<a href="https://kyzylorda-news.kz/">Kyzylorda-news.kz</a> Қазіргі таңда мемлекет тарапынан жергілікті әкімдіктерге қойылып отырған бірінші талап – кәсіпкерлікті дамытып, жұмыс орындарын ашу, жергілікті салық базасын ұлғайту және қоғамдық саяси тұрақтылықты сақтау. Өңірде кәсіпкерлік саласын дамытуда бірқатар шаралар атқарылуда. Бұл бағытта мемлекет тарапынан жасалып жатқан қолдаулар да бар. Орта және шағын бизнестің дамуына қолдау ретінде түрлі бағдарламалар іске қосылып, нәтижесін беруде. Яғни, кәсіпкерлік көкжиегінің кеңеюі жұмыссыздық мәселесінің оң шешілуіне ықпал етіп келеді. Осыған орай, Шиелі аудандық кәсіпкерлік, өнеркәсіп және туризм бөлімінің қоян жылында &nbsp;атқарған жұмыстарына тоқталуды жөн көрдік.Шиелі аудандық кәсіпкерлік, өнеркәсіп және туризм бөлімі берген мәліметтерге сүйенсек, өткен жылы 1 қыркүйекте тіркелген шағын және орта кәсіпкерлік субъектілерінің саны – 7 340 бірлікті құрапты. Оның ішінде 7040 шағын орта кәсіпкерлік субъекті бүгінгі таңда жұмыс істеп тұр. Бұл көрсеткіш 2022 жылмен салыстырғанда 129,6 пайызды құрайды. Белсенділік көрсеткіші 132,6 пайызды көрсетеді. Бұл киелі өлке үшін қуанарлық көрсеткіш десек те болады.«Бастау бизнес» көп кәсіптің бастамасы болмақИә, жоғарыдағы көрсеткіш бойынша өткен жылы Шиелі ауданы бюджеті айтарлықтай толықты деуге болады. Табыскер жандардың еңбекқорлығының арқасында шағын кәсіпкерлік субъектілерінің өнім шығарылымы 50 миллиард 350 миллион теңгені құраса, жұмыспен қамтылған жандардың саны – 12 мыңға жеткен. «Бизнестің жол картасы – 2025» мемлекеттік бағдарламасы – бұл бұрын беймәлім болып келген бизнес әлемінің қыр-сырын толыққанды меңгеруге септігін тигізетін бағдарлама. Жұмыс істеймін деп талпынған жандарға кәсіптің аз емес екені белгілі. Әсіресе табиғаты тамылжыған Шиелі ауданында ауыл шаруашылығы саласында мүмкіндік аз емес. Ата кәсіп мал бағып, алтын дән себуге әбден болады. Халыққа қызмет көрсету саласында да сұраныс жетіп артылады. Осы ретте, мемлекет тарапынан зор көмек көрсетіліп отырғанын айта өткен жөн. Шиелі ауданында аталған бағдарлама аясында өткен жылы 247 жобаға 3 миллард 739 миллион теңге қаржы қаралған.Тарқатып айтар болсақ, «Ұлттық жоба аясында» бизнесті дамыту және қолдау мемлекеттік бағдарламасының субсидиялау бағыты бойынша 55 жобаға 1 млрд 981 млн теңге көлемінде қаражат бөлінген. Ал «Наурыз-Дем» НС» ЖШС арқылы 22 жобаға 661 млн теңге бөлінсе, Қызылорда Өңірлік инвес­тиция орталығы арқылы 42 жобаға 243 млн теңге қаралған. Сол секілді ауыл шаруашылығын қаржылай қолдау қоры 33 жобаға 649 млн теңге, «Ұлттық жоба» аясында 74 жоба 102 млн теңге грант бөлінген. Ал жастарға 2,5 пайызбен шағын несие қаражатын беруге 21 жоба қаралып, 93,5 млн теңге бөлінуде. «Ауыл аманаты» жобасы бойынша ауданнан 479 жоба қаралып, оның 409 жобасы бақылау кеңесіне дайын тұр. Құны 1 млрд 687 млн теңге, сонымен бірге 9 жобаға 69,7 млн теңге көлемінде қаржылай қолдау тапқан.Сауда-саттықтың жайы қалай?Өткен жылы бөлшек сауда көлемі 7 миллиард 097 млн теңгеге өсіп, 2022 жылмен салыстырғанда 105,5 пайызды құрап отыр. Ауданда сауда-саттық және туризм саласы бойынша жобалық құны 2 млрд теңгені құрайтын 10 жобаның құрылыс жұмыстары бастау алып, жыл соңында іске қосылыпты. Аталған 10 жобаның құрылысын тарқатып айтар болсақ, «Әбдіманап базары» ЖШС-ның сауда дүкенінің құрылысына жалпы құны – 70 млн теңге бөлініп, алдағы уақытта 10 жаңа жұмыс орны ашылатын болады. Дәл осындай қаржы «Ерас» ЖК-ның көлік жуу орталығының құрылысына жұмсалмақ. Сондай-ақ, 50 млн теңге «Асия» ЖК-ның көлік жуу орталығының құрлысына жұмсалады. Ал Жантаев Нұржан сауда орталығына 200 млн теңге бөлінген.Ал, «Болашақ комфорт» ЖШС-ның «Тұран» қонақ үйінің қосымша құрылысына 50 млн теңге, «Мирас» ЖК-нің жол бойы сервистік қызмет көрсету кешеніне 400 млн теңге, «Даму» ЖК-нің бизнес орталығына 150 млн теңге, «Керимова» ЖК-нің «Мята» тамақтану орнына 110 млн теңге, «Халықберді» ЖШС-ның «Халықберді» клиникасының құрылысына 200 млн теңге, «Әбдіманап базары» ЖШС-ның 3 қабатты сауда үйінің құрылысына жалпы 700 млн теңге қаржы бөлінген. Осы аталған жобалар іске қосылған жағдайда жаңадан 270 адам тұрақты жұмыспен қамтылатын болады. Осындай мемлекеттік бағдарламалар талабы бар жанның табысын еселеп, өз кәсібін дөңгелетуге мүмкіндік берсе, екінші жағынан ел ішіндегі жұмыссыздықтың азаюына септігін тигізбек. Алдағы уақытта да ілкімді іске ұйытқы болатын шаруалар өз кезегімен жалғаса бермек.Фото: pexels

