<a href="https://kyzylorda-news.kz/">Kyzylorda-news.kz</a>&nbsp; &nbsp;Бүгінде қоғамда баспасөз бен тележурналистика, әлеуметтік желілер мен ақпараттық сайттар заман талабына сай түрленіп, қоғамға қажетті маңызды ақпараттарды халыққа таратуда үлкен рөл атқарып келеді. Бүгін осыған орай Қазалы ауданы әкімі Мейрамбек Шермағанбет жергілікті бұқаралық ақпарат құралдары өкілдерімен кездесу өткізіп, пікір алмасты. Кездесу барысында аудан басшысы журналистер қауымымен елімізде жүргізіліп жатқан мемлекеттік саясат пен елдің игілігі үшін істеліп жатқан жобаларды халыққа насихаттау бағытында сөз қозғап, бұқаралық ақпарат құралдарындағы және интернет ресурстарындағы өңірімізге қатысты өзекті мәселелерді талқылады. Қазалы ауданы әкімі Мейрамбек Зинабдинұлы бүгінде аудандағы барлық сала бойынша атқарылып жатқан жұмыстарға, әсіресе, Мемлекет басшысының бастамасымен қолға алынған «Таза Қазақстан» республикалық экологиялық акциясы аясында жүргізіліп жатқан тазалық жұмыстарына тоқталды. Бұл толымды тіршіліктің барлығын халыққа дұрыс насихаттау бағытында бірлесе жұмыс жасауға шақырды. Кездесу соңында БАҚ өкілдері де, бұл мәселелерге қатысты өз ойларын жеткізіп, елдің игілігіне бағытталған істерде, татулықты нығайтуда билік пен халық арасында алтын көпір болып, әрі қарай да, бірлесе жұмыс жасайтындықтарын жеткізді. &nbsp;

Аудан басшысы жергілікті бақ өкілдерімен кездесті

<a href="https://kyzylorda-news.kz/">Kyzylorda-news.kz</a> &nbsp;Қалалық прокуратура бастамасымен және «Qosyl» қалалық жастар ресурстық орталығының ұйымдастыруымен ақпараттық түсіндірме жұмыстары жүргізілуде.&nbsp;«Orda» жоғары колледжінің білім алушы студенттеріне «Жақсыдан үйрен, жаманнан жирен» тақырыбында медиа саласының өкілдері, жастар мамандарының қатысуымен кездесу өтті. Кездесуге Қызылорда қалалық прокуратурасының бөлім басшысы Ә. Ергеш, Қалалық «Жастар ресурстық орталығының» директоры М. Жорабек, «Қазақстан Қызылорда» облыстық телеарнасының бас продюссері Д. Ақайдаров және өңірдегі спортшы жастар қатысты. Жиын барысында жастарға жетістікке жету, сәтсіздіктен сабақ ала отырып, табысқа жету жолдары жөнінде ақпараттар айтылды. Сонымен қатар, белсенді азаматтар өздерінің жетістікке жету жолдарымен бөлісіп, білім алушылармен пікір алмасты. Құқық бұзу, топтық төбелес, зорлық-зомбылық, басқа да қылмыстық істерің алдын алу жөнінде ақпараттар да айтылды. М. Ықсанов атындағы Қызылорда политехникалық колледжінің білім алушы студенттеріне де кездесу өтті. Келесі ақпарттық жұмыс Қызылорда медициналық жоғары колледжінің білім алушы студенттеріне ұйымдастырылды. Кездесуге Қызылорда қалалық прокуратурасының бөлім прокуроры А. Оңдасын, Қалалық «Жастар ресурстық орталығының» директоры М. Жорабек, «Қазақстан Қызылорда» облыстық телеарнасының бас продюсері Д. Ақайдаров, Қызылорда облыстық «Жастар ресурстық орталығы» шығармашылық бөлімінің басшысы, блогер Т. Амануллаева, Қызылорда медициналық жоғары колледжінің мейіргер ісі негіздері пәні оқытушысы, колледж түлегі Қ. Махмут қатысты. Қызылорда «Болашақ» университеті және жоғары колледжінің білім алушы студенттерімен жастарға құқықтық сананы және құқық мәдениетті қалыптастырумен қатар жетістікке қол жеткізудің жолдары, дұрыс мақсат қоя білу, сәтсіздіктен сабақ алып, табысқа жету жолдары&nbsp; жайлы талқыланды. Жастар алаңының қонақтары: Қызылорда қалалық прокурорының орынбасары Г. Утеев, Қалалық «Жастар ресурстық орталығының» директоры М. Жорабек, Қызылорда облыстық «Жастар ресурстық орталығы шығармашылық бөлімінің басшысы, инста блогер Т. Амануллаева. «Армандар орындалады» жастар алаңының кезекті жиыны И. Әбдікәрімов атындағы Қызылорда аграрлық техникалық жоғары колледжінің білім алушы студенттеріне арналды. Кездесуге Қызылорда қалалық прокуратурасының бөлім аға прокуроры Ж. Медешов, Қалалық «Жастар ресурстық орталығының» директоры М. Жорабек, «Қазақстан Қызылорда» облыстық телеарнасының бас продюссері Д. Ақайдаров, Қызылорда облыстық «Жастар ресурстық орталығы» шығармашылық бөлімінің басшысы, блогер Т. Амануллаева қатысты.

