<a href="https://kyzylorda-news.kz/">Kyzylorda-news.kz.</a> Алдағы күндері республиканың солтүстігі мен шығысында ауа температурасы төмендейді, ал батыста, керісінше, 40 градус аптап ыстық болады.Синоптиктердің болжамынша, Қазақстанның басым бөлігінде атмосфералық ағымдардың әсерінен өткінші жаңбыр жауып, найзағай ойнайды.14 маусымда елдің оңтүстік-шығысында қатты жаңбыр, бұршақ, оңтүстігінде және оңтүстік-батысында шаңды дауыл күтілуде.Солтүстік және шығыс аймақтарда температура климаттық бағытына оралды, тіпті ауа температурасы түнде +5+15°C дейін, күндіз +17+25 дейін төмендейді деп болжанып отыр.Еліміздің батысында 13-14 маусым аралығында күндіз аптап ыстық болады – сынап бағанасы +40+41°C дейін көтеріледі.

Алдағы күндері 40°C ыстық болады

<a href="https://kyzylorda-news.kz/">Kyzylorda-news.kz.</a> Экология және табиғи ресурстар министрі Зүлфия Сүлейменова келесі айдан бастап «Семей орманы» резерваты орманшыларының жалақысы өседі деп уәде берді. Бұл туралы <a href="https://24.kz/ru/news/social/item/604677-rabotnikam-semej-ormany-s-1-iyulya-povysyat-zarplatu">24.kz</a> хабарлады.Министрдің айтуынша, ведомствоның жоспарында жалпы орман шаруашылығы саласын қаржыландыруды біртіндеп ұлғайту көзделген. Экология министрлігінің басшысы төрт жыл ішінде арнайы техника паркі жаңартылып, өртті ерте анықтау жүйелері орнатылатынын атап өтті.<blockquote>«Үкіметте орман шаруашылығын материалдық қамтамасыз ету мәселесі көтерілді. Біз орманшылардың барлық қажеттіліктері бойынша жағдайды талдап, қосымша қаржы сұрайтын боламыз», - деді Сүлейменова.</blockquote>

1 шілдеден бастап «Семей орманы» қызметкерлерінің жалақысы өседі

<a href="https://kyzylorda-news.kz/">Kyzylorda-news.kz.</a> «Таза су айдындары» табиғат қорғау акциясының қорытындысымен облыстағы Сырдария өзенінде 12 дана көне ау құралы мен жағалау аймақтарынан 1,5 тоннаға жуық әртүрлі тұрмыстық қалдық шығарылып, өзен маңы тазаланды. Аталмыш акцияға төтенше жағдайлар департаментінің қызметкерлері, орман және жануарлар дүниесін қорғау мекемесі, &nbsp;«Халықаралық Аралды құтқару» қоры және еріктілер жұмылдырылды. Бұл туралы Өңірлік коммуникациялар қызметінде өткен брифингте Арал-Сырдария облысаралық балық шаруашылығы инспекциясы басшысының орынбасары Жанқожа Сапаров хабарлады.<blockquote>«Жыл сайын наурыз және мамыр айларында республика көлемінде «Таза су айдындары» табиғат қорғау акциясы ұйымдастырылады. Бұл акцияның негізгі мақсаты - &nbsp;су айдындарына негізсіз тасталған балық аулау құралдары мен жағалау аумақтарына жиналған қоқыстарды тазарту болып табылады. Жалпы тазалық жұмыстарына 587 табиғат жанашыры белсенді түрде қатысып, шағын көлемдегі 8 жүзу құралы жұмылдырылды. Осы акция барысында &nbsp;19 тоннадан аса тұрмыстық қалдық шығарылды. Бұдан бөлек, су маржандарының көбею мерзімінде «Уылдырық» табиғат қорғау акциясы да ұйымдастырылған болатын. Осы акция барысында 67 балық қорғау заңнамасының бұзу дерегі анықталып, тиісті шаралар қабылданды. Сонымен қатар Үлкен Арал теңізінде 31 шілдеге дейін, ал Кіші Арал теңізінде 21 маусымға дейін балық аулауға тыйым салынды. Ережеге бағынбаған азаматтар заң бойынша жауап тартылатынын ескертеміз, - деді Жанқожа Рамбердіұлы.&nbsp;</blockquote>Жалпы облыс бойынша жергілікті маңызы бар 201 су айдыны тіркелген &nbsp;болса, оның 177 су айдыны балық шаруашылығының 143 субъектісіне бекітілген. Осыған сәйкес, жыл басынан бері 250 тонна су маржаны өсірілді.

