<a href="https://kyzylorda-news.kz/">Kyzylorda-news.kz</a>&nbsp; Жыл басында аймақтың бас ұстазының идеясымен бастау алған облыстық байқау өз мәресіне жетті.Өңірдегі білім беру ұйымдары басшыларының инновациялық және кәсіби тәжірибелерін анықтау, тәжірибе алмасу, білім беру жүйесіндегі өзіндік кәсіби имиджді қалыптастыру мақсатында өткен байқау қорытындысымен «Мектеп абсерваториясы» жобасы бойынша Қызылорда қаласындағы 264 мектеп-лицейінің директоры Тұмырзаев Бек ІІІ орынды, «Media studio – оқу үдерісінде» жобасымен Жаңақорған ауданының 286 мектеп директоры Нәлібаева Ляззат ІІ орынды иеленсе, «Құндылықтарға негізделген тәрбие үдерісін модельдеу» тақырыбындағы ұлттық құндылықтарды ұлықтаған жобасымен Қазалы ауданындағы 17 мектептің директоры Сматуллаева Эльмира жүлделі І орынды жеңіп алып, арнайы дипломдармен марапатталып, бағалы сыйлықтар алды.Мұнан бөлек «Ұлттық мектеп» жобасымен Жалағаш ауданындағы 123 мектеп директоры Мыханова Айнұр мен Шиелі ауданындағы 41 мектептің директоры Елжасарова Айгүл «Түлектер қауымдастығы – мектеп өмірінде» жобасымен «Үздік сабақ» көрсетсе, «Мектеп. Кәсіп. Болашақ» жобасымен Қармақшы ауданындағы 85 мектеп-лицейінің директоры Шыңғысова Шаттық пен Қызылорда қаласындағы 101 мектебінің директоры Өткелбаева Айгүл «Жасыл мектеп» жобасымен «Үздік жоба» иегерлері атанды.Байқаудың қорытынды кешіне қатысқан басқарма басшысы Асқарбек Темірбекұлы барлық 23 қатысушыға алғыс хаттар табыстады. &nbsp;

Бәсі биік білім бәйгесі

<a href="https://kyzylorda-news.kz/">Kyzylorda-news.kz</a> &nbsp; Бастауыш партия ұйымдарының жұмысын жүйелендіру мақсатында олардың төрағалары және ұйым мүшелерімен бірлесе партиялық жобалар, көшпелі қоғамдық қабылдау жұмыстары ұйымдастырылуда. Осы ретте, олардың өткен жылы атқарған жұмыстарының есебін тыңдап, ағымдағы жылға нақты тапсырмалар беріп, бірлескен жұмысты одан әрі жалғастыру – басты талап.Соның негізінде, «AMANAT» партиясы Қызылорда қалалық филиалының Төрағасы Ибадулла Дүйсебайұлы Құттықожаев пен атқарушы хатшы Гүлшат Исақызы Мұсаева «Ана мен бала», «Ақсуат», «Орталық», «Бірлік», «Ақмешіт» бастауыш партия ұйымдарының өткен жылы атқарған жұмыстарының есебін тыңдады.Айта кетерлігі, партияның қалалық филиалы тарапынан партиялық жобалар аясында партия мүшелерінің белсенділігін, қоғамдық жұмысқа қызығушылығын арттыру мақсатында түрлі деңгейдегі бірлескен іс шаралар легі жалғасын табуда.Жиында партияның қалалық филиалының Төрағасы Ибадулла Дүйсенбайұлы: Әр партия мүшесі партияның бастамаларына белсенділік танытып отыруы қажет. Сонымен қатар, еңбегі сіңген азаматтарды дәріптеп, оларға партия атынан жоғарғы марапаттар беруге, қолдауға әрқашан дайынбыз.Алдағы уақытта бастауыш партия ұйымдарының жұмысын жетілдіріп, әрбір партия мүшесімен жеке жұмыс жасап, партиялық жобалардың аясын кеңейту қажет,-деді.Айта кетейік, бүгінде партияның қалалық филиалына қарасты 40 бастауыш партия ұйымдары жұмыс жасауда.

«AMANAT» партиясы қалалық филиалының төрағасы бастауыш партия есебін тыңдады

<a href="https://kyzylorda-news.kz/">Kyzylorda-news.kz</a> &nbsp;Президент Қасым-Жомарт Кемелұлы Тоқаевтың бастамасымен елімізде «Таза Қазақстан» экологиялық акциясы басталды.Акция аясындағы облыс әкімінің Үндеуіне сәйкес бүгінгі тазалық науқанына 500-ге аралдықтар атсалысып, аудан көлемінде көркейту-көгалдандыру жұмыстарында белсенділік танытты.Арал қаласындағы «Балықшылар аллеясында» өткен ағаш отырғызу акциясына аудан әкімі А. Оңғарбаев, аудан ардагерлері, мәслихат депутаттары, мекеме қызметкерлері мен ерікті жастар қатысты.Экологиялық акция аясында қоғамдық орындар, көшелер мен аялдамаларда тазарту жұмыстары ұйымдастырылып, аудан бойынша демалыс саябақтарында 1000-ға жуық ағаш көшеттері отырғызылды. Көше бойында автомобиль жолдарының жолақтары қайта сызылып, аудан орталығындағы маңызды ғимараттардың қасбеттері жаңартылды.Акция барысында Аралдықтартар ағаш көшеттерін отырғызып, санитарлық тазалық жұмыстарын жүргізді. Еліміздің үлгілі ауылдарының бірі саналатын ауыл орталығындағы аллеялар және арықтар тазартылды.Айта кету керек, облыс әкімі «Таза Қазақстан» акциясына қолдау білдіру мақсатында аймақ тұрғындарына «Таза Қазақстан - таза аймақ» Үндеуін жариялаған болатын.

