Фото: Қорқыт ата атындағы Қызылорда университеті<a href="https://kyzylorda-news.kz/">Kyzylorda-news.kz.</a> Қорқыт ата атындағы Қызылорда университеті жергілікті кәсіпкерлерді іскерлік таңғы асқа шақырды.Кездесудің басты мақсаты – бизнес пен білім арасындағы ынтымақтастық мүмкіндіктерін талқылау, аймақтағы кәсіпкерлікті дамытуға қолдау көрсету. Сонымен қатар, таңғы аста кәсіпкерлік саласы бойынша жаңа білім беру бағдарламаларын құру тиімділігі талқыланды.Қатысушылар «Білім беруді дамыту стратегиялары: Өңірдегі жоғары білім сапасын қалай арттыруға болады?», «Кәсіпкерлікті қолдау: Қызылорда облысында қолайлы бизнес ортаны қалай құру қажет?» деген сұрақтар бойынша идеяларын айтып, ұсыныстарын жеткізді.Қорқыт ата атындағы Қызылорда университетінің Басқарма төрағасы – Ректоры Бейбіткүл Кәрімова университеттің жетістіктері мен жаңалықтарына, жаңа бастамалардың маңыздылығына тоқталды.Жиын барысында кәсіпкерлер мұндай кездесулер білім және бизнес саласын дамыту үшін тиімді екенін айтты.<blockquote>«Таңғы асқа әртүрлі бағыттағы бизнес өкілдері жиналды. Университет ұжымы жұмыс берушілермен кездесу арқылы қандай мамандарға сұраныс бар екенін, қандай мамандықтарды оқыту қажеттігін анықтауда. Жеңіл өнеркәсіп саласы бойынша қазір цифрлық технологияны жетік меңгерген мықты мамандар керек. Себебі жұмыстың барлығы компьютерлік жүйелер арқылы іске асады. Ал оны жүргізу үшін маманның шетелде оқып келгені, тәжірибе алмасуы, практикадан өткені өте маңызды»,– деді «Ас-Ка» ЖШС директоры Дина Махатова.</blockquote>«Био Мой доктор» клиникасының директоры Ләззат Өмірзақова да бизнесті әлемдік деңгейге шығару үшін цифрлық технологияны қолдану, сол бағытты дамыту қажеттігіне тоқталды.Кездесуге сала мамандарымен қатар білім алушылар да қатысты.

Университет өкілдері мен кәсіпкерлер бизнесті дамыту мәселелерін талқылады

Фото: Облыс әкімінің баспасөз қызметі<a href="https://kyzylorda-news.kz/">Kyzylorda-news.kz.</a> Биыл Сыр өңірі әлеуметтік-экономикалық даму көрсеткіштері бойынша республикадағы үздіктер қатарында. Мұнай қорының сарқылуына қарамастан, өңірде жаңа индустриялық жобалар қолға алынып, өнеркәсіп өндірісінде өсім тіркелді. Бұл туралы облыс әкімі Нұрлыбек Нәлібаев облыстық мәслихат сессиясында айтты.<blockquote>«Өңірдегі мұнай қорының сарқылуы салдарынан соңғы 10 жыл бойы төмендеу тенденциясын көрсетіп келген өнеркәсіп өндірісі көлемі биылғы қыркүйек айынан бастап өсті. Өңірлік экономиканың стратегиялық маңызды саласының бірі ретінде өңдеуші өнеркәсіпті дамытудамыз. 2023-2028 жылдар аралығында облыста жалпы құны 1,1 трлн теңге болатын 65 жоба іске қосылады, 9 мыңға жуық жаңа жұмыс орны ашылады. Биыл құны 14,1 млрд. теңге болатын 15 жоба іске қосылды», – деді Нұрлыбек Машбекұлы.</blockquote><figure class="image"><img src="https://knadmin.beoblood.kz/uploads/409773863_657594946561753_7554608056046806218_n_d38b2d8799.jpg" alt="409773863_657594946561753_7554608056046806218_n.jpg"></figure>Айта кетейік, облыстағы ірі жобалардың бірі – шыны зауыты жобалық қуаттылығының 88 пайызын игеріп, 173,5 мың тонна өнім шығарды.<figure class="image"><img src="https://knadmin.beoblood.kz/uploads/409824846_657594876561760_6887123215384375575_n_10c8df5757.jpg" alt="409824846_657594876561760_6887123215384375575_n.jpg"></figure>

