<a href="https://kyzylorda-news.kz/ru">Kyzylorda-news.kz.</a> «Сыр еркесі» бөбекжай бақшасында облыстық оқу орталығының жылдық жұмыс жоспарына сәйкес «Жазғы сауықтыру-шынықтыру кезеңін ұйымдастыру: &nbsp;балалардың зерттеу іс-әрекеттері, еңбекке баулу, зияткерлік дағдыларды дамыту» тақырыбында тәжірибе алаңы өткізілді. Шараға облыс орталығы мен аудандардан келген мектепке дейінгі ұйым мамандары қатысты.&nbsp;Тәжірибе алаңында облыстық оқу орталығы директорының орынбасары Г.Батырбекқызы &nbsp;ашып, жазғы-сауықтыру-шынықтыру кезеңінің тиімді әрі қызықты ұйымдастыру жолдарын атап өтті. Сонымен қатар, &nbsp;бағдарламаға сәйкес, қатысушыларды тәдірибе алаңынан алары мол болатынына сенім білдірді.Шарада балабақша би жетекшісі Н.Садуақасованың &nbsp;«Кел бірге билейік!» тақырыбында дайындалған «Чикки, ча-ча, бум-бум» кейіпкерлерімен бірге балабақша бүлдіршіндері де би биледі. Сондай-ақ, жазғы-сауықтыру шараларын ұйымдастыру бойынша балабақша ауласында балабақша тәрбиешілері &nbsp;Қ.Нысанханованың &nbsp;«Бәріміз бірге ойнайық!» тақырыбында еркін қимылды ойындарын, Н.Әбжалиеваның «Көкөністер сиқыры» тақырыбында зерттеу жұмыстарын, &nbsp;Т.Шәріпбектің «Ойын арқылы ұлттық құндылықтарды дамыту» тақырыбында ұлттық ойындарын, &nbsp;А.Дүйсенбаеваның «Бояулар сыр шертеді» тақырыбында заманауи сурет салу әдістерін, Л.Жиеналиева мен У.Күзембаевалардың &nbsp;«Еңбекқор жәндіктер» тақырыбында шығармашылық &nbsp;жұмыстары көрсетілді.&nbsp;Бұдан бөлек, балабақшадағы арнайы бұрыштармен жабдықталған «Жасыл алаң» зерттеу орталығындағы жұмыстарды көріп, экскурсия жасалды. Жалпы тәжіорибе алаңында тәрбие саласындағы мамандар қажетті танымдық дүниелер көрсетіліп, ақпарат берілді. Мәселен, балабақша тәрбиешілері Г.Құдайбергенова «Бестемше» ойынын &nbsp;ойнау жолдарын, Н.Сейдаханова «Сюжеттік-рөлдік» ойындарды, &nbsp;Ж.Қалымбетова &nbsp;кіші топ бүлдіршіндермен «Бау бақшадағы гүлдер» тақырыбында &nbsp;еңбекке баулуды ойын арқылы көрсетті. Ал, психолог А. Әлімбаева, логопед Е.Аружан, дефектолог Ж.Жалғастың «Барлығы балақай сен үшін!»тақырыбында ерекше &nbsp;білімді қажет ететін балалармен &nbsp;бірге ойындарды ойната отырып жұмыс түрлерін көрсетсе, денешынықтыру нұсқаушысы А.Тоғысбаева «Жазғы спартакиада» тақырыбында мектепалды топтармен командалық жарыс ұйымдастырды. Балалардың &nbsp;танымдық-зияткерлік дағдыларын дамыту мақсатында балабақша тәрбиешісі Л.Тұрабаева «Білім бәйгесі» тақырыбында сайыс ұйымдастырды. Музыка жетекшісі «Ән шырқаймыз, &nbsp;бәріміз» атты ата-аналар челленджін &nbsp;көрсетсе, &nbsp;балабақша &nbsp;тәрбиешілері А.Жұманова, С.Джульмаханова, А.Анесова, А.Қалыбекова, М.Өмірбайлар балабақша қызметіне қажетті үздік лайфхактарымен бөлісті.&nbsp;Сонымен бірге, балабақша әдіскері М.Ілиясова «Жазғы сауықтыру-шынықтыру жоспары-2023» презентациясымен таныстырса, облыстық оқу орталығының «Мектепке дейінгі білім беру» бөлімінің меңгерушісі Жұлдызай Сатыбалдықызы жазғы демалысты ұйымдастыру талаптары бойынша түсіндірме жұмысын жүргізді.&nbsp;Шараны Гүлнар Батырбекқызы қорытындылап, қатысушылардың ұсыныс-пікірлері тыңдалып, шығармашылықпен жұмыс көрсеткен балабақша педагогтары оқу орталығының сертификатымен марапатталды.&nbsp;Сондай-ақ, оқу орталығының жылдық жоспарына сәйкес ұйымдастырылған «Ән шырқаймыз бәріміз!» және «Мен үлкендерге көмектесемін» облыстық челленджінің жеңімпаздары марапатталды.&nbsp;

Қызылордадағы балабақшада тәрбиелік тәжірибе алаңы өтті

<a href="https://kyzylorda-news.kz/ru">Kyzylorda-news.kz.</a>&nbsp;Бүгінде Сыр өңірінде егін егу науқаны қызу жүруде. Биыл облыс бойынша 195,6 мың гектар жерге ауыл шаруашылығы дақылдарын орналастыру жоспарлануда. Оның ішінде негізгі дақыл күріштің көлемі - 83,9 мың гектарды құрайды. Жалпы осы жылы егіс көлемін - 7,0 мың гектарға, күріш көлемін - 5,3 мың гектарға, мал азықтық дақылдарды - 2,3 мың гектарға ұлғайту межеленуде. Ал Абай ауылындағы «Ақжол» шаруашылығы биыл 250 гектар жерге егін еккен. Шаруашылық бригадирінің айтуынша, өңірдегі су тапшылығына қарамастан әр гектардан 60 центнерден жоғары өнім алуды көздеп отыр. Бүгін Өңірлік коммуникациялар қызметінің ұйымдастыруымен өткен көшпелі брифингте БАҚ өкілдері аталмыш шаруашылықтың жұмыс барысымен танысты.<blockquote>«Біздің «Ақжол» шаруашылығы 1997 жылдан бері күріш егумен айналысып келеді. Соңғы жылдары өңірдегі су тапшылығы &nbsp;салдарынан шаруашылықтағы егіс көлемі біршама қысқарды. Дегенмен, біз қолда бар мүмкіндікті пайдалана отырып, 250-300 гектарға дейін егін егудеміз. Жалпы біздің шаруашылықта 15 адам еңбек етеді. Бүгінде мұндағы жұмысшылар Сыр салысын толық суға бастырып, 100 гектар жерге жоңышқа екті. Еккен әр гектардан жыл сайын 60 центнерден жоғары өнім жинаймыз. Шаруашылықта жалпы саны 6 техника қамтамасыз етілген», - деді «Ақжол» шаруашылығының өндіріс бригадирі Жетпісбай Ерденов. &nbsp;</blockquote>Облыста егін егу жұмыстары 15 наурыздан басталған болатын. Бүгінгі күнге дейін 80,5 мың гектар жерге негізгі дақыл күріштің дәні себіліп, оның 72,0 мың гектары суға бастырылды. Ал дәндік жүгері - 210 гектарға, сүрлемдік жүгері - 420 гектарға, күнбағыс - 45 гектарға, соя - 64 гектарға, картоп - 1,7 мың гектарға, көкөніс - 3,7 мың гектарға егілді. Жалпы 3 979 бірлік ауыл шаруашылығы техникасы толық жөндеуден өткізіліп, көктемгі егін егу науқанына қатысуда.&nbsp;

