<a href="https://kyzylorda-news.kz/">Kyzylorda-news.kz</a> Қызылорда облысы Сырдария ауданында «Таза Қазақстан» республикалық экологиялық акциясы аясында «Киелі мекен» апталығы өтіп, Қажы Мәді (Диуана) қожа баба кесенесінің аумағына «Жалын» еріктілер штабының бастамасымен, ауыл тұрғындары мен жастардың қолдауымен тазалық жұмыстары жүргізілді.&nbsp;Атқарылған жұмыстар аясында кесене аумағы тұрмыстық қалдықтардан тазаланып, ішкі тазалық жұмыстары жасалды. Одан бөлек, ондағы ғимараттар қалыпқа келтірілді. Жалпы саны 1 000 дана тал көшеттері отырғызылды.<img src="https://knadmin.beoblood.kz/uploads/e9f85012_e329_4fee_b984_3128f6f57a95_785d9e6630.jpg" alt="e9f85012-e329-4fee-b984-3128f6f57a95.jpg">

«Киелі мекен»: Сырдариялық жастардың қолдауымен тазалық жұмыстары жүргізіліп жатыр

<a href="https://kyzylorda-news.kz/">Kyzylorda-news.kz</a> &nbsp;М.Мәметова атындағы Қызылорда педагогикалық колледжінде «Кибербуллингке жол жоқ..»&nbsp; тақырыбында тәрбиелік шара өтті.&nbsp;Мақсаты - студенттердің буллинг, кибербуллинг туралы жалпы түсінігін қалыптастыру арқылы жауапкершіліктерін арттыру, өзара сыйластық қарым-қатынасын орнату. Жасөспірімдер арасындағы қорлау, мазақтау, намысқа тию жағдайларын алдын алу. Топ ұжымын сыйластыққа, бір-біріне қолдау көрсете білуге тәрбиелеу.&nbsp;Шараға облыстық жастар денсаулық орталығының психолог маманы Бексултанова&nbsp; Макпал, колледж психологы Уалибекқызы Жанат, “Мектепке дейінгі тәрбие” бөлімінің меңгерушісі Жұмаділдаева Бота және топ жетекшісі Есмаханова Ұлжан қатысты.Жиын аясында студенттер қоғамда белең алып тұрған ең көкейкесті мәселе буллинг, кибербулингтің зардаптары туралы «Құпия дос», «Бөлектену», «Синий кит»&nbsp; деп аталатын қауіпті ойындарды сахналап және зерттеген жұмыстарын презентациямен көрсете білді. Сонымен қатар осы мәселеге қатысты басқа оқытушылар мен студенттерден алған сұхбаттарынан бейнеролик көрсетті.Сала мамандары дүниежүзілік интернет желісінің мүмкіндіктері дәстүрлі қорлауға тән психологиялық қысымның формаларына қосылып, соның арқасында Кибербуллинг (моббер) жәбірленушіге тәулік бойы техникалық құралдар арқылы тікелей қол жеткізе алатыны, ұялы телефон немесе әлеуметтік желідегі профиль, электрондық пошта арқылы шығатыны жөнінде көптеген мәліметтер берді. Студенттер келген мамандарға көкейлерінде жүрген сұрақтарын қойып, қызу пікір алмасу жүрді.&nbsp;Қорытындылай келе, колледж психологы Уалибекқызы Жанат студенттермен кез келген қиындықтан, тығырықтан шығудың жолын көрсететін «Түйінді шеш» атты тренинг ұйымдастырды.Айта кету керек, буллингг – қорқыту, келемеждеу, агрессивті қарым-қатынас. ЮНИСЕФ жариялаған деректерде мектеп жасындағы 150 мың оқушы сыныптастарынан зәбір көреді екен. Ал ҚР ДСМ Қоғамдық денсаулық сақтау ұлттық орталығы өткізген зерттеулерге сүйенсек, Қазақстанда 11-15 жастағы жасөспірімдердің 17%-ы мектепте айына бір немесе бірнеше рет буллинг құрбаны болған.Жалпы буллингтің 4 түрі бар. Физикалық буллинг – ұрып-соғу, құлату, итеру, зәбірленушінің физикалық жарақаттар алуы. Осындай жағдайда балалар көбіне «жәй байқамай соғып алдым» деп ақталуы мүмкін.Әлеуметтік буллинг – басқалардың зәбірленушіні өз орталарына қоспауы, алшақтатуы. Мәселен: оны әдейі естімейтінде күй кешіп, елемеу, барлығы бірге отырысқа жиналғанда, дәл сол бір адамды шақырмау.Кибербуллинг – бұл әлеуметтік желі, мессенджерлер арқылы жаман пікір жазып, келемеждеу немесе қолданушыны қорқыту.&nbsp;Вебральді буллинг – мазақ ету, ар-намысқа тиетін ауыр сөздер айту.

