<a href="https://kyzylorda-news.kz/">Kyzylorda-news.kz.</a> Жақында таксиде келе жатып, қос мұғалімнің екеуара әңгімесін құлағым шалып қалды. Айтуларынша, балалардың үйренсем, білсем деген құлшынысы бәсеңдеуде. Оқушылар таңертең мектепке көбіне ұйқылы-ояу күйде келеді екен. Жаңа сабақты түсіндіре қояын десе, қалғып отырады-мыс. Ата-анасынан сұраса, түнімен телефонға телміретін көрінеді.– Иә, «Заманына қарай адамы» деген бар. Бүгінгі балалардың ойыны да – виртуалды. XXI ғасырда бұл баланың болашағына керек болар. Бірақ кейбір гаджет ойынының ішіне үңілгенде, түңілесің. Соның салдарынан балалар ұмытшақ болып бара жатыр. Не нәрсеге болсын, селсоқ қарайды. Ертеңі қандай болады?, – деді Жанна Асанова. Құрбымның осы сұрағы ұрпақ тәрбиесіне алаңдаған кез келген жанның көкейінде жүрген шығар.Әңгімені әріден бастайық. Ойын – ол алдымен баланы ойландырады, дамытады және жетілдіреді. Ал қазіргі балалар қалай ойлап, қай жолмен жетіліп барады?&nbsp;Қазіргі балаларға «Ұлттық ойын түрлерін білесің бе?» десең, «Алтыбақан», «Асық», «Көкпар», «Қыз қуу» деп &nbsp;бес-алты саусағын бүгіп қана тоқтайтын ұрпақ қалыптасып келе жатқаны өкінішті-ақ. Көпке топырақ шашудан аулақпыз, алайда біліп қана қою бір бөлек, «Ойнап көрдің бе?» деген сауалға мардымды жауап аларымыз тағы күмәнді. Осындай насихаты кемшін тартып бара жатқан ұлттық ойындардың орнын, «даңқ қаласы» деген мағына беретін «Fame city» бейне ойындары басым бара жатқаны көңіл қынжылтады. Бейне ойындардың бала дамуы мен психологиясына қалай әсер ететіні әйгілі инженер һәм долларлық миллиардер Илон Маск-тың өмірінен белгілі болып тұр. Ол осындай ойыннан кейінгі жеңісі арқылы өзінің алғашқы өнертабысын жасапты.Дефектолог Перизат Уәлишерова қазіргі балалар тілінің таза емес¬ті-гіне алаңдайды. «Тәжірибеде ең жиі кезіктіретін мәселе – шұбар тіл. Балалардың тілі ғана емес, ойы да шұбарланып кеткен. Сөйлемнің жартысын қазақша, жартысын орысша, қалғанын ағылшынша айтады. Өзге тілдегі ойындар әлі ана тілі толық бойға сіңірілмеген баланың психологиясына әсер етеді. Мәселен, ойынның негізгі мақсатын түсінбей, жай уақыт өткізу үшін ойнап кететіндер кезігеді. Қатты қынжылтатыны – кей балаларда өзге тілді ана тілі деп қабылдау бар», – дейді. Оның айтуынша, «Спайдермэн», «Тобот», «Пони», «Маша мен аюды» көріп, соған сүйсініп өскен бала былай шыққанда достарымен аталған кейіпкерлерді сомдайды. Ал біз «Балалар неге қазақша ойнамайды?» деп ойды сан-саққа жүгіртіп жүрміз. Олардың ойыны – орысша, қаһарманы – өзге тілді. Енді осыдан туатын мәселе күрделі: қазақша ойнамайтын бала қазақша ойламайды да.Батыс елдерінің мамандары ойын баланың денсаулығын жақсартуға ықпал етуі керек деп есептейді. Сондықтан болар балалармен жұмыс істейтін мамандары оқырмандардан сұраныс болатын, көп оқылатын «Балаларды аулада ойнатудың сегіз себебі» тақырыбы төңірегінде жиі жазады. www.health.harvard.edu сайтында жарияланған Клэр Маккартидің (Claire McCarthy) мақаласында ауладағы ойын:1. Баланың түнгі ұйқысына тыныштық, ағзасына А, Д дәруменін, бойына күш-қуат сыйлайтын күн көзі; 2. Нағыз жаттығу; 3. Достарымен сөйлесуге, жол табуға, өз уақытын реттеуге үйрететін атқарушы фактор; 4. Тәуекелге бел бууды үйретеді; 5. Әлеуметтендіреді, яғни ортада өмір сүруге, дос табуға, әріптестік құруға дағдыланады; 6. Табиғатта болу және оның байлығын, берерін бағалау. Ал «Play England» сайты жария¬лаған «Неліктен ойнау маңызды?» атты мақала¬сын¬да «Балалар ойынындағы құ¬қық, ол – адам құқығы» де¬ген тұжырым айтылады. Бри¬тандықтар балалар ойы¬нындағы ережелер мен өз құ¬қығын қорғауды үйретуге мән берсе, Германияда туып, адамзатқа ортақ тұлғаға айнал¬ған әйгілі Альберт Эйнш¬тейн: «Ойын – зерттеудің ең күшті (жоғары) формасы», – дейді.БҰҰ жанындағы Unicef балалар қоры өзінің әлеумет¬тік желідегі парақшасында «Егер біз ересектер балалардың бір жетістікке жеткенін қаласақ, оны солармен бірге жасауымыз керек» деп жазыпты. Көңіл қойып оқымаса, қарапайым мораль секілді қабылдануы мүмкін. Шындығында, жаны бар сөз. Салмағын сезінбесеңіз, тағы бір қайталап алуға болады. Демек, біздегі «баланың ойыны» деген сөз – салғырт көзқарас. Өйткені ойын – бала үшін нағыз өмір. Ойында жеңген, өскен, дамыған бала өмірде де биіктерді бағындырады. Ендеше, оның өміріне жауапты адам мейлі ата-ана, мейлі мұғалім баламен бірге ойнауы қажет емес пе? Ал бізде «баланың ойынына араласпаған абзал» деген көзқарас бар.Көрнекті жазушы Мұхтар Әуезов бір сөзінде: «Ойын деген, менің түсінуімше, көңіл көтеру, жұрттың көзін қуантып, шаттандыру ғана емес, оның өзінше бір ерекше мағыналары болған» деп жазады. Қазақтың фольклорына тереңдесек, әрбір шығарма баланың тілін байытуға бағытталғанын байқауға болады. Ал ұлттық ойындардың дені, тіпті спорттық ойындардың өзі баланы ептілікке, дәлдікке, ойлауға, қарсыласты ойсыратуға, амал-айламен, ақылмен алуға үйретеді. Алайда осы құндылықтардың ойын балаларының тәрбиесі – мектептегі білім беру жүйесіне енгізілгенін көзіміз шалмапты. Шетелдік тәжірибені зерттеп, өзімізге алып келу де – орынды іс, әрине. Бірақ бүйте берсек, бала тәрбиесі мен білім беруде отандық өнім қашан қалыптасады? Балалар қашан қазақша ойнайды?P.S.: Бала өз тарапынан жақсыны да, жаманды да сүзгіден өткізбей қабылдай береді. 5 анализатордың көмегімен (құлақ, көз, ауыз, мұрын, қол) қабылдағанның барлығы күндердің күнінде жүзеге асырылатынын ескерсек, баланың бастапқы қалыптасу кезеңінде талғамын өсіру ата-анаға байланысты.

