<a href="https://kyzylorda-news.kz/">Kyzylorda-news.kz.</a>&nbsp; Өңірде жыл басынан бері «AMANAT» партияның сайлауалды бағдарламасын жүзеге асыруға бағытталған Жол картаның орындалуы бүгін облыстық мәслихаттағы «AMANAT» партиясының депутаттық фракциясының &nbsp;отырысында талқыланды.Отырысқа партияның облыстық филиалының төрағасы Н. Байқадамов, партия филиалының Атқарушы хатшысы Л.Төрешова, сонымен қатар жауапты басқарма басшылары қатысты.Жалпы Жол картаға мониторинг жүргізу алгоритміне сәйкес тоқсан сайын салалық басқарма басшыларының есебін тыңдау қарастырылған.Сайлауалды бағдарламаның орындалуына жүргізілген талдауға сүйенсек, 9 ай ішінде Қызылорда облысы бойынша 122 іс-шараның 43-і орындалған 72-і орындалу үстінде. Сонымен бірге жыл соңына дейін орындалмау қауіпі бар шаралар анықталмаған.Қабылданған шаралар аясында ауыл шаруашылығы саласында газдандыру бойынша жалпы құны 8 337 млн. теңгені құрайтын 26 жоба іске асырылуда. Бүгінгі күні оның ішінен 2 жобаның құрылыс-монтаж жұмыстары аяқталып, 3 елді мекен – Қызылорда қаласының Ақсуат ауылдық округінің Махамбет елді мекені және Жаңақорған ауданының Ақүйік ауылдық округіндегі Бірлік және Қыраш ауылдық округіндегі Қызылмақташы елді мекендері газдандырылды. 219,7 км газ құбыры жүргізіліп, 12801 тұрғын «көгілдір отын» игілігін көруде. Жыл соңында 12 елді мекеннің яғни Төретам, Ақай, Махамбетов, Абай, Досан, Қалжан ахун, Бірлік, Қыраш, Жайылма, Құттықожа, Шалқия, Кейден газдандыру жобасы аяқталып, 40 мыңға жуық тұрғын табиғи газдың игілігін көретін болады.Биылғы жылға жоспарланған тұрғын үй құрылысының жоспары бүгінгі күнге 89,2% орындалып тұр. Инженерлік – инфрақұрылым жобаларын іске асыру артығымен орындалған.Спорт саласы бойынша 10 спорт кешеннің құрылысы жүргізіліп, бүгінгі күнге оның 5-еуі пайдалануға берілген. Қалған 5 нысанды жыл соңына дейін пайдалануға беру жоспарланып отыр.Білім саласында 2450 орындық 5 білім беру ұйымдарының ғимараттары пайдалануға берілді, оның ішінде Қызылорда қаласындағы 4 мектепке қосымша құрылысы және Қызылорда қаласы Жезқазған тас жолының бойында 600 орындық мектебі бар.Денсаулық саласы бойынша өңірде ауқымды құрылыс жұмыстары жүргізіліп жатыр. Осы жылы 16, келер жылы 11 дәрігерлік амбулатория пайдалануға беріледі. Қызылорда қаласында емханасы бар, көпбейінді аурухана, қан орталығы құрылыстары басталды және Сексеуіл кентінде аурухана құрылысы жүргізілуде. Сонымен бірге, перинаталдық орталық және Арал ауданының ауруханасына жұқпалы аурулар бөлімшесінің құрылыстарының құжаттары әзірленуде. Жалпы Жол картада қамтылған ағымдағы жылдың соңына дейін толығымен аяқталатын барлық іс-шаралар бойынша белсенді жұмыстар жүргізілуде.Фракция отырысында Жол картаның 2024 жылға қаржыландыру жағдайы пысықталып, индикатордың орындалуына жауапты фракция мүшелері мен басқарма басшыларына тиісті ұсыныстар берілді.<figure class="image"><img src="https://knadmin.beoblood.kz/uploads/075c2790_80dd_44c7_af73_ebc06750c644_a7cdc3363d.jpg" alt="075c2790-80dd-44c7-af73-ebc06750c644.jpg"></figure>&nbsp;<figure class="image"><img src="https://knadmin.beoblood.kz/uploads/f379439d_ea21_41d2_83d6_1850f665beca_fb09f2adf4.jpg" alt="f379439d-ea21-41d2-83d6-1850f665beca.jpg"></figure>

Жол картаның орындалуы фракция отырысында талқыланды

<a href="https://kyzylorda-news.kz/">Kyzylorda-news.kz.</a>&nbsp; Бүгінгі таңда қала аумағынан жеке тұрғын үй құрылысы үшін кезектілік тәртібімен жер учаскелерін жалға алған азаматтар тарапынан жер учаскесін жалдау шартында көзделген мерзімде игермеу фактілері, атап айтқанда тұрғын үй құрылысы жүргізілмейтін жағдайлар орын алуда.Елді мекен шегінде объектілер салу үшін пайдаланылатын жерлер бойынша уақытша өтеулі жер пайдалану құқығы кемінде үш жыл мерзімге беріледі (ҚР Жер кодексінің 35-бабының 2-ші тармағы).Өз міндеттерін тиісінше орындаған, облыстық маңызы бар қала шегінде орналасқан жер учаскесін уақытша өтеулі жер пайдаланушының (жалдаушының), егер Қазақстан Республикасының заңдарында немесе уақытша өтеулі жер пайдалану (жалдау) шартында өзгеше белгіленбесе, жер учаскесінің шекаралары өзгермеген жағдайда осы Кодекстің 44-2-бабында көзделген тәртіппен жаңа мерзімге шарт жасасуға құқығы бар (ҚР Жер кодексінің 37-бабының 2-2 - тармағы).Бұл ретте, жеке тұрғын үй құрылысы үшін жер учаскесін уақытша жер пайдалану (жалдау) құқығымен алған азаматтарға жер учаскесінің пайдаланылу мерзіміне назар аударып, жалға алу шартында көзделген мерзімде игеру (құрылыс жұмыстарын жүргізу) қажеттігін ескертеміз.Сонымен қатар, жер учаскесі берілген мерзімнің өтуі жер пайдалану құқығының тоқтатылуына негіз болатындығын назарыңызға жеткіземіз (ҚР Жер кодексінің 81-бабының 3- тармағы).Қосымша сұрақтар туындаған жағдайда Қызылорда қаласы, Қ. Қазантаев көшесі, 43 ғимарат мекен жайында орналасқан «Қызылорда қаласының ауыл шаруашылығы мен жер қатынастары бөлімі» КММ-не жүгінуге болатындығын хабарлаймыз.&nbsp;Байланыс телефондары: 271305, 274242.<figure class="image"><img src="https://knadmin.beoblood.kz/uploads/396103353_3468381073428626_1228010835192141862_n_dfb7d2a9dc.jpg" alt="396103353_3468381073428626_1228010835192141862_n.jpg"></figure>&nbsp;

