<a href="https://kyzylorda-news.kz/">Kyzylorda-news.kz.</a> Электрондық цифрлық қолтаңбаны иемденген алаяқтар келесі қадамдарға баруы ықтимал:&nbsp;- пәтеріңізге кездейсоқ адамдарды тіркеуі; - көлігіңізді қайта тіркеуі; - сенімхат ресімдеу және қаржылық құжаттарға қол қоюы; - нотариаттық мәмілелер жасауы;ЭЦҚ қолмен жазылған қолтаңбамен тең екенін ескеріңіз. Жоғалған жағдайда оны дереу қайта шығару керек., сонымен қатар құпия сөзі де стандартты құпия сөзден күрделі құпия сөзге өзгерту керек.• Айтпақшы, ЭЦҚ - ны eGov.kz порталы арқылы да, Халыққа қызмет көрсету орталығы арқылы да алуға болады.

Неліктен Электронды цифрлық қолтаңбаны 3-ші тұлғаларға беруге болмайды?

Фото: Ермек Маржықпаевтың Telegram парақшасы<a href="https://kyzylorda-news.kz/">Kyzylorda-news.kz.</a> ҚР Туризм және спорт министрі Ермек Маржықпаев күрестен әлем чемпионатында Қазақстан құрамасы алғашқы медаль мен олимпиадалық лицензияға ие болғанын мәлімдеді, деп хабарлайды ҚазАқпарат.Еркін күрес шебері Азамат Дәулетбеков 86 келіге дейінгі салмақта өнер көрсетіп, осы күндері Сербияда өтіп жатқан әлем чемпионатының қола жүлдесін жеңіп алған.«Бахрейн өкіліне қарсы өткен «жұбаныш финалында» біздің спортшы өзінің шеберлігін ғана емес, мінезін де көрсете отырып, соңғы секундтарда жеңісті жұлып алды. Азамат пен Қазақстан құрамасының жаттықтырушылар штабын осы нәтижемен құттықтаймын, сондай-ақ Париж Олимпиадасында елімізді лайықты түрде танытуға тілектеспін», - дейді министр.Ол сондай-ақ, тағы бір қазақстандық палуан Ризабек Айтмұханның 92 келіге дейінгі салмақ дәрежесіндегі финалға сенімді түрде жолдама алғанын атап өткен. Бүгін ол әлем чемпионы атағы үшін күресетін болады.&nbsp;

Қазақстан құрамасы күрестен алғашқы Олимпиада лицензиясына ие болды

<a href="https://kyzylorda-news.kz/">Kyzylorda-news.kz.</a> Астанадан Түркістанға дейінгі 1300 шақырымды бастан-аяқ 1 атпен еңсеруді мақсат еткен “Рекорд” командасының құрамы Астана қаласы, Маңғыстау мен Жетісу облыстарының шабандоздарынан құралған.&nbsp;Арқадан атқа қонған үш шабандоз қара жерді қайыстыра Түркістанға таяп келеді.Қазақ жылқысының атын Гиннес рекордтар кітабына енгізуді көздеген азаматтарға төрешілер шешімімен қомақты жүлдеқоры бекітілді.&nbsp; 1-орынға - 2 миллион теңге, 2-орынға - &nbsp;1,5 миллион теңге, 3-орынға - 1 миллион теңге беріледі.Әзірге командадағы 3 шабандоздың уақыты әртүрлі. Атап айтқанда, 12-кезең бойынша, Маңғыстау командасының шабандозы 89 сағат 46 минут есебімен алда келе жатыр. Екінші орын - 92 сағат 10 минут уақыт есебімен Жетісу командасының рекордсменінің еншісінде. Үшінші орында - 92 сағат 33 минут есебімен Астана командасының шабандозы тұр.Алда соңғы 2 кезеңді қосқанда 150 шақырым тұр. Яғни, марафон-бәйгенің мәреге жетуіне сәл қалды. Әйтсе де топырақты төңкере шапқан тарлан жануарлар әлі де бабында. Ал ертең − шын жүйрікке бәйге бұйырып, аты озған аймақ бөрігін көкке лақтырады.Айта кету керек, “Рекорд” командасы діттеген мақсатына жетсе, келесі жылғы жорыққа Гиннес рекордтар кітабының өкілдерін шақырту жоспарда бар.