Шиелі: Дефектолог мамандарға сұраныс бар

<a href="https://kyzylorda-news.kz/">Kyzylorda-news.kz.</a> Қармақшы аудандық орталықтандырылған кітапханасында облыс әкімі жанындағы әйелдер істері және отбасылық-демографиялық саясат жөніндегі комиссия мүшелерімен кездесу өтті. Оны аудан әкімі жанындағы әйелдер істері және отбасылық-демографиялық саясат жөніндегі комиссияның төрағасы, аудан әкімінің орынбасары Жұлдызхан Ерқосаев жүргізіп, жиынның мақсатымен таныстырды.&nbsp;Кездесуде қонақтармен қатар, аудандық комиссияның, ардагерлер, әйелдер, аналар кеңесінің жетекшілері мен мүшелері және белсенді аналар, қыз-келіншектер өзара пікір алмасып, ой бөлісті. Аудан әкімінің орынбасары Жұлдызхан Байназарұлы арнайы уақыт бөліп, аудандық комиссияның жұмысын жандандыру мақсатында ұйымдастырылған кездесуге қатысып отырған барша қауымға алғысын жеткізіп, басқосудағы гендерлік теңдік және отбасылық саясат жайын талқылаудың пайдалы болатынына тоқталды. Сонымен қоса, ауданда атқарылған жұмыстар мен қазіргі қалыптасқан жағдай бойынша қысқаша баяндап өтті.<blockquote>«Аудан бойынша отбасы мүддесін қорғау және гендерлік теңдік стратегиясын іске асыру мақсатында аудан әкімі жанындағы әйелдер істері және отбасылық демографиялық саясат жөніндегі аудандық комиссия &nbsp;жұмыс жасайды. Оның осы жылға арналған жұмыс жоспарына сәйкес жыл басынан бері 2 рет комиссия отырысы өткізілді. Халық саны 52 200 болса, оның 48,8 пайызы әйелдер. Ауданда 139 мемлекеттік қызметші болса, оның 39,5 &nbsp;пайызы – әйелдер. Оның ішінде 4 әйел басшылық қызметте. Аудандық мәслихаттың VІІІ шақырылымында сайланған 13 депутаттың 2-еуі нәзік жан. Сондай-ақ, медицина қызметкерлерінің 88,1, педагогтардың 80,6 пайызын әйелдер құрайды. Ауданда 4200 шағын және орта кәсіпкерлік субъектісі тіркелсе, оның ішіндегі белсенді субъектілердің саны 3921 бірлікке жетті. Ондағы әйелдердің үлесі 49,2 пайыз. Бүгінде 1291 көпбалалы ана болса, осы жылы 5 ана «Алтын алқа», 5 ана «Күміс алқа» алқаларымен марапатталып отыр. 2023 жылдың өткен мерзімінде кәмелетке толмағандар арасында ерте жүктіліктің алдын алу жұмыстары жүйелі түрде іске асырылды. Биылғы жылдың 5 айында кәмелетке толмағандар арасында ерте жүктілік тіркелмеген. Тұрмыстық зорлық-зомбылық құрбандарына арнаулы әлеуметтік қызмет көрсету өткен жылы «Арнаулы әлеуметтік қызметтерді үйлестіру» мақсатында құрылған комиссия отырысының шешімі негізінде ауданда 7 адам облыстық дағдарыс орталығынан көмек алған. Биылдың 5 айында арнаулы әлеуметтік қызмет алуға тіркелгендер жоқ. Тұрмыстық зорлық-зомбылықтың алдын алумен аудандық полиция бөлімі айналысады. Осы &nbsp;жылдың 5 айлық көрсеткішінде бөлімнің есебіне 14 қолайсыз отбасы тіркеліп, 20 әйел қорғау нұсқамасына алынған, оның 1-і ерекше талапқа алынған. Облыстык полиция департаментінің нұсқауына сәйкес 6-12 ақпан аралығында «Профилактика апталығы» жедел-профилактикалық іс-шарасы өткізілді», – деді ол.&nbsp;</blockquote>Жиында әйел-аналардың қоғамдағы орны, құқықтары мен бостандықтары кеңінен сөз етіліп, жан-жақты талқыланды. Облыс әкімі жанындағы әйелдер істері және отбасылық-демографиялық саясат жөніндегі комиссия хатшысы, қоғам белсенділері Қаламқас Каримова, комиссия мүшелері Ләззат Бақтыбаева, Наталья Мишуковалар адам құқығы, әлеуметтік, кәсіпкерлік, басқа да сала бойынша ұсыныс-пікірлерін ортаға салды.&nbsp;Пікір алмасу алаңында аудандық ардагерлер кеңесінің төрағасы Асқар Мереков, әйелдер кеңесінің төрайымы Гүлжауһар Раева, Ақжар ауылдық округінің әкімі Нұржамал Тұрсынбаева, облыс әкімі жанындағы әйелдер істері және отбасылық-демографиялық саясат жөніндегі комиссия мүшесі Әмина Кетебаева, аудандық «Қармақшы таңы» газеті редакциясының бас редакторы Сәрсенкүл Райымбаева, тағы басқалары белсенділік танытты.Кездесуді аудан әкімі жанындағы әйелдер істері және отбасылық-демографиялық саясат жөніндегі комиссияның төрағасы Жұлдызхан Ерқосаев қорытындылап, жиында айтылған құнды пікірлердің &nbsp;комиссия жұмысын жандандыруда ескерілетінін атады.