Білім алушылар кибербуллингтің алдын алу мақсатындағы шараға қатысты

<a href="https://kyzylorda-news.kz/">Kyzylorda-news.kz</a> Жапонияның «Шөп тамыры» бағдарламасы арқылы облыстағы бірқатар нысанның жұмысы жанданып келеді. Соның бірі – Т.Есетов атындағы №265 мектеп-лицейі. Аталған білім ордасы 2022 жылы бағдарлама аясындағы «Мектепті автобуспен жабдықтау» жобасының грант иегері атанды.Осыған орай мектеп ұжымы Жапон елшілігі өкілдерімен кездесу өткізді. Кездесуге Жапонияның Қазақстан Республикасындағы төтенше және өкілетті елшісі Джун Ямада, Жапон елшілігінің атташесі Шимон Комия, «Шөп тамыры» бағдарламасының үйлестірушілері Ютаро Икэноуэ мен Алия Чингишпаева және облыстық білім басқармасы басшысының орынбасары Бағдат Бердәулетов қатысты.Аталған бағдарлама республика көлемінде әлеуметтік салаға қатысты бірқатар мәселелердің шешілуіне септігін тигізіп отыр. Негізінен адамдардың өмір сапасын жақсарту мақсатында қоғамдық қорларға, мектептер мен медициналық мекемелерге көмек көрсету үшін жүзеге асырылады. Іс-шара барысында Джун Ямада бағдарламаның ерекшелігін атап өтті.<blockquote>– Біз бұл бағдарламаны 1997 жылдан бастадық. Осыған дейін 100-ден аса жобаға қаржылай қолдау көрсеттік. Бағдарлама аясында сіздермен жұмыс істегенімізге ерекше қуаныштымыз, – деді ол.</blockquote>Ал облыстық білім басқармасы басшысының орынбасары Бағдат Бердәулетов Жапон елшілігіне алғыс білдірді.<blockquote>– Жапония – Қазақстанның стратегиялық серіктесі. Сіздердің әлеуметтік жобаларға арналған көмектеріңіз білім саласының ғана емес, басқа да салалардың дамуына үлкен көмек. Бұл – өте маңызды жұмыс. Адам өмірін қауіпсіз етуге бағытталған әлеуметтік жобаларыңыз сәтті болсын, – деді ол.</blockquote>Мектепке «Сабалақ» және «Эдельвейс» мекен-жайларынан 630 бала қатынап оқитындықтан оларды тасымалдау қиындық туғызған. Жыл сайын бала санының артуына байланысты екі көлік аздық етіп, аталған грант жобасына ұсыныс жіберілген. Бүгінде 4 автобус балаларға қызмет көрсетіп келеді.<blockquote>– Біз бұл жобаға қатысуға 2021 жылдың қазан айында рұқсат алдық. Құжаттарды дайындап, тыңғылықты жұмыстың нәтижесінде «Мектепті автобуспен жабдықтау» жобасы бойынша 65 764 АҚШ доллары грантын ұтып алдық. 2022 жылы Жапон елшісі Джун Ямада мырзамен онлайн режимде келісім-шартқа қол қойдық. Оқушы тасымалына көмек көрсеткен Жапон елшілігіне, оқушылар мен олардың ата-аналары тарапынан алғыс айтамын. Екі ел арасындағы қарым-қатынас бауырмалдыққа негізделген, – деді мектеп директоры Б.Тумырзаев.</blockquote>Кездесу соңында мектеп ұжымы Жапон елшілігіне ризашылық білдірді.&nbsp;

