<a href="https://kyzylorda-news.kz/">Kyzylorda-news.kz.</a> Ата-бабалардың өшпес рухына тағзым ету, құран бағыштау бүгінгі ұрпақтың абыройлы борышы. Соған сәйкес бүгін &nbsp;Бірлік ауылдық округінде Жолшара баба ұрпақтары жиылып, ас берді.&nbsp;Тағылымы мол игі шараға Өзбекстан, Қырғызстан, Ресей мемлекеттерінен және Алматы, Қарағанды, Орал, Маңғыстау, Шымкент, Қызылорда облысы мен аудандардан баба ұрпақтары ат басын бұрды.&nbsp;Ауқымды жиында аудан әкімі Мұхтар Оразбаев сөз алып, Жолшара баба ұрпақтарына жылы лебізін жеткізді.&nbsp;<blockquote>«Қазақ халқы қашанда өткенге салауат айтып болашаққа аманат жүгін қалдырған. Сондықтан да бабаларын ардақтап, ұлыларын ұлықтай білген. Яғни, ата-бабасының еткен еңбегін елге дәріптеу бүгінгі буынның азаматтық парызы болмақ. Бүгін Жолшара баба ұрпақтары дүйім елді жинап, қазақы дәстүрмен баба рухына арнап ас беріп жатыр. Құрметті қатысушылар ата-бабаларымыз “Өлі разы болмай тірі байымас” деп бекер айтпаған. Бүгінгі беріліп жатқан ас қабыл болсын! Баршамызды баба әруағы желеп-жебеп жүрсін», – деген аудан басшысы Бірлік ауылындағы игі іске ұйытқы болған бірқатар азаматтарға аудан әкімінің Алғыс хатын табыстады.&nbsp;</blockquote>Мұнан соң еліміздің түкпір-түкпірінен келген бабаның жыршы-термеші ұрпақтары кезек-кезегімен сахна төріне көтеріліп, өнерлерін тарту етті.&nbsp;Қайырымдылық, мәдени, спорттық іс-шаралар ұйымдастырылған мұнда қонақтар палуандардың күресіне айрықша мән берді. Олар бөзкілемде белдескен батырларды жігерлендіріп, қошемет көрсетті. Сонымен қатар, қол күрес, қой және гір көтеру сынды сайыстарды тамашалап, ерекше көңіл-күйге бөленді.

Баба рухын ұлықтау – ұрпақ парызы

<a href="https://kyzylorda-news.kz/">Kyzylorda-news.kz.</a> «26 маусым – Халықаралық нашақорлыққа қарсы күрес күні» мерекесіне орай Қызылорда қаласының орталық мәдениет және демалыс паркінде ауқымды есірткіге қарсы &nbsp;акция өткізілді. &nbsp;Акция барысында митинг өткізіліп, есірткіге қарсы профилактикалық жұмыста үздік болып танылған түрлі сала өкілдері алғыс хаттармен және сыйлықтармен марапатталды. &nbsp;Концерттік бағдарлама ұйымдастырылып, оның барысында тақырыптық театрлық және би қойылымдарының көрсетілімі назарға ұсынылып, жергілікті және шақырылған әншілер өз өнерлерін паш етті. &nbsp;Концертке қатысу үшін қазақстандық эстрада дуэті Елдос Жанұзақ пен Бейбарыс Садық шақырылды, олар өз сөздері барысында қатысушыларды салауатты өмір салтын ұстануға және есірткіден алыс болуға шақырды.Сондай-ақ, есірткіге қарсы полиграфиялық өнімдер мен балаларға арналған ойыншықтар таратылды.