Жанқожа Сапаров: Жағалау аумағынан 1,5 тоннаға жуық қоқыс шығарылды

<a href="https://kyzylorda-news.kz/">Kyzylorda-news.kz.</a> Қазалыда сенбі күні теміржол вокзал маңындағы саябақ жанында ауыл шаруашылығы өнімдерінің жәрмеңкесі өтті. Бұндай шара Әйтеке би кентінде үнемі ұйымдастырылады. Халықтың қамы үшін жасалған игілікті істен тұрғындар қапы қалмас үшін алдын ала әлеуметтік желі арқылы хабарландырулар беріліп, жан-жақты құлақтандырылады.&nbsp;Мұнда жергілікті кәсіркерлер барлығы бес көлікпен он бес тонна өнім әкелді. Оның ішінде ұн, өсімдік май, макарон, картоп, жуа, қырыққабат, алма, қара өрік, қияр, қауын және өзге де өнімдер төмендетілген бағада сатылды.Ұйымдастырушылардың сөзінше, жәрмеңкеге шығарылған заттар базар бағаларымен салыстырғанда бірнеше пайызға арзанға ұсынылған.&nbsp;<blockquote>«Жәрмеңке өтеді деген хабарды ести салысымен қаржымды ыңғайлап, сенбіні күттім. Келіп, күнделікті қажетті көкөністер мен тағамдық өнімдерді алып алдық. Жеміс-жидектерде нарықтан төмен бағада ұсынылды. Бұлда халыққа жасалған көмектің бірі. Жәрмеңкеде адам қарасы қалың болды. Көпшілігінің жүзінен, сөзінен ризашылық байқалады. Осындай игі істер алдағы уақытта жалғасын таба берсе нұр үстіне нұр болары сөзсіз», – дейді Әйтеке би кентінің тұрғыны Айсәуле Ұзақбай.</blockquote>Расында да жәрмеңкеге жиналғандар қос қолдарына көтергенінше өнім алғандары байқалады. Тіпті көлікке тиеп, көптеп алып жатқандарды да көзіміз шалды.

Қазалыда жергілікті өнімдердің жәрмеңкесі өтті

<a href="https://kyzylorda-news.kz/">Kyzylorda-news.kz.</a>&nbsp;Қызылорда облысында ірі мөлшерде есірткі еккен төрт тұрғынның ұсталған сәті видеоға түсіп қалды.«Қарасора - 2023» жедел - профилактикалық іс-шарасы аясында Қызылорда облысы Қазалы ауданында прокуратура, аудандық әкімдік және &nbsp;полиция бөлімінің қызметкерлерімен бірлесіп жүргізген жұмыстар нәтижесінде &nbsp;1086 &nbsp;(бір мың сексен алты) түп сора өсімдігін еккен қала тұрғындары ұсталды.&nbsp;28-50 жастағы жұмыссыз төрт қала тұрғыны Қызылорда облысы, Қазалы ауданына қарасты Қызылқұм ауылының 265 шақырым жердегі шеңгел мен сексеуіл арасында &nbsp;сора өсімдігін &nbsp; өсірген. &nbsp;Айта кетерлік жайт, &nbsp;арнайы баптап өсірілген сораның ұзындығы &nbsp; 20 см - &nbsp;ге жеткен.&nbsp;Полицейлер оқиға орнынан ірі есірткі алқабынан бөлек арнайы кептірілген марихуана, күдіктілердің жеке заттарын, сексеуіл бұталарынан жасалған екі қос, азық-түлік, сора өсіруге арналған арнайы жабдықтар 20 метрлік шланга, күрек, кетпен, тырма, газ баллонын тәркіледі. Есірткі алқаптан бөлек алынған арнайы «кептірілген марихуана» 723 грамм көлемінде болып шықты.Күдіктілер Қазалы аудандық полиция бөлімінің уақытша ұстау изоляторына &nbsp;қамаққа алынды. &nbsp;&nbsp;Бұл дерек бойынша ҚР Қылмыстық кодексінің 300-бабының 2-бөлігімен (Ірі мөлшерде құрамында есірткі заттар бар, өсіруге тыйым салынған өсімдіктерді заңсыз егіп-өсіру) сотқа дейінгі тергеп-тексеру әрекеттері жүргізілуде. &nbsp;<figure class="media"><div data-oembed-url="https://www.youtube.com/watch?v=LJpOEmPUF20"><div style="position: relative; padding-bottom: 100%; height: 0; padding-bottom: 56.2493%;"><iframe src="https://www.youtube.com/embed/LJpOEmPUF20" style="position: absolute; width: 100%; height: 100%; top: 0; left: 0;" frameborder="0" allow="autoplay; encrypted-media" allowfullscreen=""></iframe></div></div></figure>

Қазалыда ірі мөлшерде есірткі еккен тұрғындар ұсталды (ВИДЕО)

