<a href="https://kyzylorda-news.kz/">Kyzylorda-news.kz.</a>&nbsp; Партияның облыстық филиалы жанындағы партиялық бақылау комиссиясының отырысында «Ауыл – Ел бесігі» мемлекеттік бағдарламасы аясында бөлінген қаржының жұмсалуы, білім беру ұйымдарында сапалы білім алу үшін оқушыларға жасалатын қауіпсіз және қолайлы жағдайлар кеңінен талқыланды.Жалпы «Ауыл – Ел бесігі» бағдарламасының мақсаты әлеуметтік және инфрақұрылымды дамыту, мемлекеттік қызметтерге қол жеткізу арқылы ауыл тұрғындарының әлеуметтік, тұрмыстық әл ауқатын жақсарту.Бағдарламаның бекітілген методикасына сәйкес өңірде 53 тірек, 50 спутниктік елді мекендер айқындалып, бағдарлама жүзеге асқалы 4 жыл ішінде облыста құны 18 млрд теңгеден асатын 225 инвестициялық жоба жүзеге асырылған. Жиында Қызылорда облыстық экономика және қаржы басқармасының ауыл шаруашылығы және ауыл- аймақтарды дамыту бөлім басшысы Бақытжан Қожабекұлы хабарлама жасап, бағдарлама аясында бөлінген қаржының игерілуі турасында ақпарат берді.Бөлім басшысының айтуынша ағымдағы жылы 39 елді мекенде 158 жобаны жүзеге асыруға облыстық бюджеттен 7 946 млн.тг, ал республикалық бюджеттен қосымша 58 жобаға 3668 млн теңге бөлініп, барлығы 11,6 млрд теңгенің 216 жоба жүзеге асуда. Бұл бөлінген қаржы аталмыш елді мекендердегі білім, мәдениет, денсаулық сақтау нысандарын күрделі жөндеуден өткізуге, сонымен қатар жарықтандыру, газбен жабдықтау, көлік инфрақұрылымы, сумен жабдықтау, абаттандыру жұмыстарға бағытталған жобаларға жұмысалуда.Жиында партиялық бақылау комиссиясының төрағасы Нұркен Бақытбекұлы облыстағы ауылдардың жартысынан астамында көшелер, білім беру және денсаулық сақтау нысандары жөндеу жұмыстарын қажет ететіндігін тілге тиек еттіп, бөлінген қаржының мақсатты жұмсалуын жеткізді.Бүгінде өңірде демографиялық және миграциялық өсімдерге сәйкес бала саны жыл сайын артуда. «AMANAT» партиясы жас ұрпақтың сапалы білім алуын өзінің 2023-2027 жылдарға арналған сайлауалды бағдарламасына арнайы енгізіп отыр. Басты міндет - білім беру ұйымдарында оқушылар үшін қауіпсіз және қолайлы жағдайлар жасау. Күн тәртібінде осы бағытта атқарылып жатқан жұмыстар жөнінде Қызылорда облыстық білім басқармасының тәрбие жұмыстары жөніндегі бөлім басшысы Бектұр Қали хабарлама жасады.Жалпы бүгінгі күні облыста 5 апатты және үш ауысымда жұмыс жасайтын 6 мектеп бар. Аталған мәселелерді бірінші кезекте шешу үшін нақты жұмыстар қолға алынып отыр. Мәселен, «Жайлы мектеп» ұлттық жобасы аясында өңірде салынатын мектептер мен демеуші және «Білім беру инфрақұрылымын қолдану қоры» есебінен 2025 жылға дейін апаттық мектептердің мәселесі түбегейлі және үш ауысымда білім беру мәселесі биыл жыл соңына дейін толық шешімін таппақ.<figure class="image"><img src="https://knadmin.beoblood.kz/uploads/347389780_651113337054306_1023106744385366623_n_c6c8eadc13.jpg" alt="347389780_651113337054306_1023106744385366623_n.jpg"></figure>

Партиялық бақылау комиссиясының отырысы өтті

<a href="https://kyzylorda-news.kz/">Kyzylorda-news.kz.</a>&nbsp; Президент Қасым-Жомарт Тоқаев ертең Түркістан қаласында Ұлттық құрылтайдың екінші отырысын өткізеді. Бұл туралы <a href="https://t.me/aqorda_resmi/9489">Ақорда</a> хабарлайды.Еске салайық, Ұлттық құрылтайдың алғашқы отырысы былтыр 16 маусымда Ұлытау облысында <a href="https://www.inform.kz/kz/prezident-kuryltay-belgili-bir-adamdar-gana-bas-kosatyn-zher-emes_a3945311">өткен болатын.</a>Құрылтай барлық облыстың, сан түрлі саланың, әр буынның өкілдерін қамтиды. Мұнда азаматтық ұстанымы бар орта буынның тәжірибесі, жаңаша ойлайтын жастардың тың идеялары ортаға салынады.Жиында сөз сөйлеген Мемлекет басшысы келесі басқосуды киелі Түркістанда өткізуді <a href="https://www.inform.kz/kz/kasym-zhomart-tokaevtyn-ulttyk-kuryltayda-soylegen-sozinin-tolyk-matini_a3945317">ұсынған еді. </a>«Құрылтайдың әр аймақта өтуі сол өңірдің дамуына серпін береді. Оның мүшелері әр жолы бір өңірдің тыныс-тіршілігімен танысады», - деді Қ.Тоқаев.