Қызылордада нашақорлыққа қарсы кешенді акция өткізілді

<a href="https://kyzylorda-news.kz/">Kyzylorda-news.kz.</a> АХАТ бөлімдері Мемлекеттік корпорация құрамына берілгенімен қызмет көрсету тәртібі бұрынғысынша қала бермек. Некені тіркеуге өтініштерді қабылдау, өңдеу, сондай-ақ шешімдер қабылдау және нәтижелерді беру АХАТ органдарымен жүзеге асырылады.⠀Естеріңізге сала кетейік, 1 шілдеден бастап АХАТ бөлімдері «Азаматтарға арналған үкімет» мемлекеттік корпорациясы» КЕАҚ бағынысына берілетін болады. Алайда, бұл өзгеріс АХАТ аудандық және қалалық бөлімдердің қызметіне әсері жоқ. Әдеттегідей жұмыстарын атқарып, электрондық үкімет порталы арқылы онлайн өтініш беру мүмкіндігі сақталады.⠀Сондай-ақ, қызмет көрсету стандарттары, оларды қарау тәртібі мен мерзімдері өзгеріссіз қалады. Бұдан басқа, мемлекеттік корпорацияда АХАТ қызметкерлеріне жүктемені төмендетуге мүмкіндік беретін қосымша штаттық бірліктер көзделген.⠀Айта кетейік, некеге тұрғысы келетіндер тіркеуші органға жеке басын куәландыратын құжаттармен бірге келуі керек. Бұл некені тіркеудің белгіленген күнінде жасалады. Өтініш берген кезде қызмет алушылар неке қию рәсімін салтанатты жағдайда немесе қарапайым түрде өткізуді өздері таңдай алады.⠀АХАТ қызметтерін тек тіркеуші органның қызметкерлері көрсететінін атап өтеміз. ХҚКО операторларын қосаалғанда, Мемлекеттік корпорацияның басқа қызметкерлері АХАТ ақпараттық жүйесіне қол жеткізе алмайды.⠀АХАТ бөлімдерінде әлеуметтік маңызы бар қызметтер, атап айтқанда бала тууды тіркеу, қаза болуын тіркеу тегін болып қалады. Ақылы қызметтердің тарифі қосымша құн салығын ескере отырып есептеледі.

АХАТ бөлімдерінің қызмет көрсету тәртібі өзгермейді

<a href="https://kyzylorda-news.kz/">Kyzylorda-news.kz.</a> Мемлекет басшысы Қасым-Жомарт Тоқаевтың Қазақстан халқына Жолдауында есірткінің таралуы болашақ ұрпақтың әл-ауқатына қауіп төндіретінін, қарсы күрес жалпы ұлттық деңгейде жүргізілуге тиіс екендігін айқындады. Осыған сәйкес Бас Прокурор Б.Н.Асыловтың төрағалығымен есірткінің заңсыз айналымына қатысты кеңейтілген Үйлестіру кенесі өтіп, осы бағытта нүктелі тапсырмалар берілді. Өз кезегінде 09.03.2023ж. Қызылорда облысының прокуроры Н.Д.Бижановтың бастамасымен облыс аумағында барлық есірткіге қатысты қылмыстармен күресу және оның алдын алу «Есірткісіз аймақ» жобасы әзірленіп, қазіргі кезде кеңінен жүзеге асырылуда.Аталған жобаның басты бағыты – мүдделі мемлекеттік органдардың қызметін үйлестіру заңсыздыққа қарсы күресте есірткі айналымы және нашақорлықтың алдын алу. Мақсаты – жер алқаптарына есірткі затын егу деректерін жою, қолданушы азаматтардың санын азайту, уәкілетті және құқық қорғау органдарының жауаптылықтарын қатаңдату. Сонымен қатар құқық қорғау және уәкілетті органдардың өзара жүйелік әрекеттесуін үйлестіру, есірткі алқаптарын жаңа технологияларды қолдану арқылы анықтау, жер ресурстарына бақылауды күшейту. Осынын негізінде үстіміздегі жылдың. маусым айында Қазалы ауданы прокуратурасының бастамасымен қадағалау аймақта есірткі қылмысының алдын алу бағытында барлық елді мекендердің жер учаскелерін аралау мақсатында құрылған жұмысшы топ іс-сапарға шықты.Аталған іс-шараға аудан прокуроры – топ жетекшісі Д.Әбіш пен топ мүшелері шығып, ауданның Өркендеу, Бірлік, Аранды, Бозкөл, Қызылкұм, Тасарық ауылдық округтері мен Ажар, Тасөткел, Лахалы елді мекендерге тиесілі жалпы 1 500 000 жуық гектар жерлері араланды. Жүргізілген кешенді жұмыстардың нәтижесінде 09.06.2023ж. Қазалы ауданы, Қызылқұм елді мекеніне қарасты далалықтан есірткі өсімдігіне ұқсас 1086 түп өсімдік егілгені анықталып, оларды егумен айналысқан 4 азамат ұсталды. Аталған дерек бойынша Қазалы аудандық полиция бөлімімен Қазақстан Республикасы Қылмыстық кодексінің 300-бабы 2-бөлігі 1-тармағымен қылмыстық іс тіркеліп, сотқа дейінгі тергеп-тексеру басталған. Қазіргі уақытта аталған 4 тұлғаға қатысты аудандық соттың қаулысымен «күзетпен ұстау» түріндегі бұлтартпау шарасы санкцияланды.Құрметті Қазалы ауданының тұрғындары мен қонақтары! Қызылорда облысының табиғи-климаттық жағдайы (есірткіге тыңайтқыш компонент) жоғары сорттағы тетрагидроканнабинол қарасора құрамдағы есіртікі өсімдіктерін егіп шығаруға бейім. Соңғы бес жылда облыс көлемінің далалық жерінде 194 есірткі алқабы анықталып, одан 3 мың тонна немесе 133 мың түп «Үнді қарасора» мен «Голандиялық қарасора» есірткі заты тәркіленген. Егер Сіз есірткі сайттарын насихаттау, жарнамалау, есірткі, психоактивті заттарды сақтау немесе өткізу фактілерін және есірткіге қатысы бар адамдар туралы хабардар болсаңыз, құқық қорғау органдарына 102, 2-15-17 немесе 21-3-64 байланыс нөмірлерге хабарлай аласыз.

