<a href="https://kyzylorda-news.kz/">Kyzylorda-news.kz</a> Қызылордадағы «Қамқорлық» дағдарыс орталығында тұрып жатқан 39 жастағы келіншек тиран күйеуінің тоқпағына 17 жыл шыдаған. Көпбалалы ана үйреніп қалған әдетке бұдан кейін де баланы әкесіз өсірмеу үшін шыдауға бел буған. Бірақ күйеуінің соңғы рет пышақпен дене жарақатын салып, қызын өзіне қосып сабағаны үйден кетуіне сеп болды. &nbsp;<blockquote>«Шаңырақ көтерген 17 жылдың ішінде, ағайын-туыспен араласып, той-жиындарына қатысқан адам емеспін. Күйеуім қарсы. Жұмыс та істетпейді, қызғанады. Бес балаға алатын жәрдемақымен өмір сүремін. Үлкенім студент кішкентайым екі жаста. Осы уақытқа дейін шыдап келдім ғой, енді балалар өскен соң қайда барайын, бәріне көніп отырғанмын. Соңғы жағдайда шыдамадым. Масаң күйде пышақпен ернімді тіліп, араға түскен қызыммен қосып сабады. Өзім шыдармын қызымды ұрғанда шыдамай төркінге кетіп қалдым» - дейді атын атамауды өтінген келіншек. Ал біз болсақ мақаламызға ол кісінің есімін Салтанат деп енгіздік. Иә, Салтанат дедік. Оқырман қауым себебі күйеуінің қолынан қаза тапқан Салтанатпен, жалпы қоғамдағы қазіргі жағдаймен байланыстырса болады. Бірақ біздің Салтанат күйеуінің қолынан қаза таппай тұрып, кетіп үлгерді.</blockquote>Төрт баласымен төркінде отырған келіншек қорғансыз қалған әйелдердің үйі барын балалардың мектептегі мұғалімдерінен естиді.&nbsp;Біз сөз етіп отырған бұл оқиға бір ғана отбасының жайы. Мұндай тұрмыстық қысым кез келген отбасында кездеседі. Әлеуметтік-экономикалық әл-ауқаты жақсы, сырт көзге идеал, мәдениетті болып көрінетін отбасыларда да қысым көрген әйел, буллингке ұшыраған бала өмір сүріп жатыр. Отбасындағы зорлық-зомбылық ұрып-соғумен шектелмейді. Қорғансыз жандардың арасында күйеуі ұрмайтын, жақындары физикалық тұрғыда қысым көрсетпейтін, бірақ ол шаңырақта тұрғысы келмейтін әйелдер де бар. Олар сексуалдық, психологиялық, экономикалық, медициналық зорлық-зомбылыққа ұшырағандар. Зорлық-зомбылық әлемнің кез келген жерінде бар және мұны тек заң арқылы «емдеуге» болады. Десек те жауапты құқық қорғау органдарының қызметкерлері тұрмыстық жанжалдың көбеймесе азаймай тұрғанын жеткізді.&nbsp;Қызылорда облысында биылғы 3 айда отбасының шырқын бұзған 596 азамат есепке алынған. Денсаулыққа қасақана зиян келтірген 95 адам жауапкершілікке тартылып отыр. Жәбірленушілердің қауіпсіздігін қамтамассыз етіп, профилактикалық жұмысты жандандырғанның өзінде әкімшілік жауапкершілікке тартылған адамдардың саны екі есе өскен.<blockquote>«Қылмыстың &nbsp;90 пайызы жәбірленушілердің тұрғылықты мекен-жайларында орын алған ұрыс-керістен болады. Басым көпшілігі спирттік ішімдіктерді қабылдау салдарынан туындаса, &nbsp;орын алған қылмыстардың көпшілігі ұрып-соғу, орташа ауырлықтағы дене жарақатын салу, зорлау оқиғалары. Бұл қылмыстар &nbsp;жәбір көрген әйелдердің күйеулері немесе жақын туыстары не таныстары жасаған. Қазіргі таңда Қызылорда облысында әйелдердің құқығы мен мүдделерін қорғаумен айналысатын мемлекеттік емес әйелдер паналайтын 3 үй бар. Онда зорлық-зомбылықтан зардап шеккен әйелдерге құқықтық, психологиялық көмектер көрсетіліп, қауіпсіздігі қамтамасыз етіледі. &nbsp;Жыл басынан бері полиция қызметкерлері зорлық-зомбылыққа ұшыраған және зорлық-зомбылықтың салдарынан кейінгі әйелдерді бейімдеу мақсатында «Жан» дағдарыс орталығына 3 адам жолдаса, «Ана үйі» орталығына 2 азаматша орналастырылды. Ал «Қамқорлық» дағдарыс орталығына жыл басынан 6 отбасы, яғни 16 адам орналастырылды», - делінген Қызылорда облыстық полиция департаменті баспасөз қызметінің &nbsp;Kyzylorda-news.kz. ақпарат агенттігінің тілшісіне берген жауабында.</blockquote>Тұрмыстық зорлық-зомбылық құрбандары қалай қорғалып жатыр?2017 жылы тұрмыстық зорлық-зомбылық туралы бап қылмыстық жауапкершіліктен босатылды. Ұрып-соғу және денсаулыққа жеңіл зиян келтіру үшін жауапкершілік Қылмыстық кодекстен Әкімшілік кодекске ауыстырылды. Былтыр 9 қарашада бұрынғы экономика министрі Қуандық Бишімбаев мейрамханада әйелі Салтанат Нүкенованы ұрып-соғып өлтіргеннен кейін республика жұртшылығы бұл қылмыс үшін жазаны қатайту қажеттігін айта бастады. Қазір сот процесі жүріп жатыр. Экс-министр 15 жылдан 20 жылға дейін бас бостандығынан айырылуы мүмкін. &nbsp;2024 жылы Мәжіліс депутаттары тұрмыстық зорлық-зомбылық үшін жауапкершілікті күшейтетін заң жобасын екінші оқылымда мақұлдады. "Қазақстан Республикасының кейбір заңнамалық актілеріне әйелдердің құқықтарын және балалардың қауіпсіздігін қамтамасыз ету мәселелері бойынша өзгерістер мен толықтырулар енгізу туралы" заң жобасына Мәжіліс депутаттары бастамашылық жасады. Қазақстандықтар мұны «Салтанат заңы» деп те атайды.