<a href="https://kyzylorda-news.kz/">Kyzylorda-news.kz</a> Бүгін облыс әкімі Нұрлыбек Нәлібаевтың қатысуымен Шиелі ауданында «Руханият» орталығының іргетасын қалау рәсімі өтті. Салтанатты шараға ҚР Парламенті Мәжілісінің депутаттары Мархабат Жайымбетов, Мұрат Әбенов, Мұрат Ергешбаев, облыстық ардагерлер кеңесінің төрағасы Серік Дүйсенбаев, мәдениет саласының ардагері Әлмырза Ноғайбаев қатысты.Аймақ басшысы барлық ауданда бой көтеретін «Руханият» орталықтарындағы кітапханалар тәулік бойы жұмыс істейтінін, орталықтар құрылысына бюджеттен 11 млрд 500 млн теңге бөлінгенін айтты. Тәулік бойы жұмыс істейтін кітапханалар ашу – Мемлекет басшысының бастамасымен қолға алынған, кітап оқитын ұлтқа айналу жолындағы аса маңызды қадам. Оның оқырмандарына әлемнің әр түкпірінде басылып шыққан көркем шығармалар, арнаулы әдебиеттер қолжетімді болмақ.Жиында Мұрат Әбенов пен Әлмырза Ноғайбаев жиналған қауымды құттықтап, ізгі тілегін жеткізді.Мұнан бөлек, бүгін Шиелі ауданының Жансейіт ауылында жаңа мектептің құрылысы басталды.<blockquote>«Президентіміздің және Үкіметтің Сыр өңіріне жан-жақты қолдауының нәтижесінде аймағымызда ауқымды жобалар жүзеге асырылуда. Биыл облыс бюджеті еселеніп, 650 млрд теңгеден асты. Бюджеттің басым бөлігі әлеуметтік салаға бағытталған. Соның ішінде білім саласына бөлінген қаржы көлемі 263,8 млрд теңгеге жетті. Салада ауқымды жобалар сәтті жүзеге асырылуда. Бүгінде «Білімді қолдау қоры» есебінен 7 млрд 900 млн теңгеге 300 орындық жатақханасы бар 400 орындық физика-математика мектеп-интернатының құрылысы қарқынды жүргізілуде. Облыс орталығында осы кезге дейін бір ғана Оқушылар үйі болса, «ҚазГерМұнай» компаниясының демеушілігімен 350 орындық заманауи үлгідегі Оқушылар сарайы бой көтеруде. «Саутс Ойл» компаниясының демеушілігімен Сырдария өзенінің сол жағалауынан музыкалық колледждің жаңа ғимаратының құрылысы басталды. Балалар мен жасөспірімдердің шығармашылығын шыңдау мақсатында облыс орталығында «Шығармашылық академиясы», Жаңақорған, Шиелі аудандарында Оқушылар үйі мен Өнер мектептері салынуда. Жаңа білім ордасы озық ойлы, өнерге құштар, спортқа бейім дарынды балалардың шамшырағын жағатын мекен болғай! Ұлтымыздың дамуында маңызды рөл атқаратын бұл жобаның басы-қасында жүрген құрылысшыларымыз өз ісіне жауапкершілікпен қарап, құрылысты сапалы жүргізеді деп ойлаймын», - деді мектептің іргетасын қалау рәсімінде аймақ басшысы.</blockquote>Екі қабатты ғимарат 100 орынға арналған, құрылысты «СМП-Қызылорда» ЖШС жүргізуде. Мектеп жыл аяғында пайдалануға берілмек.Биыл облыста 7 мектеп күрделі жөндеуден өтеді. Жұмыс жаңа оқу жылы қарсаңында толығымен аяқталады. Мемлекет басшысының бастамасымен қолға алынған «Жайлы мектеп» ұлттық жобасы аясында облыста 12 300 орындық 21 мектеп салынуда. Өткен жылы 10 мектептің құрылысы басталса, биыл 11-нің құрылысы жүргізіледі. Оның ішінде 1 мектеп Шиелі кентіне салынады.<img src="https://knadmin.beoblood.kz/uploads/437147537_733639895623924_8472852022339832520_n_ac188fb2da.jpg" alt="437147537_733639895623924_8472852022339832520_n.jpg"><img src="https://knadmin.beoblood.kz/uploads/437539760_733640202290560_3898381970204101869_n_c07debd90b.jpg" alt="437539760_733640202290560_3898381970204101869_n.jpg"><img src="https://knadmin.beoblood.kz/uploads/438078305_733640058957241_4536124444222548607_n_90e3e5edb4.jpg" alt="438078305_733640058957241_4536124444222548607_n.jpg">

Шиелі ауданында тәулік бойы жұмыс істейтін кітапханасы бар «Руханият» орталығы мен мектептің іргетасы қаланды