Қазалыда «Есірткісіз аймақ» жобасы жүйелі түрде жүзеге асуда 

<a href="https://kyzylorda-news.kz/">Kyzylorda-news.kz.</a> «Қазгидромет» РМК-сы 26-шы маусым күнгі ауа райы болжамын жариялады.Қазақстанның барлық аумағы солтүстік-батыс циклоны мен атмосфералық фронталды бөліктердің ықпалында болғандықтан, жаңбыр жауады. Солтүстікте, түнде оңтүстік-шығыстың таулы аймақтарында найзағай ойнап, жаңбыр жауады. Тек республикамыздың оңтүстігінде, батысында күн жауын-шашынсыз болады.Республикамыздың басым бөлігінде жел күшеәп, оңтүстік-шығыста, солтүстікте, орталықта-бұршақ, дауыл, оңтүстікте - шаңды дауыл, түнде және таңертең солтүстікте, шығыста – тұман.Түркістан, Маңғыстау, Жамбыл, Қостанай облысының оңтүстігінде, орталығында, Қызылорда облысының батысы мен шығысында, Ақтөбе облысының оңтүстігінде Қарағанды, Ұлытау облыстарының оңтүстігінде, Павлодар облысының батысында, солтүстігінде, орталығында, Атырау облысының оңтүстігінде, шығысында төтенше өрт қауіпі сақталады.Жетісу облысында, Алматы, Қарағанды облыстарының оңтүстігінде және Ұлытау облысында, Батыс Қазақстан облыстарының оңтүстік-шығысында өрт қаупі жоғары, Қызылорда облыстарының орталығында өрт қаупі жоғары.

Бүгін елдің басым бөлігінде жауын-шашын болады

<a href="https://kyzylorda-news.kz/">Kyzylorda-news.kz.</a> Қызылорда қаласы әкімдігінің ұйымдастыруымен Қызылорда қаласы әкімінің Кубогі үшін қаламгерлер арасында шағын футболдан республикалық турнир өз мәресіне жетті.&nbsp;Дүбірлі доп додасында Астана, Шымкент қалалары, Атырау, Түркістан облыстары мен Қызылорда қаласынан барлығы 8 команда бақ сынады. &nbsp;Тартысты ойындар нәтижесінде жартылай финалға «Қазмедиа», «Qaz365.kz» және «Атырау» командалары шықты. Финалда «Қазмедиа» командасы Қызылорда қаласы әкімінің Кубогі үшін өткен республикалық турнирдің чемпионы атанды.Додада оза шапқан «Қазмедиа» &nbsp;командасын қала әкімінің орынбасары Дінмұхамед Ермеков қала әкімінің арнайы кубогімен, медальдармен және 1 000 000 теңге қаржылай сыйлықпен марапаттады.&nbsp;Екінші орынды жеңіп алған «Qaz365.kz» командасына 700 мың, ал, қола жүлдегер атанған «Атырау» командасына 350 мың теңге табысталды.&nbsp;Турнирдің «Үздік ойыншысы» номинациясымен &nbsp;6 гол салған Қайсар Жетпісбай (Атырау) марапатталса, «Қоғам ТВ» командасының ойыншысы Ержан Батыршаев «Үздік шабуылшы» деп танылды. «Шымкент» командасының ойыншысы Айбек Қабылша «Үздік қақпашы» атанса, турнирдің «Үздік қорғаушы» номинациясымен Түркістан облысынан &nbsp;келген Самат Сүлей марапатталып, қаржылай жүлделер тапсырылды.Еліміздің түкпір-түкпірінен 100-ге жуық БАҚ өкілдерінің басын қосқан турнирде қатысушылар қонақжай Сыр елі жұртшылығына ризашылықтарын білдірді.