Қызылордалық оқушылар «Шөп тамыры» бағдарламасының игілігін көріп жатыр

<a href="https://kyzylorda-news.kz/">Kyzylorda-news.kz</a> Бүгін Әлия Молдағұлова атындағы №173 орта мектебінде республикалық «Мың бала» жобасы аясында қазақтың атақты ақыны, жалынды жазушы, дарынды драматург, мемлекет қайраткері Сәкен Сейфуллиннің 130 жылдығына арналған кездесу өтті.Кездесуге филология ғылымдарының кандидаты, халықаралық ақпараттандыру академиясының академигі, ҚР Білім беру ісінің құрметті қызметкері Алдажар Әбілов, «Қоғамдық келісім» КММ бөлім басшысы, өңірлік ҚХА жанындағы медиаторлар кеңесінің үйлестірушісі Шахизат Абдраманова және мектеп оқушылары қатысты.<blockquote>− Сәкен Сейфуллин – қазақ әдебиетін жаңа түр, тың мазмұнмен байытқан, қоғамдық ой мен әдеби-мәдени тарихымызда ерекше орын алатын күрескер тұлға болған. 1913 жылы алғаш «Өткен күндер» атты өлеңдер жинағын шығарды. Соның ішінде «Інішегіме» атты өлең жолдары бүгінгі жас ұрпаққа, сіздерге арналғандай.«Ойынды қой, інішегім, алға бас! Жарқыратып ақ нұрменен көңілінді аш, Балалыққа жас миынды алдатпа, Ғылым үйрен, нұрға толсын кеудең жас!» Дәл осы жолдарды бүгін сіздерге қайталап отырмыз. Қазіргі қиындау кезеңде көп оқып, білім алғандар ұтады. Сіздерге өмірде өз жолдарыңызды табу үшін ғылым, біліммен айналысу керек, іздену қажет. Ой сананы өзгерту тиіс. Келешегіміз сіздердің қолдарыңызда. Өз-өздеріңізді дамытып, жетілдіріп отыру сіздердің басты міндеттеріңіз,− деген Алдажар Әбілов 20 ғасырда қазақ аудармасының басында да тұрған атақты ақынның қазақ-кеңес әдебиетіне қосқан үлесі, Сәкен поэзиясының өзекті тақырыптарын ашып айтты.</blockquote>Жиын барысында ҚХА жанындағы медиаторлар кеңесінің үйлестірушісі Шахизат Абдраманова да оқушыларға сыршыл ақынның шығармашылығынан сыр шертті.<blockquote>− Сәкен Сейфуллин – қазақтың көрнекті ақыны, мемлекеттік қоғам қайраткері. Ақын өзінің халқына, туған әдебиетіне толымды қызмет етті. 25 жылдық шығармашылық қызметінің өзінде жүздеген өлең, ондаға поэма, пьесалар мен әңгімелер, ғылыми зерттеулер жазды. Сондықтан Сәкен Сейфуллин – өзі өмір сүрген замнның айнасы, − деді Шахизат Абдраманова.&nbsp;</blockquote>&nbsp;Жиын соңында оқушылар спикерге сауалдар қойып, халық тұрмысындағы маңызды әлеуметтік тақырыптарды көтерген тегеуірінді ақын туралы ғылыми жоба қорғауға ынталы екендіктерін білдірді. &nbsp;