Жастармен кездесу өтті

<a href="https://kyzylorda-news.kz/">Kyzylorda-news.kz</a> &nbsp;Қорқыт ата атындағы Қызылорда университеті кәсіпкерлік орталығының ұйымдастыруымен «Kyzylorda Idea Battle» бағдарламасы аясында Demo Day кезеңі өтеді.&nbsp;Іс-шараның мақсаты – стартаптарды қолдау, ел ішіндегі стартап мәдениетін насихаттау және Қазақстан аймақтарында цифрландыруды дамыту үшін үздік IT идеяларды анықтау.&nbsp;Demo day – инвесторлар және де басқа қызығушылығы бар ұйымдардың жобаны қарап, іріктеуден өтуі. «Kyzylorda Idea Battle» жобасы барысында маркетинг, қаржы, нарықтық зерттеулер мәселелері қамтылды. Сонымен қатар, «Pizza Pitch» жиыны ұйымдастырылды.«Pizza Pitch» жиынында қатысушылар өз бизнес жобаларын кең аудиторияға таныстырып, сарапшылардан кәсіби баға алды.&nbsp;Сондай-ақ, жобаларды әрі қарай дамыту бойынша кеңес пен практикалық ұсыныстар айтылды. Шараның басты мақсаты &nbsp;− &nbsp;жас кәсіпкерлерді қолдау, спикерлік дағдыларын дамыту, сахна мәдениетін қалыптастыру. Жиынның ерекшелігі – қатысушыларға жүлде берілмейді және көпшілікке пицца таратылады.&nbsp;Стартап жобаларды қорғау алаңында 42 жоба ішінен іріктелген 8 жоба қазылар алқасына таныстырылады. Idea Battle байқауының жеңімпаздарына 500&nbsp;000 теңге қаржы табысталады.Айта кетейік, Astana Hub халықаралық IT стартаптар технопаркі мен Қорқыт ата атындағы Қызылорда университетінің ұйымдастыруымен өткен жылы Іdea battle байқауы өткен болатын. 3 минуттық питч форматында инновациялық идеяларды қабылдаған Іdea battle байқауының жүлде қоры 500&nbsp;000 теңгені құрады. Нұрлан Құлмырзаев, Алмат Қуанышбаев, Бағдат Қадырбеков, Мақсат Мугалов, Ержан Кенжеев аталмыш байқауда төрелік етті. Студенттер мен жастардың қатысуымен өткен 30 жоба қорғалған.&nbsp;Қорқыт ата атындағы Қызылорда университетінде 2017 жылдың мамыр айынан бастап кәсіпкерлік орталық жұмысс істейді. &nbsp;Бизнес-инкубатор &nbsp;– &nbsp;өз істерін бастауды қалайтын, бірақ оған мүмкіндігі жоқ жас кәсіпкерлерді қолдау және коммерциялық тұрғыда тиімді өнім алу мен нәтижелі өндіріс құруда көмек көрсету мақсатында құрылған ұйым. Әлемдік практикада&nbsp; жеткілікті түрде кең таралған орталықтар көптеген елдерде жұмыс жасайды. Мұндай мекемелер алғаш рет 50-жылдардың соңы мен 60-жылдардың басында АҚШ мен Ұлыбританияда ашылған. Олар табысты түрде жаңа жобалар мен стартаптарды жетілдіреді. «Стартап» термині бизнес-инкубатормен ұдайы бірге жүретін термин. &nbsp;Стартап немесе старт-компания ағылшыннан аударғанда «бастау» деген мағынаны береді және қазіргі уақытта енді пайда болған немесе құрылуы жоспарларған жаңа жобаны білдіреді. Бұл термин IT саласында және ғаламтор-жобаларының саласында жиі қолданылады. Университет қабырғасында кәсіпкерлікті дәріптеу мен дамыту бағыты бойынша «Startup Bolashak. Menin armanym» жобасы, «Zhas project» бағдарламасы, «HackDay» және «Smart city Kyzylorda» хакатондары және тағы да басқа шара ұйымдастырды. Сонымен қатар облыс көлеміндегі «Smart city Hackathon», «PechaKucha Night Kyzylorda», «Startup roadshow», «Enactus Kazakhstan roadshow», «Startup Talapker incubation», «Innofest» облыстық инновациялық жобалар фестивалі», «SLL&nbsp; workshop», «SocInn startup», «NoCodeDay», «Open Speech Kyzylorda» бағдарламалары мен іс-шаралары өткен. Қазіргі таңда бизнес-инкубатор жұмысын қарқынды жүргізуде.

Қызылордада Idea Battle өтеді

<a href="https://kyzylorda-news.kz/">Kyzylorda-news.kz</a>&nbsp; Жеңіс күніне орай қызылордалық соғыс ардагерлеріне 2,5 миллион теңгеден беріледі.Бұл туралы облыс әкімі Нұрлыбек Нәлібаев мамыр айындағы мерекелерді атап өту мәселелерін талқыланған мәжілісте айтты.<blockquote>«Ұлы Отан соғысы ардагерлеріне 2,5 млн. теңге көлемінде төлем төлеу туралы шешім қабылданды. Бұл – біздің аға ұрпақ алдындағы парызымыз. Бүгінгі бейбіт өмірімізге қан кешіп жүріп жеткізген жандардың ерлігіне қандай құрмет көрсетсек те артық емес. Өткен жылы қарт майдангерлерге 1 үй, 1 көлік, сонымен бірге 1,5 млн. теңгеден табысталған еді. Биыл да бір ардагерге Қызылорда қаласынан үй берілді. Бұдан да басқа демеушілер есебінен ақшалай және материалдық көмек көрсетіледі. Қала және аудан әкімдері, облыстық басқарма басшылары мерекені атап өтудің жоспарына енген іс-шараларды сапалы әрі мәнді етіп ұйымдастыруы тиіс», – деді аймақ басшысы.</blockquote>Облыстық жұмыспен қамтуды үйлестіру және әлеуметтік бағдарламалар басқармасының мәліметіне қарағанда, өңірдегі Ұлы Отан соғысы ардагерлерінің ең үлкені 102 жаста. Қызылорда қаласы, Қазалы және Сырдария ауданының әкімдіктері Жеңіс күні қарсаңында төлемдерді аудару бойынша жұмыстарды ұйымдастыруда.Ардагерлер 2,5 миллион теңге ( 2 510 560 теңге) мөлшерінде біржолғы төлем алады.Қызылорда облысында 2040-тан астам тыл еңбеккері бар, олардың біреуі «Ерен еңбегі үшін» медалімен марапатталған. Сондай-ақ, Ұлы Отан соғысында қаза тапқан жауынгерлердің 7 жесірі, соғыс кезінде жараланған, контузия алып, мертіккен немесе ауру салдарынан қаза тапқан мүгедек жұбайы не зайыбы бар 4 адам тұрады. Ұлы Отан соғысына қатысушыларға және соғыс кезінде алған жарақат салдарынан мүгедектігі бар адамдарға теңестірілгендер саны 1894-ті құрайды.Аймақта осы санаттағы 3964 адам тұрады. Олардың барлығы 147 680 теңгеден алады. Сонымен қатар, «Ерен еңбегі үшін» медалімен марапатталған тыл еңбеккеріне 221 520 теңге төленбек.Айта кетейік, ардагерлер сәуір айында төлем ала бастайды.Фото: Қызылорда облысы әкімінің баспасөз қызметі

