Kyzylorda-news.kz. Биыл Шиелі ауданының &nbsp;ауыл шаруашылығы саласында 6 млрд 431 млн теңгенің өнімі өндіріліп, тиісті кезеңмен салыстырғанда 101,6 пайызға артқан. Сондай-ақ аудан бойынша 31 702 гектарға егін орналастырылған. Ал негізгі дақыл күріштің үлесі - 13 189 гектар. Бұл туралы Қызылорда облысының өңірлік коммуникациялар қызметінің ақпарат алаңында өткен баспасөз конференциясында Шиелі ауданының әкімі Нұржан Ахатов мәлімдеді.<blockquote>«Егін көлемінің артып отырғандығының бір себебі, биылғы жылы әр отбасының өзін-өзі әлеуметтік маңызы бар өнімдермен қамтамасыз ету үшін шаруашылық құрылымдарының демеушілігімен тегін егістік жері дайындалып, 1520 гектар жерге тұрғындар өздері егіс егіп, қыстық азықтарын қамтамасыз етуде. Осы жылдың 6 айында ауданның ауыл шаруашылығы құрылымдары тарапынан жаңадан техникалар алынып, ауданға 506 млн теңге инвестиция тартылды.Сонымен қатар, 5405 гектар жерге картоп, көкөніс, бақша дақылдары орналастырылды. Ал күріштің көлемі өткен жылмын салыстырғанда 2439 гектарға ұлғайды. Аталған дақылдан сапалы өнім алу үшін судың мол болуы маңыздылығын ескеріп, қазіргі су тапшылығы орын алған тұста егіс алқаптарына 59 жерге насос қойылды. Осы насостармен қашыртқылардағы суды қайта пайдалану әдісімен су тапшылығының алдын алып келеміз.Сонымен қатар, «Олжа Агро» ЖШС-гі 1200 басты асыл тұқымды ірі қара малының тауарлы сүт фермасын ашу бағытында серіктестік басшыларымен келісімге келіп отырмыз. Ферма құрылысын Алғабас ауылынан салу жоспарлануда. Жем-шөп қорын дайындау мақсатында серіктестікке Диірментау өңірінен көлемі - 2500 гектардай жер телімі әзірленіп, бүгінгі таңда таңдалған жер телімінің топырақ зерттеу жұмыстары жүргізіліп жатыр. Ферма жұмысын бастағанда 80 адамға дейін жаңа жұмыс орыны ашылса, жем-шөп дайындау жұмыстарында тағы 100 ге жуық адам жұмыспен қамтылады деп күтілуде. Жоба аясында өңірімізге 10 млрд теңге инветиция тартылатын болады»,-деді Нұржан Сәбитұлы.</blockquote>Баспасөз конференциясында аудан әкімі азық-түлік бағасын тұрақтандыруды қамтамасыз ету үшін кемінде екі өнім сақтайтын қойма салу көзделгенін айтты. Қазірдің өзінде, Шиелі кентінде жобалық құны 170 млн теңге болатын сыйымдылығы 700 тонна көкөніс сақтау қоймасының құрылысы басталып, мұздатқыш құрал-жабдықтарды орнату жұмыстары жүруде.<blockquote>«Облыс әкімінің тапсырмасына сәйкес тұрғындардың өзін-өзі азық түлікпен қамтамасыз ету, азық-түлік тауарларының бағасын тұрақтандыру мақсатында биыл жоспардан тыс&nbsp; 1520 гектар қосымша жер дайындалып, 1390 отбасына үлестіріліп, оның ішінде 520 га жерге тамшылатып суару әдісі арқылы көкөніс-бақша егу жұмыстары жүргізілді. Сондай-ақ, аудан бойынша экспорттың әлеуетін арттыру бағытында, ауыл шаруашылығы тауар өндірушілерінің тауарларын сыртқы елдерге экспортқа жөнелту бағытында жүйелі жұмыстар жүргізілуде. Соңғы жылдары ауыл шаруашылығы экспортының әлеуеті жыл өткен сайын артып келеді. Өткен жылы мамыр айында Қырғызстанға 20 тонна ақ күріш, Ресейге 421 тонна қарбыз, 275 тонна қауын, 330 тонна қызанақ экспортталды. Ал, еліміздің басқа да облыстары мен қалаларына 18 500 тонна ақ күріш, 1 200 тонна қарбыз, 13 400 мың тонна қызанақ, 3 800 тонна қауын және 22 000 тонна жоңышқа шөбі жөнелтілген»,-деді аудан әкімі Нұржан Ахатов.</blockquote>

Шиелі ауданында 31 702 гектарға егін егілді

<a href="https://kyzylorda-news.kz/">Kyzylorda-news.kz.</a> Медиация апталығы аясында Қызылорда облыстық Қазақстан халқы ассамблеясы жанындағы Медиаторлар кеңесінің ұйымдастыруымен қаладағы орталық емхана қызметкерлерімен кездесу өтті.Шараға отставкадағы судья, «Құрметті судья» атағының иегері, облыстық медиаторлар кеңесінің мүшесі, медиатор Зина Жаңбыршиева, «Бітім» медиация орталығының директоры, кәсіби медиатор Жанна Мирамбекқызы және облыстық қоғамдық даму басқармасының «Қоғамдық келісім» КММ бөлім басшысы, Медиация кабинетінің үйлестірушісі Шахизат Абдраманова қатысып, медиация институты жайлы жалпы мағлұматпен бөлісті.Медиация институты, оның тиімділігі, медиация тәсілін меңгеру пайдасы, оның сот өндірісінен айырмашылығы, медиацияның тетіктерін ұтымды пайдалану, қызметте, қоғамда орын алатын дауларды екі тарапқа да оңтайлы реттеу сынды мәселелер сөз болды. Сонымен бірге емхана қызметкерлерін тегін медиациялық кеңес алуға шақырды.Кездесу соңында қызметкерлер тақырып бойынша сұрақтарын қойып, тұшымды жауаптар алды.