Сәкен Сейфуллиннің 130 жылдығына арналған кездесу өтті

<a href="https://kyzylorda-news.kz/">Kyzylorda-news.kz</a> 18 сәуір – халықаралық ескерткіштер мен тарихи орындар күні. Бұл мереке 1984 жылдан бастап атап өтілуде. Бүгінде облыс бойынша 567 тарихи-мәдени ескерткіш мемлекеттік тізімге алынған. Атаулы күнге орай, Ә.Тәжібаев атындағы облыстық әмбебап ғылыми кітапханасында «Сыр өңірінің археологиялық мұрасын зерттеу, сақтау мен қорғаудың өзекті мәселелері» атты дөңгелек үстел өтті.Басқосуда өңіріміздегі археологиялық ескерткіштердің зерттелуі, жай күйі мен өзекті мәселелері және қолданыстағы заңдылықтар талқыланды.&nbsp; Шараға басқарма басшысының орынбасары Қ.Жанұзақов, тарих және мәдениет ескерткіштерін қорғау жөніндегі облыстық комиссия мүшелері, салаға қатысты жергілікті атқарушы органдардың, мемлекеттік мекемелердің өкілдері, тарихшы археологтармен қоса, Әлкей Марғұлан атындағы Археология институты мен Түркістан қаласындағы Қожа Ахмет Ясауи атындағы халықаралық қазақ-түрік университетінің өкілдері де арнайы қатысты.Мемлекет басшысы Ұлттық құрылтайда тарихи-мәдени нысандарға реставрация жасау ісін ретке келтіретін шараларды күшейту мен тарихи жәдігерлерді сақтауды тапсырған болатын.Осы орайда, өңірдің тарихи-мәдени мұраларын сақтау және пайдалану бағытындағы жұмыстар, ескерткіштің қорғау аймағын анықтауда жаһандық навигациялық спутниктік жүйелерін қолданудың маңызы, сауысқандық петроглифтерін қалпына келтіру және туристік әлеуетін дамыту, тарихи-мәдени мұра объектілерін қорғау және пайдалану туралы» Қазақстан Республикасының Заңына енгізілетін өзгерістер мен толықтырулар туралы мәселелер де қаралды. &nbsp;

Сыр өңірінің археологиялық мұрасы талқыланды

<a href="https://kyzylorda-news.kz/">Kyzylorda-news.kz</a> Қызылорда облысы әкімінің орынбасары Бақыт Жахановтың төрағалығымен Қызылорда облысы бойынша азық-түлік тауарларына баға белгілеудің бүкіл тізбегі бойынша делдалдық схемаларды тексеру жөніндегі комиссияның кезекті отырысы өтті.Комиссия отырысында облыстық ауыл шаруашылығы және жер қатынастары басқармасының басшысы Т. Дүйсебаев, Қызылорда облысы бойынша сауда және тұтынушылардың құқығын қорғау департаментінің басшысы Е. Сүлейменов, «Байқоңыр» ӘКК» АҚ басқарма төрағасының орынбасары А. Ибрагим хабарлама жасады.Әлеуметтік маңызы бар азық-түлік тауарларына сауда үстемесі мөлшерін сақтау бөлігінде Қазақстан Республикасының Сауда қызметін реттеу туралы заңнамасың сақталуына барлығы 102 кәсіпкерлік субъектісі тексеру жұмыстарымен қамтылып, 28 кәсіпкерлік субъектісі әкімшілік жауапкершілікке тартылды.Жыл басынан бері комиссияның 14 отырысы өткізіліп, онда әлеуметтік маңызы бар азық-түлік тауарларының бағаларын тұрақтандыру, өнімсіз делдалдарды алып тастау, сауда үстемесінің сақталуы мәселелері қаралды.Бұдан бөлек инфляциялық қысымды төмендету мақсатында облыс көлеміндегі 183 сауда нысандарымен 10%-дан аспайтын ең төменгі сауда үстемесі туралы екі жақты меморандумдар жасалды.