<a href="https://kyzylorda-news.kz/">Kyzylorda-news.kz</a>&nbsp; Бүгінгі Қазақстан халқы Ассамблеясының дәстүрлі отырысында президентіміз бірлік, жасампаздық, өрлеу секілді еліміздің дамуы үшін маңызды бағыттар туралы сөз қозғады. Мемлекетімізді ілгерлету жолында жаңа белестерге жету үшін ұлттық ортақ мақсаттар мен құндылықтар төңірегінде топтастыру қажеттігін атап өтті.Президент өз сөзінде, –"Тарих тоғыстырған тағдырымыз – бір, сеніммен қадам басатын келешегіміз – бір. Біз біртұтас ұлт ретінде әрдайым бабалар аманатына адал боламыз. Қасиетті қара шаңырағымыз – Қазақстанның жарқын болашағын бірге жасаймыз. Біздің мақсатымыз – айқын, бұл – Әділетті Қазақстанды құру. Мен Қазақстан Республикасының Тәуелсіздігін қорғауды Президент ретіндегі ең басты міндетім деп санаймын, – деді Қасым-Жомарт Тоқаев.Қазіргі сын сағатта ауыр сынақты енсеру және алдағы күтіп тұрған реформаларды жүзеге асыру үшін ең бірінші жұрт болып жұмылып, ынтымақтастықта ортақ отанымыздың жарқын болашағын жасауға барлығымыз ат салысуымыз керек. Қазақстанның өркендеуі мен тұрақты дамуында әрбір азаматтың бірлескен күш-жігерінің маңызы зор.Елена Рыбина,Қызылорда облыстық ҚХА жанындағы журналистер мен сарапшылар клубының төрағасы.

 Елена Рыбина: Келешегіміздің кемелдігі біртұтас ұлт қолында

<a href="https://kyzylorda-news.kz/">Kyzylorda-news.kz</a>&nbsp; Дүниежүзілік кітап және авторлық құқық күніне орай облыстық жастар ресурстық орталығының ұйымдастыруымен Қорқыт ата атындағы Қызылорда университеті open space кітапхана залында поэзия кеші өтті.Кеш қонақтары Сыр өңірінің белді ақындары Айдар Сайлауов, Аружан Оралбай, Ақжол Түменбай жастарға кітаптың маңыздылығы туралы айтып, кітап оқуды дағдыға айналдыруды, қымбат мұрамызды бағалау керектегін жеткізді.Кеш барысында ақындар өз шығармашылықтарынан өлең оқып, ән де шырқалды. Сондай-ақ, білім алушылар ақындарға сұрақтарын қойып, пікір алмасты.Айта кету керек, кітап – адам баласы ақыл-ойынан туған рухани байлықты сақтап, оны ұрпақтан ұрпаққа жеткізіп отыратын құрал, білім мен тәрбие көзі. Ол – адамзат жасаған ең ұлы кереметтердің бірі.Халықаралық кітап күнінің 23 сәуір күні тойлануына себеп болған, көптеген белгілі жазушылар (М.Сервантес, В.Шекспир, И.Вега, М.Дрюон және тағы басқалар) бұл күні дүниеге келіп, дәл осы күні дүниеден озған.Мереке Халықаралық кітап баспа қауымдастығының қолдауымен 1969 жылдан тойланып келеді. 1995 жылдың 16 қарашасында өткен ЮНЕСКО-ның Бас конференциясының 28 сессиясында мереке туралы Қарар қабылданып, 23 сәуір «Дүниежүзілік кітап және авторлық құқық қорғау күні» болып жарияланды.Арабтың «кітап» деген сөзі қазақша «жазу», «жазба» деген мағынаны білдіреді.&nbsp;Кітаптың шығу мен дамуы сол жазу өнерінің пайда болуымен тығыз байланысты. Ол қажетті материалдардың ойлап табысуына және техниканың дамуына сәйкес жетілдіріле берді.Ежелгі заманда Мысыр мен Шығыс елдерінде, Греция мен Римде кітап қыш тақталарға жазылды. Кітап тас бетіне де қашалып жазылды.Түркі халықтарының көне жазба мұрасы болып табылатын «Орхон – Енисей жазба ескерткіштерін» (7-9 ғ.) ашық аспан астында тұрған тас кітаптар, деуге болады.Көпшілікке арналған алғашқы баспа өнімдері, яғни, діни уағыздар, қолжазба кітаптар ағаш қабығына, теріге, кейіннен қағазға қолмен көшіріліп жазылған. Ірі қалаларда қолжазба кітапты мәнерлеу өнерімен шұғылданатын арнайы маман-көшірмешілер, түптеушілер, миниатюрші суретшілерді топтастырған орталықтар жұмыс істеген.Біртекті мәтінді көп данамен тарататын Баспа тарихы Қытайда кітап көбейтудің жаңа әдісі – ксилографияның (ағаштан ойылған қалыппен басу) пайда болуынан басталады. Осы әдіспен ең алғаш будда дінінің «Жақұт сутра» (868) деген кітабы басылды.1040-1048 жылдары Би Шен жылжымалы қаріптерді, құйма әріптермен теру процесін ойлап тапты. Ал, Еуропаға бұл жаңалық 4 ғасырдан кейін ғана келді.&nbsp;Фото: &nbsp;freepik.com

