&nbsp;<a href="https://kyzylorda-news.kz/">Kyzylorda-news.kz</a> «Қазгидромет» РМК 12 сәуірге &nbsp;арналған синоптикалық жағдай мен Қазақстан аумағындағы ауа райының қауіпті құбылыстарына қатысты болжаммен бөлісті.&nbsp;Синоптиктердің болжамынша, Қазақстанның басым бөлігінде ауа райының тұрақсыз сипаты сақталады.&nbsp;Атмосфералық фронтальды бөлімдер Қазақстанның басым бөлігінде ауа райының тұрақсыз сипатын сақтайды – жаңбыр жауады, елдің оңтүстігінде, оңтүстік-шығысында – қатты жаңбыр жауады, таулы аудандарда жауын-шашын,&nbsp; жаңбыр аралас&nbsp; қар жауады.Шығыста, республиканың орталығында жауын-шашын (жаңбыр, қар) күтіледі. Қазақстан бойынша тұман, жел күшейеді.&nbsp;Еліміздің солтүстігінде, шығысында көктайғақ, оңтүстігінде, оңтүстік-шығысында найзағай, оңтүстік-батысында күндіз шаңды дауыл күтіледі.Фото: Нұрболат Нұржаубай

12 сәуірде ауа райы қандай болады?

&nbsp;<a href="https://kyzylorda-news.kz/">Kyzylorda-news.kz</a>&nbsp; &nbsp;Қармақшы аудандық білім бөлімінің басшысы Гүлзира Абдазиева және аудандық кәсіподақ комитетінің төрағасы Ләззат Есханова аймақтың бас ұстазының идеясымен бастау алған облыстық «Бір мектеп – бір жоба» байқауына қатысып, үздік деп танылған мектеп директорларын жеке қабылдап, жеңістерімен құттықтады.Өңірдегі білім беру ұйымдары басшыларының инновациялық және кәсіби тәжірибелерін анықтау, тәжірибе алмасу, білім беру жүйесіндегі өзіндік кәсіби имиджді қалыптастыру мақсатында өткен байқау қорытындысымен Қармақшы ауданы бойынша білім бөліміне қарасты №85 мектептің директоры Шаттық Шыңғысова «Мектеп. Кәсіп. Болашақ» жобасымен марапатталып үздіктер қатарынан көрінсе, №27 мектептің директоры Нұржан Райымов мен №279 мектептің директоры Фарида Аманова жоба барысындағы жетістіктері үшін білім басқармасының басшысы Асқарбек Есжановтың арнайы алғыс хатымен марапатталды.Жыл басында аймақ басшысының идеясымен бастау алған аймақтық байқау – бұл мектеп басшылары үшін бабында тұрып, бақ сынайтын, бәсі биік бәйге. Сонымен қатар кәсіби ізденіске мүмкіндік беретін, шыңдалуға, дамуға апаратын дәнекер. Осы орайда жобалық жұмыстарымен ауданымыздан үздік шыққан білім беру ұйымдарының басшылары білім бәсекесінде мектеп ұжымының мықты тірегі- ұйымшылдығы мен бірлігі жарасқан командалық жұмыс нәтижелерін көрсетіп,марапат төрінен көрінді. Сондықтан білім бәсекесінде биік көрсеткіш көрсете білген ауданымыздың ұстаздарын жемісті жетістіктерімен құттықтай отырып, шығармашылық табыстарға жете берулеріне сәттілік тілеймін, – деді аудандық білім бөлімінің басшысы Гүлзира Мажитқызы.Сондай-ақ, жақсы нәтижеге қол жеткізген жобаға қатысушы мектеп директорларына білім бөлімі басшысының атынан арнайы сый-сияпат көрсетілді.