Орталық емхана қызметкерлерімен кездесу өтті

<a href="https://kyzylorda-news.kz/">Kyzylorda-news.kz.</a> 5 тамыз – Медиация күніне орай, Медиация апталығы аясында Қызылорда облыстық Қазақстан халқы ассамблеясы жанындағы Медиаторлар кеңесінің ұйымдастыруымен қаладағы Төтенше жағдайлар басқармасының қызметкерлерімен кездесу өтті.Шараға қоғамдық медиатор Жақсыбай Жәкеев, облыстық медиаторлар кеңесінің мүшесі, кәсіби медиатор, "Бітім" медиация орталығының медиаторы Қыдырбек Рашев және облыстық қоғамдық даму басқармасының «Қоғамдық келісім» КММ бөлім басшысы, Медиация кабинетінің үйлестірушісі Шахизат Абдраманова қатысып, медиация институты жайлы жалпы мағлұматпен бөлісті.Медиация институты, оның тиімділігі, медиация тәсілін меңгеру пайдасы, оның сот өндірісінен айырмашылығы, медиацияның тетіктерін ұтымды пайдалану, қызметте, қоғамда орын алатын дауларды екі тарапқа да оңтайлы реттеу сынды мәселелер сөз болды.Кездесу соңында қызметкерлер тақырып бойынша сұрақтарын қойып, тұшымды жауаптар алды.<img src="https://knadmin.beoblood.kz/uploads/363852889_3547077385611416_8611936538666325298_n_cc844c6fa6.jpg" alt="363852889_3547077385611416_8611936538666325298_n.jpg">

Медиаторлар басқарма қызметкерлерімен кездесті

<a href="https://kyzylorda-news.kz/">Kyzylorda-news.kz.</a> Бүгін ҚР Қорғаныс министрлігінің ұйымдастыруымен «Азаматтарды әскери-патриоттық тәрбиелеу қағидаларын бекіту туралы» Қазақстан Республикасы Үкіметінің 2022 жылғы 24 тамыздағы №597 қаулысының іске асырылу барысы және Қазақстан Республикасының Президентінің 2023 жылғы 5 мамырда Астана қаласында өткен Бүкілармия кеңесінде берген нұсқаулар аясында әскери-патриоттық тәрбиені жетілдіру бойынша (бейнеконференция байланыс режимінде) кеңес өтті.Сондай-ақ, генерал-лейтенант С.Камалетдинов республика көлемінде жасөспірімдер арасындағы әскери-патриоттық тәрбие бойынша жоғары нәтиже көрсеткен Қызылорда облысын ерекше атап өтіп, облыс әкімінің орынбасары Н. Сақтағановқа ҚР Қорғаныс министрінің алғыс хатын табыс етті.Айта кету қажет, ағымдағы жылдың маусым айында Қарағанды облысында өткен IX Халықаралық «Айбын» әскери-патриоттық жастар жиынында Қызылорда облысының «Сыр айбындары» құрама командасы жүлделі I орын иеленген болатын.

