<a href="https://kyzylorda-news.kz/">Kyzylorda-news.kz</a>&nbsp; Бүгін Қорқыт ата атындағы Қызылорда университетінің студенттері мен оқытушылары Мемлекет басшысының бастамасымен жүзеге асып жатқан «Таза Қазақстан» экологиялық акциясы аясында бастау алған "Таза Қазақстан - таза аймақ" облыстық акциясына университеттің Ботаникалық бағында ағаш көшеттерін отырғызып, тазалық жұмыстарын жүргізді.&nbsp;Акция барысында университеттің 100-ден астам студенттері мен аға буын оқытушылары 500-ге жуық ағаш көшеттерін отырғызып, қаланың жасыл желекке айналуына атсалысты.&nbsp;Аймақтың ең үлкен іргелі оқу орны Қорқыт ата университетінің Ботаникалық бағы қалаға көрік беретін жасыл желек ғана емес, студенттердің тәжірибелік сабақтарының базасы болып табылады.&nbsp;Аталған оқу орнының студенттері жыл сайын дәстүрлі түрде көктемгі көгалдандыру жұмыстары мен ағаш көшеттерін отырғызуға белсенді қатысып келеді.&nbsp;Жуырда республика аумағында бастау алған «Таза Қазақстан» экологиялық акциясына орай аймақ басшысы Н.Нәлібаевтың үндеуіне бір ауыздан қолдау білдірген университет студенттері көтеріңкі көңіл-күймен белсенділік танытты. <img src="https://knadmin.beoblood.kz/uploads/cbfccb35_07fa_4b0f_ad12_3152a36bb7a7_5176b9135f.jpg" alt="cbfccb35-07fa-4b0f-ad12-3152a36bb7a7.jpg"><img src="https://knadmin.beoblood.kz/uploads/b457107e_7bda_4f30_8045_cfbeb873a64b_97d7603277.jpg" alt="b457107e-7bda-4f30-8045-cfbeb873a64b.jpg">

Қызылорда университетінің ұжымы  ботаникалық бақта ағаш көшеттерін егіп, тазалық жұмыстарын жүргізді

<a href="https://kyzylorda-news.kz/">Kyzylorda-news.kz</a> Наталья Годунова Жоғары аудиторлық палата басшысы қызметінен кеткеннен кейін жаңа лауазымға тағайындалды, деп хабарлайды&nbsp;<a href="https://egemen.kz/">Egemen.kz</a>.&nbsp;Наталья Годунова «ҚТЖ» ҰК» АҚ ұлттық компаниясының тәуелсіз директоры болды.<blockquote>«ҚТЖ» ҰК» АҚ жалғыз акционерінің 2024 жылғы 4 сәуірдегі шешімі бойынша, Наталья Николаевна Годунова «ҚТЖ» ҰК» АҚ директорлар кеңесінің мүшесі, тәуелсіз директор болып сайланды, делінген ұлттық компания хабарламасында.</blockquote>Енгізілген өзгерістерді ескере отырып, компанияның директорлар кеңесі енді 9 адамнан тұратыны айтылды.