Қармақшыда «Бір мектеп – бір жоба» байқауынан олжалы оралған мектеп басшылары бас қосты 

&nbsp; <a href="https://kyzylorda-news.kz/">Kyzylorda-news.kz</a> Қазақстан премьер-министрі Олжас Бектенов су тасқынына қарсы іс-шараларды үйлестіру және су тасқыны салдарын жою жөніндегі республикалық штабтың жұмыс кеңесін өткізді. Бұл туралы <a href="https://stan.kz/kazakstannin-eki-oblisinda-su-taskininin-ekinshi-kezeni-398361/">Stan.kz</a> ақпарат агенттігі хабарлайды.Батыс Қазақстан облысында жаңбыр жауады. Сақмар өзенінің деңгейі көтеріле бастады. Болжам бойынша, Жайық және Сақмар өзендерінің жоғарғы жағынан сәуір айының екінші онкүндігінде Батыс Қазақстан облысының аумағына су келеді. Қазіргі уақытта Орал қаласындағы Жайық өзеніндегі су деңгейі – 728 см, ол 850 см қауіпті межеге жақындайды деп болжанып отыр.Батыс Қазақстан облысынан судың келуіне байланысты Атырау облысында өткен тәулікте Жайық өзеніндегі гидробекеттерде де су деңгейінің шамалы көтерілуі байқалады. Сәуірдің үшінші онкүндігінде үлкен судың келуі күтіледі.Үкімет басшысы Олжас Бектеновтің тапсырмасы бойынша оның Батыс Қазақстан және Атырау облыстарына жұмыс сапарларының қорытындысына сәйкес әкімдіктердің, ТЖМ, ІІМ және Ұлттық ұланның, Қорғаныс министрлігінің күштері мен құралдары жұмылдырылды.Премьер-министр қорғаныс және ішкі істер министрлеріне қажет болған жағдайда қосымша жеке құрам мен техника жіберуді тапсырды."Орал мен Атырау бойынша күштер мен құралдарды барынша жұмылдыру қажет. Қазір үлкен суды елді мекендерге жеткізбей, бұрып әкету маңызды. Бүгін қосымша әскери қызметшілер мен техника жіберіле бастады. Су ағысының қарқынын ескере отырып, бірінші кезекте Оралды, одан әрі Атырауды күшейтеміз", —&nbsp;деді Олжас Бектенов.Үкімет басшысы екі облыс әкімдіктеріне келген әскери қызметшілерді барлық қажетті заттармен қамтамасыз ету, сондай-ақ техникаға жанармай құю мәселесін шешу жөнінде тапсырма берді.Бүгінгі таңда сегіз облыста жергілікті ауқымдағы төтенше жағдай режимі жалғасуда. Су басқан аймақтардан барлығы 97 мың тұрғын эвакуацияланды. 11 сәуірдегі жағдай бойынша Павлодар және Абай облыстарында су тасқыны жағдайының тұрақтануына байланысты ТЖ режимдері алынып тасталды.&nbsp;Фото: ТЖМ