Қызылорда облысында 195,6 мың гектарға егін егіледі

<a href="https://kyzylorda-news.kz/">Kyzylorda-news.kz.</a> Бүгін облыс әкімі Нұрлыбек Нәлібаев Қызылорда қаласындағы құрылыс нысандарын аралап, көркейту және абаттандыру жұмыстарымен танысты.Алдымен аймақ басшысы «Қорқыт ата» әуежайының жаңа жолаушылар терминалы құрылысы барысын көрді. Жоба демеушісі – «Болат Өтемұратов» жеке қоры нысанды келесі жылдың мамыр айында аяқтауды жоспарлауда. Құрылыстың жалпы құны 15 млрд.теңгені құрайды, тапсырыс беруші және мердігер мекеме – «Accent Development Solutions» ЖШС.Әрі қарай облыс әкімі Сұлтан Бейбарыс көшесін жөндеу жұмыстарымен танысты. Облыс орталығын көркейту үшін тұрғындардың сұранысы бойынша Сұлтан Бейбарыс көшесінің 1 шақырым бөлігі қайта жаңғыртылып, абаттандырылуда. Мердігер мекеме көшені 6 жолақты етіп кеңейтіп, субұрқақтарды орнатады. Құрылыс жұмыстары жылдың аяғына дейін жүзеге асырылмақ.Мұнан әрі Нұрлыбек Машбекұлы «Неке сарайының» құрылыс алаңына барды. Жалпы құны 1,6 млрд.теңгені құрайтын ауқымды жоба 2022 жылдың қыркүйек айында басталған. Биыл тамыз айында пайдалануға берілмек.Аймақ басшысы «Сырдария» шағын ауданындағы №1,2 үйлердің қасбеттерін заманауи панельмен қаптау жұмыстарын көрді. Еске салсақ, биыл облыс әкімінің бастамасымен аймақтың ірі кәсіпкерлері бірқатар көпқабатты тұрғын үйдің қасбеттерін абаттандыруға қаражат бөлді. Нәтижесінде қаланың орталық көшелері ажарланып, көркейе түспек.Нұрлыбек Нәлібаев бірінші кезекте атқарылатын жұмыстардың сапасына назар аударуды тапсырды.<blockquote>«Ең бірінші кезекте жұмыс сапасына мән беру керек. Мейлі, ол ғимарат құрылысы, жол құрылысы болсын, су немесе газ жүргізсін, ең бастысы – сапа. Сондықтан жұмыс барысын күнделікті бақылау керек. Жобаны мақұлдау сатысынан бастап толық аяқталғанға дейін жіті қадағалаңыздар», – деді аймақ басшысы.</blockquote>Осындай жұмыстар Абай, Н.Назарбаев даңғылдары мен Ғ.Мұратбаев көшесінің бойындағы көпқабатты үйлерде де қолға алынуда. Тұрғын үйлердің аулаларында жөндеу жұмыстары жүргізіліп, балалар ойын алаңдары салынады.Ал, Ғ.Мұратбаев және Яссауи көшелерінің қиылысында теміржол арқылы өтетін жаяу жүргіншілер көпірі салынады. Көпірдің ұзындығы 55 метр. Нұрлыбек Машбекұлы әзірленген жобаның сапасына жоғары баға беріп, осы тұстағы көпір мәселесі өзекті екенін атап өтті. Бюджетті жоспарлау барысында алдымен халықтың көкейіндегі түйткілді мәселелерге басымдық берілетінін қаперге салды. Аталған жоба бюджет қаражатын және уақыт үнемдеу мақсатында демеушілердің қаржысы есебінен жасалды. Нұрлыбек Машбекұлы жобаны әзірлеген компания өкілдеріне алғысын айтты.Облыс әкімі сол жағалаудағы құрылыс нысандарын да аралады. Мұнда өткен жылы тамыз айында облыстық қан орталығының құрылысы басталған болатын. Келер жылы наурыз айында 100 келушіге арналған емханасымен бірге 300 төсектік көпбейінді аурухана ашылады.<figure class="image"><img src="https://knadmin.beoblood.kz/uploads/349542262_806537014220809_4182338385166353290_n_3f59a7925e.jpg" alt="349542262_806537014220809_4182338385166353290_n.jpg"></figure>&nbsp;<figure class="image"><img src="https://knadmin.beoblood.kz/uploads/349991702_1003562440812018_3072542414799261793_n_551569ec92.jpg" alt="349991702_1003562440812018_3072542414799261793_n.jpg"></figure>&nbsp;<figure class="image"><img src="https://knadmin.beoblood.kz/uploads/350070597_260410039989584_4741927469839545036_n_2e508a65f6.jpg" alt="350070597_260410039989584_4741927469839545036_n.jpg"></figure>&nbsp;<figure class="image"><img src="https://knadmin.beoblood.kz/uploads/350101468_578910927687283_1781689766881028683_n_8457254883.jpg" alt="350101468_578910927687283_1781689766881028683_n.jpg"></figure>&nbsp;<figure class="image"><img src="https://knadmin.beoblood.kz/uploads/350313768_1075042843456581_1487225755683885708_n_87c3b57678.jpg" alt="350313768_1075042843456581_1487225755683885708_n.jpg"></figure>