Игерілмеген жер учаскесі мемлекет меншігіне қайтарылады

<a href="https://kyzylorda-news.kz/">Kyzylorda-news.kz.</a>&nbsp; Синоптиктер Қазақстанда 2023 жылғы 27 қазанға арналған күн райы болжамын ұсынды, деп хабарлайды Zakon.kz."Қазгидромет" РМК ұсынған мәлімет бойынша, атмосфералық фронтальды бөліктердің өтуімен республиканың басым бөлігінде күн райы тұрақсыз болады. Синоптиктер жаңбыр, қар жауады деп болжады.<blockquote>"Республиканың батысында, оңтүстік-шығысындағы таулы аймақтарда қатты жауын-шашын (жаңбыр, қар), күндіз Атырау облысында қатты жаңбыр жауады. Батыста, солтүстік-батыста, солтүстікте, шығыста көктайғақ болады, Шығыста боран соғады", – делінген хабарламада.</blockquote>Еліміз бойынша тұман түсіп, жел күшейеді.Астанада көшпелі бұлт шығады, жауын-шашынсыз. Түнде және таңертең тұман түседі. Батыстан соғатын желдің екпіні 5-10 м/с болады. Ауа температурасы түнде -5-7°C, күндіз 0,-2°C.Алматыда көшпелі бұлт шығады, өткінші жаңбыр жауады. Түнде және таңертең тұман түседі. Оңтүстік-батыстан 5-10 м/с жел соғады. Ауа температурасы түнде +7+9°С, күндіз +11+13°С.Шымкентте көшпелі бұлт шығады, түнде және таңертең жаңбыр жауады. Солтүстік-батыстан соғатын жел шығысқа ауысады, екпіні 8-13 м/с. Ауа температурасы түнде +7+9°С, күндіз +18+20°С.

Жұмаға арналған ауа райы болжамы

<a href="https://kyzylorda-news.kz/">Kyzylorda-news.kz.</a>&nbsp; Биыл Қызылорда облысына — 85 жыл. Мерейлі мерейтой қарсаңында Жастар ресурстық орталығының ұйымдастыруымен «ORDA келбеті» байқауы өткізіліп, аймақ тұрғындары туған өлкесің айшықты ажарын әлеуметтік желіде танытқан болатын. Бүгін бір айға созылған онлайн байқау өз мәресіне жетіп, үздік деп танылған жеңімпаздар марапат төрінен көрінді.Жеңімпаздарды марапаттау құрметі үш мәрте "Алтын домбыра" иегері, Н.Бекежанов атындағы Қызылорда облыстық қазақ музыкалық драма театрының директоры Мұхтар Ниязовқа және "Qyzylorda" телеарнасының директоры Нұрбек Амишаға беріліп, жеңімпаздарға арнайы дипломдар мен IPHONE ұялы телефондары табысталды.&nbsp;«Үздік фото» номинациясы бойынша жеңімпаздар:1 орын — Айдос Альназаров @alnazarrv2 орын — Арманбек Сматов @smatovarman3 орын — Айкерім Болатбекқызы @bolatbekkyzy.aikerym«Үздік бейнематериал» номинациясы бойынша жеңімпаздар:1 орын –Диас Дайрабеков @dairabekov_dias2 орын –Дәулетхан Ақайдаров @dauletkhan_orda3 орын – Нұржан Каленов @nurzhan_kalen«Үздік пост» номинациясы бойынша жеңімпаздар:1 орын — Халилуллаев Фархат;2 орын &nbsp;— Ақтөре Ибрагимұлы;3 орын — Гүлбану Мақажан.Аймақта бұл бағыттағы байқау алғаш рет ұйымдастырылғандықтан аз-маз кемшіліктер де орын алды. Бірақ оған қарамастан аймақ тұрғындары және жастары байқауға белсенді түрде қатысты. Аймақ тұрғындарына арналған осы бағыттағы байқаулар алдағы уақытта да ұйымдастыру жоспарда бар.&nbsp;

