<a href="https://kyzylorda-news.kz/">Kyzylorda-news.kz.</a> Жаңақорған ауданында 2023 жылдың маусым айының 21 күніне бастап 24 күні аралығында аса қауіпті Конго Қырым геморрагиялық қызбасы (әрі қарай-КҚГҚ) ауруының нақтыланған 4 жағдайы есепке алынды.&nbsp;Тіркелген науқастарды елді мекенге бөлгенде: Құттықожа ауылында - 2 жағдай, Жаңақорған кентінде-1 жағдай, Қожакент ауылынан -1 жағдай есепке алынды. &nbsp;Ауру ошақтарында эпидемиологиялық зерттеу жұмысы жүргізіліп анықталғаны: 2 науқасты кене шағу, 1 науқаста кенені жалаң қолмен езу &nbsp;болған, науқастар кенені денеде алғанда &nbsp;жергілікті емдеу орнына қаралмаған, &nbsp;медицина мамандарына кеш қаралып 3 науқас &nbsp;ауыр жағдайда, 1 науқас орташа ауырлық жағдайында ауруханаға жатқызылған. Жаңақорған ауданы аса қауіпті &nbsp;табиғи ошағында орналасқан, яғни КҚГҚ қоздырғышын тасымалдаушы кенелер біздің аумағымызда өмір сүреді.&nbsp;Бұл аурудың аса қауіпті аталуы егер науқас дер кезінде дәрігерге көрініп емделмесе қанның көп кетуінен өлімге әкелуінде.Бұл ауру адамға &nbsp;вирусты тасымалдайтын кене &nbsp;шаққанда, сондай-ақ малдағы кенені жалаң қолмен жұлғанда, езіп өлтіргенде, қой қырқу кезінде, кенені қырқып тазартқанда, кененің қаны шашырағанда жұғуы мүмкін. Сондай-ақ науқас адамға күтім жасау кезінде оның қанымен жанасу болғаннан кейін жұғады. Аурудың жасырын кезеңі 1-7 күннен бастап, 12-14 күнге дейін созылуы мүмкін. Адам ағзасында жалпы улану белгілері пайда болып, науқастың басы қатты ауырады, әлсіздік пайда болып, бұлшық еттері, сүйектері сырқырап ауырады. Ұйқысы бұзылып, дене қызуы 39-40 градусқа дейін көтеріледі. Науқастың белі, іші ауырып, құсу жағдайы да болады. Ине шаншыған жерлер көгеріп, көзі қызарып, ауыз, мұрын қуыстарынан 7-8 –ші күндері қан кетуі мүмкін. Дер кезінде емделмеген жағдайда науқастың қан анализдерінде қанның ұю уақыты ұзарып,қан көп кету жағдайына әкеліп соқтырып, кеш келген науқасты аман алып қалу жағдайы мүмкін болмай қалады. Егер науқас дене қызуы көтерілісімен емдеу орнына қаралып емін дер кезінде алса , науқас қан кету жағдайына жетпей жазылып кетеді де науқаста 5 жылға дейін иммунитет пайда болады.Бұл індетті болдырмас үшін басты жағдай кенелерді жою шараларын жүргізу, мал қораларды көңнен қидан таза ұстау арқылы кенелердің мал қорада ұялап көбеюінің алдын алуды ұйымдастыру қажет. Кенелер малдың қанымен қоректенетіндіктен малға кене жабыспау үшін дәрілеп отыру қажет. &nbsp;Табиғат аясына шыққанда ақ түсті жеңі ұзын киім киіп, балақты шұлықтың ішіне салу қажет.Егістікке, табиғат аясына және мал қораға барып келген соң сыртқы киімдерді шешіп денені кенеге мұқият тексеру керек; Індетке шалдыққандардың басым көпшілігі - мал күтімімен, мал союмен, егін, ауылшаруашылығымен айналысатын тұрғындар. Сәйкесіншеер адамдардың үлесі65,5% құрап, баксымдық үлесті алып отыр. Конго-Қырым геморрагиялық қызбасының алдын алу шараларының бірі – кенелерге қарсы залалсыздандыру. Облыс бойынша кенелерге қарсы улау жұмыстары ағымдағы жылы сәуір айынан облыстың оңтүстік аудандарынан басталады деп жоспарлануда. Бұдан бөлек, &nbsp;наурыз айының 2-онкүндігінензоопаразитологиялық топпен кене жинау, зерттеу жұмыстары басталады.&nbsp;Конго-Қырым геморрагиялық қызбасының айналымы иксод кенелерінің өсіп-жетілу циклына тікелей байланысты. Ауру осы кенелер жаппай табиғатқа шыға бастаған уақыттан бастап тіркеле бастайды. Табиғатта ауру қоздырғыштары дала тышқандары, кірпі, торғайлар арқылы сақталады. Олар вирустарды қансорғыш кенелерге, ал кенелер басқа жануарларға, адамдарға жұқтырады. Бір ерекшелігі - адам кененің шаққанын сезбейді, себебі кене шаққан кезде қадалған жерін жансыздандыратын сұйықтық бөліп шығарады. Тек 1-3 күннен кейін ғана кене жабысқан жер қызарып, ауыра бастайды. Сондықтан табиғат аясында, немесе егіндікте жүргенде денеде кененің бар-жоғын арагідік тексеріп тұрған жөн.Конго-Қырым қанды қызбасы асқынған жағдайда адам организімінде қанның ұю қасиеті төмендеп, денеде бөртпелер, көгерулер пайда бола бастайды, осыған байланысты халық арасында бұл ауруды «көкала» деп те атайды. &nbsp; &nbsp;Аурудың жұғу жолдары:- кене шаққанда, мал қырқымы кезінде жүннің арасындағы кенені қайшымен қиып жіберген кезде кененің ішіндегі биологиялық сұйықтықтармен жанасқанда;- &nbsp;мал сойғанда, малдың етін жіліктеу, қақтау кезінде, малдың үстіне жабысқан кенені жалаң қолмен жұлып алғанда, мыжығанда кененің ішіндегі сұйықтықтарымен жанасқанда;- қан кетіп ауырып жатқан адамға көмек көрсету кезінде науқастың қанымен жанасқанда ;- зертханаларда қанмен жұмыс жасау кезінде техника қауіпсіздігін сақтамаса, ауа арқылы (өте сирек кездеседі) жұғуы мүмкін.&nbsp; Аурудың алдын алу шаралары:- табиғатқа шыққанда ауылшаруашылық малдарына, үй жануарларына &nbsp;күтім жасағанда мейлінше ақшыл түсті жабық киім кию, шалбардың балағын етік ішіне немесе шұлық ішіне салып, жеңді түймелеп, кене кірмеу жағдайын жасау;- мал қырқымы кезінде қорғаныс киімдерімен жұмыс жасау, ұзын резеңке қолғап, алдына резеңке алжапқыш және ұзын қоныш етік кию;- кенелердің жабысуын болдырмауға арналған түрлі жақпа майлар, аэрозольдер түріндегі үркіткіш заттар (репелленттер) пайдалану.- Кенеге қарсы залалсыздандыру жұмыстарын жүргізу.Бұл ретте алдымен мал ұстайтын қораларды көңнен қоқыстардан тазарту қажет. Себебі көп жылдан бері жиналған қи, көң жиналған орындар, күл-қоқыстар - аналық кенелер үшін жұмыртқа тастауға өте қолайлы. Маңыздысы бір аналық кене 800-ден 10 мыңға дейін жұмыртқа тастайды және ауру қоздырғышы вирусты тікелей жұмыртқа арқылы 100 пайыз өз ұрпағына &nbsp;береді. Сол себепті жұмыртқадан жаңадан өрбіген кенелер түгелдей осы ауруды денесінде сақтаушы әрі тасымалдаушы болады, яғни жаңадан аурудың табиғи ошағы пайда болады.&nbsp; Аурудың негізгі белгілері:Дене қызуының көтерілуі, әлсіздік, тамаққа тәбеттің жоғалуы, құсу, жүрек айну, бұлшық еттердің ауыруы, бүйрек тұсының ауыруы, бастың, іштің ауруы байқалады. Осы белгілер байқалған жағдайда адам шұғыл түрде медициналық көмекке жүгінбесе, әрі қарай қан кетумен асқынып, өлім жағдайына әкеліп соқтыруы мүмкін.Аталған белгілер байқалса міндетті түрде дәрігерге қаралу керек.&nbsp;Кез келген ауруды болдырмаудың басты шарты – сақтық шараларын орындау. Сондықтанұсынылған кенеден қорғану, аурудың алдын алу ұсынымдарын орындау арқылы Сіз өз денсаулығыңыз бен қауіпсіздігіңізді қамтамасыз ете аласыз. Өз денсаулығыңыз - өз қолыңызда екенін ұмытпаңыз!

