруашылығын механикаландыру мамандығы бойынша және тамақтандыруды ұйымдастыру мамандығы бойынша қажетті құрал-жабдықтар сатып алған. Мәселен, ауыл шаруашалығын механикаландыруға қажетті мұнда енді «John Deere» тракторы бар.– Студенттер трактор тізгіндемес бұрын сабақ барысында осы техникаларды іс жүзінде айдап үйренеді. Бұл трактор 60 операцияны орындай алады. Яғни дән себу, жер жырту, тракторға өнім тиеу, соқаны тіркеу секілді қызметтер атқарады.Сонымен қатар экскаватор құрылғысы да бар. Ол жер қазып, тегістейді. Студенттерге тракторды қалай айдау керектігі, толық жұмыс жасау барысы үйретіледі. Осы жерден толық трактор айдауды меңгерген бала гаражда тұрған техниканы емін-еркін меңгереді, – дейді мұғалім Нұржан Серікұлы.&nbsp;Мұнда бұдан бөлек айналмалы соқа, тыңайтқыш сепкіш, «Claas» комбайн, экскаватор, «Landini» тракторы сынды қажетті басқа да құрал-жабдықтар бар. Бұл техникалар колледждің материалдық-техникалық базасы нығайтуда. Қазіргі таңда бұл техникалар жаңартылған білім бағдарламасына енгізіліп, күнделікті оқу-үйрену процесіне пайдаланылуда. &nbsp;Соның арқасында түлектердің жыл сайын 82 пайыздан &nbsp;астамы жұмыспен қамтылуда.&nbsp;Айта кетейік, оқу орны білім алушылардың ауданның ірі шаруа қожалықтарында тәжірибеден өтуіне барлық жағдай жасаған. Мұндағы жастар 2 ай іс жүзінде тәжірибе алмасу арқылы өздерін шыңдап, мамандығына машықтанады. Ал тамақтандыруды ұйымдастыру мамандығы бойынша көкөніс ұсақтағыш, ет турағыш, қамыр илеп, оны жайып кесетін арнайы құрылғылар оқу процесі кезінде қолданылып, студенттердің сапалы білім алып, білікті маман болып даярлануына пайдаланылады. Балалар виртуалды әлемді көру арқылы теория түрінде техника қауіпсіздігін үйренеді. Мұнан кейін арнайы тест арқылы сынақтан өтеді. Колледжде 23 пән кабинеті мен шеберхана қарастырылған.– Студенттердің сұранысына сай 50 орындық жатақханада 18 студент бар. Сондай-ақ барлық білім алушыға шәкірт ақы тағайындалған. Бізде студенттерге ыстық тамақ қарастырылмаған, бірақ толық емес отбасылар мен көпбалалы отбасылардан шыққан 72 студентке 14 508 теңге беріледі. Кітапхана қорында арнайы 10 234 кітап бар. «Оқуға құштар колледж» жобасы аясында студенттердің қатысуымен түрлі шаралар, әдеби танымдық кештер өткізіліп тұрады. Жақында&nbsp;Coworkinq&nbsp;орталығы керекті құрал-жабдықтармен қамтылды. Мұнда білім алушыларға сабақтан тыс уақытта кітап оқып, &nbsp;дойбы, шахмат сынды ойын ойнауға мүмкіндік қарастырылған, – дейді колледж басшысы Нұрхан Боранбайұлы.&nbsp;Біліктілік пен жаңашылдықты басты назарда ұстайтын оқу орнында 37 инженер-педагог сапалы білім беруде. Келешегі кемел білім ордасының алдағы уақытта да кәсіби білім иелерін шыңдайтыны анық.

Индустриалды-аграрлық колледж заман талабына сай жұмыс істеуде

<a href="https://kyzylorda-news.kz/">Kyzylorda-news.kz</a> Бүгінде әлеуметтік-экономикасы ілгері жылжыған ауданда өндіріс, өнеркәсіп орындарынан бөлек кәсіп ашып, қомақты табыс тауып отырған жандар қатары көп. Оның ішінде мал санын көбейтуден басқа, бал өндірумен айналысатын кәсіпкерлердің де үлесі бар. Енді ара балының адам денсаулығына пайдалы, мың бір ауруға ем болатын қасиеті де барын білеміз. Ал осы кәсіп арқылы жан бағып, омарташы кәсібін жанына серік еткен Шиелі ауданы, Бәйгеқұм ауылының тұрғыны Мархаббат Адамбекұлының өніміне сұраныс та жоғары.Еңбекке жақын адамның тұрмысы да берекелі болатыны хақ. Бүгінде өз мүмкіндігіне қарай кәсіп ашып, ісін дөңгелетіп отырған азаматтардың саны артып келеді. Әрине, шағын және орта кәсіп көп болған сайын халықтың да тұрмыс жағдайы жақсарары сөзсіз. Бәйгеқұм ауылының тұрғыны Мархаббат Адамбекұлының мемлекеттің қолдауынсыз омарташылық кәсіппен айналысып келе жатқанына 20 жылға жуықтаған. Қазір «Қайтарымсыз грант», «Ауыл Аманаты» жобасы сияқты көптеген бағдарламалар бар. Мемлекет тарапынан көрсетіліп жатқан қолдаудан, тасада қалып жатқан жандар қатарын да ескерген жөн. Ол үшін аудан, ауыл әкімдері халықпен тығыз жұмыс істеп, қолдау көрсетіп отыруы керек. Кейіпкеріміздің әттең-айы әлі күнге дейін ешқандай бағдарламаға іліге алмай келеді. Мәселен, Жамбыл, Түркістан облыстары «Ауыл Аманаты» жобасы аясында 20-25 млрд теңге көлемінде халыққа несие берген. Ал біздің аймақта небәрі 3 млрд қана несие үлестірілген. Міне, тасада қалған кәсіпкерлерді қолдайтын болсақ, аймақта шағын және орта кәсіпкерлік субъектілерінің саны артып, жұмыссыздар қатары айтарлықтай азаятын еді.<blockquote>– Басында бұл кәсіпті бастап, жолға қою оңай болмады. Сырт көзге ара бағу, бал өндіру жеңіл жұмыс болып көрінгенімен, оның да қиындығы мен машақаты көп. Қазір бізде 100 ара ұясы бар. Балдың бір келісі 1500-2000 теңгеге саудаланып жатыр. Аралар бал жинау кезінде әлсіреп, кейбіреулері өледі. Сондықтан араға үнемі күтім жасап, баптау қажет. Ол үшін арнайы дәрумендер беріліп, дәрілер себіледі. Жылдың әр маусымында бұйырған балды аламыз. Өзімізден шыққан табиғи, құрамы таза балды жергілікті халыққа және сырт облыстардан келген тапсырыстарға арнайы өткізіп отырамын. Сонымен бірге мамыр айынан бастап, қазанға дейінгі аралықта бал жинау үрдісі жақсы жүреді. Тек аралар жаңбырлы күндері бал жинамайды. Бал араның тағы бір ерекшелігі, олар темекі мен ішімдіктің, әтірдің иісін жақтырмайды. Жанына жақындаған адамда осы аталған иіс болса ашуланып, тарпа бас салады. Содан да болар ұясының ішінде қысы-жазы 30-35 градус температура сақталады, – дейді омарташы.</blockquote>Дүниежүзі бойынша бал өндіру жұмыстары жолға қойылған. Статистикаға сүйенсек, жалпы дүниежүзі бойынша бал өндіруден бірінші орынды Қытай елі алады. Яғни, 1 млн 400 мың тонна балдың 300 мыңы Қытайдың еншісінде. Еуропалық елдерде Аргентина мен Украинаның үлесі жоғары. Ал біздің мемлекет бал өндірісі жағынан ең төменгі орында тұр. Статистикалық есеп бойынша елімізде небәрі 8 мың тонна бал жиналады. Енді біздің мемлекет әлемдік картада жер жағынан 9-орында тұратындығын ескерсек, бұл көрсеткіш көңіл көншітпейді. Дала мен тау тасқа, гүл мен шөптерге бай болсақ та, балдың жайы жайсыз болып тұр. Оған омарташылар саны аздығы себеп. Яғни, өсімдіктер гүлдейді де босқа қурайды. Осы кәсіппен айналысатын адамдардың қатары көбейсе, гүлдеген жерге көшіп барып, рентабельді шаруашылық жасап, жұмыс істеудің мүмкіндігі мол болар еді. Ара болмаса қоршаған ортаның, топырақтың құнары жойылады. Әлемді мойындатқан ғалым Эйнштейн: «Жер бетінен ара жоғалса, бес жылдан соң адамзат та жоғалады», – деген сөзі осындайда ойға оралады.Иә, басталған істің нәтижесін көру үшін көптеп тер төгу қажет. Әр істің өзіне тән қиындығы мен машақаты болады. Осындай қиындыққа мойымай, тек алға жылжыған сәтте қолға алынған тірліктің жемісін көреді. Сол үшін де қазақ «қолы қимылдағанның аузы да қимылдайды» деген.

