<a href="https://kyzylorda-news.kz/">Kyzylorda-news.kz.</a> ҚР Парламенті Сенатының депутаты Руслан Рүстемов, ҚР Парламенті Мәжілісінің депутаттары, партия фракциясының мүшелері Мархабат Жайымбетов пен Мұрат Ергешбаев және Қызылорда облыстық мәслихаттағы «AMANAT» партиясы депутаттық фракциясының мүшесі Әмірбек Шаймағанбетов Жалағаш аудандық партия филиалында тұрғындардың өтінішін тыңдады.Тұрғындар Ақсу елді мекенін газдандыру, №31 мектеп-гимназияны күрделі жөндеуден өткізу, жайымдылық жерлерді кеңейту және білім ордаларын күрделі жөндеуден өткізу сынды мәселелерді көтерді.Тұрғындар мәселесін мұқият тыңдаған халық қалаулылары заң аясында тиісті түсіндірме жұмыстарын жүргізіп, мәселелердің шешімін табатынын жеткізді.

Тұрғындардың өтініштері тыңдалды

<a href="https://esquire.kz/rt-s-ndirushiler-2023-zhyly-ansha-tabys-tabady/">ФОТО</a><a href="https://kyzylorda-news.kz/">Kyzylorda-news.kz.</a> Жаңақорған ауданының аумағында Жаңақорған орман және жануарлар дүниесін қорғау жөніндегі мемлекеттік мекемесіне қарасты Ақтас орманшылығының №27 айналымының №10 оралымында Қызылорда облысы мен Түркістан облысының шекара аралық орман-тоғай өрттерін сөндіру бойынша бірлескен өрт-тактикалық оқу-жаттығуы өткізілді.Оқу жаттығудың мақсаты: «Төтенше жағдайларды жою кезінде азаматтық қорғау қызметтері мен облыс аралық азаматтық қорғау органы бөлімшелерінің өзара жедел әрекет ету іс-қимылдарын жетілдіру».Оқу-жаттығуға басшылық жасағандар: Қызылорда облысы ТЖД бастығының орынбасары подполковник Б.Әбдіқадыров, Түркістан облысы ТЖД бастығының орынбасары полковник Е.Сарыбаев, Жаңақорған ауданы әкімінің орынбасары Б.Шәріпбеков, Жаңақорған орман және жануарлар дүниесін қорғау жөніндегі мемлекеттік мекемесінің директоры М. Рүстемов.Алдымен оқу-жаттығу Абай облысындағы орман өрті кезінде қаза болған орманшыларды 1 минуттық үнсіздікпен еске алудан басталды.Оқу-жаттығуға барлығы 150 адам қатысса, 32 техника жұмылдырылды (Оның ішінде: 7 АЦ өрт сөндіру автокөлігі, 25 бейімделген техника).Өткізілген оқу-жаттығу өз деңгейінде өтті.

Бірлескен өрт-тактикалық оқу-жаттығуы өтті

<a href="https://kyzylorda-news.kz/">Kyzylorda-news.kz.</a>&nbsp; Қазгидромет ел аумағында 5 шілдеде болатын қауіпті метеорологиялық құбылыстарға болжам жасады.Әлі де циклон және онымен байланысты атмосфералық фронталды бөліктер Қазақстанның басым бөлігіндегі ауа райын анықтайды, осы орайда найзағай ойнап, жаңбыр жауады. Республика бойынша желдің күшеюі, солтүстік-батыста, шығыста, орталықта бұршақ күтіледі.<blockquote>«Батыс Қазақстан облысының басым бөлігінде, Атырау облысының шығысында, оңтүстігінде, батысында, Ақтөбе, Маңғыстау, Қостанай облыстарының оңтүстігінде қатты ыстық күтіледі.Жамбыл, Қызылорда, Түркістан, Маңғыстау облыстарының басым бөлігінде, Ұлытау, Қостанай, Ақтөбе, Қарағанды облыстарының оңтүстігінде, Атырау облысының батысында, Алматы облысының солтүстігінде, оңтүстігінде, Жетісу облысының солтүстік-батысында, Павлодар облысының солтүстігінде, батысында төтенше өрт қауіпі сақталады.Жетісу, Солтүстік Қазақстан облыстарының басым бөлігінде, Абай облысының солтүстік-батысында, батысында, оңтүстігінде, Ақмола облысының солтүстігінде, Батыс Қазақстан облысының оңтүстік-батысында жоғары өрт қауіпі сақталады», - деп жазды синоптиктер.</blockquote>

5 маусымға арналған ауа райы болжамы

<a href="https://kyzylorda-news.kz/">Kyzylorda-news.kz.</a> Мемлекет болашағы балаларға берілген сапалы біліммен байланысты екені даусыз. Қазіргі уақытта облыс орталығына жақын орналасқан Сырдария ауданында 53 білім беру ұйымы жұмыс істесе, оның ішінде жаратылыстану-математикалық бағытта 5 инновациялық мектеп-лицей балаларға білім нәрімен сусындатуда. Сонымен қатар аудан көлемінде аз қамтылған отбасылардың, 1-4 сыныптың оқушыларына бір мезгіл ыстық тамақ беріледі.Сырдария ауданында 110 төсектік аурухана, ауысымына 250 адам қабылдайтын емхана, 10 дәрігерлік амбулатория, 2 фельдшерлік-акушерлік және бір медициналық бекет халыққа қызмет көрсететіні сөзсіз. Осы жылы облыстық бюджеттен 182 млн теңгеден астам қаржы бөлініп, Іңкәрдария, Асқар Тоқмағамбетов пен Қалжан ахун ауылындағы фельдшерлік-акушерлік бекет күрделі жөндеуден өтуде. Сонымен қатар, республикалық бюджеттен 405 млн теңгеге Нағи Ілиясов &nbsp;ауылында амбулатория құрылысы жүргізілетіні мәлім.Сырдарияда кейінгі жылдары спортты дамытуға ерекше көңіл бөлініп келеді. 134 спорттық нысан, 541 секция жұмыс істеп, халықтың 38 пайызы жүйелі түрде спортпен айналысаты анық. Өңірдегі спорт инфрақұрылымын дамыту бойынша Тереңөзек кентіндегі спорт клубы күрделі жөндеуден өтіп жатқандығын бұған дейінде жазған болатынбз. Бұған облыстық қазынадан 88 млн теңге қаралған. Ал көпшілікке белгілі Бесарық ауылындағы спорт кешенінің құрылысы қыркүйек айында аяқталмақ. Сондай-ақ спорттан бөлек, ауданның мәдениет саласында тиісті шаралар атқарылып келеді. Жалпы ауданда халыққа қызмет көрсететін 16 клуб, 17 кітапхана және 1 мәдени-демалыс кешені мен автоклуб бар.<blockquote>– Сырдария ауданында &nbsp;мәдениет пен спорт саласы бір құрылымға біріктіліп, жұмыс жасауда. Халық қалаулысыф ретінде қос саланың дамуына ерекше көңіл бөліп келемін. Мемлекеттік бағдарлама шеңберінде өнер және мәдениет орталықтары ашылып, балалар тегін үйірмемен қамтылуда. Мәселен, «Сұлу-ай» шығармашылық өнер орталығында 26 үйірме, «Аслан» спорт орталығында 5 үйірме &nbsp;балаларға дәріс беруде. Бұл ретте, &nbsp;үйірме бөлмелерін материалдық базамен жасақталды. Сонымен қатар балаларды байқау мен жарыстарға жіберу мақсатында қолдау іс-шаралары жүргізіледі. Негізінен, мәдениет саласын көтеруге &nbsp;мемлекет тарапынан қолдау көрсетіліп келеді. Халық қалаулысы ретінде аудандағы білім, мәдениет, медицина саласы мамандарына ерекше қолдау көрсету керектігін жеткіземін, – дейді аудандық мәслихат депутаты Анар Қалдыбаева.</blockquote>&nbsp;&nbsp;&nbsp;