Қызылорда облысында соғыс ардагерлеріне 2,5 миллион теңгеден беріледі

<a href="https://kyzylorda-news.kz/">Kyzylorda-news.kz</a>&nbsp;Сіз қай жерде тұратын болсаңыз да, үстеріне қызыл желетка киіп, қолдарына сыпырғы ұстаған, көбіне көше бойында жүретін, осынау тынымсыз жандарды көрмеуіңіз мүмкін емес. Күнде көре бергеннен кейін бе, бұл кісілерді жұрт көп елемейді. Кейбірі беттерін бүркеп алған, кімдер екендігіне қызығушылық танытпайды да. Алайда бұл кісілердің көше тазалығына сіңіріп жатқан еңбегі орасан зор.Президенттің тапсырмасына сәйкес, әлеуметтік сала қызметкерлерінің еңбек ақысы өседі. Бұған кейбір облыстар мән беріп, жүзеге асыруда. Мәселен, Шиелі ауданында қоғамдық жұмыс қызметкерлері 75 000 теңге еңбекақы алады. Халықты жұмыспен қамту орталығы жұмыссыз азаматтарды уақытша жұмыспен қамтамасыз ету мақсатында қоғамдық жұмыстарды ұйымдастырады. Қоғамдық жұмыстар жұмыскердің алдын ала кәсіптік даярлығын талап етпейді және әлеуметтік пайдалы бағытқа жолдайды. Оған жұмыссыздар, денсаулығына зиян келтірмейтін және оқу процесін бұзбайтын жұмыстарға оқудан бос уақытта және бос тұрып қалуға байланысты жұмыспен қамтамасыз етілмеген адамдар қатыса алады.2023 жылдың мамыр айынан бастап ақылы қоғамдықпен жұмыс істейтін адамдардың айлығы 30 пайызға экологиялық көмек негізде көтерілді. Бұл әрине ең төменгі жалақы алатын көше тазалықшылары үшін қуантарлық жағдай.Айта кететіні, І, ІІ, ІІІ топтағы мүгедек жандар жұмысқа жарамды анықтамалары арқылы жұмысқа орналаса алады. І, ІІ топтағы мүгедек жандарға толық емес жұмыс уақыты белгіленген, яғни 8 сағат емес 6 сағат жұмыс істеуге құқылы. Бір сөзбен айтқанда, ақылы қоғамдық жұмыстар азаматтарды уақытша жұмыспен қамтамасыз ету үшін ұйымдастырылады. Олардың міндеті – тазалық, көркейту, көгалдандыру, сырлау, әктеу, абаттандыру жұмысы. Таразыласақ, қоғамдық жұмысқа тартылғандардың дені нәзік жандылар. Олардың біршамасы алты айлық келісім-шарт бойынша әлеуметтік пайдалы бағытта жұмыс істейді.Сондай көше тазалығына жұмысқа тартылып, өз адал еңбегімен ауа райының жауын-шашын, ыстық суығына қарамай еңбек етіп жүрген жанның бірі – Мадина Мәмбеталиева. Мадинаның айтуы бойынша, таңғы сағат 8:00-де жұмысқа кіріседі. Ыстыққа да, суыққа да, жауынға да қарамайды. Көше сыпырып, қоқыстарды тазалап жүрген қоғамдық жұмысқа тартылған қызметкердің кент тазалығына қосатын еңбегі ерен. Олар үшін қай жерде қоқыс бары ап-айқын. Жұмысқа бір күн шықпай қалса, кент ішін қоқыс басады. Бос ыдыстарды лақтырып кететіндер көп.&nbsp;Тазалықшыларға «Сіздер тазалау үшін айлық аласыздар ғой!» деген ойды ұстанатын жастар да аз емес. Тұрғындар үйін қалай таза ұстаса, кентке де сондай көзқараспен қарауы тиіс, – дейді Мадина Мәмбеталиева.Мадина Мәмбеталиева – 59 жаста. 2 баланың анасы, күйеуі өмірден өткен. Кішігірім үйде тұрады. Тағдыр ауыртпалығын жалғыз көтеріп жүрген ана, көше тазалығымен 12 жылдан бері айналысады. «Көктемнен бастап қара суық күзге шейін Шиеліде мекеме қызметкерлері өз аулаларын тазартып, апта сайын сенбілік ұйымдастырады. Сол кезде жұмысымыз біраз жеңілдеп қалады», – дейді көше сыпырушы.Тазалық – баршаға ортақ. Анаңдай адам көше сыпырып, қоқыс жинайды. Нағыз еңбекте сол жандар­дікі. Қарапайым еңбек адамдарына құрмет көрсетуді ойласақ, алдымен қоқыс тастау мәдениетін қалыптастыруымыз керек. Сонда ғана 60 жасқа толған аналарымыз қоқыс жинап әуре-сарсаңға түспейді.