Мархаббат Адамбекұлы: Араны үнемі күтіп-баптау қажет

<a href="https://kyzylorda-news.kz/">Kyzylorda-news.kz</a> «Үнемі түсімде жүйрік атқа мініп, шауып жүретінмін. Сол түс маған қанат бітірді ме, әлде нағашы жұртымның малсақтығы маған дарыды ма, есейе келе жас төлдерге қарап қызығатынмын. Олардың ойнақтап жүгіргеніне, желе жортып шапқанына сүйсіне қарап, мен де қорамды малға толтырсам деп армандайтынмын. Оның үстіне нағашы атамның қорасы төрт түлікке толы болатын. Басқа балалардай емес менің жаным соларға жақын еді. Жемін беріп, суын құйып, атам мал жайлағанда ізінде жүретінмін. Тезектің иісінен жиренбей, мал қораға жиі баратынмын. Жақсы көргеніңді төл де біледі. Мен барсам олар мөңіреп, маңырап қашпай жаныма жақындай беретін. Меніңше, табиғатынан малға жақын адам болады. Мен де сондаймын» деп біздің кейіпкеріміз Талсуат тұрғыны, жеке кәсіп иесі Жанат Тоқмейілова ашық-жарқын әңгімесімен бізді баурап алды.Жүзі жадыраған жайсаң жылқышы қызбен әңгімеміз жараса кетті. Нәзікжанды талдырмаш келген замандасымыз біз тінін тартқан сауалымызға іркілмей жауап берді.«Халқымыздың ерекше қастерлеп және жанына жақын көрген төрт түлігінің ішіндегі пір тұтқаны – жылқы малы. Халқымызда «қазақ, дала, жылқы» деген сөздер бір-біріне жақын тамырлас та, тағдырлас.Мен 1975 жылы қазіргі Ұлытау облысының Қаныш Сәтбаев қаласында дүниеге келдім. 1980 жылы отбасымызбен Қызылорда қаласына қарасты Талсуат ауылына қоныс аудардық. 1982-1990 жылдары қаладағы №9 орта мектепте білім алдым. 1990-1993 жылдары қаладағы совхоз техникумда есепші-экономист мамандығын алдым. 1993- 1998 жылдары Қорқыт ата атындағы мемлекеттік университетінде «Есеп және аудит» мамандығын алдым. 2000-2012 жылдары құрылыс компаниясында басшылық қызметте болдым.Сол жылдары отбасын асырау, аяққа тұрғызу үшін жеке кәсіпкерлікті бастау керектігін білдім. «Кәсіпкер болсам немен айналысамын, қалай бастаймын?» деген сауал мазалай берді. Ойлана келе пайда туралы алғашқы жылдары ойламай, бел шеше тырбанып, еңбек ету керектігін білдім.Осылайша 2012 жылдан бастап «Нұрай» жеке кәсібін құрып, мал шаруашылығымен айналыстым. 2022 жылы «Аграрлық несие корпорациясы» АҚ «Еңбек» бағдарламасы арқылы несие алып, 12 бас жылқы алдым.2023 жылы желтоқсанда «Байқоңыр» әлеу­­меттік-кәсіпкерлік корпорациясы» акцио­­нерлік қоғамы арқылы «Ауыл аманаты» бағдарламасымен 7 млн теңге несие алдым. Қазір шаруашылықта 100 бас жылқы, 50-ден аса ірі қара бар. Шаруашылығымыз 700 шаршы метр аумақты алып жатыр» дейді кәсіпкер.Осы кәсіппен айналысқан жылдары ол жылқы түлігінің қасиеті ұшан теңіз екенін ұғына түскен. Өз кәсібіне шынайы беріліп, тірлік қылса көсегесі көгеріп, ісі оңға басатынына көзі жетті. Шындығында жылқы мінсең көлік, жесең тамақ, ішсең сусын, кисең киім. Жылқының еті де, сүті де дәрі. «Жылқы – жаным, қымыз-қымыраным» деген атам қазақ. Тарихтан белгілі, кей жағдайда аттан құлаған адам аман қалады екен. Тіпті еш жері жарақаттанбаған да кезі болған. Қазақта «Есек тұяғын төсейді, түйе шудасын төсейді, өгіз мүйізін, ат жалын төсейді» деген тәмсіл бар. Бұл тұлпарға тән тазалықтың белгісі. «Жылқының сүті – шекер, еті – бал, исі жұпар, терісі киім, мінсең тұлпар» деп Досбол шешен жылқының халық өміріндегі алатын орнын өте жоғары бағалаған.Киелі жылқы малын өсіріп, қорасын малға толтырып отырған Жанат жылқының қасиетін де бес саусақтай білетін болып шықты. Ер мінезді қайсар жан ауылдағы үш азаматты жұмыспен қамтып отыр. Әйел затының табиғатына күрделі мал шаруашылығымен айналысу өте қиын. Айына жем-шөптің өзіне миллион теңге ақша керек екен. Шаруашылық ет өндірумен бірге қымыз баптаумен де айналысады. Жақында Жанат Тоқмейілова біздің аймақ атынан Астанада өткен ауыл әйелдерінің форумына қатысып, тәжірибесін республикаға таратып келді. Өзі тұратын Талсуат ауылдық округіндегі тұрмысы төмен отбасыларға көмектесіп, түрлі шараға демеушілік көрсетіп, елдің батасын алып жүр. Бейнетінің рақатын көріп жылқыны асылдандырып отырған Жанаттың бұл кәсіппен айналысқанына да 10 жыл болыпты. Жоқ деп ешкімге алақан жаймай, маңдай терімен отбасын ғана асырап қоймай, атымтай жомарттықтың үлгісін көрсетіп, ауыл халқына да жәрдемдесіп отырған кәсіпкердің берекелі ісіне ел риза. Отбасында 3 қыз, 1 ұл, 4 немере тәрбиелеп, ошағының шамын маздатып отырған отанасы. Балаларының бәрі оқу озаты атанып, жоғарғы оқу орнын бітірген түрлі мамандық иелері. Нағашы атасынан қалған атакәсіпті жоғалтпай, аманатты мұратты іске айналдырып отырған кәсіп иесінің жұмысына береке тіледік.

