<a href="https://kyzylorda-news.kz/">Kyzylorda-news.kz.</a> Қызылорда қаласындағы Назарбаев Зияткерлік мектебінің 10 жылдығына орай және бұқаралық спортты дамыту мақсатында жеңіл атлетикалық марафон ұйымдастырды.&nbsp;Үшінші рет ұйымдастырылған көпшілік жүгіруге оқушылар, ата-аналар және мектеп қызметкерлері қатысты. 300-ден астам қатысушы Сырдария өзені жағалауымен 3 шақырым қашықтықта жүгірді.&nbsp;Марафон нәтижесі бойынша оқушылар арасында &nbsp;11-сынып оқушысы Аблайхан Бертаев және 10-сынып оқушысы Надира Атымтай бірінші болып жүгіріп келді. &nbsp;Ата-аналар арасында Кенжебек Шыңтемірұлы мен Динара Кенжигулова барлығынан озып, мәре сызығын кесіп өтті. Педагог-қызметкерлер арасынан Нариман Сариев пен София Тобылбаева жарыстың жеңімпаздары деп танылды.&nbsp;Ұйымдастырушылар тарапынан барлық жүлдегерлер естелік медальмен және дипломмен марапатталды.<img src="https://knadmin.beoblood.kz/uploads/394453660_3485376405125602_201534730777722864_n_3abff0b21e.jpg" alt="394453660_3485376405125602_201534730777722864_n.jpg"><img src="https://knadmin.beoblood.kz/uploads/394761726_3485378718458704_296779274473619503_n_3af4f81910.jpg" alt="394761726_3485378718458704_296779274473619503_n.jpg"><img src="https://knadmin.beoblood.kz/uploads/394602408_3485378891792020_4927193993439187172_n_39cd6dc0bd.jpg" alt="394602408_3485378891792020_4927193993439187172_n.jpg"><img src="https://knadmin.beoblood.kz/uploads/394729988_3485376321792277_6146096471271703704_n_e69bd44b94.jpg" alt="394729988_3485376321792277_6146096471271703704_n.jpg">

NIS Marathon: 300-ден астам қатысушы өзен жағалауымен 3 шақырым қашықтықта жүгірді

<a href="https://kyzylorda-news.kz/">Kyzylorda-news.kz.</a> 2023 жылы «Ауыл - Ел бесігі» бағдарламасы аясында Қалжан ахун елді мекеніне жеткізуші газ құбырын және орамішілік газ тарату желілерін салу жобасына мемлекеттік сатып алу жұмыстары нәтижесінде, мердігер мекеме «Ремстрой» ЖШС анықталды.Аталған мердігер мекемемен келісім шарт жасалып, елді мекен бойынша жалпы ұзындығы 19,7 км құрайтын газ құбырлары жүргізілді. Тұрғын үйлерге арналған 149 дана газ құбыры түтігі орналастырылып, бүгінгі таңда, 5 дана газ реттегіш шкаф пункттері орнатылды. Бүгінгі таңда, газ құбырының тиісті құрылғыларын орнату жұмыстары атқарылуда.Сонымен қатар, С.Сейфуллин А.Тоқмағанбетов елді мекенін газбен қамтамасыз ету жобасының басталуына облыстық бюджеттен - 20,0 млн. теңге қаржы бөлінді. Ағымдағы жылы мемлекеттік сатып алу нәтижесінде «АЭS and Limited» ЖШС мердігер мекеме ретінде анықталды. Елді мекендер бойынша жалпы ұзындығы 48,6 км құрайтын газ құбырлары жүргізіліп, 882 тұрғын үй табиғи газбен қамтылатын болады.&nbsp;Бүгінгі таңда, мердігер мекеме елді мекендерде 6,6 км құрайтын жоғары қысымдағы газ құбырын тарту жұмыстарын атқаруда. Құрылыс жұмыстары 2024 жылға өтпелі.