Қазақстанның екі облысында су тасқынының екінші кезеңі күтіледі

<a href="https://kyzylorda-news.kz/">Kyzylorda-news.kz</a> Бүгін Қызылордаға Еуропалық Одаққа мүше мемлекеттердің елшілері және Сыртқы істер министрлігінің өкілдері арнайы жұмыс сапарымен келді. Олар «Қызылорда облысының инвестициялық әлеуеті» тақырыбындағы дөңгелек үстел жұмысына қатысты.Дөңгелек үстел барысында облыс әкімі Нұрлыбек Нәлібаев Сыр өңіріне іссапармен келген елшілік өкілдеріне алғыс айтып, осы сапардың нәтижелері екіжақты әріптестікті жаңа деңгейге шығаратынына сенім білдірді.<blockquote>«Еуропалық Одақ мемлекеттері мен Қазақстан арасындағы ашық әрі сенімді дипломатиялық қарым-қатынас тәуелсіздік алған кезеңнен бастап орнады. Мемлекет басшысы Қасым-Жомарт Кемелұлы «Орталық Азия – Еуропалық Одақ» форматындағы кездесуде «Еуропалық Одақ – Қазақстанның ең ірі сауда серіктесі. Біздің сыртқы саудамыздың 40 пайыздан астамы осы ұйымның үлесіне тиесілі. Былтыр Қазақстанның ЕуроОдақ елдерімен өзара тауар айналымы 40 миллиард долларды құрады. 2025 жылға қарай бұл көрсеткішті 50 миллиард долларға жеткізу үшін бізде барлық мүмкіндік бар» деп атап өткен болатын. Қазір жасалған игі істер болашақ ұрпақтың баға жетпес мұрасына айналады. Сапарларыңыз нәтижелі әрі табысты болады деп сенемін», – деді аймақ басшысы.</blockquote>Нұрлыбек Машбекұлы өз баяндамасында өңірдің инвестициялық мүмкіндіктерін таныстырды. Қызылорда облысында ел тұрғындары тұтынатын күріштің 90%-ы өндіріледі. Өңір өнімі ішкі нарықты қамтамасыз етумен қатар, алыс-жақын шет елдерге кеңінен экспортталуда. Өткен жылдың қорытындысымен 20 млн. АҚШ долларына бағаланған 50 мың тоннаға жуық күріш өнімдері сыртқа сатылды.Балық шаруашылығы саласы да басты назарда. Облыста кіші Арал теңізі және 200-ден астам көл бар, 10 балық зауыты жұмыс істейді, оның төртеуі «Еврокод», яғни Еуропалық сапа стандартын растайтын белгі иеленген. Жергілікті балық өнімдері Еуропа елдерінде жоғары сұранысқа ие. Өткен жылдың қорытындысымен құны 9 млн. АҚШ долларын құрайтын 2 мың тоннадан астам балық өнімдері Германия, Дания, Литва, Латвия, Нидерланды, Польша және Румыния елдеріне экспортталды.Мұнан бөлек, облыс әкімі Арал теңізінің ахуалын баяндады. Теңіз түбінен көтерілетін тұзды құм жақын манайдағы елді мекендерден бөлек, Памир тауы мен Солтүстік мұзды мұхиттан табылғаны ғылыми түрде дәлелденген. Құм көшкінін тоқтатудың бірден-бір жолы – теңіз ұлтанын көгаландандыру және жергілікті климатқа сай өсімдіктерді егу. Сондықтан Халықаралық қорлардың демеушілігімен Арал теңізінің құрғаған алқаптарына сексеуіл егу жұмыстары жүргізілуде.Мемлекет басшысы Арал теңізінің құрғаған табанындағы 1,1 миллион гектарға 2025 жылға дейін климатқа сай өсімдіктер егуді тапсырған болатын. Осылайша, 2021 жылы 101 мың гектарға, 2022 жылы 250 мың гектар жерге, 2023 жылы 193,2 мың гектарға сексеуіл егілді. 2024-2025 жылдары 556,2 мың гектар аумақта осы жұмыстар жалғасады.Арал теңізінің тартылуы жаһандық проблема екенін ескерген Халықаралық Аралды құтқару қоры, Дүниежүзілік банктер, Халықаралық ынтымақтастық жөніндегі Герман қоғамы, АҚШ-тың халықаралық даму агенттігі, Корея Орман қызметі секілді халықаралық ұйымдар бірлескен жұмыстар атқаруда.Іс-шарада ҚР Сыртқы істер министрінің орынбасары Роман Василенко, Еуропалық Одақтың Елшісі Янкаускас Кестутис сөз сөйлеп, алдағы уақытта тиімді әріптестік орнатуға ниет білдірді.Қызылорда облысы әкімінің орынбасары Ардақ Зебешев аймақтың негізгі даму бағыттарын таныстырып, әлеуетті жобаларды бірлесіп жүзеге асыруға шақырды.«BGI Bioverse» компаниясының жоба басшысы Ванг Минь ханым баяндама жасап, кәсіпорынның жұмыс бағыттарын сипаттады.Сонымен қатар,облыс прокуроры Ризабек Ожаров мәселеге қатысты пікірін білдірді.Кездесуді қорытындылаған аймақ басшысы өңірде әлеуетті инвесторлар үшін көптеген жеңілдіктер мен артықшылықтар қарастырылғанын айтып, мүмкіндіктерді тиімді пайдалануға шақырды.Айта кетейік, төрт күндік сапар барысында елшілер Қорқыт ата атындағы Қызылорда университеті мен «Болашақ» университетінің студенттерімен кездеседі. Қармақшы ауданындағы «Қорқыт Ата» мемориалдық кешеніне, Арал ауданындағы Ә.Нұрпейісов атындағы Әдебиет үйіне барады. «Балықшылар аллеясын» және «Балықшылар» музейін тамашалап, «Aral Sea Food» балық өңдеу зауытының жұмысымен танысады. Мұнан бөлек, делегация мүшелері «Көкарал» бөгетіне аялдап, Кіші Арал теңізінің жағдайын көреді. Теңіз алқабындағы сексеуіл егу жұмыстарымен танысады. Сапар соңында елшілер облыстық тарихи-өлкетану музейі мен «Анаға тағзым» орталығына барады деп жоспарлануда.<img src="https://knadmin.beoblood.kz/uploads/436351329_1608718546556003_4514757657292929567_n_5bf7bb000c.jpg" alt="436351329_1608718546556003_4514757657292929567_n.jpg"><img src="https://knadmin.beoblood.kz/uploads/436355021_1608718413222683_1939920299200826617_n_6991a47aba.jpg" alt="436355021_1608718413222683_1939920299200826617_n.jpg"><img src="https://knadmin.beoblood.kz/uploads/437033443_1608718466556011_6081506467455636062_n_4d7dc888bb.jpg" alt="437033443_1608718466556011_6081506467455636062_n.jpg"><img src="https://knadmin.beoblood.kz/uploads/437057128_1608718529889338_8574325118989820477_n_567938b12a.jpg" alt="437057128_1608718529889338_8574325118989820477_n.jpg">Фото: Қызылорда облысы әкімінің баспасөз қызметі