Жылқышы Жанат

<a href="https://kyzylorda-news.kz/">Kyzylorda-news.kz</a>&nbsp; Облыстық архивтің «Қоғамдық-саяси тарихы архиві» филиалының ұйымдастыруымен «Әйел – қоғам тірегі» атты жиын өтті.Жиынға Қазақстанның еңбек сіңірген қайраткері, білім беру ісінің құрметті қызметкері, Қызылорда қаласының құрметті азаматы Әлима Әбдіхалықова, Қазақстанның құрметті журналисі Несібелі Рахметова, ҚР Президентінің мемлекеттік стипендиясы, «Құрмет» орденінің иегері, халықаралық «Алаш» әдеби сыйлығының лауреаты Қатира Жаленова және Қожабековтер отбасылық ансамбілінің көркемдік жетекшісі, «Алтын алқа» иегері батыр ана, әнші Қуаныш Ахметқызы қатысты.Кездесуде жазушы Несібелі Рахметова әйелдердің қоғамдағы рөліне тоқталды.– Ломоносов «Мың теориядан – бір практиканы артық көремін» деп айтқандай, жастар жазып жатқан еңбектеріміз бен әйелдің қоғамдағы рөлін көзбен көріп, мамандармен кездескені жөн. Негізі көзбен көріп, қолмен ұстаған есте қалады. Ақын Мұқағали Мақатаевтың «Шаң басқан архивтерден табыламыз» деп айтқанындай, архив – үлкен қойма, мекеме. Себебі мұнда бүкіл елдің, жердің, облыстың барлық тарихы бар. Тіпті, облысты дамытуға үлес қосқан еңбек қайраткері, журналист және тағы да басқа салаларда еңбегі сіңген өнер, еңбек адамдарының құжаттары сақталады, – дейді ардагер журналист.Әлима Әбдіхалықова архивтің ұлт тарихы үшін де ерекше орын екенін атап өтті.– Архив – мемлекет пен ұлттың тарихы үшін ерекше орын алады. Егерде архивке ғылыми жұмыстармен айналысатын студенттер мен жастар, мұғалімдер жиі келетін болса, бұл кейінгі жас ұрпақтың тарихи санасын қалыптастыруға сеп болады, отаншылдыққа тәрбиелейді, – дейді ардагер-ұстаз.Сонымен қатар халықаралық «Алаш» әдеби сыйлығының лауреаты Қатира Жаленова:Жалындаған жас қыздар,Жастығына мас қыздар.&nbsp;Сендер жүрген жерлерден,Мың ығысып қашты ызғар.&nbsp;Сұлусыңдар, дүрсіңдер,Үлбіреген гүлсіңдер.&nbsp;Жайлауында жастықтың,Сайран құрып жүрсіңдер, – деп жастарға өлең шумақтарын арнады.&nbsp;Одан бөлек №264 мектеп лицейінің мұғалімдері мен талантты оқушылары да өнер көрсетті.