“Ұлы дала жорығы”: “Рекорд” командасына қомақты қаржылай сыйлық бекітілді

<a href="https://kyzylorda-news.kz/">Kyzylorda-news.kz.</a> Қазалы ауданының әкімі Мұхтар Оразбаев ауданда атқарылып жатқан бірқатар құрылыс жұмыстарының басына барып, жай-күйімен танысып қайтты.Аудан басшысы ең бірінші Әйтеке би кентіндегі асфальтталып жатқан О.Жанәділов көшесінің жол құрылысын көрді.Мердігер мекеме – «Нұрас и К» ЖШС қызметкерлеріне жұмыстың жүйелі жүруін қатаң тапсырған аудан әкімі сапасына аса мән беріп, уақытын жеделдетуді жүктеді.Мұнан соң Мұхтар Әуесұлы &nbsp;Әйтеке би кенті мен Қазалы қаласының аралығындағы аудандық маңыздағы автомобиль жолын назарға алды.Қазіргі күні төртжолақты жолдың құрылысы қарқынды жүріп жатыр. Барлығын күнделікті қатаң бақылауда ұстап отырған аудан басшысы «Стандарт Ойл КЗО» ЖШС қызметкерлеріне жұмыс қарқынын күшейтуді жүктеді.Бүгінде аталған екі жолдан бөлек, Қазалы қаласындағы Е.Бөлекбаев көшесі &nbsp;де асфальтталып жатыр.Тұрғындардың жылтыр жолда жүйткуі үшін еңбек етіп жатқан мердігер мекеме - “Қыран” ЖШС мамандары. Мұхтар Әуесұлы мұнда да сапаға мән бере отырып, тез арада ел игілігіне беруді айтты.Аудан әкімі Мұхтар Оразбаевтың бүгінгі құрылыс жұмыстарымен танысу сапары Абай ауылынан қорытындыланды.Мұнда барудағы басты себеп - екі аралықтағы қалқымалы көпірдің жайынан хабар алу. Қазір мұнда қалқымалы көпір қоятын айлақ дайындалып жатыр. Өйткені, алда қыс, көктем мезгілдері келе жатыр. Сондықтан сең жүру үдерісіне дайындық жұмыстарын осы бастан қолға алған жөн.Аудан басшысы барлық жұмыстарға асқан жауапкершілікпен қарау керектігін ескертті. Өйткені, әрбір тапсырма орындалуымен құнды.

Мұхтар Оразбаев: Тапсырма орындалуымен құнды

<a href="https://kyzylorda-news.kz/">Kyzylorda-news.kz.</a> Сырдария ауданы әкімдігінің қолдауымен,«Сырдария-Нұрдария» қоғамдық қорының ұйымдастыруымен БАҚ өкілдері арасында облыстық ашық турнир өтті.Іс-шараның ашылуында аудан әкімі Берік Сәрменбаев сөз сөйлеп, жарысқа қатысушы командаларға сәттілік тіледі.— Журналист болу – халыққа қызмет ету. Сондықтан Сіздерге артылар міндет пен жүк жеңіл емес. Осындай міндетті жауапкершілікпен атқарып, жағымды жаңалықтарды ақпараттандыруға зор үлес қосып келесіздер. Кәсіби шеберліктеріңіз арқылы ауданда атқарылып жатқан жұмыстармен өңір жұртышылығы танысуда. Ауданды дамыту мақсатындағы жарқын істеріміз ақпарат көздерінен жиі таралып, басылым беттеріне тұрақты жарияланып отырады. Соның негізінде халық біздің жұмысымызды көріп, лайықты бағасын беруде. Міне, осы сәтті пайдалана отырып, өңірдің ақпарат саласында тынбай еңбек етіп жүрген Бұқаралық ақпарат құралдарының өкілдеріне шынайы алғысымды жеткізгім келеді. Жазушы Шерхан Мұртаза «Журналистің жегені жантақ, арқалағаны алтын» дейді. Сондықтан ел үшін атқарып жатқан қызметтеріңізге табыс тілеймін. Сырдария ауданындағы жағымды жаңалықтарды алдағы уақытта да сапалы ақпараттандыруға үлес қоса беретіндеріңізге сенім білдіремін, — деді Берік Әбдіғаппарұлы.Мұнан соң Өңірлік коммуникациялар қызметінің директоры Гүлнұр Бүркітбаева да сөз сөйлеп, Сырдария ауданында БАҚ өкілдеріне арнап турнир ұйымдастырылып жатқанына ризашылығын жеткізді.Облыстық турнирге «Qyzylorda», &nbsp;«Qogam TV», «Баспасөз», «Меншікті тілшілер», «Өңірлік коммуникациялар қызметі» және «Тіршілік тынысы» командалары қатысып, өзара бақ сынады.Тартысты өткен турнир нәтижесінде «Баспасөз» командасы І орынды, «Qyzylorda» командасы ІІ орынды, «Меншікті тілшілер» командасы ІІІ орынды жеңіп алды. Жеңімпаздарға және қатысушы командаларға, арнайы диплом мен қаржылай сыйлық табыс етілді.