Әскери-патриоттық тәрбиені жетілдіру жөніндегі кеңес өтті

<a href="https://kyzylorda-news.kz/">Kyzylorda-news.kz.</a> «Атамекен» Қазақстан Республикасының Ұлттық кәсіпкерлер палатасы «Ұлы дала елі» брендін пайдалану құқығын беру конкурсына өтінімдерді қабылдаудың басталғаны туралы хабарлайды.Конкурстың негізгі мақсаты отандық компанияны және оның жоғары сапалы өнімдерін «Ұлы дала елі» брендімен тауарларды экспорттау кезінде ынталандыру және позициялау, елдің шетелде танылуын арттыру болып табылады.«Ұлы дала елі» бренді халықаралық нарықтарда Қазақстан брендін ілгерілететін Қазақстанның үздік отандық тауар өндірушілеріне тапсырылады.Байқауға қатысушылар келесі критерийлерге сай болуы қажет:• өнімнің бір түрін өндірудің жалпы көлемінің кемінде 10% көлеміндегі экспорт үлесі• тауарларды өндіру, қызметтер көрсету кезіндегі жергілікті қамту үлесі(кемінде 30%);• халықаралық бизнес қауымдастықтарына мүшелік;• лицензиялардың, рұқсаттардың, патенттердің болуы;• халықаралық наградалардың, дипломдардың болуы;• бизнестің әлеуметтік жауапкершілігі (бизнесті жауапты жүргізу)бойынша қаржылық емес есептілікті жариялау тәжірибесінің болуы;• сауда маркасының танылуы, ұсынылған портфолио бойынша компанияның оң имиджі (құпталады).Конкурсқа:1. қызметті нарықта кемінде үш жыл жүзеге асыратын;2. тарату сатысында емес, банкрот деп танылмаған;3. өтінімде дұрыс мәліметтер көрсеткен;4. комиссия мүшелеріне өз кәсіпорнын тексеруге мүмкіндік берген (кәсіпорын қаражаты есебінен)жеке кәсіпкерлік субъектілері қатыса алады.Конкурстың өткізілу тәртібі:- Конкурсқа қатысуға ниет білдірушілер 2023 жылғы 15 қыркүйекке дейін Ережеге сәйкес ресімделген өтінім мен материалдарды (сканерленген) info@ulydalaeli.kz.электрондық мекенжайға ұсынуы тиіс.- Комиссия конкурсқа қатысушылардың өтінімдерін қарайды және өтінімдердің жалпы санынан 12 үміткерді іріктейді.- Комиссия кіші топтарға бөлініп, өтінімде ұсынылған ақпаратты растау үшін кәсіпорындарға (олардың есебінен) барады.- Тексеру нәтижелері бойынша комиссия іріктеудің келесі кезеңіне шыққан 6 үміткерді айқындайды.- 6 үміткердің тізімі онлайн-дауыс беру үшін ҰКП интернет-ресурсында орналастырылады.- Ең көп дауыс жинаған компаниялар (үштен аспайтын) «Ұлы дала елі» брендін пайдалану құқығына ие болады.Байқау лауреаттарына салтанатты түрде «Ұлы дала елі» қолшатыр брендінің эмблемасы мен диплом беріледі. «Ұлы дала елі» қолшатыр брендін пайдалану құқығы жарнамалық мақсатта 5 жыл мерзімге беріледі.Сұрақ туындаған жағдайда Қызылорда облысы кәсіпкерлер палатасының сарапшысы Малика Тютебаеваға хабарласа аласыздар. Тел.: 8 /7242/ 40-09-81, 8 707 988 50 80.