&nbsp;Мемлекет басшысы Қасым-Жомарт Тоқаев 15 сәуірде әйелдердің құқығын қорғап, балалардың қауіпсіздігін қамтамасыз ететін заңға қол қойды. Заңға әйелдер мен балаларға қатысты кез келген сипаттағы зорлық-зомбылық үшін жауапкершілікті қатаңдататын, сондай-ақ отбасы институтын, кәмелетке толмағандардың қауіпсіздігін нығайтатын нормалар енгізілді. Біз өз кезегінде заңгердің де пікірін білген едік.<blockquote>«Бұл заңның негізгі мақсаты - әйелдердің құқықтары мен балалардың қауіпсіздігін қамтамасыз ету бойынша мемлекеттік саясаттың құқықтық, экономикалық, әлеуметтік негіздерін жетілдіру. Әйелдер мен балаларға қатысты кез келген сипаттағы зорлық-зомбылық үшін жауапкершілікті қатаңдататын, сондай-ақ отбасы институтын кәмелетке толмағандардың қауіпсіздігін нығайтатын нормалар енгізілді. Осы заңның қабылдануы арқылы қоғам қандай нәтижелер күтеді: әйелдер мен балалардың құқықтарын, қауіпсіздігін қорғау күшейтіледі, өмірлік қиын жағдайдағы отбасылар үшін жағдайды жақсарады, арнаулы әлеуметтік қызметтердің сапасы жақсарады, неке және отбасы институты нығаяды, өз-өзіне қол жұмсау және тұрмыстық зорлық-зомбылық барынша азаяды», - дейді Қорқыт ата атындағы Қызылорда университетінің «Құқықтану» кафедрасының аға оқытушысы, заң ғылымдарының магистрі Қуаныш Жарекеев.</blockquote><figure class="image"><img src="https://knadmin.beoblood.kz/uploads/cff6a923_14bb_4147_b0bf_df5952056d13_dd50bf6a4f.jpg" alt="cff6a923-14bb-4147-b0bf-df5952056d13.jpg"><figcaption>Қызылордадағы «Қамқорлық» дағдарыс орталығы</figcaption></figure>&nbsp;Қорғансыз әйелдер қайда барып паналайды?Қазіргі таңда Қызылорда облысында әйелдердің құқығы мен мүдделерін қорғаумен айналысатын әйелдер паналайтын мемлекеттік емес 3 үй бар. «Жан», «Ана Үйі» және «Қамқорлық» дағдарыс орталықтарында зорлық-зомбылықтан зардап шеккен әйелдерге құқықтық, психологиялық көмектер көрсетіліп, қауіпсіздігі қамтамасыз етіледі. Мұндай уақытша паналайтын үйлерде әйелдер 6 айға дейін тұрады. Сол уақыт ішінде әйелдер мен балаларға әлеуметтік-медициналық, психологиялық, педагогикалық, құқықтық, әлеуметтік-еңбек бағыттары бойынша қызмет көрсетіледі. Бес мезгіл тамақ беріліп, жатын орындармен қамтамасыз етілген.&nbsp;Бірақ бұл мәселені шеше ме? Иә, мұндай орталықтардың барын біліп, қызметін пайдаланып жатқан әйелдер бар. Бірақ «балалармен баратын жерім жоқ» деп ойлап, күйеуінің сұраған кешіріміне көніп, уәдесіне сеніп, өзгереді деген үмітпен қаншама әйелдің өмірі өксумен өтіп жатыр. Мұндайда мамандар «бәрі жақсы болады деген үмітті үзіп, құқығы қорғалған адам екенімізді есте ұстауымыз керек» дейді.&nbsp; Болашағыңды аргессор күйеумен байланыстырмау, зорлық-зомбылықтың алдын алу мүмкін бе? Отбасын құрарда мұндай күйеулердің болмысын алдын ала болжай аламыз ба? Бұл сұрақтарымызды Қызылорда қаласындағы «ДостарМедline» клиникасының психологы Ғазиза Жетпісбайқызына қойдық.<blockquote>«Тұрмыс құратын болашақ жарыңыздың мінез-құлқын байыппен бақылаңыз. Махаббат, ғашықтық сезімдерін ақылға жеңдіріңіз. Тұрмыста қысым көрсететін &nbsp;абьюзер еркектер сізбен шаңырақ көтермей тұрып, жеке шекараңызды бұзуға тырысады. Сіз үшін шешім шығарады. Не кию қажеттігін, тіпті қалай сөйлеу керек екеніне дейін бақылау жасайды. Қызғаныш белгілерін жиі көрсетеді. Көп жағдайда осындай қарым-қатынасқа балалық шақтан көп қысым көрген жандар түсіп жатады. Себебі мұндай қатынас ол үшін дұрыс болып көрінеді. Сондықтан осы күйден шыға алмайды. Әйел адам үнемі өзін дамытып отыруы қажет. Ақпараттың дамыған заманында сізге қажет деген білім қол жетімді. Сен өз бағаңды, жеке шекараңды білген кезде өз өзіңді қорғай аласың. Өзін қорғай білген әйел балаларына да қорған болады.&nbsp; Әйелдерге қоғамда тек күйеулерінен ғана қысым болмайды. Әсіресе жас отбасылардың өміріне араласып, оларды тәрбиелегісі келіп тұратын жандар аз емес. Алайда ешкім ештеңені біліп келмейді. Барлығын уақыт өте үйренеді. Сондықтан әйеліңіздің немесе келініңіздің жақсы болғанын қалайсыз ба? Онда оған мүмкіндік беріңіз», - дейді психолог.</blockquote>Қоғам пікірі екіге бөлінді. Себепсізден себепсіз әйел таяқ жемейді. Күйеуінің ашуына тиіп, «тілін тартпаған» әйел ғана мұндай сұмдықты өзі тілеп алады дейтіндер де табылып жатыр. Ашуыма тиді екен деп әйелді баласына қосып сабау әйелді сабасына түсірмейтінін отағасылар түсінсе екен. Ерлердің көпшілігі физикалық күш қолданбай да агрессиясын көрсетеді. Мұндай мінез-құлыққа да шыдауға болмас. Мамандар өзгелерді қорлау, қысым көрсету адамның ішкі жайсыздығының нәтижесі дейді. Демек әйеліне көңілі толмай, жұдырығын ала жүгіретін азаматтар бірінші өздерімен жұмыс істеуі керек шығар? Әйтсе де біздің бір ұққанымыз күйеуінен қорлық көрген Салтанаттар Сырда да жеткілікті екен. Фариза ОМАРОВА &nbsp;Фото: Нұрболат Нұржаубай