Сырбойылық жас ақындар студенттермен кездесті

<a href="https://kyzylorda-news.kz/">Kyzylorda-news.kz</a>&nbsp; Биыл Қорқыт ата атындағы Қызылорда университетінің бизнес-инкубаторы және Қызылорда облысының ақпараттық технологиялар орталығының базасында стартаптар мен инноваторларды қолдау және дамытуға арналған Kyzylorda Hub стартаптар технопаркі ашылғанына 1 жыл толмақ. Орталық тиімді стартаптарды құруда, инвестиция тартуда көмек беретін бизнес-инкубатор Astana Hub халықаралық стартаптар технопаркінің облыс бойынша өңірлік хабы ретінде жұмыс істейді.&nbsp;Осы аралықта орталық жас стартаперлердің жұмысына қолдау білдіріп, ауқымды шараларды ұйымдастырды.<blockquote>– Мемлекет басшысының тапсырмасы бойынша барлық өңірдегі жоғары оқу орындарында өңірлік хабтар ашылғаннан бастап жұмыс істеу мүмкіндіктері айтарлықтай үлкейді. Бір жыл төңірегінде Kyzylorda Hub 150-ге жуық іс- шара ұйымдастырды. 4 бағдарлама өткізіп, 5000- нан астам аудиторияны қамтыды. 2 локацияда орналасқан коворкингте жұмыс істеп, жуырда 3-ші жаңа коворкинг ашылу туралы жоспарлап отырмыз. Орталықтың резиденттері іс-шаралар мен байқауларда жүлделі орын иеленіп, республикалық және әлемдік нарыққа шығуды бастады.&nbsp;Орталықтың резиденті атану үшін өтінім жіберіп, іс-шаралар мен бағдарламаларға қатысу қажет. Өтінімдер ерікті түрде www.kyzylordahub.kz сайтында немесе kyzylordahub инстаграм парақшамызда қабылданады. Іріктеу критерийлері жоқ, біз кез келген идеяға ашықпыз. Бастысы – қатысушының жігері мен ынтасы, – деді орталық жетекшісі Жанарыс Түбекбаев.</blockquote>Өткен жылы орталықтың бастамасымен «Startup joly» инкубациялық кезеңі екі мәрте ұйымдастырылды. &nbsp;Бағдарламаға қатысқан 46 жобаның арасынан 13 жоба жұмыс істеп жатыр. Оның ішінде 4 жоба «QazInnovations» қаржыландыру бағдарламасына өтінім беруде.Орталық жетекшісі резиденттердің бизнесін қолдау үшін қандай көмек көрсете алатынын да айтып берді.<blockquote>– Бизнес-инкубатор резиденттеріне алдымен білім мен тәжірибе алмасу алаңын жасаймыз. Орталықта түрлі бағыт бойынша оқыту курстары бар. Қатысушылар өзіне ұнаған сала бойынша кез келген бағыттағы курстарға қатыса алады. Сонымен қатар бағдарламаға қатысып, жобаларын дамытады. Әрі қарай инвестиция тартуға және демеушілік алу мүмкіндігіне ие болады. Себебі біздің алаңда жақсы жоба жасау арқылы республикалық деңгейге жол ашылады. Ең бастысы жастарға жұмыс жасауға арналған тегін 2 коворкинг бар. Алдағы уақытта біз арнайы зертханалар салуды жоспарлап отырмыз.Жақында бейне ойындарын жасайтын лаборатория ашылады. Оған қосымша жасанды интеллект, бағдарламалау, инжиниринг лабораториялары да қосылады. Менің ойымша біздің ең басты жұмысымыз әрі міндетіміз – жастарды ояту, табысты болуға ынталандырып, Қызылорда аумағындағы мүмкіндіктерді көрсету. Білім көзін беріп, әрі қарай табысты маман, кәсіпкер болуға мүмкіндік жасау. Жастар арасында Қызылордадағы мүмкіндіктер мен перспективаларға сенім жоқ, біз сол сенімді оятуға жұмыс істейміз.&nbsp;Сәтті стартаптар көбіне білімді жастармен бірге жасалады. Расымен де, стартапты бастау үшін мықты интеллект қажет. Сол себепті білім беру ұйымдарымен тығыз жұмыс істейміз. Стартаптар әлемінде аутсайдерлерге орын жоқ. Бұл нағыз бәсекелестіктің мекені, сол себепті барлық күшімізді бәсекелестікке менталды тұрғыда төзе алатын жастарды тартуға жұмсаймыз. Сыр елі мықты жастарға толы, тек олардың зейінін ашу керек. Алайда жастардың басым бөлігі арзан әрі тез дүниеге құмар, ойын күлкіге жақын болып барады. Ал стартап жасау – бірінші кезекте ауыр еңбек және тоқтаусыз білім алу, – деді ол.</blockquote>Сондай-ақ ақпараттық технологиялар саласында жақсы табыс табу үшін қандай дағдылар қажет екеніе де тоқталды.Орталық жетекшісінің айтуынша, ақпараттық технологиялар саласында мамандар көп. Бірақ көбісінің мәселесі – өз мамандығын дұрыс білмеуі.<blockquote>– Сізде екі жол бар: мықты менеджер ретінде жобаны басқарасыз немесе мықты технолог болып жобаны жасайсыз. Әр адам өзіне жақынын таңдап, сол бағытта дамуы қажет. Егер сіз технология саласына жақын болсаңыз арнайы бағдарламалау тілдерін үйреніп, инженерия негіздерін меңгеруіңіз керек. Сол бағытта дағдыларды дамыта аласыз. ІТ саласында жоғары білім алу мол табысқа алып келеді деген заң жоқ. Заман және технологиялар тез ауысуда, сол себепті жаңа технологияларды жылдам меңгеруге тырысу қажет.Біздің орталық – Tech Orda республикалық гранттық бағдарламасының үйлестірушісі. Бұл бағдарламада жастар ІТ саласының арнайы бір бағытын таңдап, тегін білім жетілдіруге мүмкіндік алады. Ал егер сіз менеджер болғыңыз келсе, жобаның тиімді түрде жүзеге асуына жауапты боласыз. Менеджмент, қаржы, басқару, құқық деген секілді бағыттар сізге тиесілі болады. Осы бағыттардағы негізгі білімге назар аудару қажет. Басты шарттардың бірі – цифрлы және soft дағдылардың жақсы дамуы, – деді ол.</blockquote>IT хаб сәуір айынан бастап ақпараттық жұмыстар жүргізбек. Өңірдегі мектеп, колледж, университет білім алушыларымен митап өткізуде. Ал семинарлар жыл бойы үздіксіз, тіпті күніне бірнеше семинар өтеді. Осы айда әйелдер қауымына ІТ және цифрлы дағдыларды дамыту бойынша Tech girls бағдарламасын ұйымдастырылмақ.Айта кету керек, өткен аптада Kyzylorda Idea Battle облыстық стартап жобалар байқауы аяқталды. Келесі байқау – Kyzylorda Hub Hackathon облыстық ІТ жобалар хакатоны. Сонымен қатар, облыстық мектеп және колледж түлектері арасында Startup Talapker стартап жобалар байқауы дәстүрлі түрде жыл сайын өтуде. Бұл байқауда үздік түлектерге ЖОО білім гранты табысталады. Интеллектуалды кештер, бизнес таңғы астар, чемпионаттар, воркшоптар жыл соңына дейін жалғасады. Ал жылдың қорытынды байқауы, Innofest Kyzylorda инновациялық жобалар фестивалі биыл да өз ретімен ұйымдастырылады.&nbsp;Ә.Жанәбілқызы

