<a href="https://kyzylorda-news.kz/">Kyzylorda-news.kz.</a> Дүр Оңғар ауылына іссапармен барған сайын ондағы «Жаңажол» ЖШС-нің ұйымдастырушы-программисті Серік Сапақов бізді үнемі жадырай қарсы алады. Кездескен кісінің жақсы жағын көріп, көңілге тоқу арқылы адамның көкжиегі кеңейеді емес пе?! Артық сөзге жоқ, болмысы бөлек, ісіне тыңғылықты, жұмысына жауапты азаматқа сүйсіне қарайсыз. Оны дүйім жұрт та жоққа шығара алмас, сірә.Адам өміріндегі ең қымбат құндылық – оның өмір жолы, еткен еңбегі. Қай уақытта да жұмысын алдыңғы орынға қоятын Сәкең ағамыздың еңбегі елеусіз қалған емес. Елге қызмет жылдарында бірнеше рет ауыл, аудан, облыс әкімдерінің Алғыс хатымен марапатталады. Сонымен қатар, 2003 жылы «Жылдың үздiк мәдениет кызметкерi» атанса, 2005 жылы республикалық додада «Мәдениетті ауыл» номинациясын жеңіп алған. 2017 жылы салалық мәдениет, спорт және ақпарат кызметкерлерiнiң кәсiптiк одағының «Еңбек даңқы» төсбелгiсi және «Халық мақтанышы» орденімен марапатталған. Сондай-ақ Қазақстанның Алтын кітабына да есімі енді. Жақында Серік Тұрмағамбетұлының кеудесі тағы бір медальмен толықты. ҚР Президенті Қасым-Жомарт Тоқаевтың «Әділетті Қазақстанның экономикалық бағдары» атты Жолдауын халық арасында кеңінен насихаттау мақсатында ұйымдастырылған «Қазақстан Республикасы мәдениет және өнер саласының үздігі» республикалық патриоттық байқауында І дәрежелі дипломмен марапатталып, жеңімпаз деп танылды. Әрбір еңбек иесі құрмет пен мақтауға лайық. Ал еңбекқорлығы мен жан-жақтылығы қатар жүрсе – мұндай маман теңдессіз шығар.Серік ағайды ауыл халқы жұмысын асқан жауапкершілікпен атқаратын нағыз майталман маман ретінде таниды. Әсілі адамның адамшылығы – мейірімі мен көңіл шуағының өзінен артылып, өзгеге сәулесін түсіруінде, ары мен жанын ізгілікке толтыра білуінде сияқты. Оның бойындағы адамгершілік қасиеті мен ақкөңілділігі туралы әңгіме бөлек. Осындай ақжарқын қалпынан, ағалық жолынан айнымайтын кейіпкерімізден көп жас үлгі алса дейсіз.Оның жастайынан жалықпай жақсы істерді жұмылдыруда қанша жылғы төккен тері мен көрген тәжірибесі осы күнге дейін өмірінде өз жүйесін табуда. Серік Тұрмағамбетұлы қандай ортада жүрсе де, қарапайым қалпынан айнымай, еліне деген міндеті мен парызына адалдық танытып келеді.

Жерлесіміз республикалық патриоттық байқауда жеңімпаз атанды

<a href="https://kyzylorda-news.kz/">Kyzylorda-news.kz.</a> Бүгін ҚР Премьер-министрі Әлихан Смайыловтың төрағалығымен өткен Үкімет отырысында егін жинау науқаны, жаңа «Бюджет кодексі» жобасы, алдағы жылу беру маусымына дайындық барысы талқыланды.Үкімет отырысынан кейін облыс әкімі Нұрлыбек Нәлібаев арнайы мәжіліс өткізіп, күрішті жауын-шашынға қалдырмай, уақытылы жинап алуды тапсырды. Шаруа қожалықтарын жанар-жағармаймен қамтамасыз ету, егістікке алынған су төлемінің уақытылы төленуін қадағалау қажеттігі ескертілді. Қала, аудан әкімдіктері алдағы жылы егілетін дақылдардың егіс көлемі сызбасын, су үнемдеу технологияларын пайдалану арқылы егілетін егіс көлемін тиісті құжаттарымен бірге осы жылдың 1 желтоқсанына дейін облыстық ауыл шаруашылығы және жер қатынастары басқармасына ұсынуы қажет.Нұрлыбек Машбекұлы екінші мәселе – жаңа «Бюджет кодексі» жобасына қатысты бағдарлама әкімшілеріне, қала және аудан әкімдіктеріне 2024-2026 жылдарға арналған бюджетті жоспарлау кезінде нәтижеге бағытталған бюджет жүйесін қалыптастыруға мән беруі керектігін қаперге салды.<blockquote>«Бюджет қаржысы тиімді жоспарланып, оның әлеуметтік-экономикалық қайтарымы болуы тиіс. 2024 жылға облыстық басқармалар және қала, аудан әкімдіктері тарапынан Қаржы министрлігіне 202 млрд.теңгеге бюджеттік өтінім ұсынылып, тек 85,4 млрд.теңгесі, яғни 42 пайызы ғана қолдау тапты. Инфрақұрылым желілерін тартуға, абаттандыруға, газдандыруға, тұрғын үйлерді күрделі жөндеуге, жол салуға бағытталған 116,6 млрд.теңгенің жобалары қолдау таппаған. Бұл жобалар өңіріміздің әлеуметтік-экономикалық дамуына, тұрғындардың қолайлы өмір сүруіне оң ықпал етеді. Өздеріңіз білетіндей, Мемлекет басшысының тапсырмасымен Көлік, Өнеркәсіп және құрылыс, Су ресурстары және ирригация, Мәдениет және ақпарат, Туризм және спорт, Сауда және интеграция министрліктері құрылды. Осы ретте, облыстық басқармалар, Қызылорда қаласы және аудан әкімдіктері жаңа министрліктермен тиісті жұмыс жүргізуі қажет», – деді аймақ басшысы.</blockquote>Үкімет отырысында қаралған тағы бір мәселе – алдағы жылу беру маусымына дайындық бойынша облыс әкімі жауапты сала басшыларына әлеуметтік нысандар мен тұрғын үйлердің әзірлігін мұқият қадағалап, қажетті отын қорын уақытылы жеткізуді тапсырды.Мәжіліс қорытындысында облыс әкімі өткен аптада Астана қаласында болған ауыл шаруашылығы жәрмеңкесін жоғары деңгейде ұйымдастыруға атсалысқан азаматтарға алғыс білдіріп, алдағы уақытта мұндай шараны өңірде де өткізу жөнінде тапсырма берді.