Наталья Годунова жаңа қызметке тағайындалды

<a href="https://kyzylorda-news.kz/">Kyzylorda-news.kz</a> Жаңақорған ауданында тазалық мәселесі ұдайы назарда. Өйткені, ауданның тазалығы Жаңақорғандықтардың бет бейнесі. «Тазалық-саулық негізі, саулық-байлық негізі» деп бекер айтылмаса керек-ті. Әсіресе, көктем мезгілінде тазалық сақтауды талап етіп отыр. Тазалық болған жерде адамның денсаулығы да нығая түсетіні сөзсіз. Әсіресе, дүниежүзіне төнген үлкен нәубетке қарсы күресте бұл маңызды. Онсызда біздің аймақтың өзге өңірлерге қарағанда экологиялық ахуалы мәз емес. Жылдың қай мезгілі болмасын жел тұрып, топырағы құм суырып, шаңы аспанға көтеріледі де жатады. Осындай жағдайда аудан басшылығының ел-жер тазалығына жете мән беруі нәтижесінде қолға алынған шаралар аз емес. Бар жұмысты тазалық мекемесі мен жауапты қызметкерлерге ғана ысырып тастау қисынға келмейді. Әрбір тұрғын туған өлкеге жанашырлық танытқаны жөн.&nbsp;Шындығын айта кету керек, аудан, ауыл жұртшылығын тазалыққа үйрету оңай болмай отыр. Ащы да болса шындық, кез келген жерге тұрмыстық қалдықтарды тастап кетуден ешбіріміз арланар емеспіз. Кент әкімшілігі көше комитеттерінің басын қосып, осы тақырыпта жиналыс өткізді.Онда сөз алған кент әкімінің орынбасары Жасұлан Бейсенбеков:<blockquote>Кенттің тазалығын ұдайы қадағалап, тиісті жерлерге жауапты адамдарды белгілеп, тұрғындарды бір кісідей тазалықты сақтауға шақыру керек. Осындай нақты іске көшетін болсақ, ауданымыз көркейе береді. Ол үшін мекеме мамандары мен көше комитеттері бірлесе жұмыс жасаса деген тілегіміз бар. Өздеріңіз де білесіздер, кент келбеті көркейіп, көшелер жаңартылып, дамудың даңғыл жолында келе жатырмыз – деді.</blockquote>Кент тазалығы бірдің емес, көптің ортақ міндеті. Солай бола тұра сауда нүктелері қаз-қатар орналасқан базар аумағы неше жылдан бері қоқыс қалдығынан көз ашпай келеді. Осы маңда тау болып үйіліп жатқан қоқыстар қадам сайын кезігеді.<blockquote>Мұндағы кәсіпкерлік нысандардың көбі тазалық мекемелерімен келісім-шартқа отырмай, тазалық жұмысын өз мойындарына алған, бірақ ол атқарылмайды. Ал, жекелеген тұрғындармен ортақ келісімшартқа отырып, ай сайын 500 теңге ақысын белгілеп отырмыз. Енді, тұрғындар ортақ келісімге келсе, біз тыңғылықты жұмыс істеуге дайынбыз, – дейді «Нұр-Шах» ЖШС-нің төрағасы Нұрлан Сәдуақасов.</blockquote>«Тазалық – денсаулық кепілі». Осы сөзге мән бере бермейтініміз рас. Бірақ бүгінде көптеген аурулардың көбеюіне ауаның ластануы себеп болуда. Бұл жөнінде аудан тұрғындарының арасында сауал жүргізіп, халықтың пікірін де білген едік.<blockquote>Бізде бұрынғыға қарағанда, әжептәуір тазалық жақсарған. Әйтсе де, қай көшеге барсаң да үйіліп жатқан бөтелке, баклашка қалдықтары мен ақтарылып жатқан бала жөргектерін көремін. Жел тұрса ұшып, есігіміздің алдына келеді. Кейде таңертең аулаға шығуға ұяламын, үйдің ер азаматтары шықпай тұрғандай, жинап тастауға тырысамын. Қарапайым халыққа айтар едім, жауапты мекемелерден бөлек, әрбір үй тұрғыны өздерінің ауласын таза ұстаса, айналасын жиып-теріп отырса, мұндай олқылықтар болмас еді. Мысалы, өзім үйімнің айналасын күнде жинап отырамын. Есігімнің алды тап-таза болып тұрса, маған да жақсы ғой, дейді Мария Жанғабылова.&nbsp;</blockquote><blockquote>&nbsp;Ауданымыздың тазалығы қаланың тұрмыс-тіршілігіне бейімделіп келе жатыр. Таң атысымен көшемізде көліктер қоқыстарды жинап, үйіміздің алдынан алып кетіп жатыр. Бұрын қоқыстан аяқ алып жүре алмайтынбыз. Тіпті, өлген ит, мысықтардың иісінен аузы-мұрнымызды жауып әрең өтетінбіз. Қазір олай емес. Орталық көшелерге қарасам көңілім жайланып, кәдімгідей қуанып қаламын. Айнала мұнтаздай тап-таза, жарықтар жарқырап, әдемі ғимараттар көбейіп келе жатыр. Осы қарқынмен шағын қаланың қатарына кіретін шығармыз деген ойым бар, Берік Сағынтаев.&nbsp;</blockquote>Бізде сыйлы адамдар келетін кезде ғана көшелер тазаланып, су себіліп жатады ғой. Басқа кезде қай көше болмасын қоқыстан көз ашпайды. Жол бойындағы арықтардың ішіне қарасаң небір сұмдыққа көз түседі. Адамнан ұят кеткен заман болды. Тапа- тал түсте қолындағы қоқысын лақтырып, көшені ластап кете баратындар көп. Айналасынан ұялмайды. Бәлкім көшелерге қоқыс тастайтын жәшіктерді көбірек орнатса, қарапайым жұртшылық соған үйренетін шығар. Тиісті орындарға құлаққағыс болсын дегім келеді, дейді Күмісбек Ақмырза.Айта кетейік, тұрмыстық қалдықтарды қайта өңдеудің негізгі бағыттары – қағаз өнімдері, әйнек сынықтары, бөтелкелер, пластик өнімдер мен ағаш, темір заттары болып жік-жікке бөлінеді. Керек десеңіз, тамақ қалдықтарының өзінен биогаз өндіретін мемлекеттер де бар. Мәселен, Францияда қоқысты өртейтін кешенді зауыттар: қоқысты қайта өңдеу арқылы 30% аллюминий, 50% әйнек, 50% газет қағазын өндіреді екен. Ал, көршілес Қытай елінде бір ғана Шанхай қаласының өзінде мыңдаған қоқыс қабылдау орындарында 2,5 миллионнан астам жұмысшы еңбек етеді.Сондай-ақ әлемнің көп елдерінде қоқысты өртеуге қатаң тыйым салынған. Өйткені, тұрмыс қалдықтарынан түрлі улы газдар бөлініп ауаны ластайды. «Таза табиғат-халық байлығы» деп жатады. Олай болса, қолда бар байлығымызды бағалап, әр адам өз ауласынан бастап, жауапкершілікпен қараса нұр үстіне нұр.<blockquote>«Өздеріңіз байқап отырғандай, кенттің келбеті күн сайын ажарланып келеді. Біз ең алдымен, Жаңақорған кентінің кіреберіс көшелерінің әсемдігі мен басты көшелерінің сәулеттенуін назарға алдық. Көлік инфрақұрылымының басым жобаларын қаржыландыру бойынша 2 көшені орташа жөндеу жұмыстарына 202 310,0 мың теңге бөлінді. Бұл мақсатқа МАИ бекеті мөлтек ауданының 4 қиылыс көшелеріне 43 995,8 мың теңге, М.Абдуллаев көшесінен Тәуелсіздік көшесіне дейін 158 305,2 мың теңге қаралды. Сонымен қатар, Жаңақорған кентіндегі 4 көшеге жарық шамдарын орнатуға 181 849,0 мың теңге бөлінді. Әлшекей Бектібаев көшесіне жарық шамдарын орнатуға 60 942,0 мың теңге, Н. Түршекұлы көшесіне жарық шамдарын орнатуға 54 315,0 мың теңге, А. Шонабаев көшесіне жарық шамдарын орнатуға 35 698,2 мың теңге, А.Мұхамеджанұлы көшесіне жарық шамдарын орнатуға 30 839,8 мың теңге бөлініп, кент келбетін заманауи үрдіске сай жаңалап жатырмыз», – деді.</blockquote>Жаңақорған кентіне Ипподром мөлтек ауданында жаңадан салынып жатқан мектепке қатынайтын оқушылардың жолдағы қауіпсіздігін қамтамасыз ету мақсатында Б. Дүйсенбаев көшесіне тротуар орнатуға 62956,0 мың теңге, Тәуелсіздік көшесін абаттандыру жұмыстарына 75 955,0 мың теңге, Шалқия трассасы көшесінің бойындағы жасыл желекті 6 қоршауға 6 насос қоюға 6851,0 мың теңге, тазалықтың сақталуын бақылау мақсатында 17 кешенді бейнебақылау камераларын орналастыруға 45000,0 мың теңге, 10 дана билборд тұғырын орнату үшін 7 922,0 мың теңге, З.Мұсаханов көшесі мен Б.Байкенжеев көшесі аралығын абаттандыру жұмыстарына 42053,0 мың теңге бөлінді.Аудан әкімімен басқосуда, кент тазалығын қалыпта жағдайда ұстау үшін 15 дана қоқыс жәшігі мен демалып отыруға арналған 15 дана орындық және жарық шамдарын орнатылатынын, Жаңақорған кентіндегі көлік ағыны жоғары көшелердің жол үсті таңбаларын сызуға 10 074,0 мың теңге бөлінгені де айтылды. Кентте 12 көшеге тас пен 3 көшеге тратуар төселеді. Қ.Алдабергенұлы көшесіне 8 аялдама, Саяжай мөлтек ауданындағы Д.Шоманов көшесіне 4 аялдама орнатылады. Жеңіс паркін абаттандыру 30 дана жарық шамдарын орнату, 4 дана орындық, Рәміздер алаңын абаттандыру жұмыстары да назарда болмақ. Кент тұрғындарымен кездесуде аудан әкімі Мұрат Тілеуімбетов:<blockquote>&nbsp;Автовакзал алдындағы сағат ескерткішін басқа аймаққа қойып, орнына су бұрқақтарын қойып, демалыс орындарына айналдыру қажет деп ойлаймын. Көлік тұрақтары мәселесі өз реттілігін табу керек. Халықпен кездесуде көптің ақыл-кеңесіне құлақ түріп, «келісіп пішкен тонның келте болмайтынына» көзім жетіп келді. Осы басқосуға уақыт тауып келген тұрғындарға алғысым шексіз, – дей келе, кент әкімі Асқар Ибрагимовке нақты тапсырма берді. Аудан әкімі сөз соңында кент әкімінің орынбасары Алма Мамированың зейнеткерлік жасына толуымен құттықтап, құрметін білдірді. Жиын соңы тұрғындардың сұрақ-жауабына ұласып, вокзалдағы жаяу жүргіншілер көпірі, тротуардың сапасы, жер кезегінің жылжымауы, т.б сұрақтар қойылды. Кестеге сай кездесу Сыр беткейдегі ауылдардан басталды. Бүгін 5 ауылдың тыныс-тіршілігін түгендеп, тұрғындардың талап-тілегін тыңдап қайттық. Алдымен аудан басшысы атқарылып жатқан жұмыстарды баяндап, меже мен міндетті айқындап, нақты тапсырмаларды түгендеді. Елдің ұсыныс-пікірлерін ескеріп, осыдан 3 ай бұрынғы кездесудегі көтерілген мәселелерге жауап берді.</blockquote> &nbsp;