Аралдықтар “Таза Қазақстан - таза аймақ” экологиялық акциясына үлес қосты 

<a href="https://kyzylorda-news.kz/">Kyzylorda-news.kz</a> Бастауыш партия ұйымдарының жұмысын жүйелендіру мақсатында олардың төрағалары және ұйым мүшелерімен бірлесе партиялық жобалар, көшпелі қоғамдық қабылдау жұмыстары ұйымдастырылуда.&nbsp;«AMANAT» партиясы Қызылорда қалалық &nbsp;филиалының Төрағасы Ибадулла Құттықожаев пен Атқарушы хатшы Гүлшат Мұсаева «Ана мен бала», «Ақсуат», «Орталық», «Бірлік», «Ақмешіт» бастауыш партия ұйымдарының 2023 жылы атқарған жұмыстарының есебін тыңдады.&nbsp;Олардың 2023 жылы атқарған жұмыстарының есебін тыңдап, ағымдағы жылға нақты тапсырмалар беріп, бірлескен жұмысты одан әрі жалғастыру – басты талап.<blockquote>«Әр партия мүшесі партияның бастамаларына белсенділік танытып отыруы қажет. Сонымен қатар, еңбегі сіңген азаматтарды дәріптеп, оларға партия атынан жоғарғы марапаттар беруге, қолдауға әрқашан дайынбыз.&nbsp;Алдағы уақытта бастауыш партия ұйымдарының жұмысын жетілдіріп, әрбір партия мүшесімен жеке жұмыс жасап, партиялық жобалардың аясын кеңейту қажет»,-деді партияның қалалық филиалының Төрағасы Ибадулла Дүйсенбайұлы. &nbsp;</blockquote><img src="https://knadmin.beoblood.kz/uploads/383bf94f_f9de_4aa5_8f6f_223abb136ceb_13764e3092.jpg" alt="383bf94f-f9de-4aa5-8f6f-223abb136ceb.jpg">Бүгінде партияның қалалық филиалына қарасты 40 бастауыш партия ұйымдары жұмыс істейді.&nbsp;Айта кетерлігі, партияның қалалық филиалы тарапынан партиялық жобалар аясында партия мүшелерінің белсенділігін, қоғамдық жұмысқа қызығушылығын арттыру мақсатында түрлі деңгейдегі бірлескен іс шаралар легі жалғасын таппақ. &nbsp; &nbsp;