<a href="https://kyzylorda-news.kz/">Kyzylorda-news.kz.</a>&nbsp;&nbsp; Талай жыл ауданның әлеуметтік саласына еңбегі сіңген &nbsp;ардақты ардагер, &nbsp;«ҚР Әлеуметтік-еңбек саласының үздігі» төсбелгісінің иегері Жамиға Іздібаева «ҚР еңбек сіңірген қызметкері» &nbsp;медалімен марапатталды.&nbsp;Негізінен, өз ісінің майталманы Жамиға Іздібаева әлеуметтік салада ұзақ жылдар бойы жемісті еңбек ете білді. Қажыр-қайратының арқасында ол – өзі қалаған мамандықтың жұмысын жандандыра білді. Әркез қызмет сапасын жақсартуға күш салып қана қоймай, әрбір адамның әлеуметтік салаға түйткілді дүниелерін шешуге атсалысты.&nbsp;Бұған дейін «Қазақстанның Алтын кітабы» атты жинағына есімі енген Жәмиға Іздібаева Арал ауданында дүниеге келген. Алғашқы еңбек жолын &nbsp;Қазалы ауданындағы &nbsp;колхозаралық құрылыс мекемесінде бастаған. Ал Жамбыл техногиялық институтында «Есеп және экономика» факультетінде дайындық курсынан өткен кейіпкеріміз Жалағаш аудандық «Қызылордаводстрой» ПМК-14 мекемесінде есепші қызметін атқарады. Кейіннен, Тереңөзекке қоныс аударып, ауыл шаруашылығы басқармасында аға экономист, қаржыгер ретінде еңбек етеді.Кейіннен Ж.Іздібаева &nbsp;аудандық еңбек және әлеуметтік қорғау бөлімінің әлеуметтік сақтандыру қорының маманы, тұрғын үй жәрдемақысын тағайындау маманы, &nbsp;аудандық еңбек және халықты әлеуметтік қорғау бөлімінің бас маманы, аудан әкімі аппаратының ұйымдастыру, бақылау және кадр жұмыстары бөлімінің жетекші маманы, әлеуметтік сала бөлімінің аудан әкімдігінің «Халықты жұмыспен қамту орталығы» мекемесінің директоры қызметтерін абыроймен атқарды.&nbsp;<blockquote>Еңселі еңбектің арқасында бірнеше жылдар бойы орасан жетістікке қол жеткізе білдік. Осы жолы «Білім-өркениет» ұлттық инновациялық ғылыми-зерттеу орталығының ұйымдастыруымен «ҚР еңбек сіңірген қызметкері» атты байқауға құжаттарымды тапсырған болатынмын. Нәтижесінде, Астана қаласындағы Ұлттық музейде өткізілген салтанатты іс-шараға қатыстым. Ұлттық музейді аралап, тарихи жәдігерлермен таныстық. Ерекше әсер алдық. Еліміздің түкпір-түкпірінің &nbsp;келген сан саланың ардагерлері бас қосты. Мемлекет басшысы Қасым Жомарт Тоқаевтың «Жаңа Қазақстан: жаңару мен жаңғыру жолы» атты Қазақстан халқына Жолдауын қоғамға кеңінен насихаттау мақсатында конференция өтті. Содан кейін «ҚР еңбек сіңірген қызметкері» атты республикалық байқауына қатысқан жандар арасында жеңімпаз атана білдім. Өз кезегінде «ҚР еңбек сіңірген қызметкері» меделі мен І дәрежелі дипломға ие болдым, – деді Жамиға Іздібаева.&nbsp; &nbsp;</blockquote>

Cырдариялық әлеуметтік сала ардагері жоғарғы марапатқа ие болды

<a href="https://kyzylorda-news.kz/">Kyzylorda-news.kz.</a> Қуыршақ қойылымдары-әр түрлі жастағы балалардың сүйікті ойын-сауығы, олар балаларға жарқын, ұмытылмас әсер береді.Спектакльдерде қуыршақтар сөйлей бастайды және қозғалады, ән айтады және билейді. Бұл өмірге келген қуыршақтар мен олардың сахнадағы шытырман оқиғаларын қуана бақылайтын балаларды баурап алады.Дегенмен, балаларға арналған қуыршақ театры тек ойын – сауық емес, оның тәрбиелік және дамытушылық маңызы зор. Спектакльдерге қатысу баланы рухани құндылықтармен таныстырады және эмоционалды саланы дамытады. Мұнда балалар жақсылықты қалай ажыратуға болатынын және зұлымдық қандай маскалардың астында жасырылатынын түсінуді үйренеді. Қуыршақ кейіпкерлері баланың жан дүниесінде жарқын эмоционалды реакция тудырады, олар достық, жауаптылық, мейірімділік, батылдық, еңбекқорлықтың мысалдарын көрсетеді.Мәселен, "26 маусым – Халықаралық нашақорлыққа қарсы күрес күніне" орайластырылған айлықтың аясында Қызылорда облысы Полиция департаментінің Есірткі қылмысына қарсы іс-қимыл басқармасының қызметкерлері Қармақшы ауданы бойынша білім бөлімімен бірлесіп «Жаман әдеттер туралы ертегі» қуыршақтар спектаклін көрсетті.Ертегі балаларға жаман әдеттер ауыр зардаптарға әкелетінін және олардан аулақ болуды, бейтаныс адамдардан ештеңе қабылдамауды, әрқашан жоқ деп айта білуді, сонымен қатар жақсы достар ешқашан жаман нәрсе жасауды ұсынбайтынын көрсетті!Қуыршақтар спектаклі &nbsp;балаларда үлкен қызығушылық тудырды және өз әсерлерімен бөлісуге мүмкіндік берді. Олар жеке эпизодтарды достары мен ата-аналарына айтып, қандай сезімдер мен эмоцияларда болғандығын жеткізді.Осы театрландырылған қойылымды көру балаларға проблемалық жағдайларда қалай дұрыс әрекет ету керектігін түсінуге мүмкіндік берді. Сахнада болып жатқан оқиғалар көптеген сұрақтарға жауап табуға және ішкі қақтығыстарды шешуге көмектеседі. Балалар өздерін жақсы көретін кейіпкерлермен сәйкестендіреді, олар жеткіншектерге үлгі болады. Ал жағымсыз кейіпкерлер оларға ұқсамауға деген ұмтылысты тудырады.Мұндай іс-шаралар Қызылордалық есірткі күресшілерінің алдағы профилактикалық жұмыстарында да жалғасын табады.