«ORDA келбеті» байқауының жеңімпаздары марапатталды 

<a href="https://kyzylorda-news.kz/">Kyzylorda-news.kz.</a> Жалағаш ауданында «Жалағаш ауданының жас кәсіпкерлері» форумы өтті. Форумы аясында өнім өндіруші жас кәсіпкерлердің көрмесі ұйымдастырылып, үздік кәсіпкерлерге аудан әкімінің «Алғыс» хаты табысталды.Қазіргі таңда Жалағаш ауданында 14 пен 35 жас аралығында 10848 жас тіркелген. Бұл көрсеткіш жалпы халық санының 30,1 пайызын құрайды. Бүгінгі күнге ауданда тіркелген шағын және орта кәсіпкерлік субъектілерінің саны 3294 бірлікті құрап, оның 95,2 пайызы немесе 3136 субъектісі белсенді жұмыс істеп жатыр. Оның ішінде жас кәсіпкерлердің үлесі 42,5 пайызды құрап, саны 1387 бірлікке жетті.<blockquote>«Кәсіпкерлік қаншалықты дамыса, экономика да соншалықты өркендеп өсе бермек. Сондықтан да, кәсіпкерлікті дамыту мәселесі әрдайым біздің назарымызда болады.Бұл күнде ауданнан еңбектің әміршісіне айналған кәсіпкер азаматтардың шығып жатқаны көңіл қуантады. Тікелей өз қаржысына аудан орталығынан зәулім мешіт салған Сағынбаев Ерлан Ізбасқанұлының, Дәуімбай елді мекенінен жабық бассейн кешенін салған Қайыржан Құлтекеновтың, Дәуімбай елді мекенінен мешіт құрылысын бастап, жүргізіп жатқан Досымов Қайрат Алмасұлының, сондай-ақ, жеке емхана салуға ниет білдіріп отырған кәсіпкер Тайбасар Бағжан Есентайұлының есімдерін бүгінгі форумда құрметпен атауға болады»,-деді Арнұр Нұрмағанбетов.</blockquote>Форум барысында «Аграрлы несие корпорациясы» АҚ-ның өкілі Жасұлан Өтеулиев, облыстық кәсіпкерлер палатасының Жалағаш аудандық филиалының директоры Асылхан Балмаханов кәсіпкерлікті дамыту бағытындағы мемлекеттік бағдарламар мен жаңа мүмкіндіктерге тоқталды.<figure class="image"><img src="https://knadmin.beoblood.kz/uploads/395276825_1798256527293084_7778819275612613615_n_1553ea1474.jpg" alt="395276825_1798256527293084_7778819275612613615_n.jpg"></figure>&nbsp;<figure class="image"><img src="https://knadmin.beoblood.kz/uploads/395271429_1798256417293095_5186189323825466503_n_1bbaff9544.jpg" alt="395271429_1798256417293095_5186189323825466503_n.jpg"></figure>&nbsp;<figure class="image"><img src="https://knadmin.beoblood.kz/uploads/395279762_1798256547293082_6438657354085142811_n_acf50d8649.jpg" alt="395279762_1798256547293082_6438657354085142811_n.jpg"></figure>&nbsp;<figure class="image"><img src="https://knadmin.beoblood.kz/uploads/395278032_1798256570626413_6774910948990092600_n_00fcb130ee.jpg" alt="395278032_1798256570626413_6774910948990092600_n.jpg"></figure>&nbsp;

Жалағаш ауданында жас кәсіпкерлердің үлесі 42,5 пайызды құрады

<a href="https://kyzylorda-news.kz/">Kyzylorda-news.kz.</a>&nbsp; Жуырда облыста сұйытылған газ тапшылығына байланысты мәселе туындаған болатын. Бұл мәселенің басты себебі – Қазгермұнай компаниясында техникалық ақаулық орын алып, газ өңдейтін екі қондырғының біреуі істен шыққан. Осыған байланысты әкімдікпен арнайы жұмыс тобы құрылып, газ тапшылығын реттеу бойынша жұмыстар қолға алынды. Бұл туралы Өңірлік коммуникациялар қызметінің ақпарат алаңында облыс әкімінің бірінші орынбасары Серік Қожаниязов хабарлады.Облыс аумағында сұйытылған мұнай газды өткізумен 212 автогаз құю станциясы арқылы 25 оператор жүзеге асырады.<blockquote>«Энергетика министрлігімен айына облысқа орта есеппен 7,5-8 мың тонна шамасында газ көлемі бөлініп келеді. Осы көлемнің 6 мың тоннасы Қазгермұнай компаниясынан бөлінетін еді.Республикада өндірілген газ көлеміне қарай қазан айына Энергетика министрлігі облысқа 6 791 тонна газ бөлді. «Қазгермұнай» - 5427 тонна, «Петро Қазақстан Ойл Продактс» - 1364 тонна.Осы кезге дейін Қазгермұнай компаниясының УПГ-1 мен УПГ-2 қондырғылары жұмыс істеп тұрған болатын. УПГ-1-де қазір техникалық ақаулық орын алып, істен шықты.УПГ-1 қуаттылығы айына 6 мың тоннаға дейін сұйытылған газ өндіретін еді. Қазір УПГ-2 қондырғысы 4800-ден артық газ өндіре алмайды.Осыған байланысты қазан айында облысқа бөлінген газ көлемі 6,2 мың тонна шамасында болды.Облысқа 7,5 мың тоннадан аз көлемде газ бөлінген жағдайда операторлар газды сатуға шектеу қоюға мәжбүр болады (талондар және бекеттен бір көлікке газды сату лимиті).Осы мәселеге байланысты әкімдікпен арнайы жұмыс тобы құрылып, тәулік бойы әр ауданда және елді мекендерде бақылау жүргізілуде. Облыстағы газ тапшылығын реттеу үшін Энергетика министрлігімен жұмыс жасап «СНПС Ақтөбемұнайгаз» компаниясынан қосымша 504 тонна көлемде газ бөлінді. Бұған қоса өзімізде өндірілетін «Саутс Ойл» компаниясынан 104 тонна сұйытылған газ бөлініп, осы айдың аяғына дейін қосымша 140 тонна газ алуға келісімге келдік», - дейді облыс әкімінің орынбасары.</blockquote>Сондай-ақ, «Петро Қазақстан Ойл Продактс» компаниясынан 1364 тонна газ толық көлемде жеткізілді.Облыстағы газ тапшылығына байланысты әкімдікпен жұмыс тобы құрылды. Бұл топпен, газды тиеп-жөнелту пунктінен бастап, автожанармай құю станцияларын толтыруға және одан әрі түпкілікті тұтынушыға сатуға дейінгі процесске бақылау жүргізуде.Облыс шекараларында блок-посттар, газ толтыру станцияларында кезекшіліктер орнатылған.&nbsp;<blockquote>«Айта кету керек газбен жүретін автокөлік жанар-жағармаймен де жүреді. Облыста жанар-жағармайдың жетіспеушілігіне байланысты мәселе жоқ. Қазіргі таңда «Петро Қазақстан Ойл Продактс» компаниясынан Шымкенттен 2 мың тонна АИ-92 маркалы бензин алдыруға келісім бар.</blockquote><blockquote>Қабылданған шаралардың нәтижесінде сұйытылған газ нарығындағы жағдай қалыпты және әкімдіктің қатаң бақылауында. Қазан айының соңына дейін шамалы шектеулер орын алуы мүмкін, қараша айында жағдай тұрақталатын болады. Себебі қараша айына облысқа 7,5 мың тоннаға жуық газ көлемі бөлінген. Оның ішінде «Қазгермұнайдан» – 4 740 тонна, ал қалған 2 718 тоннасы Атырау мұнай өңдеу зауытынан бөлініп отыр», - дейді Серік Қожаниязов.</blockquote><figure class="image"><img src="https://knadmin.beoblood.kz/uploads/395670103_1883270345401802_6713547121113174544_n_88c09bb2f6.jpg" alt="395670103_1883270345401802_6713547121113174544_n.jpg"></figure>