Аймақ басшысы облыс орталығындағы бірқатар нысандардың жұмысымен танысты

<a href="https://kyzylorda-news.kz/ru">Kyzylorda-news.kz.</a> Елімізде жұмыссыздардың өз кәсібін бастауына мүмкіндік беретін көптеген мемлекеттік бағдарламалар бар. Соңғы жылдары мемлекеттік қолдаудың арқасында өз кәсібінен табыс тауып отырған азаматтар көп. Олардың бірқатары кәсіпкерлікпен айналысып, табыс тауып, өзгені де жұмыспен қамтып отыр. Яғни елдегі жұмыссыздықты азайтуға да үлес қосуда.&nbsp;Нағи Ілиясов ауылындағы Олинов Ролланды жақын ауыл аймақта танымайтын адам кем де кем. Соңғы 5-6 жыл көлемінде бал шаруашылығымен айналысып жүрген кәсіп иесі қазір бал өнімін жыл сайын арттырып отыр. Бұл кәсіпті бизнес көзіне айналдыруға Ролланға мемлекет тарапынан берілген қайтарымсыз грант негіз болды.Отбасылық бизнес иесі жыл он екі ай бал шаруашылығын дамытуға қолайлы жағдай жасаған. Әсіресе, ерте көктемнен басталатын қауырт тіршіліктен бір сәтке де қол үзбейді. Маусым кезінде ауылдағы жұмыссыз 5-6 азаматты да жұмыспен қамтып, олардың тәтті балдан табыс табуына жәрдемін тигізеді.Бал арасының бабын тапқан Роллан Олинов алғаш рет кәсіпті&nbsp; 2017 жылы бастайды. Өнімі мен пайдасы мол шаруашылықты дамыту үшін мемлекеттік қолдаудың көздерін іздеп, қайтарымсыз грантқа қол жеткізеді.<blockquote>– Екі қолға бір жұмыс табуға, қандай да кәсіп түрімен айналысуға мемлекет тарапынан қолдау көп. Білмегеніңді үйретіп, бизнес жоспар дайындауға да қолдау білдіретін арнайы мамандар да бар. Тек ізденіс пен қажырлы еңбек керек. Сондай-ақ үйренемін дегенге ақпарат көздері де көп. Адал маңдай теріңді төгіп еңбектеңсеңіз міндетті түрде берекесі болады.Алғашқы жылдары өз қаражатымның есебімнен бал шаруашылығын бастап кеттім. Кейін өндірісімді көбейту мақсатында 2019 жылы өңірлік инвестициялық орталығынан «Еңбек» нәтижелі жұмыспен қамту және жаппай кәсіпкерлікті қолдау бағдарламасы арқылы 1 млн теңге несие алып, кәсібімді ұлғайттым. Бір жылдан соң мемлекет тарапынан тағы да қолдау таптым. Бұл жолы 2 млн теңге қайтарымсыз грантқа ие болдым. Қазір бал арасын асырап, одан мол табыс тауып отырған жайымыз бар. Жалпы отбасылық бизнес сұраныстың арқасында дамып келеді, – дейді омарташы Роллан Олинов.</blockquote>Кәсіп иесінің бүгінде 100-ге тарта бал арасының отбасы бар. Ролланның айтуынша бұл әлемі өзінше бөлек кәсіп. Былайынша өзімен өзі жүрген ара бал жинап береді деген ой болуы мүмкін. Алайда бабын тауып бағудың өзіне жігер мен күш қайрат керек. Бал арасы да ерекше күтімді қажет ететін жәндіктің тілін табу арқылы ғана мол өнімге қол жеткізуге болатыны рас. Қазір Роллан жылдық өндірісін арттырып келеді. Жылына 4 тоннаға дейін бал жинауға мүмкіндігі бар. Тұрақты тұтынушыларынан бөлек Ролланның дәмді балын еліміздің түкпір-түкпірінен тапсрыспен сатып алатындары да бар. Бұл жұмысты үйлестіруге көбіне оның жұбайы Эльмира Төретаева көмектеседі.&nbsp;<blockquote>– Қазір әлеуметтік желінің дамыған кезі. Бұл кәсіпкерлерге керемет мүмкіндік. Өз өнімін жарнамалауға септігі мол. Біздің балды бір рет дәмін татып, сатып алғандар келесіде міндетті түрде тапсырыс беруге асығады. Қазір еліміздің барлық қалаларына көп мөлшерде де жеткізіп бере аламыз. Бұл отбасылық бизнес болған соң балаларымызбен бірге балды арнайы ыдыстарға құйып, оны таңбалауға атсалысамыз. Өндірісімізде балдың 4-5 түрі бар. Ең сұранысқа иесі мамыр балы, жантақ, жоңышқа балы, сонымен қатар емдік қасиеті мол жаңғақ қосылған бал түрлерін де шығарамыз. Кесек бал мен крем балының да тұтынушылары бар, – дейді омарташының келіншегі Эльмира.</blockquote>Эльмира жұбайының көмекшісі ғана емес, бесаспап кондитер. Оның қолынан шыққан дәмі тіл үйіретін торт пен пирожныйдан дәм татпаған ауыл тұрғыны жоқ шығар, сірә. Ауылға кімнің үйінде той дастарханы жайылса, Эльмираның дәмді тіскебасарлары сол үйдің дастарханының ажарын ашады. Эльмира бұл өнерді өзінше ізденіп үйренген. Мамандығы мұғалім болса да, қолы қалт еткенде әлеуметтік желіде өтетін шеберлік сыныптарға қатысып, торт пісірудің небір рецептерін үйреніп алған. Көздің жауын алатын түрі де дәмі де ерекше торт өнімдері мен балдың небір түрін талай мәрте көрмелерге де шығарған.<blockquote>– Ауданда, облыста, республика көлемінде көрмеге қатысуға шақырса, қалмауға тырысамын. Екі-үш күн бұрын әзірлік жүргізіп, өнімнің көптеген түрін әзірлеп, оны тұтынушыларға көрсетемін. Қазір отбасылық бизнестің арқасында табыс тауып отырмыз. Бұл еңбекпен келетін табыс. Кондитердің де дәрігер секілді қате жібермеуі керек деп ойлаймын кейде. Себебі бір дәмді торт пісіру үшін оның құрамынан ешқандай жаңылмауың керек. Сапалы, әрі тәтті торт дайындау арқылы тұтынушыңның алғысын аласың. Жалпы торт пісірумен 2019 жылдан бері айналысып келемін. Қазір торт пісірмеген күнім болмайды. Күнделікті тапсырыс келіп түседі. Аудан орталығынан да тапсырыс берушілер бар, – дейді кондитер Эльмира Өмірзаққызы.</blockquote>Роллан мен Эльмираның отбасында бес қыз бала өсіп келеді. Олардың әрқайсысы бір-бір кондитер. Аналарынан үйренгендерін жасап, әкелеріне дайын бал өнімін ыдыстарға құйып, таңбалауға көмектеседі.&nbsp;Батыр ауылындағы отбасылық бизнесті шыр айналдырып отырған кәсіп иелеріне мол табыс пен береке тілейміз.

