<a href="https://kyzylorda-news.kz/">Kyzylorda-news.kz</a> &nbsp;«Сыр бойы» газетінің 95 жылдығы аясында ҚР Мәдениет қайраткері, Қазақстан Журналистер одағы сыйлығының лауреаты, белгілі қаламгер Оразбек Мақсұтұлын еске алуға арналған бильрдтан турнир өтті. Жиынға «Сыр медиа» ЖШС директорының міндентін атқарушы Марат Аралбаев, облыстық «QYZYLORDA» телеарнасының басшысы Нұрбек Әмиша, облыстық қоғамдық даму басқармасы басшының орынбасары Артур Қамбаров және журнилистер мен қаламгердің туыстары қатысты. &nbsp;Шара барысында Оразбек Мақсұтұлының қызметтес әрі замандас достары естелік айтып, оның кәсіби қыры мен адами болмысы туралы толымды пікір білдірді.&nbsp;<blockquote>– Оразбектің таным-түсінігі, тілішік қабілеті қарымды еді. Әрбір ізденісі жүйелі еңбекке құрылғанымен құнды болатын. Бүгінгі буын үлгі аларлық кәсіби дағды, шығармашылық әлеует ерек сезілетін. Сондықтан қаламгерді қатарластар ғана емес, жас өрен де ерекше қадірлеп, есімін ұлықтап келеді, – деді Қазақстанның құрметті журналисі Қайырбек Мырзахметұлы.</blockquote>Журналистер арасында ұйымдасытырған додада түрлі БАҚ өкілі бой көрсетіп, өзара мықтыны анықтады. Тастаяқ тартысында үміткерлер жеребе арқылы жұпталып, басым түскені жеңіске жақындады.&nbsp;Сайыс қорытындысы бойынша III орынды «Сыр бойы» газетінің бөлім басшысы Дүйсенбек Аяшұлы, II орынды баспа маманы Шыңғыс Бекішов иеленсе, I орын «QYZYLORDA» телеарнасының тілшісі Қозы Көрпеш Жасаралұлына бұйырды. Жеңімпаздарға қаржылай сыйлық табысталды.Жиын соңында Оразбек Мақсұтұлының отбасы мүшелері сөз сөйлеп, баласы Берік Оразбекұлы мен бауыры Орынбасар Мұхитұлы турнирге қатысушыларға алғыс білдірді. Турнирге «Альбион» демалыс кешені, энергетика саласының ардагері Мұхит Кәрімбаев, баспахана саласының ардагері Бақыт Қаюмов демеушілік жасады.Айта кетейік, белгілі журналист Оразбек Мақсұтұлы еңбек жолын 1978 жылы Сырдария аудандық «Сырдария» газетінен бастады. 1984-1987 жылдары облыстық телерадиокомитетінің тілшісі, редакторы, 1987-1991 жылдары облыстық «Сыр бойы» газетінің тілшісі, бөлім меңгерушісі қызметтерін атқарған. 1996 жылдан бастап өмірінің соңына дейін бас редактордың бірінші орынбасары қызметін атқарды. Бүгінде талантты журналисті ұрпақ жадында жаңғыртуды мақсат еткен бильярдтан БАҚ өкілдері арасындағы турнир бесінші мәрте өткізіліп отыр.<img src="https://knadmin.beoblood.kz/uploads/824_A3388_e5c501038b.jpg" alt="824A3388.jpg"><img src="https://knadmin.beoblood.kz/uploads/824_A3200_9c99d2da5b.jpg" alt="824A3200.jpg"><img src="https://knadmin.beoblood.kz/uploads/824_A3346_0a4f6beed2.jpg" alt="824A3346.jpg"><img src="https://knadmin.beoblood.kz/uploads/824_A3354_e8ea5eeaca.jpg" alt="824A3354.jpg">

Қаламгерлер арасында бильярдтан турнир өтті

<a href="https://kyzylorda-news.kz/">Kyzylorda-news.kz</a> «Ауылы бүтінді аман де, елі бүтінді есен де» деген қазақ даналығында ғибратты сөз бар.Туған жер топырағы әрбір перзентін есейтіп, буынын қатайтып, жеке дара тұлға ретінде қалыптастырады. Биыл еңселі 50 жылды еңсерген Айдарлы ауылының тарихы әріде жатыр. Анты бір ауылдастың мерейлі шағы дүйім елдің ортақ қуанышына айналу үстінде. Шежірелі тарихы тереңнен қалыптасқан ауыл мәдениетінің жұмысы күн санап жандану үстінде. Ұлт руханиятының мәртебесін биіктету жолында елді мекендегі мәдениет ошағының атқарар қызметі зор.Бүгінде аудандық мәслихат депутаты Анар Қалдыбаева жетекшілік ететін Ғафурдин Жанұзақов атындағы клуб үйінің ұжымы 1976 жылдан бері жергілікті халыққа мәдени, рухани бағыт бойынша үздіксіз жұмыс жасауда. Осыдан 9 жыл бұрын аудандық бюджеттен мол қаржы бөлініп, 150 орындық типтік жобадағы жаңа ғимарат бой көтерді.– Қазақылықтан айнымайтын ауылдың төңірегінде өнер мен мәдениеттің нышаны ертеректен қалыптасқан. Ауыл адамы тұрғанда қазақ өнері мәңгілік өлмейді. Қайта талантымен даралана білген өнер майталмандары ауыл мәдениетін жандандыра береді. «Өнер – ұлттың жұтамас байлығы». Қаншама сүрлеу жолдан өткен ауыл тарихында бірнеше кадрдың есімі айрықша мәртебемен айтылады. «Елу жылда ел жаңа» демекші, тұғырлы тұлғалар өмірден өткенімен, жаңа буын ізін лайықты түрде басып келеді. Негізінен, Ғафурдин Жанұзақов атындағы ауылдық клубында 9,5 штаттық бірлік бойынша 11 қызметкер жұмыс жасайды. Өткен жылы клуб ұжымының ұйымдастыруымен 50 мәдени іс-шара өткізіліп, 6135 көрермен тартылды. Кең көлемде клуб үйінің жүзеге асыруымен Құрманғазы Сағырбайұлының туғанына 200 жыл толғанына орай «Күй күмбірі» атты облыстық жас күйшілер байқауы, Мағжан Жұмабаевтың 130 жылдығына арналған «Мен жастарға сенемін» атты аудандық жазба ақындар мүшәйрасы өткізілді. Ауылдық клуб үйінде қазіргі таңда Айдарлы халық театры, «Сұлу-ай» әжелер ансамблі, ән, би, көркемсөз, қолөнер үйірмелеріне 87 өнерпаз қамтылған. Бірнеше жылдан бері мемлекеттік бағдармалама шеңберінде ашылған «Сұлу-ай» шығармашылық өнер орталығында «Домбыра», «Домбырамен ән салу», «Эстрадалық вокал», «Бисермен өру», «Кескіндеме сурет салу», «Көркем оқу» секілді үйірмелерде ұстаздар қауымы ауыл балаларын өнерге баулуда. Айта кетейік, былтыр біздің өнерпаздарымыз аудандық, облыстық, республикалық 26 байқауға қатысып, бірнеше жоғарғы орынға ие болды. Мәдениет ошағында ақылы қызмет жоспарланған межеден артық орындалды. Есепті мерзімде «Адал адам» мәдени-тәрбие орталығы тұжырымдамасы бойынша және өзге де бағытта 21 іс-шара ұйымдастырылды, – деді Анар Сраждинқызы.Осы күні мәдениет ошағында әдіскер Орынбай Оспан, режиссерлер Рахия Абдукаримова, Ләззат Бекарыстанова, суретші Бақытжан Әлтаев, мәдени ұйымдастырушы Нұрила Кенесары табанды еңбек етуде. 36 жыл бедерінде үздіксіз жергілікті халыққа өнерімен танылған ақ жаулықты әжелер өмірде өзіндік орындары бар екенін дәлелдей түсті. Әрбірі ауылдағы ағайынның ортасынан табылып, отырған жерлерін әнмен көмкерді. Негізінен, 3 мәрте құрамы жаңарған «Сұлу-ай» әжелер ансамблінің алғашқы құрамында болған Оңалай Қалыбекова, Күлаш Сарымбетова Алтынкүл Әбсаттарова, Үйтолы Шоңбаева, Әлима Бекқожаева, Жаңылдық Бәймішова, Орынкүл Жүсіпова, Рахила Нұралиева, Базаркүл Толысбаева, Орынша Сүлейменова, Дина Батырбекова, Жұмаш Рахманқұлова, Нағима Әбдіраманова, Күлди Торғаева, Маржан Әнәпияева, Мысқал Сайдалиева өнер айдынында еркін қалықтай білді. Олардың жүріп өткен жолы – жас ұрпаққа үлгі-өнеге болып табылады. 2015 жылы қайта жасақталған әжелер ансамблінде Гүлжаһан Есенбаева, Алия Смайлова, Қалипа Смайлова, Елеукүл Дүйсебаева, Күлзипа Рысымбетова, Ұлтай Бектаева, Райхан Мырзатова, Үрмаш Мусаева, Гүлжан Байбосынова, Күнім Байбосынова, Салтанат Әбдіраманова, Әсем Дос­жанова, Күніс Сыздықова, Гүлжан Бекманова, Роза Әлбатырова, Қуаныш Балқадирова, Қымбат Ниятова, Гүлмира Алиева, Пернекүл Шәуіткенова, Жанар Ибрагимова, Толқын Бисенбаева, Гүлжан Искакова лайықты өнерлері­мен ел-халықтың қошеметіне бөленді.Қазақ өнерін биік деңгейде насихаттап, өнердің көшбасында жүрген Айдарлы халық театрының мәдени-рухани кеңістіктен алатын орны мен маңызы ерекше. Халық театры 1976 жылы режиссер Рахия Абдукаримованың ұйымдастыруымен құрылған. Театр ұжымы С.Адамбековтың «Ох, жүрегім», Ы.Шотбаевтың «Құйынбайдың құдалары», М.Шамқаловтың «Қайын ене мен келін», Т.Ахтановтың «Махаббат мұңы», Ш.Құсайыновтың «Рабиға», Д.Исабаевтың «Әпке», О.Бодықовтың «Қара­құм» трагедиясы секілді құнды дүниелерді жарыққа шығарған. Сахна майталмандары ауыл сахнасымен қатар аудан, облыс көрермендеріне қойылымдарын ұсынды. Іргелі ұжым облыстық, республикалық байқауларда топ жарған. 20-дан астам өнерпазы бар театр ұжымының Қазақ ССР Мәдениет Министрлігі коллегиясының шешімімен 1988 жылы жетіс­тіктері жоғары бағаланып, «халықтық» атағы берілді– Ауыл өмірімен біте қайнасқан ауыл мәдениеті жыл өткен сайын сан бағытта түрленіп келеді. Жылдар бойы мәдениет саласының майталманы, анам Сұлуай Зейнебекова қалыптастырған дара жолды жалғап келемін. Жақында «Ғибраттың жарқын үлгісі – ақ жаулықты әжелер» тақырыбында Айдарлы ауылының 50 жылдық мерейтойы аясында «Сұлу-ай» әжелер ансамблінің шығармашылық кешін өткіздік. Біздің білікті де, білімді мамандарымыз ұлт мәдениетін жаңғыртуда аянбай еңбек ете бермек, – деді Анар Қалдыбаева.

