<a href="https://kyzylorda-news.kz/">Kyzylorda-news.kz</a> Мемлекет басшысы Қасым-Жомарт Кемелұлы Тоқаев: "Кәсіпкерлікті жүйелі түрде қолдау жұмыстарының&nbsp;бәрін басынан бастап реттеу керек. Тапсырма екі жылдан бері орындалмай келеді. Жүздеген, тіпті мыңдаған заңнамалық құжат пен нұсқаулықты қайта-қайта түзете бергеннен ештеңе шықпайды. Оның орнына ықшамды әрі түсінікті жаңа ережелерді бекіткен жөн. Мұндай тәсілді 2024 жылғы 1 қаңтардан бастап толық енгізу қажет. Еңбекақы төлеу қорын көбейткен және салық төлемдерін арттырған кәсіпорындарға қолдау көрсетіледі. Бұл – негізгі талап. Сонымен қатар, мемлекеттен көмек алатын бизнес өкілдерін анықтайтын автоматты жүйе енгізіледі. Мемлекеттік сатып алудың мүлде жаңа жүйесі жасалады. Бағаның төмен болуы ғана емес, тауарлар мен қызметтердің сапасы басты назарда болады. Мемлекеттік және квазимемлекеттік сатып алуды бірыңғай платформаға көшіру қажет. Осының бәрін жүзеге асыру үшін "Мемлекеттік сатып алу туралы" жаңа заң қабылдануға тиіс" деп кәсіпкерлерге жасалатын қолдаудың қаншалықты артатынын баса айтқан болатын. Міне, осы бағыттағы жұмыстар қазірде ел көлемінде ауқымды түрде жүргізіліп жатыр.&nbsp;Қазір экологияның ортасында отырған халықтың басы ауырып, балтыры сыздамайтыны жоқ. Және ерте жастан артроз, остеохондроз, грижа, буын ауруларының азабын тартып, төсекке таңылып жатыр. Мұндайда дерттің нүктесін тауып ауруды ыдырату үшін медициналық массаждың көмегі ауадай керек-ақ. Қазіргі күні емдеудің осы түрін кәсібіне айналдырып, халық саулығы жолында қызмет етіп отырған жандар бар. Солардың бірі – Аягөз Ералиева.Аягөз Арал қаласының тумасы. Ол есепшілік мамандықты еншілеген жан. Бірақ уақыттың ағымымен жүрек қалауы мен қол ептілігі медициналық массажға деген қызығушылықты оятты. Осылайша ол 2022 жылдан бастап түрлі дертті болған жандарды қол шипасы арқылы емдеп алғысына бөленіп жүр.&nbsp;<blockquote>– Бұл да кез-келген адамға беріле бермейтін тылсым қасиет. Қолдағы энергия арқылы өзге бір адамның бебеулеткен науқасын дөп тауып, оны айықтыруға&nbsp; бар күшіңді саласың. Әдетте бұл түрлі екпелер арқылы емес, денеге қол күші арқылы массаж жасаумен жүзеге асады. Ең алғашқыда мен бұл салаға келемін деп мүлде ойлаған жоқпын. Бірақ мені бір тылсым күш осылай жетелеп тұрды. Кейін анам грижада жүре алмай сал болып қалған кезде оны аяқтан тұрғызу үшін барымды салуым керек болды. Осылай өзімнің массаждың қыр-сырын қалай меңгеріп алғанымды өзім де аңғармай қалдым. Кейін биоэнергиялық күміс қолғаппен жасайтын болдым, – деген кәсіпкер осы салаға өзінің қалай келгендігін айтып берді.&nbsp;</blockquote>Осылайша Аягөз анасын аяққа тұрғызған соң массаж саласын терең меңгеруді мақсат етіп, Ақтөбе қаласына барып арнайы оқып қайтады. Кейін де білімін жетілдіру мақсатында мамандардың курстарына қатысып жан-жақты шыңдала түседі. Сонымен қоса биоэнергиялық күміс қолғап аппаратын сатып алып халыққа қызмет көрсете бастады.&nbsp;<blockquote>–&nbsp; Негізінен бұл массажды жүкті әйелдер мен 1 жасқа дейінгі балаларға жасауға болмайды. Көбіне буын ауруларына, аяққа тұз жиналған, бел грижасына ұшырған адамдар менің қызметіме жүгініп жатады. Мақтанғаным емес біраз адам дертінен айығып, батасын беруде. Курс 3 кезеңнен тұрады. Бірінші кезең 10 күнге созылады. Сонан соң аз уақыт демалған науқас келесі курстарды ала бастайды. Кейбір адамдарда бірінші кезеңде нәтижеге қол жеткізіп жатады. Олар кейінгі екі курсты қажетсіз деп табады. Бірақ емді толық алған дұрыс, – дейді массажист маман.&nbsp;</blockquote>Аягөз жуырда көршілес Қазалы қаласы мен Төретам кентіне сол жақтағы тұрғындардың шақыруымен барып қайтқанын айтады. Ондағы халық массаж маманының емін қабылдап, өз дертінен айыққанға ұқсайды. Тіпті 1,5 жастағы аяғын баспай, жүрмей қалған бүлдіршіннің буындарына тиген салқынды биоэнергияның көмегімен сейілтіп, тәй-тәй бастырған.&nbsp;Кәсіпкер халық денсаулығын көздеген бұл кәсібіне қажетті құрылғыларды өз қаражаты есебінен алған. Кәсіпкерлерге мемлекет тарапынан берілетін қайтарымсыз гранттар мен басқа да түрлі жеңілдіктерді алуға «бағым шаппай келеді» деп қалды өз сөзінде.&nbsp;Өзі жас болса да көпбалалы ана атанып, отбасылық бақытқа бөленумен қатар, кәсібін дөңгелетіп, халықтың батасын алып отырған кейіпкеріміз алдағы уақытта өзінің білім білігіне одан әрі жетілдіре түсуді мақсат етуде. Және ол үшін таяққа сүйеніп, төсек тартып дәрменсіз болып қалған жандардың шамшырағын жағып, алғысын алудан асқан бақыт жоқ.

