<a href="https://kyzylorda-news.kz/">Kyzylorda-news.kz</a> &nbsp;Балаларды нашар бағалары үшін ұрысып, жазалауға бола ма? Тұрмыстық зорлық-зомбылыққа қарсы жаңа заң кімге бағытталған? Заң 2024 жылдың 16 маусымынан бастап күшіне енеді. Алайда бұл түзетулерден ең қатты қорқатын агрессор-зорлықшылар емес, қарапайым ата-аналар болып шықты. Бұл туралы <a href="https://stan.kz/kizdi-auildan-aksha-tabuga-kelgen-anasinin-tuisi-zorlap-399233/">Stan.kz</a> ақпарат агенттігі хабарлайды.Әлеуметтік желіде белгілі "Қазақстан ата-аналар одағы" қоғамдық бірлестігі елді алаңдатып жүрген мәселелердің бірін талқыға салды.2024 жылдың ақпан айында ішкі істер министрлігі әкімшілік полиция комитетінің басшысы Әсет Оспанов республика бойынша 6 мың ата-ана есепке алынып, 12 мыңы әкімшілік жауапкершілікке тартылғанын, 600-і ата-ана құқығынан айырылып, 340-ы шектелген.Еріктілер осы мәселеге қатысты бірнеше оқиғаны мысалға келтірді. Бала 6 ай бойы Алматы облысы Әли ауылының жанындағы полигонда тұрған.Патронаттық тәрбиеден қашып кетіп, анасының ұрған туралы хабарлаған. Оқушы бала 6 ай бойы мектепке де бармаған. Оған мұғалімдер де, қамқоршылар да алаңдамаған. 8 жасар баланың өгей әкесі оны ұрып-соғып, қайыр сұрауға мәжбүрлеген. Асырап алған анасы үшінші баласына аяғы ауыр болып үнсіз қала берген. Тіпті күйеуінің бұрын кісі өлтіргені үшін 20 жыл жаза өтеуі әйелді алаңдатпаған.Таяуда ғана бұл мәселеге қатысты іс қозғала бастады. Алматы облысының прокуратурасы, мектептер, қамқоршылық органдары, психологтар балалардың қауіпсіздігі күмәнді отбасыларды тексеруге бастама көтерді. Үш ай бойы тексерілген істе 170 бала анықталды. Олардың жартысы көбі қазірдің өзінде алкоголь мен есірткі тұтынған. Енді пилоттық жобаны республика көлемінде қолдану туралы шешім қабылданып отыр."Әділ" қоғамдық қорының жетекшісі Оксана Маралова балалардың салған суреті маңызды рөл атқаратынын айтады. Осылайша, мектеп оқушыларына отбасының суретін салу ұсынылып, кейін олар жұмысты психологтарға көрсетті."Бізге үш айдың ішінде балаларға зорлық-зомбылық көрсеткен бес мың оқиға келіп түсті. Бір қызды ауылдан ақша табуға келген анасының туысы зорлап кеткен. Тағы біреуін түнде жатақханадағы көршісі қолмен ұстап алып, баланың бөлмесіне кіріп кеткен. Кейбіреуінің анасы қызына "өтірік айтпа!" десе, енді бірінікі "қызын бір бөтелке үшін еркектердің қойнына салып бергені" туралы айтқан", –&nbsp;деп түсіндірді ерікті.Оксана Маралованың айтуынша, кәмелетке толмағандар істері жөніндегі сотқа жіберілген 100 істің үшеуі ғана қаралады екен. Қалғандары одан әрі өндіріске қамауға алуға жіберілді дейді ерікті."Қамқоршылық ұйымдарының сөзінше, бұл ата-аналар жөнге келген. Шындығында, әлеуметтік қызметкерлер бұл отбасыларға бармайды. Керісінше, қамқоршылық ұйымдарының "арқасында" балаларды өлтіру және зорлау фактілері көбейіп жатыр. Ата-аналар уақытында істі қозғамайды. Мысалы, 2023 жылы қараша айының соңында Қаскелеңде алкогольдік интоксикациядан нәресте көз жұмды. Есірткі тұтынатын ананы үш айлық баласымен емін-еркін қалдырып кете берген", –&nbsp;деді Оксана Маралова.Еске салайық,&nbsp;Алматы облысында өз қыздарын зорлады деп айыпталған ер адамның қылмыстық ісі бойынша&nbsp;сот басталғаны туралы жаздық.&nbsp;2023 жылы көктемде Алматы облысында&nbsp;екі қыз әкесі оларды 10 жыл зорлап келгенін айтып, шағымданды. Осыдан соң ер адам қамауға алынды. Ал қыздар қорғаныш ретінде бақылауға алынған. Жәбірленген қыздардың мүддесін заңгер Айман Омарова қорғайды.Фото: pixabay

Қазақстанда 600 ерлі-зайыпты ата-ана құқығынан айырылған 

<a href="https://kyzylorda-news.kz/">Kyzylorda-news.kz</a> &nbsp; 2024 жылдың 25 сәуіріне қараған түні бірыңғай жедел телефон нөміріне (112) Атырау облысы, Индербор кентіндегі бес қабатты үйдің терезесінен түтін шыққаны туралы ақпарат түскен. Бұл туралы <a href="https://stan.kz/atirau-oblisinda-ort-saldarinan-eki-bala-kaza-tauip-ana-399234/">Stan.kz</a> ақпарат агенттігі хабарлайды.Өрт сөндірушілер екінші қабаттағы пәтердің өртенгенін анықтады.Төтенше жағдайлар департаментінің қызметкерлері жатын бөлмесінен он және жеті жасар балалардың мәйітін тапты.Олардың анасы мен 1994 жылы туған азамат&nbsp;ес-түссіз күйде болған. Зардап шеккендер орталық аурухананың жансақтау бөліміне жатқызылды.Өрт сөндіріліп болған соң оқиғаның себептерін анықтау үшін Атыраудан өрт-техникалық зертхана келді.Фото: Нұрболат Нұржаубай