Жауапты кезең тыңғылықты дайындықты талап етеді

<a href="https://kyzylorda-news.kz/">Kyzylorda-news.kz.</a> Арал ауданының әкімі Серік Сермағамбетов өңірдің қыр беткейінде орналасқан Қарақұм және Атанши ауылдық округтерінде жұмыс сапарымен болды.Аудан басшысы Абай ауылының халқымен кездесу барысында жыл басынан бері аудан көлемінде атқарылған жұмыстарды айтып, нәтижелі жетістіктерге жеке-жеке тоқталып өтті. Сонымен бірге, өз сөзінде «Биылғы жылы өңірдегі түйткілді мәселелер ретімен шешімін тауып, 7 макроэкономикалық көрсеткіштер бойынша өсім орын алды. Көлік инфрақұрылымын дамыту саласының өзіне бюджеттен 7 млрд.-тан астам қаражат қаралып, аудандық маңызы бар автожолдар бойынша 31 жоба іске асырылуда. Одан бөлек, жыл басынан құрылыс саласында 4,2 млрд теңгенің жұмыстары жүргізілуде. Сондай-ақ, аудан орталығында «Қуатты өңірлер ел дамуының драйвері» Ұлттық жобасының аясында республикалық бюджеттен халықтың әлеуметтік жағынан осал топтарына 100 пәтер сатып алуға қаржы бөлініп, бүгінде сол 100 пәтерлі 50 үйдің құрылысы өз деңгейінде жүріп жатыр», - деп, аудан әкімі алдағы уақытта жүзеге асыралатын жобалармен де бөлісті.Кездесуден соң, аудан әкімі ауылдағы № 59 орта мектебінің жылыту маусымына дайындығын көріп, қысқы мерзімге отын қорының жеткілікті түрде болуын қадағалауды тапсырды.Жұмыс сапары одан әрі Жіңішкеқұм елдімекенінде жалғасты. Алдымен Серік Сағитжанұлы жаңадан сайланған әкімді елдімекен тұрғындарына таныстырып, қызмет жолына сәттілік тіледі.Атап өтейік, үстіміздегі жылдың 17 қыркүйек күні Атанши ауылдық округінің әкімінің сайлауы өткізіліп, халық қалауы ретінде Ізбасаров Еркін Есентүгелұлы әкім қызметіне тағайындалған болатын.Еркін Есентүгелұлы 1979 жылы Жіңішкеқұм елді мекенінде дүниеге келген. 2005 жылы Қапланбек гуманитарлық агроэкономикалық колледжін бітіріп, 2012 жылы Жіңішкеқұм ауылдық клубының сүйемелдеушісі қызметінен алғашқы еңбек жолы басталған. Кейіннен, 2015 жылы ауылда жеке шаруа қожалық ашып, бүгінге дейін қожалықтың төрағасы қызметін атқарған.Аудан әкімі Жіңішкеқұм елдімекенінің тұрғындарымен кездесуден кейін, № 230 орта мектебінде болып, білім нысанының қысқы кезеңдегі жылыту жұмыстарына дайындық шараларын бағамдап өтті.