Күйеуінен қорлық көрген «Салтанаттар» Сырда да жеткілікті

<a href="https://kyzylorda-news.kz/">Kyzylorda-news.kz</a> &nbsp;Кеше Қазалы ауданы әкімінің орынбасары Дәурен Тлеумбетовтің төрағалығымен аудан әкімдігі жанындағы кәмелетке толмағандардың істері және олардың құқықтарын қорғау жөніндегі аудандық комиссияның кезекті отырысы өткізілді.Комиссияның күн тәртібінде – кәмелетке толмағандар арасындағы нашақорлықтың алдын алу профилактикасы мәселесі қозғалды.Күн тәртібінде қаралған мәселе бойынша аудандық полиция бөлімінің жергілікті полиция қызметі ювеналды полиция тобының аға инспекторы Махаббат Бегалиева және оған қосымша Қазалы аудандық көпбейінді орталық ауруханасының жасөспірімдер жөніндегі дәрігері Қуанышбай Әбілбаев баяндама жасады.Жиын барысында комиссия мүшелері күн тәртібінде қозғалған мәселені талқылап, өздерінің ұсыныс-пікірлерін жеткізді.Комиссия төрағасы Дәурен Оңғарбайұлы комиссияда қаралған мәселенің бүгінгі таңдағы өзектілігі өте жоғары екендігін жеткізіп, балалардың қауіпсізідігі үшін бірлесе жұмыс жасауға шақырды. Сонымен қатар, комиссиядағы көтерілген мәселе бойынша жауаптыларға нақты тапсырмалар жүктеді.Айта кетейік, комиссия төрағасы жиын соңында алдыңғы комиссия отырыстарында қаралған балалардың жағдайы туралы да сөз қозғап, комиссияда қаралған әрбір жасөспірімнің жағдайы үнемі назарда болу керектігін жеткізді.

Қазалы: Кәмелетке толмағандар мәселесіне қатысты кезекті комиссия отырысы өтті

<a href="https://kyzylorda-news.kz/">Kyzylorda-news.kz</a> &nbsp; Облыс әкімі Нұрлыбек Нәлібаевтың төрағалығымен өткен мәжілісте аймақтағы білім саласының өзекті мәселелері, оның ішінде жекеменшік балабақшаларды заңдастыру барысы талқыланды.Аймақ басшысы жекеменшік бөбекжайларының басым көпшілігінің нысаналы мақсаты кәсіпкерлік болып өзгертілгенін атап өтті.«Аймағымызда қазіргі таңда 460 жекеменшік балабақша жұмыс жасайды. Оның 416-ның немесе 90,4%-ның нысаналы мақсаты кәсіпкерлікке өзгертілген. Қалған 44 балабақшаны рәсімдеу жұмыстары заң талаптарына сай жүргізілуі тиіс», – деді Нұрлыбек Машбекұлы.Айта кетейік, нысаналы мақсаты өзгертілмеген балабақшалар Қызылорда қаласында, Жаңақорған мен Жалағаш аудандарында. Сондықтан жауапты тұлғаларға мәселені бақылауға алу тапсырылды. &nbsp;&nbsp; Сондай-ақ, облыс әкімі Нұрлыбек Нәлібаевтың төрағалығымен өткен мәжілісте аймақтағы мектеп ғимараттарын тиімді пайдалану және күтіп ұстау жайы талқыланды.<blockquote>«Бүгінде облыс бойынша 276 мектепте профицит бар, яғни, кейбір елді мекендерде орналасқан мектеп ғимараттарын өзге де әлеуметтік мақсаттарға пайдалануға болады деген сөз. Қала және аудан әкімдері облыстық экономика және қаржы басқармасымен бірлесіп, жаңадан салынатын әлеуметтік нысандар, атап айтқанда спорт кешендері мен ауылдық клуб құрылыстарына қатысты алдын-ала зерделеу жүргізіңіздер. Оларды салуға қомақты қаржы бөлгеннен, бос тұрған мектеп ғимараттарын тиімді пайдалану тетіктерін қарастыру қажет», – деді Нұрлыбек Машбекұлы.</blockquote>Тағы бір мәселе, мекеме басшылары ғимараттарды күтіп ұстауы, әр мүлкіне ұқыпты қарауы тиіс. Қасбетінен бастап, ауласының тазалығын қамтамасыз ету – басшылардың тікелей міндеті. Сыр өңірі алғашқылардың бірі болып ел Президентінің «Таза Қазақстан» акциясын қолдағаны белгілі. Науқан аясындағы көркейту-көгалдандыру, тазалық жұмыстары мамыр айына дейін жалғасады. Сондықтан, білім беру ұйымдары аумағында тазалық жұмыстарының тұрақты жүргізілуін бақылауға алу тапсырылды.<img src="https://knadmin.beoblood.kz/uploads/436445767_729613459359901_814768048681363046_n_687e9e0e86.jpg" alt="436445767_729613459359901_814768048681363046_n.jpg"><img src="https://knadmin.beoblood.kz/uploads/436481553_729615542693026_2979990931418474462_n_cb33edef7a.jpg" alt="436481553_729615542693026_2979990931418474462_n.jpg"><img src="https://knadmin.beoblood.kz/uploads/437088574_729615432693037_5269496538156270202_n_2ffaccc948.jpg" alt="437088574_729615432693037_5269496538156270202_n.jpg"><img src="https://knadmin.beoblood.kz/uploads/437534776_729614972693083_3577874874066377147_n_7cf13d5748.jpg" alt="437534776_729614972693083_3577874874066377147_n.jpg"><img src="https://knadmin.beoblood.kz/uploads/437550898_729615409359706_2059623278677935812_n_ab528d00c0.jpg" alt="437550898_729615409359706_2059623278677935812_n.jpg">Фото:&nbsp;Қызылорда облысы әкімінің баспасөз қызметі