Сырдарияда табиғи газды пайдаланатын тұрғандар саны артады

<a href="https://kyzylorda-news.kz/">Kyzylorda-news.kz.</a> 24-26 қазан күндері еліміздің көп аймақтарында тұрақсыз ауа райы сақталады, деп хабарлайды Қазгидромте.Синоптиктер атмосфералық фронттардың бірнеше жүйесі бар солтүстік циклон Қазақстан тұрғындарына қыстың жақындап келе жатқанын сездіретінін болжады.Атап айтқанда, ауа-райы тұрақсызданып, қатты жел, көктайғақ құбылыстары мен қар аралас жаңбыр күтіледі. Барикалық құбылыстар бүкіл республика бойынша температураның жоғарылауына әкеледі. Бірақ кезеңнің соңында Скандинавия түбегінің аймақтарынан суық арктикалық ауа массаларының енуі еліміздің батыс, солтүстік-батыс және солтүстік аймақтарында салқындауға әкеліп соғады.Мәселен, республиканың батысында түнгі сағаттарда температура -6 градус аяздан 3 градусқа &nbsp;дейін, солтүстік-батыста 0-7 градус аязға дейін төмендейді. Елімідің солтүстігінде -5 градус аяздан 5 жылыға дейін күтіледі.

Синоптиктер алдағы үш күнге арналған ауа райы болжамын жасады

<a href="https://kyzylorda-news.kz/">Kyzylorda-news.kz.</a>&nbsp; Ұлттық тестілеу <a href="https://www.testcenter.kz/press-tsentr/novosti/?ELEMENT_ID=6686">орталығы</a> 2023-2024 оқу жылына магистрлерді даярлауға арналған мемлекеттік білім беру тапсырысын жариялады, деп хабарлайды Ұлттық тестілеу орталығының ресми сайты.Тізімде мамандықтардың кодтары, білім беру бағдарламаларының нөмірлері мен атаулары, әр білім беру бағдарламасы бойынша гранттар саны белгіленген.Тізімге сәйкес, ғылыми-педагогикалық магистратура бағдарламасына 3860, бейінді магистратураға 467 грант бөлінген.Гранттар тізімін <a href="https://www.testcenter.kz/upload/23-10/2023-2024%20%D0%BE%D2%9B%D1%83%20%D0%B6%D1%8B%D0%BB%D1%8B%D0%BD%D0%B0%20%D0%BC%D0%B0%D0%B3%D0%B8%D1%81%D1%82%D1%80%D0%BB%D0%B5%D1%80%D0%B4%D1%96%20%D0%B4%D0%B0%D1%8F%D1%80%D0%BB%D0%B0%D1%83%D2%93%D0%B0%20%D0%B0%D1%80%D0%BD%D0%B0%D0%BB%D2%93%D0%B0%D0%BD%20%D0%BC%D0%B5%D0%BC%D0%BB%D0%B5%D0%BA%D0%B5%D1%82%D1%82%D1%96%D0%BA%20%D0%B1%D1%96%D0%BB%D1%96%D0%BC%20%D0%B1%D0%B5%D1%80%D1%83%20%D1%82%D0%B0%D0%BF%D1%81%D1%8B%D1%80%D1%8B%D1%81%D1%8B.pdf">мына</a> жерден көруге болады.Осыған дейін елімізде докторантура грантын иеленгендер <a href="https://kaz.inform.kz/news/elmzde-doktorantura-grantin-ielengender-tzm-zhariyalandi-16bd6c/">тізімі </a>жарияланғанын жаздық. &nbsp;

Магистранттарды даярлауға арналған мемлекеттік білім беру гранттарының тізімі жарияланды