Сырдариядағы отбасылық кәсіп иелері

<a href="https://kyzylorda-news.kz/">Kyzylorda-news.kz.</a>&nbsp; Әр апта сайын аудан басшысы жергілікті тұрғындарды жеке мәселелерімен қабылдау өткізетіні мәлім. Осы аптадағы кездесуде бірнеше мәселе көтерілді. Аудан әкімі Берік Сәрменбаев әрбір тұрғынның мәселесін жеке-жеке тыңдады.Негізінен, аудан тұрғындарының көкейдегі мәселесі – сан алуан болып табылады. Бірнеше мәселені аудан басшысының назарына ұсынған олар кәсіп ашуға ниетті екендіктерін жеткізді. Бұл ретте, қайтарымсыз грант алу жолдары мен талаптары басты назарға алынды. Сонымен бірге жер мәселесі бойынша келген тұрғындар да, болды. Заң талаптары бойынша тұрғындарға түсіндірме жүргізіліп, жүйелі жұмыстар жасалу керектігі ескертілді.&nbsp;<blockquote>«Күнделікті өмірде жергілікті тұрғындар кез келген мәселемен бетпе-бет келеді. Біз үшін әрбір тұрғынның өтініш-тілегі маңызды. Әрине, қабылдауға жазылған жандар өзінің мәселесі шешілуін қалайды. &nbsp;Сондықтан мүмкіндігінше әрбір мәселені саралап, орындалу барысын қадағалау &nbsp;– тікелей міндетіміз. Шын мәнінде, жүйелі жұмыстарға иек артып, тұрғындардың өтініш-тілегін қанағаттандыруға барымызды саламыз. Кез келген дүниеге байыппен қараймыз. Бұл ретте, тұрғындардың мәселесін басты назарға алу үшін дербес бөлім мен мекеме басшыларына, Тереңөзек кенті мен ауыл әкімідеріне тиісті тапсырмалар бердім», – деді аудан басшысы.</blockquote>