Қармақшыда әйел-аналардың кеңесі өтті

<a href="https://kyzylorda-news.kz/">Kyzylorda-news.kz.</a>&nbsp; Бүгін облыс әкімдігінде Мемлекеттік қызметші күніне орай салтанатты іс-шара өтті. Аймақ басшысы Нұрлыбек Нәлібаев әріптестерін мерекемен құттықтап, өз ісін жетік білетін кәсіби мамандар қай кезде де құрметті екенін атап өтті.<blockquote>«Таяуда ғана өткен ұлттық Құрылтайдың екінші жиынында Мемлекет басшысы Қасым-Жомарт Кемелұлы Тоқаев мемлекеттік қызметшілердің бойында профессионализм, яғни нағыз маман атану және отаншылдық қасиет болуы керек екенін айтты. Бұл ретте әрбіріміз «Адал азамат» құндылығын бәрінен биік қоюға тиіспіз. Себебі Президент айтқандай, «Біз отаншылдығымызды және елге жанашырлығымызды нақты іспен көрсетуіміз керек. Адал азамат болуға ұмтылуымыз қажет. Сонда әрқайсымыз Отанымызды өркендетуге үлес қосамыз», – деді Нұрлыбек Машбекұлы.</blockquote>Іс-шара барысында бірқатар қызметкерге «Үздік мемлекеттік қызметші» төсбелгісі, Құрмет грамотасы және Алғыс хаттар табысталып, «Үздік мемлекеттік қызмет көрсетуші» номинациясына лайық жеңімпаз марапатталды.Айта кетейік, қазіргі таңда өңірде 3000-нан аса мемлекеттік қызметші аймақ дамуына елеулі үлес қосуда. Олардың тең жартысы – нәзік жандылар. Мемлекеттік қызметтегі қыз-келіншектердің 325-і басшылық лауазымды абыроймен атқаруда.Аймақта 29 жасқа дейінгі 300-ден аса жас мемлекеттік қызметші бар. Олардың 20-сы – Президент жанындағы Мемлекеттік басқару академиясының, 3-і – «Болашақ» бағдарламасының түлегі. Өткен жылы 9 мемлекеттік қызметші Президент жанындағы Мемлекеттік басқару академиясының грантын иеленіп, жаңа білім дағдыларын меңгеруде.<figure class="image"><img src="https://knadmin.beoblood.kz/uploads/356028674_565533995767849_1860780416995439151_n_4302a10765.jpg" alt="356028674_565533995767849_1860780416995439151_n.jpg"></figure>&nbsp;<figure class="image"><img src="https://knadmin.beoblood.kz/uploads/355855277_565533829101199_5382183444312024274_n_5167aa7200.jpg" alt="355855277_565533829101199_5382183444312024274_n.jpg"></figure>&nbsp;<figure class="image"><img src="https://knadmin.beoblood.kz/uploads/355889870_565533869101195_8004593508526272395_n_2bdf66a496.jpg" alt="355889870_565533869101195_8004593508526272395_n.jpg"></figure>