Аралдық кәсіпкер алғысқа бөленуде

«СКЗ-U»: Өндірісті өңірдің өрісі кең

<a href="https://kyzylorda-news.kz/">Kyzylorda-news.kz</a> &nbsp;Оқырмандарымызға тереңөзектік Айымжан Нұрлановамен өрбіген сұхбатты ұсынамыз. Айымжан еліміздің күрделі саласы авиацияда қызмет ететінін айцта кетейік.– Айымжан Нұрланқызы, Сырдария ауданының түлегі ретінде біз шалғайда жүр­ген түлектерімізбен әрдайым мақтан етеміз. Жоғарғы білім алып, еліміздің түкпір-түк­пірінде қызмет етіп жүрген жерлестеріміз жайын­да үнемі жариялап отыру дәстүрге айнал­ған. Алғашқы сұрақ туып-өскен жеріңіз, балалық шағыңыз несімен қымбат? Оқыған мектебіңіз, ұстаздарыңыз туралы толығынан айтып берсеңіз…– Ең алдымен елден шалғайда жүрген түлек ретінде кұрметтеп сұхбат алып жатқандарыңызға шын жүректен алғыс айтқым келеді. Сіздерден түскен ұсынысқа шыны керек, риза болып отырмын. Қай жақта, қай тарапта жүрсек те туған жер кімге болса да ыстық. Сондықтан менің көңілімнен, жүрегімнен киелі Тереңөзек бір сәтке де шыққан емес. Балалық шағым Майжарма каналына жақын орналасқан туған үйімде өтті. Әкем Кенжеғұлов Нұрлан мен анам Әбішева Шырынкүлдің сүт кенжесімін. 1999 жылы 6 қарашада дүниеге келдім. Туып-өскен шаһарым жайында ақын Мұхтар Сақтаповтың мына өлең шумағы жадымда жатталып қалды:«Тереңөзек – терең жатқан жер төсі,Тереңөзек – Сырдың сұлу еркесі.Тереңөзек – ән мен жырдың Отаны,Тереңөзек – таланттардың өлкесі». Бұл менің туған жерге деген сағынышымды басатын, туған жеріммен мақтанатын қасиетті өлең шумағы десем қаталеспеймін.Оқыған мектебім – №36 Ә.Тәжібаев атындағы мектеп-лицейі екені мақтанышпен айта аламын. Отбасымызда үш перзент болып өскен едік. Ағам мен әпкем қазақ мектебінде оқыған. Ал мені әкем өз қалауымен орыс мектебіне берді. Біз алаңсыз бақытты балалық шақты басымыздан өткіздік, ештемені уайымдамастан ержеттік. Әттеген-айы биыл ардақты әкем мәңгілік сапарға кетті. Әлі балаларының қызығын көргенде деген арманымыз бар еді, амал қанша, Алланың қалауына қарсы келер шама бар ма?..Мектепте оқу озаты болдым деп айта алмаймын. Бірақ ұстаздардың берген білімін барынша тоқып, санамызға құйған едік. Сүйікті ұстаздарым жайлы айта кетсем, бастауыш сыныптағы алғашқы ұстазым – Наталья Анатольевна Кырлиг керемет жан. Өте керемет, білікті ұстаз, өз мамандығының шебері. Жүрегі ашық, қарапайым, адамгершілігі мол, мейірімді жан. Барлық ұстаз шәкірт үшін қымбат, дегенмен тарих пәнінен сабақ берген ұстазым, марқұм болып кеткен Ғалымжан Сағындықовты ерекше айтар едім. Тарих десе "ішкен асын жерге қоятын" өте білімді ұстаз еді. Сондықтан болар осы пәнді ерекше сүйіп оқыдым. Тағы есімде қалғаны қазақ тілі сабағы. Ұстазым Зәуре Аманшейтованың түсіндіргені керемет болатын. Ана тіліне деген құрметіміз, тілді сауатты меңгеруіміз ұстазымыздың еңбегі. Ұстазымыз сондай мейірімді, жүзінен нұр төгіліп тұратын. Айта берсем жақсы көретін ұстаздарым көп, бәрі мен үшін орны бөлек жандар.– Балалық шақта есте қалған оқиғалар немесе қызықты естеліктер есіңізде ме?– Балалық шақта қатты есте қалған сәттердің бірі – ол әкеммен бірге тіс жасап үйренген кезім болатын. Әкем уйде жұмыс істегені көпшілік жақсы біледі. Әкемнің көзін көргендер біледі, ауылымыз мақтан тұтарлықтай, өз ісінің шебері болған әкем танымал тіс дәрігері болды. Бала кезімнен жанынан қалмай тіс салуға адам келсе, дереу қасында тұрып алатынмын. «Менде қарайыншы, менде істейінші» деп. Сонда әкем «жоқ, болмайды, кедергі жасама» деп айтпайтын. Бәрін көрсетіп, үйретуге тырысатын. Бала кезімде балабақшаға барған емеспін, бірақ сол балабақшаның орнын толтырған, қараушы мен күтушіден кем түспеген, ойнатып, өсірген, қамқорлық көрсеткен әпкем мен әкем болды. Бала кезімде сурет салғанды ұнататынмын, қолыма ақ парақ түссе болды, сурет салып отыра беретінмін.– Мамандық таңдауда кімнің кеңесіне жүгіндіңіз, ұстаздың ба, әлде ата-ананың ба немесе өз жүрек қалауыңызбен мамандық таңдадыңыз ба?– Отбасымыздың барлық мүшесін медицина саласы байланыстырады. Ағам Ерлан әкемнің жолын қуып тіс дәрігері болды. Анам санитарлық-эпидемиологиялық зертханада ұзақ жылдан бері еңбек етіп келеді. Әпкем Маржан да өз мамандығының шебері, ЖИТС орталығының қызметкері. Ал менің мамандығым мүлдем басқаша, авиациямен байланысты. Ерекше мамандықты таңдауыма әкем мен анам кеңес берді. Ойлана келе шешім қабылдап, жүрек қалауыммен Азаматтық авиация академиясына оқуға түсіп, төрт жыл бойы мамандандым. Ойдағыдай оқуымды бітіріп, қолыма дипломымды алдым.