Қызылордадағы дүбірлі дода өз мәресіне жетті

<a href="https://kyzylorda-news.kz/">Kyzylorda-news.kz.</a> Халықтың қорғаушысы, биліктің қолдаушысы – ішкі істер органдарының жұмысы уақытқа бағынбайды. Олар таң шапағы атқаннан, күн қызарып батқанға дейін, тіпті одан кейін де тынбай еңбек етеді. Құқық қорғау саласының қызметкерлері алдарына бір мақсатты ғана қояды. Ол – елдің тыныштығын сақтап, мемлекеттің ­басты байлығы саналатын адамдарды қауіптен қорғап қалу.Сақтық саласының сайыпқыраны атанған мамандар өзіне қауіп төніп тұрса да, ең бірінші өзгенің өмірін аман алып қалады. Сол себепті де оларға құрмет көрсетіп, төрден орын беруге лайық. Осыған орай елімізде 23 маусым – полиция күні деп ресми бекітілген болатын. Бұл заң 2007 жылы қабылданды. Дегенмен, 1992 жылы қабылданған «Қазақстан Республикасының ішкі істер органы» туралы заң – құқық қорғау қызметкерлерінің қызметі мен міндетін айқындайтын алғашқы құжат.&nbsp;Ел тыныштығын сақтау жолында қиындықтан да, қатерден де қаймықпай қоғам тәртібін қалыптастырған полиция қызметкерлері жетерлік. Болат құрыштай бекем, темірдей төзімді, отқа күймейтін, оққа өлмейтін, ел басына күн туса алдыңғы шептен табылатын тәртіп сақшыларына осындай мінез тән. Барлығына бірдей үйретіп қойғандай сақшыларды бірінен-бірін ажырату оңай емес. Алайда тәртіп пен талапқа бас ию арқылы құқық қорғау қызметкерлері жұмысын тиянақты атқарып келеді. Сондай қызметкерлердің бірі – Шиелі ауданының полиция бөлімінің тергеу бөлімшесінің тергеушісі Бағлан Аманжолов.&nbsp;Ол 1993 жылы Шиелі ауданы, Тартоғай ауы¬лында дүниеге келген. 2010-2011 жылы мектеп табалдырығын тәмамдап, арман қуып Қарағанды қаласына келеді. Жас түлектің алға қойған мақсаты орындалып, арманы қияға қонып ҚР Ішкі істер министрлігінің Қарағанды қаласындағы Б.Бейсенов академиясына оқуға түседі. Бұл оқуға түсу оның сақтық саласына жасаған алғашқы қадамы еді. Арада төрт жыл өткен соң курсант Бағлан «Құқық қорғау қызметі» мамандығының жоғары заңгер білімін алып, полиция лейтенанты арнаулы атағын алып шығады. Академияны бітіре сала жас маман туған жерге оралып, аудандық полиция бөлімінің полиция инспекторы болып жұмысқа орналасады.&nbsp;<blockquote>«Отан үшін отқа түс – күймейсің» деп халық қаһарманы Б.Момышұлы бекер айтпаған. &nbsp;Отанды қорғау – ер-азаматтың парызы. Айбарлы Ата Заңымызда да «Қазақстан Респуб¬ликасын қорғау – оның әрбір азаматының қасиетті парызы мен міндеті» деп жазылған. Ер – елдің қорғаушысы, панасы. Әр азамат өз елін қорғауға қауқарлы болу керек. Сондықтан осы саланы ойланбастан таңдадым», – дейді талабы тегеурінді тергеуші.&nbsp;</blockquote>Сабыр мен қажыр-қайратты, қырағылық пен шапшаңдықты, тез шешім қабылдауды қажет ететін қасиеттерге ие полиция қызметкері болу оңай емес. Оның барлығы мол тәжірибе мен тынымсыз еңбектің арқасында келері сөзсіз. Б.Аманжолов та сан сынақтан сүрінбей өтіп, қызметтегі лауазымы да өзгерген. Ең алғаш еңбек кітапшасын учаскелік полиция инспекторы болып бастаған маман қазіргі таңда қатал тәртіпті қазықтай қаққан тергеу бөлімінің қызметкері. «Ел үшін қызмет – абыройлы міндет» деп түсінетін Бағлан Асылханұлы жұмыс барысында жүріп жеткен жетістіктері &nbsp;де аз емес. Атап айтар болсақ, Ішкі істер министрлігінің «Мінсіз қызметі үшін 10 жыл» медалімен, 30 тамыз конституция күніне орай «Қазақстан полициясына 30 жыл» мерекелік төсбелгісімен және «Тергеу қызметіне 60 жыл» медалімен марапатталған. Алайда бірнеше мәрте марапат мінберінен көрініп жүрген тергеуші бәрінен бұрын халықтың ыстық ықыласы маңызды деп ойлайды.&nbsp;<blockquote>«Қарғыс алма, алғыс ал» дейді ғой. Әрине, біздің салада жұмыс істеу – оңай емес. Кейде қылмыспен бетпе-бет келіп жатамыз. БАҚ өкілдері де басқа өңірлерде құқық қорғау қызметкерлеріне қандай қауіп төніп жатқанын айтып жатады. Сол себепті біз ең бірінші халықтың батасына жұмыс істегіміз келеді. Себебі көп тілесе орындалады. Егер алғыс алып, ризашылықтарына бөленіп жүрсек жолымыз ақ, жанымыз аман болары сөзсіз», – дейді ол.&nbsp;</blockquote>Б.Асылханұлы отбасының беріктігі мен бірлігін әркез есте ұстайды. Жары Әсел Мейрамбекқызымен бірге екі ұл тәрбиелеп, шаңырағын шаттыққа толтырып отыр. Үй мен түзді қатар алып, ынтымақтастық пен татулықты ту еткен Бағлан кімге болса да үлгі. &nbsp;Сондай-ақ жас та болса бас болып, соңынан ерген көмекшілерін бір ауыздан темірдей тәртіпке үйретіп жүрген сақшы – өз ісіне адал. Оның алдағы мақсаты – полиция қызметкерлерінің имиджін көтеру мен ел мүддесі үшін қалтқысыз қызмет ету.