Қызылорда: Өңдеуші өнеркәсіптің әлеуеті артып келеді

Фото: life09.kz<a href="https://kyzylorda-news.kz/">Kyzylorda-news.kz.</a>&nbsp; Бір тәулік ішінде қызылордалық полицейлер ауа райының қолайсыздығына байланысты 15 жүргізушіге көмек көрсетті.Қызылорда облысы полиция департаменті басшылығының атына әлеуметтік желілер арқылы облыс жолдарындағы ауа райының қолайсыздығына байланысты қиын жағдайға тап болған жүргізушілерден алғыс сөздер келіп түсуде.&nbsp;12 желтоқсан күні Қызылорда облысында ауа райының күрт суытып, боран болуына байланысты, жүргізушілер мен жаяу жүргіншілерге полицейлер тарапынан түсіндірме жұмыстары жүргізілді.&nbsp;Сонымен қатар республикалық маңызы бар жолдарда жол жағдайына байланысты, көлік жүргізушісілердің жағармайлары қатып қалып, 15 автокөлікке патрульдік полиция рота қызметкерлерімен көмек көрсетілді, яғни автокөліктер қайта жолға шығарылды.&nbsp;<blockquote>&nbsp;Патрульдік полицейлер осындай жағдайларда қандай әрекет жасау керек екендігін біледі. Көлік құралдары тоқтап қалған жағдайларда эвакуаторды шақыру, қажет болған жағдайда елді мекенге жеткізу, көлік құралының қозғалтқышын жылыту, эвакуациялау жұмыстарын жүргізеді. Біз қызметкерлерімізді кез келген жағдайларға дайын болуға үйретеміз. Үнемі азаматтардың қауіпсіздігін, құқықтарын қорғауды назардан тыс қалдырмауыз қажет, – дейді Қызылорда облысы полиция департаменті бастығы Махсудхан Аблазимов.</blockquote>&nbsp;

Қызылордалық полицейлер бір тәулік ішінде жолда қалған 15 жүргізушіге көмек көрсетті 

Фото: mirpozitiva.ru<a href="https://kyzylorda-news.kz/">Kyzylorda-news.kz.</a> Қазгидромет синоптиктері 14-16 желтоқсанға арналған үш күндік ауа райы болжамын жариялады.&nbsp;Алдағы үш күнде Қазақстанның басым бөлігінде жауын-шашынсыз ашық ауа райы сақталады, дегенмен аяздың беті қайта бастайды.Қазақстанның шығысы арктикалық антициклонның ықпалында болады. Сондықтан мұнда аязды температура әзірге тұра береді.15-16 желтоқсанда атмосфералық фронттардың әсерінен республиканың батысында, оңтүстігінде және оңтүстік-шығысында қар жауады.Республиканың батысында, оңтүстігінде және оңтүстік-шығысында жел күшейіп, боран соғады, таулы аймақтарда тұман түседі, республиканың батысында шаңды дауыл тұрады.<blockquote>«Ауа температурасы түнде бірте-бірте көтеріледі. Батыста — 5-15 градус аяз, солтүстік-батыста және орталықта — 10-25 градус аяз, солтүстікте — 17-28 градус, оңтүстікте — 5-18 градус, оңтүстік-шығыста — 10-25 градус аязға дейін жылынады» дейді мамандар.&nbsp;</blockquote>

Алдағы күндері қар жауады

<a href="https://kyzylorda-news.kz/">Kyzylorda-news.kz.</a>&nbsp;Еліміз соңғы жылдары саяси реформалар арқылы түбегейлі жаңғыру жолына қадам басты. Аймақ тұрғындары ауқымды саяси науқандарға белсенді қатысып, бекем бірлік пен тату тірліктің үлгісін көрсетті. Енді аз уақытта тарихқа айналатын 2023 жыл Қызылорда облысы үшін келелі істер мен жарқын жетістіктерге толы болды. Бұл туралы облыс әкімі Нұрлыбек Нәлібаев бүгін өткен облыстық мәслихаттың кезекті VIII сессиясында айтты.Аймақ басшысы сессияға қатысушыларды мемлекеттік мереке – Қазақстан Республикасының Тәуелсіздігі күнімен құттықтап, биылғы жылдың негізгі оқиғаларын атап өтті.«Конституциялық өзгерістерге сәйкес өткен Президент сайлауын, Сенат, Мәжіліс, мәслихаттар сайлауын және референдумды айтсақ, мемлекетіміз үшін өте маңызды 5 саяси науқанда жерлестеріміздің белсенділігі арқасында алдыңғы қатардан көріндік», – деді Нұрлыбек Машбекұлы.Еске салсақ, биыл жерлестеріміз Рүстемов Руслан Рүстемұлы, Жайымбетов Мархабат Жайымбетұлы, Ергешбаев Мұрат Нәлқожаұлы Парламент Сенаты мен Мәжілісінің депутаты болып сайланды. Облыстық мәслихаттың жаңа құрамы жасақталып, оған 32 депутат енді.Мұнан бөлек, биыл елімізде алғаш рет 45 аудан және облыстық маңызы бар қала әкімдерінің тікелей сайлауы өткізілді. Сыр өңіріндегі Шиелі мен Сырдария ауданы халқы да таңдау жасап, мемлекетті басқару ісіне үлес қосты.<blockquote>«Мемлекет басшысы Қасым-Жомарт Кемелұлы «Егемен елімізді одан әрі дамыту – алдымызда тұрған басты міндет. Біз осы жолда аянбай еңбек етуіміз қажет. Сонда ғана Қазақстан қуатты мемлекетке айналады», – деген болатын. Еліміздің жаңа экономикалық бағдарына негізделген Мемлекет басшысының тапсырмаларын мүлтіксіз орындау – біздің негізгі міндетіміз», – деді облыс әкімі.</blockquote><figure class="image"><img src="https://knadmin.beoblood.kz/uploads/408949082_657546049899976_1557303181774512399_n_b2045757d1.jpg" alt="408949082_657546049899976_1557303181774512399_n.jpg"></figure>