Сырдарияда 53 білім беру ұйымы жұмыс істейді

<a href="https://kyzylorda-news.kz/">Kyzylorda-news.kz.</a> Серпінді Сырдария ауданымызда серпілісті жұмыстар атқарылып, ауданымыз жаңа кезеңге зор жетістіктермен қадам басып келеді. Аудан орталығының да, ауданға қарасты елдімекендердің де күн санап жаңарып келе жатқаны келешекке деген сенімді молайта түседі.Сырдария ауданында құрылыс және коммуналдық сала бойынша қарқынды жұмыс жүргізіліп, зор нәтижелерге қол жетікізіліп келеді. Биыл мұнда 7,3 миллиард теңгеге 58 жоба жүзеге асырылатын болады. Солардың ішіндегі негізгі жұмыстарға тоқталып өтіп, оқырман назарына ұсынуды жөн санап отырмыз.Халықтың әлеуметтік жағынан осал топтарына 80 тұрғын үй сатып алу жоспарланса, қазір 50 тұрғын үйге 480 миллион теңге бөлініп отыр.Оның ішінде, бірінші кезекте халыққа қажетті құрылыстарға басымдық беру керек. Бұл бойынша 34 жобаға 1 миллиард теңге бөлініп, 27,6 шақырым жолға асфальт жабындылары төселіп жатыр. Нақтырақ айтсақ,&nbsp;«Ауыл – ел бесігі» жобасы арқылы 488,7 миллион теңгеге 12, облыстық бюджеттен 335,2 миллион теңгеге 19 және келер жылға өтпелі 206,1 миллион теңгеге 3 жобаның жұмысы басталған.Кент келбеті көрікті көшелермен айшықтала түспек. Биыл аудандағы бірқатар көшелер жөндеуден өткізілуде. Түзу, тегіс, кең көшелер ауданымызға сән беріп, үлкен қаладағыдай кейіп беріп тұрғаны байқалады. Одан бұрын, бұл тұрғындар үшін қолайлы жағдай жасауда.Жолдың сапалы болуы көлік жүргізушілеріне ғана емес, жаяу жолаушылар үшін де маңызды. Сол үшін жыл сайын жол жөндеуге мемлекет тарапынан қаржы бөлініп, жұмыс жоспар бойынша жүзеге асуда. Жол салу ісіндегі ерекше жаңалықтың бірі – Айдарлы, Жетікөл, Аманкелді ауылдарын қосатын&nbsp;«Қызылорда-Айдарлы-Тартоғай»&nbsp;автожолы 1,4 миллиард теңгеге,&nbsp;«Шымкент-Самара-Тереңөзек»&nbsp;трассасы 687 миллион теңгеге жөнделуде.Ауданда ауызсу, электрмен қамту, газға қатысты жобаларға басымдық берілген. Атап айтсақ, республикалық және облыстық бюджет есебінен берілген 1,6 миллиард теңге қаржыға Айдарлы, Аманкелді, Жетікөл, Қоғалыкөл елді мекендерінің электр бағаналары мен желілері және электр тоғын тарату трансформаторлары түгелдей ауыстырылады. Демеушілер есебінен Қалжан ахун, Шаған елді мекендерін электрмен жабдықтауға жоба-сметалық құжат әзірленіп, тиісті басқармаға өтінім ұсынылып, қазір Шаған ауылына облыстық бюджеттен 150 миллион теңге бөлінген. Ал Асқар Тоқмағанбетов, Сәкен Сейфуллин елді мекені мен Тереңөзек кентін электрмен жабдықтауға жоба-сметалық құжаттары әзірленіп жатыр.Биыл Шаған және Қоғалыкөл ауылының ауызсу құбырларын жаңартуға 246 миллион теңге қаржы бөлініпті. Сондай-ақ 725,5 миллион теңгеге 4 елді мекеннің 22 көшесіндегі ауызсу құбыры құрылысына жоба-сметалық құжат әзірленіп, тиісті басқармаға бюджеттік өтінім берілген.Ауданда атқарылып жатқан ауқымды әрі маңызды жұмыстың бірі – газдандыру. Бүгінде Тереңөзек кенті&nbsp;«көгілдір отынмен» толық қамтылса, ауылдық округтерде бұл жұмыс кезең-кезеңімен жүргізілмек. Қалжан ахун, Сәкен Сейфуллин, Асқар Тоқмағанбетов және Шаған ауылдарын газдандыруға 2023-2025 жылдарға республикалық бюджеттен қаржыландыруға 3,9 миллиард теңгеге бюджеттік өтінім ұсынылған. Биыл Қалжан ахун ауылына газ тарту үшін республикалық бюджеттен 298 миллион теңге қаржы бөлініпті. Ал Сәкен Сейфуллин және Асқар Тоқмағанбетов ауылында осы жобаны бастауға облыстық бюджеттен 40 миллион теңге қаралыпты. Сондай-ақ, &nbsp;Нағи Ілиясов, Ақжарма елді мекенін&nbsp;«көгілдір отынмен» қамту үшін демеушілер есебінен жоба-сметалық құжаттары әзірленіп, сараптамадан өтті.Бүгінде аталған жұмыстар қарқын алып, Сырдария ауданының көркі қалпына келтіріліп, жаңартыла түсуде. Ағымдағы жұмыстар басшылықтың ұдайы назарында. Тұрмыс жағдайы жақсарған сайын ауданымыз да жасарып келе жатқан іспетті. Тұрғындар қуанышында шек жоқ. Расында да еліміздің өркендеуі осындай шағын аудандардың көркеюінен бастау алмақ.