Әйел – қоғам тірегі

<a href="https://kyzylorda-news.kz/">Kyzylorda-news.kz</a>&nbsp;Қазақ әйелі – бар мұратын отбасының игілігіне байлаған, әлемдегі ең ізгі әйел. Қазақ әйелі – бар тілегін перзентінің жолына арнаған, әлемдегі ең мейірбан әйел. Қазақ әйелі – бар бақытын некелі ерінің талайынан күткен, әлемдегі ең адал әйел. Ұлттың ұйтқысы. Ұрпақтың анасы. Солай болған, солай бола беруге тиіс. Болмас қисыны жоқ, неге десеңіз, бұл әйелдің бойында сиқырлы, құтты, өзгеше қасиет бар, оның аты – сұлулық: жан сұлулығы, тән сұлулығы… Ол рас, әлемдегі ең сұлу – қазақ әйелі!» Бұл – Мұхтар Мағауин шығармалар жинағының 11-томынан алынды. Өте керемет жазылған. Иә-иә, қазақ қыздары расымен де әдемі. Олар жүзімен де, жүрегімен де, сөзімен де, ісімен де сұлу. Осындай сұлулығымен, іскерлігімен, белсенділігімен ерекшеленіп жүрген біздің бүгінгі кейіпкеріміз – Жаннат Садуакасова. Ол – қалалық әйелдер кеңесінің төрайымы, Абай атындағы үш тілде оқытатын дарынды балаларға арналған мамандандырылған сыныптары бар мектептің директоры, қалалық мәслихат депутаты. Бүгінде қызмет пен құрметтің ортасында жүрген ізгі де іскер әйелдердің қоғамдағы орны ерекше. Мереке қарсаңында Жаннат Мылтықбайқызымен сұхбаттасудың сәті түсті. Тақырыпқа арқау болған сөзді де сұхбат барысында осы кісі айтты.–&nbsp;Жаннат Мылтықбайқызы, алдымен әңгімемізді өзіңізден бастасақ…&nbsp;– Сіздерге мың алғыс! Мен 1965 жылдың 8 наурызында Қызылорда қаласында дүниеге келдім. Сол үшін де әр мереке күндері, жыл сайын анама рақметімді айтамын. Анам отбасында жалғыз қыз болып, еркін өскен. Ал келін болып, енесі, 5 қайын сіңлісі мен 1 қайын апасы бар отбасына түсті. Әкем жалғыз ұл болды. Ол кісі өзінің шыдамдылығы мен ақкөңіл пейілімен сыйлы келін, аяулы ана, ақжаулықты әже болып отыр. Осы кезде анамның жасы сексенге жақындап қалды. Анамыздың жанымызда жүргенінің өзі – үлкен бақыт. Жалпы біз алты ағайындымыз, үш қыз, үш ұл. Бүгінде әр шаңырақ кеңейіп, қанатын жаюда. Негізі өзім 1984 жылы Н.В.Гоголь атындағы Қызылорда педагогикалық институтына «Шетел тілі: екі шетел тілі» мамандығы бойынша оқуға қабылданып, 1989 жылы оқуды тәмамдадым. Еңбек жолым Қызылорда пошта-телеграф бөлімінде оператор болып жұмыс істеуден басталды. Одан кейін білім саласына ұласып кетті. 1989-1994 жылдары №211, 187 мектептерінің ағылшын тілі пәні мұғалімі болып жұмыс істеп, 1994-1997 жылдар аралығында №235 мектеп директорының оқу-тәрбие ісі жөніндегі орынбасары болып қызмет атқардым. Ал 1997-1999 жылдар аралығында қалалық білім бөлімі басшысының орынбасары ретінде жұмыс істеп, 1999-2020 жылдар аралығында №7, 217, 11 мектептерінің директоры қызметін атқардым. 2020 жылдың 14 сәуірінен бастап, «Абай атындағы үш тілде оқытатын дарынды балаларға арналған мамандандырылған сыныптары бар мектеп» директоры болып қызметке тағайындалдым. Содан бері осы қызметтемін. Жалпы білім саласындағы жетістігім ретінде ең үздік марапат Ы.Алтынсарин төсбелгісін иеленгенімді атап өтуге болады. Ағылшын тілінің маманы, педагог зертеушісі ретінде 1999-2013 жылдары №7 мектебінде қызмет барысында корей ассоциациясымен бірлесіп, корей тілі кабинетін аштым. Осы салада еңбек етіп, жаңа идеялармен бөлісіп, жаңашылдыққа деген ізденіспен 2004 жылы АҚШ мемлекетінің грантымен, Миннесота штаты, Солт-ЛейкСити қаласында тәжірибе алмасудан өтіп, 2018 жылы Израиль мемлекетінің грантымен Иерусалим қаласында тәжірибе алмасу бағдарламасы бойынша білім алып қайттым.– Сіз жеткен жетістіктерге ұстаздарыңыздың да еңбегі зор. Ал ұстазыңыз кім?&nbsp;– Дұрыс айтасыз. Әр адамның қандай да бір жетістікке жетуіне ұстаздың қосар үлесі зор. Ұстаз – білімнің алғашқы баспалдағын қалыптастырушы тұлға. Шәкірттерін білім нәрімен сусындатып, тәлім-тәрбие беру, жақсы қасиеттерді бойына дарытып, адамгершілік рухта бағыт-бағдар беруде мұғалімнің еңбегі зор. Сондықтан да ол әрдайым қасиетті маман ретінде ерекшеленеді. Осы елеулі үлесі үшін ең алғашқы мұғалімін ешкім ұмытпайды. Өзімнің педагогикалық еңбек жолында ұстаздық қызметімді шыңдауға зор үлесін қосқан, мен үшін орны ерекше, білгенін үйретіп үлгі бола білген, аяулы ана, ардақты ұстаз, №235 мектептің басшысы болған Үрбибі Батырқұлқызын атап өткім келеді. Ол – өзінің кәсіби шеберлігін, педагогикалық іс-тәжірибесінің озық үлгісін көрсете білген, ұлағатты ұстаз.– Қалалық әйелдер кеңесінің төрайымысыз. Кеңестің қазіргі жұмысы қалай жүріп жатыр?– Қоғамдағы әйелдердің, оның ішінде аналардың орны мен рөлін айшықтау және түйткілді мәселелерді оңтайлы шешу мақсатында 2021 жылдан бастап, қала мен кент, ауылдық округтерінің белсенді әйел азаматтарының бірігуімен «Қызылорда қалалық әйелдер кеңесі қоғамдық бірлестігі» құрылып, өз жұмысын бастаған болатын. Кеңестің қызметі нәзік жандар арасында кәсіпкерліктің дамуына, отбасы институтын нығайту, отбасындағы тұрмыстық зорлық-зомбылықтың алдын алу, ана мен балалар құқығын және денсаулығын қорғау бағытындағы маңызды істерді ілгерілетуге бағытталған. Бүгінде әйелдер қауымдастығы қаламыздағы отбасылық қатынастарды, моральдық-этикалық және руханиадамгершілік құндылықтарды нығайту, тұрғындар арасында азаматтық белсенділікті, шығармашылық бастамаларды қолдау, консультациялық мақсаттарға қол жеткізу мен азаматтық қоғам қағидаттарын жүзеге асыруда әріптестікті дамытуға қолдау көрсетуді ұйымдастырып келеді. Мәселен, бірлестік мүшелерінің қатысуымен білім ордаларында түрлі тәрбие сағаттары, көшбасшы әйелдер мектебінің дәрістері, сондай-ақ «Ана әлдиі» облыстық видеоролик байқауы, «Алтын белгі» иегерлерінің аналарын марапаттау кештері өткізілсе, өңірімізді көгалдандыруға бағытталған игі істі жалғастыру мақсатында бірлестіктің ұйымдастыруымен Тасбөгет кентінде орналасқан облыстық балалар ауруханасының ауласына 100 түп ағаш отырғызылды.«Қызылорда қалалық әйелдер кеңесі» қоғамдық бірлестігінің жоспарына сәйкес еліміздің егемендік алуы жолында ерлермен бірге аянбай жұмыс істеп, саналы ұрпақ тәрбиелей білген ардақты аналардың еңбегін насихаттау мақсатында «Бегім ана» аналар клубы ашылды. Бұл клубтың негізгі мақсаты – қаламыздың еңбек сіңірген, белсенді мүшелерін жас ұрпаққа үлгі болатындай дәріптеу. Осы істің бастамасы ретінде сол кісілердің еңбек жолын, отбасын әлеуметтік желілерде жариялау арқылы насихаттау жұмыстары қолға алынды.Сонымен қатар №140 қазақ орта мектеп директоры, қалалық мәслихат депутаты Айгүл Мұсабаева мен кеңес бірлестігінің ұйымдастыруымен «Тәрбиелі зияткер ұрпақ – болашақ кепілі» тақырыбындағы облыстық әлеуметтік-ғылыми ашық алаңы өткізілсе, қалалық білім бөлімі мен қалалық білім қызметкерлері кәсіподақ комитетінің және «Қалалық әйелдер кеңесі» қоғамдық бірлестігінің ұйымдастыруымен М.Шоқай атындағы №187 IT мектеп-лицейінде «Бақытты отбасы – бақытты ел» атты шара көпшіліктің көңілінен шықты. Сондайақ «Болашақ» университетінде облыстық және қалалық әйелдер кеңесі мүшелерінің ұйымдастыруымен көшбасшы әйелдер мектебінің алғашқы дәрісі өтті. Жалпы білім беру ұйымдарында аналарымыз тәрбие бағытында қыз балалармен кездесулер, ашық сұхбаттар өткізіп келеді. 2022 жылдың қыркүйек айында «Қалалық әйелдер кеңесі» қоғамдық бірлестігінің жұмыс жоспарына сәйкес қоғамдық бірлестік жанынан білім беру ұйымдарынан әйелдер кеңесін құру қолға алынып, төрайымдары бекітіліп, жұмыс істеуде. Айта кету керек, мұндай жұмыс алдағы уақытта да жалғасын таппақ.– Қоғамда белсенді жанның бірісіз. Оған қоса қалалық мәслихаттың депутатысыз. Депаутат ретінде қандай мәселені шештіңіз?&nbsp;– Иә, 2023 жылы 19 наурыз ҚР Парламенті Мәжілісінің және барлық деңгейдегі мәслихат депутаттарының сайлауына «AMANAT» партиясының атынан қалалық мәслихат депутаттығына ұсынылдым. Маған сенім артып, дауыс берушілердің арқасында сайлауда жеңіп шықтым. Содан бері депутаттық жұмысымды коммуналдық-шаруашылық және қала инфрақұрылымы мәселелері жөніндегі тұрақты комиссия мүшесі ретінде бастадым. Қазіргі уақытқа дейін тұрғындармен «AMANAT» партиясы қалалық филиалының қоғамдық қабылдауында, мөлтек ауданға қарасты Абай мектебінде қоғамдық қабылдау жұмыстарын жүргіземін. Арасында сайлаушыларыммен де кездесіп тұрамын.– Отбасыңыз жайлы айтып өтсеңіз…&nbsp;– Ата-енем ауылда тұрды, 10 бала туған батыр ана болатын. Біз қалада студент едік, каникулда барып тұрғанымыз болмаса бірге тұрмадық. Осы кезде жолдасым, қызым мен немерелерім бар. Айта кетейін, өмірлік серігім жеке кәсіпкер және құрылыс саласында жұмыс істейді.&nbsp;– Қыз бала бақытты болуы үшін не істеу керек? Кеңес төрайымы ретінде кеңесіңіз…– Бақытты әйел болуы үшін қыз баласын жастайынан тілдің, сөздің, ойының, жанының тазалығына баса назар аударып, жалқаулыққа бой бермеу керек. Қазіргі кездегі ақбозатты ханзаданы күтіп, бақытты боламын деген қате пікір қалыптасқан. Жоғарыда атап өткендей, қыз баласы жанының тазалығымен қатар рухани бай болып, көркем мінезді, жан жақты, қылықты болуы қажет.– Адамның бойындағы қандай қасиетті бағалайсыз?– Адалдығын бағалаймын.– Соңғы оқыған кітабыңыз?– Қазақ тілінде оқып жатқаным «Кемел адам» Қайрат Жолдыбайұлының кітабы, орыс тілінде «Жизнь в удовольствие», авторы – Александр Палиенко.&nbsp;– Бос уақытыңыз болса немен айналысасыз?– Шахмат және волейбол ойнап тұрамын. Студент кезімде шахматтан пединститут командасында ойнағанмын.–&nbsp;Сұхбатыңызға рақмет!&nbsp;