– Мектеп бітірушілерге құлаққағыс ретінде өз мамандығыңыз жайында ашып айтсаңыз. Алғашқы еңбек жолыңыз қалай басталды?– Жас түлектердің көбі елімізде мұндай оқу орнының барын біле бермеуі мүмкін. Өзім де бастапқыда мүлдем хабарсыз болдым. Жоғарыда айтып өткенімдей 2017 жылы Алматы қаласындағы Азаматтық авиация академиясына оқуға түстім. Академияның «Авиациялық қаупсіздік» факультетін таңдадым. Болашақ маман ретінде бұл мамандық иесі жер мен көктің қауіпсіздігіне жауапты.Бұрын таныстарым «қайда оқуға түстің?» деп сұрағанда, «Авиацияға» деп жауап беретінмін. Сонда таныстарым ең алдымен «бортсерігісің бе, әлде ұшқышсың ба?» деп сұрайтын. Ал мен өзімнің мамандығым туралы түсіндіруге жалықпайтынмын. Яғни авиация көптеген мамандыққа бөлінеді, көкте де, жерде де жұмыс істейтін қызметтері өте көп. Әрине, мен басында бортсерігі болғым келгенін жасыра алмаймын. Алайда оқуға түскен жылы бортсерігі болу үшін конкурс аяқталып қалған болатын. Бортсеріктерге оқытатын нақты факультет болмағандықтан конкурс ретінде өтетін. Сондықтан таңдаған мамандығым – әуежайда ұшаққа отырмас бұрын жолаушылардың өміріне ешқандай қауіп төндіртпей, басынан аяғына дейін тексеріп, ұшаққа отырғызу болып табылады. Бұл бортсерігі мамандығынан да жауапты жұмыстың бірі болып саналады. Себебі әрбір жолаушының қауіпсіздігін қамтамасыз ету ол үлкен еңбек. Алғашқы еңбек жолым Алматы халықаралық әуежайында басталған болатын.– Оқырмандарымыз үшін қызық сұрақ – қанша тіл және ұшақтың қанша түрін білесіз, ұшақ қанша шақырым биіктікте ұшады?– Бірнеше тіл білу – көптеген салаға өте қажет талаптың бірі. Өз бетіңше ізденіп немесе оқуын оқып тіл үйренуге де болады. Мен ең алдымен ана тілімде сөйлеймін және оны мақтаныш етемін. Мектепте оқыған орыс тілі, түрік, корей, ағылшын тілін де меңгергенмін. Ұшақ түрлеріне келер болсақ, әуе кемесінің түрлері өте көп. Санамалап айту мүмкін емес. Бірақ өз елімізде қазіргі уақытта қолданып, ұшып жүрген ұшақтардың түрін айтсам, «Боинг 767-300ER», «Эйрбас A320neo», «Эйрбас A321», «Эйрбас A321neo», «Эйрбас A321neo LR», «Эмбраер E190-E2», «Эйрбас A320» және т.б. Негізінен ұшақ 7000-13000 шақырым биіктікте ұша алады.– Отбасыңызға қайта оралсақ, ата-анаңыздың алдындағы перзенттік парыз дегенді қалай түсінесіз? Ол кісілерден алған өнегеңіз туралы толғанасыз ба?– Ең алдымен бізді дүниеге әкелген ата-анама алғыс айтамын. Өсіріп, тәрбие беріп, оқытқаны, ыстық ұядан ұшырғаны үшін құрметтеймін. Ата-ана үшін баласы қанша жасқа келсе де бала болып қалады емес пе?! Олар бізге өмір бойы қамқор болып, пана болып, біз үшін уайым жейді. Ата менен ананың алдында бала әрдайым қарыздар. Тіпті «Жеті рет Меккеге арқалап апарып келсе де, олардың алдындағы парызын өтеу мүмкін емес» деген сөз бар. Әрдайым «балам», «құлыным» деп жүрген кісілерге қандай жақсылық жасасақ та жарасады. Бауыр еті баласы үшін отқа да, суға да түсуге даяр ата-ана жаныңда мәңгі жүрмейтіні өкінішті.Сонымен қатар құласаң демеп, сүрінсең сүйеу болатын, қайғырсаң – мұңдасың, қуансаң – жолдасың бола білген бұл дүниеде бауырдан асқан, бауырдан жақын жан бар ма екен деп ойлаймын. Бауыр басқан, бауырмал болған қандай керемет сезім. Отбасыңда бірге туған бауырың болса, онда өмірің тіпті шаттыққа толады. Сол бауырыңмен бірге ойнап, бірге күліп, бір затқа таласып қалып, қайта татуласатын жандар болғанға не жетсін?! Бауырмал болу – ол сенің көпшіл болуың, ол сенің адамдармен жақсы қарым-қатынас жасауың, үлкенге құрмет, кішіге ізет көрсете алатыныңның белгісі деп айтуға болады. Қос бауырым мен үшін өте қымбат жандар, мен десе ішкен асын жерге қойып, көмек беруге әркез дайын тұрады. Біз қарапайым отбасында тәрбие алған балалармыз. Қазір барлығымыз сан тараптамыз. Тереңөзектің тумасы болғанымды мақтан етемін. Қаймағы бұзылмаған қазақы тәрбие алғаныма бақыттымын. Қазіргі уақытта өзіммен бірге оқыған, бір мамандықты алған семейлік азамат Асанәліге тұрмысқа шықтым. Отбасымызбен Семей қаласында тұрамыз. Кішкентаймыз Ескендір дүниеге келгендіктен декреттік демалыстамын. Көп ұзамай өз салама қайта оралуға дайынмын.– Сұхбатыңызға рақмет!Бибісара Жанәлі