«AMANAT»: Бастауыш  ұйымдар – партия тірегі

<a href="https://kyzylorda-news.kz/">Kyzylorda-news.kz</a> &nbsp;Бүгін облыс әкімі Нұрлыбек Нәлібаевтың қатысуымен №21/22 «Қызылорда-Семей» жолаушылар пойызының жаңа вагондарының тұсаукесер рәсімі өтті. Іс-шарада өңірдің теміржол саласында қажырлы еңбек ететін қызметкерлер облыс әкімінің Алғыс хатымен марапатталды.Аймақ басшысы экономиканың күретамыры саналатын теміржол саласының халық үшін маңызын атап өтіп, теміржолшылар жұмысына сәттілік тіледі.«Жол – тіршіліктің көзі, экономиканың күретамыры. Мемлекет басшысы Қасым-Жомарт Кемелұлы «Шын мәнінде, көлік-логистика саласы – басымдыққа ие бағыт. Қазір, ең басты әлеует – табиғи ресурстар емес, тауар тасымалдау, логистикалық тізбектерді жолға қою» деген болатын. Бүгін біз өздеріңізбен бірге «Қызылорда-Семей» жолаушылар пойызының толығымен жаңаланып, халық игілігіне берілуіне куә болудамыз. Теміржол көлігі – еліміздегі инфрақұрылымның маңызды бөлшегі. Кең байтақ қазақ жерінің қолайлы географиялық орналасуы, шекарасының кеңдігі мен заман талабы теміржол көлігінің маңыздылығын күн өткен сайын арттыра түсуде. Сыр өңірінде де Мемлекет басшысының, Үкіметтің қолдауымен жол инфрақұрылымын, көлік қатынасы мен жолаушылар тасымалын дамыту қарқынды жүзеге асырылуда. Бүгін жаңа вагондармен толықтай жабдықталып, сапарға шығатын «Қызылорда-Семей» бағытындағы жолаушылар пойызы радиобайланыспен, мүмкіндігі шектеулі жандарға арналған арнайы орындармен, арбамен, көтеріп-түсіру механизмдерімен қамтамасыз етілген. Осы бағытта 44 жаңа вагон сатып алынса, дәл қазір 10 вагон сапарға аттануға дайын. Бұрынғылардан қалған «Жол мұраты – жету» деген сөз бар. Ақ тілеулі, кең пейілді халқымыз ұзақ сапардың алғашқы қадамына, жол басына ерекше мән берген. Бүгін де жолаушыларымызды ел ағаларының ақ батасымен жолға шығарып саламыз. Жолаушылар пойызы ел мен елдің, ағайын мен туыстың арасын жалғайтын татулықтың тұтқасы, сауда-саттық пен іскерлік байланыстың алтын арқауы болсын!», – деді Нұрлыбек Нәлібаев.Қызылорда теміржол вокзалы 1905 жылы салынған бір қабатты және 1969 жылы салынған үш қабатты екі ғимараттан тұрады. Былтыр вокзал ғимараты мен аумағы күрделі жөндеуден өтті. Оған «Қазақстан Темір Жолы» компаниясы 350 млн. теңге, жергілікті кәсіпкерлердің демеушілігі есебінен 255 млн. теңге қаржы бөлінді. Теміржол вокзалы қалаға кіреберіс қақпаның бірі болғандықтан, сол маңдағы ескі дүңгіршектер алынып, тарихи ғимарат бұрынғыдан да көріктене түсті.Жиында «Жолаушылар тасымалы» акционерлік қоғамының бас директоры Жәнібек Тайжанов пен теміржол саласының құрметті ардагері, Жалағаш және Қармақшы аудандарының құрметті азаматы Өмірбек Жүсіпов сөз сөйлеп, жолаушыларға арналған жаңа вагондардың ел игілігіне қызмет етуіне тілегін білдірді.Биыл өңірімізде 27 млрд. 700 млн теңгеге 266 шақырым автомобиль жолдары жөндеуден өтеді. Жыл соңына дейін жақсы жағдайдағы жолдардың үлесі 90 пайыздан асады. Өткен жылы аймағымызға арнайы жұмыс сапарымен келген Мемлекет басшысы көптің көкейіндегі «Батыс Еуропа–Батыс Қытай» халықаралық дәлізінің Қызылорда қаласынан Ақтөбе қаласына дейінгі аумағын төрт жолақтыға айналдыруға қатысты шешім қабылдаған болатын. Қазір бұл жобаның сметалық құжаттары әзірленуде. Тарихи шешімге түрткі болған жоба 2025 жылы басталады.Сонымен қатар, 424 шақырым «Қызылорда-Жезқазған» автомобиль жолын қайта жаңғырту жұмыстары жүргізілуде. Республикалық маңызы бар жолдың біздің облысымыз арқылы өтетін 216 шақырымын жөндеу жұмыстарының жалпы құны 108,5 млрд теңгені құрайды. Толығымен аяқталғанда Ресей Федерациясын Орта Азия мемлекеттерімен, сондай-ақ, еліміздің оңтүстік, солтүстік және орталық аймақтарын өзара оңтайлы байланыстыруға мүмкіндік ашылады. Бастысы жолаушы мен жүк тасымалы бірнеше есе артып, Қызылордадан Астана қаласына дейінгі жол жүру уақыты 9 сағатқа қысқарады.Жолаушы тасымалының сапасы да басты назарда. Қазір Болат Өтемұратов қорының қаржысы есебінен салынған «Қорқыт Ата» әуежайының халықаралық талаптарға сай, жолаушыларға барлық жағдай жасалған жаңа терминалының құрылысы аяқталуға жақын. Жаңа терминал мамыр айында ел игілігіне табысталады деп күтілуде. Сондай-ақ, жақын күндері Қызылорда қаласының сол жағалауынан заманауи үлгідегі автовокзал ғимараты пайдалануға беріледі.<img src="https://knadmin.beoblood.kz/uploads/434455362_724346219886625_6959738298217276408_n_73cc042e10.jpg" alt="434455362_724346219886625_6959738298217276408_n.jpg"><img src="https://knadmin.beoblood.kz/uploads/434530831_724346139886633_7176754919931297582_n_e7bf1f8cc6.jpg" alt="434530831_724346139886633_7176754919931297582_n.jpg"><img src="https://knadmin.beoblood.kz/uploads/434060127_724346309886616_7575070934029172703_n_3941005cbc.jpg" alt="434060127_724346309886616_7575070934029172703_n.jpg"><img src="https://knadmin.beoblood.kz/uploads/d34c1797_af36_4a1b_8f6b_c03fecbf091e_9e42ff305c.jpg" alt="d34c1797-af36-4a1b-8f6b-c03fecbf091e.jpg">Фото:&nbsp;Қызылорда облысы әкімінің баспасөз қызметі