Мәдениеті мен өнері озған Айдарлы ауылы

<a href="https://kyzylorda-news.kz/">Kyzylorda-news.kz</a>&nbsp; М.Мәметова атындағы Қызылорда педагогикалық колледжіне Сыр еліне жұмыс сапарымен келген Қазақстан Республикасының Парламентінің Сенатының депутаттары мен Оқу-ағарту министрлігінің Орта білім беру комитетінің төрағасы Жұмашев Қаныбек Бекболатұлы арнайы келіп, инклюзивті білім беру бағытында жүргізілетін жұмыс түрлерімен, колледждің материалдық - техникалық базасымен танысты. Сондай-ақ аталған шараға Облыстық білім басқармасының басшысы Есжанов Асқарбек Темірбекұлы, колледж директоры Тоғанова Жақсыгүл Қоханқызы және оқытушылар мен студенттер қатысты.&nbsp;Сарыарқа төрінен Сыр еліне сапарлай келген қонақтар оқу орнының бірқатар жұмыстарын тамашалап, колледж тынысымен танысты.Атап айтсақ: Инклюзивті білім беру бағытындағы жұмыстармен танысып, «Сөйлеу тілін дамыту бағытындағы нейрокоррекциялық жаттығулар («Ақылды» айна, «Алмаз» интерактивті құмсалғыш үстелі)»&nbsp; тақырыбындағы&nbsp; логопедия мамандығындағы білім алушылармен семинар- практикумына куә болды.Мектепке дейінгі тәрбие және оқыту» мамандығының дуалды оқыту кабинетіндегі “Ерекше және мүмкіндігі шектеулі балаларды тәрбиелеу мен оқыту кезіндегі заттық дамытушы ойын алаңын ұйымдастыру жолдарымен танысты.Заманауи үлгідегі жағаның түрлері мен сәнді мойын орамалдарын пішу, тігу жұмыстары (CorelDraw бағдарламасымен дайындалған жұмыстарды практикалық тұрғыдан дайындау жолдары) тақырыбындағы&nbsp;«Көркем еңбек» мамандығының қыздар шеберханасынан интеграцияланған сабаққа қатысты.«Startup inclusion – болашаққа нық қадам» тақырыбындағы “Ақпараттық қауіпсіздік жүйелері және Информатика” мамандығы мен Manshuk IT Hub орталығының жұмысымен танысты.«Білім нұры» педагогикалық жетістіктер галереясын аралап,&nbsp;колледж тарихы, әр жылдардағы басшылары мен оқу орны жетістіктері көрмесін тамашалады.Оқу орны ауласында ұйымдастырылған&nbsp; «Әдістемелік вернисаж» колледждің оқу-әдістемелік көрмесін аралады.&nbsp;«Ер Мәншүк, ару аты ел&nbsp; есінде!» жастардың патриоттық фестиваліне қатысып, “Япурай” хор ұжымының өнерін, “Ассорти” студенттер театрының “МОНШАҚ” театрландырылған қойылымынан үзінді тамашалап,&nbsp; қаһарман қыз Мәншүк ескерткішіне гүл қою рәсіміне қатысты.&nbsp;Жиын соңы естелік суретке түсумен қорытындыланды.&nbsp;Қорлан САРЫ

Білім ордасының жұмысымен танысты

<a href="https://kyzylorda-news.kz/">Kyzylorda-news.kz</a> Шынтуайтында, жақсы ұстаз болуәркімнің қолынан келе бермейді. Алыптың да, дананың да ұстазы болған дейді. Ал парасаты мен пайымы жоғары №139 орта мектептің қазақ тілі мен әдебиеті пәні мұғалімі, педагог-зерттеушісі Нұргүл Сейдахметова – өскелең ұрпаққа тәрбие мен білім беруде біліктілігімен қоса білімімен оза шапқан үлгі тұтар ұстаздың бірі. Саналы ғұмырын ұлы қызмет жолы ұстаздыққа арнап, қажырлы еңбек етіп келе жатқан Нұргүл Сұлтанбайқызы 1975 жылы Айдарлы ауылында дүниеге келген. Қызылорда қаласы Қорқыт ата атындағы гуманитарлық университетінде білім алып, 1996 жылы қазақ тілі мен әдебиеті пәнінің мұғалімі мамандығын игеріп шығады. Өз мамандығын жоғары жетік меңгерген ұстаз алғашқы еңбек жолын №139 орта мектептен бастаған. Теориялық білімі жоғары маман – оқушыларын өз пәніне қызықтырып қана қоймай, білім берудің жаңаша әдіс-тәсілдерін жүйелі пайдаланып отыратын жаңашыл әрі заманауи ұстаз. Нұргүл апай сабақты ұйымдастыруда жан-жақты ізденіп, әр сабағын шығармашылықпен жүргізеді. Сонымен қоса оқушылардың сапалы білім алуы үшін түрлі инновациялық әдістерді қолдануды жөн санайды. Білікті маман өз тәжірибесіне негізделген әдістемелік құрал шығарған. 2020 жылы Ұлттық бірыңғай тестілеуде 11 сынып оқушылары жоғары балл жинағаны үшін облыстық білім басқармасы білім және ғылым қызметкерлері кәсіподағының арнайы сыйлығына ие болған. 2024 жылдың наурыз айында облыстық білім басқармасының «Құрмет грамотасымен» марапатталған. Бұл – ұстаздың жеткен жетістіктерінің тек бір бөлігі ғана. Аяулы ұстаз бүгінде жұбайымен бірге үш ұл, бір қыз тәрбиелеп отырған үлгілі ана. &nbsp; – Жаңашыл ұстаз оқушыларды адамгершілікке, патриоттыққа баулуда түрлі сыныптан тыс жұмыстар ұйымдастырып отырады. Шәкірттері үнемі ғылыми жобаларға, пәндік олимпиадаларға қатысып, жүлделі орындарды иеленіп келеді. Одан бөлек Ұлттық бірыңғай тестілеуде оқушылары жоғары балл алып, түрлі оқу орындарына қазақ тілі мен әдебиеті пәні мұғалімі мамандығы бойынша грант иегері атанды. Нұргүл Сұлтанбайқызы – мектебіміздің бетке ұстар ұстаздарының бірі де бірегейі. Оның бойындағы жан-жақтылық, ізденімпаздық және жауапкершілік қасиетін өте жоғары бағалаймын. Ардақты ұстаз осы тұсымен де көпке үлгі, үлкенге де кішіге сыйлы. Осындай білімді ұстаздарымыз барда ел болашағы жарқын болатынына сенімдімін, – дейді мектеп директоры Гүлбану Смайлова. Болашаққа батыл түрде қадам басатын білімді, тәрбиелі, саналы, жан-жақты, ізденімпаз шәкірт тәрбиелеу және елімізге адал қызмет ету – Нұргүл Сейдахметованың басты өмірлік ұстанымы әрі мақсаты. Шәкіртінің шыққан биігі – ұстаздың жетістігі екені хақ. Осы ретте ширек ғасырға жуық ұстаздық етіп келе жатқан аяулы ұстаздың шәкірттерінің түрлі халықаралық, республикалық, облыстық байқау, пәндік олимпиадалардағы жетіп жүрген жетістіктерін айтып өту орынды. Атап айтқанда, 2023-2024 оқу жылында республикалық «Менің Отаныма – менің бастамам» шығармашылық жоба байқауында 11 сынып оқушысы Нұрай Ергешбаева аудандық кезеңде жүлделі І орын, облыстық кезеңде жүлделі І орынды алып, республикалық кезеңде алғыс хатпен марапатталды. Ал 2023-2024 оқу жылында республикалық пәндік олимпиаданың аудандық кезеңінде Нұрай жүлделі ІІІ орынды иеленген болатын. Одан бөлек ардақты ұстаздың оқушылары жыл сайын ҰБТ-ден жоғары көрсеткіш көрсетіп келеді. 2023-2024 оқу жылында да Ұлттық бірыңғай тестілеуге қатысатын оқушылар сынама тестте жоғары деңгейде өз білімдерін көрсетуде. Одан бөлек біліктілігін арттыру мақсатында жоспарға сәйкес қайта даярлау және біліктілігін арттыру курстарына қатысып, білімін одан әрі жетілдіріп жүрген ұстаз оқушыларға сапалы білім беруде жан-жақтылық қажет деп есептейді. Сапалы білім – ел болашағын айқындайтын көрсеткіш. Ертеңгі келер күннің бүгіннен гөрі нұрлы болуына ықпал етіп, адамзат қоғамын алға апаратын құдіретті күш тек білім дейтін болсақ, саналы ұрпақ тәрбиелеп, оларға сапалы білім беруде аянбай қызмет ететін ардақты ұстаздарымыз еңбегі өлшеусіз, құрметке лайық. &nbsp;