Шиелі: 12 жылдан бері көше көркін келтірген

<a href="https://kyzylorda-news.kz/">Kyzylorda-news.kz</a> «Сыбайлас жемқорлыққа қарсы волонтерлік» жобасы аясында Қараөзек және Талсуат ауылдық округтерінің тұрғындарына тегін құқықтық көмек көрсетілді.Нақтырақ айтқанда, жоба шеңберінде түрлі сала мамандарынан құралған «Сыбайлас жемқорлыққа қарсы мобильді топ» ауыл тұрғындарын қабылдап, олардың көкейінде жүрген сауалдарына заң аясында жауап берді.Мобильді топтың құрамына заңгерлер, мемлекеттік кіріс және әділет, денсаулық және білім салаларының мамандары, адвокаттар, сондай-ақ жоба волонтерлері қосылды.Тұрғындардың&nbsp; негізгі мәселелері жұмысқа орналасу, жергілікті жолдардың жай-күйі, өңірдегі газ тарату мәселесі, елді мекендердің аумақтарын абаттандыру, отбасылық-тұрмыстық қатынастар, мемлекеттен несие, жеңілдіктер мен субсидиялар алу мәселелеріне қатысты болды.Мамандар 50-ге жуық ауыл тұрғынының жеке мәселелері мен дауларына қатысты кеңестерін беріп, тиісті көмектерін көрсетті.Қабылдау барысында азаматтардың жүгінген мәселелері Департамент басшылығының бақылауына алынды.«Сыбайлас жемқорлыққа қарсы мобильді топтың» жоспары – алдағы уақытта облыстың барлық аудандары мен шалғайдағы елді мекендерін аралау.

Қызылордада «Сыбайлас жемқорлыққа қарсы мобильді топ» тұрғындарға құқықтық көмек көрсетті

<a href="https://kyzylorda-news.kz/">Kyzylorda-news.kz</a>&nbsp;«Тіл тағдыры – ел тағдыры» демекші, ұлы даланы мекендеп, тату-тәтті ғұмыр кешіп отырған 130-дан астам ұлт өкілдерінің Отаны ол – Қазақстан. Елімізде мекен етіп жатқан өзге ұлт өкілдерінің ұлты басқа болғанымен, жүрегі бір, тілі басқа болғанымен, тілегі бір.Шиелі ауданында бұл бағыттағы ғибратты істі көп кездестіруге болады. Соның бір парасын Шиеліге қарасты Көкшоқы мөлтек ауданындағы №127 Ш.Уәлиханов атындағы мектеп-лицейінде өткен этнос өкілдерінің әлеуетін арттыруға бағытталған «Ұлы даланың ұлтаралық тілі» атты дөңгелек үстелде көрдік. Шараға зиялы қауым өкілдері мен тіл жанашырлары, өзге этнос өкілдері, кент мектептерінің қазақ тілі мен әдебиеті пәнінің мұғалімдері, мектеп оқушылары белсене қатысты.«Тіл – қандай ұлтта, елде болмасын әрқашан қастерлі де, құдіретті. Қазақстан – әр тілде сөйлейтін халықтардың басын біріктіретін мемлекет, біздің достық үйіміз» деп «Қоғамдық келісім» КММ Шиелі ауданы бойынша сарапшысы Біржан Бақтыбайұлы ашып, жүргізіп отырды.Алғашқы сөз кезегі Қазақстан Халқы Ассамблеясы Шиелі ауданы әкімдігі жанындағы аудандық ақсақалдар кеңесінің төрағасы Исабек Байкенжеев пен тіл жанашыры, «Қазақ тілі қоғамы» қоғамдық бірлестігінің Шиелі аудандық филиалының төрағасы Сағындық Досмаханұлына берілді. Олар тіл тарихына кең тоқталып, тіл байлығы – әрбір елдің ұлттық мақтанышы. Атадан балаға мирас болып қалып отыратын баға жетпес мұра екендігін тілге тиек етті.Одан әрі облыстық «Кызылординские ­вести» газетінің Шиелі, Жаңақорған аудандары бойынша меншікті тілшісі Махсұт Ибрашев өзге ұлт өкілдеріне қазақ тілімізді үйрететін арнайы курстар ашып, білім берілсе және де солтүстік, шығыс өңірлеріндегі аралас мектептерге қазақ тілі мен әдебиет мұғалімдері жұмысқа тартылса деген секілді өз ұсынысын да жеткізді.Аудан мектептеріндегі қазақ тілі мен әдебиеті пәндерінің мұғалімдері де аралас мектептерде ұлт бөлінушілігі жоқ екендігін атап, оқушылар тату-тәтті білім алып, тәрбиеленуде деп ашып айтты. Жиын соңы №270 Ғ.Мұхамеджанов атындағы орта мектеп директорының бейінді оқыту жөніндегі орынбасары Ким Омега мен №127 Ш.Уәлиханов атындағы мектеп-лицей директоры Гүлшара Әбдіқадырованың ойымен қорытындыланды.Мектеп оқушылары ұйымдастырған концерттік бағдарлама келген көрермендерге ерекше әсер сыйлады.&nbsp;