 «Жаман әдеттер туралы ертегі»: Қызылорда оқушыларына қуыршақ спектаклі көрсетілді

<a href="https://kyzylorda-news.kz/">Kyzylorda-news.kz.</a> Мемлекет басшысы Қасым-Жомарт Тоқаев &nbsp;ауыл тұрғындарының әл-ауқатын жақсарту мақсатында «Ауыл аманаты» жобасын іске асыруды тапсырған болатын.Мемлекет басшысының тапсырмасы бойынша әзірленген бағдарламаны іске асырудың маңыздылығы ең алдымен, халықтың табысын арттыруға, сондай-ақ экономиканы әртараптандыру, кәсіпкерлікті дамытумен ұштасқан нәтижелі жұмыспен қамтуға бағытталған. Ауылдар мен шағын қала тұрғындарының табысы мен тұрмыс деңгейін арттыру, жұмыс орындарын құру, өз өнімдерін шығару. Осы орайда, бүгін жұмысшы топ мүшелері: аудандық ауыл шаруашылығы мен жер қатынастары бөлімі басшысының орынбасары Сапарбек Қуатов, аудандық кәсіпкерлік, өнеркәсіп және туризм бөлімінің жетекші маманы А.Қанат «Ауыл аманаты» жобасын халық арасында кеңінен түсіндіру мақсатында, Жалаңтөс батыр ауылында болып қайтты.Жиын барысында ауыл тұрғындары өздерінің сұрақтарын қойып, ұсыныстарын білдірді.<blockquote>«Бұл жоба ауыл тұрғындарына зор мүмкіндік береді. Кәсіп бастау үшін бастысы – қаражат. Міне, осы орайда көмекке келетін жобаның игілігін халық көрсе дейміз. Сондықтан үнемі үздіксіз түсіндірме жұмыстарын егжей-тегжей жүргізудеміз. Жұмыссыздар санын азайтып, аул тұрғындарының әл-ахуалын жақсарту мемлекеттің алға қойған мақсаттарының бірі», – дейді С.Қуатов</blockquote>