Жаңақорған ауданында тазалық мәселесі ұдайы назарда

<a href="https://kyzylorda-news.kz/">Kyzylorda-news.kz</a> Қызылорда қаласының аумағына келген шетелдіктердің көші-қон заңнамаларын бұзу деректерін анықтау, оларды әкімшілік жауапкершіліктерге тарту, іздеуде жүрген қылмыскерлерді анықтау мақсатында шетелдіктердің уақытша тіркелген мекен-жайларын, салынып жатқан құрылыс нысандары, базарлар мен дәмханалар тексеріліп, рейдтік іс-шаралар жүргізілуде. Бір апта көлемінде 17 заң бұзушылық анықталды.Нәтижесінде Көші-қон заңнамаларын бұзған ҚР ӘҚБтК-нің 517 бабымен (Шетелдіктің немесе азаматтығы жоқ адамның ҚР халықтың көші-қон саласындағы заңнамасын бұзуы) 12 шетелдік анықталды.Сонымен бірге ҚР ӘҚБтК-нің 518 бабымен (Шетелдіктерді және азаматтығы жоқ адамадарды қабылдайтын жеке немесе заңды тұлғалардың ҚР-ның халықтың көші-қон саласындағы заңнамасын бұзуы) 4 азаматына әкімшілік шаралар көрілді. &nbsp;Шетелден келген азаматтарды Қызылорда қалалық полиция басқармасы үнемі бақылауда ұстап, түрлі шаралар негізінде жұмыстар жасайды.Осыған байланысты, алдағы уақытта да аталған бағыттағы жұмыстарды жандандыру мақсатында Көші-қон қызметі бөлімінің қызметкерлері нақты тапсырмалар бойынша тиісті ұйымдастырушылық шаралар қабылдауда. Бұл бағыттағы жұмыстар өз жалғасын табады.Фото: Нұрболат Нұржаубай