Жаңақорғанда кене шағу дерегі жиілеген

Қазалының Құрметті азаматы

<a href="https://kyzylorda-news.kz/">Kyzylorda-news.kz.</a> «Баламды медресеге біл деп бердім, қызмет қылсын, шен алсын деп бермедім» дегенді Абай бір жарым ғасырға таяу уақыт бұрын айтса да, күні бүгінге дейін өзектілігін жойған жоқ. Осы мақсатта, ауданымыздағы «Алты ата» мешітінің ұйымдастыруымен «Имани жаз – 2023» жазғы діни сауат ашу лагерьі 3 апта бойы 40 жасөспірім қызға рухани азық беріп, маусымның 23 жұлдызында қорытынды кеші ұйымдастырылды. Аз ғана уақыттың ішінде жас шәкірттерге мешіт ұстазы Мұзаппархан Бибіхадиша діни сауатпен қатар қайырымды, адал, елімізге қызмет ететін азамат пен азаматшаларды қалыптастыру әдептерін үйретті. Ақиқатында мешіт жанынан ашылған діни сауат ашу курстарының берері мол.&nbsp;Өйткені, мешітте дәріс алған жас жеткіншектің тәлім-тәрбиесі көзге көрініп тұрады. Шәкірттердің сыпайылығы, кішіпейілдігі, үлкенге ізеттілігі, кішіге құрметтілігі, ата-анаға деген қамқорлығы. Бізде рухани лагерьдің қорытынды шарасына арнайы барып, куә болған едік.Бұл игі шараның негізгі басты мақсаты – жазғы демалыс мезгіліндегі балалар мен жасөспірімдердің уақытын тиімді пайдаланып, Алла Тағаланы таныту, имани тәлім-тәрбиені бойға сіңіру болатын, оларды діни сауаттылыққа бағыттап, имандылықтың іргетасын қалыптастырып, жас ұрпақты ізгілікке тәрбиелеуді ниет етіпті. Қорытынды кеште, лагерьге қатысқан қыздар имандылық нәрімен сусындап, тәлім-тәрбиенің негізін бойына сіңіргендері көрініп-ақ тұр. Ұстаздарының қойған әрбір сауалдарына жарыса жауап беріп, сүрелерді бірінен кейін бірі іліп әкетіп жатқа айтып тұрған сәтте көзімізге еріксіз жас келді. Аз ғана уақыттың ішінде жас шәкірттерге мешіт ұстаздары діни сауатпен қатар қайырымды, адал, елімізге қызмет ететін азамат пен азаматшаларды қалыптастыру әдептері де айтылыпты. Алды небәрі 5 жаста, үлкені 13 жастағы қыз балалар Алла тағаланың 99 көркем есімін мүдірместен айтып, мұсылманның парызын жатқа айтып тұрғаны көрер көзге сондай кемерет көрініс екен.Осы тұста, «Жас та болса, бас болып», бар білгенін шәкірттеріне үйретіп жүрген Мұзараппархан Бибіхадиша ұстаз өз сөзін былай сабақтады:<blockquote>«Қазір мешітте қырыққа жуық жасөспірім дәріс алды. Екі жылдан бері өткізіп келе жатырмыз. Баларды рухани құндылығын арттыру, жүректеріне иман дәнін егуге ықпал етсек деген ниеті қой. Қазір балалардың көпшілігі телефонның шырмауына түсіп кеткен. Өздеріңіз де білесіздер, &nbsp;онда жақсыда жаманда дүниелер бар. Ал, оны бала таразылап жатпайды. Сол үшін көкірек көзін ашып, оң мен солын ажыратуды кішкентай кезінен үйретіп тәрбиелеуге ат салысу керек. Ата-бабаларымыз, «Ер бұзылса отбасы бұзылады, ал қыз баласы бұзылса ұлттың қауіпі ғой» сол қыз балаларды тура жолдан таймайтындай сабақ беру біздің міндетіміз. Менің қуанатыным, қыздардың барлығының ынталары жақсы. Мұнда Қасиетті Құран-кәрімді түпнұсқасынан оқуға мүмкіндік жасаймыз. Яғни, Құран әліппесін ежіктеп бастап, уақыт өте емін-еркін оқитын деңгейге жетеді. Өздеріңіз де білесіздер Құранның алғашқы аяты «Оқы» деп түскен. Бұл бұйрық тек Құранды ғана емес, әлемді оқу, адамды оқу, әлемнің жаратылыс сырларын оқып, ғаламды зерттеп – зерделей білу деген сөз. Пайғамбарымыз (с.а.с) «Ілім үйрену-әрбір мұсылман ер кісіге де, әрбір мұсылман әйелге де парыз» деген. Сонымен қатар, дәріс барысында имандылық жөніндегі ғибратты әңгімелер мен мағынасы мол насихат. Үлкенге ізет-кішіге құрмет, ата-анаға қамқорлық, Отанға деген сүйіспеншілік тақырыптарында имани әңгімелер өрбітеміз. Дәріс аламын деушілерге Алла үйінің есігі әрдайым ашық. Тек ынта мен ықылас болса болғаны. Қазіргі таңда 3 аптаға ғана созылды болашақта оданда көп уақыт арнауға тырысамыз деген ниет бар», – дейді ұстаз бізбен әңгімесінде.</blockquote>Сондай-ақ, қорытынды шараға ата-аналары да келіп, балаларының аузынан шыққан әрбір сөзге қуанып, көңілдері шалқып, қуанғаннан көздері жасаурап отырғандарын айтпай кетуге болмас. Тіпті, алыс-жақын ауылдардан қыздарын тасып оқытқан ата-аналар да бар екен. Шара барысында, осындай ананың бірі Гүлсім Әсләмқызы ұстаздарға шексіз алғысын білдірді.<blockquote>«Осында отырған аналардың барлығы да Хадиша ұстаз сізге ризашылығымыз шексіз. Расымен де, балаларымыз күн ұзаққа телефонын қолынан тастамай, уақыттарын текке өткізіп жатыр еді. Үш апта болса да, үлкен ілім алды деп есептеймін. Менің қызым 6 сүрені, Алланың 99 есімін жатқа айтып тұр. Шыны керек, қызымның қасында өзім ұялып қалдым. «Жастай алған білім тасқа қашап жазғандай» деп үлкендер айтқандай, өскелең ұрпақтың санасы білімге ашық кезінде ұлттық дүниетанымымызбен сусындауы өте дұрыс деп санаймын. Себебі, осы кезде ұл баланы да, қыз баланы да ертеңгі жауапкершілікке дайындап, өсірсек онда қоғамда орын алып отырған жауапсыз әкелер мен безбүйрек аналардың пайызы біршама азайған болар еді. Осы тұста, «Имани жаз» сауат ашу лагерьі биыл қаншама қыз балаларға ерекше білім берді деуге әбден болады», – деп көңіліндегі қуанышын осылай жеткізді.&nbsp;</blockquote>Осы тұста, айта кетейін бұл лагерьдің ерекшелігі 40 үйден келген қыз балалар небәрі 3 аптаның ішінде бір үйдің балаларындай, бәрі де бірдей дәрежеде өте ынтықамты уақыт өткізіпті. Бір-бірлеріне бауырмал, үлкендері кішілерін жанына алып, білмеген жерлерін үйретіп жатса, кішілері үлкендеріне бастарын изеп ілтипат білдіріп отыр. Тіпті, қоштасар уақытта, қимастықпен қол алысып, «Келесі жылы қауышайық» деп ілтипат білдірісіп жатқандары қандай тәлімді.Қорыта айтқанда, адам баласына «тал бесіктен-жер бесікке дейін ілім іздену парыз». Әсіресе, жас өрендерді тура жолға салып, дұрыс бағыт беру біздерге парыз. &nbsp;Қазіргі таңда әлемді алаңдатқан түрлі ағымдардың жетегінде кетіп жатқан жастардың басым көпшілігінің діни сауаты таяз. Оны сала мамандары да мойындайды. Ағымдармен қарсы күресте біздердің әрбіріміздің діни сауатымыз мықты болуы тиіс. Осы тұрғыда дүниелік ілім мен діни ілімді сабақтастыра отырып, өмірлік ұстанымын айқындай білген жанның адаспасы хақ.