Н.Нәлібаев: Мемлекет басшысының тапсырмаларын орындау – басты міндетіміз

Фото: inform.kz<a href="https://kyzylorda-news.kz/">Kyzylorda-news.kz.</a> Сыбайлас жемқорлықтың алдын алудағы маңызды қадам– мемлекеттік аппараттың жұмысын оңтайлы әрі тиімді ұйымдастыру. Мемлекеттік қызмет істері агенттігімен бұл бағытта бір қатар кешенді жұмыстар атқарылуда.Мемлекет басшысының «Әділетті мемлекет. Біртұтас ұлт. Берекелі қоғам» атты Қазақстан халқына жолдауында мемлекеттік басқару ісін қайта жаңғырту жаңа кезеңдегі басым бағыт ретінде белгіленген.Мұны іске асырухалыққа әділ, адал, ашық қызмет көрсететін, адамға бағдарланған сервистік сипаттағы мемлекеттік аппарат қалыптастырудыкөздейді.Осыған орай, әлемдік тәжірибедегі жетістіктер менмемлекеттік қызметтің мансаптық және позициялық модельдерінің ұтымды элементтері ескеріліп, еліміздемемлекеттік аппараттың жұмысын тиімді ұйымдастыружаңашасипатта өріс алуда.Нақтырақ айтсақ, мансаптық модельге сәйкес, іріктеудің ашық жүйесін қамтамасыз ете отырып, жас мемлекеттік қызметшіге төменгі лауазымдардан бастау арқылы меритократия қағидаты бойынша өсу мүмкіндігі, ал позициялық модельге сай жеке сектордан кәсіби мамандарды тарту тетіктері енгізіліп отыр.Кадрларды іріктеудің ашық, әділ жүйесін қалыптастыру сыбайлас жемқорлық тәуекелдерінің алдын алудағы басты қадам. Осы орайда агенттікпен мемлекеттік қызметтің барынша ашықтығын қамтамасыз ету үшін «Е-қызмет» жүйесін жаңғырту жүргізілуде.Мемлекеттік қызметке жаңа іріктеу алгоритмі әзірленіп, конкурстық рәсімді өткізу форматы қайта қаралды.Конкурстың жетілдірілген тәртібі үміткерлерге алдын ала белгіленген уақытта өтетін әңгімелесуден басқа барлық кезеңдерде әлемнің кез келген нүктесінен және кез келген уақытта конкурсқа қатысуға мүмкіндік береді.«Адами фактордың» ықпалын және сыбайлас жемқорлық тәуекелдерін болдырмау үшін іріктеу кезеңдерінен өту кезінде үміткерлер туралы ақпарат толығымен жасырылып, оларға ID-нөмір беру көзделген. Бұған қоса прокторинг жүйесі үміткерлердің тестілеу кезіндегі жасаған іс-әрекеттерін қадағалайды.Конкурс қорытындысы бойынша ең көп ұпай жинаған үміткер жеңімпаз ретінде жүйемен анықталады. Мұның мемлекеттік қызметке тамыр-таныс арқылы орналасу туралы стереотипке тосқауыл қояры анық.&nbsp;Әлемдік тәжірибеде сыбайлас жемқорлық құқық бұзушылықтарға тосқауыл ретіндеротациялау институты кеңінен қолданылады. Қызметшілерді ротациялау олардың кәсіби әлеуеті мен басқару тәжірибесін тиімді пайдалануды жүзеге асырып, сыбайлас жемқорлықтың орын алу тәуекелдерін азайтады.&nbsp;Бұған дейін тиісті қызметтік баспаналармен қамтамасыз етуге &nbsp;мүмкіндіктің шектеулігіротациялауды тежейтін өзекті мәселелердің біріболған еді. Агенттік бастамасымен заңнамаға енгізілген өзгерістерге сәйкес, енді басқа елдімекенге ротацияланған қызметшілерге тұрғын үйді жалдау үшін ротациялық төлемдер төленеді.Бұл шара мемлекеттік қызметшілерді ротациялауды кедергісіз жүзеге асыруға мүмкіндік береді. Ал бір орнында ұзақ отыру факторын болдырмау сыбайлас жемқорлықтың орын алу тәуекелін азайтады.Мемлекеттік қызмет жүйесінде сыбайлас жемқорлыққа қарсы іс-қимылдыңбасты құралы ретінде мемлекеттік қызметшілер үшін этикалық стандарттарды белгілейтін Әдеп кодексі қолданылады.2022 жылы мемлекеттік қызметшілердің Әдеп кодексі жаңа редакцияда қабылданды.Онда ашықтық, әділдік, адалдық, сыпайылық, адал ниеттілік, және адамға бағдарлану – мемлекеттік қызметтің негізгі әдептік қағидаттары ретінде белгіленді. Осылайша, қызметшілер жұртшылықпен жұмыс істеуге дайын екенін көрсетіп, өз қызметінің ашықтығын қамтамасыз етуі, халықтың сұранысына сай қызмет көрсетуі және азаматтардың өтініштерін қарау кезінде әуре-сарсаңға жол бермеуі тиіс.&nbsp;Еліміздің барлық өңірлерінде сыбайлас жемқорлықтың алдын алуға және қызметтік әдеп нормаларын бұзушылықтардың, мемлекеттік қызметке кір келтіретін тәртіптік теріс қылықтардың профилактикасына бағытталған іс-шаралар әзірлеуді көздейтінӘдеп кеңестері жұмыс атқарады. Олардың басты міндеттерінің қатарында сыбайлас жемқорлық тәуекелдерін талдау жәнемемлекеттік органдардың сыбайлас жемқорлыққа қарсы іс-қимыл заңнамасын бұзу профилактикасы бойынша жұмыс қорытындыларын қарау, сыбайлас жемқорлықтың алдын алу нысандары мен әдістерін жетілдіру мәселелері бойынша ұсынымдар әзірлеу арқылы сыбайлас жемқорлықты ескерту мен оның алдын алукіреді. Бұл бағытта, Әдеп жөніндегі уәкілдер тарапынан жан-жақты түсіндірме жұмыстары жүргізіліп, жыл басынан 17 мыңнан астам азамат пен қызметшіге консультативтік көмек көрсетілді.Мемлекеттік қызмет және сыбайлас жемқорлыққа қарсы іс-қимыл туралы қолданыстағызаңнамаларға сәйкес мемлекеттік органдардың, ұйымдардың, квазимемлекеттік сектор субъектілерінің басшыларынақоластындағы қызметшілердің сыбайлас жемқорлық қылмыстарынжасағаны үшін жауаптылық қарастырылған.&nbsp;Ағымдағы жылы осы мәселені күшейту мақсатында заңнамаға толықтырулар енгізілді. Енді қоластындағы қызметшісі бірнеше рет немесе ірі және аса ірі мөлшерде сыбайлас жемқорлық қылмыс жасаса, саяси мемлекеттік қызметшінің тәртіптік жауапкершілігі міндетті түрде қаралатын болады.