Атырауда өрт салдарынан екі бала қаза тауып, анасы жансақтау бөліміне жатқызылды

<a href="https://kyzylorda-news.kz/">Kyzylorda-news.kz</a> 2023-2024 оқу жылын 3,8 млннан астам қазақстандық оқушы аяқтайды, оның 186 мыңы мектеп түлектері, деп хабарлайды<a href="https://kaz.zakon.kz/kogam-tynysy/6041573-azastandy-mektepterde-ou-zhylyny-ayataluyna-arnalan-bryay-synyp-saaty-ted.html"> Zakon.kz</a> Оқу-ағарту министрлігінің баспасөз қызметіне сілтеме жасап.Биылғы оқу жылының ұзақтығы 34 аптаны құрайды, оқу 25 мамырда аяқталады.<blockquote>"Су тасқынынан орын алған жағдайға және 25 мамырдың демалыс күніне сәйкес келуіне байланысты 24 мамыр күні барлық мектептерде сабақта 2023-2024 оқу жылының аяқталуына арналған сынып сағаты ұйымдастырылады. Онда сынып жетекшілері оқушылармен бірге өткен оқу жылын қорытындылайды. Су тасқыны болған өңірлердегі сабақ қашықтықтан ұйымдастырылған балалар үшін сынып сағаттары онлайн форматта болады" - деді Тәрбие жұмысы және қосымша білім беру департаменті директорының орынбасары Қарлығаш Құрманбекова.</blockquote>Сурет: Нұрболат Нұржаубай

Қазақстандық мектептерде оқу жылының аяқталуына арналған бірыңғай сынып сағаты өтеді

<a href="https://kyzylorda-news.kz/">Kyzylorda-news.kz</a> &nbsp;Шиелі ауданына жұмыс сапары кезінде облыс әкімі Нұрлыбек Нәлібаев Жансейіт, Ақтоған ауылының тұрғындарымен кездесті. Халықтың талап-тілегін тыңдап, сауалдарына жауап берді.Биыл Шиелі ауданының бюджеті 15,8 млрд теңгеге жетті. Бұл қаражат ауқымды инфрақұрылымдық жобаларға бағытталуда. Басты мақсат – халықтың тұрмыс қажеттілігін, яғни жол, су, жарық, газ мәселесін шешу. Осы жылы Қызылорда облысында 12 елді мекен «көгілдір отынға» қосылады. Наурыз мерекесі қарсаңында Шиелі ауданының Бестам, Телікөл ауылдарына, бүгін Ақтоған және Алмалы ауылдарында табиғи газ жеткізілді.Кейінгі кезде тұрғындар тозығы жеткен электр желілеріне қатысты түйткілді кездесулерде жиі көтеретін. Осы орайда, Шиелі кентіндегі электр желілерін қайта құрылымдауға өткен жылы 100 млн теңге, биыл 619 млн теңге қаржы қаралып, ескірген трансформаторлар мен желілер ауыстырылуда. Жобалық құны 4,5 млрд теңге болатын Шиелі кентіндегі қосалқы станцияны қайта жаңғыртуға Ұлттық қор есебінен 1,5 млрд теңге бөлінген.«Ауыл – ел бесігі» жобасы аясында Бидайкөл, Жиделіарық, Ә.Тәжібаев ауылдарының сыртқы электрмен қамту желілерінің құрылысына республикалық бюджеттен 153 млн теңге қаралды.Шиелі ауданында 3 млрд 250 мың теңгеге 21 шақырым жол жөндеуден өтеді. Оның ішінде, аймақ тұрғындары көптен бері мәселе етіп көтерген «Самара-Шымкент-Жөлек» жолы орташа жөнделеді. Аудандық маңызы бар «Шиелі - Қодаманов» жолындағы көпірді күрделі жөндеуге 311 млн теңге бөлініп, қазір жұмыс қарқын алған.Мемлекет басшысының бастамасымен қолға алынған «Ауылдық денсаулық сақтауды жаңғырту» ұлттық жобасы аясында Шиелі ауданының 5 елді мекенінде (Ортақшыл, Алмалы, Бестам, Ә. Тәжібаев, Тартоғай а/о) дәрігерлік амбулатория, Шиелі кентіндегі ауданаралық көпбейінді аурухана жанынан қосымша нысан салынады.«Жайлы мектеп» ұлттық жобасы аясында Шиелі ауданына 1 мектеп салу жоспарланған. Жансейіт ауылында жаңа мектептің құрылысы басталды. Шиелі кентінде спорт кешені мен Бестам ауылында 150 орындық ауылдық клубтың құрылысын бастау үшін тиісті қаржы бөлінді.Мұнан бөлек, барлық 7 ауданда музей, кітапхана, архив, неке қию залы, ардагерлер және аналар, жастар орталықтарын біріктіретін, типтік үлгідегі «Руханият» орталықтарын салу қолға алынуда. Бұл – әртүрлі бағытта қызмет көрсететін мекемелерді бір орталыққа оңтайландыру арқылы бюджет қаражатын үнемдеу, әкімшілік шығындарды азайтуға мүмкіндік беретін тың жоба. «Руханият» орталықтарындағы кітапханалар тәулік бойы жұмыс істейтін болады.Фото: Қызылорда облысы әкімінің баспасөз қызметі