Kyzylorda Hub стартаптар технопаркі биыл да ауқымды шараларды жүзеге асырмақ

<a href="https://kyzylorda-news.kz/">Kyzylorda-news.kz</a> Синоптиктер сәуірдің соңы мен мамырдың басына ауа райы болжамын жасады, – деп хабарлайды&nbsp;Azattyq Ruhy.«Қазгидромет» РМК ұзақ мерзімді ауа райы болжамы басқармасының басшысы Жұлдыз Исабекованың мәліметінше, алдымыздағы аптада еліміздің басым бөлігіне жауын-шашын түседі. Күн суытады. Нөсер жаңбыр жауып, Шығыс және Солтүстік Қазақстанда түнгі мезгілде жаңбырдың арты қарға ұласуы мүмкін. Соның салдарынан ауа температурасы 5-13 градусқа, түнгі уақытта 1-6 градусқа дейін түседі.Батыста, оңтүстік және оңтүстік шығыста ауа температурасы 25-30 градустан 15-20 градусқа дейін төмендейді.Мамырдың басы да жаңбырлы болады. Ал жалпы, мамыр айы ыстық болады дейді мамандар.<blockquote>«Еліміздің оңтүстік өңірлерінде ауа райы кей күндері 35-40 градусқа ал солтүстік, шығыс және орталық өңірлерде 25-35 градус ыстық күтіледі. Қатты ыстық температура жауын-шашынмен алмасып отырады. Сондықтан солтүстік аймақтарда түнде үсік жүруі мүмкін», – дейді Жұлдыз Исабекова.</blockquote>Фото: Нұрболат Нұржаубай