Аймақ басшысы әріптестерін мемлекеттік қызметші күнімен құттықтады

<a href="https://kyzylorda-news.kz/">Kyzylorda-news.kz.</a> Қазақстан Республикасының Ақпарат және қоғамдық даму министрлігінің бастамасымен мемлекеттік жастар саясатының 2023-2029 жылдарға арналған тұжырымдамасын іске асыру мақсатында жас түлектерді жұмысқа орналастыру және жастарды жұмыспен қамту бойынша республика көлемінде бірыңғай 1 маусым – 30 маусым аралығында «Tulga Bol» жылжымалы жәрмеңкесі өтуде.Мемлекеттік жастар саясатын іске асыру үшін ұйымдастырылған жәрмеңкеде жастарға арналған бос жұмыс орындары және мемлекеттік бағдарламалар туралы ақпараттық насихат жұмыстары жүргізілді. Аталмыш жәрмеңке сәрсенбі күні аудан орталығындағы алаңда жалғасты. Іс-шараға аудан әкімінің орынбасары Жұлдызхан Байназарұлы қатысып, сөз сөйлеп, жастардың жұмысына сәттілік тіледі. Сонымен қатар, жиын барасында жастар саясатының дамуына белсенділік танытып, табысты еңбек етіп жүрген жастарға аудан әкімінің алғыс хатын табыстады.Жәрмеңкеге жиналған жастармен бірге аудандық білім бөлімі, жұмыспен қамту, әлеуметтік бағдарламалар және азаматтық хал актілерін тіркеу бөлімі, кәсіпкерлік, өнеркәсіп және туризм бөлімі, ауыл шаруашылығы мен жер қатынастары бөлімі, аудандық аурухана, аудандық кітапхана мамандары қатысты.&nbsp;Жастардың еңбекке деген ұмтылысы қуантарлық жағдай. Өз елінің көркеюі үшін аянбай адал қызмет еткен жас ұрпақ – ертеңгі мемлекетіміздің гүлденуіне себепші болары сөзсіз. &nbsp;Сол себепті олар өз тарапынан тиісті сала мамандарына жұмысқа орналасу, жастар кәсіпкерлігі, білім, денсаулық салалары, жастарға арналған мемлекеттік бағдарламалар жайында сұрақ қойып, ақпарат алмасты.&nbsp;Мұнан соң жиналған көпшілік жәрмеңке аясында ұйымдастырылған түрлі ойын-сауық бағдарламаларына қатысып, аудан өнерпаздарының өнерін тамашалады.

Қармақшыда «Tulga Bol» жылжымалы жәрмеңкесі өтті 

<a href="https://kyzylorda-news.kz/">Kyzylorda-news.kz.</a>&nbsp; Ақпарат және қоғамдық даму министрлігінің бастамасымен Сыр өңірінде бастау алған жастарды әлеуметтендіруге бағытталған мүмкіндіктер керуені аясында республикалық «TULGA BOL» жылжымалы жәрмеңке және консультациялар автобусы Сырдария ауданында жалғасын тапты.Сырдария ауданында ең бірінші рет тәжірибелік үлгіде 2019 жылы құрылған «Еңбек бригадасы» қазіргі таңда қатарына 200-ден астам жастың басын біріктіріп, еңбекпен қамтып отырған бірден-бір аудан. Әсіресе, «NEET» санатындағы және жұмыссыз жастарға басымдық беріліп, аудан, ауылдарға қажетті мамандықтарға жастарды тарту көзделген бұл жоба қазіргі таңда жолға қойылған.Жастарға құқықтық кеңес, аудан, ауыл жастарын еңбекпен қамту, кәсіпкерлік бағыттағы кеңестер, мемлекеттік бағдарламалар жөнінде толығырақ ақпарат беру көзделген шарада аудан әкімінің орынбасары Димаш Серікбайұлы мен облыстық мәслихат депутаты Жұмабек Әшімұлы және облыстық Жастар ресурстық орталығы директорының міндетін атқарушы <a href="https://www.facebook.com/yerlan.sissenbiyev?__cft__[0]=AZX1b7fwBcRWpCLs6bPiaCxGsxEsYmzdH90o8oH7wvMFmbCw0JvMRJZEx8uxZIK0Ts5kiecJVyyMp-7cU1L2ffbKeQemHkPXW_z2e7Q4SeCOMg6ln29N83e11GL41ulv0Os0_hrl_QGlwFl3XOvB2wuTEVowYZ2SoqM1sGwmeaO1Pg&amp;__tn__=-]K-R">Yerlan Sissenbiyev</a> қатысушыларға сәттілік тілеп, мемлекет ұсынған мүмкіндіктерді мейлінше пайдалануға шақырды. Шара аясында аудан әкімінің орынбасары жастар мен аудан тұрғындарына қоғамдық қабылдау өткізді.Жәрмеңкеде жастарға бағытталған мемлекеттік бағдарламалар, кәсіптік бағдар беру, тұрғын үй мәселесі, жастарға жеңілдетілген 2,5 пайыздық несие беру жолдары, «Кітап сыйла» акциясы тиісті сала мамандарының қатысуымен ұйымдастырылып, оған жұмыссыз, базар жастары, бітіруші түлектер қатысты.Шара аясында орталық алаңда спорттық сайыстар өткізіп, жеңімпаздарға арнайы алғыс хат пен бағалы сыйлықтар табысталды.Жылжымалы жәрмеңке бағытындағы шаралар Қазалы, Жалағаш, Қармақшы, Шиелі аудандарының жастарына өкізіліп, аудандарға қарасты елді-мекендерде өз жалғасын табуда.<figure class="image"><img src="https://knadmin.beoblood.kz/uploads/355867406_1544169686357685_4349300987183861464_n_b6e18c89de.jpg" alt="355867406_1544169686357685_4349300987183861464_n.jpg"></figure>&nbsp;<figure class="image"><img src="https://knadmin.beoblood.kz/uploads/355503307_1544169536357700_4862671106420782113_n_2d2c56aaf0.jpg" alt="355503307_1544169536357700_4862671106420782113_n.jpg"></figure>