Қызылордада Еуропалық одаққа мүше мемлекеттер елшілерінің кездесуі өтті

<a href="https://kyzylorda-news.kz/">Kyzylorda-news.kz</a> &nbsp;Бүгін ҚР Премьер-министрі Олжас Бектеновтің төрағалығымен өткен Үкімет отырысында су тасқынына байланысты туындаған мәселелер қаралды.Үкімет отырысынан кейінгі арнайы мәжілісте облыс әкімі Нұрлыбек Нәлібаев жауапты басшыларға тапсырмалар берді.<blockquote>«Республиканың бірқатар өңірінде қауіп сейілер емес. Осыған дейін су тасқыны болған аймақтарға 296 қызылордалық құтқарушы аттанды. Оған қоса, облыс мекемелерінің 88 арнайы техникасы жіберілді. Ертең Атырау облысына тағы 100 арнайы техника жолданбақ. Су тасқынынан зардап шеккен өңірлерге күш құралдарын жұмылдыруды үйлестіруді тапсырамын», – деді аймақ басшысы.</blockquote>Еске салсақ, су апаты болған аймақтарға гуманитарлық көмек көрсету мақсатында қала және аудан әкімдіктері ұйымдастырған «Күшіміз – бірлікте» акциясына облыстың жанашыр азаматтары мен волонтерлер үлес қосуда. Жинақтау пунктері ашылып, су тасқыны басталғаннан бүгінгі күнге дейін Сыр өңірінен 150 млн теңгенің гуманитарлық көмегі жөнелтілді.Аймақ басшысы төтенше жағдайға тап болған өңірлердегі ағайынның бейнетін жеңілдету үшін қолдан келетін көмектен аянып қалмау керектігін ескертті. Су тасқынының зардаптарын жоюға бүкіл ел жұмылуда. Сондықтан жергілікті кәсіпорындар мен жеке кәсіпкерлер де бұл шараларға атсалысқаны дұрыс. Нұрлыбек Машбекұлы елдің бірлігі сыналатын сәттегі ортақ істен облыс тұрғындарын да шет қалмауға шақырды.<img src="https://knadmin.beoblood.kz/uploads/420530445_725605089760738_2677549420140712940_n_4634cb8e39.jpg" alt="420530445_725605089760738_2677549420140712940_n.jpg"><img src="https://knadmin.beoblood.kz/uploads/424860453_725605146427399_9051942011398862713_n_3b67cea7f2.jpg" alt="424860453_725605146427399_9051942011398862713_n.jpg"><img src="https://knadmin.beoblood.kz/uploads/434609000_725605199760727_4417024489731089310_n_5312036375.jpg" alt="434609000_725605199760727_4417024489731089310_n.jpg"><img src="https://knadmin.beoblood.kz/uploads/434641792_725605006427413_8519236323839577477_n_26fa0114ad.jpg" alt="434641792_725605006427413_8519236323839577477_n.jpg"><img src="https://knadmin.beoblood.kz/uploads/434642044_725605046427409_5747069918011826578_n_70eed22a0e.jpg" alt="434642044_725605046427409_5747069918011826578_n.jpg"><img src="https://knadmin.beoblood.kz/uploads/437135628_725604919760755_1137008710294051848_n_80fea09241.jpg" alt="437135628_725604919760755_1137008710294051848_n.jpg">Фото: Қызылорда облысы әкімінің баспасөз қызметі