«Ұлы дала елі»: Өтінімдерді қабылдау басталды

<a href="https://kyzylorda-news.kz/">Kyzylorda-news.kz.</a> 2023 жылдың 4 тамызында Жаңақорған аудандық кітапханасының мәжіліс залында облыстық Қазақстан халқы Ассамблеясының ғылыми сарапшылық тобының мүшелері Омаров Дәулет Кәрібайұлы, Сахиев Саулет Ерназарұлы және Үсенбаев Бауыржан Серікұлы арнайы келіп, дөңгелек үстел өткізді.&nbsp;ҚР президенті Қасым Жомарт Кемелұлы Тоқаевтың қатысуымен өткен II Құрылтайда көтерілген мәселелерді, Қазақстан халқы Ассамблеясының Жаңа Қазақстанды қалыптастырудағы орны мен елдегі этносаралық қатынастардың ахуалын түсіндіру мақсатында кездесу өткізді. Кездесуге ақсақалдар, дін өкілдері, жастар, этнос және БАҚ өкілдері қатысты. Кездесудің аяғы пікір алмасумен жалғасты. Кездесуде Үсенбаев Бауыржан Серікұлы модераторлық етіп, ассасблия тарихына тоқталып өтті.Қазақстан Республикасы сан түрлі өзге ұлт өкілдерін кең құшағына сыйдырған достықтың отаны. Жалпы ХХ ғасырдың басынан бері қазақ жеріне Еуразияның сан алуан ұлт өкілі әртүрлі себептермен қоныс тепкенін тарихтан білеміз. Тың игеру, Ұлы Отан Соғысы кезіндегі босқындарға мекен болған. Жалпы қазақ – жатты бөтенсінбеген, өз туысындай қабылдаған қонақжай халық. Сол себепті біздің мемлекет ірі интернационалды мемлекеттің бірі болып табылады. Осы жайтқа орай мемлекетте Қазақстан халықтар Ассамблеясы құрылды.Қазақстан халықтар ассамблеясын құру туралы алғаш 1992 жылы тәуелсіздіктің бірінші жылдығына арналған Қазақстан халықтарының форумында ҚР Тұңғыш Президенті Н.Назарбаев айтқан болатын. Араға үш жыл салып, Қазақстан халықтар ассамблеясы 1995 жылдың 1 наурызында Қазақстан Республикасының Президентінің Жарлығымен құрылған Мемлекет басшысы жанындағы консультативті-кеңесші орган ретінде құрылу туралы Жарлығына қол қояды. 24 жылдың ішінде Ассамблея ҚР Президенті жанындағы консультативті-кеңесші органнан мықты құқықтық негізге және қоғамдық-саяси мәртебеге ие конституциялық органға дейін өсті. 2007 жылғы мамыр айында Қазақстан Республикасы Конституциясына бірқатар өзгерістер енгізілді. Қазақстан халқы ассамблеясына конституциялық мәртебе берілді, ол ҚР Парламенті Мәжілісіне тоғыз депутат сайлау құқығына ие болды.Осы арқылы ассамблеяның қоғамдық-саяси рөлі айтарлықтай артты. Ал 2008 жылғы 20 қаңтарда Елбасы «Қазақстан халқы Ассамблеясы» туралы әлемде баламасы жоқ заңға қол қойды. Сөйтіп Қазақстан халқы Ассамблеясы еліміздің саяси жүйесінің толыққанды бөлігіне айналды. Оның қызметінің нормативтік құқықтық негіздері айқындалды. Қазақстан Республикасында қазіргі таңда 130-дан аса ұлт өкілдері бар. Сол ұлт өкілдері 448 этномәдени бірлестігін құрды. Соның 29-ы республикалық, 331-і облыстық және 18-і аудандық болып табылатының тілге тиек етті.Шарада өңірдегі этномәдени бірлестіктердің және діни конфессия өкілдерінің ұсыныстары тыңдалды. &nbsp;Ең бастысы еліміздегі тұрақтылық пен бейбітшілікті сақтаудың, этносаралық келісім мен татулықты дамытудың маңыздылығы сөз болды.– Жалпыұлттық тұтастық, ұлттық өркендеу, мағыналы халық арасындағы келісімге негізделеді. Осындай өзекті мәселелер алдында Қазақстанның беті ашық, жүзі жарқын деуге әбден болады. Қазақ елінің тағдыры тауқыметті болғанымен, ешқашан өзгені өзегінен теппеген. Еліміз Тәуелсіздікке қол жеткізгелі этносаралық татулық пен келісімді сақтауға, дамытуға, олардың қауіпсіздігі мен бейбіт тұрмысын қорғауға бар күш-жігерін салып келеді. Этносаралық және конфессияаралық ынтымақтастық келісім мен саяси тұрақтылықты сақтау ісіне жіті көңіл бөлініп келеді. Қазақстан зайырлы мемлекеттің ең қымбат қазынасы – адам және оның өмірі, құқықтары мен бостандықтарына баса мән береді, – дейді Қазақстан халқы Ассамблеясы жанындағы Ғылыми-сарапшылық тобының мүшесі, философия доктор деген Дәулет Омаров.Мемлекеттегі ұлттық саясаттың басым бағыттары, қол жеткізілген этносаралық келісім және ұлт бірлігі, ынтымағы мен ауызбіршілігінің нәтижесі деп білетінін айтып өтті. «Біздің елді мекендейтін этностар тату-тәтті тірлігінің арқасында бір-бірінен көп нәрсе үйреніп, үлгі алды, осы үндестік мемлекет дамуының кепілі болды. Бірлікті ұстын етіп, оны берік сақтау біздің басты мақсат-ниетіміз» деді.Одан кейін, «Қоғамдық келісім» КММ аға сарапшысы Бауыржан Үсенбаев «Қазақстандағы этноконфессиялық келісім» тақырыбында баяндама жасады.«Бүгінгі қоғамдағы түбегейлі өзгерістер халқымыздың ауызбірлігін, белсенділігін, әр азаматтың жеке басының жауапкершілігін талап етуде. Қоғамдағы келісім мен бейбіт өмір, саяси тұрақтылық үшін жан аямай қызмет ету, өз Отанына, отбасына, елі мен жеріне деген сүйіспеншіліктен ғана туындайды. Қазақтың ұрпақ пен дәстүр сабақтастығы, өзге этнос өкілдеріне құрметі сияқты қасиеттері шет мемлекеттердің оң бағасын алды. Ел тыныштығына мән беру әрбіріміздің міндетіміз деп білемін. Ұлт бірлігінің дамуын қалыптастыру және болашаққа деген сенімді дамыту, негізгі тақырыптың түйіні осында. Яғни, кемел келешекке байыпты қадам жасау бүгіннен бастау алады. Сондықтан, Мемлекет басшысының пәрменін жіті түсініп, болашаққа дұрыс бағыт түзей алу қазіргі қоғамның нық қадамы деп есептеуіміз керек. Сондықтан, тек рухани тұрғыда дамып, тарихпен қайта жаңғырып, ертеңге сенімді қадам жасай білу отбасыдан бастау алатынын әсте естен шығармауымыз керек, – деді Бауыржан Серікұлы.Иә, ұлтаралық татулық пен келісім – ұлттық идеяның негізгі өзегі болып табылады. Соңғы сөзді Қызылорда облысының қоғамдық даму басқармасының «Дін істері бөлімінің» басшысы Сәулет Сахиев баяндады.– Қазіргі таңда, қазіргі саяси аренада адамдар көп нәрсеге күмәнмен қарайтын болды. Ел арасында «Елу жылда ел жаңа» деген тәмсіл сөз бар. Міне, отыз жылды еңсердік, алда қалай болар екен деп алаңдайтыны анық. Өйткені, бүгінде ақпараттар ағыны өте көп. Сол ақпараттар рас па, өтірік пе аса мән бермейді, саралап жатпайды. Бұл кері әсерін тигізіп жатыр. Біз жер жаһандағы жер көлемі үлкен елміз. АҚШ-тың белгілі саясаткерлері айтқандай, «Біз үлкен дәмді пирог секілдіміз» барлығының жегісі келіп тұрады. Біз әлемде жер көлемінен 9 орын аламыз деп мақтанамыз. Сол 9 орынды сақтап тұру өте қиын. Тәуелсіздік алғаннан кейін осы шекераны бекіту, жерді сақтау оңай болмады. Статистикаға жүгінсек, әскерде 30 пайыз ғана қазақтар, қалғандары бауырлас елдер, өзге ұлттар екен. Кейіннен көпшілігі өз елдеріне қайтты. Бұл жерде біздің түйетініміз, біздің байлағымыз, біздің елді сақтап қалудағы идеямыз – кезінде бізге көшіп келген бауырлас өзге ұлт өкілдерінің бізге қоныстанып, бірге өмір сүруі үлкен рөль атқарады. &nbsp;Сондықтан да, достығы өнеге, халықтар достығы үлгі болған Қазақстан, Әлемдік аренада өзін бейбітсүйгіш ел ретінде таныта білді. Бейбітшілік пен келісімді айқындайтын Қазақстандық модель, БҰҰ мен ЕҚЫҰ секілді беделді халықаралық ұйымдардың қолдауына ие. Осындай жағдайда Қазақстанда ұлтаралық қақтығыс болады деген пікір ойға сыймайды. Тарихқа жүгінетін болсақ, тәуелсіздік алған тұстан бастап елімізде бірнеше қылмыстық, бұзақылық іс-әрекеттерді ұлтаралық шиеленіс ретінде түсінгендер болды. Бірақ, әлемдегі теңдесі жоқ қоғамдық институт болып табылатын Қазақстан халқы Ассамблеясы елдегі ұлтаралық бейбітшілік пен тұрақтылықтың кепілі бола білді. Қазақстан халқы Ассамблеясы қазіргі таңда тек қана ұлтаралық және конфессияаралық мәселелерге ғана емес, сонымен бірге елдің жан-жақты саясатына араласып, өзінің өміршеңдігін көрсетті, – дейді Сәулет Ерназарұлы.Қорыта айтқанда, ұлттар арасындағы бірлік пен сенім – әділдіктің сипатын бейнелейді. Тәуелсіздігімізді тұғырлы ететін де, елімізді жаңа белес¬терге жетелейтін де біздің ауызбіршілігіміз, татулығымыз. Бірлігі берекелі, тірлігі мерекелі, ынтымағы жарасқан елдің ғана ырысы артпақ. Алуан ұлтты бауырына басқан, бейбітшілік пен татулықты әлемге үлгі еткен, достық пен ынтымақ елі. Бұл қазақ халқының бірлігін, кеңдігін, ұйымшылдығын, ынтымақтығын білдіреді.