Сырдарияда 7,3 миллиард теңгеге 58 жоба жүзеге асырылады

<a href="https://kyzylorda-news.kz/ru">Kyzylorda-news.kz.</a> Қазақстанның Еңбек кодексіне енген өзгерістің бірі – 4 күндік жұмыс аптасы. Бұл режимге мекемелер ресми түрде шілдеде көшкенімен, барлық салаға қатысты емес. Еңбек және халықты әлеуметтік қорғау министрлігі жұмыс берушілер 4, 5, 6 күндік еңбек тәртібін апта сайын алмастыра алатынын айтады. Демек, қазақстандықтардың жұмыс сағаттары қысқармайды. Бір жетіде 3 күн демалса, келесісінде соның орнын толтырмақ.Жыл сайын әлем бойынша «ең бақытты» мемлекеттер рейтингі жарияланып тұрады. Елдер халық саулығы, еркіндік деңгейі, әлеуметтік қолдау, табысы мен жомарттығы сияқты бағыттар бойынша бағаланады. Алғашқы 3 орынды үнемі Еуропа елдері алады. Былтыр Финляндия көш бастаған. Ал Батыс елдерінің басым бөлігінде 4 күндік жұмыс аптасы енгізілгенін ескерсек, бақытты болуы да содан шығар? Сонымен, өзге жұрт мұндай тәжірибені не үшін енгізген? Қалай жүзеге асып жатыр? Аптасына 5-6 күн жұмыс істегеннен гөрі 3 күн жақсылап демалған неге тиімді?Әлемде 4 күндік жұмыс аптасына көптеген елдер әлдеқашан көшіп үлгерген. Мәселен, Ұлыбритания мен Жапониядағы бірқатар кәсіпорын осы кестемен жұмыс істеген соң табысы 40 пайызға дейін өскен. Онымен қоса жарық пен жылудың бағасы үнемделген. Бельгия еңбек нарығына реформа енгізіп, жарты жыл бұрын ғана 4 күндік жұмыс аптасына өткен. Бірақ біздегідей 40 сағат еңбек етуі қажет. Бұл елде мектептер мен балабақшада жұмыс істейтін ұстаздар, тәрбиешілер аптасына 3 күн демалады екен. Олардың шығармашылықпен айналысып, өздерін дамытуға көңіл бөлуіне осындай мүмкіндік жасалған. Алайда бұл жағы ата-аналарға қиындау соғатын көрінеді. Өйткені, қосымша үйірмеге баратын балаларын тасымалдауда мәселе туындайды. Ал Америкадағы көптеген компаниялар пандемиядан кейін онлайн жұмысқа көшкен. Қызметкерлер екі күн офиске келіп, қалған күні үйде отырып қызмет етеді. Бұдан бөлек олар жалақыны сағатына есептейді.Еңбек уақыты әдетте сағатпен есептеледі. Ол әр елде әртүрлі. Жыл бойы ең көп жұмыс істейтіндер Мексика, Коста-Рика, Оңтүстік Корея, Ресейде тұрады екен. Бұл тізімге Қазақстанды да қосуға болар. Себебі біздің елде аптасына 5 күн немесе 40 сағат жұмыс істейтіндердің жылдық қызмет уақыты 1 968 сағат. Бір қызығы, Еуропаның ең дамыған мемлекеттері екі қолға бір күректі ең аз алатындардың қатарында. Мәселен, Германияда азаматтар орта есеппен &nbsp;1 363 сағат, Данияда &nbsp;1 392 сағат және Норвегияда 1 416 сағат еңбек етеді. Егер неміс еліндегі жалпы жылдық сағатты 49-50 аптаға бөлсек, бұл елдің азаматтары аптасына бар болғаны 26-27 сағат қызметте жүреді. Осыған қарамастан Еуропа экономикасын алға сүйреуші ел саналады.Жалпы, тиімділікті арттыруға бағытталған инновациялар аз емес. Мысалы, Германияның «Rheingans Digital Enabler» компаниясы қызметкерлеріне 5 күнде 5 сағат маңдай терін төгуге рұқсат берген. Таңғы 8-ден түскі 1-ге дейін. Бірақ біраз шектеу бар. Барлық әлеуметтік желі блокталып, азаматтар смартфондарын арнайы жерге өткізеді. Жиналыс 15 минуттан аспайды, бос әңгімеге тыйым салынған. Нәтижесі жаман &nbsp;емес екен. Компания қажетті көрсеткішке жетіп, пайдасы арта бастаған.Бұл тақырып елімізде екі жылдан бері қызу талқыланғаны белгілі. Енді кейбір мекемелер 4 күндік жұмыс аптасына көшеді. Бірақ жұмыс күні қысқарғанымен, жұмыс сағаты қысқармайды. Айына белгіленген 40 сағаттық норманы бәрібір орындауыңызға тура келеді. Мәселен, бір аптада 4 күн жұмыс істесеңіз, келесі аптада 6 күн еңбек етесіз. Мұндай жұмыс кестесі жұмыс беруші мен қызметкердің арасында жасалады. Сарапшылар мұндай жұмыс аптасына көшу ел экономикасына пайдалы екенін, жұмыс берушілердің коммуналдық шығынының азаятынын да айтады. Ал қызметкерлердің ойы тынық, еңбек өнімділігі жоғарылайтынын көрсеткен. Экономикалық өсімге де әсері бар. Айталық демалыс күндерінде базарға, сауда, ойын-сауық орталықтарына барып әдеттегіден көбірек қаражат жұмсайды. Ол ақша айналымына әсер етеді.ҚР Мемлекеттік қызмет істері агенттігі &nbsp;облыс бойынша департаментінің басшысы, Әдеп жөніндегі кеңес төрағасы Ерлеген Мендалиев 4 күндік жұмыс аптасы жайлы ұсынысты өткен жылдың басында &nbsp;бергенін айтады.<blockquote>– Сенесіз бе, сенбейсіз бе, бірақ осы ұсынысты ең әуелі мен берген едім. Мұны өзім ойлап тапқаным жоқ, әлемдік тәжірибеде бар. Еуропа елдерінде, айталық, Франция, Швецияда осы кестемен жұмыс істейді. Бұл ұсынысым қабылданды. Бірақ нормативтері өзгерген секілді. Менің берген ұсынысымда басқаша-тұғын. Мәселен, бір аптада қызметкер 4 күн жұмыс істеп, келер аптада оның орнын толтыру керек. Бұл менің көзқарасымда тиімсіз тәсіл секілді. Егер тұрақты 4 күнді енгізсе, жақсы болар еді. Біз мемлекеттік қызметшілер арасында да сауалнамалар жүргіздік. Сіз 5 күнде істейтін жұмысты 4 күн ішінде игере алсаңыз, онда &nbsp;сол &nbsp;4 күндік аптаны неге тұрақты түрде енгізбейміз? Бұған біз дәл қазір болмаса да түбінде келеміз деп ойлаймын. Өйткені, бұл әлемдік деңгейде зерттеліп жатыр. Алайда барлық салаға қатысты болмауы мүмкін, жұмыс ерекшеліктері ескеріледі. Қашықтан жұмыс істеу деп жатырмыз ғой. Бірақ қашықтан жұмыс істеуге кете алмайтын мемлекеттік органдар бар. Өйткені әрбір мемлекеттік органның базасы болады. Оны үйге апарып орната алмайсыз. Мемлекеттік құпия немесе интеграцияланған базалар болуы мүмкін. Сондықтан ондай қызметкерлердің жұмыс кестесін әрбір мемлекеттік орган өздері ерекшелеп отырады. Көп адамдардың түсінбейтін тұсы – еңбекақыға әсері бола ма, болмай ма? Мұндай жұмыс кестесі сіздің еңбекақыңызға әсер етпейді. Егер оған әсер ететін болса, ұсыныс қабылданбас еді, оған ешкім де келіспес еді. Болашақта жан-жақты зерделеп, бәлкім қосымша ұсыныстар да беріп қалармыз, &nbsp;– дейді ол.</blockquote>Ал заңда қалай көрсетілген? Облыстық бақылау жөніндегі басқармасының берген мәліметі бойынша &nbsp;2023 жылғы 20 сәуірден бастап «Қазақстан Республикасының кейбір заңнамалық актілеріне әлеуметтік қамсыздандыру мәселелері бойынша өзгерістер мен толықтырулар енгізу туралы» заңына сәйкес 2023 жылғы 1 шілдеден бастап Еңбек кодексінің 71-бабының 3-тармағы «Тараптардың келісімі бойынша еңбек шартында бес күндік немесе алты күндік жұмыс аптасымен кезектесу құқығымен төрт күндік жұмыс аптасын белгілеуге жол беріледі» деген екінші бөлікпен толықтырылды. Бұл ретте, жұмыс беруші мен жұмыскердің келісімі бойынша төрт күндік жұмыс аптасын бес күндік немесе алты күндік жұмыс аптасымен кезектесе отырып белгіленетіндігі &nbsp;еңбек шартында айқындалуы талап етіледі. Себебі, жұмыс беруші жұмыскерді еңбек заңнамасындағы (Еңбек кодесінің 68-бабы 1-тармағы) жұмыс уақытының қалыпты жұмыс аптасымен қоса бес күндік немесе алты күндік жұмыс аптасымен &nbsp;ұзақтығы аптасына 40 сағат нормасымен қамтамасыз ету үшін төрт күндік кезектесу жолымен жүргізіледі.Мұндай жұмыс кестесіне пікір білдірген заңгер, журналист Зәуре Өксімбаева: «Қызметкер отбасына, бала-шағасына көбірек көңіл бөледі. &nbsp;Бұл кейбір мамандықтарға сәйкес келмейтін секілді. Мысалы, дәрігер, құқық қорғау органдары 4 күн жұмыс істейтін болса елде науқас адамдардың жағдайы одан сайын төмендеп, тәртіпсіздік орын алады. Ал мұғалімдер демалса онда миы тынығып, студенттер де өздерін дамытуға көңіл бөлер еді. Бұл тәжірибені бізге ерте енгізіп жатқан секілді. Әлі де жетілдіріп, жан-жақты зерделеген дұрыс. Экономикасы дамыған озық елдерге бұл тиімді болады. Өйткені оларда еңбекақы жоғары» дейді.Қалай десек те, 4 күндік жұмыс аптасының қаншалықты тиімді немесе тиімсіз тұсын өмірдің өзі дәлелдеп беретіні анық. Оған төреші – уақыт. Сондықтан &nbsp;енді ғана қолға алынған жаңа жұмыс режимі жайлы біржақты пікір айтудан аулақпыз. Оны оқырманның өз пайымына қалдырайық. Сіз аптасына қанша күн жұмыс істер едіңіз немесе осындай жұмыс кестесіне көзқарасыңыз қандай? Ой-пікіріңізді күтеміз, құрметті оқырман! &nbsp;