Сәуірдің соңы мен мамыр айының басына ауа райы болжамы жарияланды

<a href="https://kyzylorda-news.kz/">Kyzylorda-news.kz</a> Бүгін Астанада Қазақстан Президенті Қасым-Жомарт Тоқаевтың төрағалығымен Қазақстан халқы Ассамблеясының «Бірлік. Жасампаздық. Өрлеу» атты XXXIII сессиясы өтті.Мемлекет басшысы отырыста тасқын сумен күресуге зор үлес қосқан отаншыл азаматтарға алғыс айтып, ризашылдығын білдірді.Сондай-ақ, су тасқынынан зардап шеккендерге жан-жақты қолдау көрсетілетінін және Президент ретінде алдында тұрғын маңызды міндет екенін айтты. Бұл елімізге, халқымызға өте ауыр сынақ болды. Расында, осы кезеңде біз еліміздің мызғымас бірлігімізді көрсете білдік. Отандастарымыз зардап шеккен жандарға жаппай қол ұшын созды. Біз бір-бірімізге шынайы жанашырлық таныта білдік. Сонымен қатар, Президент Қазақстан халқы Ассамблеясының мүшелерін қоғамдық кеселдерге қарсы жұмыс жасауға шақырды.Президенттің айтуынша, Ассамблея нашақорлық, құмарпаздық (лудомания), тұрмыстық зорлық-зомбылық, вандализм және ысырапшылдық сияқты әлеуметтік кеселдермен күресу ісінде маңызды рөл атқарады. Осы орайда хабардар етейін, дүйсенбі күні Мәжілістің жалпы отырысында ойын бизнесі, лотереялар және лотерея қызметі мәселелері бойынша заңнамалық өзгерістерді, Әкімшілік құқық бұзушылық туралы кодекске енгізілетін ілеспе түзетулерін бірінші оқылымда мақұлдаған болатынбыз.Заң жобалары Мемлекет басшысының құмар ойындарға тәуелділікке қарсы күресті күшейту туралы тапсырмасы аясында әзірленді. Жалпы қауіпсіз өмір сүру үшін осындай жаман дерттер мен құбылыстардан біржола арылуымыз керек.Бұл – әсіресе, тәуелесіз елімізге, яғни келешек ұрпақтың болашағы үшін айрықша маңызды!Мархабат Жайымбетұлы,Парламент мәжілісінің депутаты,

Мархабат Жайымбетұлы: Су тасқынынан зардап шеккендерге жан-жақты қолдау көрсетіледі

<a href="https://kyzylorda-news.kz/">Kyzylorda-news.kz</a> Қызылорда облысы бойынша тексеру комиссиясымен «Бюджет қаражатын басқарудың және пайдаланудың тиімділігін арттыру» тақырыбында Жалағаш ауданында семинар-кеңес ұйымдастырылды.Семинар кеңеске Қызылорда облысы бойынша ішкі мемлекеттік аудит департаменті, Қызылорда облысы мемлекеттік сатып алу басқармасының және аудандық Қазынашылық басқарма өкілдері, аудан әкімінің орынбасары, аудандық мемлекеттік мекемелерінің, кәсіпорындарының басшылары, аудандық барлық салалар бойынша есепші мамандар қатысты.Күн тәртібіне сәйкес мемлекттік аудит, қазынашылық органдарының, мемлекеттік сатып алу саласының өкілдері баяндама жасады. Семинар кеңесті ұйымдастырудың негізгі мақсаты, мемлекеттік және квазимемлекеттік сектор субъектілерінде қаржылық бұзушылықтардың алдын-алу, қаржылық тәртіпті нығайту және бюджет қаражатын пайдаланудың тиімділігін арттыру болып табылады.2023 жылы тексеру комиссиясымен 21 аудиторлық іс-шара бойынша 157 аудит объектілері тексерілген. Оның ішінде 60-ы үстеме тексерулер. Аудитпен қамтылған қаражат – 191,2 млрд. теңгені құрады, оның ішінде республикалық бюджет қаражаты – 35,8 млрд. теңге, жергілікті бюджет қаражаты – 155,4 млрд. теңге.Мемлекеттік аудит нәтижесімен жалпы 37,7 млрд. теңгенің бұзушылықтары анықталған, оның ішінде қаржылық бұзушылықтар – 4,8 млрд. теңге, тиімсіз пайдаланылған бюджет қаржысы, мемлекет активтері – 8,1 млрд. теңге, тиімсіз жоспарлау – 24,8 млрд теңгені құрады.Тексеру барысында білім, денсаулық, аудандық бөлімдер және басқада салалар қамтылды. Орын алған заң бұзушылықтар бойынша сот, уәкілетті органдарға негізінен қарау үшін 1 114 әкімшілік материалдар жолданып, 313 тұлғаға 32,1 млн. теңге әкімшілік айыппұл салынса, 753-не «ескерту» түріндегі әкімшілік жаза қолданылған.Жол берілген бұзушылықтар мен кемшіліктерді жою бойынша 90 нұсқама қабылданып, тиісті мемлекеттік мекемелер мен ұйымдарға 207 тапсырма мен ұсынымдар (ұсыныстар) берілген.2024 жылы 24 аудиторлық іс-шара бойынша 140 аудит объектілерін қамтуды жоспарлап отырмыз. Соның ішінде білім, денсаулық, спорт салаларын және квазимемлекеттік сектор субъектілерін тексеру жоспарлануда.Семинар кеңес қорытындысымен есепші мамандарды арнайы курстардан оқытып біліктілігін арттырып отыру бойынша ұсыныс мемлекеттік мекемелер мен квазимемлекеттік сектор басшыларына ұсынылды. &nbsp;&nbsp;