Жаңа жолаушы вагондары табысталды

<a href="https://kyzylorda-news.kz/">Kyzylorda-news.kz</a> &nbsp;4-5 сәуір күні Назарбаев Университетінде «Sustainability Living Lab» бағдарламасының конференциясы өтті. Конференцияға республика бойынша 12 университеттің студенттері қатысып, бағдарлама аясында іске асқан инновациялық экологиялық жобаларын таныстырды.Жобалар сайысында Қорқыт&nbsp; Ата атындағы Қызылорда университетінің студенттері Темірлан Абжанов пен Саят Урикбаев қолданысқа берілген жобалары туралы қорытынды есебін сәтті тапсырды.<blockquote>- Smart Bench - күн сәулесінен қуат алатын «ақылды» орындық. Ол әдеттегі орындықтардан зарядтау станциясы ретінде жұмыс істейтін кіріктірілген күн панелімен ерекшеленеді. Олардың көмегімен бір уақытта бірнеше телефонды зарядтауға болады. Университет қызметкерлері мен студенттеріне арналған инновациялық экожоба бас оқу ғимаратының жанында орнатылды, - деді Саят Урикбаев.</blockquote>Келесі грант иегері Темірлан Абжанов тұрақты жылыжайға бағытталған жоба ұсынды. Жобаның мақсаты – органикалық қалдықтарды өңдеу арқылы топырақты құнарландыруға пайдалану. Сондай-ақ топырақтың төменгі қабаты арқылы суару әдісін қолдану және суару процесін автоматтандыру арқылы су шығынын азайту.<figure class="image image_resized" style="width:41.44%;"><img src="/uploads/yzylordaly_studentterdi_zhobasy_zho_ary_ba_alandy_1_7cdf21fd44.jpg"></figure>Конференцияның алғашқы күні қатысушылар баяндамаларын ұсынып, гидропоникалық қондырғы жасау бойынша шеберлік сағатына қатысты. Сондай-ақ жасыл жобалардың көрмесі ұйымдастырылып, қатысушылар қайта өңделген материалдардан күн панельдерін, жасыл шатырларды, гравитациялық генераторларды, биологиялық ыдырайтын каппа-карраген пленкаларын, су қоймаларынан пластмасса ұстайтын құрылғыларды жасау әдістерін көрсетті. Көрмеге келушілер түрлі экологиялық бастамаларды көріп, студенттердің атқарған жұмыстарымен танысуға мүмкіндік алды.&nbsp;Айта кетейік, «CHEVRON» компаниясы ұйымдастырған «Sustainability Living Lab» жобалар сайысында қызылордалық жастар инновациялық экологиялық жоба ұсынып,&nbsp; әрқайсысы 1млн 300теңге көлемінде арнайы грант иеленген болатын.&nbsp;Қорқыт ата атындағы Қызылорда университетінде инновациялық жобаларды дамыту мен инвестиция тартуда көмек беретін, IT бойынша кадрлар даярлау және тегін&nbsp; білім беру мақсатында жүйелі жұмыстар атқарылып келеді. Кәсіпкерлік орталықтан жалпы кейінгі жылдары 139 резидент шықты, шаралар мен бағдарламалар аясында 7600 жас қамтылып, 73&nbsp;870&nbsp;000 теңге инвестиция тартылды. Бизнес-инкубатор инкубациялау бағдарламаларын, стартаптар хакатондар мен фестивальдер, семинарлар мен курстарды жүргізеді, сонымен қатар салықтық есеп және маркетинг бойынша тегін қызмет көрсетеді.

Қызылордалық студенттердің жобасы жоғары бағаланды

&nbsp;<a href="https://kyzylorda-news.kz/">Kyzylorda-news.kz</a>&nbsp; Елімізде орын алып жатқан жағдайлар жанымызға батып, қабырғамызды қайыстырып барады. Әрине алапат апатпен арпалысу оңай емес. Табанынан тік тұрып, түн ұйқысын төрт бөліп жүрген ағайынға Алла сабыр, күш-жігер берсін. Төтеннен келген тосқыннан зардап шегіп жатқан бауырларға бар көмекті жеткізуге қазақ елі тырысып бағуда. Мемлекет басшысы Қасым-Жомарт Тоқаевтың су тасқыны салдарынан қалыптасқан ауыр жағдайға байланысты үндеуін де жариялады. Оқыдық, онда көп нәрсе айтылды. Су тасқынына байланысты еліміздің он аймағында төтенше жағдай жарияланды.&nbsp;<blockquote>"Жағдай өте күрделі болса да, біз қиындықты міндетті түрде еңсереміз, барлығын қалпына келтіреміз. Ең бастысы – азаматтардың амандығы. Тасқын судан зардап шеккен азаматтарға айтарым, мемлекет бірде-бір адамды ескерусіз қалдырмайды. Баршаңызға қаржылық және басқа да көмек беріледі. Материалдық шығындар толық өтеледі.Тасқын судан зардап шеккен азаматтарға айтарым, мемлекет бірде-бір адамды ескерусіз қалдырмайды. Баршаңызға қаржылық және басқа да көмек беріледі. Материалдық шығындар толық өтеледі", – деді мемлекет басшысы үндеуде.&nbsp;</blockquote>Айта кететіні, Жаңақорғаннан Ақтөбеліктерге жиналған гуманитарлық көмек бірнеше күн бұрын аман-есен жетті. Әлі де жерлестер жұмыла қолдау көрсетуге дайын. Біздің күшіміз бірлікте.Ақмарал МАЛИКОВА, аудандық мәслихаттың депутаты. &nbsp;