<a href="https://okg.kz/">ФОТО</a><a href="https://kyzylorda-news.kz/">Kyzylorda-news.kz.</a>&nbsp; Қызылордада кәмелетке толмағанға пышақ жарақатын салған &nbsp;колледж студенті ұсталды. 20 қазан сағат 13:30 шамасында Титов қыстағы “Өркениет” оқу орталығының маңайында колледж студенттерінің арасында жанжал болып, нәтижесінде кәмелетке толмаған жәбірленуші пышақталған дене жарақатымен облыстық ауруханаға жеткізілген.&nbsp;Жедел-іздестіру шараларын жүргізу кезінде 17 жастағы күдікті ұсталып, уақытша ұстау изоляторына қамаққа алынды.​Аталған дерек бойынша Қазақстан Республикасы Қылмыстық кодексінің 293-бабы 3-бөлігімен (Бұзақылық) сотқа дейінгі тергеп-тексеру амалдары жүргізіліп жатыр. Аталған баптың санкциясымен күдіктіге қатысты 3 жылдан 7 жылға дейінгі бас бостандығынан айыру жазасы тағайындалуы мүмкін.&nbsp;<blockquote>– Құрметті ата-аналар! Өз балаларыңыздың өмірі мен тағдыры үшін жауапты екендеріңізді ұмытпаңыздар! Сол себепті оларды өз беттерінше қалдырып, оқудан тыс бос уақыттарын қадағалауды сұраймыз! Бірлесіп атқарған жұмыстар жасөспірімдер арасында құқық бұзушылық пен қылмыстың төмендеуіне септігін тигізетініне сенеміз, – дейді полиция қызметкерлері.</blockquote>&nbsp;

Қызылордада бұзақылық жасаған колледж студенті ұсталды  

<a href="https://kyzylorda-news.kz/">Kyzylorda-news.kz.</a>&nbsp; 25 қазан - Республика күні мерекесі еліміздің барлық өңірінде қоғамдық тәртіпті бақылау күшейтіледі, деп хабарлайды Kazinform.<blockquote>«Республика күні қоғамдық тәртіпті қамтамасыз ету үшін барлық қажетті шара қабылдануда. 24-26 қазан аралығында жеке құрамның қызметі күшейтілген режимге ауысады. Әкімдіктермен бірлесіп мәдени іс-шаралар өтетін орындар белгіленді», - деді Ішкі істер министрлігі әкімшілік полиция комитеті ерекше тапсырмалар жөніндегі аға инспекторы Айдын Оразбаев министрлікте өткен баспасөз мәслихатында.</blockquote>Оның айтуынша, қоғамдық тәртіпті бақылау күштері мен құралдар дайындалды.<blockquote>«Мереке күні қоғамдық тәртіпті сақтауға тартылған полиция қызметкерлері мен Ұлттық ұлан қызметшілерінің санын 20 мыңға дейін көбейту көзделген. Адамдар көп жиналатын және демалатын орындарда полиция жасақтары болады. Сонымен қатар адамдар жиі шоғырланатын орындар жедел басқару орталықтарының бейнебақылау камералары мен визуалды бақылауға алынады. Ахуалды мониторинг үшін жедел штаб жұмыс атқарады. Штабтар барлық өңірде ашылады», - дейді ол.</blockquote>