БАҚ өкілдері арасында облыстық турнир өтті

<a href="https://kyzylorda-news.kz/">Kyzylorda-news.kz.</a> Биыл Қазақстан футболына тың жоба ретінде іске қосылған QJ (Қазақстан жасөспірімдер) лиганың орталық кездесуі Қызылорда қаласында ұйымдастырылды.&nbsp;Футбол мерекесіне лиганың қамқоршылық төрағасы Тимур Турлов пен лига президенті Рохус Шох арнайы келіп, қызылордалық жанкүйерлермен біге «Қайсар» – «Ақсу» матчын тамашалады.Орталық кездесуде облыс әкімі аппаратының басшысы Шахмардан Байманов QJ (Қазақстан жасөспірімдер) лиганың ел футболының даму жолында үлесі басым екенін айтты. Сондай-ақ лиганың ұйымдастырушыларына аймақ басшысының алғысын жеткізіп, «Ақсу» және «Қайсар» командаларына сәттілік тіледі.Футбол мерекесі аясында жанкүйерлерге ұлттық ойындар, Live band, дәмді палау үлестірілді. Сонымен қатар эстрада жұлдызы Ильхан Ихсанов пен Маченский ән шырқап, қызылордалықтарға керемет көңіл күй сыйлады. Матч соңында жанкүйерлер лоторея ойынына қатысып, Дубайға жолдама, айфон 14 ұялы телефонын, Ps5, Airpods, Apple Wath, Қазақстан құрамасының жейдесін ұтып алды.Айта кетейік, QJ (Қазақстан жасөспірімдер) лигасында еліміздің ең таңдаулы 12 командасы бақ сынайды.

QJ лигасының орталық кездесуі өтті

<a href="https://kyzylorda-news.kz/">Kyzylorda-news.kz.</a> Қызылорда облысыда 5 ауылдық округте әкім сайлауы өтті.Олардың қатарында Арал ауданының Атанши, Қазалы ауданының Басықара, Сырдария ауданының Айдарлы, Шиелі ауданының Керделі, Қызылорда қаласының Қызылжарма ауылдары бар. Аталған елдімекендерде сағат 7.00-ден №3, 82, 171, 298, 172, 254, 370 сайлау учаскесі ашылды. Әкім қызметіне ниетті азаматтардың басым бөлігі саяси науқанға өзін-өзі ұсыну тәртібімен түскен.Сайлауға алғаш болып келген аралдық қарт ана Құттыбеке Разақова Атанши ауылының гүлденуіне әрбір азамат үлес қосуға ниетті екенін, ал сайланатын әкім тұрғындардың талап-тілегін ескеруі тиіс екенін айтты.Ауылдық округте 246 сайлаушы тіркелсе, Басықарада 706, Айдарлыда 827, Керделіде 1687 сайлаушы бар. Ал, Қызылжарма ауылдық округінде 6297 сайлаушы тіркелген.Жалпы алғанда, 5 ауылдың әкімі болуға ниетті барлығы 13 кандидат сайлауға түсті. Олардың 10-ы өзін-өзі ұсыну жолымен сайлауға түссе, 3 кандидат партия атынан ұсынылған.Еске салсақ, Президент тапсырмасы аясында енді аудан, облыстық маңызы бар қала әкімдері сайланады. Жергілікті мәслихат шешімімен 5 қараша күні пилоттық Сырдария, Шиелі ауданы әкімдерінің <a href="https://www.inform.kz/kz/kyzylorda-oblysynda-pilottyk-negizde-2-audan-akiminin-saylauy-otedi_a4110399">сайлауы өтеді</a>.

Аймақта ауыл әкімдерінің сайлауы өтті

<a href="https://kyzylorda-news.kz/">Kyzylorda-news.kz.</a> «Қазгидромет» РМК-сы қыркүйектің 18-і күнгі күн райы болжамын жариялады.Атмосфера фронталды бөліктердің өтуіне байланысты Қазақстанның басым бөлігінде күн құбылмалы болады, найзағай ойнап, жаңбыр жауады, еліміздің батысында қатты жауын жауады.Республика бойынша батыста, солтүстік-батыста, оңтүстікте, оңтүстік-шығыста - екпінді жел, батыста, солтүстікте, солтүстік-батыста, шығыста, орталықта тұман түседі.Қызылорда облысының орталығында, шығысында, оңтүстігінде, Ұлытау облысының оңтүстігінде, төтенше өрт қаупі сақталады, Қарағанды облысының оңтүстігінде өрт қаупі туындайды.