Ертең Президенттің қатысуымен Ұлттық құрылтай отырысы өтеді

<a href="https://kyzylorda-news.kz/">Kyzylorda-news.kz.</a> Қазгидромет синоптиктері 16 маусым, жұмаға арналған ауа райы болжамын ұсынды.Жоғары қысымның әсерінен республиканың басым бөлігінде жауын-шашынсыз ауа райы сақталады.Тек Қазақстанның батыста, солтүстік-батыста, қиыр шығысында атмосфералық фронттар жүріп өтеді, салдарынан найзағай жарқылдап, өткінші жаңбыр жауады.Еліміздің батысында бұршақ жауып, дауыл соғуы ықтимал.Республика бойынша жел күшейеді. Елдің орталығында шаңды дауыл тұрады.Күндіз Ұлытау, Қызылорда облыстарының басым бөлігінде, Атырау облысының солтүстігінде, шығысында, оңтүстігінде, Батыс Қазақстан облысының оңтүстігінде, шығысында, Ақтөбе облысының батысында, оңтүстігінде, Алматы облысының солтүстігінде, орталығында, Түркістан облыстарының шөлді аудандарында қатты ыстық сақталады.Жетісу, Абай, Түркістан, Ақтөбе, Қызылорда, Ақмола, Шығыс Қазақстан, Жамбыл, Маңғыстау, Солтүстік Қазақстан облыстарында, Ұлытау облысының орталығында, оңтүстігінде, Алматы облысының солтүстігінде, оңтүстігінде, Қарағанды облысының оңтүстігінде, Қостанай облысының оңтүстік жартысында, Батыс Қазақстан облысының оңтүстігінде, шығысында, Атырау облысының солтүстігінде, шығысында, оңтүстігінде, Павлодар облысының солтүстігінде, батысында төтенше өрт қаупі бар.