Шиелі: Талабы тегеурінді тергеуші

<a href="https://kyzylorda-news.kz/">Kyzylorda-news.kz.</a> Аудандық мәдениет үйінде медицина қызметкерлері және мемлекеттік қызметшілер мен полицейлердің кәсіби мерекесіне орай салтанатты іс-шара өтті.Мерекелік іс-шараға аудан әкімі Жандос Еркінбек қатысып, сала қызметкерлері мен ардагерлерін кәсіби мерекелерімен құттықтады.– Өздеріңізге белгілі, 12 маусым еліміз бойынша жалпыұлттық аза тұту күні деп жарияланғандықтан медицина қызметкерлерінің күні – бүгін мемлекеттік қызметшілер және Полиция күнінмен бірге ұйымдастырып отырмыз. Баршаңызды төл мерекемен құттықтай отырып, дендеріңізге саулық, отбасыларыңызға амандық тілеймін. Жұмыста абыройлы болып, табысқа кенеле беріңіздер, – деді аудан әкімі Жандос Еркінбек.Аудан басшысы өз сөзінде «Ауылда денсаулық сақтауды жаңғырту» ұлттық жобасы аясында 2023-2024 жылдары Дүр Оңғар, Тұрмағанбет, Ақжар ауылдарында дәрігерлік амбулатория бой көтеретінін жеткізді.&nbsp;Сондай-ақ, биыл аудандық аурухана ғимаратына күрделі жөндеу жұмысы жүргізіліп жатқандығын және жаңа компьютерлік томография кабинеті ашылғандығын айтты.Сонымен қатар, аудан әкімі ауданды экономикалық дамыту және халықтың әл-ауқатын арттыру бағытында аянбай еңбек етіп жүрген мемлекеттік қызметкерлер мен тұрғындардың қауіпсіздігін қамтамасыз етіп отырған полиция қызметкерлеріне алғысын жеткізді.Одан соң, халық денсаулығын нығайту, қоғамдық тәртіпті сақтау және мемлекеттік қызметте табысты еңбек етіп жүрген сала үздіктеріне облыс әкімінің және аудан әкімінің алғыс хаттарын табыстап, құрмет көрсетті.Салтанатты іс-шара соңы аудан өнерпаздарының концерттік бағдарламасымен жалғасып, жиналған көпшілікке мерекелік көңіл-күй сыйлады.