Қызылорда облысында азық-түлік бағасы бақылауда

<a href="https://kyzylorda-news.kz/">Kyzylorda-news.kz</a> &nbsp;Алғаш рет әуе кемесі жер кеңістігінен шығып, планетаны айналғаны күн – 12 сәуір екенін білеміз. Байқоңыр ғарыш айлағынан «Восток 1» кемесімен Юрий Гагарин сағат 06:07 шамасында әуеге көтерілген еді.&nbsp; Бұл күн айтулы даталар қатарында мәңгіге қалды.Байқоңыр&nbsp;–&nbsp;Қызылорда облысы Қармақшы ауданының аумағында орналасқан ғарыш алаңы.&nbsp;Іргесі 1955 жылы қаланған. Байқоңырдан күннің, айдың, Шолпанның алғашқы жасанды серіктері, «Восток», «Восход», «Союз», «Прогресс» ғарыш кемелері, «Салют», «Мир» орбиталық станциялары, жұмыстар жүргізуге арналған «Протон», «Зонд», «Прогноз», байланыс мақсаты үшін пайдаланылатын және метеорологиялық бақылаулар жүргізуге арналған «Молния», «Экран», «Горизонт», «Радуга», «Метеор» ЖЖС-тері ұшырылған.&nbsp;Бүгінде косманавтика мерекесімен қатар авиация күні де бірге тойланады. Осы орайда&nbsp;авиация саласында 16 жылға жуық тәжірибесі бар маман, тікұшақ тізгінін басқаратын көпбалалы ана &nbsp;Ақерке Шопатаевамен хабарластық.&nbsp;– Ақерке ханым, сұхбатқа келіскеніңіз үшін рақмет! Өзіңіз туралы айтып беріңізші.– Негізі туған жерім – Алматы. Мен дүниеге келген соң ата-анам әкемнің туған жері Оңтүстік Қазақстан облысы Ордабасы ауданына қыдырып барады. Сол сәтте есімім Рахимадан Ақеркеге және туған жерім Ордабасына ауысып кеткен. Сондықтан Оңтүстік Қазақстан облысының тумасымын деп айтамын. Бірақ бұл жағдай маған ешқандай кедергі жасамайды.– Сұхбаттарыңыздың бірінде «Авиацияны мүлде армандамаппын» деген екенсіз. Бұл салаға қалай келдіңіз?– Бала кезімнен болашағымды әскери, полиция, заңгер, дипломат деген секілді саламен байланыстыратынмын. Алайда мектеп бітіруші түлек атанған жылы сыныпқа егде жастағы, бойы орташа, сары торы орыс ата кіріп, ағылшын тілінде әдемі сөздер айтты. Ағылшынша сөздерден кейін орыс тілінде ДОСААФ оқу жаттығу орталығында Як-52, Як-18Т ұшақтарымен теориялық және практикалық тәжірибе алуға үгіттеді. Бірақ бала Ақеркенің ойы ағылшын тілінде болды. Осылайша анаммен ақылдасып оқу-жаттығу ортылығына бардым. Әлгі әдемі сөйлеген егде жастағы ата Ұлы Отан соғысының ардагері, Нормандия Неман шайқасына белсенді қатысқан ұшқыш аға командиры Жовтый Валерий Леонтьевия екен. Айтқан әңгімесін тыңдап, авиация саласына қызығушылығым арта бастады әрі ойымды аспанмен еліктірді. 9 айлық курсты тәмамдаған соң ұшаққа отырып, бірінші рет әуеге көтерілдім. Қорқыныш, үрей, толқу, қуаныш пен шаттық қатар жүрді. Бір рет ұшқаннан кейін бұл салада қызмет еткім келетінін түсіндім. 11 сынып бітіруге аз қалғанда әскери комиссариатқа барып өзімді жойғыш ұшақтар ұшқышы ретінде сынап көрейін дедім. Бірақ әскери комиссариат «Қыздар ұшпайды, қыздарға бұл жерде орын жоқ» деп шығарып салды. Мен еңсемді түсірмей, аға командир Валерий Жовтыйдың ұсынысымен Азаматтык Авиация академиясында ұшқыш мамандығында оқу үшін бағымды сынадым. Алайда грантқа түсе алмай, колледж студенті атандым.– Неліктен тікұшақты тізгіндедіңіз?