Шиелі: Кәсіпкерлік әлеуеті артып келеді

<a href="https://kyzylorda-news.kz/">Kyzylorda-news.kz.</a>&nbsp; Еліміз бойынша 10 сәуір күні басталған экологиялық акция 11 мамырға дейін жалғасады. Әр аптаға арнайы ат беріліп, түрлі бағытта экологиялық іс-шаралар ұйымдастырылуда. Мәселен 14-20 сәуір дейінгі апталық «Киелі мекен» &nbsp;деп аталды.Бұл аптада тарихи-мәдени ескерткіштердің аумағына абаттандыру жұмыстары жүргізіледі. Осы орайда шиелілік тұрғындар акцияға қатысуда.&nbsp;Бүгін аудандағы &nbsp;киелі орын саналатын Оқшы ата қорымының айналасына санитарлық тазалық жұмыстарын жүргізіп, ағаш көшеттерін отырғызды. Науқанға жергілікті тұрғындар, мәдениет қызметкерлері мен еріктілер барлығы 30-дан аса адам қатысты.<img src="https://knadmin.beoblood.kz/uploads/6f60e53e_1261_4df0_9668_e7596cef90d0_75d9de2bc9.jpg" alt="6f60e53e-1261-4df0-9668-e7596cef90d0.jpg"><img src="https://knadmin.beoblood.kz/uploads/31705d0c_62b3_4629_8214_7194d50b458e_50dbe64fdb.jpg" alt="31705d0c-62b3-4629-8214-7194d50b458e.jpg">

"Киелі мекен" акциясына шиеліліктер  атсалысуда

<a href="https://kyzylorda-news.kz/">Kyzylorda-news.kz</a> Мемлекет басшысы Қасым-Жомарт Кемелұлы Тоқаев: "Кәсіпкерлікті жүйелі түрде қолдау жұмыстарының&nbsp;бәрін басынан бастап реттеу керек. Тапсырма екі жылдан бері орындалмай келеді. Жүздеген, тіпті мыңдаған заңнамалық құжат пен нұсқаулықты қайта-қайта түзете бергеннен ештеңе шықпайды. Оның орнына ықшамды әрі түсінікті жаңа ережелерді бекіткен жөн. Мұндай тәсілді 2024 жылғы 1 қаңтардан бастап толық енгізу қажет. Еңбекақы төлеу қорын көбейткен және салық төлемдерін арттырған кәсіпорындарға қолдау көрсетіледі. Бұл – негізгі талап. Сонымен қатар, мемлекеттен көмек алатын бизнес өкілдерін анықтайтын автоматты жүйе енгізіледі. Мемлекеттік сатып алудың мүлде жаңа жүйесі жасалады. Бағаның төмен болуы ғана емес, тауарлар мен қызметтердің сапасы басты назарда болады. Мемлекеттік және квазимемлекеттік сатып алуды бірыңғай платформаға көшіру қажет. Осының бәрін жүзеге асыру үшін "Мемлекеттік сатып алу туралы" жаңа заң қабылдануға тиіс" деп кәсіпкерлерге жасалатын қолдаудың қаншалықты артатынын баса айтқан болатын. Міне, осы бағыттағы жұмыстар қазірде ел көлемінде ауқымды түрде жүргізіліп жатыр.&nbsp;Бұл жұмыстар ауданда да ауқымды түрде жүзеге асып, мемлекеттің қолдауына кенеліп жүрген жандар аз емес. Ендеше солар жайлы айта кетсек.&nbsp;Айтпақшы, мемлекеттің қолдаудың тағы бір бағыты кәсіп бастаймын деген азаматтарға арналған гранттар бөлу. Расында бұл көпшілікке ойда жүрген, қолдан келетін өнерін, ептілігін күнкөріс көзіне айналдыру ғана емес, сол арқылы өзгенің де сұранысын қамтамасыз етудің нақты жолы. Былтыр берілген гранттың аудан халқы игілігін көруде. Қолдаудан қанаттанған жандардың арасында жаңа идеялар мен ауданнан алғаш рет шығарылып отырған өнімнің иелері де бар. Солардың бірі Арал қаласының осы бір тұрғыны.Көршілес Қазалы ауданынан шығатын «Қазалы» кәмпитінің дәмі баршаның ауызында болар. Нарыққа еркін еніп, көпшіліктің көңілінен шыққан өнімнен расында дәм татпау мүмкін емес. Ал осындай кәмпит бізден де шығады десек сенесіздер ме? Ендеше айтайық.Бұл – «Біздің кәмпит». Расында солай. Ауызыңыздың дәмін, дастарқаныңыздың сәнін келтіретін бұл өнімнен ауыз тисеңіз, есіңізде кетпейді. Оған көзіміз жетті. Тәттіқұмар балалық шағымыз еске оралып, баладай қуанып қайттық. «Біздің кәмпитті» шығарып отырған Меңтай Жүсіповамен тілдескенімізде шыққанына 1 жыл ғана болған бұл өнімдерге бүкінде сұраныс артып келеді. Арал қаласынан бөлек ауылдық жерлерден де тапсырыс беретіндер бар екен.<blockquote>– Қазірде кәсіппен айналасыман деген жанға қолдау көп қой. Соны естіп, көріп жүргендіктен қарап қала алмадық. Алғашында «не кәсіп бастасақ болады?» деген сауал мазалады. Сонда жолдасым Абдулла Жүсіпов дәл осы «кәмпит шығаруды қолға алсақ қайтеді?» деген еді, – дейді кәсіп иесі.</blockquote>Бірақ барлығы бірден қалпына келіп, жолға түсе қоюы мүмкін емес қой. Сол қиындықты жергілікті кәсіпкер, көп балалы ана Меңтай да бастан өткерген. Бұрын соңды ауданда мұндай кәсіп көзі болмағандықтан кәмпиттің құрамын, қалай жасалатынын үйренуге де айтарлықтай уақыт кеткен. Жер-жерден кәмпит өндірісінің тәсілін сұрастырып, өз дегендеріне жетті.Былтыр осы кәсіпті жүзеге асыру мақсатында «Бастау Бизнес» жобасы бойынша кәсіпкерлік негіздерін оқып, 2023 жылдың маусымында «Мұзды кәмпиттер және мармелад өндіру» бойынша бизнес-идеясын іске асыру мақсатында 1 380 мың теңге көлемінде грант жеңімпазы атанған.Бір қызығы осындай тәтті кәмпиттердің бізден шығатынына алғашында ешкім сенбеген. Дәмін татып, оң бағасын беріп жүрген жандардың өзі «Аралдан осындай өнім шықты дегенге сене алар емеспін» деген көрінеді. Бірақ қазірде қосымша жұмыс орнын ашып, бір адамды тұрақты жұмысқа қабылдап, өзінің ұйымдастыруымен кәсібін, дамыту мақсатында жұмыс жасап келе жатқан жанның еңбегі бағалануда. Қажетті шикізаттарды Ақтөбе мен Алматы қалаларынан алдырып отырған кәсіпкер бүгінде ауданның нарығына еніп үлгерді.&nbsp;Алдағы жоспарларын да бөліскен кәсіпкер Аралдағы дүкендердің сөрелерімен қатар ауылдарда да сатылымға түскен тәттілердің көлемін арттырмақ ниетте. Енді Аралдың өнімі республика нағына шықса деп көздеген жанның еңбегіне береке тілейміз.