Аптап ыстық: Жұмаға арналған ауа райы болжамы

<a href="https://kyzylorda-news.kz/">Kyzylorda-news.kz.</a> Мемлекет басшысы Қасым-Жомарт Тоқаев Түркістан қаласында өткен Ұлттық құрылтайдың екінші отырысында жиналған қауым алдында сөз сөйлеп, ел дамуының бағыт-бағдарын айқындайтын ой-толғамдары мен ұсыныстарын ортаға салған болатын.Ұлттық құрылтайды Президент отаншылдық, адамгершілік, білімпаздық, нағыз маман болу, үнемшілдік, еңбекқорлық, ел мен жерге жанашырлық сияқты асыл қасиеттер бәрінен биік тұруға тиіс екенін айтты. Осындай ізгі қасиеттер ең алдымен мемлекеттік қызметкердің бойында болуы тиіс, себебі адал азамат қана Әділетті Қазақстанды құра алады.&nbsp;Адал азамат пен Әділетті Қазақстан ұғымын бір-бірімен тығыз екенін, сондықтан да әрбір қазақстандық адал еңбек етіп, адал табыс тапса жетістікке жететіні сөзсіз. Бүгінгі біздің кейіпкеріміз соңғы 13 жылдан бері мемлекеттік қызметті абыроймен атқарып, ел Президенті айтқандай туған елге, Отанға адал, ел мүддесін бәрінен биік қоятын нағыз елжанды азамат. Бүгінде Іңкәрдария ауылдық округінде әкім қызметін атқарып келе жатқан Сәулет Есдәулетов ауданда ауыл әкімдерінің арасында ең тәжірибесі мол әкімнің бірі.<blockquote>&nbsp;Осыдан 58 жыл бұрын қасиетті Қармақшы топырағында дүниеге келіп, оқушы кезімде отбасымызбен Қызылқұмдағы ауыл Іңкәрдарияға қоныс аудардық. Берекесі тасыған, ел мен жері ырысты мекенде мектеп бітіріп, арнаулы оқу орнын бітірдім. Алғашқы алған мамандығым жөндеу-технигі. Қатарластарым секілді Отан алдындағы борышымды Германияда екі жыл өтедім. Сонан соң ауылдағы мектепте алғашқы әскери дайындық пәнінен сабақ бердім. Он бір жыл бойы білімнің ұстаханасында еңбек етіп, одан әрі жоғарғы оқу орнына түстім. Заңгер мамандығын алдым. Түрлі салада жұмыс істеп, тәжірибе жинадым. 2010 жылы алғаш рет мемлекеттік қызметке келдім. Мемлекеттік қызметкер ретінде ауыл әкімі болып сайландым. Міне, 13 жылдан бері Іңкәрдария ауылында ел-халықпен бірге әрбір шаңырақтың түтіні түзу ұшуына қызмет етіп келемін, – дейді ауыл әкімі Сәулет Шәкібекұлы.</blockquote>Ауыл әкімінің айтуынша мемелкеттік қызметкердің бойында адамгершілік, қарапайымдылық, адамдармен тіл табыса білу, әдептілік секілді асыл қасиеттер болуы керек. Мемлекеттің сеніп тапсырған қызметін адал атқаруына қызметке деген ыждағаттылық та, мемлекеттің мүлкіне аса мұқият болу, жемқорлыққа жол бермеу, адалдық қасиеттері де аса қажет. Ауыл әкімі ер азаматқа тән мінезбен жеке өзі жайында емес, ауылдың тыныс-тіршілігі мен ел-халық үшін жасалған жұмыс туралы жазуды сұрағандықтан, біз де әдептен озбай ауыл халқының бүгінгі тіршілігі жайын көбірек сөз етуді жөн көрдік.Шалғайдағы ауылдың тыныс-тіршілігімен етене таныс ауыл азаматы алғаш рет ауыл әкімі болып келгенде ауыл халқымен бірге жұмыла қызмет атқаруға кіріседі. Әрбір бастаманы ақсақалдармен ақылдасып, халықтың мұң мұқтажын тыңдап, әлеуметтік-тұрмыстың жақсаруына жағдай жасайды. Ауылда көптеген әлеуметтік нысандардың салынуына қажетті қаржының бөлінуіне атсалысады. Нәтижесінде ауылдағы бірнеше көшеге Әйтеке би, Қазбек би, Қ.Сейдахметов, Ғ.Мұратбаев көшелеріне асфальт төселеді. "Ақбұлақ" бағдарламасы арқылы барлық тұрғын үйлерге ауыз су құбырлары кіргізіледі. Ауыл халқы соңғы он жылдан бері тәулік бойы таза ауыз суды тұтынуға мүмкіндік алды. Ауыл тұрғындарының көптен күткен ұсынысы – ауылдық фельдшерлік акушерлік бекетінің жаңадан салынуына қол жеткізіледі. Ауылдың айнасы – кіріберістегі ауыл паспорты да жаңаланады. Ауыл әкімшілігінің ғимараты да жаңадан салынып, қолданысқа беріледі. Ауыл орталығынан балаларға арналған ойын алаңы, спорт алаңының құрылысы тұрғындардың қуанышы еселей түседі. Бұрын соңды ертегі болып көрінген ауыл көшелері самаладай жарқырап, барлық көшелер жарықтанады. Ауылдың түлегі Мейрамбек Қонақбаев Алланың жердегі үйі мешіт құрылысын жүргізіп, ауыл тұрғындарының игілігіне береді. Әрине, осынау қыруар жұмыс ауыл әкімінің іскерлік және ұйымдастырушылық қабілетінің арқасында жүзеге асқанына ел-жұрт куә.<blockquote>&nbsp;Іңкәрдария – аудандағы ең шағын ауылдардың бірі болғанымен ауыл іргесінде республикалық маңызы бар тарихи ескерткіш орналасқан. "Мүлкілан баба" кесенесіне келушілердің қатары көп. Биыл ескерткішке күрделі жөндеу жұмыстары жүргізілді. Сонымен қатар ауылға халықтың игілігі үшін ауыз суға жаңадан су мұнарасы жаңадан орнатылды. Биылғы жылы ауылдағы А.Құнанбаев, Ж.Жабаев, Қ.Сейдахметов көшелеріне асфальт төсеу, &nbsp;фельдшерлік акушерлік &nbsp;бекетіне күрделі жөндеу жұмыстары жүргізілуде. Осы жылдың келесі жартыжылдығында қатты қалдық тастайтын қоқыс алаңы салынады. Ауылішілік көшелерінің ой-шұқырын жамау жұмыстары жүргізіледі, – дейді ауыл әкімі.</blockquote>Халқы небәрі 815-ті құрайтын ауылда 160 отбасы бар. Ауылдың берекесі – қазыналы қарттардың қатарында 4 тыл ардагері, 61 зейнеткер бар. 34 мүмкіндігі шектеулі жан, 11 "Алтын алқа" және 10 "Күміс алқа" иегерлері ауыл халықының бір бөлігі."2021-2025 жылдарға арналған кәсіпкерлікті қолдаудың ұлттық жобасы" аясында жаңа бизнес-идеяларды іске асыруға арналған мемлекеттік грант бойынша ауылдық округтен 6 адам грант алып, жұмыс жасауда. Олардың дені мал шаруашылығымен айналысады және бір кәсіпкер желімдеу орталығын ашып, кәсібімен айналысуда.<blockquote>&nbsp;Сәулет Шәкібекұлы 2010 жылдан бастап ауыл әкімі болып қызмет атқарып келеді. Әкімнің іскерлігін айтатын болсақ, ауылдың ауыз су жүйесі жаңартылып, әлеуметтік нысандар бой көтеріп, электр жарығы толығымен ауысып халық игілігін көруде. Ауыл халқының егін, мал шаруашылығымен айналысуына байланысты ұзындығы 14 шақырым "Ақтам-1" каналын қаздырып, көшелерге жаңадан асфальт төселді. Ауылдағы аз қамтылған отбасыларға қол ұшын беру, қайырымдылық жасауда қосқан үлесі зор деп есептеймін. Мемлекеттік қызметкерге қажетті барлық қасиет бойында бар, әдепті, ешкімнің бетіне келмейтін қарапайым азамат. Ел Президенті айтқандай Әділетті Қазақстан құру үшін мемлекеттік қызметкер адал, әрі әділетті болуы керек. Осындай әкіммен біздің ауылда әлі талай жақсы бастамалар болатынына сенімдіміз, – дейді ауыл ардагері Алпысбай Жүгінісов.</blockquote>Ардақты азамат мемлекеттік қызметте адал азамат болса, отбасында да арқа сүйер отағасы, 3 ұлдың әкесі, 5 немеренің атасы. Жұбайымен бірге балаларына жақсы білім мен тәрбие берді. Үлкен ұлы Айбек жеке кәсіпкер, ортаншы ұл Нұрбек ауылдағы су жүйесінде оператор болып қызмет атқарады.Үшінші ұлы Жеңісбек те қызмет бабымен Қызылорда қаласында тұрады.Мемлекеттік қызметте қарапайым болу ұстанымын биік қоятын ауыл әкімі қызметіндегі ел ағасына абырой тілейміз.&nbsp;&nbsp;