Жекеменшік балабақшаларды рәсімдеу барысы талқыланды

<a href="https://kyzylorda-news.kz/">Kyzylorda-news.kz</a> &nbsp; Облыс әкімі Нұрлыбек Нәлібаев білім саласының өзекті мәселелері талқыланған мәжілісте биыл салынатын мектептердің сапасы, құрылыстың уақытылы аяқталуы жіті назарда болуы керектігін ескертті. Бұл туралы&nbsp;Қызылорда облысы әкімінің баспасөз қызметі хабарлады.«Биыл өңірімізде «Жайлы мектеп» ұлттық жобасымен 10 мектеп, «Білім беру инфрақұрылымын қолдау қорының» және жергілікті бюджеттің қаржысына 3 мектеп салынуда.&nbsp;Оның 7-еуін жаңа оқу жылында, 6 білім ошағын жыл соңына дейін пайдалануға беру жоспарланған. Одан бөлек, 4 мектеп жанынан қосымша құрылыс салынуда. «Жайлы мектеп» ұлттық жобасы Мемлекет басшысының, Үкіметтің тікелей бақылауында. Құрылыс сапасын күнделікті қадағалап, мерзімінде аяқталуын басты назарда ұстау қажет», – деді Нұрлыбек Машбекұлы.Мұнан бөлек, мамыр айынан бастап облыстағы 7 білім беру мекемесі күрделі жөндеуден өтеді. Облыстық бақылау жөніндегі басқармасына жұмыс сапасын, мерзімінде аяқталуын қатаң қадағалау тапсырылды.Сондай-ақ, жиында кейбір аудандардағы кешкі мектептердің жабылуына орай қысқартылатын педагогтардың жұмыспен қамтылуы, мектептердегі штаттық бірліктердің тиімділігі талқыланды.Фото:&nbsp;Қызылорда облысы әкімінің баспасөз қызметі

Мектептер құрылысы басты назарда болуы тиіс

Бүгін - халықаралық ескерткіштер мен тарихи орындарды қорғау күні. Бұл атаулы дата алғаш рет ЮНЕСКО жанында құрылған халықаралық ескерткіштер мен көрнекті орындарды қорғау мақсатында 1984 жылдан бастап белгіленген болатын. Бүгінде Сыр өлкесінде барлығы 567 тарихи-мәдени мұра мемлекет қорғауына алынған. Ал 280 ескерткіш тарихи-мәдени мұра негізінде тізімге енгізіліп отыр. Атаулы күнге орай, бүгін Өңірлік коммуникациялар қызметінің ұйымдастыруымен Ә.Тәжібаев атындағы облыстық әмбебап ғылыми кітапханасында көшпелі брифинг өтіп, облыстық тарихи және мәдени ескерткіштерді қорғау жөнінде КММ-нің басшысы Ерқазы Алданазаров БАҚ өкілдеріне құнды мұралар туралы толық айтып берді.– Өздеріңізге белгілі, Сыр өңірі ежелден тарихи мұраларға, құнды жәдігерлерге бай өлке. Осыған орай, биыл облыс әкімінің қолдауымен аймақтағы мәдени ескерткіштерді және тарихи нысандарды, өркениет ошақтарын зерттеу бойынша бірқатар жобаларды жүзеге асыруға қолдау білдірді. Мәселен, биыл ежелгі өркениет ошағы саналатын сақтардың орталығы Бәбіш мола, оғыздардың ордасы Жанкент және қазақ хандықтарының астанасы болған Сығанақ қалашықтарында археологиялық қазба жұмыстары жүргізілетін болады. Сондай-ақ, Халықаралық Түркі академиясының қолдауымен Жанкент қалашығына және ҚР Ғылым және жоғары білім министрлігінің гранттық қаржыландыруы бойынша Құрайлы асар қалашығына археологиялық зерттеу жұмыстары басталады. Бұдан бөлек, биыл республикалық бюджет есебінен облыстағы бірқатар ескерткіштерге атап айтқанда, Сығанақ, Алтынасар қалашықтары, Сырлытам, Асан ата, Оқшы ата, Қожан қожа кесенелері, Ғанибай мешіті, Ғани Мұратбаев мемориалдық музейіне реставрациялық жұмыстар жүргізілмек. Ал аудандық бюджеттен Қыш ата, Ғайып ата кесенелері қайта жаңғыртылады. Халықаралық ескерткіштер күніне орай өңірде 18-19 сәуір күндері мәдениет және өнер мекемелері, облыстық музейлер, архивтер мен кітапханаларда тақырыптық көрмелер, экскурсиялар және мәдени танымдық шаралар ұйымдастырылады, - деді Ерқазы Жарылқасынұлы.Көшпелі брифингтен кейін “Сыр өңірінің археологиялық мұрасын зерттеу, сақтау және қорғаудың өзекті мәселелері” тақырыбындағы конференция өтті.Фото: Қызылорда облысының Өңірлік коммуникациялар қызметі

Ескерткіштерді қорғау – мәдениетіміздің белгісі

<a href="https://kyzylorda-news.kz/">Kyzylorda-news.kz.</a> «AMANAT» партиясы Шиелі аудандық филиалының ұйымдастыруымен, Шиелі аудандық білім бөлімі, аудандық спорт және туризм бөлімдерімен бірге Көкшоқы спорт кешенінде «Кедергісіз келешек» партиялық жобасы аясында балаларға арналған «Тең мүмкіндіктер» атты облыстық инклюзиялық спорт фестиваліне аудандық іріктеу жарысы өтті.Іс-шараның ашылуында “AMANAT” партиясы Шиелі аудандық филиалының төрағасы Болат Сыздық, аудандық білім бөлімі басшысының міндетін атқарушы Марат Ақпанбетов сөз сөйлеп, жарысқа қатысушы командаларға сәттілік тіледі.&nbsp;Сайысқа 16 командадан 48 бала тартысты ойын көрсетті. Жарыста 3-5 сыныптар аралығында 9 команда, 6-8 сыныптар аралығында 7 команда бақ сынасып, шын мықтыны анықтады.Балалар сайыстың берілген ережесі бойынша эстафета және жеңіл атлетика түрінен жарысты. Сайыс нәтижесі бойынша жеңімпаздар мен қатысушылар арнайы диплом, кубок және медальмен марапатталып, бағалы сыйлықтар алды.Фестивальдің қорытынды марапаттау шарасына Шиелі ауданы әкімінің орынбасары Болат Ысмағұлов қатысып, барлық қатысушы балаларға алғысын білдіріп, жеңімпаз командаларды марапаттады.&nbsp;Айта кетейік, әр сайыс бойынша І орын алған командалар «Тең мүмкіндіктер» атты облыстық инклюзиялық спорт фестиваліне жолдама алды.