Арал ауданында 100 пәтерлі 50 үйдің құрылысы өз деңгейінде жүріп жатыр

<a href="https://kyzylorda-news.kz/">Kyzylorda-news.kz.</a> Ел ордасы Астана қаласында сенбі, жексенбі күндері ауылшаруашылығы өнімдерінің жәрмеңкесі өтті. Қызылорда облысының тауарөндірушілерінің қатысуымен өткен тоқшылық мерекекесіне 60-қа жуық Сыр дихандары 50 жүк автокөлігімен 500 тоннаға жуық өнімді тұрғындарға ұсынды.Оның ішінде 12 тоннадан аса теңіз маржаны мен 3 тоннадан астам Аралдың ақ алтыны тұзы төмен бағада сатылды. Сондай-ақ жәрмеңке сөресінде Аралдық кәсіпкерлердің ысталған және тұздалған балығы, көксерке филесі мен балықтан әзірленген өнімдер ұсынылды.Алтын күздің берекелі мерекесінде елордалық тұрғындар Аралдың балығынан дәм тату үшін ұзын-сонар кезек күтті.

Теңізді өлке тартуы – Елорда төрінде

<a href="https://kyzylorda-news.kz/">Kyzylorda-news.kz.</a> Қазалы ауданы әкімінің орынбасары Жалғас Сүйеубаев, аудандық мәслихат депутаты Ерболат Мұқаш және Әйтеке би кентінің әкімі Қайрақбай Орынбасаров Әйтеке би кентіндегі 2 кварталдың тұрғындарымен кездесіп, ұсыныстарын тыңдады.Кездесуде тұрғындар өздерін толғандыратын мәселелерін айтты. Нақтыласақ, М.Матаев атындағы №170 мектептің алдына тоқтайтын №8 маршрут 2 кварталдың орталығындағы көшені қамти отырып жүргізілсе, сондай-ақ, аумақтағы көшелерге түнгі жарықшамдар орнатып, жолдарды жөндеп, аяқ су мәселесін шешуді сұрады.Тұрғындардың мәселесін тыңдаған басшылар заңдылыққа сәйкес түсініктеме берді. Сонымен қатар айтылған мәселелерді назарға алып, тиісті жоба сметалық құжаттары әзірленіп, алдағы уақытта кезең-кезеңімен шешілетінін жеткізді.

Тұрғындардың ұсынысы ескерусіз қалмайды

<a href="https://kyzylorda-news.kz/">Kyzylorda-news.kz.</a> &nbsp;Қармақшы ауданы әкімінің есебі бүгін түс ауа Қармақшы ауылдық округі халқымен еркін форматта өрбіді. Ауылдың тарихынан сыр шерткен Абыла Жел-диірменінің жанына жиылған ауыл халқына атқарылған жұмыстарды баяндаған аудан басшысы 2023 жылдың 8 айының қорытындысында ауданның әлеуметтік-экономикалық дамудың барлық макрокөрсеткіштерінің оң динамикасына қол жеткізілгенін, оның ауданның экономикалық өсімін алдағы уақытта 100 пайыздық деңгейге дейін қамтамасыз етуге мүмкіндік беретіндігін айтып, басты бағыттарды бағамдады. Қазіргі таңда ауданда атқарылып жатқан жұмыстарға тоқталып өткен Жандос Еркінбекұлы Қармақшы ауылындағы ілкімді істерді атап өтті.Қармақшы ауылдық округі бойынша 2023 жылға 11 жоба қолға алынып, оның ішінде ҚР Ұлттық қорынан «Ауыл – Ел бесігі» жобасы аясында ауылдағы № 13 "Балбөбек" бөбекжайы КМҚК қазандық ғимаратының құрылысына, облыстық бюджеттен Қармақшы елді мекеніндегі су құбыры ғимараттарын қайта жаңғырту және Қызылтам елдімекенінің Сарыжылуан көшесінен №9-ТВ техникалық су ұңғымасын бұрғылау жұмыстарына қаржы қарастырылды. Аудандық бюджеттен елді мекеннің электр желілерін жаңғырту және қосалқы станциясын кеңейту жобасына, Қармақшы ауылдық округіндегі Абай, Сейфуллин, Жеңіс көшелеріне орташа жөндеу жұмыстарына жоба-сметалық құжаттарын дайындауға, Қармақшы ауылындағы Желдиірмен ескерткішін жөндеуге, Қызылтам елді мекеніне балалар ойын алаңын салуға, Қармақшы ауылының кіре беріс көшесін көгалдандыруға қаражат бөлініп, алдағы уақытта аталмыш жұмыстар толықтай орындалатын болады,- деді аудан әкімі.Аудан басшысы төртінші деңгейлі бюджет есебінен елді мекенді көгалдандыру мақсатында Қызылтам елді мекеніне паспорт орнату, Жамбыл көшесінің бойын абаттандыру жұмыстарын жасауға қаржы бөлінгендігін жеткізді.Міне, осындай ауқымды істер ортаға салынған жиында тұрғындар ерекше белсенділік көрсетіп, әлі де атқарылатын баянды жұмыстарды атап айтып, тұрғын үй, жер мәселесіне байланысты ойын ортаға салды. Ауылдың тыныс-тіршілігін толықтай қамтыған жиында шағын және орта кәсіпкерлікті дамыту мен қолдау мақсатында қолға алынған жұмыстар да қамтылды. Осылайша ауыл халқының қарқыны ертеңгі күнге деген сенімдерінің беріктігімен айқындалды.