Көші-қон қызметкерлері бір аптада 17 заң бұзушылықты анықтады

– Ақмарал Бақбергенқызы, әуелгі сұрақты еңбек жолыңыздан бастасақ. – Мен бала кезімнен ән мен биге құмар болдым. Үшінші сыныптан бастап ән салдым. Облыстық, республикалық «Шабыт», «Бозторғай» фестивальдеріне қатыстым. Алайда 9-сыныпты бітірген соң, «Қаржыгер» мамандығы бойынша орта білім алдым. Десе де, өмір жолы мені өнермен қайта тоғыстырды. Музыка саласында жоғары білімді игердім. 2008 жылы аудандық мәдениет үйіне әдіскер болып жұмысқа орналастым. 2014-2018 жылдары «Халық» театрының режиссері, 2018-2021 жылдары әдістемелік кабинеттің меңгерушісі, 2021 жылдан бері Төретам клуб үйінде директорлық қызметтемін. Осы жылдар ішінде біршама белестен, кезеңнен өттім десем де болады. Адам өзін әр бағытта сынап көрген сайын дами түседі екен. Тек талмай еңбектенсең болғаны.– Өзіңіз басқарып отырған ұжым туралы бірер сөз. Шығармашылықта қандай бағыттарды қамтисыздар? Қанша адам қызмет етеді? – Жалпылама алғанда 12 штаттық бірлік бойынша 13 адам жұмыс істейді. Ал шығармашылық бойынша 4 маман еңбек етеміз. Негізі шығармашыл жан болғандықтан басшылық қызметке өзімді 2 жылдан бері сынап келемін. Ұжымым ұйымшыл, ауызбіршілікті бірінші орынға қояды. Басты мақсатымыз – халыққа мәдени-рухани демалыс сыйлау, эстетикалық талғам қалыптастыру, балалардың бос уақытын тиімді пайдалану. Клуб үйінде вокал, актерлік шеберлік, хореграфия, көркемсөз, бисер, поэзия, проза үйірмелері жұмыс істейді. Әр саладан өзінің білікті маманы дәріс бергенді құп көремін. Сол бағытқа қарай жұмыс істеймін. Сондай-ақ бізде «Келіншектер» ансамблі құрылған. Құрамында мәдениет саласының қызметкерлері мен мұғалімдер бар. Қос етек көйлегімізді, қазақы қамзолымызды киіп, ақ орамалымызды тағынып, әрбір іс-шараға сахнаға сән беріп жүрміз. Сонымен қатар «Әжелер» ансамблінің де құрамы қайта жасақталуда. «Әжелер» мен «Келіншектер» ансамблінің бірлескен попури әні де бар. Халық оны зор ықыласпен қабылдады. Екі ансамблдің бірлесе сахнада өнер көрсетуінің өзі ұлттық тәрбиені насихаттап, үлкен мен кіші арасындағы сыйластықты нығайтады. Ұжым қызметкерлері өздері де, шәкірттерімен бірге де түрлі байқау мен конкурстардың белсенді қатысушылары. Аудандық, облыстық, республикалық додалардан топ жарып, біршама белесті бағындырып жүр. Олардың әрбір жеңісіне ұжым болып қолдау білдіріп, марқайып отырамыз.– Ұлттық салт-дәстүрді дәріптеп, ұлттық құндылықтарды болашақ ұрпаққа жеткізу қандай жұмыстар атқарылуда? – Дәл қазіргі таңда ұлттық тәрбиені мықтап қолға алып басымдық берудеміз. Былтыр Көшеней Рүстембековтің облыстық фестивалін өткіздік. Балалардың құлағына жыр-дастандарымыз арқылы ұлттық тәрбие сіңе берсін деген ниетпен осындай іс-шара өткіздік. Сол кездегі көрерменнің ықыласы ерекше болды. Яғни жыр-термеге кент тұрғындарының қызығушылығы жоғары. «Атадан қалған өсиет» деген аудандық іс-шара өткізілді. Онда өсиет те айтылды, батаның түр-түрі тарқатылды. «Поэзия түні» деген жобамыз облыста үздік деп танылды. «Аналар ізімен» атты жаңа жобамыздың да елге берері мол. Қармақшы ауданның 95 жылдығына орай «Төріңде жырау жырласын» тақырыбында жыр фестивалі өтті. Қазіргі ойымда жүрген дүниенің бірі – мүмкіндік болса Төретамнан жыраулардың үйірмесін ашу. Себебі жыр тыңдап өскен баланың жаманы болмайды. Ұлттық тәрбиенің ерен үлгісі жыр-термеде дер едім. Әрі тұрғындар тарапынан да жыр-терме үйірмесіне сұраныс бар.– Өнер – саф, таза әлем, ластықты кешірмейді деп жатады. Бірақ қазір тас лақтырсаң «әншіге» тиеді. Айтары болмаса да, қомақты табыс көзі қылып алғандар да аз емес. Бұл қаншалықты дұрыс? – Өте орынды сұрақ. Әнші көп, бірақ білімді, оқыған әнші аз. «Қарнымның ашқанына емес, қадірімнің қашқанына жылаймын» демекші, сахнаның сәні кетті деп кесіп айтуға болмас. Бірақ ән өнерінің ауласын былғап, табыс көзіне айналдырғандардың аз емес екені аян. Бірақ не нәрсенің шегі бар ғой, бұл да уақытша деп білемін. Уақыт бәрін өз орнына қоятынына сенемін Бірақ сахнаға шыққан әрбір жан таза өзінің маманынан сабақ алға, өнерді сүйетін, сахнаның қасиетін түсінетін жан болса деймін. Сонда ғана өнер өміршең болмақ. Ал біздің мәдениетіміз биік болса, мәртебеміз де биік болары анық.– «Ұстазы мықтының, ұстамы мықты». Өнердегі, өмірдегі ұстазың туралы айтпай кету ағаттық болар. Тоқтала кетсеңіз... – Өнердегі ұстазым Мұхамедқали Бағатов ағай. Бала күнімнен бізге бағыт-бағдар беріп, байқауларға дайындап, ән әлеміне баулыды. Ал өмірдегі ұстазым деп Несібелі Нұралиева апайды айтар едім. Жұмысқа кіріскеннен бастап бар білгенімен бөлісіп, бізді алға жетеледі. Қажет кезінде қатал да бола білді, талап та қойды. Біз сол талаптың үдесінен шығайық, апайдан артық сөз естімейік деп жүріп пісіп-жетілдік. Қазір өзім де қызметкерлерге талапшылмын десем болады. Себебі талап пен тәртіп болған жерде ғана нәтижелі жұмыс болмақ.– Алдағы жоспарлар туралы сөз етсек... – Шығармашылық жағынан жоспар көп әрине. Қолға алынып жатқан жаңа жобалар да жетерлік. Бір айта кетерлігі, мен қандай жобаны қолға алсам да жергілікті кәсіпкерлер демеушілік жасаудан бас тартқан емес. Оларға алғысым шексіз. Бұл өлкеде өнерді жоғары бағалайды, әрі оған жанашыр жандар көп. Ауыл ақсақалдары да үнемі әрбір іс-шарамызға қуана қатысып, алғысын жаудырып отырады. Қажет кезде ақыл-кеңесін айтып, бағыт-бағдар береді. Әр аптаның сәрсенбісінде ауыл ақсақалдары клуб үйінде бас қосып, өнегелі әңгіме өрбітеді. Жалпы Төретам – таланттардың мекені. Ал клуб үйі – өнер мен еңбектің ерен үлгісі. Себебі мұндағы санаулы маман ән де айтады, би де билейді, актер да бола біледі. Өз қызметіне берілген, жаңашыл ұжымның бағындырар белесі әлі алда екеніне сенімім мол.– Сұқбат үшін рахмет! Өмірдің төрінде, өнердің өрінде болыңыз!

Ақмарал Кішкентаева: Жыр-терме үйірмесіне сұраныс жоғары 

<a href="https://kyzylorda-news.kz/">Kyzylorda-news.kz</a> &nbsp; Жалпы, нарық заманында, экономиканың қарқын алған дәуірінде асыраушы саланы дамыту арқылы халықтың әл-ауқатын көтеру де күн тәртібінде. Алайда халық күнделікті тұтынатын түрлі тағамдар мен көкөністер және өзге де өнімдердің бағасы кейде төмендеп, кейде күрт өсіп кетіп жатады. Сондықтан азық-түлік бағасының қолжетімсіздігі үнемі халық көтеретін үлкен мәселелердің біріне айналды. Азық-түлік қорын ұлғайту, оның қолжетімділігін қамтамасыз ету – еліміздегі өзекті мәселенің бірі. Базардың бағамы қалтаның қаражатына қарамай тұрған шақта, әлеуметтік тауарлар әлеуеттің қажетіне жарап тұр. Қармақы ауданында баға тұрақтылығын сақтау үшін күн сайын мониторинг жүргізіліп, реттеу &nbsp;жұмыстары ұдайы жүргізіліп келеді.&nbsp;Азық-түлік тауарларына баға белгілеудің бүкіл тізбегі бойынша делдалдық схемаларды тексеру жөніндегі жұмысшы тобы мүшелері аудан орталығындағы сауда орындары мен дүкендердегі баға мен қажетті қордың болуына талдау жүргізілді. Жұмыс барысында жұмысшы топ мүшелері Жосалы кентіндегі «Алтын Орда», «Жібек Жолы», «Ұлар», «Сұлтан», «Ырыстыжан» сауда үйлерін аралады.&nbsp;Сауда объектілерін аралау барысында кәсіпкерлік субъектілеріне әлеуметтік маңызы бар азық-түлік тауарларының бағасына сауда үстемесін негізсіз көтермеу, сауда үстемесін 15 пайыздан асырған жағдайда әкімшілік құқық бұзушылық фактісі бойынша шаралар қолданылатындығы туралы түсіндірме жұмыстары апта сайын жүргізілетін болады. &nbsp;