Аудан әкімі тұрғындарды жеке мәселелері бойынша қабылдады

<a href="https://kyzylorda-news.kz/ru">Kyzylorda-news.kz.</a>&nbsp; Қазіргі заманда, IT-технологиялар эволюциясы қарқынды дамыған ғасырда интернет біздің өміріміздің ажырамас бөлігіне айналды. Біздің әр таңымыз push-хабарлама қоңырауынан басталады, таңғы ас кезінде жаңалықтар арнасын оқимыз, жұмыста белгілі бір ақпарат алу үшін желі кеңістігін қолданамыз. Бірақ Интернеттен ақпаратты жедел алғанымызбен қоса, киберкеңістікте бізді торуылдайтын қауіптерді де ұмытпауымыз керек.Интернет кеңістігінде бізді қандай киберқауіптер бағып тұрғанын және олардан қалай қорғануға болатынын, ересектер мен балаларға интернеттегі қауіпсіздік туралы нені білу маңызды екенін Fingramota.kz жобасына киберқауіпсіздік, АТ және коммуникациялар саласындағы тәуелсіз сарапшы Евгений Питолин айтып берді.&nbsp; Бүгінгі күні цифрлық әлем біздің өмірімізге мықтап енді. Алайда, IT технологиялардың дамуымен қатар, алаяқтар да алдаудың жаңа әдістерін ойлап табуда. Евгений, кибершабуылдың ең көп таралған түрлері туралы айтып беріңізші &nbsp;АТ-технологиялар қарқынды дамып келеді. Олардан қалыспай алаяқтардың жаңа алдау амалдары мен әдістері көбейіп келеді. Алаяқтар «трендке» еніп алуға, өздеріне тиесілі емес нәрсеге ие болу мүмкіндігін жіберіп алмауға тырысып бағады. Мұндайда: фишинг, әлеуметтік инженерия әдістері, кардинг, телефон арқылы алаяқтық, зиянды бағдарламаларды тарату сияқты амалдардың барлығы қолданылады. Олар жәбірленушінің әлсіз тұсын сезіп қана қоймай, оның қырағылығын жоғалтуы мүмкін нәрсені дәл ұсына алады. Мысалы, телефон арқылы ақшаны алдап алу кезінде алаяқ өте тез сөйлей бастайды, қорқытады және жәбірленушіге ойлануға мұрша бермейді. Әлеуметтік инженерияны қолданған кезде ол адамның сеніміне еніп, өзін жасырын қорғаушы бейнесінде көрсетеді. Кардинг кезінде ол Интернеттегі деректеріне жеңіл-желпі қарайтын құрбанды табады.Жалған сайттар, дауысты өзгертіп жасалатын алаяқтықтың күрделі сценарийлері, маркетплейстерде алдаудың ондаған тәсілі, аккаунттарды бұзу және достарыңыздың немесе танымал тұлғалардың цифрлық егіздерінің атынан бопсалау – міне қазақстандықтарды цифрлық әлемде не күтіп тұрғанының аз ғана мысалы.Сондықтан кез келген жағдайда қырағылық сақтау, ақпараттық жағынан білімді болу және сыни тұрғыдан ойлау маңызды.Кардинг дегеніміз не және интернетте онлайн сатып алу кезінде азаматтарды бұзып кіруден қалай қорғауға болады? Қаскүнемдер кардинг арқылы иесінің қатысуынсыз банктік картаны пайдаланып операция жасайды. Статистикаға сәйкес, 10 әуесқой онлайн-сатып алушының ең аз дегенде 9-ы өз банктік карталарын барлық сайттар мен қызметтерге тіркеп қоятындықтан, оларды оп-оңай бұзуға болады. Ақшаңызды ұрлатпау үшін, ең алдымен, антивирустық қорғауды қолдану керек және ешқашан күмәнді серверлерде жеке ақпаратты қалдырмау керек. Құпиясөздерді және банк картасының нөмірін ол жерде сақтамаңыз. Ең дұрысы банктік карта бойынша жүргізілген операциялар туралы хабарламаларды қосып алыңыз және қырағы болыңыз.Негізгі шоттармен байланысты емес виртуалды карта жасап алыңыз, оған тек бір айға немесе бір реттік сатып алуға арналған соманы ғана салыңыз. Картаны бейтаныс қызметтерге немесе сенімсіз маркетплейстерге тіркемеңіз.Алаяқтар&nbsp;спуфингті жиі қолданады, алаяқтықтың осы әдісі және одан қалай қорғану керектігі туралы айтыңызшы.Спуфинг – бұл кибершабуылдардың бір түрі. Оның көмегімен қаскүнем өзін қандай да бір сенімді дереккөз ретінде көрсетеді. Мұндай ауыстыру көбінесе веб-сайттар, телефон қоңыраулары, электрондық пошта және әртүрлі серверлер арқылы жүзеге асырылады. Мақсат алаяқтықтың басқа түрлерімен бірдей – жеке ақпаратқа қол жеткізу, ақшаны ұрлау немесе зиянды БҚ тарату.Спуфингтен қорғану үшін Интернеттегі мынадай қауіпсіздік ережелеріне назар аудару керек:1) барлық қосымшаларға екі факторлы бірдейлендіру орнатыңыз;2) барлық гаджеттерге вирусқа қарсы қорғауды орнатыңыз;3) спам сүзгісін қолданыңыз;4) бейтаныс сілтемелерге өтпеңіз;5) күдікті хаттар мен бейтаныс нөмірлерге жауап бермеңіз.Көбінесе азаматтар өздерін кибералаяқтарды қызықтыратындай, қаржылық жағынан қамтамасыз етілмегенмін деп санайды, бірақ статистика көрсеткіші басқаша. Әрбір адам сандық сауаттылықтың қандай негізгі ережелерін білуі керек?Алаяқтар цифрлық қауіпсіздік жағынан жақсы дайындалған, вирусқа қарсы қорғанысы бар немесе пароль менеджері бар пайдаланушыға уақыт жоғалтпайды. Оларға Интернетте ештеңе жарияламайтындар, еш жерде тіркелмейтіндер және жалпы алғанда өте мұқият адамдар қажет емес. Алаяқтарға Интернеттегі қауіпсіздігіне мән бермейтіндер қажет. Мұндай пайдаланушыларды бұзу оңай.Сондықтан алаяқтарға әрдайым ақша қажет емес екенін есте ұстаған жөн. Олар сондай-ақ жеке ақпаратты мүмкіндігінше көптеп алу үшін жұмыс жасайды. Болашақта оны сізге қарсы қолданады. Ал сізде ақша бар ма, жоқ па, оны қызықтырмайды. Өйткені, егер олардың қолына ешқашан түспеуі тиіс мәлімет тисе, олар сізден бірнеше есе көп ақша алады.Бірдейлендірудің көп деңгейлі жүйесі жөнінде айтып берсеңіз, ол не үшін қажет және оны қалайша дұрыс қолдану керек?&nbsp;Цифрлық әлемде көпфакторлы бірдейлендіру ауадай қажет. Оның ең бір қарапайым себебі: барлығымыз Интернетте орасан зор жеке ақпарат сақтаймыз. Бұл тек қарапайым пайдаланушыға ғана емес, барлық кәсіпорындарға, бизнеске де қатысты. Біз күн сайын банктік қосымшалармен, онлайн-сервистермен және тағы басқалармен өзара іс-әрекетке түсеміз. Егер бір жерден қателік кетсе, оның салдары жаман болуы мүмкін. Сол себепті бір құпия сөз түріндегі қорғаныс жеткіліксіз. Егер сіздің құпия сөзіңіз үнемі күрделі болып келіп, барлық аккаунттарда түрленіп отырса, құптарлық. Алайда, іс жүзінде басқаша болып жатады. Бұл жағдайда пайдаланушының жеке басын растау үшін көпфакторлы бірдейлендіруді пайдалану қажет. Ең дұрысы – арнайы қосымшалар – екінші факторға арналған бірдейлендіру және әртүрлі сервистер мен қосымшалар үшін бас сервистің жеке құпия сөздері.Жазғы демалыс кезеңі де жақындап қалды. Әдетте, ата-аналар балаларын қауіпті адамдардан қорғау мәселесі толғандырады, ал Желідегі ересектерге арналған контенттен қорғау жөнінде көп ойламайды. Сіз ата-аналарға және олардың балаларына не айта аласыз?&nbsp;Қазір қандай да бір гаджет қолданбайтын заманауи баланы елестету қиын. Интернетте шынымен де пайдалы ақпарат көп.&nbsp;Үйден шықпай ақ тілдер үйренуге немесе қосымша оқу мүмкіндіктері бар. Алайда, оның да екі ұшы бар. Желіде бала түрлі проблемаларға тап болуы мүмкін. Мысалы, буллингпен, кибералаяқтармен, бопсалаумен және баланың ересектердің көмегінcіз арылуы қиын болатын түрлі салдарлар. Бұл ретте, ата-аналардың басты міндеті - баланы Интернетке шығуға дайындау. Оған желіде кездесетіндер жөнінде айтып беру, ең бастысы, тығырыққа тіреліп, өзін жаман сезінген жағдайда, ол жөнінде ата-анасына ашық айтып беру.Ата-ана өз баласы үшін гаджет сатып алмас бұрын мыналарды білулері қажет:Нақты өмір мен виртуалды әлемнің балансын сақтаңыз. Балаңызбен қарым қатынасыңызды кез келген жағдайда көзбе-көз қарым қатынасыңыз көп болатындай етіп құрыңыз; Технологиялармен балаңызбен бірге танысыңыз. Планшетті балаға бере салып, уақыт белгілеуді әдетке айналдырмаңыз. Жаңа ойындарды, роликтерді бірге қараңыз және балаңыздың қызығушылығын тудыратындардың барлығын бірлесіп талқылаңыз; Контентті қадағалап отырыңыз. Балаңызға өзінің жеке деректерін, отбасында болып жатқан оқиғаларды және басқа да құпия ақпаратты желіге жарияламау керектігін түсіндіріңіз. Алаяқтар деген кім, олардың әрекеттері туралы айтып беріңіз. Балаңызға өмірде де, Желіде де бір ортақ қағида бар екенін - бейтаныс адамдармен сөйлесуге болмайтынын айтыңыз. Бала егер оған қысым көрсетілген, бойын қорқыныш және жағымсыз эмоциялар жайласа, әрдайым сіздің қамқорлығыңызды сезінуге, және сізге сене алатынын білуі қажет. Деректерді қорғау және цифрлық этикет туралы айып беріңіз. Егер бала әлі кішкентай болса, контентті тазалап отыратын балаларға арналған түрлі қорғаныс орнатуға болады. Ересек балалардың санасына үш ТЫЙЫМ&nbsp;қағидасын жеткізу қажет: бейтаныс адамдармен сөйлесуге тыйым, жеке ақпаратты беруге тыйым, егер сенің жеке басыңды қорлап, бопсаласа, әңгімеге араласуға тыйым.&nbsp;

Өзіңізді және балаларыңызды кибералаяқтардан қалай қорғауға болады?