Биыл Қармақшы ауылдық округінде 11 жоба қолға алынған

<a href="https://kyzylorda-news.kz/">Kyzylorda-news.kz.</a> Түбі бір түркінің ортақ тұлғасы Қорқыт бабаның мәңгілік мекені, адамзат алғаш аспанға аттанған Байқоңыр ғарыш айлағы орналасқан Қармақшыдағы оң өзгерістер халықтың көңілін өсіріп отыр. Бүгінде Қызылдың қиянынан космосқа құлаш ұрған жұлдызды қала Байқоңырға дейінгі аралықтағы барлық ауылдарда қызу тіршілік жүргізіліп жатқандығына көпшілік куә. Қатарға қосылған құбырлар, қайта жанданған көшелер, бөбек толы балабақша, құшақ ашқан тұрғын үй, жаңа амбулаториялар, спорт кешендері ауданның бүгінгі күнінің көрікті көрінісіне айналуда.Аудан әкімі Жандос Еркінбекұлының бүгінгі Ақай ауылы, Төретам кенті халқымен кездесуінде аудан басшысы тындырылған жұмыстардың аз емес екендігін, атқарылатын қыруар тіршілік одан да көп екендігін атап айтты. Бұл кездесу ауданның жайын жан-жақты баяндап, әлеуметтің түйткілді мәселелердің түйіні шешіліп, сөйлеушілер өз ой-ұсыныстарымен ашық бөлісіп, әсерлі өтті. Аудан басшысы әуелі әкімдердің дәстүрлі есебі халық пен билік арасындағы ашық байланыстың қалыптасуына, жауапкершілікті арттыруға және әлеуметтік-экономикалық тұрғыдан аудандағы мәселелерді шешуге үлкен ықпал тигізетіндігін, ел Президентінің "Әкімдердің халықпен кездесулерін өткізу туралы" Жарлығы негізінде әр тоқсан сайын халықпен еркін форматта кездесулер жасайтынын айтып өтті.Баба өнердің ұстаханасы саналатын Қармақшы ауданы биылғы жылы 8 айдың макроэкономикалық көрсеткіші бойынша аймақта көш бастап тұр. Бүгінде ауданның бүкіл ауылдары мен кенттер қарқынды құрылыс алаңына айналған. Атап айтар болсам құны 3,7 млрд. теңге болатын Байқоңыр қаласындағы көпқабатты 5 тұрғын үй құрылысы және аумағын абаттандыру, инженерлік жүйелер құрылысы, құны 12,0 млрд. теңге болатын Байқоңыр қаласын сумен жабдықтау жүйелерін қайта жабдықтау құрылысы жүргізілуде. Құны 496,2 млн. теңге болатын Жосалы кентіндегі дене-шынықтыру және сауықтыру кешені құрылысы аяқталып, құжаттамалары дайындалуда. Ақай ауылындағы дене-шынықтыру және сауықтыру кешені құрылысы жүргізіліп, алдағы айда толық пайдаланылуға беріледі. Мұнымен қоса құны 666,3 млн. теңгені құрайтын Қармақшы, Т.Көмекбаев, Алдашбай Ахун ауылдарындағы сумен жабдықтау құрылымдарына қайта жаңғырту құрылысы аяқталып, ел игілігіне берілді. Дүр Оңғар және ІІІ Интернационал ауылдарында дене шынықтыру және сауықтыру кешенінің құрылысын жүргізу үшін қаржы бөлініп, мемлекеттік сатып алу жұмыстары жүргізілуде. Аудан бойынша Тұрмағамбет, Ақжар, Дүр Оңғар ауылдарында дәрігерлік амбулатория құрылыстары басталуда. «Самара - Шымкент, Ақжар - Тұрмағамбет - Көмекбаев» автожолын жөндеу жұмыстарына мемлекеттік сатып алу жұмыстары аяқталып, мердігер мекемемен келісім шарт жасалды. Жосалы кенті, Ақжар, Ақтөбе, ІІІ Интернационал, Ақай елді мекеннің 21 көшесін жөндеу жұмыстарына 573,9 млн. тг. қаржы бөлініп, құрылыс жұмыстары басталса, Жосалы кентінің 19, Дүр Оңғар ауылының 5 көшесінің жарықтандыру жұмыстарына 225,0 млн. теңге қаржы бөлініп, мемлекеттік сатып алу