«Ауыл аманаты» жобасы ауыл тұрғындарына кеңінен түсіндірілді

<a href="https://kyzylorda-news.kz/">Kyzylorda-news.kz.</a>&nbsp;Қоғам қайраткері, ақын А.Байтұрсынұлы өзінің даналық сөзінде «Білімді болуға оқу керек. Бай болуға кәсіп керек. Күшті болуға бірлік керек. Осы керектердің жолында жұмыс істеу керек» деген. Осыдан қаншама жыл бұрын айтылса да, бұл сөздің әлі сәні кеткен жоқ. Тіпті қазіргі заманның адамдарына арналып айтылғандай. Себебі жаһандану деп жар салып &nbsp;жатқан дәуірде ешкім «екі қолды бос қойдық, алдарыңа ас қойдық» деп отыра алмайды. Әлем көз ілеспес жылдамдықпен дамуда. Сол даму көшіне біз де ілесіп, әр адам жұмыс істеп, жұмысы жоқтар кәсіп ашып, ілгері жылжуға әрекет ету керек. «Жалқаудың жыры бітпес» демекші, не айтса да кежегесі кейін тартып тұратындар «Жұмыс жоқ» деп сылтаурататыны ақиқат. Осындай жағдай орын алмас үшін қазіргі кезде мемлекет тарапынан кәсіп бастаймын деушілер үшін қайтарымсыз грант ұйымдастырылып жатыр.Иә, қайтарымсыз грант беріліп жатыр дегенді естіген жұрт тегін ақша таратылып жатыр деп ойлайды-ау, сірә? Әйтеуір, жұмыссыз болсам болды деп 1 млн теңгені алуға асығып келетіндер де бар. Алайда оның артында үлкен жауапкершілік жатқанын көбісі ұмытып кетеді. Кейде ауыл адамдарының бір-біріне «Грант беріліп жатыр екен, қорадағы сиырыңды айтып, ұтып алмайсың ба? Есесіне 1 млн теңге аласың. Оны кім тексеріп жатыр?» деп айтып жатқанын құлағымыз шалып қалады. Сондықтан газетіміздің бүгінгі санында осы тақырып төңірегінде кеңінен көсілуді жөн санадық.&nbsp;Бүгінде Ұлттық жобаны іске асыруда бұған дейінгі жүзеге асырылған жұмыспен қамтудың мемлекеттік қолдау шараларына біршама өзгеріс енген. Оның бірі Мемлекет басшысы Қасым-Жомарт Кемелұлының төрағалығымен өткен 2022 жылдың 12 қаңтары күні кеңейтілген мәжілісте берілген тапсырмаға сәйкес, жаңа бизнес-идеяларды жүзеге асыруға бағытталған өтеусіз және қайтарымсыз негізде берілетін грант мөлшері 200 АЕК-тен 400 АЕК-ке яғни, 612600 теңгеден 1 225 200 теңгеге ұлғайды. &nbsp;Бұл бағытта «Бастау-Бизнес» кәсіпкерлік негіздеріне оқыту курстарынан өткен сертификаттары бар жұмыссыз, өзін-өзі жұмыспен қамтыған 29 жасқа дейінгі жастар, атаулы әлеуметтік көмек алушы аз қамтылған отбасы мүшелері, көпбалалы отбасылар бойынша жәрдемақы алушы жұмыссыз ата-аналар, қандастар, еңбекке қабілетті мүгедектігі бар адамдар, мүгедек баланы тәрбиелеуші ретінде жәрдемақы алатын тұлғалар қатарынан қатыса алады. 2022 жылы 381 азаматқа 400 АЕК яғни, 1 225 200 теңге мөлшерінде жаңа бизнес-идеяларға мемлекеттік грант беру жоспарланған. &nbsp;Шиелі ауданында да қайтарымсыз грант үлестріру қарқынды жүріп келеді. Аудандық жұмыспен қамту әлеуметтік бағдарламалар және азаматтық хал актілерін тіркеу бөлімінің мәліметінше биыл қайтарымсыз грант үлестірудің І легінде 23, ІІ легінде 118, ІІІ легінде 180, ІҮ легінде 62 адамға қайтарымсыз мемлекеттік грант берілген. Олардың ішінде омарта шаруашылығы, сұлулық салоны, кондитер цехы, шағын наубайхана мен жылқы, мүйізді ірі қара, уақ мал шаруашылығы, тігін шеберханасы сынды бірнеше кәсіп түрі бар. Жалпы өткен 2022 жылы 381 адамға оның ішінде, 183 18 бен 29 жас аралығындағы жастар, &nbsp;21 еңбекке қабілетті мүгедектігі бар адамдар, 114 көп балалы отбасы ретінде жәрдемақы алушылар, 27 мүгедектігі бар балаға қараушылар, 8 асыраушысынан айырылу жағдайы бойынша жәрдемақы алушылар, 28 тұрмысы төмен атаулы әлеуметтік көмек алушы азаматтарға жалпы 466 млн 801 мың теңге қайтарымсыз мемлекеттік гранттар берілді. Грант алған азаматтар мемлекеттік кірістер басқармасына жеке, дара кәсіпкер ретінде тіркелу арқылы өз кәсіптерін ашқан.&nbsp;Оңай олжа орға жығады«Арыстан алыстан ақырса, аттың аяғы шалынады» дегендей қай жерде қомақты қаржы бар десе, сол жерде қоныштан басып, ақша алғысы келетіндер де &nbsp;табылады. Бұл әсіресе қайтарымсыз грантқа тікелей байланысты. «Халық айтса қалып айтпайды» деген өтірік емес. Осы қайтарымсыз грант үлестіреді дегеннен-ақ ел арасында гу-гу әңгіме тарай бастады. Бірі «Бастау бизнестен» сертификат алып беремін десе, енді бірі дайын бизнес жоспар бар деп жан-жаққа жарнама беріп әлек. Мән-жайды білу үшін Қызылорда облысы адвокаттар алқасының мүшесі, Шиелі аудандық заң кеңсесі, адвокат Қанат Жүсіпге хабарласқан болатынбыз. Қайтарымсыз грант үлестіру үшін құрылған комиссия құрамының мүшесі Қ.Жүсіп тек бұл мәселені ғана емес, басқа да келеңсіздікті тілге тиек етті. Яғни, оның айтуынша грант аламын деп келгендердің көбі жаңа идеяларды емес, бұрыңғы кәсіп түрін, нақты айтқанда ата-бабадан мұра болып қалған мал шаруашылығын алға тартып келеді екен. Ал Ұлттық жобаның негізгі мақсаты – жаңа, тың идеяларға қолдау білдіру. Бұдан бөлек, осы уақытқа дейін қайтарымсыз гранттың тістегеннің аузында, ұстағанның қолында кеткені де айтылып қалып жатады. Тұрғындар арасында өзіне тиесілі қаржыны алып, оны мақсатсыз жұмсап, кәсібін аша алмай қалғандары да бар. Ал қазіргі кезде біреуге сертификат дайындатып, я болмаса комиссия мүшесімен келісіп, грант алып беремін деу нағыз алаяқтық десек артық айтқандық емес. Осы орайда Қанат Жүсіп өз ойын былай топшылайды.&nbsp;Көпшілік жұрт әлі де бұрынғы, ескі идеяларды әкелуде. Құрт немесе сүт өнімдерін шығарамын деу – жаңа идея емес. Жаңа идеяға ауданға тың өзгеріс әкелетін, ауданның дамуына үлес қосатын кәсіп түрі жатады. Түптеп келгенде мал шаруашылығы – бұрыннан келе жатқан кәсіп. Жақында өткен комиссия отырысында 270 адам бақ сынады. Бірақ ешқайсысында жаңа бизнес идея жоқ. Бұрынғыша бір сарын, бір мәтінді жобалар. Тіпті кімнің қалай жауап беретініне дейін жаттап алғанбыз. Тағы айта кететін жайт, барлық қатысушының бизнес жоспары бірдей болып &nbsp;тұр. Халықты алдап, оларға бизнес жоспар жасап беріп жүрген заңсыз кәсіпкерлер анықталып жатыр. Соларға әлі хабарлама есебінде жұмыстар жүргізілу керек. Конкурсқа қатысушылар құшақтап келген жоспардың барлығы бірдей болып, тайға таңба басқандай көрініп тұр. Осы жөнінде біз салық комитетіне ұсыныс тастадық. Алдағы уақытта ақшасын мақсатсыз жұмсап я болмаса жалған бизнес жоспар жасаған адамдармен жұмыс істейміз. Егер грантты иеленіп, ақшасы басқа мақсатта жұмсалатын болса, ол талап-арыз бойынша қайта қаралып, өндірілетін болады.&nbsp;Рас, инстаграм әлеуметтік желісін ашсаңыз болды «Бизнес жоспар жасап беремін» я болмаса «Сертификат алып беремін» деген жарнамадан көз сүрінеді. Жарнама берушілермен клиент ретінде сөйлесіп едік сертификат алып берудің бағасы – 15 мың теңге, бизнес жоспар жасаудың құны 30 мың мен 50 мыңның арасында екеніне көз жеткіздік. Бұдан бөлек, комиссия отырысынан өтіп, айың оңыннан туып, грант иегері атансаңыз қосымша үстіндегі 100 мың немесе 200 мың теңгесін беруіңіз тиіс деген әңгіменің жұрт арасында желдей есіп жүргенін кімнен жасырамыз? Енді орташа есеппен есептеп көрейік. Комиссия отырысында кем дегенде 1500 адам бизнес идея қорғайды. Бизнес жоспар жасаудың орташа бағасы 40 мың теңге десек, заңсыз кәсіпкерлер 60 млн теңгені қалтасына басып отыр. Ал егер грантқа үміткердің бизнес жоспары қабылданып, қайтарымсыз қаражатты алса жақсы, алмаса ақшасы желге ұшты деген сөз.Жалпы бизнес жоспар жазу – оңай дүние емес. Сол себепті «Бастау бизнес» ұйымы болашақ кәсіпкерлерді арнайы оқытып, сертификат табыстайды. Сабақ соңында бизнес жоспар жазудың бүге-шүгесі түсіндіріледі. Осылай білім алып, бизнеске қадам басуға ерінетіндер дайын асқа тік қасық болып, сертификатты да, бизнес жоспарды да сатып алуды құп көреді. Ақыр аяғында комиссия отырысына келіп, екі сөздің басын құрай алмай, комиссия мүшелерінің сұрағына жауап бере алмай, тұтылып қалады. Ең сорақысы, қайтарымсыз грантқа ие бола алмай қалса, комиссия мүшелерін кінәлі санап, сан сабалап, айқай-шу шығарады.&nbsp;Көпшілікті алдап, дайын бизнес жоспарды бір емес бірнеше адамға сатып, ауадан ақша жасап отырғандар «Аңқау елге арамза молда» деген сөзді еріксіз еске түсіреді. Олай болмағанда ше?! Сырттан қарағанда «Мен барлығын дайындап беремін, соңында грант иегері атанасың» деген сөз кішкентай балаға кәмпит беріп, алдағанмен тең. Себебі комиссия мүшелері айтқандай сатып алынған бизнес жоспардың саны да, сапасы да, ішіндегі қатесі де бірдей. Оның барлығы соқырға таяқ ұстатқандай көрініп тұрады екен. Тұрғындар арасында «Танысың болса бәрі шешіледі...» деген қауесет бар екені жасырын емес. Тіпті кейбіреулер «Ақшаң болса қалтаңда, талтаңдасаң талдаң да» деген оймен барлығын ақшаға сатып аламын деп ойлайды. Алайда бұлай оңай олжаға ие болу қайтарымсыз грант үлестіруде іске аспайды. Себебі бұрынғыдай емес, қазір барлығы жіті бақыланып, қадағалануда. Сол себепті тұрғындарға да, заңсыз кәсіпкерлерге де айтатынымыз – біреу. Оңай олжа орға жықпасын.