Жаңақорғанда  «Имани жаз» қыз балалар лагері аяқталды

<a href="https://kyzylorda-news.kz/">Kyzylorda-news.kz.</a> Алдыңғы буын аға-апалар. Олардың ақыл-кеңесі әркез маңызды. Жұмыс &nbsp;барысында мол тәжірибесімен бөлісіп, жас мамандарға бағыт-бағдар &nbsp;беретін де осы кісілер. Сол себепті ардагерлердің әрбір ісі қоғамда бағалы. Осы ретте мереке қарсаңында аудандық полиция бөлімі ардагерлер кеңесінің төрағасы, Қазақстан Республикасының Еңбек сіңірген қызметкері, Қармақшы ауданының Құрметті азаматы, запастағы полиция подполковнигі &nbsp;Есет Назарқұловпен әңгімелескен болатынбыз. &nbsp;– Есет Камаладинұлы, келе жатқан полиция қызметкерлерінің кәсіби мерекесі құтты болсын. Оның ішінде елімізде тұрақтылықты сақтап, сала қызметкерлеріне үлкендік жол көрсетіп келе жатқан Сіздердің де еңбектеріңіз жемісті болсын. Сөзіңізді өзіңіз басшылық етіп отырған ардагерлер кеңесінің жұмысынан бастасаңыз?&nbsp;– Рақмет. Кеңес құрамында бүгінде 47 ардагеріміз бар. Оның 3-еуі нәзік жан да, қалғаны ер азаматтар. Әйел-аналар қатарында Сәрсенкүл Бақбергенова, Райхан Мұханбедиярова, Жанат Байменованың есімдерін құрметпен атаймын. Қайбір істе болсын, мәселені 9 алқа мүшесі ақылдасып, кеңесіп шешіп отырамыз. Атап айтқанда олар – Бейбіт Ермаханов, Сағындық Тойбазаров, Аққозы Қошыретов, Наурыз Төлепов, Әбен Қаракөзеев, Муттахим Ысқақов жас зейнеткерлер Бағдат Ақтаев, Жарылқасын Мусаев, тағы басқалары. Ардагерлердің орта жасы 56-да болса, ең үлкеніміз Қуаныш Усекеев ақсақал 80 жаста, ең кішіміз Болат Алмағамбетов 44-те. Жалпы органның ерекшелігі, қызметте 20 жыл еңбек өтілі болса, зейнетке шыға алады. Кеңестің ұйымдастыратын іс-шаралары болады. Ардагерлердің өз қоры &nbsp;құрылған. Зейнеткерлеріміздің қуаныш-ренішінде сол қорды пайдаланамыз. Денсаулықпен мәселе туындағанда еміне, дәрі-дәрмегіне, тағы басқасында осы қорға жүгінеміз. Ардагерлеріміздің отбасыларына жағдай сұрай немесе мерекелерде құттықтап барғанда құр қол бармай, сый-сияпатымызбен барамыз. Қолымыздан келгенше тіл көмегімізбен қатар, материалдық көмек беруге тырысамыз. &nbsp;– Кеңестің мақсаты қандай?– Мақсатымызға келер болсақ, аудандық полиция қызметкерлерімен қоян-қолтық жұмыс істеп, олардың қылмысты ашуына, тәртібіне, жас полиция қызметкерлерінің қалыптасуына ықпал етеміз. «Бірлесіп жұмыс істеу – жақсы нәтиже береді» дегендей, қоғамдық тәртіпті сақтауға белсене араласып, көмегімізді тигізудеміз. Қызмет жолынан өткен ардагер тәжірибелі, көргені мол жан. Халықпен үнемі байланыстамыз. Елдің арасында болып жатқан жаңалықтардан да хабардармыз. Сырт көзге білінбеуі мүмкін, бірақ ардагерлер қай кезде де белсенділігімен ерекшеленеді. Өзіңіз білесіз. Алда төл мерекеміз келе жатыр. Соған сай өмірден өткен ардагерлеріміз бен полиция қызметкерлерін еске алып, &nbsp;рухына арнап ас беруді жоспарлап отырмыз. Ардагерлердің &nbsp;мерейтойларында облыстық, аудандық әкімдіктер мен салалық басшылықтардың марапатына ұсынып, сыйлығын дайындаймыз. Кейбірінің шаңырағында болып немесе мекеменің мәжіліс залында мәдени іс-шаралар ұйымдастырамыз, құрмет көрсетеміз. Сонымен қатар, жаңадан оқу орнын бітіріп келіп, жұмысқа тұрған жастарға тәлімгер бекіту – бізде бұрыннан қалыптасқан үрдіс. Мысалы, соңғы 6 айда 9 жас полицей қызметке орналасса, бөлім басшысымен келісе отырып, ішінара мамандығына байланысты жеке-жеке ардагерлер бекітеміз. Оның өз іс-шарасы болады. Арыз-шағым тексеруге бірге барады. Қылмысты ашуға көмектеседі. Жұмыс тәсілін көрсетеді. Тәжірибесімен бөліседі. Сөйтіп, ол тәлімгер бір жыл бойы жас маманның қасында жүріп, оның қалыптасуына жағдай жасайды. Оның себебі, қанша айтқанымызбен оқу бір бөлек те, &nbsp;практика бір бөлек. Біздің ардагерлеріміздің негізгі жұмысы – осы десем дұрыс болар. &nbsp;Одан бөлек, Жосалы кентінің арғы және бергі бетінде орналасқан тірек бекеттері бар. Ол жерлерге де бекітілген ардагерлер бар. Оған да жиі бас сұғып, учаскелік полиция қызметкерлерімен бірге көше аралаймыз, тұрғындармен сөйлесеміз. Арыз-шағымдарының шешілуіне көмектесеміз. Қазір тіпті сала қызметкерлеріне қиын болып кетті ғой. Мәселен, отбасылық, майда бұзақылық болғанда 102-ге шақырту түссе, барады. Бірақ уақытша ұстайтын жер болмай тұр. 3-4 жылдың клемі болды, әлі бұл мәселе шешімін таппауда. Мұның бәрі полиция қызметкерлерінің беделін &nbsp;түсіріп жатыр. Шақыртумен отбасылық айқай-шуға барады, ер адам ішіп алған. Мас адамды алып кетеді. Артынша ол қайта келеді отбасына. Сонда әйеліне «Мен қазір келгеннен кейін көкеңді көрсетемін» деп кіжініп жатады. Расымен де заң органының да оны көлігінде 3 сағаттан артық ұстауына құқысы жоқ. Бұл мәселеден облыс хабардар. Алдағы уақытта шешімін тауып қалар деген үміттеміз.&nbsp;– Менің замандастарым жақсы біледі. Кезінде біз мектепте оқығанда Сәрсенкүл, Райхан деген милиционер апаларымыз болды. Олардың төбесі анадайдан көріне бастағаннан бүкіл оқушы жым болатын. &nbsp;Олар тәртіптің айнасы сияқты еді. Жаны нәзік әйел-ананың бұл салада жүруінің өзі ерліктей көрінеді. Бүгінде органда сол апаларымыздың &nbsp;өкшесін басып келе жатқан сіңлілері, қыз-келіншектер көптеп саналады. Сұрайын дегенім, оған ер азамат ретіндегі сіздің көзқарасыңыз қандай?&nbsp;– Қыздардың &nbsp;полицияда еңбек етуі – заман талабы. Облыс орталығында &nbsp;әйелдер батальоны құрылуда. Бір жағынан қарасақ, салада қыздар да болу керек. Былтыр қызметке жаңадан бір қызымыз келді. Күрестен спорт шеберлігіне кандидат. Батылдығы жағынан ер адамнан ешбір кем емес. Полиция мектептерінде бұзақылардан қорғану, ауыздықтау мақсатында қорғану әдіс-тәсілдері үйретіледі. Былайша айтқанда, құқық қорғау саласында қыздардың болғанын қолдаймын. Қызмет барысында әйелмен әйел адамдар сөйлесуі керек. Заңында да солай. Қыз-келіншек деп бөлінетін ештеңесі жоқ, тек бастысы өз ісіне мығым, жауапкершілігі жоғары болуы тиіс. &nbsp;&nbsp;– Ішкі істер органының қазіргі бағыты дұрыс па? Сіздің ойыңызша неге мән беруі керек?– Қазіргі үкіметтің саясаты меніңше дұрыс. Бұрын біздің кезімізде тәртіп нашарлау тұғын. Шынын айту керек, әсіресе, орындаушылық тәртіп нашар болды. Мысалға айталық, арыз түсті делік. Оның кей жағдайда тіркелмей де жататын кездері кездесетін. Әр учаскелік полицейдің папкісінде 3-4 арыздан жүретін. Компьютер жоқ уақыт. Ал қазір цифрландыру заманы. Арыз-шағым келді ме бірден компьютерге түседі, одан оны ешкім жойып ала алмайды. Нұсқасы орталық базада сақталып тұрады. Өзінің белгілі күні бар қаралатын, сол уақытта шешімін таппаса күн создырып алады. Ал орындалмаса, тәртіптік жаза көріледі. Тіркемесе, үстінен іс қозғап жібереді. Жауапкершілік күшейген. Техникалық қамтамасыз ету де жолға қойылып келеді. Біздің кезімізде 3-4 көлік қана болатын. Қазір учаскелік полицейлерде 6-7 көлік бар. Кезекшілікте де көлік тұрады. Баяғы ППМ дегенде мекемелерден ескі көліктер сұрап алып, жөндеп күн көрдік. Рация, жанар-жағар май мәселесі шешілген бүгінде. Бұрын әркімге жалынып, алақан жайып бензин сұрайтын едік. Қазір жағдай жасалған. Жалақы да біртіндеп өсуде. Нағыз жұмыс істейтін кез.&nbsp;– Саланың имиджін көтеру үшін не істеу керек деп ойлайсыз?– Әлі де жалақыларын көтеру керек. Оқу бітіріп келген жас лейтенант 150 мың теңге айлық алады. Қай дүниең де қымбат бүгінгідей қоғамда ол қаражат па? Бала-шағасын қалай асырайды? Жоғары жалақы алатындар бар, олар шені жоғары, еңбек өтілі көптер. Біздің кезімізде мұғалімдер полицияға жұмысқа келгісі келетін. Бүгінде керісінше, полициядағылар мұғалімдікке барғысы келеді, себеп – айлық жоғары төленеді. Екіншіден, полицейлер күн-түн тынбай жұмыс істейді. Штаты аз. Біздің кезімізде 106 адам штатпен жұмыс істесе, қазір 86 штат шамасында. Ал тұрғындар саны жыл санап өсуде. Ескере кетерлігі, жастардың тәртібіне алаңдаулымыз. Оларды тәртіпке шақыру да оңай болмай барады. Ұялы телефоннан небір теріс нәрселерді көріп отыр. Жұмыс істеу өте қиын. Мәселен, АҚШ-та полицияның жұмысына кедергі келтіргенді бірден атып тастау заңдылығы қарастырылған. Бізде тәртіпке бағынбайды. Полиция қызметкерлерінің құқығы қорғалмаған. Бұлай кете беретін болса, саланың беделі түседі де, жұмысқа ешкім келмейді. Солтүстік облыстарда орган орындарына вакансия өте көп. Мұның себебін де осы жерден іздеуге болады.&nbsp;– Сіздің отбасыңызды еңбек әулеті ретінде танимыз…– «Әке көрген оқ жонар...» дегендей, ішкі істер органы батыл да қайсар жігіттердің қызметі. Балаларымның да таңдауы осы салаға түсті. Әсерім болмады деп айта алмаймын. Күштегенім де жоқ. Өздерінің қалауы. Ұл-қыздарымның анасы, немерелерімнің әжесі, жұбайым Ақерке Шерниязқызымен бірге 5 бала тәрбиелеп өсірдік. 3 ұл, 2 қыз. Үлкеніміз Нұрбол полиция майоры, Ерлан полиция подполковнигі, Еркін ішкі қызмет подполковнигі шенін алса, қыздарымыз Айгүл жеке нотариус қызметін жүргізуде. Ақмарал мектеп директорының орынбасары болып абыройлы еңбек етуде. Балаларымыздан тараған 16 немере мен 1 шөбере көз қуанышымыз.&nbsp;– Енді әріптестеріңізге, көпшілікке мерекелік тілегіңіз болса?– Сала ардагерлері мен қиын да жауапты қызмет атқарып отырған Бақытбек Жарқынбаев басшылық ететін аудандық полиция бөлімі қызметкерлерін &nbsp;төл мерекемен құттықтаймын. Отбастарына береке-бірлік, табыс тілеймін. Денсаулықтары зор болсын. Жақсы күндерде, жақсы жаңалықта басымыз қосылсын. Мемлекет қолдан келген көмегін жасап жатыр, әлде де жасайды деген ойдамын. Еліміз тыныштық, бейбітшілікте өмір сүре берсін!&nbsp;– Сұқбатыңызға көптен-көп рақмет!