Облыс әкімі ауыл тұрғындарымен кездесті

<a href="https://kyzylorda-news.kz/">Kyzylorda-news.kz</a> Бүгін облыс әкімі Нұрлыбек Нәлібаев Шиелі ауданына жұмыс сапарымен барып, Алмалы, Ақтоған ауылдық округтеріне газ қосу рәсіміне қатысты. Салтанатты шараға ҚР Парламенті Мәжілісінің депутаттары Мархабат Жайымбетов, Мұрат Әбенов, Мұрат Ергешбаев, облыстық ардагерлер кеңесінің төрағасы Серік Дүйсенбаев, еңбек ардагерлері келді.Аймақ басшысы «көгілдір отын» игілігіне кенелген Алмалы ауылдық округінің тұрғындарын құттықтап, елді мекендерді дамыту бағытындағы жоспарларды бөлісті.«Президентіміздің, Үкіметтің Сыр өңіріне жан-жақты қолдауының нәтижесінде аймағымызда бүгінгі күні ауқымды жобалар жүзеге асырылуда. Биылғы облыс бюджеті 650 млрд теңгеден асты. Оның ішінде, Шиелі ауданының бюджеті 15,8 млрд теңгеге жетті. Бұл ауқымды қаражат халықтың әл-ауқатын арттыруға, тұрмыс сапасын жақсартуға жұмсалуда. Бүгінде сырбойылықтардың 98,4 пайызы орталықтандырылған ауыз сумен қамтылған. Биыл 5 млрд 400 млн теңгенің 14 ауқымды жобасы жүзеге асырылады. Осылайша 2025 жылға қарай облыс тұрғындарын 100 пайыз ауыз сумен қамтамасыз етеміз. Сонымен қатар, 4 млрд теңгеге аймағымыздағы 12 елді мекенді газға қосу жоспарланған. Наурыз мерекесі қарсаңында Шиелі ауданының Бестам, Телікөл ауылдарына табиғи газ барды. Бүгіннен бастап Ақтоған және сіздердің ауылдарыңыз «көгілдір отын» қолданады», – деді Нұрлыбек Машбекұлы.Ауыл тұрғындарын ҚР Парламенті Мәжілісінің депутаты Мұрат Ергешбаев пен еңбек ардагері Абдрахман Мұсаймов құттықтады. Іс-шарада аудан дамуына үлес қосқан азаматтар мен ардагерлер облыс әкімінің Алғыс хатымен марапатталды.Сондай-ақ, бүгін газ қосу рәсімі Ақтоған ауылдық округінде де өтті. Рәсімнен кейін облыс әкімі газ қосылған үй иелеріне ізгі тілегін білдірді.Биыл Шиелі ауданында бірқатар инфрақұрылымдық жоба қолға алынбақ. Атап айтсақ, 3 млрд 250 мың теңгеге 21 шақырым жол жөндеуден өтеді. Оның ішінде, «Самара-Шымкент-Жөлек» жолы орташа жөнделеді. Аудандық маңызы бар «Шиелі-Қодаманов» жолындағы көпірді күрделі жөндеуге 311 млн теңге бөлініп, жұмыс жоспар бойынша жүруде.Халықпен кездесулерде электр желілерінің тозығы жеткені жайлы мәселе жиі көтеріледі. Осы орайда, Шиелі кентіндегі электр желілерін қайта құрылымдауға өткен жылы 100 млн теңге, биыл 619 млн теңге қаржы қаралып, тозығы жеткен трансформаторлар мен желілер ауыстырылуда. Жобалық құны 4,5 млрд теңге болатын Шиелі кентіндегі қосалқы станцияны қайта жаңғыртуға Ұлттық қор есебінен 1,5 млрд теңге бөлінген. «Ауыл – ел бесігі» жобасы аясында Бидайкөл, Жиделіарық, Ә.Тәжібаев ауылдарының сыртқы электрмен қамту желілерінің құрылысына республикалық бюджеттен 153 млн теңге қаралды.<img src="https://knadmin.beoblood.kz/uploads/437723794_733654462289134_1567636193228746574_n_cd11e730d4.jpg" alt="437723794_733654462289134_1567636193228746574_n.jpg"><img src="https://knadmin.beoblood.kz/uploads/437739902_733654708955776_6000304755287447878_n_bb915ae6e0.jpg" alt="437739902_733654708955776_6000304755287447878_n.jpg"><img src="https://knadmin.beoblood.kz/uploads/438059634_733654385622475_8997296095347244093_n_3d4d06b3c1.jpg" alt="438059634_733654385622475_8997296095347244093_n.jpg"><img src="https://knadmin.beoblood.kz/uploads/438093615_733654552289125_66537052417218464_n_f2eae1a7fd.jpg" alt="438093615_733654552289125_66537052417218464_n.jpg">Фото: Қызылорда облысы әкімінің баспасөз қызметі

Шиелі ауданында екі ауылдық округ газға қосылды

&nbsp;<a href="https://kyzylorda-news.kz/">Kyzylorda-news.kz</a> Бүгінде үйді безендіру үшін таңдау көп. Әр дизайнер өз идеясы бойынша безендіріп, жөндеу жұмыстарын жүргізеді. Сіз тек өз қалауыңызды айтсаңыз жеткілікті. Бұл – қазіргі таңда көп қолданыстағы кәсіптің түрі. Байқасаңыз, мекемеде болсын, балабақшада болсын қабырғада суреттер салынып тұрады. Бұл – балалардың қызығушылығын арттырып, ойлау қабілетін жақсартады. Сондықтан бұған сұраныс артқан. Айжан Бисенова бастаған кәсіпке жүгінушілер қатары артып келеді. Ол бастаған кәсіп арқылы робот-принтер кеңсеге, пәтерлер мен үйлердің, ойын-сауық мекемелерінің, кіреберіс, кафелер мен мейрамханалардың, ғимараттардың сыртқы қабырға беттеріне кез келген дизайн басып шығарады.Кейіпкеріміздің басты мақсаты – тұтынушы көңілінен шығу. Оның сұранысы бойынша жұмысты нәтижелі жүргізу. Ол мемлекет тарапынан 5 млн қайтарымсыз несие алып, кәсібін дамытты. Бүгінде қабырғаларды безендіруге арналған жоғары технологиялық робот-принтер қызметін ұсынуда.&nbsp; &nbsp; – Бұл іспен айналысуға бастапқыда қорқыныш болды. Уақыт өте келе, сұраныс артқан соң бәрін де жеңуге болатынын түсіндім. Кәсіпті енді бастап келе жатқан кәсіпкерде "іс қалай жүруде?" деген сауал тұрады. Мұны алға ұмтылу арқылы, қиындықтан өту арқылы жеңуге болатынына көзім жетті. Сондықтан да қолға алған істі әрі қарай дамытып, жүргізу әр кәсіпкердің өзіне байланысты. Мемлекеттік грантты алуға өтінім беру арқылы, өз бизнес-жоспарымды қорғап шықтым. Осылайша, қайтарымсыз қаржыға ие болдым. Оны мақсатты пайдалана білдім, – дейді кәсіпкер.&nbsp; &nbsp;Кәсіпкер қазіргі таңда 3 адамды жұмыспен қамтыды. Оларға жұмыс барысын үйретті, сапалы дүние шығаруға бірлесе атсалысуда. Ультракүлгін басып шығару технологиясының арқасында қабырғаға басып шыққан сурет түсін, қанықтылығын 8 жылға дейін сақтайды. Қолданатын сертификатталған сия иіссіз және экологиялық таза. Қабырғалық принтер компьютермен және арнайы бағдарламамен басқарылады.– &nbsp;5 млн теңге көлемінде қайтарымсыз грант қаражатына қосымша 2,5 млн теңге қосып арнайы робот-принтер сатып алдым. Құрылғы гипс, бетон, кірпіш, шыны, пластик, ағаш, гипсокартонға басып шығарады. Әрине, қабырғаларды алдын ала тегістеу керек. Арнайы бағдарлама кез келген суретті салып береді. Жұмысымызды жақында бастадық. Біз тапсырыс қабылдауға дайынбыз, – дейді кәсіпкер.&nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; Мерейім ӘЛІБАТЫР,&nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; Қорқыт ата атындағы Қызылордауниверситетінің&nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; ІІ курс студенті