Нұргүл Сұлтанбайқызы: Сапалы білім – ел болашағын айқындайтын көрсеткіш

<a href="https://kyzylorda-news.kz/">Kyzylorda-news.kz.</a> &nbsp;Облыстың оқу орындарында «Есірткі-ғасыр дерті!» тақырыбында дөңгелек үстел өтті. Дөңгелек&nbsp;үстел барысында «Есірткіден бас тарту нәтижесінде не аламыз», «Есірткінің біздің денемізге әсері», «Дұрыс емес жолға түскендерге көмектесу керек пе» деген сұрақтар қозғалды. Білім орындарында өткізілген дөңгелек үстелде біршама мәселелер қозғалды.Іс-шара барысында тақырыптар бойынша қатысушылардың пікірлері айтылды, сөзжұмбақтар, блиц-сауалнамалар шешілді, танымал тұлғалардың өмірі жайлы мысалдары және есірткіге қарсы танымал өлеңдер келтірілді, бейнероликтер мен аниме көрсетілді. Сондай-ақ, қатысушылар есірткіге қарсы мазмұндағы плакаттар салу арқылы нашақорлық мәселесі туралы өз көзқарастарын көрсетуге тырысты.Ұйымдастырушы Қызылорда облысы Полиция департаментінің Есірткі қылмысына қарсы іс-қимыл басқармасының пікірінше, ең үздік, қызықты және креативті дөңгелек үстелді М.Мәметова атындағы Қызылорда жоғары педагогикалық колледжі, Шиелі ауданының №244 орта мектебі, Жалағаш ауданының №118 орта мектебі, Жаңақорған ауданының №242 орта мектептерінде өткізілген. Іс-шара алдағы уақытта жалғасын табады.Фото: Полиция департаменті

«Есірткі – ғасыр ауруы»: Қызылордада дөңгелек үстел өтті

<a href="https://kyzylorda-news.kz/">Kyzylorda-news.kz</a>&nbsp;&nbsp;Еліміздегі омбудсмен институтына 20 жылдан асты. 2002 жылы Президент Жарлығымен құрылғанымен де, демократияға ұмтылатын мемлекеттің міндетті элементі ретінде адам құқықтары жөніндегі уәкіл институтын жандандыру бастамасы кейінгі жылдары ғана қолға алынды.2022 жылдың 18 қарашасында мемлекет басшысы Қасым-Жомарт Тоқаевтың тапсырмасымен елдегі Адам құқықтары жөніндегі уәкілдің және оның жергілікті жерлердегі өкілдерінің міндеттері мен құзыретін айқындайтын арнайы Конституциялық заң күшіне енді.Адам құқықтары жөніндегі Уәкіл қызметінің міндеттері адамның және азаматтың бұзылған құқықтары мен бостандықтарын қалпына келтіруге жәрдемдесу, Қазақстан Республикасының нормативтік құқықтық актілерді жетілдіру, адамның және азаматтың құқықтары мен бостандықтарын ілгерлетуге ықпал ету.Еліміздің әрбір өңірінде Адам құқықтары жөніндегі уәкілдің өкілдері мемлекеттік қызмет туралы заңнамасына сәйкес лауазымға тағайындалып жұмыстарын атқаруда.2022 жылы Адам құқықтары жөніндегі уәкілдің Қызылорда облысы бойынша өкіліне тұрғындар 29 арыз түсірген. Ал өткен жылы 174 арыз түсіпті, оның 118-іне түсіндірме беріліп, 56-сы қанағаттандырылған. Түскен арыздардың сипаты бойынша 14 арызы жүкті және жас әйелдердің еңбек құқықтарына қатысты жазылған.Еліміздің еңбек заңнамасына сәйкес әйелдерге мынадай құқықтар мен шектеулер беріледі:Он сегіз жасқа толмаған жұмыскерді, жүкті әйелдерді және ауыр жұмыстарда, еңбек жағдайлары зиянды және қауіпті жұмыстарда істейтін жұмыскерлерді жыл сайынғы ақылы еңбек демалысынан кері шақырып алуға жол берілмейді (Еңбек Кодексінің 95-бабының 4-тармағы).Еңбек кодексінің 99-бабына сәйкес жүкті әйелдерге, бала туған әйелдерге, жаңа туған баланы асырап алған әйелдерге бала тууға байланысты мынадай демалыстар беріледі:1) жүктілігі және босануы бойынша демалыс;2) жаңа туған баланы асырап алған жұмыскерлерге демалыс;3) бала үш жасқа толғанға дейін бағып-күтуге арналған жалақысы сақталмайтын демалыс.Жүкті әйел жүктілікке және босануға байланысты демалысқа құқық беретін еңбекке уақытша қабілетсіздік парағында көрсетілген күннен бастап оны демалыстың осы түріне құқықты растайтын еңбекке уақытша қабілетсіздік парағын ұсыну арқылы ресімдейді. Егер Қазақстан Республикасының заңдарында өзгеше белгіленбесе, ұзақтығы босануға дейін күнтізбелік жетпіс күнге және босанғаннан кейін күнтізбелік елу алты (қиын босанған немесе екі немесе одан көп бала туған жағдайда - жетпіс) күнге жүктілікке және босануға байланысты демалыс беріледі. Демалыстарды есептеу жиынтықтап жүргізіледі және демалыс әйелге босанғанға дейін нақты пайдаланған күндерінің санына және жұмыс берушідегі жұмысының ұзақтығына қарамастан, толық беріледі. Жаңа туған баланы асырап алған жұмыскерлерге бала асырап алынған күннен бастап және бала туған күннен бастап елу алты күн өткенге дейінгі кезеңге демалыс беріледі. Егер Еңбек және ұжымдық шарт талаптарында, жұмыс берушінің актісінде көзделсе, жұмыс беруші орташа жалақысын сақтай отырып, Қазақстан Республикасының Міндетті әлеуметтік сақтандыру туралы заңнамасына сәйкес жүзеге асырылған, жүктілікке және босануға, жаңа туған баланы асырап алуға байланысты табысынан айырылған жағдайда төленетін әлеуметтік төлем сомасын шегеріп, жүктілікке және босануға байланысты демалысқа, жаңа туған баланы асырап алған жұмыскерлерге берілетін демалысқа ақы төлейді.Әйелдердің еңбегін пайдалануға тыйым салынатын жұмыстардың тізіміне сәйкес әйелдерді ауыр жұмыстарға, еңбек жағдайлары зиянды және қауіпті жұмыстарға жұмысқа орналастыруға жол берілмейді (Қазақстан Республикасы Еңбек кодексінің 26-бабы 2-тармағының 4) тармақшасы). "Он сегіз жасқа толмаған қызметкерлердің еңбегін пайдалануға тыйым салынатын жұмыстардың тізімін, он сегіз жасқа толмаған қызметкерлердің ауыр заттарды тасуы мен жылжытуының шекті нормаларын және әйелдердің еңбегін пайдалануға тыйым салынатын жұмыстардың тізімін, әйелдердің ауыр заттарды қолмен көтеруінің және жылжытуының шекті нормаларын бекіту туралы" Қазақстан Республикасы Денсаулық сақтау және әлеуметтік даму министрінің 2015 жылғы 8 желтоқсандағы №944 бұйрығына әйелдердің еңбегін пайдалануға тыйым салынатын 25 кіші бөлім бойынша шамамен 287 атау кіреді.Еңбек кодексінің 44-бабына сәйкес жұмыс беруші медициналық қорытынды негізінде жүкті әйелді орташа жалақысын сақтай отырып, зиянды және қауіпті өндірістік факторлардың әсерін болғызбайтын басқа жұмысқа ауыстыруға міндетті. Жүкті әйелге басқа жұмыс берілгенге дейін ол орташа жалақысы сақтала отырып, жұмысты орындаудан босатылуға жатады. Жүкті әйел жұмыс беруші ұсынған басқа жұмысқа ауысудан бас тартқан жағдайда, ол жүктілікке және босануға байланысты демалыс берілгенге дейін жалақысы сақталмайтын қарсы көрсетілген жұмысты орындаудан босатылуға жатады. Еңбек шарты белгілі бір мерзімге байланысты мерзімі. Алайда, егер бір жылдан кем емес белгілі бір мерзімге жасалған еңбек шартының мерзімі аяқталған күні жүкті әйел он екі және одан да көп апта мерзімдегі жүктілік туралы медициналық қорытынды ұсынса, сондай-ақ үш жасқа дейінгі баласы бар, бала асырап алған және бала күтімі бойынша жалақысы сақталмайтын демалысқа өз құқығын пайдалануға ниет білдірген жұмыскер уақытша болмаған жұмыскерді алмастыру жағдайларынан басқа, еңбек шартының мерзімін ұзарту туралы жазбаша, онда жұмыс беруші еңбек шартының мерзімін бала күтімі бойынша демалыс аяқталған күнге дейін ұзартуға міндетті (Еңбек кодексінің 51-бабының 1 және 2-тармақтары). Жұмыс берушіге жүктілік туралы анықтаманы ұсынған жүкті әйелдермен, үш жасқа дейінгі балалары бар әйелдермен, он төрт жасқа дейінгі баланы (он сегіз жасқа дейінгі мүгедек баланы) тәрбиелеп отырған жалғызілікті аналармен, 52-баптың 1-тармағының 2 және 3 тармақшаларында белгіленген негіздер бойынша аталған балалар санатын анасыз тәрбиелеп отырған өзге де адамдармен еңбек шартын жұмыс берушінің бастамасы бойынша бұзуға жол берілмейді.Жұмыс беруші жүкті әйелдің, үш жасқа дейінгі баласы бар ата-ананың біреуінің жазбаша өтініші бойынша толық емес жұмыс уақытын белгілейді (Еңбек кодексінің 70-бабының 3-тармағы). Жұмыс уақытының жиынтық есебі үздіксіз жұмыс істейтін өндірістерде, цехтарда, учаскелерде және өндіріс жағдайлары бойынша қызметкерлердің осы санаты үшін белгіленген жұмыс уақытының күнделікті немесе апта сайынғы ұзақтығы сақталмайтын жұмыстардың кейбір түрлерінде қолданылады.&nbsp;Дәурен ШАРИПБАЕВ,Қазақстан Республикасындағы Адам құқықтары жөніндегі уәкілдің Қызылорда облысы бойынша өкіліФото: egemen.kz