Айымжан Нұрланова: Отбасымыздың мүшелері медицина саласының өкілдері 

<a href="https://kyzylorda-news.kz/">Kyzylorda-news.kz</a>&nbsp; Құқық бұзушылықтың алдын алу, балалар мен жасөспірімдердің өмірі мен денсаулығының қауіпсіздігін сақтау, қоғамдағы келеңсіз жайттардан сақтану, ішкі тәртіп талаптарын түсіндіру жұмыстарын жүргізу мақсатында Жалағаш ауданы полиция бөлімінің жергілікті полиция қызметі бөлімшесінің ювеналды полиция тобының учаскелік полиция инспекторы, полиция майоры Ж.Абдуайтов Ақсу ауылы №116 орта мектептің оқушыларының ата-аналарына және мектеп мұғалімдері мен оқушылар арасында түсіндірме жұмыстарын жүргізді.Кездесу барысында қазіргі таңдағы жасөспірімдер арасындағы мәселелерге кеңінен тоқталып, заң талаптары кеңінен түсіндіріліп, орын алып жатқан жасөспірімдер арасындағы құқық бұзушылық пен қылмыстық іс-әрекеттердің алдын-алу жолдарын таныстырып, құқық бұзған жасөспірімдерге қолданылатын шаралар және жазалар жайлы мағұлмат берді.&nbsp;Шарада жастар арасында әлімжеттік пен құқық бұзушылықтын алдын алу, «Кәмелетке толмағандардың арасындағы құқық бұзушылық профилактикасы мен тұрмыстық зорлық-зомбылықтың алдын-алу», білім алушылар арасында жаман әдетке үйір болмау, түнгі рейдтер туралы, ішкі тәртіпке бой ұсыну, темекі, ішімдік заттарынан аулақ болу, бір-біріне үстемдік жасамау сияқты жаман әдеттердің алдын-алу тақырыбында әңгіме өрбіді. Әсіресе, бопсалау сынды теріс әрекеттерге барудың аяғы жақсылыққа апармайтындығы баса айтылды. Жамандыққа бармаудың жолы бос уақытты тиімді пайдалану екенін түсіндірді.Сонымен қатар, «Құқық бұзушылыққа, қылмысқа және кәмелетке толмағанға қарсы жасалған қылмысқа жол бермеу, интернет қауіпсіздігі мен кибербуллинг, лудомания, нашақорлықтың, зорлық-зомбылықтың алдын-алу» тақырыбында еркін формата түсіндіру жұмысын жүргізді.&nbsp;Шараның басты мақсаты − &nbsp;жастардың &nbsp;адам тәрбиесі мен қоғам тәрбиесіне байланысты көзқарастарын дұрыс қалыптастыра отырып, болашақта ұрпақ қамын, тағдырын ойлайтын қоғамның мүшесі болуларына жағдай жасау болып табылады.&nbsp;Кездесу соңында аталған мәселелер бойынша оқушылар сала мамандарына қызықтырған сұрақтарын қойып, оларға нақты жауаптар алды.&nbsp;

Жасөспірімдер арасындағы құқық бұзушылықтың алдын-алу бағытында түсіндірме жұмыстары жүруде

Қызылордалықтар қайда емделеді?