 Облыстағы газ тапшылығы мәселесі тұрақты бақылауда

<a href="https://kyzylorda-news.kz/">Kyzylorda-news.kz.</a>&nbsp; Егер кредит бойынша ай сайынғы төлемдер отбасылық бюджетіңіз үшін үлкен ауыртпалыққа айналса, қарызыңызды қайта қаржыландыру немесе қайта құрылымдау туралы ойлануға болады.Бұл рәсімдерді қандай жағдайларда қолдануға болады, олардың бір-бірінен айырмашылығы неде, Fingramota.kz-пен бірге қарастырамыз.Қайта қаржыландыру дегеніміз не?Қайта қаржыландыру – қолданыстағы кредитті жаңасын ресімдеу арқылы өтеу. Қайта қаржыландыру үшін қарыз алушы қолданыстағы кредит ресімделген банкке немесе жаңа банкке бара алады, ол оған неғұрлым тиімді талаптармен кредитке қажетті соманы бөледі. Әдетте адамдар, егер кредит бойынша жалпы артық төлем өте үлкен болса және ай сайынғы төлемдер жоғары болса, қайта қаржыландыруға жүгінеді. Мысалы: сіз автокредитті жоғары пайызбен ресімдедіңіз, бірақ уақыт өте келе сіз басқа кредиттік ұйымдарда автокредит берудің жеңілдетілген талаптары бар екенін білесіз. Мұндай жағдайларда сіз қайта қаржыландыру үшін сізге неғұрлым тиімді талаптар ұсына алатын кредиторға жүгіне аласыз.Қайта қаржыландыру кредитті дұрыс төлейтін, бірақ белгілі бір жағдайларға байланысты оларға банк алдындағы міндеттемелерді орындау қиындық туғыза бастаған қарыз алушыларға ыңғайлы. Сондай-ақ, қайта қаржыландыру кезінде қолданыстағы бірнеше кредитті біріктіруге болады – бірнеше ұсақ кредит төлегеннен, бір қомақты жалпы кредитті төлеу жеңілірек.Алайда, қайта қаржыландыру ниет білдіргеннің бәріне беріле бермейтінін түсіну қажет. Әдетте, банктер клиенттің кіріс деңгейін, бұрын ресімделген кредиттік міндеттемелерді уақтылы орындауын, борыш жүктемесін тексереді, содан кейін ғана шешім қабылдайды.Қарызды қайта қаржыландырған жағдайда, оны бірінші банкте рәсімдеуге асықпаңыз – өзіңізге қолжетімді барлық ұсыныстарды салыстырыңыз. Жаңа кредитті ресімдеу кезінде қарыз шартын мұқият оқып шығыңыз, қолданыстағы кредитпен салыстырғанда төмен болуы тиіс ЖТСМ-ға, ай сайынғы төлемнің кестесі мен мөлшеріне және ықтимал қосымша қызметтерге (сақтандыруға) назар аударыңыз.Қарызды қайта қаржыландырудың артықшылықтарына мыналар жатады: пайыздық мөлшерлемені төмендету, ай сайынғы төлемдерді азайту, бірнеше кредитті бір кредитке біріктіру. Алайда, егер жаңа кредит азғантай сомаға және қысқа мерзімге жасалса, сондай-ақ кредиттік ұйым қосымша қызметтер (сақтандыру және т.б.) жүктесе, қайта қаржыландыру мүлдем тиімсіз болады, бұл қарыз алушының борыш жүктемесін одан әрі көбейтеді.Қайта құрылымдау дегеніміз не?Егер қайта қаржыландыру кезінде клиент банкті өз бетінше таңдаса, онда қайта құрылымдау кезінде қолданыстағы кредит талаптарының өзгерістерін қарыз берген кредиттік ұйым өзі шешеді.Естеріңізге сала кетейік, 2021 жылғы 1 қазаннан бастап Қазақстанда кредитті өтеуде қиындықтарға тап болған азаматтардың проблемалық берешегін реттеу тәртібі қолданылады. Осы тәртіпке сәйкес кредиттік ұйымдар төлем мерзімін кешіктіру басталған сәттен бастап 20 күн ішінде ол туралы қарыз алушыны хабардар етуге міндетті. Хабарламада банктер мен МҚҰ азаматтарға:кредит бойынша төлем жасау ; қарыз өтелмеген жағдайда, оның мөлшері мен қарыз алушы үшін салдарын көрсете отырып, мерзімі өткен берешекті өтеу ; &nbsp; қарызды қайта құрылымдау мәселесі бойынша кредиторға жүгіну&nbsp;қажет екендігі туралы хабарлайды. Өз кезегінде, төлем мерзімін кешіктірген қарыз алушылар ол басталған күннен бастап&nbsp;30&nbsp;күн ішінде қарыздар мен микрокредиттерді қайта құрылымдау үшін кредиттік ұйымға өтініш беруге құқылы. Өтініште орын алған төлем мерзімін кешіктіру себебін көрсетіп, мүмкін болатын қайта құрылымдау бойынша өз нұсқаңызды көрсетуіңіз қажет, сондай-ақ кірістің төмендеуіне байланысты міндеттемелер бойынша уақтылы төлей алмауын растайтын құжаттарды ұсыну қажет. Банк пен МҚҰ қарыз алушының өтінішін міндетті түрде қабылдауы, тіркеуі, есепке алуы және қарауы қажет.Кредитор өтінішті күнтізбелік&nbsp;15&nbsp;күн ішінде қарайды, одан кейін жауап беруге міндетті. Оң жауап болған жағдайда, банк немесе МҚҰ қарыз алушының ұсыныстарымен және қайта құрылымдау шарттарымен келіседі не оған қарыз шартын өзгерту жөнінде өз ұсыныстарын береді. Теріс жауап болған жағдайда, олар бас тартудың себептерін негіздеуі керек.Толығырақ "<a href="https://fingramota.kz/kk/post/ajta-arzhylandyru-zhne-ajta-rylymdau-olardy-ajyrmashylyy-men-artyshylyy-andaj">Кредиттер</a>" бөлімінен оқыңыздар&nbsp;