4 күндік жұмыс аптасы тиімді ме?

<a href="https://kyzylorda-news.kz/">Kyzylorda-news.kz.</a>&nbsp; Сырдария ауданында 3378 шағын және орта кәсіпкерлік субъектісі &nbsp;тіркелген болса, оның ішінде жұмыс істеп тұрғаны – 3247, яғни, 96,1 пайызды құрап отыр. Жыл басынан бері осы салада мемлекеттік және өңірлік бағдарламалар арқылы құны 1,2 млрд теңгені құрайтын 133 жобаға қаржылай қолдау көрсетілгені белгіді. Ал &nbsp;36 адам қайтарымсыз грант ұтып, жаңа кәсіп бастау үстінде. Сонымен қатар «ҚазАгроҚаржы» АҚ Қызылорда филиалы арқылы 520,5 млн теңгеге 15 ауыл шаруашылық техникасы және құрал-жабдықтар алынғанын сала мамандары қуана айтты.Айта кету керек, бағдарламалар қатарында «Микробизнес-Қызылорда», «Кең дала», «Агробизнес», «Іскер» және «2021-2025 жылдарға арналған кәсіпкерлікті дамыту жөніндегі ұлттық жоба» &nbsp;тұрғындар игілігіне жарап тұр.Ал жыл соңына дейін құны 1,9 млрд теңгені құрайтын 10 инвестициялық жобаны жүзеге асыру бойынша жұмыс басталды. Жеңілдетілген несие алу үшін 2,7 млрд теңге болатын 395 жобаның құжаттары қаржы ұйымдарының қарауына ұсынылған болатын.Мемлекет басшысы Қасым-Жомарт Тоқаевтың тапсырмасына сәйкес ауылдық жерлердегі халық табысын арттыру үшін «Ауыл аманаты» бағдарламасы іске қосылған еді. Аталған бағдарлама бойынша ақпараттандыру жұмыстары жүйелі жүргізіліп, құны 2,3 млрд теңгені құрайтын 346 жоба дайындалғаны бізге мәлім.&nbsp;<blockquote>– Сырдария ауданында жұмысыздық деңгейін азайту мақсатында жеке кәсіпкерлік айналысуға көпшілікті тарту жүргізілуде. Шын мәнінде, көпшілік мал шаруашылығына бейім екенін байқатуда. Қайтарымсыз грант алған жандардың көбісі мал шаруашылығы бғытында. Өз кезегінде жергілікті тұрғындарды инновациялық кәсіп түрлерін ашуға шақырамыз. Сұранысқа ие, аудхан көлемінде ашылмаған кәсіпті игеру – маңызды рөл ойнайды. Сондықтан бизнес жоспар жасаған уақытта кәсіпкерліктің тетіктерін жан-жақты саралау керек. Біздің ауданымыз аграрлық саланы дамытуға көңңіл бөледі. Өз кезегінде жастарды бизнеске тарту, кәсібін кеңеткісі келетін жандарға қолдау көрсету – күн тәртібінен түспейді. &nbsp;Жалпы, аудандық кәсіпкерлік, өнеркәсіп және туризм бөлімінің мамандары кәсіпкерлерге бағыт-бағдар көрсете бермек. Жақында аудандық жастар ресурстық орталығының мамандарымен бірлесіп, ауыл жастарына кәсіп ашуды, мемлекеттік бағдарлармалардың тиімділігі түсіндірме жұмыстарын жүргіздік, – &nbsp;аудандық кәсіпкерлік, өнеркәсіп және туризм бөлімінің басшысы Алмат Сәдуақасов.</blockquote>&nbsp;

Сырдарияда 36 адам қайтарымсыз грант алды

<a href="https://kyzylorda-news.kz/">Kyzylorda-news.kz.</a> Ақтау қаласындағы Ш.Есенов атындағы Каспий технологиялар және инжиниринг университетінде ҚР ЖОО студенттері арасындағы республикалық ХІІ жазғы универсиадаға қатысқан Қорқыт ата атындағы Қызылорда университетінің спортшыларымен кездесу өтті.Жиында Қорқыт ата атындағы Қызылорда университетінің Басқарма Төрағасы – Ректоры Бейбіткүл Кәрімова спортшыларды жеңісімен құттықтап, университет абыройын арттырғаны үшін алғысын білдірді.«Универсиадаға білім ордасынан 120 студент қатысып, 16 спорт түрінен сынға түскен болатын. Спортшыларымыз 7 алтын, 8 күміс, 22 қола медальді еншіледі. Баршаңызды жеңістеріңізбен шын жүректен құттықтаймын! Намысты қолдан бермей, білім ордасының дәрежесін көтурде қосқан үлестеріңіз үшін алғыс білдіремін», - деді Бейбіткүл Сәрсемханқызы.Жеңімпаздар өз кезегінде университет басшылығы мен тәлімгерлерге қолдау мен зор сенім артқаны үшін ризашылықтарын жеткізіп, оқу ордасына алып келген кубоктарын табыстады.Айта кетейік, ХІІ жазғы универсиада ойындарында бірінші орын алған спортшылар 28 шілде мен 8 тамыз аралығында Қытайдың Чэнду қаласына өтетін дүниежүзілік универсиадаға жолдама алды. Халықаралық додада дзюдо спорт түрінен еліміздің намысын қорғайтын 3 студентіміз Айғали Қалдыбек, Шынар Абатова және Дина Мұханбетке сәттілік тілейміз!<figure class="image"><img src="https://knadmin.beoblood.kz/uploads/358367912_787446853124849_91360570031763415_n_7108ec9ed0.jpg" alt="358367912_787446853124849_91360570031763415_n.jpg"></figure>