Айжан Бисенова: Мемлекеттік бағдарлама арқылы қайтарымсыз грант иелендім

<a href="https://kyzylorda-news.kz/">Kyzylorda-news.kz</a> Бүгінгі таңда кәсіпкерлікпен айналасатындар қатары көп. Себебі кәсіп ашып, жұмыс істегісі келетіндерге жағдай жасалған. Бастысы “мен жұмыс істеймін” деген ынта болса болғаны. Біздің өңірдің өзіңде екі қолға бір күрек алып, кәсіпкерлікпен айналысатындар жетерлік. Солардың қатарында, Айдана Исраилова да бар.Ол мемлекет тарапынан берілетін 5 млн теңге қайтарымсыз грант алған. Бұл дегеніңіз, кәсіпті бастап қана қоймай, оған керек-ті құрылғылардың барлығын алып, істі әрі қарай дөңгелетуге берілген үлкен мүмкіндік. Сонымен қатар NEET санатындағыларды азайтудың бірден-бір жолы. Біздің кейіпкеріміз де бұған өз үлесін қосуда. Себебі ол бүгінде 5 адамды жұмыспен қамтып отыр.&nbsp; &nbsp;– Мен кәсіп бастарда көп ойландым. Қазіргі таңда кәсіп көп. Дегенмен &nbsp;өзгенікін қайталамауды жөн санадым. Өзіңіз де білесіз, қазіргі таңда барлық ана баласына жөргек пайдаланады. Дүкенге бара қалсаңыз, оның кез келген түрі бар. Дегенмен ол балаға қалай әсер ететінін білмейміз. Сондықтан да мен осы мәселені қолға алып, зерттедім. Бастысы – баланың денсаулығына әсер етпейтіндей кәсіп бастауды жөн санадым. Бүгінде бұл кәсіпке сұраныс артуда. Мен өзім ашқан кәсіп арқылы 5 адамды жұмыспен қамтыдым. Болашақта жұмыс күшін көбейту ойда бар. Егер кәсіп әрі қарай жанданса, алда жасау керек жоспарлар көп. Бұйырса, жақсы жаңалықты сіздермен бөлісетін боламын, – дейді Айдана Исраилова &nbsp;дейді.&nbsp; &nbsp;Кәсіпкер мемлекет тарапынан берілген қаржыға «eco_hanym» брендімен қайта пайдалануға болатын жөргектер шығару инновациялық жобасын жүзеге асырды. Бұл кәсіптің ерекшелігі –жөргек отқа жанбайды, оңайлықпен шірімейді.– Қайта пайдалануға болатын жөргектің сырты су өткізбейтін материалдан, іші мақтадан тігілген. Өлшем түймелердің көмегімен ені мен ұзындығы бойынша оңай реттеледі. Қайта пайдалануға болатын матадан жасалған жөргектерді пайдалану полигонға жіберілетін қалдықтарды азайтады. Бұл қоршаған ортаның ластануына әкелуі мүмкін қалдықтардың үлкен мөлшері. Жөргектердің эскизін өзіміз саламыз, содан кейін арнайы жабдықпен тігеміз. Өнімнің бағасы – &nbsp;3300 теңгені құрайды, – деді кәсіпкер.&nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; Камилла САҒЫНДЫҚОВА,&nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; Қорқыт ата атындағы Қызылордауниверситетінің&nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; ІІ курс студенті

Қызылордалық кәсіпкер бірнеше рет пайдаланатын жөргек шығаруда

<a href="https://kyzylorda-news.kz/">Kyzylorda-news.kz</a>&nbsp; Қармақшы аудандық білім бөліміне қарасты №183 К.Томанов атындағы орта мектеп базасында жалпы білім беретін мектептердің 14-18 жас аралығындағы оқушылар арасында «Айбын-2024» әскери-патриоттық жастар жиынының аудандық кезеңі аймақтар арасында өтті.&nbsp;Сайысқа аудандық білім бөлімінің басшысы Гүлзира Абдазиева арнайы қатысып, жалынды жастарға сәттілік тіледі.&nbsp;Іс-шараны ұйымдастырудағы басты мақсат – жастар арасында әскери-патриоттық жұмысты жетілдіру, Қазақстан Қарулы Күштерінің беделін көтеру және әскери қызметті насихаттау, салауатты өмір салтын ұстанып, туған жер мен Отанға деген жастардың патриоттық сезімін арттыру.&nbsp;«Айбын» әскери-патриоттық жиыны – отаншыл жастарды адал қызмет етуге, ел қорғаны болуға тәрбиелейтін бірегей алаң». Иә, ауданда туған жерге деген сүйіспеншілігі жоғары жастардың көбейіп келе жатқаны қуантады. Жалынды жастардың сайысы әскери қолданбалы спорттың 8 түрі бойынша өтті. Ауданның 30 мектебінен 5 аймаққа бөлінген команданың оқушылары тартысты сайыс өткізіп, жеңімпаз атанған командалар арнайы дипломдармен марапатталып, облыстық кезеңге жолдама алды. &nbsp;

Қармақшыда республикалық «Айбын – 2024» әскери жиынның аудандық кезеңі өтті

<a href="https://kyzylorda-news.kz/">Kyzylorda-news.kz</a>&nbsp;24 сәуір күні Қармақшы ауданындағы отбасын қолдау орталығында аудан әкімдігі мен аудандық прокуратурасы аудандық ардагерлер және әйелдер кеңесімен бірлесіп тұрмыстық зорлық-зомбылық және онымен күресу шараларын талқылады.Жиынға аудан Прокуроры Мейрамбек Маханбетжанов, аудан әкімінің орынбасары Самат Смағұлов және айдандық білім бөлімінің басшысы Гүлзира Абдазиева мен аудандық әйелдер кеңесінің төрайымы Гүлжауһар Раева, аудандық ардагерлер кеңесінің төрағасы Асқар Мерекеов, құқық қорғау органдары мен сала мамандары қатысты.Аталмыш кездесуде тұрмыстық зорлық-зомбылықтың алдын алу, жәбір көрген әйел азаматшаларға психологиялық және заңгерлік көмек көрсету, құқық бұзушылық жасауға бейім азаматтармен профилактикалық шаралар ұйымдастыру, отбасылық құндылықтарды насихаттау жұмыстары пысықталды.Сонымен қатар, тізімдегі адамдармен жеке жеке жұмыс жасау, маскүнемдікке салынып, отбасының шырқын бұзатындарға қатаң шаралар қабылдау қажет екендігі айтылды.Айта кететін жәйт, аудан Прокуратурасы мен аудандық ардагерлер, әйелдер кеңестерімен өңіріміздегі «Тұрмыстық зорлық-зомбылық» мәселесіне қатысты ықпалдасу және кеңесу тәртібінде атқаратын іс-шаралар бойынша меморандумға қол қойылған болатын.&nbsp;&nbsp;