Қармақшыда азық-түлік бағасына мониторинг жұмыстары жүргізілді

<a href="https://kyzylorda-news.kz/">Kyzylorda-news.kz</a> Қоғамға оқу-ағарту, білім, әлеуметтік ахуал қаншалықты қажет болса, денсаулық та соншалықты маңызды фактор атқарады. Өйткені дені сау ұлт қана болашақты жасай алмақ. Біздің қоғамның саламатты көрінісі де ондағы адамдардың денсаулығымен өлшенбек. Оның ішінде ауылдық жерлердегі тұрғындардың денсаулығы, саламатты өмір салты – мемлекеттің басты назарында.&nbsp;Жуырда бірнеше ұлттың алтын бесігіне айналған «Достық мекені» деген балама ат иеленген Қармақшы ауданындағы ІІІ Интернационал ауылында болып, игі жаңалықтарымен танысып қайтқан болатынбыз. Оның арасында елді мекендегі дәрігерлік-амбулаториясына да атбасын тірген едік.&nbsp; «Өткенсіз бүгін, бүгінсіз ертең жоқ» демекші, әрбір өткен жол &nbsp;қатталып жазылған тарих. Аға буынның жүріп өткен абыройлы жолы. Сол себепті де алдымен шағын мекеменің өткеніне аз-кем көз жіберіп, тарихына тоқталып өтелік.&nbsp;Алғашында амбулаторияның іргетасы сонау 1938 жылы қаланып, ауылдық учаскелік Наурызбай ауруханасы болып құрылған. Сол кезде 1 фельдшер, 4 медбике және 1 акушер тұрғындарға денсаулық саласы бойынша қызмет көрсетіп бастаған. 1950 жылы 25 төсектік болып ұлғайтылса, ал 1975 жылы 50 төсектік болып қызмет көрсету аясын кеңейте түскен. Атап айтсақ, рентген кабинеті, әйелдер босандыратын бөлімше болған. Осы уақытта медициналық қызметкер саны 50 адамға жетіп, толымды жұмыс істеген. Оның ішінде 7 дәрігер, 4 акушер, 28 медбике еңбек еткен. Сол кездегі бас дәрігер Әбдіжәміл Сыдықов, дәрігерлер Күлан Ахметова, Жәдігер Әбжаппаров, Құттыбала Сатылғанова, Людмила Ан, Бақыт Қуатова және гинеколог Марат Ермұратовтар жемісті еңбек үлгісін көрсетсе, акушерлер – марқұм Айтан Әлишарипова, Дәметкен Жайсанбаева, Айдаркүл Исаманова, медбикелер – Аршагүл &nbsp;Шүйтенова, Ақжаркүл Тұрабаева, Раунақ Әлжанова, Нелли Кузнецова, Орынкүл Төлегенова, Қаным Бөлекбаева, лаборант Рабиға Сәрсеновалар бар саналы ғұмырын денсаулық саласына арнап, білікті мамандар екенімен көзге түсті.&nbsp;Қазіргі таңда ардагер медбикелер Айымкүл Әбсатова, Сартиназ Байрақтарова, Бибайша Есаманова, Елена Ким, Аслый Мададова, Гүлжамила Тоқтарбекова, Роза Ли, әпкелі-сіңлілі Ақшекер, Бақыт Ізтілеуовалар, акушер Алмира Дауылбаева және мектеп медбикелері – Мария Ким, Зайда Чиквадзе, шаруашылық меңгерушісі Алимаш Байгетеева, аспазшы Гүлнар Төремұратова, ауруханаішілік дәріхананың меңгерушісі Гүлмахарам Бадаевалар саланың ыстық-суығын көтере білген жандар.&nbsp;Бүгінде дәрігерлік-амбулаторияда 1 дәрігер, 11 медбике, 1 шаруашылық бикесі, 3 кіші медқызметкер және басқа да техникалық персоналдар қызмет жасайды. Медициналық қызмет көрсету мекемесін аға дәрігер Зульфия Муханбетова басқарады.&nbsp;Зульфия Алдажарқызы ІІІ Интернационал ауылының тумасы. 1998 жылы Ақтөбе Мемлекеттік медицина акедемиясынан «Емдеу ісі» мамандығы бойынша бітіріп шыққан. Жолдамамен әуеліде Қармақшы аудандық ауруханасына отбасылық дәрігер болып жұмысқа қабылданса, 1999-2000 жылдар аралығында қабылдау бөлімшесінің меңгерушісі және бұл қызметпен қоса жедел жәрдем бөлімшесінің де дәрігері болып қатар қызметтер атқарған. Одан соң туған ауылына дәрігер-терапевт болып келіп, дәрігерлік жұмысын жалғастырған. 2003 жылы білімін жетілдіру арқылы балалар дәрігері ретінде қайта оқудан өтіп, табаны күректей 10 жыл балалар дәрігері болады. Осы жылдар ішінде білікті маман мол тәжірибе жинақтап, басшылық тарапынан үлкен сенімге ие болған. Осындай сенімнің арқасында ол 2013 жылдан бастап қазіргі күнге дейін осы басшылық қызметте абыроймен келеді. З.Муханбетова тәжірибелі дәрігер болумен қатар, ұжымның ұйытқысы да. Қарамағында жұмыс істейтін қызметкерлердің ұйыстырушысы, қай істе болсын алға жетелеп, жол көрсетушісі, бағыт-бағдар берушісі. Бірлігі жарасқан ұжым елді мекен тұрғындарына сапалы қызмет көрсетіп, алғысын арқалауда. &nbsp;Сондай-ақ оның саладағы елеулі еңбегі ескеріліп, 2007 жылы Қазақстан Республикасы «Медицина саласының үздігі» төсбелгісінің иегері атанады. Өткен жылы Қазақстанның "Алтын кітабына" есімі еніп, әріптестеріне өнеге көрсетеді. Емі шипалы дәрігер халықтың сүйіктісіне айналған. Өмірлік серігі Заадин Гейдаровпен бірге 1 ұл, 1 қыз тәрбиелеп отырған бақытты ана.<blockquote>– Медицина – мемлекетіміздің басты назарында тұрған саланың бірі. Біздің де осы реттегі мақсатымыз – халыққа сапалы қызмет көрсету, аурудың алдын алуда скринингтік тексеру, насихаттық жұмыстарын жүргізу. Шағын мекемеде аға медбике Бақыткүл Меңлібаева, жалпы тәжірибелі медбикелер – Қарлығаш Есова, Рысты Қашақбаева, Тұрсынай Қозыбақовалар өз ісінің мықты маманы болса, зертханашы Рабиға Аманова, әлеуметтік қызметкер Света Серікбаева, медбикелер – Хадиша Мададова, Баали Рагибова, Лаура Ералиева, Афида Мададова, Салтанат Жаңабаевалардың да есімдерін ерекше атап өткен болар едім. Амбулатория 2014 жылы заманауи келбетте салынған жаңа ғимаратта орналасқан. 2017 жылы 10 төсектік күндізгі стационар болып белгіленсе, былтырдан бастап 5 төсектік күндізгі стационарға науқастар қабылдап, ем-дом шараларын жасап жатырмыз. Алдағы уақытта да ауыл жұртшылығына саламатты өмір салтын насихаттап, сапалы қызмет көрсете беретін боламыз, – дейді дәрігерлік-амбулаторияның меңгерушісі Зульфия Алдажарқызы бізбен әңгімесінде.&nbsp; &nbsp;</blockquote>