Қармақшыда кәсіби мерекелерге арналған салтанатты шара өтті

<a href="https://kyzylorda-news.kz/">Kyzylorda-news.kz.</a> 21 маусым күні Байқоңыр қаласының барлық мектебінде салтанатты түрде түлектерге аттестат тапсыру рәсімі өтті. Түлектер үшін де, ата-аналар мен ұстаздар үшінде толқынысты сәт.Қимас мекен, алтын ұяға айналған мектептегі алаңсыз күндер аяқталып, азаматтық жауапкершілігі мол кезеңге аяқ басты. Үлкен өмірге қадам басқан түлектер үшін салтанатты түрде соңғы қоңырау соғылып, ұстаздары ақжарма тілектерін жаудырды.&nbsp;Жалпы биылғы жылы Байқоңыр қаласында 206 оқушы жас түлек атанса, олардың 11 «Алтын белгі», 20 «Үздік аттестат» иегері.&nbsp; Бүгінгі күні қала көлемінде 190 түлек ҰБТ-ға қатысып отыр. Соның ішінде, №277 мектеп-лицейінің оқушылары Ануарбеков Нұртуған Даниялұлы және Жақанов Алмас Серікұлы аудан көлемінде ең жоғары 133 балл жинады.Ануарбеков Нұртуған Даниялұлы – «Алтын белгі» иегері, сондай-ақ, республикалық пәндік олимпиаданың аудандық кезеңінің жеңімпазы, "BILGEN ALAMAN" ұлттық білім сайысының Республикалық кезеңінің жеңімпазы және қала әкімдігінің стипендияты.Жақанов Алмас Серікұлы – «Үздік аттестат» иегері, сонымен қатар пәндік республикалық олимпиаданың аудандық, облыстық кезеңдерінің жеңімпазы,қала әкімдігінің стипендиаты және дебат ойындарынан Астана қаласында өткен республикалық турнирдің 3 мәрте қатысушысы.