18 қыркүйекке арналған ауа райы болжамы

<a href="https://kyzylorda-news.kz/">Kyzylorda-news.kz.</a> ЖРВИ мен тұмау маусымы алдында дұрыс тамақтану мен ұйқы, дене шынықтыру иммунитетті жақсартуға көмектеседі. Бұл туралы Алматы қаласы N36 қалалық емхананың дәрігері Әйгерім Исағалиева айтты, деп хабарлайды <a href="https://www.inform.kz/kz">ҚазАқпарат</a>.«Гормондардың ырғағын сақтау үшін сағат 23.00-ге дейін жатып, таңғы 7 немесе 8-де оянған дұрыс. Күніне кем дегенде 7-10 мың қадам жүрген дұрыс және шынығу процедурасын шектен асырмау керек, мысалы, аяғыңызды суық сумен жуу кезінде. Талшық пен дәруменге бай жеміс пен көкөністі көбірек жеңіз. Күнделікті тамақтан кофе мен алкогольді алып тастаған дұрыс. Алкогольді және кофеинді сусындар иммундық жүйені әлсіретіп, жүрекке қосымша салмақ түсіреді», - дейді дәрігер.Ол стрестен аулақ болуға кеңес берді, себебі, стресс иммундық жүйеге кері әсер етуі мүмкін. Гигиена ережелерін сақтау, қолды жуу, инфекцияның алдын алу үшін дезинфекциялық құралдарды қолдану қажет. Сонымен қатар, дәрігер тұмауға қарсы вакцина алуды еске салды, себебі, ол аурудың алдын алуға және иммундық жүйені нығайтуға көмектеседі. Вакцинаны тұрғылықты жеріңіз бойынша емханада тегін алуға болады.Әйгерім Исағалиева сондай-ақ профилактикалық дәрі-дәрмектерді де қабылдауға болатынын айтты.«Қолданар алдында суық мезгілге дейін иммунитетті нығайту үшін қандай дәрумен мен минералды қабылдау керек екенін дәрігерден белгеніңіз жөн. Сондай-ақ әрине маусымға сәйкес киіну керек», - деп түйіндеді дәрігер.

Күзде иммунитетті қалай сақтау керек?

<a href="https://kyzylorda-news.kz/">Kyzylorda-news.kz.</a> Маңғыстау облысы “Көкмойнақ” командасы жорықты жалғастырудан өз еркімен бас тартты.Бүгін 17 қыркүйекте “Ұлы дала жорығы” марафон-бәйгесінің 12-кезеңі Қызылорда облысы Шиелі ауданында өтіп жатыр. Таңғы сағат 7:00-ден 8 команда кезекті 100 шақырымды бағындыруға аттанды. Маңғыстау облысы командасы аттарының шаршап қалуына байланысты старт сызығына келмеді. &nbsp;Бұған дейін, 11-кезеңде Маңғыстау облысының команда капитаны жарыстан шығып қалып, &nbsp; “Көкмойнақта” 3 ат қалғанын хабарлаған едік. 11-кезең бойы үздік болып келген маңғыстаулықтар тәуекелге бармай, аттарын зорықтырмай, келесі жылғы марафон-бәйгеге тыңғылықты дайындауды жөн санағанын жеткізді.11 кезең нәтижесі бойынша, Маңғыстау облысының “Көкмойнақ” командасы 18 команданы шаңына да ілестірмей келген. 1050 шақырымды артта қалдырып, финишқа 250-ақ шақырым қалғанда мұндай шешімге келуі - күтпеген жағдай болды. Аттары жорықты жалғастыруға жарап тұрса да, жорықты тоқтатуы - атақ-абырой, жеңіс пен жүлдеден аттарының амандығын алдыңғы орынға қоятынын сездірді.Бүгінде экс-чемпиондардың орнын Қостанай облысының командасы басты.Енді Адай жылқысының абыройы 1300 шақырымды 1 атпен бағындыруды мақсат еткен “Рекорд” командасындағы маңғыстаулық шабандоздың мойнында.Бұдан бөлек командадан тыс 4 шабандоз белгіленген межені еңсеруге жалғыз жорытып барады.

“Ұлы дала жорығы”: Маңғыстау облысының командасы чемпиондық атағын неге қорғап қала алмады?