Сонымен қатар, саяси мемлекеттік қызметші бұрынғы жұмыс орны бойынша қызметі кезеңінде өзіне тікелей бағынысты қызметшінің сыбайлас жемқорлық қылмысы үшін отставкаға кету жауапкершілігінен &nbsp;босатылмайды.Электрондық мемлекеттік қызметтерді дамыту сыбайлас жемқорлықты болдырмаудың тиімді тетіктерінің бірі.БҰҰ-ның электрондық үкіметті дамытудың жаһандық рейтингінде Қазақстан 28-орынға көтерілді. Бүгінде мемлекеттік қызметтердің 93%-ы электронды түрде көрсетілуде. Бұл адам факторының орын алмауына үлкен септігін тигізуде.Мемлекеттік қызмет көрсету сапасына бақылауды жетілдіру аясында проактивті мониторинг жасау арқылы құқық бұзушылық орын алған жағдайда заңдылықты орнату тәжірибесі басталды. Жүргізілген мониторинг өңірлерде алты жүзге тарта негізсіз бас тарту және толық жауап жолдамау фактілерін анықтап, қызмет алушылардың құқығы қорғалды.Мемлекеттік қызметтер көрсету саласын одан әрі жетілдіру аясындаАгенттікпен «Мемлекеттік қызметтер туралы» Заңғаенгізілетін түзетулер әзірленуде.Соған сәйкес, мемлекеттік қызмет көрсету барысында «бас тартусыз рәсімдерге» көшу, көрсетілетін қызметті алушылардың құқықтарын дереу қалпына келтіру жүйесін қалыптастыру қарастырылуда.Сондай-ақ мерзімдерді есептеу, халықаралық-құқықтық қатынастар институттарын енгізу, клиентке бағдарлану, проактивтік, композиттік, эксаумақтық, көрсетілетін қызметті берушіге сенім және оның дербес жауапкершілігі қағидаттарын енгізу жөнінде ұсыныстар әзірленді. Мемлекеттік қызмет көрсетуді реттеп отырған нормативті құқықтық базаларды талдау нәтижесі бойынша Агенттікпен тиісті мемлекеттік органдарға анықталған кемшіліктерді жоюға қатысты 470 ұсыныс енгізілді.&nbsp;Агенттік мемлекеттік қызмет көрсетуде ешқандай құпия болмауы тиіс және ол толықтай ашық болуы керек деген айқын ұстанымда. Мемлекеттік аппарат қызметіндебюрократияның орын алуы оның тиімділігін төмендетіп, сыбайлас жемқорлық тәуекелін тудыруы мүмкінекендігін ешкім жоққа шығармайды.Президенттің мемлекеттік аппараттың қызметін бюрократиядан арылту жөніндегі шаралар туралы Жарлығына сәйкес Агенттікпен жүргізілген мониторинг және талдау нәтижелері бойынша бюрократиялық кедергілерді жоюға қатысты 373 ұсыныс әзірленді. Бұл ұсыныстар сервистік мемлекеттік аппаратты қалыптастыруға және артық бюрократиялық кедергілерді жоюға қатысты болып отыр.Мұның барлығы көрсетілетін мемлекеттік қызметтің жұртшылық үшін ашықтығы мен тиімділігін қамтамасыз етіп, заңға қайшы түрлі әрекеттердің орын алмауына септігін тигізеді деп күтілуде.&nbsp;Жемқорлыққа жаппай төзімсіздікті қалыптастыру және оның қоғамдағы әділдік принциптеріне қайшы әрекет екендігін әр адамның саналы түрде сезінуі, түсінуі маңызды.Мемлекет басшысы Түркістанда өткен Ұлттық құрылтайда «Ең бастысы, біз мемлекеттік аппарат өкілдерінің сана-сезімін өзгертуге баса мән беруіміз қажет. Олар туған-туыстарының арасында не болмаса қоғамда абырой-беделге ие болуды емес, ең алдымен, халыққа, елге адал қызмет етуді мақсат тұтуға тиіс. «Адал азамат» дегеніміз – осы» деп атап өтті.&nbsp;Жеке бастың қамынан көрі елдік мүддені биік қою адамды абырой биігіне көтерері анық. Қоғамдық санада адамшылық қасиеттер мен ар-ұждан жоғарғы идеалдарға айналғанда ғана әр адам өз басының пайдасын емес,елдің қамын ойлайтын азаматтық сана деңгейіне көтеріледі. Ол үшін рухани-адамшылық құндылықтарды адамның бойына сіңіру мен тұрақтандыруды ерте жастан бастау қажет. Мұны тәрбие, білім беру үрдісімен бірге жүргізу керек. Адалдықты адамшылықтың өлшемі ретінде бойына сіңірген адамдардың мемлекет пен қоғамға тигізер пайдасы қашанда зор. «Адал азамат» болу әр адамның өзі өмір сүріп отырған мемлекет пен қоғам алдындағы жауапкершілігінтереңсезінуінен басталады.&nbsp;Бүгінде Агенттік алдында мемлекеттік қызметшілердің «Адал азамат» идеалдарына сай келетін кәсіби және тұлғалық қасиеттерін үнеміілгерілету міндеті тұр.Бұл нені білдіреді? Әрбір мемлекеттік қызметші сыбайлас жемқорлық көріністеріне, мемлекеттік қызметке кір келтіретін бюрократияға, көзбояушылық формализмге, жұмыстың имитациялық сипатына және қызметтің жасанды декларативті элементтеріне жол бермей, жұмыс тәсілін өзгертіп, жаңаша серпінге қадам жасауы керек. Ең бастысы қоғам мүддесін өз мүддесінен жоғары қоя алатын тұлғалық қасиетке ие болуы тиіс. Осы талаптарды енгізу тетіктерін қалыптастыру Агенттік жұмысының басым бағыттарының бірі.&nbsp;Жемқорлық деңгейі төмен елдердің тәжірибесі бұл дерттің алдын алудағы ең басты және стратегиялық тұрғыда ең пәрменді шара – қоғамда жемқорлыққа қарсы мәдениетті қалыптастыру екенін көрсетіп отыр.Жемқорлық – бұл тұтас қоғам болып күресетін дерт.Бұл жалпы азаматтарымыздың, әсіресе мемлекеттік қызметшілердің саналы өзгеруі бағытында жүргізілетін кешенді &nbsp;идеологиялық жұмысты қамтиды.&nbsp;Сыбайлас жемқорлықтың алдын алу шараларына қатысты бүгінде Агенттікпен жасалып жатқан жұмыстарсыбайлас жемқорлықтың орын алуына мүмкіндік тудыратын түрлі кедергілерді жоюмен, оның себептерінің алдын алумен байланысты болып отыр.Жемқорлыққажол бермеу басты назарда. Бұл жұмыс тұрақты түрде жалғасын табатын болады.Дархан ЖАЗЫҚБАЙ,ҚР Мемлекеттік қызмет істері агенттігінің төрағасы. &nbsp;