Тасқыннан зардап шеккен аймақтарға жәрдемдесу жалғасуда

<a href="https://kyzylorda-news.kz/">Kyzylorda-news.kz</a>&nbsp; Ертең Қызылорда төрінде "Теңіз тербеткен тау тұлға" атты республикалық оқушылар айтысы өз байрағын көтереді."Көктем нұры" аталып, дәстүрлі сипат алған жас ақындар додасына биыл классик жазушы Әбдіжәміл Нұрпейісовтің өмірі мен шығармашылығы өзек болмақ.Осы орайда, бүгін барлық жас ақындар және олардың жетекшілерінің қатысуымен жуырда ғана ашылған Жыраулар үйінің мәжіліс залында “Өңірлердегі айтыс мектептері және үйірме жұмыстары” тақырыбында дөңгелек үстел өтті.Әр өңірдегі жас ақындарды баулу үрдісі сөз болған бас қосуда ҚР мәдениет саласының үздігі, Сырдың даңқты ақыны Серік Ыдырысов, “Құрмет” орденінің иегері Мамыр Байдаулетов жас ақындарға жылы лебіздерін білдіріп, батасын берді. Жиыннан соң қонақтар жыраулар үйіндегі мұражаймен танысып, шаһарда жаңадан бой көтерген бірқатар ғимараттарды аралады. Өлке тарихын терең ұғынып, өңірдің тыныс тіршілігін көрген қонақтар қала тазалығын, жаңа мәдени орталықтардың керемет екенін айтып, ризашылықтарын жеткізді.Айта кетейік, еліміздің 6 аймағынан және Сыр өңірінен барлығы 10 жас ақын бақ сынайтын республикалық оқушылар айтысы ертең 12 сәуір сағат 10:00-де А.Тоқмағамбетов атындағы өнер ордасында өтеді.