<a href="https://kyzylorda-news.kz/">Kyzylorda-news.kz.</a> Қазалы ауданының әкімі Мұхтар Оразбаев сенбілік жұмыстарынан бөлек аудан орталығы - Әйтеке би кентіндегі О.Жанәділов көшесінің жол құрылысымен танысты.Көшені асфальттау жұмыстарын мердігер мекеме – «Нұрас и К» ЖШС қызметкерлері атқаруда.Жауапты мамандарға жол құрылысының сапасына баса назар аударып, тез арада тұрғындар игілігіне беру қажеттігін айтқан аудан басшысы барлығы қатаң бақылауда болатынын жеткізді.Мұнан соң Мұхтар Әуесұлы Р.Бағланова көшесінің бойындағы жеке кәсіпкер Зағипа Жалмағамбетованың көмір қоймасына барды.Кәсіпкердің айтуынша, мұнда қазіргі күнге дейін 53 вагон қатты отын жеткізілген. Бұдан бөлек, тағы 26 вагон келетін көрінеді.Аудан әкімі Мұхтар Оразбаев «СтройМодульАстана» мекемесінің де жұмысымен танысты. Қызу тіршіліктің ортасында жүрген қызметкерлермен тілдескен аудан басшысы еңбектеріне сәттілік тіледі.

Қазалыдағы көшелер асфальттануда

<a href="https://kyzylorda-news.kz/">Kyzylorda-news.kz.</a> Шиелі кентінде Ұлы Отан соғысының ардагері, құрылыс саласының майталманы Қазанғап Қожасовтың құрметіне ұрпақтарының мұрындық болуымен әсем саябақ ашылды.Ашылу салтанатына аудан әкімі Нұржан Ахатов қатысып, Қожасовтар әулетіне ақжарма тілегі мен тындырымды тірліктері үшін алғысын білдірді.– Халқымызда «Бір жылдығын ойлаған халық бидай егеді, жүз жылдығын ойлаған халық ағаш егеді», деген аталы сөз бар. Расында туған жерді көркейту-көгалдандыру баршамызға ортақ іс, әрі келешек ұрпақтың жарқын болашағы үшін жасалған үлкен қадам деп санаймын.Осы орайда, биыл аймақ басшысы Нұрлыбек Машбекұлының тікелей бастамасымен облысымызда «Үлгілі елді мекен» байқауы ұйымдастырылып, аудан көлемінде жүргізілген ұйымдасқан ауқымды жұмыстардың нәтижесінде, Шиелі кенті "Үлгілі аудан орталығы" номинациясы бойынша II орынды еншілеп, "Қалдық тасымалдаушы камаз көлігі", "Жол тазалағыш трактор" және "ассенизатор" көлігін жеңіп алды. Бұл жетістік күннің ыстық-суығына қарамастан тазалық шараларына белсене ат салысқан барша азаматтардың ортақ жетістігі. Мұнан бөлек, біз өз тарапымыздан тазалық шараларына ат салысқан бірқатар азаматтар мен шаруа қожалықтарына, мекеме қызметкерлеріне бағалы сыйлықтар тарту еттік.Бүгін міне осынау бастамаларға қолдау білдіріп, Ұлы Отан Соғысының ардагері Қазанғап Қожасов атамыздың ұрпақтары кент ішіндегі Қазанғап атамыздың атына берілген көше бойынан саябақтың тұсауын кескелі отыр.&nbsp;Қазанғап ақсақал ел мен жерге еңбегі сіңген Сыр елінің біртуар азаматы болатын. 19 жасында майдан даласына аттанып, жеңіспен елге оралғаннан кейін де құрылыс саласында 35 жылдан астам уақыт жемісті еңбек етті. Ауданымыздағы бірнеше әлеуметтік ғимараттардың, атап айтқанда Жуантөбе, Ақмая, Бұланбай Бауы елді мекендеріндегі білім ордаларының сапалы түрде салынып, балалардың игілігі үшін қызмет етуіне мүмкіндік жасады. Сондай-ақ, аудан орталығындағы бірден-бір арнайы-кәсіптік білім беру мекемесі «Шиелі Индустриалды-аграрлық» колледжі, «Салтанат сарайы», «Жадыра» сауда орталығы Қазанғап ағамыздың атсалысуымен бой көтеріп, кент келбетін келісті етіп тұр.Ендеше, саябақты халық игілігіне деп тапсырып отырған Қожасовтар әулетіне өз атымнан және жерегілікті жұртшылық атынан алғысымды білдіремін. Болашақта осы саябақ тұрғындар тынығып, серуендейтін ауданымыздың ең бір көрікті жеріне айналсын, - деді аудан әкімі.

Қазақстан және Қызылорда облысының жаңалықтары