– Ан-2 ұшағының техник-ұшқышы мамандығын аяқтағаннан кейін жұмыс жағына келгенде қиналдым. Бірнеше авиациялық мекеменің мамандарына жолықтым, сәтсіз болды. Менің ойымша, сол жылдары авиация ұшқыш әйелді қабылдауға әлі дайын болмаған секілді. Әлде мені бала көрді ме екен, білмеймін. Содан 2-3 жыл өз мамандығымнан алыстап кеттім. Бірақ сәті түсіп «Қазавиақұтқару» мекемесінің сол кездегі басшысы Серік Әбдібайұлына жолықтым. Ол кісі маған «ұшаққа орын жоқ, тек тікұшақ ғана бар сонымен жұмыс істеп ұшасың ба» дегенде ойланбастан келістім. Міне, 2008 жылдан бері Ми-8 тікұшағының ұшқышы болып істеймін. Негізі тікұшақ өте керемет әуекемесі. Себебі ұшақ белгілі бір нақты өлшемге негізделген арнайы орынға, толық қамтылған әуежайларда ұшып қонса, ал тікұшақ тегіс жердің барлығына қона береді. Қаласа әуежайға, қырға немесе жолға.– Алғаш аспанда ұшу, бірінші тәжірибе не дегенмен ыстық естеліктің бірі. Тікұшақ тізгіндеген сәттегі эмоцияңызбен бөлісіңізші…– Ми-8 тікұшағын қолдануды «Қазавиақұтқару» мекемесінің эскадрилья командирі Сергей Иванович көрсетіп, келесі ұшу тізгінін маған берді. Алып тікұшақтың әуеге қалай көтерілгенін ұқпай, аң-таң болдым. Тек сөзбен жеткізу мүмкін емес. Командир «Егер сен ұшақтан кейін тікұшақты тізгіндесең, одан кейін ұшақты менсінбей қаласың» деген болатын. Расымен де амалдың жоғынан тікұшаққа ауысқаннан кейін қайтадан ұшаққа барғым келмей қалды.– Жылына орта есеппен қанша сағат ұшасыз? Ал тікұшақтың ұшу жылдамдығы қандай?– Көпбалалы ана болған соң іс-сапарға жиі шыға бермеймін. Сол себепті жылына орта есеппен 100-150 сағат ұшамын. Ал бүгінге дейін 730 ұшу сағатым бар. Әуеден ұшқан кезде тікұшақ белгілі биіктікте нақты максималды әрі минималды жылдамдықпен қоғалады. Негізі крейсер жылдамдығы 200-230 км/сағ. Ми-8 тікұшағы 6000 метрге дейін биіктікке көтеріле алады.– Ұшу кезінде ауа райының күрт өзгерген жағдайы болды ма?– Ұшуға дейінгі дайындық процесінің ең басты әрі маңызды талабы – метеобақылаумен танысу. Қанша жерден әуе көлігі, экипаж мүшелері дайын болғанымен, бірақ метеорологиялық бақылау кезінде ауа райының құбылуы, бұлттың қалыпты деңгейден тыс биіктігі, горизонттық көрінісі не болмаса желдің жылдамдығы жоғары болса, ұшуға рұқсат берілмейді. Әрине, ауа райын толық зерттеп ұшқан сәтте де бағыт бойынша күтілмеген жағдайлар да орын алады. Егер ол жерді айналып өтуге, кері қайтуға мүмкіндік болмаған сәтте қауіпсіздік шараларын сақтау мақсатында жарамды нысанды анықтап, қонуға тырысамыз. Дер кезінде қабылданған дұрыс шешім апаттық жағдайдың алдын алады.– Көпбалалы анасыз. Отбасылық өмір мен жұмысты қатар алып жүру қиын емес пе?– 2009 жылы «Қазавиақұтқару» мекемесінде жолдасым Азамат Сұлтанұлымен таныстым. Ол кезде басты әуе инженерінің бірі болды. Жұмыс барысымен Шымкент қаласына бірге бардық. Сол іс-сапар біздің болашағымыздың баспалдағы болды десем өтірік болмас. 2010 жылы отбасын құрып, тұңғышымыз ұлым Мүслім дүниеге келді. Бала тәрбиесінде ананың рөлі зор екенін білеміз. Екінші сәбиім Әмина 1 жасқа толғанда анам «Үйде отырып қалма! Қызым, сен әлі жассың. Анау-мынау емес, ұшқышсың» деді. Қайын енемнің қолдауының арқасында тікұшағыма қайта оралдым. Бір әулеттің келіні, аяулы жар, ардақты ана рөлімен қатар әуе маманы болуым қиынға соқпады. Дамуым мен жұмыс істеуіме мүмкіндік берген қолдаушыларыма алғысым шексіз.– Жас ұшқыштарға, авиация саласына келгісі келетін нәзік жандарға қандай кеңес бересіз?– Қазір жас ұшқыш саны артып келеді. Сол себепті оларға айтарым мақсатыңа жетпейінше алған бетіңнен таймау қажет. Физика мен ағалшын тіліне назар аударып, жан жақты болу керек. Ең басты керегі өзіңе деген сенімділік пен мықты денсаулық.– Авиация сіз үшін…– Авиация мен үшін бойымдағы тамырдың бірі. Әр сәт мен үшін маңызды.– Әсерлі әңгімеңізге рақмет!&nbsp;Ә.Жанәбілқызы Фото: QAZAQ AIR