жұмыстары өтуде. Жосалы кентіндегі «Шипагер» емханасын, Қармақшы ауылындағы «Балбөбек» балабақшасын газға ауыстыру жұмыстарына қаржы бөлініп, мемлекеттік сатып алу жұмыстары басталса, Халықтың әлеуметтік жағынан осал топтарына коммуналдық тұрғын үй қорынан тұрғын үй сатып алуға қаражат қаралып, 14 пәтер сатып алынды. Аудандағы құрылыс жұмыстарының ұлғаюы ең алдымен әлеуметтік маңызы бар салаларды дамытуға үлкен септігін тигізуде. Бюджеттің шығыс көлемінің басым бөлігі осы салаға бағытталып, бүгінде шарапатын ел сезіне бастады,-деді Жандос Еркінбекұлы өз сөзінде.ҚР Ұлттық қордан, республикалық, облыстық бюджеттен бөлек, жұртшылықтың көңілінен шыққан, әлеуметтік саланың шырайын кіргізген «Ауыл - Ел бесігі» жобасы аясында атқарылған жұмыстар өз алдына бір төбе дерлік. Ақай ауылындағы дене шынықтыру-сауықтыру кешенінің құрылысы осының дәлелі. Ақай ауылына газ құбыры желілерін салуға ҚР Ұлттық Қорынан, республикалық бюджеттен Төретам кентіндегі газ құбырларын салу жұмыстарының қаржысы шешілген. Ақай ауылдық округінің Астана көшесінен №1-ТВ техникалық су ұңғымасын бұрғылау, Ақай ауылындағы Құдайбергенов, Қазыбек Би, Баймаханов, Төретам кентіндегі Байсейітов көшесі мен №269 мектептің №22-ТВ, №23-ТВ техникалық су ұңғымасын бұрғылау жұмыстарына қаржы облыстық бюджеттен бөлінді.Аудандық бюджеттен Ақай ауылдық округіне балалар ойын және спорттық тренажер ойын алаңын орнатуға,5 көшеге орташа жөндеу жұмыстарын жүргізуге, ауылдағы Майлин, Әуезов көшелерін жарықтандыруға, Төретам-Ақай айналма жолын күрделі жөндеуге, Төретам кентіндегі Байсейітов, Байтұрсынов, Момышұлы көшелерін ағымдағы жөндеу, Мұратбаев тұйығы, Амангелді тұйығы, Мамыр көшелерінің орташа жөндеу жұмыстарына, кенттегі Мұсабаев, Мәметова, Құлтасов көшелерін жарықтандыруға қаржы қарастырылды.Төртінші деңгейлі бюджет есебінен елді мекендерді көгалдандыру, Ақай ауылдық округіндегі Жанқожа батыр, Астана, Бейбітшілік, К.Күншығаров, Б.Майлин, М.Әуезов көшелеріне техникалық паспорт жасатуға сондай-ақ, балалар ойын және спорттық тренажер алаңына, аяқ су жүргізуге арналған ұңғыма жұмыстарына, Дүр Оңғар, Бәйтерек көшелеріне жарық шамдары орнатуға, бейнебақылау камераларына жөндеу жұмыстары және техникалық қызмет көрсетуіне, Астана көшесінен орнатылған су ұңғымасын электр желісімен қамтамасыз ету жұмыстарына, Төретам кенті бойынша ұңғыма құдықтарын электрмен жабдықтау жұмыстары үшін қаражат бөлінді.Әкімнің ел ішіндегі жиі жұмыс сапарлары мен іс жағдайымен көзбе-көз танысуы тұрғындар тарапынан көтерілген мәселелердің уақытылы шешімін табуына зор ықпал етуде. Төретам кенті мен Ақай ауылы тұрғындарымен кездесулерде айтылған ұсыныстардың орындалуын бақылауда ұстауды тиісті сала басшыларына тапсырған аудан әкімі Жандос Еркінбекұлы өзінің кезекті есебін алға қойылған міндеттерді іске асыру үшін барша жерлестер бірлесе отырып, білек сыбана іске кірісуі керек деп түйді.<img src="https://knadmin.beoblood.kz/uploads/378485555_2434853473352211_2377277356107594386_n_79319dd093.jpg" alt="378485555_2434853473352211_2377277356107594386_n.jpg">