<a href="https://kyzylorda-news.kz/">Kyzylorda-news.kz.</a> Аудан әкімдігінің қолдауымен және аудандық жастар ресурстық орталығының ұйымдастыруымен Сырдария ауданына қарасты бірнеше ауылда сала мамандарының қатысуымен жастарға арналған мемлекеттік бағдарламалар мен жобаларды насихаттау мақсатында «Мүмкіндіктер алаңы» бастамасымен ауыл жастарына көшпелі кеңес беру іс-шарасы өткізілді.Негізінен, іс-шараның мақсаты – қазіргі таңдағы жастар арасындағы жұмыссыздық деңгейін төмендету, кәсіпкерлікті дамыту және жастардың сұранысындағы қажеттіліктерді қамтамасыз ету болып табылады. Іс-шара барысында сала мамандары жастардың көкейіндегі сауалдарды тыңдап, мемлекеттік бағдарламалар мен мүмкіндіктер жайлы кеңінен баяндаған болатын.&nbsp;<blockquote>«Біз бірнеше ауылда «Мүмкіндіктер алаңы» &nbsp;жобасы жүзеге асырылуда. Осы жастар арасындағы жұмыссыздық деңгейін төмендету мақсатында тиісті іс-шара қабылдануда. NEЕT санатындағы жастар қатарын азайтып, олардың кәсіппен айналысуына жағдай жасау керекпіз. Мемлекеттік бағдарламалар &nbsp;көмегімен жастар кәсібін ашып, бизнесін жандандыра білгені жақсы. Сонымен бірге өз мамандағы бойынша жұмыс табуына мүмкіндіктер қарастыру – басты мүддеміз», – деді аудандық жастар ресурстық орталығының директоры Нұрман Абдрасилов. &nbsp;&nbsp;</blockquote>Мұнан соң отбасының цифрлық картасында көрсетілген жұмыссыз жастармен адрестік жұмыстар жүргізіліп, жастарға мүмкіндіктер ұсынылды.&nbsp; &nbsp;

Жастардың кәсіп ашуына мүмкіндік көп

<a href="https://kyzylorda-news.kz/">Kyzylorda-news.kz.</a> Жаңақорған ауданының Полиция бөлімі ата-аналарға үндеу жасайды. Жылы маусым – ювеналдық полицейлердің ерекше жауапты кезеңі.​ Міндет – жасөспірімдердің әкімшілік және қылмыстық құқық бұзушылықтар жасауына жол бермеу.&nbsp;Осы бағытта қала аумағында кәмелетке толмағандардың құқықтық сауаттылығын, құқықтық мәдениетін арттыру бағытында әртүрлі іс-шаралары іс-шаралары ұйымдастырылып келеді. ​ Жасөспірімдер арасында қылмыс пен құқық бұзушылықтың алдын алуға, заңсыздықты болдырмау және қоғамдық тәртіпті нығайту мақсатында атқарылған профилактикалық шараларға қарамастан жасөспірімдер арасында жиі кездесетін құқық бұзушылықтар: яғни, түнгі уақытта сағат 23:00-ден кейін көшеде заңды өкілсіз ​ жүруі, 22:00-ден кейін ойын-сауық орталықтарында ​ (компьютерлік клубтарда отыру), топтасып төбелесу, ата-анасымен ренжісіп үйінен кетіп қалу дерегі, ата-анасының қатысуынсыз көлік құралдарын басқаруы және тағы да басқалары жатады.<blockquote>«Тәжірибе көрсеткендей, бұл әрекеттерге себеп көп жағдайда ата-аналардың жасөспірімдерді қадағалаусыз қалдырулары болып жатады. Өз кезегінде Жаңақорған ауданының Полиция бөлімі ата-аналарға балаларының қауіпсіздік шараларын сақтау туралы ескертеді. Күннің жылынуына орай, балалардың далада жүретін бос уақыты көбейді. Демалыс уақытының қайғы мен жарақатқа айналмауы өте маңызды. Сондықтан да балаларыңызға көшелерде қауіпсіздік пен жол жүру ережелерін сақтау туралы ескертулеріңіз сұралады. Балаларыңызға түнгі уақытта үйден тыс жерде болуға тыйым салыңыз. Егер балаңыз үйге кеш оралса, оны күтіп алуға тырысыңыз, егер олар үйде жалғыз болса, таныс емес адамдарға есікті ашуға тыйым салыңыз. Егер сіз баланыздың тұрған жерін білмесеңіз және ол телефон қоңырауларына жауап бермесе, уақыт жоғалтпай тез арада полицияға хабарласыңыз. Ата-аналардың бақылаусыздығы жасөспірімдердің құқық бұзушылық жасауының негізгі себебі болуы мүмкін немесе балалардың өздеріне қатысты құқыққа қарсы іс-әрекеттер жасалуы мүмкін», - дейді мамандар.</blockquote>