Сәулет Есдәулетов: Мемлекеттік қызметте қарапайымдылықты жоғары бағалаймын

Білім саласындағы игі өзгерістер болашақ үшін маңызды

<a href="https://kyzylorda-news.kz/">Kyzylorda-news.kz.</a> Биылғы жылдың 23-қаңтарынан бастап 2022 жылғы 1-қыркүйегіне дейін әкелінген және Қазақстан Республикасының заңнамасына сәйкес мемлекеттік тіркеуден өтпеген шетелдік автокөліктерді тіркеу жұмыстары жүргізілуде.&nbsp;Тіркеу жұмыстары басталғалы барлығы 9785 көлік құралдары тіркеліп, заңдастырылды.&nbsp;Ағымдағы жылдың 22-мамырынан бастап «Конструктор» ретінде шет мемлекеттен алып келінген автокөліктерді тіркеу үшін азаматтардан өтініштер қабылдануда.&nbsp;Қазіргі таңда, иеліктен шығару құқығынсыз 275 автокөлік тіркелді. Олардың 134-і Армения Республикасы, 131-і Ресей Федерациясы, 10-ы Қырғызстан Республикасының мемлекеттік тіркеу куәлігімен өтініш білдірген автокөліктер.Шетелдік көлік құралдарының жекелеген санаттарын бастапқы тіркегені үшін алым мөлшерлемесін қолдану қағидалары, шарттары мен мерзімдері туралы Қазақстан Республикасының Үкіметі Қаулысының негізінде тіркеу жұмыстары 2023 жылдың 1-шілдесіне дейін жүргізілетіндігін ескере отырып, облыс тұрғындарын шетелдік автокөліктерін тіркеуге шақырамыз.Көлік құралдарын тіркеу мәселелері яғни, өтініштерді қабылдау уақытының ұзартылғандығы жөнінде әлеуметтік желілерде жалған ақпараттар тарауына байланысты алдағы уақытта уәкілетті органдармен берілетін түсіндірмелерге мән беруді шақырамыз және қосымша сұрақтарыңыз болса, Қызылорда облысының полиция департаменті, Әкімшілік полиция басқармасының 21-20-93 және 29-73-52 нөмірлі Call орталығынан біле алатындығыңызды хабарлаймыз. &nbsp;