ХІІ жазғы универсиада қатысушыларымен кездесу өтті

<a href="https://kyzylorda-news.kz/">Kyzylorda-news.kz.</a> Бүгін облыс әкімі Нұрлыбек Нәлібаевтың төрағалығымен сыбайлас жемқорлыққа қарсы іс-қимыл мәселелері жөніндегі комиссияның кезекті отырысы өтті.Отырыста облыстық ауыл шаруашылығы және жер қатынастары басқармасының басшысы Т.Дүйсебаев субсидиялау мен инвестициялаудағы, жайылымдар мен шабындықтарды дамытудағы, жер бөлудегі сыбайлас жемқорлық тәуекелдері туралы баяндады.Мемлекет аграрлық саланы қолдауға жыл сайын қомақты қаржы бөліп келеді. Аймақ басшысы қаржының мақсатты жұмсалуы мен жер учаскелерін табыстауда сыбайлас жемқорлықты болдырмау үшін жұмыс қарқынын әлі де күшейту керектігін айтты.Саладағы жіті мән беретін мәселе – шаруашылықтар пайдаланатын тыңайтқыштар құнын субсидиялау. Жаңа қолданыстағы субсидиялаудың мемлекеттік ақпараттық жүйесіне сәйкес шаруа қожалықтары тыңайтқыш нормасын көрсететін мәліметті дербес өздері енгізеді. Кейбір субсидия алушылар жүйеге мәлімет енгізгенде қателіктерге жол беріп, артық қаржы төлену тәуекелін туындатады. Жүйедегі кемшін тұстардың салдарынан мемлекеттік қызметші жауапқа тартылуы ықтимал. Сондықтан басқарма басшысына саладағы сыбайлас жемқорлық құқық бұзушылықтарын анықтау және тәуекелдерді болдырмау үшін қажетті шаралар қабылдау тапсырылды. Анықталған құқықбұзушылықтарды қалпына келтіру, алдын алу және жою бойынша департаментпен бірлесіп бекітілген іс-шаралардың уақытылы орындалуын қамтамасыз ету керек.Күн тәртібіндегі екінші мәселе бойынша облыстық денсаулық сақтау басқармасының басшысы О.Искаков өткен жылы сыбайлас жемқорлыққа қарсы атқарылған жұмыстар мен медициналық-әлеуметтік сараптама жүргізу саласына жүргізілген талдаулар туралы баяндады.Өз кезегінде, аймақ басшысы әлеуметтік желідегі сыни пікірлердің көбісі дәрігерлердің қызметіне байланысты екенін атап өтіп, саладағы кемшіліктерге баса назар аударуды қатаң тапсырды.«Денсаулық сақтау саласында халық ықыласына бөленген білікті дәрігерлер аз емес. Алайда, қоғамда «ақша бермесең, дәрігер қарамайды» деген пікірлер де бар. Ем іздеп келген науқастардың жақындары «дәрігерлер оң көзімен қарасын» деген ниетпен, түрлі жолмен алғысын жеткізетінін жоққа шығара алмаймыз. Қоғамда қалыптасып қалған біржақты пікірлерді жоюға бар күш-жігеріңізді жұмсап, халық үніне құлақ аса отырып, дәрігерлер мен тұрғындар арасында дәнекер болуыңыз қажет. Бұл бағытта сындарлы диалог орнатудың тиімді тетіктерін қарастырып, жаңадан ұсыныс енгізіңіз», – деді Нұрлыбек Машбекұлы.Мұнан бөлек, облыс әкімі жауапты басшыларға денсаулық сақтау және білім салаларында анықталған жалған ақпарат беру арқылы мемлекет қаржысын жымқыру фактілері бойынша шұғыл шара қабылдауды міндеттеді.Балабақшаларға қаражат бөлуде көлеңкелі әрекеттерге жол берілген. Нақты тізімде жоқ «ауадағы» балалар үшін қаржы аударылған. Жеке балабақшалар балалар тасымалын ұйымдастыруда қауіпсіздік ережелерін өрескел бұзып, зерделеу тобы мүшелеріне, тіпті полиция қызметкерлеріне бағынбау деректері орын алды.Кейбір кәсіпкерлер балабақша тіркелген мекен-жайдағы ғимаратты тұрғын үй есебінде пайдаланса, кейбіреуі азық-түлік дүкенін ашқан. Балабақша ғимаратының бір бөлігіне АРТ спорт үйірмелерін ұйымдастырып келгендер де бар.Аймақ басшысы саладағы құқықбұзушылықтарды қалпына келтірумен тек білім басқармасы емес, құқық қорғау және басқа да құзырлы мемлекеттік органдар бірлесіп айналысуы қажет екенін ескертті. Өйткені баланың білімі мен тәрбиесіне бөлінген қаражат кәсіпкердің өз мүддесіне емес, түпкі мақсатына сай жұмсалуы тиіс.