Біздің күшіміз бірлікте

<a href="https://kyzylorda-news.kz/">Kyzylorda-news.kz</a> &nbsp;Қызылордалық студенттер креативті индустрияның дамуына, яғни өздерінің шығармашылық әлеуеті, тың бастамалары арқылы мәдениеттің жандануына серпін беруде. Қорқыт ата атындағы Қызылорда университетінің студенттерінен құралған "Жауқазын" театры жаңа спектакльдерімен көрерменін қуантуда. Бүгін жас театрдың репертуары туралы сөз қозғамақпыз.Түрлі мамандықта оқыса да өнердің бағасын биіктетіп жүрген талантты студенттер бірнеше айдың ішінде төрт спектакльдің премьерасын өткізді. Атап айтсақ, бүгінге дейін Мұқағали Мақатевтың «Қош, махаббат» драмалық поэзиясын сахналады. Сонымен қатар Әбіш Кекілбаевтың «Махаббат мұнарасы» атты шығармасын көпшілікке ұсынды.Пьеса желісі әмірші Ақсақ Темір мен оның әйелі арасындағы оқиға төңірегінде өрбиді. Махаббат мұнарасын тұрғызып, алып ғимарат салдырған кіші ханымның әрекеті әлемді аузына қаратқан әміршінің жүзін төмен қаратты.Қойылым барысында сан алуан өнер бір сахнада тоғысты. Жастар заманауи музыка мен биді керемет ұштастырып, көрерменге ерекше әсер қалдырды.&nbsp;<blockquote>– Белгілі қаламгер, мемлекет және қоғам қайраткері Әбіш Кекілбаевтың бұл романын таңдап алуымыз бекер емес. Адамзат баласы үшін рухани құндылықтың құлдырамауы, сенім мен махаббаттың болуы аса маңызды. Қойылымға күн-түн демей дайындалып, қолдау білдірген барша студенттерге алғыс айтамын, – деді «Жауқазын» жастар театрының жетекшісі, 3-курс студенті Ақниет Мәулен.</blockquote>Ал жуырда студенттер театры Исраил Сапарбайдың «Сыған серенадасы» музыкалық спектаклін халыққа ұсынды. &nbsp;Көпшіліктің ілтипатына бөленген қойылымдар әрбір студенттің театрға деген қызығушылығын арттырды. 2024 жылдың ақпан айында «Шәмші сүйген Изольда», наурыз айында «Қаракөз» трагедиялық спектакльнің тұсауын кесіп, студенттік театрдың алтын репертуары жаңа қойылымдармен толысуда.<img src="https://knadmin.beoblood.kz/uploads/Studentter_irdegi_m_denietti_damuyna_les_osuda_1_87bfaef70d.jpg" alt="Студенттер өңірдегі мәдениеттің дамуына үлес қосуда 1.jpg"><blockquote>– Қазір студенттік театр қарқынды жұмыс істеуде.&nbsp;Жылына 2 рет кастинг өткізіледі, ал ұжымда 30-дан астам адам бар. «Жауқазын» театрының ең алғаш жасақталған командасы әлі күнге дейін шашырамаған. Тек қана университет қабырғасындағы шәкірттермен шектеліп қоймай, колледж, мектептерден үйірмемізге мүшелік ететіндер бар. «Жауқазынға» қызығушылық танытқан барша жанға театр мүшесі болуға мүмкіндік бар.</blockquote>Аға-буын өкілдері облыстық драма театрдың барлық спектакльдерін үзбей көріп, тәжірибе жинақтап, шыңдалуға тырысамыз. Сондай-ақ театрымыздың әрбір мүшесі ізденіс үстінде жүреді. Ән, би, қойылым, концерттік киімдерге дейін ұқыптылықпен қарап, сахна мәдениетін тереңінен ұстануға бейімбіз. Алдағы уақытта арнайы мамандармен біріге жұмыс істеуді жоспарлап отырмыз, – деді Ақниет Мәулен.Студенттер театры сәуір айында көрермендерін жақсы жаңалықпен қуантты. Махамбет Өтемісов атындаты Батыс Қазақстан университетінің ұйымдастыруымен «III Umit – 2024» республикалық студенттік театрлар фестивалінде «Жауқазын»&nbsp; студенттер театры&nbsp; алғаш рет қатысып, жүлделі II орын иеленді.Әртүрлі мамандық студенттерінен құралған «Жауқазын» студенттер театрының жас таланттары М.Әуезовтың «Қарагөз» трагедиялық қойылымын&nbsp; сахналады. Әділ-қазылар алқасы байқауда бақ сынаған жас өрендердің өнерін жоғары бағалады.&nbsp;<blockquote>– «Қарагөз» трагедиялық қойылымы көрермен жүрегінен орын алды. Қарагөз бен Сырымның жан тебірентерлік махаббаты әрі қыз тағдырының ауырлығы қойылымда толығымен ашылды. Байқау өте тартысты, қызықты өтті. Бастысы студенттік театрлар арасында мықты байланыс орнады,&nbsp; ̶&nbsp; деді ұйым төрағасы Ақниет Мәулен.</blockquote>Өзіндік бастамаларымен өнерге өзіндік үлес қосқан жастар әлі де талай рет көрерменін қуантады деп сенеміз.&nbsp;Фото:korkyt.edu.kz