Тікұшақ тізгіндеген тәжірибелі маман: Жас ұшқыштардың саны артып келеді

Ардақ Аймырзаев:  Қуаңдария ауылында дәрігерлік амбулатория құрылысы басталады

<a href="https://kyzylorda-news.kz/">Kyzylorda-news.kz</a> &nbsp;М.Мәметова атындағы Қызылорда педагогикалық колледжіндегі «Шетел тілі» бөлімі әдіскерлерінің ұйымдастыруымен 2 курс студенттері арасында «Болашақ педагог бейнесі» сайысы өтілді.&nbsp;Мақсаты - «Оқу процесінде ағылшын тілінің стилистикалық және лексикалық нормаларын, фольклор шығармаларын, балалар әдебиетін қолдану» оқу практикасын қорытындылау, болашақ мамандардың кәсіби шеберлігін дамыту арқылы іскерлікке, мәдениеттілікке және өз мамандығына жауапкершілікпен қарауға баулу.Байқау кезеңдері:&nbsp;- І тур - топты креативті түрде таныстыру&nbsp;- ІІ тур - «My school» тақырыбында көрнекілікті таныстыру (Үй тапсырмасы)- ІІІ тур - лингвистикалық ағылшын тілін оқытуға, үйретуге негізделген&nbsp; ғылыми жоба қорғау (электронды бағдарлама, дискілер, кітапша, әдістемелік құрал&nbsp;т.б)- ІҮ тур -&nbsp; «Working with text» мәтінмен жұмыс әдістері, қатысушылар сабақтың бекіту кезеңіне сәйкестендіріп мәтінмен жұмыс жасаудың әдістерін көрсету, түсіндіру.&nbsp;- Ү тур - байқау кезеңінде қатысушылар берілген тапсырмалар&nbsp;бойынша көпшіліктің алдында тапқырлықтарымен жағдаяттардан сахналық қойылым арқылы шешу жолдарын көрсетті.- ҮІ тур - болашақ педагог бейнесі мен стилін әр топ ерекшеліктерімен сән, дефиле арқылы көрсетіп,&nbsp; нәтижесінде болашақ педагог ретінде түрлі форматта ашып, өзіндік кәсіби шеберліктерін сарапқа салды.&nbsp;Сайыс нәтижесіне сай&nbsp; ШТ-М-22 тобы Бас жүлде иеленіп, ШТ-Д-22, ШТ-Г-22, ШТ-Д-22к,&nbsp;ШТ-М-22к&nbsp; топтарының ерекшеліктеріне қарай номинациялармен марапатталды.&nbsp;Болашақ педагогтар байқауына директордың оқу өндірістік жұмыстар жөніндегі орынбасары Ж.О.Оразымбетова, “Шетел тілі” бөлімі оқытушысы С.Е.Ибрагимова және әдістемелік кабинет меңгерушісі Р.Ешпанова әділ бағасын беріп, қатысушыларға алдағы уақытта тәжірибе жинақтауға сәттілік тіледі.