Ұлттың ұйытқысы әйел

<a href="https://kyzylorda-news.kz/">Kyzylorda-news.k</a> Жақында Қызылжар төрінде республикалық айтыс болып өтті. Осы &nbsp;додада жерлесіміз айтыскер ақын Мейірбек Сұлтанхан бас жүлдені қанжығасына байлады.Айта кетейік, Қызылжар халқының қара өлеңге ықыласы ерекше. Жыл сайын бұл өңірде аламан айтыстар болып өтеді. Ал залға жиналған сөзұғар көрермен оның – дәлелі. Наурыз мейрамына орай ұйымдастырылған «Ұлы күні Ұлыстың, Басы болсын ырыстың» атты айтысқа елге белгілі 14 ақын қатысты.Айтыстың ерекшелігі – әр жұпқа жеке-жеке тақырып беріліп, мерейтойы келіп жеткен тұлғалар жырланды.Жыр жүйріктері кезек-кезегімен Біржан сал Қожағұлұлы, Сәкен Сейфуллин, Ілияс Жансүгіров, Бейімбет Майлин, Әлкей Марғұлан, Қаныш Сәтбаев, Шәкен Айманов, Сағадат Нұрмағамбетов, Рақымжан Қошқарбаев, Сәкен Жүнісов, Ерік Асқаров сынды мерейтой иелерімен қатар, салт-дәстүр, мейірімділік, көші-қон, тәрбие, бірлік, ұлттық киім және спорт тақырыптарына жыр өрді.Нәтижесінде барша қатысқан ақындарға 300 мың теңгелік ынталандыру сыйлығы берілді. Үшінші орынның 400 мың теңге жүлдесі Иранғайып Күзембаев, Жарқын Жұпархан, Айым Асылбекқызы, Хазірет Бердіханға бұйырды. Ал екінші орынды Нұрбол Жауынбаев пен Мақсат Ақанов тұрақтап 600 мың теңгеден жеңіп алды. Бірінші орынның 1 млн. теңгесін Төлеген Жаманов еншіледі. Бас жүлденің 2 млн. теңгесі екі айналымда да көпшіліктің ыстық ықыласына бөленген Мейірбек Сұлтанханға лайықты деп саналды.

Сыр ақыны Қызылжарда топ жарды

<a href="https://kyzylorda-news.kz/">Kyzylorda-news.kz</a>&nbsp; Жан-жағың жарық әрі жарқын болса, жағымдысы сол. Әйтпесе аяқ басқан ашық алаң болса да, эстетика сезілмесе есте қалуы неғайбыл. Қазір бәрі әсем орынға әуес. Тынығу үшін де тынысты тарылтпайтын, өзіндік дизайнымен ерекше жерді таңдайды. Сайып келгенде, төрт қабырғаның өзі түрленбесе жұрттың елең етуі де екіталай. Нейла Дүйсебекова&nbsp; безендірудің басы-қасында жүреді. Он саусағынан өнер тамған шебер. Сәндеудің сан түрін меңгерген кейіпкерімізбен әңгіме құрған едік.– Безендіру ісі тынымсыз еңбекті талап етеді. Айтыңызшы, бұл саланың көзге көрінбейтін қиындығы қандай?<blockquote>– Ой еңбегінің салмағы бәрінен басым екені ақиқат. Өйткені үйлестірудің үлгісін ойша жасап, іс жүзінде тыңғылықты орындау оңай емес. Басқа безендіруге ұқсамас үшін қайталанбаған нұсқасын даярлауға көп ізденіс керек. Сондықтан композициялық шешімді табу көзге көрінбес қиындық дер едім. Біреудің жұмысын қайталау кім-кімді де таңқалдырмайды. Бұл – реакция жоқ деген сөз. Демек эстетикалық талапты ескеріп, жаңашылдыққа ұмтылған жөн.</blockquote>–&nbsp;Дизайн дедлайнды қажет ете ме? Безендіруге қанша уақыт жұмсайсыз?<blockquote>– Жоқ. Егер тапсырыс беруші уақыт тапшы демесе, асықпай істеген жұмыс өнімді болады. Идея иірімімен әдемі дүниені жасауға бекінгенде артық уақыт кетуі мүмкін. Әйтсе де мұны шығын деуге болмас. Есесіне көздің жауын алатын сұлулық жарқ етеді.Негізі безендірудің сәнді әрі сәтті шыққаны маңызды. Іле-шала істеп, жапсыра салу жұрт назарын аудармайды. Қиялға ерік бергенде ғана әдемі дүние шығады. Тапсырыс берушінің ұсыныс-тілегі мен өз ойыңды да ұштастыру ұтымды тәсіл. Орналасқан жеріне сай келетін дизайнмен әрлеп, түсті де талғаммен таңдау басты ереже. Қысқасы, креатив – көлеңкеде қалуға мұрсат бермейді.</blockquote>– Аэродизайнның артықшылығы неде? Кеңістікті шармен безендіру сәннен қалуы мүмкін бе?<blockquote>– Керісінше жаңа бағытта дами бермесе, трендтен түспейтіні анық. Өйткені шар сән мен нарықтан өз орнын жоғалтпайтыны белгілі. Қазір шардың да түр-түрі бар. Жеке жазулары мен жарық диоды бар шар немесе танымал мультфильм кейіпкерлері бейнеленген шар және гендерлік шар да өте көп.Ал, аэродизайн – шармен безендіруді қамтитын ойын-сауық индустриясының бір саласы. Әсіресе балаларға арналған мерекелік шарада жиі қолданылады. Бұл шағын бөлме, үлкен зал немесе ашық алаңға да сай келеді. Гирляндыя мен ринстон, гүл мен шамдар да шардың сәнін келтіреді. Демек, басқа да бұйымдарды біріктіру таңғажайып декорация жасаудың бірден-бір жолы.Кеңістікті безендіруде қателік жібермеу керек. Шардың саны бөлменің аумағына сәйкес келуі шарт. Кішкентай кеңістікті кішкентай фигуралармен толтыру тиімсіз. Ашық түстер тар бөлмені көрнекі түрде үлкейтсе, қара түс үлкен зал мен ашық кеңістікте әсерлі көрінеді. Балалар кешін ашық түспен, ересектер үшін 2-3 түспен безендіру жеткілікті. Сондай-ақ ретсіз жылтыр мен шектен тыс безендіру көзге оғаш көрінетінін ескерген жөн.</blockquote>– Безендірусіз бәрі де жұтаң көрінеді. Сондықтан сұлулықты үйлестіретін әдіс-тәсілмен бөліссеңіз. Қандай техниканы қолданасыз?<blockquote>– Икемі мен ебі бар адам қай істің де көзін табады. Қолдан құрастыру келсе болғаны ұршықша иіріп әкету оңай. Тіпті қарапайым қағаздың қиындысымен де таңғажайып туынды жасауға болады. Мұның бәрі дизайн үшін тиісті тәжірибені қажет ететін күрделі композициялар. Мата, моншақ, әдемі тастар, лента мен жіп сынды қажетті материалды пайдаланып, бұйым жасаймын. Бастысы ізденісті тоқтатпау.</blockquote>– Табыс пен тапсырыс көңіл көншіте ме?<blockquote>– Мамандығым – көркем еңбек пәнінің мұғалімі. Сондықтан безендіру жұмысы таңсық емес. Сүйікті ісімді кәсіпке айналдырғаныма 2 жылдан аса уақыт болды. Мектептегі жұмыстан қолым қалт еткенде безендірумен айналысамын. Мерекелік іс-шараға қарағанда той-думанға тапсырыс көп түседі. Бір айда кем дегенде 4-5 тапсырыс қабылдаймын. Әркезде әртүрлі болады. Тапқан табысым еңбегімді ақтайды.Кәсіпті бастауыма түрткі болған – «Aray city mall» ойын-сауық орталығының басшысы. Сенім артқаннан кейін қорықпай қолға алып, безендіруді бастап кеттік. Қазір шығармашылық ұжыммен жұмыс істеймін. Идеяны өзім айтамын, қалғанын жұмыла бірге атқарамыз. Алдағы уақытта көлемді жобалар алып, кәсіпті кеңейтсем деген жоспарым бар.</blockquote>