Бюджет қаражаты тиімді жұмсалуы тиіс

<a href="https://kyzylorda-news.kz/">Kyzylorda-news.kz</a> Қызылорда қалалық пробация қызметі пробация есебіндегі азаматтармен жүйелі жұмыстар жүргізілуде. Қазіргі таңда 600-ге жуық адам есепте тұрса, оның ішінде әйел азаматшалар мен кәмелет жасқа толмаған жасөспірімдер де бар. Атап айтар борлсақ, есептегі тұлғаларды қайта әлеуметтендіру, қайта қылмыстың алдын алу және профилактикалық шаралар &nbsp;үздіксіз атқарылуда. Сондай-ақ азаматтарға құқықтық, медициналық, психологиялық көмектер де беріледі.Жыл басынан жаза өтеу тәртібін қаскөйлікпен бұзып, сот жүктеген міндеттерді орындамай, құқықбұзушылық жасаған 19 адамның &nbsp;бас бостандығын шектеу жазасы сот үкімімен &nbsp;бас бостандығынан айыру жазасына ауыстырылып, түзеу мекемесіне жіберілген. Есептегі жұмыссыз 25 азаматты жұмыспен қамтыса, 146 тұлғаға әлеуметтік-құқықтық, психологиялық көмек көрсетілген. Сондай-ақ жергілікті прокуратура қызметкерлері және Жергілікті полиция қызметінің учаскелік полиция инспекторларымен бірлесіп, есептегі азаматтарды тұрғылықты мекенжайынан 950 рет тексеріп, мекенжайында болмаған азаматтарға ескерту тәртіптік жазалау шарасы берілген.Қалалық пробация қызметінің бастығы әділет полковнигі Дaулет Сәдуақасовтың айтуынша жергілікті атқарушы, құқық қорғау органдарының сотталғандарға бірлесіп көрсеткен әлеуметтік-жүйенің арқасында қаншама адам тәртібін түзеп, келесі жолы қылмыс жасамауды толық түйсінген. Есептегі 9 сотталғанға құжаттарын рәсімдеу бойынша да көмек көрсетілді. Бірінің жеке куәлігін алуға, екіншісінің жоғары &nbsp;оқу орнында білімін жалғастыруға, ал үшіншісіне әскери билетін алуға &nbsp;т.б. &nbsp;көмектер жасалды. Облыстық жастар ресустық орталығымен бірлескен меморандум аясында спорттық-мәдени шараларға есептегі азаматтар да қалмай қатысады. Өмір болған соң, «жаңылмайтын жақ, сүрінбейтін тұяқ жоқ»демекші, сотты болып пробация есесбінде жазасын өтеп жүргендерді өмірге қайта бейімдеп,олардың әлеуметтік-құқықтық, психологиялық, медициналық көмек көрсету арқылы қайта қылмыс жасауларына жол бермеу,-дейді пробация қызметінің бастығы &nbsp;Даулет Садуақасов. &nbsp;

Пробация есебіндегі тұлғалармен жүйелі жұмыстар жүргізілуде

<a href="https://kyzylorda-news.kz/">Kyzylorda-news.kz</a> &nbsp;23 сәуір күні полиция Алматы әуежайынан Air Astana әуе компаниясының екінші ұшқышы Қазыбек Әнуарбековті ұстаған. Тергеушілердің мәліметінше, 31 жастағы ер адам мефедрон қолданып, сақтаған&nbsp; деп хабарлайды <a href="http://inbusiness.kz/">inbusiness.kz&nbsp;</a>сайты. Қамауға алу кезінде ол есірткіге мас күйінде болған. Ұшқыш мектеп оқушылары арасынан болашақ ұшқыштарды тарту шарасына қатысу үшін Ақтауға ұшпақ болған. Ұшқыштың тұрғылықты жерінен пластик құбыр тәркіленіп, одан ұнтақты шөгінділер табылған. Ол 2021 жылдан бері есірткіге тәуелді екенін айтқан. Ұсталғанға дейін бір күн бұрын төрт грамм есірткі қолданған. Соңғы рет 23 сәуір күні таңертең пайдаланған. "AirAstana" әуе компаниясы жағдайды растап, сотқа дейінгі тергеу амалдары жүргізіліп жатқанын хабарлады.Фото: inbusiness.kz