Қармақшыда тұрмыстық зорлық-зомбылық және онымен күресу шаралары талқыланды

<a href="https://kyzylorda-news.kz/">Kyzylorda-news.kz</a>&nbsp; Қай кезеңде, қай елде болмасын мәдениет пен өнер – халықтың рухани болмысының айнасы, бағдарлы болашағының бастауы. Рухани бай дүниенің өлшемі мен өресі де осы мәдениет пен өнер шоқтығында жатыр. Өркениетке қол созған еліміз үшін экономикалық өсіммен қатар елдің рухани бай құндылықтарын да дамыту мәселесі қолға алынып келеді. Өнер мен мәдениет егіз ұғым екені белгілі. Бір-бірінсіз жетімсіреп тұратындай. Мәдениеттің мәйегі өнер арқылы дәріптеліп, халықтың құлағына жетіп жатады. Осы орайда, төскейінде берекенің қазаны қайнаған, босағасында бақ пен береке ұялаған, талай өнер майталмандары түлеп ұшқан Жаңажол ауылында мәдениет пен &nbsp;өнерді дамыту саласында атқарылып жатқан игі істер көп. Осы игі істерді ұйымдастыруда басы-қасында жүріп, талай жастардың өнер айдынында қалықтап жүзуіне ұйытқы болып жүрген жанмен сұхбат құруды жөн көрдік. Ендеше, осы саланы ұршықша иіріп, дарынды жандардың талабын шыңдап жүрген Қармақшы ауданындағы «Жаңажол ауылдық округінің клубы» коммуналдық мемлекеттік қазыналық кәсіпорынына директоры Мирас Құлғараев өрбіген сұхбатты оқи отырыңыздар.– Мирас Амантайұлы, «Өнерге әркімнің – ақ таласы» дегендей, жалпы өнер жолына қалай келдіңіз?– Мен бала кезімнен ауылдық мәдениет үйі жанынан құрылған үйірмелерге қатысып, ән айтып, түрлі аудандық, облыстық байқауларға қатыстым. 2007 жылы мектеп бітіргеннен кейін музыкалық білімімді жетілдіру мақсатында Қазанғап атындағы Қызылорда музыкалық колледжіне оқуға түсіп, 2011 жылы аяқтадым. Оқу орнын бітіріп келіп, Қармақшы аудандық мәдениет үйі жанынан құрылған &nbsp;«Мәдени демалыс кешеніне» көркемдік жетекші болып жұмысқа қабылдандым. Сол жылы 2-3 айдай қызмет жасап, аудандық мәдениет үйінің әдіскері қызметіне ауыстым. 2014 жылы барлық елді мекендерге әдіскерлік штат беріліп туған ауылым Дүр Оңғар ауылдық мәдениет үйіне әдіскер болып ауысып келдім. 2019 жылдан бастап «Жаңажол ауылдық округінің клубы» коммуналдық мемлекеттік қазыналық кәсіпорынына директор болып тағайындалдым.– Ауқымды іс-шараларды, концерттерді өткізу оңай емес. Қаншама еселі еңбек пен ұйымдастырушылық қабілет қажет екендігі шындық. Өзіңізді жан-жақты, талапшыл жан ретінде жақсы білеміз. Осы күні қандай істерді жүзеге асырудасыздар?– Өскелең ұрпақтың бойында отансүйгіштікті, туған жерге, өлкеге деген адалдықты қалыптастыру мақсатында әрбір елді мекендерде аймақ басшысы Нұрлыбек Нәлібаевтың бастамасымен «Адал адам» мәдени – тәрбие беру орталығы ашылды. &nbsp;Қазіргі таңда Адал адам тәрбие орталығының жеті бағыты бойынша түрлі жұмыстар атқарылуда.– Ауылдық мәдениет үйінің бүгінгі тынысымен бөліссеңіз? Ауыл өнерпаздары талай додасы оза шауып жүрген болар. Былтырғы, биылғы жылдың басты жетістіктері қандай?&nbsp;– Ауыл өнерпаздарының ауыз толтырып айтар жаңалықтары өте көп. Таланттар академиясының ұйымдастыруымен Түркістан қаласында өткен республикалық «Екі дүние есігі, ер түріктің бесігі -–Түркістан» атты ұлттық өнер фестиваліне DM би тобы қатысып, бас жүлдені иеленді. Сонымен қатар, Қызылорда облыстық халық шығармашылығын дамыту және мәдени продюссерлік орталығының ұйымдастыруымен өткен «Таланттар топ жарған күн» атты заманауи өнер байқауына &nbsp;DM би тобы қатысып, бас жүлдені иеленді. Қызылорда облыстық халық шығармашылығын дамыту және мәдени продюссерлік орталығының ұйымдастыруымен өткен балалар шығармашылығына арналған ХХҮ «Бозторғай» конкурсына халықтық орындау жанры бойынша Тимурқызы Еркенұр қатысып, ІІІ орынды иеленді. Сырдария аудандық мәдениет үйінде өткен «Жұлдыз Like» облыстық телевизиялық байқауына Айжан Қыдырбек пен Алтай Азамат қатысып, бас жүлдені қанжығасына байлады. Үйірме мүшелері аудандық «ХХІІІ Бозторғай» конкурсына мына талапкерлер қатысты. Эстрадалық жанры бойынша Айбөпе Қорғанбекқызы, Халықтық орындау жанры бойынша Еркенұр Тимурқызы қатысып, облысқа жолдама алды. Қармақшы ауданының 95 жылдығы аясында «Жастар жалыны» атты мәдениет саласы жастарының өнер байқауына Арыстанбекова