Қайтарымсыз гранттың қайтымы бар

<a href="https://kyzylorda-news.kz/">Kyzylorda-news.kz.</a> Конкурсқа қатысуға еңбектегі, спорттағы, шығармашылық, зияткерлік, ғылыми жетістіктері жоғары отбасылар жіберіледі.1) Қызметі Қазақстан Республикасының аумағында тыйым салынған ұйымдардың құрамына кіретін (кірген) мүшелері бар;2) бұрын сотталған мүшелері бар отбасылар конкурсқа қатыса алмайды.Конкурсқа қатысуға қажетті құжаттар тізімі:1) ата-аналардың (қорғаншылардың, қамқоршылардың) жеке басын куәландыратын құжаттардың көшірмелері, балалардың туу туралы куәліктерінің көшірмелері;2) асырап алушы (қорғаншы) отбасылар үшін – жергілікті уәкілетті органның кәмелетке толмаған балаға қорғаншылықты (қамқоршылықты) белгілеу туралы шешімінен үзінді көшірме;3) неке қию туралы куәліктің көшірмесі (бар болса);4) Ата-аналарының біреуі қайтыс болған жағдайда, қайтыс болу туралы куәліктің көшірмесі- бар болса;5) Балаларды тәрбиеленгені үшін алған көтермелеулердің, белгілі бір жетістіктері үшін алған көтермелеулердің бар екенін куәландыратын құжаттардың көшірмелері;6) балалардың, ата-аналардың (қорғаншылардың, қамқоршылардың) жұмыс (оқу) орнынан анықтамалар және мінездемелер;7) ұсынымдар (әріптестерінің, көршілерінің, достарының);8)отбасы мүшелерінің еңбектегі, спорттағы, шығармашылық, зияткерлік, ғылыми жоғары жетістіктерін куәландыратын құжаттардың көшірмелері.«Мерейлі отбасы - 2023» ұлттық конкурсына құжаттар 2023 жылғы 15 мамыр - 15 маусым аралығында қалалық қоғамдық даму бөлімінде қабылданады.&nbsp;Мекен-жайы: Қызылорда қаласы, Ы.Жақаев көшесі №16 үй (қала әкімдігінің ғимараты), 306 - кабинет, байланыс телефоны: 26-39-54, 27-20-81.