Байқоңырдағы мектеп бітіруші  түлектерге аттестат табыстау рәсімі өтті

<a href="https://kyzylorda-news.kz/">Kyzylorda-news.kz.</a> Қазір адамзат қатерлі ісік факторлары жайлы біраз нәрсе біледі. Дұрыс емес тамақтану, алкоголь ішу, темекі тарту және қозғалмау адам денсаулығына жағымсыз әсер етеді. Алайда зиянды әдеттер жасап үлгермеген кішкентай балаларда да қатерлі ісік пайда болып жатады. Балалардағы қатерлі ісік жайлы не білу керек? Doctorpiter порталына балалар онкологы Анна Елфимова жауап берді.Маманның айтуынша, кей балалар туа сала қатерлі ісікке шалдығады.<blockquote>«Біздің ағзамызда үнемі өсім мен жасушалар бөлінуі болады. Бұл процестер күрделі биологиялық механизмдермен реттеледі. Белгілі бір сәтте қалыптасқан жүйе істен шығып, бақылаусыз өсетін және бөлінетін жасушалар пайда болады. Бұл процесс мутациялармен іске асады. Мутациялар сыртқы орта факторларының әсерінен және себепсіз пайда болуы мүмкін» дейді ол.</blockquote>Жиі мұндай аномальді жасушаларды иммунитет анықтап, ол жойылады. Алайда қатерлі жасушалар одан "қаша алатын" және тірі қалып әрі қарай дамуға мүмкіндік беретін басқа да қабілеттерге ие.Балаларда қатерлі жасушалардың түзілуіне тұқымқуалаушылық бейімділік те әсер етеді. Балалардағы шамамен 10% онкологиялық аурулар туа біткен синдроммен және аурумен байланысты.Балаларда қандай қатерлі ісіктер болады?Балалардағы онкологиялық аурулар ересектердегіден бөлек. Балалар қан жүйесі қатерлі ауруларымен жиі ауырады: аққандылық (лейкоз) және лимфома (лимфалық жүйені зақымдайды). Екінші орында - ми мен жұлын қатерлі ісігі. Сондай-ақ, балаларда нефробластома&nbsp;(бүйрек қатерлі ісігі),&nbsp;нейробластома (симпатикалық жүйке жүйесінің жасушаларынан пайда болады) және сүйектер қатерлі ісігі жиі кездеседі.Қауіп-қатерді азайтуға бола ма?Қауіп-қатерді азайту үшін ата-ана не істей алады? Дәрігердің айтуынша, өкінішке қарай, мүмкіндіктер өте аз. Себебі балалардағы онкологиялық ауруларға сыртқы факторлар әсер ете қоймайды.Егер балада немесе отбасыда тұқымқуалайтын ауру және синдром анықталса және ол қатерлі ісік дамуына әкелуі мүмкін болса, генетикалық консультация алу керек.Кей жұқпалар балаларда және ересектерде қатерлі ісік даму қаупін арттырады, сондықтан вакцина алу маңызды.Жүкітілік кезінде темекі тарту, алкоголь ішу және психикалық белсенді заттар қолдану мен балада онкологиялық ауру дамуының, сондай-ақ баланың туа біткен аурумен дүниеге келуінің арасында байланыс бар екенін дәлелдеген зерттеулер бар. Сондықтан жүктілік кезінде және бала емізгенде бұл әдеттерден алшақ болған жөн.Әдетте, ерте жаста баладағы онкологиялық ауруды скрининг көмегімен анықтау мүмкін емес. Өкінішке қарай, қан анализі де, компьютерлік томография да ерте диагноз қоюға көмектеспейді.Балалардағы онкологиялық аурудың белгілерін басқа аурулар белгілерімен шатастырып алу оңай. Олардың өзіне тән ерекше белгілері жоқ. Алайда мына белгілер байқалса, міндетті түрде баланы дәрігерге көрсету керек:<ul><li style="text-align:justify;">жоғары температураның себепсіз әрі ұзақ уақыт болуы;</li><li style="text-align:justify;">денеде көп көгерген жерлер мен бөртпелердің пайда болуы;</li><li style="text-align:justify;">дене массасының жоғалуы, себепсіз дене массасының тоқтап қалуы;</li><li style="text-align:justify;">бұрын белсенді болған баладағы әлсіздік, сүйектерінің және буындарының ауыруы;</li><li style="text-align:justify;">бас ауруы. Бұл белгілер балада міндетті түрде онкологиялық аурулар бар екенін білдірмейді, бірақ бұл дәрігер бақылауын қажет етеді</li></ul>

Неліктен кей балалар туа сала қатерлі ісікке шалдығады? 

<a href="https://kyzylorda-news.kz/">Kyzylorda-news.kz.</a> Бүгін ҚР Премьер-Министрінің орынбасары-Сауда және интеграция министрі Серік Жұманғарин бастаған Үкімет делегациясы Қызылорда облысына жұмыс сапары аясында Сыр өңірінің су шаруашылығы нысандарын аралады.&nbsp;Алдымен Үкімет делегациясы Қызылорда су торабына барды. Еске салсақ, Қызылорда су торабын күрделі жөндеу жұмыстары 2020 жылы күзде басталды. Оған 2 миллиард 600 миллион теңге бөлінген. Қазіргі таңда негізгі &nbsp;жұмыстар аяқталған, су торабының екі арнасы жұмыс жасауда. Алдағы уақытта су торабының автокөлік көпірі нығайтылмақ. Жоба жыл аяғына дейін аяқталып, толық пайдалануға беріледі.Әрі қарай Серік Жұманғарин «Абзал және К» ТС-нің күріш алқабына барды.&nbsp;Айта кетейік, «Абзал және К» ТС 1994 жылы құрылған. Сырдария ауданы Нағи Ілиясов ауылында күріш егіп, алынған өнімді компания зауытында өңдейді. Компанияның күріш өнімдері қазақстандық нарықпен қатар Ресей, Украина, Тәжікстан, Өзбекстан, Моңғолия тағы басқа елдерге сатылады.Мұнан әрі, Үкімет басшысының орынбасары Нағи Ілиясов ауылында жүргізілген абаттандыру жұмыстарын, салынған әлеуметтік нысандарды тамашалады. «Абзал и К» ТС бизнестің әлеуметтік &nbsp;жауапкершілігі аясында ұзақ жылдан бері елді мекеннің әлеуметтік-экономикалық дамуына инвестиция салып келеді. Өткен жылы 300 млн. теңгеден астам қаржыға Еңбекшілер аллеясы бой көтерді.&nbsp;Еске салсақ, күнi кеше Серiк Жұманғарин өңiрде «Жерi күрiштi, елi ырысты Қызылорда» көрме-жәрмеңкесінің ашылу рәсіміне қатысты. Тауар өндірушілердің қатысуымен арнайы мәжіліс өткізді.&nbsp;<blockquote>«Бүгінгі сапарымыздың басты мақсаты - облыс әкімінің бастамасымен ұйымдастырылған күрiш жәрмеңкесіне қатысу. Әрине, бұл - өте дұрыс бастама. Келiссөз барысында көптеген маңызды құжаттарға қол қойылды», - деді Үкімет басшысының орынбасары сапар қорытындысында.&nbsp;</blockquote>