Дәурен Шарипбаев: Аймақтағы әйелдер құқығының сақталуы – басты назарда

<a href="https://kyzylorda-news.kz/">Kyzylorda-news.kz.</a>&nbsp; Қазақ танымындағы киіктің киелі екенін біз талқылап жатпаймыз. Кең далада жүйткігін жануар жайында аңыз да көп, жаратылыс жайлы әңгіме де жетерлік. Тағы бір дерек, киіктің мекені қазақ даласы деседі. Расымен солай. Өйткені, бөкеннің 90 пайыздан астамы біздің республика аймағында тіршілік етеді.Сарыарқа мен Сыр, Торғай мен Орал маңында, кей-кейде Ресейдің Астрахань жеріне дейін өтіп, кейін қайтып келіп отырған.Бізге белгілі мәлімет, екі мыңыншы жылдардың басында Қазақстанда 23 мың бас киік қалыпты. Содан соң Үкімет оларды қорғау бойынша шара қабылдады. Дұрысы, киіктерді пайдалануға қатысты мораторий енгізілді. Сол қатаң қорғаумен жойылуға аз қалған аңның саны артқан. 20 жылдан астам уақытта олардың саны 2 млн-ға жуықтады. Айтып отырғанымыз былтырғы көрсеткіш. Әрі ешкісінің төлдемеген уақытындағы санақ. Яғни былтыр киік 1 млн, 915 мың бас болатын.&nbsp;Иә, былтырғы әуе санағы бойынша киік саны үшпопуляция бойынша 500 мың басқа артқан.Оның ішінде ең көп шоғырланған Орал популяциясындағы саны – 1,13 млн, ал Үстіртте 39700 бас киік. Бетпақдала популяциясындағы киік саны биыл 745 мыңнан асқан. Ал 5 жыл бұрын мұнда небәрі 111 мыңнан асатын.Айтпақшы, биыл да әдеттегідей «Киік» акциясы өтуде. Жылдағы дәстүрмен 15 сәуір мен 15 мамыр аралығын қамтитын акцияның міндеті – облыс аумағындағы киік пен өзге де аңдардың тыныштығын күзету. Бұған біздің «Охотзоопром» ӨБ» РМҚК өңірлік филиалынан 30 инспектордан құрылған 14 автокөлік, 6 мобильдік топ жұмылдырылған. Жалпы киік біздің облыс аумағында дакүрт көбейді. Оның себебі,өзге өңірлердегі киік санының артуы. Көп болған соң олар да қоныс ауыстырып, жайылым іздейді. Филиал инспекторларымен қысқы мезгілде қорғау жұмыстарын жүргізу барысында белгілі болғандай, Қызылорда облысының солтүстік-шығыс беткейініндегі «Қарақұм» деп аталатын далалықта 35-50 мың, Түркістан облысының Созақ ауданы аумағында 1000-25000 басқа жуық киіктің қоныс аударғаны байқалған.&nbsp;Жалпы акцияға келер болсақ, бұл еліміздің 13 облысында ұйымдастырылады. Атап айтсақ, Батыс Қазақстан, Ақмола, Ақтөбе, Атырау, Маңғыстау, Қызылорда, Түркістан, Қостанай, Қарағанды, Ұлытау, Павлодар, Жамбыл және Абай облысы мен көршілес &nbsp;өңірлердің іргелес аудандарында жүргізіледі. &nbsp;Аталған облыстарда 430-ға жуық табиғат сақшысымен қатар, екі тікұшақ, 90 жол талғамайтын көлік, арнайы ұшу дрондары, түнде көру құрылғылары пайдаланылуда. Ал Қызылордадағы акция барысында «Қызылорда-Ақтөбе», «Қызылорда-Жезқазған» және «Қызылорда-Түркістан» бағытындағы жолдарға мобильдік топтар мен арнайы бекеттер жұмыс істейді.Былтыр инспекторлар қаскөйлердің 11 қылмыстық әрекетіне тосқауыл болып, істі құқық қорғау органдарына тапсырған еді. Сонымен қатар, 6 әкімшілік құқық бұзу дерегі бойынша анықталуға үлес қосып, табиғатты қорғау заңдылықтарын бұзуды болдырмау үшін жұмыс жүргізген. Жыл басынан бері ҚР Қызыл кітабына енгізілген, сирек кездесетін аң-құстар мен жойылып кету қаупі бар аша тұяқты жануарларды, ақбөкенді қорғау, сақтау барысында 8 қылмыстық, 5 әкімшілік іс анықталды. Құзырлы органдармен барлығы 22 бірлескен іс-шара, 50 үгіт-насихат жұмыстары жүріп, бұл жұмыстар ақпарат құралдарына жарияланды.Айта кетейік, «Охотзоопром» ӨБ» мекемесімен бірге әр жыл сайын облыстық орман шаруашылығы және жануарлар дүниесі аумақтық инспекциямен бірге табиғи ресурстар мен табиғат пайдалануды реттеу басқармасы, облыстық полиция департаментінің табиғатты қорғау полициясы, республикалық, облыстық БАҚ өкілдері және өзге де органдармен бірлескен арнайы іс-шара жоспары жасалып, бекітіледі. Осы бойынша табиғат мүлкін арашалау бағытында аталған мекеме қызметкерлерімен бірлескен рейдтер тұрақты жүруде.Мысалы, өткен жылы 92 бірлескен іс-шара жүргізіліп, жоғарыда айтылған құзырлы органдармен бірге табиғат қорғау шаралары жүрген еді Сонымен қатар, былтыр 225 үгіт-насихат жұмыстары жүргізіліп, оның ішінде газет пен интернет ресурстарда 12 мақалал, телерналарда 7 сұқбат ұйымдастырылды.&nbsp;Ескеретін нәрсе, Орман шаруашылығы және жануарлар дүниесі комитеті 2022 жылы желтоқсан айында бұйрық шығарды. Онда айтылғандай, ғылыми-зерттеу жұмыстары кезінде республиканың бүкіл аумағындағы киіктерді, олардың бөліктері мен дериваттарын пайдалануға қатысты мораторийді ғылыми негіздемеге сәйкес 2024 жылға дейін ұзартқан. Демек, киік әлі де мемлекет қорғауында деген сөз.Е.ЕСЕМБЕКОВ, «Охотзоопром» ӨБ» РМҚК өңірлік&nbsp; филиалының басшысының орынбасары &nbsp;Фото:gov.kz

Киікті қорғауда қырағылық тоқтамайды

<a href="https://kyzylorda-news.kz/">Kyzylorda-news.kz.</a> Денсаулық сақтау министрлігі медициналық қызметтердің тарифтерін кезең-кезеңімен көтеруге кіріседі. Бұл туралы Stan.kz ақпарат агенттігі хабарлайды.<blockquote>"Денсаулық сақтау министрлігі медициналық қызметтердің шығынды тарифтерін қайта есептеді. Басты мақсат – медициналық ұйымдарға түсетін қаржылық жүктемені азайту және барлық азамат үшін жоғары сапалы медициналық көмектің қолжетімділігін қамтамасыз ету", - делінген денсаулық сақтау министрлігінің хабарламасында.</blockquote>2024 жылдың 1 маусымынан бастап жүкті әйелдерге және босанатын әйелдерге, сондай-ақ стационарлық жағдайларда балаларға (яғни, балалар ауруханалары үшін) шұғыл медициналық көмек көрсететін ұйымдар үшін тарифтер көтеріледі.Денсаулық сақтау министрлігі тарифтердің көтерілуі азаматтардың медициналық көмек алуға өз қалтасынан шығатын шығындарын қысқартуға, сондай-ақ медициналық ұйымдардың соңғы жылдары жинақталған инфляциялық шығындарын өтеуге және денсаулық сақтау саласындағы тұрақтылықты қамтамасыз етуге мүмкіндік беретінін хабарлады.Сақтандыру активтерінен қосымша бөлінген қаражаттың жалпы сомасы денсаулық сақтау жүйесінің тиімсіз шығындарын оңтайландыру нәтижесінде босатылды және 20 млрд теңгені құрайды.Құрсақ абдоминальды хирургия, инфекция, неврология, гастроэнтерология, кардиология, травматология және ортопедия, нефрология, эндокринология, онкогематология сияқты басқа да бірқатар салалар бойынша тарифтерді кезең-кезеңімен көтеру жоспарлануда.Бұл мемлекет медициналық ұйымдарға медициналық қызмет көрсетуге байланысты шығындарды кезең-кезеңімен өтейтінін білдіреді.Фото: Нұрболат Нұржаубай