Нейла Дүйсебекова: «Креатив – көлеңкеде қалуға мұрсат бермейді »

<a href="https://kyzylorda-news.kz/">Kyzylorda-news.kz</a> Қазіргі уақытта Шиелі ауданының әлеуеті артып, заманауи талаптарға сай безендірілген түнгі жарық шамдары менмұндалап орталықтың көркін одан әрі көркейтіп тұр. Тек Шиелі ауданының орталық алаңы ғана емес, кент ішіндегі жаңадан бой көтерген зәулім ғимараттар көздің жауын алып, көңілге сән береді. Аудан орталығынан сырт орналасқан Шанхайдың да ажары әрленіп, жаяу жүргіншілер жолы, заман талабына сай түнгі жарық шамдары орнатылып, жеткіншектерге доп тебетін алаң бой көтерді. Жалпы айтқанда ауданның қарыштап дамып келе жатқанын күнделікті көзбен көріп жүрміз. Осы тұста атқарылған жұмысты үйлестіріп, аудан ажарын айшықтап отырған Шиелі кентінің әкімі Аманкелді Өмірәлімен сұхбат жүргізген едік.– Аманкелді Өмірәлі, тазалық – күн тәртібінен түспейтін мәселе. Ерте көктемнен бастап, қара күзге дейін қарқынды сенбілік жұмыстары күнде жүргізілетінін білеміз. Осы ауқымды жұмыстардың нәтижесінде «Үздік кент орталығы» номинациясын жеңіп алдыңыздар. Жалпы кент тазалығына қанша қаржы қаралды? Оған қандай мекеме жауапты? Техника жеткілікті ме?– Сұрағыңыз өте орынды. Кенттің тазалық жұмысы бойынша жыл басынан «Карамурзаев» жеке кәсіпкер мемлекеттік сатып алу жұмыстарына сәйкес жеңімпаз болып анықталды. Келісім шарт суммасы 82 млн 821 мың теңге. Тазалық жұмыстарын «Көкшоқы» мөлтек ауданының, теріскей бет, орталық аймақтары болып үш секторға және 14 учаскеге бөлініп, тұрғындардың тұрмыстық қатты қалдықтары шығарылады. Кент аумағында 43 жерде тұрмыстық қатты қалдықтарды жинақтауға арналған орындар бар. Қалдықтарды тастауға арналған 163 дана контейнер және сынап шамдар мен химиялық қуат беру көздерін жинақтауға арналған 27 дана контейнер орналастырылған. Биыл «Тұрмыстық қатты қалдықтарды жинау, тасымалдау, сұрыптау және көмуге арналған тарифтерді бекіту туралы» Шиелі аудандық мәслихатының шешімі шықты. Шешімге сәйкес жайлы емес үйлер айына 1 тұрғынға – 147, 22 теңге. 1 метр куб бірлік көлемі үшін – 2 403,65 теңге болып бекітілді. Тазалық жұмыстарына көшелердің қоқыстарын тазалау, бордюрларды ақтау, қораларды жуу, жазғы және қысқы жол күтімдері жатады. Үздік аудан орталығы номинациясы бойынша көктемде қатысып, екінші орынға ие болып, үш техника сыйға берілді. Атап айтқанда, қоқыс таситын камаз көлігі, көше сыпыратын трактор, асенизатор көліктері. Тазалық жұмыстарына техникалар жеткілікті, аудан аумағында орналасқан ірі өндірістік мекемелер техникалармен қарасып тұрады. Атқарылып жатқан жұмыстар тоқтап қалмай күзгі конкурсқа тағы да қатысып, нәтижесінде облыс бойынша ең үздік аудан орталығы атандық. Бірінші орынды жеңіп алып, тағы үш техника сыйға алдық. Бұл жеңіске ауданымыздың мекемелері, дербес бөлімдер, ауылдық округтердің қосқан үлесі зор екенін айта өткен жөн. Осындай зор мүмкіндік беріп отырған аймақ басшысына және жүйелі тапсырма беріп отырған аудан әкіміне алғыстан басқа айтарымыз жоқ.– Облыс әкімі Нұрлыбек Нәлібаев ауданда «Неке сарайы» соғылатынын айтқан болатын. Бұған қоса тұрғындарға сапалы өмір сүру үшін жаз айларында тұрақтайтын үлкен аллея соғуды айтты. Бұл бағытта қандай жұмыстар жүргізілуде.– Аймақ басшысының тапсырмасына сәйкес, кентте салынатын «Неке сарайы» жерінің сызбасы бекітіліп, жоба-сметалық құжаттары рәсімделіп, тиісті жұмыстар атқарылды. Ал аллеяға келетін болсақ, Тәуелсіздік көшесі бойынан және Мәріп көпір мен Бидайкөл ауылдық округі көпірі аралығына демалыс жағажай аллеясының құжаттары рәсімделетін болады. Жоспарға сай, аллея бойына заман талабына сай жағажай, орындықтар, жарық шамдар мен уақытты тиімді өткізуге спорт алаңдарымен ойын алаңдарын салу, сонымен қатар көркейту-көгалдандыру жұмыстарын жүргізіп, абаттандыру жоспарланып жатыр. Бұл бағыт бойынша келер жылы үлкен істің басын бастағалы тұрмыз деп айтуға болады.– Бұрындары аудан орталығындағы көшелердің бәрі ойық-шұңқыр болатын. Өткен жылы жүргізілген жұмыстардың нәтижесінде кенттегі біраз көше жаңарғанын көрдік. Биыл тағы да кент көшелері жаңара ма?– Аудан орталығында бүгінгі күнге 59 көшеге орташа жөндеу жұмыстары жүргізілсе, 9 көшеге күрделі жөндеу жұмыстары жүргізілді. Оның ішінде «Ауыл – ел бесігі» жобасы аясында 70 млн 735 мың теңгеге «Арай» мөлтек ауданы көшелеріне толықтай асфальт төселіп, 534 млн 874 мың теңгеге кент аумағында тұрғындардың көптен бері сұранысында жүрген 49 көше мен тұйықтарға асфальт төсеу жұмыстары толықтай аяқталып, пайдалануға берілді. Өздеріңізге белгілі, кенттің күре тамырына айналған орталық көшелері ескіріп, тозығы жеткен еді. Осы орайда 1 млрд 560 млн 218 мың теңгеге әл-Фараби, Досбол датқа, Дәулеткерей, А.Байтұрсынов, Ы.Жақаев, Абылай хан, Бұдабай, С.Сейфуллин, Қ.Шәкәрім көшелерін күрделі жөндеу жұмыстарына мемлекеттік сатып алу жұмыстары жүргізіліп, «Қызылорда-жолдары» жауапкершілігі шектеулі серіктестігімен келісім шарт жасалып, жол жөндеу жұмыстары бастау алды. Қазіргі таңда А.Байтұрсыов, Ы.Жақаев, Бұдабай, Дәулеткерей, Сейфуллин көшелері толық аяқталып, Досбол датқа, әл-Фараби көшелеріне бірінші қабаты төселді. Қалған көшелер келесі жылға өтпелі кезеңмен жасалатын болады. Барлығы 2 миллиардтан астам қаржы жұмсалды. Келер жылы бұл жұмыстар өз жалғасын табады. Нақты айтқанда «Самара-Шымкент» тас жолы, И.Әбдікәрімов көшесі, Тәуелсіздік, А.Яссауи, Дәулеткерей, Бәкіров, Шәкәрім, М.Шоқай көшелеріне күрделі жөндеу және қайта жаңғырту жұмыстары жүргізілетін болады.– Кент орталығындағы үлкен көшелердің бірі әл-Фараби көшесі. Ел аузында осы көшеге күрделі жөндеу жұмыстары жүргізіледі деген сөз жүр. Бұл сауалға не дейсіз?– Жоғары айтқанымдай әл-Фараби көшесіне өтпелі кезеңімен күрделі жөндеу жұмыстары жүргізіліп, бірінші жабындысы төселді. Жол жөндеу жұмыстарының жобасына сәйкес, асфальт қалыңдығы 11 сантиметрді құрайды. Одан бөлек жол белгілерін орнату, жолақтарын сызу мен жол жиегіне суағар мен тас төсеу жұмыстары кіреді. Қазіргі таңда әл-Фараби көшесінің ескі жол жабындысы алынып, қалыңдығы 6 сантиметр болатын асфальт жабындысы төселді. Келер жылы бетіне қалыңдығы 5 сантиметр асфальт төселіп, жұмысы толығымен аяқталатын болады.– Кенттің теріскей бетінде қандай жұмыстар жүргізіледі?– Өткен жылы кенттің теріскей бетінде (халық арасында Шанхай аталатын) тұрғындардың көптен бергі сұранысында жүрген көшелерге жол жөндеу жұмыстары жүргізілді. Биыл теріскей бет аумақтағы ұзын көшелердің бірі Шәкәрім Құдайбердіұлы көшесіне күрделі жол жөндеу жұмыстары жүргізіледі. Сонымен қатар Ш.Бәкіров және А.Яссауи көшесінде күрделі жөндеу жұмыстарына жоба жасақталып, мемлекеттік сараптаманың оң қорытындысы алынды. Ендігі кезекте аталған жұмысқа қаржы көздерін тарту жұмыстары жүргізілуде. Жоба құны – 727 млн 776 мың теңгені құрап отыр. Сондай-ақ ағымдағы жылы тұрғындармен есеп беру барысында көтеріліп жүрген мәселелердің бірі теріскей бет аумаққа демалыс аллеясын орнату болатын. Осы орайда Ш.Бәкіров көшесінің бойына құны 75 миллион теңге болатын демалыс аллеясы салынды. Демалыс аллеясында орындықтар, әткеншектер, түнгі жарық шамдары мен беседкалар, шағын футбол алаңы ел игілігіне берілді. Аллея бойын көркейту-көгалдандыру жұмыстарын жүргізуге, көшеттерді суаруға тік дренажды жер асты насосы орнатылып, егілген көшеттерді суаруға жағдай жасалды. Сонымен бірге теріскей бет аумақтағы түнгі жарық көше бағандары мен аялдамалар сырланды. Ш.Бәкіров көшесі мен Ш.Құдайбердіұлы көшелерінің түнгі жарық бағаналарын жаңартып, аялдамалар салу жоспарда бар. Одан бөлек Құрманғазы көшесі бойына тұрғындармен есеп беру кездесуінде қозғалып жүрген мәселе балалар ойын алаңдарымен жабық спорт кешені салуға тиісті жұмыстар атқарылуда. Бұл баянды болашақ пен кемел келешекке бастаған нұрлы қадам екені даусыз. Алдағы уақытта кент әкімдігі осы бағытынан таймай, толайым табыстарға қол жеткізетініне сенім мол.– Әңгімеңізге рақмет!