Жаңақорғанда ғылыми сарапшылық топ мүшелері дөңгелек үстелде бас қосты

<a href="https://kyzylorda-news.kz/">Kyzylorda-news.kz.</a> Қызылорда облысында «Байқоңыр» ӘКК» АҚ «Ауыл аманаты» жобасын жүзеге асыруды бастады. Жобаға қатысуға ниетті азаматтар қала, аудандағы ауыл шаруашылығы немесе кәсіпкерлік және өнеркәсіп бөлімдеріне құжаттарын тапсыра алады.Қаржыландыру сомасы:- ауылдық елді мекендер мен шағын қалалардағы жеке кәсіпкерлер 2,5 &nbsp;мың АЕК-ке, яғни 8,6 млн теңгеге дейін;- ауыл шаруашылығы кооперативтері 8 мың АЕК-ке немесе 27,6 млн теңгеге дейін несие ала алады.Жылдық сыйақы мөлшерлемесі – 2,5 пайыз.Мерзімі: - мал шаруашылығындағы жобаларға 7 жылға;- бизнестің өзге де бағыттары үшін 5 жылға;Кепілмүлікке тұрғын үй, пәтер, тұрғын емес ғимараттар, несие сомасы өтелмеген жағдайда қосымша кепіл ретінде жылжымалы мүлік және жер телімі қабылданады.Жеңілдік кезеңі несие мерзімінің 1/3-нен аспайды.Басты бағыттар:1. ауыл шаруашылығы кооперациясы; 2. ауыл шаруашылығы тауарларын өңдіру, өңдеу және жаңа өңдеу; 3. егін шаруашылығы; 4. мал шаруашылығы (құс, балық, ара және мал шаруашылығы); 5. бизнестің өзге де бағыттарындағы жобалар.Құжаттар тапсыру рәсімі:1. жеке кәсіпкер жобаға қатысу үшін тізімге сәйкес толық құжатты жергілікті әкімдікке өткізеді; 2. жергілік әкімдік құжаттын толықтығын тексеріп «Байқоңыр» әлеуметтік-кәсіпкерлік корпорациясына &nbsp;жолдайды; 3. «Байқоңыр» әлеуметтік-кәсіпкерлік корпорациясы құжаттарды қарауға алып, салалық қорытындылар жасап, шешім қабылдау үшін Несие комитетіне ұсынады; 4. Несие комиетінің оң қорытындысын алған жағдайда, кепілге қойылатын мүлікке тәуелсіз бағалау жасатылады; 5. келісім шартқа қол қойылып, ұсынылған кепіл уәкілетті органдарда тіркеуден өткізіледі; 6. қарыз беру жүзеге асырылады.Бизнес жоспар әзірлеу үшін Қызылорда облысы кәсіпкерлер палатасы мен Бизнеске арналған үкімет мекемесіне хабарласуға болады. Сұрақтар туындаған жағдайда +7 775 451 28 28 нөміріне хабарласыңыз.