«Tulga bol» жәрмеңкесі Сырдария ауданында жалғасты

<a href="https://kyzylorda-news.kz/">Kyzylorda-news.kz.</a> Дәстүр бойынша 23 маусым – Қазақстан полициясы күні мерекесі қарсаңында Қызылорда қалалық полиция басқармасы бастығының орынбасары Сейілхан Елдей және Тасбөгет бөлімінің бастығы Қасымжан Серіков ішкі істер органдары ардагерлері Төлеш Әлиев, Абдулла Мұхтаров, және Жақсылық Алмағанбетов ақсақалдардың шаңырағына барып, құттықтады.<blockquote>«Бүгін полиция басқармасының барлық жеке құрамының және жеке өзімнің атымнан құрметті ардагерлерімізге зор ризашылығымды білдіремін. Ұзақ жылдар бойы олар азаматтардың бейбіт тыныштығын қорғап, қылмыспен жанқиярлықпен күресіп, қоғамдық тәртіпті сақтау үшін көп күш пен денсаулық жұмсады», - деп атап өтті ақсақал Әлиев Төлеш.</blockquote><blockquote>«Өкінішке орай, күн сайын ардагерлер саны азайып келеді, сондықтан біз олардың әрқайсысына назар аударып, қажетті көмек көрсетуге тырысамыз. Біз олардың ерліктерін ұмытпаймыз және тарихты құрметтейміз. 23 маусым – Қазақстан полициясы мерекесі қарсаңында барлық ардагерлерге зор денсаулық, ұзақ ғұмыр, сарқылмас қуат, амандық, жақсылық пен бейбітшілік тілеймін», - деді полиция полковнигі Сейілхан Кенжебайұлы.&nbsp;</blockquote>Ардагерлер полицейлерге көрсеткен ілтипаты үшін алғыс айтып, олардың күрделі қызметіне табыс тіледі.

Сыр елінің тәртіп сақшылары мереке қарсаңында ардагерлерді құттықтады

<a href="https://kyzylorda-news.kz/">Kyzylorda-news.kz.</a> Қазалы ауданы әкімдігінің мәжіліс залында 23 маусым – Қазақстан полициясы күні мерекесіне орай салтанатты шара өтті.&nbsp;Шарада аудан әкімі Мұхтар Оразбаев құқық қорғау саласы қызметкерлерін мерекемен құттықтап, алдағы жұмыстарына сәттілік тіледі.&nbsp;<blockquote>«Отанымыздың, ел аумағының бүтіндігін сақтауды, азаматтардың құқықтары мен бостандықтарының қорғалуын қамтамасыз етуді, мемлекетке қауіп төндіретін кез-келген сыртқы және ішкі күштерге қарсы тұруды мақсат еткен полиция қызметінің ел өміріндегі алар орны орасан зор. Әрдайым аудан халқының тыныштығын қырағы күзетіп, оны қорғауға және қылмыстардың белең алуына тойтарыс берудегі кәсібиліктеріңіз, қызмет барысындағы жоғары іскерліктеріңіз, халық арасында заңдылық пен құқық тәртібін қамтамасыз етудегі жанқияр еңбектеріңіз қандай құрметке болса да лайық. Қызмет барысында қылмыспен күрестің алдыңғы сапында тұрып, күн түн демей, ауа райының ыстық-суығына қарамай, азаматтарымыздың құқықтары мен мүдделерінің қорғалуына аянбай еңбек етіп жүрген Сіздерге қашанда алғысымыз шексіз», - деді &nbsp;аудан басшысы.&nbsp;</blockquote>Мұнан соң бірқатар сала қызметкерлері мен ардагерлері аудан әкімінің “Алғыс хатымен” және Қызылорда облысы полиция департаменті бастығының “Грамотасы”, “Алғыс хатымен” марапатталды.&nbsp;Жиында ішкі істер органының зейнеткері Беганыш Жақсыбаев сөз алып, мерейлі мерекеде ескеріп, құттықтап жатқан аудан әкімі Мұхтар Оразбаевқа алғысын білдірді. &nbsp;Сондай-ақ, сенімге селкеу түсірмей, &nbsp;дамылсыз еңбек еткен әріптестеріне &nbsp;шын ниетімен ризашылығын жеткізді.&nbsp;Аудан басшысы басқосу соңында ауданымыздың тыныштығы мен бейбіт тірлігін қас қақпай күзетіп, тұрғындарға қорған болған қызметкерлердің одан әрі еңбек ете беретіндіктеріне сенім білдірді.