10 мыңға жуық шетелдік автокөлік тіркелді

<a href="https://kyzylorda-news.kz/">Kyzylorda-news.kz.</a> Бүгін Қызылорда қаласының әкімі Асылбек Шаменов шаһарға қарасты кент және ауылдық округтерді аралап, қазіргі таңда атқарылып жатқан және алдағы уақытта жасалуы тиіс жұмыстармен танысты. Сондай-ақ, әр елдімекеннің тұрғындарымен кездесіп, көкейтесті мәселелерін тыңдады.Тасбөгет кентінен басталған кездесуде кент әкімі Семсер Сыздықов ілкімді істерді тізбектеп берді. Атап өтсек, апатты тұрғын үйлер мәселесін шешу жүйелі түрде жүргізілуі нәтижесінде жалғыз баспанасы апатты деп танылған кенттің 140-тан астам тұрғыны қала аумағынан салынған жаңа үйлерден пәтер кілттерін алды.2022 жылы облыстық бюджеттен қаралған 680 млн теңгеге 59,6 шақырым электр желісі жүргізіліп, жаңадан 15 қосалқы станция қойылса, «Сабалақ» саяжайына газ желісін тартуға «AS and Limited» ЖШС демеушілігімен 100 млн теңгеге жоба-сметалық құжаттары әзірленуде.2021-2022 жылдары Сабалақ, Еңбек саяжайларын ауыз сумен қамтуға бюджеттен 1,4 млрд теңге, демеушілік есебінен 50 млн. теңге бөлініп, тиісті жұмыстар жүргізілді. Жобаға енбей қалған аумақтарға демеушілер қосымша 187 млн теңге бөліп, құрылыс жұмыстары аяқталды.Қазірде кент орталығынан спорт кешенінің құрылысы жүруде. Оған қоса, бірнеше әлеуметтік нысандар бой көтеруде. Мұнан өзге, халықтың қолайлы ортада өмір сүруі үшін қажетті жағдайлар жасалынуда. Тұрғындар елде атқарылып жатқан жұмыстарға қанық. Өткен жылы айтылған ұсыныстар қанағаттандырылып, биыл ауқымды жобалар сәтті жүзеге асуда.Кездесуде шаһар басшысы Асылбек Шаменов тұрғындардың мұң-мұқтажы мен талап-тілектеріне көңіл бөліп, көтерілген мәселелер бойынша тиісті сала басшыларына нақты тапсырмалар жүктеді.Қала әкімінің аралау кестесіне сәйкес келесі болып Белкөл кентіндегі байырқалы бастамалар мен атқарылған жұмыстар барысы сараланды.Кентте соңғы жылдары кәсіпкерлік саласы жоғары қарқынмен дамып келеді. Оның бір ғана дәлелі - 2023 жылдың қаңтар-маусым айлары аралығында 71 кәсіпкерлік субъекті тіркеліп, 71 тұрақты жұмыс орны ашылған.«Жыл басынан бері «Бизнес-Бастау» бағдарламасы аясында 21 тұрғын оқу курсын аяқтап, қайтарымсыз грантқа өтініш берсе, 1-ші лек бойынша 4 тұрғын грант жеңімпазы атанып, Өңірлік инвестиция орталығы арқылы жеке кәсіпкер «Ізбасқанова Майра» кір сабын жасап шығару жобасына құрал-жабдыққа 4 млн теңге алып отыр. Қосымша «Ауыл аманаты» жобасы аясында жалпы құны 179,5 млн теңгені құрайтын 25 жобаның құжаты жинақталуда.Кентте биыл теміржол үстінен өтетін жаяу жүргіншілер көпірі пайдалануға берілді. Әлеуметтік нысандарға апаратын аяқжолдар жаңалануда. Жарықтандыру ісі де қарқынды жүргізілуде. Бұл жұмыстардың барлығына ел азаматтары бақылау жасап отыр. Десе де, қала әкімі қыруар шаруаны жүзеге асыруда олқылыққа жол бермеу қажеттігін баса айтып, тұрғындар ұсынысы ескерусіз қалмайтындығын жеткізді.Тың жаңалықтары мен атқарған жұмыстарын көрсету кезегін алған Қосшыңырау ауылдық округінің әкімі Сейдуәли Әбдіқадыров ағымдағы жылы жүзеге асырылатын құны 1 млрд. 318 млн. теңгені құрайтын жобалары туралы баяндады.<blockquote>«Бүгінгі таңда Қосшыңырау ауылдық округіне қарасты Абай және Досан елді мекендерін газдандыру жұмыстары жүргізілуде. Сонымен қатар, Досан елді мекеніндегі медициналық бекеттің құрылысы басталды. Бұдан бөлек Досан елді мекенінің инфрақұрылымын жаңғырту мақсатында 5 көшені асфальттау, 10 көшеге қиыршық тас төсеу жұмыстары жасалуда. Сондай-ақ, Абай және Досан елді мекенінен мектепке баратын басты 3 көшеге жаяу жүргінші жолы салынады. Қазіргі таңда мемлекеттік сатып алу жұмыстары жүруде»,- деді ауыл әкімі.</blockquote>Шаһар басшысы аталған маңызды жобаларды сәтті жүзеге асыру барысында ешқандай кедергілер орын алмауын тікелей бақылауына алатынын айтып, ауыл әкіміне елдімекен тіршілігін әлде де жандандыру жөнінде тапсырма берді. Содан соң ауыл тұрғындарының ұсынысын тыңдап, кезек күттірмейтін мәселелерді шешу жолдарын жан-жақты қарастыруды орынбасарларына жүктеді.Қала әкімінің жұмыс кестесіндегі келесі елдімекен Қарауылтөбе ауылдық округі болды. Ауыл әкімі Еркін Ахетов ауылдағы атқарылып жатқан және алдағы жұмыстармен таныстырып, жаңа жобалары туралы тілге тиек етті.Мәселен, «Ауыл ел бесігі», «Өңірлерді дамыту» бағдарламалары аясында ауылда біршама жұмыстар жүрген. 150 орындық мәдениет үйі ббой көтеріп, ауыл көшелеріне жарықтандыру мен электр бағаналары орнатылған.Айта кетейік, округте жалпы 124 шағын кәсіпкерлік субьектісі тіркелген.&nbsp;<blockquote>«2023 жылдың алғашқы 6 айы бойынша округте барлығы 12 шағын кәсіпкерлік субъектілері тіркеліп, 12 тұрақты жұмыс орны ашылды. Сондай-ақ, «Өңірлік инвестициялық орталық» микроқаржы ұйымы арқылы 30,5 млн. теңгеге 5 жоба игерілді»,- дейді ауыл әкімі.</blockquote>Қала әкімі Асылбек Шаменов өз кезегінде ауыл халқының игілігі үшін жасалып жатқан жұмыстарды ширатуды тапсырып, тұрғындардың талап-ұсыныстарына ден қойды. Ауылдағы ағайын ұсыныс-тілектердің кезең-кезеңімен сәтті жүзеге асып жатқандығын, десе де жастар арасындағы жұмыссыздықты жоюға күш салу қажеттігін жеткізді. Асылбек Өмірбекұлы бұл бағытта нақты шаралар қолға алынғандығын айтып, мемлекеттік бағдарламаларды тиімді пайдалану барысын түсіндірді.Бүгінгі күнге жоспарланған ауылдар тізбегін қорытындылаған Қызылжарма ауылдық округінде жалпы сомасы 2 млрд 630 млн. теңгені құрайтын 6 жоба жүзеге асырылуда.Атап айтар болсақ, «Ауыл – ел бесігі» бағдарламасы аясында 23 көшеге жол жөндеу, 24 көшеге түнгі жарықтандыру, жаяу жүргіншілер жолын салу, сондай-ақ, Қызылжарма-1 және Қызылжарма-2 тұрғын аудандарындағы 35 көшеге тас төсеу жұмыстары жүргізілуде. Сонымен қатар, жоспар бойынша ауылда мектеп, спорт кешені секілді әлеуметтік нысандар бой көтеріп, халық игілігіне ұсынылады.Тұрғындар игілікті бастамаларға алғыстарын білдіріп, қала әкіміне бірқатар ұсыныстарын жеткізді. Соның бірі-округтегі жабайы әдіспен жүргізілген электр бағаналарын алып тастау, ауыз судың қысымын көтеру және ұялы байланыс желісін жақсарту. Қала әкімі талап-ұсыныстардың орындалуын жеке бақылауына алатындығын айтып, тиісті сала басшыларына тапсырмалар жүктеді.<img src="https://knadmin.beoblood.kz/uploads/354585489_3382523775347690_2198542463587898621_n_23da386875.jpg" alt="354585489_3382523775347690_2198542463587898621_n.jpg">