«Ауыл аманаты» жобасына құжаттар қабылданып жатыр

<a href="https://kyzylorda-news.kz/">Kyzylorda-news.kz.</a> Достық үйінде Медиация апталығы аясында Адам құқықтары жөніндегі Уәкілдің Қызылорда облысы бойынша өкілі Дәурен Шәріпбаев өңірлік Қазақстан халқы ассамблеясының мүшелері, этномәдени бірлестіктердің жетекшілері, «Қоғамдық келісім» КММ директорының орынбасары Дәулет Омаров және мекеме қызметкерлерімен кездесті.Кездесуде өңірімізде қоғамдық келісім мен ұлттық бірлікті қамтамасыз етуге байланысты мүдделі уәкілетті тұлғаларды жанжалдардың деңгейін төмендету, халық арасындағы толеранттылық пен этносаралық келісім мәдениеті, кәмелетке толмаған қыз балаларды алып қашу, жас отбасылардың ажырасуы, ерте жүктілік, әйел құқы сынды өзекті мәселелер қозғалды.Кездесу модераторы «Қоғамдық келісім» КММ директорының орынбасары Даулет Омаров медиация апталығы аясында атқарылған шаралардың маңыздылығына тоқталды.Адам құқықтары жөніндегі Уәкілдің Қызылорда облысы бойынша өкілі Дәурен Шәріпбаев айтуынша кәмелет жасқа толмаған қыз балаларды алып қашу мәселесіне немқұрайлы қарауға болмайды дейді. Себебі бұл проблема бірнеше адамды бақытсыздыққа, болашақ өміріне балта шабады. Бүгінгі күні статистикалық мәліметке сәйкес дүниежүзінде 12 миллион қыз бала кәмелетке толмай тұрып, некеге отырады. Ажырасудың басты себебі де осы, ерте тұрмыс құру дейді.<blockquote>«Мұндай проблемалардың белең алып отырғанынын басты себебі - қыз балаға дұрыс тәрбиенің берілмеуі. Қазірде тәрбиесіздердің көп болуы балаларымыздың ата-анасына емес ғаламтор мен теледидарға жақын болуынан болса керек. Кейбір әке-шеше нәпақа табу үшін үй бетін көрмесе, кейбір ата-аналардың өздері теледидар мен ғаламторға тәуелді болып отыр. Ал ұлы ержетіп, қызы бойжеткен кезде олардың теріс қылықтарын көріп, ойбай сала бастайды. Ол кезде, әрине, кеш болады. Біріншіден ата-ананың заң жүзінде жауапкершілігін арттыру керек, екіншіден арнайы психолог мамандарының кеңесі берілетін «Сенім телефондарын» іске қосу қажет, - деді «Қазақстандағы орыс қауымдастығы» ҚБ Қызылорда облыстық филиалының төрағасы Наталья Мишукова.</blockquote>

Дәурен Шәріпбаев: Ажырасудың басты себебі ерте тұрмыс құру 

<a href="https://gazetastep.ru/articles/health/%D0%B7%D0%BE%D0%B6-%D0%BD%D0%BE%D1%80%D0%BC%D0%B0-%D0%B6%D0%B8%D0%B7%D0%BD%D0%B8/">ФОТО</a><a href="https://kyzylorda-news.kz/">Kyzylorda-news.kz.</a> Денсаулық мәселелері бойынша халықтың сауаттылығын арттыру және саламатты өмір салтын насихаттауды күшейту мақсатында Қазақстанда 2023-2025 жылдарға арналған Жол картасы әзірленіп, іске асырылуда.Жол картасы спорттық жарыстар мен денсаулық фестивальдері сияқты бұқаралық іс-шараларды өткізуді, белсенді демалыс пен спорт үшін инфрақұрылым құруды, дұрыс тамақтану мәселелері бойынша түрлі іс-шараларды, денсаулық сақтау мекемелерінде денсаулық сақтау саласындағы халықтың сауаттылығын арттыру үшін білім беру бағдарламалары мен консультациялар өткізуді жоспарлайды. Жол картасының іс-шараларын іске асыру нәтижесінде темекі өнімдерін, алкоголь өнімін және ПАЗ тұтынуды қысқарту; психикалық және репродуктивті денсаулықты жақсарту; жарақаттануды азайту күтіледі.Жол картасы шеңберінде маңызды әлеуметтік жобалардың бірі - 2025 жылға дейін небәрі 39-ы құрылатын "Саламатты асханалар", "Салауатты кафетерийлер", "Салауатты бистро", "Саламатты дүкендер" дұрыс тамақтану жөніндегі кәсіпорындар желісін дамыту болып табылады. 2 жастан 6 жасқа дейінгі балалардың тамақтану рационы бойынша ұйымдастырылған балалар ұжымдары үшін бірқатар ұлттық ұсынымдар әзірленетін болады.Сондай-ақ, бұқаралық ақпарат құралдарында және әлеуметтік желілерде қант қосылған сусындарды, құрамында тұзы жоғары өнімдерді тұтынуды азайту бойынша халықтың арасында белсенді түсіндіру жұмыстары күтілуде.Сарапшылар халықтың әртүрлі жас топтары үшін дене белсенділігі бойынша ұлттық ұсынымдарды енгізетін болады. Бағыттардың бірі халықтың арасында жарақаттанудың алдын алу (балалардың құлауы, суға батуы, терезелерден құлауы); темекі, алкоголь, ПАЗ тұтыну бойынша ақпараттық - түсіндіру жұмыстарын жүргізу болады. Барлық жерде темекіге қарсы кабинеттер, темекіні тастаушыларға арналған сенім телефондары, темекі шегуден бас тартуға арналған қосымшалар құрылады.