Аралдық кәсіпкердің алдағы жоспары көп

<a href="https://kyzylorda-news.kz/">Kyzylorda-news.kz</a> &nbsp;М.Мәметова атындағы Қызылорда педагогикалық жоғары колледжінде “Оқуға құштар колледж” жобасы аясында “Шетел тілі” бөлімінің ұйымдастыруымен “Мен оқыған кітап” тақырыбында ашық тәрбие сағаты өтті.Шараға “Шетел тілі” бөлімі меңгерушісі Мөлдір Меңдібаева, колледж кітапханашысы Зульфия Пазылова, ШТ-М-22 тобының жетекшісі Сания Ибрагимова және білім алушылар қатысты.&nbsp;Ашық тәрбие сағаты “Ой қозғау” сәтінен басталып, “Әлемдегі ең көп кітап оқитын ел” тақырыбындағы интеллектуалды сұрақ аясындағы пікірталас өтті. Сонымен бірге топ студенттері Fast-translator мақал мәтел ойынын ойнап, әр ұяшықта жасырылған мақал мәтелді жылдам ағылшын тіліне аударудан шапшаңдық деңгейін салыстырды. Шара барысы пікірталас алаңына ұласып, “Электронды оқулықтардың зияны” және “Электронды оқулықтардың пайдасы” тақырыбында пікір таластырды. Сабақ соңында әр топ студенті өзінің оқыған ең сүйікті кітабы туралы қызықты, тың деректермен бөлісіп, оқырман қауымға түрлі әдіспен жарнама жасады.«Оқуға құштар колледж» жобасы аясында&nbsp; «Филология» бөлімі және кітапхана қызметкерлерінің ұйымдастыруымен білім алушы жастар арасында «Бабалар үні» атты book-slam өтті.Мақсаты - білім алушыларды эпостық жырларға құштарлығын арттыру.«Бабалар үні» атты book-slam сайысы төрт кезең бойынша жүргізілді.&nbsp;І кезең -&nbsp; Топ ұраны мен таныстыру.&nbsp;II кезең - "Ойлы болсаң, озып көр!" (Эпостық жырлар бойынша сұрақтарға жауап беру)&nbsp;III кезең - "ДҰРЫС-БҰРЫС" әдісі (эпостық жырлардың дұрыс нұсқасын табу)&nbsp;IV кезең -&nbsp;"ПАЗЛ" әдісі (Жырдан алынған суреттерді құрастыру)Іс-шара барысында білім алушылардың патриоттық рухы&nbsp; көтеріліп, эпостық жырларға деген қызығушылығын артты. Шараға&nbsp; ҚТ-Ж-23, ШТ-М-23, КЕ-23 оқу тобы белсене қатысты. Білім алушылар арнайы орындармен марапатталды.

“Оқуға құштар колледж” жобасы аясында шаралар өтуде

<a href="https://kyzylorda-news.kz/">Kyzylorda-news.kz.</a> &nbsp; 4 сәуірде сотта жәбірленуші тараптың адвокаты Жанна Оразбахованың сұрақтарына жауап берген Бишімбаев 9 қарашаға қараған түні "орташадан сәл жоғары" мас болғанын, бұл оның тізгінге отыруына кедергі болмағанын айтты.Бұрынғы ұлттық экономика министрі Қуандық Бишімбаев жүргізуші куәлігінен айырылмайды. Ол бұған дейін сотта мас күйде көлік тізгініне отырғанын мойындаған еді, - деп хабарлайды<a href="https://sn.kz/sn-akparat-agyny/111814-bishimbaev-mas-kuiinde-kolik-zhurgizgeni-ushin-zhazalanbaidy-iim">&nbsp;Skifnews.kz</a>&nbsp;ақпарат порталы.Tengrinews.kz-ке ресми жауапта Бишімбаев алкогольге, есірткіге мас екенін дәлелдейтін куәландырудан өтпегені айтылған. Сондай-ақ, ІІМ Әкімшілік құқықбұзушылық туралы кодекстің (ӘҚБтК) 608-бабы бойынша құқықбұзушылықтың құрамдас бөлігі мас күйде көлік тізгіндеу екенін еске салды."Медициналық куәландырудың ресми қорытындысы және ӘҚБтК-нің 608-бабында көзделген құқықбұзушылық құрамы болмаған, сондай-ақ, жауапқа тартудың мерзімі өткен кезде (ӘҚБтК-нің 62-бабы) адам осы бап бойынша әкімшілік жауапқа тартылмайды", - деді ІІМ өкілдері.4 сәуірде сотта жәбірленуші тараптың адвокаты Жанна Оразбахованың сұрақтарына жауап берген Бишімбаев 9 қарашаға қараған түні "орташадан сәл жоғары" мас болғанын, бұл оның тізгінге отыруына кедергі болмағанын айтты."Яғни, сіз мас күйде көлік жүргіздіңіз, мен сізді дұрыс түсіндім бе?" - деп сұрады Оразбахова."Иә", - деп жауап берді БишімбаевФото: Жоғарғы сот