Аймереке Арыстанбекқызы қатысып, Бас жүлдені иеленді. ІІІ Интернационал ауылында өткен Орынкүл Тынымбаеваның 70 жасқа толу мерейтойына арналған «Күз пейілі» атты аудандық көркемсөз оқу шеберлерінің байқауына Алдабергенова Балауса қатысып, ІІ орынды иеленді. Сондай-ақ «Жігіт сұлтаны – 2023» аудандық байқауына Сламханұлы Шерхан қатысып, Бас жүлдені иеленді. Қармақшы ауданының 95 жылдығына орай өткізілген «Елім менің» атты патриоттық әндер байқауына Қанатұлы Диас қатысып, І орынды иеленді. Ауданымызда өткен «Ән – жырым саған, туған ел» атты өнер фестивалінде өнер көрсеткен Жаңажол ауылдық клуб үйі ұжымы марапатталды.&nbsp;– Ұлттық &nbsp;салт-дәстүрді дәріптеп, ұлттық құндылықтарды болашақ ұрпаққа жеткізуге қандай жұмыстар атқарылуда?– «Адал адам» мәдени-тәрбие орталығының 7 бағыттың бірі «Жанұя шуағы» жобасы аясында клуб үйінен ұлттық нақышта бұрыштар жасақталып, тәрбиелік мәні бар шаралар ұйымдастырылып, әлеуметтік желіге салынып отырылса, «Сұхбат TIME» жобасы аясында елге сыйлы, өнегелі өмір жолы өзгеге үлгі болатын аға апаларымызбен сұхбат жүргізіліп келеді.&nbsp;– Бірде мәдениет үйіне қарасты би үйірмесіндегі өнерпаздардың киімдерін тіктіргеннен гөрі жалға алғанды дұрыс көретініңіз туралы айттыңыз. Бұл бір жағы үнемдеу болса, екінші жағынан алуан түрлі киімдермен сахнаға шығуға мүмкіндік береді дегеніңіз бар. Осы басшылық қызметте жүріп, біраз көрген- түйгеніңіз бар шығар. Соларды бөлісе отырсаңыз.&nbsp;– &nbsp;2017 жылы Серік Сапақов ағаның басшылық жасаған кезінде клуб үйі жанынан Аймереке Арыстанбекова қарындасымыздың жетекшілігімен «DM» би үйірмесі ашылған болатын. Қазіргі таңда жақсы нәтижелер көрсетіп келеді. Бастапқы кезде ауыл округі әкімінің Әбимүсілім Қоқанов ағамыздың қолдауымен Жаңажол жауапкершілігі шектеулі серіктестігінің директоры Орынбасар Төлепов ағамыздың демеушілігімен биші қыздарымызға ұлттық киімдер сатып алынды. Кейін Қызылорда қаласында Жеке кәсіпкер Құдабаевпен ақылы қызмет есебінен келісімшартқа отырып жыл көлеміндегі түрлі іс-шараларға, байқауларға киім алып отырамыз. Түрлі бағыттағы киімдер алып, біздің мәдени іс-шараларымыздың жоғары дәрежеде өтуіне септігін тигізіп отыр. Біздің бишілерімізге байқауға барарда Жаңажол жауапкершілігі шектеулі серіктестігі директоры Орынбасар Төлепов ағамыз демеушілік жасап келеді.&nbsp;– Өзіңіз, отбасыңыз бен Мәдениет саласында жеткен жетістіктеріңіз турасында да айтып өтсеңіз.&nbsp;– 2011 жылы отбасын құрдым. Жұбайым Жанна Исабаева қазіргі таңда Дүр Оңғар ауылдық амбулаториясында медбике болып қызмет жасайды. Отбасымда 1 қыз, 2 ұл тәрбиелеп келемін. Мәдениет саласын айтар болсам, ауылдық клуб үйі жанындағы үйірме мүшелері түрлі байқауларға қатыс жүлделі орындар алып жатта соның барлығы біздің жетістігіміз, ортақ еңбектің нәтижесі деп білемін. Ал жекелеген жетістікке келер болсақ, 2014 жылы облыстық «Үздік әдіскер» байқауында І орын иеленсем, 2019 жылы аудан әкімінің қолдауымен 14 елді мекен арасында «Аймақтар аламаны – 2019» байқауында ауыл болып бас жүлде иелендік. &nbsp;Бірнеше рет аудандық мәдениет бөлімі басшысының, Облыстық халық шығармашылығын дамыту мәдени продюссерлік орталығы директорының, ауыл, аудан әкімдерінің алғыс хаттарымен марапатталдым.– «Ұстазы мықтының, ұстамы мықты» өнердегі, өмірдегі ұстазың туралы айтпай кету ағаттық болар. Тоқтала кетсеңіз.– Мен басында айта кеттім ғой осы ауылдық клуб үйінің сахнасында ән салып жүргенде Серік ағай, Руслан ағайлар түрлі байқауларға алып барып осы өнер саласына алғаш баулыған болатын. Музыкалық колледжге оқуға түскенде Асанәлі Мұхаммеджанов ағайымнан тәлім алдым. Енді еңбек жолыма келсем, &nbsp;мені алған жұмысқа алып мәдениет саласында жұмыс жасауға зор үлес қосқан Ерлан Құлмырзаев ағай мен сол жылдары аудандық мәдениет үйінде әдіскер болған қазіргі таңда Төретам кенттік клуб үйінің директоры Ақмарал Бақбергенқызының еңбегі зор.– Арнайы уақытыңызды бөліп, сұрақтарымызға жауап бергеніңіз үшін алғыс білдіремін. Өнердің дамуы – қоғам дамуының көрінісі. Ендеше, қоғамымыз өздеріңізбен бірге өсіп-өркендей берсін!Сұхбатты жүргізген Ақнұр САҒЫНТАЙ &nbsp;