Шиеліде облыстық фестивальге іріктеу өтті

<a href="https://kyzylorda-news.kz/">Kyzylorda-news.kz</a> &nbsp;Сырдария спорт клубы жастар мен жасөспірімдерді спортқа баулуда түрлі жарыстар ұйымдастырып, халық арасында бұқаралық спортты дамытуда. Жыл бойы әзірленген іс-шаралар жоспарына сәйкес спорттың көптеген түрінен аудан біріншіліктерін өткізуді мақсат еткен.Бұл жолы спортшылар жеңіл атлетикадан жарысқа түсті. Желақтар жарыс алаңында мықтыларды анықтады. 1-мамыр Халық бірлігі күніне орай өткен аудан біріншілігіне аудан мектептерінен 4-5 және 6-7 сынып оқушылары қатысты. 120 спортшылардан құралған 7 команда 60 метрге, 500 метрге, 1000 метрге және эстафета бойынша бақ сынады.Бір күнге жалғасқан аудан біріншілігінің нәтижесі бойынша ұлдар арасында 60 метрге жүгіруден (4-5 сынып) №135 А.Тоқмағамбетов атындағы орта мектептің оқушысы Нұрдәулет Нұрланұлы бірінші орын алды. Екінші және үшінші орынға №126 орта мектептен Нұржан Нұрхан мен №137 орта мектептен Арнат Балтабай шықты. Қыздар арасында №210 О.Әбілпаттаев атындағы мектептің жүйрігі Айша Мейрамбекқызы бірінші болса, келесі жүлделі орындарды №137 орта мектептен Сезім Алматқызы мен №35 И.Тоқтыбаев атындағы мектеп-лицейден Айбике Маратбекова өзара бөлісті.6-7 сынып оқушылары арасындағы 60 метрге жүгіру сайысы бойынша ұлдардан №137 мектеп оқушысы Бақдәулет Қайратұлы ешкімге есе жібермеді. №129 Ә.Жәмішов атындағы мектеп-лицей оқушысы Әбілғазы Құрманғазыұлы мен №131 Т.Қозыбаев атындағы орта мектептің оқушысы Нұрдастан Пірмағанбетов 2-3 орындарға лайық болды. Сайыстың осы түрінен қыздар арасындағы тартысты бәсекеде №129 Ә.Жәмішов атындағы мектеп-лицейдің намысын қорғаған Сабина Тоқсанбай нағыз желаяқ екенін дәлелдеді. Сабина бірінші орын тұғырына көтерілсе, №210 О.Әбілпаттаев атындағы орта мектеп оқушысы Мәдина Амантай мен №135 А.Тоқмағамбетов атындағы орта мектеп оқушысы Әсет Айнабек жүлдегерлер атанды. Қызықты, әрі тартысты өткен 500 метрге және 1000 метрге жүгіру сайысында да кіл мықтылар анықталды. Қарсыластарынан оза шапқан жеңіл атлетшілер Айбибі Асылбек (№210 орта мектеп), Жания Самұратова (№35 мектеп-лицейі), Санжар Бекболатов (№35 мектеп-лицейі), Нұрымжан Пернебай (№131 орта мектеп) спортшылары мектеп намысын қорғап, жүлделі бірінші орын алды.Сонымен қатар жарыс жолына эстафеташылар шығып, қызықты ойын өрнегін көрсетті. Жалпы командалық есепте бірінші орынды №131 Т.Қозыбаев атындағы орта мектеп спортшылары жеңіп алды. Екінші орынға №135 А.Тоқмағамбетов атындағы орта мектеп және үшінші орынға №210 О.Әбілпаттаев атындағы орта мектеп спортшылары тұрақтады.– Аудан мектептері арасында жыл сайын өткізілетін дәстүрлі біріншілікке қатысқан спортшылардың арасында мықтыларды анықтадық. Оқушылардың спортқа деген, оның ішінде жеңіл атлетикаға деген ынтасы мен жеңіске деген жігері қуантады. Мұндай жарыс өскелең ұрпақтың денсаулығына, жарқын болашағына деген пайдасы зор, – дейді жарыстың бас төрешісі Ж.Дәрмен.

Сырдариялық  жеңіл атлетшілер сыңға түсті

&nbsp;<a href="https://kyzylorda-news.kz/">Kyzylorda-news.kz</a>&nbsp; Облыс әкімі Нұрлыбек Нәлібаевтың төрағалығымен өткен мәжілісте білім саласының өзекті мәселелері талқыланды.Аймақ басшысы қала, аудан әкімдіктері жанындағы кәмелетке толмағандардың құқықтарын қорғау жөніндегі комиссиялар жұмысын сынға алды.<blockquote>«2024 жылдың 3 айының қорытындысына қарағанда, облыста кәмелетке толмағандарға қарсы жасалған қылмыс саны өткен жылдың есепті кезеңімен салыстырғанда 10,5%-ға төмендеген. Дегенмен, жекелей алғанда кейбір қылмыс түрлерінің саны артқан. Қала, аудан әкімдіктері жанында кәмелетке толмағандардың құқықтарын қорғау жөніндегі комиссиялар бар. Жасөспірімдер арасындағы құқықбұзушылық, топтық төбелестердің алдын алуға тікелей жауапты болғанымен, жұмысы нәтижесіз. Ешқандай зерделеу, талдау жоқ. Комиссия мүшелері адрестік-профилактикалық жұмыс жүргізбейді. Тек, мұғалімдер мен инспекторлардың зерттеулеріне сүйеніп, шешім қабылдайды. Мұны бала тағдырына бей-жай қарау деп есептеймін», – деді Нұрлыбек Машбекұлы.</blockquote>Аймақ басшысы қала және аудан әкімдеріне осы бағыттағы жұмысты шұғыл түрде бір жүйеге келтіру міндетін жүктеді. Алдағы уақытта комиссия қызметі бағаланғанда, профилактикалық шаралармен қатар, нақты адрестік жұмыстар, нәтижелі индикаторлар есепке алынады. Облыстық білім басқармасы комиссиялардың есебін тоқсан сайын баяндап, соған сәйкес шешім қабылданбақ.Фото: Қызылорда облысы әкімінің баспасөз қызметі &nbsp; &nbsp; &nbsp; &nbsp; &nbsp; &nbsp;&nbsp;