Бишімбаев мас күйінде көлік жүргізгені үшін жазаланбайды - ІІМ

<a href="https://kyzylorda-news.kz/">Kyzylorda-news.kz.</a> &nbsp;Биыл аттестаттау мерзімі келген барлық мұғалім еркін тіркеле алады.Оқу-ағарту министрлігі Орта білім комитетінің төрағасы Қаныбек Жұмашев педагогтердің білімін бағалаудың мерзімі бекітілгенін мәлім етті, деп хабарлайды&nbsp;<a href="https://sn.kz/sn-gylym-bilim/111812-mug-alimderdin-attestatsiiasy-kashan-bastalatyny-belgili-boldy">Skifnews.kz</a>&nbsp;ақпарат порталы.Педагогтерді аттестаттаудан өткізу мерзімдері мен біліктілік санаттарын беру, растау рәсімдері биыл 17 сәуір мен 1 қыркүйек аралығында өтеді деп бекітілді. Осылайша аттестаттау қағидалары мен шарттарына енгізілген өзгерістерге сәйкес педагогтердің білімін бағалау, яғни тестілеу жүргізу биыл 18 сәуір мен 13 мамыр аралығында өтеді, - деді комитет басшысы.Оның сөзінше, 17 сәуірден бастап Ұлттық тестілеу орталығының ресми сайтында онлайн тіркелу ашылады. Биыл аттестаттау мерзімі келген барлық мұғалім еркін тіркеле алады, деп жазады&nbsp;BAQ.KZ.Тестілеу өңірлердегі тестілеу өткізу пунктерінде аптаның алты күнінде үздіксіз өтеді. Осылайша барлық педагогке тестілеуден өтуге жағдай жасалып отыр. Бірінші рет тестілеу тегін, ал екінші рет ақылы негізде өтеді, - деп айтты Қаныбек Жұмашев.Комитет төрағасы атап өткендей, су тасқыны салдарынан табиғи сипаттағы төтенше жағдай режимі енгізілген өңірлердің педагогтер үшін тестілеу мерзімі тамыз айына ауыстырылды. Ал тұрғын үйінен айырылған педагогтердің аттестаттау кезеңі бір күнтізбелік жылға шегерілді.Фото: Pixabay

Мұғалімдердің аттестациясы қашан басталатыны белгілі болды

<a href="https://kyzylorda-news.kz/">Kyzylorda-news.kz.</a> &nbsp; Қазақ даласының символы саналатын ақбөкендердің көбеюіне тосқауыл қоятын шешімнің күшін жойды.Президент Қасым-Жомарт Тоқаев қазақ даласының символы саналатын ақбөкендердің көбеюіне тосқауыл қоятын шешімнің күшін жойып, оған тыйым салынатынын мәлімдеді, деп хабарлады&nbsp;<a href="https://sn.kz/sn-akparat-agyny/111813-tokaev-akbokenderdi-atuga-tyiym-saldy">Skifnews.kz</a>&nbsp;ақпарат порталы.Мемлекет басшысы су тасқынының салдарын еңсеру үшін әр аймаққа елдің ірі кәсіпкерлері бекітілетінін атап өтті.Өз кезегінде тұрғындар су тасқынының зардаптарын жоюға жедел көмек көрсетіліп, құтқару жұмыстарының уақытылы жүргізілгені үшін алғыстарын білдірді.Олардың айтуынша, бұл апат халықтың бірлігін айқын көрсетті. Табиғат апатының алғашқы күндерінен бастап еріктілер, мемлекеттік қызметшілер, құқық қорғау органдары мен Төтенше жағдайлар министрлігінің қызметкерлері, жалпы жанашыр адамдардың барлығы жан-жақты көмек көрсетуге ұмтылған.Кездесу соңында Мемлекет басшысы келесі жылы Алаш ардақтысы Міржақып Дулатовтың 140 жылдығына арналған іс-шараға қатысу үшін Арқалық қаласына баруды жоспарлап отырғанын жеткізді.Фото: topuch.com

Тоқаев ақбөкендерді атуға тыйым салды

<a href="https://kyzylorda-news.kz/">Kyzylorda-news.kz.</a> &nbsp; &nbsp;Енді балалар арасындағы буллингке ата-аналар да жауапты болады. Қазақстанда кәмелетке толмағандардың құқығын қорғайтын әкімшілік кодекске қабылданған түзетулер жарияланды. Бұл туралы <a href="https://stan.kz/kazakstanda-endi-balalar-arasindagi-bulling-ushin-ata-a-398633/">Stan.kz </a>ақпарат агенттігі хабарлайды.Татьяна Вайзенберг-Салдаева – мектепте буллингке ұшырағандардың бірі. Бүкіл сынып оған қарсы болған. Ол ұзақ уақыт бойы шыдағанымен, бір күні анасына айтып берген.&nbsp;Қыздың анасы&nbsp;психолог болған. Десе де, бұл жағдай қыздың жүрегінде қалған, сондықтан&nbsp;психиатр мамандығын&nbsp;оқуды таңдапты."Үшінші қабаттан&nbsp;сөмкемді лақтырып жібереді. Сыныптан жылап шығып, сөмкені іздеп, заттарды жинауға&nbsp;тура келеді. Олар әдетте оны ашық күйінде лақтырып тастайтын. Негізі бұл өте ауыр болатын”, –&nbsp;деді дәрігер-психиатр, нарколог Татьяна Вайзенберг-Салдаева.Психологтардың айтуынша, буллинг бұрыннан болған. Тіпті балаларға арналған "Ұсқынсыз үйрек", "Золушка" ертегілерінде де&nbsp;мысалдар бар. Бірақ қазір&nbsp;әлеуметтік желілердің кесірінен асқынып кетті. Буллинг жасаушы адам да жәбірленуші сияқты психологтың көмегіне мұқтаж."Егер ата-ана баласымен эмоциялық байланыста болмаса, қандай да бір себептермен агрессия қалыптасады. Яғни ол да буллингті&nbsp;басынан өткерген”, –&nbsp;деді психолог Татьяна Любчанская.Элиталық мектептерде жиі кездесетін буллингтің&nbsp;бір себебі – көшбасшы болуға ұмтылу. Буллер басқаларды төмендету арқылы өзін көтермелейді.Бірақ қазір заң бойынша бұған жауапкершілік&nbsp;енгізілген. Шамамен 35 мың теңге айыппұл салынады. Келтірілген зиянға байланысты бұл қарапайым ескерту немесе қылмыстық жауапкершілік те болуы мүмкін.Бізде "Антибуллинг" топтары бар, мектеп әкімшілігі оқытылған. Олар 24 сағатта&nbsp;ата-ананың өтінішін қарап, мектепте не болғанын түсіне алады. 24 сағатта қызметтік тергеу жүргізуге болады. Сондықтан&nbsp;жаңа ереже бойынша қорлау фактілері туралы 111 нөміріне хабарлаңыз”, –&nbsp;деп мәлімдеді Қарағанды ​​облысы бойынша балалар құқықтары жөніндегі уәкіл Ирина Киселева.Бірақ психологтар бұған күмәнмен қарайды, өйткені қорлауды анықтайтын нақты нұсқаулар жоқ. Әр жағдай жеке қаралуы керек, оған жеке көзқарас қажет.Фото: Pexels