Мирас Құлғараев: Өнерге бала күннен жақын болып өстім

<a href="https://kyzylorda-news.kz/">Kyzylorda-news.kz</a>&nbsp; Биылғы «Руханият жылы» аясында Қызылорда облысының өнер және мәдениет саласында серпінді, жаңа жобалар жүзеге асырылуда. ​Кешелі бері көпшілікті қуантқан ақжолтай жаңалықтың бірі – барлық аудан орталықтарында 11 млрд. 500 млн. теңгеге тәулік бойы жұмыс жасайтын кітапханалары бар «Руханият» орталықтарының құрылысы басталды.Бүгін облыс әкімі Нұрлыбек Нәлібаев Жаңақорған ауданындағы «Руханият» орталығының іргетасын қалау рәсіміне қатысты. Салтанатты шараға ҚР Парламенті Мәжілісінің депутаттары Мархабат Жайымбетов, Мұрат Әбенов, Мұрат Ергешбаев, облыстық ардагерлер кеңесінің төрағасы Серік Дүйсенбаев, еңбек ардагері Әзия Қыстаубаева қатысып, аудан тұрғындары да жиналды.Аймақ басшысы жаңа нысанның салынуына негіз болған мақсат, жас ұрпақ тәрбиесіндегі ардагерлер мен аналардың рөлі турлы айтып, ауданның жетістіктеріне тоқталды.<blockquote>«Президентіміздің, Үкіметтің Сыр өңіріне жан-жақты қолдауының нәтижесінде аймағымызда бүгінгі күні ауқымды жобалар жүзеге асуда. Экономиканың барлық тіректі салаларында тұрақты өсім бар. Жаңақорған ауданындағы серпінді өзгерістерді де атап айтуға болады. Биылғы аудан бюджеті 15 млрд теңгеден асты. Халықтың тұрмыс-тіршілігіндегі түйткілді мәселелерді шешу, өмір сүру сапасын жақсарту жолындағы жобаларды жүзеге асыру жұмыстың басты бағытына айналды.Бүгін – өңірімізде айтулы күн. Халықтың игілігі мен қуанышына қызмет ететін, аймағымызда бұрын-соңды болмаған жаңа сипаттағы, бірегей ғимараттың іргетасын өздеріңізбен бірге қалаймыз. Алаштың анасы атанған киелі топырақта «Руханият жылының» жариялануының өзіндік терең тарихи мәні бар. Атадан балаға мирас болып келген ұлттық құндылықтарымызды дәріптеуде ұрпақтар сабақтастығын сақтау өте маңызды. Бұл – әртүрлі бағытта қызмет көрсететін мекемелерді бір орталыққа оңтайландыру арқылы бюджет қаражатын үнемдеу, әкімшілік шығындарды азайтуға мүмкіндік беретін тың жоба. Жаңа ғимаратты адал еңбекпен несібесін тапқан құрыш қолды құрылысшыларымызға табыстап, сәттілік тілеймін. Еліміз аман, жұртымыз тыныш болсын!», – деді Нұрлыбек Нәлібаев.</blockquote>Жаңа нысанның іргетасын қалау рәсімінде Мұрат Әбенов пен Әзия Қыстаубаева тұрғындарды құттықтап, ізгі тілек білдірді.«Руханият» орталығының құрылысы жыл соңында, яғни желтоқсан айында бітеді деп жоспарлануда. Ғимарат екі қабатты, жалпы ауданы – 4850 шаршы метр, жалпы алаңы – 1816 шаршы метр.Инфрақұрылымды дамыту – тұрғындардың тұрмысын жақсартудың маңызды қадамы. Бұл бағытта Жаңақорған ауданында жүйелі жұмыстар бар. Сүттіқұдық, Жайылма, Қожамберді елді мекендеріне орталықтандырылған ауыз су жеткізілді. Жайылма, Шалқия, Құттықожа, Кейден елді мекендері табиғи газға қосылды. Төменарық ауылына «көгілдір отын» тартылуда. Ауданда 1 млрд теңгеден астам қаржыға 40 шақырым болатын 38 көше жөндеуден өтсе, енді 13 елді мекеннің көшелері жөнделеді.Былтыр Келінтөбе, Қожакент, Еңбек елді мекендерінің электр желісі жаңартылды, 6 елді мекенде (Сүттіқұдық, Қандөз, М. Нәлібаев, Әбдіғаппар, Құттықожа, Манап) осындай жұмыс күтілуде.Өткен жылы Жаңақорған кентінде 50 отбасы баспанаға ие болды. Биыл 150-ге тарта тұрғын үй салынып, пайдалануға беріледі. «Жайлы мектеп» ұлттық жобасы аясында Жаңақорған кенті мен Жаңарық елді мекенінде құрылыс басталды. Жаңа білім ордалары алдағы оқу жылында іске қосылады. «Ауылдық денсаулық сақтауды жаңғырту» ұлттық жобасы шеңберінде Қаратөбе ауылында дәрігерлік амбулатория салынды. Төменарық ауылында дәрігерлік амбулаториясымен қоса 15 төсекке арналған ауылдық аурухана құрылысына қаражат бөлініп, жұмыс жүргізілуде. Келінтөбе ауылында спорт кешені салынуда.<img src="https://knadmin.beoblood.kz/uploads/437550234_733635272291053_5568020387914476088_n_4feba56a6f.jpg" alt="437550234_733635272291053_5568020387914476088_n.jpg"><img src="https://knadmin.beoblood.kz/uploads/438094366_733635038957743_4668776556117512575_n_1350dba972.jpg" alt="438094366_733635038957743_4668776556117512575_n.jpg">