Аманкелді Өмірәлі: Кент тазалығы ұдайы назарда

<a href="https://kyzylorda-news.kz/">Kyzylorda-news.kz</a> Жуырда Ұлттық экономика министрлігінде Қазақстанда қалаға айналуы мүмкін ауылдардың тізімі ұсынылған болатын. Оған Алматы, Маңғыстау, Жамбыл, Түркістан облыстарына қарасты 17 елді мекен енген. Сондай-ақ ұсынылған тізімде Шиелі кенті де бар.Ресми құжаттар бойынша 1928 жылы ҚазақССР Кеңесі қаулысымен дербес аудан орталығы болып шаңырақ көтерген Шиелі бүгінде 95 жылды артқа тастады. Жалпы жер көлемі 3239755 гектарды құрайды. Қазіргі таңда аудандағы 39 елді мекенде барлығы 85 772 адам тұрады. Оның ішінде кент орталығында 36 127 адам, ауылдық елді мекендерге 49 645 адам қоныстанған.&nbsp;Алғаш аудан құрылған 1928 жыл – шағын 59 ауылды біріктірген, 5420 қожалық ұжымдасқан, 2 қазақ орта мектебі ашылып, аз қуатты электр станциясының салынуы және тұңғыш телефон желісінің тартылуымен есте қалған.Рекордтар мекені аталып кеткен, «Қызыл Ту» колхозы да осы жылдары ашылып, даңқты диқан атанған Ыбырай Жақаевтың берекеге толы еңбек жолы басталды. Аудандық «Стахановшы» газеті шығарылып, мәдениет саласында көптеген ілгерілеушілік байқалып, шаруашылық әртараптандырылған. Жоғарғы Совет депутаты Малика Басарова мен жыр дүлдүлі Нартай ақынның Мәскеудегі қазақ әдебиеті мен мәдениетінің 10 күндігіне қатысуы осы жылдардың жетістіктері еді.Міне, содан бері Шиелі Ақ маржанымен әлемге танылып, өндірісі өркен жайған ауданға айналды. Қазыналы қарт Қаратаудың қойнауындағы байлығын осы күні мүмкіндігінше пайдаланып жатырмыз. Әк, қиыршық тас, ванадий, цемент зауыттары тоқтаусыз жұмыс істеп, Қаратаудың етегінде қызу тіршілік одан әрі қыза түскенін айтпай кетуге болмас.95 жылдық тарихы бар Шиелі кентінің соңғы уақытта көз алдымызда қайта түлеп, көркейіп жатқанына куә болып келеміз. Салыстырмалы түрде саралайтын болсақ, қазір кентте біршама өзгерістердің орын алғанын байқауға болады. Мәселен, теміржол өткелі маңында сағаттап кептелісте тұратын көліктердің ешқандай кедергісіз аспалы көпірді асып түсіп, тегіс жолмен жүріп жатқанына да 2 жыл толды. Кіре беріс Яссауи көшесінің қос қапталы күн өткен сайын көркейіп, тар тротуары кеңейіп, тұрғындар тынығатын аллеяға айналғалы да біршама уақыт болды. Иә, әлемді жайлаған індетпен де арпалыстық. Ауданның әлеуметтік-экономикалық, рухани-мәдени салаларымен қатар, түрлі түйіткілді мәселелер де шет қалмады. Ауданда жол, жарық, су, газ, абаттандыру бағытындағы жұмыстар жүйелі түрде жөнге келе бастады. Осындай атқарылған ауқымды жұмыстардың тегіннен-тегін бітпейтіні бесенеден белгілі дүние. Ол үшін бюджеттен бөлінетін қаражаттың көлемі де қомақты болатыны анық. Тіпті былтырдан бері өңірде ескі жарық бағаналарын ауыстырып, оның орнына экономикалық тиімді жарық шамдарын орнату жұмыстары қарқынды жүріп келеді.Қалалану үрдісінің қарқын алғаны тек биыл емес. Мемлекет басшысы Қ.Тоқаев «Қуатты өңірлер – ел дамуының драйвері» Ұлттық жобасын іске асыру бойынша, 2021-2025 жылдары базалық қызметтерге тұрғындардың тең қолжетімділігін қамтамасыз ету, тұрғын үй құрылысын дамыту, көлік қатынасын жақсарту есебінен азаматтардың қолайлы өмір сүру ортасын құру жайын көтеріп келеді. Өйткені, ауыл балаларының қалада тұруға аңсары ауып тұратыны жасырын емес. Ал қала статусын алу үшін алдымен халық санына назар аударамыз. Яғни қала статусын алуға көші-қон мәселесі де тікелей әсер етеді. Мәселен, 2013-2022 жылдар аралығында Шиелі ауданына 22694 адам көшіп келсе, осы аралықта 32 000 адам қоныс аударып кеткен. Оның астарында жұмыссыздық, жалақының төмендігі сынды мәселелер қылау беретіні жасырын емес. Бастысы Шиелі қала болса осы сынды мәселелер шешімін тауып, өндіріс орындары құлашын кеңге жая түсер ме еді? Кім білсін...