Қазақстанда енді балалар арасындағы буллинг үшін ата-аналар да жауапқа тартылады

<a href="https://kyzylorda-news.kz/">Kyzylorda-news.kz.</a> &nbsp;Қазалылық жас кітапханашы Ұлдана Қалиқызы ең алғашқы жұмыс тәжірбиесін Ыбырай Алтынсарин атындағы №204 орта мектепте кітапхана меңгерушісі болып бастады. Аталған киелі шаңырақта жұмыс жасап жатқанына сегіз жыл болып қалды. Осы уақыт арасында мектеп оқушыларының кітап оқуға деген қызығушылығын ояту мен дамыту жұмыстарымен айналысып келеді.&nbsp; &nbsp; – Мектепшілік іс-шараларға белсене араласып, өз білгенімді қызметкерлермен бөлісіп оларданда үйренерім аз емес. Мектеп ішінде «Кітап апталарын» өткізіп оқушылармен бірге ертегілер әлеміне саяхат жасап, кітап оқуға деген қызығушылығын ояту жұмыстарын жүргізудемін. 1996 жылдың 15 шілдесінде Қызылорда облысы Қазалы ауданы Қазалы қаласында дүниеге келдім. Қасиетті қара шаңырақ Максим Горкий атындағы №16 мектеп табалдырығын 2003 жылы аттадым. Дарынды дара ұстаздардың білімімен сусындап 2014 жылы мектепті бітіріп өзім қалаған мамандық иесі болу мақсатында 2014 жылы Мәншүк Мамедова атындағы Қызылорда гуманитарлық колледжіне кітапхана ісі мамандығын 2016 жылы тәмәмдадым. 2019 жылы Қызылорда облысындағы Болашақ универсетін кітапхана ісі саласы бойынша жоғары деңгейде тәмәмдадым, – деді Ұлдана Ақбай.&nbsp; Ұлдана Қалиқызы өз ісіне берілген, нағыз маман иесі. Оның ұйымдастырушылық қабілеті мен жұмысқа деген жауапкершілігі жоғары. Әр кездері тиянақтылығы мен тындырымдылығы, іскер еңбегі бағаланып, жыл сайын жетістіктер қоржынын толтырып келеді. 2021 жылы мемлекеттік тілдің қолданыс аясын кеңейтуге және «Тіл сақшысы» газетінің таралымын көбейтуге қосқан үлесі үшін облыстық «Қазақ тілі» қоғамының төрағасы С.Аңсатовтың Алғыс хатымен марапаталды. 2022 жылы «Халықаралық Білім академиясының» желтоқсан айында ұйымдастырған республикалық балалар байқауына шәкірттеріңізді жоғары деңгейдегі дайындығыңыз үшін «Халықаралық Білім академиясы» басшысы Д.К.Койбагарованың Алғыс хатын алды. Аудандық балалар кітапханасының ұйымдастыруымен 2022 жыл – Балалар жылы аясында Британдық жазушы Ж.К.Роулиңнің шығармаларынан өткізілген «Үздік Портер» атты байқауына оқушысы Қуаныш Жанель қатысып, ІІІ-орын Диплом қағазымен марапатталған. ҚР Оқ-ағарту министрлігі және Республикалық ғылыми-педагогикалық кітапханасы «Оқуға құштар мектеп» жобасы аясында 25 қазан – Республика күніне орай «Менің Республикам» атты челленджіне қатысқаны үшін Жақсұмұрат Әзиза, Ермұрат Бахар Алғыс хат қағазын иеленді. Мұғалімдер күні мерекесі қарсаңында Мектеп директоры Л.Ізбасқан және Кәсіподақ ұйымының төрайымы Р.Жұмағазиеваның Алғыс хат қағазымен, Қазалы ауданы бойынша білім бөлімінің басшысы Ә.Жөлекешовтың алғысымен, «Ustaz tilegi» Республикалық ғылыми – әдістемелік сайытында оқу әдістемелік материал жариялағаны үшін «Ustaz tilegi» ғылыми – әдістемелік орталығының директоры С.А.Джамбулованың алғыс хатыменмарапатталды. 2023 жылда Ұлдана үшін табысты болды. Жаңашыл идеяларды жүзеге асырып, заман ағымына қарай тың ойларын жұмыс барысында сәтті қолдана білетін маманның қиялы шексіз. Сонысынан болар оның әрбір орындаған тапсырмасы, өткізген кеші көптің көңілінен шығып, ерекше қолдауға ие болады. Ол аудандық балалар кітапханасының ұйымдастыруымен «Кітап жанашыры» номинациясымен белсене қатысқаны үшін И.Назарованың алғыс хатымен марапатталған. ҚР Оқу-ағарту министірлігінің 2011 жылғы 7 желтоқсандағы №514 бұйрығына сүйене отырып, «Akberen Education» – Ақберген республикалық танымдық – шығармашылы журналы ұйымдастырған қазан-қараша айындағы Республикалық «Мақатаев оқулары» конкурсына қатысып, жүлделі бірінші орын Болатбек Камшат оқушысы марапатталды. Аудандық балалр кітапханасының ұйымдастыруымен жергілікті ақын-жазушылардың шығармаларынан «Қазалым – &nbsp;ұлағатты ұлылардың ұясы» атты поэзия сағатына белсене араласқаны үшін аудандық орталыұтандырылған кітапханалар жүйесі КММ директоры И.Назарованың алғыс хатын алды. Аудандық балалар кітапханасының ұйымдастыруымен жас оқырмандар мен оқушылар арасында «Шәкәрім оқулары» атты байқауында оқушысы Ертарғын Дельназ үшінші орын иеленді. Республикалық педагогтардың ғылыми-әдістемелік және өнер-білім орталығы ұйымдастырған республикалық «Мағжан оқулары» мәнерлеп оқу сайысында оқушылары Балтабай Бағжан және жетекшісі Алғыс хатпен марапатталды. «Кітапхана – озық тәжірибе зертқанасы» тақырыбында тәжірибе алаңына қатысып, «Кітап-тарих, кітап-шежіре» тақырыбында жұмыс көрсеткені үшін орталық директоры Асқаровтың Сертификат қағазын алған. «Серіктес директорлар» лигасының іс-шаралар жоспары аясында өткізілген «Мобильді кітапхана-кітап оқуды дамытудың көшбасшысы» тақырыбындағы аудандық семинарда озық іс-тәжірибесімен бөліскені үшін үздік деп танылды. 