Дархан Жазықбай: Жемқорлыққа жол бермеу – басты назарда

<a href="https://kyzylorda-news.kz/">Kyzylorda-news.kz.</a>&nbsp; Қызылорда қалалық санитариялық-эпидемиологиялық бақылау басқармасы басшысы болып Сыздықова Гүлмира Жамбылқызы тағайындалды.Г. Сыздықова 1969 жылы Қызылорда қаласында дүниеге келген. 1987 жылы Қызылорда мемлекеттік медициналық училищесінде “Емдеу ісі,фельдшер” мамандығы бойынша білім алса, 1995 жылы Қарағанды мемлекеттік медицина институтында “ Медико-профилактикалық іс” мамандығы бойынша оқыған. 2016 жылы “Тұран” университетін “Құқықтану” мамандығы бойынша тәмамдаған.Алғашқы еңбек жолын 1987 жылы Қызылорда темір жол СЭС-нде паразитология бөлімінің дезинструкторы болып бастаған. Әрі қарай аймақтың санитариялық-эпидемиологиялық бақылау саласында өндіріс гигиенасы, балалар және жасөспірімдер гигиенасы, жалпы санитариялық қадағалау, тағам нысандарын қадағалау бағыттары бойынша бас маманнан бөлім басшысына дейінгі қызметтерге сатылап көтерілді.&nbsp;2017 жылдан бастап бүгінгі күнге дейін Қызылорда қалалық санитариялық-эпидемиологиялық бақылау басқармасы басшысының орынбасары қызметін абыроймен атқарып келді.Г.Сыздықова - қаланың денсаулық сақтау саласымен жақсы таныс, өзекті мәселелердің оңтайлы шешімін табуға әлеуеті жеткілікті білікті кадр.&nbsp;