Қоғам тыныштығы – тәртіп сақшыларының қолында

<a href="https://kyzylorda-news.kz/">Kyzylorda-news.kz.</a> «Әке көрген - оқ жонар, шеше көрген – тон пішер» деп ата-бабамыз бекер айтпаған. Бұл - өмірдің өзінен ойып алынған, еш қоспасыз пәлсапалық ұғым екені айдан анық. Ұлды - әке, қызды – ана тәрбиелесе, одан ешкім ұтылмасы сөзсіз.Маңызды қызметтің жүгін абыроймен арқалап жүрген тәжірибелі &nbsp;полиция лейтенанты Руслан Әбдіхаким Ерболұлы жас болса да жүріп өткен жолы - көпке өнеге. Ол – әке жолын қуып полицейлер династиясын жалғастырып келе жатқан ұл ретінде өз отбасында да ерекше құрметке ие азамат.Руслан Ерболұлы 1999 жылы Алматы облысы, Қарасай ауданында дүниеге келген. Әкесі – Турмаханов Ербол Әбдіхакимұлы да ұзақ жылдар бойы қүқық саласында қызмет еткен. Қазіргі таңда зейнет демалысында. Бүгінде құрметті демалысқа шыққан ардагер Ербол Әбдіхакимұлының бұл саладағы еңбегін әріптестері жақсы біледі. Саналы ғұмырын ішкі істер органдарының қызметіне арнаған Турмаханов Ербол Әбдіхакимұлы 1991 жылы Қызылорда политехникалық техникумның Транспорт-жол факультетін, 2004 жылы Тараз қаласындағы заң институтын бітірген.&nbsp;Ол ішкі істер органдарындағы қызметте &nbsp;20 жылдан астам түрлі &nbsp;құрамда қызмет атқарып зор үлесін қосқан,Еңбегі еленіп, түрлі марапатқа ие болған. Атап айтқанда, Қазақстан Республикасы Ішкі істер минстрлігінің хаты мен «Қазақстан полициясына-25 жыл» мерекелік медалімен, ІІО-дағы 10, 15 жыл «Мінсіз қызметі үшін» медальдарымен және облыстық ішкі істер департаментінің Алғыс хаттарымен бірнеше мәрте марапатталған.Ішкі істер органдарында &nbsp;саласының қиындығына қарамастан Ербол Әбдіхакимұлы адал жар, сыйлы әке атанып, ұлы мен қызын тәрбилеуде. «Әке көрген оқ жонар» деген нақыл бар. Ербол ағамыздың ұлы Руслан да әке жолын таңдады.«Ұяда не көрсең, ұшқанда соны ілесің» демекші, полиция офицерінің отбасында туған Руслан &nbsp;Ерболұлы мектепті бітірген соң, көп ойланбастан Тараз қаласындағы «Тараз инновациялық – гуманитарлық» университетіне Заң факультетіне оқуға түсіп. 2020 жылы білімін тәмамдап, ішкі істер органына қызметке орналасқан.Руслан Ерболұлы өзінің қызметтік жолын 2020жылыҚызылорда ст. ЖПБ-ң патрульдік полиция взводының полицейі болып бастаған. Қазіргі таңда Жалағаш ауданында Полиция бөлімінің &nbsp;учаскелік полиция инспекторының көмекшісі қызметін атқаруда.Жас болсын, егде болсын, қабілеті бар маман әрдайым өз ісінің нәтижесімен көзге түсетіні белгілі. Руслан Ерболұлы әу бастан өзінің осы салаға ептілігі барын аңғартып, учаскелік полиция инспекторының қызметін тез меңгеріп, басшылардың ықыласына бөленді. Асқар тау әкенің әрбір сөзін жүрегінен өткізген ол бүгінгі таңда әкесінің атына кір келтірмеуге тырысып, өз ісіне, әрекетіне, қызметіне, халық алдындағы борышына үлкен жауапкершілікпен қарап келеді.Жас маманның алға қойған мақсаты айқын, болашаққа нық сеніммен қарайды. Ол ел тыныштығын қорғап, халыққа қамқоршы болу үшін ерінбей еңбек етуді басты міндет санайды.&nbsp;<img src="https://knadmin.beoblood.kz/uploads/image_22_06_23_11_24_d07d170f10.jpeg" alt="image-22-06-23-11-24.jpeg"><img src="https://knadmin.beoblood.kz/uploads/image_22_06_23_11_24_2_9def386f3e.jpeg" alt="image-22-06-23-11-24-2.jpeg">