Заң аясында Қызылорда облысындағы мектептерде ұялы телефон шектеу қойыла ма?

<a href="https://kyzylorda-news.kz/">Kyzylorda-news.kz</a>&nbsp;Озық ойлы ұлт болу үшін бүкіл қоғам сана-сезімін өзгертіп, жаңа құндылықтарды орнықтыруы керек. Әрбір қазақстандық «Адал азамат» деген атқа лайық болуы тиіс. Мемлекет басшысы Қасым-Жомарт Тоқаев қоғамдағы жауапкершілік, әділеттілік принциптері туралы жиі айтады. Расында салғырттық жайлаған елде даму, өсу болмайды. Адамның бойындағы әдет-дағдылар бала кезден қалыптасқандықтан, жауапкершілікті сезінуді балаға ерте жастан үйреткеніміз абзал. Мемлекетіміз жас ұрпақ тәрбиесіне ықпал ететін шараларға баса мән берді. Мемлекет басшысы «Адал адам – Адал еңбек – Адал табыс» атты үшінші отырысында:&nbsp;<blockquote>– Адал азаматқа тән қасиеттер әрбір жастың бойынан табылуы керек. Ұлттың жаңа болмысы білім, ғылым және мәдениет саласын дамыту арқылы қалыптасады. Осы үш бағытты рухани даму саласындағы жұмыстың мызғымас үштағаны деуге болады. Біз ұрпақ тәрбиесіне баса мән беріп, жастарды жақсылыққа жетелеуіміз керек. Бүгінгі интернет дәуірінде бұл оңай шаруа емес. Ашығын айтсақ, қазір жас ұрпақ әлеуметтік желі арқылы тәрбие алуда. Баланы дұрыс бағытқа бұрып, жол көрсетіп отырмасақ, бұл – өте қауіпті үрдіс. Ғаламтор арқылы жат діни ағымдардың құрығына түскен жастар да бар. Ұрпақтың бойында жаман әдет болса, бұл – ең алдымен, үлкендердің кінәсі. Біз жастарды жаһанданудың қатерлі ықпалынан барынша сақтауға міндеттіміз, – деп мәселе көтерген болатын.&nbsp;</blockquote>Осы орайда Шиелі ауданы әкімдігінің қолдауымен облыстық Қазақстан Халқы Ассамблеясының ұйымдастыруымен «Сыр өңірі – бейбітшілік пен келісім мекені» жобасы аясында көш керуені Ақмая ауылына табан тіреді.&nbsp;Ең алдымен қонақтар Ақмая ауылдық клуб үйінің ауласына тал отырғызу рәсіміне қатысты. Ұлттық құндылықтарды дәріптейтін көрмемен танысып және «Адал адам» мәдени-тәрбие беру орталығының тұжырымдамасына сәйкес, «Әлем Book» жобасы бойынша «Қазақ әдебиетінің жарық жұлдызы» атты кітап көрмесін тамашалап, Ә.Тәжібаевтың шығармаларын талқылады. Содан кейін арнайы құрылған топ мүшелері «Әділетті Қазақстан – Адал азамат» тақырыбында ауыл тұрғындары және мектеп оқушыларымен кездесу өткізді.&nbsp;Аталған жиында облыстық «Қоғамдық келісім» КММ-нің директорының орынбасары, ақпараттық түсіндіру тобының жетекшісі Дәулет Кәрібайұлы, бөлім басшысы Мұхтар Айшықұлы, аудандық Ақсақалдар кеңесінің төрағасы Исабек Сәрсенбайұлы, Шиелі ауданының қоғамдық даму бөлімінің басшысы Кенжехан Шахизатұлы адал ұрпақ тәрбиелеудің маңыздылығына тоқтала келе, қоғамдағы ізгіліктің бәрі адалдықтан бастау алатынын сөз етті.&nbsp;«Әділетті Қазақстан – Адал азамат» ұғымдары ел тірегі болатын егіз құндылық ретінде әрдайым қатар тұруға тиіс. Әділетті Қазақстанды құру үшін әрбір отандасымыз адал азамат болуға ұмтылуы қажет. Сонымен бірге жас ұрпақты адал азамат етіп тәрбиелеуіміз керек. Ұлттық бірегейлігімізді нығайтып, еліміздің жаңа құндылықтарын орнықтыру үшін жүйелі жұмыс жасалуы және қазіргі жастардың телефонға телмірмей кітап оқуды әдетке айналдыру керек екенін айтып өтті.&nbsp;Ақпараттық түсіндіру тобының мүшесі, «Қоғамдық келісім» КММ бөлім басшысы Мұхтар Айшықұлы:<blockquote>– «Дамудың сыры – бірлікте, табыстың сыры – тірлікте» демекші, өрлеудің жаңа деңгейіне көтерілу үшін біз бір мақсат, бір мүдде жолында еңбек етуіміз керек. Біздің Отанымыз – ортақ, тілегіміз – бір , мақсатымыз – жалғыз. Ендеше, әрдайым бірлікте болып, әділетті Қазақстанды бірге құрайық, – деді.&nbsp;</blockquote>Кездесу соңында жиынға қатысушылар сұрақтарын қойып , №49 қазақ орта мектебінің 8-11 сынып оқушылары Қорқыт ата атындағы Қызылорда университеті, құқықтану кафедрасының аға оқытушысы, заң ғылымдарының магистрі Қуаныш Жақсылықұлына мамандық таңдауға байланысты сауалдарын қойып, тұщымды жауап алды.&nbsp;Ақмая ауылына арнайы ат басын бұрып келген топ мүшелеріне ауылдық ақсақалдар кеңесінің төрағасы Кенжетай Палмағамбетов алғысын айтып, дәстүрге сай батасын беріп, шығарып салды.