1 маусым – Халықаралық балаларды қорғау күніне орай балалар мен жасөспірімдер арасында ұйымдастырылған «Әдеби коктейль» байқауында «Батырлар жыры» бойынша оқушысы Зейнадин Фархат үшінші орын иеленді. «Аброй» интелектуалды білім парталы ұйымдастырған Республикалық «Ілияс оқулары» байқауына оқушылары қатысып бірінші орын Қарлыбай Дәурен, бірінші орын Асылбек Абылай, екінші орын Зейнадин Шаһзада, екінші орын Аманқос Ақзер марапатталған. Жетекшісі алғыс хатпен марапатталды. «Абайтану» олимпиадасына «Өлең сөздің патшасы, сөз сарасы» номинациясы бойынша оқушылары Жеткерген Фариза бас жүлде, Ержан Ернұр бас жүлде, Бақбергенова Жұлдызай бірінші орын, Мыңболсын Кәусәр бірінші орын, Шорабай Байтөре бірінші орын жәнеде жетекшісі құрмет грамотасы және Алғыс хатпен марапатталды. Халықаралық М.Мақатаев шығармашылығын мінерлеп оқу онлайын байқауында оқушылары Сырлыбай Жарбол бірінші орын, Садуахас Сымбат екінші орын иеленген. Аудандық балалар кітапханасының ұйымдастыруымен «Үздік оқырман» номинациясы мен оқушысы Абдуллақызы Жаннұр марапатталған. Республикалық педагогтардың ғылыми әдістемелік және өнер-білім орталығы «Әбіш оқулары» тақырыбындағы балалар шығармашылығына арналған байқауға оқушысы Қайратұлы Мақсат қатысып бірінші орын алды.Республикалық «Мұқағали мәңгілік ғұмыр» байқауына қатысып оқушысы Болатбек Құндыз бірінші орын және жетекшісі Алғыс хатпен марапатталды. «Халықаралық Білім академиясы» ұйымдастырған «Қысқы пейзаж» балалар байқауына қатысып оқушысы Таңатар Инабат бірінші орын иеленген. Республикалық «ПЕДСТАРТ – 2023» байұауында заманауи білім беру тәжірибелерімен бөлісіп, «Үздік кітапханашы» номинациясы бойынша үшінші орын С.Шәмшиеваның Дипломмен марапатталған. Республикалық «ПЕДСТАРТ – 2023» байқауында заманауи білім беру тәжірибелерімен бөлісіп, «Үздік мақала» номинациясы бойынша бірінші орын С.Шәмшиеваның Дипломмен марапатталған. Республикалық «ПЕДСТАРТ – 2023» байқауында заманауи білім беру тәжірибелерімен бөлісіп, жұмысы «Үздік» деп танылғаны үшін бірінші орын С.Шәмшиеваның Дипломмен марапатталған. С.Торайғыровтың туғанына 130 жыл толуына орай «Сұлтанмахмұт Торайғыров: Ағартушылық идиялар мен педагогикалық көзғарастары» тақырыбындағы конференцияда «Үздік»деп танылғаны үшін оқушысы Болатбек Құндыз Ж.Т.Серғазықызының дипломын иеленді. Аудандық балалар кітапханасының ұйымдастыруымен өткізілген «Наурыз мейрам жүректерге нұр сепкен» атты кешке оқушысы Төреханов Құдірет белсене араласқаны үшін аудандық орталықтандырылған кітапханалар жүйесі КММ директоры И.Назарованың алғысымен марапатталған. Республикалық «Педагогикалық идиялар фестивалі» байқауында «Үздік кітапханашы» номинациясы бойынша заманауи білім беру тәжірибесімен бөлісіп, жұмысы «үздік»деп танылғаны үшін ІІ орын дипломмен марапатталған. Аудандық орталық кітапхананың оқырмандарға қызмет көрсету бөлімінің ұйымдастыруымен халық ақын Байназар Өтепұлының «Халқына қадірменді сөзі жеткен» атты жыр мүшайрасынан оқушысы І орын Алғыс хатымен марапатталған. Халықаралық білім академиясы ұйымдастырған «Өнерлі өрге жүзер» атты балалар байқауында көркем сөз бағыты бойынша қатысып, оқушысы Нысанжан Нұрай І орын, Қайратов Айсұлтан І орын иеленді. Республикалық «Ұранды елдің ұрпағы қайсар» байқауына қатысып Ж.Т.Серғазықызының алғыс хатымен марапатталған. ҚАЗҰУ тарих факультетінің алғыс хатымен марапатталған. А.С.Пушкин атындағы Шығыс Қазақстан облыстық кітапханасының «Certificate of Appreciation Media Literacy for Lidrarians» марапатталған. «Кітапхана жұмысы: Жаңа ізденіс, жаңа талап» облыстық семинарға қатысып, «Мобильді кітапхана» тақырыбында жұмыс көрсеткені үшін С.Асқаровтың сертификаты мен марапатталған. «Цифрлық дәуір талабы заманауи кітапхана» тақырыбындағы бағдарлама бойынша қырық сағат курысын аяқтағаны үшін А.А.Баймаханованың сертификатымен марапатталған. «Мектеп кітапханашыларының кәсіби даму жүйесінде медия ақпараттық сауаттылықты қалыптастыру» тақырыбы бойынша 80 академиялық сағат көлемінде аяқтағаны үшін Б.Т.Елеусинованың сертификатымен марапатталған. Қазақстан Республикасы білім беру ісінің үздігі, Қазақстан журналистер одағының мүшесі, суретші, спортшы Қуантай Ршымбетовтың туғанына жетпіс жыл толуына орай ұйымдастырылған «Құдіреті мол қылқалам» тақырыбындағы сурет сайысына оқушы қатыстырғаны үшін Ұлдана Ақбай және оқушылары Абдулла Нұрқанат алғыс хатымен және оқушысы Сақтапберген Айнамкөз екінші орын аудандық орталықтандырылған кітапханалар жүйесінің директоры И.Назарованың арнайы алғысын алды.