Полиция династиясын жалғаған ұл

<a href="https://kyzylorda-news.kz/">Kyzylorda-news.kz.</a> Әне-міне дегенше дала жұмыстарына да жеттік. Мұндай маусым көптеген адамдардың ісіне сеп. Себебі егін егіп, шаруашылықтан табыс тауып жүргендер жұмыстың ауырлығына қарамай, адал жолмен нәпақасын табуға асық. Алайда біздің елде көп жағдайда қарапайым жұмысшының еңбегі ескерілмей, еленбей қалып жатады. Оны – жалақының аздығынан-ақ аңғаруға болады. Содан да болар жұртшылық жат елден жұмыс қарастырып, қалталарын томпайтуға машықтанып алған. Бірі егістік алқабында жүріп құлпынай теріп табыс тапса, енді бірі саңырауқұлақ, мақта теріп күн көріп жүр. Тиісінше өзге елде өмір сүріп, тұрмыс-тіршілігін түзегендер қара жұмыс істегендері үшін өкінбейді. Себебі «Ол жақ адал еңбегіңді бағалайды» дейді олар. Осы жандардың қатарында медиа саласында ұзақ жылдар бойы қызмет еткен, қаламы қарымды, дарынды қыз Әйкерім Асқарқызы да бар. Кейіпкеріміздің шетел асып, жұмыс істеп келгеніне біршама уақыт болып қалыпты. Біз де өзге елде өмір сүріп, тіршілігін түзеп, табыс тауып жүрген жанды әңгімеге тартып көрдік.– Қайырлы күн, Әйкерім! Білуімізше, екеуміз әріптеспіз. Осы саладан кетіп, шетел асып, нәпақа табуыңызға не түрткі болды?– «Ауылдан адам көшкенмен, адамнан ауыл көшпейді» демекші, экс-журналиспін деп айтайын десем, он жылдық тәжірибем бар, журналистикада қалыптасқан дағдыларды ұмыту оңай емес. Сол себептен болар фермадағы жұмысқа журналистің көзімен қарап, жұмысшының қолымен әрекет еттім. Алғашқы сұрағыңызға келетін болсақ, нәпақа деп өзіңіз айтып отырсыз, болашағыма сенімді болайын, артымда мүлкім, астымда көлігім, үйімде азығым болсын деп теңіз астым. Бір қаламмен, міне, «7-20-25» пен саған үй бере қояйын деп ешкім айтпайды. Бұрынғыдай алғашқы жарнаға 3 млн қазір түкте емес екенін өзіңіз білесіз. Кем дегенде 6-8 миллионыңыз болуы керек. Ал өмірімнің 15-20 жылын несие төлеп отыруға мен келіспеймін.– Көбіне қай елдің азаматтары шетел асып, жұмыс көздерін іздейді?–Жауабы анық! Жағдай жақсы болса, елден ешкім кетпейтіні де анық. Мысалы, көрші Қырғыз елінің ішкі өнімі төмендегенін, бұрынғыдай сыртқы сауда айналымы жоқ екені, көрші Тәжік елінде жұмыссыздық бұрыннан белең алғанын, елдің дамуына ішкі және сыртқы көптеген факторлардың әсер етіп, әлеуметтік-экономикалық жағдайының жақсы емес екенін сіз де, мен де, барлығы да біледі. Англияда міне, осы елдің азаматтары жұмысшылардың 50 процентін құрайды десек болады. Қазіргі Ресей мен Украин елінің арасындағы саяси жағдайдан кейін, орыс ұлтын жұмысқа алу тоқтатылған. Оның орнына қазақ азаматтары жұмысқа келуде. Ал Украин елінің азаматтарын «босқын» ретінде Біріккен Патшалық қабылдап, екі жылға елде емін-еркін қозғалуына жағдай жасалған. Ал жалпы алатын болсақ, қазақ азаматтары бірең сараң, бірақ осы 2023 жыл басталғалы Англияның фермаларына қызығушылық танытып, өтінім тастаған қазақтардың саны күрт артқан.– Тіл білу шарт па?– Тіл білу шарт емес. Неге десеңіз, Ұлыбританияға 2023 жылға дейін Болгария Республикасының халқы визасыз кіріп, емін-еркін жұмыс істеп жүрген, тіпті екі елдің арасына бір жаққа билет 5500-10800 теңге (10-20 фунт стерлинг) тұрады. Сонау 852-889 жылдары христиан діні мемлекеттік дін болып қабылданып, мемлекетте славяндану процесі жүріп, славян тілі мемлекет пен шіркеу тіліне айналғанын тарихтан білеміз. Сондықтан болса керек қазір бұл елдің, яғни болгар азаматтары орыс тілінен алшақ емес. Англиядағы жұмыс орнымызда болгар азаматтары супервайзер қызметінде болып, жұмыс процесі орыс тілінде түсіндіріледі. Біз түрік тілдес халықтар да бір-бірімізбен өз тілімізде сөйлесіп, түсінісіп, қолдау көрсетіп жүрдік. Ал жалпы алатын болсақ, қосымша тіл білу ешқашан артықтық етпейтіні анық. Қаншалықты жан-жақты болсаңыз, соншалықты еңбек нарығында бәсекеге қабілетті болатыныңызды, мен айтпасам да, білесіздер.– Тек Англия емес, Корея, Ресей елдеріне кетіп, жұмыс істеп жүрген жастар бар. Қазір олардың елге келгісі де жоқ. Бұған себеп? Барлығы сол табысқа келіп тіреле ме?– Бұл сұрақтың да жауабы түсінікті. Осы тұста айта кеткім келіп отыр, Корей елінде заңсыз жүрген қазақ азаматтары өте көп. Бұл елдің шекарысының талабы жоғары, қазіргі уақытта. Сонда да әрекет етіп жатқандар баршылық. Корей елі мен Англияны алатын болсаңыз жалақы көздері шамамен бірдей. Айына қолыңызға таза 370.000 мен 1.200.000 теңге көлемінде түседі. Мысалға, Англияда ең төменгі жалақы мөлшері шетел азаматтарына заңмен белгіленген. Ол сағатына 10.40 фунт стерлинг (5500 тг шамамен). Жарты жылдың ішінде алып көрген ең төмеңгі жалақымыз айына 537.000 тг болды. Бұл үйдің, машинаның арендасынан және коммуналдық қызметтерді алып тастағанда, қолға таза түскені. Бұл ақша сіздің ештеңеден қысылмай керемет тамақтануыңызға, ай сайын қажетті, тіпті қажетті емес те киім кешегіңізді алуға, елдің басқа бір қаласын аралап келуге және ақша жинауыңызға толықтай жетеді. Әрбір үш ай сайын демалысыңызға бөлінетін ақша беріледі, шамамен 260.000 тенгеден басталады. Елде етті қоспағанда, барлық азық-түліктер Қазақстанмен бірдей, тіпті кейбір түрлері өте арзан (ел астанасын қоспағанда). Не себепті, өйткені бұл ел Европадағы ауыл шаруашылығымен айналысатын үздік ондыққа кіреді. Ел шаруалары жерінің 80 процентін осылай игеріп отыр. ЕО жыл ¬сайын ауқымды қаражат та аударып отырады. Сол себептен шаруалардың тең жартысы субсидияға жүгініп те, әрекет жасап, қысылмай отыр. Елдің негізгі қажеттіліктері толықтай өтелуде деп айтуға келеді. Ауа райы да шаруашылықпен айналысуға өте қолайлы. Кейде қыстың күні ауа температурасы тіпті +12, +15 градусқа дейін барады. Англиядағы фермаларда жұмыс істеймін десеңіз, визаның «сезондық жұмысқа» арналған түрін ұсынады. 6 ай көлемінде осы елде заңды түрде қызмет ете аласыз. Осы тұста ескертуім керек, жұмысқа тұрғызамыз деп, қосымша қаражат сұрап, алаяқтық танытып, жоқ болып кетіп жатқандар жетерлік. Тек консульский сбор төлеп, барар және қайтар билетіңізді ғана өз қалтаңыздан төлейсіз. Оның өзі шамамен 500.000 теңге.– Жұмыс уақытын есептегенде, бір түсініспеушіліктер болып, сағаттар жетпей, ақшаңызды қиған кездер болды ма?– Өте орынды сұрақ. Өйткені әбден сенуден қалғанбыз. Кім қай жерден жеп қалады екен, алдап кетер екен, үстіне қосып тұрған жоқ па деген түсінікпен өмір сүріп келеміз. Фермаға алғаш келгенде өзіміз қосымша уақытымызды есептеп жазып жүрдік. Бірақ басшылықтың есептеген уақыты артығырақ болды. Бұл кісілер сенің жұмыс уақытыңның секундына дейін санайды екен. Басшылықтың айтуы бойынша, еңбек нарығындағы заң бұзушылықтар Ұлыбритания елінде қатты жазаланады екен. Сондықтан сіздің маңдай теріңізбен тапқан нәпақаңыз үшін уайымдамасаңыз болады. Біз үйреніп қалған, төленбейтін жұмыстан тыс уақыттар, жеке басшылықтың шаруалары деген дүние жоқ!– Қазақта «Жақсыдан үйрен, жаманнан жирен» деген тамаша тәмсіл бар. Британдықтарға қызығып, біздің елге де осыны енгізсе керемет болар еді деген тұстарды тілге тиек ете кетсеңіз…– Айтатын болсақ өте көп. Бірақ, сол есімде қалып, түртіп алып, керемет-ай деген бір дүние бар. Ел азаматтары қаншалықты табыс көп табады, соншалықты салық көп салынады. Бұл дегеніміз– біздің елдегідей бай мен кедейдің арасындағы алшақтық үлкен емес деген сөз. Яғни бай байығанның үстіне баи бермейді. Бұл басшылармен араласқанда да өте қатты байқалады. Мен басшымын, баймын деп ешкім шіреніп отырмайды. Сенің қасыңда жүгіріп жүріп, бірге әрекет етеді. Балшық-балшық боп жүрген кісінің басшы екені ойымызға да кіріп-шықпаған. Сол себепті алғаш фермаға келгенде «Big boss»-тың кім екенін де білмедік. Тағы да бір қызығы, бұл кісімен емін-еркін сөйлесе аласың, қажеттіліктеріңді жеткізіп, өз пікіріңді білдіресің. Көп фермаларда басшылар әр ай сайын стол жайып, тағамдар алдырып, жұмысшыларының демалуына жағдай жасайды.Әңгіменің соңында айтарым: әртүрлі адам, әртүрлі салт-дәстүр мен мінез болады. Әр адамның өзінің жинақтаған тәжірибесі бар. Журналист Әйгерім сөй дейді, бүй деді, Англия керемет екен деп, барлықтарыңыз теңіз асып кетіп қалмаңыздар. Алаяқтарға алданып қалмаңыздар. Әрбір келген тиын маңдай тер. Жұмыстың жеңілі жоқ. Кез келген тұста тәуекелге дайын болуыңыз қажет. Ал еліме айтарым: барлығымыз атсалысып әрекет етуіміз қажет. Бір Қ.Тоқаев мырза бар екен деп, ел болашағына бей-жай қарамайық. Ұстазсыз ба, айналдырған бес балаға сабақ берсеңіз де, сапалы беруге тырысыңыз. Елге мықты бес тұлға қажет болады. Асханада істейсіз бе, сол бес балаға қарайлаңыз, қарны тоқ болсын. Мектепте қарауылсыз ба, сол бес баланың аман-есен үйіне оралуына әрекет жасаңыз. Көршісіз бе, «Құдайы көрші болыңыз». Мемлекеттік қызметте істейтін де әрбір азамат осылай әрекет етсе, дамыған елдер жолда қалайын деп отыр. Тәрбие мен білім ұштасқаннан артық ештеңе жоқ. Біреулер айтып отырғаның утопия, ертегі бұл, әркім өз басын ойлайды деп айтып отырған боларсыз. Бірақ, жақсылықтың еселеніп қайтарынан барлығымыз хабардармыз, соны ұмытпайық. Әдемі ел болашағын құруда барлығымызға сәттілік!– Сұхбатыңызға рақмет!