Қарауылтөбе ауылында 124 шағын кәсіпкерлік нысаны тіркелген

<a href="https://kyzylorda-news.kz/">Kyzylorda-news.kz.</a> Бүгін Қызылорда қаласы әкімінің орынбасары Дінмұхамед Ермеков «Шырақ» клиникасы жаңа ғимаратының ашылу рәсіміне қатысты.<blockquote>«Кез келген мемлекеттің ең басты байлығы, бұл – адами капиталы. Біздің басты мақсатымыз да, халықтың әлеуметтік жағдайымен қатар рухани және денсаулық жағдайын жақсарту. Өздеріңіз білесіздер, соңғы жылдары өңірімізде жергілікті инвесторлардың қолдауымен мемлекеттік-жекеменшік әріптестік аясында қала халқына қажетті түрлі әлеуметтік нысандар салынуда. Оны бүгініміз бен болашағымызға бей-жай қарамаған азаматтардың туған жерге деген ыстық ықыластарының көрінісі деп ұққанымыз жөн. Облыс орталығында осындай денсаулық сақтау нысанының аясын кеңейткен «Шырақ» клиникасының басшылығына риясыз алғысымды білдіремін және жаңа бастамаларына табыс тілеймін. Жаңа ғимарат құтты болып, халықтың игілігі үшін қызмет етсін», - деп жүрекжарды лебізін білдірді Дінмұхамед Ермеков.</blockquote>«Ұлт саулығы жақсы болса ғана, қоғам орнықты дамиды» - деген ел Президенті Қасым-Жомарт Кемелұлы Тоқаев өз Жолдауында медициналық инфрақұрылымды кешенді түрде жақсартуға баса назар аударып, бұл ретте мемлекет пен жекеменшіктің серіктестігін тиімді пайдалану тұрғысында сөз қозғаған болатын.Осы орайда, аймақта 10 жылдан астам уақыттан бері халыққа сапалы қызмет көрсетіп келе жатқан «Шырақ» клиникасының орны ерекше. Шағын офтальмологиялық орталықтан бастау алып, көздің микрохирургиясы бойынша ота жасау деңгейіне көтерілген клиника қанатын кеңге жайды.Клиника басшылығы өз қаражаты есебінен 200 миллион теңге инвестиция құйып, «Даму» кәсіпкерлікті дамыту қоры арқылы 40 миллион теңге несиемен емдеу орнының керегесін кеңейтті. Бүгінде жаңа ғимаратта 20-дан астам жергілікті маман жұмыспен қамтылып, еңбек етуде.Бұл күндері Қызылорда облысына ғана емес, республикаға танымал, аймақта баламасы жоқ «Шырақ» клиникасының дәл осындай заманауи құралдармен жабдықталған жаңа ғимаратқа көшуі, ұлт саулығы жолындағы жаңа биіктерге ұмтылуы деп білеміз.

Клиника «Даму» кәсіпкерлікті дамыту қоры арқылы керегесін кеңейтті

<a href="https://kyzylorda-news.kz/">Kyzylorda-news.kz.</a> «Qosyl» Qyzylorda Jastar Ortalygy және «Жастар Рухы Кызылорданың» ұйымдастыруымен бітіруші түлектер мен жұмыссыз жастар үшін арнайы бос жұмыс орындарының жәрмеңкесі өтті. Жәрмеңкеде қала аумағындағы тұрақты және маусымдық негіздегі жұмыс орындары ұсынылды.Бос жұмыс орындары жәрмеңкесіне қызмет алуға келген қала тұрғындары мен жастар үшін 18 мекемеден 175 бос жұмыс орнына жұмыс жасайтын азаматтарға сұраныс берілген. Жұмыссыз жастар соның ішінен өз қабілетіне жарамды деген ұсыныстарды таңдады. Нәтижесінде, маусымдық қызмет көрсетуге «Жасыл Ел» еңбек жасағына 6 адам, тұрақты жұмыс орындарына 7 адам, сұхбаттасуға 5 адам жолдама алды.&nbsp;Сонымен қатар, 12 азамат өздерінің сұрақтары бойынша мекеме қызметкерлерінен консультациялық көмек алды. Сұрақтардың басым көпшілігі міндетті зейнет ақы қорының қызметкерлеріне қойылды. Бітіруші түлектер жұмыспен қамту орталығы қызметкерлерінен диплом алғаннан кейінгі жұмысқа орналасу және мемлекеттік бағдарламаларға қатысу бойынша сұрақтарын қойып, тұщымды жауап алды.&nbsp;Алдағы уақытта осы форматтағы шара жалғасын табатын болады. Биылғы оқу жылында облыс көлемінде барлығы техникалық және кәсіптік білім беру мекемелерінің өзінен 5624 жас маман бітіргелі жатыр.