Санитариялық-эпидемиологиялық бақылау басқармасының басшысы тағайындалды

<a href="https://kyzylorda-news.kz/">Kyzylorda-news.kz.</a>&nbsp;Балық аулау – ежелден келе жатқан адамзат өміріндегі маңызды кәсіптердің бірі. Сол себепті бүгінге дейін балық аулаудың бірнеше түрі мен тәсілі ойлап табылды.&nbsp;Соның бірі балық аулаудың күрделі түрі желі қармақпен балық аулау әдісі. Желі қармақ ұзындығы 50-60 м кендір арқанның бойына 2 м сайын 20-30 қармақ, бір жерге 40-60 желі қатарынан жалғастырылып құрылатын құрылғы. Жүз елудей қармақ байланған алты кішкене желінің қосындысын балықшылар «сүре» деп атайды. Сүрелердің аралығына байлап, су түбіне тасталатын салмағы 20 кг-дай ауыртпалық желілерді бір орында қозғалтпай ұстап тұрады. Су бетінде жиырма шақты қалтқыдан тұратын көтергі оны батырмай көтеріп тұрады. Ертедегі қарапайым желінің ұзындығы 11-13 құлаш, желі аралары 18 см етіп байланған, бауы қысқалау бір қарыс қана кендірден жасалған. Бекіре, шоқыр, қорытпа аулаудың бір әдісі - қарашағырмаққа кендірден желі жасап, жіптің бойына 8-10 см сайын қара қармақтар байлау.Сондай-ақ, балықты қамап аулау - судың арнасын жырып жасаған жасанды айырықтан бөгеу (қарабура) жасап, айырықтың соңына тоғанша істеп, қамалған балықты аулау әдісі. Сондай-ақ иірімдегі балықты атпен, құрал көмегімен таяз қайраңға қаумалап айдап, жондары көрініп қашқан балықты таяқ, сабау, серемен соғып алады.Балықты қыстыгүні аулау - қыстыгүні балық жиналатын орынды - балық қазанын тауып, самал деп аталатын құралмен мұзын ойып, «үкіжасап», жылымды су түбіне салады. Ойылған «үкінің» біріншісінен екіншісіне қарай жылымның қанатын нәрелмен (ұзын сырықпен) айдап отырады. Егер кішілеу ay болса, үкі аралығын сегіз метрдей етіп ояды да, астаумен байланыстырып қойып, ауды бір ойықтан салып, екінші жағынан түскен балықтарды майлық ыдысқа тоғытып ала береді. Мұз ойып, аумен балық сүзіп алуды «үкі сүзу» деп атайды. Жылымды қыстыгүні мұз астына құлақ / жетек арқанмен тартып жылжытып отырады да, мұз бетіне шығарар кезде айыр ағаш тәпекпен оның екі қанатын қосып, арасынан балық шығып кетуін бөгейді. Аудың қатқан мұзын шаулап қайтадан суға салып отырады. Жылымды тек қыста ғана салып отыратын болса, алты-жеті жылға, ұдайы қолданса екі жыл ғана қолдануға жарайды.Жалпы, балық аулаудың түрі мен әдісі көп. Ең бастысы, балық аулау сәтінде қауіпсіздік ережесін қатаң қадағалауымыз керек.Шынжырхан Сүлейменов,&nbsp; «Қызылорда Fish» Қызылорда облысы бойынша спорттық және әуесқой балық аулаушылар қоғамы қоғамдық бірлестігінің атқарушы директоры &nbsp;