Қазалыда құқық қорғау қызметкерлеріне құрмет көрсетілді

<a href="https://kyzylorda-news.kz/">Kyzylorda-news.kz.</a> Көзі көрмесе де жүрегі сезгіш, қолы іске бейім. Жанарында кінәрат болғанымен, еңбегінде мін жоқ. Бұл – тағдырдың түрлі тауқыметін бастан кешкен зағиптардың тыныс-тіршілігі. Ал қоғамда рухы биік осындай жандарға қандай қолдау көрсетілуде? Зағиптар қазіргі заманға бейімделіп жатыр ма? Осы мәселеге ден қойып, «Зағиптар қоғамының» Шиелі ауданы бойынша бастауыш ұйымының өкілі Бақтыгүл Іргебаевамен аз-кем әңгімелестік.– Бақтыгүл ханым, сонау 1937 жылы іргесі қаланған зағиптар қоғамының тарихына тоқталсақ…– Қазақ зағиптар қоғамының елімізде 18 филиалы тіркелген. Қазақстан бойынша 22 мыңнан астам зағиптар болса, ауданда 120-дан аса жанарсыз жан бар. Аталған қоғам құрылғаннан кейін әрбір облыста бөлімдер мен филиалдар ашылды. Бұрындары ұйымның өзінің дүркіреген кәсіпорны болатын. Онда тұрмысқа, өнеркәсіпке қажетті көптеген заттар шығарылатын. Мұндай өнеркәсіп біздің ауданда да болған. Ол кәсіпорында жанарсыз жандар жұмыс істеді. Өкінішке қарай, тоқырау кезеңінде жұмыстары тоқтап қалды. Қазір жұмыс істеп тұрған кәсіпорынның шығаратын өнімі бірен-саран. Әлбетте, мұның бір себебі сұранысқа да байланысты.&nbsp;– Сан ғасырлық тарихы бар бұл қоғамның бүгіні қандай?– Қазіргі таңда біздің зағиптар қоғамы – заманауи. Қоғамдық қызметтерге тартылған. Қала берді мәдени іс-шараларға сонымен бірге көркем өлең, қолөнер, әдеби шараларда да бой көрсетіп жүр. Бір сөзбен айтқанда, зағиптар да заманға бейімделе алады.– Жанары көрмесе де жүрегі көретін жандардың өмірге деген құштарлығын, белсенділігін сөз етсек...&nbsp;– Көз жанары көрмейтін жандардың жүрегімен көретіні рас. Біздің көзіміз көрмесе де, құлағымыз естіп, иіс пен саусақтармен сезу мүшелеріміз жақсы дамыған. Мәселен, өзімді алсам 2 ұлыммен барынша мағыналы өмір сүруге тырысып жатырмын. Мен үйде қолымнан келгенше балаларыма дәмді тамақ әзірлеп, бос уақытты барынша пайдалы өткізуге тырысамын. Осының өзі көзіміз көрмесе де, өмірге құштар екенімізді аңғартады деп ойлаймын. Қиындықты жеңе білу екінің бірінің қолынан келе бермейді. Зағип жандарды кемтарлығына қарап сырт көз сынағанымен, рухани күші мол жандар он екі мүшесі түгел азаматтардан артық қызмет атқарып жүр.– Көру мүмкіндігі шектелген жандарға ауданда қандай жеңілдіктер мен мүмкіндіктер жасалған?– Біздің ауданда зағип жандарға жағдай жасалып жатыр деуге негіз бар. Тиісінше қоғамдық қызметке тартылып жатыр. Жергілікті бюджет есебінен зағиптерге қажетті құралдар, шипажайлық-курорттық емделуге жолдамалар беріледі. Бірақ жасыратыны жоқ, көру қабілеті нашар адамдарға жүріп-тұруына толықтай жағдай жасалған деп айта алмаймын. Зағип жандар қоғамдық орындарда түрлі кедергілерге тап болып жатады. Көптеген мекемелерде арнайы сары түсті белгілер жоқ, едендер бір түсті, қолайсыз. Көзі нашар көретіндер үшін бұл қиындық туғызады. Мен 3 жылдан бері өтініш айтып келемін. Қолдан келгенше зағиптар еркін тұрып жүре алатын жағдайлар әсіресе жолдар мен дыбысты бағдаршамдар болса екен деп. &nbsp;Таяқпен жүруге ыңғайлы етіп жасалған жаяу жүргіншілер жолы салынса деген ұсыныс тағы бар.Мүмкіндігі шектеулі жандарға, егде жастағы адамдарға «Көшпелі кітапхана» жүйелі түрде жұмыс істейді. Жоғарыда айтып өткенімдей, ауданда 120-дан астам зағип және көзі нашар көретін жандарға кітапхана басшысы Гүлдана Жақыпова аудандық бюджеттен 3 млн 100 мың теңгелік проекттік жобаны қорғап, 2020 жылы аудандық орталық кітапхананың жанынан «Жанарсызда жарық әлем» клубын ашқан болатын. Онда зағип жандардың саусағына жанар сыйлаған Луи Брайльдің алфавиті, Брайль қарпімен жазуға арналған машинка, әдеби кітаптар мен арнайы технологиялар, электронды стацинарлық үлкейткіш, Перкинс Смарт механикалық жазба машинкасы, арнайы дыбыс магнитоласы бар.– Сұхбатыңызға рақмет!P.S.: Жалпы зағип жандарды әлі де болса өмірге икемдеп, қамқорлау қажет. Мемлекет басшысының тапсырмасы негізінде барлық мемлекеттік органдар мен жергілікті мекемелер олармен жұмысын әлі де күшейткен жөн. Зағиптарды жұмыспен қамту және оларды әлеуметтік бейімделуге көмектесетін бағдарламаларға міндетті қатысуын қамтамасыз еткен абзал.