Қызылордада республикалық оқушылар айтысы өтеді

<a href="https://kyzylorda-news.kz/">Kyzylorda-news.kz</a>&nbsp; Жуырда Қазалы ауданында "Нұра топтық су құбыры" шаруашылық жүргізу құқығындағы РМК мамандарының, сондай-ақ, бұқаралық ақпарат өкілдері, депутаттар мен аудан тұрғындарының қатысуымен сумен жабдықтау қызметіне тариф жобасын бекіту бойынша жария тыңдалым өтті.Қазақстан Республикасы ұлттық экономика министрінің 2019 қарашадағы №90 бұйрығымен бекітілген тарифтерді қалыптастыру қағидаларына сәйкес, филиалдың суды магистральдық құбыр жолдары және таратушы желілер арқылы беру қызметтері бойынша тарифтерді және тарифтік сметаларды бекітуге берген өтінімдері 2023 жылдың 29 желтоқсанында келіп түскен. Соған сәйкес, келіп түскен өтінімдерді уәкілетті орган 90 күн ішінде қарап, жұмыс жүргізеді.Филиалдың жобалық орташа босату тарифі 1 текше метрге ҚҚС-сыз суды магистралдық құбыр жолдары және таратушы желілер арқылы беру қызметі биылға – 956,72 теңгені құрап отыр. Ал, алдағы 2025 жылға – 1112,71 теңге, 2026 жылға – 1045,04 теңге, 2027 жылға – 1192,92 теңгеге, сондай-ақ, 2028 жылға – 1162,31 теңге, 2029 жылға – 1243,30 теңгеге дейін өсімді арттыру көзделген.Сонымен бірге, суды таратушы желілер арқылы беру қызметі үшін биылғы тариф – 725,54 теңге болып бекітілді. Ал, 2025 жылға – 753,38 теңге, 2026 жылға – 753,39 теңге, 2027 жылға – 779,90 теңге, 2028 жылға &nbsp;– 829,02 теге, 2029 жылға – 869,21 теңгеге дейін тарифті ұлғайтуға ұсыным берілді.Департамент қазіргі таңда қолданыстағы нормативтік-құқықтық актілерге сәйкес, филиалдың тарифтерін бекітуге ұсынған құжаттары қарастыруда. Сонымен бірге, "шикізат және материалдар", "жанар-жағармай" және тағы басқа баптары бойынша түзетпелерді енгізуді қолға алуда.Жария тыңдауда аудан тұрғындар тарифке қатысты алаңдаушылықтарын айтып, ұсыныс-пікірлерін ортаға салды. Ал, депутаттар болса, комитет нормаларға сай жұмыс жасау керектігін жеткізді. Алдағы уақытта бастамашыл ұжым тариф қымбаттығына қатысты мәселелерді реттеп, айтылған сын-ескертпелерді ескеріп, жұртшылыққа қонымды шешім қабылдайды деген сенім бар.Айта кетейік, өңірді дамытуға және жергілікті атқарушы органдардың жұмысының тиімділігін арттыруға, сондай-ақ тұрғындарды сумен қамтамасыз етуге бағытталған Табиғи монополияларды реттеу департаментінің тарифке қатысты шешімі 2024 жылдың 15-мамырында қабылданады.Фото: Нұрболат Нұржаубай

Қазалыда тарифтерді қалыптастыру қағидалары қайта қаралды

<a href="https://kyzylorda-news.kz/">Kyzylorda-news.kz</a>&nbsp; Кеше Сырдария аудандындағы №139 орта мектеп базасында әдістемелік кабинеттің жоспарына сәйкес «Заманауи білім жүйесіндегі ұлттық құндылық пен патриотизм» тақырыбында жалпы білім беру ұйымдарының мұғалімдеріне арналған дебат ойындары өтті.&nbsp; &nbsp; Тағылымды іс-шараны ұйымдастырудағы басты мақсат – қазіргі заманғы білім жүйесінде дәстүрлі ұлттық құндылықтарымызды дәріптеу, мұғалімдеріміздің патриоттық сезімін ояту және шығармашылығын шыңдау болып табылады. Мұғалімдер арасында өткізілген дебат ойындары өте жоғары деңгейде өткізілді. Ұстаздар қауымы топ топқа бөлініп, берілген ереже бойынша пікірталасқа түсті. Пікірталас барысында ұлттық құндылықтарымыз жайында біраз тақырыптар талқыланып, ұстаздарымыз ортаға өз ой-пікірлері мен ұсыныстарын тастады. Ұстаздар қауымы бір-бірінен оза шауып, керемет сөз саптаулары мен шеберліктерін көрсете білді. Дебат ойындары өте тартысты әрі қызу пікірталастарға толы болды. Тартысты ойынға жасы үлкен тәжірибесі мол мұғалімдер де, сонымен қоса жас мамандар да қатысып, &nbsp;өте жақсы ойын көрсете білді. Және алдағы уақыттарда да осындай патриоттық мәні бар іс-шаралар жиі-жиі ұйымдастырылып отыруы керек деген ұсыныс-пікірлерін де білдірді.&nbsp; &nbsp; Пікірсайыс нәтижесінде ойын көрсеткен: №42, №44, №131, №139, №147, №174, №210 мектеп ұстаздарынан құралған фракциялар өздерінің&nbsp;шеберлігімен көзге түсіп, жоғары деңгейде ойын түрін &nbsp;көрсете білді.&nbsp; &nbsp; Жалпы ойын барысында барлық мектептерде дебат ойындары жақсы жолға қойылғандығы айқын көрініс тапты.