Балық аулау сәтінде қауіпсіздік ережесін қатаң қадағалауымыз керек

Фото: fingramota.kz<a href="https://kyzylorda-news.kz/">Kyzylorda-news.kz.</a> 2024 жылы жалпыға бірдей декларациялаудан бизнес иелері мен олардың жұбайлары өтуге тиіс. Бұл ретте кәсіпкерлік қызметтің ауқымы, кіріс мөлшері маңызды емес – декларацияны барлығы толтыруға міндетті. Fingramota.kz-тің материалында жалпыға бірдей декларациялаудың қыр-сыры жөнінде айтып береміз.&nbsp;Салық салу – бұл мемлекеттік басқарудағы басты функциялардың бірі, сондай-ақ қоғамның экономикалық және әлеуметтік даму жолындағы негізгі талаптардың бірі.Жалпыға бірдей декларациялау&nbsp;жүйесіне кіретін бірінші жылы активтер мен міндеттемелер туралы декларация ұсынылады (нысан 250.00). Екінші жылдан бастап кірістер мен мүліктер жөнінде декларация ұсыну қажет (нысан 270.00). Бұл ретте, жалпыға бірдей декларациялау бір жолғы емес, жыл сайын ұсынылатынын атап өтеміз.Сондай-ақ, декларацияны қызметін уақытша тоқтатқан және мүлдем тоқтатқандар ұсынуға тиіс екендігін естен шығармау қажет. &nbsp;Сондықтан бизнес иелерінің екі жолы бар: не жеке кәсіпкерлікті &nbsp;алдын ала жабу не декларация ұсыну. &nbsp;Бұл талап филиалдар мен өкілдіктердің басшыларына қолданылмайды.Декларацияның үлгі нысанын ҚР Қаржыминінің Мемлекеттік кірістер комитетінің www.kgd.gov.kz сайтында «Жалпыға бірдей декларациялау» бөлімінде және Салық төлеушінің кабинетінде «Салық есептілігінің нысандары» бөлімінде оқып білуге болады.Декларацияны екі форматта – қағаз және электрондық&nbsp;түрде беруге болады. Бірінші жағдайда декларациямен ХҚО-ға келуге немесе тапсырыс хатпен мемлекеттік кірістер департаментіне жіберуге болады. Электрондық түрдегі &nbsp;декларациялар Салық төлеушінің кабинеті, eGov порталы, сондай-ақ &nbsp;eSalyq Аzamat және eGov mobile қосымшалары арқылы қабылданады.Декларацияны 2024 жылғы 15 қыркүйектен кешіктірмей ұсыну қажет.&nbsp;Декларацияда мүлікті сатып алу және/немесе сату, оны сыйлыққа немесе мұраға алу, сондай-ақ ел аумағынан тысқары мүлікті қоса алғанда, мемлекеттік немесе басқа тіркелуге тиіс мүлік туралы ақпаратты көрсету қажет. &nbsp;Мұндай мүліктер тізбесіне, мыналар кіреді:жылжымайтын мүлік және жер телімдері, Қазақстан аумағынан тыс жерлердегі жер үлестерін қоспағанда; көлік құралдары: Қазақстаннан аумағынан тыс жерлерде ұшақ, кеме, &nbsp;автомобиль, мамандандырылған техника; шетел компаниясындағы үлес ; тұрғын үй құрылысына үлестік қатысу туралы шарттар бойынша тұрғын үйлердегі үлестер; зияткерлік меншік және авторлық құқық объектілері; инвестициялық алтын; бағалау құны болған кезде құны 1 000 еселенген АЕК-тен асатын өзге де мүлік; егер олар жиынтығында 1 000 еселенген АЕК-тен асатын болса, Қазақстан аумағынан тыс орналасқан шетелдік банктердегі банктік шоттардағы ақша; &nbsp;1 000 еселенген АЕК шегінен аспайтын сомадағы қолма-қол ақша; &nbsp;нотариат куәландырған қарыз шарттары. Мұнда қарызды берген тұлға мен қарыз алушы есеп беруге тиіс.Жалпыға бірдей декларациялауға қалай дайындалу қажет:егер сізде 10 000 АЕК-тен асатын мөлшерде ақша қаражаты бар болса, онда банкке салыңыз, осылайша ол бастапқы декларацияда көрінетін болады; егер сізде жұмыс істемейтін ЖШС немесе ДК бар болса, онда оның жабуға тырысыңыз; егер жеке тұлғалардан алатын қарыздарыңыз болса, онда мұндай қатынасты 2023 жылғы 31 желтоқсанға дейін ресімдеп алыңыз; егер сіздің құны1000 АЕК-тен асатын мүлігіңіз бар болса, бағалауды 31.12.2023ж. декларация беру мерзіміне дейін жүргізу қажет; егер сіз 2024 жылы ірі сатып алуды жоспарласаңыз, онда оны декларацияда қалай көрсететініңізді анықтап алыңыз.&nbsp;

Кәсіпкерлерге арналған жалпыға бірдей декларациялау жөнінде не білу қажет?

<a href="https://kyzylorda-news.kz/">Kyzylorda-news.kz.</a>&nbsp; Халықаралық сыбайлас жемқорлыққа қарсы күрес күніне орай Астанада «Адал Тұлға» IX ұлттық сыйлығын табыстау рәсімі өтті.Қоғамда сыбайлас жемқорлыққа қарсы мәдениетті қалыптастыруға қосқан үлесі және жоғары деңгейде жүргізіліп жатқан ақпараттық жұмысы үшін Төтенше жағдайлар министрлігі «Бірінші сыбайлас жемқорлыққа қарсы медиа-орталық» республикалық қоғамдық бірлестігінің наградасымен марапатталды.Халықаралық сыбайлас жемқорлыққа қарсы күрес күні мен «Бірінші сыбайлас жемқорлыққа қарсы медиа-орталық» РҚБ-ның 10 жылдығына арналған «Адал Тұлға» IX сыйлығы аясында Қызылорда қаласының Төтенше жағдайлар басқармасының бас маманы Ержан Құдайбергенов &nbsp;және аға инженер Мақсат Төремұрат марапатталды.ТЖМ трансформациясы шеңберінде азаматтық қорғау органдарының қызметкерлерін «Integrity check» парасаттылығына тексерудің пилоттық жобасы бойынша жұмыс жалғасуда.Пилоттық жоба енгізілген сәттен бастап нәтижелер жеке құрамды тәртіпке келтіріп, профилактикалық әсер ете отырып, өзінің тиімділігін көрсетті. Қызметкерлер өз жұмысына жауапкершілікпен қарап, өз міндеттерін адал орындауда. &nbsp;