Қызылордада «Жастарға-жұмыс» жәрмеңкесі өтті

<a href="https://kyzylorda-news.kz/">Kyzylorda-news.kz.</a> «Мұнаралы әр жерде Мешіт болған бұл ағаш, Шеберлердің қолында, Кәсіп болған бұл ағаш» деп жыр дүлділі Қашаған кезінде сонау бір Есқали сұпының «бұл не қылған қу ағаш, қайдан келді бұл ағаш?!» дегеніне қарсы ағаштың қадір-қасиетін айтып осылайша жыр төккені бар еді. Бүгінде сол ағаштан бұйым жасауды жаңғыртып, қазақтың осы бір өнерін дамытып, бабалардың өнегелі жолын жалғаған қолөнер шеберлері аз емес. Сондай ұлттық өнерді ұлықтаған кейіпкеріміз – Нұртөре Есболұлы.Қазіргі таңда ауыл тұрғындары ішінде мақсатын айқындап, қадамын нықтап кәсіпкерлікке бет бұрғандардың қатары артып келеді. Ағаштан түйін түю үшін ең әуелі ынта-жігер мен ептілік қажет. Ал бүгінгі кейіпкеріміз ағаштан ою ойып, ұлттық өнерімізді насихаттап жүрген шебердің бірі. Бабадан қалған текті өнерді бүгінге дейін жаңғыртып келе жатқан ісмер Шиелі кентінде тұрады. Ол бүгінде ағаштан жасалған түрлі бұйымдарды өз қолымен өрнектеп, тұрмысқа қажетті барлық жиһаз түрлерін жасап оны табыс көзіне айналдырып отыр. Нұртөренің кішігірім шеберханасында бүгінде көптеген жиһаз түрлері бар. Тұрмысқа қажетті дүниелерді ол Еуропалық және Американдық үлгіде жасайды. Шебердің қолынан шыққан әрбір жиһаз бүгінде аудан орталығындағы сауда орталықтарында, мейрамханаларда, көптеген өнеркәсіп дүкендерінде көрініс тауып тұр. Көздің жауын алып, түрлі өрнектермен безендірілген мұндай жиһаз түрлері бүгінде брендке айналған. Бренд демекші, жеті қырлы бір сырлы кейіпкеріміз алдағы уақытта отандық үлгідегі жиһаз түрлерін жасап шығармақ. Сондай-ақ оған бұл шеберлік қабілет арғы аталарынан берілгендігін айта кеткен жөн. «Адамның мықты болып жаратылуы атадан» деген сөзге бүгінгі кейіпкеріміз дәлел.<blockquote>«Мен ағаштан жасалған түрлі бұйымдарды жасау арқылы өз жолымды таптым. Бұл істі алғашындажәй хобби ретінде бастағанмын. Бастапқыда ағаштан түрлі сандықтар, қобдишаплар жасап үйрендім. Мен ол кезде оқушы едім. Кейіннен бұл іске қызығушылығым артып, түрлі бұйымдар жасай бастадым. Сондай-ақ өз үйіме керекті дүниелерді өз қолыммен жасауды әдетке айналдырдым. Ер жеткен соң Алланың берген бекзат өнерін арғы қарай дамытуды жөн санап, кішігірім шеберхана ашып өз кәсібімді дөңгелеттіп. Қазіргі таңда аудан халқы үшін қолымнан келгеннің бәрін жасап, ел игілігі үшін жиһаз түрлерін жасауды мақсат тұттым. Менің басты арманым – өз қолымнан отандық үлгідегі жиһаз жасап шығару. Өйткені, халықтың өзімізіден шыққан дүниелерді қолданып, тұтынғанын қалаймын. Маған өз ісім рахат сыйлап, көңіліме жайлылық орнатады. Әрбір азамат өмірінде өзінің қолынан келетін істі тауып, оның шебері, маманы, майталманы болуы керек. Оған жету үшін әрбір адам өзін-өзі дамытып, белсенді болуы керек, алға ұмтылуы керек», – дейді шебер.</blockquote>Жазу өнерінде «жақсы жазатын адам жақсы жазбайды, жақсы ойлайтын адам жақсы жазады» деген бар. Бұл тек қолына қалам ұстағандардың ғана емес, сондай-ақ кез келген істің шебері боламын деушілерге де қатысты айтылған тұжырым. Біз сұқбаттасқан ағаш шебері ой-қиялы бар, ұлттық қол өнеріміздің мерейін көтеріп жүрген іскер қолөнерші екендігіне көз жеткіздік. ұстаның әрбір жұмысына сәттілік тілейміз.