Қайта қаржыландырудың артықшылығы қандай?

<a href="https://kyzylorda-news.kz/">Kyzylorda-news.kz.</a>&nbsp; Бүгін «AMANAT» партиясы облыстық филиалында ҚР Жеке сот орындаушыларының республикалық палатасының Төрағасы Айдос Иманбаев «Құқықтық көмек» жобасы аясында тақырыптық қабылдау өткізді.Қабылдауға сонымен қатар Жеке сот орындаушылардың облыстық палатасының Төрағасы К. Десятниченко, жеке сот орындаушлыра және облыстық партия филиалының қоғамдық қабылдау бөлмесінің меңгерушісі Н. Абдукаримов қатысты.Қабылдау барысында тұрғындар сот шешімдерінің орындалу барысы мен ЖСО қызметі бойынша өтініштері мен шағымдарын ортаға салды. Сонымен қатар, атқару жүйесін жетілдіру бойынша ұсыныстар аталып, жүзеге асыру жолдары талқыланды.Оның ішінде, алимент өндіру барысындағы қиындықтар, атап айтқанда, алимент төлеушінің жұмыссыз жүруі және меншігінде мүлік болмауы алимент өндіру жұмысын тежейтіні және төлем жасауына мәжбүрлеу шаралары нәтижесіз екені айтылды.Қабылдау барысында аталған барлық мәселе бойынша құқықтық кеңес беріліп, әрбір жекелеген мәселені Төраға өз бақылауында ұстайтынын жеткізді.А. Иманбаев тұрғындар атаған ұсыныстар қолданыстағы нормативтік-құқықтық актілерге өзгеріс енгізуді талап ететінін айтып, жүйені жетілдіру жұмыстары жаңа қарқынмен жүргізілетінін жеткізді.<figure class="image"><img src="https://knadmin.beoblood.kz/uploads/395426181_729077725924533_3049489283770718377_n_91f4e11c71.jpg" alt="395426181_729077725924533_3049489283770718377_n.jpg"></figure>

«AMANAT»: Жеке сот орындаушылар қабылдау жүргізді

<a href="https://inbusiness.kz/kz">ФОТО</a><a href="https://kyzylorda-news.kz/">Kyzylorda-news.kz.</a>&nbsp; 26 қазанда Орталық коммуникациялар қызметінде өткен брифингте Қаржы вице-министрі Дәурен Темірбеков "Балаларға арналған ұлттық қор" жобасы бойынша жиналған қаражатты қандай мақсатқа жұмсауға болатынын түсіндірді, деп хабарлайды Zakon.kz.Дәурен Темірбеков "Балаларға арналған ұлттық қор" жобасын жүзеге асыру үшін заңнамалық түзетулер қабылданғанын хабарлады. Енді заңға тәуелді актілерді қабылдау ғана қалды.<blockquote>"Екі заңға тәуелді актілер қабылданады. Ол – Индустрия және құрылыс министрлігінің тұрғын үйді абаттандыруға қатысты бұйрығы және Ғылым және жоғары білім министрлігінің Оқу-ағарту министрлігімен білім беру саласына қатысты бірлескен бұйрығы. Олар әлі қабылданған жоқ, 2023 жылдың соңына дейін қабылданады", - деді вице-министр.</blockquote>Дәурен Темірбековтің айтуынша, жоба аясында алынған қаражатты жоғары оқу орындары мен колледждерде оқытуға пайдалануға болады.<blockquote>"Заңнамалық түзетулер аясында (ақшаны. – Ред.) кадрларды даярлауға, жоғары білім ғана емес, орта арнаулы білім алуға да, колледжде оқуға да пайдалануға болады. Онда барлығы анық жазылған. Курс оқуға пайдаланылмайды. Ақшаны алып, қысқа мерзімді курстар үшін пайдалану мүмкін емес", - деді спикер.</blockquote>Журналистер "Тұрмыс жағдайын жақсарту мүмкіндігін пайдалану үшін "Отбасы банкінен" шот ашуға тура келмей ме?" деп сұрады.<blockquote>"Отбасы банкіне келсек, ол – екінші деңгейлі банктермен және Қазпоштамен қатар уәкілетті операторлардың бірі. Мұнда бәрі "Отбасы банкі" арқылы өтуі керек деген нәрсе жоқ. Әр 18 жасқа келген жасөспірім ерекшелікті және шот қай банкте ашылады, оны өзі таңдайды. "Отбасы банкінің" ерекшелігі тұрғын үй жинақ шоты болғаны және егер бала 18 жастан кейін бұл қаражатты одан әрі жинақтау қажет деп тапса, онда ол тұрғын үй жинақ шотын ашуға құқылы. Бірақ қаражатты шотқа салып, оны "Отбасы банкіне" беріңіз деген ешқандай шектеу қойылған жоқ", - деп түсіндірді Дәурен Темірбеков.</blockquote>"Бірыңғай жинақтаушы зейнетақы қоры" АҚ Басқарма төрағасы Жанат Құрманов "Балаларға арналған ұлттық қор" бағдарламасы бойынша жұмыс істегісі келетін банктер тиісті келісімге қол қойып, БЖЗҚ қызметтерімен интеграцияланатынын айтты.<blockquote>"Біз барлық банкімен жұмыс істеуге дайынбыз. Қазір "Қазпоштадан" басқа, тоғыз банк бізбен жұмыс істеуге ниет білдірді. Салымшы іс жүзінде өзіне қолайлы банкті таңдай алады. Ол қазірдің өзінде бар. Осы банктердің бірімен жұмыс болады, яғни бұл тек "Отбасы банкі" ғана емес, осы бағдарлама бойынша жұмыс істегісі келетін кез келген банк болады", - деді вице-министр.</blockquote>Бұған дейін Қаржы вице-министрі Дәурен Темірбеков "Балаларға арналған ұлттық қор" жобасы бойынша алғашқы төлемдер қашан түсетінін айтқан еді.