Жетістігі мол қазалылық жас маман

<a href="https://kyzylorda-news.kz/">Kyzylorda-news.kz</a> Базарға барсаңыз, бағаның аспандап тұрғанын бірден байқауға болады. Әсіресе, нарықтағы азық-түлік бағасы айға жетіп тұр. Айлықты шайлыққа әзер жеткізіп отырған қарапайым халықтың жай-күйі алаңдатпай қоймайды. Бүгінгі нарықта баяғыдай арзаншылық деген ұғым жоқ. Қымбатшылық дейтін дәурен орнаған. Қымбатшылық алқымнан алса да, сатып алушылар теңгесін үнемдеп қалуға тырысады.Қазір күнделікті тұрмыста тұты­­натын заттардың бағасы айтар­лықтай өскен. Егін-терім аяқта­лып, қамба қызылға толған мезгілде ұнның да бағасы шарықтап шыға келді. Бұған дейін 50 келі ұнның құны 8500-9000 теңгенің арасында болса, қазір ол 12 800-13 000 теңгенің арасында тұты­нушыларға сатылуда. Дегенмен базардағы өзге ауыл шаруашылығы өнімдерінің бағасы өз тұрақтылығын ұстап тұр.<blockquote>– Осыдан екі жыл бір қап ұнды 9000 теңгеден алып жүрдік. Ал өткен жылы бағаның өсімі айтарлықтай жоғарылады. Күн дыз ете бастап еді, сауда орындары мен дүкен сөрелеріндегі ұн бағасының бұлай шарықтауын түсіне алмадық. Алдағы уақытта тіпті қымбаттап, қалтамызға салмақ түседі ме деп алаңдаймын. Менің 5 балам бар. Айына бір қап ұн жетпей қалады. Титықтап тауып отырған айлықта мардымсыз. Бұл бір жығылғанға жұдырықтай болып тиді. Алдағы күндері қайта қалыпқа келіп, шарықтаған нарық бағасы да төмендейді деген ойдамын. Халықтың арасында жағдайы сан түрлі отбасылар бар. Олардың да жағ­дайына қараған жөн, – дейді Шиелідегі Нартай ауылының тұрғыны Қобыланды Ақылұлы.</blockquote>Ұн бағасының өсуіне байланысты сейсенбі күні Шиелі аудан әкімдігінің баспасөз орталығында аудандық ауыл ­шаруа­шылығы және жер қатынастары бөлімінің басшысы Мұрат Әшірбеков пен аудандық кәсіпкерлік, өнеркәсіп және туризм бөлімі БАҚ өкілдеріне брифинг өткізді.<blockquote>– Әлеуметтік маңызы бар азық-түлік тауарларының бағаларына мониторинг жүргізу, оны реттеу мен тұрақтандыру, жедел және жүйелі шаралар қабылдау жөніндегі арнайы жұмысшы тобы құрылды. Қазіргі уақытта аудан әкімдігі жанынан құрылған жұмысшы топ күнделікті кент орталығында орналасқан сауда орындарын және орталық базарды аралап, кент ішінде орналасқан ірі 10 дүкенге және Ә.Шорабаев атындағы орталық базарға азық-түлік бағаларына күнделікті мониторинг жасап, түсіндірме жұмыстары жүргізіліп жатыр – деді брифингте М.Әшірбеков.</blockquote>Сала басшыларының айтуы бойынша, қазіргі таңда бидай бағасының қымбаттауына байланысты ауданымызға келіп жатқан 50 келі ұнның бағасы 12 800 теңге, ал дүкен­дегі сатылу бағасы 13 000 теңге. Мұның себебі, ауданда ұн шығаратын зауыт­тың жоқ­тығы, өңірге келіп жатқан ұн­дар­дың барлығы өзге облыс­тар­дан тасымалдануында. Тасымал арқылы жет­­кі­зіл­ген ұн бағасына шектеу қоя алмайтынымыз тағы бар. Қазіргі таңда аудандағы нан бағасын тұрақ­тан­дыру мақсатында аудан әкімдігі тарапынан «Байқоңыр әлеуметтік кәсіпкерлік кор­порациясы» акционерлік қоғамымен бірле­сіп, екі жақты келісім шарт жасалып, аудан­дағы наубайханаларға арналған әлеу­­­меттік ұн жеткізіп беру мақсатында келіс­­­сөз­дер жүргізіліп жатыр. Келісім шарт арқы­лы жеңілдетілген бағадағы 30 тонна әлеуметтік ұнға өтінім берілді. Нан баға­сының тұрақтылығын қамтамасыз ету мақ­сатында Шиелі ауданы әкімдігі мен «Байқоңыр ӘКҚ» АҚ мен келісім шартқа отырып, ауданда нан бағасы тұ­рақ­ты бағада сатылатын болады.Сала жетекшілерінің айтқанына назар аударсақ, расында өзіңде болмаған нәрсе, өзгеден қалай келерін білмейсің. Ал өзге өңірлерден жеткізіліп жатқан тауар бағасына шектеу қойылмайды. Баға тұрақтылығын сақтау үшін аудан орталығы­нан ұн шығаратын зауыт пен өнім сақтайтын қойма бой көтерген жағдайда, сырттан келетін тауарларға тәуелді болмай, нарық бағасын да тұрақты ұстауға болады.Фото: Нұрболат Нұржаубай

Шиелі: Азық-түлік бағасы бақылауда

<a href="https://kyzylorda-news.kz/ru">Kyzylorda-news.kz</a> &nbsp;Қызылорда қалалық мәдениет және тілдерді дамыту бөлімінің қолдауымен қалалық орталықтандырылған кітапханалар жүйесі «Қозы Көрпеш – Баян сұлу» ұлттық ғашықтар күніне орай А. Тоқмағамбетов атындағы Мәдениет үйінде ғашықтық жырлардан «Махаббат-мәңгі ертегі» атты қалалық байқау қаламыздың орта арнаулы оқу орындары арасында өткізілді. Мәдениет үйінің фойесінде «Ғашықтың тілі - тілсіз тіл» атты кітап көрмесі ұйымдастырылып, көрермендерге кеңінен таныстырылды.&nbsp;Байқау қыз бен жігіттің орындауындағы махаббат жайлы монологпен басталып, арнайы бейне баян көрсетілді.&nbsp;Байқауды қалалық мәдениет және тілдерді дамыту бөлімінің басшысы Жағыпар Тажмаханов ашып, қатысушы жұптарға сәттілік тіледі.&nbsp;Байқауға қаладағы орта арнаулы оқу орындарынан құрылған 6 жұп қатысып, бақ сынасты. Ереже бойынша байқау екі кезең бойынша өткізілді. Бірінші кезеңде қатысушы әр жұп ғашықтық дастаннан үзінді оқыды, ал екінші кезеңде әр жұп кез келген ғашықтық дастандардан сахналық қойылым көрсетті.&nbsp;Байқауға ақын, Қазақстан Жазушылар одағының мүшесі. журналист, облыстық «Сыр бойы» газетінің арнаулы аға тілшісі Ғазиза Әбілда, Қорқыт ата атындағы Қызылорда университетінің аға оқытушысы Асыл Оразова, Қызылорда қалалық «Жастар» театры директорының орынбасары, әртіс Әл-Мұхаммед Алдажаров төрелік жасады.&nbsp;Жастардың өнерін сараптай келе қазылар алқасы Қазанғап атындағы Қызылорда музыкалық жоғары колледжін бірінші орынға, екінші орынға, И.Әбдікәрімов атындағы Қызылорда аграрлық техникалық колледжі, М. Мәметова атындағы Қызылорда педагогикалық жоғары колледжі үшінші орынға лайықты деп тауып, жүлдегерлер дипломмен, бағалы сыйлықтармен марапатталды. Қалған қатысушы топтарда назардан тыс қалмай «Орда» жоғары колледжі «Ең жарасымды жұп», «Қызылорда медициналық жоғары колледжі «Ең креативті жұп», М. Мәметова атындағы Қызылорда педагогикалық жоғары колледжі «Көрермен көзайымы» номинацияларын иеленіп, Алғыс хатпен қатар сыйлықтарға ие болды.&nbsp;15 сәуір - «Қозы Көрпеш – Баян сұлу» күніне арналған «Махаббат – мәңгі ертегі» атты қалалық байқау «Адам атаулының туған жерге, ата-анаға, досқа деген таза, мөлдір махаббатына еш қылау түспесін! Сезімдеріңіз баянды болсын! - деген ізгі тілекпен қорытындыланып, өз мәресіне жетті.Ғашықтар күні мерекесіне арналған әсерлі кешті Қазақстан Жазушылар одағының мүшесі, талантты жас ақын Ақжол Түменбай жүргізді.