Шиелі: Ұлы даланың ұлтаралық тілі

<a href="https://kyzylorda-news.kz/">Kyzylorda-news.kz</a>&nbsp; Қазақстан Ұлттық құрамасының Париж Олимпиадасына арналған киім үлгілеріне конкурс аяқталып, комиссия мүшелерінің шешімі бойынша 3 номинацияда 2 жеңімпаз белгілі болды: «Спорттық форма» номинациясы – Health&amp;Sport ЖК; «Салтанатты спорттық форма» - ЖШС «Эксклюзив студио»;&nbsp;«Ту ұстаушылардың спорттық формасы» - ЖШС «Эксклюзив студио».Бірінші кезеңде 15 қатысушы жұмыс материалдарын 15 сәуірге дейін жіберген болатын. Екінші кезеңде 16-17 сәуір күндері ұсынылған жұмыс материалдарын арнайы комиссия қарады.Жұмыс тобының қатарында 18 адамнан құралған Туризм және спорт министрлігі Спорт және дене шынықтыру комитеті, ҚР Ұлттық Олимпиада комитеті, Қазақстан спортшылары одағының өкілдері, белгілі спортшыларымыз бен БАҚ қызметкерлері болды. Бұл құрамда Елдос Сметов, Азамат Дәулетбеков, Жәмилә Бақбергенова, Ольга Рыпакова, Әбиба Абужақынова, Анна Алябьева, Нұрбек Оралбай, Нұрсұлтан Тұрсынов сынды спортшылар да бар.Ұсынылған материалдарда қоғам тарапынан айтылған сындар да ескерілді. Спорттық киімдердің сапасы талапқа сай жоғары.<img src="https://knadmin.beoblood.kz/uploads/4e021428ffb3eded51314dcd4a5f0edb_1280x720_093349c8e1.jpeg" alt="4e021428ffb3eded51314dcd4a5f0edb_1280x720.jpeg"><img src="https://knadmin.beoblood.kz/uploads/37c4ae56d3cf7ed4ef1f5e2c7dfdc4e5_1280x720_e828512126.jpeg" alt="37c4ae56d3cf7ed4ef1f5e2c7dfdc4e5_1280x720.jpeg"><img src="https://knadmin.beoblood.kz/uploads/92c2de57f1fb020ebec6e6207f1ee270_1280x720_fd1b291b3c.jpeg" alt="92c2de57f1fb020ebec6e6207f1ee270_1280x720.jpeg"><img src="https://knadmin.beoblood.kz/uploads/3c808c97fe36a09a5849406489dd50f5_1280x720_0897da4a6c.jpeg" alt="3c808c97fe36a09a5849406489dd50f5_1280x720.jpeg">Фото: Туризм және спорт министрлігі