Қазақстанда саламатты өмір салтын насихаттау бойынша жол картасы іске асырылуда

<a href="https://kyzylorda-news.kz/">Kyzylorda-news.kz.</a> Оқушылардың жазғы демалысын тиімді өткізу мақсатында Жаңақорған ауданында «Тау самалы» тынығу лагері жұмыс істейді. Қазіргі таңда онда 150 бала жазғы демалысын өткізуде. Жалпы жаз мезгілінің соңына дейін лагерьде мыңға жуық бала қамтылады деп жоспарлануда. Қызылорда облысының өңірлік коммуникациялар қызметінің ұйымдастыруымен өткен Жаңақорған ауданындағы баспасөз турында БАҚ өкілдері аталмыш лагерьдің жұмысымен танысып, балалардың қызықты ойындарын тамашалады.<blockquote>«Біздің лагерь 7 ауысым бойы балаларды қабылдайтын болады. Мұнда тынығушылар үшін суға түсетін ашық бассейн, монша, кітапхана, ойын алаңқайлары, жатын орын, асхана қамтылған. Сондай-ақ, лагерьге келушілерге бес мезгіл тамақ беріледі. Балалардың жазғы демалысын қызықты әрі пайдалы өткізу мақсатында интеллектуалдық сайыстар, әртүрлі үйірмелер, ұлттық спорттық ойындар күнделікті ұйымдастырылып отырады. Осы арқылы балалардың денсаулығы мен ойлау қабілетін дамытуды басты назарымызға қоюдамыз. Одан бөлек, аудандық мәдениет үйі, спорт бөлімімен біріккен іс-шаралар өткізіліп отырады», - деді «Тау самалы» лагерінің директоры Бағлан Момынханов.</blockquote>

Жаңақорған: Тау самалы лагерінде мыңға жуық бала жазғы демалысын өткізеді

<a href="https://kyzylorda-news.kz/">Kyzylorda-news.kz.</a> Бүгін атмосфералық фронталды бөліктердің өтуіне байланысты еліміздің басым бөлігінде жаңбыр жауып, күндіз еліміздің солтүстігінде нөсер жауын жауады, найзағай ойнайды, деп хабарлайды Қазгидромет.Қазақстанның оңтүстігінде, оңтүстік-шығысында, орталығында күні жауын-шашынсыз болады. Республика бойынша жел күшейеді. Республиканын солтүстігінде түнде және таңертең тұман түседі, күндіз солтүстігінде, шығысында бұршақ жаууы ықтимал.Маңғыстау, Түркістан, Алматы, Жамбыл, Шығыс Қазақстан, Қарағанды, Қызылорда, Ұлытау, Жетісу, Абай облыстарында, Қостанай, Ақтобе облыстарының оңтүстігінде, Атырау облысының батысында, шығысында, Павлодар облысының онтүстігінде, шығысында, Ақмола облысының оңтүстігінде, батысында төтенше өрт қауіпі күтіледі.