Ұлттық өнерді ұлықтаған

<a href="https://kyzylorda-news.kz/ru">Kyzylorda-news.kz.</a>&nbsp;Президент Қасым-Жомарт Тоқаев өз сөзінде Қазақстан халқы Ассамблеясының XXXI сессиясынан бері елімізде түбегейлі өзгерістер болғанын атап өтті. Атап айтқанда, саяси жүйе жүйелі түрде трансформацияланды, мемлекеттік құрылымның жаңа әрі анағұрлым демократиялық үлгісі қалыптасты. Ауқымды өзгерістер барысында Ассамблеяға баса мән берілді. Аталған бірегей институт парламенттік өкілдіктің жаңа тетіктеріне ие болды. Президент Ассамблеяның елімізді саяси тұрғыда жаңғыртып, жалпыұлттық тұтастықты нығайту ісінде маңызды рөл атқарғанына назар аударды. Қазақстан халқы ассамблеяның барлық этносты мемлекетті дамытудың стратегиялық міндеттерін шешу ісіне жұмылдыруға ықпал етті.Мемлекет басшысы Тәуелсіздік жылдары елімізде жаңа жалпыұлттық бірегейлік қалыптасқанын айтты. Президенттің пікірінше, біздің көк паспортымыз бен көк байрағымыз – тарихымызбен астасқан және миллиондаған адамның жүрегінен орын алған бірегейлігіміздің нағыз символы.<blockquote>«Қазақстан паспорты біздің бірлігіміз бен татулығымызға негіз болған прогрессивті құндылықтарды бейнелейді. Өз кезегінде көк байрағымыз – қасиетті тәуелсіздігіміз бен көпғасырлық мемлекеттілігіміздің жарқын белгісі. Туымыз ірі халықаралық спорттық жарыстарда және басқа да сондай шараларда жоғары көтерілген сайын, біздің бойымызды елімізге деген мақтаныш сезімі кернейді. Даңқты отандастарымызды – спортшыларымызды, мәдениет қайраткерлерімізді, ғалымдарымыз бен студенттерімізді, кәсіпкерлерімізді шыққан тегіне қарамастан, шетелде үнемі қазақтар деп атайды. &nbsp;Бұл – табиғи құбылыс. Солай болуға тиіс», – деді Қасым-Жомарт Тоқаев.</blockquote>Президент біздің қоғамды ортақ идеалдар мен құндылықтар біріктірген еркін әрі жауапкершілігі мол азаматтардың одағы деп санайды. Бұл – жалпыұлттық бірегейлігіміздің тағы бір жарқын көрінісі. Оның айтуынша, бүгінде азаматтарымыздың бәрі өздерін үлкен әрі біртұтас қазақ отбасының, шын мәнінде, қазақ ұлтының мүшесі сезінеді.Сонымен қатар Қасым-Жомарт Тоқаев ұлттық бірегейлікті сақтаудың маңызды рөліне тоқталып, осыған орай этносаясат мәселесіне байыппен қарау керек екенін атап өтті.<blockquote>«Татулық пен бірлік – табысты мемлекет болудың басты кепілі. Сессия аясында кеше нақты мәселелерге арналған пікірталас өткенін білемін. Этносаясатта жаһандық және аймақтық үдерістер ескерілуге тиіс екені айтылды. Бұл – өте орынды ұсыныс. Яғни, этносаралық қатынас мәселесін заман талабына сай реттеу керек. Бұл жұмыс ауқымды реформалармен үндес болуға тиіс. Бұған немқұрайлы қарауға болмайды, этносаралық саясат айрықша назар аударып, ұдайы жетілдіріп отыруды қажет етеді. Шын мәнінде, азаматтардың бірлігін, жалпыұлттық бірегейлікті және еліміздің этноәлеуметтік тұтастығын нығайту жөніндегі &nbsp;іргелі, тіпті қасиетті деп айтуға болатын міндеттерді жүзеге асырмайынша, мемлекеттің бірде-бір стратегиялық міндетінің орындалуы мүмкін емес екенін естен шығармаған жөн», – деді Мемлекет басшысы.</blockquote>Нұрмұрат ЕРМАНОВ, Қызылорда облыстық Ақсақалдар кеңесінің төрағасы

Бірегейлігіміздің нағыз символы - көк байрағымыз

<a href="https://kyzylorda-news.kz/">Kyzylorda-news.kz.</a>&nbsp;Қызылорда қаласындағы № 13 балалар кітапханасында «Жазғы кітап» жобасы бойынша «Денсаулық - зор байлық» атты таным сағаты өтті. Рухани іс-шара Тасбөгет кентіндегі Ә.Тыныбаев атындағы №11 мектеп &nbsp;мектеп-лицейінің оқушыларының қатысуымен өткізілді.&nbsp;Шара барысында «Денсаулық - зор байлық» атты кітап көрмесі қойылып, &nbsp;оқырмандарға кітап оқу насихатталды. Оқушылар «Ұлан» және «Қыран» атауымен екі топқа бөлінді. Кітапхананың белсенді оқырмандары Аббасова Мадина, Жұмаққызы Кәусар, Қуанышбай Рамазан, Олжасқызы Айсұлу, Мырзабек Нұртуған, Дүйсенов Азамат, Бердібеков Қайсар денсаулық - зор байлық тақырыбында бірнеше мақал - мәтелдер айтып, қойылған сұрақтарға ұтымды жауап беру арқылы шараның қызықты өтуіне үлес қосты. Бір- бірімен белсене, жарыса қатысқан оқырмандарға кітапхана тарапынан сыйлықтар берілді.&nbsp;Сонымен қатар, рухани шарада № 4 қалалық емхананың дәрігерлері Балтабай Байбота Мұратқызы, Кенжеғұлова Айзат Қайратқызы, Төребекқызы Әнель «Денсаулық - зор байлық» деген сөздің астарында үлкен мағына жатыр деп, адам баласы үшін денсаулықтан асқан байлық жоқ екенін айта келе, әрқашанда таза жүруді, уақытылы тамақ ішіп, денсаулығымызды күту керектігін балаларға түсіндірді. Кітапхана оқырмандары қойған сұрақтарға дәрігерлер түсінікті тілде жеткізе білді.&nbsp;Мұндай шараны өткізудегі басты мақсат - кітапхана оқырмандарына адам денсаулығының қымбаттылығын, өмір сүру үшін қажетті бағалы байлық денсаулық екендігін түсіндіру.

Қазақстан және Қызылорда облысының жаңалықтары