Республика күні барлық өңірде жедел штаб жұмыс істейді 

<a href="https://kyzylorda-news.kz/">Kyzylorda-news.kz.</a>&nbsp; Тамыры терең, тарихы кенен Қызылорда облысының 85 жылдығы Шиелі ауданының 95 жылдық мерейтойымен де қатар келді. Осыған орай аудан орталығында ауқымды гала-концерт ұйымдастырылды.Облыс әкімі Нұрлыбек Нәлібаев аудан тұрғындарын қос мерекемен құттықтады.<blockquote>«Биыл қасиетті Сыр өңіріндегі Қызылорда облысының құрылғанына 85 жыл толды. Мерейлі мереке қарсаңында халықтың тұрмыс-тіршілігіне оң әсер ететін көптеген игі істер, оң бастамалар жүзеге асты. Жақында Үкімет 9 айдың қорытындысын жариялап, аймағымыздың даму көрсеткіштері республикадағы үздік үштікте екені атап өтілді. Шиелі ауданында сауда, туризм саласы бойынша құны 2 млрд теңгені құрайтын 10 жоба, 28 млрд теңгені құрайтын 15 жеке инвестициялық жоба жүзеге асырылуда. Жобалар іске қосылғанда 860 жаңа жұмыс орны ашылады. Шиелі - 41 Еңбек ері шыққан, Жер-анадан несібесін теріп, маңдай терін төккен еңбек адамдарының мекені. Қасым-Жомарт Кемелұлы Нағи Ілиясов ауылында өткен еңбек адамдарымен кездесуде: «Шын мәнінде, еңбек адамдары - халқымыз үшін ең қажет азаматтар. Ең алдымен, біз еңбек адамдарына құрмет көрсетуіміз керек», – деген болатын. Ауданның жетістіктері - баршаңыздың бір жағадан бас, бір жеңнен қол шығарып, ынтымақ, бірлік, келісіммен жасаған тірліктеріңіздің нәтижесі», - деді аймақ басшысы.</blockquote>Нұрлыбек Машбекұлы тәуелсіздік жылдарынан бері ауданды басқарған ел ағаларын құттықтап, халықтың ынтымағын сақтап, ырысын тасыту жолындағы атқарған жұмыстарына алғыс білдірді. Іс-шарада бірқатар азамат облыс әкімінің Алғыс хатымен марапатталды.Мерекелік кеш өнерпаздардың ән шашуы мен халық көңілін көтерген концерттік бағдарламаға ұласты.<figure class="image"><img src="https://knadmin.beoblood.kz/uploads/392917016_630420922612489_3397088893480321624_n_358ddbc00d.jpg" alt="392917016_630420922612489_3397088893480321624_n.jpg"></figure>&nbsp;<figure class="image"><img src="https://knadmin.beoblood.kz/uploads/392921160_630421059279142_6270573929797926839_n_39cccefc67.jpg" alt="392921160_630421059279142_6270573929797926839_n.jpg"></figure>&nbsp;<figure class="image"><img src="https://knadmin.beoblood.kz/uploads/395412463_630421005945814_2885055634177359475_n_d06ccf8034.jpg" alt="395412463_630421005945814_2885055634177359475_n.jpg"></figure>

Облыс әкімі Шиеліліктерді аудан мерейтойымен құттықтады

<a href="https://kyzylorda-news.kz/">Kyzylorda-news.kz.</a> 23 қазанда күн райының бұзылуына байланысты бірқатар өңірде ескерту жарияланды, деп хабарлайды Қазгидромет.Атап айтқанда, Астана қаласында түнде және таңертең жауын-шашын (жаңбыр соңы қарға ұласады), көктайғақ күтіледі. Солтүстік-батыстан соғатын жел оңтүстік-батысқа ауысып, түнде екпіні 15-20 м/с құрайды.Түнде және таңертең Батыс Қазақстан облысының солтүстігі мен шығысында тұман болжанады.Күндіз Жетісу облысының таулы аудандарында қатты жаңбыр жауып, таулы аудандарда тұман күтіледі. Оңтүстік-батыстан соғатын желдің екпіні облыстың орталығында, батысы мен шығысында 15-20 м/с құрайды.Күндіз Алматы облысының оңтүстігінде кей уақытта қатты жаңбыр жауып, таулы аудандарда жаңбыр мен қар жауын-шашын болады. Түнде және таңертең облыстың таулы аудандарда кей уақытта тұман күтіледі. Батыстан жел соғады, облыстың оңтүстігі мен таулы аудандарында екпіні 17-22 м/с жетеді.Түнде және таңертең Атырау облысының батысы мен оңтүстігінде тұман болжанады.Түнде және таңертең Ақмола облысының оңтүстігінде, солтүстігі мен шығысында жауын-шашын (жаңбырдың соңы қарға ұласады) күтіледі. Өңірдің оңтүстігінде, солтүстігі мен шығысында тұман, көктайғақ болжанады. Солтүстік-батыстан соғатын жел оңтүстік-батысқа ауысып, түнде екпіні 15-20 м/с, облыстың солтүстігі мен шығысында кей уақытта 23 м/с күшейеді.Манғыстау облысының солтүстігі мен шығысын тұман басады.Қарағанды облысының солтүстігі мен шығысында тұман, көктайғақ күтіледі. Батыстан, солтүстік-батыстан жел соғып, түнде күші 15-20, кей уақытта 25 м/с құрайды.Түнде Ұлытау облысында тұман, көктайғақ күтіледі. Солтүстік-батыстан жел соғады, түнде күші 15-20 м/с құрайды.Түнде және таңертең Ақтөбе облысының батысы мен солтүстігінде тұман болжанады.Абай облысында оңтүстік-батыстан соғатын жел солтүстік-батысқа ауысып, күші 15-20 м/с, облыстың солтүстігінде, батысы мен орталығында екпіні 23-28 м/с артады.Түнде Павлодар облысында жауын-шашын жауады. Күндіз өңірдің солтүстік жартысында аздаған жауын-шашын (жаңбыр, қар) байқалады. Облыстың басым бөлгінде көктайғақ күтіледі. Оңтүстік-батыстан, батыстан жел соғып, екпіні 23-28 м/с жетеді.Қостанай облысының батысы мен солтүстігінде тұман күтіледі. Солтүстік-батыстан соғатын жел оңтүстік-батысқа ауысып, күші 9-14, облыстың солтүстігінде, шығысында 15-20 м/с құрайды.Шығыс Қазақстан облысының шығысында қатты жауын-шашын (жаңбыр, қар), көктайғақ күтіледі. Оңтүстік-батыстан соғатын жел солтүстік-батысқа ауысып, екпіні 23-28 м/с жетеді.Түнде Солтүстік Қазақстан облысының солтүстігі мен шығысында жауын-шашын (жаңбырдың соңы қарға ұласады) жауады. Өңірдің солтүстігі мен шығысында көктайғақ күтіледі. Солтүстік-батыстан соғатын жел оңтүстік-батысқа ауысып, екпіні 23-28 м/с артуы ықтимал.Түнде және таңертең Түркістан облысының таулы аудандарында қатты жаңбыр күтіледі. Солтүстік-батыстан жел соғады, облыстың оңтүстігінде, батысында, таулы және тау бөктерлі аудандарында күші 23 м/с жетуі мүмкін.Шымкент қаласында солтүстік-батыстан жел соғады, екпіні кей уақытта 23 м/с күшейеді.