Денсаулық сақтау министрлігі медициналық қызмет тарифтерінің бағасын көтермек

<a href="https://kyzylorda-news.kz/">Kyzylorda-news.kz.</a> Тіл саясатын дамытудың 2023-2029 жылдарға арналған тұжырымдамасын іске асыру жобасы Қызылорда облысында да жоғары деңгейде жүгезе асырылуда. Бұған қатысты біршама жұмыс атқарылып, өз нәтижесін беруде. Аталған тұжырымдама 6 бағыттан тұрады. Тұжырымдаманы іске асыру елдегі тілдік ахуалдың әлеуетін және оның қоғамдық-саяси, әлеуметтік саланы дамытудағы қосқан үлесін арттыруға, өңірлік деңгейде өзекті мәселелерді шешуге, оның ішінде тілдік кемсітушіліктің алдын алу жөніндегі шараларды жүзеге асыруға ықпал етеді.Департаменттегі іс-қағаздар 100 пайыз қазақ тілінде жүргізіледі&nbsp; &nbsp;Кеше ҚР Стратегиялық жоспарлау және реформалар агенттігі Ұлттық Статистика бюросының Қызылорда облысы бойынша департаментінде&nbsp;Тіл саясатын дамытудың 2023-2029 жылдарға арналған тұжырымдамасын іске асыру жөнінде семинар өтті. Депарматент басшысы мекемедегі барлық іс-құжат тек мемлекеттік тілде жүргізілетінін атап өтті. Сондай-ақ тілдің қолданыс аясы, қызметкерлердің ана тілінде сөйлеу мәселесі жолға қойылғанын жеткізді. Жақында жаңа қызметке тағайындалған басшы департаментке қатысты өзгерістерге, алдағы уақытта жасалатын жұмыстарға тоқталды.<img src="https://knadmin.beoblood.kz/uploads/departament_0e8401c9a3.jpg" alt="департамент.jpg">–&nbsp;Қазіргі таңда мемлекеттік тілдің қолданысы жақсарып келеді. Барлығы өз ана тілінде сөйлеуде.&nbsp;Өзге ұлт өкілдерінің де біздің тілге деген қызығушылығы артуда. Бұл – бізді қуантады. Қазақ бола тұра, қазақ тілінде сөйлемейтіндерге қарап, олардың тілге деген қызығушылығына риза боласың. Мен көбіне қазақ тілінде сөйлейтін орыс ұлтының өкілдерін жақсы білемін. Жалпы тілді үйрену әр отбасынан, шаңырақтан бастау алады. Баланы қазақ мектебіне беру үлкен рөл атқарады. Міне, осы кезде ата-ана дұрыс таңдау жасап, қазақ тіліндегі мектепке берсе, баланың болашағына, оның ана тіліне деген жанашырлығына алаңдамас еді. Менің айтқым келгені, әр адам тілге деген жанашырлықты жоғары қоюы тиіс. Сонда ғана мәселе оң шешімін табады деген ойдамын.&nbsp;Қазақта "Қай тілде сөйлесең, сол тілде ойлайсың. Қай тілде ойласаң, сол ұлттың қамын жейсің" деген қанатты сөз бар. Сондықтан ана тілдің дамуы мен дәріптелуіне назар аударып, мәртебесін арттыру керекпіз. "Тіл – ұлттың сүйенетін тамыры, сыйынатын тәңірі", – дейді қазақ даналығы. Елімізде заңға сәйкес ұлттық тілімізді дамытып қана қоймай, басқа да әлем тілдерінің қатарына қосылу үшін ғылым, білім, инновация тіліне айналуымыз тиіспіз. Жоғарыда айтып өткенімдей, тәрбие ең алдымен отбасынан басталады. Сондықтан бірінші үйде, шаңырақта қазақ тілінде сөйлеу керек. Содан кейін барып көпшілікте, ұжымда қазақ тілінің қолданысын кеңейткен жөн. Осыны назарға алу керек. Біздің департаментте іс-қағаздар 100 пайыз қазақ тілінде жүргізіледі. Сондай-ақ қызметкерлерде ана тілінде сөйлейді, – деді департамент басшысы.Бір айта кетерлігі, бұл мекемеде әрбір атаулы мерекелік күндер тек мемелекеттік қазақ тілінде өткізу қалыптасқан үрдіс екен. Себебі бірге қызмет істейтін орыс, татар, кәріс ұлттарының өкілдері қазақ тілін өз ана тілінің деңгейінде меңгерген және барлық қоғамдық жұмыстарға қазақ тілінде атсалысады.Қазақ тілінің мәртебесі мен қолдану аясын кеңейту, мемлекеттік тіл саясаты мемлекеттік тілді дамыту бағытында 22 наурыз мерекесі, 16 желтоқсан еліміздің тәуелсіздік күні, жаңа жыл мерекелері қарсаңында іс-шара ұйымдастырылып, департамент қызметкерлерінің арасында ақын-жазушылардың өлеңдері оқылып, әндері мен жыраулардың жырлары, сонымен қатар қазақтың салт-дәстүрлері дәріптеледі, – деді департамент басшысы Қайрат Байғабылұлы.&nbsp; &nbsp; &nbsp; &nbsp; &nbsp; &nbsp; &nbsp;&nbsp; Биыл 365 қызметкерге мемлекеттік тілде курс өткізілді&nbsp; &nbsp; &nbsp; Еліміздегі тілдерді дамыту мен қолданудың 2001-2010 жылдарға арналған мемлекеттік бағдарламасы қолға алынды. Нәтижесінде республика бойынша «Тілдерді оқыту орталықтары» ашыла бастады. Қызылорда облысында 2008 жылдың 14 сәуірінде «Тілдерді оқытудың өңірлік орталығы» құрылып, өз жұмысын бастады. 2016 жылдың 30 маусымында облыс әкімінің №509 қаулысымен Қызылорда облыстық ішкі саясат басқармасы Қызылорда облысының тілдерді оқыту орталығы» КММ-і болып қайта құрылды. Мақсат – мемлекеттік тіл саясатын жүзеге асыру бағытында мемлекеттік тілді, орыс және ағылшын тілдерін оқыту, мемлекеттік тілдің қолданыс аясын кеңейту. Бұл туралы Қызылорда облысының қоғамдық даму басқармасы Қызылорда облысының тілдерді оқыту орталығының директоры Мартана Дәулетбаева&nbsp;айтты.– Орталыққа еріктілердің, кәсіпкерлердің, этнос өкілдерінің, өңірдегі бұқаралық ақпарат құралдарының өкілдері мен оқуға түсуші талапкерлер, ғылым жолына бет бұруға ниет еткен жастардың жиі хабарласатынын айта аламын. Бұл хабарласушылардың өтініштері назардан тыс қалмайды. Міндетті түрде топ жасақталып, өтініштері негізінде мемлекеттік, орыс және ағылшын тілі курстарын оқып, сертификат иеленеді. 2022 жылдың нәтижесі бойынша 2200-ден астам мемлекеттік, бюджеттік мекеме қызметкері, этнос өкілдері мен еріктілер &nbsp;мемлекеттік тілді Орталықтың әзірлеген оқу-әдістемелік кешендеріндегі түрлі дағдылар арқылы меңгерді. 2023 жылы барлығы 621 қызметкерге, 2024 жылдың 4 айы бойынша 21 мекемеден 719 тыңдаушыға курс жүргізілсе, оның 365-і – мемлекеттік тіл курсына қатысты. Орыс тілінен – 202, ағылшын тілінен 152 тыңдаушы оқыту курстарынан өтіп, сертификат алды. Сонымен қатар, тілді оқытуда біршамалар жобалар жасалуда. Айта кетерлігі, тілдерді оқытуға байланысты бағдарламаларды Орталық қызметкерлері өздері әзірлейді. «Сөз және сөйлеу мәдениеті», «Қазақ тілді кәсіпкер», «Мемлекеттік тілді деңгейлік оқыту» секілді бағдарламаларға негізделген курстар бар. Одан қалды, Ш.Шаяхметов атындағы «TIL-QAZYNA» ғылыми практикалық &nbsp;орталығының сараптамалық комиссиясына &nbsp;жылына бір мәрте әдістемелік өнім ұсынамыз. Бұл әдістемелік құрал өңірлік ерекшелікке сәйкес әзірленеді. Одан соң сараптамалық комиссияның талқысынан өткен өнім баспаға жіберіліп, жарияланып, республика көлеміндегі тілдерді оқыту орталықтарына тәжірибе бөлісу, оқытудың кешенді әдістемелік құралы ретінде таратылады.&nbsp; &nbsp; &nbsp; &nbsp; Орталық қызметкерлерінің құрастыруымен 2022 жылы қазақ тілін қарапайым деңгейден бастап, жоғары деңгейге дейін оңай әрі жылдам үйренуге ықпал етуге арналған «Тыңда! Түсін! Тіл үйрен!» мәтіндер жинағы жарық көрді. Жинаққа бабалардан қалған өсиет сөздер, батырлар жыры, терме, айтыс, ән-өлеңдерден үзінді келтірілген. Бұл бір жағынан, тыңдаушылардың сауаттылығы мен есте сақтау қабілетін арттыруға септігін тигізеді.&nbsp; &nbsp;Сонымен қатар, 2023 жылы желтоқсан айында «Қазақ тілін кинофильмдер арқылы оқытуға арналған жаттығулар жинағы» атты әдістемелік құрал республикалық сараптамалық комиссия отырысында қолдау тауып, баспаға ұсынды, – деді Мартана Дәулетбаева. &nbsp;"Көрнекі" әлеуметтік жобасы іске асырылдыҚазіргі таңда мейрамхана мен асханалардан тамақтанатындар қатары көбейді. Осы орайда ұсынылатын ас-мәзірі орыс тілінде жазылатыны белгілі. Даяршылар сізге қажетті тапсырысты орыс тілінде алады. Ал біздің өңір алғаш болып ас-мәзіріне өзгеріс енгізді. Енді кез келген тамақтанатын орындағы ас-мәзірін өз қалауымызша, қазақ тілінде талап ете аламыз. Қызылордалық тіл жанашырлары енгізген жобаға өзге өңірден де сұраныс артуда. Бұл туралы Облыстық қоғамдық даму басқарамасының бөлім басшысы Ләззат Есім тоқталып өтті.<img src="https://knadmin.beoblood.kz/uploads/k_rneki_76dc21c614.jpg" alt="көрнекі.jpg">– Республика бойынша Сыр өңірінде бастау алған ас-мәзірі қазақ тіліне өзгертілді. Мәселен, облысқа қатысты кез келген қоғамдық тамақтану орындарында ас-мәзірі мемлекеттік тілді ұсыну бойынша қазақ тіліне ауыстырылды. Егер орыс тілінде ас-мәзірін ұсынса, кәсіпкерден қазақ тілінде талап етуге құқымыз бар. Тіл жанашырларының ат салысуымен үлкен жобаны қолға алдық. Бұл тілге деген құрмет пен қатар алға ілгерілеу болып табылады. Сонымен қатар, &nbsp;"Көрнекі" әлеуметтік жобасы іске асырылды. Көшедегі жарнамалар, билбордтар, барлық ақпараттық жазулар көбінесі орыс тілінде жазылады. Мемлекеттік тілде сапасыз, аудармасыз түрде берілген. Сондықтан да бұл жобаны іске асырдық. Арнайы&nbsp;көшелерге зерттеу, зерделеу жұмыстарын жүргіздік. 1228 нысанды қамтысақ, соның ішінде 138 нысанда кемшілік анықталды. Жарнамалардағы қателерді тексеру барысында 128-і кемшіліктерін жойды. 10 кәсіпкерлік нысанға өзгеріс енді жүргізіледі, – деді &nbsp;Ләззат Есім.Тіл – ұлт жүрегінің бір бөлігіН.Бекежанов атындағы қазақ академиялық музыкалық драма театрының директоры Мұхтар Ниязов "Тіл отбасылық тіл болмайынша, отандық тіл ешқашан болмайды" деген пікірде. иә, тіл болмаса, ұлт та болмайды, яғни ұлт бүтіндей өлген, жоғалған ұлт болады. Ең әуелі ана тілі қажет. Егер ана тілін білмесең, онда сен ол ұлттың баласы емессің. Ана тілін білмей тұрып, ұлт білімін ала алмайсың. Ұлт білімі болмаса, онда әдебиеттің болмайтындығы өзі-ақ белгілі. Әдебиеті жоқ ұлттың өнері де өршімейді.&nbsp;тілді құрметтеп, жанашырлық танытып жүрген азаматтардың бірі.<img src="https://knadmin.beoblood.kz/uploads/Til_ltty_90d2d25096.jpg" alt="Тіл ұлттың.jpg">– Біз талай басшыларды білеміз. Қызына "доча" дейтін, сонымен қатар, "бәріне түсінікті болу үшін, ойымды орысша жеткізе берейін" дейтіндер бар. Осылай сөз бастағанда, ешкім ана тілінде сөйле деп талап етпейді. Анығында, біз бас сұғып отыра береміз. "Мал шаруашылығын дамыту керек" деп айтамыз. Бірақ, әр адам өз малын, өсіреді емес пе? Мал баққаннан пайда барын фермерлер жақсы біледі. Айтпағым, "мал шаруашылығымен басқарма айналыссын" деп&nbsp;далаға жайып жіберген адам көрмедім. Ал тілге байланысты арнайы басқармалар, ғалымдар бар деп ысырып қойып, ұнайтын тілде сөйлесіп жүре береміз. Тіл – тек тіл емес. Тілде – жан бар, тілде – тағдыр бар, – дейді Мұхтар Ниязов.<img src="https://knadmin.beoblood.kz/uploads/65289e4a_5463_419a_a17c_67538a21c00b_86059d161e.jpg" alt="65289e4a-5463-419a-a17c-67538a21c00b.jpg"><img src="https://knadmin.beoblood.kz/uploads/9af26c82_0777_47b4_bfe3_909d69d53a28_edc57c87cc.jpg" alt="9af26c82-0777-47b4-bfe3-909d69d53a28.jpg"><img src="https://knadmin.beoblood.kz/uploads/7b5e75d8_51f1_4cee_9af3_c0b5ac13e158_170dddc551.jpg" alt="7b5e75d8-51f1-4cee-9af3-c0b5ac13e158.jpg">&nbsp; &nbsp; &nbsp; &nbsp;Қызылорда облысында мемлекеттік тілдің қолдану аясы кең. Қаланың қай тұрғыны болсын, мемлекеттік тілде еркін сөйлеп, еркін жаза алады. Тек биік мінберде баяндаманы орыс тілінде оқып, атқарған жұмыстың нәтижесін орыс тілінде беретін басшыларды қоспағанда. Жоғарыда қозғалған жоба аясында бұл олқылықтың да шешімі табылады деген ойдамыз...Мөлдір КЕНЖЕҒҰЛОВА