Бақтыгүл Іргебаева: Зағиптарда заманға бейімделе алады

<a href="https://kyzylorda-news.kz/">Kyzylorda-news.kz.</a> Қызылорда облысының қоғамдық даму басқармасының ұйымдастыруымен 2023 жылғы 22 маусымда ономастика саласындағы мәселелерді талқылау мақсатында «Ономастика мәселелері» атты облыстық семинар өтті.Семинарға Қызылорда қаласы мен аудан әкімдерінің орынбасарлары, тиісті қалалық, аудандық қоғамдық даму, мәдениет және спорт бөлімдерінің басшылары мен мамандары, филолог, географ, тарихшы ғалымдар, &nbsp;басқарма және басқармаға қарасты орталық қызметкерлері қатысты.Семинардың басты мақсаты – ономастика саласындағы идеологиялық тұрғыдан ескірген елді мекендерді тарихи атаулармен алмастыру, қайта қалпына келтіру, көшелер, білім, мәдениет, спорт ұйымдарына жалпыұлттық деңгейде &nbsp;танылған тұлғалар есімдерін беру бағытындағы жұмыстарды жандандыру, жетілдіру бағытында ұсыныс-пікірлерді ортаға салу.Семинарды облыстық қоғамдық даму басқармасы басшысының орынбасары &nbsp; А. Қамбаров жүргізіп отырды.Күн тәртібіне сәйкес облыстық қоғамдық даму басқармасының бөлім басшысы Л. Есімованың «Өңірдің ономастикалық ахуалы туралы», Жалағаш ауданы әкімінің орынбасары Ғ. Сүлейменовтің «Жалағаш ауданындағы ономастика саласы бойынша атқарылған жұмыстар туралы», Қорқыт ата атындағы Қызылорда университетінің аға оқытушысы, ф.ғ.к. Б. Боранбайдың «Қызылорда облысының ономастикалық кеңістігі және ономастикалық саясат мәселелері» тақырыптарындағы баяндамалары мен хабарламалары тыңдалды.Семинар соңында қатысушылар өзара пікір алмасып, қала, аудан әкімдіктеріне елді мекендердің байырғы атауларын зерттеу мақсатында ғалымдарды, тарихшылар мен геогроф мамандарды, көнекөз қарияларды тарта отырып, зерттеу жұмыстарын жүргізу, ғалымдар тарапынан облыстың топонимикалық картасын әзірлеу туралы бірқатар ұсыныстар айтылды.

Ономастика мәселелеріне арналған облыстық семинар өтті

<a href="https://kyzylorda-news.kz/">Kyzylorda-news.kz.</a> Ғұмыр жолы тәлімге толы, шексіз, шетсіз биік шыңды бағындыратын ұстаз мәртебесі қашанда ұлы. Білім саласына бар күш-жігерін арнап, бар ілімін шәкіртінің санасына құятын, қызығы мен қиындығы қатар жүретін ұлағатты жол. Білімі мен біліктілігінің арқасында сан шәкірттің санасында үлгі бола білген Батихан Қалтаева өз ісінің майталманы.1940 жылы 1 наурызда дүние-жарыққа келген кейіпкеріміз Шиелі ауданы, Төңкеріс ауылының тумасы. 1954 жылы аталған елді мекендегі жеті жылдық мектепті тәмамдаған соң, аудан орталығындағы қара шаңырақ «Октябрьдің 14 жылдығы» атындағы №45 қазақ орта мектебінде білім нәрін алады. Қызылордадағы М.Мәметова атындағы педагогикалық училищені, кейін Н.В.Гоголь атындағы педагогикалық институттың «қазақ тілі, әдебиет» факультетін аяқтайды. Ең алғашқы еңбек жолын 1960 жылы №47 М.В.Ломоносов атындағы мектебінің қазақ тілі және әдебиет пәнінің мұғалімі болып бастайды. 1969-1974 жылдары №152 Жөлек орта мектебінде, 1974-1995 жылдары №244 Ы.Жақаев атындағы орта мектепте ұстаздық етеді. Тәлім-тәрбиесі түзу, жауапкершілігі мол мұғалімнің еткен еңбегі ұдайы ескеріліп, сол мектептен бейнеттің зейнетін көріп, еңбек демалысына шығады.Батихан Қалтаева ұстаз бола жүріп, қоғамдық жұмыстарға да белсене араласты. Ауданның қоғамдық-әлеуметтік дамуына өзінің сүбелі үлесін қосты. Мәселен, 1990-1992 жылдары аудандық Кеңестің депутаты болып, ел сенімен арқалай білді.«Ұстаздың биігі ойлана қарасаң – биіктей береді, үңіле қарасаң – тереңдей түседі, қол созсаң – қарсы алдыңда, айналсаң – артыңда тұрғандай» деп айтқан сөз шебері Сократтың сөзін естігенде, еріксіз ойыңа өнегемен өрнектелген өмірі көпке үлгі болған, халқына адал қызмет етіп, шарапат нұрын шашқан ұлағатты ұстаз Батихан Қалтаева оралады. Ардагер ұстаздың білім саласын жандандыруға қосқан өлшеусіз еңбегі әсте ескерусіз қалмаған-ды. Тиісінше мемлекет тарапынан лайықты бағаланды. Оған сол кездегі аудан әкімі Н.Нәлібаевтың өз қолымен ауданның 80 жылдық, облыстың 70 жылдық мерейтойы медальдарын өз қолымен табыс еткені дәлел. Сондай-ақ Батихан ұстаз бірнеше аудандық, облыстық білім беру бөлімінің грамоталарымен марапатталып, «Шиеліге 90 жыл», «Қазақ ССР оқу ісінің үздігі» төсбелгілерін кеудесіне тақты.&nbsp;Шығыс ойшылы Жүсіп Баласағұн: «Адамның мәңгі болмағы оның ары мен елі үшін еткен еңбегінде» деп тектен-текке айтпаса керек. Себебі ұстаздық дейтін ұлы жолды таңдаған әр адамның бойында үздіксіз ізденіс пен тынымсыз еңбек ету қасиеттері болғаны ләзім. Өз шәкірттеріне сүйіспеншілікпен қарай алмаған мұғалімнен жақсы маман шықпасы анық. Ал Батихан Қалтаева сан мыңдаған шәкірттер мен жас мамандарды тәрбиелеуде өз бақытын еңбектен еселеп тапқан ұлағатты ұстаз. Бүгінде білім кілтін ұстатқан шәкірттері еліміздің сан салалы шаруашылықтарында өнімді еңбек етуде.82 жасқа табан тірегін Батихан апаның бетіндегі тарам-тарам әжімдері бейне бір білім саласындағы соқпақ жолдарды суреттеп тұрғандай көрінеді. Қос жанары бірде шәкірттерінің биікке ұмтылғанына шүкір етіп, қуанса, ендігіде арман-мақсаттары тұралап қалған жастарға қарап қаймығады. Өз кезегінде ардагер-ұстаз «Тәуелсіздік елімізде тек тыныш заман болсын, халқымыз аман болсын. Болашақ жастарымыз, келешек ұрпағымыз бейбіт өмірде әркез жаңашылдыққа, білімге ұмтыла бергей» деп ағынан жарылып, батасын беріп, алғаусыз алғысын айтты.Батихан ұстаз өңірдегі білім беру саласындағы 45 жылдық еңбек жолында көптеген оң өзгерістердің басты себепкері, тікелей бастамашысы бола білді. Ғұмыры ғибратқа толы мұғалімнің мерейі қашанда үстем. Оның осы уақытқа дейінгі орасан әрі нәтижелі еңбегі – өскелең ұрпаққа үлгі. Есімі мен еңбегі егіз ұғымға айналған ағарту саласының ардагеріне қарап бой түзеген жастардың келешегі кемел болары анық.«Дүниеде көп адамды бақытқа кенелткен адам – бақытты» деген тәмсіл бекер айтылмаса керек-ті. Өйткені қаншама шәкіртті білім нәрімен сусындатып, қаншама жас мұғалімге үлгі болып, түзу жолды сілтей білген Батихан ұстаз шынымен де бақытты. Жолдасы Тұтқабай Аңламасов екеуі тәрбиелеп, өсірген 4 ұлы мен қызы, олардан тараған немерелері сол бақытты бүгінде тағы да еселей түскендей.