Ауа райы: Бүгін бірнеше өңірде ескерту жарияланды

&nbsp;Kyzylorda-news.kz. Жаңақорған ауданының 95 жылдығына орай "Құрмет" орденінің иегері, еңбек ардагері Машбек Нәлібаевты еске алуға арналған қазақ күресінен жастар арасындағы дәстүрлі республикалық турнир ұйымдастырылды.Қазақ күресі – ұлттық рухтың, білек пен жүректің, батылдық пен қайсарлықтың бәсекесі. Сыр елінде бастау алған «Алтын белбеу» турнирінің республикалық деңгейге көтерілуі өңірде қазақ күресінің &nbsp;серпін алып, жастардың спортқа қызығушылығын еселей түсті. Қазір аймақта қазақ күресімен 6710 спортшы шұғылданады. Бұл - болашақ чемпиондардың бастауы, салауатты елдегі самғаудың белгісі. Дәстүрлі шара &nbsp;еңбек ардагеріне тағзым жасаудың &nbsp;үлгісі болса, екінші жағынан бұқаралық спортты дамытудың тиімді тәсілі.Республикалық турнирге Қазақстанның 8 облысы, 2 қаласынан және ҚР ұлттық құрама командасынан 400 спортшы бақ сынады.Мұнан бөлек, волейболдан, шағын футболдан облыстық турнир, үстел теннисінен мемлекет және қоғам қайраткері Бердібек Сапарбаевты еске алуға арналған облыстық &nbsp;турнир өтті. 2005 жылдан бері тұрақты өткізіліп келетін Машбек Нәлібаевты еске алуға арналған &nbsp;жарысқа қатысушылар саны жыл өткен сайын артуда. Биыл 16-ші мәрте ұйымдастырылған сайыс талай дарынды жастың жолын ашып, шағын ауыл жаһандық спорт жарыстарының орталығына айналды.Жарысқа үздіксіз қатысып, толағай нәтижелерге қол жеткізген спортшылар қазір ұлттық құрама сапында өнер көрсетуде. Атап айтсақ, &nbsp;қазақ күресінен Әлем чемпионы Ғалымжан Абдрахманов, Нұрым Сәлімгереев, Бекжан Төлепов, әр жылдары «Қазақстан барысы» атанған Еламан Ерғалиев, Мақсат Исағабылов, биылғы облыстық «Алтын белбеу» иегері Айбек Серікбаев - осы турнирден түлеп ұшқан спортшылар.Турнир нәтижесінде 55 келі салмақта 1 орын қызылордалық Ержігіт Мейіржанға бұйырды.60 келі салмақта қызылордалық палуан Алдаберген Бекзат, 66 келіде жамбылдық спортшы Әлімби Әли жеңімпаз атанды.72 және 78 келі салмақтарда 1 орынды Жамбыл облысынан келген спортшылар Сары Жалғас және Бектұрсын Абылай жеңіп алды.84 келі салмақта түркістандық Жанәділ Бекасыл, ал &nbsp;90 келіде Ұлттық ат спорты орталығының шәкірті Нұғман Бибарыс үздік атанды.100 келіде1 орынды БҚО өкілі Жанболатов Ернар, ал +100 келі салмақта &nbsp;қызылордалық Сұлтан Бейбарыс алды.