 Қызылорда: Республика бойынша алғаш рет ас-мәзірі қазақшаланды

<a href="https://kyzylorda-news.kz/">Kyzylorda-news.kz.</a> &nbsp;Алаяқтар су тасқынынан зардап шеккен қазақстандықтарға өтемақыны аударамыз деп аттарына несие рәсімдеген.&nbsp;Бұл туралы&nbsp;<a href="https://stan.kz/alayaktar-su-taskininan-zardap-shekken-kazakstandiktard-399365/">Stan.kz&nbsp;</a>ақпарат агенттігі&nbsp;хабарлайды. Мемлекеттен төлем жасаймыз деген желеумен су тасқынынан зардап шеккендерге әлдекім қоңырау шалғанын мәлімдеді. Бөрлі аудандық полициясына осыған қатысты шағым түсіпті. Шабуыл жасаушылар өздерін жергілікті атқарушы органдардың өкілдері, құқық қорғау органдарының қызметкерлері немесе еріктілер деп таныстырып, SMS арқылы келген құпиякодты айтуды сұрайды.“Алаяқтар код жазуды сұрайды, оның көмегімен кейіннен екінші деңгейлі банктерге несие рәсімдейді. Мұндай фактілер республикамыздың бірнеше облыстарында белгілі болды. Олардың айлаларына түсіп қалмаңыздар. SMS кодтарын айтпаңыз немесе белгісіз нөмірлерден келген бейнеқоңырауларға жауап бермеңіз”, – делінген хабарламада.Фото: freepik.com