«Заманауи білім жүйесіндегі ұлттық құндылық пен патриотизм» тақырыбында дебат өтті

<a href="https://kyzylorda-news.kz/">Kyzylorda-news.kz</a>&nbsp;&nbsp; Бүгін Ә.Тәжібаев атындағы облыстық әмбебап ғылыми кітапханасында әдеби-мәдени, тарихи-танымдық бағытты ұстанған «Әлімсақ» журналына 15 жыл толуына орай мерекелік кеш ұйымдастырылды.Шараға облыстың зиялы қауым өкілдері, шығармашыл топ жетекшілері, ардагерлер, студенттер, БАҚ өкілдері қатысты. Кеш барысында сатирик, ҚР ІІМ-нің Еңбек және Құрметті ардагері, Қызылорда облысы Полиция департаментінің ардагері Қазыбек Әшірбекұлы, жазушы, «Парасат» орденінің, Отандық әдебиет саласы бойынша ҚР Мемлекеттік стипендиясының иегері Сайлаубай Жұбатырұлы, ардагер ұстаз Алпысбай Шүкіров, ақын, Қазақстан Жазушылар одағының Қызылорда облысындағы өкілі Есімсейітова Қаршыға Құрмашқызы, «Сыр медиа» ЖШС директорының орынбасары Айжан Жұмабекқызы және Қызылорда облыстық тарихи өлкетану музейінің басшысы Көзейбаев Сапар Әлиясқарұлы құттықтау сөз сөйлеп, сый-сияпат көрсетті.М.Мәметова атындағы педагогикалық жоғары колледжінің студенттері Н.Көбегенұлының «Ұшты-ұшты... Каzsат ұшты» әзілінен қойылым қойып, «Әлімсақ» журналының әнұраны шырқалды. Бірнеше конкурстың жүлдегері, жыраулық өнерімен халық әндерін алыс-жақын шетелдерге насихаттап жүрген Марат Сүгірбай әннен шашу шашты.«Әлімсақ – руханият айнасы» тақырыбындағы кітап көрмесі оқырман назарына ұсынылды.<img src="https://knadmin.beoblood.kz/uploads/434507619_3785962475059686_635320297492590510_n_4119c69f52.jpg" alt="434507619_3785962475059686_635320297492590510_n.jpg"><img src="https://knadmin.beoblood.kz/uploads/434489982_3785962478393019_9021808989366121445_n_a824c301ec.jpg" alt="434489982_3785962478393019_9021808989366121445_n.jpg">