Байқоңыр қаласындағы көпқабатты 5 тұрғын үйдің құрылысы қарқынды

Фото: НОК РК<a href="https://kyzylorda-news.kz/">Kyzylorda-news.kz.</a> Еркін күрестен Ризабек Айтмұқан (92 келі) әлем чемпионы атанды, деп хабарлайды <a href="https://kaz.inform.kz/?_gl=1*ovpecf*_ga*MTcxODQ3NTk0My4xNjk1MDU1MDE3*_ga_Y44SMVECD5*MTY5NTA1NTAxNy4xLjEuMTY5NTA1NzkxOS4yOS4wLjA.&amp;pk_vid=0328f919b8b400d616950579408ce980">ҚазАқпарат</a>.Сербия астанасы Белград қаласында күрес түрлерінен өтіп жатқан әлем чемпионатында қазақстандық балуан финалда Осман Нурмагомедовпен кездесті.Кездесу басынан балуандар бір-біріне лайықты қарсылық көрсетті. Әзербайжандық балуан әдіс қолданып, алғашқы ұпайын еншіледі. Одан кейін Ризабек әдіс қолданып, таразы басын теңестірді. Соңғы сәтте ол тағы айласын асырып, ұпайын молайтты.Нәтижесінде Ризабек Айтмұқан қарсыласын 4:2 есебімен жеңіп, әлем чемпионы атанды.&nbsp;Айта кетейік, Ризабек Айтмұқан - еркін күрестен тәуелсіз Қазақстан тарихындағы тұңғыш әлем чемпионы болып отыр.Қарсыласы осал емес. 1998 жылы дүниеге келген әзербайжандық балуан қазірге дейін әлем чемпионатында 2021, 2022 жылдарда қола жүлдегер атанды. Оған қоса Еуропа чемпионатында бір мәрте күміс, екі мәрте қола алған.Ризабек Айтмұқан финалға дейінгі төрт кездесудің барлығында жеңіске жетті. Алдымен венгриялық Балаж Юхасты 13:3 есебімен жеңсе, одан кейін түркиялық Фейзулла Актюркті 11:0 есебімен тізе бүктірді.Ал жартылай финалда грузиялық Мириани Майсурадзеден басым түсті.Енді ел құрамасынан Мейрамбек Қартбай (57 келі) 3-орын үшін сынға түседі.

Тарихи жеңіс: Ризабек Айтмұқан еркін күрестен әлем чемпионы атанды

<a href="https://kyzylorda-news.kz/">Kyzylorda-news.kz.</a> Биыл Құрманғазы атындағы Қазақ ұлттық халық аспаптар оркестрінің құрылғанына – 90 жыл. Осыған орай, ҚР Мәдениет және ақпарат министрлігінің қолдауымен Сыр өңірінде «Жыр тұнған Сырдың даласы» атты гастрольдік сапар аясында дәстүрлі концерт өтеді.&nbsp;Аталмыш сапар аясы Төретам кенті, Қармақшы мен Жаңақорған аудандарында да жалғаспақ. Бүгін Қызылорда облысының Өңірлік коммуникациялар қызметінің ақпарат алаңында Құрманғазы атындағы Қазақ ұлттық халық аспаптар оркестрінің мүшелері 90 жылдық мерейтой аясында өткізілетін концерттің ерекшелігіне тоқталып, барша қызылордалықты дәстүрлі кештің куәсі болуға шақырды.<blockquote>«Өздеріңіз білетіндей, Құрманғазы атындағы Қазақ ұлттық халық аспаптар оркестрі 1933 жылы құрылған болатын. Осы 90 жылдық тарихта біздің оркестр әлемнің және еліміздің үлкен сахналарында қазақ өнерін паш етіп, таңғажайып туындыларды жарыққа шығарды. Одан бөлек, елімізге танымал көптеген өнерпаздарды түлетті. Мінекей, бүгін оркестріміздің 90 жылдық мерейтойы аясында Сыр өңіріне жол түсіп, гастрольдік концертте қазақстандық композиторлардың танымал шығармалары және әлемдік классика жауһарлары шырқалатын болады. Сондай-ақ, Құрманғазы оркестрі әртістерінің қатысуымен шеберлік сабақтары, Қызылорда қаласында қайырымдылық концерті ұйымдастырылады» деді бас дирижёр Абылай Тілепберген.</blockquote>«Сыр елі, Жыр елі атанған Қызылорда облысына келгенімізге қуаныштымыз. Біздің оркестр осы Сыр өңіріне 2015 жылы гастрольдік сапармен шығармашылық кешін өткізген болатын. Оркестрдің 90 жылдық мерейтойында қасиетті өлкеге тағы да табан тіредік. Әр келген сайын бізді құшақжая қарсы алып, қолдау білдіретін Сыр елінің халқына ризашылығымызды білдіреміз. Ұлттық оркестрдің дәстүрлі 90-шы маусымашар концертінде Қазақстанның еңбек сіңірген әртісі Рамазан Стамғазиев, Қазақстанның еңбек сіңірген қайраткері, әнші Саят Медеуов, Халықаралық конкурстардың лауреаты Назым Сағынтай өнер көрсетеді» деді оркестрдің шығармашылық жөніндегі орынбасары Алтынбек Ахметов.<blockquote>«Қара қобыздың үні әулеген өлкеде өнер көрсету біздің оркестр үшін үлкен мәртебе. Осы гастрольдік сапарға тың дайындықпен келдік. Ұлттық әндеріміз шырқалатын шығармашылық кеште біз сіздерді күтеміз» деді оркестр мүшесі Әсел Рақымжан.</blockquote>