Балаларға арналған ұлттық қордың ақшасын қайда жұмсауға болады?

<a href="https://kyzylorda-news.kz/">Kyzylorda-news.kz.</a> Қызылорда облысында сот шешімімен күріш жеткізуге келісім-шарт алған жергілікті ЖШС директоры жымқырған 101 миллион теңге мемлекетке қайтарылып, кәсіпкерге 3 жыл 6 ай мерзімге бас бостандығын шектеу түріндегі жаза тағайындалды, деп хабарлайды <a href="https://kaz.zakon.kz/">Zakon.kz</a>.Қызылорда облысы прокуратурасының <a href="https://www.gov.kz/memleket/entities/prokuratura-kyzylorda/press/news/details/642107?lang=kk">мәліметінше</a>, қадағалаушы орган "Байқоңыр" әлеуметтік кәсіпкерлік корпорациясы" АҚ қызметіне тексеру жүргізді. Тексеру барысында сонау 2018 жылы&nbsp;ӘКК-нің еншілес ұйымы "Агро Холдинг "Байқоңыр" ЖШС "Мега Агро" ЖШС-дан 2400 тонна күріш астығын 120 млн теңгеге сатып алу туралы&nbsp; келісім-шарт жасағаны анықталды. Қаражат толық көлемде аударылған.Айта кетерлігі, сол мерзімде "Агро Холдинг "Байқоңыр" ЖШС-ның да, "Мега Агро" ЖШС-ның да басшысы Манарбек Еспанов болған. Қаражат толық көлемде аударылған. Өз кезегінде Жеткізуші өз міндеттерін толық орындамай, 101 млн теңге мемлекет қаражатын бас пайдасына шығындаған.<blockquote>«Манарбек Еспанов мемлекеттiк функцияларды орындауға уәкiлеттік берілген адам бола тұра, өзіне тиесілі "Мега Агро" ЖШС арқылы бюджет қаржысын жымқыру мақсатында аффилирленген шарт жасаған», - делінген Қызылорда облысы прокуратурасының мәліметінде.&nbsp;</blockquote>Бұл факт бойынша облыс прокуратурасы 2022 жылы ҚК-нің 189-бабы 4-бөлігінің 2-тармағымен қылмыстық іс тіркеді. Тергеу барысында Еспановқа қатысты "күзетпен ұстау" түріндегі бұлтартпау шарасы таңдалды, оның әрекеті ҚК-нің 361-бабы 4-бөлігінің 3-тармағымен қайта сараланып, ол кінәсін толық көлемде мойындады, қылмыстық іс сотқа жолданды. Сот Еспановқа 3 жыл 6 ай мерзімге бас бостандығын шектеу түріндегі жазасы тағайындады.Қызылорда облысы прокуратурасының дерегінше мемлекетке келтірілген 101 млн теңге көлеміндегі залал толық көлемде өндірілді.&nbsp;