Тәлімі ерек, тұлғасы бөлек Батихан

Жаңақорған ауданы мал басын асылдандыруды қолға алды

<a href="https://kyzylorda-news.kz/">Kyzylorda-news.kz.</a>&nbsp;Білек пен жүректілікті &nbsp;қажет &nbsp;ететін &nbsp;ішкі істер саласында жұмыс жасайтын бұл үш ағайынды жігіттің ең кенжесі, кіші сержант Оспанов Дінмұхамед Абибуллаұлы Қызылорда облысы ҚАЖД-ға қарасты №68 мемлекеттік мекемесінің кинолог маманы. Басты міндеті төрт аяқты сақшымен бірге мекеме аумағын күзету, күдікті жағдайларда тиым салынған заттарды анықтап, тексеру,тінту жұмысына қатысу болып табылады.&nbsp;Еңбек өтіліне бір-ақ жыл болған жас маманның айтуы бойынша бұл қызметке келуіне ағаларының форма киуінің әсері болған.<blockquote>«Біздің отбасында алғаш ішкі істер саласына үлкен ағам,әділет аға лейтенанты Ниязов &nbsp;Нұрсұлтан жұмысқа тұрды. Ол кезде мектеп оқушысы болған мен үшін ағамның бейнесі болашақ мамандық таңдауыма ықпал етті. Спорт түрлерімен айналысып, дене күшімді шынықтырдым, әскер қатарына барып ерік-жігерімді арттырдым. Заңгер мамандығы бойынша білім алып, ҚАЖ қызметкері болып, арманымды жүзеге асырдым. Бүгінгі таңда ағаммен қатар сапқа тұрамын. Офицерлер санатындағы Нұрсұлтан Абибуллаұлы &nbsp;жасақ бастығы. Он жылға жуық қызметінде өз ісіне жауапкершілікпен қарап, қылмыскерлерді өмірге қайта тәрбиелеп келеді. АКАӘПТЖБ- нің барлық іс- шарасын ұйымдастыру,сотталған азаматтардың жұмыспен қамтылуын, ішкі режимді бұзбауын &nbsp;қадағалау міндеттерін мүлтіксіз атқарып келеді. Қызметте,өмірде үлгі тұтар екінші ағам полиция аға сержанты Ниязов Бексұлтан Қызылорда полиция басқармасында жүргізуші болып жұмыс жасайды. Ауысымға түскен жедел топты дер кезінде оқиға орнына жеткізіп,қылмыстың алдын алуына, ашылуына игі ықпал етеді. Екі ағам да өз міндеттерін жауапкершілікпен атқарып жүргендіктен қызметтерінде абыройлы. Басшылық тарапынан мақтау қағазы мен алғысхаттар алған. Ата-анам айтпақшы, «алдыңғы арба қайда бастаса,соңғы дөңгелек солай қарай жылжиды» Мен погон таққан отбасынан болғанымды мақтан тұтамын. 2022 жылдан бері анам Аманова Ақгүл Қанатқызы № 37 республикалық мемлекеттік мекемесінің &nbsp;психологы &nbsp;болып жұмыс жасайды. Жаза басып, жаңылып жазаға тартылғандарға түрлі психологиялық тренингтер жүргізіп, жеке қабылдаулар өткізеді», – дейді Дінмұхаммед Оспанов.&nbsp;</blockquote>Бір салада төрт маман жұмыс жасайтын әулеттің ел қауіпсіздігін қорғау жолындағы &nbsp;бүгінгі таңдағы жалпы еңбек өтілі жиырма жылдан асыпты.&nbsp;Әулет мамандарының әлі талай белестерді бағындырып, ел тәуелсіздігін нығайтуға өз үлестерін қосатыны анық.

Қазақстан және Қызылорда облысының жаңалықтары