Жаңақорған ауданында қазақ күресінен республикалық турнир өтті

Kyzylorda-news.kz. Жаңақорған ауданында облыстың 85, ауданның 95 жылдығына тарту ретінде теміржол вокзалы мен Хорасан ата кесенесі абаттандырылуда.Облыс әкімі Нұрлыбек Нәлібаев нысандарды аралап, жұмыс барысымен танысты.Жаңақорған кентіндегі теміржол вокзалының ғимаратын «Ақ-Юг құрылыс» ЖШС абаттандыруда, жобаның құны 53 млн теңге. 0,20 гектар аумағына субұрқақ, гүлзарлар, орындықтар орналастыру қарастырылған.Әрі қарай аймақ басшысы &nbsp;Хорасан ата кесенесіне барды. Кесене XIV ғасырда салынған, 2005 жылдан бері қайта жаңғырту жұмыстары жүргізілмеген. Биыл демеушілер есебінен 100 млн теңге бөлініп, абаттандыру жұмыстары жүргізілмек. Зиярат ету орталығының аумағында кесене, мешіт, музей, асхана, бастырма орналасқан.Айта кетейік, биыл тарихтың ізі қалған, сыры тұнған қасиетті орындар – Қорқыт ата ескерткіш- кешеніне, Хорасан ата, Оқшы ата және Марал баба кесенелеріне қайта жаңғырту, айналасын абаттандыру жұмыстары жүргізілмек. Бұл — Қызылорда облысының 85 жылдығына арналған тарту.<img src="https://knadmin.beoblood.kz/uploads/IMG_20231022_WA_0031_53046abd45.jpg" alt="IMG-20231022-WA0031.jpg"><img src="https://knadmin.beoblood.kz/uploads/IMG_20231022_WA_0030_7a06481d58.jpg" alt="IMG-20231022-WA0030.jpg"><img src="https://knadmin.beoblood.kz/uploads/IMG_20231022_WA_0027_db4854717d.jpg" alt="IMG-20231022-WA0027.jpg"><img src="https://knadmin.beoblood.kz/uploads/IMG_20231022_WA_0029_bcd74de780.jpg" alt="IMG-20231022-WA0029.jpg">