Шиелідегі көш керуені Ақмаяға табан тіреді

<a href="https://kyzylorda-news.kz/">Kyzylorda-news.kz</a> Әлеуметтік жаңғырудың жаңа кезеңіне қадам басудың бір тетігі – мәдениет саласын өркендету. Елдің рухани дамуы мен кемелденуі мәдениеттің қарқынды дамуымен ұштасып жатыр. Жалағаш ауданында да мәдениет пен өнерді қатар алып жүрген өнерпаздар жетерлік. Кешегі аптада Алматыда өткен ІІІ республикалық жас өнерпаздар конкурсында жалағаштық жас өнерпаздар топ жарды.Мәдениет пен өнер – өмірдің ажы­рамас бөлігі, еліміздің мемлекеттік саясатының басым бағытының бірі. Алматыда өткен ІІІ республикалық жас өнерпаздар конкурсының да мақсаты – ел мәдениетін асқақтататын жас өнер­паздардың талабын шыңдау.<blockquote>– Байқау 19 сәуір күні таңнан кешке дейін болды. Шымкент, Тараз, Ақтау, Алматы және тағы басқа қа­лалардан өнерпаздар көп келді. Әр аймақтың намысын қорғауға бел буған өнер­паздардың барлығы өте үлкен дайындықпен келген. Бірақ біз де өзімізге сенімді болдық. Себебі біз алып келген өнерпаздар да осал емес еді. Қобалжып жүргенімді байқады ма, бір оқушымыз келіп «уайымдамаңыз, біз бас жүлдені иеленеміз» деп өзінің қолдауын білдіріп қойды. Осылайша шаршадым демей, кешке дейін әр өнерпаз өзінің бағыты бойынша өнер көрсетті. Нәтижесінде расымен әлгі оқушымның айтқаны келіп, жүлделі орындарды біз иелендік, – деп қуанышымен бөлісті жас өнерпаздарға жетекшілік еткен Айда Рысмахан.</blockquote>«Өнер әлемі» продю­сер­лік орта­лығы және «Жеті өнер» шығар­ма­шылық орталығының ұйым­дас­ты­руымен өткен конкурсқа еліміздің бар­лық облысы мен қаласынан бағы мен бабы келіскен мық­тылар келген. Жалпы конкурс көр­кемсөз, хореография, ас­пап­та орын­дау­шылық өнері және дәс­түрлі ән мен бей­нелеу өнері деген 5 бағыт бо­йынша өтті. Жерлестеріміз әр бағытта осалдық танытпай, жүлдегер атанып, топ жарды. Аққұм ауылдық клубы жанынан құ­рылған «Сырлы сөз» көркемсөз үйірмесінің өнерпазы Аяулым Алпысбай және Алмат Жансұлу Доспан Даражаның же­текшілігімен көркемсөз оқудан бас жүлде иеленді. Сонымен қатар осы ұс­таздың жетекшілігіндегі Асылхан То­мирис пен Айару Сабыр және Данияр Айтуған да жүлделі І орынға ие болды.«Көңілді ноталар» ән үйірмесінің өнер­пазы Аяулым Ізбасар Айгүл Тұра­баеваның жетекшілігімен «Алтын бе­сік» өлеңін айтып, бас жүлдені қанжы­ға­сына байлады. «Ақмаржан» қо­л­өнер үйірмесінің өнерпазы Абай Кө­шер­бекұлы қолөнер сайысына үйдің ма­кетін жасап, бас жүлдеге және «Бал­дәурен» домбыра үйірмесінің өнер­пазы Нұрасыл Өмірбекұлы Аида Рыс­ма­ханның жетекшілігімен домбыра тарту сайы­сында жүлделі І орынмен мара­патталды.&nbsp;<blockquote>– Мен ХХІ ғасырға сай етіп қосқабатты үй макетін жасадым. Қазақи нақышты басты рөлге қойып, үйдің іші-сыртын ою-өрнектермен безендірдім. Қазіргі болып жатқан зілзала, яғни жер сілкінісіне сай етіп жасадым. Яғни барлық жақты қамтуға тырыстым. Өзім үй салуға, түрлі жобалар сызуға қызығамын. Қазір 8-ші сынып оқимын, болашақта Өнеркәсіп және Құрылыс министрі болсам, дәл осы үлгімен, дәл осы мекеттегі үйлерді салуды жос­парлап жүрмін. Бұл – алғашқы ма­кетім, сәтті шықты. Енді қазір Өз­бекстан елінде өтетін жарысқа дайын­далып жатырмыз, – дейді қолөнер бағытында бас жүлде иеленген Абай Көшербекұлы.</blockquote>Аудан намысын қорғаған жас өнер­паздардың жетекшілері Даража Доспан көркемсөз оқудан, Аида Рысмахан ас­папта орындаудан және Айгүл Тұра­бае­ва ән айтудан «Үздік жетекші» номинациясына ие болды.Ауданда дәл осындай жас өнер­паздар тәрбиеленіп жатқаны қуан­тады. Жас өнерпаздардың әлі де ба­ғын­дырар биігі, алар асуы көп. Осы бағыттағы қадамына сәттілік тіледік.