"AirAstana" әуе компаниясының ұшқышы ұшар алдында есірткі тұтынған

Білім мен ғылым саласының дамуы жолында ерен еңбек сіңіріп, ұлағатты ұрпақ тәрбиелеу жолында ерен еңбек сіңірген ұстаздардың еңбегі ұмытылмақ емес. Солардың бірі – «Қызылорда облысының мемлекеттік архиві» КММ-нің «Қоғамдық-саяси тарихы архиві» филиалы қорындағы «Сыр елінің ғалымдары» қор коллекциясының жеке тектік қор иесі, Қазақстан Халық ағарту ісінің үздігі, Қазақ ССР халық ағарту ісінің озық қызметкері, Қорқыт ата атындағы Қызылорда мемлекеттік университетінің академиялық профессоры, педагогика ғылымдарының кандидаты Әмірбек Тоқбергенов. Бұл туралы «Қызылорда облысының мемлекеттік архиві» КММ «Қоғамдық-саяси тарихы архиві» филиалының жоғары санатты архивисі А.Ұзақбаева мәлімдеді.Еңбек жолын 1955 жылдан Қызылорда қаласындағы П.Д.Осипенко мектебінде бастаған ол 1957-1961 жылдары 1 Мамыр мектебінде және осы 8 жылда педагогикалық және медицина училищелерінде ағылшын тілінен сабақ берген. 1961-1968 жылдары Ю.Гагарин атындағы мектеп-интернатта, 1968 жылдан бері Қызылорда педагогикалық институтында педагогика және психология, шетел тілдері кафедрасында оқытушы қызметін атқарған. 1970 жылы қыркүйек айында Ыбырай Алтынсарин атындағы педагогикалық ғылыми зерттеу институтының жанындағы аспирантураға конкурспен түсіп, 1973 жылы бітірген.&nbsp;Саналы ғұмырының салтанаты, межелі мінбелерінің әр сағаты, бақытының баяндысы, ойларының орамдысын, еңбегінің есесі мен көрегенділіктің көшесін ұстаздық қызметтен тапқан. Өмір өзені, өнеге-өткелі иман-инабатты асқақ арманды асыл ағамыз ілім-ғылымның шырқау көгіне шарықтай көтеріліп, 1974 жылы кандидаттық диссертация қорғап, педагогика ғылымдарының кандидаты ғылыми дәрежесіне ие болды. 1977 жылы шетел тілдері кафедрасы бойынша (оқыту әдістемесі курсы) доцент атағы берілді және факультет аралық шетел тілдері кафедрасының меңгерушісі қызметін 1988 жылға дейін атқарды. 1988-2003 жылдары педагогика және бастауыш оқыту методикасы, педагогика және психология кафедраларында қызмет атқарды. Осы жылдарда тек шетел тілдері бойынша білім жетілдіру курстары (Алматы, Горький қалалары) семинар-кеңестер (Пятигорск қаласы) ғана емес, Бүкілодақтық Білім қоғамы өткізген ғылыми-практикалық конференцияларға: Калуга қаласында, Москва қаласында, Душанбе қаласында, республикалық ғылыми-практикалық конференцияларға (Шымкент, Павлодар, Түркістан қалалары) қатысқан, оқылған баяндамалары жоғары бағаланып, 1977 жылы Бүкілодақтық «Білім» қоғамының «Құрмет» грамотасы, 1987 жылы «Ыбырай Алтынсарин» атындағы медалі, «Қазақстан Республикасы білім беру ісінің үздігі» белгісі, халық депуттары Қызылорда облыстық Кеңесінің атқару комитетінің «Құрмет» грамотасымен марапатталды. 1969 жылдан бастап жастарға тәрбие беру тиімділігін арттыру мен педагогика тақырыбы бойынша республикалық, облыстық мерзімдік баспасөздерде мақалалар жариялады. Университеттің «Жаршы» ғылыми бюллетенінде 2001-2003 жылдары оқу тәрбие үрдісіндегі инновациялық технология мәселелері бойынша мақалалары жарияланды. Жастарға тәрбие беру тиімділігін арттыру мен оқу-тәрбие үрдісіндегі инновациялық технология мәселелері бойынша республикалық, облыстық, мерзімдік баспасөзден көрінбей қалатын сәті сирек салауатты Әмірбек ағаға 1997 жылы Қорқыт ата атындағы Қызылорда мемлекеттік Университетінің Ғылыми Кеңесінің шешіміміен академиялық дәрежесі профессор атағы берілді.&nbsp;«Өмірінің соңғы жылдарында да педагогика және бастауыш оқыту методикасы, педагогика және психология кафедрасында дәріс оқып, кейінгі толқынын кемел келешегіне бағдар берді. Әбекең мәнерлі сөз, өрнекті өлеңге құмар ақынжанды азамат еді. Әңгіме арасында әлем классиктері шығармасымен қатар Абай мен Шәкәрімнің философиялық ой оралымдарын ортаға салып, Мұқағалидің мұң-жырын жүрек көзімен көре білетін» деп әріптестері еске алғанын архив құжаттарынан көруге болады.Ғұмыр-ғибратын, парасат-пайымын жас буын игілігіне арнаған ағарту саласының ардагері, абзал ағаның асыл бейнесін еске алуды парыз санадық. Адал да үлкен жүректі, қадірменді ұстаз бола білген Әмірбек Тоқбергенов өмірден өткенімен, өмірі өнегелі ұстаздық бейнесі халықтың жадында сақтала бермек.&nbsp;Фото: &nbsp;freepik.com