Қызылорда облысында мемлекет қаражатын жымқырған кәсіпкер сотталды

<a href="https://kyzylorda-news.kz/">Kyzylorda-news.kz.</a> Тіл саясаты – жер жүзінде кеңінен етек алған және ғұмыры ғасырлармен есептелетін көне саясат. Ол әлемдегі күллі мемлекеттерде ресми жариялануы да, кейбір реттерде ел-елде бейресми түрде көрініс беруі де мүмкін.Тіл саясаты деген – қоғамның тілге саналы түрде әсер етуіне байланысты туындаған және үздіксіз даму үстіндегі категория. Тіл саясаты - әлеуметтік топтардың бәріне тән, соның ішінде көбінесе тікелей мемлекетке қатысты ұғым.Мемлекет халқы мейлі бір ұлттан, мейлі көп ұлттан құралған болсын, бәрібір тіл проблемаларынсыз болмайды. Бір ұлтты мемлекеттегі тіл мәселесі тіл мәдениетін арттыру, әдеби тіл жүйесін жетілдіру &nbsp;(нормаландыру) бағытында таза лингвистикалық сипат алса, көп этносты мемлекетте қайшылық көбіне-көп тілдер арасындағы өзара қатынастан туындап, саяси лингвистикалық рең &nbsp;алады. &nbsp;Сондықтан тіл мәселесі саясатқа тіреледі.Тіл мен саясат өзара тығыз байланысты категориялар. Тіл – саясаттың әрі нысанасы (обьектісі), әрі құралы. Ал саясат – тіл тағдырын шешетін мемлекеттің өзіндік ұстанған бағыты, шаралар жүйесі. Демек, қандай да бір мемлекеттегі тілдердің қоғамдық қызмет ауқымын саналы түрде арнайы дамытуға болатыны, не болмайтындығы туралы мәселенің басын ашып алу қажет.&nbsp;Жалпы әлемдік тәжірибеге назар аударсақ, тіл екі түрлі жолмен дамиды да, құриды да: оның бірі – өзінен-өзі, арнайы ұйымдастырылмаған (стихиялы) түрде дамиды, не қолданыстан шығып құриды; екіншісі – қоғам, мемлекет тарапынан керекті бағытты жоспарлы түрде арнайы дамыту, не құрту.&nbsp;Ендеше қоғамдағы не белгілі бір мемлекеттегі тіл мәселелерін шешу мақсатында белгіленген лингвистикалық шаралар мен идеологиялық принциптер жиынтығы тіл саясатын құрайды.&nbsp;Сонда тіл саясаты дегеніміз – мемлекет, қоғамдық ұйымдар тарапынан жүзеге асырылатын қоғамдағы тілдік жағдаятты (языковая ситуация) өзгертуге немесе тұрақтандыруға бағытталған саяси, әлеуметтік және лингвистикалық шаралар жүйесі.Ел-елдегі тілдік ахуалдың әртүрлі болуына байланысты тіл саясаты да алуан түрлі болып келеді. Тіл саясатының өзіндік сипатына қарай әр ұлттың ана тілі тағдыры шешіледі. Демократиялық бағыттағы саясат ұстанған мемлекет әр этностың ана тілінің өмір сүруі мен дамуына жағдай туғызса, кертартпа саясатқа бой ұрған мемлекетте бірді-екілі тілдің дамуына ғана мүмкіндік туғызып, қалғандарын іс жүзінде тежеп, бірыңғай мемлекеттік, әкімшілік тіліне көшіруге тырысады. Осы жолда қолда бар мүмкіншіліктің баршасын іске қосып бағады. Олай болса, тіл саясаты екі түрлі бағытта жүргізіледі деп түюге болады. Бір бағыты – тілді тұншықтыру, екіншісі – тілдердің еркін дамуына жағдай жасау.Әлеуметтік лингвистикалық зерттеу өз мақсатына орай, кез келген жүзеге асырылып отырған тіл саясатының мәселелерін, оның идеологиялық негізі мен практикалық нәтижелерін бірдей қарастырады. Енді осы зерттеулерге назар аударайық.&nbsp;Ұлттық-тілдік саясаттың деңгейлері. Қалыптасқан қызмет түріне қарай ұлттық-тілдік саясаттың өзіндік әрекет ету иерархиясы мен логикасы бар. Оның негізгі деңгейлері мынадай:&nbsp; 1)тілдік саясатты идеологиялық қамтамасыз етудің тұжырымдамасын жасау;&nbsp; 2) тілдердің қоғамдағы өзара қарым-қатынасын заңмен бекіту;&nbsp; 3) тілдердің өзара қарым-қатынасын әкімшілік бақылау және реттеу; 4) тілдік нормаларды кодификациялау; 5) тілдік саясатты қаржы-экономикалық қамтамасыз ету.Саясат, оның ішінде тіл саясаты туралы айтқанда белгілі бір мақсатты жүзеге асыруға бағытталған саналы әрекетті көреміз. Тілге қатысты адамдардың қандай саналы әрекеті, мақсаты болуы мүмкін? Адамдар тілде нені өзгерткісі келеді? Әдетте қоғамның қажетіне қарай тіл өздігінен өзгермеуші ме еді? Егер тек өздігінен өзгеріп қана қоймай, адам арқылы өзгеруі қалай жүрмек? Адамдар тілге қалай саналы әсер ете алады, ол қаншалықты іске асады? &nbsp;Тіл саясатын кім жоспарлайды және кім жүргізеді?&nbsp; Көптеген елдерде тіл саясатының субьектісі әр алуан мемлекеттік және мемлекеттік емес органдар мен институттар болып табылады. Оларды өмірдің үш саласы байланыстырады:&nbsp;1) мектеп;&nbsp; 2) кітап, кітап бастыру (кейінгі баспасөз радио, кино, теледидар);&nbsp; 3) қоғамның этникалық қарым-қатынасын реттеу мәселесі. Адамдардың саналы әрекетін қажет ететін тілдің &nbsp;негізгі үш түрлі саласы мыналар:&nbsp; 1) графика және орфография; &nbsp; 2) терминология; &nbsp; 3) тілдің нормативті-стилистикалық жүйесі. Тіл саясатын жүзеге асыратын субьектілер тізімі мынадай: 1.Этносаралық қатынастар істері жөніндегі комитеттер (министрліктер, депортаменттер). 2.Мектеп және арнаулы білім беру мекемелері (министрліктер, депортамаенттер). 3.Масс-медия 4. Ғылыми мекемелер 5.Ана тілі жанашырларының ерікті ұйымдары (қоғамдар мен серіктестіктер т.б.).Ұлттық-тілдік идеологияның типтері. Ұлттық-тілдік саясат белгілі бір теориялық және идеологиялық негіздемелерге сүйенеді. Мемлекет, қоғамдық кластар мен жіктер, партиялар, &nbsp; әртүрлі қозғалыстар ұлттық мәселе бойынша белгілі бір тұжырымдамаға, &nbsp;яғни өз түсініктерінде халық, ұлт, ұлыс дегендер кімдер, халықпен (этноспен) тіл, дін, мәдениет, мемлекет қалай байланысқан; мәдениетте, саясатта, идеологияда этникалық және жалпыадамилық, құндылықтар қалай сипатталады, халақтардың өзара қарым-қатынасындағы байланыстың &nbsp;мәні не т.б. мәселелер белгілі бір ұлттық-тілдік идеологияның типін анықтайды. &nbsp;Гуманитарлық сараптамалық тұрғыдан ұлттық мәселе бойынша әлемдік қауымдастық белгілі бір басымдылықтар, бағыт-бағдарларға негізделген шарттар жасаған. Бұл шарттар БҰҰ құжаттарында анық көрсетілген. Айталық, «Адам құқығының баршаға ортақ декларациясы (1948) мен «Адам құқығы туралы Халықаралық биллге (1966) сәйкес этнос пен мемлекет құқығына қарағанда адам құқығы жоғары тұрады және өзіндік басымдылыққа ие. Этнос құқығы этносты құрайтын адамдар құқығы арқылы жүзеге асады, ал мемлекет этникалық белгілеріне қарамастан барлық азаматтар құқығын қамтамасыз етуі керек. Міне, осы мәселелер тіл саясатында үнемі назарда болады.Тілдердің қолданылуын заң арқылы реттеу. Тілдердің қоғамда қызмет етуін заң арқылы реттеу, әдетте, көптілділік ахуалында қажет. Өйткені жоғарыда айтып өткеніміздей, Көптілді мемлекетте қайшылық көбіне-көп тілдер арасындағы өзара қатынастан туындап, саяси лингвистикалық рең алады. Сондықтан әрбір тілдің коммуникативтік жүйедегі орны анықталып, ресми мәртебелері мен қолдану аялары нақтылануы қажет. &nbsp; &nbsp;&nbsp;Көптеген елдерде тіл туралы заңдар жасалу дәрежесіне қарай әртүрлі болып келеді. Көп жағдайда заңдар тілдің ресми (мемлекеттік) салалардағы қолданылуын реттеп, жеке өмірдегі тілді таңдауға, жұмыстағы бейресми қатынастарға араласпайды.&nbsp;Зайырлы мемлекеттерде тіл туралы заңдар діни бірлестіктер мен ұйымдарға тарамайды. Заңдар, әдетте сөз таңдау, сөз формасы, сөзді дыбыстау т.б. мәселелерді қозғамайды, бұл заңдардың немесе билік органдарының міндеті емес, лингвистиканың тіл нормаландыру аймағы, «ішкі» тілдік саясат, тіл мәдениетінің мәселесі.Көптеген елдердің тіл туралы заңдарында заңдылық тұрғыдан реттелетін обьектілер құрамы бір-біріне сәйкес келе бермейді. Біршама типті обьектілер мыналар:&nbsp;1) тілдің ресми (заңдылық) мәртебесі;&nbsp; 2)тілдің қолданылуы мүмкін немесе міндетті болып табылатын әлеуметтік өмір салалары; 3)білім беру саласындағы социумның тіл қолдану ерекшелігі мен дәрежесі. &nbsp; &nbsp; &nbsp; Осыларды қорыта келгенде, бүгінгі қазақ тілінің жағдайына байланысты мыналарды айтуға болады: &nbsp; &nbsp; &nbsp;1.Қазақ тілінің қолданыс аясы жан-жақты зерттелуі керек. Бұл – оның бүгінгі кезеңдегі хал-жағдайына әлеуметтік лингвистикалық сипаттама беру деген сөз. &nbsp; &nbsp; &nbsp;2.Қазақ тілінің заңдылық мәртебесін нақтылау керек. Бұл - оның мемлекеттік мәртебесін іс жүзіне асыру деген сөз. &nbsp; &nbsp; &nbsp;3.Қазақ тілінің жағдайын жақсарту бойынша нақтылы шаралар белігіленуі қажет. Бұл - адамдардың тілді саналы түрде дамыту мүмкіндігін іске қосу деген сөз.Аман Абасилов, Қорқыт ата атындағы Қызылорда университетінің қауымдастырылған профессоры, филология ғылымдарының кандидаты. &nbsp;