Серік Жұманғарин: Басты мақсат - облыс әкімінің бастамасымен ұйымдастырылған күрiш жәрмеңкесіне қатысу

<a href="https://kyzylorda-news.kz/">Kyzylorda-news.kz.</a> Қазақстанда кепіл ретінде жеке басын куәландыратын құжат сұрайтын жағдайлар жиі кездеседі. Компаниялардың бұл әрекеті заңды ма? Бұл сұраққа Tengri Life-ке қазақстандық заңгер Данияр Байғабатов жауап берді.Данияр Байғабатов кепіл ретінде құжат тастауға кеңес бермейді. Оның айтуынша, компанияның сізден жеке куәлік немесе төлқұжат тастауыңызды сұрауға еш құқығы жоқ.<blockquote>«Ұйымдар мен басқа да тұлғалардың мұндай талаптары заңсыз болып табылады. Кепіл - міндеттеменің орындалуына кепілдік беру тәсілі. Қолданыстағы заңнамаға сәйкес, кепіл келісімшарт негізінде жасалады. Ауызша келісім жасауға болмайды, оның заңды күші жоқ. Ең дұрысы, кепіл шартын жасаған жөн. Заң бойынша, құжаттарды кепілге қалдыруды сұрауға болмайды» деді заңгер.</blockquote>Кепілге құжат қалдырсаңыз, жеке мәліметтеріңіздің тарап кету қаупі бар.<blockquote>«Қазір кейде несие рәсімдеу үшін адамның ЖСН нөмірін білу ғана жеткілікті. Сондықтан құжаттарды кепіл ретінде тастамаңыз. Кепіл шартын жасап, барлық шарттарды сол құжатта жазуға кеңес беремін» деп жалғастырды маман.</blockquote>Сіздің құжатыңызды кепілге тастауды сұраған адам да тәуекел етеді.<blockquote>«Азаматтан мұндай құжат сұраған адам да тәуекел етеді. Жеке басын куәландыратын құжаттар мүлік емес. Яғни, қандай да бір жағдайда оны кепілге қойып, кейін сатуға келмейді» деді ол.</blockquote>Егер қандай да бір ұйым кепілге құжат тастауыңызды сұраса не істеу керек?Заңгердің ойынша, егер кепіл ретінде құжат тастауды сұраса, полиция қызметкерлерін шақырып, әкімшілік хаттама құруын сұрау керек.<blockquote>«Алайда егер адам кепіл ретінде сіздің құжатыңызды әлі алмаған болса, оны жауапкершілікке тарта алмайды. Сондықтан осы нәрсені де ескеру керек» деді Данияр Байғабатов.</blockquote>Сондай-ақ, заңгер жеке куәлік немесе төлқұжат сияқты құжаттарды кепілге алу Әкімшілік құқық бұзушылық жайлы кодекстің 494-бабына сәйкес әкімшілік құқық бұзушылық болып саналатынын &nbsp;еске салды.<blockquote>«Азаматтардың төлқұжаттарын, жеке куәліктерін заңсыз алған болса немесе кепілге алса, ескерту жасалады немесе бес айлық есептік көрсеткіш көлемінде (шамамен 17 мың теңге) айыппұл салынады. Егер бұл факт бір жыл ішінде қайта тіркелсе, онда 10 АЕК (шамамен 34 500 теңге) мөлшерінде айыппұл салынуы мүмкін» деді заңгер.</blockquote>

Қазақстан және Қызылорда облысының жаңалықтары