Н.Нәлібаев: Мемлекет қаржысы халық игілігіне бағытталуы қажет

<a href="https://kyzylorda-news.kz/ru">Kyzylorda-news.kz.</a> Қалаға таяу тұрған аудан орталығы – Тереңөзек кентіндеміз. Жерден несібе теруге ұмтылған бұл аудан тұрғындарының арасында төрт түлік өсіріп, атакәсіпті жандандырғандар жоқ емес. Басты дақыл – күріш өсіруде алдыңғы сапта тұрған ауданда облыстағы ірі серіктестіктер шоғырланған.&nbsp;Былтыр берекеге толы табысты жыл болды. Барлық сала бойынша дамудың оң динамикасы қалыптасып, нәтижелі жұмыс атқарылды.&nbsp; Әсіресе, ауыл шаруашылығы бойынша «Ең үздік аудан» атанып, күріш пен бақша өнімін өндіруде алға шықты.Аудан бюджеті артудаБылтыр аудандық бюджет 13 млрд теңгені құраған еді. Ал биыл алты айдағы қаржысы 10,7 млрд теңгеге жеткен. Былтырғы бюджеттің 73 пайызы білім саласына бағытталса, биылғы қаржының 23,5 пайызы әлеуметтік сала мен тұрғын үй және коммуналдық шаруашылық, көлік және коммуникацияны дамытуға бөлінген.Аудан экономикасына тікелей ықпал ететін өнеркәсіп саласында оң динамика бар. Өнеркәсіп өндірісі 6,1 есеге ұлғайса, ауыл, орман және балық шаруашылығының жалпы өнім көлемі 1,5 пайызға өсіпті. Инвестиция 2,2, құрылыс жұмыстарының көлемі 3,1 есеге, тұрғын үй тұрғызу 36,9 пайызға артқан.Баптай білсең,&nbsp;жер жомартБылтыр облыста ауыл шаруашылығы саласы бойынша үздік атанып, көш бастаған Сырдария ауданы биыл 35692 гектар жерге егін екті. Басты дақыл күріш – 23500 гектар. Сондай-ақ қалған 12192 гектарға жаздық бидай, жүгері, жоңышқа мен мақсары, картоп, көкөніс, бақша дақылдары егілген. Бұларға әдеттегідей шаруашылық құрылымдарындағы ақ егісті де қосамыз. Қазір ауданда Сыр салысы толық себіліп, суға бастырылған.Өткен жылы барлық ауданда да су тапшылығы шаруаларға қиындық туғызды. Осыған байланысты ауқымды жұмыс атқарылуда. Былтыр Сырдария ауданында бюджеттен 198 млн теңге бөлініп, алты каналдың 56 шақырымнан астамы тазартылған еді. Қосымша 19 су насосы алынды. Соның нәтижесі болар,&nbsp; диқандар жоғары өнім жинады.Биыл да бұл жұмыстар тоқтаған жоқ. Екі каналды тазартуға және 4 су насосын алуға облыстық бюджеттен қаржы бөлінген. Қазір Тереңөзек кентіне екі электрлі, А.Тоқмағанбетов ауылдық округіне екі дизельді насос қондырғысы жеткізілді.Осыдан төрт жыл бұрын Сырдариядағы аудандық жастар ресурстық орталығының бастамасымен жастардың еңбек бригадалары құрылып, өз жұмыстарын бастағанын естігенбіз. Қазір аудан әкімдігінің қолдауымен Шіркейлі, Айдарлы, А.Тоқмағанбетов, Аманкелді, Бесарық, Жетікөл және Қоғалыкөл елді мекендерінде құрылған талаптылар қатарында жұмыссыз, NЕЕТ санатындағы және пробация есебінде тұратындар еңбек етіп жүр.Тұрғындар әлеуметтік маңызы бар картоп, көкөніс, бақша өнімдерімен өзін-өзі қамтамасыз ету үшін былтыр аудан басшылығы 210 гектар қосымша жер ашып берсе, биыл оған 105 гектар қосылып, барлығы 315 гектар жерге бақша егу жоспарланған еді. Қазір 359 гектар жер дайындалып, Тереңөзек кенті мен ауылдық округтер бойынша 1100-ден астам адам егін егуде.Жалпы ауданда әлеуметтік маңызы бар азық-түлік бағасын тұрақтандыру мақсатында жәрмеңке жиі ұйымдастырылып тұрады. Бағасы да базардан 10-15 пайыз төмен. Сондай-ақ биыл «Байқоңыр» әлеуметтік кәсіпкерлік корпорациясы арқылы Тереңөзек кентінде екі әлеуметтік дүкен ашылған.Шағын кәсіпкерлік ширап келедіСырдарияда 3378 шағын және орта кәсіпкерлік субъектісі&nbsp; тіркелген болса, оның ішінде жұмыс істеп тұрғаны – 3247, яғни, 96,1 пайызды құрайды. Жыл басынан бері осы салада мемлекеттік және өңірлік бағдарламалар арқылы құны 1,2 млрд теңгені құрайтын 133 жобаға қаржылай қолдау көрсетілген, 36 адам қайтарымсыз грант ұтыпты. Сондай-ақ «ҚазАгроҚаржы» АҚ Қызылорда филиалы арқылы 520,5 млн теңгеге 15 ауылшаруашылық техникасы және құрал-жабдықтар алынған.Айта кету керек, бағдарламалар қатарында «Микробизнес-Қызылорда», «Кең дала», «Агробизнес», «Іскер» және «2021-2025 жылдарға арналған кәсіпкерлікті дамыту жөніндегі ұлттық жоба» бар.Ал жыл соңына дейін құны 1,9 млрд теңгені құрайтын 10 инвестициялық жобаны жүзеге асыру бойынша жұмыс басталды. Жеңілдетілген несие алу үшін 2,7 млрд теңге болатын 395 жобаның құжаттары қаржы ұйымдарының қарауына ұсынылған.