Журналистің көзі, жұмысшының қолы

<a href="https://kyzylorda-news.kz/">Kyzylorda-news.kz.</a>&nbsp; Қарағанды облысындағы Спасск оқу орталығында 17-23 маусым күндері «Айбын» IX халықаралық әскери-патриоттық жастар жиыны өтті.Жыл сайын дәстүрлі түрде өткізілетін сайысқа еліміздің 20 өңірі мен Өзбекстан, Әзірбайжан мемлекетінен әскери дайындығы мықты командалар қатысып, бақтарын сынады.Мықтылар бас қосқан жиында Қызылорда облысының атынан «Сыр айбыны» құрама командасы қатысып, аймақ намысын қорғады. Онда жастар әскери-қолданбалы спорт түрлерінен, плащ түріндегі жалпы әскери қорғаныс жинағы мен газқағарды уақытқа кию, әскерилендірілген эстафета және АК-74 автоматын толық емес шашу мен жинақтау сынды нормативтерді орындады. Сонымен бірге олар интеллектуалдық және шығармашылық қабілеттерін де сынға салды.Бір аптаға жалғасқан жарыста жыл сайын жүлделі орынды қанжығаларына байлайтын қызылордалық өрендер биыл да ұстаздарының мерейін өсіріп, командалық есепте «Сыр айбыны» құрама командасы І орынға ие болды.<figure class="image"><img src="https://knadmin.beoblood.kz/uploads/347598822_1627514714418394_1090297892155651449_n_fa13888a3f.jpg" alt="347598822_1627514714418394_1090297892155651449_n.jpg"></figure>&nbsp;<figure class="image"><img src="https://knadmin.beoblood.kz/uploads/355483704_1627514347751764_7351654872248408346_n_bb56c6d545.jpg" alt="355483704_1627514347751764_7351654872248408346_n.jpg"></figure>

«Сыр айбыны» құрама командасы І орын алды

<a href="https://kyzylorda-news.kz/">Kyzylorda-news.kz.</a> Қазыналы қарт Қаратаудың қойнауындағы байлығын осы күні мүмкіндігінше пайдаланып жатырмыз. Әк, қиыршық тас, ванадий зауыттарының тоқтаусыз жұмыс істеп жатқанын мына тұрған Еңбекші ауылының сыртына шыға қалсаңыз бірден байқайсыз. Оған цемент зауыты қосылса, Қаратаудағы қызу тіршілік одан әрі қыза түсті. Қазірдің өзінде Еңбекші елді мекенінің үстінен күніге жүзге жуық майда-қиыршық тасты аузы-мұрнына толтырып тиеген ауыр көліктер жүріп жатыр. Жолдың жіңішкелігі ме, әлде, тас тиеген көлік шопырының жауапсыздығы ма, әйтеуір осы көлік жүргізушілері жолдың бел ортасымен жүретін болды. Кейде әлгіндегі көліктер қарсы бағытпен жүйіткіп келіп, сенің жолыңның жартысын баса, әудем жерден зау ете қалғанда «төбемнен таптап өтер ме екен» деп ойлайсың.Жүргізушілердің бұл әрекеті Еңбекші, Жиделіарық, Қосүйеңкі ауылдары мен егіс алқабына қатынайтын диқандардың да ащу-ызасын келтіріп отыр. Бірді айтып, бірге көшетін әдетіміз емес пе? Негізгі айтпағымыз бұл емес-тін. Дегенмен, аталған мәселені жоғары басшылық назарға алып, жол бойындағы осы тәртіпсіздікті реттесе дейміз. Өйткені, ендігі әңгімеміздің ауаны осы жолға тікелей қатысты болмақ.Өткен ғасырдың жетпісінші жылдарынан бастап, кешегі тоқсаныншы жылдардың бел ортасына дейін өтіп келген Майшыдағы «Малшылар слетін» аудан тұрғындары, қала берді облыс халқы жақсы біледі. Әр жылы тамыз айында Қаратаудың теріскейіндегі Майшының табанында қызу жұмыстар жүріп, ақшаңқан үйлер тігіліп, малшылар абыр-сабыр күйге түсіп, жылына бір рет өтетін мерейлі мерекелеріне білек сыбанып дайындалып жататын. Қаз-қатар орналасқан киіз үйлердің айналасы ұлттық бұйымдар мен қол өнер шеберлерінің әзірлеген дәстүрлі туындыларына толып қалатын. Төрт түліктің басын көбейткен үздіктер де осы шарада анықталып, арнайы марапатқа ие болатын. Салт-дәстүр ұлықталып, ұлттық спорт түрлерінен сайыстар ұйымдастырылып, жайлаудағы малшылар бір жасарып, рухани жаңғырып қалатын еді.Жыл он екі ай малдың соңында жүріп, күннің шақырайған ыстығында жүзі қарайып, жауынды күні балтырынан сыз өтіп, арқадан соққан желге арқасын тосып алдындағы қарасына барлық ықылас-ниетімен қараған малшыларға бұл мереке кәдуілгідей мотивация беріп, алға қарай ұмтылуға сеп болатын. Бірақ осы бір үрдіс кешегі тоқырау кезеңінде жоғалып кетті. Олай болуының да себебі жоқ емес. Жекешелендіру уақытында әр кім ұжымнан бөлініп, тиесілі пайларына бес-алты малын алып, өз беттерінше әрекет жасады. Сол заманда жайлауға көшетін малшылардың да саны азайып, төбеміздегі Қаратау қаңырап қалды. Қазақ қоғамы малдан шаршады ма, әлде заманы солай болды ма екен, әйтеуір қырық жыл қой баққан шопан қалаға көшіп, үйір жылқысы бар талай ағайын биесін сатып айғыр алды. Бірақ арғы атасынан келе жатқан бұл кәсіп ел есін жия бере қаны қазақ баласына қайта оралды. Қазір де аудандағы мал саны Кеңес өкіметі тараған тұстағы статистикаға жетпесе де, жақын-жуық арада соған жобалап қалатынымызды байқатып отыр. Бүгінде баяғы тоқырап, қараусыз қалған қазыналы қарт Қаратаудың да етегі төрт түлік малға толған. Елдегі саяси, экономиканың тұрақтылығы мен ілгері дамуының арқасында мал ұстаған шопандарға мемлекеттен түрлі жобалар қарастырылып, субсидия беріліп, малшыларға жағдай жасалып келеді. Осы тұста Қаратауды мекен еткен малшылар табиғаты шыбын-шіркей, маса-сонадан ада жайлауға жанашырлықпен қарап, таза ұстауды қолға алса екен деген тілек айтқымыз келеді. Сондай-ақ аудан басшылығы берекені малдан тапқан малшыларға әуелгі тойларын қайтарып, Майшының табанындағы Ақбұлақты «Малшылар слеті» өтетін орынға айналдырса нұр үстіне нұр болар еді.Жаңақорған ауданындағы Үсен бауында жыл қатарынын облыстық, бір жылдары тіпті республикалық малшылар слеті өтті. Дейтұрғанмен, сол шараны кезекпен ұйымдастырып, ондағы өтетін семинар, тәжірибе алмасуды біздің өңірде ұйымдастырсақ, аудандағы мал шаруашылығының дамуына қосылған бірден-бір үлесіміз болар ма еді?!