ТЖД мамандары «Адал тұлға» сыйлығымен марапатталды

Фото: gov.kz<a href="https://kyzylorda-news.kz/">Kyzylorda-news.kz.</a>&nbsp; «Қазақстан Республикасының кейбір заңнамалық актілеріне өнеркәсіптік саясат мәселелері бойынша өзгерістер мен толықтырулар енгізу туралы» Қазақстан Республикасының 2021 жылғы 27 желтоқсандағы № 87-VII Заңымен «Тұтынушылардың құқықтарын қорғау туралы» Қазақстан Республикасының Заңына толықтырулар енгізілді.Атап айтқанда қолданыстағы заңнамаға көлік құралдарын, ауыл шаруашылығы техникасын, су және әуе кемелерін техникалық жағынан күрделі тауарларға жатқызатын жаңа норма енгізілді. Осыған сәйкес мынадай ұғым енгізілді: «өзін қосылыстың мәні айқындайтын мақсаты бойынша пайдалануға мүмкіндік беретін бір тұтасты құрайтын көптеген конструкциялық және әртекті элементтерді қамтитын, техникалық жағынан күрделі ішкі құрылымы бар азық-түлік емес тауар, оған тек қана көлік құралдары, ауыл шаруашылығы техникасы, су және әуе кемелері жатады».Осылайша техникалық жағынан күрделі тауарға және оның құрамдасына қатысты тұтынушы техникалық жағынан күрделі тауардың елеулі кемшілігі болған жағдайда ғана ұқсас маркалы (модельді, артикулді) тауарға ауыстыруды не сатып алу бағасын тиісінше қайта есептей отырып, басқа маркалы (модельді, артикулді) дәл сондай тауарға ауыстыруды, не шартты бұзуды және тауар үшін төленген ақшаны қайтаруды талап етуге құқылы. Техникалық жағынан күрделі тауарға байланысты қалған жағдайларда тұтынушы тауардың кемшіліктерін өтеусіз жоюды не айырманы тиісінше қайта есептей отырып, сатып алу бағасын мөлшерлес азайтуды талап етуге құқылы.Бұл ретте заң шығарушы техникалық жағынан күрделі тауардың елеулі кемшілігін белгіледі, оған – техникалық жағынан күрделі тауардың жойылмайтын кемшілігі немесе мөлшерлес емес шығыстарсыз немесе қосалқы бөлшекті беруді күту уақытын қоса алғанда, заңда белгіленген мерзімнен асатын немесе тұтынушы үшін мұндай жоюдың өзектілігі жоғалатындай немесе тауарды нысаналы мақсаты бойынша пайдалануға мүмкін етпейтіндей соншалықты созылатын уақыт шығындарынсыз жоюға келмейтін кемшілігі не тұтынушының өміріне, денсаулығына және (немесе) мүлкіне, қоршаған ортаға зиян келтіруге алып келуі мүмкін кемшілік.Сонымен қатар, заң шығарушы тұтынушының сатып алу-сату шартын бұзу және техникалық жағынан күрделі тауарларды ауыстыру туралы талаптарын орындау мерзіміне өзгерістер енгізді.Тұтынушы техникалық жағынан күрделі тауардың елеулі кемшілігін анықтаған және ол шартты бұзу және тауар үшін төленген ақшаны қайтару туралы талап қойған жағдайда, техникалық жағынан күрделі тауарды және оның құрамдасын сатушы (дайындаушы, орындаушы) осы талапты үш жұмыс күні ішінде қанағаттандыруға міндетті. Тұтынушы техникалық жағынан күрделі тауардың елеулі кемшілігін анықтаған және оны ауыстыру туралы талап қойған жағдайда, техникалық жағынан күрделі тауарды және оның құрамдасын сатушы (дайындаушы, орындаушы) осы талапты отыз жұмыс күні ішінде қанағаттандыруға міндетті. Бұл ретте сатушы тұтынушының қойған талаптарымен келіспеген кезде сәйкестікті растау жөніндегі органдарға не сынақ зертханаларына техникалық жағынан күрделі тауардың қауіпсіздігін және (немесе) сапасын қосымша тексеруге (сараптамаға) жіберген жағдайда, техникалық жағынан күрделі тауарды қайтару немесе айырбастау жөніндегі мерзім тексеру (сараптама) жүргізілген уақытқа тоқтатыла тұрады. &nbsp;

Техникалық жағынан күрделі тауарларға жаңа норма енгізілді

<a href="https://kyzylorda-news.kz/">Kyzylorda-news.kz.</a>&nbsp; «Қазақстан» телерадиокорпорациясы түсірген төрт бөлімді «Қорқыт» биографиялық драмасы 16 желтоқсанда эфирге шығады. Телехикаяда аңыз тұлға болып танылған Қорқыттың дүниеге келуінен бастап, сәуегей, абыз ретінде қалыптасу жолына дейін көрсетіледі, деп хабарлайды ұлттық арнаның баспасөз қызметі.Телехикая сценарийі әлемдік деңгейде зерттелген «Қорқыт ата» кітабына, атап айтқанда «Салор Қазанның үйінің шабылғаны туралы жыр» желісі негізінде түсірілген.&nbsp;Түсірілім Алматы облысы мен Өзбекстан Республикасының Хиуа қаласында өтті. Жобаның тарихи кеңесшісі әрі сценарий авторы – этнограф Берік Жүсіп. Режиссері – Қанағат Мұстафин.Қорқыттың әр кезеңдегі рөлдерін актер Дінислам Нұрмағамбет, Әділ Ахметов және Айдос Бектемір сомдайды. Сонымен бірге негізгі тарихи рөлдерде Еркебұлан Дайыров, Зарина Кармен, Медғат Өмірәлі ойнап шықты.Сериалда қырғыздың атақты манасшысы Рысбай Исақов пен танымал актері Асхат Сулаймановтың рөлдері бар.&nbsp;Телехикая 16-17 желтоқсан күндері сағат 14:40-та «Qazaqstan» ұлттық телеарнасының эфирінен екі бөлімнен көрсетіледі.

Қазақстан және Қызылорда облысының жаңалықтары