Ауыл медицинасы алға басып келеді

<a href="https://kyzylorda-news.kz/">Kyzylorda-news.kz</a> &nbsp; &nbsp;Қызылорда қаласы әкімінің &nbsp;шешімімен Қызылорда қаласында 2023-2024 жылдардағы жылу беру маусымы 2024 жылғы &nbsp;10 сәуірде 00-00 сағатта аяқталады. Бұл туралы «Қызылордажылуэлектрорталығы» МКК әкімшілігі хабарлады.Ағымдағы жылдың &nbsp;сәуір айының 15 жұлдызынан бастап, &nbsp;мамыр &nbsp;айының 15 жұлдызына дейінгі уақыт аралығында Қызылорда қаласының жылу желілерінде 16 кгс/см2 дейінгі қысыммен магистральдық және &nbsp;12 кгс/см2 ауданаралық жылу құбырларының тығыздығына гидравликалық сынақ жүргізіледі және қаланың оңтүстік ауданындағы жылу желілерінде ең жоғары температуралық жылу тасымалдағыш сынағы өткізіледі.Қауіпсіздік шараларын сақтау мақсатында сынақ жүргізу кезінде бөгде адамдарға магистральды &nbsp;құбырлардың жанында болуға қатаң тыйым салынады. Сондай-ақ, қаланың жылу құбырларында (трассаларында) авариялық жағдайлардың туындауының алғы шарттарын болдырмау мақсатында кондоминиумның барлық басқару органдары (ПИК) және жылу энергиясының басқа да тұтынушылары жылытудың, ішкі жылу желілерін сыртқы жылу желілерінен сенімді &nbsp;ажыратылуы&nbsp;тиіс.Сынақ кезінде желілік судың ағуы және құбырлардың үзілуі анықталған жағдайда диспетчерлік қызметке 25-00-45, 25-01-04&nbsp;телефоны &nbsp;бойынша дереу хабарлау қажет.Байланыс телефоны 8-776-869-20-53 немесе қалалық коммуналдық шаруашылық қызметінің диспетчерлік қызметі – 109.

Қызылорда қаласында 10 сәуірден бастап жылу тоқтатылады

<a href="https://kyzylorda-news.kz/">Kyzylorda-news.kz</a>&nbsp; «Руханият» ғылыми-зерттеу орталығының ұйымдастыруымен Қызылорда Болашақ университетінің 1-курс білім алушыларына филология, журналистика және тарих кафедрасының аға оқытушысы, педагогика ғылымдарының магистрі Қ. Қыпшақбаев «Сыр бойындағы қала мәдениеті және рухани құндылықтар» тақырыбында ғылыми-танымдық дәріс өткізді. Дәріс Қызылорда облысының тарихи-өлкетану мұражайында өтті.«Сыр - Алаштың анасы», тарихқа жүгінсек, бұл жерде қазақтың үш астанасы − Жент, Сығанақ, Қызылорда қалалалары орналасқан. «Қазақстанның киелі жерлерінің географиясы» жобасы аясында Қызылорда облысы бойынша 12 тарихи ескерткіш еліміздің жалпыұлттық қасиетті нысандар тізіміне және 60 тарихи ескерткіш өңірлік қасиетті нысандар тізіміне енді. Жалпыұлттық қасиетті нысандарға − ежелгі Шірік-Рабат қалашығы, ортағасырлық Жанкент, Сығанақ, Жент қалашықтары жатады. Осы қалалардан қалған іздері, табаны, орналасқан аймағы туралы білім алушыларға толығымен карталармен, түрлі-түсті суреттермен мәлімет берілді.Сырдарияның төмен ағысындағы оғыз қалалары туралы мәлімет 1959-1960 жылдары С.П. Толстовтың жетекшілігімен ХАЭЭ-ның барлау отряды бұрын белгісіз болып келген Іңкәрдария және Жаңадария бассейндеріндегі орналасқан «Оңтүстік Оғыздар» ескерткіштер тобын ашып, зерттеу жұмыстарын жүргізді. Өңірдің ортағасырлық қалалары мен қоныстарын зерттеу оларды барынша бірнеше топқа бөлуге мүмкіндік берді. Іңкәрдария мен Жаңадария бассейінің шығыс, сирек жағдайда орта бөлігінде орналасқан қалашықтарына Жент, Сырлытам, Заңғар қала, Асанас, Орқала, Ақтөбе қала жұрты жатады. Бұл қалалар көп функционалды, саяси әкімшілік орталықтарының рөлін атқарды, қолөнер кәсіптерінің, сауданың және ауыл шаруашылығының шоғырланған жері, ғылымның, білім мен мәдениеттің орталығы болғанын көрсетеді.Облыстық тарихи Өлкетану мұражайының ғалым-хатшысы А. Сайлау «Қасиетті Қазақстан және археология» залында білім алушыларға неолит, кейінгі қала, ерте темір дәуірі, ортағасыр дәуірлері мерзімделетін Қызылорда облысы территориясында тиесілі археологиялық ескерткіш кешендер, архитектуралық ескерткіштер, тарихи маңызды оқиғалар, Сыр өңірінде ұйымдастырылған ғылыми-зерттеу экспедицияларынан көріністер, П.И. Лерх, А.Н. Бернштам, С.П. Толстов (ХАЭЭ) экспедициялары туралы құнды мәліметтер, «Мәдени мұра» бағдарламасы бойынша жүргізілген экспедициялар, «Қазақстанның киелі жерлерінің географиялық» жобасы бойынша Қызылорда облысынан жалпыұлттық қасиетті нысандар тізіміне енген 12 тарихи-мәдени ескерткіш, өңірлік қасиетті нысандар тізіміне енген 60 тарихи-мәдени ескерткіштер тарихы мен сол дәуірлермен мерзімделетін археологиялық экспонаттар және облыстық музейдің «Археология» экспозициясында орналасқан 2023 жылы жергілікті ғалым археологтардың тікелей бастамасымен «Шірік Рабат сақ жауынгері» мен «Сығанақ ханшайымы» реконструкцияларымен жалпы білім алушыларға қосымша дерек ретінде толығымен баяндап берді.Университет білім алушылары осы дәріс арқылы мұражайдағы 10-нан аса залда орналасқан экспонаттармен танысты, өлке тарихына байланысты мол мағлұмат алды. &nbsp;