Жаңақорған ауданында "Руханият" орталығының іргетасы қаланды

<a href="https://kyzylorda-news.kz/">Kyzylorda-news.kz</a>&nbsp; Қызылордада қаласында естіген жанды таңдандыратын ерекше есімді тұрғындар бар екенін білесіз бе? Есімі ерекше жан көп. Қазір аты-жөні де, тегі де бір әріптен басталатын есімдерді жиі кездестіруге болады. Көбіне мұндай есімдер сәттілік әкеледі деген сенім бар. Сондай-ақ эстетикалық тұрғыда өте әдемі және жинақы көрінеді. Мәселен, Аралбек Аралбаев ерекше есім арқылы кез келген қалада дос табатынын айтты.&nbsp;<blockquote>– Есімім арқылы жерлестерімді табу еш қиындық тудырмайды. Қызылордадан ат басын Алматыға бұрып, оқуға кеткенімде жат жер мені итермеді. Себебі есімім арқылы жерлес ағайындарымды таптым. Ол үшін ізденудің де аса қажеті болмады. Бар болғаны атымды атасам, көңілі жайсаң жерлестер дос болуға ұмтылатын еді. Есімім – Аралбек. Арал – туған өлкем. Ал «бек» деп бұрындары болыстарды, қолбасшыларды атаған. Есімімді әкем қойып, Аралдың бегі болсын деп ырымдаған екен. Әкемнің аты – Аралбай. Қызығы да сол. Менің толық аты-жөнім Аралбайұлы Аралбек Аралбаев. Көбісі атымды шатастырып, Аралбай деп те атайды. Бірақ бұл мені ренжітпейді, тек күлкі сыйлайды, – дейді есімі ерекше Аралбек Аралбаев.&nbsp;</blockquote>Сонымен қатар есімін аян беру арқылы қойылғандар туралы көп естиміз. Келесі кейіпкеріміз солардың бірі. Оның айтуынша есіміне сай жүрген жері тойға, қуанышқа толы.&nbsp;<blockquote>– Әпкем мен дүниеге келер алдында түс көріпті. Аян берген екен. «Әрекет түбі берекет» деген халық даналығына сүйене отырып, өмірі тек шаттықта толы болғай деп есімімді Берекет қойыпты.&nbsp;Сенсорлы телефондар қолжетімсіз кезде, әр үйде үй телефоны болатын. Мен жоқта достарым хабарласса, үйдегілер «Берекет ойнауға кетті, далаға шығып кетті» деп жауап қататын көрінеді. Қазақ халқы өзі наным-сенімге жақын емес пе? Ешқашан «Берекет жоқ» деп айтпаған екен. Есіміме қызығушылық танытанындар көп, қашанда жүрген жерім көңілді, мұңсыз болады. Мені ерекше ететін есімім өзіме де, өзгеге де ұнайтынына қуанамын, – дейді Берекет Әлібекұлы.&nbsp;</blockquote>Қазақстанда өте сирек кездесетін есімдер аз емес. Мәселен, Айтілес есімі небәрі екі-ақ адамда ғана бар. Келесі кейіпкеріміздің де ныспысы өте ерекше және сирек кездесетін есімдер қатарында. Сондай-ақ кейіпкер есім қоярда діни тұрғыда таразылай білу қажеттілігін алға тартады. Себебі бұл бала тағдырына, өміріне әсер ететін маңыздылық. Адам есімдерін зерттеуші ғалымдардың дәлелдеуінше, есім бала өміріне айтарлықтай әсер етеді, сәбилерді неғұрлым көркем есімдермен атаған сайын, баланың тұла бойы соған сәйкес көркемделе түседі.<blockquote>– Менің есімімді білуімше анам қойған екен. Анамның осы таңдауы үшін әрқашан алғыс білдіріп өтемін. Отбасымда үш бауырым бар. Ағамның аты Бекжан, сіңілімнің есімі Әсем. Ал менің есімім – Аниса. Құжат бойынша Айниса. Өсе келе есімім өзгеріске ұшырап, Аниса атанып кеттім. Орыс мектебінде оқығандықтан ба, көпшілік осылай атады. Оған мен де, менің ортамда үйреніп кеткендіктен, есімімді осы өзгерісімен қабылдадым.&nbsp;Мағынасына келетін болсақ, Аниса есімі өте мейірімді, достыққа жақын, нәзік жан, талантты шығармашыл тұлға дегенді білдіреді. Ал діни тұрғыдан алып қарасақ, Мұхаммед&nbsp;(с.ғ.с)&nbsp;пайғамбарымыздың сүт анасының есімі болған. Сондай-ақ Құранда «АнНиса» деген аят бар екен. Алайда балаңызға діни есім беретін кезде тереңінен ойланған жөн. Себебі оның мағынасы ауыр, аттың киесіне ұшырауы да мүмкін. Мен баламның есімін қоятын кезде аян беріп, Ислам қоямын деп шешкен едім. Алайда отбасым діни есімнің адам өміріне қатты әсер ететінін алға тартып, ойымнан айныдым.&nbsp;Бұрын сирек болғанымен қазір Аниса есімді бүлдіршіндер көбейіп келеді. Балабақша тәрбиешілері менің есімімді естісе таңғалатындықтарын жасырмайды, – дейді Аниса Жеткерген.&nbsp;</blockquote>Бұрындары біртекті есімдер көп болушы еді. Алайда заман талабына сай бұл үрдіс өз мәресіне жетіп, соңғы жылдары заманауи аттар танымал бола бастады. Ертеректе кішкентай балаларға есім қойған кезде, Құран Кәрімнен қарап қойған. Бірақ, кішкентай балаға ондай ұлы есімдер ауыр болады деп, еркелетіп атап кететін болған. Құран Кәрімнен алынған есімдер баланың болашағына әсер етпей қоймайды. Себебі, ондай есімдер ұлылығы мол болып табылады. Мысалы: Кәусар, Фатиха, Ибраһим, Фатима, Азамат, Азат, Абдолла, Зиннат, Анвар, Зафира, Маха, Муна, Наджия, Самиха, Тахира және т.б.Шариғат заңы бойынша, нәресте туған соң үш күннің ішінде оған азан шақырып, ат қою керек. Сәби есімі үш рет құлағына қайталанады. Діни пікірлер бойынша, азан шақырып қойылмаған есімдер ақырзаманда өз рухын, тәнін іздеп қиналысқа түсетін көрінеді-мыс.Ат қою-бұл қазақтың салт-дәстүрінің бірі. Қазақтың салты бойынша, жас нәресте туған кезде ата – анасы ең сыйлы, қатты құрмет тұтатын адамына өз сәбиінің есімін қойғызады. «Балаға қандай ат қойылса, оның болашақ тағдыры соған байланысты болады», – деген наным – сенім бар. Бала – адамның бауыр еті. Қай ата – ана да өз шаңырағында шыр етіп сәби дүниеге келгенінде оған ең жақсы есімді қоюға тырысады. Негізінен, жаңа туған сәбиге есім таңдауға қазақтан дана, қазақтан шебер халық жоқ. Алайда, әрбір ата – ана баласына ат қоярда өзіне жүктелер жауапкершілікті жете сезініп, оған сақтықпен қарағаны, он ойланып, он толғанып барып қана жүрегі қалаған есімді сәбиіне қойғаны абзал. Өйткені, есімдердің адам өміріне, адам атына планеталардың ықпалы өте айрықша.&nbsp;Ұлттық статистика бюросының мәліметі бойынша, өткен жылы 274 рет ұл балаға Әлихан есімі қойылса, 491 рет қыз балаға Медина деген есім таңдалған. Одан бөлек, ұлдар арасында Омар, Алдияр, Әмір, Әли, ал қыздар арасында Айша, Асылым, Айлин есімдері жиі қойылады екен.&nbsp;Нұршат НЫШАНОВА Фото: qadam.asia

Қазақстан және Қызылорда облысының жаңалықтары