Қазақ спортшыларының Олимпиадада киетін киімі таныстырылды

<a href="https://kyzylorda-news.kz/">Kyzylorda-news.kz</a> Пайдаланбаған ақшаны қайтаруға бола ма, неге МӘМС жүйесі жинақтаушы емес, жеке клиникада МӘМС есебінен қалай емделуге болады? Әлеуметтік медициналық сақтандыру қоры қазақстандықтардың жиі қоятын сұрақтарына жауап берді. &nbsp;1. Мен «жұмыс істемейтін жүкті әйелдер» жеңілдік санатына кіремін, бірақ тіркелген жеке кәсібім бар. Жеңілдік санатына кіретіндер жарна төлеуден босатылады деп естідім. Жеке кәсібім үшін жүргізілген төлемдерді қайтарып ала аламын ба?«Міндетті әлеуметтік медициналық сақтандыру туралы» Заңға сәйкес, жұмыс істемейтін тұлғалар үшін МӘМС жарналарын мемлекет төлейді. Егер жүкті әйел еш жерде жұмыс істемесе, алайда ЖК ретінде тіркелген болса (оның қызметі ресми тоқтатылмаған болса), барлық тиісті төлемдерді (зейнетақы, әлеуметтік, кіріс салығы) жүргізіп отырғандықтан, жұмыс істейтіндер қатарына кіреді. Яғни жеңілдік санатынан шығып қалады. Сақтандырылған мәртебесін сақтау үшін жеке кәсібі үшін МӘМС жарналарын төлеу қажет.2. Егер МӘМС есебінен медициналық қызметтерді алмасам, пайдаланбаған ақшаны қайтарып ала аламын ба?МӘМС-ке енгізген төлемдерді қайтаруға немесе оларды басқа адамға беруге болмайды, себебі жүйе қаражатты дербес бөлуді қарастырмайды. Барлық жарналар мен аударымдар Ұлттық банктегі шотта жинақталады және ол жерден барлық сақтандырылған тұтынушылардың медициналық қызметтерін төлеуге &nbsp;бағытталады.3. Мен жұмыс істемейтін болсам мәртебені қалай аламын? Сізде екі таңдау бар. Біріншісі – дербес төлеуші ретінде жарна төлеуіңізге болады. Екіншісі – жұмыспен қамту орталығына хабарласып, жұмыссыз ретінде тіркеле аласыз. Бұл жағдайда сіз жеңілдік санатына кіресіз және сіз үшін жарналарды мемлекет төлейді.4. Жеке клиникада МӘМС бойынша тексерілуден өтуге бола ма?Медициналық көрсеткіштер болған жағдайда Қормен шартқа отырған жеке клиникаларда консультациялық-диагностикалық қызметтерді алуға болады. Ол үшін өз емханаңыздан жолдама қажет. Медициналық қызмет көрсетушілердің тізімімен Қор сайтына кіріп, «МӘМС-гид», ары қарай «Пациенттер үшін», содан кейін «Клиниканы таңдау» батырмасын басу арқылы танысуға болады (https://fms.kz/osms-guide/patient/vybrat-kliniku/).5. МӘМС үшін қате төленген жарналарды қалай қайтаруға болады? Қате рәсімделген (мысалы, басқа кезең көрсетілген) төлемдерді қайтару үшін «Азаматтарға арналған үкімет» Мемлекеттік корпорация» КЕАҚ-та белгіленген нысан бойынша өтініш жазу қажет және төлемді растайтын құжаттарды қоса ұсыну қажет (нысан fms.kz сайтында «ОСМС-гид» бөлімінде жарияланған). Өтінішті https://eotinish.kz/ электронды платформасы арқылы беруге болады.6. МӘМС-ке қате төленген соманы басқа кезеңдерге қайта бөлуге бола ма? МӘМС-ке төленген төлемдерді басқа кезеңдерге қайта бөлуге болмайды, тек кері қайтара аласыз. Кейін керек кезең үшін төлем жасауға болады.7. Мен студентпін, МӘМС-ке төлем жасауым қажет пе? Күндізгі оқу бөлімінің студенттері МӘМС-ке жарна төлемейді, себебі жеңілдік санатына кіреді. Сондай-ақ жұмыс берушілер күндізгі оқу бөлімінде оқитын студенттер үшін МӘМС-ке аударымдар жасаудан босатылған.8. Мұғалімнің шаруа қожалығы болса, МӘМС-ке төлемді қалай жүргізеді? Салық заңнамасына сәйкес шаруа қожалығы қандай да бір басқа нысанда рәсімделмеген болса, ол ЖК ретінде қарастырылады. Егер ЖК қызметін тоқтатпаған болса, ол өзі үшін 1,4 ЕТЖ-ның 5 % төлейді. Осы ретте негізгі жұмысында да жарналар төлеп, мұғалім қызметкері үшін аударымдар жасауы керек. Яғни барлық кіріс көздерінен төлем жүргізіледі.9. Мен мерзімдік қызметімді өтеп жатқан сарбазбын, жарна төлемеймін, бірақ сақтандырылғанмын. Менің сақтандырылған мәртебем қанша уақытқа сақталады? Сіз мерзімдік қызметіңізді атқарып жатқан уақытта жарна төлеуден босатыласыз. Әскердегі қызметіңіз аяқталған соң сізге сақтандырылған мәртебесін сақтау үшін МӘМС-ке тұрақты түрде жарна төлеу қажет.10. Мен жеке компанияда жұмыс істеймін және жалақыны орындалған жұмыс көлеміне қарай аламын. Егер салық салынатын кіріс шегі көтерілетін болса МӘМС-ке жарналарды арттыру туралы ереже кімдерге әсер етпек? Қарастырылып жатқан түзетулерде МӘМС-ке аударымдарды есептеу үшін қабылданатын ай сайынғы кірістің жоғарғы шегін 2025 жылдан бастап 10 ЕТЖ-дан 50 ЕТЖ-ға дейін өсіру туралы сөз болуда. Алдын ала жасалған талдау көрсеткендей, бұл өзгерістер ай сайынғы табысы 10 ЕТЖ (биыл 850 мың теңге) асатын жалдамалы қызметкерлерге ғана әсер етеді. Яғни, егер сіздің жалақыңыз кейде 850 мың теңгеден асатын болса, онда сіз нақты табыстың 2% төлейсіз.Сақтандыру мәртебесін келесі жолдармен тексеруге болады: • &nbsp; &nbsp; &nbsp; &nbsp; Qoldau 24/7 мобильді қосымшасы • &nbsp; &nbsp; &nbsp; &nbsp; fms.kz ресми сайты • &nbsp; &nbsp; &nbsp; &nbsp; Telegram-дағы @SaqtandyrýBot • &nbsp; &nbsp; &nbsp; &nbsp; 1414 байланыс орталығы • &nbsp; &nbsp; &nbsp; &nbsp; Damumed мобильді қосымшасы • &nbsp; &nbsp; &nbsp; &nbsp; Halyk мобильді қосымшасы • &nbsp; &nbsp; &nbsp; &nbsp; BCC.KZ мобильді қосымшасы • &nbsp; &nbsp; &nbsp; &nbsp; Kaspi.kz мобильді қосымшасы • &nbsp; &nbsp; &nbsp; &nbsp; egov.kz электрондық үкімет сайты – «Медициналық қызметтерді тұтынушы ретінде қатысу туралы және міндетті әлеуметтік медициналық сақтандыру жүйесінде аударымдардың және (немесе) жарналардың аударылған сомалары туралы ақпарат беру» мемлекеттік қызметі арқылы. &nbsp;

МӘМС есебінен медициналық қызметті алмаған тұрғындар аударылған қаржыны қайтарып ала ала ма? 

<a href="https://kyzylorda-news.kz/">Kyzylorda-news.kz</a> Бүгін Мемлекет басшысы Қасым-Жомарт Тоқаев Қазақстанға ресми сапармен келген Қырғызстан Президенті Садыр Жапаровты Ақордада күтіп алды, деп хабарлайды <a href="https://kaz.inform.kz/news/kasim-zhomart-tokaev-akordada-kirgizstan-prezident-sadir-zhaparovti-karsi-aldi-8d407f/">ҚазАқпарат.</a>Көрші ел Президентінің сапарына орай салтанатты рәсімдер залында Құрмет қарауылы сап түзеп, оның бастығы Мемлекет басшысы мен мәртебелі мейманға рапорт берді.Осыдан кейін Президент оркестрі екі елдің әнұранын орындады.Қасым-Жомарт Тоқаев пен Садыр Жапаров бір-біріне ресми делегация мүшелерін таныстырды. Бұдан әрі мәртебелі мейман мен Қасым-Жомарт Тоқаев кілемше бойымен Қазақстан Республикасының Мемлекеттік туына қарай жүрді.Оның алдына келгенде Садыр Жапаров тоқтап, басын сәл иіп, ілтипатын білдірді.Қырғызстан Президенті Садыр Жапаров Ақордада Салтанатты рәсімнен кейін Қазақстан мен Қырғызстан президенттері шағын құрамдағы кездесуге өтті.Сапар аясында бүгін жоғары деңгейде екіжақты келіссөз жүргізіледі және бірқатар маңызды құжатқа қол қойылады деп жоспарланып отыр.Айта кетейік, 18 сәуір күні Мемлекет басшысы Қасым-Жомарт Тоқаев Қазақстанға ресми сапармен келген Қырғызстан Президенті Садыр Жапаровты елорда әуежайында күтіп алды. &nbsp;Астанада Қасым-Жомарт Тоқаев пен Садыр Жапаров екі ел өнерпаздарының гала-концертін тамашалады. &nbsp;Сондай-ақ, елордада Қырғыз Республикасының Президенті Садыр Жапаровтың ресми сапары аясында Қазақстанның мәдениет және өнер қайраткерлеріне Қырғызстанның мемлекеттік наградаларын тапсыру рәсімі өтті. &nbsp;Фото: Солтан Жексенбеков / Kazinform