Жаңақорған: Жасөспірімдер тәртібі полицияның бақылауында

<a href="https://kyzylorda-news.kz/ru">Kyzylorda-news.kz.</a> Сырдария ауданына қарасты Қалжан ахун ауылы аудан орталығына жақын орналасқан елді мекеннің бірі. Киелі мекен дін қайраткерінің есімімен аталады. Мұнда ғұлама ұстаздың мешіт-медресесі бар. Ауыл халқы 215 отбасын құрап, онда 1130 халық тұрады. Оның ішінде 3 тыл ардагері, 114 зейнеткер, 30 мүмкіндігі шектеулі жандар, 20 Алтын алқа және 17 Күміс алқа иелері бар.Ауылдық округ әкімі Ғалымжан Әкбарұлы ауылда атқарылған жұмыс барысы туралы әңгімелейді. Ең бірінші газдандыру мәселесіне тоқталған ауыл әкімі:Елді мекенін газдандыру жұмыстары бойынша республикалық бюджеттен 298,0 млн теңге қаржы бөлініп, облыстық бюджеттен 32,5 млн теңге барлығы 330,5 млн теңге қаржы қаралып, мемлекеттік сатып алу жұмыстары жүргізілуде. Сондай-ақ, ауылдағы спорт алаңына жасанды жабынды төсеу жұмысы бойынша "Сүндетбай" шаруа қожалығы 4,2 млн теңгеге демеушілік көрсетіп, жасанды төсеніш төселіп, сырлау, жарықтандыру жұмыстары аяқталып, пайдалануға берілді. Ауылдағы Қайқы батыр көшесін жөндеу жұмыстарына байланысты аудандық тұрғын үй-коммуналдық шаруашылық, жолаушылар көлігі және автомобиль жолдары бөлімі мамандарымен бірлесіп ақау актісі жасалып, аудандық мәслихат депутаты, "БАҚ" шаруа қожалығының төрағасы С.Әбжалиевтің демеушілік көрсетуімен жобалық сметалық құжаты дайындалды. 2023 жылы жөндеу жұмыстарына қаржысы бөлініп, мемлекеттік сатып алу жұмыстары жүргізілді.Сонымен қатар «Ескі Бостандық» каналының су жүрмей қалған тұстарына демеушілер көмегімен тазалау жұмысын жүргізу мәселесі бойынша "Ескі Бостандық" каналының су жүрмей қалған тұстарын тазалау жұмыстарын "БАҚ", "Нұрбек", "Сүндетбай" шаруа қожалықтары елді мекенге аяқ су беру маусымы басталған уақытқа дейін тазалау жұмыстарын атқарды.Ауылдық фельдшерлік акушерлік бекетінің (ФАБ) ғимаратына күрделі жөндеу жұмыстарына облыстық бюджеттен 47,8 млн. теңге бөлініп,аудандық аурухана арқылы қүжаттары дайындалып мемлекеттік сатып алу жұмыстары жұргізуге облыстық &nbsp;денсаулық сақтау басқармасына ұсынылды.Атқарылған жұмыстардың қатарында балалар ойын алаңын жөндеу бойынша ауылдық округі әкімі аппаратының қызметкерлері балалар ойын алаңының қоршауы бағандарының, әткеншектердің, сырғанақтардың түптерін бетондап, орындықтарын жасанды терімен қаптап, жөндеу жұмыстары бар.&nbsp;№126 орта мектептің әжетхана құрылысын жүргізуге білім бөлімі тарапынан жалпы құны 22,7 млн. теңге болатын жобалық смета құжат дайндалып, облыстық тиісті басқармаға қаржыландырылуға енгізілді.Қалжан ахун ауылдық округі әкімінің аппаратының 2022 жылға арналған қаржыландыру жоспары бойынша 69623,2мың теңге болып нақтыланып, 1 қаңтарға 69401,6 мың теңге 99,7 пайызға игерілді.2023 жылдың 1 қаңтарына жеке тұлғалардан алынатын мүлік салығы жоспары 81 мың теңге болса, орындалуы 83,9мың теңге 103,6 пайызға, көлік құралдары салығы жоспары 1560,0 мың теңге орындалуы 1273,7 теңге &nbsp;81,6 пайызға болып орындалды, салықтан тыс түсімдер 124,5 мың теңгеге жоспраланып 195,7 пайыз орындалды.Санитарлық тазалық, көркейту жұмыстарына тоқталған ауыл әкімі «БАҚ» шаруа қожалығымен 500,0 мың теңгеге келісім шартқа отырып, ауылдағы қораларды тазалау жұмыстары, көшедегі қоқыстарды тазалау жұмыстары жүргізілді. Сонымен қатар көшелерді ластап, бей берекет жүрген малдарды елді мекен сыртына айдап шығаруға 2 жұмыссыз азамат қоғамдық жұмысқа тартылды.&nbsp;Ауылда қоғамдық кеңес, үкіметтік емес ұйымдары белсенді жұмыс жасайды. Аудан әкімінің Қалжан ахун ауылында шешімін табуы тиіс әлеуметтік және экономикалық мәселелерді жергілікті қоғамдастық жиналысында қарап, қоғамдастық мүшелерінің келісімімен ұсынылуын назарда ұстасын тапсырмасына сәйкес, қоғамдастық жиынында елді мекендегі проблемалық мәселелер көтеріліп, талқыланып келеді. &nbsp;2022-2023 оқу жылында мектептегі 2 даярлық сыныбында 26 бала тәрбиеленді. Оқу жылында мектептегі сыныптар саны – 15, оқушылар саны – 216. Оқушылар екі ауысымда оқиды. Былтырғы оқу жылында 12 оқушы мектеп бітіріп, 12 оқушы Ұлттық бірыңғай тестілеуге қатысты. Орташа балл 70. Ұлттық бірыңғай тестілеуге қатысқан 12 оқушының 12-і мемлекеттік грант иегері атанды.&nbsp;Мектептегі жалпы мұғалімдердің саны – 46. Оның ішінде &nbsp;41 мұғалім жоғары білімді, 5-уі арнаулы орта білімді. Мектеп толық педагог мамандармен қамтылған. Мұғалімдердің біліктілік санаттары бойынша 6 мұғалімде педагог-зерттеуші, 17 мұғалімде педагог-сарапшы, 19 мұғалімде &nbsp;педагог-модератор біліктілік санаты бар.«Гүлдер» бөбекжай балабақшасы» коммуналдық мемлекеттік қазыналық кәсіпорны барлығы 2-5 жас аралығында 3 топпен 70 бала қабылданып, тәрбиеленуде. Балабақшада 24 қызметкер бар. &nbsp;Педагогтар саны – 11, оның &nbsp;ішінде жоғары білімді мамандар саны – 9, модератор санатында – 2 педагог, сарапшы санатында – 3 педагог жұмыс жасайды.&nbsp;Ауылдық клубта 5 үйірме жұмыс жасайды, оған 56 өнерпаз тартылған. 2022 жылдың 12 айында 41 мәдени көпшілік іс-шара өткізілген. Кітапханада 22809 кітап қоры, 660 оқырманы &nbsp;бар және 8 орындық оқу залы бар. Жыл көлемінде көркем әдебиеттер мен балалар әдебиеттерін насихаттау тақырыптары бойынша 63 мәдени іс-шара өткізілді.Қалжан ахун ауылының тұрғындарына 1 фельдшерлік акушерлік пунктте 3 орта буын қызметкері медициналық қызмет көрсетеді. Өткен жылы ауылда туу 22 бала дүниеге келген.<blockquote>– Ауыл шаруашылығы құрылымдары 2022 жылы барлығы 1227 гектар жерге күріш (өнімділігі 54,7 ц/га, барлығы 67109 ц), жаңа жоңышқа 157 га (өнімділігі 1,0 ц/га, барлығы 157 ц), ескі жоңышқа 337 га (өнімділігі 26,2 ц/га, барлығы 7530ц), картоп 11 га (өнімділігі 180 ц/га, барлығы 1980 ц), көкөніс 9 га (өнімділігі 195 ц/га, барлығы 1755 ц), бақша дақылдары 10 га (өнімділігі 206 ц/га, барлығы 2060 ц) орналастырылды. «БАҚ» шаруа қожалығы 523 га күріш, 87 га жаңа жоңышқа, 180 га ескі жоңышқа, &nbsp; &nbsp;«Нұрбек» шаруа қожалығы 550 га күріш, 70 га жаңа жоңышқа, 130 га ескі жоңышқа,«Бекпенбетова» шаруа қожалығы 31 га жерге күріш,27 га ескі жоңышқа, «Сүндетбай» шаруа қожалығы 123 га жерге күріш орналастырды. "Қыдырбаев" шаруа қожалығы 3 га жерге көкөніс, картоп, бақша өнімдерін орналастырды. Сонымен қатар, 2022 жылы ауылдық округ бойынша жеке құрылымдар есебінен 27 га жерге көкөніс, бау бақша, картоп дақылдарын екті. Ауылдық округ бойынша 2022 жылы ауыл тұрғындары мен шаруа қожалықтарының есебінде 856 бас ірі қара, 827 бас уақ мал, 668 бас жылқы және 399 бас құс тіркелген, – дейді ауыл әкімі.&nbsp;</blockquote>Жыл бойына ауылдағы шаруашылық құрылымдары мен жеке тұлғалар 9189,0мың теңге көлемінде әртүрлі демеушіліктер жасаған. «Нұрбек» фермер қожалығы, «БАҚ» шаруа қожалығы, «Сүндетбай» шаруа қожалығы, жеке тұлғалар қайымыдылық іс-шараларына қатысқан. Сонымен қатар "Углесбыт" ЖШС тұрмысы төмен 1 отбасына тұрғын үй құрылысына, 1-маусым балаларды қорғау күніне Қызылорда қаласы тұрғыны Б.Еркебаев, ауылдық округі әкімі аппараты ұжымы демеушілік жасады. &nbsp;&nbsp;Ауылдық округ бойынша 2023 жылы 1 қаңтарына 510 экономикалық белсенді халық тіркелген. Жұмыссыз ретінде тіркеуге алынған 64 адамның 20-ы тұрақты жұмысқа, 30-ы ақылы қоғамдық жұмысқа, 5 азамат әлеуметтік жұмыс орнына, 8-і жастар тәжірибесіне, 1-і алғашқы жұмыс орнына, 1-і ұрпақтар келісімі жобасына жолданған.&nbsp; 2022 жылы ауылдық округ бойынша 11 отбасының 62 мүшесіне атаулы әлеуметтік көмек алуға құжат тапсырып, қаржылай және азық-түлік пакеттері көмегін алған.&nbsp;Қалжан ахун ауылдық округінде тіркелген кәсіпкерлер субъектілерінің саны – 67, оның ішінде: жеке кәсіпкерлер – 50, шаруа қожалықтары – 17. &nbsp;«Микробизнес Қызылорда» бағдарламасы бойынша 6,0 млн.теңгені құрайтын «Айналым қаражатын толықтыру (құрал жабдықтар алу)»,«Мал басын көбейту (жылқы)»2 жобасы (Маханбетова Гулмира 2,0 млн теңге, Бакуов Марат 4,0 млн. теңге )қаржыландырылды. Жылқы басын көбейту – құны 7,0 млн теңге, жоба үйлестірушісі Қыдырбаев Төрехан (Сырдария-1 несие серіктестік) арқылы қаржыландырылды.&nbsp;2021-2025 жылдарға арналған кәсіпкерлікті қолдаудың ұлттық жобасы аясында &nbsp;жаңа бизнес-идеяларды іске асыруға арналған мемлекеттік грант бойынша барлығы 11 жоба 13,5 млн теңгеге қаржыландырылды.&nbsp;«КазАгроҚаржы» АҚ арқылы және жеке қаражат есебінен ауылшаруашылығы техникасы мен құрал жабдық алғандар: «Нұрбек» ф/қ – құны 11,5 млн теңге (лазерный планировщик), «Бақ» ш/қ – құны 11,5 млн теңге (лазерный планировщик).2023 жылы атқару жоспарланған жұмыстар жайында айтқан ауыл әкімі ең алдымен Қайқы батыр көшесін орташа жөндеу жұмыстары, Қалжан ахун елді мекенін электрмен жабдықтау жобалық сметалық құжатын дайындау демеушілік есебінен, Қалжан ахун елді мекенін газдандыру жұмыстары жүргізілетініне тоқталды. Сондай-ақ ауылдық ФАБ ғимаратын күрделі жөндеу, №126 орта мектептің әжетхана құрылысын жүргізу, "Ескі Бостандық" каналын күрделі жөндеу жұмыстары, тұрмыстық қатты қалдық жинайтын аймақ құрылысы, Қалжан ахун Бөлекбайұлы сағанасының төбесін жабу алдағы жылдың жоспарында орындалатын мәселелер. &nbsp;