Қазақстан республикасындағы тіл саясаты: басым бағыттары мен өзекті мәселелері

<a href="https://kyzylorda-news.kz/">Kyzylorda-news.kz.</a> Еліміздің басты мерекесі Республика күні өңірлерде барлық сән – салтанатымен аталып өтіледі. Ұлық мереке қарсаңында дәстүрге сай Қызылордада 20 жас маман ант беріп, құқық қорғау органдарының қатарына алынды.Полиция қызметіне жаңадан қабылданған &nbsp;жас полицейлер қызметті адал және абыроймен атқаруға, Қазақстан Республикасы азаматтарының құқығы мен бостандықтарын қорғауға салтанатты түрде ант берді.&nbsp;Полиция қызметіне жаңадан қосылған жас буынды айтулы күндерімен Қызылорда облысы Полиция департаменті бастығының &nbsp;бірінші орынбасары полиция полковнигі Амитов Шамшидин Егенбердіұлықұттықтады. Ант қабылдау – әрбір полиция қызметкері үшін толғандыратын салтанатты сәт екендігін атап өтіп, өзінің қызметін, өмірлік жолын халыққа қызмет етумен байланыстырған жас қызметкерлердің азаматтық борыштарын абыроймен атқаруларына тілектестік білдіріп, қызметтеріне сәттілік тіледі.&nbsp;<blockquote>«Полиция қызметкері болу үшін білім де, білік те, білек те керек. Шапшаңдық пен жылдамдық, жылдам әрекет ете білу қабілеті полицейге қажетті басты қасиеттердің қатарында. Халыққа адал қызмет етіп, антқа адалдық таныту – біздің басты парызымыз. Бұл ретте қиын да абыройлы қызметті таңдаған жас қызметкерлергесәттілік тілеймін!»дедіШамшидин Егенбердіұлы.&nbsp;</blockquote>Іс – шара жас мамандардың қатысуымен өткен салтанатты шерумен аяқталды.&nbsp; &nbsp;<figure class="image"><img src="https://knadmin.beoblood.kz/uploads/393953482_310018601766457_4987841789286528578_n_bdc089122d.jpg" alt="393953482_310018601766457_4987841789286528578_n.jpg"></figure>

Қазақстан және Қызылорда облысының жаңалықтары