Мемлекет басшысы Қасым-Жомарт Тоқаевтың тапсырмасына сәйкес ауылдық жерлердегі халық табысын арттыру үшін «Ауыл аманаты» бағдарламасы іске қосылған еді. Аталған бағдарлама бойынша ақпараттандыру жұмыстары жүйелі жүргізіліп, құны 2,3 млрд теңгені құрайтын 346 жоба дайындалыпты.Инфрақұрылымның игілігіСырдарияда құрылыс және коммуналдық сала бойынша қарқынды жұмыс бар. Биыл мұнда 7,3 млрд теңгеге 58 жоба жүзеге асырылатын болады. Негізгі жұмыстарға тоқталсақ.Халықтың әлеуметтік жағынан осал топтарына 80 тұрғын үй сатып алу жоспарланса, қазір 50 тұрғын үйге 480 млн теңге бөлініп отыр.бірінші кезекте халыққа қажетті құрылыстарға басымдық беру керек. Мұнда 34 жобаға 1 млрд теңге бөлініп, 27,6 шақырым жолға асфальт жабындылары төселіп жатыр. Нақтырақ айтсақ, «Ауыл – ел бесігі» жобасы арқылы 488,7 млн теңгеге 12, облыстық бюджеттен 335,2 млн теңгеге 19 және келер жылға өтпелі 206,1 млн теңгеге 3 жобаның жұмысы басталған.Жол салу ісіндегі ерекше жаңалықтың бірі – Айдарлы, Жетікөл, Аманкелді ауылдарын қосатын «Қызылорда-Айдарлы-Тартоғай» автожолы 1,4 млрд теңгеге, «Шымкент-Самара-Тереңөзек» трассасы 687 млн теңгеге жөнделуде.Ауданда ауызсу, электрмен қамту, газға қатысты жобаларға басымдық берілген. Атап айтсақ, республикалық және облыстық бюджет есебінен берілген 1,6 млрд теңге қаржыға Айдарлы, Аманкелді, Жетікөл, Қоғалыкөл елді мекендерінің электр бағаналары мен желілері және электр тоғын тарату трансформаторлары түгелдей ауыстырылады. Демеушілер есебінен Қалжан ахун, Шаған елді мекендерін электрмен жабдықтауға жоба-сметалық құжат әзірленіп, тиісті басқармаға өтінім ұсынылып, қазір Шаған ауылына облыстық бюджеттен 150 млн теңге бөлінген. Ал А.Тоқмағанбетов, С.Сейфуллин елді мекені мен Тереңөзек кентін электрмен жабдықтауға жоба-сметалық құжаттары әзірленіп жатыр.Биыл Шаған және Қоғалыкөл ауылының ауызсу құбырларын жаңартуға 246 млн теңге қаржы бөлініпті. Сондай-ақ 725,5 млн теңгеге 4 елді мекеннің 22 көшесіндегі ауызсу құбыры құрылысына жоба-сметалық құжат әзірленіп, тиісті басқармаға бюджеттік өтінім берілген.Маңызды жұмыстың бірі – газдандыру. Бүгінде Тереңөзек кенті «көгілдір отынмен» толық қамтылса, ауылдық округтерде бұл жұмыс кезең-кезеңімен жүргізілмек. Қалжан ахун, С.Сейфуллин, А.Тоқмағанбетов және Шаған ауылдарын газдандыруға 2023-2025 жылдарға республикалық бюджеттен қаржыландыруға 3,9 млрд теңгеге бюджеттік өтінім ұсынылған. Биыл Қалжан ахун ауылына газ тарту үшін республикалық бюджеттен 298 млн теңге қаржы бөлініпті. Ал С.Сейфуллин және А.Тоқмағанбетов ауылында осы жобаны бастауға облыстық бюджеттен 40 млн теңге қаралыпты. Сондай-ақ,&nbsp; Н.Ілиясов, Ақжарма елді мекенін «көгілдір отынмен» қамту үшін демеушілер есебінен жоба-сметалық құжаттары әзірленіп, сараптамадан өтті.Халыққа қажеті – сапалы қызметМемлекет болашағы балаларға берілген сапалы біліммен байланысты. Сырдария ауданында 53 білім беру ұйымы жұмыс істесе, оның ішінде жаратылыстану-математикалық бағытта 5 инновациялық мектеп-лицей бар. Аз қамтылған отбасылардың, 1-4 сыныптың оқушыларына бір мезгіл ыстық тамақ беріледі.Ауданда 110 төсектік аурухана, ауысымына 250 адам қабылдайтын емхана, 10 дәрігерлік амбулатория, 2 фельдшерлік-акушерлік және бір медициналық бекет халыққа қызмет көрсетеді. Биыл облыстық бюджеттен 182 млн теңгеден астам қаржы бөлініп, Іңкәрдария, А.Тоқмағанбетов пен Қалжан ахун ауылындағы фельдшерлік-акушерлік бекет күрделі жөндеуден өтуде. Сонымен қатар, республикалық бюджеттен 405 млн теңгеге Н.Ілиясов&nbsp; ауылында амбулатория құрылысы жүргізілмек.Сырдарияда кейінгі жылдары спортты дамытуға ерекше көңіл бөлініп келеді. 134 спорттық нысан, 541 секция жұмыс істеп, халықтың 38 пайызы жүйелі түрде спортпен айналысады. Өңірдегі спорт инфрақұрылымын дамыту бойынша Тереңөзек кентіндегі спорт клубы күрделі жөндеуден өтіп жатыр. Бұған облыстық қазынадан 88 млн теңге қаралған. Ал көпшілікке белгілі Бесарық ауылындағы спорт кешенінің құрылысы қыркүйек айында аяқталмақ. Сондай-ақ спорттан бөлек, ауданның мәдениет саласында тиісті шаралар атқарылып келеді. Жалпы ауданда халыққа қызмет көрсететін 16 клуб, 17 кітапхана және 1 мәдени-демалыс кешені мен автоклуб бар.&nbsp;