Қалжан ахун ауылында 11 жобаға мемлекеттік грант тағайындалған

Қармақшылық 90 жастағы бағбан

<a href="https://kyzylorda-news.kz/ru">Kyzylorda-news.kz.</a> 31 мамыр – Саяси қуғын - сүргін құрбандарын еске алу күні. Соған &nbsp;орай, жазықсыз жазаға тартылған қазақ зиялыларының ұлы еңбектерін насихаттау мақсатында Қызылорда қаласының тарихы музейінің ұйымдастыруымен «Абылай хан» колледжі студенттеріне «Қуғын-сүргін құрбандары» атты лекция оқылды.Қазақ халқының тарихына көз жүгіртсек, заманның небір зұлматын көріп келеді. Тар жолда тайғақ кешіп, ұлтының қамы үшін азар да безер болған саяси қуғын-сүргін құрбандарының тәлкекке толы тағдырын жадымызда сақтау – біздің адамгершілік парызымыз! Ауыр да азапты кезеңді басынан өткізген асыл ағаларымызды еске алу, ұмытпау – әрбір ұрпақтың парызы.&nbsp;Өскелең ұрпақты халқымыздың тарихындағы қасіретті кезеңде солақай саясаттың құрбаны болған қазақ халқының зиялылары туралы мағлұмат беру, олардың есімдерін құрметтеуге, ұмытпауға тәрбиелеу, сондай-ақ сол уақытқа тәуелсіз ел ұрпағының көзімен баға беру патриоттық сезімдерін артыра отырып, қиындыққа төзе біліп, болашаққа деген сенімдерін жоғалтпауға тәрбиелеу қажет-ақ. Бұл бағытта өткізілген әрбір шара жастардың қайратты, өр рухты болуға дәріптеу.&nbsp; Танымдық шара барысында аталған оқу ордасының студенттері тарихи тың ақпараттарға қанықты. Көкейдегі сұрақтарын қойып, ой бөлісіп, пікір алмасты. &nbsp;Ата-бабаларымыздың сонау зұлмат жылдары көрген қорлығы мен елі үшін жасаған өлшеусіз еңбектеріне көз жеткізіп, мол тағылым алды деуге болады.&nbsp;

Қызылордада студенттерге «Қуғын-сүргін құрбандары» атты лекция оқылды

<a href="https://kyzylorda-news.kz/">Kyzylorda-news.kz.</a> Қорқыт ата атындағы Қызылорда университетінде алғаш рет «БҰҰ моделі» конференциясы өтті. БҰҰ моделі - бұл ғылыми конференция мен рөлдік ойынның синтезі болып табылады.Конференцияның негізгі мақсаты мектеп оқушылары мен студенттердің БҰҰ-ның бірнеше ресми тілдерінде осы Ұйым органдарының жұмысын жаңғыртып, дипломатиялық, көшбасшылық, шешендік және тілдік дағдылар мен ымыраға келу қабілетін дамыту.Жиынға АҚШ-тың Алматыдағы Бас консулы Кэролайн Сэвидж, Бас консулдықтың Жұртшылықпен байланыс бөлімі басшысының орынбасары Чад Кинеар қатысты.

Қазақстан және Қызылорда облысының жаңалықтары