Малшылар слетіне мән беру керек

<a href="https://kyzylorda-news.kz/">Kyzylorda-news.kz.</a>&nbsp;Ширек ғасырдан сәл астам уақыт ішінде еліміз әлемнің дамыған елдерімен теңескен болашағы кемел елге айналды.&nbsp;Тәуелсіздікке қол жеткізіп, жаңаша даму жолына түскен жылдар ішінде барлық сала ілгерілеп, толысты. Өзінің бағытын нақты ұстанған сот жүйесі де жылдар керуенін артқа тастап, жүргізілген тегеурінді сот реформасының аясында биік асуларды бағындырды.Сот төрелігін тәуелсіз де бейтарап және әділетті жүзеге асыруды қамтамасыз ету &nbsp;мақсатында, қылмыстық сот ісін жүргізуіне &nbsp;алқабилер институты енгізілді, қамауға алуға санкцияны соттың беруі бекітілді, экономикалық, әкімшілік, әскери, кәмелеттік жасқа толмағандар, аса ауыр қылмыстық істерді қарайтын мамандандырылған соттар құрылып қызметін бастады, 2000 жылғы 25 желтоқсанда «Қазақстан Республикасының сот жүйесі мен судьяларының мәртебесі туралы» Конституциялық заңның қабылдануы ұлттық сот жүйесіндегі тарихи уақиға болды. Отандық сот жүйесінің халықаралық дәрежедегі беделі артып, біздің сот жүйесіндегі кейбір озық үлгілер мен бастамалар шетелдік әріптестеріміздің тарапынан қызығушылық тудырды.Сот жүйесінде атқарылған бірнеше міндетті атап көрсетсек:&nbsp;- еліміздің басты заңы – Конституцияда соттың мемлекеттік биліктің дербес тармағы ретіндегі мәртебесі бекітілді;&nbsp;- заңның үстемдігі сот билігінің негізгі міндеті екендігі, азаматтар мен ұйымдардың құқықтарын, бостандықтары мен заңды мүдделерін қорғау басымдығы айқындалды;- соттардың істерді қараған кезде ҚР Конституциясының ережелерін тікелей қолдануы алға қойылды;&nbsp;- сот құрылысы және сот ісін жүргізу туралы заңнамаға халықаралық құқықтың жалпыға бірдей қағидаттары мен нормаларын іс жүзінде іске асыру, олардың ұлттық заңнама алдындағы басымдығы белгіленді;&nbsp;- судья лауазымына үміткерлерді іріктеудің жаңа талаптары мен критерийлері қойылды;&nbsp;- сот жүйесінің материалдық-техникалық, ұйымдастырушылық және кадрлық дербестілігі, соттарды республикалық бюджет қаражаты есебінен қаржыландыру бекітілді.&nbsp;Әлемдік тәжірибе көрсетіп отырғандай, қандайда бір мемлекеттегі реформаның тиімділігі қоғамның дәстүрі, менталитеті және ерекшеліктерімен тікелей байланысты.&nbsp;Тарихқа үңілетін болсақ, бірқатар шығыс мемлекеттеріндегі әлеуметтік-экономикалық модернизация олардың дәстүрлерімен сәтті үйлесім тапқан, дәстүр-салт қоғамдағы өзгерістердің өзегіне айналып, жақсы нәтижелерге қол жеткізген.&nbsp;Дегенмен, сот реформасын жүргізуде кері факторлардың бар екені анықталған, олар: кейбір заңнаманың жетілмегендігі, тұрақсыздығы және қарама-қайшылығы; соттар мен судьяларды материалдық-қаржылық тұрғыда жеткілікті қамтамасыз етпеу; соттардың әкімшілік-аумақтық орналасуына сәйкес жергілікті билік органдарының соттарға ықпал етуі; судья лауазымына келетін кандидаттарға және судьялар корпусына қойылатын талаптардың қатаң болмауы, соның нәтижесінде соттарға кәсіби біліктілігі мен этикасы төмен азаматтардың келуі; сот жүйесіндегі сыбайлас жемқорлық; сот аппараттары мен сот қызметін қамтамасыз ететін өзге де қосалқы қызметтердің сапасыздығы және т.б жағдайлар.&nbsp;Ендігі кезеңде сот жүйесінің реформасы жоғарыда көрсетілген мәселелерді шешуге басымдық бермек.&nbsp;Мемлекет басшысы Қасым-Жомарт Кемелұлы Тоқаев 2020 жылы 23 қазанда Қазақстан Республикасы Судьяларының VIII съезіне қатысып, еліміздегі сот жүйесінің дамуы және судьялардың мәртебесі туралы ойларымен бөліскен болатын. Президент атап өткен мәселенің түйінін тарқататын болсақ, соттың әділ және тазалық принциптеріне берік болуы үшін қоғам мен мемлекет бірлесе күш жұмсауы қажет. Әлемді шарпыған пандемия кезеңінде еліміздегі шағын және орта бизнес, медицина, әлеуметтік сала және сот қызметі де үлкен сынақтан өткені белгілі.&nbsp;Мемлекеттік қызмет түрлерінің көпшілігі цифрландырылып жатқанда, сот саласы да осы жаңашылдықтан сырт қалмады.&nbsp; Сот процестерін жедел және қашықтан ұйымдастырудың оңтайлы тұстары да өз пайдасын тигізіп келеді.Осы тұста, сот жүйесінде заманауи ақпараттық технологиялардың да енгізілгенін атап өту керек. &nbsp;Ол «Сот кабинеті» сервисінің тиімді қызметін, республиканың сот отырысы залдарының үн-бейнежазба &nbsp;қондырғыларымен жабдықталғанын, сондай-ақ, бейнебайланыс қызметі де өте жақсы дамып, өз септігін тигізіп келе жатқандығы туралы &nbsp;айта аламыз.Сот реформаларының арқасында қазір аудандық соттардың барлығында электронды құжат айналымы жолға қойылып, талап арыздарды көпшіліктің әлеуметтік желілер арқылы жіберіп, бақылап отыруына жағдай жасалды.&nbsp;Қағазбастылықтан арылып, уақытты үнемдеп отырғанымыз да осы реформалардың жемісі екені мәлім.&nbsp;Соңғы уақытта сот жүйесіне енгізілген Алқабилер соты, медиациялық тәсілмен дауларды шешу тетігінің табылуы қазылар жүктемесін азайтуға үлкен серпін беретін бастамалар болып табылады.Бүгінгі Қазақстанның сот жүйесі әлемнің ең озық мемлекеттерінің халықаралық деңгейде танылған стандарттарына сәйкес келеді. Сот жұмысының сапасы, оның әділдігі мен ашықтығы – кез-келген мемлекеттің демократиялық дамуының басты факторы.&nbsp;Сондықтан сот жүйесін модернизациялау мен заманауи тетіктерді пайдалану оның барлық деңгейінде өзекті болып қала беретіні сөзсіз.А.Күншығарова Қызылорда қаласының мамандандырылған тергеу соты&nbsp; әкімшісінің басшысы