Студенттер өңірдегі мәдениеттің дамуына үлес қосуда

<a href="https://kyzylorda-news.kz/">Kyzylorda-news.kz</a> Бұған дейін Қазақстандағы әр адамның жеке нөмірі болады дегенде, жұрт әрі қауіптеніп, әрі таңырқаған еді. Көп ұзамай, әрбірімізге ЖСН нөмірі бекітілді. Ал қазір 12 санды теріп жіберсеңіз, сол ЖСН иесі туралы ақпарат аласыз. Қарапайым адамның қолы жете бермес, құзырлы мекеме өкілі үшін әлгі 12 сан елдегі әр адамды тікелей бақылау құралына айналды десек, артық болмас. Енді міне, Қазақстандағы әр адамның саусақ таңбасын алу науқаны басталып кетті. Осы орайда Шиелі АПБ-нің Көші-қон қызметі бөлімшесінің аға инспекторы полиция майоры Нағима Асылбековамен сұхбаттасқан болатынбыз.– Жаңа жылдан бастап азаматтарды міндетті дактилоскопиялық тіркеу енгізілді. Айтыңызшы, бұл үрдіс қалай жүргізілді?– Иә, «Дактилоскопиялық және геномдық тіркеу туралы» Заңды орындау үшін 2024 жылғы 1 қаңтардан бастап азаматтарды міндетті дактилоскопиялық тіркеу жүргізілген болатын. Жаңа Заңды халық дұрыс түсінуі керек. Біз тұрғындарды саусақ іздерін тапсыруға мәжбүрлемейміз. Бұл жеке басын куәландыратын жаңа құжаттарды ­(паспорт, жеке куәлік) алу үшін Халыққа қызмет көрсету орталығына жүгінген кезде орын алады. Яғни, жеке куәлікті немесе төлқұжатты әртүрлі себептермен ауыстырған, оларды жоғалтқан кезде қалпына келтіру барысында іске асырылады. Дегенмен, саусақ белгілері жоқ ескі құжаттарды мерзімі өткенге дейін пайдалануға болады. Түсініктірек болсын, бұл дәл қазіргідей құжаттау үрдісіне саусақ ізін көшіру кезеңі қосылады деген сөз. Саусақ ізін таңбалау 5-10 минут қана уақыт алады.– Дактор тіркеуді енгізудің қандай пайдасы бар? Бұл бізге не береді?– Біріншіден, бұл шара заңсыз құжаттау фактілерін болдырмауға, құжаттарды қолдан жасауға, олардың иелерін алаяқтық және өзге де қылмыстық әрекеттерден қорғауға мүмкіндік береді. Мысалы, соңғы 10 жылда заңсыз құжаттаудың 1 мыңнан астам фактісі анықталды.&nbsp;Екіншіден, бұл күнделікті өмірде де, жазатайым оқиғалар кезінде де жеке басын куәландыратын құжаттарды қалпына келтіру рәсімін жеделдетеді. Оның ішінде елден тыс жерде құжаттарын жоғалтқан азаматтардың жеке басын анықтау үдерісін және олардың Қазақстан Республикасына оралуын жеңілдетеді. Жеке басты куәландыратын құжаттарға қосымша дактилоскопиялық параметрді енгізу үшінші тұлғалардың, оның ішінде алаяқтардың арбауына түсіп қалмаудан қорғайды.Үшіншіден, Қазақстан азаматтары үшін мемлекеттік шекарадан өту де барысы да оңайға түседі. Мысалы, паспорт чипінде саусақ іздері болса, шекарадан өткен кезде оларды қайта тапсырудың қажеті жоқ. Бұл бүгінгі таңда ең дәл биометрия.Төртіншіден, Қазақстан Республикасының жоғалып кеткен азаматтарын, Қазақстан ­Республикасында тұрақты тұратын немесе уақытша болатын шетелдіктер мен азаматтығы жоқ адамдарды іздестіру процесін де жеңілдете түседі.Бесіншіден, жеке басты куәландыратын құжаттарға саусақ іздерін енгізу дактилоскопиялық ақпаратпен мемлекетаралық қозғалыста жеке ­басты куәландыратын биометриялық құжаттарды дайындау бөлігінде ИКАО (ICAO) талаптарының сақталуын қамтамасыз етуге мүмкіндік береді.– Азаматтардың саусақ іздері үшінші тұлғалар жасаған қылмыс орнында болмайтынына кепілдік бере аласыз ба?– Әрине. 3D принтермен жасалған саусақ іздері саусақ үлгісін, пішінін, өлшемін қайталайды. Яғни, тек сыртқы құрылымды көрсетеді. Дегенмен олар «тірі» ізде бар жеке белгілерді пішіні, өлшемдері, ойықтары және т.б. көрсетпейді.Сондықтанда қылмыс орнынан саусақ ізін микроскопиялық зерттеу кезінде бұл тірі адамның ізі немесе 3D басып шығарылған көшірмесі екенін бірден аңғаруға болады. Сонымен қатар, іздің тер тәрізді затына ДНҚ зерттеуін жүргізуге болады. Тіпті жоғары дәлдіктегі, қымбат 3D принтерлер адамның жеке басын анықтайтын саусақ іздерінің микроскопиялық белгілерін шығармайды.Саусақ іздері туралы ақпарат электронды кодталған түрде мәліметтер базасында сақталады. Криминалистика саласындағы сарапшылар электронды іздерді материалдық объектіге ауыстыру мүмкін еместігін біледі. Сандық түрде сақталған саусақ іздері май сияқты қасиеттерге ие емес. Сондықтан электронды іздерді пайдалана алмайды.Қазақстанда «Дербес деректер және оларды қорғау туралы» және «Ақпаратқа қол жеткізу туралы» екі Заң бар. Олардың қолданылуы дербес деректерді қорғауға байланысты құқықтық қатынастарды реттейді. Саусақ ізі ­туралы ақпараттың өзі жүйенің бастапқы кодымен қорғалған және оны тек жүйенің аппараттық құралдарының көмегімен шешуге болады.– Жеке деректердің бұзылуы мүмкін бе?– Жоқ. Себебі ІІМ деректер базасы құрылғаннан бері ондай жағдай орын алған емес. Саусақ іздері туралы ақпарат толығымен иесіздендірілген. Бұл дегеніміз, мәліметтер базасында тек сандық саусақ ізі моделі және бірегей идентификатор болады. Дербес деректер, Т.А.Ә және ЖСН жоқ. Жүйені иесіздендіру автоматты түрде жүреді. Қазір жүйені ақпараттық қауіпсіздік талаптарына сәйкестікке сынау бойынша іс-шаралар жүргізілуде. Бұл тексеруді ҰҚК мемлекеттік техникалық қызметі ЦДИАӨМ ақпараттық қауіпсіздік комитетімен бірлесіп жүргізеді.Сонымен қатар деректерді рұқсатсыз кіруден қорғауға мүмкіндік беретін мәліметтер базасын шифрлау қолданылды. Мысалы, егер шабуылдаушылар қандай да бір деректерді алса, олар оны түсіне алмайды, яғни мағынасыз таңбалар жиынтығын алады.– Бұл шаралар кімдерге міндеттеледі?– Дактилоскопиядан 16 жасқа толып, төлқұжатын алатын барлық қазақстандықтар өтуі қажет. 12-16 жас аралығындағы жасөспірімдер өз қалауына байланысты немесе ата-анасының рұқсатымен өте алады. Ал 12 жастан кіші балалар бұндай тіркеумен қамтылмайды. Бұдан бөлек, Қазақстанда тұрақты түрде өмір сүретін шетел азаматтары, еңбек мигранттары мен босқындар Қазақстанда тұру үшін немесе азаматтығын ресімдеу кезінде осы процедурадан өтуі керек.– Әлемдік тәжірибе нені көрсетеді?– Мұндай заң жобалары әлемдік тәжірибеде бар. БҰҰ статистикалық бюросының деректері бойынша 2002 жылдан бастап 60-тан астам, ал 2009 жылдан бастап әлемнің 118 елі биометриялық тіркеуді енгізу бойынша ұлттық жобаларды іске асыра ­бастады. Мысалы, Германия өз азаматтарының толық биометриялық деректері бар көшпелі құжатты енгізген алғашқы Еуропалық Одақ елі. Ал Түркияда 2009 жылдан бастап шетелдік куәліктерді алатын барлық ересек азаматтарды кезең-кезеңімен саусақ ізімен тіркеу жүргізілуде. Осы уақыт ішінде 85 млн ересек тұрғындарының 20 млн азаматы тіркелген. Үндістанның 1,3 млрд тұрғынының 1,1 млрд адамы ­дактилоскопияланды. Бұдан бөлек, Қытайда да осындай заң бар екен. Ал ТМД елдерінің ішінде Ресей бірінші болып қабылдаған. Сондай-ақ, осыған ұқсас заң Беларусь, Өзбекстан, Молдова, Тәжікстанда қолданыста. Сол себепті жаңалықтан, жаңашылдықтан еш қорқудың қажеті жоқ.– Барлығы түсінікті. Сұхбатыңызға рақмет!