Қасым-Жомарт Тоқаев Ақордада Садыр Жапаровты қарсы алды

<a href="https://kyzylorda-news.kz/">Kyzylorda-news.kz</a> Медициналық оңалтудың пациент денсаулығын қалпына келтіруде атқаратын рөлі зор. Жарақат алған немесе созылмалы аурумен ауырып тұрған пациенттің күнделікті өмірге оралып, қалыпты тіршілік етуіне септігін тигізеді. Бұрын көпшілік жағдайда ақылы түрде көрсетілетін оңалту бүгінде сақтандырылған азаматтар үшін қолжетімді болып отыр.&nbsp;Біздің тілшімізге берген сұхбатында Әлеуметтік медициналық сақтандыру қорының Қызылорда облысы бойынша филиалының директоры Бақыт Исмаханбетов осы мәселе жайлы егжей-тегжейлі ақпар берді.Медициналық оңалту кімдерге көрсетіледі? Реабилитациядан: - негізгі немесе созылмалы ауруды емдеу қажет болғанда; - қатты ауырсынудан кейін; - хирургиялық операциялардан кейін; - жарақат алғаннан кейін; - сырқат салдарынан адамның қимыл-қозғалысы шектелген жағдайларда өтуге болады.Медициналық оңалту қай кезде тегін көрсетіледі? Қалпына келтіру шараларын ақысыз негізде өтуге болады:  тегін медициналық көмектің кепілдік берілген көлемі (ТМККК) шеңберінде – негізгі ауруды, сондай-ақ туберкулезбен ауыратындарды емдеу кезінде;  міндетті әлеуметтік медициналық сақтандыру жүйесінде (МӘМС) – аурулар мен проблемалардың халықаралық жіктемесі бойынша аурулар тізбесіне сәйкес (https://mkb-10.com/).Пациент бұрын оңалтудан өтпеген. Неден бастаған жөн? 1. Ең алдымен тұрғылықты жеріндегі емханаға барады.&nbsp; 2. Емдеуші дәрігер реабилитолог маманға немесе мультидисциплинарлық топ мамандарына жібереді.&nbsp; 3. Олар аурудың пайда болуы мен күшеюі, сырқаттың денсаулық жағдайына байланысты мәліметтерді ескере отырып, оңалтуға деген қажеттілікті айқындайды. Бастапқы реабилитациялық диагноз қойып, пациент денсаулығын қалпына келтіру жоспарын, курстың мерзмін т.б. анықтайды. 4. Егер кешенді тексеру нәтижесінде реабилитация тиімді деп табылса, пациент оны амбулаторияда, стационарда, стационарды алмастыратын емдеу мекемесінде, үйде немесе санатория-курорттарда өте алады. Жоспарлы түрде ем қабылдайтын пациент стационарға «Ауруханаға жатқызу бюросы» порталы арқылы жатқызылады.Оңалтудан бас тартуға мынадай жағдайлар себеп болуы мүмкін: * көп қан кету; * дене қызуының көтерілуі және ұзақ уақыт бойы қалыпты жағдайдан асып кетуі; * өткір жұқпалы аурулар; * өткір остеомиелит; * көктамыр тромбозы * жүрек жеткіліксіздігі; * эпилепсия талмасы ұстаған кезде; * қатерлі ісік, туберкулез, қант диабеті, тиреотоксикоз, бауыр қызметі тапшылығы, ІІІ деңгейлі ұйқы безі тапшылығы, адамның көңіл-күйі мен мінезінде ауытқулар тудырған психикалық аурулар, іріңді және жұқпалы тері аурулары, 2-3-дәрежелі анемия, 3-дәрежелі дистрофия сынды аурулар себеп болуы мүмкін.Оңалту пациенттің өз өтініші бойынша тоқтатылуы мүмкін. Сонымен қатар, ем-шаралардан кейін сырқаттың жағдайы нашарлаған жағдайда немесе негізгі, қосалқы аурулары күшейіп кеткен жағдайда дәрігер ем-шараны тоқтату туралы шешім қабылдайды.Медициналық оңалту үш кезеңнен тұрады: Біріншісі ауруы асқынып тұрған науқастарға, хирургиялық операция жасатқан, жарақат алған адамдарға арналған. Ол стационарлардың құрылымдық бөлімшелерінде жүргізіледі.Егер ауруханаға жатқызу қажет болмаса, медициналық көмек көрсетілгеннен кейін және негізгі ауру емделіп болғаннан кейін пациент оңалтудың екінші немесе үшінші кезеңіне жіберіледі.Оңалтудың екінші кезеңі мамандандырылған бөлімшелерде немесе республикалық денсаулық сақтау ұйымдары, мамандандырылған оңалту орталықтары мен көпбейінді стационарлар базасында өтеді. Бұл кезең ауру басталған сәттен бастап тоғыз ай ішінде жүргізу қажет. Курстың ұзақтығы мен жиілігі нозологияға, науқасты денсаулық жағдайына тағы да басқа факторларға байланысты болмақ.Үшінші кезеңде медициналық оңалту емхана-амбулатория деңгейінде, күндізгі және тәулік бойғы стационарларда, оңалту орталықтарында, санаторийлер мен курорттарда, үйдегі стационар жағдайында, сондай-ақ қашықтықтан жүргізіледі. Курстың жиілігі мен ұзақтығы пациенттің денсаулығына қарай белгіленеді. Оңалтудан алынған нәтиже міндетті түрде ескерілуі тиіс.Медициналық оңалту қызметі қай жерде көрсетіледі?Медициналық сақтандыру қоры халық үшін оңалтудың қолжетімділігін арттыру бағытында жан-жақты жұмыс істеп жатыр.&nbsp;Оңалту қызметтерін көрсету үшін 2024 жылы Әлеуметтік медициналық сақтандыру қорының филиалы аймақтың 31 медициналық ұйымымен шарт жасасты, оның ішінде 12 жеке медициналық ұйым, 18 - мемлекеттік, 1 - квазимемлекеттік. Оңалту бойынша медициналық қызмет көрсетушілер саны артып келеді. Салыстыру үшін, 2020 жылы олардың саны 26 болды.Қор жеткізушілерінің тізімімен fms.kz ресми сайты арқылы танысуға болады («Байланыс ақпарат» – «Клиника таңдау»).Биыл медициналық оңалтуға қанша қаражат бөлінді?2023 жылы оңалту көмегіне 3,3 млрд. теңге бағытталды. Ағымдағы жылы оңалту қызметтерінің бюджеті әзірге 3,7 млрд. теңгені құрап отыр.Егер сіздің тағы да сұрақтарыңыз болса, өз емханаңыздағы «Пациенттерді қолдау қызметіне» жүгініңіз. Ал ол жерде мардымды жауап ала алмасаңыз, Қордың өзіңізге ыңғайлы арналары бойынша өтініш-шағымдарыңызды қалдыра аласыз:- fms.kz ресми сайты - Qoldau 24/7 мобильді қосымшасы - Telegramдағы SaqtandyryBot - 1414 Бірыңғай байланыс орталығы &nbsp;