4 тамызға арналған ауа райы болжамы

<a href="https://kyzylorda-news.kz/">Kyzylorda-news.kz.</a>&nbsp;Аралда қос кент бар. Бірі – Жақсықылыш тауының бауырындағы Жақсықылыш кенті болса, екіншісі – Тербенбесті бауырлай жатқан Сексеуіл. Екеуі де жалпыға мәлім қоныстар. Алғашқысы Аралдың ақ алтынына баланған тұзды жаһанға мәшһүр етіп отырса, екіншісін «тоғыз жолдың торабы» деп аталып кеткелі қашан. Олай деуге себеп бар. Мұнда шойын жолдың шеберлері көп. Ғасырдан аса уақытта мұндағы халықтың көпшілігі темір жол саласында талмай еңбек етіп келеді. Оған халық куә. Сол мекемелердің бірі – «Қамқор Локомотив» ЖШС Сексеуіл локомотив жөндеу депосы.Жоғарыда айтқанымыздай, халық арасында «теміржолшылар елі» атанған Сексеуіл кентіндегі ауқымды мекемелердің бірі саналатын локомотив жөндеу депосында қай уақытта да қызу тіршілік. Себебі бәйгеге түскен тұлпардай мыңдағын шақырымды артқа тастап, белгіленген жерге аман жеткен тепловоз атаулының барлығы осында келіп дамылдайды. Аман жеткен деуімізде де мағына бар. Өйткені дәл осы депода барлық тепловоздың тынысын қайта ашып, қауіпсіздігіне, жарамдылығына, тұтынуға әзірлігіне толықтай жауапты.Локомотивтердің барлығы түгелдей тексеруден өткен соң сапарды қайта жалғастырады, жарамсызы сонда қалады. Мұның барлығы біз айтпасақ та жалпақ жұртқа белгілі. Алайда тіршілігі қайнаған мұндағы мекемелердің ішкі жұмыс кестесіне еніп, жұмысты көзбен көру бөлек әсер қалдыратындай. Біз мұнда жасаған әр сапарымыз сайын осындағы кереметке куәгер болудан жалықпаймыз. Десе де ішкі жұмысқа кіріспес бұрын депоға ат басын тіреген жандардың мекеме сыртынан бастап-ақ алатын әсерін айта кеткен орынды болар.Ғимарат ауласына кірген бойда мұнда қандай кәсіп иелері жұмыс жасайтынын жаңылмай тануға болады. Мекеме атауы жазылған тақтайшадан өткен бойда теміржолшылардың мерейін үстем етерлік үлкен билборд қауіпсіз қатынас түрінің рөлін айшықтап-ақ тұр. Мұнан бөлек ерекше абаттандырылған аула көз тартып, айрықша әсер қалдырады. Ал ғимарат ішіне ене бергеннен салмағы 130 тонна тартатын темір тұлпарлар менмұндалап тұр. Тарс-тұрс еткен дауыстар мен түрлі станоктардың құлақ тұндырар үні мұндағы жұмысшылардың күнделікті атқаратын міндеттерін көрсеткендей. Мұндағы тіршіліктің қайнап жатқанын байқау қиын емес еді. Осынау үлкен жауапкершілікті талап ететін жұмыстың жай-күйін бағамдап, жақынырақ танысу үшін «жақсыны көрмекке» дегендей біз де жағалап жүріп, таныса бастадық. Өз кәсібінің сайыпқырандары тепловоздың тырнақтай қажетті бөлшегінен бастап, таудай құрылғыларына дейін егжей-тегжейлі таныстырып, әрқайсысының атқаратын міндеттерін айтып жатыр. Ал осы бөлшектер қалтқысыз, қауіпсіз қызмет атқару үшін мекеме жұмысшылары жұмылған жұдырықтай бел жазбай еңбек ететіні әр қызметкердің функционалдық міндеттерінен аңғарылды.Нақтырақ тоқталсақ, әрқайсысының салмағы 3300 тонна тұратын пойыз дөңгелектерінің (колесоның) әрқайсысында қосымша қозғалтқышы болады. Сол арқылы тепловозға қозғалу мүмкіндігі беріледі. Ал оның дөңгелегі жүздеген тоннаны көтергендіктен кей жағдайларда жарылып немесе қатты темірдің морт сынып кететін кездері де кездеседі екен. Темір жолға тиетін беті көп жағдайда жарақат алатындықтан колесо қайта жонылып, қосымша қолданысқа беріледі. Осының барлығы осы депода жөнделеді.&nbsp;Мұнан бөлек «компрессор» деп атайтын ауа беретін құрылғы істен шықса, мыңдаған тонна болатын көлік қозғалысын реттеу мүмкін емес. Ал ондай сәттерде машинистке электрмен жұмыс істейтін тетіктер де көмекке келеді. Бұл мекемедегі ұстахана бөлімі болмаса, жер қайыстырар ауыр салмақтан майысқан сом темірлер мен білектей металдарды қайта қалпына келтіру қиын шаруа. Жабық пеште жанған от пен қызған темірдің ыстық лебіне шыдамдылық танытып, дәл осы кемшіліктерді түзететін депо мамандарының еңбегін айтпай түсіне беріңіз.Одан қалды автотежегіш бөлімшесіне бас сұқтық. Тепловоздың ішкі көрінісі мен панельдік құрылғылар жайғасқан бұрышта барлық қосалқы тетіктер орналасқан. Жалғыз осы құрылғының өзі үлкен жауапкершілікке алып келеді. Темір жол бойында әр минут есептеулі болғандықтан, еліміз бойынша барлық темір жол қозғалысы бұзылмауы үшін автотежегіштің мінсіз болуы қажет.Бұл біз аралаған көптеген бөлемшілердің санаулысы ғана. Ал толықтай айтар болсақ шегі жоқ әңгімеге ұласары анық. «Қамқор Локомотив» ЖШС Сексеуіл локомотив жөндеу депосында қызмет ететін 200-ден аса адамның барлығы біз көріп жүрген локомотивтердің қауіпсіздігі үшін тер төгуде.Локовотив жөндеу депосында ТЭ33А, ТЭП33А, 2ТЭ10МК, 2ТЭ10М тепловоздарына СҚК-1,2,3,4,5 циклдары бойынша сервистік қызмет көрсетіліп, жөндеуден өткізіледі. Қазіргі таңда 2ТЭ25КМ маркалы тепловоздарын жөндеуден өткізу жоспарлануда. Осыған орай мекеме ішінде дайындық жұмыстары жүргізіліп, мамандардың біліктілігін арттыру мақсатында "Коломенский завод" АҚ-ға өндірістік оқуға жіберу мәселесі қолға алынуда. Бұл қазіргі нарықтық жағдайда мекеменің қызметкерлерін жұмыспен қамту және қаржылық жағдайын тұрақтандыру жолында жасалып жатқан тиімді бағыттағы ауқымды жұмыс екенін айта кеткеніміз жөн болар.Тарихы ғасырмен үндескен мекемедегі темір жол тұлпарларының баптаушылары қай кезде де елеусіз қалған емес. Алдағы уақытта да қоғамның қарқынымен қалыптасқан заңдылықты сақтай отырып, депоның даңқын асқақтата түсері сөзсіз. Қалтқысыз еңбекті қаперге алған сексеуілдіктердің сапалы жұмысы арқылы қозғалыстың ең қауіпсіз түріне айналған темір жол тасымалы Мемлекет басшысы айтқандай көлік-транзит әлеуетін дамыта бермек.

Қазақстан және Қызылорда облысының жаңалықтары