Жаңақорған ауданында теміржол вокзалы мен Хорасан ата кесенесі абаттандырылуда

Kyzylorda-news.kz. Қызылорда облысының 85, Жаңақорған ауданының 95 жылдығы аясында Жайылма ауылдық округіндегі 150 орындық клубтың ашылу салтанаты өтті.Облыс әкімі Нұрлыбек Нәлібаев жерлестерін қос мерекемен құттықтады.<blockquote>«Ертеңін ойлаған ел алдымен мәдениетке бет бұрады. Көсемсөз зергері, жазушы Мұхтар Әуезов: «Ғылым мен мәдениет - барлық дүниенің алтын алқасы», – деген. Өңірде саланы дамытуда ауқымды жобалар жүзеге асырылуда. Осы айдың басында «Отбасы», «Анаға тағзым» орталықтары пайдалануға берілді. Аймақта алғаш рет симфония оркестрі құрылды. "Өнер орталығының" құрылысы аяқталуға жақын. Демеуші есебінен жыл соңына дейін музыкалық колледж ғимаратының іргетасы қаланады. Келер жылы аудандарда салтанат сарайы, кітапхана, музей, архив орналасатын, жастар, ардагерлер мен аналар бас қосатын «Руханият» орталықтары салынады.Бұл орталықтарда ұлттық құндылықтар дәріптеліп, салт-дәстүр насихатталады. Енді ауылдықтар осы жерге жиналып, түрлі рухани кештер, шаралар ұйымдастырады. Заманауи үлгідегі жаңа клуб сахнасынан түлеген &nbsp;таланттар биікке самғайтынына сенемін», - деді аймақ басшысы.</blockquote>Жайылма ауылдық округі ардагерлер кеңесінің төрағасы Тұрар Баймаханов бата берді. &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; Іс-шарада қызметкерлер облыс әкімінің Алғыс хатымен марапатталды.Жаңа клуб екі қабатты, ғимарат ішінде көрермендер залы мен 22 бөлме бар. Айта кетейік, &nbsp;Қала күні мерекесінде Қызылорда қаласының Қарауылтөбе ауылында да 150 орындық клуб жұмысын бастады. Жыл соңына дейін Өзгент ауылында осындай нысан &nbsp;пайдалануға берілмек.

Жаңақорған ауданында жаңа клуб ашылды

Kyzylorda-news.kz. Шежірелі аймақтың 85 жылдығы мен &nbsp;Жаңақорған ауданының 95 жылдығы қатар келіп, қос &nbsp;мереке кең көлемде аталуда. &nbsp;Жаңақорған ауданының орталығында «Жайлы мектеп» ұлттық жобасымен салынатын 600 орындық мектептің құрылысы басталды.Облыс әкімі Нұрлыбек Нәлібаев білім ордасының іргетасын қалау рәсіміне қатысып, жерлестерін қос мерекемен құттықтады.<blockquote>«Қазір аймақта басымдық берілген саланың бірі – білім. Оған бағытталған қаржы көлемі &nbsp;245 млрд теңгеге жетті. Көптеген ауқымды жобалар сәтті жүзеге асырылуда. Алдағы үш жылда Мемлекет басшысының бастамасымен қолға алынған «Жайлы мектеп» ұлттық жобасы аясында өңірімізде құны 100 млрд теңге болатын 12 300 орындық 21 мектеп салынады. Бүгінде 10 мектептің құрылысы басталды. Ал, қалған 11-інің құрылысы жыл соңында және алдағы жылдың басында басталады. Соның бірінің іргетасын бүгін өздеріңізбен бірге қалаймыз. Білім ордасы озық ойлы, өнерге құштар, спортқа бейім дарынды балалардың шамшырағын жағатын мекен болғай», - деді аймақ басшысы.</blockquote>Құрылыс алаңында білім саласының ардагері Серік Мұсабай бата берді.Бас мердігер «Аман-Құрылыс» &nbsp;ЖШС директоры Әділхан Маштаев Құрмет грамотасымен, мекеменің 3 қызметкері алғыс хатпен марапатталды.Айта кетейік, бүгінде «Білімді қолдау қоры» есебінен Қызылорда қаласында құны 7,9 млрд теңге болатын физика-математика бағытындағы мектеп-интернат құрылысы қарқынды жүргізілуде. Облыс орталығында осы кезге дейін бір ғана "Оқушылар үйі" болса, &nbsp;биыл «ҚазГерМұнай» компаниясының демеушілігімен &nbsp;2,5 млрд. теңгеге &nbsp;350 орындық заманауи үлгідегі "Оқушылар сарайының" құрылысы басталды. «Саутс Ойл» компаниясының демеушілігімен Сырдария өзенінің сол жағалауынан 4,8 млрд. теңгеге &nbsp;музыкалық колледждің жаңа &nbsp;ғимараты салынады. Ауыл балалары үшін 900 орындық 4 мектеп осы жылы ел игілігіне табысталмақ.

Қазақстан және Қызылорда облысының жаңалықтары