«Мерейлі отбасы - 2023» ұлттық байқауының қалалық кезеңіне құжат қабылдау жалғасуда!

<a href="https://kyzylorda-news.kz/">Kyzylorda-news.kz.</a>&nbsp; Дана халқымызда «Тісі ауырғанның көңілін сұрамайды» деген тәмсіл бар. Иә, адамның тісі дуылдап ауырғанда өзін қоярға жер таппай қалатындай күйде болады. Мұндайда дереу тіс дәрігеріне жетіп баратынымыз рас. Ал тіс ауруы мазаңды қашырып тұрғанда бірден ем-дом шарасын жасай кететін тіс дәрігерлерінен айналып-ақ кетесің. Ауданда олардың қатары жетерлік десек, стоматолог дәрігер Жасұлан Әлжановтың орна бөлек.Бұл салада Жәкеңнің тәжірибелі маман екені шүбәсіз. Өйткені тісі ауырып келген науқастарды емдеп жүргеніне 30 жылға жуық уақыт болған. Осы уақыт аралығында сырдариялықтардың біразы Жасұлан Сәбитұлының алдына келіп, ем қабылдағаны анық.Жәкең – жергілікті жердің азаматы. Әкесі Сәбит Әлжанов – саналы ғұмырын құқық қорғау саласына арнаған қырағы полицей. Бүгінде отставкадағы подполковник. Ал анасы Бекзада Тілеуімбетова – медицина саласының ардагері. Аудандық ауруханада ұзақ жылдар бойына фельдшер-нарколог қызметін атқарған. Халыққа қызмет ете білген отбасында 6 ұл тәрбиеленіп өскен. Ағайындылар Ғабит, Нұрлан, Ерлан, Жасұлан, Ержан және Бауыржан әке мен ана үмітін ақтап, әртүрлі салада жемісті еңбек етуде. Ағайындылардың ішінде Жәкең медицина саласын таңдап, стоматолог дәрігер болған.&nbsp;Мектеп қабырғасынан түлеп ұшқан соң өз арманына қол жеткізу үшін Қарағанды мемлекеттік медициналық институтқа оқуға түскен. Бұл елімізде Азаттықтың арайлы таңы атқан жыл еді. Содан 5 жыл «Стоматология» факультетінде жоғары білім алып, тіс емдеудің түрлі тәсілдерін меңгереді. Орталық Қазақстаннан жоғары білім алып келген жас маман 1996 жылы аудандық емханада стоматолог дәрігер болып еңбек жолын бастайды. Міне, содан бергі уақытта аталған салада тәжірибе жинақтап, білікті маман атанып, аудан халқына қызмет етіп келеді.<blockquote>&nbsp;Тіс күтіміне көңіл бөліп, мұқият тазалап, үнемі назарда ұстаудың бүкіл ағза саулығына әсері зор. Ал, ауыз қуысының тазалығы ас қорыту жүйесінің қалыпты қызметін қамтамасыз етеді. Әрі қардай ақ маржан тіс көркіңе көрік үстеп, ажарыңды аша түседі. Сол себепті де әркім тістің сау болуына ерекше күтім жасағаны дұрыс. Кей адамдардың тіске немқұрайлы қарауы денсаулығына кері әсерін тигізіп жатады. Сондайда біз қажетті емдеу шарасын жасаймыз. Қазір тісті емдеудің жаңа технологиялары қалыптасып үлгірді. Сондықтан уақыт талабына сай біліктілікті жетілдіріп отырамын. Ресей, Франция елінің профессорларымен тәжірибе алмасып, сертификат алдым. Тіс емдеудің жаңа тәсілдері тұрғындарға қолайлы жағдай туғызудың алғышарттары екені белгілі, – дейді тәжірибелі дәрігер.</blockquote>Аудандық емханада Жәкеңе арнайы келетін науқастар жетерлік. Білікті стоматолог оларға тісіне емдеу, жұлу, эндодантия қызметтерін көрсетеді.&nbsp;Жасұлан Сәбитұлымен ұзақ жылдар бірге қызмет етіп келеміз. Өз ісінің білікті маманы. Науқастардың тісін емдеуде кәсібилік танытады. Тісі ауырып келген жанның барлық анатомиялық ерекшеліктеріне сәйкес тіс формасын қалыптастырып, емін толық жүргізеді. Сол арқылы алғысқа бөленіп келеді, – дейді әріптесі Байтабын Рүстемов.Әріптесі айтқандай, сырдариялықтардың алғысына бөленіп келе жатқан стоматолог дәрігер қызмет барысында «Аманат» партиясының, облыстық денсаулық сақтау басқармасының Алғыс хатымен марапатталған.Стоматологтар арасында «Адамның тісі кішкене түтікше секілді. Бір шеті ауыз қуысында тұрса, екінші ұшы жүрекпен жалғасады» деген теңеу бар. Демек, адамға стоматологиялық көмекті дер кезінде көрсетудің маңызы зор. Яғни, тіс ауруының алдын алуға, ауру сипатын дер кезінде анықтауға рентген түсірілімінің маңызы айтпаса да түсінікті. Ол арқылы қай тістің сау, қайсысы тіс жегіден зардап шеккенін, қайсысын емдеп, жұлу керектігін нақты білуге болатынын айтады тәжірибелі маман.<blockquote>&nbsp;Кез келген тіс ауруы тамақты жеткілікті шайнамаудан басталады. Себебі ауыз қуысында қалған қалдықтар микробқа айналып, эмальды бұзады. Дұрыс шайналмаған тамақ асқазан жұмысын ауырлатады. Ауру асқынған кезде жүрекке жетеді. Бүйрек, бауырдың қызметін бүлдіреді. Сөйтіп, тіс жегі пайда болады. Бұған жол бермес үшін үнемі тіске мән беру керек – дейді дәрігер.</blockquote>Тәуелсіздік жылдары шаңырақ көтерген Жасұлан Әлжанов жары Лунара Шахметовамен 3 ұл тәрбиелеп өсірді. Үлкен ұлы Диас – қазіргі таңда аудандық спорт клубының директоры, екінші ұлы Аслан аудандық полиция бөлімінің қылмыстық іздестіру бөлімшесінде кинолог болып қызмет атқарады. Ал кенжесі Тамырлан келер жылы мектепті бітіреді.Медицина қызметкерлерінің кәсіби мерекесінде Жәкең секілді тәжірибелі маман кейіпкеріміз болды. Өйткені, білікті маманның атқырып жатқан қызметі кейінгі жас мамандарға үлгі болмақ. Ал тиісті ем-домын қабылдаған тұрғындар қай кезде ризашылығын білдіруден шаршамайтыны айқын.&nbsp;