 Сыр бойындағы қала мәдениеті және рухани құндылықтар 

<a href="https://kyzylorda-news.kz/">Kyzylorda-news.kz</a> &nbsp; &nbsp; «Таза Қазақстан» республикалық акциясы аясында Сыр өңірінде «Таза Қазақстан – таза аймақ» экологиялық науқаны бастау алды.Бүгін облыс әкімі Н.Нәлібаевтың экологиялық науқанға аймақ жұртшылығын белсене қатысуға шақырған үндеуі жарияланды.Акцияның басты мақсаты – қоршаған орта мен тұрғындар үшін қолайлы жағдайларды қамтамасыз ету, азаматтық жауапкершілікті арттыру, экологиялық сана мен экологиялық мәдениетті қалыптастыру және нығайту мақсатында құрылған қоғамдық игілікке ұқыптылықпен қарау қағидаттарын қалыптастыру.Акция 5 кезеңнен тұрады:1. «Таза өлке» апталығы (6-13 сәуір);2. «Киелі мекен» апталығы (14-20 сәуір);3. «Жасыл аймақ» апталығы (21-27 сәуір);4. «Өнегелі ұрпақ» апталығы (28 сәуір - 4 мамыр);5. «Мөлдір бұлақ» апталығы (5-11 мамыр) атты тақырыптық бағыттарда ұйымдастырылады.Қазақылықтың қаймағы бұзылмаған, тату тірлік пен береке-бірліктің бесігі – Сыр өңіріндегі акция аясында 6-13 сәуір аралығында:- «Менің туған өлкем» тақырыбында облыс көлеміндегі елді мекендерде, мекемелер мен кәсіпорындар аумақтарында жаппай тазалық шаралары;- «Табиғатқа құрмет отбасынан басталады» атты тұрғындардың өз аулаларын, көшелерін, көше бойында орналасқан арықтарды тазалау «Жасыл желек» жалпыхалықтық челленджі;- «Ауласы тазаның - ауасы таза!» және «Көшесі тазаның - көңілі таза!» тақырыптарында еріктілердің, эко белсенділердің және тұрғындардың қатысуымен тазалық акциялары;- «Жастар таза өлке үшін» тақырыбында жастар арасында тазалық челенджі;- «Taza Olke - Taza El» сенбілік ұйымдастыру «Гүлденген өлкем» елді мекендерді, көшелер мен саябақтарды көгалдандыру мен тазартуға үлес қосқан азаматтарды марапаттау шарасы ұйымдастырылады.14-20 сәуір аралығындағы «Киелі мекен» апталығында:- «Сыр елі - тарихи қалалар мекені» облыс аумағындағы барлық тарихи-мәдени ескерткіштер, облыстық тарихи-өлкетану музейі аумақтарын абаттандыру;- «Қорқыт ата» мемориалды кешені, «Марал ишан», «Қалқай ишан» кесенелері және Қармақшы ауданы аумағында орналасқан басқа да тарихи-мәдени ескерткіштер мен музейлер аумағын абаттандыру;- «Бұқарбай батыр», «Түмен әулие» кесенелері және Жалағаш ауданы аумағында орналасқан басқа да тарихи-мәдени ескерткіштер мен музейлер аумағын абаттандыру;- «Асанас», «Қышқала» қалашықтары, «Қалжан ахун» мешіт-медресесі және Сырдария ауданы аумағында орналасқан басқа да тарихи-мәдени ескерткіштер мен музейлер аумағын абаттандыру;- «Оқшы ата» кесенесі және Шиелі ауданы аумағында орналасқан басқа да тарихи мәдени ескерткіштер мен музейлер аумағын абаттандыру;- «Қорасан ата» кесенесі, «Сығанақ» қалашығы және Жаңақорған ауданы аумағында орналасқан басқа да тарихи-мәдени ескерткіштер мен музейлер аумағын абаттандыру;- «Бегім ана» мұнарасы, «Кердері» кесенесі және Арал ауданы аумағында орналасқан басқа да тарихи-мәдени ескерткіштер мен музейлер аумағын абаттандыру;- «Жанқожа батыр» кесенесі, «Жанкент» қалашығы және Қазалы ауданы аумағында орналасқан басқа да тарихи-мәдени ескерткіштер мен музейлер аумағы абаттандырылады.21-27 сәуір аралығындағы «Жасыл аймақ» апталығында «Biz taza aimaq ushin» қала, аудан, елдімекендерде орналасқан саябақтар, скверлер, парктер мен аллеялар аумағын абаттандыру, «Көктемгі көшет!» ағаш отырғызу акциясы ұйымдастырылады.28 сәуір мен 4 мамыр аралығындағы «Өнегелі ұрпақ» апталығы аясында «Ардагерлерді ардақтайық» тақырыбында ардагерлер, қарттар үйлерінің аулаларын жинау және абаттандыру шаралары, белсенді жастар ұйымдарының «Жаныңда жүр жақсы адам» үндеуімен жалғызбасты қариялардың үйлері аулаларын жинау, әктеу, сырлау акциясы ұйымдастырылады.5-11 мамыр аралығындағы «Мөлдір бұлақ» апталығында «Бұлақ көрсең, көзін аш» су айдындары мен арналарында жалпыхалықтық экологиялық акциясы «Таза жағалау, таза су айдыны» тақырыбында еріктілердің, қоғам белсенділері мен тұрғындардың қатысуымен су айдындары мен арналарында тазалық шаралары ұйымдастырылады.Тазалық акциясының алғашқы аптасы «Таза өлке» атауымен өтуде. Бұл күндері облыс аймағындағы елді мекен тұрғындары, қоғам белсенділері, ұйымдар мен кәсіпорындардың қызметкерлері қоршаған ортаны таза ұстауға және тазартуға өз үлестерін қосуда. Бүгінге дейін қала және барлық аудандарда 30 мыңға жуық ағаш көшеттері отырғызылды.Мемлекет басшысының тапсырмасымен Арал теңізінің құрғаған ұлтанына 1,1 млн. гектар сексеуіл екпелерін егу кезең-кезеңімен жүзеге асырылуда. Атап айтқанда, республикалық және облыстық бюджет есебінен 2021 жылы 101 мың гектар, 2022 жылы 250 мың гектар, 2023 жылы 193,2 мың гектар жерге фитоорманмелиорациялық жұмыстары жүргізілді.2024-2025 жылдар аралығында 556,2 мың гектар жерге фитоорманмелиорациялық жұмыстар жүргізу жоспарлануда.Бүгінгі күнге құрғаған ұлтанның 51,6 мың гектарға 15,3 млн. дана көшет отырғызылды.Биыл еліміз Халықаралық Аралды құтқару қорына төрағалық етуде. Теңіздің кепкен табанына өскіндер егу мәселесін аймақ басшысы тұрақты бақылауына алып, бұл ортақ іске кәсіпкерлерді де жұмылдыруда.Сонымен қатар, Қызылорда облысындағы жолдардың сапасын жақсарту мәселелері оңтайландырылып, құрылыс жұмыстары да қарқын алуда.Биыл 300 шақырымға жуық жол жөнделіп, облыстағы жақсы деңгейдегі жол үлесі 92 пайызға жетпек. Бұл 2022 жылмен салыстырғанда 12 пайызға артып отыр. Соның бірі, биыл аймақ басшысының қолдауымен қаладағы ұзындығы 3 шақырымға жуықтайтын Қожа Ахмет Яссауи көшесі қайта жаңғыртылуда. Жол құрылысы аяқталған жағдайда бұл көше 4 жолақтыға ауыстырылып, толығымен жарықтандырылады.Сондай-ақ, құрылыс қарқынына айналған Қызылорда қаласының Сол жағалаудағы жаңа автовокзал ғимаратының алаңын жасыл желекке айналдыру мақсатында ағаш көшеттері отырғызылып, елді мекендерді көгалдандыру жұмыстары облыстың барлық аудандарында қарқынды жүргізілуде.Айта кетейік, «Таза Қазақстан» акциясы аясында облыс тұрғындарының қатысуымен шаһарды қоқыстан тазарту жұмыстарының нәтижесінде, полигондарға 300 тоннаға жуық қоқыс шығарыса, облыс орталығындағы 30-ға жуық тұрғын үйлердің қасбеттері жаңғыртылып, қала көркіне сәне беруде.Айта кету керек, өткен жылдан бастап ауылдық елді-мекендерді дамыту аясында Қызылорда облысында «Үлгілі елді мекен» конкурсы өткізіліп келеді. 2023 жылдың қорытындысымен жеңімпаз болып табылған 12 елді мекенге күнделікті тұрмысқа ең қажетті деген заманауи үлгідегі 29 арнайы техникалар табысталды.​Облыс әкімдігінің қолдауымен жүзеге асырылып жатқан «Таза Қазақстан – Таза Аймақ» акциясы туралы барлық ақпарат Қызылорда облысы әкімдігінің әлеуметтік желілерінде орналастырылған.&nbsp;