Құрманғазы атындағы Қазақ ұлттық халық аспаптар оркестрі Сыр өңірінде

<a href="https://pibig.info/116753-jasen-listja-osen.html">ФОТО</a><a href="https://kyzylorda-news.kz/">Kyzylorda-news.kz.</a> 19 қыркүйек күнгі ауа райы болжамын жариялады, деп хабарлайды <a href="https://www.kazhydromet.kz/weather/prognoz-sinopticheskoy-situacii-i-opasnyh-yavleniy-pogody-po-territorii-kazahstana">«Қазгидромет»</a> РМК.Атмосфералық фронталды бөліктердің өтуіне байланысты Қазақстанның басым бөлігінде күн құбылмалы болады, найзағай ойнап жаңбыр жауады. Республика бойынша солтүстікте, солтүстік-батыста, оңтүстікте, оңтүстік-шығыста, оңтүстік-батыста - екпінді жел, батыста, солтүстікте, шығыста, орталықта тұман түседі.Қызылорда облысының орталығында, шығысында, оңтүстігінде, Ұлытау облысының оңтүстігінде, төтенше өрт қаупі сақталады, Қарағанды облысының оңтүстігінде өрт қаупі күтіледі.

19 қыркүйекке арналған ауа райы болжамы

<a href="https://kyzylorda-news.kz/">Kyzylorda-news.kz.</a> ҚР Ішкі істер министрлігінің деректеріне сәйкес, 2023 жылдың басынан бері еліміз бойынша 13,7 мыңнан астам интернет-алаяқтық тіркелген. Алаяқтардың айла-тәсілдеріне тек егде жастағы адамдар ғана емес, сонымен қатар жоғары білімі бар және IQ деңгейі жоғары азаматтар да түсіп қалады.&nbsp;Алаяқтар қандай психологиялық әдістерді қолданады және оларға қалай қарсы тұруға болады, мұны біз бүгін Fingramota.kz-пен бірге талқылаймыз.&nbsp;Алаяқтар қандай психологиялық әдістерді қолданады&nbsp;Алаяқтың стереотиптік портреті әдетте мынадай болып келеді: ол эмоционалды интеллектісі төмен және басқа адамның сезімін түсіне алмайтын адам. Алайда, эмпатияның болмауы&nbsp;оның басқа адамдарға айла-шарғы жасауына кедергі болмайды. Олар жақсы психологтар, көбінесе сүйкімді болып келеді, адамға тез ұнап қалатынымен немесе олардың аяушылығын тудыра білетіндігімен азаматтардың сеніміне оңай енеді.Сондай-ақ, алаяқтар керемет спикерлер, олар белгілі бір уақытта қандай ауызша сөз оралымдарын қолдану керектігін, қандай интонациямен сөйлесу керектігін және қандай хабарлама жасау керектігін біледі. Мысалы, азаматтарға&nbsp;олардың қатысуынсыз кредит ресімделгені&nbsp;немесе ақша қаражаты аударылғаны туралы хабарлайды. Жәбірленушіні қорқыныш билейді, біраз уақыт ұтымды ойлау қабілетін жоғалтады, міне, осы кезде «қамқор» сұхбаттасушы көмектесе алатынын айтады – сізге тек деректерді хабарлау керек, қалғанын банк өзі реттейді. Көбінесе алаяқтар, әсіресе қазіргі мотивациялық бизнес-курстар қаптап кеткен кездегі азаматтардың&nbsp;тез байып кетуді ойлайтын ниетін&nbsp;пайдаланады. Алаяқтар жылдам және дәл қазір шешім қабылдауды талап етеді – олар жәбірленушіге ойлануға уақыт жоқ, әйтпесе сіз өз мүмкіндігіңізді жіберіп аласыз дейді. Содан кейін адамдар күмәнді ұйымдарға ақша салады немесе «жалған кредиторлардан» қарыз алады.Егде жастағы адамдарға кең таралған психологиялық әдіс –&nbsp;беделмен&nbsp;қысым көрсету әсер етеді. Зейнеткерлер көбіне мемлекеттік органдар мен полицияға сеніп дағдыланған, сондықтан егер оларға өзін ҰҚК қызметкері болып таныстырған адам жүгінсе, олар оған сенеді. Ақшаны беру немесе құпия деректерді хабарлау қажет қауіпті қылмыскерді ұстауға көмектесу туралы билік өкілінің өтінішіне көмектесіңіз. Егер адам күмәндана бастаса, мемлекеттік арнайы операцияға кедергі келтіргені үшін қылмыстық жауапкершіліктің бар екенін айтып қорқытады. Алаяқтар&nbsp;интернет пен &nbsp;IT-технологиялардың&nbsp;дамуымен әккі-шебер бола бастағанын да ұмытпауымыз керек – олар өздерінің жеке мүдделеріне қолдану үшін барлық жаңалықты зерделейді.Алаяқтарды қалай анықтауға болады?№ 1 белгі: Алаяқ әрқашан сізбен бірінші болып байланыс орнатады.&nbsp;Олар өздері қоңырау шалып немесе әлеуметтік желілер арқылы байланыс орнатады және еліктіретін ұсыныстар жасайды немесе аңғалдығыңыз бен қорқақтығыңызды пайдаланып, ақшаңызды алып алады. Мұндай қоңыраулар мен хабарларға жеңіл-желпі қарамаңыз – бұл сізді алаяқтардан қорғайтын цифрлық гигиенаның бір бөлігі.№ 2 белгі: Алаяқтармен әңгіме әрқашан қаржы төңірегінде өрбиді.&nbsp;Қаскүнемдер өздерін банктің, мемлекеттік мекемелердің немесе ірі дүкендердің қызметкерлері ретінде таныстырады, бірақ олардың әңгімесі әрқашан ақшаға қатысты болады. Әрине, алаяқтың сізге қоңырау шалғанын 100% дәл анықтау мүмкін емес, бірақ сақ болыңыз, ақшаға келгенде бейтаныс адамдардың сөзіне сенбеңіз.