Нағима Асылбекова:  Саусақ ізін алу – заман талабы

<a href="https://kyzylorda-news.kz/">Kyzylorda-news.kz</a> Бүгін ауданға қарасты Нағи Ілиясов ауылының тұрғындары Ел Президентінің бастамасымен қолға алынған «Таза Қазақстан» акциясына белсенді қатысуда.Акцияға аудан әкімі Берік Сәрменбаев және Қазақстанның Еңбек Ері Абзал Ералиев бастаған ауыл тұрғындары, белсенді жастар, еріктілер де өз үлестерін қосты.2200-ден аса тұрғыны бар республика мен облыстағы «Үлгілі ауыл» байқауларының жеңімпазы атанған елді мекен тұрғындарының тазалыққа жаны құмар. Өз аулаларынан бастап ауылдың тазалығын сақтауға үлес қосуды әдетке айналдырған. Нағилықтардың ағаш отырғызу, тазалық жұмыстары мен сенбіліктерге белсене араласуын басқа елді мекендерге үлгі ретінде атауға болады. Бүгінгі акцияға 150-ге жуық ауыл тұрғындарының белсенді қатысуын ерекше атап өтуге болады.Акция барысында нағилықтар ағаш көшеттерін отырғызып, санитарлық тазалық жұмыстарын жүргізді. Еліміздің үлгілі ауылдарының бірі саналатын ауыл орталығындағы аллеялар және арықтар тазартылды.Н.Ілиясов ауылындағы шаруашылықтың негізгі инвесторы «Абзал и К» толық серіктестігі абаттандыру жұмыстарына ерекше мән беріп, санитарлық тазалық пен көркейту-көгалдандыруға атсалысып келеді.Жалпы, Сырдария ауданында жыл басынан бері 6000-ға жуық ағаш отырғызылып, тазалық жұмыстары белсенді ұйымдастырылуда.Айта кету керек, облыс әкімі «Таза Қазақстан» акциясына қолдау білдіру мақсатында аймақ тұрғындарына «Таза Қазақстан - таза аймақ» Үндеуін жариялаған болатын.