Оқушылардың қауіпсіздік мәселелері қаралды

<a href="https://kyzylorda-news.kz/">Kyzylorda-news.kz</a> Бүгін 18 сәуір – халықаралық ескерткіштер мен тарихи орындарды қорғау күніне және «Таза Қазақстан» республикалық экологиялық акциясының “Киелі мекен” апталығы аясында мемлекет және қоғам қайраткері, ғалым, журналист Мұстафа Шоқайдың және әнші-композитор, Қазақстанның еңбек сіңірген қайраткері Батырхан Шөкеновтың ескерткіштеріне гүл шоғын қою және тазалық жұмыстарын жүргізу шарасы ұйымдастырылды.Батырхан Шөкеновтың саябағында бастау алған акцияда композитор, Қазақстанның еңбек сіңірген қайраткері, «Құрмет» орденінің иегері Тайманов Рамазан Сағындықұлы, Батырханның бауыры Мүсірәлі Шөкенұлы және ақын, Мәдениет саласының үздігі Серік Ыдырысов сөз сөйлеп, Батырдың анасы Диляра Шүкенова жас өнерпаздарға ақ жол тілеп, батасын берді.&nbsp;Мұстафа Шоқай ескерткішінің алдындағы акцияда тарих ғылымдарының кандидаты кандидаты, прфессор Дастан Сәтбай және тарих ғылымдарының кандидаты, академик Бақытжан Ахметбек сөз сөйлеп, Мұстафа руханиятының мұрасына тағзым жасады.&nbsp; Бүгінгі жас ұрпақтың ұлттық болмысын қалыптастыруда, кешегі өткен батырларымыз бен тау тұлғаларымыздың ғұмыры мен еселі еңбегін насихаттауда аймағымызда көптеген ескерткіштер бой көтеріп, ел жадында жаңғыруда.Акция ескерткіштерді тазалау, ағаш отырғызу шараларымен жалғасты.