Жасұлан Әлжанов: Тістің саулығы адам ағзасына әсер етеді

<a href="https://kyzylorda-news.kz/">Kyzylorda-news.kz.</a> «University Medical Center» (UMC) корпоративтік қорының облыстық филиалында жыл сайын он шақты «балалар церебралды сал ауруы» диагнозы қойылған бала алғашқы қадамдарын жасайды. Орталықта тұсау кесер рәсімі өткізіледі.Сегіз жасар Шерхан алғашқы қадамдарын екі жыл бұрын оңалту орталығында жасады. Бұған бүкіл ұжымның қажірлі еңбегі мен жүйелі оңалту емі ықпал етті, деп анасы Самал орталық мамандарына алғысын білдіреді.<blockquote>«Диагнозы: церебралды сал ауруы, спастикалық диплегия. Бұрын Шерхан өз бетімен жүрмейтін, агрессивті, тұйық болатын. Қазір баламыз жүргіншімен журеді, құрдастарымен араласады, күлімсірейді, сөздік қоры артты. Ерекше балаларға даму үшін осындай көмек жасалғанына өте қуаныштымын. Алайда, осы орталықта оңалту еміне сұраныс көп болғандықтан, кезегімізді ұзақ күтеміз», - дейді Самал.</blockquote>Тоғыз жасар Айкоркемде церебралды сал ауруының ең ауыр түрі: қос гемиплегия, яғни барлық аяқ-қолында бұзылулар бар. Оңалтудан өткеннен кейін жақсару байқалады, дейді анасы Ғалымкүл. Сондай-ақ, Айкоркемнің ата-анасы оңалту емінен жиі өту үшін &nbsp;орталық кеңейтілсе деп үміттенеді.<blockquote>«Орталықта мықты мамандар. Айкоркем осында отыруды үйренді, қолдаумен ақырындап алғашқы қадамдарын жасап жатыр. Осы орталықта емделу кезегімізді бір жарым-екі жыл күтеміз, ал балаларымызға жылына 2 рет оңалту қажет», - деп атап өтті Ғалымкүл.</blockquote>Бөлімше меңгерушісі Амандық Әскербековтің айтуынша, орталық әр айналымда 60 баланы қабылдайды, сонда жылына 800 шақты бала ем алады. Дегенмен, кезектілік әлі де жоғары. Сондықтан балаларды оңалту орталықтарын кеңейту қажет.«UMC» корпоративтік қорының оңалту орталығында церебралды сал ауруы, Даун синдромы, сөйлеу дамуының кешігуі, туа біткен жүйке жүйесінің ақаулары, энурез және медициналық оңалтуды қажет ететін басқа да аурулары бар бір жастан 18 жасқа дейінгі балалар оңалту емін алады. Пациенттерге міндетті әлеуметтік медициналық сақтандыру шеңберінде тегін медициналық, әлеуметтік, педагогикалық оңалту көмегі көрсетіледі. Курс - 24 күн.2022 жылы «UMC» орталығының 798 пациентін оңалтуға Әлеуметтік медициналық сақтандыру қорынан 253,5 млн.теңге бөлінді.<figure class="image"><img src="https://knadmin.beoblood.kz/uploads/2_b308556a79.jpeg" alt="2.jpeg"></figure>&nbsp;<figure class="image"><img src="https://knadmin.beoblood.kz/uploads/3_c6137c1a5c.jpeg" alt="3.jpeg"></figure>

Қазақстан және Қызылорда облысының жаңалықтары