Жалағаштық өрендер топ жарды

<a href="https://kyzylorda-news.kz/">Kyzylorda-news.kz</a>&nbsp; Жуырда «Анаға тағзым» отбасын қолдау орталығында «Amanat» партиясының «Қарызсыз қоғам» жобасы аясында тұрғындардың қаржылық сауаттылығын аттыру бойынша 5 күндік курсы басталған болатын. Курстың басты мақсаты – қатысушыларға отбасылық бюжетті жүргізу, шығындарын басқару, несиелік қарыздарды мерзімінен бұрын өтеу бойынша ұсыныстар алу, тиімді шарттармен несие таңдау, депозиттердің әр түрлі шарттарымен танысу, ірі сатып алуларды жоспарлау сияқты көптеген дүниелер үйрету.Бүгінде Қаржылық сауаттылығын арттырған қыз-келіншектерге, әйел-аналарға сертификаттар табысталды.Курсқа 70-ке жуық әйел-ана қатысты. Бюджеттік кірістер мен шығыстарды жоспарлап, қаржы жинақтау тетігін үйреніп, түрлі мемлекеттік несиелер мен гранттар туралы мәліметке қаныққан қатысушылар курстан алдағы өмірлеріне қажетті мол азық алды.Бұл сертификат арқылы енді олар мемлекеттік бағдарламаларға қатысуға мүмкіндік алып отыр. Мақсаттарын айқындап алған соң, бизнес-жоспар құрып, қарызсыз өмір сүруге бейімделуге ниетті.&nbsp;Айта кету керек, курсты эксперт, бизнес-тренер Гүлжаһан Алтаева жүргізде. Алғашқы сабақта әйелдерге өз қаржыларын тиімді жұмсап үйрену, ақшаны мақсатты дұрыс қолдану және жоспар құру тетіктері түсіндірді. Сондай-ақ, курс барысында қаржы сарапшылары жеке консультациялар өткізіп, қатысушылардың қалауы бойынша өз бизнесін ашу үшін мемлекеттік гранттық және кредиттік бағдарламаларға бизнес-жоспар жазуға көмектесіп, кеңестерін ұсынды. Оған қоса қатысушылар заңгердің көмегіне сүйеніп, өздерін мазалаған сұрақтар бойынша заңдық тұрғыда кеңесін алды.<blockquote>− Өздеріңіз білетіндей, «Amanat» партиясы «Қарызсыз қоғам» жобасын жүзеге асыру жөнінде тың бастама көтерді. Президент Қасым-Жомарт Тоқаев оны қолдап, оның ауқымын жалпыхалықтық деңгейге шығаруды тапсырды. «Қарызсыз қоғам» жобасы қарызға белшеден батып, үмітін үзгендерге нақты қолдау көрсетеді. Жоба қолда бар қаражатқа өмір сүруге, қажетсіз несиеден бас тартуға, &nbsp;қаржылық тұрғыдан сауатты болуға үйретеді. Осы ретте шараға қатысқан қыз-келіншектерге алғысым шексіз. Олардың үйренуге, білуге деген талпыныстары адамды қанаттандырады, әрі қуантады , – дейді Гүлжаһан Алтаева.</blockquote>&nbsp;

Қаржылық сауаттылықты арттыруға бағытталған бірден бір бастама

<a href="https://kyzylorda-news.kz/">Kyzylorda-news.kz</a>&nbsp; М.Мәметова атындағы Қызылорда педагогикалық колледжі «Мектепке дейінгі тәрбие және оқыту» мамандығының МДБ-Т-20 оқу тобы машықтанушыларының дипломалды тәжірибе жинақтау жұмысы "Умай" Мектепке дейінгі балаларды тәрбиелеу және сауықтыру қайырымдылық&nbsp;үйі" жанындағы балабақшасы базасында өтті.&nbsp;Дипломалды практика мақсаты - білім алушылардың алған теориялық білімдерін мектепке дейінгі ұйымның оқу үрдісінде практика барысында іске асыру. Ойын іс-әрекеті барысында білім беру, тəрбиелеу, дамытушылық міндеттерді кіріктіре отырып ұйымдастыру.Бітіруші студенттер дипломалды&nbsp; тәжірибесі барысында “Ұстаным мен шеберлік”, «Бала тәрбиесіндегі лайфхактар», «Сабақта қолданылатын тиімді әдіс- тәсілдер» тақырыбындағы әдістемелік сағаттарға қатысты. Ата- анамен, педагогикалық ұжыммен, балалармен қарым –қатынас&nbsp;жасаудың формалары мен стильдерін түрлі педагогикалық жағдаяттар барысында шешімін тауып,&nbsp; білікті, өз ісінің шебер мамандарының&nbsp; тәжірибелік алаңдар мен шеберлік сағаттарына қатысып, мол тәжірибе жинақтады. Сонымен қатар, «Мақал- сөздің азығы, жұмбақ- ойдың қазығы» тақырыбы аясында өткен №6 аймақтық әдістемелік семинарға қатысып, асық ойындарының түрлері: «Омпа», «Құмар», «Алшы», «Бес асық» ойындарын семинарға қатысушыларға үйретіп, іс-әрекеттер барысында ұлттық ойындарды пайдаланудың&nbsp; тиімді жолдарын көрсетті.&nbsp;Дипломалды практика – болашақ маманның&nbsp; кәсіби дайындығының сапасы мен деңгейін анықтайтын шешуші кезең.