Сот жүйесіндегі реформалар ел ертеңі үшін

<a href="https://kyzylorda-news.kz/">Kyzylorda-news.kz.</a> Кеше кешкі сағат 18:45-те Жалағаш ауданы Бұқарбай батыр ауылы Айтуаров көшесі №2/1тұрғын үй жанып жатқаны туралы 101 пультіне хабарлама түсті.Аталған шақырту бойынша Жалағаш ауданы №11 өрт сөндіру бөлімінен 1 техника 5 қызметкер жұмылдырылды. Өрт сөндірушілердің барлау жұмыстарының нәтижесінде ауданы 12*8 метр болатын тұрғын үйдің 7*8 бөлігі ашық жалынмен жанып жатқаны белгілі болды. Газ түтінінен қорғау буынына қосылған өрт сөндірушілер тыныс алуға жарамсыз бөлме ішінде ес-түссіз жатқан 38 &nbsp;жастағы &nbsp;азаматты құтқарып қауіпсіз жерге алып шықты.Жедел жәрдем оқиға орнына жеткенше №11 өрт сөндіру бөлімінің бастығы азаматтық қорғау майоры Тәуекелов Ербол алғашқы медициналық көмек көрсетті. Тілсіз жау 19:51 минутта толық жойылды. Қазіргі таңда өрттің шығу себебі мен шығыны анықталуды. Ал жедел жәрдем қызметіне табысталған 38 жастағы үй иесі &nbsp;дәрігерлердің қарауында, &nbsp;жағдайы ауыр, денесінің 75 пайызын күйік шалған.&nbsp;<img src="https://knadmin.beoblood.kz/uploads/Whats_App_Image_2023_06_22_at_11_41_39_a70d8c373b.jpeg" alt="WhatsApp Image 2023-06-22 at 11.41.39.jpeg">

Қызылордада өрт сөндірушілер ер адамды құтқарды

<a href="https://kyzylorda-news.kz/">Kyzylorda-news.kz.</a>&nbsp; Арал ауданындағы барлық орта мектептерде бітіруші түлектерге аттестат тапсыру рәсімі өтті. Он бір жыл бойы білім нәрімен сусындап, білім ордасын тәмамдаған тағы бір жас толқын үлкен өмірге қанат қақты. Арал қаласындағы №83 мектеп-лицейінде өткен салтанатты аттестат тапсыру рәсіміне аудан әкімі Серік Сермағамбетов қатысып, түлектерді өмірлеріндегі ерекше қуанышты сәттерімен құттықтады.<blockquote>"Барша түлектерді өмірлерінің жарқын белесі, бүгінгі ерекше қуаныштарымен шын жүректен құттықтаймын! Бүгін Сіздер үлкен өмір атты ұзын жолдың алғашқы баспалдағын аттап, алдағы биік сатыларына қадам басқалы тұрсыздар. Әрқайсыларыңыз ертеңгі елдің тұтқасын ұстар азаматсыздар. Өздеріңізге артылар сенім мен үміт жоғары. Сіздердің тәуелсіз еліміздің өсіп өркендеуіне үлес қосар, Арал өңірінің даңқын асқақтатар азамат болуларыңызға тілектестігімді білдіремін! Жаңа өмірге басқан қадамдарыңызға ақ жол, сәт сапар тілеймін!–деп ізгі лебізін білдіріп, түлектерге салтанатты түрде аттестат табыстады.</blockquote>Одан соң, мектеп бітіруші түлектер сөз алып, ұстаздар мен ата-аналарға алғыс айтып, олардың артқан сенімдерін ақтауға тырысатындықтарын жеткізді. Көңілдерін шаттық пен қимастық сезімі кернеген бітіруші түлектердің қуанышты сәтіне куә болған ата-аналар қауымы атынан ардагер Кішкене Молбаев бата беріп, сәт сапар тіледі.Салтанатты шара мектеп бітіруші түлектердің вальсімен жалғасты.Айта кетейік, биылғы оқу жылында аудан бойынша 972 оқушы мектеп бітірсе, 53 түлек «Алтын белгі», 57 оқушы мектепті– «Үздік аттестатпен» тәмамдауда. Ал тарихы терең №83 орта мектептің 50 түлегінің арасынан 5-еуі «Алтын белгі» иегері атанып отыр.

Аралдық түлектер жаңа өмірге қадам басты

<a href="https://kyzylorda-news.kz/">Kyzylorda-news.kz.</a> Ауылдағы ең қарапайым да мәртебелі мамандықтың бірі – механизатор. Дала төсінде қызу еңбекпен жүретін тракторшылардың еңбегі қай мезгілде болсын ерекше саналады. Олар егін егіп, жер жыртып, экономиканың дамуына, әрі өндірістің өркендеуіне сүбелі үлесін қосып жүрген мәрт азаматтар «байлықтың атасы – еңбек, анасы – жер» екенін бізден артық білер. Өзінің ұрпағын маңдай тері арқылы адал аспен асырап, саналы тәрбие беріп жүрген жанның бірі – Жақсылық Төлебаев.Ел арасында еңбекқорлығымен танылған Жақсылық Төлебаев 1968 жылы Шиелі ауданына қарасты Бидайкөл елді мекенінде дүниеге келген. Әкесі шаруашылықта 45 жыл механизатор болып еңбек етсе, ал анасы колхозда сауыншы болған. Жақсылық аға әкесінің тынымсыз еңбегін көріп қана өскен жоқ, қолғабыс жасап жүріп, біліп те өсті. Еңбектің наны тәтті болатынын сол кезден-ақ түсінген. Кейіпкеріміз «Ынтымақ» ЖШС-де ұзақ жылдар бойы механизатор болып қызмет етеді. Ол алғаш рет мектеп қабырғасында жүріп, техниканың тілін меңгеріп еді. ДТ-75 тен бастап, «Беларусь» тракторында жұмысын жалғастырған. Кейіннен техниканың қыр-сырын үйреніп, бірден механизаторлықты игеріп шығады. 1987-1989 жылдар аралығындағы Отан алдындағы азаматтық борышын өтейді. Әскерден келгеннен бастап механизатор. Өз ісіне асқан жауапкершілікпен, ұқыптылықпен қарайтындықтан ұжымдастарының арасында беделді, ортасында сыйлы. Техниканы ұқыпты ұстайтын жігіт ағасы, темір тұлпары сынып далада қалғанда өзгеге елеңдемей өзі іске қосып, тапсырылған шаруаны тындырып жүреді. Осы еңбегі де барынша бағаланып, сол кезеңдегі барлық мадаққа ие болған. Өмірлерін бірге өрген жұбайы Гүлжауһар Ахметова отағасының жетістіктерін растайтын мақтау грамоталарын мақтанышпен тізбектеп көрсетті.<blockquote>«Жасымыздан тракторға отырдық. Содан «ДТ-75»-ті, одан соң «MacDon» комбайны мен тракторлардың түр-түрін жүргіздік. Уақыт өте келе қазіргі шетелдік техникаларды да игеріп алдық. Олармен жұмыс істеу қолайлы, көп сынбайды. Мен атақ-даңқ үшін емес, отбасым алдындағы жауапкершілігім үшін адал еңбек етіп келемін. Өзімнен кейінгі шаруашылыққа енді араласқан жастарға үнемі «адал нәрсенің берекесі бар» деп айтып отырамын. Осы еңбегімді ескеріп мерекелерде түрлі алғыс хаттармен марапаттап жатады. Сый ретінде талай жылқы мініп, түрлі кілемді қанжығамызға байладық. Осылай ел үшін жасаған еңбегіміздің ескеріліп жатқанына қуаныштымын», – дейді Жақсылық.</blockquote>Ол түтіні түзу шаңырақтың қамқоршысы, әрі тірегі. Жұбайы Гүлжауһар Ахметовамен отасқанына биыл – 30 жыл. Қанаттыға қақтырмай, тұмсықтыға шоқтырмай 4 баласын әлпештеп, аялап өсірді. Соңдарынан ерген екі атқамінері мен қос кестетігері бар. Бүгінде інжу той иелері абзал ата мен асыл әже атанып, немере-жиендерінің қызығын қызықтап, бақытқа бөленіп отырған отбасылардың бірі десек қателеспейміз.<img src="https://knadmin.beoblood.kz/uploads/Whats_App_Image_2023_06_22_at_17_52_32_f548cf0520.jpeg" alt="WhatsApp Image 2023-06-22 at 17.52.32.jpeg">

Қазақстан және Қызылорда облысының жаңалықтары