Алаяқтар су тасқынынан зардап шеккен қазақстандықтардың атына несие рәсімдеген

Біздің Fingramota.kz интернет-ресурсымыздың жазылушысы өзі тап болған кезекті алаяқтық схема жөнінде айтып берді. Таяуда оған өздерін ҚР Ұлттық Банкінің қызметкерлеріміз деп таныстырған бейтаныс адамдар телефон соққан. Оның немен аяқталғаны және алаяқтардың &nbsp; тағы қандай алаяқтық схемаларын қолданатындары жөнінде өз материалымызда айтып береміз. &nbsp;Алаяқтар адамдарды қалай адастырады?&nbsp;&nbsp;Алаяқтар енді азаматтарға өздерін мемлекеттік органдар, полиция, прокуратура, ҰҚК және т.б. қызметкерлеріміз деп таныстырып, телефон соғып қана қоймай, бір адамды таңдап алып, соның қыр соңынан қалмай шабуыл жасайды. Әлеуетті құрбанын анықтап, оның банктер мен МҚҰ-ғы кредиттерінің болуын қоса алғанда, телефон нөмірлері жөнінде ақпаратты қолға түсіргеннен кейін қылмыскерлер өздерінің «операциясын» жүзеге асыруға кіріседі.&nbsp;Осындай жағдай біздің жазылушымыздың басынан өтті. Ешнәрседен бейхабар адамға «құқық қорғау немесе арнайы органдардың» жалған қызметкерлері телефон соғады, олар ҚР Қылмыстық кодексінің баптарына сілтеме жасап, конфиденциалдық талаптарын сақтауды сұрайды.«Арнайы операциялар» немесе «сот алдындағы талқылаулар» &nbsp;жүргіземіз-мыс деген сылтаумен қаскүнемдер өз іс-әрекеттерінің заңдылығын растау ретінде қоңырауларды өздерінің «әріптестеріне» немесе Ұлттық Банктің жалған қызметкерлеріне ауыстырады.&nbsp;<img class="image_resized" style="width:30.59%;" src="https://knadmin.beoblood.kz/uploads/1_dff1b1d97c.png" alt="1.png"><img class="image_resized" style="width:32.2%;" src="https://knadmin.beoblood.kz/uploads/4_012713ebdb.png" alt="4.png"><img class="image_resized" style="width:28.47%;" src="https://knadmin.beoblood.kz/uploads/3_b57ce40622.png" alt="3.png">Қылмыскерлер жақсы «қаруланған»: алдын ала өздері оның атынан әрекет етіп отырған ұйымның фирмалық бланкісінде брендбуктың логотипін және элементтерін, мөрлерді, уәкілетті тұлғалардың қолтаңбаларын қолдана отырып, өздері туралы және ықтимал «жәбірленушінің» кредиттері туралы ақпарат жібереді. Бұл –ұйымның «қаржылық бақылау» өкілі ретіндегі алаяқтың «өкілеттіктерін», сондай-ақ қарыз алушы-жәбірленуші мен бұрын банктік қарыздар немесе микрокредиттер ресімделген банктер/МҚҰ арасында жасалған жалған кредиттік шартты растайтын анықтама. &nbsp;Мұндай құжаттарда көбінесе кредиттік қарыздың болуы немесе өтелуі, сондай-ақ ақша қаражаттарының қозғалысы туралы толық ақпарат қамтылады. &nbsp;&nbsp;Алаяқтарға не қажет? &nbsp;Қаскүнемдердің барлық әрекеттері өздерін аңғал адамдардың есебінен байытуға бағытталған.Әлеуметтік инженерлер қазақстандықтардың сеніміне ие болуға, олардың назарын аударуға тырысады, сондықтан қажет болған жағдайда олар үнемі психологиялық қысым көрсетіп, қорқытуы да мүмкін.Қылмыскерлер жәбірленуші адамды асықтырады және оның «құтқарушы кредитті» рәсімдеуін талап етеді. Алаяқтардың нұсқауларын орындай отырып, кейбір азаматтар кредит алу үшін өз еркімен банк филиалдарына барады, сөйтіп ақшаны алаяқтық шоттарға аударады.Алаяқтар ұялы телефонға келіп түсетін SMS-кодтарды өздеріне жіберуді, зиянды сілтеме бойынша өтуді, мессенджерде жаңа функцияларды іске қосуды, олардың құрылғыларына, содан кейін мобильді қаржы қосымшаларына қашықтан қол жеткізуді қамтамасыз ететін AnyDesk, TeamViewer сияқты қосымшаларды жүктеуді сұрауы да мүмкін. Оларға сенуге болмайды!Өзіңізді алаяқтықтың бұл түрінен қалай қорғауға болады?Әңгіме ақша туралы болғанда, әрдайым мұқият болу керек.Құқық қорғау жүйесінің (ІІМ, ҰҚК, Бас прокуратура) қызметкерлеріміз деп таныстырған адамдардан, Ұлттық Банктің жалған қызметкерлерінен телефон қоңыраулары келіп түскен кезде әңгімені тоқтатып, қандай да бір талқылауға немесе «арнайы операциялар» жүргізуге қатыспаған жөн.Есіңізде болсын: Қазақстанның құқық қорғау органдары мұндай «арнайы операциялар» жүргізбейді, ал Ұлттық Банк жеке тұлғаларға қызмет көрсетпейді және халықпен ақшалай есеп айырысуды жүргізбейді, сондықтан оның өкілдері мессенджерлер арқылы жалған ақпарат пен жалған құжаттарды жібермейді.Егер сізге мемлекеттік органдардан және басқа ұйымдардан түрлі құжаттар жіберілсе, онда бұл хабарларды бұғаттаңыз, күмәнді сілтемелерге өтпеңіз, бұл – фишинг.Түрлі сылтаумен кредит алуды талап ететін үшінші тұлғаларға сенбеңіз. Егер сіз әлі де банк бөлімшесінде немесе МҚҰ-да болсаңыз, онда кредиттік ұйымның қызметкеріне өзіңіздің жағдайыңызды, белгісіз адамдар тартып отырған «арнайы операция» туралы айтып беріңіз.Туыстарыңызға, достарыңызға, әріптестеріңізге қоңырау шалып, олармен кеңесіңіз. Қаржы нарығын реттеу және дамыту агенттігінің call-орталығының «1459» байланыс нөмірін есте сақтаңыз, орталық алаяқтыққа қарсы іс-қимыл бойынша кеңес береді.Басқа азаматтар хабардар болу үшін осындай жағдайларды көпшілікке жариялаңыз, аттарынан алаяқтар іс-қимыл жасаған ұйымға олар туралы хабарлаңыз, әлеуметтік желілерге посттар жариялаңыз, ол ақпаратпен Қаржы нарығын реттеу және дамыту агенттігінің «Fingramota Online» мобильді қосымшасы арқылы бөлісіңіз.Егер өзіңіз немесе жақындарыңыз алаяқтардың әрекеттерінен зардап шеккен болса, оларға дербес деректеріңізді, төлем карталарыңыздың толық деректерді, ақша берген болсаңыз, онда дереу құқық қорғау органдарына, сондай-ақ карта мен шоттарыңызды бұғаттау үшін банкке тиісті өтінішпен жүгініңіз.Сақ болыңыз және Fingramota.kz-пен бірге қаржылық сауаттылықтарыңызды арттырыңыздар!Фото: Fingramota.kz