«Әлімсақ» журналына – 15 жыл

Егінді әртараптандыру – су тапшылығын шешеді

<a href="https://kyzylorda-news.kz/">Kyzylorda-news.kz</a> Қазақстан халқы Ассамблеясының мүшелері еліміздегі су басқан аймақтарда қол ұшын созып, қайырымдылық көмек көрсетуде белсенділік танытып жатыр.«Жүректен-жүрекке» қайырымдылық акциясы аясында Қызылорда облыстық Қазақстан халқы ассамблея мүшелері, Корей этномәдени бірлестігі, Татар орталығы, «Ассамблея жастар» ұйымы судан зардап шеккен аймақтардағы азаматтарға гуманитарлық көмек жинауда. Үш күнге жуық жиналған заттардың арасында азық-түлік, күріш, төсек-орын, гигиеналық және тұрмысқа қажетті химиялық заттар, дәрі-дәрмектер бар.Корей этномәдени бірлестігінің төрағасы Денис Пактың айтуынша Корей орталығына корей кәсіпкерлер орталығы, қаладағы «Любовь», «Надежда» шіркеулері, Корей этномәдени бірлестігі орталығының ардагерлері, жастары, белсенділері ақшалай қолдау білдірген.&nbsp;Жиналған 1 млн теңге қаражатқа олар 1 тонна азық-түлік, 1 тонна гигиеналық және тұрмыстық, химиялық заттарды, дәрі-дәрмектерді, көрпе-төсектерді әкеліп, «Ассамблея жастар» ұйымының белсенділерімен бірлесіп, оларды сұрыптап, арнайы ҚХА, Қазақстан Корей қауымдастығы және Татар орталығының эмблемаларын жабыстырды.Өз кезегінде Корей этномәдени бірлестігінің белсендісі Елена Ан барша қызылордалықтарды судан зардап шеккен аймақтарға көмек қолын созуға шақырды. Бірлік пен ынтымақтастықта бұл қиындықты жеңетіндігімізді алға тартты.<blockquote>− Бұл барша елдің басына келген ауыр жағдай. Ел болып бірлесе көтеруіміз керек. Әрине қиын, десе де бұлттың артынан күн шығатыны секілді, бұл қиындықтың артынан да күн шығып, елімізді жарқын болашақтың күтіп тұрғанына сенімім мол. Еліміз аман, жұртымыз тыныш болса екен, − деді ол.</blockquote>Ал Корей этномәдени бірлестігінің төрағасы Денис Пак өз кезегінде көмек қолын созып жатқан барша жанға алғысын білдірді.&nbsp;− Елімізде орын алған жағдайға байланысты бізде өз үлесімізді қосу мақсатында 3 күн бойы гуманитралық көмек жинадық. Жиналған қаржыға барынша қажетті дүниелерді алдық. Осы ретте бізге қолдау білдірген жандарға барынша риясыз алғысымды білдіремін. Қандай жағдай болса да осылай бір-бірімізге қолдау білдірсек, бұл қиындықты да бірлесе еңсереріміз сөзсіз, − деді.

Ассамблея мүшелері қайырымдылық көмек көрсетуде белсенділік танытып жатыр

<a href="https://kyzylorda-news.kz/">Kyzylorda-news.kz</a>&nbsp; Өздеріңізге белгілі, жас интеллектіні қазақша сөйлетіп жүрген сырдариялық жас өнертапқыш ІТ саласы бойынша түрлі жобалардың авторы Асылжан Абдуллаевты танымайтын адам кемде-кем.Асылжан қазіргі заман талабына сай жасанды интеллектіні қазашқа сөйлетіп, оны бірнеше платформаға интеграциялады. Одан бөлек цифрландыру министрлігінің қолдауымен агро жобаларды жасауда.Асылжанның ойлап тапқан QazaqGPT бағдарламасын осы күнге дейін 2000-нан астам адам қолданып үлгерген. Жас ғалымның бұл жобасы американдық ғалымдардың қызығушылығын тудырып, Асылжанды бірлесе жұмыс жасауға шақырып отыр. Асылжан ЖИ-ді қазақ тіліне қолайлы ету үшін, бағдарламаға 300 000 астам ана тіліміздегі сөз бен 227 млрдқа жуық ақпарат енгізген. Бұл әрине іргелі де, ірі жетістік болып отыр. Мектепті енді тәмамдағалы отырған жас өнертапқышқа қазірдің өзінде еліміздегі ең ірі 3 ЖОО білім грантын ұсынып отырғанын мақтанышпен айтып өту керек.Қазақта «Болам деген баланың бетін қақпа, белін бу» дегендей, бүгінгі таңда, Асылжан «Enactus National Expo Championship 2024» ұлттық чемпионатының жартылай финалына қатысуда. Осы финалдан жеңімпаз атанса, Нидерланды елінде өткізілетін EWC (Enactus World Cup -24) әлем чемпионатына қатысуға мүмкіндік алады.Ұлттық чемпионаттың жартылай финалына қатысуға да қажетті материалдарды жасау қаржыны талап ететіні анық.Осы орайда, «Amanat» партиясы аудандық филиалының қолдауымен, аудандық мәслихат депутаты Ералиев Дархан Жұмашұлы жастардың дамуына жағдай жасау, азаматтық парызы екенін айтып, демеушілік көрсетті.Сауаптар еселеніп жазылатын берекелі айда, игі іске атсалысып, қолдау көрсеткен Дархан Жұмашұлына алғыс білдіреміз!

Қазақстан және Қызылорда облысының жаңалықтары