Адамдардың сенгіштігі мен қорқынышын өз мақсатына пайдалану: алаяқтар қандай психологиялық әдістерді қолданады

<a href="https://kyzylorda-news.kz/">Kyzylorda-news.kz.</a> ҚР Қаржы нарығын реттеу және дамыту агенттігінің (бұдан әрі – Агенттік) 2023 жылғы 1 қыркүйектегі жағдай бойынша деректеріне сәйкес, төлем мерзімін кейінге қалдыру мүмкіндігі мерзімді&nbsp;әскери қызмет өткеру кезеңінде&nbsp;1,4 млрд&nbsp;теңге сомаға&nbsp;8,8 мың&nbsp;қарыз бойынша&nbsp;5 мың&nbsp;әскерге шақырылушы мен әскери қызметшіге берілді.Еске сала кетейік, 2022 жылғы желтоқсанда ҚР Қорғаныс министрлігі мен Агенттік арасында мерзімді әскери қызметке шақырылған қарыз алушылардың банктік қарыздары мен микрокредиттері бойынша төлем мерзімін кейінге қалдыру мүмкіндігін көздейтін&nbsp;Өзара ынтымақтастық туралы меморандумға&nbsp;қол қойылды.Fingramota.kz әскерге шақыру бойынша әскери қызмет өткеретін әскерге шақырылушылар мен әскери қызметшілерге&nbsp;банктік қарыздар және (немесе) микрокредиттер бойынша төлем мерзімін кейінге қалдыру жөніндегі іс-қимыл алгоритмімен&nbsp;бөліседі:Қорғаныс министрлігі Агенттікке мерзімді әскери қызмет өткеретін, қарыздары бар әскерге шақырылушылар мен әскери қызметшілердің дербес деректерін және банктің немесе МҚҰ-ның атауын көрсете отырып, тізімін ұсынады; Агенттік Қорғаныс министрлігінен алған мерзімді әскери қызмет өткеретін және банктік қарыздары мен (немесе) микрокредиттері бар әскерге шақырылушылар мен әскери қызметшілердің тізімдерін банктердің, МҚҰ-ның немесе коллекторлық агенттіктердің атына жібереді; Банктер мен МҚҰ Қазақстан Республикасының заңнамасында көзделген&nbsp;берешекті өндіріп алудың барлық нысанын кейінге қалдыруды, сондай-ақ&nbsp;тоқтата тұруды жедел беруді жүзеге асырады. «Қазақстан Республикасындағы банктер және банк қызметі туралы» Қазақстан Республикасы Заңының 36-бабына және «Микроқаржылық қызмет туралы» Қазақстан Республикасы Заңының 9-2-бабына сәйкес, әскерге шақырылушы немесе әскери қызметші не оның заңды өкілі&nbsp;өтінішпен және&nbsp;әскери қызметшінің әскерге шақырылғанын немесе мерзімді әскери қызметтен өткенін растайтын&nbsp;анықтамаларды қоса тіркеп&nbsp;жүгінген кезде банктер мен МҚҰ-ның банктік қарыздар мен микрокредиттердің төлем мерзімін кейінге қалдыру мүмкіндігін ұсынуы жүзеге асырылады.Қарыз алушы кредиторға жеке жүгіне ала ма?&nbsp;Қарыз алушы өтінішті банкке немесе МҚҰ-ға электрондық пошта, «банк-клиент» онлайн-жүйесі, интернет-ресурс, мобильдік қосымша, басқа да байланыс құралдары арқылы не кредитордың кеңсесіне бару арқылы дербес жіберуге құқылы. Өтінішке&nbsp;әскери қызметшілердің мерзімді әскери қызметке шақыру немесе өткеру фактісін растайтын анықтама қоса берілуі&nbsp;қажет.Әскерге шақырылушыларға немесе әскери қызметшілерге қарыздар бойынша төлем мерзімін кейінге қалдыру мүмкіндігі&nbsp;кредиторға&nbsp;жеке&nbsp;өзі жүгінген кезде және Қорғаныс министрлігінің тізіміне сәйкес беріледі. Сондай-ақ, кредиторға өтінішті&nbsp;қарыз алушының өкілдері сенімхат бойынша бере алады.Бұл ретте Агенттікке қосымша өтініш жіберу талап етілмейді.

Қазақстан және Қызылорда облысының жаңалықтары