Қызылордалықтар «Таза Қазақстан» республикалық акциясына атсалысуда

&nbsp;<a href="https://kyzylorda-news.kz/">Kyzylorda-news.kz</a> &nbsp;Ыбырай Алтынсарин атындағы №204 қазақ орта мектебі осыдан жетпіс жыл бұрын қараша айында №71 теміржол жеті жылдық мектебі ретінде ашылған болатын. Мектептің алғашқы директоры, марқұм Балмағамбетов Данышпан еді. Алғашқы ашылған жылдары мектепте 400-дей оқушы оқып, 15-ке жуық мұғалімдер қызмет атқарған. 1954-1955 оқу жылында мектептің алғашқы түлектердің саны 35 оқушы болды. Алғашқы сабақ берген ұстаздар: Боранбаев Сейіл, Қазыбаев Әшірбай, Пішімова Бибіжар, Қосаева Саяш, Ахмедов Мадали, Сарқұлов Ләти, Цой Ян Дүн, Досжанов Асан тағы басқа ұстаздар жемісті қызмет атқарды.Жаңа мектеп ғимараты 2014 жылы пайдалануға берілді. Ғимарат ауқымы – 36335 шаршы метрді құрайды. Жалпы алаңы – 7511,5 шаршы метр. Екіқабатты типтік жобада салынған, екі ауысымдық 600 орындық мектеп .Техника жабдықтармен қамтылған кабинеттер: 1 физика, 1 химия, 3 информатика және 1 робототехника, 3 технология кабинеттері, кітапхана жалпы көлемі - 120,4 шаршы метр, акт залы – көлемі 204,20 шаршы метр, спортзал - қажетті спорттық құралдармен қамтамасыз етілген көлемі - 640,60 шаршы метр. Барлығы мектепте – 94 компьютер, 8 планшет, 5 ноутбук, 5 проектор, 5 принтер, 8 интерактивті тақталар бар. Медициналық 2 кабинет бар, көлемі - 34,2 шаршы метр 130 орындықты асхана бар. Мұнда ыстық тамақпен 130 бала қамтамасыз етіледі. Арнайы күзет – қарастырылған.2018 - 2019 оқу жылында мұғалімдер саны - 138, білімі жоғары - 131. Жоғары санатты - 10 (2 зерттеуші). Бірінші санатты - 42 (6 сарапшы). Екінші санатты - 61 (8 модератор), Санатсыз - 25. Оқушылар саны - 788, оның ішінде, 387 қыз бала. Сынып комплекті - 38.2024 жылдың 12 ақпан күні Ыбырай Алтынсарин атындағы №204 орта мектепте Кеңес әскерлерінің Ауғанстаннан шығарылуына – 35 жыл толуына орай, АӘжТД пәні мұғалімі: Жаңабаев Қонысбектің ұйымдастыруымен 8-10 сынып оқушылары арасында «Ауғанның асуында от кешкендер» тақырыбында тарихи кеш өткізілді. Кеш шымылдығы тарих пәнінің мұғалімі Қаналиев Алмастың «Ауған соғысы – жүректегі жара» тақырыбындағы баяндамасымен ашылды. Оқушылар тақырыпқа сай әдеби-монтаж оқыды. Видео слайд көрсетілді. «Жылдар сөйлейді» айдарымен оқушылар 1979-1989 арасындағы оқиғалар туралы түсінік беріп өтті. Тарихи кеш оқушыларға үлкен әсер қалдырды.Ыбырай Алтынсарин атындағы №204 орта мектепте «Қыран» дебаттық клубының жылдық іс-жоспарына сәйкес, 21 - желтоқсан күні "Бұл палата ата-аналар да, өз балаларының әлеуметтік желілердегі парақшаларына кіру мүмкіндігі болу керек деп есептейді" тақырыбында пікірсайыс өткізілді. Пікірталас барысында, оқушылардан құрылған жақтаушы және даттаушы топтар өзара ойларын ортаға салып, тақырыпты кеңінен аша білді. Оқушылар шараға белсене қатысты. Нәтижесінде, өз позицияларын берік ұстанған "Үкімет" тобы басымдықпен жеңіске жетті.ДосболLIKE : «Достық қолын ұсын»Мектепте кешенді жоспар негізінде жүзеге асырылатын бір айға созылатын ДосболLIKE: «Достық қолын ұсын» республикалық акциясының ашылуы өткізілді.Акцияның мақсаты: Мектеп ортасында жасампаз ұжымдық шығармашылық негізінде позитивті қатынастарды қалыптастыру үшін жағдай жасау.Акция туралы мектеп басшысы Ләззат Шманқызы сөз сөйледі. «ДосболLIKE: «Достық қолын ұсын» акциясында атқарылатын жұмыстар туралы таныстырып өтті.Ыбырай Алтынсарин атындағы №204 орта мектеп кітапханашылары оқушылардың қысқы демалыс күндерін тиімді пайдалану мақсатында "Қыста кітап оқимыз, жадымызға тоқимыз" тақырыбында шара ұйымдастырды. "Ауылым алтын тұғырым" атты шығарма жаздыра отырып, оқушыларға туған жері жайлы түсінік беру. Туған жерге деген сүйіспеншілігін арттыра отырып, өз ауылының мәртебесін көтеруге шақыру. Сөздік қорын молайту, өз ойларын еркін, ашық жеткізуге тәрбиелеу.Орта мектепте 2023 – 2024 оқу жылының жоспарына сәйкес, «Құстар – біздің досымыз» атты тақырыпта акция шарасы өткізілді.Мақсаты: Табиғаттың бір бөлігі саналатын тіршілік иесі құстарға қамқорлық жасау, қорғау, мейірімділік&nbsp;көрсету, ұя жасау.Акция шарасы барысында мектеп тәлімгерлері жасұландықтармен бірге мектеп аулаларындағы талдарға қолмен&nbsp;дайындалған ұяларды іліп, естелік суреттерге түсті. Өткізілген бұл шара уақытылы &nbsp;әлеуметтік &nbsp;желіге&nbsp;жарияланды.Мектепте Махамбет Өтемісұлы 220 жылдығына орай, 2-3 сынып оқушылары қатысуымен іс-шара болып өтті. Мақсаты: Даңқты батырдың өнегелі өмірін оқушылар арасында насихаттау.Ыбырай Алтынсарин атындағы № 204 орта мектепте 2023 – 2024 оқу жылы «Жас ұлан » өзін - өзі басқару ұйымы жылдық жоспарына сәйкес ұйым мүшелері қатысуымен «Музей сағаты» және «Сыр елінің сырлы жәдігерлері» атты акциясына сәйкес, саяхат сабағы болып өтті. Бұл шара барысында мектеп тәлімгерлері мен оқушылар Қазалы аудандық тарихи өлкетану музейіне барып қайтты.Мақсаты: Музейдегі ата-бабамыздан мұра болып келе жатқан көне жәдігерлер және құндылықтарды жасұландықтарға насихаттау, таныстыру және ұлтжандылыққа, отансүйгіштікке тәрбиелеу болып&nbsp;саналады. Акция барысында оқушылар көне жәдігерлер туралы мағлұмат ала білді. Музей қызметкерлері оқушыларға біраз ақпараттар беріп, құндылықтарды жеке-жеке таныстырды.Мектептің тәлімгерлері және жасұландықтар "Сыр елінің сырлы жәдігерлері" атты көрме аясында Қазалы аудандық тарихи өлкетану музейіне барып акция шарасын өткізді. Мақсаты: Оқушыларға ата-бабамыздан мұра болып келе жатқан көне жәдігерлер мен құндылықтарды таныстыру, насихаттау және ұлтжандылыққа, отансүйгіштікке тәрбиелеу.Қазалы аудандық оқушылар үйінде өткізілген "Маусымашар – 2024" жайдарман сайысында мектебіміздің "Ақ орда" командасы бағын сынап үздік ойын өрнегін көрсете білді. Сайыс нәтижесі бойынша командамыз "Супер лига" кезеңіне жолдама алды.Ыбырай Алтынсарин атындағы №204 орта мектепте "Ата-аналарды педагогикалық қолдау орталығы" жоспарына сәйкес, &nbsp;"Төрт тоқсан - төрт өнер" жобасы аясында әкелер және балалар арасында "Алтын сақа" асық ату сайысы болып өтті.Мақсаты: Қазақ халқының ұлттық ойыны асық атуды әкелер мен оқушылар арасында кең - көлемде насихаттау. Сайыс барысында қатысушылар белсенділік танытты. Асық ату дене тәрбиесі пәні мұғалімі Бекжанов Азаматтың түсіндіруімен ережеге сәйкес &nbsp;өткізілді. Естелік суреттер &nbsp;түсірілді және жасалынған жұмыс әлеуметтік желіге жарияланды.Мектепте біртұтас тәрбие бағдарлама жоспары аясында дене тәрбиесі пәні мұғалімі Смағұлов Асылбектің ұйымдастыруымен 1-6 сынып оқушылары арасында "Тоғызқұмалақ - day" сайысы болып өтті. Мақсаты: Оқушыларды салауатты өмір салтын ұстануға тәрбиелеу, бос уақытын тиімді өткізуге баулу болып саналадыЫбырай Алтынсарин атындағы №204 орта мектеп кітапханашыларының ұйымдастыруымен академик Қаныш Сәтбаевтың 125 жылдық мерейтойына арналған "Ұлт мақтанышы" тақырыбында фотокөрме өткізілді. Мақсаты – оқушыларға өз ұлтының мақтанышы Қаныш Сәтпаев туралы таныстыру; оқушылардың болашаққа бағдар жасауы үшін өткен тарихын бойларына қалыптастыру; Қаныш Сәтпаевтың ғылым жолын және еңбектерін оқушылардың бойына дарыту; оқушыларға білімділікті, еңбекқорлықты, тарихты қастерлей білуге тәрбиелеу.