Қаржылық алаяқтығы – «арнайы операция» және қорқыту

<a href="https://kyzylorda-news.kz/">Kyzylorda-news.kz</a> &nbsp;Мектеп – кеме, білім – теңіз. Биылғы жылы мерейлі 90 жылдығын атап өтетін Сырдария ауданына қарасты Айдарлы ауылындағы №139 орта мектептің тарихы тереңде жатыр. Мектеп тарихы, тыныс-тіршілігі, жеткен жетістіктері жөнінде мектеп директоры Гүлбану Смайловамен сұхбаттасқан болатынбыз.&nbsp; &nbsp; &nbsp; – Гүлбану Жақсылыққызы, тарих – біздің істеріміздің өткенінің куәсі, қазіргіміздің үлгісі мен өнегесі, ал болашағымыздың асыл қазынасы демекші, алғашқы сұрағымызды білім ордасының 90 жылдық тарихына арнасақ?– Бастапқыда «Құмшығанақ» колхозындағы Әбу молданың үйінде 4 жылдық алғашқы мектеп болып ашылған мектептің тарихы сонау 1934 жылдан бастау алады. Мектептің алғашқы ұстаздары Әлбатыр Бижанов, Әбсадық Тәжекеев, Бекназар Тоқымов болса, ал алғашқы түлектері Ыдырыс Бекенов, Қалдыбай Колхозов, Әлібек Асылов, Шопанбай Рахменшеев, Төлеген Дүйсебеков болған. Алғашқыда 4 жылдық болып құрылған мектеп, 1938 жылы 7 жылдық орталау мектебі болып ауыстырылды. Мектептің ең бірінші директоры – Қалмақ Сексенбаев болған. 1950 жылы мектепке қазақтың батыры, Ұлт-азаттық көтерілістің басшысы Аманкелді Имановтың есімі берілді. 1960-1961 жылдары мектепте шағын құс фермасы ұйымдастырылып, 250-ден аса тауық өсірілді. Мектеп мұғалімдері күшімен кіші колхоз ұйымдастыра отыра 10 гектар жүгері егілген. 1968 жылы 10 жылдық жаңа орта мектеп салынып, сол жылы қазан айында пайдалануға берілді. 1969-1970 оқу жылынан бастап «№139 Аманкелді Иманов атындағы орта мектеп» болып аталынды. 1971 жылғы орта мектептің алғашқы түлектері 1954 жылғылар 20 оқушы (10 ұл, 10 қыз) болып бітірді. Шалғайдағы малшы отбасы балалары үшін 1966-1990 жылдары мектеп жанынан ашылған 30 орындық интернат жұмыс істеді. 1984 жылы 624 орындық типтік мектеп салынып, 1985 жылы 1 қыркүйекте жаңа мектеп пайдалануға берілді. 2011 жылдың 5 желтоқсанынан бастап мектепке дейінгі балалар үшін мектеп жанынан 2 топпен 40 орындық шағын орталық ашылды. 2012 жылы мектепке меценат Нәлібаев Махмуттың демеушілігімен мектеп игілігі үшін газель автокөлігі сыйға берілді.Алтын ұя мектептің 90 жылдық тарихында түлектердің, ұстаздардың жеткен жетістіктері мен марапаттары жетерлік. Әркез үздіктер қатарынан табылады. 2019 жылдан бері мектеп ҰБТ қорытындысы бойынша аудан мектептері арасында «Үздік үштік» қатарында. Мектеп тарихында 4 «Алтын» медаль, 7 «Күміс» медаль, 9 «Алтын белгі», 5 «Үздік» аттестат иегерлері бар. 2021-2022 оқу жылының қорытындысы бойынша №139 орта мектеп ұжымы «Үздік жаңашыл мектеп» номинациясын иеленді.Тарихы тереңнен тамыр жайған мектебіміздің шәкірттері бүгінде Қазақстанның түкпір-түкпірінде еліміздің түрлі салада дамуы мен өсіп-өркендеуіне өзіндік үлес қосып жүрген азаматтар. Білім ордасының бүгінгі деңгейге жетуіне үлес қосқан аяулы ұстаздарымыз бен білікті басшыларымыздың есімі мектеп тарихында мәңгі алтын әріппен жазылып қалары анық.– Мұғалім ісі сырттай қарапайым болғанымен тарихтағы ең ұлы істің бірі екені белгілі. Осы ретте мектеп мұғалімдерінің құрамы және жетістіктері туралы айтып берсеңіз?– Иә, ұстаз – ұлағатты есім. «Мектептің жаны мұғалім, мектеп қандай болса мұғалімдері де сондай. Яғни мұғалім білімді болса, балалар да көп білім алады» демекші, мектебіміздің мұғалімдерінің барлығы да өз ісінің білікті маманы деп ауыз толтырып айта аламын. Олай деуіме де толық негіз бар. Алтын ұямыздың құрамында тәжірибелі ұстаздармен қатар жас та болса білікті әрі білімді жас мамандарымызбен толығып, бүгінде жақсы көрсеткіштер көрсетуде. Кемел келешек кілті осы жастарымыздың қолында деп білеміз. Тәжірибесі мол ұстаздарымыз кейінгі буынға әркез үлгі-өнегесін көрсетіп, бар білген-түйгендерін үйретіп келеді. Осы тұста осындай үлгі-өнеге көрсетіп жүрген мектебіміздің ұстаздарымен мақтана аламын. 2023-2024 оқу жылы бойынша мектеп құрамында жалпы мұғалімдер саны – 57. Оның ішінде жоғары білімді – 53, арнаулы орта – 3, педагог зерттеуші – 8, педагог сарапшы – 20, педагог модератор – 14. Мектепалды даярлық сыныптың тәрбиешісі Шаттық Паттеева қайта даярлау курсынан өтіп, сертификатталған. Бүгінде мұғалімдеріміз түрлі кәсіби байқауларда бақ сынап, жоғары нәтиже көрсетіп, біршама жетістіктерге жетіп жүр. Солардың бірі математика пәнінің мұғалімі – Ерсұлтан Шайхысламовты ерекше атап өтуге болады. Жас та болса біліктілігі мен білімінің, сонымен қоса жан-жақтылық ізденімпаз қасиетінің арқасында біраз жетістікке жетіп, бүгінде мектебіміздің бетке ұстар ұстаздарының бірі. Математикалық рагета олимпиадасынан 1 орын, үздік математика пәні мұғалімі – 2023, «Оқуға құштар мектеп» жобасы аясында жас педагогтар арасында ұйымдастырылған сайыста 1 орын, жас мұғалімдер арасында өткізілген «IQ BAIGE» интеллектуалдық сайыста 1 орын алған. Бастауыш сыныптарда сабақ өткізу әдістемесін жақсы меңгерген, ерінбей ізденетін тәжірибелі ұстаздарымыз жетерлік. Ұстаздарымыз өз ісіне тиянақты, әрбір сабағын даярлықпен тиімді әдіс-тәсілдерді қолданып мазмұнды да қызықты етіп өткізеді. Одан бөлек аудандық, қалалық, республикалық байқауларда топ жарып мектебіміздің атын шығарып, мәртебесін көтеріп жүрген Г.Смайлова, Ғ.Айтбаева, М.Тәжекеев, А.Ибраев, Б.Бахыт, Б.Кенжеғараева, Н.Аханова, А.Әбілдаева, А.Базаров, Б.Раушанбек, С.Маханбетов, С.Торғаева, Б.Құнанбаева, Т.Сүлейменова, Ф.Сер­жанова, А.Дүйсенбаева,Ш.Абдрасилова, Ә.Рахменкулова секілді білікті ұстаздарымыздың есімдерін ерекше атап өтуге болады. Білім мен тәрбие егіз ұғымын бір арнаға ұштастырып, шәкірттеріне сапалы білім беруде аянбай тер төгіп жүрген ұлағатты ұстаздарымыздың еңбегі өлшеусіз. Бар мадақ пен құрметке әбден лайық жандар.– Оқушылардың жеткен жетістігі және пәндік олимпиадаларға қатысу деңгейі қандай?– Бүгінгі таңда мектепте жалпы 340 оқушы білім алуда. Мектепалды даярлықта 33 оқушы болса, ал мектеп жанынан ашылған «Толағай» шағын орталығында 20 бала бар. Биылғы жылы 11 сыныпты 15 оқушы тәмамдайды. 15 оқушының барлығы ҰБТ-ға қатысады. 1 «Алтын белгі» және 2 үздік аттестат үміткері бар. Шәкірт жетістігі – мектеп мерейі демекші, оқушыларымыз түрлі білім, спорттық, ғылыми байқауларда, сонымен қоса пәндік олимпиадаларда бой көрсетіп, жақсы жетістіктерге жетіп, мектебіміздің мерейін үстем етіп жүр. Шәкірттері биік шыңнан көрініп, мектеп абыройын арттырса, бұл кез келген ұстаз үшін зор мәртебе, үлкен қуаныш.&nbsp; &nbsp; – Мектеп басшысы ретінде өзіңіз туралы және қандай басшы екеніңізді айтып берсеңіз.–1991 жылы Қызылорда қаласындағы М.Мәметова атындағы педагогикалық училищесін үздік дипломмен аяқтап, алғашқы еңбек жолымды Сырдария ауданы, Айдарлы ауылындағы №139 орта мектебінің бастауыш сынып мұғалімі болып бастадым. Ұстаз – адалдықты, ізденімпаздықты, еңбекқорлықты басты мұрат тұтқан мамандық. Осы тұста басшы әрі ұстаз ретінде өзімнің бойымда осы қасиеттердің болуы міндетті деп санаймын. Мен үшін жауапкершілік пен ұқыптылық әрдайым бірінші орында. Осы қасиеттердің арқасында біршама жетістікке де жеттім. Мектепті басқару қызметінде өзіме де, өзгеге де талап қойып, тәртіпті бірінші орынға қоямын. Біліктілігім мен білімімді жетілдіру мақсатында түрлі курстар мен семинарларда жиі бой көрсетемін. Педагогикалық технологияны жүйелі пайдалану нәтижесінде 2012 жылы 4-сыныптың қазақ тілі пәніне арналған «Жаңа технологияның тиімді қолданысы» атты әдістемелік құралым жарық көрді. Сонымен қоса ғылым мен білім саласының дамуына елеулі үлес қосқаным үшін Әл-Фараби атындағы Қазақ ұлттық университетінің ғылыми кеңес мақұлдаған республикалық «Мәртебелі маман» медалінің иегері атандым. Бұл жылдар бойғы қажымас қайрат пен тынымсыз еңбегімнің бағаланғаны деп білемін. «Ұстаз – шәкіртімен ғана ұстаз» демекші, өзімнен бөлек шәкірттерімнің жетістіктері де жетерлік және олардың жетістіктерімен мақтанамын. 2013 жылдан бері қарай осы басшылық қызметтемін. Қазіргі таңда басшы-ұйымдастырушы санаты бар зерттеуші-педагог әрі мектеп директоры қызметіндемін. Жолдасым – жеке кәсіпкер. Екеуіміз 4 ұл тәрбиелеп, бүгінгі күні 2 немеренің ата-әжесіміз. «Алма ағашынан алысқа түспейді» деп бекер айтылмаса керек, ұлдарым мен келінім де менің ізімді жалғап осы ұстаздық жолында.&nbsp; &nbsp; &nbsp; – Алдағы уақытта оқушылармен қандай жұмыстар атқару жоспарда бар?– Алдағы уақытта жоспарда атқарылатын біраз жұмыс бар. Биыл мектебіміздің құрылғанына 90 жыл толуына орай аудан көлемінде атап өтіп, түрлі іс-шаралар ұйымдастыруды жоспарлап отырмыз. Осыған байланысты мектепте мектеп тарихы жайында музей жасақтаған болатынбыз. Одан бөлек мектеп алаңын абаттандыру бойынша құны 25 миллион теңгелік жобаның сметасы дайын тұр және осы жоба іске асса деген үлкен үмітіміз бар.Өз кезегінде мұғалімдердің шеберлігін арттыру мақсатында алдағы уақытта «Үздік педагог», «Үздік авторлық бағдарлама», «Үздік сынып сағаты» және «Үздік педагогикалық-инновациялар» байқаулары өткізілетін болады. Сонымен қатар 2024-2029 жылдарға арналған мектептің даму бағдарламасын дайындаған болатынбыз. Бұл бағдарлама педагогтардың біліктілік санаттарын көтеру мақсатында ұйымдастырылды. Яғни осы бағдарлама аясында 2 педагог-шебер шығарып, зерттеуші-педагогтардың үлесін арттыруды жоспарлап отырмыз. Одан бөлек күні кеше «бір мектеп, бір жоба» байқауына қатысып, ауданнан үздік деп танылып жолдама ұтып алдым. Осы жоба аясында оқушылардың білім сапасын арттыруға білікті кадр, білікті маман қажет. Сондықтан мұғалімдердің теориялық білімін арттыруға байланысты жобалар жасалды. Ендігі басты мақсат – осы жобадағы іс-шараларды іске асырып, оң нәтиже көрсету болып табылады. Алдағы уақытта оқушыларды шыңдау мақсатында халықаралық, республикалық деңгейдегі байқауларға дайындап, жақсы нәтиже көрсетуді жоспарлап, іске асыруды көздеп отырмыз.– Сұхбатыңызға рақмет.&nbsp;Алтынай Қайратқызы

Қазақстан және Қызылорда облысының жаңалықтары