Білікті маман заман сұранысына ие

<a href="https://kyzylorda-news.kz/">Kyzylorda-news.kz</a>&nbsp; ҚР Әділет министрлігі жанындағы «Ұлттық зияткерлік меншік институты» мен Қорқыт ата атындағы Қызылорда университеті арасында жасалған келісім негізінде, Қызылорда облысында алғашқы «Технологиялар мен инновацияларды қолдау орталығының» ресми ашылу салтанаты болып өтті.&nbsp;Оған ҚР Әділет министрлігі жанындағы «Ұлттық зияткерлік меншік институтының» өкілдері, Әділет департаментінің, Кәсіпкерлер палатасының, Қорқыт ата атындағы Қызылорда университетінің басшылығы мен оқытушы-профессорлар құрамы қатысты.&nbsp;Шараның екінші кезеңінде өнертапқыштардың, технологиялық кәсіпорындардың қатысуымен «Технологиялар мен инновацияларды дамыту мүмкіндіктері» атты дөңгелек үстел өтті. Шара барысында Әділет департаментінің басшысы И.Бакишева, Кәсіпкерлер палатасының директоры П.Сыздық, ҰЗМИ директорының орынбасары А.Артықова және ҰЗМИ өкілдері А.Батырбекова, Н.Бақтыбаева, А.Ілиясова баяндама жасап, тақырып аясында талқылаулар мен ұсыныстар айтылды.Іс-шараның үшінші кезеңі семинар тренинг нысанында өткізілді. Онда ҰЗМИ өкілдері Н.Бақтыбаева, А.Ілиясовалар пайдалы модельге және өнертабысқа патент алу, патенттік деректер базасында іздеу жүргізу, географиялық нұсқаманы тіркеу үшін өтінім беру рәсімдерін тәжірибе ретінде көрсетіп, іс жүзінде пікір-алмасулар болып өтті.Қорқыт ата атындағы Қызылорда университеті жанынан ашылған «Технологиялар мен инновацияларды қолдау орталығы» алдағы уақытта жаңа идеялар мен технологиялардың, тәсілдердің жарыққа шығатын орнына айналмақ. &nbsp;

Өңірде технологиялар мен инновацияларды қолдау орталығы ашылды

<a href="https://kyzylorda-news.kz/">Kyzylorda-news.kz</a>&nbsp; Бұл туралы облыстық полиция департаменті хабарлайды. Осы жылдың І тоқсанының қорытындысымен 45 есірткі қылмысы тіркелген (оның ішінде өсіру - 1, өткізу - 7, аса ірі көлемде сақтау- 1 , жарнамалау- 1) . Заңсыз айналымнан 1 кг 996 гр есірткі заты алынған, оның ішінде 24,812 гр. синтетикалық есірткі заттары тәркіленді. Есепті мерзімде есірткі қылмысын жасағаны үшін барлығы 154 адам қылмыстық жауапкершілікке тартылды.Жүргізілген жедел іздестіру шаралар барысында үй ауласындағы жылыжайдан сора өсімдігін өсіріп марихуана өндірген қала тұрғыны құрықталып, фитозертхана анықталып, тінту барысында 214 түп сора өсімдігі мен 5 кг.-нан аса марихуана және «гашиш» есірткі заттары дәлелдеме ретінде алынды. Есірткінің синтетикалық түрін анықтау мақсатында жүргізілген жедел іздестіру іс-шараларының нәтижесінде «меф» және «a-PVP» синтетикасын аса ірі мөлшерде тасымалдаудың 2 дерегі анықталып, Қызылорда, Ақмола және Ақтөбе облыстарының тұрғындары құрықталды. Сонымен қатар, адам ұрлау және бопсалау деректері де анықталып, қазіргі уақытта тергеп-тексеру әрекеттері жүргзілуде.&nbsp;Облыс орталығында полицияның кешенді күштерімен күнделікті нарядтарда көп қабатты үй аулалары, гараждар мен құрылыс аумақтары арасында тексеру жұмыстары үнемі жүргізіліп, жедел басқару орталығының бейнекамералары арқылы шолу жұмыстары жүргізіліп, есірткі жарнамалаудың 1 дерегі анықталды.

Қазақстан және Қызылорда облысының жаңалықтары