А.Ұзақбаева: Қызылордалық ғалымның еңбегі көпке үлгі

<a href="https://kyzylorda-news.kz/">Kyzylorda-news.kz</a>&nbsp; &nbsp;Ассамблея – ел бірлігін іс жүзінде орнықтыра түсетін тиімді құрылым. Президент Қазақстан халқы Ассамблеясының «Бірлік. Жасампаздық. Өрлеу» атты XXXIII сессиясында осылай деді. Сондай-ақ Қасым-Жомарт Тоқаев тасқын сумен күресуге зор үлес қосқан отаншыл азаматтарға ризашылығын білдірді.«Халқымыз өте ауыр сынаққа тап болды. Қазақстан аумағының жартысын тасқын су басып қалды. Еліміздің мызғымас бірлігі осы қиын күндерде айқын көрінді. Құтқарушылар, волонтерлер, мемлекеттік қызметшілер, сарбаздар, тәртіп сақшылары, қоғам белсенділері, бизнес өкілдері және жастар – бәрі бірге жүр. Отандастарымыз зардап шеккен жандарға жаппай қол ұшын созды. Бір-біріне шынайы жанашыр болды. Мен қарғын сумен күресуге зор үлес қосқан нағыз отаншыл азаматтарға шексіз ризамын», – деді мемлекет басшысы.Сондай-ақ Мемлекет басшысы Ассамблея мүшелерін қоғамдық кеселдерге қарсы жұмыс істеуге шақырды. Президенттің айтуынша, нашақорлық, құмарпаздық, тұрмыстық зорлық-зомбылық, вандализм және ысырапшылдық сияқты әлеуметтік кеселдермен күресу ісінде ұйым маңызды рөл атқарады. Осындай қатерлі құбылыстардан біржола арылу ұрпақтың болашағы үшін айрықша маңызды деді мемлекет басшысы Қасым-Жомарт Тоқаев.Сақтапберген Жұбатқанов,Қырғыз этномәдени бірлестігінің төрағасы

Сақтапберген Жұбатқанов: Ассамблея – қайырымдылық егіз ұғым

<a href="https://kyzylorda-news.kz/">Kyzylorda-news.kz</a> Бүгін Мемлекет басшысы Қасым-Жомарт Тоқаевтың төрағалығымен «Бірлік. Жасампаздық. Өрлеу» атты тақырыпта Қазақстан халқы Ассамблеясының кезекті ХХХІІІ сессиясы өтті.«Халықтың кемеліне келіп, өркендеп өсуі үшін ең алдымен азаттық пен білім қажет», — деген екен Ш. Уәлиханов. Тәуелсіздік пен жастарға білім беруді саясаттың басты шарты ретінде алға қойған ел Президенті қашанда біздің буынға үміт артады.Жастарымыз ар-намыс, парызға сенімділік, парасаттылық, Отанымыздың өркендеуі жолындағы жасампаздық сияқты жоғары құндылықтардың &nbsp;жолын ұстанып өсуі тиіс. Өзіне қатысты талапшылдық, төңірегіндегілерге қатысты адалдық, елге қатысты сенімділік — өскелең ұрпақты тәрбиелеудегі шешуші сәттер, міне, осылар.Жас ұрпақ айтылған алғы күннің міндеттерінің абыройлы орындалуына өз үлестерін қосады деген сенімдемін.Манзура Абдугафарова, Қызылорда облыстық өзбек этномәдени бірлестігі төрағасының орынбасары.

Қазақстан және Қызылорда облысының жаңалықтары