Науқанға сырдариялықтар үлес қосуда

<a href="https://kyzylorda-news.kz/">Kyzylorda-news.kz</a> «Таза Қазақстан» республикалық акциясы аясында Қызылорда қаласында «Таза Қазақстан - таза аймақ» экологиялық науқаны бастау алды. Оның аясында әр аптада бекітілген тақырыптар бойынша аумақтарды абаттандыру және көгалдандыру жұмыстары жүргізіледі. Нэкологиялық жоба аясында қалада науқанның бірінші аптасы «Таза өлке» атауымен аталып, бүгін ұйымдастырылған игі бастамаға барлық мекеме ұжымдары, үкіметтік емес ұйым өкілдері, еріктілер, қоғам белсенділері мен жастар және тұрғындар белсенді қатысты. Акцияға қатысушылар бекітілген аумақтарда тал көшеттерін отырғызып, сквер-аллеяларды тазалап, аяқ су жүретін арық көздерін аршыды. Ал, арнайы мекеме жұмысшылары аялдамаларды, жолаушыларға арналған орындықтарды, бағдаршамдарды жуып, жарық бағаналарын сырлады. Айта кету керек, 2-ші наурыз бен 4 мамыр аралығына облыс әкімінің өкімімен жарияланған екі айлық санитарлық тазалық, көркейту-көгалдандыру шарасы басталғалы қалаішілік арықтар аршылып, негізгі каналдар тазаланды. Соның нәтижесінде 8000-ға жуық тал көшеттері отырғызылды. Екі айлық аяқталғанша 35 мың түп саялы ағаш егіледі. Жас өскіндерге жаңадан құрылған «Жасыл-Қызылорда» мекемесі күтім жасайды.

Қызылорда қаласында «Таза қазақстан - таза өлке» жобасымен 2 айлық науқан жүргізілуде

<a href="https://kyzylorda-news.kz/">Kyzylorda-news.kz</a> "Таза Қазақстан" республикалық акциясы аясында Сыр өңірінде "Таза Қазақстан - таза аймақ" экологиялық науқаны бастау алды. Науқан аясында 6-13 сәуір аралығында «Таза өлке» санитарлық тазалық шарасы өтуде. Мемлекет басшысы бұған дейін облыстар мен қалаларды абаттандыру және көгалдандыру жөнінде науқанды бастауды тапсырған болатын.Мемлекет басшысы 2020 жылғы 1 қыркүйектегі Жолдауында 5 жыл ішінде елді мекендерге 15 млн түп ағаш отырғызуды тапсырған болатын. Осыған сәйкес, Қызылорда облысының елді мекендерін көгалдандырудың және жасыл аймақтар құрудың 2021-2025 жылдарға арналған өңіраралық жоспары бекітілді.Жоспарға сәйкес 2024 жылы елді мекендер аумағында 100,1 мың дана, жасыл аймақ құру бойынша 108,6 мың дана ағаш көшеттерін егу жоспарланып отыр.Президенттің тапсырмасына сәйкес бүгін облыс көлемінде санитарлық тазалық акциясы ұйымдастырылып, Қызылорда қаласы мен барлық аудандарда 1000 саялы ағаш көшеті таратылып, отырғызылды. Аталмыш акцияға облыс әкімінің орынбасары Б. Жахановта үн қосып, қаламыздың сол жағалауында құрылысы салынып жатқан жаңа автовокзал ғимаратының аумағында тазалық шарасына қатысып, ағаш екті.Облыс бойынша орман молықтыру және жергілікті жердегі көгалдандыру жұмыстарына қажетті көшеттермен қамтамасыз ету үшін 8 орман шаруашылығы мекемелерінде 158 га уақытша тұқымбақтар орналасқан, барлығы 17,5 млн дана әртүрлі жергілікті жерге жерсіндірілген саялы ағаш (үйеңкі, шаған, қаратал, айлант, катальпа, сырталы, терек, жиде, легиструм) және сексеуіл көшеттері өсірілуде.Жыл басынан бері бүгінгі күнге дейін орман шаруашылығы мекемелерінің тұқымбағында өсірілген терек, қаратал, үйеңкі, айлант, катальпа секілді облыс бойынша 28 мыңнан астам ағаш көшеттері таратылып, егілді.Бұдан бөлек, Қызылорда-Жезқазған бағытындағы автожолының бойында 3000 га алаңда жасыл аймақ құру жұмыстары жүргізілді. Бүгінгі таңда бұл жұмыс толығымен аяқталды.

Қазақстан және Қызылорда облысының жаңалықтары