Сырдария: Бірқатар жобалар жүзеге асуда

<a href="https://kyzylorda-news.kz/">Kyzylorda-news.kz.</a> Қызылорда облыстық перинаталдық орталығы мамандары облыстық қан орталығымен бірге «Донор күні» акциясын өткізді.Іс-шара барысында медицина қызметкерлері донор болып, қан тапсырды. Статистикаға сүйенсек, әрбір үшінші адам өмірінде кем дегенде бір рет донорлық қанға мұқтаж деп айтуға болады.Елімізде жыл сайын екі жүз мыңнан астам қазақстандық донор болып жүр, олар бір жылда үш жүз алпыс мың рет қан тапсырады. Басты қойылатын талаптар дене салмағы 50 келіден басталуы керек. Қыздар мен әйелдер үшін циклі аяқталғаннан кейін кем дегенде 5 күн өтуі тиіс. Жүктілік уақытша медициналық босату болып табылады, бала емізушілер де 1 жылға дейін қан өткізе алмайды.&nbsp;Мына көрсеткіштері бар тұлғалар донор бола алмайды: АИТВ-инфекциясы, В және С вирустық гепатиттері, паразитарлық аурулар, жыныстық жолмен берілетін инфекциялар, туберкулез, гормоналды аурулар, жүрек-қан тамырлары аурулары, қатерлі ісік аурулары, органдарын алып тастау, мүгедектік және тағы басқалары.Донорлық қан ауыр оталар, онкологиялық аурулар, қан аурулары, жол көлік апаттары мен төтенше жағдай кезінде жарақат алған науқастардың өмірін сақтауға мүмкіндік береді.

«Донор бол – өмір сыйла» акциясы өтті

<a href="https://kyzylorda-news.kz/">Kyzylorda-news.kz.</a> Бүгін Достық үйінің мәжіліс залында Астананың 25 жылдығына орай «Еңсесі биік – Елорда» тақырыбындағы Қызылорда облыстық ҚХА жанындағы Ғылыми-сарапшылық топтың ұйымдастыруымен дөңгелек үстел өтті. Оған Ғылыми-сарапшылық топтың мүшелері мен «Қоғамдық келісім» КММ қызметкерлері қатысты.Шара модераторы «Қоғамдық келісім» КММ директоры Бақытжан Камалов шараға қатысушыларды мерейлі мерекемен құттықтады.<blockquote>«Елорда – Қазақстанның жаңа тарихы жасалған қала. Жиырма бес жасқа қадам басқан қала тәуелсіздікпен бірге дамуға бағыт алып, батыл қадамдарымен мақсатқа ұмтылудан жалыққан емес. Егемен елімізді ертеңге жетелеген бас қаламыз – бірлік пен берекенің тоғысқан мекені, игіліктің бастау бұлағы іспетті», – деді.</blockquote>Спикерлер «Қоғамдық келісім» КММ директоры Бақытжан Камалов ғылыми-сарапшылық тобының мүшесі, Қорқыт Ата атындағы ҚУ-нің «Құқықтану» кафедрасының доценті, заң ғылымдарының кандидаты Мадина Жүсіпбекова қазақстандық қоғамдағы оңтайлы өзгерістер, тиімді реформалар жөнінде, ғылыми-сарапшылық тобының мүшесі, Қорқыт Ата атындағы ҚУ-нің «Құқықтану» кафедрасының аға оқытушысы, заң ғылымдарының магистрі Қуаныш Жарекеев қазақ елінің ұлт тарихындағы астаналардың қалыптасуы, орналасуы және себептері жөнінде әңгіме қозғады. Ал «Қоғамдық келісім» КММ директорының орынбасары, философия докторы (PHD) Дәулет Омаров Астана – ең алдымен, шексіз мүмкіндіктер мекені және асқақ армандар мен биік мақсаттардың алтын кілті екендігін алға тартты.Пікір алмасудан соң «Қоғамдық келісім» КММ директоры Бақытжан Камалов шараны қорытындылай келе, соңғы он жылдың ішінде әлемге танылған Астана Қазақстанды да әлемге әйгілі етті. Сарыарқа төсінен бой көтерген Астана бүгінде еліміздің мақтанышына, даламыздың көркіне айналып отыр. Қазіргі кезде Астана біздің келешегімізге қатысты маңызды шешімдер қабылдайтын мемлекетіміздің саяси орталығы ғана емес, ұлттық рухымызды ұйытып отырған рухани ордамызға да айналып отыр деп, барша отырысқа қатысқандарға алғысын білдірді.

Қазақстан және Қызылорда облысының жаңалықтары