"Болашақ педагог бейнесі" сайысының жеңімпаздары марапатталды

<a href="https://kyzylorda-news.kz/">Kyzylorda-news.kz</a>&nbsp; Қазалы ауданының мәдениет және тілдерді дамыту бөлімінің қолдауымен, Өркендеу ауылдық округі әкімі аппаратының жанындағы "Жанкент жастары" ұйымының ұйымдастыруымен 18 сәуір ескерткіштерді қорғау күніне орай, Таза Қазақстан экологиялық акциясының «Киелі мекен» апталығы аясында "Киелі мекен – Жанкент" атты Жанкент қалашығына тарихи танымдық экскурсия ұйымдастырылып, тазалық жұмыстары жүргізілді.«Киелі мекен» апталығын "Жанкент жастары" ұйымының төрағасы Мырзалиев Талап Алтыбекұлы ашып, барлық акцияға үлес қосылушыларға сәттілік тіледі.«Киелі мекен» апталығына бағбан, еңбек ардагерлері Жаңаш Сағидулла, Жеткербай Іскендір, Қазалы ауданының мәдениет және тілдерді дамыту бөлімінің әдіскер- мамандары Рахманбергенова Қарлығаш, Аглепесова Индира, Қазалы аудандық тарихи-өлкетану музейінің ғылыми қызметкері Тілеуқабыл Жанат Жайлаубайқызы және "Жанкент жастары"ұйымның мүшелері,&nbsp;✓104 орта мектебінің ұжымының ұлғатты ұстаздары, балабақша қызметкерлері мен медицина саласының жас мамандары қамтылып өз үлестерін қосты.Акцияға өз үлестерін қосып жүрген ауыл ақсақалдарына, мәдениет қызметкерлеріне, "Жанкент жастары" ұйымының мүшелері мен төрағасына барша жас мамандарымызға Ел - халық атынан алғыс білдіреміз.

"Киелі мекен": Жанкент қалашығына тазалық жұмыстары жүргізілді

Жаңақорғанда былтыр тұрмыстық жағдайда жасалған қылмыс тіркелмеген

<a href="https://kyzylorda-news.kz/">Kyzylorda-news.kz</a>&nbsp; Қорқыт Ата атындағы Қызылорда университетінің Басқарма Төрағасы-Ректор Бейбіткүл Каримова &nbsp;«Zerdeli» ақыл-ой дамыту орталығының директоры &nbsp;Мәуіт Ырысбек Мәуітұлымен кездесті.&nbsp;Кездесуде Қызылорда облысы бойынша «Zerdeli» ақыл-ой дамыту орталығының қаламыздан ашылу мақсаты, орталықтың жеткен жетістіктері сөз етілді. Сонымен қатар, тараптар облыс бойынша оқушылардың білім деңгейін арттыру, студенттердің олимпиадаларға қатысуы, тәжірибеден өтуі және жұмыспен қамту мақсатында меморандумға қол қойды.&nbsp;Меморандум аясында тараптар ынтымақтастықты дамыту үшін бірлескен жобалар мен бағдарламаларды енгізіп, қоғамдық маңызды іс-шараларды бірге атқарады.

Қазақстан және Қызылорда облысының жаңалықтары