Медициналық сақтандыру бойынша оңалтудан өту жолдары

<a href="https://kyzylorda-news.kz/">Kyzylorda-news.kz</a>&nbsp;Адамзат баласының қалыпты өмір сүруіне күнделікті тұтынатын&nbsp; қарапайым тұрмыстық тауарлар ауадай қажет болса, оның ішінде азық-түліктің маңызы ерекше. Ал азық-түлік бағасын тұрақтандыру қоғамда талқыланып жатқан мәселенің бірі. Ендеше Шиелі ауданында азық-түлік бағасы тұрақты ма? Әрине, бұл сауал көкейімізде тұр. Сұраққа жауап іздеу үшін бізде зерделеп, бағдарлап көрдік.Шиеліде әлеуметтік маңызы бар азық-түлік тауарларының бағаларына мониторинг жүргізу, оны реттеу мен тұрақтандыру және жүйелі шаралар қабылдау жөнінде жұмысшы тобы құрылған. Осы аталған топ күнделікті кент орталығында орналасқан сауда орындарын, орталық базарды аралап түсіндірме жұмыстарын жүргізеді. Кентте орналасқан 10 дүкенге және Ә.Шорабаев атындағы орталық базарға азық-түлік бағаларына мониторинг жасап отырады.&nbsp;Сонымен қатар сауда орындарында жасанды түрде баға көтеру фактілерін болдырмау үшін «Amanat» партиясы аудандық филиалы жанынан&nbsp;құрылған мониторингтік жұмысшы топпен аптасына 2-3 рет әр сатушымен әкелінген өнімнің бағасын 10-15 пайыздан асырмау жайлы түсіндірме, ескертпе жүргізіп тұрады.&nbsp;Жыл басынан бері азық-түлік бағаларын тұрақтандыру мақсатында Шиелі ауданында бірнеше рет ауыл шаруашылығы өнімдерінің жәрмеңкесі ұйымдыстырылды. Атап айтсақ, «Байқоңыр» ӘӘК» АҚ-ның тұрақтандыру қорынан жалпы көлемі 109 тонна өнім алынып халыққа арзан бағада ұсынылды. Атап айтсақ, картоп – 120 теңгеден, ұн жоғары сұрып (50 кг) – 6750 теңгеден, сәбіз – 109 теңгеден, пияз – 30-50 теңгеден арзан бағада сатылды. Осы уақытқа дейін өңірде 4 рет жәрмеңке өткізіліпті.&nbsp;Бүгінде азық-түлік бағасы тұрақты бақылауға алынып, әлеуметтік дүкен ашу жұмыстары жүргізіліп жатыр. Айта кетейік, аудан тарапынан әлеуметтік бұрыш ашу үшін жеке кәсіпкер «Аян» сауда дүкенінің иесі Қуанышбек Стиев «Байқоңыр» ӘӘК» АҚ – мен құжаттарын рәсімдеу (займдыққаражаталу) жұмыстары қарастырылуда. Займдық қаражатты алған жағдай әлеуметтік маңызы бар азық-түлік тауарларын арзан бағада ұсынатын болады.Қазіргі уақытта қандайда бір өнімге сұраныстың өсуі немесе өнімнің жетіспеушілігі байқалмайды. Алдағы уақытта да ӘМАТ сату бағасына сауда үстемесін шамадан тыс қосу факілерін орын алдырмау мақсатында шағын маркеттермен үй жанындағы дүкендерге бақылау және заң талаптарын түсіндіру жұмыстары қолға алынады.&nbsp;Елімізде азық-түлік бағаларын бақылауға алуға және оны тұрақтандыруға баса көңіл бөлініп отыр. Осы ретте Шиелі ауданында да жүйелі де, жоспарлы жұмыстар жүргізілуде. Тоқсан ауыз сөздің тобықтай түйіні сол, азық-түлік бағасын бақылау және тұрақтандыру басты назарда қала бермек.

Қазақстан және Қызылорда облысының жаңалықтары