Шиелі қала бола ма?

<a href="https://kyzylorda-news.kz/">Kyzylorda-news.kz</a>&nbsp; Нұрзия Мәжитова – Қорқыт ата атындағы Қызылорда университетінің шетел тілдері және аударма білім беру бағдарламасының оқытушысы, магистр, PhD докторант. Ұшқыр ой мен ұтымды ұсынысы арқылы көш басында. Тіл саласында тиімді тетік табуда, зерттеу жасауда да алшақ емес. Білікті маманның білім жүйесі жайында ойын білген едік.–&nbsp;Ұстаздық қызметте жүрсіз. Ағылшын пәнінің мұғалімі болудың артықшылығына тоқталсаңыз…<blockquote>– Мұғалім ісі сырттай қарапайым болғанмен – тарихтағы ең ұлы істің бірі» демей ме?! Демек ұлық қызметте жүрудің кемшілігі жоқ. Балаға сабақ берудің өзі ғанибет. Университетте оқытушы болғаныма 6 жылдан асыпты. Ал тілдік курстарда 10 жыл репетитор ретінде жұмыс істедім. Байқап қарасаңыз, таңдауымнан тартынып, мамандығымнан алыстаған емеспін. Мәселен, ағылшын тілін меңгеру арқылы әртүрлі елге саяхаттап, әлемдік рейтингтегі беделді жоғары оқу орындарына білім жетілдіруге болады. Сондықтан дамудың таптырмас кілті десем артық емес.</blockquote>–&nbsp;Жақында Ресейдегі белді университетте біліміңізді шыңдадыңыз. Алған тәжірибе мен әсер қандай?<blockquote>–&nbsp;Кон­фе­ренция, фестиваль, семинар-форумға барған сайын тың тенденция мен жаңа идея игеремін. Сол үшін мүмкіндікті мүлт жібермей, оқуға көңіл бөлемін. М.В.Ломо­но­сов атындағы Мәскеу мемлекеттік университетінде білім-ғылым жоғары деңгейде дамыған. Тағы­лым­дамадан өтіп, ерекше әсер алдым. Түрлі тәжірибені байқап, елімізде де жүйе жаңарсын деген ниетпен оралдым. Демек білімнің жоғары дамыған ортасын қалыптастыру негізгі міндетіміз.2014 жылы Польшада да академиялық ұтқырлық бағдарламасымен оқығанмын. Кейін Қазан қаласына ағылшын тілін оқыту бойынша магис­тратураға түсіп, бірінші семестрден соң сырттай оқуға қосымша мамандық іздедім. Өйткені жастық жігер мен қайратты пайдалану бәрінен маңызды. Мәскеудегі екінші магистратурада мемлекеттік және жергілікті басқару бағытында білім алдым. Яғни еуропалық және ресейлік екі диплом еншімде. Мектеп қабыр­ғасында жүргенде экономист және ағылшын тіліне таңдауым түсті. Ма­гис­тра­турада экономика негізінде бизнес құру мен басқаруды үйрендім. Тайм менед­жмент, адам­дармен мәмілеге келу тұрғысында тәжірибе жинағаным рас. Бұл өмірлік азығым екенін де білемін. Қазір диссертация қорғауға дайындалып жүрмін. Еліміздегі білім жүйесі, адами капиталдың дамуы сынды салмақты сауалға зерттеуді бастап кеттім.</blockquote>– Елімізде ағылшын тілін оқыту деңгейіне тоқта­лайықшы.&nbsp;Шет мемлекеттің білім стандартына бәсеке бола аламыз ба?<blockquote>– Білім беру ұйымы және оқу орталығы жақсы деңгейде оқытады. Өйткені ағылшын тілінің мұғалімдері шетелден білім алуда. Тәжірибесін сабақта қолданатыны да белгілі. Негізі деңгей ғылыми тілде коэффициент, индекс, арнайы көрсет­кішпен есеп­теледі. Сондықтан пайыздық мөлшермен айта алмаймын. Тек ұмтылыс ұсақталмаса, бәсекеге қабілетті болатынымыз анық. Айтарым, оқыту деңгейі ағылшын пәніне ғана емес, тұтас білім жүйесіне қатысты. Бәсеке болу үшін ұлттық калоритімізді сақтай отырып, төл жүйемізді қалыптастыру қажет.</blockquote>– Жастар тілді меңгерудің түрлі амалын қарастыруда. Қазір интернет жүйесі мен әлеуметтік желіден оқып жүргендер де бар. Айтыңызшы, платформалар репетитордың орнын баса ала ма? Қайсысы тиімді?<blockquote>– Иә, жастар оқуға құштар, өздігінен үйренуге бейім.&nbsp;Әрине платформа көп, оның сапасын ажырата білу маңызды. Демек интернет желісінде мәліметті саралауға, тапсырмаға бағыттауға жетекші қажет. Ағылшын тілін үйренуде маңыздысы – орта. Платформада оқушы мен студент жалғыз үйренеді. Егер тақырып талданбаса, ағылшын тілінде екеуара диалог өрбімесе меңгеру күрделі болмақ. Ал ортақ ойы, мақсат-мүддесі бар топ болса тиімділігі едәуір жоғары. Мұның нәтижесі де жақсы. Бәрі баланың қабылдауына байланысты ғой. Өздігінен оқып жетістікке жеткендер бар. Бірақ сонда да оқытушы, жетекшінің нұсқауы керек.Қазір де ағылшын тілін қосымша оқытумен айналысамын. Менде бір талап бар. Тіл үйренуге келген адамның мақсаты болуы шарт. Бала ата-ананың айтуымен ғана келсе оқытпаймын. Өйткені білім алушының құлшынысы мен ынтасы бәрінен маңызды. Сонда сабақты қабылдау, тіл игеруде әлдеқайда жеңіл. Сан емес, сапа маңызды болғандықтан, тек екі студент оқытамын. Қалғанын кейін қабылдаймын. Шәкірттерім жоғары нәтижеге жетіп жүр.</blockquote>

Қазақстан және Қызылорда облысының жаңалықтары