Шығармашыл ұстаздар оқушылардың сөздік қорын молайтуға күш салуда

<a href="https://kyzylorda-news.kz/">Kyzylorda-news.kz</a> &nbsp; Жақында Байқоңыр қаласында таеквондодан ғарышкерлер күні аясында Респуликалық турнир өткізілген болатын. Аталған турнирге Сырдария ауданының намысын қорғаған спортшылар бақ сынады. Әр салмақ бойынша шеберлік байқасқан саңлақтар жеңіс тұғырынан көрінуге талпынды.&nbsp; &nbsp; &nbsp; &nbsp; Жұлдызды қалашықта жүзеге асқан турнирге №11 олимпиадалық резервтің мамандандырылған балалар жасөспірімдер мектебінің спортшылары жарыс жолына шықты. Жарыс нәтжесінде, ұлдар арасында 36 келі салмақ дәрежесінде Ғани Шахарбек ІІ орын&nbsp;және Диас Бексеійтов 3 орынды иеледі. Ал&nbsp;қыздар арасында 49 келі салмақ дәрежесінде Жанерке Сәтбаева ІІ орын, 160см-ден Дидарай Рахымбердина ІІІ орын, &nbsp;Мадина Амантай ІІІ орынды жеңіп алды. Сырдариялық спортшылардың жаттықтырушылары білікті бапкерлер Марат Алдабергенов пен Бақытжан Баймырзаев екенін айта кетейік.– Біздің спортшыларымыз &nbsp;айтулы күн аясында өткізілген жарыста жоғарғы табысқа қол жеткізе алды. Спортшылардың аяқ алысын бағамдап, &nbsp;кемшілліктермен жұмыс жасайтын болады. Бұданда жоғарғы жетістіктерге қол жеткізу үшін барымызды саламыз. Республикалық турнирде жүлделі орыннан көріну – жаман нәтиже емес. Үздіксіз жаттығудың арқасында спортшыларымыз жоғарғы табысқа қол жеткізеді деп сенеміз, – деді тәжірибелі бапкер Марат Алдабергенов.&nbsp;

Сырдариялық таеквондошылар республикалық турнирде топ жарды

<a href="https://kyzylorda-news.kz/">Kyzylorda-news.kz</a>&nbsp; &nbsp;«Азаматтарға арналған үкімет» мемлекеттік корпорациясы» коммерциялық емес акционерлік қоғамының Қызылорда облысы бойынша филиал директоры Айда Абибуллаева ауданға арнайы іс-сапармен келді. Филиал жетекшісі қайта жасақталған үш бөлімнің жаңа басшысын іргелі ұжымға таныстырды. Өз кезегінде зейнетақы төлеу, халыққа қызмет көрсету бойынша және жылжымайтын мүлікті тіркеу, жер кадастры саласы біріктірілген бөлімге тәжірибелі басшы Жұмабек Ембергенов тағайындалды.Кездесу барысында Айда Ибрагимқызы қайта жасақталған бөлім басшысының өмір жолына тоқталды.– Бірнеше жыл бойы «Азаматтарға арналға үкімет» мемлекеттік корпорациясы коммерциялық емес акционерлік қоғамының Қызылорда облысы бойынша филиалы «Халыққа қызмет көрсету орталығы» департаменті Сырдария аудандық бөлімі басшысы қызметін атқарып келген Жұмабек Әшімұлының іс-тәжірибесі көпшілікке мәлім. Білікті басшы қашанда ұйымдастырушылық қабілетімен ұжымның жұмысын үйлестіре білді. Ол – 1994-1995 жылдары әскери борышын өтеп, 1996-1998 жылы аралығында Қызылорда аграрлық техникалық колледжінде білім алды. 2000-2004 жылдары «КАУ» Қазақ академиясы университетінің жоғарғы оқу орнын заңгер мамандығы бойынша тәмамдаған. 2020 жылы Қызылорда «Болашақ» университетінде «Мемлекеттік және жергілікті басқару» мамандығы бойынша білімін жетілдірген. Еңбек жолын 2001-2005 жылдары облыстық ішкі істер департаментінде «Арлан» арнайы мақсаттағы взводының полицей снайпері болып бастаған. 2005-2006 жылдар аралығында Сырдария аудандық ішкі істер бөлімінде Анықтау тобының аға анықтаушысы қызметін үйлестірген. 2006-2007 жылдар аралығында Жалағаш аудандық ішкі істер бөлімінің қылмыстық жедел іздестіру бөлімінің аға оперативтік уәкілі болған. 2007-2008 жылдары «Халыққа қызмет көрсету орталығы» республикалық мемлекеттік мекемесінің Сырдария аудандық филиалының реттеу зал басшысы қызметін атқарған. 2008-2011 жылдары «Халыққа қызмет көрсету орталығы» республикалық мемлекеттік мекемесі Сырдария аудандық филиалының басшысы қызметін атқарды. 2011-2012 жылдары «Халыққа қызмет көрсету орталығы» республикалық мемлекеттік мекемесі Жалағаш аудандық филиалының басшысы қызметінде бола білді. 2012-2016 жылдары «Халыққа қызмет көрсету орталығы» республикалық мемлекеттік кәсіпорының Қызылорда облысы бойынша департаментінің Сырдария аудандық бөлімінің басшысы міндетін абыроймен жасады, – деді Айда Ибрагимқызы.Айта кетейік, Жұмабек Әшімұлы Сырдария аудандық мәслихатының VI-ші және VII-шақырылым депутаты ретінде ел-халықтың мәселесін шешуге атсалысты. Бүгінде облыстық мәслихатында халық қалаулысы ауданға қатысты түйткілді дүниелерді атқарушы билік өкілдеріне жеткізіп келеді. Кездесуде әріптестері жаңа басшының алдағы жұмысына сәттілік тіледі.Балтабай ОРДАБЕКОВ

Қазақстан және Қызылорда облысының жаңалықтары