Байқау жеңімпаздары анықталды

<a href="https://kyzylorda-news.kz/">Kyzylorda-news.kz.</a>&nbsp; "Ұстазы жақсының ұстамы жақсы" деген тәмсіл өз өміршеңдегін жойған емес. Мұғалім болу – айтуға оңай болғанымен, нағыз ұстаз болу екінің бірінің қолынан келе бермейтіні рас. Ұстаз жолы – қиындығы мен қызығы қатар жүретін құрметті мамандықтың төресі десек болады. Осы бір ұлағатты мамандықтың ыстығына күйіп, суығына тоңып, шәкірттерінің арқасында абырой мен бақыт тауып жатқан жандар шын бақытты деу­ге болады. Жүзден озған жүйріктер, мыңнан озған тұлпарлар болатындай ұстаздың да ұстазы болады. Сондай ұлағатты ұстаздардың бірі – Жаналтын Нұрмаханова.Кейіпкеріміз Жаналтын Шермағанбетқызы алғашқы еңбек жолын 1991-1993 жылдары Жалағаш ауданындағы №232 орта мектебінде қазақ тілі мен әдебиеті пәнінің мұғалімі болып бастады. Ұлағатты ұстаз өз қызметін 1993-1998 жылдары Қорқыт ата атындағы Қызылорда мемлекеттік университетінің шақыруымен қазақ тілі кафедрасында оқытушылықпен жалғастырды. 1998-2005 жылдар аралығында аталған университет жанындағы «Қабілет» мектеп-гимназиясында қазақ тілі мен әдебиетінен сабақ берді. 2007 жылдан бастап Бесарық ауылындағы №147 орта мектепте қазақ тілі мен әдебиеті пәнінің мұғалімі болып жұмыс атқарып келеді. Мектеп тренері ретінде «Тәжірибедегі рефлексия» жалпы білім беретін мек­теп­тердегі педагогика кадрларының кәсіби даму курсын жүргізді. Әдеби мұраларды дәріптеу, мектеп оқу­шыларының клас­сикалық әде­биеттерді оқу­ға деген қызы­ғу­шы­лық­тарын арт­ты­руда ұйымдастырылатын республикалық «Абай оқулары» байқауының алғашқы қарлығаштарын дайындап, жүлделі орындар иеленді. Семей өңірінен жүлделі 3-орын иеленген оқушысы Гүлфайруз Нияз­бек ұстазының жолын қуып, Алматы қаласында қазақ тілі мен әдебиеті пәнінің мұғалімі болып қызмет атқаруда.<blockquote>– Халқымызда «Атына заты сай екен» деген мақтау сөз тіркесі бар. Десек те, аты мен заты үйлесе қалатын жандар сирек. Адамға есім таңдаудың астарында жақсы тілек жатады. Сондай жақсы тілек, ниет­пен қойылған есімі ерекше жан – Жаналтын апай. Алтын қандай бағалы, құнды болса, біздің апай да сондай жан. Жүрегі таза, жаны жайсаң, жақсы адаммен бірге жүріп замандас, әріптес болу да бір бақыт. Жақсылықтың шуағын шашып, мейірім сәулесін төгіп тұратын жаныңнан жақсы адамдардың табылуы қазіргі қасаңданған заманда өте қажет деп білер едім. Жаналтын апаймен әріптес болып ұстаздық қызметте бірге келе жатқан 15 жылда ол кісіден үйренерім көп болды. Алғаш мектепте дебат клубын жүргізіп, көптеген ұшқыр ойлы, өткір сөзді дебатшылардың шығуына өз септігін тигізді. Қай істі бастаса да үздіктер қатарынан көрінетін өз саласының майталманы де­ген­ді мен осы кісіге айтар едім, – дейді әріптесі Эльмира Тайғараева.</blockquote>Ұстаздық жолда пе­дагог-зерт­теу­шінің 33 жылдық ең­бек өтіліндегі соңғы бес жылдағы жетістіктерін бір мақалаға сыйғызу мүмкін емес. Сондықтан биылғы оқу жылындағы жетістіктерін айтудың өзі ғанибет. Атап айтқанда республикалық жалпы білім беретін пәндер бойынша ғылыми жобалар байқауының аудандық кезеңінен оқушысы Талшын Сейтбек «Тіл білімі» секциясы «Қазақ тілі мен әдебиеті» пәні бойынша жүлделі 1-орын, облыстық кезеңінен 2-орын алды. 7-8 сынып оқушыларының Жалпы білім беретін пәндер бойынша республикалық пәндік олимпиаданың аудандық кезеңінен Дінмұхаммед Төлебаев 1-орын алып, ұстаз мерейін өсірді. &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp;&nbsp;Заманымыздың заңғар жазушысы Мұхтар Әуезов: «Адам баласы жан жемісін татпай, өмірдің терең мағынасын, шын мақсұтын түсіне алмайды» деген екен. Жан жемісі – алдымен, оқу-білім, тәрбие десек, сол жемісті берер мәуелі ағаш – мектеп, ал мектептің жүрегі – мұғалім. &nbsp;Ұстаздық жолда өзінен кейінгіге үлгі, жас маманға ақылшы бола білген ұстаз мектептің, әріптестерінің мақтанышы.

Қазақстан және Қызылорда облысының жаңалықтары