Сыр елінде «Таза Қазақстан » республикалық экологиялық акциясы жалғасын табуда

<a href="https://kyzylorda-news.kz/">Kyzylorda-news.kz</a>&nbsp; Сыр өңіріне табиғи су апатынан ешқандай қауіп төніп тұрған жоқ. Сырдария арқылы келіп жатқан су деңгейі де жоғары емес. Облыс аумағындағы су қоймаларында жинақталған су мөлшері де алаңдата қоймайды. Облыстағы су шаруашылығы саласының мамандары бұл жағдайды жіті бақылап отыр.«Арал-Сырдария» бассейндік инспекциясының басшысы Қайратбек Сәрсенбаевтың айтуынша, кейінгі жылдарда дария деңгейі төмен.&nbsp;Биыл «Шардарадан» жоғары бөлікте орналасқан су қоймаларында 12,2 млрд текше метр су жинақталған. Ол былтырғы жылмен салыстырғанда 812 млн текше метрге кем. Қазір «Шардарада» 4,7 млрд текше метр су бар. Ол былтыр 5 млрд текше метр еді.<blockquote>– Әдетте, көктем мезгілінде Қырғызстан энергетикалық режимге көшіп, дария бойындағы бастапқы «Тоқтағұл» су қоймасына қажетті суды молынан жинайды.&nbsp;Сондықтан алдағы күндерде судың деңгейіне байланысты өзгерістер болуы мүмкін. Бұл бағытта қазақстандық мамандар қажетті іс-шараларды қолға алып келеді. Ендігі кезекте судың лимитіне байланысты Шымкентте мемлекетаралық комиссияның отырысы өткізіледі. Онда судың жағдайы кеңінен талқыланып, дария бойындағы елдердің ішкі қажеттілігіне байланысты су лимиті белгіленеді. Сондықтан әзірге ол жөнінде нақты тұжырым жасай алмаймыз. Биыл дариядағы сеңнің жүруі судың төмен болуына байланысты қауіпсіз өтті, – деді Қ.Сәрсенбаев.</blockquote>Облыстық табиғи ресурстар және табиғат пайдалануды реттеу басқармасы басшысының орынбасары Қайрат Жансұлтанұлы сәуір айының басында өңірдегі барлық су тоспасы тексерілгенін атап өтті.<blockquote>– Облыста Жаңақорған ауданында «Бесарық», «Жиделі», «Көлтоған», «Қыраш», Манап су тоспалары мен тоғандары орналасқан.&nbsp;Ал Арал ауданының Сексеуіл кенті аймағында «Құмсай» бөгеті бар. Бұл орындардың барлығы облыс әкімінің тапсырмасымен сала мамандарының тікелей бақылауында тұрғанын айта кеткеніміз артық болмас. Олардың ешбірінде қауіпті жағдай тіркеліп отырған жоқ. Соған қарамастан, өңірдегі әрбір су нысаны ұдайы бақылауда, – деді ол.</blockquote>Фото: sputnik.kz

Қазақстан және Қызылорда облысының жаңалықтары

Қызылорда университетінің ұжымы ботаникалық бақта ағаш көшеттерін егіп, тазалық жұмыстарын жүргізді